<a href="https://kyzylorda-news.kz/">Kyzylorda-news.kz</a> &nbsp;Қоғамда мүмкіндігі шектеулі болса да, екі қолға бір күрек тауып, еңбек етіп жүрген жандар жетерлік. Десе де, барлық салада мұндай азаматтар еркін қызмет атқара алмасы анық. Қайтпек керек? Осы ретте ерекше жастарға жаңа мүмкіндіктер сыйлап, жаңаша бағытта оқыту жүргізсе құба-құп. Ол үшін қоғамның сұранысына сай жеке кәсібін ашуға, жаңа мамандықтарды игертуге күш салынуда.Бүгін «Қызылорда өңірінде еңбекке қабілетті мүмкіндігі шектеулі жастарды креативті өнерге тарту» жобасы аясында «Ақ босаға» қоғамдық қорының ұйымдастыруымен «Өз қолыңмен жасауды үйретемін» атты ашық есік күні өтті. Жоба таныстырылымына қалалық жұмыспен қамту және әлеуметтік бағдарламалар бөлімінің басшысы К.Құрақбаева, «М.Шоқай атындағы №187 ақпараттық технологиялар мектеп-лицейі» КММ директоры Ұ.Баймбетов, «Қызылорда Hub» өңірдің стартап жобалар мен инновациялық технологияларды дамытушы орталығының басшысы, депутаттар, мектеп директорлары, үкіметтік емес ұйым өкілдері, курс жетекшілері мен жоба қатысушылары, көп балалы аналар мен мүикіндігі шектеулі бала тәрбиелеп отырған аналар қатысты.Жиында сөз алған «Ақ босаға» қоғамдық қорының атқарушы директоры Зейнар Дастанқызы жобаның жалпы мақсатымен, күтілетін нәтижесін нақтылап өтті. Қатысушылар «Қызылорда Hub» өңірдің стартап жобалар мен инновациялық технологияларды дамытушы орталығының басшысына сұрақтарын қойып, ақпараттық бизнес көздері жөнінде толық мәлімет алды.Жиын соңында қоғамдық бірлестік төрт бірдей мекемемен меморандумға қол қойып, жоба аясында жүйелі жұмыс жүргізуге бекіді.

«Өз қолыңмен жасауды үйретемін» атты ашық есік күні өтті

<a href="https://kyzylorda-news.kz/">Kyzylorda-news.kz</a> &nbsp;Бүгін көпбейінді облыстық ауруханасының мәжіліс залында аймақтың бас дәрігері Олжас Искаковтың төрағалығымен облыстық денсаулық сақтау басқармасының I тоқсанды қорындылау бойынша Алқа отырысы өтті.Алқа отырысына ҚР Денсаулық сақтау министрлігінің құрылымдық филиалдарының басшылары және облыстық денсаулық сақтау басқармасының қызметкерлері мен медицина ұйымдарының басшылары қатысты.Өңіріміздің денсаулық сақтау саласында 2024 жылдың I тоқсанында атқарылған жұмыстарды қорытындылап, жыл соңына дейін межеленген міндеттерді талқылауға арналған жиынның күн тәртібінде «Қызылорда облысы бойынша туберкулезге қарсы атқарылған іс-шаралардың 2024 жылдың I тоқсан есебінің мониторинг қорытындысы, Жаңақорған аудандық көпбейінді орталық ауруханасымен ана мен балаға медициналық көмек көрсету жағдайын және қол жеткізілген индикаторлық көрсеткіштерін талдау, облыс көлемінде стационарлық көмек көрсететін медицина ұйымдарының рейтингтік бағалау көрсеткіштерін талдау мәселелері қаралды.Аталған тақырыптар төңірегінде ҚР ҰФҒО директоры Малик Аденов, Жахандық жобаларды іске асыру тобының менеджері, медицина ғылымдарының докторы, профессоры Шахимурат Исмаилов, ҚР ҰФҒО МжБ тобының жетекшісі Гүлбану Алғазиева, Қылмыстық атқару жүйесі бойынша Ұлттық үйлестіруші, Қазақстан Фтизиопульмонологтары Ассоциациясының президенті, профессор Кұлахмет Ерiмбетов және басқарма басшысының емдеу-алдын алу жұмыстары жөніндегі орынбасары Жаныл Абубакирова, басқарманың ана мен бала денсаулығын қорғау бөлімінің басшысы Айгүл Асылбекқызы, Жаңақорған аудандық көпбейінді орталық ауруханасының бас дәрігері Тәңірберген Амитов, медициналық көмекті ұйымдастыру бөлімінің басшысы Раушан Бактиберлина баяндады.Тақырыпқа сәйкес медицина ұйымдарының жұмысымен танысқан өңір бас дәрігері халыққа әрдайым сапалы әрі медициналық қызмет көрсету басты мақсат екендігін айта келе, көңіл аударатын тұстарға тиісті тапсырмаларын беріп өтті.Жиын соңында Олжас Ермекұлы ұзақ жылдар бойы денсаулық сақтау саласында қызмет еткен бастапқы медициналық-санитариялық көмекті ұйымдастыру ісінің қас шебері, мемлекеттік-жекеменшік әріптестік жүйесінің майталманы Жанат Рахманқызына "Құрмет" грамотасын табыстап, зейнеттiк демалысқа шығарып салды.Айта кетейік, 2023 жылы саламызда инфрақұрылымды нығайту мақсатында ауқымды жұмыстар атқарылды. Жалпы құны 3,4 млрд теңгені құрайтын 9 нысанда күрделі жөндеу жұмыстары жүргізілді (2023 жылға бөлінгені 1,8 млрд теңге). Оның ішінде көп жылдан бері күрделі жөндеу жұмыстары жүргізілмеген, облыстық фтизиопульмонология орталығының (Жоба құны 1,2 млрд. теңге. 2023 жылға 500,0 млн.теңге бөлінді) және облыстық психикалық денсаулық орталығының ғимараттары күрделі жөндеуден өтті (Жоба құны 1,3 млрд. теңге, нысан 2024 жылға өтпелі болып табылады).Денсаулық сақтау ұйымдарына 512,5 млн. теңгеге 25 дана санитарлық көлік, 78,0 млн. теңгеге 208 дана компьютер жиынтығы сатып алынды.Денсаулық сақтау ұйымдарын материалдық-техникалық жабдықтармен қамтамасыз етуге 5,4 млрд. теңге қаржы бөлінді. Ұлттық жоба аясында өңірімізде құны 11,0 млрд. теңгені құрайтын 27 нысан тізімге енгізіліп, 2023 жылы 16 дәрігерлік амбулаторияның құрылысы аяқталып, ел игілігіне берілді. Ал, 11 нысанның құрылысы ағымдағы жылы жүргізіледі. Осы бөлінген қаржының барлығы өңіріміздің денсаулық сақтау саласының инфрақұрылымын дамыту бағытында ел игілігіне жұмсалды.–&nbsp;Осы орайда атап өткен жөн, облыстың медицина саласын жетілдіруге бюджеттен тыс ресурстар да тартылуда. «Қазақстан халқына» қоғамдық қорымен әріптестік байланыс орнатылып, екі жылда аймақтың денсаулық сақтау саласына 2 млрд. теңге көлемінде қаржы тартылды. Бұл қаржыға облыстық балалар ауруханасы базасында «Қамқорлық» оңалту орталығы ашылып, денсаулық сақтау саласына қажетті аса қымбат дәрі-дәрмектер алынды.Сонымен қатар, біз мамандарымызды алыс және жақын шетелдерде оқытуға, озық тәжірибе негізіндегі инновациялық емдеу тәсілдерін енгізуге бет бұрдық. Жетекші клиникалар мамандарының қатысуымен шеберлік класстарын ұйымдастыру арқылы мамандарымыздың шеберліктерін шыңдау да біздің жоспарымызда. 2024 жылға жергілікті бюджеттен мамандардың біліктілігін шетелдік жетекші клиникаларда арттыруға қаражат бөлініп, бүгінгi күнi бұл жұмыс басталып кетті. Қазіргі таңда 10 анестезиолог-реаниматолог, 5 кардиолог Түркияның Стамбул қаласындағы «Мемориал чичли» клиникасында біліктіліктерін арттырып келді, – деді Олжас Искаков.&nbsp;

Денсаулық сақтау саласы І тоқсанды айтулы жұмыстармен аяқтады 

<a href="https://kyzylorda-news.kz/">Kyzylorda-news.kz</a> &nbsp;Қазақстан әлем халқы үшін тек демократия жолындағы мемлекет ретінде емес, құқықтық құндылықты қастерлейтін ел ретінде танылғаны белгілі. Мұндай жетістікке жетуде сот құқықтық реформалардың көмегі көп. Әсіресе, ел дамуында, мемлекеттің оң имиджін қалыптастыруда сот билігінің орны мен мәртебесі айырықша рөл ойнады.Сот – мемлекет тірек еткен үш биліктің бірі. Заң шығарушы және атқарушы биліктен айырмашылығы сот билігі тек заңға сүйеніп жұмысын жүргізеді. «Судья – сөйлейтін заң, Заң – сөйлемейтін судья» деген тәмсілдің төркіні осында. Елдегі азаматтар құқығы мен бостандығының сақталуына, әділдік пен теңдіктің салтанат құруына кепіл болған сот билігіне жүктелер міндет, артылар жауаптылық жоғары. Сондықтан заңдардың сапасын жақсартумен бірге, осы заңдарды дұрыс тәпсірлеп, түзу қолдана алатын мықты судьялар корпусын қалыптастыру қай кезде де өзекті. Судьялыққа үміткер жандарға қойылатын талаптың жылдан-жылға күшейтілуінің мәні мен маңызы да осында.Қазақстандағы сот беделі мен судьялардың мәртебесі жоғары. Оның құқықтық тетігі «Сот жүйесі мен судьялардың мәртебесі туралы» конституциялық заңда толық дәйектелген. Аталған заңға сәйкес, судьялар сот төрелігін іске асыру кезінде тәуелсіз әрекет етеді әрі тек Конституция мен заңға ғана бағынады. Бұл өз кезегінде сот төрелігі жүйесін дамытып, азаматтардың талаптары мен мүдделерін қорғаудың ерекше моделіне қол жеткізуге жол ашпақ.&nbsp;Сот билігі – әділдік айнасы. Әрбір сот отырысы – судьяның білімі мен кәсіби біліктілігін көрсетіп, сол арқылы сот билігінің туралығы мен тазалығынан хабар береді. Тараптардың көңілінен шыққан әрбір сот актісі – сот билігіне деген сенімнің негізі. Бұл жалпы сот жүйесінде ғана емес, сот корпусындағы кез келген судьяның үнемі ізденісте жүріп, заң шеңберінен шықпауын талап етеді. Міне сондықтан да «судья – тәуліктің 24 сағатында да судья» деген пікір қалыптасқан. Өйткені басқа мамандық иелеріне күнделікті өзіне жүктелген жұмысты атқарса жеткілікті. Ал судья қызметтен тыс уақытта да қоғамдағы мәртебесіне лайық болып, биік парасат пен адамдықтың, кісілік пен кішіліктің үлгісін көрсетуі керек. Судьяның қызметтен тыс уақыттағы болмашы қателігі де сот билігінің беделіне нұқсан келтіретінін ұмытпағанымыз абзал. Бүгінгі судьялар салқын ақыл, жоғары интеллект, үздіксіз білімін жетілдіру арқылы еліміздегі сот жүйесінің дамытуына өлшеусіз үлес қосып келеді. Ол үшін қазылар қауымы «Судьялардың әдеп кодексінде» көрсетілген ортақ тәртіпке сөзсіз бағынып, сот билігіне қылаудай көлеңке түсірмеу жағын басты назарда ұстауы шарт. «Теңіз тамшыдан құралады» дейді бабаларымыз. Сол сияқты, бедел де бір күнде қалыптаспайды. Судьялардың жылдар бойы шығарған әділ шешім, сауатты қадамдарының негізінде қоғамда сотқа деген оң көзқарас орнығады. Бұл соттың абыройын ойлаған әрбір судья ақылмен іс істеп, парасатпен шешім қабылдауға итермелеуі керек. &nbsp;

Қуаныш Мыханов: Сот – мемлекеттік биліктің бір тармағы

Сыр өңірі – Сыр сүлейлерін дүниеге әкелген құтты мекен

<a href="https://kyzylorda-news.kz/">Kyzylorda-news.kz</a> Солтүстік Қазақстан облысында әпкесі мен інісі өзіне қол жұмсап, қаза болған, деп хабарлайды <a href="https://baq.kz/sqo-da-bir-uydin-eki-balasy-ozine-qol-zhumsagan-330316/">BAQ.KZ.</a>"Криминальный Казахстан" телеграм арнасының мәліметінше, қайғылы оқиға СҚО, Айыртау ауданы, Имантау ауылында болған көрінеді.Жексенбіде кішкентай баласы бар 22 жастағы әйел жеке үйдің сарайында асылып қалған. Сұмдық оқиға 17 жастағы інісіне қатты әсер еткен. Салдарынан ол орманға қарай қашып кеткен. Кейіннен оның да асылып тұрған денесі табылған. Полиция аталмыш істі тергеп жатыр, - делінген хабарламада.Арна таратқан ақпаратқа сәйкес әпкесі мен інісі ата-апасының қолында тәрбиеленген. Әкесі қайтыс болған. Анасы кетіп қалған. Жас келіншек жақында тұрмысқа шығып, босанған көрінеді. Баласы небәрі 1,5 жаста екен.&nbsp;Фото: Нұрболат Нұржаубай

СҚО-да бір үйдің екі баласы өзіне қол жұмсаған

<a href="https://kyzylorda-news.kz/">Kyzylorda-news.kz</a>&nbsp; Ә.Тәжібаев атындағы облыстық әмбебап ғылыми кітапханасының қоры ҰҒА академигі, тарих ғылымдарының докторы, профессор Хангелді Әбжановтың «Алгорифм» баспасынан жарық көрген 5 томдық қазақ және орыс тілдеріндегі еңбектерінің жинағымен толықты.&nbsp; &nbsp;Шығармалар жинағының «Та­балдырық» атты 1-кітабына&nbsp; ға­лымның 1979-1991 жылдары жаз­ған еңбектері топтастырылған. Бұ­ларда Қазақстан мә­дениеті мен интеллигенциясының, ауыл-селосы мен демографиясының тарихы зерделенген.«Тағдыр» атты 2-кітабына Қазақстан тарихының өзекті тақырыптары, соның ішінде ХІХ-ХХ ғасырлардағы орын алған елеулі оқи­ғалар мен тұлғалар тағдыры сөз болады.Шығармалар жинағының «Тұлға» атты 3-кітабы әр ғасырда өмір сүрген қырыққа жуық ұлы дала тұлғаларының мұрасы мен ұлттық та­рихтағы орны туралы. Деректер мен пайым-тұ­жырымдар Отан тарихындағы ақтаңдақтарды жоюға септеседі.&nbsp;Төртінші «Тарту» аталатын кітабында автордың тәуелсіздік тұсында жазған еңбектері&nbsp;топтастырылған. Ұлт тарихындағы бетбұрысты оқиғалар мен өзгерістер нәтижесі баяндалады.Ғалым жинағының «Тарихшы» атты бесінші кітабына автордың еңбектері мен естеліктеріне қоса замандастарының ол туралы әр жылдары жазған ой-пайымдары, ықылас-ниеттері енген.&nbsp;Қорлан САРЫ

Облыстық әмбебап ғылыми кітапхана жаңа жинақпен толықты

<a href="https://kyzylorda-news.kz/">Kyzylorda-news.kz</a> Дүниежүзілік кітап және авторлық құқық күніне орай Көшеней Рүстембеков атындағы Жыраулар үйінде Қалалық кітапхананың ұйымдастыруымен ақын, ұстаз, Қазақстан Журналистер одағының мүшесі, Қазақстан Республикасы білім беру ісінің үздігі, «Жаңажол жырлары» кітабы, «Жүректен тамған тамшылар», «Қырғауылдың қайғысы», «Ойтүрткі» жыр жинақтарының авторы Дастан Нәзікбаевтың «Анам жайлы аңыз» атты кітабының тұсаукесері &nbsp;өтті.&nbsp;Бұл жиынның басты мақсаты – жергілікті ақын, бірнеше кітаптың авторы, Дастан Мырзабекұлының шығармаларын кеңінен таныстырып, кітаптың ішкі құнын ашып, өлеңді оқу арқылы туған еліне, жеріне, анаға деген сүйіспеншілік сезімін ояту.«Ана» деген атау бәріміз үшін ыстық қой. Осы бір сөзді есту әйел үшін арман болса, бала үшін сондай бөлек дүние. Ананың аялы алақанын басқа нәрсемен салыстыруға әсте келмейді. Қолына қалам алған жазушы да, өлең өрнектеген ақын да, ән шырқайтын сахна саңлағының да қоржынында кем дегенде «Анаға» аналған бір дүние бар. &nbsp;Жерлесіміз Дастан ағайдың «Анам атты аңыз» кітабы биыл Алматы қаласындағы «Дайыр» баспасынан жарық көрді. Онда сан тағдырлы аналар бейнесі сомдалған. Шығармада ананы сыйлау, құрметтеу сияқты асыл қасиеттер насихатталады. Кітап өнерді құрметтеген, өлең сүйер қауымға арналған.&nbsp;Рухани іс-шараға аудан әкімінің орынбасары Самат Қыдырбекұлы мен аудандық мәслихат төрағасы Әділ Үсенұлы кітаптың тұсауын кесу рәсімін жасап, игі тілегін жеткізді.<blockquote>– Заман дамыған сайын құндылығымыз өзгеруде. Бұрын әрбір үйде жеке кітапхана болатын. Ал қазір кітапханасы бар үйді саусақпен санаймыз. Негізі кітап оқу – жеке бастың ғана емес, қоғамға пайда әкеледі. Осы ретте, біз өзіміздің жерлесіміз, өңіріміздің рухани дамуына үлкен үлес қосып жүрген Дастан Мырзабекұлының &nbsp;жаңа кітабының тұсаукесер рәсіміне жиналып отырмыз. Өзіндік ойы, көзқарасы, пайым-парасаты бар ақынның жаңа туындысы құтты болсын! Бұл кітапта перзенттік парыз, анаға деген құрмет пен сағыныш бар. Осы кітапты қолына алған әрбір жан өз анасын еске алып, өмірде болса құрметі арта түсері сөзсіз, – деді аудандық мәслихат төрағасы Әділ Үсенұлы.&nbsp; Сондай-ақ, аудандық ардагерлер кеңесінің төрағасы, ауданның құрметті азаматы Асқар Мереков, аудандық «Қазақ тілі» қоғамының төрайымы Гүлжауһар Раева ақынға және оқырмандарға ризашылығын білдірді.</blockquote>Ақындық өнерді жанына серік етіп, поэзияны сүйіп оқитын, өз ойын өлеңдерімен өрнектеп жүрген жас таланттардың ішінде №250 мектептің 10-сынып оқушысы Ердәулет Орынбасаров ақындық жолдағы ұстазына өзінің арнауын арнаса, осы мектептің 7-8 сынып оқушылары Диас Бижанов ақынның «Мезгіл ауысымы», Кәусар Төлегенова «Тіл туралы» өлеңін мәнерлеп жатқа оқыды. Тұрымбет Салқынбайұлы атындағы өнер мектебінің мұғалімдері Мұхаммед Сәбитұлы мен Сұлтан Қалжан «Анаға сағыныш», «Ағаларым» әнін тарту етіп, іс-шараға белсене қатысты. &nbsp;Жиын соңында ақын Дастан Мырзабекұлы кітаптың жазылу барысы туралы сөз қозғап, ақындық жол туралы сыр шертті. Сөз соңында өз өлеңдерінен бірнешеуін оқып беріп, оқырманын қуантты. Кітапхана директоры Гүлшара Бөгенбайқызы іс-шараны қорытындылап, ақын ағамыз бен келген оқырмандарға алғысын білдірді. &nbsp;

Қармақшыда оқырманға жаңа кітап жол тартты

<a href="https://kyzylorda-news.kz/">Kyzylorda-news.kz</a>. Тіршілікте жасаған ісі, қалған ізі өшпейтін, уақыт өткен сайын жаңғырып отыратын жандар бар. Олардың өнегесі көзкөргендердің айтуымен кейінгіге жетеді, ұрпақ жадына орнығады. Еңбектің қадірін ұғыну, елдің бірлігін ту ету туралы айтылғанда, халықты жақсы іске жұмылдырған адамдардың тағылым аларлық жолына үңілеміз.&nbsp;Жарылқасын Байсалов Қармақшы ауданы, Ақжар ауылының тізгінін қолына алған шақ қоғамның бір формациядан екіншісіне ауысқан аласапыран кезең еді. Жоспарлы экономиканың жылдар бойы қалыптасқан жүлгелі жүйесі ыдыраған, нарықтық экономиканың не екенін ешкім түсінбейтін уақыт. Осындай қысылтаяң сәтте Саратов ауыл шаруашылығы институтының түлегі, сол кездегі Шымкент облысы Сайрам аудандық партия комитетінде нұсқаушы, Шымкент облыстық тәжірибе стансасы директорының орынбасары болған Жарылқасын Байсалов туған ауылына оралды.&nbsp;Тәжірибесі толысқан, ұйымдастыру қабілеті кемеліне келген маман біз қазір айтып жүрген ауыл шаруашылығын әртараптандыруды, кәсіпкерлікті, ауылдағы шағын өндірісті дамытуды сол тоқсаныншы жылдардың өзінде-ақ қолға алды. Ауылда 800 бас сиырға арналған кешен тұрғызды, Израилден сүт өнімдерін өңдейтін цех әкелді. Бұл цехта 11 түрлі сүт өнімі шығарылды. Ұн диірменінен шығатын өнім сол қиын шақта тек ақжарлықтарды ғана емес, көрші ауылдарды да асырады. Ауыл шаруашылығы техникаларына арналған шеберхана, монша, өсімдік майы цехын ашты, оған қажетті шикізатты егуге арнайы жер бөлді. Ақжардың маңайындағы көлде қаз-үйрек бағып, құс шаруашылығын дамытты. Бұдан басқа да игілікті істерді үйлестіріп, сан саланы қамтыған қыруар тірлік атқарды.&nbsp;Білікті, іскер басшының &nbsp;жасаған істерін Ақжар ауылының жұртшылығы ұмытпай әлі күнге дейін үлгі етіп айтып отырады. Өткен ауданның 95 жылдығы &nbsp;Жарылқасын Байсаловтың 80 жылдығымен &nbsp;тұспа-тұс келіп, ауыл әкімі Нұржамал Тұрсынбаева бастаған ақжарлықтар ардақты азаматты еске алуға арналған игі бастаманы іліп әкетті. Егін-терім жиналып бітіп, диқан қауымның қолы босаған кезге «Өнегелі ісі өшпес естен» атты іс-шара ұйымдастырған-ды. Онда ауданның 95 жылдығы мен нарықтық экономикаға негізделген технологияларды өз ауылына тұңғыш енгізген жаңашыл басшының 80 жылдығы аталып өтті. Алыс-жақыннан ағайын-туыс жиналды, туған ауылды сағынып жүрген түлектер де осы күні Ақжардан табылды. Алдымен шағын футбол турнирі, қазақша күрестен палуандар белдесуінің көрігі қызды. Спорттық сайыстар ауыл ипподромында тақымы тастай жігіттердің сынағы көкпар тартумен жалғасты. Жазба ақындар еңбек адамды ер атандыратынын жырға қосты. Облыстық халық шығармашылығын дамыту және мәдени-продюссерлік орталығы өнерпаздарының концерті жұртшылықтың мерекелік көңіл-күйін асқақтатты.&nbsp;Ардақты азаматқа арналып берілген астан кейінгіге қалатын тағылым, өнеге не болмақ? Ұйымдастырушылар осыған ерекше мән берді. Сөйтіп ауыл саябағына Жарылқасын Байсаловтың бюсті қойылды. Оның ашылу салтанатына жиналған қонақтар туған жердің төсіне қонған белгінің ашылуымен құттықтап, жақсы тілектерін жаудырды.&nbsp; Ас-тойдың сәні сөз сайысы, ақындар бәсекесі емес пе? Осы күні ақындар &nbsp;Ержеңіс Әбді, Айдос Рахметов, &nbsp;Көптілеу Қосбармақов, Бексұлтан Орынбасар, Ерасыл Бәйментай, Сырым Әділбеков ел бірлігін, ынтымақ пен татулықты жырлады. Жарылқасын Байсаловтың атқарған істерін ел жадында жаңғыртты. Қазақ айтысының ерен жүйріктері Мұхтар Ниязов пен Нұрмат Мансұр да айтысқа жиналған ағайынның алдында өнер көрсетіп, жырдан шашу шашты.&nbsp;Сәрсенбай жырау Бөртебайұлы атындағы ауылдық клубқа келген тұрғындарды аудандық мәслихат төрағасы Әділ Қошалақов құттықтап, ардагерлерді, ауыл еңбеккерлерін марапаттады. Ж.Байсаловтың жары Ұлжан апайға құрмет көрсетті. Қазақстанның Еңбек Ері Имамзада Шағыртаев, ауыл әкімі Нұржамал Тұрсынбаева құттықтау лебіздерін білдірді, көзкөргендер естелік айтты. Соңында ас беріліп, құран бағышталды. Ат бәйгесінде аламанға қосылған жүйріктерге арнайы жүлделер берілді.&nbsp;Ас тарқаған соң, әрине, оның қалай ұйымдастырылғаны, қалай өткені туралы талқылау болатыны заңдылық. Алдымен аудан әкімдігіне, ауыл басшылығына осы ас туралы бастама көтеріп, тұрғындарды қолдап, ағайынның бірлігімен бітетін іске жанашырлық танытқаны, демеу болғаны үшін алғыс білдіреміз. Істің көзін тауып, үйлестірген бір басшыға мың қосшы табылған соң, тағылымды іс-шара ойдағыдай өтті.&nbsp;Қазақта «Бір кісі жаққан отқа мың кісі жылынады» деген сөз бар. Жарылқасын ағамыз осы нақылда айтылғандай, өзі бастамашы болған істердің айналасына талай азаматты топтастырып, білімі мен білігін ел игілігіне жұмсаған жан еді. Оның туған ауылында өткен іс-шаралар ардақты аға еңбегіне көрсетілген құрмет пен берілген баға іспетті.

Азаматын ардақтаған ақжарлықтар

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің Ғылым департаменті, «Тарих және археология» білім беру бағдарламасы ғалымдары&nbsp; мен Қызылорда облысының әкімдігі бірлескен «Қазақ тарихындағы жошы рөлі» (Сыр өңірінің тарихы негізінде) атты ғылыми-танымдық конференциясы өтті.2024 жылғы 15 наурызда Мемлекет басшысы Қасым-Жомарт Тоқаевтың төрағалық етуімен Атырау қаласында Ұлттық құрылтайдың «Адал адам – Адал еңбек – Адал табыс» атты үшінші отырысы өткізілді.&nbsp;Ұлттық құрылтай - ұлт болашағына қатысты маңызды ұсыным қабылдайтын бірегей алаңға айналды. Мемлекет басшысы рухани дамудың бағыттарын белгілеп, қоғамдағы өткір мәселелерге тоқталып, озық ұлт болуды меңзейтін бірқатар идеологиялық ойларымен бөлісті.Президентіміздің бастамасы қоғамда үлкен қолдау тапты. Президентіміз ұлт болып қалыптасу тарихымыздың тереңнен бастау алатынының дәлелі ретінде&nbsp; Жошы Ұлысының құрылғанына биыл 800 жыл толуына орай бірнеше тарихи деректерге тоқталып өтті.Қең байтақ жерімізде өмір сүрген тарихи тұлғаларды жас ұрпаққа дәріптеу баршамыздың ортақ міндетіміз. Тарихи оқиғалар негізінде өскелең ұрпақ бойына - елге, жерге, отанға деген сүйіспеншілігін дарытып өсуі тиіс.Конференцияға зиялы қауым өкілдері, облыстық ҚХА жанындағы ғылыми-сарапшылық топ және ақсақалдар кеңесінің мүшелері, қаладағы орта мектептердің «Тарих» пәнінің мұғалімдері, Қорқыт Ата атындағы Қызылорда университетінің оқытушы ғалымдары, магистранттары,&nbsp; студенттері, БАҚ және ҮЕҰ өкілдері қатысты.&nbsp;Конференцияның модераторы&nbsp;Қызылорда облысының қоғамдық даму басқармасының&nbsp; басшысы&nbsp;Есмаханов Алмасбек Әбілқасымұлы&nbsp;кіріспе сөз сөйледі. Конференция аясында Қорқыт Ата атындағы Қызылорда университетінің «Тарих және археология» білім беру бағдарламаларының қауымдастырылған&nbsp; профессоры м.а.,&nbsp; т.ғ.д.&nbsp;Сәтбай Тастанбек Яхьяұлы&nbsp; «Ресей мемлекетінің Ордалық дәстүрлері», Нұр-Мүбәрақ университетінің дінтану кафедрасының доценті, PhD Абылов Тұңғыш Талғатұлы&nbsp; «Алтын Ордада дін және саясат арақатынасы», «Қоғамдықкелісім» КММ директорының орынбасары, философия докторы, PhD Омаров Дәулет Кәрібайұлы&nbsp; &nbsp;«Жошы ұлысының қазақ мемлекетінің қалыптасуы мен дамуындағы тарихи орны»,&nbsp; &nbsp;Қорқыт Ата атындағы Қызылорда университетінің «Тарих және археология» білім беру бағдарламаларының аға оқытушысы, п.ғ.м. Абдразақова Алмагүл Өмірзаққызы «Ресей ғалымдарының&nbsp; еңбектеріндегі Алтын Орда» , Қорқыт Ата атындағы Қызылорда университетінің «Тарих және археология»&nbsp; білім беру бағдарламаларының аға оқытушысы, г.ғ.м.&nbsp; Құрманиязов Ыслам Серікұлы&nbsp; «Ортағасырлық&nbsp;Қыш қала (Баршынкент)&nbsp; Жошы&nbsp; ұлысының&nbsp;Ордасы» тақырыптарында баяндама жасады.&nbsp;Конференция соңында қатысушылар ұсыныс-пікірлерін айтып, еліміздің даму жолындағы қарқынды жұмыстардың жалғасын табатындығымен қорытындыланды.&nbsp;Қорлан САРЫ

Ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a>&nbsp; Су тасқынынан зардап шеккен аймақтарға көмек көрсету мақсатында Қорқыт ата атындағы Қызылорда университетінің 848 оқытушы-профессоры мен қызметкері және 135 студенті қаржылай көмек көрсетті. Жиналған қаражат Х.Досмұхамедов атындағы Атырау университетіне, «Biz Birgemiz Qazaqstan» қоғамдық қорына және «Демеу Қазақстан қоры» корпоративтік қорына аударылды.Мұнан бөлек, бас оқу ғимаратында қабылдау пунктін ашып, қиындыққа тап болған халыққа оқу орны атынан азық-түліктер, киім-кешектер және тұрмысқа қажетті заттар жиналды.Облыстық жастар ресурстық орталығы жанындағы қабылдау пунктіне жеткізілген көмектің бірінші легі Ақтөбе облысына жолданды. Университет жалпы салмағы 1 тонна 161 келі заттай көмек көрсетті.«Университетте қабылдау пунктін ашудағы басты мақсатымыз – қиындықта қалған отбасыларға демеу болу. Бұл игі шараны ұжымдастар мен студенттер белсенді түрде қолдады. Жиналған заттарды көлікке тиеп, облыстың негізгі қабылдау пунктіне жеткізіп жатырмыз. Отандастардың басына түскен ауыртпалыққа бей-жай қарамай, қиындықты бірге еңсереміз!» - деді әлеуметтік және тәрбие жұмыстары жөніндегі проректор Жандос Базартай.&nbsp;Университет өкілі табиғи апат салдарын жеңуге қолдау білдіру әлі де жалғасатын болатынын атап өтті.Айта кету керек, 28 сәуірдегі ақпарат бойынша республикада 37 324 адам өз үйіне оралды. <a href="https://www.zakon.kz/">Zakon.kz</a> хабарлауынша 6 817 адам эвакуациялау пункттерінде. 6 379 тұрғын үй мен 2 794 аула аумағынан су бұрылып, сорылды. Су тасқыны бастағалы бері 12,6 млн астам текше метр еріген қар суы сорып шығарылды, 6,6 млн астам қапшық және 1,5 млн астам тонна инертті материал төселді. Авариялық-құтқару және су тасқынына қарсы жұмыстарға 21 мыңнан астам адам, 2 мыңнан астам түрлі техника, 615 су сору және жүзу құралы, 8 әуе кемесі жұмылдырылды. Су тасқыны басталғалы бері 12 млн астам текше метр еріген қар суы сорып шығарылды, 6,6 млн астам қапшық және 1,5 млн астам тонна инертті материал төселді.&nbsp;&nbsp;Қорлан САРЫ

Қорқыт ата университеті су тасқынынан зардап шеккендерге қолдау көрсетті

<a href="https://kyzylorda-news.kz/">Kyzylorda-news.kz</a> &nbsp;Төтенше жағдайлар департаменті мамандарының айтуынша, нөсер жауын жауатын болса, Шу, Талас, Аса өзендерінің су деңгейі көтеріліп, &nbsp;маңайдағы елді мекендерді су басып қалуы мүмкін.&nbsp;Бұл туралы <a href="https://stan.kz/zhambil-oblisinda-42-eldi-mekendi-su-basu-kaupi-zhogari-399386/">Stan.kz</a> ақпарат агенттігі 24.kz-ке&nbsp;сілтеме жасап хабарлайды.Теріс-Ащыбұлақ су қоймасының рұқсат етілген көлемі 158,5 миллион текше метр суды құрайды. Қазір ол 97% толы. &nbsp;Су қоймадан асып кетпес үшін Аса өзеніне құйылады. Әдетте ағызылатын су секундына 15 текше метрден аспаса, қазір оны 40-қа дейін арттырған.&nbsp; Бұл жағдай Жамбыл облысындағы су қоймасының маңында орналасқан үй иелерін алаңдатты. Олар 7 жыл бұрын Аса өзенінің арнасынан асқан су аулаларды басып кеткенін айтады.Ауыл тұрғындары Аса өзенінің тасуы қайталанады деп қауіптенеді."Жылдан жылға ауылға су жақындап келеді, су басады деп қорқамыз. Бұл жерде өзеннің тасуына жол бермеу үшін жағалауларды нығайту қажет. Қазір жаңбыр жауып, су деңгейі көтерілуі мүмкін. Төтенше жағдайлар департаментінің мамандары Аса өзенінен елді мекендерді су басу қаупін жоққа шығармайды. Бұл қатты жаңбырдың салдарынан болуы мүмкін",-дейді Бәйтерек ауылының тұрғыны Құрманбек Есімбеков.Өңірде ауа райына байланысты ескерту жарияланды."Синоптиктер жауын-шашын нормадан жоғары болады деген болжам жасады. Ондай жағдайда Теріс-Ащыбұлақ су қоймасынан бұдан да жоғары текше сантиметр су шығуы мүмкін. Сол арқылы Жамбыл облысындағы 4 елді мекенді су басу қаупі төніп тұр. Облысымызда орналасқан гидротехникалық құрылыстардың толтырылуына күнделікті мониторинг жүргізіліп отыр", - деді төтенше жағдайлар департаменті басшысының міндетін атқарушы Дархан Жапаров.Облыстың барлық гидротехникалық құрылыстарының жалпы толымдылығы 87% құрайды. Жамбыл ауданының қауіпті учаскелерін жұмыс тобы зерттеді. Сарапшылар жергілікті атқарушы органдарға жағалауды нығайтуды ұсынды. Сонымен қатар, Шу, Талас өзендеріндегі су деңгейінің жоғарылауына байланысты олардың жанында орналасқан 42 елді мекенді су басу қаупі жоғары. Өңірдегі су қоймаларының жай-күйі мамандардың ерекше бақылауына алынды.Фото: Видеодан скрин<figure class="media"><div data-oembed-url="https://youtu.be/dtXdsnP3KP0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/dtXdsnP3KP0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Жамбыл облысында 42 елді мекенді су басу қаупі жоғары

<a href="https://kyzylorda-news.kz/">Kyzylorda-news.kz</a>.&nbsp; &nbsp;Болашақ білімді жастардікі. Білімді, тәрбиелі ұрпақ қана елінің мақтанышы, сүйеніші бола алады. Осындай білімді жастардың бірі – Сәкен Скендіров. Ол аудандық аграрлы техникалық колледждің 3-курс студенті. Талапты жас өзінің белсенділігімен, ізденімпаздығымен білімгерлер арасында ерекше көзге түсіп жүр.Қазіргі таңда қай жерде де бәсекеге қабілеттілікті арттыру үшін білікті маман қажет екендігі айдан анық. Ал білікті маман үздік студенттен құралмақ. Үздік студент тек оқуда ғана озат болып қоймай қоғамдық-мәдени іс-шараларда да белсенді болуымен өз қатарындағы білімгерлерден оқ бойы озық тұрмақ. ХХІ ғасырдың талабы да осындай даралықтармен ерекшеленетін кадрларға басым болатындығы да орынды. Бұл ғасыр жаңашылдық пен белсенділікті, терең білім мен қабілеттілікті талап етеді. Осы талаптың үдесінен шығып, қатарластарынан оза шапқан иіркөлдік жас осыдан 2 жыл бұрын «Электр жабдықтары» мамандығына «Электромонтер» біліктілігі бойынша оқуға түскен.<blockquote>– Мен өз мамандығымды толық меңгеру үшін барымды саламын. Себебі біз атқарған жұмыстың нәтижесінде көпшіліктің қажетіне жараймыз. Өзім көпбалалы отбасынан шыққанмын. Ата-анам бізді адал еңбекпен жеткізіп келеді. Таза маңдай термен келген табыстың берекелі болатынын санамызға сіңірді. Мен де болашақта көпшіліктен алғыс алар өз ісімнің білікті маманы болуды мақсат етіп отырмын, – дейді Сәкен Скендіров.</blockquote>&nbsp;Расында да бұл мамандық негізінен әрдайым сұранысқа ие. Қазіргідей техникамыз дамыған заманда, электр қуатына тікелей тәуелді болып барамыз. Электр тоғынан ақау болса, жарық өшеді, ғаламтормен байланыс үзіледі, үйіміз жылусыз, сусыз қалады. Себебі заманауи құрылғымыздың барлығы тоқпен жұмыс істейді. Сондықтан мұндай маман иелері қоғам арасында ұдайы маңызды орында болмақ. Талапты жас та мамандығының жауапты әрі қажетті екенін жете түсінген.<blockquote>– Жалпы білім алушылардың мамандығына ықыласты болғаны бізді қатты қуантады. Сәкен осындай талапты студенттің бірі. Достарының арасында сыйлы. Өзі алғыр, елгезек, айтылған тапсырмаға жауапкершілікпен қарап, уақытында орындауға тырысады. 2 рет аймақтық колледжаралық сайыстарда ІІІ орын иеленді. Колледжіміздің атын жақсы жағынан шығарып жүрген мақтанышымыз. Болашақта өз ісінің шебері, мықты маман болатынына сеніміміз мол, – дейді топ шебері Аманкүл Қартаңбаева.</blockquote>Бүгінде колледж ұжымы барлық істерде жақсы нәтижеге, көпшілікке қолжетімділікке ие болып отыр. &nbsp;Қазіргі заман мәртебесі өздігінен келетін нәрсе емес, ол ізденумен келетін ерен еңбектің нәтижесі. Білікті ұстаздардан ғана шебер маман шықпақ. Ал мамандығын мақтанышына балайтын Сәкеннің алар асулары, бағындырар биіктері де көп болсын.

Қазақстан және Қызылорда облысының жаңалықтары