<a href="https://kyzylorda-news.kz/">Kyzylorda-news.kz</a> Бүгінгі таңда мәселенің түп-тамырын табу, тұрмыстық зорлық-зомбылықтың себептерін анықтау маңызды екені күн сайын айтылуда. Бұл тек құқық қорғау органдарының жұмысы ғана емес, аталмыш мәселеге әлеуметтанушыларды, сарапшыларды, психологтарды және мемлекеттік органдарды тарту қажет.&nbsp;Отбасылық және тұрмыстық зорлық-зомбылық қаржылық қиындықтармен, ішімдікке әуестікпен және нашақорлықпен, әйелдің материалдық жағдайымен тікелей байланысты. Отбасы аясында жасалатын құқық бұзушулықтардың құқықтық және әлеуметтік аспектілерін талдау кезінде тұрмыстық қақтығыстар саласындағы негізгі қиындық пен қарсылық жәбірленунішің өз жағдайын ауырлатудан қорқып, зорлық көрсеткен адам жөнінде айтқысы келмеуі деген қорытындыға келуде. Көбінесе олар өздері үшін қорқып, үнсіз қалады.Отбасылық-тұрмыстық зорлық-зомбылықпен күресу үшін 2009 жылы «Тұрмыстық зорлық-зомбылық профилаткикасы туралы» Қазақстан Республикасының Заңы қабылданды, онда зорлық-зомбылықтан зардап шеккендерді қорғау, отбасындағы зорлық-зомбылық жағдайларының алдын алу және тергеу тетігін көздейтін нормалар жазылған. Сонымен қатар, заңнаманың соңғы өзгерістеріне сәйкес, полиция тұрмыстық құқық бұзуылықтарды тіркеудің мәлімдемелік сипатына емес, анықтау сипатына көшті. Тараптарды қайта татуластыру мүмкіндігі алынып тасталды, әкімшілік және тұрмыстық зорлық-зомбылық үшін қылмыстық жауапкершілік күшейтілді.Тұрмыстық зорлық-зомбылыққа кінәлі адамдар «Әкімшілік құқық бұзушылық туралы» Қазақстан Республикасының 73-бабы бойынша жауапқа тартылуы мүмкін. Ал олардың әрекеттерінде қылмыстық құқық бұзушылық құрамы болған кезде олар Қазақстан Республикасының Қылмыстық Кодексінің 106-бабы «Денсаулыққа қасақана ауыр зиян келтіру» бойынша қылмыстық жауаптылыққа тартылады, бұл үш жылдан сегіз жылға дейінгі мерзімге бас бостандығын шектеуге немесе сол мерзімге бас бостандығынан айыруға жазаланады.&nbsp;Кейбір елдерде зорлық көрсетушілерге олардың мінез-құлқын түсінуге, қайта зорлық-зомбылықтың алдын алуға көмектесетін тиісті бағдарламалар бар. Мұндай елдер мемлекеттік қаржыландыру шеңберінде зорлық-зомбылық құрбандарына көмек көрсететін коммерциялық емес ұйымдарға қаржылық қолдау, заңгерлік көмек, кеңес беру және баспана ұсынуда. Сонымен қатар, тұрмыстық зорлық-зомбылық құрбандары әйелдер мен балаларға арналған мамандандырылған дағдарыс орталықтарына жүгіне алады. Онда оларға психологиялық, әлеуметтік және құқықтық көмек көрсетіледі. &nbsp;

Тұрмыстық зорлық-зомбылыққа қарсы күрес толастамайды 

<a href="https://kyzylorda-news.kz/">Kyzylorda-news.kz.</a> Жаздың басталуына да аз уақыт қалды. Жаз – демалыс маусымы. Дәл осы уақытта балалар мектепті бітіреді, ата-аналар еңбек демалысына шығады. Бұл – бойды да, ойды да жазып, сергитін шақ. Қалағаныңызша қыдыруға, жеміс-жидек пен көкөністі тояттап жеуге, күнге қыздырынуға болады. Ал суға түсу жайлы әңгіме тіптен бөлек.Жаз басталса көкжиектен күн шыға салысымен өзен-көлді жағалап, салқын суға шомылуды жөн көреміз. Өзімізді жайлы сезіну үшін шомылып тұру керек-ақ. Енді Қармақшы ауданында жаз маусымын қарай шомылатын жағалау жасалынбақ. Енді аудан тұрғындары шомылу үшін қала асып кетпейтін болады.&nbsp;Жуырда Қармақшы аудан әкімі Жандос Еркінбек тиісті аудан әкімінің орынбасары Айдын Әнуар мен аудандық қоғамдық даму бөлімінің басышысы Нұрлыбек Сайымов пен бірқатар сала басшыларымен бірге Жосалы кентінде жаңадан салынатын жағалау орнын көріп, құрылыс жұмыстарының жоспарымен танысты. Жазғы демалыс аймағы Сырдария өзенінің жағалауында орналаспақ.Аудан әкімі ауданымыздың экожүйесін сақтай отырып, тұрғындардың демалуы үшін неғұрлым ыңғайлы әрі тартымды орта жасаудың маңыздылығына тоқталып, осы салаға жетекшілік ететін орынбасарына және кент әкіміне жұмыстарды мерзімінде және сапалы етіп жасауды тапсырды. &nbsp;

Қармақшыда жаңа демалыс аймағы салынбақ

<a href="https://kyzylorda-news.kz/">Kyzylorda-news.kz.</a> &nbsp;Жақында Жосалы кенті әкімі аппаратының мәжіліс залында аудандық Қоғамдық кеңес төрағасы Әбдірахман Құлдүйсеновтың төрағалығымен кеңес отырысы болып өтті.Аудандық қоғамдық кеңес отырысына Қармақшы ауданы әкімінің орынбасары Самат Смағұлов, Қазақстан Республикасы мемлекеттік қызмет істері агенттігінің Қызылорда облысы бойынша департаменті мемлекеттік қызметтер басқармасының басшысы Н.Сүлейменов, («ZOOM» платформасы арқылы онлайн қатысты), аудандық қоғамдық кеңес мүшелері, қаралатын мәселелер бойынша есеп беретін және мониторинг жүргізген комиссия мүшелері, Жосалы кентіндегі мектеп директорлары, үкіметтік емес ұйымдар жетекшілері, бұқаралық ақпарат құралдарының өкілдері қатысты.Күн тәртібінде төмендегідей мәселелер қаралды. Бірінші кезекте «Аудан көлемінде мектептердегі, Қармақшы аграрлы техникалық колледжіндегі балалардың қауіпсіздігін қамтамасыз ету,бақылау камералары, өткізу режимі, күзет дабылы, дабыл түймелеріне байланысты атқарылып жатқан жұмыстар туралы» тақырыбында Қармақшы ауданы бойынша білім бөлімінің бас маманы Нәзен Бахадурова мен Қармақшы аграрлы-техникалық колледжінің директоры Бауыржан Сайдулланың баяндамалары тыңдалды.&nbsp; Екінші кезекте «Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалының аудандағы атқарып жатқан жұмыстары, көрсетілетін мемлекеттік қызметтердің сапасы мен нәтижелі жұмыс жасаудағы есебі» тақырыбында «Қармақшы аудандық архиві» филиалы басшысының міндетін уақытша атқарушы Г.Абиева баяндама жасады. Мұнан соң «Аудандық бюджеттің атқарылуы жайлы жылдық есеп».Қармақшы аудандық экономика және қаржы бөлімінің басшысы Жанар Ниматулла есеп берді. Келесі кезекте «Ауданда халықты электр энергиясымен қамтамасыз етудің жай-күйі туралы» Қармақшы аудандық электр торабының бастығының орынбасары Т.Кенбаев баяндама жасады. Ал «Әлеуметтiк көмек көрсетудің, оның мөлшерлерiн белгiлеудің және мұқтаж азаматтардың жекелеген санаттарының тiзбесiн айқындаудың қағидаларын бекiту туралы» Қармақшы аудандық мәслихатының 2023 жылғы 8 қыркүйектегі № 77 шешiмiне өзгеріс енгізу туралы» Қармақшы аудандық мәслихатының шешім жобасы жайлы Қармақшы аудандық жұмыспен қамту жәнеәлеуметтік бағдарламалар бөлімінің басшысы Ғалымжан Ақжігітов хабарлама жасады. «Қармақшы ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы» Қармақшы аудандық мәслихатының шешім жобасы жайлы Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы М.Саршаеваның хабарламасы тыңдалды.Күн тәртібіндегі мәселелер бойынша тиісті мекемелердің басшылары мен жауапты қызметкерлердің есебі тыңдалып, талқыланды.«Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалының аудандағы атқарып жатқан жұмыстары, көрсетілетін мемлекеттік қызметтердің сапасы жайлы атқарылған жұмыстары туралыҚазақстан Республикасы мемлекеттік қызмет істері агенттігінің Қызылорда облысы бойынша департаменті мемлекеттік қызметтер басқармасының басшысы Н.Сүлейменов «Қармақшы аудандық архиві» филиалының жұмысына байланысты бірқатар сұрақтар қойып,жасалған есептер бойынша қоғамдық кеңес мүшелері ұсыныс пікірлерін білдірді.Кеңес отырысында «Аудан көлемінде мектептердегі, Қармақшы аграрлы техникалық колледжіндегі балалардың қауіпсіздігін қамтамасыз ету,бақылау камералары, өткізу режимі, күзет дабылы, дабыл түймелеріне байланысты атқарылып жатқан жұмыстары туралы» мәселеге байланысты аудандық қоғамдық кеңес мүшелері талқылап, пікірлерін білдірді.Атап айтқанда, 2024 жылдың сәуір айында аудандық қоғамдық кеңес мүшелерімен аудандағы бірқатар мектептердегі балалардың қауіпсіздігін қамтамасыз ету,бақылау камералары, өткізу режимі, күзет дабылы, дабыл түймелеріне байланысты атқарылып жатқан жұмыстарға және мектеп асханаларындағы балалардың тамақтану барысынақоғамдық бақылау жүргізілген.Байқоңыр аймағындағы кейбір мектептер басшылығы тарапынан қоғамдық бақылау жасауға мән бермеген фактілері орын алған. Осыған байланысты және аудандағы мамандандырылған күзетпен қамтамасыз етілмеген,бейнебақылау камералары жетіспейтін мектептер жайлы және елді-мекен мектептеріндегі дабыл түймесін толыққанды іске қосу жайлы Қызылорда облыстық білім басқармасынажәне Қармақшы ауданы бойынша білім бөліміне ұсыным жасау жайлы шешім қабылданды.Қармақшы аудандық бюджеттің 2023 жылғы атқарылуы жайлы есеп тыңдалып, талқылап, бекітуге келісім берілді. Осымен қатар Қармақшы аудандық электр торабы өз теңгеріміндегі трансформаторлардың қауіпсіздігін сақтауда және оларға ағымдағы жөндеу жүргізуде жеткіліксіз жұмыстар жасауда. &nbsp;Есеп беру барысында кеңес мүшелері тарапынан сұрақтар қойылып, пікір алысты. №121, №105, №30, №26 мектептердегі және аудандық аграрлы колледжіндегі тоқ беретін трансформаторлар, сол сияқты Жосалы кенті мөлтек шағын ауданындағы электр желілерісын көтермейтіні, кейбір жерлерде электр бағаналарын ауыстыру, электр желілерін жаңарту жайлы айтылып өтті. Аталған маңызды мәселелер бойынша Қызылорда облысының энергетика және тұрғын үй-коммуналдық шаруашылық басқармасына және Қармақшы ауданының әкімдігіне ұсыным жасау жайлы шешім қабылданды.Кеңес отырысында Қармақшы аудандық жұмыспен қамту жәнеәлеуметтік бағдарламалар бөлімі қарауға ұсынған «Әлеуметтiк көмек көрсетудің, оның мөлшерлерiн белгiлеудің және мұқтаж азаматтардың жекелеген санаттарының тiзбесiн айқындаудың қағидаларын бекiту туралы» Қармақшы аудандық мәслихатының 2023 жылғы 8 қыркүйектегі № 77 шешiмiне өзгеріс енгізу туралы» Қармақшы аудандық мәслихатының шешім жобасына келісім берілді.Аудан бойынша тұрмыстық қатты қалдықтарды жинауға, тасымалдауға, сұрыптауға және көмуге арналған тариф көлемін қайта нақтылау мақсатында Қармақшы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі ұсынған «Қармақшы ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы» Қармақшы аудандық мәслихатының шешім жобасын қоғамдық кеңес отырысында қарау кейінге қалдырылды. &nbsp;

Қоғамдық кеңесте келелі мәселелер талқыланды 

&nbsp;<a href="https://kyzylorda-news.kz/">Kyzylorda-news.kz.</a> Қармақшы ауданына қарасты №109 орта мектебінде аудандық білім бөлімінің жоспарына сәйкес «Біртұтас тәрбие бағдарламасы» бойынша «Төрт тоқсан – төрт өнер» жобасы аясында «Ата қоныс – алтын мекен» тақырыбында аудандық семинар өткізілді. Басты мақсаты – туған өлке тарихын зерттеу, «Жасыл өлке», «Еңбегі адал жас өрен», «Қалдық заттарды іске асыру», «Экотәрбие», «Экотуризм» жобаларын насихаттау.Семинарға аудандық білім бөлімінің басшысы Гүлзира Абдазиева, білім бөлімінің тәрбие саласы бойынша әдіскері Айжан Тоқшылықова және аудандық білім бөліміне қарасты білім беру ұйымдарының тәрбие ісі жөніндегі орынбасарлары, әлеуметтік педагогтары, сынып жетекшілері қатысты. Іс-шараны Қармақшы аудандық бiлiм бөлiмiнiң басшысы Гүлзира Абдазиева ашып берді. Мектеп директоры Бақытбек Алмаганбетов іс-шараның мақсаты, бағдарламасымен, «Жасыл мектеп», «Бір мектеп – бір жоба» жобалары аясында &nbsp;атқарылған жұмыстармен таныстырды.Іс-шара барысында «Қолөнер» үйірмесінің жетекшiлерi О.Райымбеков, Ж.Жүнісов, «Театр», «Оқуға құштар мектеп» жобалары аясында қазақ тiлi пәнiнiң мұғалiмi Г.Алмағанбетова өзiнiң қолынан тоқылған қуыршақтар, киiмдер және қойдың жүнiнен жасалған жұмыстар көрмесiмен және «Қуыршақ» балалар театры мүшелерінің шағын қойылымымен таныстырды. Мектеп жылыжайының жұмыстарын мектеп директоры Бақытбек Алмаганбетов және «Жасыл желек» үйiрмесiнiң жетекшici Қаламқас Мерекова таныстырды.Оқушылардың жазғы демалысын тиімді ұйымдастыру мақсатында жүргізіліп жатырған жұмыстар көрсетілді. Одан соң «Атқа міну мәдениеті» тақырыбында ат әбзелдері, оның атаулары, пайдаланылуы туралы теория және практика жүзінде тәрбие сағатын 7-сынып жетекшiсі В.Шайхова, «Әкелер мектебінің» мүшесі, ата-ана Д.Әлиев, «Ауылдан шыққан асылдар» тақырыбындағы Ақтөбе ауылы топырағынан шыққан белгілі тұлғалар туралы танымдық сағатты тарих пәнiнiң мұғалiмi А.Жансейітова өткізді. «Ауылдағы асық ойынының маңызы» тақырыбымен бірнеше рет аудандық, облыстық, республикалық асық ату жарысының жеңімпаздары «Асық» үйірмесінің сыныптан тыс жұмысын денешынықтыру пәнiнiң мұғалiмi Б.Киікбаев, «Отбасы тәрбиесіндегі ұлттық құндылықтар – бала тәрбиесінің қайнар көзі» тақырыбында «Ата-аналарды педагогикалық қолдау» орталығының жоспарына сәйкес ата-аналармен тренинг сабақты 1 -сынып жетекшісі Ә.Талқанбаева, «Оқуға құштар мектеп», «Театр» жобаларын біріктіре, ата-аналар, мұғалімдер, оқушыларды қатыстыра отырып, ақиық ақын М.Мақатаевтың шығармашылығына арналған әдеби-сазды қойылымын қазақ тілі мен әдебиеті пәнінің мұғалімі В.Сүйеубаева, «Асарлар сыр шертеді» тақырыбымен туған жеріміздегі тарихи-мәдени көне ескерткіштерді насихаттау, туристік бағытты дамыту мақсатында жас өлкетанушылар үйірмесінің жұмыстарын Қазақстан Республикасының мемлекеттік қорғауындағы тарихи ескерткіштердің бірі &nbsp;«Моншақты Асар» төбесінде тарих пәнiнiң мұғалiмi А.Байтанатова ұйымдастырды. Қорытындысында білім бөлімі басшысы, семинарға қатысушылар тарапынан семинарға жоғары баға берді. Семинарда өз іс-тәжірибесімен бөліскен мұғалімдер аудандық білім бөлімінің басшысы Гүлзира Абдазиеваның Алғыс хатымен марапатталды.&nbsp;

Қармақшыда «Ата қоныс – алтын мекен» тақырыбында семинар өтті

<a href="https://kyzylorda-news.kz/">Kyzylorda-news.kz</a> &nbsp;Жасөспірімдер арасындағы құқық бұзушылықтың алдын-алу бағытында аудан көлеміндегі білім беру ұйымдарында білім алушылармен ата-аналар арасында түсіндірме жұмыстары кеңінен жүргізілуде.Атап айтқанда, ағымдағы жылдың сәуір айының 24-і күні Қазалы ауданы, Жанқожа батыр ауылы №94 орта мектептің оқушылары және ата-аналар арасында құқық бұзушылықтың алдын алу, балалар мен жасөспірімдердің өмірі мен денсаулығының қауіпсіздігін сақтау, қоғамдағы келеңсіз жайттардан сақтану, ішкі тәртіп талаптарын түсіндіру жұмыстарын жүргізу мақсатында Қазалы ауданы полиция бөлімінің Ювеналды полиция тобының аға инспекторы полиция майоры Махаббат Бегалиева және Қазалы ауданы білім бөлімінің қызметкері Болат Айымқұловтың қатысуымен оқушылар арасында түсіндірме жұмыстары жүргізілді.Кездесу барысында қазіргі таңдағы жасөспірімдер арасындағы мәселелерге кеңінен тоқталып, заң талаптары кеңінен түсіндіріліп, орын алып жатырған жасөспірімдер арасындағы құқық бұзушылық пен қылмыстық іс-әрекеттердің алдын-алу жолдарын таныстырып, құқық бұзған жасөспірімдерге қолданылатын шаралар және жазалар жайлы мағлұмат берілді.Жастар арасында әлімжеттік пен құқық бұзушылықтын алдын алу, «Кәмелетке толмағандардың арасындағы құқық бұзушылық профилактикасы мен тұрмыстық зорлық-зомбылықтың алдын-алу», білім алушылар арасында жаман әдетке үйір болмау, түнгі рейдтер туралы, ішкі тәртіпке бой ұсыну, темекі, ішімдік заттарынан аулақ болу, бір-біріне үстемдік жасамау сияқты жаман әдеттердің алдын-алу тақырыбында әңгіме жүргізілді. Әсіресе, бопсалау сынды теріс әрекеттерге барудың аяғы жақсылыққа апармайтындығы баса айтылды. Жамандыққа бармаудың жолы бос уақытты тиімді пайдалану екенін түсіндірді.Сонымен қатар, «Құқық бұзушылыққа, қылмысқа және кәмелетке толмағанға қарсы жасалған қылмысқа жол бермеу, интернет қауіпсіздігі мен кибербуллинг, лудомания мен нашақорлықтың, зорлық-зомбылықтың алдын-алу» тақырыбында еркін форматта түсіндіру жұмысын жүргізді.Бұл ұйымдастырылған кездесудің мақсаты – жастардың адам тәрбиесі мен қоғам тәрбиесіне байланысты көзқарастарын дұрыс қалыптастыра отырып, болашақта ұрпақ қамын тағдырын ойлайтын қоғамның мүшесі болуларына жағдай жасау болып табылады.Кездесу барысында аталған мәселелер бойынша оқушылар сала мамандарына қызықтырған сұрақтарын қойып, оларға нақты жауаптар алды.Баланың бас ұстазы – ата-анасы. Тәрбие үрдісінің бір тарауы отбасымен жұмыс десек, отбасынан басталатын тәрбие мектеп өмірінен жалғасын табады. Бүгінгі мақсат - әрбір бала түбегейлі біліммен мәдениеттің негіздерін білу және олардың жан-жақты дамуына ата-ана мен мектеп жағдай жасап, біріккен одақ құра білу керек.Бекарыстан би ауылы, №24 орта мектепте 2024 жылдың 24 сәуір күні «Балалар мен жасөспірімдер арасында орын алатын құқық бұзушылықтың алдын-алу, топтық төбелесті болдырмау және өрт, су қауіпсіздік шараларын ұйымдастыру» тақырыбында жалпы, ата-аналар жиналысы болып өтті.Жиналысқа бөлімнің ЖПҚб-нің ЮПт-ның аға инспекторы полиция майоры Махаббат Бегалиева және аудандық білім бөлімінің әдіскері Болат Айымқұлов қатысты.Ұрпақ тәрбиесі - ең ұлы міндет десек, осы міндетті мүлтіксіз орындау мектеп педагогтарымен қатар, ата-аналардың да жауапкершілігінде.Сондықтан, жиынның түйіні - бала болашағын қалыптастыруда ата-ана мен ұстаз үнемі бірлікте болса ғана, қоғамды дұрыс бағытта қалыптастыратын саналы ұрпақ тәрбиеленетіндігі айқын екендігіне көз жеткізу.

Қазалыда құқық қорғаушылар бала қауіпсіздігіне ерекше мән беруде

<a href="https://kyzylorda-news.kz/">Kyzylorda-news.kz</a> &nbsp; Алдағы мамыр айында Қызылорда облысында ауа температурасының орташа айлық көрсеткіші +21,2+23,1 градус болады деп күтілуде. Тиісінше, бұл нормадан 1 градусқа жоғары. Сондай-ақ, өңірде мамыр айында жауын-шашып мөлшері аз болып, шаңды дауыл жиі болады деп болжануда. Бұл жөнінде Өңірлік коммуникациялар қызметінің ақпарат алаңында «Қазгидромет» РМК Қызылорда облысы бойынша филиалының бөлім басшысы Айгерім Жөкелова хабарлады.<blockquote>-Мамыр айының бірінші онкүндігінде облыста ауа температурасы түнде +7+12 градустан +12+17 градусқа дейін болса, күндіз +23+28 градус болады деп болжануда. Ал аймағымыздың оңтүстігінде + 37 градусқа дейін жоғарылайды. Айдың екінші онкүндігінде түнде +5+10 градус, оңтүстік аймақта +13 градус, солтүстік-батыста + 20 градусқа дейін төмендеуі болжанып отыр. Дегенмен, екінші онкүндіктің ортасында ауа температурасы күндіз + 35+40 градусқа дейін, ал оңтүстік аймақта +43 градусқа дейін жоғарылайды деп күтілуде. Осындай ауа райы кезінде барынша сақтық шараларын ұстаған жөн. Өйткені жоғары ауа температурасы адам ағзасына әсер етеді. Ал айдың үшінші онкүндігінде ауа температурасы түнде +15+20 градус шамасында болса, күндіз +31+36 градус болады. Оңтүстік аймақта түнде +23 градустан +18 градусқа дейін, күндіз +39 градустан +31 градусқа дейін ауытқуы болжануда, - деді Айгерім Болатбекқызы.</blockquote>Сондай-ақ, жаңбыр, найзағай бірінші онкүндіктің соңында және үшінші онкүндіктің ортасында күтіледі. Ал шаңды дауыл бірінші онкүндіктің ортасында және екінші онкүндіктің соңында, үшінші онкүндіктің ортасында болжанады. Жел секундына 15-20 м/с бір ай бойы жиі күтіледі деп болжануда.Фото: Нұрболат Нұржаубай

Мамыр айында ауа температурасы жоғарылайды

<a href="https://kyzylorda-news.kz/">Kyzylorda-news.kz</a>&nbsp; 25-26 сәуір күндері Астана қаласында Enactus Kazakhstan National Expo 2024 мектеп оқушылары мен студенттік кәсіпкерлік ұлттық кубогының ұлттық чемпионаты өтті.&nbsp;Мектеп оқушылары кәсіпкерлігінің V республикалық чемпионатына арнайы Қорқыт ата атындағы Қызылорда университетінің білім гранты бөлінді. Байқаудың жартылай финалына 16 мектеп командасы қатысты. Атап айтсақ, IB Назарбаев Зияткерлік мектебі, 15 мектеп, Астана халықаралық мектебі, Қарағанды қаласындағы Назарбаев Зияткерлік мектебі, Астана қаласындағы Назарбаев Зияткерлік мектебі, Алматы Білім-Инновация мектебі, Астана Білім-Инновация мектебі, Астана қаласындағы №12 Назарбаев Зияткерлік мектебі, Iqanat №6, Павлодар қаласындағы №5 Назарбаев Зияткерлік мектебі, Павлодар қаласындағы №6 Назарбаев Зияткерлік мектебі, Астана халықаралық №1 мектебі, Шымкент қаласындағы №8 Назарбаев Зияткерлік мектебі, Қостанай қаласындағы Назарбаев Зияткерлік мектебі, Қарағанды қаласындағы №7 Назарбаев Зияткерлік мектебі, Семей қаласындағы №2 Назарбаев Зияткерлік мектебі, Астана Білім-Инновация мектебі, 210 мектеп-лицей, Ақтөбе қаласындағы №2 Назарбаев Зияткерлік мектебі, Тараз қаласындағы Назарбаев Зияткерлік мектебі.Мектеп оқушыларынан құралған командалар қазылар алқасынының алдында инновациялық жобаларын қорғады. Нәтижесінде 3 команда жүлделі орынға ие болды. Сонымен қатар тапқырылығымен көзге түскен командаға Қорқыт ата атындағы Қызылорда университетінің оқу гранты табысталды. &nbsp;&nbsp;&nbsp;&nbsp;&nbsp;Enactus – Қазақстандағы студенттер мен оқушылардың әлеуметтік кәсіпкерлік бағытында белсенді білім алуына мүмкіндік беретін ауқымды бағдарлама.&nbsp;Бұл жай ғана практикалық алаң емес, нағыз майталмандардың мекені. Студенттер мен мектеп қатысушыларының арасындағы бәсекелестік ауқымды нәтиже алып келеді. Жыл сайын белсенді түрде Enactus Kazakhstan штаб-пәтері 10-нан аса ауқымды іс-шара ұйымдастырады. Оларға тоқтала кетсек, бизнес командалардың академиялық мерзім арасында көрсеткен нәтижелерін қорытындылау үшін Ұлттық студенттер мен мектеп оқушыларының кәсіпкерлік чемпионаты өтеді. Республикалық деңгейдегі іс-шара еліміздің төрінде, Астана қаласында ұйымдастырылады. Қазақстан бойынша 2000-нан астам қатысушының жыл бойы жасаған жобалары таразыға салынып, еліміздің чемпионы анықталып, Enactus әлемдік кубогында Қазақстан Республикасын таныстыру құрметіне ие болады. Келесі маңызды іс-шаралардың бірі – күзгі бизнес-форум. Бұл бизнес-форумда қарапайым студенттер еліміздің бетке ұстар көшбасшыларымен, бизнесмендерімен бір алаңға жиналады. Форум – жаңа идеялар, жобалар, таныстықтар ғана емес, бұл іс-шара студенттерге, жаңа командаларға, олардың бизнес жобаларын одан әрі дамытуға серпін береді. Қыс пен жаз айларында бизнес-лагерь ұйымдастырылады. Онда студенттер үшін оқу бағдарламасы жасалып, кезекті Ұлттық чемпионатқа дайындық жүргізіледі. Сондай-ақ Enactus Kazakhstan директорлар кеңесі, академиялық кеңесі, түлектер қауымдастығының мүшелері келіп, студенттердің жобаларын тыңдап, өз ойларымен бөліседі. Enactus Kazakhstan штаб пәтері жыл сайын өңірлер бойынша тренингтер, яғни Road Show өткізеді. 2023 жылы 5 қалада Road Show өтті, онда 12 облыстан 52 оқу орны қатысты.Халықаралық Enactus ұйымы 2022-2023 оқу жылында &nbsp;Қызылордада «Road show Enactus Kazakhstan» республикалық форумын ұйымдастырды. Ауқымды жиынға Қорқыт ата атындағы Қызылорда университетінің білім алушылары, мектеп оқушылары, жас кәсіпкерлер қатысып, инновациялық жобаларымен таныстырды. Форум аясында Қорқыт ата атындағы Қызылорда университеті ректорының міндетін атқарушы Нұрлан Уразбаев пен Enactus Kazakhstan қорының президенті Альбина Ержанова ынтымақтастық жөніндегі меморандумға қол қойды. Алдағы уақытта меморандум шеңберінде жастардың кәсіпкерлік әлеуетін дамытатын жобалар жүзеге асады.Республикалық форумда Қорқыт ата атындағы Қызылорда университетінің ғылыми жұмыстар және халықаралық байланыстар жөніндегі проректоры Майнұр Бөрібаева оқу орнында бизнес бастағысы келетін жастарға мол мүмкіндік қарастырылғанын атап өтті.Мұнан бөлек жиында Enactus Kazakhstan қорының президенті Альбина Ержанова, жоба директоры Маржан Жанғали презентациямен таныстырып, алдағы жоспарлар, оқушылар мен студенттерге арналған жаңа мүмкіндіктерді айтты. Ал Қорқыт ата атындағы Қызылорда университетіндегі кәсіпкерлік орталығының жетекшісі Жанарыс Тубекбаев бизнес идеяны жүзеге асыру, инвестор тарту жолдарын түсіндірді.Айта кету керек, Enactus – кәсіпкерлік мүмкіндігін сынап көргісі келетін студенттер және іскер көшбасшылардың басын біріктіретін халықаралық коммерциялық емес ұйым. «Road show Enactus Kazakhstan» республикалық форумы Қазақстанның 5 қаласында өтеді. Форумның алғашқы легі 29 қыркүйек күні Әль-Фараби атындағы Қазақ ұлттық университетінде ұйымдастырылып, оған&nbsp; жоғары оқу орындарының студенттері қатысты.&nbsp;&nbsp;&nbsp;&nbsp;ENACTUS KAZAKHSTAN NATIONAL EXPO 2024 − Қазақстандағы ENACTUS халықаралық бағдарламасының қатысушыларының жоба бойынша нәтижелерінің жыл сайынғы көрмесі. Іс-шараға демеуші компаниялардың көрмесі, бос орындар жәрмеңкесі, іскерлік кездесулер, питчинг және қатысушыларға арналған арнайы байқаулар кіреді.Басты оқиға студенттік кәсіпкерліктің ұлттық кубогының финалы болып табылады, оның нәтижелері бойынша жеңімпаз команда ENACTUS WORLD CUP 2024 әлем чемпионатында Қазақстанның намысын қорғау құқығын алады.ENACTUS тарихында әлемдік кубоктар Лондон, Париж, Йоханнесбург, Пекин, Вашингтон сияқты қалаларда өтті, биыл Дүниежүзілік біріншілікті өткізу құқығын біздің еліміз жеңіп алды. Бірінші рет ТМД-да, атап айтқанда, Қазақстанның елордасы Астана қаласында үздік студенттік бизнес - жобалардың Әлемдік кубогы өтеді.Ауқымды сайыстың ұйымдастырушысы – ENACTUS Kazakhstan қоры. Ал ресми демеушілер – Olzha Agro, KMF&amp;KMF-Демеу, TURAN табиғи суы, Eurasian Resources Group, Raimbek Group, KT Cloud Lab, White&amp;Case, Caravan Resources, Kazakhstan Mining, TSSP, KazAgroFeed, ABS Строй, Leader Еngineering group, NES Kazakhstan. Ресми серіктестер – "Kazakh Tourism" Ұлттық компаниясы" АҚ, "Атамекен" ҰКП, ҚР жоғары білім және ғылым министрлігі.Бағдарлама бойынша World Cup League: ENACTUS Ұлттық кубогы, ENACTUS World Cup 2024 әлемдік кубогына жолдама үшін басты байқау алаңы, Early Stage League: ерте кезеңдегі жобалар байқау алаңы, ENACTUS #NextGenLeaders Мектеп кәсіпкерлігінің V Республикалық чемпионаты, Колледж студенттері арасындағы ENACTUS Kazakhstan кубогы өткізілді.&nbsp; ENACTUS KAZAKHSTAN Ұлттық кубогында жас көшбасшылар 17 ТДМ-ға қол жеткізуге бағытталған әлеуметтік-кәсіпкерлік, экологиялық және инновациялық жобаларды көрсетеді.&nbsp;Қорлан САРЫ

Республикалық байқауда Қорқыт ата атындағы Қызылорда университетінінің білім гранты табысталды

<a href="https://kyzylorda-news.kz/ru">Kyzylorda-news.kz</a> Қорқыт ата атындағы Қызылорда университетінде әдіскер-ғалым, педагогика ғылымдарының кандидаты, профессор Күлбарам Сәдуақасқызының туылғанына 80 жыл толуына орай «ХХІ ғасырдағы жаратылыстану-ғылыми білім беруді трансформациялау» атты халықаралық ғылыми-тәжірибелік конференция өтті.Халықаралық конференцияда Қорқыт ата атындағы Қызылорда университетінің Басқарма Төрағасы – Ректор Кәрімова Бейбіткүл Сәрсемханқызы сөз сөйледі. Әрі қарай Күлбарам Сәдуақасқызының ғылыми-әдістемелік және &nbsp;шығармашылық дара жолымен «Жаратылыстану» институтының директоры, химия ғылымдарының кандидаты Ахатаев Нұрлыбек Ақарыстанұлы таныстырды.Күлбарам Сәдуақасқызы 1960 жылы Н.В.Гоголь атындағы Қызылорда педагогикалық институтының &nbsp;Жаратылыстану факультетінде «Химия және биология» мамандығы бойынша білім алды. Алғашқы еңбек жолын 1965 жылы химия және биология &nbsp;пәні мұғалімі қызметінен бастады. Ғалым 1997 жылдан бастап Қорқыт Ата атындағы Қызылорда университетінің «Химияны оқыту әдістемесі», «Химия және экология», «Биология, география және химия» кафедраларында аға оқытушы, доцент, профессор қызметтерін атқарған. 2006 жылы Астана қаласындағы Еуразия педагогикалық институтының &nbsp;диссертациялық кеңесінде «Оқыту процесінде нәтижеге бағыттап оқыту жағдайында оқушыларды өзіндік бақылауға бейімдеу» педагогика ғылымдарының кандидаты ғылыми дәрежесін алу үшін кандидаттық диссертациясын қорғады.Күлбарам Сәдуақасқызына 2018 жылы Қорқыт ата атындағы Қызылорда мемлекеттік университетінің Құрметті профессоры атағы берілді.Халықаралық конференцияға Қазан Федералдық университетінің профессоры, педагогика ғылымдарының &nbsp;докторы Гильманшина Сурия Ирековна қатысып, «Современные средства обучения будущих учителей химии в условиях трансформации естественно - научного образования» тақырыбында баяндама оқыды.Халықаралық ғылыми-тәжірибелік конференция қонақтары: Қазақ ұлттық қыздар педагогикалық университеті «Химия» білім беру бағдарламаларының жетекшісі, х.ғ.к. Мырзахметова Нұрбала Оразымбекқызы, қауымдастырылған &nbsp;профессор, п.ғ.к., Қуанышева Жанар Қадыржанқызы қатысып, баяндамаларымен бөлісті.&nbsp; Конференцияға зиялы қауым Б.С.Досмамбетов, Д.Ақмағамбетова, К.С.Ермағамбетова, Р.М.Байназарова, мәжіліс депутаты М.Н.Ергешбаев, Ғ.М.Әмреев, қыздары Ләззәт Әлиқызы, Гүлшат Әлиқызы, Айгүл Әлиқызы және туған туыстары қатысты.Конференция соңында «Менің зерттеуім» атты ғылым апталығы қорытындысы бойынша &nbsp;жүлделі орындар иеленген білім алушыларды Күлбарам Сәдуақасқызының балалары демеушілігімен арнайы сыйақымен марапатталды.Айта кетейік, «Әлемді ғылым құтқарады» атты ғылым айы аясында Қорқыт ата атындағы Қызылорда университетінің Студенттер сарайында &nbsp;«Студенттік ғылым-2024» ХХVІ дәстүрлі студенттік ғылыми конференциясы өтті. Конференцияда алғы сөз алған университетің Басқарма мүшесі – Ғылыми жұмыс және халықаралық байланыс жөніндегі проректор Майнұр Бөрібаева &nbsp;ҚР Ғылым және жоғары білім министрлігі Ғылым комитетінің 2022-2024, 2023-2025 жылдарға арналған гранттық қаржыландыру, бағдарламалы-нысаналық қаржыландыру жобалары аясындағы ғылыми жобаның орындаушыларына алғыс білдіре отырып, қатысушыларға сәттілік тіледі. Конференцияның пленарлық мәжілісіне «Білім Ыбырай» қоғамдық қорының директоры Нұрбек Серікбаев, аталған қор өкілдері, университеттің профессор-оқытушылар құрамы, білім алушылары мен БАҚ өкілдері қатысты.&nbsp; Студенттер бүгінгі күні өзекті тақырыптарда баяндамалар жасады. Конференцияда үздік баяндама жасағаны үшін Х-22-1 оқу тобының студенті Арслан Сағындық, ТПП-21-1 оқу тобының студенті Жанар Ағаділ, Фин-21-1 оқу тобының студенті Давид Цой, ХТО 21-1 оқу тобының студенті Айым Бауыржанқызы I дәрежелі дипломмен марапатталды. Аталмыш байқаудың &nbsp;университетішілік I-кезеңінде жүлделі орын алған жастарға диплом және «Білім Ыбырай» қорының қаржылай сыйлығы табыс етілді. Мұнан бөлек, студенттік үйірмелердің ғылыми шығармашылық жетістіктерінің көрмесі ұйымдастырылды.Сонымен қатар Қорқыт ата атындағы Қызылорда университетінің «Су шаруашылығы және жерге орналастыру» білім беру бағдарламасының аға оқытушысы, PhD Ерлан Шынбергенов XIV Бүкілресейлік жоғары оқу орындарының жас ғалымдары конференциясында баяндама жасады. Жас ғалым баяндамасында «Қызылорда облысында су тапшылығы жағдайында мал азықтық дақылдары мен ағаш екпелерін суару үшін сарқынды суларды қауіпсіз утилизациялау технологиясын әзірлеу» бағдарламалық-нысаналы қаржыландыру жобасы аясында жүргізілген ғылыми-зерттеулердің аралық қорытын бүгінде осы күндері «500 ғалым» жобасы аясында М.В.Ломоносов атындағы Мәскеу мемлекеттік университеті География факультеті және В.В. Докучаев атындағы «Топырақ» институтында тағылымдамадан өтуде.&nbsp;Қорлан САРЫ

Қызылордада халықаралық конференция өтті

<a href="https://kyzylorda-news.kz/">Kyzylorda-news.kz</a>&nbsp; Халықаралық би күні – «барлық биді» біріктіруге қызмет етіп келе жатқан атаулы күн. Бұл өнер түрі әр түрлі ұлт өкілдерінің басын қосып, ынтымақтастық пен бейбітшілікке баулып, этникалық қарым-қатынасты одан әрі нығайта түседі.Бидің де өзі үні, өз тілі болады. Би де талғамды қажет етеді. Тілмен түсіндіре алмайтын жайтты бимен жеткізуге болады. Онда аса терең философиялық ой жатады. Осындай ғажап өнердің насихаттаушылары, кәсіби бишілер атаулы мереке қарсаңында Өңірлік коммуникациялар қызметінің ақпарат алаңында мерекенің маңызы &nbsp;және би құдіреті тұрғысында өзіндік ойларын ортаға салды.<blockquote>- Бүгінгі мереке құтты болсын! Бұл күні француздық балетмейстер, би өнерінің реформаторы әрі теоретигі Жан Жорж Новер өмірге келген. Сол себепті &nbsp;бекзат өнерді бағына балайтын бишілер қауымы бұл күнді ерекше атап өтеді. Мен “Томирис” би ансамблінің балетмейстері боламын. Ансамбль жұмысы баяндасам. Алдағы уақытта ұжыммен бірге аудандарда шығармашылық кешімізді ұйымдастыру жоспарымызда бар. Бүгінде бізге &nbsp;демеуші жоқтың қасы. Дегенмен де шығармашылықтың жолында өнер сүйер ағайынға барынша осы мәдениетті танытқымыз келеді,- деді Гүлбану Елубайқызы.&nbsp;</blockquote>Би өнері өкілдерінің айтуынша &nbsp;бұл өнерге жастардың қызығушылығы басым. &nbsp;Биге ынтасы бар студенттерге М.Мәметова атындағы педагогикалық колледжі тарапынан лайықты қолдау бар. Қаншама жылдан бері бекзат өнердің жас өкілдерін өнер айдынына шығаруда Нұргүл халықтық би ансамблінің көші ілгері. Брифингке оқушы тәрбиелеуде орасан ықпалы бар ұстаздар мен шынайы өнерге шын кіріскен шәкірттер келіп, өзара сабақтастықтың көрінісін көрсетті.&nbsp;<blockquote>-Біздің “Нұргүл” би ансамблі студенттерден құралған. Қара шаңырақтан түлеп ұшқан түлектер қазірде би өнерінің көрнекті өкілдеріне айналып үлгерді. Алдағы уақытта осы дәстүрімізден жаңылмай, өнердің жас өкілдерін биге баулуды жалғастыра бермекпіз,- деді Салтанат Жамаладдинқызы.&nbsp;</blockquote>&nbsp;“Нұргүл” би ансамблі “Қарлығаш” атты атаумен &nbsp;құрылған болатын. 1975 жылдан бастап “Нұргүл” атауына ие болды.&nbsp;<blockquote>- Менің биге деген қызығушылығым бірінші сыныптан басталды. Үміт Айтқұлова апайымның жетекшілігімен би әлеміне қадам бастым. Төртінші сыныпқа дейін бимен айналыстым. Одан соң отбасы жағдайына байланысты өнерден қол үзіп қалдым. Дегенмен де қызығушылықтың нәтижесінде биге қайта оралдым. Өнерді мен үлкен ағашқа теңеймін. Оған да күтім керек,оны да баптау керек,оны да шыңдау керек. Осы жолда маған бағыт-бағдар берген ұстаздарыма айтар алғысым шексіз,- Махаббат Айтбайқызы.</blockquote>Фото: Н.Нұржаубай&nbsp;

29 сәуір - Халықаралық би күні

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда жоғары медициналық жоғары колледжінде «Халықаралық мейіргерлер күнін өткізу туралы» ҚР Денсаулық сақтау министрлігінің 2024 жылғы 10 сәуірдегі №231 бұйрығын орындау мақсатында «Үздік маман – 2024 жыл», «Үздік БМСК ұйымдарының мейіргері», «Үздік аурухана мейіргері», «Үздік ауылдық мейіргер», «Үздік фельдшер», «Үздік акушер», «Үздік дантист» атты облыстық кәсіби конкурс ұйымдастырылды.2 кезеңнен құралған сайыстың І-шi кезеңiнде «Конкурсанттардың портфолиумдарын бағалау», ІІ-шi кезеңi «Практикалық дағдылардан өту» бойынша өткiзiлдi.Барлығы 37 мейіргер қатысқан сайыста қатысушылар үздік стационар мейіргері конкурсының мамандарының практикалық машықтануы, жүрек-өкпе реанимациясы (BLS), анафилактикалық шок кезінде шұғыл медициналық көмек, коммуникативті дағдылар, мейіргер ісінің үрдісі (Вазофиксті салу және оның күтімі), ойылымның алдын алу және күтімі стандартының алгоритміне мейіргерлік үрдіс ұйымдастыру бойынша бiлiктiлiктерiн көрсетті.Үздік БМСК мейіргері, үздік ауылдық мейіргер конкурсы мамандарының практикалық машықтануы нәтижесінде «Үздік стационар мейіргері» конкурсы бойынша 87,5 баллмен облыстық фтизиопульмонология орталығының мейіргері Гүлмира Жаркенова, «Үздік БМСК мейіргері» конкурсы бойынша 81,5 баллмен Жалағаш аудандық емханасының мейіргері Гүлназ Тұрғанбаева, «Үздік ауылдық мейіргер» конкурсы бойынша 76 баллмен Жалағаш аудандық ауруханасы, «Ақсу» дәрігерлік емханасының мейіргері Толқын Ертілеуова үздік атанды.Сондай-ақ, «Үздік фельдшер», «Үздік акушер», «Үздік дантист» конкурсы нәтижесінде «Үздік фельдшер» номинациясын 87 баллмен облыстық медициналық жедел жәрдем стансасының фельдшері Фазила&nbsp;Ғанибекова алса, «Үздік акушер» конкурсы бойынша 90 баллмен көпбейінді облыстық ауруханасының акушері Гүлзат Жұмабекова, «Үздік дантист» конкурсы бойынша 150 баллмен Шиелі аудандық көпбейінді орталық ауруханасының емхана бөлімінің дантисті Самат Шерімбетов үздік атанды.

Мейiргерлер арасында конкурс ұйымдастырылды

Фото: Видеодан скринӘйелі Салтанат Нүкенованы асқан қатігездікпен өлтірді деп айыпталған экс-министр Қуандық Бишімбаевтың әкесі Уалихан Бишімбаев пен анасы Альмира Нұрлыбекова ұлының тұрмыстық зорлық-зомбылықтың не екенін білмей өскенін айтады. Сотталушының ата-анасы ресейлік блогер Наталья Грэйске берген сұхбатында баласының қандай қамқор екенін және онымен мақтанатынын жеткізді.Қуандық Бишімбаевтың анасы ұлын жауыз көретін адамдардан бөлек өзін, отбасын қолдайтын жақсы жандардың барын айтты.<blockquote>“Бұл үлкен трагедия. Мен Салтанаттың ата-анасын өте жақсы түсінемін. Біздің отбасыда да қайғырып отыр. Баламыз қамауда отыр. Әлеуметтік желіде негативті материалдар өте көп. Десе де жақсы адамдар да жоқ емес. Жағалау жатқан өтіп бара жатқанда менің жаныма 40 жас шамасындағы әйел келді. Мен бастапқыда “тағы да жағымсыз дүниелер еститін болдым” деп ойлаған едім. Бірақ керісінше, “Апай, сіз Қуандық Бишімбаевтың анасы екенсіз. Мықты болыңыз. Біз сізді түсінеміз және қолдаймыз” деп демеу берді. Сол кезде жеңілдеп қалдым. Адамдардың бәрі бірдей зұлым, қатігез емес екен. Түсінігі мол азаматтар да бар екен. Бұл үлкен қайғы. Мұны ешкімнің басына бермесін. Бірақ мұндай жағдай кез келген адамның басынан өту мүмкін”, – деп ескертті Альмира Нұрлыбекова.</blockquote>Ол Қуандық Бишімбаевтың жақсы қасиеттерін жіпке тізгендей баяндады.<blockquote>“Мен ұлымды өте қатты жақсы көремін, біз онымен мақтанамыз, әрқашан оған сүйсіне қарайтынбыз. Бірақ осылай болып қалды. Әкесі екеуіміз бұл жағдайдың қалай, не үшін болғанын түсіне алмай далмыз. Ол қатігез адам емес еді. Бала кезде де, жастық шағында да, жұмыс істеп жүрген кезінде де жауапты, әділетті адам болды. Біз үшін ол өте жақсы бала. Ол әрқашан бізге қамқор болды. Осыдан үш жыл бұрын әкесі қатты ауырып қалды. Ол дәрігерлерді тауып, әкесін емдетіп, жазды. Әрқашан бізге алаңдап отарады. Ол Астанада болғанда да біздің жасымыз келгенін, оның қамқорлығына зәру екенімізді айтып, бәріміздің бір жерде тұруымызға жағдай жасады. Ол біздің өзінің жанында, көз алдында болғанын қалады”, – дейді экс-министрдің анасы.</blockquote>Осы тұста Қуандықтың әкесі де ұлының әрекетін түсіне алмай келетінін айтты. Айтуынша, Қуандық Бишімбаев отбасында тұрмыстық зорлық-зомбылық көрмеген.<blockquote>“Иә, ол кінәлі. Ол өз жасаған ісіне сәйкес жазасын алуға міндетті. Біз үшін бұл үлкен қасірет. Өйткені Салтанат біздің отбасының бір мүшесі. Ол біздің қызымыздай еді. Олар бір-бірін жақсы көрді, бақытты болуды қалады. Бірақ бұл қайғылы жағдай біздің ақылымызға сыймайды. Жұбайым екеуіміздің арамызда да түсініспеушілік болатын. Бірақ мен ешқашан жарыма да, басқаларға да қол көтерген емеспін. Біздің отбасымызға бұл жат дүние”, – дейді Уәлихан Бишімбаев.</blockquote>Отағасының бұл сөзін Альмира Нұрлыбекова растады. Қуандық бала кезінен махаббатқа қанып өскен көрінеді.<blockquote>“Мен мұны растаймын. Біз дәстүрлі отбасымыз. Мен ата-енеммен бірге тұрдым. Біз үлкен әулетпіз. Дастархан басында 12 адам отырып тамақтанатынбыз. Сондықтан біз ешқашан ұрысып, төбелесіп көрмеппіз. Рас айтамын, Қуандық ондай дүниелерді көрген емес, ол махаббатта өсіп, ер жетті. Мен ұзақ уақыт бойы бала көтере алмадым. Ол менің тұла бойы тұңғышым. Бәріміз Қуандықтың дүниеге келуін асыға күттік. Оның өмірге келуі біз үшін үлкен қуаныш болды. Сол себепті оған “Қуандық” деген есім бердік. Одан кейін, Құдайға шүкір, төрт жылдан кейін қызымыз дүниеге келді. Қуандық қамқорлық пен махаббатқа қанып өсті”, – дейді Альмира Нұрлыбекова.</blockquote>

 Бишімбаевтың ата-анасы Нүкенованың өліміне қатысты алғаш рет пікір білдірді

<a href="https://kyzylorda-news.kz/">Kyzylorda-news.kz</a> &nbsp;Қазақстан бойынша 2024 жылғы 30 сәуір-2 мамырға арналған ауа райы болжамы жарияланды, деп хабарлайды <a href="https://baq.kz/zhanbyrdyn-arty-qarga-ulasady-ush-kunge-arnalgan-bolzham-usynyldy-330334/">BAQ.KZ.</a>Синоптиктер мәліметінше, ауа температурасы төмендейді.Республиканың басым бөлігінде атмосфералық фронтальды бөлімдердің өтуімен жауын-шашынды ауа райы күтіледі. 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады. Түнгі уақыттарда жаңбырдың қарға ұласуы ықтимал. Бұдан бөлек найзағай ойнайды. Еліміздің оңтүстік-шығысында бұршақ жаууы мүмкін. Республика бойынша екпінді жел күшейеді, түнде солтүстік, шығыс өңірлерде тұман болады деп болжануда. Скандинавия аймақтарынан енген салқын антициклон жотасы әсерінен, солтүстік, шығыс және орталық аймақтарда ауа температурасы түнде 0-5 градус жылы, 1-6 градус үсікке дейін, күндіз 5-13 градус жылыға дейін күрт төмендеуі күтіледі. Сондай-ақ суық фронт біртіндеп еліміздің оңтүстік аймақтарына қарай жылжиды, онда ауа температурасы түнде 2-7 градус жылы, 2 градус үсікке дейін, күндіз 15-25 градус жылуға дейін төмендейді, - делінген хабарламада.Фото: pixaday.com

Қазақстан және Қызылорда облысының жаңалықтары