<a href="https://kyzylorda-news.kz/">Kyzylorda-news.kz.</a> Қоғам тынышын сақтау, елдегі тәртіпсіздікті түзеу, жол ережелерінің бұзылмауын қадағалау, көлік қозғалысының ахуалын реттеу құқық қорғау саласы қызметкерлерінің міндеті. Полицейлердің күні-түні табанынан тік тұрып, тұрғындар тынышын қамтамасыз етуі үлкен жауапкершілік жүктейді. Оны кешегі төтенше жағдай кезінде тағы бір байқадық. Осындай қызметте еңбек етіп келе жатқан Мейіржан Айтбекұлын жаңақорғандықтар жақсы таниды. Өзі ғана емес, жары Айтолқын Мейрамбекқызы да осы саланың жүгін бірге көтеріп келеді.Жалпы салмағы ауыр салада еңбек ететін ерлі-зайыптылар біздің елде аз емес. Десе де құқық қорғау мамандығы, әсіресе нәзік жандылардың көп қажыр-қайратын сарп етеді. Қызығынан қиындығы мол қызметте жүрген Айтолқынның арманы тек жұмыста ғана емес, жалпы өмірде де өнегелі отбасыға айналу. Бұл кез келген арудың бәрінен биік қоятын арман-тілегі.Отағасы Мейіржан 1988 жылы мамырдың 18-і күні М.Нәлібаев ауылында туылып, мектеп табалдырығын №196 қазақ орта мектебінде аттайды. 2005 жылы мектепті бітіріп, 2006 жылы Арқалық қаласындағы «Мемлекеттік педагогикалық» институтына оқуға түседі.<blockquote>«2010 жылы осы институтты «Биология» мамандығы бойынша бітірдім. Әскери міндеттімін. 2010-2011 жылдар аралығында Қарағанды облысы, Теміртау қаласындағы №55/16 әскери бөлімінде азаматтық борышымды өтеп шықтым. 2011-2013 жылдар аралығында Қарағанды қаласындағы Қарағанды экономикалық университетінде «заңгер» мамандығы бойынша білім алдым. Менің құқық қорғау саласындағы қызметім осылай басталды», – деді ол.</blockquote>Ішкі істер саласындағы еңбек жолын Қызылорда қаласындағы патрульдік полиция батальонында бастайды. 5 жыл еңбек еткеннен кейін Жаңақорғанға жұмыс бабымен ауысады.«2019 жылы Жаңақорған аудандық полиция бөлімі, жергілікті полиция қызметінің патрульдік полиция тобының аға инспекторы қызметіне орналастым. Жалпы менің қызметтегі міндетім – қоғамдық қауіпсіздікті қамтамасыз ету, жол қозғалыс ережелерінің өрескел құқық бұзушылықтарын анықтау, қылмыс болған жағдай оны дер кезінде ашу болп табылады. Жұбайым Айтолқын Мейрамбекқызы да осы саланың жүгін көтеріп жүр.<blockquote>«Бұл мен таңдаған, бала кезден арман еткен мамандық. Адам табиғатына жақын саланы таңдайды, шыны керек, бұл қызмет мен үшін қиындық тудырмайды, қайта ел үшін еңбек етудің жолын тапқаныма қуанамын. Атқарар жұмыс жетеді, ең бастысы халықпен дұрыс жұмыс жасай білген абзал», – деді отанасы.</blockquote>Жалпы құқық қорғау саласында Мейіржан Айтбекұлы сынды қаншама жастар қызметтің жүгін көтеріп, елдік мүдде жолында еңбек етіп келеді.Қай сала, қандай мамандық болмасын кез келген тұлға өзіне артылған сенімді, жауапкершілікті зілдей болса да көтере білу керек. Сын мен сапалы қызмет қашан да адам мерейін үстем етеді, халық атынан шынайы бағасын алады. Осы жолда еңбек етіп келетін полицейлердің бір ғана міндеті бар, ол – қоғам қауіпсіздігін қамтамасыз ету. Түйіндей айтқанда, бүгінде полиция қызметкерлеріне деген сын аз емес, әрине орындысы да бар. Сын түзелмей мін түзелмейді демей ме? Дегенмен әрекеті ізінен ерген жастарға үлгі бола алатын жандарға осылай құрмет білдіріп, еңбегін елге кеңінен көрсетіп, тереңірек насихаттасақ жарасады. Әсіресе бүгінгі кейіпкерлеріміз секілді бір шаңырақтың түтінін түтетіп, бір саланың жүгін көтеріп жүрген жандардың қоғамдағы алар орны бір бөлек.

Бір саланың жүгін бірге көтеріп келген Жандарбековтер отбасы

<a href="https://kyzylorda-news.kz/">Kyzylorda-news.kz.</a> Қызылорда қаласы полиция басқармасының Жедел басқару орталығында полицейлер тәулік бойы үздіксіз өз жұмыстарын атқарып келеді. Қоғамдық қауіпсіздікті қамтамасыз ету мен тәртіпті сақтау мақсатында анықталған құқық бұзушылықтар бойынша жедел жұмыстарды жүзеге асырады. Бір аптада 102 нөмеріне 1224 хабарлама келіп түсті.Ал Жедел басқару орталығының көмегімен 681 құқық бұзушылық анықталды. Оның ішінде ҚР ӘҚБтК-нің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 116 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 22 жүргізуші, 596-бабының 1-бөлігімен (Көлік құралын жолдың жүру бөлігінде орналастыру, қарсы жүріп өту немесе басып озу қағидаларын бұзу) –16, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 48 жүргізушіге әкімшілік хаттама толтырылды.&nbsp;Сонымен қатар, ҚР ӘҚБтҚ-нің 440-бабы (Алкогольдік ішімдік ішу немесе қоғамдық орындарға масаң күйде жүрген) бойынша 2 хаттама рәсімделді. ҚР ӘҚБтК-нің 434-бабы (Ортақ пайдаланатын қоғамдық орынды ластау) бойынша 4 құқық бұзушылық анықталып, шара көрілді.<blockquote>«Біздің орталық өз жұмысын ешқашан кідірткен емес. Сондықтан сеніммен айта аламын, Қызылорда қаласы тұрғындарының тыныш ұйқысы мен қоғамдық қауіпсіздікті қамтамасыз ету мақсатында өз жұмысымызды одан әрі де жалғастыра береміз», – дейді Қызылорда қаласы полиция басқармасының Жедел басқару орталығының бастығы Берікбол Ерімбетов.</blockquote>

Қызылордада жедел басқару орталығының «102» арнасына 1224 хабарлама келіп түсті

<a href="https://kyzylorda-news.kz/">Kyzylorda-news.kz.</a> Тарихымызға тың серпін беріп, құнды мұраларды еркін ел тұрғысынан тану, қолдағы бар құндылықтарды бағамдау барысындағы бастамалар байыпты жүргізіліп келеді. Осы тұрғыда толымды еңбек етіп жүрген жастардың бірі – Анкара қажы Байрам Вели университеті «Түрік фольклоры» кафедрасының аға оқытушысы, PhD доктор, ақын Бекарыс Нұримановпен сұхбатымызды оқырман назарына ұсынамыз.– Бекарыс, ел өзіңізді алғашында ақын ретінде таныды. Ал ғылымға қызығушылығыңыз қалай басталды? Әңгіме әлқиссасын осыдан бастасақ…– Рас айтасыз. Ең алғаш елдің алдына қара домбыраны арқалап, ақын ретінде шықтық. Айтыс оң-солымызды тануымызға, жетілуімізге, қалыптасуымызға өте үлкен септігін тигізді. Әлі де айтыстан қол үзіп қалдық деп айта алмаймыз. Айтыс, өлең-жырды зерттеп келеміз. Сырт елде де қазақтың атынан халықаралық ақындар айтысына қатысып, өзге елдің ақындарымен де сайысқа түсіп жүрміз. Мүмкін бір үзіліс болған шығар. Ал ғылымның өзі де айтыстан алыс емес сөз өнері. Көнеден жеткен бабалардың мұрасын зерттеуді барынша қолға алғым келді. Сонау сақ, ғұн дәуірінен, көне Күлтегін, Көктүрік кезеңі, одан бері қарай Қарахан заманынан Қазақ хандығына дейінгі көненің мұралары қызықтырды. Сол сәттен ғылымға деген қызығушылығым басталды десем де болады. Қалам тартып, қадам жасамас бұрын жан-жақты ойланып, табанды түрде алдыма жоспар құрып, 2012 жылы магистратураға түстім. Ал оның алдында ұзақ және қысқа мерзімді жоспар құрып, біржақты бетбұрыс жасаған едім. Мұның барлығы – біреумен ақылдасып жасалған жоспар емес, өзімнің ішкі шешімім.– Өзіңіз аударма жасаған Жүсіп Баласағұнның «Құтадғу білік» туындысы ең күрделі шығарманың біріне жатады. Мұны таңдауыңызға не себеп болды?– «Құтадғу білік» – әрине, күрделі шығарма. Әуелі магистратурада айтысқа қатысты зерттеу жүргіздім. Өзіміз ішінде жүргеннен кейін болар, аса қиындық туғызды деп айта алмаймын. Сол уақытта Германияға тағылымдамаға бардым. Ол жақтағы дамыған ғылымның нәтижесін көрген кезде бұл салаға біржақты өту керегін толық сезініп, түсініп келдім. Докторантура оқып жүргенімде әртүрлі тақырыптар ұсынылды. Дегенмен осы «Құтадғу білік» шығармасын таңдадым. Себебі, бұл – он ғасыр бұрын жазылған шығарма. Ал мен үшін сол замандардағы бабаларымыздың не істегені, адамдардың ойлау жүйесі, дүниені, табиғатты қалай танығаны қызық болды. Бабаларымыздың танымын түсінсем, меңгерсем деген ойдан шықты. Сөйтіп, «Құтадғу білікті» толық зерттеуге кірістім.–Аударма барысында қандай да бір қиындық болды ма? Кітаптың мазмұнын бөлісе отырсаңыз…– Әрине, кез келген істің өзіне тән қиыншылығы болады. Түсіну басқа да, ойыңа сіңіру мүлде басқаша. Әуелі аудармаға дейін диссертация ретінде қорғадым. Диссертация жазу барысында «Құтадғу біліктің» алғашқы бәйіттерін аудардым. Оның да өзіндік себептері болды. &nbsp;Осыдан он ғасыр бұрынғы тілдік қолданыс, оны осы дәуірге сәйкестендіру, тікелей сөзбе-сөз аудару немесе жалпы мағынасын беру керек. Ұстаздарым түпнұсқаны, яғни сол дәуірдің тілін, жазба графикасын толық тануды тапсырды. Көне дәуірдің графикасын тану маған аса қиынға соққан жоқ. Өйткені оған дейін төте жазуды үйренген болатынмын. Төте жазудан кейін аударма жасау жеңілірек. Кітаптың мазмұнына келсем, жалпы шығарма рухани білім мен адами ізгілікті үйрететін насихат жанрындағы дидактикалық кітап ретінде көбірек таныстырылған. Солай екені рас. Бірақ бір мәселесіне назар аударып көрейікші. Мысалы, насихатты қарапайым адамға айтатын болса, ол бір жай насихат болуы мүмкін. Ал сол насихатты билеушіге айтатын болса, онда оның мазмұны өзгереді. Аударма барысында ойыма «бұл кітап насихат ретінде неге көбірек танылып қойды?» деген сұрақтар келді. Бұл негізіне келгенде саяси тақырыптағы насихат екен. Осы жерде мен үшін жаңалық болған, көңіліме ерекше әсер еткен сол дәуірдегі мемлекетіміздің құрылымы, басқару жүйесі, қызметкерлер этикасы, ел басқарудағы ұстанымдар. Қарасаңыз, бұл жерде Қарахан дәуіріндегі он ғасыр бұрынғы бабаларымыздың құрған мемлекетінің құрылымы жүйесі бар. Халықпен қарым-қатынасы орныққанын және заң шығарушы ел екенін көрсетеді. Біздің мемлекетіміз кеше ғана құрылып, тәй-тәй қадам басып жатқан жас мемлекет емес, тамыры сонау тереңде жатқанын түсіндім. Жүсіп Баласағұн он ғасыр бұрын «бізге дейінгі бектердің сөзі, бізге дейінгі жазып кеткендер болмаса, біз қайдан білер едік» деп өзіне дейінгі бірнеше ғасырлық мұраға сүйеніп отырғанын жазады. Билеушілердің, ғалымдардың пікіріне сүйеніп отырады. Демек, біздің он ғасыр бұрын жазылған деп отырған шығармамыз – оның да ар жағындағы тарихымыздан хабар беретін құнды дүние.– Бұл кітап бұған дейін үш мәрте қазақ тіліне аударылып, оқырманға ұсынылды. Алдындағы еңбектерден ерекшелігі неде?– Дұрыс айтасыз, бұл кітап бұған дейін үш мәрте аударылды. Мұны зерттеулерімде де, мақалаларымда да айтып жүрмін. Өздеріңіз білетіндей, ең бірінші 1986 жылы Асқар Егеубаев есімді түрколог-ғалым, ақын ағамыз аударды. Ол «Құтадғу біліктің» толық нұсқасын өлең түрінде аударып шықты. Бұл нұсқа поэтикалық көркем аударма болып есептеледі. Екіншісін 1991 жылы Берікбай Сағындықұлы аударды. Ол екі жүз бәйітті таңдап алып, әр жерінен үзінділерінен қара сөз түрін жолма-жол мағынасында аудармасын жасады. Бұл да &nbsp;ғылымға қосқан үлкен үлес деп есептеймін. Үшіншісін &nbsp;белгілі түрколог-ғалым Әбжан Құрышжанұлы аударды. «Құтадғу біліктің» үш қолжазбасы болса, соның Ташкентте сақталған нұсқасын өлеңмен поэтикалық аударма жасады. Мен кейбір сөздердің мағынасын ашу үшін қара сөз түрінде аудармасын жасадым. Бұған белгілі ғалым, профессор, академик Сейіт Қасқабасов, Аманжол Әлтаев, түркітанушы ғалым Өжал Оғуз профессор, доктор Хүлия Касапоғлу Ченгел сынды ұстаздарым қолдау көрсетті. Еңбекті дайындау барысында жұбайым Гүлжан Қайырбекқызы екеуміз бірлесе отырып жазып шықтық. Аударма барысында оқиға желісін сақтауға баса назар аудардым. Біздің еңбектің басқа аудармадан ерекшелігі осы. Бағасын халық береді деп ойлаймын.&nbsp;– Өзіңіз дәріс беретін оқу орнында қазақ жастары көп пе?– Түркияның Анкара қаласында қажы Байрам Вели университетінде &nbsp;«Түрік фольклоры» кафедрасының шақыруымен дәріс беріп жүрмін. Ол жерде Орта Азияға қатысты сабақтарға ғана кіремін. Дәл осы кафедрада докторантурада оқып жатқан қазақ балалары бар. Өз еліміздің жастары осындай іргелі білім ордаларында оқып жатқанына ерекше қуанамын. Білімді жастардың көп болғаны әрине, қуанышты.– Қазақ ғылымын қалай бағалайсыз?– Ең бірінші қазақ ғылымында іргелілеу бар. Жастардың қызығушылығы басым екенін айтқым келеді. Жетіспей жатқан тұстары да жеткілікті. Ол жөнінде аға буын өкілдері де айтып жүр. Бұл жөнінде сын айтудан гөрі кемшін тұсы болса жетілдіруге жұмыс жасасақ дұрыс сияқты. Ең бастысы соған заңдық тұрғыда мүмкіндіктер жасалып, зерттеуші ғалымдардың жолын ашса, көп жетістікке жетеміз деп ойлаймын.&nbsp;

Бекарыс Нұриманов «Құтадғу білік» шығармасын қазақ тіліне аударды

<a href="https://kyzylorda-news.kz/">Kyzylorda-news.kz.</a> Жастарды еңбексүйгіштік пен тазалыққа тәрбиелейтін «Жасыл ел» бағдарламасының болашағы баянды. Жастар жасағы қатарында еңбек етіп, қосымша қаражат тапсам дегендердің дені жас буын. Бағдарламаның да мақсаты – елді мекен ішін жасыл желекке көмкеріп, туған жерге деген патриоттық сезімін арттыра отырып, жұмыссыздық деңгейін төмендету. Жасақ мүшелерінің басым бөлігі студенттер мен жұмыссыз жастар. Жазғы демалыста бос уақытын тиімді өткізіп, оқу ақысына тамшыдай болса да қаражат табуға мол мүмкіндік. Бұл мемлекеттің ел ертеңіне де деген үлкен қамқорлығы.Бағдарлама бастау алғалы жүз мыңдаған жастардың күшімен миллиондаған жасыл желек отырғызылып, көгалдандыру жұмысына қомақты үлес қосқан. Хош. Аудандағы жастар жасағының жайына ойыссақ. Кент орталығында «Жасыл ел» жастар жасағы өз жұмысын бастап кетті. Маусым айының алғашқы күндерінен-ақ 38 жас жасақ құрамына алынып, кент көшелеріндегі жасыл желекке күтім жасауда. Тәуелсіздік көшесінің бойындағы жаңа отырғызылған көшеттердің арамшөптерінен тазалап, топырағын қопсытып жүр. Бұл жөнінде біз «Жасыл ел» жастар жасағының аудандық жетекшісі, жастар ресурстық орталығының басшысы Наурызбай Орынбасаровтан мән-жайды білдік.<blockquote>«Бүгінгідей аптап ыстықта саябақты тазартып, көгалдандыру оңай шаруа емес. Десе де, жаңақорғандық жастардың туған жерді жасыл желекке айналдыруға деген ықыласы зор. Олар түйір нан тамшы терден тұратынын жақсы біледі. Еңбекке деген құлшыныстары кісі қызығарлық. Қазір 50 жасты маусымдық ақылы жұмыспен қамтыдық. Бастысы – ерінбей еңбектене жүріп, кенттің көркеюіне өзіндік үлесін қосады», – дейді.</blockquote>Айта кетейік, жаз айларында 200-ден аса жас маусымдық жұмыспен қамтылады. Аудандағы студент жастар мен жұмыссыз жастарға маусымдық табыс табуына мүмкіндік бар. Жаңа оқу жылына дейін қосымша табыс табамын деген ниеттілер болса аудандық жастар ресурстық орталығына келіп тіркелуге болады. Ал, бізді «Еңбек жасағы» құрамына кімдер тартылды деген сұрақ қызықтырды. Оның жауабын жасақ жетекшісінен алдық. Бүгінде өздеріңізге белгілі, қоғамда маргинал және NEET санатындағы жастар деген түсінік бар. Алғашқысы, ортадан оқшауланған, кейінгісі жұмыссыз. Міне, «жасыл елдіктер» қатарында мұның екеуі де қамтылған. Оған қоса, қарапайым ауыл жастары да осы еңбек қозғалысынан жұмыс тапқан.&nbsp;<blockquote>«Өзім Көкшетау қаласындағы Қатаркөл ауылшаруашылығы колледжінің студентімін. Жазғы демалысқа ауылға келгеннен кейін қоғамдық іске араласып, әрі қосымша қаржы табу мақсатында осы жасаққа мүше болдым. Кенттегі бас көшелердің бойына &nbsp;тазалық жұмыстарын жүргіздік. Сауапты да жауапты шараның ортасынан табылғаныма ризамын. Мемлекеттің жастарға жасап жатқан жасампаз жобаларына алғысым зор. Өлке тазалығы мен көгалдануына бар күшімізді салатын боламыз», – дейді 4-курс студенті Жандос Асылбек.</blockquote>Иа, жастарды еңбексүйгіштік пен тазалыққа тәрбиелейтін «Жасыл ел» бағдарламасының болашағы баянды. Жастар жасағы қатарында еңбек етіп, қосымша қаражат тапсам дегендердің дені жас буын. Бағдарламаның да мақсаты – елді мекен ішін жасыл желекке көмкеріп, туған жерге деген патриоттық сезімін арттыра отырып, жұмыссыздық деңгейін төмендету. Жасақ мүшелерінің басым бөлігі студенттер. Жазғы демалыста бос уақытын тиімді өткізіп, оқу ақысына тамшыдай болса да теңге табуға мол мүмкіндік. Бұл мемлекеттің ел ертеңіне де деген үлкен қамқорлығы. Бағдарлама бастау алғалы жүз мыңдаған жастардың күшімен миллиондаған жасыл желек отырғызылып, көгалдандыру жұмысына қомақты үлес қосқан. Хош. Республикадан ауданға ойыссақ.&nbsp;Иә, екі айда жетпіс &nbsp;адамды жұмыспен қамту қуантарлық жайт. Осы орайда, бізді «Еңбек жасағы» құрамына кімдер тартылды деген сұрақ қызықтырды. Оның жауабын жасақ жетекшісінен алдық. Бүгінде өздеріңізге белгілі, қоғамда маргинал және NEET санатындағы жастар деген түсінік бар. Алғашқысы, ортадан оқшауланған, кейінгісі жұмыссыз. Міне, «жасыл елдіктер» қатарында мұның екеуі де қамтылған. Оған қоса, қарапайым ауыл жастары да осы еңбек қозғалысынан жұмыс тапқан.<blockquote>«Өзім Көкшетау қаласындағы Қатаркөл ауылшаруашылығы колледжінің студентімін. Жазғы демалысқа ауылға келгеннен кейін қоғамдық іске араласып, әрі қосымша қаржы табу мақсатында осы жасаққа мүше болдым. Кенттегі бас көшелердің бойына &nbsp;тазалық жұмыстарын жүргіздік. Сауапты да жауапты шараның ортасынан табылғаныма ризамын. Мемлекеттің жастарға жасап жатқан жасампаз жобаларына алғысым зор», дейді.&nbsp;</blockquote>Түйіндей келгенде, «Жасыл ел» бағдарламасы жастар қауымының Отанға деген сүйіспеншілігін арттырып, тазалық сақтауға, экологиялық тәлім алуға таптырмайтын жоба. Оған қоса, ата-анасына демеу болып, қосымша қаржы табуына мол мүмкіндік ашады. Әрине, ең бастысы, елдік мүдде жолында адал еңбектенудің ерен үлгісін паш етеді.

Жаңақорғанда «Жасыл ел» жастар жасағының жұмысы жүйелі

<a href="https://kyzylorda-news.kz/">Kyzylorda-news.kz.</a>&nbsp; Медицина қызметкерлерінің кәсіби мерекесіне орай Сырдария ауданының әкімі Берік Сәрменбаев жиын өткізді. Жиынға облыстық мәслихат депутаты Жұмабек Ембергенов, аудандық мәслихат хатшысы Ержан Әжікенов, аудандық аурухананың бас дәрігері Жалғасбек Үсенов, аудандық ардагерлер кеңесінің төрағасы Мұса Келдібаев, аудандық қоғамдық кеңес төрағасы Марат Еспенбетов, аудандық әйелдер кеңесінің төрайымы Ұлмекен Жанәлиева мен сала ардагерлері мен қызметкерлері қатысты.Алдымен төл мереке иелерін құттықтаған аудан басшысы ізгі тілегін жеткізді.<blockquote>Құрметті сала ардагерлері, медицина қызметкерлері! Сіздерді кәсіби мерекелеріңіз – медицина қызметкерлері күнімен шын жүректен құттықтаймын! Бұл мереке – адам жанын жүрегімен сезінетін денсаулық сақтау саласының барлық қызметкерлерінің ерен еңбегі бағаланатын күн. Сіздердің еңбектеріңіздің өлшемі – өмірмен қайта табысқан адамдардың тағдырымен тікелей байланысты. Дәрігер – адам жанының арашасы, жер бетіндегі сан алуан кәсіптің ішіндегі ең ізгі, ең қастерлі мамандықтың иесі. Ал оның иесі болу – үлкен мәртебе. Әрдайым адамзат баласы тағдырын сеніп тапсыратын мамандықтарыңызды абыроймен атқарып, халық сеніміне ие болып жүре беріңіздер. Ел мүддесі жолын¬дағы қиындығы мен қуанышы мол еңбектеріңізге табыс, отбастарыңызға амандық тілеймін, – деді Берік Әбдіғаппарұлы.</blockquote>Мерекелік құттықтаудан соң аудан басшысы сала ардагерлері Рүстем Садықұлына, Астрахан Қожақовқа, Нұрипа Оралбаеваға, Тәжігүл Жорабекқызына алғыс хат тапсырып, сый сияпат көрсетті.&nbsp;Ақ халатты абзал жандарды аудандық мәслихат хатшысы Ержан Әжікенов құттықтап, мамандықтың ішіндегі ең қиыны да жауапты дәрігерлікті таңдаған, адам жанының арашасы болған ақ халатты абзал жандарға ізгі тілегін жеткізді.&nbsp;Мерекелік құттықтауларды аудандық әйелдер кеңесінің төрайымы Ұлмекен Жанәлиева, аудандық ардагерлер кеңесінің төрағасы Мұса Келдібаев жалғастырды. Сала ардагерлері Рүстем Садықұлы мен Астрахан Қожақов аудан әкіміне ардагерлерді төрге шығарып, құрмет көрсеткеніне алғыстарын айтты.<blockquote>&nbsp;Ауданда аурухана құрылысы 1993 жылы басталды. Елдегі қиыншылық, қаржы тапшылығы болған кез еді. Осындай күрделі уақытта жаңа аурухананы салып бітіруге күш салдық. Қазіргі дәрігерлерге айтпағым, адам жанына араша түсу үшін өміріңнің көп уақытын ауруханада, науқас жанның жанында өткізуің керек, бір ауыз жылы сөздің өзі жаны жабырқаулы адамға күш береді. Абыройлы болу үшін жұмысты күшейту керек, – деді саланың байырғы басшысы болған, ардагер Рүстем Садықұлы.&nbsp;</blockquote>Ауданның медицина саласында ұзақ жыл қызмет етіп, еңбек кітапшасында бір ғана жазбамен зейнеткерлікке шыққан ардагер Астархан аға Қожақов та &nbsp;қиын кездегі қызметі жайында естелік айтып, аудан басшысына өз ұсынысын жеткізді.<blockquote>Дәрігерлікке 1966 жылы институтты бітіріп келіп, кірістім. Сол жылы аудандық туберкулезге қарсы диспансерге жұмысқа қабылданып, өмір бойы сонда жұмыс істеп, зейнеткерлікке шықтым. Медицина өте қиын сала екені белгілі, абыроймен жұмыс жасау үшін науқастың жанын түсіну керек. Қай кезде дәрігерден көмек сұрап келетін адамға жылы шырай танып, білгеніңді айтсаң, одан артықтың керегі де жоқ. Науқастың қолынан ұстап, "кешегіден бүгін тәуірсіз" деп айтқан сөзіңіздің өзі науқастың бетіне қан жүгіртеді. Сондықтан әрдайым алақандарыңыз шипалы болсын. Ал аудан әкіміне айтатын ұсынысым, ауданда радиобайланысы қайта іске қосылса, халық радионың үнімен оянып, онда айтылатын керемет тағылымды әңгімелерді естіп, бір сәт мына қолдағы ұялы телефоннан бас тартатын еді, – деді ардагер.</blockquote>Мерекеге орай өткен жиын соң аудандық мәдениет үйінде салтанатты іс-шарамен жалғасты. Іс-шарада саланың үздіктері марапатталып, құрмет көрсетілді. Концерттік бағдарламаға ұласқан жиында әннен шашу шашылды. &nbsp;

Сырдарияда медицина қызметкерлері төл мерекесін атап өтті

<a href="https://kyzylorda-news.kz/">Kyzylorda-news.kz.</a>&nbsp;Бүгін еліміз бойынша мектеп түлектері үшін ұмытылмас күн - бітіру кеші өтпек. Оны жас түлектер ерекше толқумен күтуде, өйткені олар үшін бұл балалықпен, мектеппен, ұстаздарымен және мектептегі достарымен қоштасу күні. Және ең бастысы - ересек өмірге алғашқы қадамдары. Бүгінде облыстағы түлектер саны 8 мыңнан асады.&nbsp;Әнмен әрленіп, күймен көмкерілген салтанатты шарадағы қауіпсіздік мәселелерін полицейлер ерекше бақылауға алады. Мұндағы мақсат – мектеп бітірушілердің қауіпсіздігін қадағалап, қоғамдық тәртіптің бұзылуына жол бермеу.&nbsp;<blockquote>«Келеңсіз оқиғаларды болдырмау мақсатында полиция қызметкерлері іс-шаралар өткізілетін жерлерде қоғамдық және жол қауіпсіздігін сақтау және қамтамасыз ету бойынша қажетті шаралар қабылдауда. Әр білім беру ұйымына полиция қызметкерлері бекітілген. Қоғамдық тәртіпті күзетумен қатар, мектеп бітіру кештерінде тікелей іс-шаралар өтетін орындардың жанында патрульдік полиция нарядтары кезекшілік етеді. Жол және қоғамдық қауіпсіздікті 600 – ге жуық полиция қызметкерлері мен 137 автопатруль жүзеге асыратын болады. Кеше ғана тұлымдары желбіреп, жүректері лүпілдеп, мектеп қабырғасын аттаған түлектерді үлкен өмірге қадам басуымен құттықтап, елдің өркендеуіне үлес қосатын маман болып шығатынына сенім білдіремін», - деді Қызылорда облысы Полиция департаментінің бастығы полиция генерал-майоры Аблазимов Махсудхан Нұғманұлы.</blockquote>Сонымен қатар, полиция қызметкерлері мұғалімдермен, мектеп бітіруші түлектермен және олардың ата – аналарымен профилактикалық әңгімелер өткізіп, негізгі қауіпсіздік шаралары туралы түсіндірді. Полиция қызметкерлері кәмелетке толмағандардың түнгі уақытта ата-анасының немесе заңды өкілдерінің еріп жүруінсіз тұрғын жайдан тыс жерде болғаны үшін әкімшілік жауапкершілікке тартылатынын тағы да еске салады. Іс-шаралар өткізілетін орындарда қандай да бір төтенше жағдайлар туындаған жағдайда дереу полицияға хабарласуларыңызды сұраймыз.

Қызылордалық полицейлер мектеп бітіру кештерінде қауіпсіздікті қадағалайды

Сырдарияда 38 адамға қатысты 25 қылмыстық іс қаралды

<a href="https://kyzylorda-news.kz/">Kyzylorda-news.kz.</a> Осыдан 11 жыл бұрын тұлымдары желбіреп, жүректері лүпіл қағып мектеп табалдырығын аттаған ұл-қыздар ойы толып, білім нәрімен сусындап жаңа өмірге қадам басты.&nbsp;Кеше С.Толыбеков атындағы №3 ІТ мектеп-лицей түлектерінің аттестат табыстау рәсімі өтті. Салтанатты кешке Қызылорда қаласы бойынша білім бөлімінің басшысы Ерлан Теңізбайұлы қатысып, мектеп бітіруші түлектерді құттықтап, &nbsp;түлектерге аттестат табыстады.&nbsp;<blockquote>«Бүгін Сіздер үлкен өмірдің алғашқы баспалдағынан өтіп, биік сатыларына қадам басқалы тұрсыздар. Біз Сіздерден жаңалыққа жаны құмар, әлемнің көшіне ілесетін, озық ойлы жастар ретінде үлкен үміт күтеміз. Жаңа Қазақстанның негізгі тірегі де өздеріңіз. &nbsp;Қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға тілектеспін», – деді білім бөлімінің басшысы.&nbsp;</blockquote>Биылғы оқу жылында &nbsp;С.Толыбеков атындағы №3 ІТ мектеп-лицейде 128 түлек бітіруде. Оның &nbsp;4-еуі «Алтын белгі», 15-і «Үздік аттестат» иегері.&nbsp;Сәт сапар, жас түлек! Үлкен өмір жолына бастар қадамдарыңыз сәтті болсын! Қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға тілектеспіз.<img src="https://knadmin.beoblood.kz/uploads/355839183_1380956105965827_7462085965695637755_n_526291d15a.jpg" alt="355839183_1380956105965827_7462085965695637755_n.jpg">

Білім бөлімінің басшысы түлектерге аттестат табысталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы полиция департаменті Есірткі қылмысына қарсы іс-қимыл басқармасының қызметкерлері «Зерентай» балалар сауықтыру лагерінің демалушыларымен кездесу ұйымдастырып, онда жасөспірімдермен есірткінің зияны туралы түсіндірме жұмыстарын жүргізіп, бейресми жағдайда қызықтырған сұрақтарға жауап берді. Сонымен қатар, полицейлер балаларға қызметтік иттердің қалай есірткі табатынын, қылмыскерлерді қалай ұстайтынын көрсетті.Жазғы кезеңде мұндай іс-шаралар тұрақты негізде өткізіледі. Есірткімен күресушілердің басты мақсаты-өскелең ұрпақ арасында есірткіге қарсы иммунитетті қалыптастыру болып табылады.&nbsp;Балалармен «спайс» шылым қоспалары, синтетикалық есірткілер, есірткінің түрлері, есірткі сатушылардың есірткіге баулу үшін жасайтын әрекеттірі туралы әңгіме жүргізілді.«Зерентай» лагерінің балалары, педагогикалық құрамының көмегімен «Мен өмірді қалаймын!» тақырыбында асфальтқа, қағазға &nbsp;сурет салу, «Біз салауатты өмір салтын қолдаймыз» ұранымен флешмоб, сондай-ақ театр миниатюраларын көрсетті. Балалар алынған ақпараттан және қызметтік иттердің жұмысын көріп, үлкен әсерде болды.Кездесу соңында есірткі қылмысына қарсы іс-қимыл басқармасының қызметкерлері іс-шараға белсенді қатысқаны үшін сыйлықтар табыстады.

«Зерентай» лагерінде кездесу ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы полиция басқармасы Тергеу бөлімінің аға тергеушісі, полиция капитаны Талант Қазыбек – болашағынан үлкен үміт күттіретін білікті маман.Талант 2018 жылы ҚР ІІМ Б.Бейсенов атындағы Қарағанды академиясын аяқтап, сол жылы Қызылорда қалалық Полиция басқармасына тергеуші болып орналасты. Содан бері талай істің көзін танып, түрлі бағыттағы қылмыстардың ашылуына септігін тигізді. Қылмыстық істерді сотқа жолдау бағытындағы жұмыстары жоспар бойынша орындалады. Себебі тергеушіге тән табандылық, байсалдылық, зияткерлік, ойдың ұшқырлығы секілді қабілеттері оның кәсіби шеберлігін шыңдайды.<blockquote>«Алғаш осы қызметке келгенімде тәжірибелі тергеушілердің жанында жүріп, олардың тергеуді жүргізу әдістері мен тәсілдерін үйрене келе, көп істер атқардым. Тергеуші сауатты және кез келген саладан хабары болу керектігін түсіндім. Себебі қылмыс әртүрлі салада, түрлі бағытта орын алады. Тергеушіге дәлдік, нақтылық, жан-жақты ойлау қасиеттері қажет. Мұндай дағдылар қылмыстық іске талдау жасап, оның ақиқатына көз жеткізу үшін керек», – дейді ол.</blockquote>Тергеуші мамандығы қашан да сауаттылық пен біліктілікті, төзімділік пен ыждаһаттылықты талап етеді. Біздің басты кейіпкеріміздің жұмысына аса жауапкершілікпен қарайды. Соған сәйкес түрлі мереке қарсаңында марапат биігінен көрініп келеді. Былтыр ҚР Ішкі істер министрі Марат Ахметжановтың алғысхатына ие болды.&nbsp;Талант бүгінде өз міндетін абыроймен атқарып келеді. Әріптестерінің алдында абыройлы, достарының ортасында сыйлы. Даңқты батыр Бауыржан Момышұлының «Ел дегенде еміреніп, жұрт дегенде жүгініп қызмет еткін!» деген сөзін өмірлік ұстаным еткен жас тергеушінің болашағына зор сеніммен қарауға болады.

Талант Қазыбек: Тергеушіге дәлдік, нақтылық, жан-жақты ойлау қасиеттері қажет

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалының жанындағы Сыбайлас жемқорлыққа қарсы іс-қимыл жөніндегі кеңесінің отырысы өтті. Онда Кеңестің құрамына өзгерістер енгізіліп, 2023 жылдың ІІ жартыжылдығына арналған жұмыс жоспары бекітілді.Отырысты ашқан Сыбайлас жемқорлыққа қарсы іс-қимыл жөніндегі кеңесінің төрағасы Мақсұт Нәлібаев Мемлекет басшысының Сыбайлас жемқорлыққа қарсы іс-қимыл мәселелері жөніндегі кеңесте сыбайлас жемқорлықпен ымырасыз күресу мемлекеттік саясаттағы негізгі басымдықтың бірі екенін тілге тиек етіп, Әділетті Қазақстанды құруда заң үстемдігін орнату, нағыз құқықтық мемлекет құру үшін белең алған жемқорлықтың тамырына балта шабу керектігін нақты атап өтті.&nbsp;<blockquote>«Бүгінгі отырыста жұмыс жоспарына өзгеріс енгізу осы бағыттағы жұмыстарда белсенді серпін беретініне сенімдімін», – деді кеңес төрағасы.</blockquote>Жиын барысында кеңес мүшелерінің тарапынан қойылған сұрақтарға жауап беріліп, күн тәртібіндегі мәселелерге байланысты қаулы қабылданды.

Сыбайлас жемқорлыққа қарсы іс-қимыл жөніндегі кеңестің жұмыс жоспары бекітілді

<a href="https://kyzylorda-news.kz/">Kyzylorda-news.kz.</a>&nbsp;Қоғамда погон тағу тек ер азаматқа тән деген ұғым бүгін мүлдем өзгерген. Өйткені, барлық салада &nbsp;әйелдер ерлермен иық тиістіре еңбек етіп келеді. Соның ішінде, &nbsp;қылмыстық атқару жүйесінде абыройлы еңбек етіп, отбасына ерекше көңіл бөліп, көп баланың анасы атану ерлікпен пара-пар.&nbsp;Осы орайда, Қызылорда облысы ҚАЖД-ға қарасты № 68 мемлекеттік мекемесінде қызмет пен отбасын қатар алып ел тәуелсіздігін орнықтыру жолында ерен еңбек етіп жүрген погондағы &nbsp;аналар &nbsp;Омарова Салтанат Темірланқызы мен Ахметова Әйгерім Сейілханқызы. Салтанат 2008 ж Қорқыт Ата атындағы Қызылорда университетін тәмамдаған соң, ЗК-169/4 Тартоғай елді мекеніндегі қоныс колониясының Арнайы есепке алу бөліміне жұмысқа орналасады.&nbsp;Сол уақыттан бері 15 жыл ҚАЖ саласында &nbsp;тегеурінді еңбек етіп жүрген өз ісінің жауапты да, іскер маманы.&nbsp;<blockquote>«Менің түзеу мекемесінде қызмет атқаратындығыма болашақ жарым қарсы болған жоқ. Ерте кетіп, кеш келетін &nbsp;қатал қызметіме түсіністікпен қарайды. 2009 жылдан &nbsp;бері &nbsp; осы мекемеде жұмыс жасап келемін. Негізгі міндетім мекеме қамауындағыларға &nbsp;әкелінген сәлем-сауқаттарды жіті тексеру болып табылады. Таңғы сегізден кешкі алтыға дейін күніне кем дегенде 100- ге жуық сәлем-сауқат қабылданады.Тікемнен &nbsp;тік тұрып, әр келген заттың бірін кесіп, бірін аршып, ыстық тағамдарды басқа ыдысқа аударып, ішке алып өтуге тыйым салынған заттың өтіп кетпеуін қадағалаймын. Қатық пен сусындарға дейін арнайы темір құрылғымен, мұқият тексеріп барып ішке өткіземіз. Жұмыс барысы физикалық та, моральдік жағынан да денеге күш, санаға салмақ салады. Әйтседе, &nbsp;бұл шаршаудың бәрін үйге барғанда ұмытып кетемін. Өйткені, отбасымда қамқор жарым, қылықтарымен сүйсінтер ұл-қыздарым бар.Қызметімнің қиындығы бақытты болуға әсер етпейді. Қайта, &nbsp;ҚАЖ қызметкері ретінде, иығымдағы &nbsp;погонның &nbsp;салмағын сезініп, өзгелерге үлгі берер тұлға болуға талпынып келемін», - дейді РжКБ-нің әділет старшинасы С.Омарова.</blockquote>Ал, &nbsp;Арнайы есепке алу бөлімінің есеп технигі Ахметова Айгерім қатал қызметтегі жас аналардың бірі. Жары Қазбеков Берікпен &nbsp;осы салада 7 жылдан астам уақыттан бері қызмет атқарып &nbsp;келеді.<blockquote>Кезінде екеуі Арнайы есепке алу бөлімінде бірге &nbsp;жұмыс жасаған. Оларды &nbsp;табыстырған тегеурінді тергеу изоляторындағы қызмет барысы болатын. Әдепті &nbsp;Әйгерімнің әдемі әлемін таныған &nbsp;Берік өмірлік серігі болуға ұсыныс жасаған.&nbsp; Бүгінде үш баланың анасы атанған жас ана шынында да, отбасы мен қызметінде үлгілі жан. «Істі болғандардың іс-қағаздарымен жұмыс жасау аса жауапкершілікті талап етеді. Этап болған күндері ерте келіп, кеш кетесің. Ондай сәттерде үйдегі балаларыма қамқор боып отырған анам (енем)менің жоқтығымды білдірмейді. Жұмыстан кеш барсамда үй шаруасын тындырып, отбасыма аса көңіл бөлемін. Ұлттық дәстүрімізге сай, кішіпейілділік таныту, әйелге тән нәзіктігімді сақтап жүруге иығымдағы погон әсерін тигізбейді. Қайта погон салмағы ауырлаған сайын, қадірім артып келеді», - дейді әділет аға сержанты, үш баланың анасы Әйгерім Сейілханқызы.</blockquote>Ия, шынындада аға сержант өз ісінің білікті &nbsp;маманы. Қылмыстық атқару комитеті мен Полиция басқармасы және ҚАЖ департаменті тарапынан бірнеше алғыс хаттарымен марапаталған.Көркем мінезімен ұжым мен жақындарына сыйлы жан.Қылмыскерлер ұсталынатын мекемеде жұмыс жасау нәзік жандылар үшін әрине қиын. Әйтседе, Салтанат пен Әйгерім қатаң тәртіп пен нәзіктіктіне кәсібилікті &nbsp;үйлестіріп, &nbsp;тәуелсіздігін орнықтыру жолында, тиісінше &nbsp;үлестерін қосып келе жатқан азаматшалар.

Қазақстан және Қызылорда облысының жаңалықтары