<a href="https://kyzylorda-news.kz/">Kyzylorda-news.kz.</a> ҚР-ның барлық аумағы атмосфералық фронталды бөліктердің ықпалында болғандықтан, жаңбыр жаууы мүмкін. Еліміздің солтүстігінде, түнде және таңертең солтүстік-батысында найзағай ойнап, қатты жаңбыр жауады, деп хабарлайды Қазгидромет.Тек республикамыздың батысында, оңтүстігінде күн жауын-шашынсыз болады. Республикамыздың басым бөлігінде жел күшейәп, солтүстікте, солтүстік-батыста, орталықта бұршақ жауады, дауыл тұрады.Түркістан, Маңғыстау, Жамбыл облыстарының басым бөлігінде, Қызылорда облысының батысы мен шығысында, Ақтөбе, Қарағанды, Ұлытау облыстарының оңтүстігінде, Атырау облысының оңтүстігінде, шығысында төтенше өрт қауіпі сақталады, Қостанай облысының оңтүстігінде төтенше өрт қауіпі күтіледі.Жетісу облысының басым бөлігінде, Батыс Қазақстан облысының оңтүстік-шығысында, Қызылорда облысының орталығында жоғары өрт қауіпі сақталады.

27 маусымға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Қызылорда қаласы әкімінің жүлдесі үшін журналистер арасында шағын футболдан республикалық турнирі өтті. Додаға Астана, Атырау, Түркістан, Шымкент, Қызылорда қаласынан 8 команда қатысып, қаламгерлер өзара мықтыны анықтады.Турнирдің ашылу салтанатында Қызылорда қаласының әкімі Асылбек Шәменов сөз сөйлеп, ойыншыларға сәттілік тіледі. Сонымен қатар «Қазақпарат» халықаралық ақпарат агенттігінің Қызылорда облысындағы меншікті тілшісі, спорт журналисі Әділжан Үмбет жылы лебіз білдірді.&nbsp;Қызылорда қаласы әкімдігінің ұйымдастыруымен биыл екінші мәрте байрағын көтерген бұл турнирдің мақсаты – салауатты өмір салтын насихаттау, әріптестік және достық қарым-қатынасты нығайту. Өткен жылы бастау алған журналистердің алаңдағы сайысы биыл да тартысты өтті.12 сағатқа созылған дода әлеуметтік желілер арқылы тікелей эфирден де көрсетіліп, арнайы фоторепортаждар қала әкімдігінің әлеуметтік желідегі парақшаларына жүктелді.Топтық кезеңнен сүрінбей өткен «Қазмедиа», «Qaz365.kz» және «Атырау», «Шымкент» командалары жартылай финалға шықты. Олардың арасынан бас жүлдені сарапқа салған «Қазмедиа» «Qaz365.kz» командасын жеңіп, республикалық турнирдің чемпионы атанып, 1 000 000 теңге қаржылай сыйлыққа ие болды. Екінші орын алған «Qaz365.kz» 700 мың, қола жүлдегер атанған «Атырау» 350 мың теңгеге қол жеткізді.Турнирдің «Үздік ойыншысы» номинациясымен 6 гол салған атыраулық Қайсар Жетпісбай марапатталса, «Қоғам ТВ» командасының ойыншысы Ержан Батыршаев «Үздік шабуылшы» деп танылды.Атыраудан келген Қайсар Жетпісбай турнирдің «Үздік ойыншысы» аталымы бойынша &nbsp;марапатталды. Ол 6 гол салып, сұрмергендігімен дараланды. «Қоғам ТВ» командасының ойыншысы Ержан Батыршаев «Үздік шабуылшы» деп танылды. Сонымен қатар «Шымкент» командасының ойыншысы Айбек Қабылша «Үздік қақпашы» атанса, турнирдің «Үздік қорғаушы» аталымымен Түркістан облысынан &nbsp;келген Самат Сүлей марапатталып, қаржылай жүлделер тапсырылды.Еліміздің түкпір-түкпірінен келген жүзге жуық БАҚ өкілінің басын қосқан турнирге қатысушылар қонақжай Сыр жұртшылығына ризашылықтарын білдірді. Осылайша, Жаңалықтың жаршысы, жақсылықтың хабаршысы болып қоғамдық ахуалдың алғы шебінде жүретін айрықша кәсіп иелерінің спорттан да құр алақан емес екенін білдірді.

Тілшілер доп тепкен күн

<a href="https://kyzylorda-news.kz/">Kyzylorda-news.kz.</a> Аудандық басылымның бас редакторларының ішінде Сәуле Ерімбеттің есімі зор құрметпен аталатыны сөзсіз. Саналы ғұмырын журналистика саласына арнап, оның ішінде он сегіз жыл аудандық газеттің бас редакторы болған ардақты жан өнегелі өмір иесі ретінде аудан халқына сыйлы, қадірлі, құрметті.Кәсіби мереке қарсаңында біздің ортақ ұстазымыз, қарымды қаламгер, «Алтын алқалы» ана, ардақты ардагер Сәуле Сұлтанқызы ҚР Ақпарат және қоғамдық даму министрлігінің «Еңбек ардагері» медалімен марапатталды. Марапатты облыс әкімі Нұрлыбек Нәлібаев табыстап, еңбек ардагерінің журналистика саласына сіңірген еңбегі өлшеусіз екенін атап өтті.Сәуле Ерімбетті өзгелерден ерекшелейтін қасиеті – көңілінің кеңдігі, пейілінің тазалығы, жүрегінің мейірім мен адалдық деп соғатыны болса керек. Ол кісінің алдына мұңайып кірген адам, күліп шығады, ешқашан ешкімнің меселін қайтарып, ауыр сөз айтқан емес. Қай кезде де, тазалықтың шырағданы болып, жанашырлық туын өзгелерден биік ұстауы тектілігіне тікелей байланысты болар. Бір сөзбен айтқанда, ол біз үшін қарапайымдылықтың, кішіпейілділіктің үлгісі.Отбасы мен қызметті қатар алып жүру және екі ортада да құрметті болу әйел азаматы үшін оңай емес. Сәуле Сұлтанқызы қызметте басшы ғана емес, қамқоршы болды, әріптестерінің қуанышы мен қайғысын бірге сезінді, сынақты сәттерде ұжымдастарының жанынан табылды. Ұжымдастары да басшының айналасына топтасып, ортақ абырой жолында еңбек ете білді, бас редактордың бастамаларын қолдады, қуаттады, сөзбен де, іспен де өз міндеттеріне жауапкершілікпен қарады. Жақсы істердің жаршысы болған жайсаң жан отбасында сүйікті жар, аяулы ана, кемеңгер әже ретінде отбасының берекесін бекітіп, ырысы мен ынтымағын арттырды. Сірә, әйел-ана үшін бұдан асқан бақыт жоқ шығар...Біз әркез Сәуле Сұлтанқызының қарамағында жұмыс істегенімізді мақтан етеміз, өзімізге ұстаз санап, үлгілі істерін дәріптеуді парызымыз деп санаймыз. Жеке өзім ол кісіден кейін аудандық газетті басқарудың жауапкершілігін терең сезінемін және биік үдеден шығу жолында барынша еңбек етіп келемін. Бізге бағыт-бағдар беріп, өмірлік мол тәжірибесімен бөлісіп келе жатқан ардақты жанға шынайы алғысым мен ризашылығымды білдіремін.Мереке қарсаңындағы тағы бір сүйінші жаңалық, ол – аудандық газет бас редакторының орынбасары Ердос Беркінбаевтың облыс әкімінің Алғыс хатымен марапатталуы. Бұл марапатты да өңір басшысы Н.Бекежанов атындағы облыстық қазақ академиялық музыкалық драма театрында өткен салтанатты жиында табыстады. Бұл – ұжым үшін ортақ қуаныш болды.Ердос – қарапайым отбасынан шыққан азамат. Аудан орталығындағы №131 Т.Қозыбаев атындағы орта мектептің түлегі. Қарағанды қаласында жоғары білім алған ол 2014 жылдан бастап аудандық газет редакциясында жемісті еңбек етіп келеді. Алғашында тілші болды, кейін сатылап өсіп, қазір жауапты жұмысты абыроймен атқаруда. Екі жыл бұрын еңбегі еленіп, Қазақстан Журналистер одағының мүшесі атанған еді. Биыл облыс әкімінің алғысын арқалауда. Біз Ердос Сәрсенбекұлының алдағы уақытта да абырой биігінен көрініп, ақпараттық-насихаттық жұмыстардың көш басында жүреді деп сенеміз.Кәсіби мерекеде «Еңбек ардагері» медалімен және облыс әкімінің Алғыс хатымен марапатталып, абыройы артып жатқан сала үздіктерін шын жүректен құттықтап, зор денсаулық, мол бақыт, шығармашылық сәттілік тілейміз! Лайым, тек қуаныш, той және жақсы жаңалықтар көп болсын!&nbsp;

Сырдариялық ардагер-журналист «Еңбек ардагері» медалімен марапатталды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Сырдария ауданында қандай іс-шара, қандай жиын болса да, сырттан сыйлы қонақ келсе де ең алдымен аудандық газеттің мамандары әкімдік қызметкерлерімен қатар жүріп, кез келген жаңалықты халыққа уақытылы жеткізуге барын салады. Журналистерді «төртінші билік иелері» деп атау да тегіннен тегін емес. Күннің ыстығы мен суығына, уақыттың ерте мен кешіне қарамай, әркез халықтың игілігі үшін жұмыс жасайтын кәсіп иелерінің бірі – журналистер.<blockquote>– Менің алғашқы еңбек жолым «Тіршілік тынысы» газетінен басталды. Сондықтан саланың қиындығы мен қыруар шаруасынан да хабардармын. Іргелі ұжымда тәжірибе жинақтап, білікті мамандармен қызметтес болдым. Кейін аудан әкімдігіне қызмет ауыстырдым. Жұмыс бабымен бағыт өзгергенімен, редакциямен байланыс еш уақытта үзілген жоқ, үзілмейді де. Себебі, аудан айнасына айналған басылым аудан әкімдігінің әрбір атқарған жұмысын уақытылы халыққа жеткізіп халық пен басшылық арасындағы «алтын көпірге» айналып отыр. Жаңа Қазақстанға жол бастауда, «халық үніне құлақ асатын үкімет» құруда да тұрғындарға ақпаратты уақытылы жеткізу маңызды. Осы жолда аянбай еңбек етіп, газетті заман талабына сай ұйымдастырып жүрген әріптестердің еңбегі зор. Өзім де әр жұмыс күнімді жергілікті газетті оқудан, жаңалықтармен танысудан бастаймын. Аудандық газет ақпарат тез тарайтын қазіргі кезеңге сай жұмыс жүргізіп отыр деуге негіз бар. Себебі, ресми сайты мен әлеуметтік желідегі парақшалар да жүйелі жұмыс жүргізіп тұр. Тіпті, өзге қаладағы жерлестер газеттің пдф нұсқасын уақытылы, еш кедергісіз оқи алатындықтарын жиі айтып жатады. Журналистердің ауданның әлеуметтік-экономикалық дамуын жария етуде, оны тұрғындарға жеткізуде еңбегі айрықша. Өзімнің де бұл күнде жеткен жетістіктерімде аудандық газеттің қосқан үлесі зор деп білемін. Осы орайда, халық пен билікті біріктіріп, игі мақсат жолында жан аямай еңбек етіп келе жатқан басылым ұжымын кәсіби мерекелерімен құттықтаймын, – дейді аудан әкімі аппаратының құжаттамалық қамтамасыз етужәне бақылау бөлімінің басшысы Гауһар Қонақбай.</blockquote>&nbsp;

Гауһар Қонақбай: Журналистерді «төртінші билік иелері» деп атауы да тегін емес

<a href="https://kyzylorda-news.kz/ru">Kyzylorda-news.kz.</a> Мектеп түлектері мамандық таңдап, жаңа өмірге аяқ басар сәт туды. Бірі ЖОО-ға барса, енді бірі кәсіптік білім беру ұйымдарына шәкірт болады. Әсіресе, аймақта дәрігер болуды армандаған талапкерлердің табан тірейтін нысаны – медициналық білім беру ұйымдарының саны артқаны саланың өркендеуінің жемісі іспетті. &nbsp;Осы орайда Сыр жастарын сапалы біліммен қамту бағытында Қызылорда қаласындағы «Өркениет» медицина колледжінің маңызы зор.&nbsp;«Өркениет» медицина колледжінің негізі 2000 жылы қаланған. Мекеме аймақтағы алғашқы жеке медициналық колледждің қатарында болғанымен құнды. Бүгінге дейін 3000-ға жуық түлек оқу бітіріп, денсаулық сақтау ұйымдарында жемісті еңбек етіп келеді. Жалпы, колледж екі мамандық бойынша орта буын медицина қызметкерлерін дайындайды. Олар: «Фельдшер» және «Жалпы практикадағы мейіргер» мамандығы.&nbsp;<blockquote>– Бүгінде шәкірттер мен ұстаздар құрамы республикалық, халықаралық конференция, олимпиадаларға қатысып, абырой биігінен көрінуде. Мысалы, «Медициналық оңалту: диагностикадағы, терапиядағы және превенциядағы басым бағыттар» тақырыбында өткен халықаралық ғылыми-практикалық конференцияда студентіміз Б.Байырқасым (оқытушысы У.С.Жабасахованың жетекшілігімен) жүлделі 3 орын иеленді. Ғылыми-зерттеу жұмысының тақырыбы – «Инкурабельді пациенттерге паллиативтік және хоспистік көмекті ұйымдастыру». Ал, «Гепатиттен циррозға дейін» тақырыбында өткен халықаралық байқауда студентіміз Э. Шамшатова (пән оқытушысы Ұ.Абиеваның жетекшілігімен) 3 дәрежелі дипломмен марапатталды.Сондай ақ, «Емдеу ісі» мамандығы бойынша өткен «Жас Анатом» республикалық олимпиадасында А.Сардар (пән оқытушылары &nbsp;А.Ж.Жайпанова, Ә.С Сүлейменова жетекшілігімен) 1-дәрежелі, Т.Есенбекова 2-дәрежелі дипломмен марапатталды, – дейді колледж директоры Анар Жайпанова.</blockquote>Бұл үлгілі оқу орнының жалғыз жетістігі емес. Бұған дейін республикамыздың медициналық колледждердің арнайы пән оқытушыларының арасында өткен «Үздік оқу әдістемелік кешен» байқауында хирургия пәні оқытушысы Р.Есболғанова 2-орын иеленсе, «Үздік оқулық» республикалық сайысында колледждің авторлық ұжымы(А.Жайпанова, Г.Абдреймова, Р.Есболғанова, Ү.Жабасахова, Н.Қайназаров) дайындаған «Паллиативтік көмек және онкология» пәнінен оқу құралы жүлделі 2-ші орын иеленді.&nbsp;Негізі әрбір оқу орны өзіндік әдістеме, ұстаздар құрамымен ерекше екені сөзсіз. «Өркениет» колледжі де дамуыдың сара жолын қалыптастырып үлгерген. Колледж ұжымы мемлекеттік тілде білім беруге басымдық беру, теориялық оқу-құрал дайындауға қосумен дараланары анық. Олай дейтініміз, мұнда оқу процесі тек мемлекеттік тілде жүргізіледі. Студенттерге барынша түсінікті, ұғынықты тілде білім беруге жағдай жасалған. Ол үшін ұстаздар құрамы жүйелі жұмыс істеуде. Мысалы, бүгінге дейін колледж ұстаздары 15 оқу құралын шығарды. Биылғы оқужылында колледж оқытушылары А. Жайпанова, А.Сүлейменова дайындаған «Жалпы патология» оқу құралы, &nbsp;Альбина Жұмабайқызының «Терапия мен неврологиядағы мейіргер ісі» оқулығы жарыққа шықты.&nbsp;<blockquote>– Сала салғырттықты көтермейді. Саналы тәрбие, сапалы білім беру басты мақсатымыз дегенмен, негізгі басымдық практикаға шоғырланған. Бүгінде оқу процесінің 65 пайызы практика жүзінде өтеді. Яғни, білім берудің басым дені емдеу мекемелерінде жүреді. Ол үшін 19 денсаулық сақтау мекемесімен келісімшарт жасалған. Себебі, болашақ сала маманы теориялық ғана &nbsp;емес, шынайы жағдайда кәдеге асатын практикалық дағдыларға да қол жеткізуі шарт. Сондықтан, өндірістік, клиникалық іс-тәжірибелер қатаң бақылауда. Негізі, жеке оқу орнын тек табыс көзі деп қарастыруға болмайды. Мұндағы жүйе, жұмыс райы күрделі. Мемлекеттен көмек алмай-ақ 83 адамды жұмыспен қамту, 678 балаға білім беру оңай емес, – дейді мекеме басшысы АнарЖүндібайқызы.</blockquote>Расында, Әрбір шәкірттің алаңсыз білім алуы маңызды. Соның ішінде баспана ахуалы ең өзекті екені түсінікті. Бұл мәселені колледж оңтайлы шешкен. Оқу орны қаладағы «Өркениет» жатақханасымен келісімшарт жасап, ынталы студенттерді жатақханамен толық қамтамасыз етті. Айта кетерлігі, студенттердің басым бөлігі туыстарының үйінде қоныстанған. Сондықтан пайыздық үлеске шаққанда жатақханаға жататын студенттің қатары аз.Түлектердің жұмыспен қамтылу деңгей де тұрақты саралануда. Мониторинг көрсеткіші жаман емес. Бүгінде бітірген түлектердің 70-80 пайызы тұрақты жұмысқа орналасқан. Қалғаны оқуын жалғастырудык өздейді. Сондықтан, «Өркениет» медицина колледжі Сыр жастарын сапалы біліммен қамтуда жүйелі жұмыс істеуде деп айтуға толық негіз бар.

Өркениет: Сыр медицинасының ұстаханасы

<a href="https://kyzylorda-news.kz/ru">Kyzylorda-news.kz.</a> Өткен ғасырдың тоқсаныншы жылдарында біздің аймақта ауыр атлетика өркен жая бастады. Бүгінде талай таланттың танылуына жол ашқан Вилорий Пак сол кезде ел ішінен зілтемір көтеруге бейім жас өрендерді тауып, оларды қиын да қызықты спорт түріне баулыды. Осы бір уақытта Қызылорда жұртшылығы Асқар Меңдияров есімді бозбаланың болашағынан үлкен үміт күтті.Қарапайым қазақ баласы үшін ауыр атлетика таңсық спорт түрі еді. Бірде Асқар білім алатын мектепке аймаққа белгілі бапкер Вилорий келді. Оң-солын енді танып келе жатқан өрендерге өзі жетекшілік ететін үйірменің қыр-сырын айтып берді. Бұл кезде Асқар небәрі он жаста екен. Ата-анасымен ақылдаса келе ауыр атлетика үйірмесінің есігін ашты. Қасында Ғалым, Ғани, Талант, Талғат, Ардақ есімді достары бар. Талантты тани білетін бапкер Вилорий оларды құшақ жая қарсы алды. Ұғымтал ұландарға асықпай ауыр атлетиканың қызығы мен қиындығы жайлы айтып берді.<blockquote>– Біздің балалық шағымызда қазіргідей қарыштап дамыған техника жоқ. Бар көретініміз – теледидар. Көгілдір экраннан көптеген спорт түрлерінен жарыстар жайлы көрсетеді. Сол сәтте біз Анатолий Храпатый есімді қазақстандық ауыр атлетті жанымызға жақын тартамыз. Сан алуан сайыста сыр бермеген саңлақ талай жүлдеге қол жеткізді. Олимпиаданың алтыны мен күміс медалін мойынға тақты. Әлем чемпионатында бес мәрте алтын, екі мәрте қола алды. Өзге де жарыстарда жетістікке жетті. Храпатый біз секілді өрендерге өнеге болды. Одан бұрынғы жылдарда да Олимпиада чемпионы атанған теміртаулық Юрий Зайцев (1976, Монреаль), шахтинскілік Виктор Мазин (1980, Мәскеу) сынды саңлақтар болды. Біз солар секілді болуға ұмтылдық, – дейді Асқар.</blockquote>Алғаш рет чемпион атанғанда небәрі 12 жаста болатын. 1987 жылы Арқалық қаласында өткен ел біріншілігінде жеңімпаз тұғырынан көрінді. Бұл толағай табыстарға қол созған өренге қанат бітіріп, алдағы күндерге үлкен үмітпен қарауына жол ашты. Одан кейінгі кезеңде жасөспірімдер мен жастар арасында тоғыз мәрте ел чемпионы атанды. Ал 1994 жылы Қырғызстан астанасы Бішкек қаласында өткен Орта Азия елдері жарысында өзінің мықтылығын танытты. Арада бір жыл өткенде Ресейдің Санкт-Петербург қаласында жалауын желбіреткен Тәуелсіз мемлекеттер достас¬тығы елдері спартакиадасында күміс жүлдегер атанды. Бұл жылдарда біздің елімізде ауыр атлетика спорты енді-енді өркенін жайып келе жатқан кезі еді. Бапкерлер Асқарды ересектер арасындағы ұлттық құрамаға қабылдауға ниет білдірген. Десе де, жарақатына байланысты жарыс жолын жалғастыра алған жоқ. 1996 жылы бапкерлік қызметке бет бұрды.Бапкерлік те оңай емес. Жауапкершілігі үлкен. Вилорий ұстазымен кеңесіп, талай таланттың жұлдызы жануына күш салды. Бұрынғыдай емес, бұл салаға да қамқорлық көрсетіле бастады. Қажетті құрал-жабдық қатары толықты.Жергілікті халық көп жылдарға дейін ауыр атлетиканың қыр-сырын түсіне қойған жоқ. Ауыл баласы негізінен оң жамбасына келетін күрес түрлерін таңдайтын. Олардың көбісі облыс орталығында орналасқан Жалаңтөс баһадүр атындағы спорттағы дарынды балалар мектеп-интернатына түсуге келетін. Бұл жерде кез келген өренді бірден қабылдай қоймайды. Түрлі сынақтар болады. Содан сүрінбей өткен баланың аталған білім ордасында тәлім алуына мүмкіндік туады.<blockquote>– Қашанда талантты жастарға кенде емеспіз ғой. Әрине, әркімнің қабілет-қарымын бағалауың тиіс. Біз дарынды ұландарды кейде кездейсоқ кездестіріп жатамыз. Спортшы тәрбиелеу оңайға соқпайды. Шәкіртің толайым табысқа кенеліп жатса, қандай ғанибет?! Барлық бапкер сол жолда тынбай тер төгеді. Аталған спорт мектебіне келген өрендер арасынан ауыр атлетикаға бейім талай жанға жол сілтедік. Олардың арасынан үмітімізді ақтаған шәкірттеріміз де аз емес. Қазір Алмас Өтешовті жанкүйерлер жақсы біледі. Ол әуелгіде күреспен айналысқан болатын. Оның болмыс-бітіміне қарап ауыр атлетикаға ыңғайлы екенін байқаған едік. Біздің берген ақыл-кеңесімізден кейін зілтемір көтерудің қыр-сырын меңгерді. Алмас үмітімізді ақтады, Әлем және Азия чемпионаттарында қор¬жынға жүлде салды. Азия ойындарында да топтың алдынан көрінді, – деді Асқар.</blockquote>Осы ғасырдың алғашқы он-он бес жылдығында Сыр өңірінің ауыр атлетикасында талай талантты жастар бой көрсетті. Жергілікті бапкерлер Айбол және Жеңіс Алдабергеновтер, Роман Русяновский, Дәурен Шаутеев, Жомарт Жарасбаев сынды саңлақтар сан алуан сайыстарда жеңімпаздар қатарынан көрінді. Өмір сәттілік пен сәтсіздіктен тұрады емес пе?! Олардың кейбірінің бағы жанбаған шығар. Ендігі бірінің бабы келіспеді ме екен? Десе де, олардың жолын жалғаған өрендер қатары бүгінде де аз емес. Кейінгі жылдарда Әділбек Балқаев, Есенгелді Сәпи, Рахат Бекболат сынды үздіктер шықты.<blockquote>– &nbsp;Соңғы уақытта әлемдік жарыстарда Рахаттың есімі жиі аталады. Солай болатын да жөні бар. Ауылдың қара топырағын кешіп өскен ол өзі қатысқан жарыстарда үнемі алдыңғы лектен көрініп жүр. Тіпті, әлемдік рекордты жаңартып, тәмам елді таңырқатып қойды. Ендігі кезекте Рахат секілді дарынды ұландарға барынша қамқорлық көрсетілуі тиіс. Спортшының бабында болуы – басты талап. Қажетті тағамдар және витаминмен қамтамасыз еткеніміз дұрыс. Осындай қолдаудың нәтижесінде еліміздің спорт көгінде талай таланттар жарқырай түседі, – деді Асқар әңгімесін одан әрі өрбітіп.</blockquote>Оның айтуынша, әлемде спорт саласына да саясаттың салқыны тиіп жатқан жайы бар. Жер-жаһандағы іргелі елдердің арасындағы қырғи-қабақ көзқарас кейбір белгілі спортшылардың жолын байлайды. Қазір бірқатар ауыр атлеттер қан құрамынан допинг табылды деген желеумен үлкен спорттан шеттетілді. Мұндай келеңсіз жағдай қазақстандық жастарға да кедергісін келтірді. Асқар спортшы әр жарысқа қатысар алдында бірнеше мәрте тексеруден өтетінін тілге тиек етті.<blockquote>– Солардың барлығында таза шыққан таланттарға қалайша бірнеше жылдан кейін допинг пайдаланды деген байлам жасалады? Бұл – ешбір логикаға сыймайтын түсініксіз жағдай. «Осындай қисынсыз жағдайға байланысты көптеген жастар үлкен спортпен қош айтысты. Әрине, алдағы уақытта әлемде бұған байланысты оң шешім қабылданады деген үміттенемін. Сонда ғана спортшылар әділетті жолмен жеңіске жетеді, – деді ол.</blockquote>Асқар шетелден легионерлер алдыртуға байланысты ұстанымға мүлдем қарсы екенін айтады. Бұл еліміздің спорт саласын дамытуға көп кедергісін келтіреді.<blockquote>– Мұндай жағдай ауыр атлетика саласында көп кездесті. Қазір де өзге елдерден шақыруға әуеспіз. Олар төменгі жалақыға келмейді. Бұл мақсатта қыруар қаржы жұмсалады. Сондықтан ойланғанымыз дұрыс. Ақшаны балалар мен жасөспірімдер спортын дамытуға жұмсағанымыз абзал. Ол өз жемісін береді. Оның орнына өзге елден білікті бапкер алып келген пайдалы. Қазақстандық жанкүйерлер түркиялық Энвер Туркелери деген маманды жақсы біледі. Талай талантқа ақжол сілтеген ол еліміздің ауыр атлетика құрамасына кеңесші ретінде ұзақ жылдар бойы еңбек етті. Білікті бапкер әрбір шәкіртінің мүмкіндігін толықтай біледі. Сол арқылы жүйелі жұмыс жүргізді. Кейінгі жылдарда қазақстандық ауыр атлеттердің Әлем және Олимпиада секілді додаларда топ жарғанын сол кісінің өлшеусіз еңбегінің жемісі деп санаймын, – деді Асқар сөзін одан әрі жалғап.</blockquote>Оның айтуынша, бұрынғы кезең мен қазіргі уақыттағы спорт саласының дамуын салыстыра алмайсың. Ертеректе жағдай оңай болмады. Жарысқа жол қаражат табудың өзі қиынға соғатын. Басқа да кедергісі аз болған жоқ. Бүгінде мұндай түйткілдің барлығы өзінің шешімін тапты. Әлемнің қай қиырындағы додаға бару үшін мемлекет тарапынан қамқорлық көрсетіледі. Сан алуан сайыстарда жеңіс тұғырынан көрінген саңлақтарға елге келгеннен кейін қомақты сыйақы беріледі. Бұрын спортшылар мұндай қолдаудан тыс қалып келді. Ал Олимпиада чемпионы мен жүлдегеріне мемлекет тағайындаған арнайы сыйлықтар тағы бар.<blockquote>– Қай кезде де әлемде Ресей, Қытай, Иран секілді елдердің ауыр атлеттері алдыңғы лектен көрінеді. Қазір олардың қатарына Қазақстанның қосылып келе жатқаны қуантады. Десе де, оған тоқмейілсуге болмайды. Әлі де жасалатын жұмыс көп. Өзіміздің таланттарға жол ашып, бұл мақсатта нақты жобаларды жалғастыра бергеніміз абзал, – деді Асқар әңгімесін түйіндеп.</blockquote>

Зілтемір: Сыр спортының саңлағы

<a href="https://kyzylorda-news.kz/ru">Kyzylorda-news.kz.</a> Адамның қолы жетпеген жерге ойы жетеді. Бұның дәлелі өнертапқыш Бексұлтан Әйтеннің жұмысы. Алматыда Suleyman Demirel атындағы университеттің ІV курс студентінің ойлап тапқан дүниесі бүгінде үлкен сұранысқа ие болуда. Робот құрастырушы Бексұлтанмен байланыс орнатып, өзі жайында және тың жобаларымен таныстық.Бала кезден инженерияға қызыққан Бексұлтанды мектептегі ұстаздары қабілетін байқап, жол көрсетіпті.<blockquote>– Қызылордада туып, 6 сыныпқа дейін сонда оқыдым. Одан кейін Алматыға көшіп келдік. Алматыда №33 мектепте білім алдым. Жалпы сабақ үлгерімім жақсы болды, олимпиада-жарыстарға өте көп қатыстым. 2019 жылы Қаскелең қаласындағы Сүлеймен Демирел атындағы университетке түстім. Ағылшын, түрік тілдерін үйреніп, білім сапасы жоғары деп таңдауым осы университетке түсті. Қазіргі таңда инженер және жаратылыстану ғылымдары факультетінде компьютерлік ғылымдар мамандығында 4 курста оқып жүрмін. Бала кезімнен инженерияға қызықтым. Осы салада жүргеніме 7 жылдай уақыт болды. Мектептегі мұғалімдер инженерияға жақын екенімді байқап, көмектесе бастады. Қосымша сабақтар өтіп, түрлі жарысқа жіберетін. 11 сынып оқитын кезімде «База 2.0» деген курсты оқыдым. Роботехникадан курста сабақ бердім. Студенттер, балалар, жұмысшылар оқыды. Балалар оқу бітірген соң табыс табуды да үйренсін деген мақсатта «Өте оңай» деген оқу орталығына курс жасадық.</blockquote>Бексұлтанды танымал қылған дрон жобасы екен. Бұл жоба кейіпкердің төл туындысы десек болады.<blockquote>– Ардуиномен айналысатындардың арасында дрон өте маңызды жобалардың бірі. Өйткені қанша күш салып жасағанымен ұшпай қалатын сәттері жиі болады. Бір рет өзімнің де басымнан өтті. Сол кезде неге менің қолымнан келмейді деп өзіме сұрақ қойып, қайта кірістім. Қытайдан тауар алмас үшін барынша елімізден табылатын өнімдерді қолданғымыз келді. Өйткені ағаш сынған жағдайда кесіп, қайта құрастыруға 1 сағат 15 минут ғана кетеді. Солай дрон корпусын ағаштан жасадық. Дронды ұшырып, басқарып көрдік. Келесі кезең – дронның gps арқылы нүктелерге баруы. Стартты басып, медициналық роботтар сияқты жеткізу қызметімен айналысуға, маңызды тапсырмаларды орындауға болады. Біреудің жүрегі тоқтап қалса, дрон дәрі-дәрмекпен ұшып келеді. Жол кептелісінде жедел жәрдем көлігі уақытында келе алмайтын кезде қолдануға болады. Жоба аяқталған соң университетте магистратурада оқитын студенттердің ғылыми жобалары бойынша ұсыныс алдым. «Яндекстің» жеткізу қызметі сияқты алгоритм жасап жатыр екен. Ол алгоритм бойынша картада екі нүкте беріледі, біреуі дүкен немесе кафенің, екіншісі – тапсырыс беруші адамның мекенжайы. Дрон осы екі нүкте арасындағы ең тиімді жолды таңдап, тапсырысты жеткізеді. Осы ұсыныс бойынша екі дронға тапсырыс алдым. Толықтай өзіміз құрастырамыз. Болашақта дронмен адамды көтергіміз келеді. Қазіргі дронның көтеретін салмағы 2-3 келі болса, болашақта 80 келіге дейін болса деймін.</blockquote>Бексұлтанның айтуынша, робот жасауға елімізде мүмкіндік көп екен. Бірақ лабораториялар толыққанды қызметті атқара алмайтын көрінеді.<blockquote>– Елімізде робототехниканың бөлшектерін шығаратын өндіріс іске қосылса, екен деймін. Біз көп нәрсені шетелден, оның ішінде Қытайдан аламыз. Қазіргі кезде Қазақстанда жұмыс істейтін лабораториялар бар. Сосын көп заттар, мысалы, «Кука» сияқты роботтардың бәрі шетелден келеді. Олар өте қымбат. Сондай тауардың бір бөлшегі сынып қалса, шетелден алдырасың немесе шебер шақырасың. Оның келуіне бар жағдайды жасайсың. Ал егер сол бөлшектерді өзіміз шығарсақ, қаншама шығын өтелер еді. Қазір кішкентай нәрседен шығаруды бастадым. Ағашты ойлап кесетін ЧПУ деген станокты жасадым. Ол станоктарды шетелден алдыратын болса, ең арзаны 2-3 миллион теңге тұрады. Көлемі –1-1,5 метр. Қазір сатылымға шығардым. Бағасы 500 мың – 1 миллион теңге аралығында болады. Егер мектептер сатып алатын болса, балалар үйренеді және бұл станокты жиһаз жасайтындар да қолданады. Қазіргі кезде мектептерде 3D-принтерлер, лазер аппараттар бар. Тура солай ЧПУ станоктарын мектепке енгізуге болады. Ал негізі зауыттар бірден жұмыс істей алады. Бұзылып қалса, 2 сағатта жөндеуге болады. Осылай өндірісті бастап кеттім. Болашақта «Кука» сияқты роботтар өзімізден шықса деймін. «Кука» кәдімгі темір-терсектер және логикамен жұмыс істейтін моторлардан құралған. Ал егер мен логикамен жұмыс істеуді үйренетін болсам, сол нәрсені қайталай алсам, неге өзімізде шығармасқа? Шетелден сондай роботты 20 миллион теңгеге алып келесің немесе өз елімізде шығарылған 4 робот аласың деген сияқты, – дейді ол.</blockquote>

Жерлесіміз адам тасымалдайтын дрон жасағысы келеді

<a href="https://kyzylorda-news.kz/">Kyzylorda-news.kz.</a> Бүгін Арал қаласында әлеуметтік жағдайы төмен, көп балалы, аз қамтылған отбасы мүшелеріне ақпараттық-кеңестік және ресурстық қолдау көрсетуге арналған «Отбасын қолдау» орталығы ашылды.Бұл орталық ҚР Президенті Қасым-Жомарт Тоқаевтың тапсырмасына сәйкес әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету мақсатында жұмыс жасамақ. Аталған орталықтың ашылу салтанатына қатысқан облыс әкімінің орынбасары Нұрымбет Сақтағанов жаңа орталықтың маңызын айқындап өтті.<blockquote>– Өңірде жүзеге асып жатқан бұл тың жобаның мақсаты ел азаматтарының қолайлы өмір сүруі үшін жан-жақты қолдау көрсету. Бүгін есігін айқара ашып отырған орталық тұрғындарға Учаскелік полиция инспекторларымен, оқу орындарымен, аудандық ауруханамен, білім бөлімімен, қала, кент, ауылдық округ әкімдерімен және аудан әкімдігіне қарасты бөлімдермен бірге өмірде қиын жағдайға тап болған немесе оның туындау қауіп-қатері бар отбасыларды анықтап тиісті қызмет көрсетеді. Сондай-ақ мүгедектігі бар адамдарға және олардың отбасы мүшелеріне, осал топтағы азаматтардың жеке қабілеттері, дағдыларын ескеріп, жұмыс іздеулері мен жұмысқа орналасуларына ықпал ететін болады. Жаңа мекеме халық үшін қажетті қызмет көрсететін, сапалы мамандармен қамтылған іргелі орталыққа айналарына сенімім мол – деп, жаңа мекеменің отбасылардың әлеуетін нығайтуына септігін тигізер орын болуын тіледі.</blockquote>Айта кетейік, орталық облысымызда аудандар арасынан бірінші болып ашылып отыр. Орталықта 17 маман қызмет көрсетеді. Ғимарат қала аумағындағы Ш. Уалиханов тұйығының бойында № 2а ғимаратында орналасқан. Аптасына бес күн сағат 09.00-19.00 аралығында қызмет көрсетеді. Мамандардың қабылдауы мен кеңестер беруі тегін. Сондай-ақ кеңесті тәулік бойына +7 72433 2-65-98 телефонына соғу арқылы алуға болады.<figure class="image"><img src="https://knadmin.beoblood.kz/uploads/355153498_3578952485766445_2159763078604794265_n_bf52cfd905.jpg" alt="355153498_3578952485766445_2159763078604794265_n.jpg"></figure>&nbsp;<figure class="image"><img src="https://knadmin.beoblood.kz/uploads/354616577_3578952725766421_5551252384798798613_n_a84c06e8e0.jpg" alt="354616577_3578952725766421_5551252384798798613_n.jpg"></figure>&nbsp;<figure class="image"><img src="https://knadmin.beoblood.kz/uploads/355124262_3578952549099772_2695026625276899426_n_bf15b14254.jpg" alt="355124262_3578952549099772_2695026625276899426_n.jpg"></figure>

 Аралда «Отбасын қолдау» орталығы ашылды

<a href="https://kyzylorda-news.kz/">Kyzylorda-news.kz.</a> Таяуда Шиелі ауданының әкімі Нұржан Ахатов Сұлутөбе, Тартоғай, Майлытоғай, Қоғалы және кент тұрғындарымен кездесті. Оған ауыл әкімдері, мекеме басшылары, аудандық дербес бөлім басшылары, мәслихат депутаттары, қоғам белсенділері, ауыл тұрғындары және бұқаралық ақпарат құралдарының өкілдері қатысты. Жұртшылықтың басын ауыртып, балтырын сыздатқан бірқатар мәселе назарға алынды.<blockquote>«Үш ай бұрын өздеріңізбен кездесіп, ұсыныс-пікірлеріңізді түртіп алдым. Тағы да айтар талап-тілектеріңіз болса, не сол жиынға қатыса алмай қалған кісілер болса тыңдауға дайынмын», – деді 3 айлық есебін қысқа қайырған аудан басшысы.</blockquote>Жиын барысында елді мекен тұрғындарының тарапынан толғандырған мәселелер көтеріліп, шешу жолдарын қарастыру сұралды. Мәселен, Сұлутөбе ауылдық округ тұрғындары 2008 жылы салынған білім ордасына жеңіл жөндеу жұмыстарын жүргізуді сұраса, енді бірі сонау 60 жылдары бой көтерген балабақшаға жөндеу жұмыстары керектігін айтты. Аталған мәселеге қатысты тиісті жауап та сол мезетте берілді. Аудан әкімі мұнан өзге мәселелердің аудандық бюджет арқылы дереу шешуге уәде етсе, өзге проблемалардың іске асырылу барысын келесі кездесулерде баяндайтынын жеткізді.Үш ай бұрынғы кездесуде Сұлутөбе ауылдық округіне қарасты Жаназар батыр ауылының тұрғындары аяқ су мәселесін көтерген-ді. Қазіргі таңда бұл шаруа шешімін тауып, «Шиелісушар» мекемесімен Жаңа Сұлутөбе каналы қазылған. Ауыл тұрғындарына егін егу үшін жер дайындап беру мәселесі де оң шешімін тауып, «Әлтай» (2 гектар), «Басбасақ» (3 гектар,) «Ерімбет табан» (5 гектар), «60 гектар» өңірлерінен жер дайындалып егу жұмыстары жүргізілген.Тартоғай, Майлытоғай мен Қоғалыда да түйткілді мәселелер жоқ емес. Қалауын тапса, жұртты алаңдатқан мәселенің де түйіні тарқайтын күн туар. Осыдан 1 ай бұрын тартоғайлықтар ауыл ішіндегі электр бағаналары жаңартылса деген тілегін жеткізген. Өз кезегінде бұл да шешімін тауып, ауыл бойынша ескірген электр бағаналары ауыстырылды. Ал Ш.Есенов атындағы №153 мектеп-лицейдің ғимаратына күрделі жөндеу жұмыстарын жүргізу үшін жоба-сметалық құжаттарын сараптамадан өткізуге қаржы сұрау мәселесі де мерзімімен орындалмақ.Қоғалының тұрғындары Сырдария өзенінен өтетін пантонға жай жөндеу жұмыстарын жүргізуді сұраған-ды. Бізге жеткен ақпаратқа сәйкес Шиелі ауданы бойынша Сырдария өзенінде орналасқан автомобиль жолы өтетін 2 қалқымалы көпірді және 1 қалқымалы өткелді ағымдағы жөндеу және күтіп-ұстау жұмыстарына барлығы 20,6 млн теңгеге ЖК «Аумажитовпен» келісім шартқа отырған. Бүгінгі таңда күтіп ұстау жұмыстары жүргізілуде.Ашық аспан астындағы кездесуТеріскей беттің тұрғындарымен кездесу ашық аспан астында, саялы ағаштың көлеңкесінде ерекше өтті. Аудан әкімінің қысқа-нұсқа қайырған есебін тыңдаған әлеумет көкейдегі сауалдарын жолдауға көшті. Атап айтар болсақ, балалар ойын алаңы, көше жарығы, қаңғыбас иттермен күрес, тазалық, үй кезегі, қоғамдық көлік қатынасы мен денсаулық саласына қатысты біршама мәселелер талқыланды. Тиісті сала басшылары сол ¬мезетте айтылған жайға жауап та берді.Кент тұрғыны Қазбек би атындағы көшенің балалар ойын алаңына сұранып тұрғанын айтса, енді бірі үй маңына қоқыстардың бей-берекет тасталатынын ашына жеткізді. Сондай-ақ №219 Ы.Алтынсарин атындағы қазақ орта мектебіне жалпы жөндеу жұмыстары қажет деген ұсыныс та айтылды. Аудан әкімі Нұржан Сәбитұлы әрбір көтерілген мәселе қараусыз қалмайтынын, жан-жақты сала мамандарымен бірлесе отырып зерттеліп, шешу бағытында тиісті шаралар қабылданатынын жеткізді. «Батаменен ел көгерер» демекші, ауыл ақсақалдары аудан басшысының алдағы жоспарларына сәттілік тілеп, ақ батасын берді.

Шиеліде басты мәселелер бақылауға алынды

<a href="https://kyzylorda-news.kz/">Kyzylorda-news.kz.</a> Газет – халықтың көзі мен құлағы, тілі һәм тұнған тарих екені даусыз. Қазіргі таңда ақпараттық кеңістік көлемі ауқымды. Елімізде қандай жаңалық болса да, жер-жерден жылдам хабар алуға мүмкіндік мол. Бұл ретте, халықты ақпаратпен уақытылы құлақтандырып отырған журналистердің еңбегі ерендігі мәлім.Қазір әлеуметтік желі мен ғаламтор кең өріс алып отырғаны жасырын емес. Халық арасында «газет оқылмайды» деген ой да кездеседі. Меніңше, бұл – жаңсақ пікір. Себебі, газет беттерін құшырлана парақтап отырып, көзбен көріп, қолмен ұстап оқығанға ештеңе жетпейді.Мен аудандық газеттің бірде-бір санын жібермей оқимын. Мерзімді баспасөзге жазылу уақытында редакцияға арнайы барып, қажетті басылымдарыма жазылып аламын. Газеттің әр санын ынта-ықыласпен күтіп, әр бетін ден қойып оқып шығамын. Біз білетін, салада ұзақ жылдан бері еңбек етіп жүрген жазушы-журналистермен қатар қазір жас мамандардың да тұшымды мақалаларын оқып, газет жолын жалғар буынның жетіліп келе жатқанына шын қуанып, тілектестік білдіріп отырамын. Әлеуметтік желі мен жедел ақпарат көздері қанша жерден дамығанымен, газет-журналдың әркез өзіндік орны жоғары. Басылымды басқа ақпарат көздерімен, «арқалағаны алтын болса да, жегені жантақ» журналистің еңбегін өзге «жазушылармен» салыстыруға келмейді.<blockquote>– Маусым айының 28 жұлдызы – Бұқаралық ақпарат құралдары қызметкерлерінің кәсіби мерекесі. Пікір беріп, тілек білдіруіміздің де басты себебі осы. Қалам ұстап, сөз қадірін асқақ еткен, ой қуалап, шымыр дүние жазып шығаратын, аудан айнасына айналған басылым қызметкерлері – журналистердің еңбегі еселі, қызметтері қауырт. Қиын салада елеулі еңбек етіп жүрген жандарды атаулы күнмен шын жүректен құттықтаймын. Шығармашылық табыс, елеулі абырой, отбастарыңызға қуаныш, бақ-дәулет тілеймін, – деді Байырбек Әмірбеков. &nbsp;</blockquote>

Сырдариялықтар жергілікті басылым ұжымын  мерекемен құттықтады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен құқық бұзушылық профилактикасы жөніндегі ведомствоаралық комиссия отырысында есірткі бизнесіне қарсы күрес және жол қауіпсіздігін қамтамасыз ету шаралары талқыланды.Күн тәртібіндегі бірінші мәселе бойынша облыстық полиция департаментінің бастығы Махсудхан Аблазимов баяндама жасады.Аймақ басшысы елімізде нашақорлық мәселесі жылдан-жылға күрделенгенін атап өтті.<blockquote>«Бұл мәселе атүсті, немқұрайлы қарауды көтермейді. Мүдделі тараппен бірге нашақорлықты жедел анықтау, тәуелді азаматтарды уақытылы әрі дұрыс есепке алу және жер ресурстарын бақылауды күшейту қажет. Есірткі нарығының синтетикалық және жаңа психоактивті заттармен толығуы алаңдатады. Оны тұтынуға итермелеу, интернет арқылы тарату ауыр және аса ауыр қылмыстар санатына енгізілсе де, әлі күнге дейін көрсеткіш көңіл көншітпейді. Биылғы жылдың 5 айында облыста есірткінің заңсыз айналымына байланысты қылмыстық құқық бұзушылық 15 пайызға немесе 61-ден 70-ке дейін көбейген. Бұл жүйелі жұмысты қажет етеді», - деді Нұрлыбек Машбекұлы.</blockquote>Осыған байланысты, облыстық полиция департаментіне есірткі заттары тасымалданатын каналдарды, өткізетін орындарды анықтап, оларды жою жөнінде шаралар қабылдау тапсырылды. Халықтың нашақорлыққа қарсы иммунитетін қалыптастыру үшін мүдделі салалық құрылымдармен бірге профилактикалық жұмыстарды барынша күшейту керек. Бұл тұрғыда облыстық қоғамдық даму басқармасымен бірлесіп, есірткінің салдары мен тәуелділіктің зардабы туралы БАҚ және әлеуметтік желілерде түрлі роликтер арқылы насихат жұмыстарын жүргізу қажет.Интернет-платформаларды қылмыстық мақсатта пайдалануды барынша азайту үшін қосымша шаралар қабылдау қажеттігі де ескертілді.Жол қауіпсіздігі күрделі проблема болғандықтан, ол комиссия отырыстарында жиі қозғалады. Өңірде жол-көлік оқиғалары өткен жылдың осы кезеңімен салыстырғанда азаймауда. Сондықтан облыстық полиция департаментіне автомобиль жолдарындағы авариялық қауіпті учаскелерді анықтап, кемшіліктерді жою және сол аумақтарды жетілдіру бойынша тиімді ұсыныстар енгізу тапсырылды. Мүдделі органдар қалаішілік және облысаралық бағытта жолаушылар тасымалдаумен шұғылданатындарды қатаң бақылауға алуы тиіс. Жол жүру ережелерін сақтау бойынша рейдтік іс-шараларды тұрақты ұйымдастыру және «Батыс Еуропа - Батыс Қытай» автодәлізін тексеріп, қауіпті аймақтарда жүргізушілер үшін арнайы құралдар мен жол белгілерін орнату міндеттелді.<figure class="image"><img src="https://knadmin.beoblood.kz/uploads/356412799_567128148941767_6626140951121034205_n_b7f2702347.jpg" alt="356412799_567128148941767_6626140951121034205_n.jpg"></figure>&nbsp;<figure class="image"><img src="https://knadmin.beoblood.kz/uploads/356228715_567128145608434_1668939293078279386_n_f16905d975.jpg" alt="356228715_567128145608434_1668939293078279386_n.jpg"></figure>&nbsp;<figure class="image"><img src="https://knadmin.beoblood.kz/uploads/356377342_567128162275099_3581616534598624377_n_d2fb9f107e.jpg" alt="356377342_567128162275099_3581616534598624377_n.jpg"></figure>

Есірткіге қарсы күрес және жол қауіпсіздігі мәселелері талқыланды

<a href="https://kyzylorda-news.kz/">Kyzylorda-news.kz.</a> 17-23 маусым күндері Қарағанды облысындағы Спасск оқу-жаттығу орталығында өткен «Айбын» IX халықаралық әскери-патриоттық жастар жиынында «Сыр айбыны» құрама командасы жүлделі І-ші орынды қанжығалады. Бір аптаға жалғасқан жарыс барысын Өңірлік коммуникациялар қызметінде өткен брифингте Қызылорда облыстық Қорғаныс істері жөніндегі департаменті бастығының тәрбие және идеологиялық жұмыстары бойынша орынбасары, подполковник Алмат Жақыпов баяндап берді.&nbsp;<blockquote>«Облыс әкімі Нұрлыбек Машбекұлы Нәлібаевтың тікелей қолдауымен аймағымыздың жалындаған патриот жастары «Айбын» IX халықаралық әскери-патриоттық сайысына қатысып, аймақ абыройын асқақтатты. Еліміздің 20 өңірі мен Өзбекстан, Әзірбайжан мемлекеттерінен жиналған кіл мықтының ішінен озып шығу оңай болмады. Үздіктер жиналған додада сарбаздар әскери-қолданбалы спорт түрлерінен және плаш түріндегі жалпы әскери қорғаныс жинағы мен ғазқағарды уақытқа қию, әскерилендірілген эстафета және АК-74 автоматын толық емес шашу мен жинақтау сынды спорт түрлерінен сынға түсті. &nbsp;Дегенмен, біздің жігіттер кәсіби біліктілігі мен шеберліктерінің арқасында үздік атанды. Бізді қолдаған барша Сыр жұртшылығына алғыс білдіреміз. Жеңісті күндеріміз көп болсын!», - деді Алмат Жақыпов.</blockquote>Халықаралық жарыстың бел ортасына белсенділік танытқан жетекшілер мен жас сарбаздар өздерінің ізгі тілектерін жеткізді.<blockquote>«2015 жылдан бастап бастау алған «Айбын» әскери патриоттық жастар жиыны &nbsp;ҚР Қорғаныс істері министрлігінің тікелей қолдауымен ұйымдастырылып келеді. Аталмыш сайыстың басты мақсаты – жас сарбаздарды спорттық тұрғыда шыңдап, әскери ережелерді үйрету болып табылады. Аймақ жастарының атынан «Сыр айбыны» құрама командасы жасақталып, облысымыздың намысын қорғады. Сонымен бірге олар интеллектуалдық және шығармашылық қабілет бойынша бақ сынасты. Үздік атанған Сыр сарбаздарын жеңістерімен құттықтаймын!», - деді команда жетекшісі Ақылбек Өтегенов.</blockquote><blockquote>«Дәстүрлі түрде өткізіліп келе жатқан жас сарбаздардың додасы өте жоғары деңгейде өтті. Біздің команда әр сайыста өздерінің мықтылықтарын көрсетіп, барын салды. Біздің команданы қолдаған барша Сыр еліне және жетекшілерге алғысымыз шексіз», - деді «Сыр айбындары» құрама командасының взвод командирі Мұхаммедхан Сайдбаттал. &nbsp;</blockquote>

Қазақстан және Қызылорда облысының жаңалықтары