<a href="https://kyzylorda-news.kz/">Kyzylorda-news.kz</a> Қоғамдағы әлеуметтік-саяси тұрақтылық нәтижелілігі мемлекеттік қызметшілердің кәсібилігіне, олардың бастамашылдығына және ел дамуындағы негізгі бағытқа берілгендігіне тікелей тәуелді.&nbsp;Мемлекет басшысы&nbsp;Қасым-Жомарт Тоқаевтың «Мемлекеттік қызметшінің сапасы – бүкіл еліміздің сапасы» деп айтуы тегін емес.&nbsp;Бүгінгі таңда мемлекеттік қызметшілердің кәсібилігі мен құзыреттілігін тұрақты арттыру – Қазақстан Республикасы Президенті жанындағы Мемлекеттік басқару академиясының басты миссиясы&nbsp;десек қателеспейміз.Ағымдағы жылдың 1-19 сәуір аралығында&nbsp;Қазақстан Республикасы Президентінің жанындағы Мемлекеттік басқару академиясының&nbsp;Қызылорда&nbsp;облыстық филиалы базасында «Б» корпусының мемлекеттік әкімшілік басшы лауазымына алғаш тағайындалған мемлекеттік қызметшілер үшін қайта даярлау курсы өттті. Бұл туралы курс тыңдаушысы, Қызылорда облысының қоғамдық даму басқармасының бөлім басшысы Сәулет Сахиев баяндады.<blockquote>«Курс барысында 3 модуль қарастырылған олар, тұлғалық &nbsp;және кәсіби дағдыларды дамыту мен ұйымдастырушылық әлеуетті арттыру. Бұл мемлекеттік қызметшіге ең басты қажетті білімдер екені белгілі. Курс барысында белгілі психологтар мен журналистер және әр саланың тәжірибелі мамандары тренингтер, лекциялар және кездесулер өткізуде.&nbsp;Бұл сабақтар арқылы оқытушы тек ақпарат берумен айналысып қана қоймай, тыңдаушыларды жеке, жұптық және топтық жаттығуларға жұмылдыру арқылы, ұжымдық мүдде аясында олардың дербес ой қорытындыларын жасауларын, қалыптасқан көзқарастар жүйесін өзге, жаңаша қырынан қарастыруларын басқара отырып, кәсіби біліктіліктерінің өсуімен қатар, дүниетанымдарының кеңеюіне ықпал етуде.Облыс деңгейіндегі кез-келген сатыдағы мемлекеттік қызметші билік пен халық арасындағы “алтын көпір” іспеттес. Сондықтан, мемлекеттік қызметшілерді қайта даярлаудың курсының мақсатында, басшының витальды және эмоционалды интеллектісі, көпшілік алдында сөйлеу, басқарушының сөз мәдениеті, коммуникациялық менеджмент, стратегиялық жоспарлау және бюджеттеу және т.б. тақырыптар курс барысында оқытылуда.Сонымен қатар, курс тыңдаушыларына аналитикалық жазба мен өзгерістерді басқару жобасы аясында өзіндік жұмысты жазып, қорғау тапсырылған. Бұл өз кезегінде мемлекеттік қызметшінің қандай да бір мәселені саралап, зерттеуді, оған баға беруді үйретіп және өзгерістерді басқару арқылы &nbsp;көшбасшылық қасиетін шыңдайды.Курс барысында облыстық мәслихат төрағасы Н.Байқадамов, облыстық мәслихат депутаттары М.Нәлібаев, Б. Шаменова және Қазақстан Республикасының Журналистер Одағының мүшесі А.Тағыберген, мемлекеттік қызметте жұмыс жасап жатқан тәжірибелі мамандар практикалық, интерактивті сабақтар өткізді.Үш апталық оқу курсына келген 20-ға жуық мемлекеттік қызметші кәсіби тәлімгерлердің көмегімен білікті басшыларға айналатыны сөзсіз. Әр күнгі сабақ бір-біріне ұқсамайды және уақытты тиімді пайдалану мақсатында тиянақты түрде жасалған жоспар, курс тыңдаушыларының қызығушылығын арттырып, берілген ақпаратты тез қабылдауына барлық жағдайлар жасалынған. Бұндай жүйелі түрде оқыту курсы басшы лауазымына алғаш тағайындалған мемлекеттік қызметшілерді кәсіби шыңдап,ел дамуы жолындағы қызметін табысты етеді», - деді Сәулет Ерназарұлы.&nbsp;</blockquote>

Сәулет Сахиев: Біліктілікті арттыру – кәсібилік кепілі

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің «Журналистика» білім беру бағдарламасының 4-курс студенті Жамбыл Бақытәлі «Менің халқым менен де биік» республикалық студенттер айтысында жеңіске жетті.Ақындар айтысын академик Қаныш Сәтбаевтың дүниеге келгеніне 125 жылдығына орай, Алматы қаласында Қ.Сәтбаев атындағы Қазақ ұлттық техникалық зерттеу университеті ұйымдастырды.&nbsp;Оған еліміздің барлық өңірінен 14 айтыскер ақындар қатысты. Ақтық сында екі қарсыласын да жауһар жырларымен жеңіп шыққан Жамбыл жеңімпаз атанды. Жамбылдың кураторы - аға оқытушы Аягөз Әбдіразақова.&nbsp;Ал, Қорқыт ата атындағы Қызылорда университетінің «Құқықтану» білім беру бағдарламаларының студенттері Мұрат Әлішер, Тынымбай Шыңғысхан «Қылмыстық сот өндірісіндегі тараптардың теңдігі және сайысушылығы қағидатын сотқа дейін жүзеге асырудың өзекті мәселелері» тақырыбындағы халықаралық студенттердің ғылыми-практикалық конференцияға қатысты.&nbsp;Конференцияны Қырғызстан Республикасы Ж.Баласағұн атындағы Қырғыз ұлттық университетінің Құқықтану институтының «Қылмыстық іс жүргізу және сот сараптамасы» кафедрасы ұйымдастырған.Онда білім алушылар Қазақстан Республикасының қылмыстық сотқа дейінгі өндіріс кезіндегі өзекті мәселелері жөнінде баяндама жасады. Конференция қорытындысы бойынша 3 курс студенті Мұрат Әлішер III орынмен марапатталды.&nbsp;&nbsp;Фото: университеттің әлеуметтік желісінен

Қызылордалық студенттер үздіктер қатарында

<a href="https://kyzylorda-news.kz/">Kyzylorda-news.kz</a> Қазақ өнерінің қайнар бастауларының бірі &nbsp;– Сыр өңірінде өнерге деген жауапкершілік жоғары. Киелі сахнада кім болса, соған орын жоқ. Қармақшы ауданында осыны мақсат тұтқан Тұрымбет Салқынбайұлы атындағы өнер мектебі елу жылдан астам уақыт елге қызмет етіп келеді. Басты мақсаты – өнерлі жанды өрге сүйреу, таланты бар бүлдіршінді топқа қосу.Тарихқа көз жүгіртсек, алғашында аудандық балалар әуез мектебі болып құрылған мекеменің іргетасы 1972 жылы қаланған. Мектепке Жүрсін Қаймақбаев, Қаппар Сәденов, Талғат Қуаңбаев секілді білімді мамандар басшылық еткен. 1993 жылы мектепке Сыр сүлейі Тұрымбет жырау Салқынбайұлының 125 жылдық мерейтойына байланысты жырау есімі берілді. 1996 жылдан бастап өнер мектебі жанынан және ауданға қарасты ауылдардан жыр-терме кластары ашылды. Ал 2021 жылы &nbsp;атауы облыс әкімінің №180 қаулысына сәйкес Тұрымбет Салқынбайұлы атындағы өнер мектебі коммуналдық мемлекеттік қазыналық кәсіпорны болып өзгертілді. Бүгінде мектепке 2019 жылдан бері Дәулет Байғараев басшылық етіп келеді.Өнер мектебінде домбыра, қобыз, баян, саксофон, фортепиано, жыр-терме, домбра-прима &nbsp;кластары бойынша 42 &nbsp;мұғалім дәріс береді. Өнер мектебінде 2023-2024 оқу жылында &nbsp;6 мұғалімге педагог-зерттеуші, 9 мұғалімге педагог-сарапшы, 10 мұғалімге педагог-модератор , &nbsp;І санатты-2 мұғалім, ІІ санатты-5 мұғалім &nbsp;санаты берілді. 10 мұғалім санатсыз. 2023-2024 оқу жылында білім беру жүйесінің жаңа форматында &nbsp;қызмет &nbsp;атқарады. &nbsp;2023-2024 жылы Тұрымбет Салқынбайұлы атындағы өнер мектебінде 411 оқушы 7 мамандық бойынша &nbsp;дәріс &nbsp;алады. Домбыра класында – &nbsp;219 оқушы, баян &nbsp;класында – 87 оқушы, фортепиано класында – 45 оқушы, домра-прима класында – 1 оқушы, жыр-терме класында – 40, саксафон класында – 5, қобыз класында – 14 оқушы оқиды.<blockquote>– Бұл өнер ордасына мен бес жылға жуық басшылық етемін. Мені шәкірттеріміздің өнерге деген құрметі, қызығушылығы қуантады. Өнер &nbsp;мектебінің кент орталығынан бөлек, Төретам &nbsp;кентінде, ІІІ Интернационал &nbsp;ауылында қосымша бөлімшелері жұмыс істейді. Сонымен қатар, Ақжар, Қармақшы, Дүр Оңғарауылдарында &nbsp;жыр-терме &nbsp;кластарыбар. Мектебіміздің &nbsp;25 оқушыдан құрылған балалар оркестрі (жетекшісі Тұрымбетов Жарқынбек) 20 оқушыдан құрылған балалар хоры (жетекшісі Дембаева Ләззат) 15 мұғалімнен құрылған фольклорлық ансамбль, оқушылардан құрылған баянистер, домбырашылар ансамблі және &nbsp;25 &nbsp;мұғалімнен құрылған халық аспаптар оркестрі жұмыс жасайды. 2022-2023 оқу жылында &nbsp;60 оқушы &nbsp;домбыра, &nbsp;саксафон, баян, жыр-терме, фортепиано кластары бойынша бітірді. Өнер мектебінің негізгі мақсаты – &nbsp;балалардың музыкалық сауатын ашу, музыкаға &nbsp;деген &nbsp;қызығушылығын &nbsp;арттыру, аспаптарда &nbsp;ойнауға үйрету &nbsp;және &nbsp;ұлттық &nbsp;музыкалық аспаптарды &nbsp;кеңінен насихаттау болып табылады. Биылғы &nbsp;2023-2024 оқу жылында 136 оқушы 1-ші класқа қабылданды, – дейді өнер мектебінің директоры Дәулет Байғараев.</blockquote>Бұл өнер ордасының шәкірттері түрлі деңгейдегі &nbsp;өнер байқауынан топ жарып, оза шауып жүр. Мәселен, облыстық 55-ші «Жас музыкант» байқауынан баян аспабы бойынша Ерасыл Жұмабеков ІІ орын, Інжу Еркебұлан ІІ орын, Мұса Сабитов ІІІ орын иеленсе, домбыра аспабы бойынша Шыңғыс Алтайұлы І орын алды. Сондай-ақ, Байқоңыр қаласында өткен «Күй табиғаты» атты №1 қалааралық байқауға өнер мектебінен 9 оқушы қатысып, оның ішінде 1 оқушы Бас жүлде, 2 оқушы І орын, 3 оқушы ІІ орын, 1 оқушы ІІІ орын, 2 оқушы Алғыс хатпен марапатталған.Облыстық Ғазиза Жұбанованың 95 жылдығына арналған балалар музыка және өнер мектептері жас музыканттарыныңарасында ІІ Республикалық «Жас жұлдыз» пианистер байқауынан фортепиано класының оқушысы Нұрғиса Маханбетов «Жас пианист» номинациясын алса, «Дарын» облыстық қосымша білім беру орталығы, М.Қалауов атындағы Қызылорда қалалық өнер мектебінің ұйымдастыруымен «Жас таланттар» байқауынан Нұрғиса Маханбетов І орынға, Жасмина Мейірханова ІІ орынға иеленіп, мектеп, аудан мерейін асқақтатты.<blockquote>– Мектебіміздің домбыра класының мұғалімі Берік Аққалиевтің &nbsp;ұйымдастыруымен «Айтыс – ұлы өнер» атты іс-шара өткізілді. Шараның мақсаты – қазақ халқының айтыс өнерін оқушыларға түсіндіру, айтыстың ұлы өнер екенін оқушы санасына сіңіру. Кеш қонағы болып айтыс өнерінде өзіндік орны бар бірнеше республикалық, облыстық айтыстардың жүлдегері &nbsp;Е.Жүрсіннің жүйрігі Ержеңіс Әбдиевкатысты. Шараны мектеп директоры Дәулет Кәрібайұлы ашып берді. Класс оқушыларының орындауында Сейтек «Тойбастар» , Ә.Қонысбеков «Көксерек» күйлері орындалды. Айтыс өнерінің бір түрі қыз бен жігіт арасындағы әзіл-қалжың айтысын Бауыржан Нұрислам мен Рахимбекова Әмина өте жоғары деңгейде айтыс өнерін көрсетіп, көрермер көз айымына айналды. Оқушылар өз көкейлерінде жүрген сұрақтарды қойып, айтыскер ақыннан біраз мағлұмат алды. Теледидардан айтыскер ақынның өмірінен, айтысып жатқан кезеңдерінен үзінділер көрсетілді және сахнаға мұғалім Берік Аққалиев өзінің қонағын сахна төріне айтысуға шақырды. Өте қызықты әрі мәнді айтыстың шынайы үлгісін көрдік және экранда арнайы дайындалған фотоларға қарап, суырып салма бөлімін ұйымдастырған. Бұл шарадан оқушылар жақсы әсер алды. Біз өнер мектебі болғандықтан шәкірттермізді шыңдау мақсатында түрлі жарысқа апарып, бабы мен бағын сынатамыз. Әрі тәжірибе, әрі жетістік. Шәкірт те үлкен сахнаға, байқауға бойын үйретеді. Осы уақытта дейінгі жетістіктерімізді тізбектей беруге болады. Алайда ең бастыларына тоқтала кетсем, Ұлттық домбыра күніне орай «Дарын» облыстық қосымша білім беру орталығы М.Қалауов атындағы Қызылорда қалалық өнер мектебінің ұйымдастыруымен «Күй анасы – Дина» атты байқауда Шыңғыс Алтайұлы І орын, Қуаныш Ардақұлы ІІІ орын және Хамза Исаев &nbsp;қатысқаны үшін Сертификатқа ие болды. &nbsp;Облыстық «Бозторғай» балалар шығармашылық байқауында онлайн форматта Шыңғыс Алтайұлы &nbsp;І орын, Хамза Исаев І орынға ие болып, Алматы қаласына Халықаралық &nbsp;«Бозторғай» байқауынан &nbsp;Хамза Исаев &nbsp;ІІІ орын иеленсе, Шыңғыс Алтайұлы Дипломант атанды. Ақтөбе қаласында өткен VI Халықаралық Владимир Фоменко атындағы үрмелі және соқпалы аспаптар арасында өткен байқаудан саксофон класының оқушылары Жасұлан Төлеген ІІІ орынды қанжығасына байласа, Айзат Абдулла Дипломант иегері атанды. Ал мамыр айында облыстық «Қорқыттан қалған қоңыр үн» байқауында күй номинациясы бойынша 5 оқушымыз жүлделі орындарға ие болса, дәстүрлі ән номинациясынан 2 оқушы орын алды және 1 оқушы Алғыс хатқа ие болды. Осы оқушыларымыздың жетістіктерімен мақтанамыз. Ұстаздар қазіргі таңда шәкірттерін ұлтымыздың салт-дәстүрлерінен, аталы сөз, өнегелі жандардың өсиетімен, ұлт жандылықпен, Отан сүйгіштікке, еңбекқорлыққа, өнер мен эстетикалық тәлім-тәрбие беруде. Өнер мектебінің ішінде де мерекелік атаулы күндер мен мерейлі мерейтойларға арналған түрлі іс-шаралар өткізілуде, – дейді мектеп директорының орынбасары Бағдагүл Мәденова.</blockquote>Айта кеткен жөн, аудандық өнер мек¬тебінің іргетасы 1972 жылы қаланып, осы кезеңге дейін аталған мектепті біршама түлек бітіріп шыққан. Олар бүгінде еліміздің түкпір-түкпірінде өнер мен білім секілді салаларда еңбек етіп, ел өркендеуіне сүбелі үлестерін қосып келеді. Бүлдіршін талантын шыңдап, үлкен өмірден өз орнын тауып, мамандығын нақтылауға сеп болып жүрген таланттар ордасының шығар биігі әлі алда екеніне сеніміміз мол.&nbsp;

Талантты жастарды шығармашылыққа шыңдаған өнер мектебі

<a href="https://kyzylorda-news.kz/">Kyzylorda-news.kz</a> Қызметі мен антына адал қасиетті Сыр елінің тәртіп сақшысы ерекше құрметке ие. Бұлай деуге себеп Қызылорда облысы ПД Арал ауданы полиция бөлімінің учаскелік полиция инспекторы полиция майоры Ғалымжан Ізмағанбетов қызмет атқаратын Қаратерең және Жаңақұрылыс ауылында 5 жылдан бері бірде бір қылмыс тіркелмеген. Бұған азаматтардың тату-тәтті қатынаста болуы және учаскелік полиция &nbsp;инспекторының қолға алған профилактикалық шаралары негіз деуге болады.Өзгелерге үлгі көрсеткен бұл екі ауылда &nbsp;3470 адам тұрады. 9 шаруа қожалығы бар. Ауыл балалары тағылымы мол 2 білім ошағында оқиды. Ауыл тұрғындарының көбі мал ұстайды. Учаскелік инспектор Ғалымжанның айтуынша бұл ауылда &nbsp;қоғамдық тәртіп күн сайын профилактикалық жұмыстар арқылы күшейтіледі.Мемлекет басшысының тапсырмасы &nbsp;бойынша құқық бұзушылықтың алдын алу саласындағы негізгі буын учаскелік полиция инспекторларына берілген. Бұл ретте ішкі істер органдарының «отымен кіріп, күлімен шығып» жүрген учаскелік полицей Ғалымжанның жұмысы қауырт. &nbsp;Халықтың қайнаған тіршілігінің ортасында жүрген тәртіп сақшысы халыққа жақын болудың маңызын түсініп, әрбір тұрғынға көмек қолын созуға тырысады. Учаскелік инспектор болғандықтан, ол бірінші кезекте ауыл тұрғындарымен және ақсақалдармен, жергілікті мектеп оқушыларымен және олардың ата-аналарымен өзара байланыс орнатқан.Ғалымжан Жомартұлының жұртшылық алдында жауапкершілігі мол жұмысын бастағанына 6 жыл болды. 2012 жылдан бастап ол ішкі істер саласында &nbsp;абыройлы қызмет етіп келеді.Бүгінде учаскелік полиция инспекторы өзіне берілген аумақтағы қандай да болсын құқық бұзушылыққа жол бермеу, оның алдын алу, қылмыстың бетін ашу, түскен арыз-шағымдар сияқты көптеген міндеттерді абыроймен атқарып келеді. Осы саладағы &nbsp;қызметі әділ &nbsp;бағаланып, Қызылорда облыстық Полиция департаментінің Алғыс хаттарымен марапатталған. Ғалымжан адал жары Гүлнұр екеуі екі ұл бір қыз тәрбиелеп отырған үлгілі отбасы.&nbsp;

Учаскелік полиция инспекторының ауылдағы жұмысы 

<a href="https://kyzylorda-news.kz/">Kyzylorda-news.kz</a> Сенбіде «Таза Қазақстан» республикалық экологиялық акциясы аясында «Киелі мекен» апталығы өтіп, ауданның барлық аумағында орналасқан тарихи ескерткіш пен саябақтарға, кесене мен қорымдарға санитарлық-тазалық, көркейту-көгалдандыру жұмыстары жүргізілді. Осы орайда, ағымдағы жылдың 6 сәуірден бастап аудан әкімі Жандос Еркінбектің жетекшілігімен Қармақшы ауданының барлық аумағында көктемгі тазалық және көгалдандыру жұмыстары қызу жүруде.Экологиялық акция аясында Қорқыт ата кесенесінен бастап, Марал ишан, Қалқай ишан, сияқты киелі жерлер мен тарихи орындарға тазалық жұмыстары жүргізілді. Сондай-ақ демалыс саябақтары мен жасыл белдеуге ағаш отырғызылды.Игі шаралардың легі аудан орталығындағы «Жастар» саябағында ағаш отырғызу акциясымен жалғасты. Айтулы іс-шараға аудандық мәслихат депутаттары, қоғамдық кеңес, ардагерлер кеңесі, әйел-аналар кеңесінің мүшелері, үкіметтік емес ұйымдар, діни бірлестіктер, көп балалы аналар мен ерекше жандар, жастар мен еріктілер және бұқаралық ақпарат құралдары өкілдері қатысты.Өткен жылы аудан әкімінің қолдауымен аталмыш саябаққа су ұңғымасы (скважина) қазылып, аяқсу мәселесі толық шешілген болатын. Бүгін міне қармақшылықтар Президент бастамасын қолдай отырып, «Жастар» саябағының жасыл желекке айналуына зор үлестерін қосуда.Сонымен қатар Мемлекет басшысының тапсырмасымен бастау алған игі іс-шараға Қармақшы ауданының әкімі Жандос Еркінбек қатысып, ардагерлермен бірге үш жүзге пір болған Марал Ишан кесенесінің аумағына тал отырғызды. Алдымен баба рухына Құран бағышталып, одан кейін көркейту-көгалдандыру бойынша ағаш көшеттері егілді. Былтыр демеушілік есебінен осында су ұңғымасы қазылып, аяқ су мәселесі толық шешімін тапқан-ды. Енді жасыл-желекті суғаруда еш кедергі жоқ. Сонымен қатар сенбілікте қорымның айналасы күл-қоқыстан тазартылып, көркем кейіпке енді.&nbsp; Шара барысында аудан басшысы әр елді мекеннің тазалығы, сәулетті көркі тұрғындардың жанашырлығына байланысты екенін айта келе, жиналған жұртшылықты Мемлекет басшысының бастамасын бірауыздан қолдауды, туған жерді бірге көркейтуге шақырды.Қоғамда экологиялық мәдениетті қалыптастыруға бағытталған акция ауданның барлық елді мекендерінде жалғасын тауып, мекеме, кәсіпорын қызметкерлері мен еріктілер тазалық жұмыстарына өз үлестерін қосты.&nbsp;&nbsp;

Марал баба кесенесінің айналасы көгалдандырылды

<a href="https://kyzylorda-news.kz/">Kyzylorda-news.kz</a> Халықаралық «Қазақ тілі» қоғамы Қармақшы аудандық филиалында аудандық мәдениет және тілдерді дамыту бөлімі, аудандық кәсіпкерлік, өнеркәсіп бөлімімен бірлескен дөңгелек үстел отырысы болып өтті.&nbsp;Қазақстан Республикасында тіл саясатын дамытудың 2023-2029 жылдарға арналған іс-қимыл жоспарын бекіту туралы Қызылорда облысы әкімдігінің №207 Қаулысының 13, 20 тармақтарына сәйкес &nbsp;кәсіпкерлер арасында ұлттық рухты көтеру, ұлттық құндылықтарымызды (тіл, дін, тарих, мәдениет) насихаттау мақсатында &nbsp;өткен дөңгелек үстел отырысына аудандық мәдениет және тілдерді даму бөлімінің әдіскері Бауыржан Қайырбаев, аудандық кәсіпкерлік, өнеркәсіп бөлімінің әдіскері &nbsp;Әділбек Скендіров аудандық «Қазақ тілі» қоғамы аудандық филиалының төрағасы Гүлжауһар Раева, қоғамның алқа мүшесі Шегебай Құндақбаев, аудандық кәсіпкерлер палатасының консультанты Жанар Болысбекқызы &nbsp;және &nbsp;жеке кәсіпкерлер &nbsp;М.Серікбаева, К.Әлекеева, Г.Буранбаевалар қатысты. Қазақ тілінің мәртебесін көтеру бойынша кәсіпкерлер арасында ұлттық рухты көтеруге байланысты ұлттық құндылықтарымыз төңірегінде пікір алмасты. Қазақстан Республикасындағы Қазақстан Республикасының 1997 жылғы 11 шілдедегі №151 Заңының 21-бабы Деректемелер мен көрнекі ақпарат тілі туралы түсіндірме жүргізілді. Кәсіпкерлерге «Кәсіпкер! Қазақ тілі – мемлекеттік тіл, маңдайшаға тек соны іл!» атты плакаттар мен тіл туралы парақшалар таратылды. «Мемлекеттік тілдегі ас мәзірі мен тағам түрлері: қазіргі жағдайы, проблемалары» туралы монография-анықтамалық құралы оқуға ұсынылды. &nbsp;

Қармақшыда ұлттық құндылық насихатталды

<a href="https://kyzylorda-news.kz/">Kyzylorda-news.kz</a>&nbsp; «Жұлдызай» XIX Республикалық балалар шығармашылығы фестивалінің марапаттау кезеңі Асқар Тоқмағанбетов мәдениет үйінде өтті. Оған басқарма басшысының орынбасары Қали Бектұр Асанханұлы және ВІ Жұлдызай корпаративтік қорының жетекшісі Сәлімбаева Алмагүл Аманжолқызы қатысып, фестивальдің облыстық кезеңінің жеңімпаздарын марапаттады. Жеңімпаздарға облыстық білім басқармасының арнайы дипломдарымен сыйлықтары табысталды.Фестивальдің мақсаты − ерекше білім беру қажеттіліктері бар балалардың шығармашылық қабілеттерін дамыту және қоғамда инклюзивті ортаны қалыптастыруға ықпал етуге және ерекше білім беру қажеттіліктері бар балалар мен жасөспірімдердің кәсіби дағдыларын игеруге және әлеуметтік-еңбекке бейімделуіне ықпал ету.&nbsp;«Juldyzai» республикалық балалар шығармашылығы фестивалі ерекше балалардың жыл сайын асыға күтетін мерекесіне айналып, биылғы жылыда Қызылорда облысы бойынша кең көлемде аталып өтілуде. Фестивалге 115 оқушы қатысып, 32 оқушы жеңімпаз атанып республикалық кезеңге жолдама алды. Облыстан жыл сайын Республикалық кезеңге қатысушылар саны артуда.&nbsp;Ел Президенті Қасым-Жомарт Кемелұлы Тоқаев Ерекше балалардың білім алу құқығын жүзеге асыру бөлігінде нақты жұмыстар жүргізуі қажет.«Бұл іс-шаралардың барлығы ерекше қажеттілігі бар балалардың әлеуетін толыққанды жүзеге асыруға септігін тигізетіндігіне сенімдімін», - деп атап өткен болатын. Зайырлы да демократиялық қоғамда баланың бәрі бірдей. Бөліп-жаруға жол берілмейді. Ерекше балалардың жағдайы да әркез мемлекет қолдауында. Олардың білім алуы мен қоғамға араласуы да назарда ұсталады. Бүгінде ерекше балалардың өнерге деген сүйіспеншілігі ерекше екендігін ескере отырып, болашақ ұрпаққа қамқорлық пен көңіл бөлуді көрсететін маңызды оқиғаларға айналды.&nbsp;

«Жұлдызай жарқырайды» республикалық балалар шығармашылығы фестивалі мәресіне жетті

<a href="https://kyzylorda-news.kz/">Kyzylorda-news.kz</a>&nbsp; Бүгін Қызылорда облысының полиция департаментінің бастығы, полиция генерал-майоры Махсудхан Аблазимов жедел кеңес өткізіп, 2024 жылдың І тоқсанын қорытындылады. Жиынға департамент бастығының орынбасарлары, басқарма, қала, аудан басшылары және жеке құрам қатысты.Жиында жыл басынан ішкі істер органдары атқарған жұмыстың қорытындылары қаралды. Атқарылған жұмыс нәтижесінде құқық бұзушылықтар, оның ішінде қылмыстар, ауыр санаттағы қылмыс түрлері, бөтен мүлікті ұрлау, ұялы телефон ұрлығының және мал ұрлығының тіркелуі төмендеді. Қабылданған профилактикалық шаралардың нәтижесінде қоғамдық орындарда, көшелерде, отбасы-тұрмыстық саласында жасалған қылмыстардың саны азайды.Бүгінгі Департамент бастығының төрағалығымен өткен кеңесте атқарылған жедел – қызметтік жұмыстың қорытындысы мен жеке құрам арасындағы тәртіптің, заңдылықтың және сыбайлас жемқорлыққа қарсы іс – қимылдың жай – күйі талқыланды. Сондай – ақ, Мемлекет басшысы мен ішкі істер министрінің қылмысқа қарсы күрес бойынша берілген тапсырмалары да кеңінен түсіндірілді. Жедел кеңес барысында біраз сын айтылып, түйткілді мәселелер тілге тиек етілді.<blockquote>− Жеке құрам арасындағы заңдылық пен тәртіпті сақтау, сыбайлас жемқорлық сипатындағы әрекеттердің алдын алу, анықтау жұмыстары ерекше назарда. Күн тәртібінен түспейтін мәселенің бірі − сыбайлас жемқорлықпен күрес. Сыбайлас жемқорлықтың туындауына ықпал ететін себептерді анықтау және жою үшін сыбайлас жемқорлық тәуекелдеріне талдау жасауға баса назар аударылып отыр. Қазіргі қазақстандық полицияның өзекті міндеті қолжетімділік пен ашықтықты арттырып, тұрғындармен кері байланыс орнату. Өз кезегінде, полицияның ашықтығы сыбайлас жемқорлықпен күресте негізгі қағидаттардың бірі болып отыр. Жеке құрам арасында тәртіп пен заң бұзушылықтардың алдын алу және кінәлі қызметкерді түзелуге мүмкіндігін арттыру мақсатында офицерлер мен полицейлер кеңестерінің жұмыстары күшейтілді. Ең бастысы қабылданған шаралардың нәтижесінде сыбайлас жемқорлық сипатындағы қылмыстарға жол берілген жоқ, − деді департамент бастығы. Кеңес барысында Махсудхан Нұғманұлы “Заң және тәртіп” қағидатын орнықтыру, кез келген құқық бұзушылыққа мүлдем төзбеушілік жағдайын қалыптастыру мақсатында жүргізіліп жатқан жұмыстарға жіті тоқталды. Оның ішінде тұрмыстық зорлық-зомбылыққа қарсы күрес, жол қауіпсіздігі, есірткі қылмысы, экстремизмге қарсы іс-қимыл жұмыстары, алаяқтық, киберқылмысқа қарсы күрес бағытындағы шараларына тоқталды. Жалпы қазіргі уақытта жол қауіпсіздігі өзекті мәселелердің бірі. Талдау көрсеткендей, көлік оқиғаларының басты себебі жылдамдықты арттыру, қарсы бағытқа шығу, автокөлікті мас күйде басқару. Полиция департаментімен жол – көлік оқиғаларының алдын алу мақсатында оңды шаралар қолға алынып отыр. Өңірімізде жыл басынан жол қозғалысын бұзудың 62 мыңнан астам дерегі анықталып, автокөлікті мас күйде басқарған 150-ге жуық жүргізуші ұсталып, көлік құралын жүргізу құқығынан айырылды. Жол-көлік оқиғасының алдын алу мақсатында күнделікті талдаумен осал жерлер нарядпен тығыздалды. Тұрақты және үздіксіз жедел-профилактикалық іс-шаралар ұйымдастырылып, жүргізілуде. Осы ретте Департамент бастығы тиісті қызмет басшыларына жол – көлік оқиғаларының алдын алу шараларын күшейтуді тапсырды. − Мемлекет басшысы “Заң және Тәртіп” қағидатын қамтамасыз ету жөнінде бірқатар нақты тапсырмалар берді. Қоғамда әділдік пен тәртіп орнату үшін құқық қорғау органдарының қызметкерлеріне үлкен жауапкершілік жүктеліп отыр. Сондықтан да халыққа адал қызмет ету, азаматтардың өтініштеріне уақтылы және сапалы жауап беру, құқықбұзушылыққа мүлдем төзбеушілік қағидатын қалыптастыру, олардың заңды мүдделерін қорғау және құқықтық тәртіпті сақтауға біз міндеттіміз. Ел тыныштығын қамтамасыз ету бағытында жаңа мақсаттар мен оң нәтижелерге қол жет¬кізу жолдарын бірлесе қарас¬тыруымыз керек, − деді М.Аблазимов.</blockquote>Кеңес қорытындысы бойынша департамент бастығы Махсудхан Аблазимов жедел-қызметтік жұмыстарды қорытындылап, алдағы уақытта бұл жұмыстардың тиімділігін арттыру бойынша нақты шараларды белгіледі. &nbsp;

Бас полицей тоқсанды қорытындылады

<a href="https://kyzylorda-news.kz/">Kyzylorda-news.kz</a>&nbsp; Қызылордада жедел басқару орталығының бейнекамералары арқылы 1116 құқық бұзушылық анықталды.Қызылорда қаласы Полиция басқармасының жедел басқару орталығында полицейлер тәулік бойы үздіксіз өз жұмыстарын атқаруда. Қоғамдық қауіпсіздікті қамтамасыз ету мен тәртіпті сақтау мақсатында анықталған құқық бұзушылықтар бойынша жедел жұмыстарды жүзеге асырады. Бір аптада «102» арнасына 918 хабарлама келіп түскен. Ал, жедел басқару орталығының көмегімен 1116 құқық бұзушылық анықталды. Оның ішінде ҚР ӘҚБтК-нің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 347 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 66 жүргізуші, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 51 жүргізушіге әкімшілік хаттама толтырылды.&nbsp;Сонымен қатар, ҚР ӘҚБтҚ-нің 440-бабы (Алкогольдік ішімдік ішу немесе қоғамдық орындарға масаң күйде жүрген) бойынша 67 хаттама рәсімделді. ҚР ӘҚБтК-нің 434-бабы (Ортақ пайдаланатын қоғамдық орынды ластау) бойынша 94 құқық бұзушылық анықталды. Айта кету керек, қоғамдық орында орналасқан бейнекамера көмегімен 3 қылмыс дерегі тәуліктік кезекшілікте ізін суытпай ашылды. Бұл бағыттағы жұмыстар мен құқық бұзушылық анықталып, шара көрілді. &nbsp;Фото: egemen.kz

Бейнекамера көмегімен 1116 құқық бұзушылық анықталды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы полиция басқармасы &nbsp;жол қозғалысы ережелерін бұзудың, жол-көлік оқиғаларының алдын алу мақсатында арнайы рейдтер өткізуде. Сондай-ақ, скутер жүргізушілерімен жоспарлы кездесулер жалғасуда. Оларға қала көшелерінде жүргенде арнайы қатаң қорғаныш дулығамен жүру керектігі, жарамды жарықтандыру аспаптары болуы тиіс екендігі түсіндірілуде.Кездесу барысында Қызылорда қаласы полиция басқармасының полиция батальонының қызметкерлері екі доңғалақты көлік құралдарының кәмелетке толмаған жүргізушілеріне ерекше назар аударды. Инспекторлар мотошлемдерді, қорғаныс құралдарын пайдалану қажеттігін еске салып, ЖҚЕ бұзғаны үшін әкімшілік жауапкершілік туралы ескертті.Жыл басынан бері &nbsp;өңірде скутерлердің қатысуымен 53 жол-көлік оқиғасы тіркелді. Соның салдарынан 2 адам зардап шекті. Негізгі себептер-маневр жасау және қиылыстардан өту, қарсы жолаққа шығу, басқару құқығы жоқ адамдардың скутерлер мен мотоциклдерді басқаруы, қозғалыс жылдамдығынан, қашықтықтан асып кетуі, қайта құру кезінде бұрылыс белгілерін пайдаланбауы, қарсы жолақта және қатарлар арасында жүру ережелерін бұзу. Әсіресе, ауыр зардаптар жеке қорғаныс құралдары (мотошлем) және жабдықтар болмаған кезде пайда болады.Тәртіп сақшылары барлық жүргізушілерді, жаяу жүргіншілерді және велосипедшілерді жол ережелерін қатаң сақтауға шақырады. Сондай-ақ, ата-аналарға жасөспірімге скутер сатып алмас бұрын алдымен лицензиясы бар автомектептерде оқудан өтіп, жүргізуші куәлігін алу керектігін ескертеді. Сондай-ақ балалар мен жасөспірімдер тарапынан құқық бұзушылықтар анықталған кезде кінәлілердің ата-аналары ҚР ӘҚБтК-нің 127-бабы бойынша (кәмелетке толмағандарды ұстау, тәрбиелеу, оқыту, олардың құқықтары мен мүдделерін қорғау жөніндегі міндеттерді ата-аналарының немесе кәмелетке толмағандардың өзге де заңды өкілдерінің орындамауы немесе тиісінше орындамауы) тартылатынын атап өткен жөн.&nbsp;Фото: Сыр бойы&nbsp;

Скутер жүргізушілеріне арнайы рейд жүруде

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданы Тереңөзек кентінің азаматы Самат Дәуітханұлы бірнеше айдан бері жеке кәсіпкер ретінде тіркеліп, жергілікті халық игілігі үшін шина монтаждау орталығын ашты. Жас кәсіпкер өз қалтасынан &nbsp;орталықты автокөлік шиналарын жөндеуге арналған құрал-жабдықпен толықтай қамтамасыз еткен. Қазіргі таңда автокөлік дөңгелегінің жүрісін жақсарту мақсатында халыққа сапалы қызмет ұсынатын талапты жас дәнекерлеу жұмысын да іске қосқан болатын.&nbsp; &nbsp; &nbsp; &nbsp; Редакцияның шығармашылық тобы жас кәсіпкердің жұмысымен жан-жақты танысу мақсатымен шина монтаждау орталығына бас сұғып, табан тіреген болатынбыз. Күндігіне он шақты автокөліктің дөңгелегін жөндейтін Самат Дәуітханұлы «Қазақ» және Әлішер Тоқмағамбетов көшесінің қиылысында орналасқан ғимаратты кәсіпкерлік бағытқа негіздеп, жөндеген. Қазақстан теміржол саласында 11 жылдан бері еңбек ететін жас кәсіп иесі осы қызмет түрінің қыр-сырын өзі айтып берді. &nbsp; &nbsp; &nbsp; – Бүгінгі нарық заманында бір орында тоқтап қалуға болмайды. Әрдайым ізденіс үстінде жүріп, табыс көзін еселейтін кәсіпті меңгеруге ұмтылыс қажет. Біз отбасылық шағын бизнесті жандандыруға жанұямызбен бар күш-жүгерімізді салудамыз. Өзімнің асқар тау әкем мен ағам әркез жәрдемдесіп, жан-жақты бағыт-бағдар беріп, жол көрсетуде. Ағам Жасұлан Қашақов – 30 жылдық тәжірибесі бар дәнекерлеуші. Әрі ісіне мығым білікті маманнан әлі үйренерім көп. Автокөлікті және өзге де темір бұйымын дәнеркелейтін шеберге күнделікті келушілердің қатары қалың. Шина монтаждауға керекті құрал-жабдықты алуға 4 миллион теңге қаражат кетті. Аудан тұрғындарына сапалы қызмет көрсетуге дайынбыз, – деді шебер. &nbsp; &nbsp; &nbsp; Жас кәсіпкер Самат Дәуітханұлы – №210 Оспан Әбілпаттаев атындағы орта мектептің түлегі. Ол – отбасында үш ағайынды. Жұбайы Айдана Болатқызымен бірге үш перзент тәрбиелеп отырған үлгілі жанұя. Жаңа кәсібін жетілдіріп, жандандыруға күш салып келе жатқан жас кәсіпкер автокөліктің 4 дөңгелегін 4 мың теңгеге ауыстырып береді. Ал дөңгелек резеңкесін жамату үшін тұтынушы 500 теңгесін жұмсайды. &nbsp;

Шина монтаждау кәсібін жандандырған кәсіпкер

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық Қазақстан Халқы ассамблеясы жанындағы медиаторлар кеңесінің ұйымдастыруымен Абылай хан атындағы колледжде кездесу өтті.Кездесуге «Бітім» медиация орталығының директоры, «Анаға тағзым» орталығының медиаторы, кәсіби медиатор Жанна Мирамбекқызы және облыстық қоғамдық даму басқармасының «Қоғамдық келісім» КММ бөлім басшысы, медиация кабинетінің үйлестірушісі Шахизат Абдраманова және колледж студенттері қатысты.Жиын барысында Ж. Мирамбекқызы медиация – уақытты үнемдеу және бейбіт келісімге келудің ең тиімді жолы екендігін алға тартты. Әсіресе, оқу саласында, оқытушы мен студент арасындағы кикілжіңдер, отбасы, жер, көрші, жесір дауларының барлығы осы медиация жолымен шешкен әлдеқайда тиімді екендігін айтты.<blockquote>− Отбасылық даулар, ажырасуға дейін апаратын жанжалдар біздің қоғамда көптеп орын алып жатқаны өкінішті. Әсіресе, ерлі-зайыптылардың арасында мәселені шешудің орнына қайта күрделендіріп жіберетініне көзіміз жетіп жүр. Некені бұзуға келіскен ерлі-зайыптылардың арасында отбасындағы балаларға психологиялық жағынан өте ауыр тиеді. Оның мінезі тұйықталып, қиналады. Бұл тұрғыда медиация орталығы тегін кеңес береді. Орталықта психолог маман жұмыс істейді. Жастарға қатысты барлық мәселелерге байланысты кеңес береді. Сонымен бірге, орталыққа телефон арқылы хабарласып, қажетті кеңес ала аласыздар, − деді.</blockquote>Ал Ш. Абдраманова медиация институты, оның тиімділігі, медиация тәсілін меңгеру пайдасы, медиацияның тетіктерін ұтымды пайдалану, қызметте, қоғамда, жастар арасында орын алатын дауларды екі тарапқа да оңтайлы реттеу сынды мәселелерді қозғады.<img src="https://knadmin.beoblood.kz/uploads/63ee0293_baf1_4b4f_8ae1_eabe6d132e3f_177ac47e49.jpg" alt="63ee0293-baf1-4b4f-8ae1-eabe6d132e3f.jpg">

Қазақстан және Қызылорда облысының жаңалықтары