<a href="https://kyzylorda-news.kz/">Kyzylorda-news.kz</a> &nbsp;Слетке Қызылорда қаласының жоғары оқу орындарының 100-ден астам жас туристері қатысты.Командалар кедергілі алқаннан өтіп, велосипедке қалай иелік ету керектігін, арқаннан түйіндер тоқуды және команда капитандарының қаншалықты күшті және ақылды екенін көрсетті.Финалдық жарыстарға: №№173,43,15,261,4,8 оқу орындарының командалары қатысты.№ 15 мектеп-лицейінің командасы кедергілер жолағынан өту, арқаннан түйін тоқу және капитандар байқауында сөзсіз жеңіске жетсе, №261 орта мектептің командасы велосипедті мәнерлеп жүргізуде вертуоз болып шықты.Балалар жергілікті орында бағдарлау жүргізу сайысында, бақылау нүктелерінде белгілермен өз маршруттарын сәтті еңсере отырып, көптеген жағымды эмоциялар мен жарқын әсерлерге ие болды.Барлық жарыстардың қорытындысы бойынша, үздік жас туристер деп келесілер атанды: № 15 мектеп – лицейінің командасы– 1 орын, 2 орын – №8 орта мектеп, 3 орын – №261 орта мектеп.Слет ұйымдастырушылары: «Жастардың спорттық туризм және туристік көпсайыс федарациясы» Жастар қоғамдық бірлестігі, Қызылорда облысының Полиция департаменті Есірткі қылмысына қарсы іс-қимыл басқармасы және Қызылорда қаласы бойынша білім бөлімі.&nbsp;

«Туризм – нашақорлыққа қарсы!» – Қызылордада жас туристердің қалалық слеті өтті

<a href="https://kyzylorda-news.kz/">Kyzylorda-news.kz</a> «Таза Қазақстан» республикалық экологиялық акциясы «Жасыл аймақ» апталығымен жалғасуда. Бұл &nbsp;экологиялық мәдениетті қалыптастыра отырып, отансүйгіштікке, табиғатты қорғауға, &nbsp;қоршаған ортаға деген жанашырлық құндылықтарды артыруды &nbsp;көздеген науқан аясында әкімдік қызметкерлері &nbsp;мен аудан тұрғындарын белсенді болуға шақырды.«Таза Қазақстан» республикалық экологиялық акциясының «Жасыл аймақ» апталығы аясында Қармақшы ауданында орналасқан саябақтар, скверлер, парктер мен аллеялар аумағын абаттандыру жұмыстары қарқынды жүруде.&nbsp;Бүгін аталған акция аясында Жосалы кентіндегі «Жеңіс» саябағында аудан ардагерлері мен белсенді жастар және мәдениет саласының қызметкерлерінің қатысуымен 100 түп ағаш отырғызылды.&nbsp;Акция барысында аудан ардагерлері Президент тапсырмасымен бастау алған экологиялық акцияның қоршаған орта мен тұрғындар үшін қолайлы жағдай жасауға, азаматтық жауапкершілікті арттыруға, экологиялық мәдениетті қалыптастыруға үлесі зор екенін атап өтті. Сонымен қатар акция аясында ауданның барлық аумағында санитарлық-тазалық, көркейту-көгалдандыру жұмыстары әрі қарай да жалғасуда.&nbsp;&nbsp;<img src="https://knadmin.beoblood.kz/uploads/71a7df0d_3470_42d7_8857_3489ec7b795c_303c0a4ed3.jpg" alt="71a7df0d-3470-42d7-8857-3489ec7b795c.jpg">

Қармақшыда «Жасыл аймақ» апталығы жалғасуда

<a href="https://kyzylorda-news.kz/">Kyzylorda-news.kz</a>&nbsp; Егер «ғылымдардың атасы» саналатын философияны қоғам дамуының көрсеткіші деп бағалайтын болсақ, қазіргі қоғам постмодернизм философиясына ұқсас дамып отыр дер едік. Басқаша айтқанда, біз өмір сүріп жатқан қоғамымыз - көпөлшемді, қарама-қайшылықты, мемлекеттер арасында мәдениеттегі шекаралар жойылған, әртүрлі бағыттар мен идеяларға толы, реттілік, қоғам дамуының белгілі бір заңдылықтарына сүйену ғана емес, ретсіздік, хаос та бар құндылықтары ауыспалы орта. Адами қарым-қатынаста өзара әсерлесу, бір-бірін оқытудың жаңа әдіс-тәсілдерінің көптігі анық біліне бастады. Сондай-ақ, осы әралуандылық күнделікті тұрмыстағы сән /мода/ өнерінен бастап саясатта да айқын байқалып отыр.&nbsp;Әл-Фараби атындағы ҚазҰУ-де қызмет жасайтын ғалым ГүлжиҺан Жұмабайқызы «Қазіргі адамзат бұрынғыға қарағанда еркін, бірақ Гегельдің «абсолюттік еркіндік адамды ойына келгенін жасауға итермелеп, түбінде құбыжыққа айналдыруы мүмкін» дегенін де ұмытпау қажет» деп атап өтеді. Бұдан адамды да, қоғамды да гуманизациялау қажет деген қорытынды шығады. Біздің мысалымызда аталған меже үдесінен шығудың бірден-бір жолы интеллектуалдық ұлтқа айналу болмақ. «Оқитын ұлт» идеясы осы мақсаттан туындаса керек.&nbsp;Президентіміз Қ. К. Тоқаев Ұлттық қоғамдық сенім кеңесінің 2020 жылғы 22 қазанда өткен төртінші отырысында «Беделді халықаралық зерттеу қорытындылары біздің оқушылардың оқу сауаттылығы бойынша дағдылары жеткілікті деңгейде дамымағанын көрсетіп отыр. Сондықтан оқу мәдениетіне баулу, оқу сауаттылығын дамыту еліміздегі орта білім беру ісінің басым бағытына айналуға тиіс... Сонымен қатар, отандық кітапханалар өздерінің ағартушылық рөлін жоғалтпай, заманауи талаптарға сай болуы қажет» екеніне тоқталған болатын Ал киелі Түркістанда шақырылған былтырғы Ұлттық Құрылтайда «Шын мәнінде, кітап оқитын ел зиялы ұлтқа айналады. Біз жас ұрпақтың кітапқа құштарлығын оятуымыз керек... Мартин Лютер Кинг сияқты менің де көкейімде жүрген бір арман бар, бұл – тәулік бойы жұмыс істейтін Президент кітапханасын ашу. Мен мұндай кітапхананы Анкарада көрдім. Оның оқырмандары әлемнің әр түкпірінде басылып шыққан көркем шығармаларды, арнаулы әдебиетті оқи алады. Мұндай кітапхананы елімізде де салуға болады деп ойлаймын» деген орамды ойын ортаға салды.Ұлттық Құрылтайдың Атыраудағы биылғы шақырылымынының «Адал адам – Адал еңбек – Адал табыс» атты үшінші отырысында «Кітапхана – мемлекеттің, ұлттың негізгі жады... Өздеріңізге мәлім, мен былтыр Түркістанда өткен құрылтайда елімізде тәулік бойы жұмыс істейтін заманауи кітапхана салу туралы айттым. Ондай кітапханалар көптеген елде бар. Облыс әкімдері осы жақсы тәжірибені жалғастыруы керек. Шын мәнінде, озық ойлы ұлт болудың ең төте жолы – кітап оқу. Сондықтан кітап оқу мәдениетін қоғамда барынша орнықтыруымыз керек» деп түйіндеген болатын. Бұл саясаттағы тұрақтылық пен бірізділіктің көрінісі десек орынды болмақ.Мемлекет басшысының отандық мәдениет саласын ілгерілетуге бағытталған нақты қадамдары біздің облыста ағымдағы жылды «Руханият жылы» деп жариялауға алып келді. Бұл аймақ басшысы Н.М.Нәлібаевтың Президенттің бастамаларын қуатты қолдауының айқын айғағы, көпвекторлы мемлекет дамуындағы басты трендтерді тани алған мемлекет басшысы мен оның өзі тағайындаған облыстағы өкілі арасындағы өзара саяси үндестік десек артық емес. Дана халқымыздың «Көңілі жақсылардың алтын сандық, Сандықты кілт болмаса кім ашады» - деп жыр төккеніндей, әр құбылыстың өз кілті болады екен. Қоғамды адам қолымен жасалатын түрлі кеселдерден, соның ішінде, салт-дәстүрімізді тәрк етіп рухани азғырудан арылтудың кілті – мәдениет саласына, яғни руханият дүниесіне жіті көңіл бөлу дер едік. Пікірімізге тұздық болу үшін салада осы жылдың өзінде-ақ бірқатар атқарылған жұмыстарға тоқтала кетейін. Мәселен, соңғы екі жылда аймақтың мәде¬ниет пен руханият саласында ауқымды жұмыстар атқарылды. Қызылорда қала¬сында жерлесіміз Марат Дүйсенбаевтың демеушілігімен құны 1 млрд 700 млн теңге болатын «Анаға тағзым» орталығы ашылды. Сондай-ақ 1 млрд 500 млн теңгеге салынған «Отбасы орталығы», 1000 орындық «Өнер орталығы», «Жыраулар үйі» өз қызметін бастады. Бұған қоса, мәдени-тарихи нысандардың қолжетімділігін арттыруға негізделген өңірлік бағдарлама аясында кітапханасы тәулік бойы жұмыс істейтін 7 «Руханият орталығы» салынады. Соның алғашқысының құрылысы Сырдария ауданы Тереңөзек кентінде бастау алды.Өткен аптада облыстағы білім беру ұйымдарының жай-күйіне арналған кеңейтілген мәжілісте Мемлекет басшысының «Адал адам» концепциясы аясында өңірдегі барлық елді мекендегі клубтар мен мәдениет үйлерінде «Адал адам» рухани-мәдени орталықтары ашылатыны мәлім болды. Орталықта балалар мен жасөспірімдер қосымша білім алады. Алдағы уақытта балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы» салынатыны белгілі. Ұлтымыздың көрнекті ақындарының бірі Омарғазы Айтанұлының «Табиғат философиясы» деген дастанында «Ескі өлең ұйқастарына жаңа өлең симайды, Өлең жолдары күреспен өседі. Табиғат мазмұны мұнда жиналып, Ақын қиналып, Тағы бір формаға көшеді» деген шумақтарды оқуға болады. Осында О.Айтанұлы ақынға тән сезімталдықпен уақыт факторын екшегенде ескі мен жаңаның қиюласпайтынын дәл көрсетіп тұр. Атырауда кешегі өткен Ұлттық Құрылтайда мемлекет басшысы Қ.К.Тоқаев ұсынған «Адал азамат» идеясы жаңа немесе Әділетті Қазақстан идеясымен үндесіп жатыр. Ол көрсеткендей «адал азамат дегеніміз – жақсы қасиеттерге ие болып, адал еңбек ететін және табысқа адал жолмен жететін адам».&nbsp;Әрине, адал азамат топ етіп көктен түсе қалмайды, оны тәрбиелеп шығаратын қоғамдық орта десек жаңалық ашқандай болмаспыз. Бұл жерде басты нәрсе қоғамда әр буынның рухани-танымдық шекарасы нақты айқындалған өзіне тән және тиесілі орны мен жауапкершілгі болуы қажет деп ойлаймын. Президент «алдымен ел ағаларының арасында ауызбіршілік болуы керектігіне, олардың ұрпаққа өнеге болатын кесек әңгіме айтуы қажет екеніне» айрықша мән берді.&nbsp;Мәдениет саласында алдағы күндері өмірге енетін жағымды жаңалықтар қатарында Сырдария өзенінің сол жағалауынан Сыр өңірінің құнды жәдігерлері мен экспозицияларын кеңінен дәріптеу мақсатында жаңа өлкетану музейі бой көтеретінін де атап өткіміз келеді. Әрине, бұл тізімді әрі қарай соза беруге болады. Себебі, ауыз толтырып айтарлықтай атқарылған ауқымды істер жеткілікті. Шүкіршілік. Жазушы, алаштанушы Т.Жұртбайдың «Жансар» атты кітабында О.Сүлейменовтің болмысы, өткені жайлы айта келіп, «оның дұшпаны - әрбір атқан оғынан кейін мәдениетті бір мезет мылқауға айналдыратын малғұндар» деген еді.&nbsp;Сала бойынша жасалып жатқан жаңа жұмыстар легі тереңінде мәдени тоқырауға ұшырамай, серпінді дамуға бет бұрғандығымыздың айқын айғағы. Елдің еңсесін көтеретін қуаныш. Болашақ үшін жүректерде ұялайтын сенім. Сөзімнің қорытындысына ақиық ақынымыз Әбдіраштың Жарасқанының «Кірісу» жырынан алынған бір шумақты келтіргім келді. Ол:"Кіріспе" демей, "Кірісу" қойдым жыр атын, Кірісу менің-міндетім, хақым, мұратым. Өмірде мынау бәріне, бәрі бәріне, Кірісу керек, кірісу керек шын ақын!, - деп толғайды. Нағыз іскер басшы, нағыз әкім де әр іске еркін кірісіп кете алатын іскерлігімен ерекшеленсе керек. Бұл байламды біз аймақ басшы Н.М.Нәлібаевқа қатысты шынайы мақтанышпен айта аламыз. Өзім қызмет жасайтын саладағы жарқын істер облыстағы басқа да ондаған салаларда жүзеге асып жатқан қыруар жұмыстардың бір бөлігі, жүзден бірі ғана. Қасиетті Сыр елінің болашағына жасалып жатқан осынау ауқымды да, игілікті істердің ұйытқысы аймақ басшысына барлық кітапханашылар мен оқырман қауым атынан кітапхана ісін дамытуға көрсетіп отырған қамқорлығы үшін зор ризашылығымызды білдіреміз.Нұрлыбек Кәрібозұлы Мыңжас,&nbsp;Ә.Тәжібаев атындағы облыстық әмбебап-ғылыми кітапханасының директоры

Сырдария өзенінің сол жағалауынан жаңа өлкетану музейі бой көтереді

<a href="https://kyzylorda-news.kz/">Kyzylorda-news.kz</a>&nbsp; Бүгін партияның облыстық филиалы Саяси кеңес Бюросының отырыстары өтті. Алғашқы жиында Қызылорда облыстық мәслихатының депутаттығына кандидаттардың партиялық тізіміне енгізілгендер арасында бос депутаттық мандатты бөлу мәселесі қаралды.Бюро отырысында партияның облыстық филиалының &nbsp;Атқарушы хатшысы Ләйлә Төрешова Қызылорда облыстық мәслихатының бос депутаттық мандатына партиялық тізімінен ұсынылған кандидатты таныстырды.&nbsp;Ол өз сөзінде облыстық мәслихаттың кезектен тыс XIIІ сессиясы шешіміне сәйкес Байқадамов Наурызбай Сейтқалиұлының Қазақстан Республикасы Парламенті Сенатының депутаты болып сайлануына байланысты депутаттық өкілеттігі мерзімінен бұрын тоқтатылғандығын атап өтіп, «Қазақстан Республикасындағы сайлау туралы» Конституциялық заңының және «AMANAT» партиясы» қоғамдық бірлестігі Жарғысының &nbsp;талаптарына сәйкес, Қызылорда облыстық мәслихатының депутаттығына партиялық тізім бойынша депутаттық бос орынға партияның Орталық органдары келісіміне сәйкес Тлеуімбетов Мұрат Жолкелдіұлының кандидатурасы ұсынылып отырғандығын жеткізді.&nbsp;Еңбек жолын қарапайым жұмысшыдан бастап, түрлі салалар мен басқармаларда басшылық қызмет етіп, &nbsp;қала әкімі орынбасары мен аудан әкімі қызметтерін абыройлы атқарған облысқа танымал азаматтың кандидатурасын Бюро мүшелері бір ауыздан қолдады. Бюро отырысының шешімі партияның аймақтық филиалы атынан облыстық сайлау комиссиясына арнайы хатпен ұсынылды.Келесі алқалы жиынның күн тәртібінде облыстық мәслихаттың депутаттығына партиялық тізімнен ұсынылған Тлеуімбетов Мұрат Жолкелдіұлын облыстық сайлау комиссиясының облыстық мәслихат депутаты ретінде тіркеуі туралы қаулысы шығуына орай партия Жарғысына сәйкес «AMANAT» партиясының атынан облыстық мәслихат Төрағасы лауазымының бос орнына кандидатты келісу мәселесі қаралды.&nbsp;Бұл лауазымға партияның Орталық органдары келісіміне сәйкес Тілеуімбетов Мұрат Жолкелдіұлының кандидатурасы ұсынылып, Бюро мүшелерінің қолдауымен «AMANAT» партиясының Қызылорда облыстық мәслихатындағы депутаттық фракциясының қарауына ұсыну туралы қаулы қабылданды.&nbsp;<img src="https://knadmin.beoblood.kz/uploads/439107504_840297208135917_1086511005893152987_n_96796edfcb.jpg" alt="439107504_840297208135917_1086511005893152987_n.jpg"><img src="https://knadmin.beoblood.kz/uploads/438814522_840296831469288_5380231243913266517_n_cfb5984766.jpg" alt="438814522_840296831469288_5380231243913266517_n.jpg">

Облыстық мәслихат төрағасы лауазымына Мұрат Тілеуімбетов ұсынылды

<a href="https://kyzylorda-news.kz/">Kyzylorda-news.kz</a>&nbsp;Астана қаласындағы «Қолжазбалар және сирек кітаптар ұлттық орталығында» Қызылорда облыстық тарихи-өлкетану музей қорындағы сирек кездесетін кітаптар мен қолжазбалардан «Ғасырлар руханияты» атты көрмесі өтті.Елордамыз Астана қаласында алғаш рет ұйымдастырылып отырған көрмеде Сыр елінің баға жетпес асыл қазынасы - өткеннің ізіндей, көненің көзіндей сақталып келген тарихи мұралары мен жазба деректері халық назарына ұсынылды. Көрмеге музей қорында сақталған ХVIII-ХХ ғғ. Стамбул, Каир, Қазан, Ташкентте жарык көрген араб, парсы, шағатай тілдерінде жазылған сирек кездесетін кітаптар және қолжазбалар қойылды. Сонымен қатар, Сыр өңірінен шыққан түркі халықтарына ортақ тарихи тұлға Қорқыт атаның жазба ескерткіші - «Қорқыт Ата кітабының» Дрездендік және Ватикандық нұсқалары және бүгінгі таңда авторлық төл қолтаңбасы сақталған «Шығыстың тірі сөздігі» атанған шайырлық даңқы қазақ жерінен асып, көршілес өзбек, қарақалпақ, тәжік елдеріне танылған Сыр бойынан шыққан жыр сүлейі Тұрмағанбет Ізтілеуовтің қолжазбалары да көрмеден орын алды.Айта кету керек, Сыр өңірінің рухани қазынасы саналатын кітаптар мен қолжазбалар көрмесі көпшілікті сүйсінтті. Әсіресе, шетел азаматтарының қызығушылығын оятты.<img src="https://knadmin.beoblood.kz/uploads/236d74b5_fc84_4a99_b0f6_3175a60c3705_1bc30fd433.jpg" alt="236d74b5-fc84-4a99-b0f6-3175a60c3705.jpg">

«Ғасырлар руханияты»: Сыр көрмесі Арқа төрінде

<a href="https://kyzylorda-news.kz/">Kyzylorda-news.kz</a>&nbsp;Бүгін Қызылорда қаласы Полиция басқармасының жеке құрамының қатысуымен кәсіби қызметтік және жауынгерлік даярлық сабағы өтті.Онда тәрбие және кадр жұмысы бөлімшесі қызметкерлерді іріктеу, дайындау, жеке құрамның кәсіби деңгейін арттыру, қызметкерлерді патриоттық рухта тәрбиелеу, олардың рухани дүниесін жан-жақты жетілдіру мақсатында атқарылып жатқан жұмыстармен таныстырды. Жеке құрамының кәсіби қызметтік және жауынгерлік даярлық сабағында 3 тақырып қаралды. Екі немесе оданда көп адамның өліміне әкеп соққан жол-көлік оқиғасы бойынша қылмыстық істерін тергеу ерекшеліктері, ҚР ҰҚК және ҚР ІІМ 01.08.2023 жылғы 62/140 қбпү бірлескен бұйрық негізінде Көші-қон арнасында шетелдіктер мен терроризмге қарсы іс-қимыл саласындағы жедел іздестіру және жедел профилактикалық іс-шараларды жүргізу кезіндегі ҰҚК мен ІІМ өзара іс-қимыл жасау қағидаларын бекіту туралы, Жаппай тәртіпсіздіктердің жолын кесу жөніндегі арнайы операцияларды өткізу кезінде жеке құрамды басқару тактикасы және әрекет ету техникасы бойынша түсіндірме жұмыстары жүргізілді.Ел тыныштығын сақтауда алдыңғы шепте тұрған тәртіп сақшылары үшін ең қажетті қасиет – тәртіп пен патриоттық тәрбие. Бұл ретте тәрбиелік мәні бар іс-шаралардың полиция қызметкері үшін маңызды.<blockquote>- &nbsp;Біздің жұмысымыздың нәтижесі қызметкерлердің кез-келген жағдайда қызмет атқаруға даярлығына байланысты-азаматтарымыздың өмірі мен мүлкінің қауіпсіздігін тиісті түрде қамтамасыз ету. Бүгінде полиция ішкі істер органдары қызметкерлерінің кәсіби-адамгершілік, патриоттық тәрбиесін арттыруға және тәлімгерлікке көп көңіл бөлеміз. Қала орталығында қызмет атқарып жүрген қызметкерлердің жұмыстары, олардың азаматтармен дұрыс қарым-қатынаста болуы барлығы басшылық тарапынан бақылауға алынған,− дейді тәрбие және кадр жұмысы бөлімшесінің бастығы Мақсат Садыбеков.</blockquote><img src="https://knadmin.beoblood.kz/uploads/5e00e02e_cbea_4e9c_9782_573fb2cbcaf0_92c3c724a3.jpg" alt="5e00e02e-cbea-4e9c-9782-573fb2cbcaf0.jpg">

Қызметтік тәртіп − басты назарда

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы «Алтын тас» ЖК мекемесінің директоры Нұрбек Тұрғанбеков тас төсеніш пен керамикалық плиталар өндірісін қолға алып, кәсібін дөңгелетіп отыр.Өндіріс цехы 2016 жылы тастакта (брусчатка) шығара бастаған. 2022 жылы «Даму» кәсіпкерлікті дамыту қоры» АҚ арқылы жеңілдетілген несие алып, өндіріс орнын 3 есеге кеңейткен.Қазіргі таңда, цех аумағында пескаблок, тратуальный плитка, бордюр, лоток, люк, цоколь, полифасад өнімдері өндіріліп, тұтынушыларға пайдалануға берілуде.Биыл кәсіп иесі өндіріс көлемін 32 000 ш.м-ден 40 000 ш.м дейін ұлғайтуды көздеуде. Қазіргі уақытта, аталған мекемеде 9 адам тұрақты жұмыспен қамтылған.Аймақта кәсіпкерлерге қолдау көрсету жоғары дәрежеде. Облыстық кәсіпкерлер палатасының мәліметінше, 2023 жылы аймақта шағын және орта кәсіпкерліктің 4716 жобасына 68 млрд теңге сомасында қаржылай қолдау көрсетілген. Атап айтар болсақ, «Кәсіпкерлікті дамытудың ұлттық жобасы» аясында жалпы несие портфелі 31 млрд теңгені құрайтын 837 жоба субсидияланған. Оның ішінде, жалпы несие портфелі 6,1 млрд теңгені құрайтын 235 жоба жас кәсіпкерлердің үлесінде. «Қызылорда» өңірлік инвестициялық орталығы микроқаржы ұйымы арқылы 372 жоба 3 млрд теңгеге қаржыландырылса, оның 12,7 пайызын жас кәсіпкерлер құрайды. Яғни, жас кәсіпкерлердің 52 жобасына 382,4 млн теңге көлемінде қаражат бөлінген. Ал аграрлық несие корпорациясы арқылы жастардың 492 жобасы 2,3 млрд теңгеге қаржыландырылған.Жастар кәсіпкерлігін қолдау – тың идеялардың, инновациялардың, жұмыс орындарын құрудың және азаматтардың өмір сүру сапасын жақсартудың қозғаушы күші. Мұндай шаралар жастар арасында кәсіпкерлік белсенділікті арттыруға септігін тигізіп, елдің экономикалық өсуі мен өркендеуіне ықпал етеді.&nbsp;Қорлан САРЫ

Қызылордалық кәсіпкер керамикалық плиталар өндірісін бастады

<a href="https://kyzylorda-news.kz/">Kyzylorda-news.kz</a>&nbsp; Баж &nbsp;алымдарын кері қайтару Салық кодексінің 108 бабына сәйкес &nbsp;жүргізіледі. Баж &nbsp;алымы төлем &nbsp;жасалған орны, жері бойынша &nbsp;кері &nbsp;қайтарылады, баж алымын &nbsp;қайтару &nbsp;кезінде &nbsp;электронды &nbsp;өтінішіңізбен &nbsp;( 15 қосымша ) қоса &nbsp;осы &nbsp;баж алымын &nbsp;кері &nbsp;қайтару &nbsp;негіз болып табылатын &nbsp;құжатын &nbsp;қоса &nbsp;тіркеп &nbsp;жолдау қажет.Бұл &nbsp;ретте &nbsp;заңдылықтарға &nbsp;сәйкес заңды &nbsp;күшіне &nbsp;енген &nbsp;сот &nbsp;шешімі немесе ұйғарымы болуы &nbsp;тиіс. Егер &nbsp;салық &nbsp;төлемгер &nbsp;баж алымын &nbsp;қате &nbsp;төлеген &nbsp;жағдайда &nbsp;уәкілетті &nbsp;жауапты &nbsp;органнан &nbsp;осы баж алымын &nbsp;қолданылмағандығын, ешқандай &nbsp;іс-шағым &nbsp;тіркелмегендігін &nbsp;растап &nbsp;берген &nbsp;анықтама &nbsp;қажет.Мемлекеттік қызмет көрсетудің барлық түрін электронды түрде жүзеге асырудың негізгі мақсаты біріншіден халыққа тез әрі сапалы қызмет көрсету болса, екінші жағынан сыбайлас жемқорлыққа жағдай туғызбау болып табылады.&nbsp;<blockquote>−Қазіргі &nbsp;таңда &nbsp;барлық &nbsp;өтініштер 100 пайызға &nbsp;электронды &nbsp;түрде &nbsp;жүзеге асырылады. Барлық салық &nbsp;төлемгерлері баж алымдарын &nbsp;кері қайтару үшін &nbsp;өтініштерін, яғни &nbsp;15 ші қосымшаларын &nbsp;қайтаруға негіз болып &nbsp;табылатын &nbsp;құжаттарын тіркеп, бюджетке &nbsp;баж алымына &nbsp;төлемін &nbsp;жасаған өз &nbsp;банктік есеп &nbsp;шоттарын &nbsp;көрсетіп,е- салық &nbsp;қосымшасы &nbsp;арқылы &nbsp;немесе &nbsp;салық &nbsp;төлемгерінің &nbsp;кабинеті &nbsp;арқылы электронды түрде жолдай &nbsp;алады, − дейді Қызылорда қаласы бойынша Мемлекеттік кірістер басқармасыныңТалдау және есепке алу бөлімінің басшысы &nbsp;Д.Мустафаев.</blockquote>Баж алымы, 108126 бюлжеттік &nbsp;сыныптама &nbsp;коды бойынша &nbsp;артық немесе &nbsp;қате жасалған &nbsp;төлемдерді &nbsp;қайтару үшін &nbsp;тиісті &nbsp;жауапты &nbsp;уәкілетті органнын &nbsp;қайтаруға &nbsp;негіз &nbsp;болып табылатын &nbsp;құжаты міндетті &nbsp;түрде &nbsp;қажет.&nbsp;Салық &nbsp;кодексінің &nbsp;заңдылықтарын басшылыққа &nbsp;ала &nbsp;отырып &nbsp;өтініштердің қаралу мерізімі &nbsp;5 жұмыс &nbsp;күні &nbsp;болып &nbsp;табылады, яғни өтініштер келіп &nbsp;түскен &nbsp;күннен &nbsp;бастап &nbsp;5 жұмыс &nbsp;күнінің &nbsp;ішінде &nbsp;өңделеді.Салық &nbsp;төлемгерлерінің &nbsp;өтініштерін орындау кезінде &nbsp;кемшіліктер &nbsp;туындаған &nbsp;жағдайда, электронды &nbsp;түрде арнайы түсіндірме &nbsp;хаттары &nbsp;жолданады.&nbsp;фото: Нұрболат Нұржаубай

Баж алымдарын  кері  қайтару заңдылықтары қалай жүргізіледі?

<a href="https://kyzylorda-news.kz/">Kyzylorda-news.kz</a>&nbsp;Қызылорда облысының кәсіпкерлер палатасы алаңында кәсіпкерлік және өнеркәсіп басқармасы, Қызылорда қаласы әкімдігі, ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаменті, облыстық полиция департаменті өкілдерінің қатысуымен ішкі сауда саласындағы қызметті жүзеге асыратын террористік тұрғыдан осал объектілерге қатысты жиын өткізілді.&nbsp;Жиында құзырлы органдар тарапынан сауда базарлары меншік иелері, сауда үйлері және қоғамдық тамақтану объектілерінің басшылары мен өкілдеріне террористік тұрғыдан осал объектілерге жататын сауда және қоғамдық тамақтану нысандарына қойылатын талаптар түсіндірілді.Нұсқаулық талаптарынан туындайтын мәселелер қозғалып, қойылған сауалдарға жауап алынды. Террористік тұрғыдан осал объектілерін және ішкі сауда саласындағы қызметті жүзеге асыратын террористік тұрғыдан осал объектілерді терроризмге қарсы қорғауды ұйымдастыру Қазақстан Республикасы Сауда және интеграция министрлігінің 2023 жылғы 5 қазанындағы № 366-НҚ бұйрығымен бекітілген нұсқаулықпен реттеледі.&nbsp; Алдағы уақытта түсіндіру жұмыстары террористік тұрғыдан осал объектілерге жататын сауда нысандарына бару арқылы жалғастырылатын болады.&nbsp;

Сауда және қоғамдық тамақтану нысандарына қойылатын арнайы талап бар

<a href="https://kyzylorda-news.kz/">Kyzylorda-news.kz</a>&nbsp; Облыстық оқу орталығы(әдістемелік кабинет) және М.Мәметова атындағы Қызылорда педагогикалық жоғары колледжі «Мектепке дейінгі тәрбие және оқыту» бөлімінің ұйымдастыруымен&nbsp;«PedSTART республикалық педагогикалық олимпиадасы өткізілді.Олимпиаданың мақсаты - мектепке дейінгі ғылым саласындағы талантты жастарды анықтау, болашақ мамандарды даярлау сапасын жетілдіру, кәсіптік және арнайы әдістеме пәндерін терең меңгерту, тәрбиешілік және инновациялық қызмет үшін әлеуетті кадрларды қалыптастыру.&nbsp;Кәсіби білім бәйгесіне «Жамбыл облысы, Тараз қаласы,&nbsp; Абай атындағы Жамбыл гуманитарлық жоғары&nbsp; колледжінен «Smart Pedagog» командасы, Сайрам ауданы, Ақсукент ауылы ЖШС Анвар Исмаилов атындағы кәсіптік&nbsp; колледжінен «Vip Top» командасы, «Жезқазған гуманитарлық колледжінен» КМҚК&nbsp; «Zhgk Style» командасы , М.Мәметова атындағы Қызылорда педагогикалық жоғары колледжінен&nbsp; «Twinkle Stars»және&nbsp; «Комета» командалары қатысты.<img src="https://knadmin.beoblood.kz/uploads/Ped_START_respublikaly_pedagogikaly_olimpiadasy_tti1_16579ae329.jpg" alt="«PedSTART» республикалық педагогикалық олимпиадасы өтті1.jpg">«Pedstart» республикалық педагогикалық шеберлік байқауында төмендегідей кезеңдерден тұрды:І кезең теориялық бағыт бойынша «Мектепке дейінгі педагогика, психология және арнайы пәндер әдістемесінен» тест тапсырмаларын орындады.ІІ кезең шығармашылық бағыт бойынша төмендегі тапсырмалар орындалды:1. «Командалар&nbsp; шеруі» визит карточкасы3. Үздік панорамалық ұйымдастырылған іс-әрекет4. «Біліммен болашаққа»&nbsp;мектепке дейінгі ұйым құжаттары және педагогикалық ситуациялық сұрақтар&nbsp; &nbsp;5. «Театр ерекше патшалық»&nbsp;театр жобасы бойынша қойылымнан үзінді. Қатысушы командалар үлкен дайындықпен, өз идеяларын&nbsp; ортаға салып, жүктелген тапсырмаларды&nbsp; жоғары деңгейде орындап шықты.&nbsp; &nbsp;Болашақ педагогтар бәйгесі нәтижесінде кәсіби деңгей, шеберлік, смарт педагог болуға деген талпынысы мен білімі сарапқа салынып, нәтижесінде «Smart Pedagog» І дәрежелі, «Zhgk Style» және «Twinkle Stars»&nbsp; ІІ дәрежелі, «Vip Top», «Комета» командалары&nbsp; ІІІ дәрежелі дипломмен марапатталды.Қорлан САРЫ

«PedSTART» республикалық педагогикалық олимпиадасы өтті

<a href="https://kyzylorda-news.kz/">Kyzylorda-news.kz</a> Бүгін «Таза Қазақстан» экологиялық науқанының «Жасыл аймақ» апталығы аясында аудан тұрғындары, белсенді жастары мен волонтерлерінің қатысуымен Әйтеке би кенті Жанқожа батыр көшесіндегі су арналарын қоқыстан тазарту, 300 түп қаламша және гүл көшеттерін отырғызу жұмыстары жүргізіліп, 200 адам қамтылды.Сондай-ақ, «Biz taza aimaq ushin» акциясы аясында аудан жастарының ұйымдастыруымен «Қоқысты балмұздаққа айырбаста» шарасы өтіп, белсене қатысқан жастарға балмұздақ таратылды. Аудан тұрғындары жастардың өнегелік істеріне ризашылықтарын білдірді.<img src="https://knadmin.beoblood.kz/uploads/dd6bb475_83fb_4e7c_9498_300164c8567a_e8b78eb6fd.jpg" alt="dd6bb475-83fb-4e7c-9498-300164c8567a.jpg"> <img src="https://knadmin.beoblood.kz/uploads/be9bdd8c_74aa_46f2_a69e_66077e5e0db7_1377041f8d.jpg" alt="be9bdd8c-74aa-46f2-a69e-66077e5e0db7.jpg"><img src="https://knadmin.beoblood.kz/uploads/71a7df0d_3470_42d7_8857_3489ec7b795c_d894536041.jpg" alt="71a7df0d-3470-42d7-8857-3489ec7b795c.jpg">

Қазалы ауданында «Жасыл аймақ» апталығы өтуде

<a href="https://kyzylorda-news.kz/">Kyzylorda-news.kz</a>&nbsp; «Таза Қазақстан» республикалық экологиялық акциясы «Жасыл аймақ» апталығымен жалғасуда. Отбасы – шағын &nbsp;мемлекет десек, сол мемлекеттің де басты қызметтері бар. Солардың бірі – ағаш отырғызу.&nbsp;«Жасыл аймақ» апталығында жаңадан шаңырақ көтерген 10 отбасы былтыр ғана ел игілігіне берілген Отбасы орталығы аумағында ағаш көшеттерін отырғызып, игі іске жұмыла кірісті.&nbsp;«Атадан мал қалғанша,тал қалсын» деген сөз бар. Жас отбасылар отырғызған ағаш расында жаңа өмірдің алғашқы баспалдағын аттаған жас жұбайлар іспеттес. Күтімі күпті,бабы мықты болса сол ағаштың да жапырағы жайқалып, берік әрі мығым бола түседі. Ізгі шараға атсалысқан жас отбасылар экологиялық мәдениетті қалыптастыра отырып, отансүйгіштікке, табиғатты қорғауға, &nbsp;қоршаған ортаға деген жанашырлық құндылықтарды артыруды &nbsp;көздеген науқан аясында қала тұрғындарын барынша белсенді болуға шақырды. Естелік ретінде шара соңында жас отбасылар фотозоналарда түсірілім жасап, көтеріңкі көңіл-күйде шараны қорытындылады. <img src="https://knadmin.beoblood.kz/uploads/71a7df0d_3470_42d7_8857_3489ec7b795c_d894536041.jpg" alt="71a7df0d-3470-42d7-8857-3489ec7b795c.jpg"><img src="https://knadmin.beoblood.kz/uploads/d1b095ee_17d4_4971_a5cb_1b9533fa3a47_c6b96ac253.jpg" alt="d1b095ee-17d4-4971-a5cb-1b9533fa3a47.jpg">

Қазақстан және Қызылорда облысының жаңалықтары