<a href="https://kyzylorda-news.kz/">Kyzylorda-news.kz</a>&nbsp; Қазіргі уақытта электр қуаты маңызды рөл атқарады, онсыз өміріміздің бірде-бір саласын елестету мүмкін емес. Мысалы: заманауи индустрия, өнеркәсіп өндірісі, ғимараттар мен көшелерді жарықтандыру, жылыту жүйесі, медициналық және ауыл шаруашылығы жабдықтары электр энергиясының көмегімен іске асады. Күнделікті қолданатын тұрмыстық заттарымыз, тіпті кейінгі уақытта елімізде саны артып келе жатқан электр қуаты арқылы жүретін автокөліктерде тоқ көзін қажет етеді.Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында:&nbsp;<blockquote>– «Елдегі электрмен қамту желілерінің үштен екісінің, жылу коммуникацияларының 57 пайызы және су құбыры желілерінің жартысына жуығының тозығы жеткен. Бұл сандардың нені білдіретіні белгілі. Тарифтерді қолдан ұстап тұру олардың өшуіне, апаттарға, түптеп келгенде азаматтардың өмірі мен денсаулығына қауіп төндіруі мүмкін. Монополиялық нарықтарда «Инвестицияларды тарифке алмастыру» деп аталатын жаңа тарифтік жоспарға көшу керек. Желілер мен қуаттылықтардың тозу көрсеткішін кемінде 15 пайызға жеткізуіміз қажет», – деген болатын.&nbsp;</blockquote>Бүгінде Шиелі ауданында ең өзекті мәселенің бірі болған электр жарығы оң шешімін тауып, жүйелі жұмыстар атқарылуы қуанарлық жағдай. Себебі, бұған дейін электр желілерінің үзілуі, бағаналардың сынуы жиі орын алатын. Қыс айындағы қалың қар мен боран кезінде, күздегі толассыз жауған жауынның әсерінен жарық өшіп, тұрғындар әбігерге салынатын. Осыны ескерген сала мамандары арнайы жоба әзірлеп, жыл басынан бері тынбай еңбек етуде. Жобаның құны миллиардтан асып жығылады. Бұл туралы Шиелі ауданының әкімі Нұржан Ахатов облыс әкімінің алдындағы есеп беру кездесуінде:&nbsp;<blockquote>– Шиелі кентіндегі жоба құны 808 млн теңге болатын электр желілерін қайта құрылымдаудың І кезеңіне 2023 жылы 100 млн теңге, биыл 619 млн теңге қаржы қаралып, тозығы жеткен трансформаторлар мен электр желілері ауыстырылуда. Жоба толық аяқталғанда аудан орталығын электрмен қамту желілерінің 42 пайызы жаңаратын болады. Сонымен қатар, жобалық құны 4,5 млрд теңге болатын Шиелі кентіндегі қосалқы станциясын қайта жаңғырту жұмыстарына осы жылға Ұлттық қор есебінен 1,5 млрд теңге бөлініп, мемлекеттік сатып алу жұмыстары жүргізілуде, – деді. Яғни, осы жобалар толығымен жүзеге асса аудан орталығындағы 38 мың тұрғын сапалы электр энергиясын тұтынатын болады.&nbsp;</blockquote>Жалпы Шиелі ауданында ВЛ35 кВ - 195,3 км, ВЛ-10 кВ - 434,4 км, ВЛ-0,4 кВ - 516,1 км барлығы 1145,8 км электр желілері бар. Оның 78 пайызының тозығы жеткен. Биылғы жылдық жоспарға сәйкес, аудан тұрғындарын электр энергиясымен үздіксіз әрі сапалы қамтамасыз етуге «ҚЭТТК» АҚ қызметтері Шиелі аудандық электр торабы мекемесі 14 дана 35/10 кВ қосалқы станцияға, 1 дана 220/110/35/10 кВ қосалқы станцияға және 10 кВ орталық тарату пунктеріне жоспарлы алдын ала жөндеу жұмыстары қарқынды жүргізілуде.Бұған қоса сала мамандарының жоспарына сәйкес, 10 кВ әуе желісіне 1,86 шақырым, 0,4 кВ әуе желісіне 1,32 шақырым, 10/0,4 кВ қосалқы станцияға 6 дана, 1 дана 35/10 кВ қосалқы станцияға күрделі жөндеу және 10 кВ әуе желісіне 0,32 шақырым, 0,4 кВ әуе желісіне 0,69 шақырым, 6 дана 10/0,4 кВ қосалқы станцияға, 1 дана 35/10 кВ қосалқы станцияға ағымдағы жөндеу жұмыстарын жүргізуді жоспарлап отыр.&nbsp;Қазақ даналығында «бірлік бар жерде, береке бар» демекші, аудан әкімшілігі мен Шиелі аудандық электр тарату торабы мекемесімен бірлесіп атқарылып жатқан жұмыстар күнненкүнге өз нәтижесін беруде. Атап айтар болсақ, «Шиелі аудандық құрылыс, сәулет және қала құрылысы бөлімі» КММ-нің тапсырысы бойынша, Шиелі кентінде 10/0,4 кВ электр желілері мен электр қондырғыларын қайта құру жаңғырту жобасы жұмыстарының I кезең жүргізілуде. Ұзындығы 25,2 шақырым 10 кВ әуе желісі, 18,3 шақырым 0,4 кВ әуе желісі, КТПГ10/0,4 кВ қосалқы 9 дана станциясы қарастырылып, тамыз айында қолданысқа берілмек.&nbsp;Өткен жұма күні Шиелі аудандық электр тарату торабы мекемесінің бастамасымен электр желілерін жаңғырту жұмыстарын зерделеуге баспасөз туры ұйымдастырылды. Арнайы турға облыстық телеарна тілшілері, аудандық қоғамдық кеңес төрағасы Қ.Бекішов және жергілікті БАҚ өкілдері мен мекеме қызметкерлері қатысты.&nbsp;Алдымен мекеме басшысы Ғ.Қалқұлов қатысушыларға биылғы жұмыс жоспарын таныстырды.&nbsp;<blockquote>– Биылғы жұмыс жоспары ауқымды. Ең бастысы, тұрғындарды электр желісімен тұрақты түрде қамтамасыз ету үшін бар күш-жігерімізді салатын боламыз. 2023 жыл «Шиелі аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі» КММ-нің тапсырысы бойынша Жөлек, Жиделіарық, Жақаев, Бестам, Қодаманов, Алмалы, Бәйгеқұм, Алғабас, Бала би, Ортақшыл, Бекежанов елді мекендеріне 10/0,4 кВ электрмен жабдықтау желілерін қайта құрылымдау үшін жоба әзірледік. Жоспар 2024-2025 жылдары аралығында жүзеге асады. Сондай-ақ Алмалы, Бидайкөл, Бестам, Тәжібаев, Жиделіарық, Байсын, Тұрсынбай датқа елді мекендеріне 10/0,4 кВ электрмен жабдықтау желілерін қайта құрылымдау жобасы жасалуда, оның да іске асу мерзімі 2024-2025 жылға жоспарлануда – дейді сала басшысы.&nbsp;</blockquote>Алдымен зерделеу жұмысы Жаңақорған ауданымен шекаралас орналасқан ПС-35/10 кВ «Тақыркөл» қосалқы станциясынан бастау алып, 220/110/35/10 кВ «Шиелі» станциясында зерделеу жұмыстары жүргізілді. Кент ішіндегі электр бағаналарын ауыстыру, тоқ сымдарын тартып жүргізуге куә болған аудан тұрғындары ыстық ықыластарын білдіріп, сәттілік тіледі. Мекеме мамандарының жүйелі жұмысының мән-жайымен таныс болған БАҚ өкілдері көкейдегі сұрақтарын қойып, мардымды жауаптарын алды. Аудандық қоғамдық кеңес төрағасы Қ.Бекішов:&nbsp;<blockquote>– Соңғы жылдары аудан көлемінде тұрғындарды электр энергиясымен қамтамасыз ету жақсарып келеді. Аудан әкімдігімен бірлесіп, нәтижелі жұмыс атқарып отырған аудандық электр тарату мекемесіне алғысымды білдіремін. Осылай халық пен БАҚ өкілдерімен ашық түрде жүргізілген тур өз жалғасын таба берсін. Бастаған істеріңіз жыл соңына дейін толықтай аяқталып, халықтың игілігіне жарасын, – деп оң бағасын берді.&nbsp;</blockquote>Иә, біздегі электр жүйесінің тозу деңгейі жоғары екені рас. Аймақ басшысы Н.Нәлібаев бұл электр жүйесі күттірмейтін мәселе екенін айтып, тиісті мамандарға тапсырма беріп, шұғыл түрде жүзеге асыруды міндеттеген болатын. Міне, бүгін жобалар қолға алынып, білікті мамандар іске кірісті. Көп ұзамай атқарылған іс өз жемісін беріп, күз бен қыста, дауылды және жауынды күндері халық жарықтан қысылмай шығады деп сенім білдіреміз.Мейіржан ИБРАГИМОВ

Шиелінің жарық жүйесі жаңаруда

<a href="https://kyzylorda-news.kz/">Kyzylorda-news.kz</a>&nbsp; Мәдениет және ақпарат министрі Аида Балаева&nbsp;Қазақстанда TikTok әлеуметтік платформасын бұғаттау мәселесі талқыланып жатқанын мәлімдеді.&nbsp;Бұл туралы&nbsp;<a href="https://stan.kz/kazakstanda-tik-tok-ti-bygattau-turali-maseleni-karasti-398985/">Stan.kz</a>&nbsp;ақпарат агенттігі хабарлайды.Мәжіліс алаңында министрге “Елімізде қандай әлеуметтік желілер бұғатталуы мүмкін?” деген сұрақ қойылды.“Мұның барлығы заңсыздық пен құқықбұзушылықтың қаншалықты шектен шығып, етек алуына байланысты. Атап айтқанда,&nbsp;TikTok. Министр ретінде айтарым, менің ойымша әлеуметтік желіні бұғаттау мәселесін қарастыру керек. Балалар да, біз де қандай балағат сөздердің айтылып жатқанын көріп отырмыз. Тіпті көріпкелдер бал ашып отырады”, –&nbsp;деп жауап берді Аида Балаева.Биліктегілер&nbsp;балаларды қорғау үшін&nbsp;әлеуметтік желіге бірқатар шектеу енгізуі мүмкін. Алайда басқалар мұны бостандықты шектеу деп қарастырады.“Сіз осылай ойлайсыз. Дегенмен, біз барлық мәселені жан-жақты қарастыруымыз керек. Кез келген мемлекеттік орган қандай да бір дерекке&nbsp;сілтеме жасай отырып, шешім қабылдамайды. Жан-жақты қарастырады, зерделейді, сосын бірқатар шаралар&nbsp;қолданады.&nbsp;Қолданатын шаралар бәріне бірдей&nbsp;ұнай бермейді. Дегенмен біздің міндетіміз – тұрақтылық пен бірлікті сақтау”, –&nbsp;дейді министр.&nbsp;Фото:&nbsp;Нұрболат Нұржаубай

Қазақстанда TikTok-ты бұғаттау туралы мәселені қарастырып жатырмыз – Ақпарат министрі

<a href="https://kyzylorda-news.kz/">Kyzylorda-news.kz</a>&nbsp; Соңғы жылдары сақтандыру нарығында жосықсыз&nbsp;«көмекшілердің»&nbsp;қызметіне жүгінушілердің саны артуда.&nbsp;Олардың «қызметтеріне» &nbsp;азаматтар&nbsp;көп жағдайда жол-көлік оқиғасы&nbsp;кезінде міндетті автосақтандыру бойынша сақтандыру төлемдерін алу үшін жүгінеді.Fingramota.kz сақтандыру делдалдарының іс жүзінде қалай әрекет ететінін және&nbsp;бұл жағдайда&nbsp;қазақстандықтарға неліктен&nbsp;сақтандыру омбудсманына жүгінген&nbsp;дұрыс&nbsp;екенін айтып береді.Қазіргі таңда Қазақстанның сақтандыру нарығындағы басты проблеманың бірі «көмекшісымақтардың» қызметі болды. Азаматтардың сеніміне кіру үшін олар өздерін көлік саласының заңгерлеріміз &nbsp;деп таныстырулары мүмкін, бұл аталған саладағы заң мамандарының абыройына айтарлықтай нұқсан келтіреді. «Көмекшілер» зардап шеккен азаматтардың құқықтық сауатсыздығын пайдаланып, сақтандыру ұйымынан сақтандыру төлемін өз бетінше алу мүмкін емес деген жаңсақ пікір қалыптастырады. &nbsp;&nbsp;«Сақтандыру көмекшілерінің»&nbsp;схемасыАвтосақтандыру – сақтандыру өнімдерінің ішіндегі ең көп таралған қызмет. Көлік жүргізушілері мен сақтандырушылардың арасында жол-көлік оқиғасынан кейінгі төлемнің мөлшері жөнінде даулардың жиі туындауы таңғаларлық емес. Бұл жерде, мүдделер қақтығысының салдарынан сақтандыру төлемінен түсетін белгілі бір пайыздар үшін өз қызметтерін ұсынатын делдалдар &nbsp;да пайда бола кетеді. &nbsp;Мұндай «автозаңгерлер» көлік иелерінің мүддесін қорғап, сот арқылы ЖКО кейінгі сақтандыру төлемінің мөлшерін ұлғайтуға тырысады. &nbsp;Олар автокөлік бөлшектерінің құны және (немесе) оны жөндеуге жұмсалатын шығынды бағалау кезіндегі айырмашылықты алға тартады. Сақтандыру делдалдарының іс-әрекеттері мен қолданатын әдістері бір көзбен қарағанда, тиімді сияқты болып көрінеді. Сот сақтандыру компаниясы қосымша ақы төлеуге тиіс деген шешім шығаруы мүмкін. Сот кабинетінің мәліметі бойынша, сәтті болған жағдайда, оның мөлшері негізгі төлемнің 10 немесе тіпті 20%-ын құрайды. Алайда, жеке сақтандыру делдалдарының қызметтері үшін сыйақы сақтандыру төлемінің 30-50%-ына жетуі мүмкін. Сотта жеңіске жетіп, делдалға гонорар бергеннен кейін, автокөлік иесі уақытын жоғалтқаны болмаса, ешқандай зардап шекпейді. Көпшілік жағдайда ол үшінші тұлғалар араласпаған жағдайда қол жеткізетін сақтандыру төлемінің бір бөлігінен айырылады.Тыңдау рәсімін жүргізу кезінде және сотта жеке тұлғалардың айғақтары бойынша пайда алушылар сақтандыру омбудсманы институты жайлы хабары жоқ екенін және ақылы негізде делдалдарға жүгінетінін хабарлайды.Шын мәнінде, «көмекшілер» іс жүзінде заңды немесе консультациялық қызметтер көрсетпестен және азаматтарды жаңылыстыра отырып, заң бойынша пайда алушыға тиесілі сақтандыру төлемінің жартысына жуығын өздері алады. Азаматтардың сенгіштігін пайдалана отырып, жосықсыз «көмекшілер» азаматтардың есебінен байи түседі.Бұл ретте олардың мұндай қызметтері жеңіл ақша алудың кәнігі схемасына айналды, салдарынан заңды төлемдерін ала алмаған адамдардың саны жылдан жылға артып келеді. Нәтижесінде «көмекшілердің» қызметі азаматтарға материалдық зиян келтіріп қана қоймайды, сонымен қатар олардың сақтандыруға деген сеніміне нұқсан келтіреді, өйткені «көмекшілер» өздерінің көмегінсіз сақтандыру төлемін алу қиынға соғады деп сендіреді.Салдары өліммен аяқталған ЖКО-дан кейін «көмекшілер» зардап шеккен адамның туыстарына сақтандыру компанияларынан ақша алуға жәрдем етуге уәде бере отырып «қол ұшын беру үшін» хабарласатын жағдайлар жиі кездеседі. Сонымен, егер ЖКО-да қайтыс болған адамның асыруында балалары немесе ата-аналары болса, заң бойынша оларға 2000 АЕК немесе 7,4 млн теңге (2024 жылға арналған АЕК – 3 692 теңге) мөлшерінде сақтандыру төлемі тиесілі. «Көмекшілер» олармен шарт жасасып, сақтандыру төлемдерін алуға сенімхат ресімдейді. Бұл жағдайда делдалдық қызметтер &nbsp;зардап шеккен адамның туыстарының сақтандыру компаниясына құжаттар беруіне алып келеді. Жарты соманы немесе одан көп соманы делдалдар өздеріне қалдырады, және бұл көрсетілген қызметтің көлеміне сай емес. &nbsp;Сақтандырушылардың сақтандыру төлемдерін жүзеге асырғаны үшін комиссиялар мен алымдар көзделмегендігін атап өтеміз.ҚР Азаматтық кодексінің 817-бабының 4-тармағына сәйкес сақтандыру жағдайының басталғандығын, сондай-ақ ол келтiрген зияндарды дәлелдеу сақтанушының (пайда алушының, сақтандырылушының) мiндетiне жатады.Азаматтардың сақтандыру жағдайы орын алған кезде сақтандыру ұйымы сақтандыру төлемін сақтандыру саласындағы қолданыстағы заңнамада белгіленген мөлшерде, тәртіппен және мерзімде жүргізуге міндетті екендігіне назарын аударамыз. Салдары өлімге әкелген ЖКО кезінде қайтыс болған адамның асырауындағы адамдардың: оның асырауындағы балаларының немесе туыстарының, зардап шеккен адамның қайтыс болуына байланысты зиянды өтеуге құқығы бар адамның біржолғы төлем алуға құқығы бар.Заңнамадағы өзгерістерге сәйкес ағымдағы жылдың басынан бастап қазақстандықтар сақтандырушылармен келіспеушіліктерді реттеу үшін сотқа жүгінуден бұрын сақтандыру омбудсманына жүгінулері керек. Яғни 2024 жылғы 1 қаңтардан бастап шешілмеген сақтандыруға қатысты даулы мәселесі бар өтініш беруші оны реттеу үшін міндетті тәртіппен сақтандыру омбудсманына жүгінуі қажет. Аталған жаңа ереже азаматтарға сақтандыру ұйымдарымен дауларды шешу рәсімін елеулі түрде жеңілдетті.Сақтандыру обмудсманы деген кім?Сақтандыру омбудсманы – &nbsp;бұл өз қызметінде тәуелсіз жеке тұлға, оның қызметі жеке және заңды тұлғалардың сақтандыру компанияларымен сақтандыруға қатысты даулы мәселелерін шешуге бағытталған.Сақтандыру омбудсманы дауларды ерікті және міндетті сақтандырудың барлық класы бойынша қарайды. Бірақ кішігірім шектеу бар – даулар бойынша талап ету сомасы 10 000 АЕК-тен аспауға тиіс, ол 2024 жылы 36 920 000 теңгені құрайды.Орта және ірі бизнес субъектілерін болып табылатын заңды тұлғалар омбудсманға көлік құралы иесінің азаматтық-құқықтық жауапкершілігін міндетті сақтандыру (КҚИ МАҚЖ) класы бойынша ғана жүгінуге құқылы.Сақтандыру омбудсманы дауды 2 ай ішінде қарап, шешім шығарады. Сақтандыру омбудсманының шешімін сақтандырушы орындауға міндетті болады. Бұл ретте омбудсман дауды тегін қарайды, ешқандай ақы төлеудің қажеті жоқ, сақтандыруға қатысты даулы мәселе болса, тек омбудсманға өтініш беру керек.Омбудсманға жүгіну тәртібі&nbsp;Сақтандыру омбудсманына жүгінуден 3 күн бұрын өтініш беруші жүгінетіні туралы сақтандыру компаниясына &nbsp;хабарлауы қажет. Бұл сақтандыру компаниясына дауды реттеуге мүмкіндік беру үшін жасалады. Сақтандыру компаниясына хабарлама бергеннен кейін 3 күн өткен соң өтініш беруші омбудсманға өтініш беруге құқылы болады.Өтінішті әртүрлі тәсілдермен беруге болады:&nbsp;Алматы қ., Рысқұлбеков к-сі, 28/7, 2-қабат мекенжайы бойынша омбудсманның офисіне тікелей беру; сақтандыру компаниясы арқылы, сақтандыру омбудсманының https://fomb.kz сайты арқылы, info@fomb.kz электрондық поштасы арқылы. 2024 жылғы қаңтарда сақтандыру дауларын қараудың CRM-жүйесі енгізілді, сондай-ақ омбудсманның сайты арқылы өтініш беру нысаны енгізілді. Статистика бойынша, 80%-85% өтініштер интернет-ресурс арқылы беріледі.Сақтандыру дауын қарау нәтижелері бойынша сақтандыру омбудсманы шешім шығарып, оны өтініш берушіге жолдайды. Өтініш беруші сақтандыру омбудсманының шешімімен келісе алады, бұл жағдайда сақтандыру компаниясы оны орындауға міндетті болады.&nbsp;Сол уақытта өтініш беруші сақтандыру омбудсманының шешімімен келіспей сақтандырушыға қатысты сотқа талап арыз беруге де құқылы. Бұл жағдайда омбудсманның шешімі өтініш беруші үшін міндетті болып табылмайды. Талап арызды берген жағдайда дауды омбудсманда сотқа дейінгі міндетті реттеуді растайтын құжат ретінде омбудсманның шешімін қоса беру қажет. Сот дауды келіп түскен талап арыздың және қоса берілген құжаттардың негізінде қарайды.&nbsp;Даулардың 10%-20%-ы ғана ары қарай сотқа жіберіледі, бұл сақтандыру нарығының тұтынушыларына сақтандыру дауы бойынша өзін қанағаттандырарлықтай шешімді барынша қарапайым нысанда әрі қысқа мерзім ішінде тегін алуға мүмкіндік береді. Десек те, сақтандыру омбудсманы бас тарту туралы шешім шығаратын кейстер де жоқ емес. &nbsp;Сақтандыру омбудсманының офисі сақтандыру дауларын сапалы түрде және жедел қарауға мүмкіндік беретін үрдістер мен үдерістерді тұрақты түрде жетілдіріп отырады. Сондықтан, сақтандыру нарығында қызмет ететін күмәнді делдалдарға жүгінбей, дауды сақтандыру омбудсманымен реттеген жөн.&nbsp;Қаржылық сауаттылығыңызды Fingramota.kz-пен бірге арттырыңыз!&nbsp;Фото: Fingramota.kz

Сақтандыру көмекшілеріне неліктен өз ақшаңызды сеніп тапсыруға болмайды?

«Кәсіпкерлікті қолдау» бағытында 484 адам қайтарымсыз грант иеленеді

<a href="https://kyzylorda-news.kz/">Kyzylorda-news.kz</a> Қазақстан Республикасы Қарулы Күштері Әскери полициясы бас басқармасының бастамасын Қызылорданың әскерлері сәтті орындап, өңірдегі әскери құқықбұзушылық деңгейін төмендетті. Бұл туралы &nbsp;Қызылорда гарнизонына қызмет көрсету жөніндегі әскери полиция бөлімшесінің бастығы майор Бақтияр Дәуренқұлов мәлімдеді.&nbsp;Қызылорда гарнизонына қызмет көрсету жөніндегі әскери полиция бөлімшесінің қызметкерлері Қызылорда гарнизонының әскери прокуратурасы, Қызылорда облысы Полиция департаментінің өкілдері, Қызылорда облысы Қылмыстық атқару жүйесі департаментінің психолог маманы, Қызылорда облысы Дін істері басқармасының теолог маманы, Қызылорда қаласы «Нұр» мешітінің 1-ші найб имамымен бірлесе отырып, «Өмірді сақта» ведомствоаралық бағдарламасына сәйкес «Құмар ойынды тоқтат!», «Тұрмыстық зорлық-зомбылық», «Есірткі, психотроптық заттар мен прекурсорлар және олардың заңсыз айналымы», «Суицидтік көріністерді алдын алу», «Қауіпсіз жол» іс-шарасы, «Ұқыпты келбет-жетістікке апаратын жол!» әскери киім үлгісін кию талаптарын сақтау бағытында құқық бұзушылықтарды алдын алу, «Қауіпсіз палигон» іс-шарасы мен «Билікті асыра пайдалану» деректерін алдын алу тақырыптары аясында 2024 жылғы сәуір айында дәрістер мен түсіндіру жұмыстары жүргізіліп, Қызылода гарнизонының әскери бөлімдері мен мекемелердің барлық санаттағы әскери қызметшілеріне және отбасы мүшелеріне қылмыстық және әкімшілік құқықбұзушылық жасауға тәуекел ету немесе оқталу іс-әрекеттерін, оның ішінде бұзақылық жасау, есірткі және алкогольдік ішімдікті пайдалану, көлікті мас күйінде жүргізу немесе қоғамдық орындарға адамның қадір-қасиетін түсіру және имандылықты қорлайтын масаң күйде келу, жол қозғалысы ережелерін сақтау, тұрмыстық зорлық-зомбылылықты алдын алу мақсатындағы арнайы &nbsp;жұмыстар &nbsp;жан – жақты жүргізілді.&nbsp;Оқу дәрістері барысында әскери қызметшілердің отбасылық жағдайда немесе адамның өміріне қол сұғушы адамға не қорғанушының немесе басқа адамдардың өміріне қауіпті қарулы шабуылмен немесе зорлық-зомбылықпен не осындай зорлық-зомбылықтың тікелей қатерімен, не тұрғын үйге, үй-жайға басып кірумен ұштасқан өзге де қолсұғушылыққа, азаптауға жол бермеу, өз-өзіне қол жұмсау көріністерін бодырмау, құмар ойынның соңы ауыр зардапарға әкелетіндігі, әскери қызметшілердің әкімшілік құқықбұзушылық фактілері туындаған жағдайда-олардың жанұяларына тікелей әсерін тигізетінін сонымен қатар айыппұл төлеу ол әр әскери қызметшінің отбасылық бюджетіне ауыр тиетіндігі &nbsp;түсіндірілді.&nbsp;Әскери қызметшілер арасында құмар ойындарға әуес болу, алкогольдік ішімдікті немесе есірткі заттарын пайдалану, отбасы–тұрмыстық қатынастар аясындағы құқыққа қарсы әрекеттерде құқық бұзушымен отбасы-тұрмыстық қатынастардағы адамдарға сыйламаушылық көрсетiлiп, былапыт сөйлеу, қорлап тиiсу, кемсiту, үй тұрмысындағы заттарды бүлдiру және олардың тыныштығын бұзу сияқты да жағдайлар кездесіп жатыр. Ол әскери қызметшілердің жанұясының шырқының, некенің бұзылуына әкеп соғады. Шырқы кетіп, шырайы қашқан отбасыларда бақытты ана, алаңсыз бала болмайтыны да аян. Үрке қорқып отыратын балаларға отбасылық құндылықтарды ұғындыру, кемел келешекке қамсыз көз жүгірткізіп сендіру әсте мүмкін еместі. Берік мемлекетіміздің тамшыдай бөлігі болатын жас отбасылы әскери қызметшілерімізге саналы ұрпақ тәрбиелеуіне, үлгілі отбасы болуына, &nbsp;салауатты өмір салтын ұстанып отбасы жағдайында немесе қоғамдық орында болсын құқықтық тәртіптің мәдениетін сақтау керек екендігі түсіндірілуде. Ең бастысы, мұндай түсіндіру жұмыстары өз нәтижесін беруде.Қазіргі таңда, Қызылорда гарнизонына қызмет көрсету жөніндегі әскери полиция бөлімшесінің қызметкерлерінің тиянақты атқарған профилактикалық іс-шараларының нәтижесінде әскери бөлімдер мен мекемелерде әскери қызметшілердің құқық бұзушылықтары төмендеп, әскери тәртіптің жағдайы жақсаруда.

Өңірдегі әскери құқықбұзушылық деңгейі төмендеді 

<a href="https://kyzylorda-news.kz/">Kyzylorda-news.kz</a> &nbsp;Қуандық Бишімбаев сотта неліктен Салтанат Нүкенованы балағаттап, боқауыз сөздермен интимдік сипаттағы сұрақтар қойған видеоны түсіргенін түсіндірді.&nbsp;Бүгін бұл видеолар оның ұялы телефонынан табылып, сотта көрсетілді. Бұл туралы <a href="https://stan.kz/korlikka-korlikpen-zhauap-bergim-keldi-bishimbaev-nuken-398982/">Stan.kz</a> ақпарат агенттігі хабарлайды.Бұл видеолар 9 қарашада, яғни Салтанат Нүкенова қайтыс болған күні түсірілген. Бастапқыда Бишімбаев оларды "монтаж" деп атаса,&nbsp;бірақ кейіннен оларды&nbsp;түсіргенін мойындады.&nbsp;Судьядан неліктен бұлай істегенін сұрағанда, сотталушы "қорлыққа&nbsp;қорлықпен жауап бергісі келгенін” алға тартты.Мемлекеттік айыптаушы Айжан Аймағанова өз кезегінде Нүкенованың беті қан жоса болғанын,&nbsp;соңғы бейнематериалдарда көздері ісіп, аша алмай қалғанына назар аударды. Бұған жауап ретінде Бишімбаев сол сәтте оған өлім қаупін көрмегенін айтуды жалғастырды.“Мен өлім қаупін көрмедім, оның өміріне қауіп төніп тұр&nbsp;деп ойламадым”, –&nbsp;деді экс-министр сотта.Бұған дейін&nbsp;Нүкенованың ағасы Бишімбаевтың телефонынан қарындасының видеосын көріп, көз жасын тоқтата алмағаны хабарланған. Оның алдында&nbsp;Бишімбаевтың телефонынан Нүкенованы сұрақтың астына алған видеолар табылғаны&nbsp;жазылған.Бұған дейін бұрынғы ұлттық экономика министрі&nbsp;Қуандық Бишімбаев әйелі Салтанат Нүкенованы&nbsp;өлтірді деген күдікпен&nbsp;ұсталған. Кейіннен қылмысты жасырды деген айыппен Салтанат Нүкенова көз жұмған мейрамхананың директоры да тұтқындалды. Қазір олардың сот отырысы ашық түрде өтіп жатыр.Сондай-ақ экс-министр Қуандық Бишімбаевқа Қылмыстық кодекстің 110-бабы 2-бөлігі ("Азаптау"), Қылмыстық кодекстің 99-бабы 2-бөлігі 5-тармағы ("Аса қатыгездікпен адам өлтіру") бойынша&nbsp;жаңа айыптар тағылған&nbsp;еді.&nbsp;Ал оның туысы Бақытжан Байжанов&nbsp;қылмысты жасырғаны және хабарламағаны үшін айыпталған.

"Қорлыққа қорлықпен жауап бергім келді": Бишімбаев Нүкенованы не себепті видеоға түсіргенін түсіндірді

<a href="https://kyzylorda-news.kz/">Kyzylorda-news.kz</a>&nbsp; Жастарымыз басымдық беретін межелердің қатар¬ында білім әрдайым бірінші орында тұруы шарт», – деді. Иә, ХХІ ғасырда ой озықтығы мен сана ашықтығымен озуға болады. Білімнің салтанат құруы бәсекеге қабілеттіліктің негізгі критерийінен саналады. Сондықтан Үкімет адами капиталды қалыптастыратын һәм дамытатын білім беру саласын жаңартып, жаңғыртып, реформалауда. Заманауи типтік жобадағы мектептер салынуда. Тәжірибелік сабақтар өткізілетін сыныптар жабдықталуда. Интернетке қолжетімділікті арттырды. Осы ретте, біздің білім бәсекелесінде орнымыз қандай? Жастардың заманауи ілімді жинаудағы табысы қандай? Осы сауалдарға тиісті сала мамандары жауап берді.Осы сұрақ төңірегінде Жүсіп Қыдыров атындағы №54 мектептің директоры Нұралхан Түктібаевтың ойын білген едік.<blockquote>–Бәсекелік қабілет дегеніміз – материалдық өнім ғана емес, сонымен бірге, білім, қызмет, зияткерлік өнім немесе сапалы еңбек ресурстары» деп көрсетілді. Бұдан түйетініміз, бәсекеде сапалы біліммен ғана сынға түскенде ұтанымызды ұғасыз.&nbsp; Бесарықтағы білім ордасының тарихы тоқсан жылға жуықтады. Осы уақытта саланың үздік мамандары мектептің білім беру ісінде озық тәжірибесін қалыптастырды. Әсіресе, кадрлардың буын алмасуына, мыныптардың қажетті құрал-жадбықтармен жабдықталуына жағдай жасады.&nbsp; Қазір мектептегі 59 мұғалімнің 18 жоғары санатты, 25 бірінші санатты. Осындай білікті ұстаздардан білім алған шәкірттер аудандық, облыстық білім додаларында жүлдеге ілігіп жүр. 2015 жылы екі «Алтын белгі» иегері шықса, 2016 жылы бір «Алтын белгі» бітірді. 2017 жылы бесеуі алтынға лайық білімін дәлелдеді. ҰБТ қорытындысы бойынша соңғы үш жылда жоғары көрсеткіш көрсеттік. Былтыр екі түлек 125 балл жинады.&nbsp;Енді сапалы білім берудің сыры неде? Соған тоқталсам. Жалпы, мектепте ҰБТ-ға дайындау үрдісі 8-сыныптан бастау қалыптасқан. Оқушы 9-сыныптан оқушының мамандыққа бейімділігіне қарай пәнді таңдап дайындықты күшейтеміз. Оқу жылы басталғанда сыныптан 2-3 рет сынама тест алып, оқушылар жоғары, орта және төмен деңгейге сынып оқушыларына бөлінеді. Сосын төменгі деңгейдегі оқушыны орта деңгейге, ортаны жоғары деңгейге жеткізуге жұмыс жасалады. Ең негізгісі, оқушыларды 6-сыныптан қабылдап алып, 11-сыныпқа дейін бір ұстаз білім нәрімен сусындатып, нәтижесін көзбен көреді. Сонда ұстадың да жауапкершілігі арттады. Бұл – ұстаздар арасындағы бәсекелестікті тудырады.</blockquote>Иа, бәсекеге қабілетті болу жас өрендердің білімі мен тәрбиесінен бастау алатыны сөзсіз. Жасөспірімдердің бос уақыттын тиімді пайдаланып, қабілет-қарымын шыңдап, зейінін арттыру бүгінгі күннің өзекті мәселесі. Экононикасы дамыған озық елдің отыздығына енуді мақсат тұтқан еліміз жас өрендерді ерте жастан ғылымға, жаңа технологияға бейімдеуді үрдіске айналдыуда. Бұл сөзімізді №110 мектеп-лицейінің робототехникға үйірмесінің ұстазы Тұрсынай Шалабаева қостай кетті.<blockquote>– «Заманның ағымынан қалмай алға қарай ілесе беру керек» деген сөздерінің өзінде қаншама мағына жатыр десеңізші! Робототехника. Робот. Бұл терминді еңбектеген балаға дейін түсінеді. Себебі, роботтар өміріміздің көптеген саласына енді. Тіптен, ғарышты игеру, денсаулық сақтау, өндіріс, қоғамдық қауіпсіздікті қамтамасыз ету, қорғаныс ісі және т.б салаларда үлес салмағы артып келеді. Демек, қазіргі жаһандану, инновациялық жаңару заманында роботтардың алатын орны айқындалды. Қазіргі кезеңді – роботтардың кезеңі.&nbsp; Олай болса, жаһандық үрдістен лайықты орын алуымызда роботтехниканы меңгеруді кешіктіре беруге болмайды. Осыны ескерген, білім бөлімі мен мектеп басшылығы 2017 жылы жаңаша бастама қолға алынып, «Робототехника» үйірмесі ашты. «Робототехника» кабинеті 10 дана роботоконструктормен жабдықталған. «Робототехника» үйірмесін жандандыруда оқушыларды түрлі деңгейдегі шараларға қатыстырып, тәжірибе жинақтауын басшылыққа алдық.&nbsp; Облыста өткен «Robotest-2018» роботтар фестивальіне Зарина Қалкөз, Аружан Махамбет,Ерасыл Айдар мен Асыл Мұсабек қатысып, жақсы нәтиже көрсетті.&nbsp; Қазір мектеп оқушыларының роботтехникаға қызығушылығы артып келеді. Олардың қабілет-қарымын ашып, адам өмірін жеңілдететін сапалы роботтар құрастыруына жәрдемдесетін боламыз.</blockquote>Ал, кент орталығының тәлімгері Дастан Кадировты пікірі көңілге қонды.<blockquote>– Қазақстан Республикасының білім беру мен ғылымды дамытудың 2016-2019 жылдарға арналған мемлекеттік бағдарламасының «Жаңартылған білім беру мазмұнына» көшу арқылы заманауи ақпараттық қоғам қалыптастыру жағдайында қазіргі білім беру тәжірибесінде кеңінен қанат жайып отырған келешегі зор бағыттының бірі – робот техникасы саласы. Мемлекет басшысы Жолдауында «елдің даму векторларының бірі – адами капиталды инвестициялау» дегенінен-ақ бұл саланың маңызын түсінуге болады.&nbsp; Расында, әлемде робототехника ғылымы кең қолданыс тауып, мемлекет дамуының қозғаушы күшіне айналды. Қазақстан дамыған елдер қатарына қосылу мақсатында ғылыми-техникалық прогресстің осы бір маңызды бағытын меңгеруді жол қойды. Яғни, робототехника автоматтандырылған техникалық жүйелерді құрумен айналысатын қолданбалы ғылымды дамытуға маңыз беруде. Біздің орталықта ашылған үйірме 2017 жылы жұмысын бастады. Алғашында 35 бала ниеттілігін білдірсе, соның 6-сы ғана толық сабаққа қатысып, өзінің қарым-қабілетін байқатты. Яғни, робототехниканы үйрену ең қиын мәселе. Бұл 5 пәннен үздік оқуға итермелейді. Атап айтсам, инфарматика, геометрия, алгебра, физика, графика, технология пәндерінен жақсы меңгеруін тиіс.&nbsp; Сабақта құрастырудан өзге осы бес сабаққа қатысты сабақ жүргізіледі. Осы тұста, кейбір балалар сабаққа қатыспай көп мағлұматтан құр қалады. Осыны көп ата-ана түсіне бермейді. Дегенмен, жастардың робот жасауға ынтасы жоғары екенін айту қажет.</blockquote>Сонымен қатар, №163 орта мектебінің ағылшын тілі пәнінің мұғалімі Меруерт Мелденова былай дейді.<blockquote>– Заманауи технологияларды игерудің тиімділігін айта келе, «Бұл жас ұрпақты ғылыми-зерттеу саласына және өндірістік-технологиялық ортаға ұтымды түрде кірістіруге көмектеседі» деді. Демек, оқушы озық технологияны игеруде жастайынан ғылыми жобаларға икемдеу қажет-ақ. Ол үшін бала жан-жақты білім алуы тиіс. Әсіресе, ағылшын тілін меңгерудің артықшылығы көп. Себебі, ғылым мен ақпарат ағылшын тілінде қалыптасқан. Мектепте 17 бала болашағын география пәнімен ұштастырып отыр. Олардың жоғары нәтижеге қол жеткізуі үшін бағыт-бағдар берудемін. Оған қоса, өзге мектептерден де шәкірттер жиі кеңес сұрайды. «Болам деген баланың белін бу» дегендей, ғылым жолына таңдаған жастарға уақытымды аяп қалмаймын. Шәкірттің республикалық байқауларда бәсі биік болуы, интеллектік қабілет-қарымын ашуда ең бірінші баланың қызығушылығын оята білу маңызды. Сондықтан, ұстаз күнделікті ізденіс үстінде жүріп, заманауи үрдістерді игеріп отыруы міндетті.&nbsp; Жалпы, ғылыми жобаларға балаларды ерте жастан баулу керек. Себебі, әр баланың дарынын ашып, 5-сыныптан бастасақ, бала үлкен сыныпқа келгенде үлкен белес бағындыра алады.</blockquote>Сондай-ақ, Бегайдар Аралбаев атындағы №52 мектептің математика мұғалімі Дауылбай Есіркеповтың осы тақырып төңірегінде пікірін білген едік:<blockquote>– «Білім берудің барлық деңгейінде математика және жаратылыстану ғылымдарын оқыту сапасын күшейту керек». Бұл мемлекет басшысының &nbsp;халыққа арнаған Жолдауынан үзінді. Мектептерде осыған байланысты математика пәніне ерекше басымдық беріліп отыр. Себебі, барлық ғылым математика саласымен тығыз байланысты. Яғни, есепке жүйріктілік артпайынша, ғылымға бетбұрыс болмады.&nbsp; Соңғы жылдары мектеп бітірушілер арасында математика және жаратылыстану бағытын таңдағандардың саны артты. Заманбек Мәмәт аудандық олимпиядада соңғы үш жылда үштіктен көрініп жүр. Оқушым Фариза Өмірбай ҰБТ математикадан 24 балл алды. Сол секілді «Алтын белгі» иегері Айдана Мәдәлі де математика пәнін таңдады. «Тау самалы» лагерінде қосымша білім беруге жыл сайын шақырыламын. Математикаға баланың қызығушылығын арттыру үшін өмірмен байланыстыратын тәсілдерді жиі қолданамын.&nbsp;</blockquote>Ал, №240 орта мектептің ағылшын пәні мұғалімі Сәуле Камалованың ойы орамды:<blockquote>– Үштілділік жөнінде Ел президенті «Кез келген ортанқол мектептің балаларға ең жоғары деңгейде шет тілін оқып үйренуіне жағдай жасайтындай дәрежеге қол жеткізуіміз міндет» – деп ағылшын тілінің маңызын айтты.&nbsp; Үштілділік – ғылыми технологияны дамытуда қозғаушы күшке ие. Осы тұста, саясаттанушы Тұрсын Әбдуәлидің: «Мемлекет басшысы жаһандану жөнінде мәселе көтергенде де өре түрегелдік. Жаһандану дегеніміз қарапайым сөзбен айтқанда жоғары деңгейге жеткен елдермен қарым-қатынасымызды нығайту. Соның бірі – тілдік коммуникация. Бұл үшін халықаралық қатынас тілі болып саналатын ағылшын тілін үйренуге жастарды жатпай-тұрмай баулу керек. Оның қажеттілігін уақыт өткен сайын өткір сезініп келеміз» деген ойы еске түседі.&nbsp; Ағылшын тілін үйренгеннен біз ұтылмаймыз. Осы себепті оқушыларды жастайынан ағылшын тілін меңгеруін қолдап, жағдай жасауымыз тиіс. Біздің мектеп шәкірттерінің ағыл тіліне қызығушылығы артып келеді. Қосымша сабақтарға сұранып, тіл білімін шыңдап жатқан оқушылар көбейді. Содан болар аудандық пәндік олимпиядадан жүлдені қанжығаға байлап, облыста үшінші орынға тұрақтаған шәкірттерімен мақтана аламын.&nbsp; Пікір-сайыс алаңында бас қосқан ұстаздар ХХІ ғасырда білімсіз жетістікке жете алмайтынымызды жақсы түсінетінін айтты. Сондықтан, біліктілі мен білімін жастардың сапалы білім алуына сарп етіп жатқандарына сендірді. Лайым, білім бәсекесінде жылғылмасақ болғаны. Себебі, Елбасы айтқандай, адам капиталы бәрін шешетін заманға келдік...</blockquote>

Табысты болу - білімде 

<a href="https://kyzylorda-news.kz/">Kyzylorda-news.kz</a>&nbsp; Бүгінгі ұрпақ кешегі қан құйлы соғыста ерлікпен шайқасқан ата-баба алдында қарыздар. Кеудесін оқ пен отқа тосқан майдангерлердің жүріп өткен жолы, тар жолда тайғақ кешкен ізі тарих толқынында сайрап жатыр. Отан қорғауда мыңдаған ата-әкелеріміз майданға аттанып, бірі қайтып оралмады, бірі оқ тескен жарақаттан мүгедек болып келді. Кейбірі соғыстың зардабын тартып, елге оралғаннан кейін өмірден өтті. Ал енді бірі зұлмат соғыстың жүрекке салған ызғарына қарамастан елді қайта қалпына келтіру, ұжымдастыру жұмыстарына белсеніп кірісіп кетті. Аузын от шарпыған тажал тырнағынан аман-есен шығып, туған ауылына оралғанның бірі – Қармақшыдағы Ұлы Отан соғысының ардагері, «Халық ағарту ісінің үздігі» Әбдісәлім Әбсейітов еді.&nbsp;Ол 1920 жылы №6 Қашқансу ауылдық кеңесіне қарасты бұрынғы Жданов атындағы ұжшарда дүниеге келген. 1940 жылы Кеңес әскерінің қатарына алынып, Эстонияның Раквер деген қаласында 11-інші атқыштар дивизиясының 219 полкінде әскери міндетін атқарған. Келер жылдың маусымында соғыс басталысымен алғы шепте ұрыс майданына кіре отырып, полктегі жауынгерлермен бірге Ленинградқа қарай шегінген. 1941 жылдың тамызында кескілескен қатты ұрыста шабуылға шығып бара жатқанда Ленинград облысының Кенгисепп &nbsp;қаласында ауыр жараланып, госпитальға түседі. Әскери ауруханада емделіп, ІІІ-інші топтағы мүгедек, яғни денсаулығы жағынан жарамсыз болып елге қайтарылады.&nbsp;Елге келісімен педагогикалық білім алып, 1942 жылдан бастап Амангелді, Жданов ұжшарлары атынан ашылған Абай жетіжылдық, &nbsp;Бозарқаш, Комсомол мектептерінде мұғалім, оқу ісінің меңгерушісі қызметін атқарады. 1956-1958 жылдары Қызылқұм мал жайылымындағы Қарақ мектебінің меңгерушісі болып барып, онда да оқу-ағарту саласында адал еңбек етеді. 1958 жылдың тамызынан бастап 1991 жылдың қыркүйегіне дейін ІІІ Интернационалдағы №108 орта мектепте мұғалім және интернат меңгерушісі болып жауапты жұмыс істейді. Ісіне, мығым, білімі мен білігі келіскен азамат бала оқытумен қатар, елдік істерге де араласады. Соның нәтижесінде 1965 жылы елді мекен тұрғындары оны жергілікті кеңеске депутат етіп, Қашқансу ауылдық кеңесінің төрағалығына сайлайды. Бұл еткен еңбекке адалдық пен сөз бен істің қабысуы, уәдесіне берік жанға деген көпшілік қауымның артқан нық сенімі еді. 2 жыл бойы басшылық қызметте жұмыс істей жүріп, сол дәуірде аты дүркіреп тұрған Социалистік Еңбек Ері Цай Ден Хакпен бірге бір сапта тұрып ауыл экономикасы мен әлеуметтік ахуалын көтеруге тер төкті. Күні-түні уақытпен санаспай, бар күш-жігерін халық сенімін ақтауға жұмсайды. Алайда оны сүйікті ісі – ұстаздық шаруашылық саласынан мектепке қайта оралтты. 1967 жылдан бастап шаруашылық орталығындағы №108 орта мектепте мұғалімдігін жалғастырып, шәкірттерді білім нәрімен сусындатты. Жарты ғасырға жуық оның ұлағатты ұстаханасынан жүздеген шәкірт шыңдалып шығып, үлкен өмірге жолдама алды. Олардың арасында белгілі жазушы Насреддин Сералиев, облыс әкімі болған Болатбек Қуандықов, шаруашылық, мекемелерде басшылық қызмет атқарған Болат Ермаханов, Каналбек Тоқшылықов, Асан Жақанбаев, Төремұрат Серіков, Милияр Арифов, ауыл әкімі болған Бақытбек Байбарақов, Сәбит Тұрманов, Ерболат Әбенов, белгілі журналистер Рашид пен Алмат Жарылқасыновтар секілді тұлғалар осы кісінің қанатының астынан түлеп ұшты десек, қателеспейміз. &nbsp;Батыр атамыздың кеудесінде соғыста көрсеткен көзсіз ерлігі үшін І дәрежелі Ұлы Отан соғысының ордені және бірнеше медаль жарқырайтын. &nbsp; &nbsp; &nbsp; &nbsp; &nbsp; &nbsp; &nbsp;&nbsp; Жуырда жол түсіп, ауылда болғанбыз. Сонда арнайылап атамыздың қара шаңырағында болып, ақсақалдың түтінін түтетіп отырған баласы мен келініне жолыққанбыз. «Әке көрген оқ жонар...» дегендей, ерлі-зайыптылар жылы шырайда күтіп алып, төр бөлмесіне бастады. &nbsp;Биік үстелдің үстіне атамыздың фотосуреттері жабыстырылған түсі сарғыш тартқан альбомды алдымызға қойды. Альбом бетін парақтай отырып, ерекше бір суретке көзіміз шалынысты. Ол шағын келген ақ-қара түсті &nbsp;фотосурет болатын. Бір қарағанда-ақ суреттегі екі ересек адамның сол жағында отырғанының беті көмескеленіп тұрғаны көзге бірден оттай басылады. Біздің шұқшия қарағанымызды аңғарған үй иесі фотосуреттің сырымен бөлісіп, әңгімелеп айтып берді. &nbsp;<blockquote>– Әкем 1940 жылы әскерге алынады. Сол кезде осы фото төс қалтасында жүреді. Суреттегі адамдар ағасы Әбдіқадір мен Елемес ағамыз. Әрі қарай соғысқа алып кеткен. Бауырларының естелік суреттері онда да гимнастеркасының қалтасында жүрген ғой. &nbsp;Кингесеп ауданында неміс басқыншыларымен болған кескілескен ұрыста жан алып-жан беріседі. Сода жаудың қаңғыған оғы келіп, кеуде тұсын жарақаттайды. Сіз көріп отырған оқ тескен сурет сол шайқастың куәсі. Сарғайған суреттің отбасымызда сары майдай сақталып келе жатқанына биыл 82 жыл толады екен. Әкеңіз қандай адам болды дегенге келсем, өте қарапайым еді. Өз балам нанын тауып жейді ғой деп, жұртқа болсын дейтін. Әділдігін айтатын. Ащы сөзі жоқ адам болды. 88 жасында бала-шағасының ортасында өмірден өтті, – дейді перзенті. &nbsp;</blockquote>Әбдісәлім Әбсейітов 1944 жылы Жұмагүл Шегебаевамен бас қосып, екеуі 2 ұл, 1 қызды дүниеге әкеледі. Үлкені Гүлғази әке жолын қуып, «Халық ағарту ісінің үздігі» төсбелгісімен марапатталса, Еркін су маманы, кішісі Ғабит ішкі істер саласында қызмет етуде. Қазақстан Республикасының «Ішкі істер саласының үздігі» төсбелгісінің иегері. Соғыс ардагерінің өңірінен өрбіген ұрпақ бүгінде бір қауым ел болған.&nbsp;&nbsp;&nbsp;&nbsp;&nbsp;

Ұлы Отан соғысының ардагері Әбдісәлім Әбсейітовтің еңбекгі көпке үлгі болды

<a href="https://kyzylorda-news.kz/">Kyzylorda-news.kz</a> «Таза Қазақстан» республикалық акциясының «Жасыл аймақ» апталығы аясында Арал ауданында ағаш көшеттері мен гүл отырғызу жұмыстары жүргізілді.Аталған жұмыстарға мекеме қызметкерлері мен ерікті жастар атсалысты.&nbsp;<blockquote>”Биылғы маусымда Арал қаласында 3000 түп ағаш отырғызу жоспарлануда. Өтке аптадан бастап жұмыстар басталып кетті. Жергілікті жерге төзімді көшеттер таңдап алынды. Аяқ су мәселесі қиындық тудырмас үшін тамшылатып суару әдісін қолданып жатырмыз. Бұдан бөлек орталық көшелерге, демалыс орындарына, саябақтарға гүлдер отырғызылуда. Бүгінгі акцияда қаламызға 70 түп ағаш, 100 түп гүл көшеттері отырғызылды.”-деді Арал қаласының әкімі Б. Ұзақов.</blockquote>Атап өтейік, бүгіннен бастап «Таза Қазақстан» экологиялық науқанының «Жасыл аймақ» апталығы бастау алды. Науқан аясында тазалық және көркейту-көгалдандыру жұмыстары жүргізілетін болады.

Жасыл аймақ: Көркейту-көгалдандыру апталығы басталды 

<a href="https://kyzylorda-news.kz/">Kyzylorda-news.kz</a> &nbsp;Су тасқынынан зардап шеккен Батыс Қазақстан өңірінен 17 сәуір күні 103 оқушы мен 10 жетекші «Қамбаш» олипиадалар және қосымша білім беру орталығына келген болатын.​Балалар жайлы бөлмелерге орналасқан. Орталықта барлық жағдай жасалған. Жатын орындарда санитарлық тазалық жұмыстары жүргізіліп, 5 мезгіл ыстық тамақ ұйымдастырылуда. Балалардың ыстық тамағына Қызылорда қаласының кәсіпкері демеушілік жасаса, оқу процесін ұйымдастыруға Арал аудандық білім бөлімі жанынан жасақталған волонтер-мұғалімдер, атап айтсақ, №73 «Аманөткел» ,№21 «Қамбаш», №67 «Қосжар», №20 «Бөген», №63 «Ақбай» мектептерінің қызметкерлері атсалысуда. Сонымен қатар, орталық мамандары дене шынықтыру, музыка сабақтарын, «Қаржылық сауаттылық» курсын, психологиялық жұмыс және тәрбие сағаттарын кесте бойынша өткізеді. Түстен кейінгі ауысымда «Шебер қолдар», «Волейбол», «Футбол», «Қамбаш Медиа», «Бейнелеу», «Би», «Робототехника» үйірмелері жұмыс жасауда.Балалар сабақпен қатар тәрбие шараларына да қатысуда. Күндіз ұзақ үзіліс кезінде түрлі ойындар ойнатылса, кешкілік «Биле, Қамбаш», «Ертегілер елінде», «КиноКеш», «Болмасаң да ұқсап бақ» сияқты байқаулар өтуде.Демалыс күні оралдық оқушылар Арал қаласына саяхаттады. Алдымен аудандық тарихи-өлкетану музейіндегі құнды жәдігерлермен танысты. Балықшылар аллеясындағы «Балықшылар монументі», кемелер жанында естелікке фотоға түсті. Әбдіжәміл Нұрпеисовтың әдебиет үйінде жазушының шығармалары туралы кеңірек білді. Саяхат кезінде Арал қаласының кәсіпкер қыздары дайындаған дастарханынан дәм татып, Арал аудандық оқушылар үйі тәрбиеленушілерінің концертін тамашалады.Атап өтейік, оқушылар Батыс Қазақстан облысы, Теректі және Қаратөбе аудандарындағы Подстепный, Аңқаты және Аққозы ауылдарынан келген.Фото: Қызылорда облысы әкімінің баспасөз қызметі

Батыс Қазақстандық 103 оқушы Сыр елінде білім алуда

Қалдыбек Мұсаев: Салық – салмақ емес, саналылық ісі

<a href="https://kyzylorda-news.kz/">Kyzylorda-news.kz</a> Адам денсаулығы ауыз судың сапасына тікелей тәуелді. Жер бетіндегі әр түрлі мақсаттарға пайдаланылатын тұщы судың қоры қаншама мол болғанымен, жалпы есеппен алғанда, ішуге жарамды су табиғатта аз. Әлемдегі су ресурсын адамзат баласы қалай пайдаланса да аздық етпейді, бұл жердегі проблема – ағзаға зиянын тигізбейтін таза суда, ішетін ауыз суда болып тұр. Мәселе – тұщы судың мол қорында емес, оның химиялық құрамы қандай элементтерден тұратындығында.Осы орайда, 2024 жылдың 04 сәуірінде Тұрақты даму бойынша ЮНЕСКО кафедрасы (<a href="www.kaznu.kz">www.kaznu.kz</a>) жыл сайын өтетін "Фараби әлемі" Халықаралық студенттік конференциясы аясында "Су ресурстарын қорғау (ТДМ 6)" тақырыбында дөңгелек үстел өткізді. Дөңгелек үстелге қатысушылар еліміздегі су ресурстарын басқарудың ағымдағы жай-күйі мен жүйесіне талдау жүргізді.&nbsp;Соныменқатар,&nbsp;ауыз су жағдайы мен санитариялық талаптар дақарастырылды.Қазіргі уақыттағы аса өзекті мәселелердің бірі болып отырған ауыз су мәселесі туралы жағдай &nbsp;баяндалды.Жер шарының 74 пайызын су алып жатыр. Соған қарамастан, бүкіл әлемде су тапшылығы бар. Соның ішінде, әсіресе таза ауыз су мәселесі өзекті.Сарапшылардың айтуынша, жер бетінде 780 миллионнан астам адам таза ауыз суға қол жеткізе алмай отыр. Ал 1,7 миллиард адам тұщы су көздеріне зәру. Әлемде жыл сайын таза судың жоқтығынан, соның салдарынан болатын антисанитариядан мыңдаған адам көз жұмады.Стратегиялық жоспарлау­және реформалар агенттігі Ұлттық статистика бюросының соңғы бес жылда халықты сумен қамту деңгейі қалада 98,4%-ға де­йін, ауылдық елді мекендерде­ 55%-дан 94,5%-ға артқанын мәлімдейді. Аталған мәліметтерге қарағанда, қай өңірді алсақ та даму қарқындылығы бар, ал шалғай ауылдағы тұрғындар осы дамудың нәтижесін көріп отырмағаны анық. Олар әлі де болса, су тапшылығын тартып келеді.Елімізде орталықтандырылған сумен қамту деңгейі өткен жылдың қорытындысына сәйкес 96,8%-ды құраса, қалған 3,2% іске аспаған. Былай қарағанда пайыздық көрсеткіш аз болғанымен, бұл 600 мыңға жуық адамды сумен қамтамасыз ету жағы өте төмен деңгейде деген сөз. Ал тартылып жатқан су құбырына қосыла қоймаған ауылдағылар суды тасып ішуге мәжбүр.Қазақстан Республикасында ауыз су сапасының индексі 100-ден 55,8 көрсеткішін құраған. Әлем елдерінің тұтынылатын судың сапасы денсаулыққа кері әсер етуі мүмкін клиникалық тіркелген оқиғаларды есепке алатын рейтингінде Қазақстан 179 орынның ішінде 54-ші орында тұр.Сонымен қатар,Қазақстандағы ауыз су мәселелері пысықталып,ауыз сумен аз және де жақсы қамтылғанған аумақтар және аймақтардағы ауыз су ресурстарының жалпы санитариялық жағдайы жайлы айтылып өтті.Су ресурстарын пайдалануды реттеу және қорғау жөніндегі Балхаш-Алакөл бассейндік инспекция маманы Мамықбаев Мұхаммедуали су шаруашылығын ұтымды пайдалануды бақылау қызметтері жайлы қатысушыларды ақпаратпен таныстырды. Білім алушылар өз қызығушылықтарын танытып,сұрақтар қою арқылы белсене қатысып отырды.Іс-шара соңында кафедра студенттеріне сергіту сұрақ – жауап ойыны өткізілді. Белсенді қатысқан студенттерге шара ұйымдастырушылары атынан сыйлықтар табысталды. Дөңгелек үстелге қатысушылар шараны қорытындылап, іс-шараға қатысушыларға алғысын білдірді.Қорытындылай келе, іс-шара өте ақпараттық-танымды түрде өтті. Шара барысында қатысушылар ауыз су сапасының адам өміріндегі маңызы мен қолжетімділік жайлы мәліметтермен хабардар болды.Ауыз суға деген қолжетімділікті арттырудың негізгі жолдарының бірі - оны үнемдеу мен артық ысырап қылмау қажеттілігі түсіндірілді.Әл-Фараби атындағы ҚазҰУТұрақты даму бойынша ЮНЕСКО кафедрасының“Геоэкология және табиғатты пайдалануды басқару”&nbsp;мамандығының 1 курс магистранты Әділхан С.О.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;оқытушылары: Мұқанова Г.А.,Құрбанова Л.С., Түсүпова Б.Х.,&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қазақстан және Қызылорда облысының жаңалықтары