Жалпы мемлекеттік қызметтің сапасын арттыру – кез келген мемлекеттің дамуына ықпал ететін маңызды қадамдардың бірі. Азаматтарға қызмет көрсету деңгейін көтеру арқылы халықтың сенімін нығайтып, қоғамның әл-ауқатын жақсартуға болады. Бұл мақалада мемлекеттік қызметті жақсартуға арналған негізгі қадамдар мен олардың маңыздылығы қарастырылады.<h2 style="text-align:justify;">Негізгі қадам</h2>Жұмыстың тиімділігін көрсетіп, анық нәтижеге қол жеткізу үшін жасалған қадамдардың бірі – цифрландыру. Бұл тек елімізде емес, жаһандық деңгейде мемлекеттік қызметті жетілдірудің ең тиімді жолдарының бірі болып табылады. Қазіргі таңда көптеген елдер азаматтарға мемлекеттік қызметтерді онлайн түрде ұсыну арқылы ыңғайлы әрі уақытты үнемдейтін жүйелерді енгізіп жатыр.Мемлекеттік қызметті жетілдіру жолында түрлі тәжірибелер негізінде қолға алынған бұл қадам оң көрсеткішпен көзге түскен. Мысалы, Сингапурда мемлекеттік қызмет жүйесі инновациялық тәсілдермен үйлесім тапқан. Білім мен біліктілігі жоғары мамандарды тарту, оларға жоғары деңгейде қолдау көрсету және ашықтық принциптерін ұстану – Сингапурдың жетістігіне негіз болған факторлардың бірі. Сонымен қатар, Эстонияның цифрлық мемлекеттік қызмет жүйесі, мемлекет пен азамат арасындағы байланысты жеңілдетіп, айтарлықтай нәтижеге қол жеткізді.Жалпы цифрлық платформалар арқылы адамдар кез келген мемлекеттік қызметке кезекке тұрмай-ақ, өз үйлерінде отырып қол жеткізе алады. Бұл үрдіс Қазақстанда да белсенді жүргізіліп жатыр. "Электрондық үкімет" (eGov) порталы осының айқын мысалы. Қазіргі таңда ақпараттық технологиялар мемлекеттік қызметте қолданылатын негізгі құралдарға айналды. Электрондық үкіметтің дамуы, онлайн қызметтер мен деректер базасын біріктіру арқылы халыққа көрсетілетін қызметтердің сапасын арттыру мүмкіндігіне ие. Бұл тек бюрократиялық тосқауылдарды жеңуге ғана емес, сонымен қатар мемлекеттік органдардың жұмысын ашық және тиімді етіп көрсетеді.<h2 style="text-align:justify;">Транспаренттік және ашықтық</h2>Алғашқы болып айтқан цифрлық жүйеден ашықтық мәселесі шешімін табатынын сөз еттік. Бұл келесі қадамға алып келеді. Нақтырақ – транспаренттік және ашықтық бағыты. Бұл да дамушы еліміз үшін өзекті сауал. Себебі мемлекеттік қызмет көрсетудің ашық болуы – мемлекеттік құрылымдар мен азаматтар арасындағы сенімділікті арттырудың маңызды шарты. Бұл жерде қоғамдық бақылау және есеп беру жүйелерін орнату маңызды рөл атқарады. Мемлекеттік құрылымдар жүргізген іс-шаралар мен қаржылық есептіліктер ашық түрде жарияланып отырса, азаматтар оның нәтижелері мен сапасын бақылай алады. Бұл тек халықтың сенімін арттырумен ғана емес, сыбайлас жемқорлықты азайтуға да ықпал етеді. Осының негізінде мемлекеттік қызметкерлер мен халық арасындағы қарым-қатынасты жақсарту төңірегіндегі сауалдар шешімін тауып отыр. Ашықтық пен жариялылық мемлекеттік органдардың қызметіне деген сенімділікті арттырады. Қоғамдық пікірді ескеріп, шешімдер қабылдаудың ашық процесін құру, мемлекеттік қызметтің тиімділігін арттыруға мүмкіндік береді деген түсінік мемлекеттік басқару ісінің тиімділігін барынша арттыруға жол ашады.<h2 style="text-align:justify;">Кадрдың қадірі қызметпен артады</h2>Мемлекеттік қызмет сапасын арттырудың тағы бағыты – кадр мәселесі. Мемлекет басшысы биыл Жолдауында "Үміткерді қызметке тағайындаған кезде оның кәсіби және моральдық қасиеттерін мұқият ескерген жөн. Бұрынғы жұмысын қалай атқарғаны да қаперде болуы керек. Меритократия қағидаттарынан ешкім бас тартқан жоқ. Бұл бағыттағы жұмыстың аяқ алысы жаман емес. Қазір мемлекеттік органдардың бәрі кадр жөніндегі бірыңғай ақпараттық жүйеге көшті. Енді Үкімет пен Мемлекеттік қызмет істері агенттігі бюджеттен қаржыландырылатын мекемелердің кадр мәселесіне қатысты жұмысын толық автоматтандыруы керек" дегендей, қызметке кәсіби мамандарды тартып, оларды үздіксіз дамыту маңызды. Қызметкерлердің біліктілігін арттыру мақсатында арнайы оқыту бағдарламаларын енгізу, заманауи тренингтер өткізу қажет.Мәселен 2019 жылдан бастап Қазақстанда жас әрі талантты жастарды қолдау мақсатында Президенттік жастар кадрлық резервін құру туралы шешім қабылданған болатын. Бүгінде кадрлық резервтің жұмысы жүйелі. Оның жұмысы жайында мемлекеттік қызметке іріктеу департаментінің директоры Жандос Сәрсен жобаның талаптары мен бүгінгі күнге дейін істелген жұмыстар жайында "Резервті қалыптастырудың негізгі міндеті – қоғамдық мүдделерді басшылыққа ала отырып, біздің еліміздің дамуына өзгерістер енгізгісі келетін "жаңа формацияның көшбасшыларын" іздеу арқылы жас таланттарға әрекетті әлеуметтік саты құру болып табылады. Резервті қалыптастыру қағидаларының 3-тармағына сәйкес резервке іріктеуге қатысу үшін кандидаттар жоғары білімді және кемінде 5 жыл еңбек өтілі бар 35 жастан аспаған азаматтар қатарынан болуы қажет" – дейді. Сондай-ақ 2019 жылғы президенттік жастар кадрлық резервіне қабылданған үміткерлер еліміздегі лауазымдық қызметтерде жұмыс істей алады. Бұнымен қоса ұлттық холдингтер мен ұлттық компаниялардың басқарма төрағалары бола алады. Олардың резервте тұру мерзімі 2024 жылғы желтоқсан айына дейінгі ғана уақытты қамтиды. Өз кезегінде, 2021 жылғы резервшілер тек мемлекеттік лауазымдарға тарту көзделген. Осылайша, бүгінгі күнгі жағдай бойынша 350 резервшінің 263-і жұмысқа орналастырылды, оның ішінде орталық мемлекеттік органдарға – 130, жергілікті атқарушы органдарға – 38, ұлттық компанияларға – 54, өзге және жеке ұйымдарға – 41. Соның ішінде саяси лауазымдарға 30, "А" корпусының лауазымына – 6 резервші тағайындалып, Парламент Мәжілісінің депутаты болып 1 және облыстық мәслихаттың депутаттары болып 2 резервші тіркелгенін айтқан болатын. Бүгінге дейін бқл көрсеткіштер артқаны белгілі. Әрине, бұл жұмыстардың бәрі қызмет көрсету сапасын арттыруға тікелей әсер етеді.<h2 style="text-align:justify;">Халық пен билік байланысы</h2>Мемлекет басшысы халыққа Жолдауының бірінде «Азаматтардың, халықтың барлық өтініш-тілектерін жедел түрде әрі тиімді қарастыратын «Халық үніне құлақ асатын мемлекет» тұжырымдамасын іске асыру, барлығымзға ортақ міндет». Билік пен қоғам арасында тұрақты диалог орнату арқылы ғана қазіргі геосаясси ахуалға бейімделген үйлесімді мемлекет қалыптастыруға болады. Сондықтан азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет» деген болатын. Расында халықтың талаптары мен ұсыныстарын ескеру мемлекеттік қызметтің сапасын жақсартудың тағы бір маңызды қадамы болып табылады. Азаматтар өздерінің мәселелерін ашық түрде білдіріп, мемлекеттік органдардан нақты жауап күте алатын болса, онда халықтың мемлекетке деген сенімі артады. Қазіргі уақытта халықпен кері байланысты орнату мақсатында түрлі әлеуметтік желілер мен арнайы шағымдар қабылдау жүйелері пайдаланылады.<h2 style="text-align:justify;">Әділдік пен қолжетімділік қажет</h2>Мемлекеттік қызметке тең қол жеткізу құқығы әр азаматқа берілуі керек. Осы арқылы қызмет көрсетудің әділеттілігі сақталады. Барлық әлеуметтік топтарға тең қолжетімділікті қамтамасыз ету үшін арнайы бағдарламалар мен жеңілдіктер енгізу, ауылды жерлердегі азаматтарға да қолайлы жағдай жасау маңызды. Осы негізде мемлекеттік қызметті жетілдіру, жаңа бағыттар мен мүмкіндіктер жасау міндеті туныдайды.Мемлекеттік қызметтің тиімділігі қоғамның тұрақты дамуы мен мемлекеттік басқарудың сапасына тікелей әсер етеді. Сондықтан, мемлекеттік қызметті жетілдіру үнемі маңызды міндет болып табылады. Қазақстанда мемлекеттік қызмет саласындағы реформалар қазіргі уақытта белсенді жүргізілуде, алайда осы бағытта атқарылатын жұмыстар әлі де көп.Жалпы айтар болсақ мемлекеттік қызметтің қазіргі жағдайы жоғарда айтылған мәселелерді шешуге негізделіп отыр. Нәтижесін көрер күн де алыс емес.Мемлекеттік қызмет жүйесінің тиімділігі – тек мемлекеттік басқарудың сапасын емес, сондай-ақ халықтың өмір сапасын жақсартудың негізі болып табылады. Кадрлық саясатты жетілдіру, сыбайлас жемқорлықпен күрес, цифрландыру мен қоғамдық қатынасты нығайту – осы бағытта қабылданатын негізгі шаралар болып табылады. Қазақстанда мемлекеттік қызметті реформалау және оны жетілдіру жұмыстары әрі қарай да жалғаса бермек, бұл өз кезегінде елдің дамуына үлес қосады. О.ЖОЛДАСОВ Фото: ашық көздерден

Бұқара мен билік арасындағы байланыс

Жолдауды талдау: екі жылдың ерекшелігі

<a href="https://kyzylorda-news.kz/">Kyzylorda-news.kz</a> ҚР Парламент Мәжілісінің депутаты Мархабат Жайымбетов Мәжілістің жалпы отырысында өзекті пікірін білдірді, деп хабарлайды <a href="https://kyzylorda-news.kz/">Kyzylorda-news.kz</a>.Өздеріңізге белгілі, «Қазақстан Республикасының кейбір заңнамалық актілеріне білім беру және баланың құқықтарын қорғау мәселелері бойынша өзгерістер мен толықтырулар енгізу туралы» заң жобасы қаралды.Депутаттың пайымдауынша, Заң жобасы өте қызу талқыға түсті. Талқылауда өз пікірін ортаға сала отырып, Мархабат Жайымбетұлы пікірге түрткі болған мәселе – баланы емес, бизнесті ойлап, есепсіз кетіп жатқан қаржылар екенін атап өтті.Дұрыс жұмыс істемейтін жеке балабақшаларға, мектеп пен артспортқа қаржы бөлуінде мәселе бар. Бұл дегеніміз олардың қыз­меті ашық емес екендігінде күмән келтіреді. Енді қызмет көрсету сапасын арттыра­тын кез келді.<blockquote>– Қызылорда облысының әкімі «Face ID» жүйесін енгізгелі бері 18 млрд.теңге қаражат үнемдеген. Бұны тек бір облыс енгізіп отыр. Қалған басқа облыстарды енгізсек 100-деген млрд. үнемдейміз. Неге ол қаражатты балдардың сапалы ілім мен білім алуына жұмсамаймыз, – деді ол.</blockquote>Ең басты мақсат баланың қауіпсіздігін қамтамасыз ету. Қазір мемлекеттік органдар ғимараттардың кіре берісінде, қажет десеңіз үйдегі подъездерге «Face ID» жүйесін енгізуде.<blockquote>– Не кедергі «Face ID» жүйесін бала-бақша, жекеменшік мектептерге және артспортқа енгізуге? Яғни пікірім, жекеменшік балабақшасы не мектебі болсын жеке бол­ғандықтан «Қазаншының өз еркі, қайдан құлақ шығарса» деген ұстанымнан аулақ болуы қажет. Ал білім мен тәрбие беру ісі – бизнес емес, елдің болашағы екенін қаперде ұстасақ екен, – деп түйіндеді депутат.</blockquote>

М.Жайымбетов: «Face ID» жүйесін бала-бақша, жекеменшік мектептерге және артспортқа енгізу заман талабы

<a href="https://kyzylorda-news.kz/">Kyzylorda-news.kz</a> Әлемдегі мемлекеттердің дамуына мемлекеттік қызметкердің қосар үлесі мен салмағы ерекше.Қазіргі таңда елімізде мемлекеттік қызметке кіруді барынша жеңілдету мақсатында «Б» корпусының мемлекеттік әкімшілік лауазымдарына конкурстық іріктеусіз тағайындалу бойынша белгілі нормалар қабылданды.Атап айтқанда, жоғары оқу орындарын мемлекеттік грант есебінен үздік аяқтаған түлектер диплом алғаннан кейін бір жыл ішінде аудандық және ауылдық деңгейдегі «Б» корпусының мемлекеттік әкімшілік лауазымдарына заңнамалардан ешқандай тест тапсырмастан конкурстан тыс тағайындала алады.Бұл білікті жастарды мемлекеттік қызметке тартуға, жас мамандардың аудандар мен ауылдық жерлерге оралуын ынталандыруға, сондай-ақ, өңірлердегі кәсіби кадрлар тапшылығын төмендетуге ықпал етіп, мемлекеттік қызметке кіру процесін айтарлықтай жеңілдетіп отыр.Осы норма заңды күшіне енген уақыттан бері бүгінгі күнге дейін өңірімізде 9 түлек Қызылорда қаласы мен Арал, Қазалы, Қармақшы, Сырдария, Шиелі, Жаңақорған аудандарындағы аудандық және ауылдық деңгейдегі түрлі лауазымдарға конкурстан тыс тағайындалды.Сонымен бірге, Қазақстан Республикасының Президенті жанындағы Мемлекеттік басқару академиясын үздік бітірген түлектерді оқуды бітіргеннен кейін бір жыл ішінде Астана қаласын қоспағанда, еліміздің барлық өңірлеріндегі мемлекеттік органдардағы жекелеген лауазымдарға конкурстық іріктеусіз тағайындау мүмкіндіктері қарастырылды.Осы жаңашылдық аясында, өңіріміз бойынша 2023 жылы 1 түлек, 2024 жылы 2 түлек конкурстық іріктеусіз бос лауазымдарға тағайындалды.Сонымен бірге, Агенттіктің келісімі бойынша конкурстық іріктеусіз «Б» корпусының жоғары лауазымдарына тікелей тағайындау мүмкіндігі берілді. Бұл өз кезегінде бірінші басшылардың жауапкершілігін күшейтеді. Мысалы, Қызылорда облысының мәдениет және спорт, қоғамдық даму, білім, экономика және қаржы, сонымен қатар денсаулық сақтау басқармаларының басшылары Агенттікпен келісу арқылы конкурстан тыс тағайындалды.Аудандық маңызы бар қала, ауыл, кент, ауылдық округ əкімдері өкілеттік мерзімі аяқталғаннан кейін бір жыл ішінде қолданыстағы заңнамаға сәйкес «Б» корпусының мемлекеттік әкімшілік лауазымдарына уәкілетті органның келісімі бойынша конкурс өткізілместен орналаса алады. Мысалы, Қызылорда қаласы мен Жаңақорған ауданында 2023 жылы өкілеттік мерзімі аяқталған 2 ауыл әкімі, 2024 жылы Қармақшы, Сырдария және Шиелі аудандарында 3 ауыл әкімі конкурс өткізілместен түрлі лауазымдарға орналасты.Жас басқарушылардың өңірлік пулдарын қалыптастыру және өңірлерді дамытуға талантты жастарды тарту мақсатында еліміздің барлық өңірлерінде 2024 жылдың 1 наурызынан бастап Өңірлік кадр резервіне өткізілген іріктеудің нәтижесімен Қызылорда облысының Өңірлік кадр резервіне 25 резервші алынған болатын.Өңірлік резервке алынған резервшілер сайланатын лауазымдарды қоспағанда, жергілікті атқарушы органдардағы «Б» корпусының мемлекеттік әкімшілік лауазымдарына орналаса алады&nbsp;Бүгінгі күнге дейін, өңіріміз бойынша Өңірлік кадр резервінің 5 резервшісі Қызылорда қаласы мен Қармақшы, Сырдария аудандарындағы жергілікті атқарушы органдардағы «Б» корпусының бос мемлекеттік әкімшілік лауазымдарына конкурстық іріктеусіз тағайындалды.Қазіргі таңда резервшілерге жергілікті атқарушы органдардағы «Б» корпусының бос мемлекеттік әкімшілік лауазымдары ұсынылуда.Қызылорда облысының Өңірлік кадр резервіне алынған резевршілерді конкурстық іріктеусіз бос лауазымдарға тағайындау бағытындағы жұмыстар алдағы уақытта да жалғасын табатын болады.Жоғарыда айтылған заңнамалық нормаларға сәйкес конкурстан тыс қабылданатын кандидаттардың «Б» корпусының мемлекеттік әкімшілік лауазымдарына қойылатын Үлгілік біліктілік талаптарына сәйкес келуі басты шарт болып табылады.Облыстағы мемлекеттік қызметшілердің штат саны 3348 бірлікті құраса, қазіргі таңда 3266 мемлекеттік қызметші нақты жұмыс жасайды. Мемлекеттік органдардағы бос орындар саны 82 бірлікті құрайды.&nbsp;Кадрлардың тұрақтылығы мен бос мемлекеттік әкімшілік лауазымдарды толықтыру бағытындағы шараларды қабылдау бойынша өңіріміз республикада көш басында.Жыл басынан бері бос мемлекеттік әкімшілік лауазымдарды толықтыру мақсатында өңірімізде барлығы 558 конкурс (оның 273-і ішкі конкурс, 285-і жалпы конкурс) өткізіліп, нәтижесінде 384 (оның 146-і ішкі конкурс, 238-і жалпы конкурс) үміткер бос лауазымдарға қабылданған.Өткізілген конкурстардың ішінде 174 конкурстың 141-де үміткерлер қатыспағандықтан, 10-да үміткерлердің біліктілік талаптарына сәйкес келмегендіктен, 18-де үміткерлердің конкурстық комиссияның оң шешімін алмағандықтан, 5-де конкурстық комиссияның оң шешімін алған үміткерлердің ұсынылған лауазымға орналасудан өз еріктерімен бас тартуы себепті өткізілмеген.&nbsp;Елімізде мемлекеттік қызметтің реформасы бастау алған алғашқы 2016 жылы мансаптық өсу қағидаттарына сәйкес ішкі конкурстардың нәтижесімен жоғары лауазымдарға қабылданған үміткерлердің үлесі өңірімізде небәрі 59,6 %-ды ғана құраған болса, бұл көрсеткіш жылдан-жылға артып келеді.Қазіргі таңда өңіріміз бойынша мансаптық өсу қағидаттарына сәйкес ішкі конкурстардың нәтижесімен жоғары лауазымдарға қабылданған үміткерлердің үлесі 73,3% құрап отыр.&nbsp;Ерлеген Мендалиев,Қазақстан Республикасы Мемлекеттік қызмет істері агенттігінің Қызылорда облысы бойынша&nbsp; департаментінің басшысы &nbsp;Иллюстративное фото: simpson33

Мемлекеттік қызметке кіру талаптары жеңілдетілді

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда қалалық филиалының депутаттық фракция отырысы өтті. Жиынға қала әкімі Нұржан Ахатов, партияның қалалық филиалының төрағасы Ибадулла Құттықожаев, фракция мүшелері және саяси кеңес мүшелері, жауапты бөлім басшылары қатысты.Күн тәртібінде «AMANAT» партиясының 2023-2027 жылдарға арналған Жол картасының Қызылорда қаласында 9 айдың қорытындысымен орындалу барысы талқыланды. Сонымен қатар, «Ауыл аманаты» жобасының 2023 жылғы нәтижесімен 2024 жылы іске асуы қаралды.Күн тәртібіндегі бірінші мәселе бойынша қала әкімі Нұржан Сәбитұлы баяндама жасады.<blockquote>- «АМАNАТ» партиясының өңірлік сайлауалды бағдарламасын іске асыру жөніндегі Жол картасында Қызылорда қаласы бойынша 41 іс-шара қамтылған. Жоспарланған 41 іс-шараның 21-і орындалса, қалған 20-сы қазіргі таңда орындалу үстінде. Өздеріңізге белгілі, «АМАNАТ» партиясының өңірлік сайлауалды бағдарламасын іске асыру жөніндегі «Жол картасы» Үкіметтің, өңірдің бағдарламаларына негізделіп жасалынған. Президенттің, Үкіметтің ерекше қолдауымен және облыс әкімінің үйлестіруімен облыстың бюджеті 2,5 жылда 364 млрд. теңгеден 744 млрд. теңгеге жетіп, 2 есеге артты. Сәйкесінше қала бюджеті жыл басындағы бекітілген 58,2 млрд. теңгеден,110,7 млрд. теңгемен, алдағы өткізілетін мәслихат сессиясында (90%) бекітілетін болады. Макроэконмикалық көрсеткіштер бойынша Сыр өңірі Республикада жыл басынан бүгінгі күнге дейін алдыңғы қатарда келеді. Бұл бағытта Қызылорда қаласында да қарқынды жұмыстар жүргізілуде,-деді шаһар басшысы Нұржан Сәбитұлы.</blockquote>Фракция отырысында шаһар басшысы Жол картасы аясында орындалуы тиіс негізгі іс шаралардың жыл соңына дейін толықтай атқарылатынын жеткізді.<img src="https://knadmin.beoblood.kz/uploads/ala_kimi_zhol_kartasyny_iske_asuy_bojynsha_esep_berdi_1_7dde209048.jpg" alt="Қала әкімі «жол картасының» іске асуы бойынша есеп берді 1.jpg">«АМАNАТ» партиясының фракция мүшелері өңірлік сайлауалды бағдарламасын іске асыру жөніндегі Жол картасының орындалуы бойынша бірқатар ұсыныстарын жеткізді.Оның ішінде, шет аймақтағы көшелерге инфрақұрылым жүйелерін жүргізу, көше жарығы, кәріз құбырларына қатысты мәселелер талқыланды.Жиынды қорытындылай келе, партияның қалалық филиалының төрағасы Ибадулла Дүйсенбайұлы: Үкімет пен партияның бірлескен жобалары өңірлерде қарқынды жүзеге асуда. Біздің шаһарымызда да Жол картасы шеңберінде ауқымды жұмыстар атқарылып келеді. Алдағы уақытта партия тарапы жергілікті атқарушы органдармен бірге халық игілігі жолындағы маңызды мәселелердің түйінін тарқататыны сөзсіз,- деді.

Қала әкімі «Жол картасының» іске асуы бойынша есеп берді

<a href="https://kyzylorda-news.kz/">Kyzylorda-news.kz</a> Жоспарға сәйкес «Облыс әкімдігі жанындағы мемлекеттік рәміздер жөніндегі комиссия» отырысы өтті.Комиссия отырысының күн тәртібінде мемлекеттік рәміздердің насихатталуы және қолданылу жай-күйіне облыстық инспекциялық топпен жүргізілген тексеру қорытындысы, облыстық дене шынықтыру, спорт және туризм &nbsp;басқармасы, Қызылорда қаласы &nbsp;және Шиелі ауданында мемлекеттік рәміздердің қолданылуы мен насихатталу барысы қаралды.Аймақ басшысының тапсырмасына сәйкес құрылған облыстық инспекциялық топ 2024 жылғы 5-29 тамыз аралығында аймақтағы 180 мемлекеттік мекемеге зерделеу жұмыстарын жүргізді. Зерделеу барысында 23 мекемеде кемшіліктер анықталып, 17-і дер кезінде қалпына келтірілсе, 3 мекемеге әкімшілік хаттама толтырылды.<img src="https://knadmin.beoblood.kz/uploads/yzylordada_memlekettik_r_mizder_zh_nindegi_komissiya_otyrysy_tti_1_75989e7f2d.jpg" alt="Қызылордада мемлекеттік рәміздер жөніндегі комиссия отырысы өтті 1.jpg">Айта кету керек, жыл басынан бері Мемлекеттік рәміздерді насихаттауға бағытталған түрлі форматтағы ірі көлемді 56 шара өткізіліп, 10 мыңға жуық тұрғын қатысты. Сондай-ақ, осы шаралар барысында 2 мың дана Мемлекеттік Ту пайдаланылды.Республикалық және жергілікті телеарналарда 32 сюжет, 96 материал жарияланып, 16 көрнекі үгіт-насихат құралдары орналастырылған.​Комиссия қорытындысымен облыстық басқарма басшыларына, Қызылорда қаласы және аудан әкімдеріне, сондай-ақ, аумақтық департамент басшыларына мемлекеттік рәміздердің бекітілген Ұлттық стандарттарға және ҚР басқа да нормативтік-құқықтық актілеріне сәйкес пайдаланылуын, қолданылуы мен орналастырылуын қатаң бақылауда ұстау тапсырылды.​Сонымен қатар, 25 қазан - Республика күнін атап өту аясында ақпараттық-имидждік жұмыстардағы бірегейлікті сақтау үшін тиісті тапсырмалар жүктелді.<img src="https://knadmin.beoblood.kz/uploads/yzylordada_memlekettik_r_mizder_zh_nindegi_komissiya_otyrysy_tti_2_f50b9e2b9d.jpg" alt="Қызылордада мемлекеттік рәміздер жөніндегі комиссия отырысы өтті 2.jpg">

Қызылордада мемлекеттік рәміздер жөніндегі комиссия отырысы өтті

<a href="https://kyzylorda-news.kz/ru">Kyzylorda-news.kz</a>&nbsp;Бүгін Премьер-министр Олжас Бектеновтің төрағалығымен Үкімет отырысы өтті. &nbsp;Күн тәртібінде 2024 жылғы қаңтар-қыркүйек аралығындағы әлеуметтік-экономикалық даму және республикалық бюджеттің атқарылу қорытындылары қаралды.Үкімет отырысынан кейін облыс әкімі Нұрлыбек Нәлібаевтың төрағалығымен өткен мәжілісте көтерілген мәселелер жан-жақты талқыланды. Қызылорда облысы осы жылдың қаңтар-қыркүйек кезеңінде әлеуметтік-экономикалық дамудың негізгі көрсеткіштері бойынша республикада көш бастады. Аймақ басшысы жұмысқа әлі де &nbsp;қарқын қосуды тапсырып, алдағы міндеттерді айқындады.<blockquote>«2024 жылдың қаңтар-қыркүйек айларында барлық макроэкономикалық көрсеткіш бойынша өсім қалыптасты. Аудандар мен Қызылорда қаласында макрокөрсеткіштердің оң қарқыны қамтамасыз етілген.&nbsp;Өңдеу өнеркәсібінде біздің өңір көшбасшы. Құрылыс саласында да барлық өңірлердің алдында тұрмыз. Осы көрсеткішті сақтап тұру бойынша жұмыстар атқарылуы тиіс. Тиісті орталық мемлекеттік органдармен жедел жұмыс жасап, жоспарлы параметрлердің орындалуын қамтамасыз етіңіздер. Қызылорда қаласы мен аудан әкімдері бұл жұмыстан тыс қалмаңыздар. Жыл соңына дейін барлық макрокөрсеткіш бойынша өсімге қол жеткізу керек», – деді Нұрлыбек Нәлібаев.</blockquote>Облыс әкімі бюджеттің игерілуіне қатысты да нақты тапсырмалар жүктеді.

Қызылорда облысы әлеуметтік-экономикалық дамудың негізгі көрсеткіштері бойынша көш басында

<a href="https://kyzylorda-news.kz/">Kyzylorda-news.kz</a> &nbsp;Сыр өңіріне Корея Республикасы Ұлттық Ассамблеясының Төрағасы У Вон Шик бастаған ресми делегация жұмыс сапарымен келді. Делегация мүшелерін Қызылорда облысының әкімі Нұрлыбек Нәлібаев күтіп алды.Аймақ басшысы екі ел арасындағы стратегиялық қарым-қатынастың тиімділігіне тоқталды.<blockquote>«Екі елдің Президенттері қазақ-корей ынтымақтастығын жоғары деңгейге көтерді. Сізді Корея Республикасы Ұлттық Ассамблеясының Төрағасы қызметіне тағайындалуыңызбен шын жүректен құттықтаймын! Жұмысыңызға табыс тілеймін.Біздің Қызылорда облысына өткен ғасырдың басында қоныстанған корей ағайындармен жергілікті халық тату-тәтті өмір сүріп келеді. Елімізде әр этностың өз тамырынан ажырамай, тілі мен ділін сақтауына барлық жағдай жасалған. Корейлер өздерінің адал еңбегімен аймақтың әлеуметтік-экономикалық, аграрлық және мәдени-рухани дамуына зор үлес қосуда.Өмірінің соңғы жылдарын қазақ жерінде өткізген генерал Хон Бом Доның құрметіне Қызылорда қаласында мемориал тұрғызылып, оның есімі қаланың бір көшесіне берілген. Бұл – корей халқына, батырдың ерлік даңқына деген шынайы ықылас пен зор құрметтің белгісі.Өзіңіздің тікелей қолдауыңызбен Сеул Ұлттық ғылыми-техникалық университеті президентімен кездесіп, білім және ғылым саласында тиімді байланыс орнатылды. Өткен жылы қараша айында Қорқыт ата университетінде Жасанды интеллект мектебі ашылып, қазір онда 100 студент білім алуда.Екіжақты ынтымақтастық аясында өнеркәсіп саласына да жіті көңіл бөлінді. Корейлік «With you E&amp;C» компаниясы облыста 36 млн. АҚШ долларына тұрмыстық қалдықтарды сұрыптау, қайта өңдеу және кәдеге жарату зауыты жобасын жүзеге асыруда. Жобаға тиісті жер телімі табысталып, қолдау көрсетілді», – деді Н.Нәлібаев.</blockquote>Корея Республикасы Ұлттық Ассамблеясының Төрағасы У Вон Шик екі ел арасындағы қарым-қатынастың одан әрі нығаюы жолында нәтижелі жұмыстар жүйелі түрде жалғасатынын жеткізді.Қос тарап өзара байланысты дамытуға бағытталған маңызды мәселелерді талқыға салды. Облыс әкімі ынтымақтастыққа кең әріптестік алаң ұсынылатынын, Арал теңізінің тартылуы салдарынан болған өңірдің экожүйесіндегі проблемаларды шешу, халық денсаулығын жақсарту басты назарда екенін атап өтті. Бұл орайда Кореяның озық экологиялық және ғылыми-инновациялық компанияларымен жұмыс жасауға мүдделі екенін жеткізді.Қызылорда облысының әкімдігі инвесторларды жан-жақты сүйемелдеуге әрдайым әзір.Корея Республикасы Ұлттық Ассамблеясының Төрағасы көтерілген мәселелер бойынша қолдау көрсетілетінін айтып, ыстық ықылас танытқан қызылордалықтарға алғысын білдірді.Шетелдік делегация қайта жаңғыртудан өткен Хон Бом До мемориалдық кешеніне барды.Хон Бом До – өткен ғасыр басындағы жапон басқыншыларына қарсы қарулы күрес қолбасшыларының бірі. 1919 жылдан Тәуелсіздік армиясының ұйымдастырушысы болды. Азамат соғысы аяқталғаннан кейін Кеңес Одағы аумағында өмір сүріп, 1937 жылы Қызылорда қаласына жер аударылып, 75 жасында дүниеден өткен. 2021 жылы генерал Хон Бом Доның сүйегін жерлестері туған жеріне алып кетті.Сонымен қатар делегация Қорқыт ата атындағы Қызылорда университетіндегі СеулТех Жасанды интеллект мектебінің жұмысымен танысып, студенттермен кездесті. Облыс әкімі Корея Республикасына іссапары кезінде Сеул Ұлттық ғылыми-техникалық университеті президентімен кездесіп, келіссөздер нәтижелі болды. Бүгінде мұнда жасанды интеллект, киберқауіпсіздік және информатика бойынша жоғары білімді кадрлар даярланады. Аймақ басшысы бұл әріптестік инновациялық технологияларды дамытуға, озық тәжірибе алмасуға жол ашатынына сенім білдірді.Осы жылы 12 маусымда Астана қаласында өткен «Қазақстан-Корея» бизнес форумында Қызылорда облысының әкімдігі мен Корея Республикасының «With you E&amp;C» компаниясы арасында «Қызылорда қаласында тұрмыстық қатты қалдықты кәдеге жарататын, сұрыптайтын және қайта өңдейтін зауыт салу» жобасын іске асыру жөніндегі меморандумға қол қойылды.<img src="https://knadmin.beoblood.kz/uploads/yzylorda_a_Koreya_Respublikasynan_resmi_delegacziya_keldi_2_20464fdf30.jpg" alt="Қызылордаға Корея Республикасынан ресми делегация келді 2.jpg"><img src="https://knadmin.beoblood.kz/uploads/yzylorda_a_Koreya_Respublikasynan_resmi_delegacziya_keldi_3_ff7a26d936.jpg" alt="Қызылордаға Корея Республикасынан ресми делегация келді 3.jpg">

Қызылордаға Корея Республикасынан ресми делегация келді

<a href="https://kyzylorda-news.kz/">Kyzylorda-news.kz</a>&nbsp; Ұлытау облысының әкімі болып Дастан Рыспеков тағайындалды.&nbsp;Жаңа әкімнің тағайындалғанын Ақорда <a href="https://web.telegram.org/a/#-1001728916833">мәлімдеді.</a>"Мемлекет басшысының Жарлығымен Дастан Адайұлы Рыспеков Ұлытау облысының әкімі болып тағайындалды", - делінген хабарламада.Дастан Рыспеков 1984 жылы Қарағанды облысында дүниеге келген. Ол&nbsp;Әл-Фараби атындағы Қазақ ұлттық университетін және КазГЮУ Алматы заң академиясын бітірген.Еңбек жолын 2006 жылы Алматы қаласы Экономика және бюджеттік жоспарлау департаментінің түсімдерді болжау бөлімінің бас маманы қызметінен бастады.2016-2018 жылдары&nbsp;– &nbsp;Бухгалтерлік есеп және есептілік департаментінің директоры-"Астана ЭКСПО-2017 "ҰК"АҚ Бас бухгалтері.2018-2019 жылдары – Павлодар облысының кәсіпкерлік, сауда және туризм басқармасының басшысы.2019 жылдың сәуір айынан бастап "Астана ЭКСПО-2017 "ҰК" АҚ Экономика және бюджеттік жоспарлау департаментінің директоры қызметін атқарған.Фото&nbsp;primeminister.kz&nbsp;

Ұлытау облысының әкімі тағайындалды

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының Жарлығымен Берік Әбдіғалиұлы Ұлытау облысының әкімі лауазымынан босатылды. Бұл туралы Ақорданың баспасөз қызметі <a href="https://web.telegram.org/a/#-1001728916833">хабарлады.</a><blockquote>«Мемлекет басшысының Жарлығымен Берік Әбдіғалиұлы Ұлытау облысының әкімі лауазымынан босатылды», – деп жазылған хабарламада.</blockquote>Айта кетейік, Берік Әбдіғалиұлы Ұлытау облысының әкімі болып 2022 жылдың 11 маусымында тағайындалған еді.Фото: Орталық коммуникациялар қызметі

Берік Әбдіғалиұлы Ұлытау облысының әкімі лауазымынан босатылды

<a href="https://kyzylorda-news.kz/">Kyzylorda-news.kz</a> 6 қазанда өтетін республикалық референдумда тұрғылықты тіркеуі жоқ Қазақстан азаматтары сайлау учаскесінің мекенжайы бойынша тіркеле алады. Аталған қызметті ХҚКО мамандары көрсетеді.&nbsp;Еліміз бойынша бұл күні 10 мыңнан астам сайлау учаскесі жұмыс істейді. Оның ішінде 196 дауыс беру учаскесіне халыққа қызмет көрсету орталығының мамандары жұмылдырылады. Олар тіркеуі жоқ азаматтарды сайлау учаскесінің орналасқан жері бойынша уақытша тіркеуге тұрғызады. Мұндай шешім қазақстандықтардың өзінің дауыс беру құқығын пайдалана алу үшін қабылданды.&nbsp;Айта кету керек, референдум күні ХҚКО қызметкерлері сайлау учаскесінде сағат 7:00-ден бастап 20:00-ге дейін азаматтарды бір күнге мекенжай бойынша уақытша тіркейтін болады. Егер тұрғылықты жері бойынша тіркеуі жоқ азамат дауыс беру үшін мектеп, колледж немесе ауруханаға жүгінсе, оны сол мекемеде тіркейді. Ескеретін маңызды жайт, 7 қазан күні азамат автоматты түрде тіркелген жерінен шығарылады, сәйкесінше дауыс беруші өз тұрғылықты мекенжайы бойынша қайта тіркелу керек.Сондай-ақ, мекенжай тіркеуі бар азаматтар референдум күні ХҚКО арқылы басқа мекенжайға тіркеле алмайтынын атап өткен жөн. Өйткені дауысты тек тұрғылықты мекенжай бойынша ғана беруге болады.ХҚКО мамандары жұмыс істейтін сайлау учаскелерінің мекенжайларымен&nbsp;<a href="https://docs.google.com/spreadsheets/d/16a5aa1nUSP-dr0rEtj91rX4Br-oMMOS7/edit?usp=sharing&amp;ouid=111854233141836180071&amp;rtpof=true&amp;sd=true">сілтемесіне</a> өтіп, таныса аласыз.&nbsp;Еске сала кетейік, Қазақстанда АЭС салу мәселесі бойынша референдум 6 қазан күні өтеді.

Қазақстандықтар референдум күні уақытша мекенжай тіркеуін жасай алады 

<a href="https://kyzylorda-news.kz/">Kyzylorda-news.kz</a> Республикалық референдумды ұйымдастыру және өткізу мәселелеріне қатысты 17-19 қыркүйек аралығында ҚР Орталық референдум комиссиясының мүшесі Асылбек Смағұлов Қызылорда облысына жұмыс сапарымен келді.Алдымен Асылбек Смағұлов Қызылорда қаласындағы учаскелік референдум комиссияларына арналған 3 күндік оқу-семинар процесін көріп, комиссия мүшелерімен пікірлесті.Арнайы тренерлер пулы жасақталған оқытуда референдум өткізудің құқықтық, құжаттамалық ұйымдастыру мәселелері, дауыс беруші азаматтар тізімімен жұмыс жүргізу, республикалық және халықаралық байқаушылар мен БАҚ өкілдерімен коммуникация орнату тақырыптары кеңінен түсіндірілді. Сондай-ақ, комиссия мүшелері дауыс беру күні жүзеге асатын рөлдік ойындар ойнап, практикалық кейстерді талдады.Көшпелі оқытуға қала және аудандағы аумақтық сайлау комиссиясының 56 мүшесі мен учаскелердегі 1692 комиссия мүшесі қамтылады. Қалған комиссия мүшелері каскад әдісімен оқытылады.Іссапар барысында ОРК мүшесі Орда скул мектебінде орналасқан №380 УРК және Ықсанов атындағы Қызылорда политехникалық колледжіндегі №222 УРК жұмысымен танысып, ғимараттардың жабдықталуын тексерді.Әрі қарай А.Смағұлов жедел әрекет ету орталығына барып, референдум уақытында іске қосылған онлайн сервистер мен 109 бірыңғай байланыс желісінің қызметін көрді.Мекеме директоры Темірхан Мұқанғали Қызылорда облысының әкімдігі облыс тұрғындары үшін <a href="https://referendum.orda.gov.kz/kk">referendum.orda.gov.kz</a> сайты ашылғанын жеткізді. Яғни тұрғындар аталған сайтқа кіру арқылы учаскелік референдум комиссиясының мекен-жайы, байланыс деректері және комиссия мүшелерінің құрамы туралы ақпаратты алады. Сондай-ақ, әрбір азамат яндекс карта арқылы өз учаскесіне баратын жолдың сызбасын да көреді.Бұл қызметтер «Smart Qyzylorda» мобильді қосымшасында және телеграм желісінде де бар.<blockquote>“109 бірыңғай байланыс қызметі республикалық референдум жарияланған уақыттан бері 24/7 жұмыс жасауда. Бізге күн сайын әртүрлі деңгейдегі сауалдар түседі.&nbsp; 4 ауысыммен жұмыс атқаратын 28 диспетчер сауалдарды қабылдап, оперативті түрде алгоритмге сай сұрақтарға жауап берді. Соңғы 5 күнде 60 қоңырау түсті. Азаматтар көбінесе өз учаскелерін табу, уақытша тіркеу мәселелеріне қатысты өзекті сауалдарын қойды”,-дейді Т.Мұқанғали.</blockquote>Әрі қарай А.Смағұлов Жастар ресурстық орталығында орналасқан 372 УРК-ге және аумақтық референдум комиссиясының ғимаратына барып, комиссия мүшелерімен кездесті.Жұмыс сапарының екінші күнінде ОРК мүшесі Сырдария, Жалағаш, Қармақшы аудандарында бірқатар учаскелерді аралап, референдумға дайындық барысын саралады.А.Айжарықұлы референдум процесі ашық әрі әрбір азаматқа қолжетімді болу керектігін, мүгедектігі бар дауыс берушілердің құқығын сақтау маңызды міндет екенін қаперге салды.Жұмыс сапарының соңында Асылбек Смағұлов облыс әкімі Нұрлыбек Нәлібаевпен кездесіп, маңызды саяси науқанға дайындық және оны өткізудің бірқатар мәселелері бағытында пікірлесті.Қызылорда облысының аумақтық референдум комиссиясы

Қазақстан және Қызылорда облысының жаңалықтары: Саясат