<a href="https://kyzylorda-news.kz/">Kyzylorda-news.kz.</a> Сыр өңіріне арнайы жұмыс сапарымен келген ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев «Анаға тағзым» орталығы жұмысымен танысты. Мұнан соң түрлі салада еңбек етіп жүрген іскер жастармен кездесіп,олардың ұсыныс пікірлерін тыңдады.«ІТ парк Грант мастер» бағдарламалар мектебінің директоры Алмат Қуанышбаев өңірде ІТ білім беру бағытында жасалып жатқан жұмыстарды атап өтіп, жастар арасында ІТ білім беруді кеңейту сонымен қатар, колледждер мен жоғары оқу орындарындағы ІТ білім беретін оқытушылардың жалақасын көтеру ал, Нұржан Оңалбек жас стартаптарды әдістемелік қолдау, сонымен қатар азаматтардың қаржылық сауаттылығын арттыру бағытында ұсыныс білдірді.Кездесу барысында ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев әрбір ұсынысқа ерекше мән беріп, осы бағыттарда атқарылып жатқан жұмыстарды жеткізді.<blockquote>«Құқықтық және қаржылық сауаттылықты арттыру ең өзекті мәселе. Азаматтар көп жағдайда құқықтық сауаттылықтың төмендігінен түрлі мәселелер туындап жатады. Осы мақсатта «AMANAT» партиясы «Құқықтық кеңес» және «Қарызсыз қоғам»атты партиялық жобаларды қолға алды. Фракция мүшелері мұны Мемлекет басшысына дейін жеткізді. Бүгінгі күні Президент қолдап, бүгінгі күні барлық өңірдерде жүзеге асуда. Алдағы уақытта өз нәтижесін беретіндігіне сенімдімін»,- деді Елнұр Бейсенбаев.</blockquote>Кездесу барсында «Жастар рухы» қалалық филиалының жетекшісі Нұрбол Серікбай төтенше жағдай кезінде еріктелердің жылдам көмегін ұйымдастыруға бағытталған «Қызу желі Қызылорда» жаңа жобасы жобасын танысытырды.Фракция жетекшісі жобаның мыңыздылығын ескере отырып, «Жастар рухының» жаңа жобасына сәттілік тіледі.«Рух» ұлттық спорт түрлері клубның иесі Ринат Есенбек ұлттық спорт соның ішінде «Садақ ату» өнерін дамыту бағытында ұсынысын айтып, фракция жетешісіне нысанаға дәл тигізуді үйретті.Кездесуге ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов, партияның облыстық филиалының төрағасы Наурызбай Байқадамов қатысты.<img src="https://knadmin.beoblood.kz/uploads/410122514_757549986410640_7595229002799665273_n_cf74d9ea43.jpg" alt="410122514_757549986410640_7595229002799665273_n.jpg">&nbsp;<figure class="image"><img src="https://knadmin.beoblood.kz/uploads/410087610_757550186410620_4055912090751019296_n_b02630f0b6.jpg" alt="410087610_757550186410620_4055912090751019296_n.jpg"></figure>&nbsp;<figure class="image"><img src="https://knadmin.beoblood.kz/uploads/408218313_757549816410657_4938849958732996338_n_214c145e93.jpg" alt="408218313_757549816410657_4938849958732996338_n.jpg"></figure>&nbsp;<figure class="image"><img src="https://knadmin.beoblood.kz/uploads/409923476_757549866410652_6009422374488489348_n_34382eabc2.jpg" alt="409923476_757549866410652_6009422374488489348_n.jpg"></figure>

«AMANAT» фракциясының жетекшісі әлеуметтік нысандарды көріп, іскер жастармен пікірлесті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сыр өңіріне өнер сапарымен келген Қазақстанның Халық әртісі Роза Рымбаеваның сахнадағы 50 жылдығына арналған шығармашылық кешін тамашалады.Кешке ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев, Парламент Мәжілісінің депутаты Мархабат Жайымбетов, Мәжілістегі «AMANAT» партиясы фракциясы аппаратының басшысы Мадина Қадырова, облыстық мәслихат төрағасы Наурызбай Байқадамов, ардагерлер мен зиялы қауым өкілдері келді.<figure class="image"><img src="https://knadmin.beoblood.kz/uploads/410093029_658269546494293_4695508923131097300_n_8bafff7bc9.jpg" alt="410093029_658269546494293_4695508923131097300_n.jpg"></figure>Сахнадағы жарты ғасырлық мерейлі белесіне орай сырбойылық көрерменімен қауышқан Роза Қуанышқызы ұлдары Әли және Мәдимен бірге репертуарындағы танымал әндерін айтып, көрерменнің ыстық ықыласына бөленді. Қызылордалықтар әншінің орындауындағы «Атамекен», «Отандастар», «Өткен күн», «Неге жалғыз?» шығармаларын тыңдап, әншіге ерекше қошемет көрсетті. Өйткені, Халық әртісінің шығармашылығы мен қазақ әнінің тұтас дәуірі бір-бірімен тығыз байланысты.Концертте Роза Рымбаева жерлесіміз, танымал музыкант Батырхан Шүкеновтің құрметіне оның әндерін орындады.<img src="https://knadmin.beoblood.kz/uploads/408218191_658269046494343_1082182971594698185_n_59ec50723e.jpg" alt="408218191_658269046494343_1082182971594698185_n.jpg">Отандық эстраданың ең танымал әншісі 22 жасында Қазақ КСР-ның еңбек сіңірген әртісі, 29 жасында Қазақ КСР-ның Халық әртісі атанған. Еліміздің атын, ұлтымыздың болмысын, музыкалық талғамын әлемге танытқан. Роза Қуанышқызының 1977 жылы Болгарияда өткен «Золотой орфей» фестивалінің бас жүлдесін жеңіп алуы сол кезеңдегі қазақ ән өнерінің ғана емес, Кеңес одағы мәдениетінің ең үлкен жетістігі еді. Әншінің талантын мойындаған бауырлас қырғыз бен өзбек ағайындар Роза Қуанышқызына өз республикаларының Еңбек сіңірген әртісі атағын берді. Ол тәуелсіз еліміздің «Құрмет», «Парасат» ордендеріне ие болып, Қазақстанның Еңбек Ері атанды.Концертте әншіге аймақ басшысының ықылас гүлі ұсынылды.<img src="https://knadmin.beoblood.kz/uploads/410121231_658269109827670_6890342702280799400_n_cdf6d6322d.jpg" alt="410121231_658269109827670_6890342702280799400_n.jpg">&nbsp;<figure class="image"><img src="https://knadmin.beoblood.kz/uploads/410102970_658269679827613_3717829295397914557_n_c0883ae7dd.jpg" alt="410102970_658269679827613_3717829295397914557_n.jpg"></figure>&nbsp;<figure class="image"><img src="https://knadmin.beoblood.kz/uploads/408230541_658269343160980_4558748062206835953_n_15ce6b13c1.jpg" alt="408230541_658269343160980_4558748062206835953_n.jpg"></figure>&nbsp;<figure class="image"><img src="https://knadmin.beoblood.kz/uploads/410118048_658268903161024_971486617002142910_n_48265dcf09.jpg" alt="410118048_658268903161024_971486617002142910_n.jpg"></figure>

Халық әртісі Роза Рымбаева қызылордалық көрермендермен қауышты

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сыр өңіріне арнайы келген ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев және Мәжіліс депутаты Мархабат Жайымбетовпен Сырдария ауданына жұмыс сапарымен барып, Нағи Ілиясов ауылындағы дәрігерлік амбулаторияның ашылу рәсіміне қатысты. Бұл – Президент тапсырмасымен қолға алынған "Ауылдық денсаулық сақтауды жаңғырту" ұлттық жобасы аясында Сыр өңірінде салынған 27 медициналық нысанның алғашқысы.Аймақ басшысы тұрғындарды Тәуелсіздік күнімен құттықтады.<blockquote>«Мемлекет басшысы Қасым-Жомарт Кемелұлы денсаулық сақтау саласына айрықша көңіл бөліп келеді. Медициналық қызметтің қолжетімділігін қамтамасыз ету, денсаулық сақтау инфрақұрылымын одан әрі жаңғырту үшін облыста кешенді шаралар қабылдануда. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасымен аймақтың елді мекендерінде 27 нысан салынуда. Бүгінде 15 дәрігерлік амбулатория құрылысы аяқталып, ел игілігіне берілуде. Саладағы бастамалар алдағы уақытта да өңір халқының игілігіне айнала берсін», - деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/411210105_658250736496174_2831941166159898147_n_fc6f948b81.jpg" alt="411210105_658250736496174_2831941166159898147_n.jpg"></figure>ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев ауыл тұрғындарын жаңа нысанның ашылуымен құттықтады. Медицина саласының ардагері Тұрғанбай Маханов ақ батасын берді. Сондай-ақ, іс-шарада дәрігерлік амбулатория құрылысын сапалы жүргізуге атсалысқан мердігер мекеме өкілдері және ауылдың дамуына үлес қосқан азаматтар марапатталды.Айта кетейік, амбулатория құрылысы осы жылдың мамыр айында басталған. Ғимараттың жалпы ауданы - 860 шаршы метр.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.<img src="https://knadmin.beoblood.kz/uploads/411188166_658192666501981_7774867173582143690_n_08c7aa233a.jpg" alt="411188166_658192666501981_7774867173582143690_n.jpg">Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/411205869_658250643162850_8647399996849446336_n_fec3a762e7.jpg" alt="411205869_658250643162850_8647399996849446336_n.jpg">

Тәуелсіздік күні қарсаңында Сыр өңірінде жаңа амбулатория ашылды

Фото: Tengrinews.kz<a href="https://kyzylorda-news.kz/">Kyzylorda-news.kz.</a> Қызылорда облысында 15 желтоқсанда дауылды ескерту жарияланды.&nbsp;Қызылорда облысының шығысында, орталығында солтүстік-шығыстан, шығыстан 15-20 м/с, кей тұста 23-28 м/с, түнде және таңертең 30 м/с және одан да жоғары жылдамдықпен жел соғады деп күтіледі. Қызылордада шығыстан соққан желдің екпіні 15-20 м/с, кей тұста 23 м/с дейін жетеді.

Қызылордада дауылды ескерту жарияланды

Фото: gov.kz<a href="https://kyzylorda-news.kz/">Kyzylorda-news.kz.</a> Қызылордада жыл басынан бері жол қозғалысы ережесін бұзған 2809 жаяу жүргінші жауапқа тартылды.Қоғамдық тәртіпті қамтамасыз ету, жол-көлік оқиғаларын болдырмау мақсатында Қызылорда қалалық полиция басқармасының патрульдік полиция қызметкерлері күнделікті күшейтілген тәртіпте қызмет атқаруда.&nbsp;Қала аумағында азаматтардың арнайы жаяу жүргіншілер жолағынан емес, жолдың кез келген бөлігінен кесіп өтіп, апат тудыруға себепкер болуы мүмкін жайттар аз емес.&nbsp;Жедел басқару орталығының бейнекамералары арқылы және патрульдік полиция қызметкерлері жыл басынан бері жаяу жүргіншілердің жол қозғалысы ережелерін бұзған 2809 азаматты анықтап, тиісінше заңға сәйкес әкімшілік хаттама толтырды.&nbsp;Аталған жаяу жүргіншілер Қазақстан Республикасы ӘҚБтК-нің 615-бабымен жауапкершілікке тартылды. Айта кетейік, заңнамаға сәйкес бұл құқықбұзушылық үшін 2 АЕК мөлшерінде айыппұл салынады.&nbsp;Осы ретте, тәртіп сақшылары жаяу жүргіншілер мен көлік тізгіндеген жүргізушілерге жол үстінде өз өмірін қатерге тікпеуге және тиісті ережелер мен сақтық шараларын қатаң ұстануға кеңес береді.&nbsp;Ақпарат көзі Polisia.kz

 Қызылордада жол қозғалысы ережесін бұзған 2809 жаяу жүргінші жауапқа тартылды  

Фото:lada.kz<a href="https://kyzylorda-news.kz/">Kyzylorda-news.kz.</a> Алдағы үш тәулікте Қазақстанның көптеген облысында жауын-шашынсыз, ашық ауа райы сақталады. Аяз біртіндеп сына бастайды. Бірақ арктикалық антициклон Қазақстанның шығысына ығысады, сондықтан өңірде аяз болады. 15-16 желтоқсанда еліміздің батысында, оңтүстігінде және оңтүстік-шығысында атмосфералық фронтал бөлімдер өтіп, қар жауады. Республиканың батысында, оңтүстігінде және оңтүстік-шығысында жел күшейіп, бұрқасын болып, таулы аудандарда тұман түсіп, республиканың батысында шаңды дауыл күтіледі.<blockquote>"Түнде ауа температурасы батыста 5-15 градус аязға дейін, солтүстік-батыста және орталықта 10-25 градус аязға дейін, солтүстікте 17-28 градус аязға дейін, оңтүстікте 5-18 градус аязға дейін, оңтүстік-шығыста 10-25 градус аязға дейін біртіндеп жоғарылайды, Қазақстанның шығысында 30-40 градус аяз сақталады", - делінген хабарламада.</blockquote>&nbsp;

Синоптиктер алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a>&nbsp; &nbsp;ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен «Бизнеске жол» жобасы аясында атқарылған жұмыстардың нәтижелері бойынша есепті кездесу өтті.Оған облыс әкімінің орынбасары Мейрамбек Шермағанбет, ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының орынбасары Асылхан Ашеков, облыстық кәсіпкерлік және өнеркәсіп басқармасының басшысы Дінмұхаммед Әбсаттаров қатысты.&nbsp;Кездесу аясында Қызылорда облысы Кәсіпкерлер палатасы директорының орынбасары Даурен Сейтжанов кәсіпкерлік палатасының жұмысымен таныстырды.&nbsp;<blockquote>«Жыл басынан бері палатаға бизнесті қорғау туралы 263 арыз түскен. Оның 186-сы оң шешімін тапты. Шектелген құқықтарын қалпына келтіру арқылы бизнестің 143 млн. теңгесі сақталып қалды. Биылғы жылы кәсіпкерлердің өтініштерінің салалық құрылымы бойынша алғашқы үштікте мемлекеттік сатып алулар (20%), ауыл шаруашылығы (12%) және салық (9%) мәселелері орын алған», - деді ол.</blockquote>Даурен Сейтжановтың айтуынша Қызылорда облысы бойынша Сыбайлас жемқорлыққа қарсы қызметімен жүзеге асқан «Бизнеске жол» жобасы аясында кәсіпкерлердің проблемалық мәселелерін айқындау және шешу жолдарын қарастыру мақсатында құрылған өңірлік жұмысшы тобымен межелі жұмыстар атқарылып, оң нәтижелерге қол жеткенін атап өтті.&nbsp;

«Бизнеске жол»: Қызылордада 186 кәсіпкердің құқығы қорғалды 

<a href="https://kyzylorda-news.kz/">Kyzylorda-news.kz.</a>&nbsp; Өткен жексенбіде Қазалы қаласы әкімінің сайлауы заң талаптарына сай ұйымдастырылып, тұрғындар өздері қалаған кандидаттарына дауыс берді.Нәтижесінде сайлаушылардың 3151 дауысын жинап, “Amanat” партиясынан ұсынылған кандидат Орынбасаров Қайрақбай Жақсыбайұлы Қазалы қаласының әкімі болып сайланды.Соған сәйкес аудан әкімі Мұхтар Оразбаев Қазалы қаласына арнайы барып, бұған дейін аудан орталығы - Әйтеке би кентінің әкімі болып қызмет жасаған азаматқа ел игілігі үшін жүйелі жұмыс жасай береді деген сенімін білдіріп, қызметіне сәттілік тіледі.Жаңадан сайланған Қайрақбай Жақсыбайұлы да өзіне артылған сенімге селкеу түсірмейтінін айтып, барлығына алғысын жеткізді.Айта кетейік, Қайрақбай Орынбасаровқа аудандық сайлау комиссиясының төрағасы Нұрлан Аманбай куәлігін табыс етіп, алдағы жұмысына сәттілік тіледі.Сондай-ақ &nbsp;Әбсұлтанов Мұрат Байғабылұлы сайлаушылардың 18527 дауысын жинап, Әйтеке би кентінің әкімі болып сайланды.Әйтеке би кенті әкімшілік ғимаратында өткен жиында аудан басшысы Мұрат Байғабылұлының ауданның жүрегі саналатын кенттің әрі қарайғы жұмысына асқан жауапкершілікпен қарау қажеттігін ескертіп, алдағы жұмысына сәттілік тіледі.Жиында аудандық сайлау комиссиясының төрағасы Нұрлан Аманбай жаңадан сайланған әкімге куәлігін табыстады.&nbsp;Мұрат Әбсұлтанов бұған дейін Қазалы ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы қызметін абыроймен атқарып келді.Сайлауда ауылдық округ тұрғындарының дауыс беру қорытындылары бойынша «AMANAT» партиясынан ұсынылған кандидат Әбілхан Алмат Аманқосұлы халықтың 706 дауысын жинап, Майлыбас ауылдық округінің әкімі болып сайланды.Соған сәйкес аудан әкімі Мұхтар Оразбаев пен аудандық мәслихат төрағасы Ғазиз Әліш ауылдық округтің әкімін елді мекен тұрғындарына таныстырып, алдағы жұмыстарына сәттілік тіледі.Жиында ауыл халқы өздері сайлап алған басшының ел үшін жұмыс жасайтынына сенім білдіріп, ауқымды талап қоятындарын жеткізді.Алмат Аманқосұлы өзіне жүктелген міндетке асқан жауапкершілікпен қарап, барлығын ел-халықпен бірге ақылдасып шешетінін айтты.Мұнан соң аудандық сайлау комиссиясының төрағасы Нұрлан Аманбай жаңадан сайланған әкімнің куәлігін табыс етті.<figure class="image"><img src="https://knadmin.beoblood.kz/uploads/410398023_3802868396600746_7328161709211490688_n_aa00f993c1.jpg" alt="410398023_3802868396600746_7328161709211490688_n.jpg"></figure>&nbsp;<figure class="image"><img src="https://knadmin.beoblood.kz/uploads/409665099_3803105076577078_1921990664114696645_n_daaee3dd5c.jpg" alt="409665099_3803105076577078_1921990664114696645_n.jpg"></figure>

Қазалы: Жаңадан сайланған әкімдер таныстырылды

Фото: kapital.kz<a href="https://kyzylorda-news.kz/">Kyzylorda-news.kz.</a>&nbsp; Мобильді аударымдар қашан және қалай тексеріледі? Кімдер салық төлейді, кімдерге төлемеуге болады? Мемлекеттік кірістер комитеті басқарма басшысының орынбасары Айнұр Сартаева түсіндіріп берді, - деп хабарлайды Massaget.kz.Былтыр 15 сәуірде Қаржы министрлігінің "мобильді аударымдарды бақылаудың мерзімі мен тәртібін бекіту туралы" бұйрығы күшіне енді. Мобильді аударымдар тескерілетінін білген кейбіреулер әлі дүрлігіп, мән-жайды толық түсінбей жүр.<blockquote>«Заң салықты төлегісі келмей, одан жалтарып жүрген, яғни табысын жасырған азаматтарға арнап енгізіліп отыр. Елімізде кез келген азаматтың бір жылдық табысы он екі еселенген ең төменгі жалақы мөлшерінен асып кетсе, кәсіпкер ретінде тіркелуге міндетті. Алайда олай еткісі келмейтіндердің қарасы әлі де көп. Жалпы жоғары да айтқан өзгерістер бойынша қазақстандықтарды тексеру тек 2025 жылдың қорытындысымен 2026 жылы толық іске асады. Биыл бақылау былтырғы қорытындымен мемлекеттік қызметкерлер, олардың жұбайлары, мемлекеттік қызметке теңестірілген адамдар мен жұбайларына жүргізіліп жатыр. Қазір бүкіліне сары уайымдайға салынудың керегі жоқ», - дейді Айнұр Сартаева.</blockquote>Оның айтуынша, егер мобильді аударымдар кәсіпкерлік мақсатта емес, жеке мақсатта жүргізілсе, мысалы туыстарына, әріптестеріне, досына және той-томалаққа жіберсе, азамат соны дәлелдеп бере алады. Ал кәсіпкерлік бағытта қаржы алса, ол заңдастырылуға тиіс.Сартаева такси жүргізуішілерінің бөлек санат ретінде қарастырылмағанын айтады.<blockquote>«Такси қызметкерлері жеке кәсіпкер ретінде тіркелген болса, олар туралы ақпарат 2024 жылдың қортындысымен 2025 жылы бойынша Мемлекеттік кірістер комитетіне жолданады. Бұл нақты мобильді аударымдар бойынша. Егер таксиде жұмыс істеп жүріп, кәсіпкер ретінде тіркелмеген болса және алдындағы тексерілген санаттарға жатпайтын болса, ол бойынша ақпарат 2025 жылдың қортындысымен 2026 жылы кірістер комитетіне беріледі. Бұл ретте дәл қазір такси қызметкерлері үшін қолайлы уақыт екенін атап өткім келеді», - дейді Сартаева.</blockquote>Ол арнайы такси жүргізушілеріне арналған пилоттық жоба барын мәлімдеді.<blockquote>«Мәселен, қазір көп таралған Яндекс такси платформасымен бірге бірлескен жоба іске асып жатыр. Онда тіркелген азаматтар пилоттық жобаға қатысатынын растаса, ол азаматтардың салық органы алдындағы міндеттемелерінің бәрін платформа өз қолына алады. Атап айтсақ, табысынан салықты ұстау, әлеуметтік төлемдерді аудару, салық есептілігін тапсыру және кәсіпкер ретінде тіркеуді интернет платформа өзі орындайды», - дейді Мемлекеттік кірістер комитеті басқарма басшысының орынбасары. &nbsp;</blockquote>Мемлекеттік кірістер комитетіне банктерден банк шоттарына кәсіпкерлік қызметке байланысты ақша түсетін азаматтар туралы мәліметтер түсе бастаған.Айта кетейік, кәсіпкер екенін айқындау өлшемшарты - жеке тұлғаның банк шотына үш ай қатарынан ай сайын әр түрлі тұлғалардан 100-ден аса аударым түсуі.Ақпарат банктерден кезең-кезеңімен беріледі:2023 жылғы 1 қаңтардан бастап мемлекеттік қызметшілер, оларға теңестірілген адамдар және олардың жұбайлары бойынша (2022 жылдың қорытындысы бойынша); 2024 жылғы 1 қаңтардан бастап мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары бойынша (2023 жылдың қорытындысы бойынша); 2025 жылғы 1 қаңтардан бастап дара кәсіпкерлер, заңды тұлғалардың басшылары және олардың жұбайлары бойынша (2024 жылдың қорытындысы бойынша); 2026 жылғы 1 қаңтардан бастап халықтың қалған бөлігі бойынша (2025 жылдың қорытындысы бойынша). Бүгінгі таңда ақпарат тек мемлекеттік қызметшілер, оларға теңестірілген адамдар және олардың жұбайлары бойынша алынды. "Бақылау шаралары адал салық төлеушілерге әсер етпейді және жасырын кірістер мен тіркелмеген кәсіпкерлерді анықтауға бағытталған. Бұл ретте жеке тұлғалар өздерінің жеке мақсаттары үшін мобильді аударымдар жасай және қабылдай алады (туыстарына, достарына аударымдар, ата-аналар мен балаларға көмек, сондай-ақ, басқа да жағдайлар бойынша)", - делінген хабарламада.&nbsp;

Такси жүргізушілерінің мобильді аударымдары тексеріле ме?

Фото: banki.ru<a href="https://kyzylorda-news.kz/">Kyzylorda-news.kz.</a>&nbsp; Жас ғалымдарға арналған жеңілдетілген ипотекалық бағдарлама іске қосылғалы бері Отбасы банк тоғыз өтінішті мақұлдады, деп хабарлады банктің басқарма басшысы Ләззат Ибрагимова Орталық коммуникациялар қызметінде өткен брифингте.Басқарма басшысы бағдарлама 1 желтоқсанда басталғанын еске салды. Ол жас кадрлар тапшылығы бар академиялық ғылыммен айналысатын жастарға бағытталған.Отбасы банк не ұсынады?Ләззат Ибрагимова бұл бағдарлама 40 жасқа дейінгі ғалымдарға алғашқы пәтерін алуға мүмкіндік беретінін айтты. Кредиттің ең жоғарғы сомасы – 20 миллион теңге, кредит мерзімі – 19 жыл.Алғашқы сегіз жылда қарыз алушы ай сайын 155 мың теңге, ал қалған жылдар үшін 84 мың теңге төлейді.<blockquote>"Осылайша біз жас ғалымдарды тартып, оларды академиялық ғылым саласында қалдыруға тырысып жатырмыз", - деді Ләззат Ибрагимова.</blockquote>Әзірге бағдарлама 5 жылға жоспарланған және ол Отбасы банктің таза табысынан қаржыландырылады.Кім өтініш бере алады?Бағдарламаның Ғылым және жоғары білім министрлігінің 53 ұйымының жас ғалымдары әлеуетті қарыз алушылар бола алады, деп хабарлады банктегілер.Министрлік пен банк жеңілдетілген несиені мына азаматтар алуға болады деп келісті:40 жасқа дейінгі магистр дәрежесі бар қазақстандықтар;кандидаттар ғылыми, ғылыми-техникалық зерттеулерге немесе соңғы 3 жылда коммерциялануға жататын басқа жобаларға қатысуға міндетті.Оларға қандай да бір баспана кезегіне тұрудың қажеті жоқ, деп хабарлады банк.<blockquote>"Жоғары оқу орындары мен институттардың басшылары тізім бойынша ғылыммен айналысатын жастарға жолдама береді. Олар бұл құжатты "Отбасы банкке" әкелу керек", - деді банктің орталық филиалының директоры Жансұлтан Матай.</blockquote>Жас ғалым өз институтының басшылығынан алған құжатпен банкке келеді. Төлем қабілеттілігі расталғаннан кейін 3 айдан соң қарыз алушы жаңа салынған немесе бұған дейін адамдар тұрған баспаналар ішінен өзіне қолайлы тұрғын үйді таңдайды.<blockquote>"Ең басты шарт – жас ғалымның немесе отбасы мүшелерінің атында жылжымайтын мүлік болмауы керек. Яғни бұл қолдау баспана алу үшін қарастырылған", - деді Жансұлтан Матай.</blockquote>Ол Отбасы банктің жас ғалымдарды баспанамен қамтамасыз етуге бағытталған пилоттық жобасы аздап толықтырылғанын айтты.Дереккөз: <a href="https://sputnik.kz/">sputnik.kz</a>

Жас ғалымдарға арналған ипотекаға кім өтініш бере алады?

<a href="https://kyzylorda-news.kz/">Kyzylorda-news.kz.</a>&nbsp; Қызылордада коммуналдық қызмет көрсетушілермен келісім-шартты автоматты түрде іске асыратын онлайн сервис жұмыс істеуде. Бұл жобаны «Азаматтарға арналған үкімет» мемлекеттік корпорациясы облыс әкімдігімен бірлесіп жүзеге асыруда.Енді тұрғындардың келісім-шарт толтыруға уақыты кетпейді. Барлық процестерді онлайн түрде іске асыра алады. Осылайша тұрғын үй сатып алғаннан кейін азаматтарға iOrda.kz сайты арқылы автоматты түрде тұрғын үй-коммуналдық шаруашылық саласымен шарт жасасу мүмкіндігі туралы сілтемесі бар SMS хабарлама келеді. Үй иесі келісім берген жағдайда мүлік туралы деректер алынады. Әрі қарай клиент электронды үкімет порталындағы жеке кабинеті арқылы қызмет нәтижесін көре алады.&nbsp;Атап өту қажет, бұл жоба «Бірыңғай мемлекеттік жылжымайтын мүліктің кадастры» ақпараттық жүйесі коммуналдық қызметтермен және мобильді азаматтардың деректер базасымен өзара интеграцияланған.Еске салайық, бұған дейін онлайн қызмет Астана және Алматы қалаларында жүзеге асқан.&nbsp;

Коммуналдық қызмет көрсетушілермен келісім-шарттар енді автоматты түрде жүргізіледі 

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы бойынша көмір отынымен қамтамасыз ететін мекемелер тізімі.<figure class="image"><img src="https://knadmin.beoblood.kz/uploads/411186377_3498413570425376_3704003925268180966_n_313d23a7dd.jpg" alt="411186377_3498413570425376_3704003925268180966_n.jpg"></figure>

Қазақстан және Қызылорда облысының жаңалықтары