<a href="https://kyzylorda-news.kz/">Kyzylorda-news.kz.</a>&nbsp; Мемлекет пен халықтың өзара іс-қимылының әкімшілік-бақылау нысанына негізделген мемлекеттік басқарудың моделі халықтың биліктен күткеніне толық сәйкес келмеді. Нәтижесінде азаматтар мен олардың әл-ауқаты басты құндылықтар болып табылатын мемлекеттік басқарудың сервистік және «адамға бағдарланған» моделін қалыптастыру қажеттілігі туындады.Осы ретте, Мемлекет басшысы Қасым-Жомарт Тоқаевтың 2021 жылғы 26 ақпандағы Жарлығымен Қазақстан Республикасында мемлекетті басқаруды дамытудың 2030 жылға дейінгі тұжырымдамасы бекітілген болатын.Тұжырымдама азаматтардың мемлекетпен өзара іс-қимылын жақсартуды, стратегиялық жоспарлаудың тиімділігін, мемлекеттік қызметтің кадр құрамының сапасын, квазимемлекеттік сектордың тиімділігін арттыруды, мемлекеттік аппаратты оңтайландыруды және мемлекеттік қызметтер көрсетудің проактивті форматына көшуді көздейді.Мемлекеттік саясат «Ең алдымен адамдар» басты қағидатына бағынуға және халықтың әл-ауқаты мен өмір сүру сапасына тигізетін әсеріне негізделіп іске асырылып келеді.Мемлекеттік органдардың негізгі мақсаты мемлекетпен қоғам қатынасының «төрешіл» моделінен басқарудың проактивті, сервистік және азаматтардың сұраныстарына ден қойғыш нысанына көшу болуықажет. Сол арқылы халықөзі үшін маңызды шешімдерді таңдауға мүмкіндік алады. Бұл, өз кезегінде, халықтың мемлекетке деген сенім деңгейін арттырады және «адамға бағдарланған» мемлекетті қалыптастырады.Тұжырымдаманың мемлекеттік басқарудың сервистік және «адамға бағдарланған» моделін құруды көздейтін мақсаттарына қол жеткізудегі міндеттерінің бірі – клиенткебағдарланған және ашық мемлекеттік аппаратты қалыптастыру.Осы ретте клиентке бағдарланған және ашық мемлекеттік аппаратты қалыптастырудағы мемлекеттік басқарудың жаңа моделі – тиімді, әділ, ашық, қоғамның сұраныстарына жедел ден қоятын, «халық үніне құлақ асатын мемлекет» қағидаты бойынша жұмыс істейтін мемлекеттік аппарат.Бұл үшін «белсенді тыңдау» құралдарын кеңейту, қолданыстағы құралдарды жетілдіру және жаңа құралдарды енгізу арқылы халықпен өзара іс-қимылдың дәстүрлі арналарын нығайту көзделеді.Осы орайда мемлекеттік басқарудың жаңа моделі –«Еңалдымен адамдар»принципіне сәйкес азаматтар мен олардың игілігі басты құндылық болып табылғандықтан, Департаменттің бастамасымен «Маманнан кеңес» айдары құрылғанынатап өткен жөн.«Маманнан кеңес» айдарының мақсаты – қызметті алушылардың мемлекеттік көрсетілетін қызметтер бойынша кеңес алулары үшін мемлекеттік органдардың кеңсесіне жүгінбей, байланыс нөмірлеріне қоңырау шалмай-ақ, мемлекеттік органдардың ресми сайттары мен әлеуметтік желідегі парақшаларында орналастырылған бейнеролик арқылы тиісті ақпарат алу.Бейнероликтерді БАҚ-та және әлеуметтік желілерде орналастыру кезінде баяндау тілі мен стилі қарапайым, қысқа және азаматтарға түсінікті болуға тиіс.Департаменттің бастамасымен ағымдағы жылдың тамыз айында құрылған «Маманнан кеңес» айдарынаҚР Қаржы министрлігі Мемлекеттік кірістер комитетінің Қызылорда облысы бойынша &nbsp;мемлекеттік кірістер департаменті, «Азаматтарға арналған үкімет» МК КЕАҚ облыстық филиалы, Қызылорда облысының жұмыспен қамтуды үйлестіру және әлеуметтік бағдарламалар басқармасы, Қызылорда облысының денсаулық сақтау басқармасы, Арал ауданы әкімінің аппараты және Қазалы ауданы әкімінің аппаратына қарасты бөлімдер арқылы көрсетілетін өзекті, аса сұранысқа ие мемлекеттік қызметтерге сала мамандарымен бейнероликтер әзірленіп, мемлекеттік органдардың және Департаменттің әлеуметтік желілеріндежарияланды.Алдағы уақытта облыс көлемінде &nbsp;көрсетілетін барлық мемлекеттік қызметтер бойынша тиісті сала мамандарымен«Маманнан кеңес» айдары үшін бейнероликтер әзірленіп, апта сайын мемлекеттік органдардың және Департаменттің әлеуметтік желілеріндежарияланатын болады.Департаменттің осындай бастамашыл іс-шарасы арқылы мемлекеттік органдардың халықпен өзара іс-қимыл жасау процестерітұрақты түрде жеңілдей түспек. Зухра АРЫНОВА, ҚР Мемлекеттік қызмет істері агенттігінің Қызылорда облысы бойынша департаментінің мемлекеттік қызметтер басқармасының бас маманы &nbsp;

Зухра Арынова: «Ең алдымен адамдар» принципіне сәйкес «Маманнан кеңес» айдары құрылды

&nbsp;<a href="https://kyzylorda-news.kz/">Kyzylorda-news.kz.</a>&nbsp;Республикалық маңызы бар автомобиль жолдарын салу, қайта жаңғырту және күрделі жөндеу төңірегіндегі мәселелер Өңірлік даму жөніндегі республикалық кеңестің отырысында қаралды.Жиынға облыс әкімінің орынбасары Данияр Жаналиев, партияның облыстық филиалының Атқарушы хатшысы Ләйлә Төрешова, аймақтық кеңес төрағасы Қожахмет Ильясов, "ҚазАвтоЖол" ҰК АҚ-ның облыстық филиалы директорының орынбасары Ерсайын Мұзафар бейнебайланыс арқылы қатысты.Жиыннан соң күн тәртібіндегі мәселеге сәйкес өңірде атқарылып жатқан жұмыстар жайы талқыланып, республикалық, облыстық және аудандық маңызы бар автомобиль жолдарының межеленген мерзімде орындалуы пысықталды.Атап айтар болсақ, облыс аумағындағы жергілікті маңызы бар автомобиль жолдарының ұзындығы – 3 418,5 км. Оның 1 014,5 км республикалық, 555 км облыстық, 1 849 км аудандық маңызы бар автомобиль жолдары.Сондай-ақ республикалық маңызы бар «Қызылорда-Жезқазған» автомобиль жолының жұмысы қарқынды жүргізілуде. Жалпы ұзындығы 424км-ді құрайтын жолдың облыс аумағындағы автомобиль жолының ұзындығы 216 км. Бүгінгі таңда құрылыс жұмыстары 40 пайызға аяқталып, 83 км асфальт төселді.

Өңірлік даму жөніндегі республикалық кеңестің отырысы өтті

<a href="https://kyzylorda-news.kz/">Kyzylorda-news.kz.</a> &nbsp;Еліміз бойынша өткізілген «Үздік педагог-2023» республикалық байқауының қорытындысы шығарылды, деп хабарлайды <a href="https://kaz.inform.kz/">Кazinform</a>.Оқу-ағарту министрлігінің баспасөз қызметі ұсынған ақпаратқа сүйенсек, мектепке дейінгі, орта, техникалық және кәсіптік білім беру ұйымдарының 64 педагогі өз мамандығы бойынша үздік атанды.Байқауға Сыр өңірінен облыстық кезеңнің қорытындысымен 10 педагог қатысқан болатын. Аталған конкурс нәтижесінде, қызылордалық 5 мұғалім «Үздік педагог» атағының иегері атанды.<img class="image_resized" style="width:560px;" src="https://img.inform.kz/kazinform-photobank/media/2023-12-06/67048083-c225-4ce4-933b-58c1ebad25b2.jpeg" alt="үздік педагог" loading="eager">Фото: Оқу-ағарту министрлігіСәрсенбі күні министр Ғани Бейсембаев жеңімпаздарға салтанатты түрде марапаттарын табыстады.<blockquote>«Мұғалім тек мамандық емес, жүректің таңдауы, жанның қалауы. Қай заманда болсын ағартушылар қоғамды ең құнды дүние – білімге жетелейтін көрнекті тұлғалар саналды. Меніңше, педагогтердің жанкешті еңбегінің мәні осы. Жыл сайын біздің мұғалімдер халықаралық аренада жоғары жетістіктерге жетуде. Кеше ғана жарияланған PISA-2022 жаһандық рейтингінің нәтижелері де – тікелей біздің ұстаздарымыздың еңбегінің жемісі. Бүгін сіздердің ағартушылық қызметтеріңіздің маңыздылығын тағы бір рет атап өту үшін жиналдық. Сіздердің ерен еңбектеріңіз бен өз істеріңізге адалдықтарыңыз үшін шын жүректен ризашылығымды білдіремін», — деді ведомство басшысы.</blockquote><img class="image_resized" style="width:560px;" src="https://img.inform.kz/kazinform-photobank/media/2023-12-06/5f67fabb-ccb6-4f46-9528-3b9d6c3ab44b.jpeg" alt="үздік педагог" loading="eager">Фото: Оқу-ағарту министрлігіКонкурс&nbsp; жеңімпаздары «Үздік педагог» куәлігін, «Үздік педагог» төсбелгісін және 3 450 000 теңге (1000 АЕК) көлемінде ақшалай сыйақы алды.Айта кетейік, «Үздік педагог» конкурсы 2012 жылдан бастап өткізіліп келеді. Осы күнге дейін 624 педагог үздік деп танылып, олардың әрқайсысына мемлекеттік қолдау ретінде 1000 айлық есептік көрсеткіш мөлшерінде сыйақы берілді.<blockquote>«Биыл конкурсқа қатысу үшін барлығы 961 өтінім түсті. Конкурсты өткізу рәсімі автоматтандырылған және ол ашық түрде өтті. Республикалық конкурстық комиссияның құрамына үкіметтік емес ұйымдар, ата-аналар қауымының өкілдері, журналистер, белсенді педагогтер, білім және ғылым қызметкерлерінің Қазақстандық салалық кәсіподағының өкілдері және тағы басқалары кірді», - делінген министрлік мәліметінде.</blockquote><img class="image_resized" style="width:560px;" src="https://img.inform.kz/kazinform-photobank/media/2023-12-06/94fc6f4e-eaf5-41d2-9435-1cc952e87840.jpeg" alt="үздік педагог" loading="eager">Фото: Оқу-ағарту министрлігі

Қызылорданың 5 мұғалімі «Үздік педагог» атағына ие болды

<a href="https://kyzylorda-news.kz/">Kyzylorda-news.kz.</a>&nbsp; 7 желтоқсан күні республиканың көп бөлігіне циклон және онымен байланысты атмосфералық фронттар әсері жалғасады. Бұл туралы «Қазгидромет» РМК хабарлайды.&nbsp;Соның әсерінен жаңбыр мен қар түрінде жауын-шашын сақталады. Тек батыста жауын-шашынсыз күн райы күтіледі. Сондай-ақ Қазақстанның барлық аумағында тұман, көктайғақ, екпінді жел болжанады. Елдің шығысында өте қатты жел соғады.Түнде Шығыс Қазақстан облысының солтүстігінде, шығысы мен оңтүстігінде 30 м/с және одан жоғары жылдамдықта жел тұрады.Жетісу облысының Алакөл ауданында кей уақытта желдің күші артып, 30 м/с және одан жоғары болады.

7 желтоқсанға арналған ауа райы болжамы

Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a>&nbsp; 2024 жылдың 1 қаңтарынан бастап жалпыға бірдей декларациялаудың 3-ші кезеңі басталады. Үшінші кезеңде заңды тұлғалардың басшылары мен құрылтайшылары және олардың жұбайлары, сондай-ақ дара кәсіпкерлер қатысады. Бұл жөнінде Өңірлік коммуникациялар қызметінің ақпарат алаңында Қызылорда облысы бойынша мемлекеттік кірістер департаменті басшысының орынбасары Еркін Елшібеков хабарлады.<blockquote>-Жалпыға бірдей декларациялаудың мақсаты - жеке тұлғалардың кірістері мен оларға тиесілі мүлікті бақылаудың тиімді жүйесін құру болып табылады. Бұл жүйе көлеңкелі экономикаға қарсы тұруға және сыбайлас жемқорлықтың алдын алуға бағытталады. Биыл 121 мыңнан астам жеке тұлға жалпыға бірдей декларациялаудың ІІ кезеңіне қатысуға міндеттелді. Соның ішінде 115 575 тұлға жеке мүлкі туралы анықтама берді. Ал 6 мыңнан астам азаматқа декларацияны уақытылы тапсырмағаны үшін ескерту берілді. Жалпы облыс бойынша 67 101 жеке кәсіпкер, 36 002 заңды тұлғаның басшылары, 32 785 тұлға заңды тұлғаның құрылтайшысы болып тіркелген. Олар келер жылы аталмыш санат бойынша жұбайларымен бірге декларация тапсырады, - деді Еркін Кеңесбекұлы.</blockquote>Айта кететін жайт, жеке кәсіпкерлер мен заңды тұлганың басшыларының өз атында жұмыс істемей тұрған немесе уақытша тоқтатып қойған кәсібіңіз болса осы жылдың 31 желтоқсанына дейін кәсіпкерлікті жабуыңызға мүмкіндік бар. Дәл уақытында жаппаған жағдайда декларация табыс етуге міндетті боласыз

1 қаңтардан бастап жалпыға бірдей декларациялаудың үшінші кезеңі басталады

<a href="https://kyzylorda-news.kz/">Kyzylorda-news.kz.</a> «Қазгидромет» РМК синоптиктері Қазақстан аумағында 7-9 желтоқсан күндері болатын ауа райы болжамын жариялады.Суық солтүстік-батыс антициклонының басып кіруімен республиканың басым бөлігінде жауын-шашынның тоқтап, ауа температурасының күрт төмендеуі болжанып отыр. Қазақстанның шығыс және оңтүстік облыстарында ғана жауын-шашын (жаңбыр, қар) сақталады.<blockquote>«Түнгі сағаттарда ауаның температурасы батыста -10-20 градусқа дейін, солтүстік-батыс және солтүстікте -28-38 градусқа дейін, республиканың қиыр солтүстігінде -42 градусқа дейін, орталықта және шығыста – -28-33 градусқа дейін төмендейді, ал оңтүстікте -5-13 градус суық болады. Республика бойынша тұман түсіп, елдің оңтүстігінде жел күшейеді», делінген хабарламада.</blockquote>

42 градус аяз: Қазақстанда күн суытады

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысының Полиция департаментінде белсенді азаматтық ұстанымдары мен ішкі істер органдарына қоғамдық тәртіпті сақтауға және өңірде азаматтардың қауіпсіздігін қамтамасыз етуге көмек көрсетіп, ерекше көзге түскен еріктілер марапатталды.&nbsp;Жыл басынан қоғамдық қауіпсіздікті қамтамасыз ету, құқық бұзушылықтар мен &nbsp;қылмыстардың алдын алу мақсатында еріктілермен бірлесіп, нәтижелі жұмыс атқарылды.&nbsp;Еріктілер әр түрлі рейдтерге, құқық бұзушылықтардың жолын кесу бойынша жүргізілген жедел-профилактикалық іс-шараларға, түрлі &nbsp;акцияларға қатысып, белсенділік танытуда.&nbsp;Қызылорда облысының &nbsp;Полиция департаменті тарапынан еріктілер мен еріктілер қозғалысын қолдауға ерекше көңіл &nbsp;бөлініп, еңбегі еленіп келеді. &nbsp;<blockquote>«Ізгі қоғам қалыптастыру үшін волонтерлықты дамытудың маңызы зор. Қоғамдық тәртіпті қадағалау жолында белсенділердің ауқымды істерінің тәртіп сақшыларына көмегі зор. Жыл бойы &nbsp;бірлесіп ұйымдастырылған іс-шаралардың нәтижесі баршылық, қызмет барысында бізбен бірге жұдырықтай жұмылған волонтерларымызға алғысымызды білдіреміз» деді Қызылорда облысы Полиция департаменті бастығының &nbsp;бірінші орынбасары полиция полковнигі Амитов Шамшидин Егенбердіұлы.&nbsp;</blockquote>Құқық бұзушылықтың алдын алу, қоғамдық және жол қауіпсіздігін қамтамасыз ету, белсенді азаматтық ұстанымы үшін 31 ерікті алғыс хатпен марапатталды. &nbsp;Оның ішінде Қызылорда облысының “Волонтерлар фронт офисі” жетекшісі Айтбенбетов Болатбек Серікбайұлы, &nbsp;«Волонтеры Кызылорды» жетекшісі:Чебакова ОльгаКонстантиновна, "Демеу" еріктілер тобының жетекшісі: &nbsp;Мерекова Әсем Ідірісқызы және Қызылорда облысының “ЧФ Красивые сердца” жетекшісі Ерімбетов Серік &nbsp;Кенжебекұлының еңбегі ерекше бағаланды.&nbsp; Алдағы уақытта халық тыныштығын күзеткен полицейлереріктілермен жұмыс жасап, тығыз байланыс орнатпақ.&nbsp;&nbsp;&nbsp;

Полиция департаментінің басшылығы еріктілерді марапаттады

Фото: Н.Нұржаубай<a href="https://kyzylorda-news.kz/">Kyzylorda-news.kz.</a>Қыркүйек айының аяғында Қызылорда облысы кәсіпкерлер палатасы жанындағы адами капиталды дамыту және бизнестің әлеуметтік саясаты кеңесінің білім саласы кіші кеңесінде палатаға шағымданған жеке колледждердің мәселесі қаралған. Кеңес отырысында жеке колледждердің өкілдері мемлекеттік колледжде оқитын оқушыларға төленіп жатқан әлеуметтік төлем жеке колледждің білім алушыларына қолжетімсіз болып отырғанын жеткізіп, мәселені шешуге көмек сұраған.&nbsp;Қызылордада жеке колледжде оқитын оқушылар бірнеше жылдан бері әлеуметтік төлемнен тыс қалған. Атап айтқанда, колледждерде басқа елді мекендерден келіп оқитын мемлекеттік тапсырыспен білім алушыларға жол ақысы төленуі керек. Ал осал топтағы оқушылар ыстық тамақпен қамтылып, мүмкіндігі шектеулі оқушыларға қосымша төлемдер жүргізілуі тиіс. Оған негіз Қазақстан Республикасы Үкіметінің 2012 жылғы 12 наурыздағы № 320 қаулысы, сондай-ақ Оқу-ағарту министрлігінің № 497 бұйрығы.<blockquote>«Мемлекеттік органдардың заң талаптарында жеке колледждер көрсетілмегендіктен, бұл төлемдерді жеке колледждерге төлеуге негіз болмай отырғанын алға тартқан еді. Алайда, шараға қатысушылар норматитік құқықтық актілерде меншік нысаны мүлдем көрсетілмегенін, сондықтан еш шектеу болмауы тиіс екенін айтып, өз дәйектерін келтірді.Мәселе жергілікті деңгейде шешілуі тиіс болғандықтан, Палата тарапынан Қызылорда облысы әкімі мен облыстық білім басқармасы атына орын алған жағдайлар мен жеке колледж иелерінің уәждері сипатталған арнайы хаттар жолданды. Дәйекті жұмыс нәтижесінде 9 жеке колледжде мемлекеттік тапсырыспен блім алатын 1267 оқушының ыстық тамағы мен жол ақысына жергілікті бюджеттен қаржы бөлу туралы шешім шығарылды», - дейді кәсіпкерлер палатасының мамандары.</blockquote>

Қызылордада жеке колледжде оқитын білім алушылардың құқығы қорғалды

Фото: fingramota.kz<a href="https://kyzylorda-news.kz/">Kyzylorda-news.kz.</a>&nbsp; Еңбек&nbsp;демалысына&nbsp;ресми шығуды күтпестен зейнетақы төлемдерін алу&nbsp;әбден&nbsp;мүмкін! Бұл мүмкіндікті зейнетақы аннуитеті ұсынады. Fingramota.kz сақтандыру құралының осы түрінің егжей-тегжейін айтып береді.Зейнетақы аннуитеті дегеніміз не?Бұл азаматтарға зейнетақы жинағы жеткілікті болу шартымен зейнетақыны белгіленген мерзімінен бұрын &nbsp;алуға мүмкіндік беретін сақтандыру өнімі. Зейнетақы аннуитеті шарттарын жасау бойынша қызметтерді қызметін «өмірді сақтандыру» саласында жүзеге асыратын сақтандыру ұйымдары ұсынады. Қазіргі таңда &nbsp;нарықта &nbsp;мұндай 8 ұйым жұмыс істейді.Азамат зейнетақы аннуитеті шартын жасай отырып, &nbsp;55 жасқа жеткеннен кейін өмір бойы кепілдік берілген кіріс алу құқығына ие болады. Өз кезегінде осындай шарт жасай отырып, сақтандыру ұйымы өз клиентіне өмір бойы сақтандыру төлемін жүзеге асыруға міндеттеме алады.2021 жылы Заңда сақтандыру ұйымынан ай сайынғы сақтандыру төлемінің мөлшері азайтылды. Қазіргі күні ол зейнетақы аннуитеті шартын жасау күні қолданыстағы ең төменгі күнкөріс деңгейі (ЕТКД) шамасының &nbsp;70%-ын&nbsp;құрайды. Осыған байланысты зейнетақы аннуитеті шартының құны да&nbsp;40%-ға&nbsp;азайды. Қазіргі күні ер адамдар үшін стандартты зейнетақы аннуитеті шартының құны 7 млн теңгені, ал осындай жастағы әйел адамдар үшін 8,5 млн&nbsp;теңгені құрайды.Агенттік азаматтар үшін осы өнімнің тартымдылығы мен кірістілігін арттыру үшін зейнетақы аннуитеті шартының өлшемдерін қосымша қайта қарады. Сақтандыру төлемдері индексациясының мөлшері 5%-дан 7%-ға&nbsp;дейін ұлғайтылды. &nbsp;Зейнетақы аннуитеті шарты бойынша кірістіліктің ең төменгі мөлшерлемесі де 7%-дан 9%-ға&nbsp;дейін артты. Мүгедектігі бар адамдар және зиянды еңбек жағдайында жұмыс істейтін жұмыскерлер үшін зейнетақы аннуитетінің құнын есептеу үшін жеке &nbsp;өлім-жітім кестесін қолдану көзделген.Бүгінгі күні азаматтарға кейінге қалдырылған және бірлескен зейнетақы аннуитеттерін қоса алғанда, зейнетақы аннуитеті шарттарының бірнеше&nbsp;түрін иелену мүмкіндігі беріледі.Кейінге қалдырылған зейнетақы аннуитеті дегеніміз не?Сақтанушыларға 55 жастан бастап ай сайын өмір бойы төлем алу құқығымен 45 жастан бастап шарт жасасу мүмкіндігін береді. Мұндай сақтандыру өнімі өз бюджетін алдын ала жоспарлайтын және зейнеткерлік жасқа жеткеннен кейін қандай қаражатқа өмір сүретінін ойлайтын азаматтарға қажет.Қаржы нарығындағы мөлшерлемелер құбылмалылығына қарамастан кепілдік берілген кірістіліктің болуы кейінге қалдырылған зейнетақы аннуитетінің негізгі артықшылығы болып табылады. Сақтандыру ұйымы сақтанушы сақтандыру төлемдерін ала бастайтын жасқа жеткенге дейін жыл сайын заңнамалық тұрғыдан белгіленген кірістілікке кепілдік береді. Кейінге қалдырылған зейнетақы аннуитетін жасаған күннен бастап сақтандыру ұйымына берілген қаражат инвестицияланады, болашақта алатын сақтандыру төлемдерінің көлемі ұлғаяды.Толығырақ "<a href="https://fingramota.kz/kk/post/birlesken-zejnetay-annuiteti-osy-satandyru-raly-turaly-barly-aparat">Сақтандыру</a>" бөлімінен оқыңыздар&nbsp;

Бірлескен зейнетақы аннуитеті дегеніміз не?

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінде құқық бағытында білім алатын студенттерге сыртқы академиялық ұтқырлық бағдарламасы негізінде Ташкент мемлекеттік заң университеті, Азаматтық құқық кафедрасының профессоры, заң ғылымдарының кандидаты Лейла Бурханова «Азаматтық құқық» курсы бойынша дәріс жүргізді.Дәрісте құқық саласының маңыздылығы, заңнамаға енген өзгерістер мен толықтырулар туралы айтылып, Ташкент қаласында студенттермен бірге дайындалған бейнероликтер көрсетілді. Университет студенттері екі ел арасындағы ерекшеліктерге байланысты сұрақтарына жауап алды.Университетте құқық бағытында білім алатын студенттерге ішкі академиялық ұтқырлық бағдарламасы негізінде Қазақстан Республикасы Заң ғылымдары академиясының академигі, Л.Н. Гумилев атындағы Еуразия Ұлттық университетінің профессоры, заң ғылымдарының докторы Ермек Әбдірасұлов «Конституциялық құқық» бойынша мазмұнды дәріс жүргізді.Ғалым – 200-ден астам ғылыми және ғылыми-әдістемелік жұмыстардың авторы.Сондай-ақ, студенттерге ішкі академиялық ұтқырлық бағдарламасы негізінде Абай атындағы Қазақ ұлттық педагогикалық университеті, Тарих және құқық институты, Құқықтану кафедрасының қауымдастырылған профессоры, заң ғылымдарының кандидаты Несібелі Калкаева «Қылмыстық құқық» курсы бойынша мазмұнды дәріс оқыды.Ғалым – 130-ға жуық ғылыми еңбектің авторы, «ҚазҰПУ хабаршысы», «Юриспруденция» сериясы журналының жауапты хатшысы.

Академиялық ұтқырлық бағдарламасы бойынша дәріс жүргізілді

Фото: hyperauto.ru<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК Қызылорда облысы бойынша филиалының хабарлауынша 7 желтоқсанда түнде және таңертең Қызылорда облысының солтүстігінде тұман күтіледі. Жел солтүстік-шығыстан соғады, күндіз облыстың орталығында күші 15-20 м/с күтіледі.Қызылорда облыстық ТЖ департаменті тұманда автокөлікте болсаңыз, төмендегі ережені есте сақтауды ескертеді. 1. қашықтықты сақтау: бұл әрқашан маңызды, бірақ нашар көріну кезінде көліктерге дейінгі қашықтықты одан да мұқият бақылаған жөн; 2. жылдамдықты асырмаңыз, жолдағы және жол жиегіндегі жағдайды мұқият қадағалаңыз; 3. тұманда өзге көлікті басып озуға әрекеттенбеген дұрыс, арақашықтықты қатаң сақтаңыз.Тұманда жүруге бола ма? Мәселен, егер көріну жиырма метрден аспаса, онда мұндай жағдайда автомобильдің қозғалыс жылдамдығы сағатына он шақырымнан аспауы керек. Егер тұман тым қалың болса, жолда көріну екі метрден аспаса, қозғалысты тоқтатып, аялдаған жөн.Егер сіз тұманда адасып қалсаңыз? Картада орналасқан жеріңізді анықтаңыз, қай бағытқа барғаныңыз жөн екенін шешіңіз және осы сызықтан қандай да бір көрнекті анықтамалық нүктені (мысалы, жартас, үлкен ағаш және т.б.) тапқаннан кейін, оған тікелей барыңыз, компас бағытымен жүріңіз.Тұман кезінде не істеуге болмайды? Ешбір жағдайда шаршағаныңызға қарамастан, тұман басқан жерді мүмкіндігінше тезірек еңсеруге тырысуға болмайды, жолдан шығып, тұманның сейілгенін күткен жөн әрі қауіпсіз; - Егер тұманды күні жолға шығудан бас тарту мүмкіндігі болса, онда қиындыққа тап болғаннан гөрі мүмкіндігінше қауіпсіз және жоспарланған істерді кейінге қалдырғаныңыз &nbsp;дұрыс болады.Тұман қаупі неде? Тұман - өте қауіпті атмосфералық құбылыс. Көлденең көріну бірнеше ондаған метрге дейін азайған жағдайда авиациялық, автомобиль және теміржол көлігінің, сондай-ақ жоғары вольтты электр беру желілерінің жұмысы үшін қолайсыз жағдайлар туындайды.Тұман денсаулыққа қалай әсер етеді? Тұман кезінде, әсіресе қалың, ауаның ылғалдылығы жоғарылайды, оның құрамындағы оттегі, керісінше, азаяды. Демек, жүрек ауруы бар науқастарда ентігу, тахикардия, жалпы әлсіздік байқалуы мүмкін. Адамдардың бейімделу жылдамдығы әр түрлі, ауа-райына реакциясы да әр түрлі. &nbsp;

Қызылордада ауа райына байланысты ескерту жарияланды 

<a href="https://kyzylorda-news.kz/">Kyzylorda-news.kz.</a>&nbsp; Кез-келген жоба жасалардан бұрын оған инфрақұрылым көзін тарту өте өзекті мәселеге айналады. Себебі, нарықтық жағдайда инфрақұырылым көзін тарту бюджетке үлкен салмақ салады.&nbsp;Дегенмен, азаматтардың өтініш-тілектерін ескере отырып, соңғы жылдары қаламызда айтарлық жұмыстар бастау алды. Олардың дені аяқталып, ел игілігіне берілді.&nbsp;Мемлекет басшысы Қасым-Жомарт Тоқаевтың қолдауымен жер-жерде маңызды салалар қарқынды дамып келеді. Бүгінде тұрғындар сұранысын ескере отырып, қаламызда бірқатар ауқымды жобалар бастау алды.Оның ішінде Түрік инвесторларының құны 215 млрд. теңге болатын жылу орталығының құрылысы, көппәтерлі тұрғын үйлер құрылысы, жаңа әуежай терминалы және қоғамдық бағыттағы жаңа автобустарды атап өтуге болады.&nbsp;Биылғы жылы көпшілікті таңқалдырған тың шешімдердің бірі – мектеп жанынан қосымша құрылыс нысандарын салу. Қазірде үш ауысымда оқитын мектептер санын азайту үшін жаңа мектеп салумен қатар, бұрынғы білім ордаларының қасына қосымша құрылыс ғимараттары салынды.&nbsp;Бұл инфрақұрылым бағытында өте оңтайлы, көп шығынды қажет етпейтін жобалардың бірі. Соның негізінде Қызылорда қаласында №2,101,264,3 білім ошақтарының жанынан қосымша оқу ғимараттары салынып, бірінші қыркүйекте ел игілігіне пайдалануға берілді. Құрылыс жұмыстары барасында «AMANAT» партиясы Қызылорда қалалық филиалының Партиялық бақылау комиссиясының мүшелері аталған нысандардың құрылыс қарқанын назарда ұстап, оның уақтылы әрі сапалы аяқталуына атсалысты.&nbsp; Бүгінде осы әдісті өзге аймақтар да қолдануда.&nbsp;Айта кетерлік тағы бір жаңалық – қоғамдық көлік қатарының толығуы. Өткен жылы қаламызға 150 жаңа автобус келсе, биылғы жылы да 150 автобус ел игілігіне беріліп, 300 автобус қоғамдық бағыт қатарын толықтыруда.&nbsp;Сонымен қатар, қаланың шетаймақтарына жаңа қоғамдық бағыттар ашылып, көпшіліктің қалауы орындалды.Осы тұста, шетаймақтарда әлеуметтік нысандарға бару жолы да жеңілдеді. Себебі, елді мекендердегі медициналық пункт, әлеуметтік дүке, мектеп, әкімшілік, балабақша сынды насындарға барар инфрақұрылым жағдайы қалыпқа келіп, көшелер тегістеліп, жарық шамдар орнатылуда. Бұл да инфрақұырылым жүйесін оңтайлы жүргізу әдістерінің бірі.Осы тұрғыда мүмкіндігі шектеулі азаматтарға да жайлы орта қалыптастыру мақсатында пандустар заңнамаға сәй түзітілуде. Партия тарапынан «Кедергісіз келешек» мониторинг тобы біршама нысандарды аралап, түсіндірме жұмыстарын жүргізуде.Ал қаланың сол жағалауында мүмкіндігі шектеулі азаматтарға қолайлы орта қалыптастыру мақсатында 7 қабатты 6 тұрғын үйдің құрылысы жүргізілуде. Оның ерекшелегі тұрғын үйлер лифт және пандуспен жарақталмақ. Бұл нысанда «AMANAT» партиясының Жол картасына еніп, фракция отырыстарының &nbsp;күн тәртібінде бірнеше мәрте талқыланды.&nbsp;Ендігі жақсы жаңалықтың бірі - Қызылорда қаласында ыстық судың орнауы. Мемлекет басшысы Қ.Тоқаев Сыр еліне сапары кезінде қаламыздағы өзекті мәселеге баса назар аударып, алдағы екі жылдықта тиісті қаражат көздерін бөлетін болды. Бұл да қызылордалықтар үшін қуанышты жаңалық болды.&nbsp;Мейрамбек ЕСЖАНОВ, Қызылорда қалалық мәслихатындағы «AMANAT» партиясы депутаттық фракциясының мүшесі

Қазақстан және Қызылорда облысының жаңалықтары