<a href="https://kyzylorda-news.kz/">Kyzylorda-news.kz</a>.&nbsp;&nbsp; «Шынықсаң – шымыр боласың» демекші, дене жаттығуы адам баласына қашан да пайдалы. Күні бойы өзіңді сергек сезініп жүрудің де бір тәсілі – спорт. Ғалымдар зерттеуіне сүйенер болсақ, спорт адамды шат-шадыман өмір сүруге де жетелейді.&nbsp;<blockquote>– Олимпиадалық қозғалыстың белсендi қайраткерi Пьер де Кубертен: «О, спорт! Сен – түгел ғаламсың» деп бекер тұжырым жасамағаны анық. Күніне кем дегенде 20 минут дене жаттығуымен шұғылданған адам өзін сергек, көңілді әрі өзіне сенімділігін арттыратыны анықталғаны белгілі. Дене жаттығулары адамның көңіл-күйін ғана көтеріп қоймайды, қан айналым жүйесін жақсартады. Қан қысымы мен жүрек-қан тамырлары ауруларының алдын алады, – дейді &nbsp;Қармақшы аудандық №16 Балалар-жасөспірімдер спорт мектебінің әдіскері Шыңғыс Әлихан.&nbsp;</blockquote>Спорттың адам өмірі үшін маңызын бұдан ары айта түсудің өзі де артығырақ секілді. Бірақ, алдымен «спортпен шұғылдануға уақыт табылмай жүр» деген сылтаудан құтылған абзал. Ол үшін не істеу керек? Күніне 20 минут дене жаттығуымен айналысуды да ұмыт қалдырып кететін кездеріңіз болмайды емес, болады. Ендеше, дене жаттығуларымен шұғылдануды қалай әдетке айналдыруға болады?Ең бірінші, күнделікті дене жаттығуы кезінде киетін спорттық киімдеріңізді жатар алдында дайындап жатыңыз. Ұмытпас үшін, оятқышыңызды сол киімдердің үстіне қойыңыз. Өйткені, таңертең оянғанда оятқышпен қатар немен айналысатыныңызды да есіңізге түсіретін боласыз. Бастысы, осылайша таңғы жаттығуды әдетке айналдырып алсаңыз, ғажап болары сөзсіз.<blockquote>– Сондай-ақ, барлығын аз жаттығудан бастаңыз. Тіпті, аптасына 3 рет 5 минуттан-ақ дене жаттығуларымен шұғылданып жүріңіз. Тапсырма оңай, әрине. Бірақ, бастапқыда өзіңізді қинамауыңыз қажет. Алға ә дегеннен жоғары мақсат қоюға талпынбаңыз. Өйткені, өзіңіздің спортпен шұғылдануға деген ерік-жігеріңізді жоғалтып алуыңыз мүмкін. Адам – әлеуметтік жаратылыс. Қарым-қатынассыз өмір сүруді елестету мүмкін емес. Әлбетте отбасыңызбен табиғатқа шығудың, достарыңызбен белгілі бір спорт түрімен шұғылданудың, кейде бір ауық жүгіріп тұруды да әдетке айналдырғанның зияны жоқ. Сонымен қатар үйдегі қарапайым шаруаларды жаттығу жұмыстарымен үйлестіруге болады. Мысалы, таймерді 20 минутқа қойып, жұмысыңызды бастаңыз. Қарапайым шаруаларды аса жылдам орындау – жақсы нәтиже береді. Жаттығу жұмыстарын жоспарлай біліңіз. Маңызды кездесуіңіз болса, онда ұмытпайсыз, дұрыс па? Ал маңызды шаруаны ше? Оны да ұмытпайсыз. Сол сияқты дене жаттығуларын да жоспарыңызға енгізіп үйреніңіз. Қажетті жаттығуларды жоспарлай біліңіз. Өзіңізге ұнайтын жаттығуларды таңдап алғанның да маңызы жоғары. Өйткені, алғашында адам өз қалауымен бастаған жаттығулар уақыт өте келе өз жемісін беретін болады, – дейді жаттықтырушы.&nbsp;</blockquote>Иә, күнделікті өмірде спортты сүйетін жандар көп. Әркімнің санасындағы спорт ұғымы – сан алуан. Расында да, көпшілікті ұлты мен жеріне, тілі мен дініне бөлмей, өзіне ынтызар етер спорт құдіреті ерекше. Бәріміз білетіндей, «Спорт – денсаулық кепілі». Бастысы, талғампаз, тәкаппар өнерге шексіз беріліп, адалдық танытсаңыз берері мол сиқырлы әлем.

Шыңғыс Алихан: Саламатты өмір әрбір азаматқа керек

<a href="https://kyzylorda-news.kz/">Kyzylorda-news.kz</a> Қызылорда қаласындағы&nbsp;«Білім Ыбырай» қоғамдық қорының студенттері&nbsp;27&nbsp;сәуір күні Ақтөбе қаласында&nbsp;республикалық “Мұғалім” жобасының ұйымдастыруымен “INTELLECTA” интелектуалды ойынында&nbsp;1&nbsp;орынды иеленді.Интеллектуалды сайысқа&nbsp;еліміздің әр көкжиек тұсынан бір аймақ пен орталық Қазақстаннан зияткерлік командалар қатысты. Атап айтсақ, Қызылорда, Семей, Алматы, Қарағанды және сайыс қожайыны Ақтөбе қаласының жастары. Әрқайсысы аймақтың кезеңнің жеңімпаздары екенін айта кеткен жөн.<img src="https://knadmin.beoblood.kz/uploads/Whats_App_Image_2024_04_30_at_10_17_56_9e2970c8ba.jpeg" alt="WhatsApp Image 2024-04-30 at 10.17.56.jpeg">Интеллектуалды сайыс&nbsp;4&nbsp;кезеңнен тұрды.&nbsp;1&nbsp;кезең&nbsp;ICEBREAKING&nbsp;деп аталды. Бұл кезеңде&nbsp;6 категориядан (жалпы, ғылым, кітап, тарих, дәстүр, кино және музыка)&nbsp;тұратын ұяшықтан&nbsp;сұрақтар қойылды. Топтың&nbsp;әр дұрыс жауабы үшін 100-500 аралығында ұпай жинау мүмкіндігі бар. 2 кезең MASTER MIND деп аталып, әр командадан 1 ойыншы шығып, 2 минут ішінде&nbsp;әр түрлі тақырыптан&nbsp;30&nbsp;блиц-сұраққа жауап берді. 3 кезеңде яки EXPECTO PATRONUM кезеңінде екі химиялық, физикалық эксперимент жасалынды. Соңғы VABANK кезеңі «Миллион&nbsp;кімге бұйырады?»&nbsp;ойынының форматында ұйымдастырылды. Осылайша, қызылордалық&nbsp;“Dariya” командасы&nbsp;4&nbsp;кезең бойы&nbsp;1 орыннан түспей,&nbsp;4850 ұпаймен болашақ мұғалімдер арасында өткізілген байқаудың алғашқы жеңімпаздары атанды.&nbsp;Әртүрлі&nbsp;педагогикалық&nbsp;мамандық студенттерінен құралған&nbsp;“Dariya” командасының жетекшісі&nbsp;Kyzylorda news&nbsp;ақпарат агенттігінің журналисі, “Ыбырай” қоғамдық қорының координаторы, менторы Азамат Абимолда болды. Ал, команда құрамында&nbsp;Қорқыт ата атындағы Қызылорда университетінң&nbsp;1&nbsp;курс студенттері&nbsp;Шәміл Анарбай, Қабыл Дүйсек, Қуаныш Сапарбек, Мадияр Дузумбайұлы, Азамат Сеитмахамбет пен Бақдәулет Исаев.&nbsp;

Қызылордалық студенттер республикалық интеллектуалды сайыстан жеңімпаз атанды

&nbsp;<a href="https://kyzylorda-news.kz/">Kyzylorda-news.kz.</a> Қазалы қалалық балалар кітапханасында өскелең ұрпақтың сыбайлас жемқорлыққа қарсы өз көзқарастарын білдіріп, дүниетанымын кеңейтіп, өз елін құрметтеуге, адамгершілікке тәрбиелеу мақсатында «Сыбайлас жемқорлықсыз ел – өркениетті ел» атты кітап көрмесі ұйымдастырылды.&nbsp;Шара барысында кітапханашы Н.Сарсенбаева М.Горький атындағы №16 мектептің 9 сынып оқушыларына бүгінгі таңда жемқорлық мәселесі тек Қазақстанда ғана емес, әлемнің басқа да елдері үшін аса өзекті мәселе екендігін және қай мемлекетте болса да ең қауіпті құбылыс – жемқорлықтың жайылып, парақорлықтың дендеп тұрғандығын айта келе, Қазақстан Республикасының Президенті Қасым-Жомарт Тоқаевтың халыққа Жолдауындағы «Біз жемқорлыққа қарсы күресте барынша қатаң және батыл болуымыз керек. Халықтың әл-ауқатын арттырып, тұрмысын жақсарту үшін нақты нәтижеге қол жеткізуіміз керек. Сондықтан, жемқорлыққа қарсы қызметтің барлық бағытын түбегейлі қайта қарау қажет. Түпкі мақсат – сыбайлас жемқорлықтан таза қоғам қалыптастыру. Жемқорлықты жою үшін оған бүкіл ел болып қарсы тұруымыз керек» деген сөзі мен ойын қорытындылады.Қазақтың кең байтақ даласындағы мәдени және тарихи ескерткіштер туралы мағлұмат беру және ел тарихымен біте қайнасып жатқан құнды ескеткіштерімізді ұрпақтан-ұрпаққа жеткізіп, оларды мәдени мұра ретінде сақтау баршамыздың борышымыз екендігін түсіндіру мақсатында 18 сәуір – Халықаралық ескерткіштер мен тарихи орындар күніне орай «Ескерткіштер – ел тарихы» атты кітап көрмесі ұйымдастырылып, кітапханашы Н.Сарсенбаева М.Горький атындағы №16 мектеп-лицейдің10 сынып оқушыларына таныстырды. Көрмеге Зиба Құламанованың «Тастағы Тараз тарихы», Бақытжан Ахметбектің «Сыр ескерткіштері», Бибатпа Көшімованың «Үстірттегі көненің іздері», Ералы Шоқай, Сәбит Пәрменқұлдың «Отырар алқабындағы қасиетті орындар», Бақыт Тасполатовтың «Басында Қазығұрттың кеме қалған, Тәңірберген Мәмидің «Кейінгі орта ғасырдағы Арал өңірінің қалалары», «Ертедегі Асанас қаласы», «Сыр елінің тарихи-мәдени мұралары» 3 том, «Тамыры – терең, тарихы – кененҚазалы» атты кітаптары оқырман назарына ұсынылды.Адам – табиғаттың ажырамас бөлігі, тіршіліктің құт-берекесі, тіршілік иесінің ежелден өмір сүріп келе жатқан ортасы, табиғатты қорғау баршамыздың міндетіміз екенін өскелең ұрпаққа насихаттау мақсатында «Табиғат – тал бесігің, аялай біл»атты әңгіме өткізілді. Шара барысында кітапхана оқырмандарына кітапханашы Э.Шамет: «Қазіргі кезде экология мәселесі күрделеніп барады. Айналаға қоқыс тастап ластамай, адамдардың арасында қоғамдық сананы, мәдениетті қалыптастыру, табиғатты қорғау, сақтау қазіргі жастардың қолында. Жер бетінде табиғатқа үлкен қауіп төніп тұр. Оған себеп адамдардың өз қоршаған ортасына сүйіспеншілікпен қарамауы, ең басты себеп. Сондықтан әр келешек ұрпақ өзінің туған жерінің табиғатын аялап, қорғап, жанашырылық танытса еліміздегі су тасқыны сияқты табиғат апаттарының алдын алған болар еді» – деп әңгімеледі.Халқы үшін қажымай-талмай еңбек еткен тамаша азамат, талантты геолог, аса ірі мемлекет қайраткері Қазақстан ғылымы, оның дамуы, гүлденуі сонымен қатар Қазақстан байлығын игеруді, алдыңғы қатарлы озық елге айналдыруда ұлан-ғайыр еңбек сіңірген көрнекті ғалым-геолог, қоғам қайраткері, профессор Қаныш Имантайұлы Сәтбаевтың туғанына 125 жыл толуына орай «Рухы биік ұлы перзент» атты таным сағаты өткізілді. Шара барысында кітапханашы Н.Сәрсенбаева өскелең ұрпаққа ғалымның ғибратқа толы ғұмыры мен қызметін, еліне еткен еңбегін, ізденімпаздығы мен жетістігін насихаттап, артында қалдырған мол ғылыми мұраларымен таныстырып өтті.Кітапхана оқырмандары М.Горький атындағы №16 мектеп-лицейдің 10 сынып оқушылары Аружан Әзберген,&nbsp;Аяжан Жұмағали ғалым туралы және оның ізденістері туралы пікірлерін білдірді.Жастарға отансүйгіштік, патриоттық тәрбие беруде еңбегі зор, отаншылдық рухта тәрбиелеуге айрықша мән берген, Қазақстан Жазушылар Одағының мүшесі, Қазақстанның Құрметті журналисі, ҚР Мәдениет қайраткеріӘлмәмбет Әлішевтің туғанына 85 жыл толуына орай жазушының шығармаларын насихаттау мақсатында«Қазалының бәйтерегі, ақсұңқары»атты библиографиялық шолу өткізілді. Шара барысында кітапханашы Н.Сәрсенбаева кітапхана оқырмандарына жазушының өміржолы мен шығармашылығымен таныстырып өтті. Сонымен қатар жазушының «Батыр болып тумайды», «Бәйтеректің бұтағы», «Ат тұяғын тай басар» атты кітаптарына библиографиялық шолу жасады.12 сәуір&nbsp;– Ғарышкерлер күніне орай жас ұрпақтың патриоттык, отаншылдық сезімін ояту мақсатында кітапханашы Э.Шамет М.Горький атындағы №16 мектеп-лицейдің 6 сынып оқушыларына «Байқоңыр –ғарыштың шетіндегі қала» аттыпрезентациясын таныстырды. Шара барысында кітапхана меңгерушісі Т.Мырзалиева оқырмандарға 1961 жылы 12 сәуірде Қазақстанның Байқоңыр аймағынан тұңғыш космос кораблі ғарышқа аттанғанын, ең алғаш Юрий Гагарин – әлемнің тұңғыш ғарышкері, ал Байқоңыр – ғарыш аймағына айналды. Алғашқы ғарыш сапарынан кейінгі жылдары 500-ден аса ғарышкер аспан әлеміне сапар шегіп, ғылыми зерттеулер жүргізді.Солардың ішінде Қазақстанның үш өкілі, өз елінің ұлттық батырлары, ұшқыш-ғарышкерлер – Тоқтар Әубәкіров, Талғат Мұсабаев және Айдын Айымбетовтер де бар.Олардың есімдері Қазақстан тарихы бетіне алтын әріптермен жазылды, – деп әңгімеледі.«Коворкинг» орталығында қалалық балалар кітапханасының ұйымдастыруымен Қазалы топырағынан шыққан батыр, би, қоғам қайраткері, еңбек ардагері, Кеңес Одағының батыры, ақын, жазушы және өнер адамдарының өміржолдарын насихаттау мақсатында «Қазыналы өңірдің қара шаңырағы» атты әдеби саяхат барысында кітапханашы Н.Сарсенбаева ДОДЕКАЭДР әдісімен оқырмандарға ойын өткізіп, тұлғалар туралы кең мағлұмат берілді.Қазақтың әйгілі суретшісі, қазақ бейнелеу өнерінің негізін салушылардың бірі, Қазақ КСР халық суретшісі, Қазақ КСР-ің еңбек сіңірген өнер қайраткері, Ш.Уәлиханов атындағы Мемлекеттік сыйлықтың лауреаты Әбілхан Қастеевтің туғанына 120 жыл толуына орай шығармаларын насихаттау мақсатында «Көз арбар көркем әлем» атты кітап көрмесі ұйымдастырылып, оқырмандарға таныстырылды. Кітап көрмесінде суретшінің портреті мен өмірбаяны, әр жылдары салынған туындылары мен суретші туралы жазылған әдебиеттер оқырмандарға ұсынылды.Дүние жүзі көлемінде аталып өтетін маңызы өте жоғары мерекелердің бірі 2 сәуір –Халықаралық балалар кітабы күні. Осындай атаулы мерекеде жас оқырмандарға кітаптың адам өмірінде аса маңызды рол атқаратынын, Отанды сүюге, талапты, кішіпейіл болуға, мейірімділікке, төзімділікке баулитынын, жаман әдеттерден аулақ болуға үндейтін бірден бір рухани байлық «кітап» екенін насихаттау мақсатында «Кітап еліне саяхат»атты викториналық сайыс өткізілді. Шара барысында кітапханашы Н.Сәрсенбаева кітаптың адам өмірінде алар орны мен шығу тарихына тоқталып өтті. Сонымен қатар М.Горький атындағы №16 мектеп-лицейдің 4 сынып оқушыларының қатысуымен «Кітапқұмарлар»және «Кітапсүйерлер» атты екі топтың арасында 3 кезеңнен тұратын сайыста мақал-мәтелдер, ертегі кейіпкерін табу, кітап туралы сұрақтарға жауап беру сынды білімдерін ортаға салды. Кеш соңында оқырмандар АйаруСейілхан, ІнжуМырзахмет, НұрланБерік, Асылхан Асейнақындардың өлең жырларын оқыса, кітапхана меңгерушісі Т.Мырзалиева кешті қортындылап, мерекелік лебізін білдіріп, алғыс хаттармен марапаттады.Жыл сайын 2 сәуірде дат ертегішісі Ганс Христиан Андерсеннің туған күнінде атап өтілетін Халықаралық Балалар кітабы күні Ғ.Мұратбаев атындағы №17 мектептің 4 сынып оқуышларымен кітапханада «Балалар үшін бақыт, балаларға бейбіт» атты ертеңгілік өткізілді. Шара барысында кітапханашы Э.Шамет баланың кітап оқуға деген қызығушылығын қалыптастыруға көмегін тигізетін пайдалы ақпараттар мен балалар кітабы күні мерекесінің шығу тарихы туралы ақпарат беріп өтті. Сонымен қатар кеш қонағы Г.Абсеметова мерекелік лебізін білдірсе, кішкентай оқырмандар, балалар жазушысы Ы.Алтынсариннің «Әке мен бала», «Екі дос» және «Деңгене» атты қазақ салт-дәстүрімізді дәріптейтін көріністер қойды. Жас оқырмандар ақындар өлеңін оқыса, «Отбасы хрестоматиясы» сириясымен шыққан “Экософия немесе киелі табиғат” атты кітабынан қоршаған ортаны мән мен мазмұнға толтыруды, адам қоршаған ортасына кие дарытып, аң-құсқа рахымшылықпен қарау хикметін таныстыру мақсатында «Жаралы құс» атты сахналық қойылым көрсетілді. Кітапхана меңгерушісі Т.Мырзалиева кешті қортындылап, мерекелік лебізін білдіріп, алғыс хаттармен марапаттады.Қазақ халқында «бір жылдығын ойлаған ел бидай егеді, он жылдығын ойлаған ел жеміс ағашын егеді, ал мәңгілігін ойлаған ел ұрпағының жүрегіне ізгіліктің дәнін егеді» -деген&nbsp;сөз, өскелең ұрпақ үшін &nbsp;аянбай еңбек етіп, ізденіс жолында қазақтың құндылығын, даналығын, ұлттық құндылықтарымызды сақтау, оны болашақ ұрпаққа кірлетпей, кемшіліксіз жеткізу үшін аянбай тер төгіп жүрген азаматтардың бірі, жерлесіміз,отбасы хрестоматиясы сириясымен шыққан «Яссауи феномені», «Бейсен болмыс» «Мың сұрақ»т/б кітаптардың авторларының бірі Айбек Нәбимен «Өткеннің өнегесі – бүгінгі күннің баға жетпес байлығы»атты кездесу кеші өткізілді. Шара барысында кешті жүргізуші кітапханашы Э.Шамет «Отбасы хрестоматиясы құндылығы-даналық пен даралық насихаты» атты кітап көрмесін таныстырып, авторға өмір жолы мен шығармашылығы туралы сұрақтар қойды.Сонымен қатар кеш қонақтары М.Елдесбай, Ж.Нұртаза, П.Маратқызы, Ұ.Бейсенбай, Г.Жауғашарова лебіздерін білдірсе, кешке қатысушы оқырмандар көкейде жүрген көп сұраққа жауап алды. Кеш соңында кітапхана меңгерушісі Т.Мырзалиева жазушыға алғысын білдіре отырып, ұжым атынан «Қазалы» кітабын сыйға тарту етті.Ұлболсын ТАЛАПБАЕВА

Қазалы қалалық кітапхана оқырмандарға жан-жақты қызмет көрсетуде

&nbsp;<a href="https://kyzylorda-news.kz/">Kyzylorda-news.kz.</a> &nbsp;Жақсы тұрмыстың өлшемі көп. Алайда халық үшін зәулім үй, жайлы төсек, қымбат көлік, сәнді киімнен бұрын шаңырағында тіршілікке қажетті қарапайым игіліктердің болғаны маңыздырақ. Солардың ішіндегі ең маңыздысы – ауызсу. «Нұра топтық су құбыры» шаруашылық жүргізу құқығындағы мемлекеттік кәсіпорынға қарасты Арал-Сарыбұлақ топтық су құбырын пайдаланушы Қазалы өндірістік бөлімшесі аудан тұрғындарын тіршілік көзімен толық қамтуды мемлекеттің негізгі міндеті деп қана қоймай, өздеріне берілген меженің үдесінен шығуға әрдайым тырысып келеді.Бүгінде тұтынушылардың тілегін толық қамтуға күш жұмсап жүрген мекемеде185 адам қызмет етеді.Бөлімшеге қарасты 23 насос стансасы, 2 дана су қыспақты мұнарасы, 298 шақырым магистралды су құбырлары, 399 шақырым ішкі су тарату және 388 шақырым сервистік су желілері бар. Аталған құбырлар мен тарату желілері Әйтеке би кенті мен Қазалы қаласы, сондай-ақ 22 елді мекен бойынша 15 181 үйде тұратын 83 860 адамды, 106 бюджеттік және 374 шаруашылық қызмет жүргізетін өзге де мекемелерді ауыз сумен қамтуда.Жауапты жұмысты қалтқысыз орындап жүрген мекеме қызметкерлері мезгіл талғамай, маңызды міндетті жүйелі орындап жүр. Бұл сөзімізге аталған ұжымның жыл көлемінде жоспарланған межені 106,4 пайызға орындағаны дәлел болса керек. Яғни өткен жылы таратылатын ауыз судың көлемі 1 668 718 текше метр болса, ол артығымен орындалып, 1 775 118 текше метр ауызсу таратылған. Оның 1 711 618 текше метрі тұрғындарға жеткізілген.Арал-Сарыбұлақ топтық су құбырын пайдаланушы Қазалы өндірістік бөлімшесі халықты үзіліссіз және сапалы ауызсумен қамтамасыз етуде қыруар жұмысты шама-шарқынша атқаруда. Әйтсе де кез келген жұмыс барысында өзіндік қиындықтар болатыны жасырын емес. Дәл осындай кедергімен мұндағы қызметкерлер берілген судың ақысын өндіріп алу кезеңінде ұшырасып жатады. Дегенмен олар өздеріне жүктелген міндеттен жаңылмай, тұрғындарды тұтынған су мөлшеріне сай өз еріктерімен төлемақы жасауға жұмылдырып, уақытынан кешіккен тұрғындарға ескертпе жасап, түсіндірме жүргізуді де ұдайы ұйымдастырып келеді.Бөлімше басшысы Дәулетбек Тұяқбаевтың айтуынша, ауыз суды пайдаланып отырған бюджеттік және өзге де мекемелерді, жеке кәсіпкерлерді қоспағанда, тұрғындардан су есептегіш құралымен текше метрі 30 теңгеден, су есептегіш құралынсыз текше метрі 40 теңгемен жеңілдетілген тарифпен төлем жиналған. Ал қалған тариф айырмасы бюджет есебінен субсидия түрінде төленген. Көше колонкасынан тасып ішетін тұрғындар бекітілген норматив бойынша адам басына тәулігіне 50 литр ауызсу тұтынады. Осыған сәйкес ауыз суды көшеден тасып ішетін 64 үйдің 140 тұрғынына, адам басына шаққанда 60 теңгеден төлем жүргізілді, – дейді бөлімше басшысы.Арал-Сарыбұлақ топтық су құбырын пайдаланушы Қазалы өндірістік бөлімшесінің басшысы Дәулетбек Тұяқбаев ауызсуды белгіленген мөлшерде артық тұтынған жағдайда тұтынушылардың наразылық тудырып, төлем жасауға құлықсыздық танытатынын айтып қалды. Бұл көбіне олардың тарифті дұрыс түсінбегенінен орын алатын көрінеді. Осы орайда ол көптің көкейіндегі сауалдарға жауап беру үшін, ауызсуды белгіленген мөлшерден тыс тұтынғанда қалай төлем жасау керектігін толыққанды түсіндіріп берді. Сөзіне сенсек, Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментінің 2023 жылғы 27 қазандағы №48-НҚ бұйрығымен 2023 жылдың 1 желтоқсаннан бастап 1 текше метр ауыз суды магистралды құбыр жолдары және таратушы желілер арқылы беру қызметіне ҚҚС-сыз 341,71 теңге, ҚҚС-мен 382,72 теңге мөлшеріндегі тариф қолданысқа енгізілді. Қазақстан Республикасының Индустрия және инфрақұрылымдық даму министрінің 2021 жылдың 27 шілдедегі №394 бұйрығымен бекітілген ауыз сумен жабдықтау құнын субсидиялау Қағидаларына өзгерістер енгізілуіне байланысты бір адамға тәуліктік ауыз су нормасы 140 литр немесе айына 4,3 текше метр көлемінде бекітіліп, 2021 жылдың 16 тамызынан бастап қолданысқа енді. Осыған байланысты жаңа Қағида қолданысқа енген уақыттан бастап, тұтынушылар белгіленген норма шегінде ауыз су тұтынған жағдайда текше метріне 30 теңгемен, нормадан асып кеткен жағдайда артық көлеміне толық бағамен 382,72 теңгемен төлем жасайды, – дейді ол.Ауыз су жеткізуші болып табылатын «Арал-Сарыбұлақ топтық су құбыры» өндірістік бөлімшесінен Әйтеке би кентіндегі №1 су көтеру бекетіндегі жалпы сыйымдылығы 21750 текше метрлік су қоймаларына тәулігіне 7500-8500 текше метрге дейін ауыз су қабылданып, кент, қала және ауылдық елді мекендер тәулік бойы үздіксіз ауыз сумен қамтамасыз етілді.2023 жылы ауыз су шығындарының жалпы көлемі – 14 663 текше метрді құрады. Оның ішінде су құбырларында орын алған ақаулардың су шығыны – 1613 текше метр, жоспарлы түрде су қоймалары мен ауыз су жүйелерін көктемгі жуып-шаю және залалсыздандыру жұмыстарына – 10200 текше метр, өрт сөндіру шығындарына – 667 текше метр, ауыз су нысандарының ауласын көгалдандыруға – 2 183 текше метр шығындалды.Бөлімшеге қарасты ауыз су жүйелерінің қалыпты жұмыс істеуін қамтамасыз ету мақсатында жыл сайын жоспарлы алдын ала жөндеу жұмыстарының кестесі бекітіледі. Осы жоспарлы алдын-ала жөндеу жұмыстарына кестеге сәйкес кент, қала, ауылдық елді мекендер бойынша су тарату бекеттерінің ауласындағы және ішкі су тарату құбырлары бойында орналасқан 5980 дана көру құдықтарының іші лайдан тазартылып, ішіндегі ашып-жабу арматураларына, өрт гидранттарына техникалық күтім жасалды.Күтім кезектен тыс жасалғанымен су тарату ісінде кедергі келтіріп тұр. Өйткені су тарату бекеттеріндегі су қыспақты мұнаралардың көбінінң нормалық тозығы жеткен. Тіпті алдағы уақытта ауыстыруды да қажет етеді.Бүгінде Әйтеке би кенті №1 су көтеру бекеті мен Басықара ауылы №12 су тарату бекеті аралығындағы ұзындығы 16 шақырым, диаметрі – 225/160/110мм магистралды су құбырына, Әйтеке би кенті №1 су көтеру бекеті мен Қазалы қаласы №13 су тарату бекеті аралығындағы ұзындығы 10 шақырым, диаметрі 315мм магистралды су құбыры қайта құрымдауды қажет етіп, ауыстырудың кезегін күтіп тұр.Мекемеде жоспарлы жұмыстарды ұйымдастыру да жолға қойылған. Мысалы, жыл сайын көктем-күз мезгілдерінде Қазалы ауданы №9 өрт сөндіру бөлімі тарапынан бөлімшеге қарасты өрт гидранттарының техникалық жағдайына тексеру жүргізіледі.Жоспарлы түрде көктемгі-күзгі маусымдарға байланысты аудандық санитарлық-эпидемиологиялық бақылау басқармасының қызмет­керлерімен бірлесе отырып, барлық магистралды су құбырларына, ішкі су тарату желілеріне, су қоймаларына жуып-шаю және залалсыздандыру жұмыстары жүргізілді. Сонымен қатар барлық насос стансаларының аумағында санитарлық тазалық жұмыстары жүргізіліп, темір-бетон қоршауларын әктеу, темір қақпаларын сырлау және насос қондырғыларына, электр трансформаторларына техникалық күтім жасау жұмыстары атқарылады.Ұйымшыл ұжым «Таза қаланың тынысы кең» деген сөзді ұран етіп, ауданда ұйымдастырылатын ауқымды тазалық жұмыстарынан да қалыс қалған емес. Барлық ауыз су нысандарының аумағын жасыл желекке айналдырып, тазалық жұмыстарын кеңінен жүргізуде. 26 нысан бойынша 1 737 дана ағаш отырғызып, бұрыннан көктеп тұрған 8 910 дана ағаш күтімге алған. Бүгінде барлық &nbsp;ағаш саны – 10 647 дананы құрайды.Бөлімшеде тұтынушыларға ауыз су тарату қызметімен қатар бекітілген калькуляцияға сәйкес сервистік су құбырын жүргізу, су есептегіш құралын орнату, су есептегіш құралын ауыстыру, көру құдығынан құбырға қосу, аула ішілік су құбырларына техникалық қызмет көрсету тағы басқа да өзге қызмет түрлері көрсетіледі.Су – ырыс көзі, тіршілік бұлағы болғандықтан аудан тұрғындарын ауызсумен қамту мәселесінің қарқынды жүргені құптарлық. Алдағы уақытта бөлімше бойынша жоспарланған жұмыстар өз дәрежесінде атқарылып, тұтынушыларды сапалы ауыз сумен тұрақты қамтамасыз ету үздіксіз жалғаса береді.Меже мен міндетті қатар үйлестіріп, халық үдесінен шығуды басты мақсаты санайтын бөлімшенің жұмысы одан әрі жанданып, жұртшылықты ризашылыққа бөлері сөзсіз.Арайлым ЖҮСІПОВА

Қазалы ауданын ауызсумен қамтамасыз етіп отырған  мекеменің жұмысы жүйелі

&nbsp;<a href="https://kyzylorda-news.kz/">Kyzylorda-news.kz.</a> &nbsp;Алматы қаласында некрофилияға күдікті адам ұсталды,&nbsp;деп хабарлайды&nbsp;<a href="https://el.kz/18-almatyda-mayithana-kuzetshisi-murdelerge-azgyndyq-zhasagan_116250/">El.kz</a>&nbsp;ақпарат агенттігі.Журналист Михаил Козачков өзінің Telegram-дағы арнасына қалалық мәйітхананың күзетшісі ұсталғанын хабарлады.Оған қатысты ҚР Қылмыстық кодексінің 314-бабы («Қайтыс болғандардың мәйіттері мен олардың жерленген жерлерін қорлау») бойынша қылмыстық іс қозғалған.Журналистің мәліметінше, қылмыскер телефонын өткізуге алып келген де ломбард қызметкерлері оны әшкерелеуге көмектескен. Телефонды бағалау кезінде одан аппараттың өзіне тиесілі екеніне көз жеткізу үшін галереяны ашуды сұрайды. Ол жерде 18+ фотолар болған.Алматы қаласының ПД баспасөз қызметі аталған факті бойынша қылмыстық іс қозғалғанын хабарлады. Күдікті ұсталды және уақытша ұстау изоляторына қамалды.Айта кету керек, ҚР ҚК-нің 314-бабы санкциясы айыппұл, қоғамдық жұмыстар және тіпті 3 жылға дейінгі мерзімге бас бостандығынан айыру түріндегі жаза қарастырады.Сурет: Нұрболат Нұржаубай

Мәйітхана күзетшісі мүрделерге азғындық жасаған

&nbsp;<a href="https://kyzylorda-news.kz/">Kyzylorda-news.kz.</a> &nbsp;Ел тәуелсіздігі жарқын болашақ кепілі. Бүгінгі бейбіт күніміз, риясыз жарқын күлкіміз егемендігіміздің арқасы. Ал теңдесі жоқ бұл тәуелсіздігіміздің оңай келмегендігі бәрімізге аян. Ел егемендігі жолындағы аға-әпкелеріміздің ерлігі мәңгі жадымызда жаңғырып тұруы қажет.Ел тарихын, мәдениетін білу – әрбір азаматтың міндеті. Ал өткенді білмей болашаққа көз жүгірту мүмкін емес.Өткеннің ізін жаңғыртып, тарихтан сыр шертетін негізгі құрал бұл – Музей. Екі дәуір арасындағы ұлы көпір десек те артық айтпағандық болар еді. Тарихи оқиғаларды санамызға сіңіруде Музейдің рөлі орасан.Осы тұрғыда «Қазақстан халқының бірлігі күні», «7 мамыр – Отан қорғаушылар күні» және «Жеңіс күні» қарсаңында &nbsp;бізде рухани сусындауға, ел тарихына қала тарихына бір көз жүгіртіп, патриоттық сана сезімімізді нығайту мақсатында – Қызылорда гарнизонына қызмет көрсету жөніндегі әскери полиция бөлімшесінің әскери қызметшілердің қатысуымен Қызылорда облыстық тарихи – өлкетану музейіне экскурция жасадық. Музейден тамыры терең тарихымыздан сыр шертетін түрлі құнды заттар мен өткенді айна қатесіз бейнелеген көріністерден көп ой түйдік. Ішкі жан дүниеміз бен руханиятымыздың дамуына үлкен септігі тиді. Тіптен бойымызды бабалардың ерлігі, өрлігіне деген, жерді қорғаудағы, елді күзетудегі ерліктері мен түрлі сындарда мұқалмаған жігерлеріне деген риясыз алғыс кернеп тұрды. &nbsp; &nbsp;<img src="https://knadmin.beoblood.kz/uploads/f7f0215b_472c_47e7_baad_1053fb9c5e54_c4184a784d.jpg" alt="f7f0215b-472c-47e7-baad-1053fb9c5e54.jpg">Бақтияр Дәуренқұлов,&nbsp;Қызылорда гарнизонына қызмет көрсетужөніндегі әскери полиция бөлімшесінің бастығы,майор

Тәуелсіз елдің – тұғыры биік

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстанның туризм саласындағы əлеуеті жоғары екенін айтқан-ды. «Еліміздегі туризмнің əлеуеті зор, көрікті жерлеріміз өте көп. Бірақ, сол жерлерге барып, демалуға əлі де жұрттың қолы жете бермейді. Бұл салаға тың серпін беру үшін, ең алдымен, инфрақұрылым мəселесін кешенді түрде шешіп, қызмет сапасын түбегейлі жақсарту қажет» деген еді Президент сөйлеген сөзінде. Сонымен қатар туризм саласына көбірек инвестиция тартуды тапсырды. Президент пәрменіне сəйкес, бүгінде Шиелі ауданында туризмді дамыту бағытында жұмыстар жүзеге асырылуда. Мәселен, шағын өлкеде туризм саласы бойынша жобалық құны 680 миллион теңгені құрайтын 4 жоба іске қосылған.&nbsp;Жері – абат, құшағы – салқын-сабат Шиеліде туризм саласы түрленіп келеді. Айталық, киелі де қасиетті мекенді тамашалауға ниет білдіргендер саны да өсіп келеді. Сала бойынша ауданда орналасқан тарихи мұра «Оқшы ата» кесенесі, «Бала Сауысқандық» шатқалындағы тасқа қашалған көне суреттер, «Нартай Бекежанов» мемориалды өнер музейі, «Ыбырай Жақаев» күріш өсіру тарихи музейлерін аудан қонақтары келіп тамашалауда. Сонымен қатар Бәйгеқұм ауылындағы «Ханқожа» көлінің жағалауындағы жазғы демалыс орындарына қызығушылық танытып, келушілердің қатары көбеюде. Қала берді Дарбаза, Қосқөл мен Ақбұлақтың өзі ғажап бір туризм дерсіз.<blockquote>– Бәйгеқұм ауылдық округінде орналасқан "Ханқожа" көлінің жағалауында жазғы маусымда көл жағасынан демалыс орындарын ашып, балық аулау, суға шомылып, салауатты өмір салтын қалыптастыруға жағдай жасалуда. Яғни 62 жағажай орны ашылып, 7 катер және 34 әртүрлі маркалы қайық пен 33 шағын катамарандар демалушыларға ақылы түрде жалға беріледі. Осылайша кәсіпкерлік қызметтің жаңа түрі дамып келеді. Маусымдық кезең уақытында шамамен 3600 келушілер жағажайда демалады. Көл жағасындағы демалыс орындарында арнайы құтқару балондарымен, арнайы киімдермен қамтамасыз етілген. Құтқару бекетінде 2 адам қызмет етеді, – дейді аудандық дене тәрбиесі, спорт және туризм бөлімінің әдіскері Наурызбай Арғынбайұлы.</blockquote>Ұзындығы 47 шақырымды құрайтын демалыс аймағы нағыз туристерге арналған аймақ десек, қателеспеген болар едік. Себебі Сыр еліндегі Қамбаш көлінен кейін үлкен аумаққа ие бұл көлдің маңы туризмді сөз еткенде ұмыт қалмай айтылуы тиіс басым бағыт. Айта кетейік, өткен жылы Шиеліге сырт аймақтан келген туристер саны 7993 болса, биыл 8100-ге жуық адам жоспарлануда.

Шиеліге жылына қанша турист келеді?

&nbsp;<a href="https://kyzylorda-news.kz/">Kyzylorda-news.kz.</a> &nbsp;Салтанат Нүкенованы азаптап өлтірді деген күдікке ілінген Қуандық Бишімбаевтың бұрынғы әйелі Назым Қаһарман оның діни көзқарасы жайлы айтты, деп хабарлады <a href="https://oinet.kz/e/action/ShowInfo.php?classid=1&amp;id=56841&amp;fbclid=IwZXh0bgNhZW0CMTEAAR0skQSCRGvde0w6wTBLuWk6m7CEuTOGpCb60k-CPR3PQOUo83sijivk6TY_aem_Ab2NHyQr1RZ8oskA38Js-JZ9H7uy5VQtJIjPjZMZWJ5f8eYP0awEUqDXZ14jr6XGpt0UeiqIgDn1UalkaX2IuHVO">Оinet.kz</a>.Назым Қаһарман Instagram парақшасында оқырмандарының Бишімбаевқа қатысты жолдаған сұрақтарына жауап берді. Экс-министрдің бұрынғы әйелі оның бес рет қажылыққа барып келгенін айтты. «Бишімбаевтың дінге көзқарасы қандай болған?», – деген сауал жолдады желі қолданушысы.<blockquote>«Ол ата-анасы сияқты әрқашан дінге жақын болатын. Мен білуімше, ол бес рет кіші қажылыққа барған. Бірақ оның арқасында дін мен рухани дүние деген екі түрлі нәрсе екенін түсіндім», – деп жауап берді Назым Қаһарман.</blockquote>Фото: Оinet.kz

Қуандық Бишімбаев кіші қажылыққа 5 рет барған адам – бірінші әйелі

&nbsp;<a href="https://kyzylorda-news.kz/">Kyzylorda-news.kz.</a> &nbsp;Кеше Қазақстан Республикасы Орталық сайлау комиссиясының «Қызылорда облысынан Қазақстан Республикасы Парламенті Сенатының шығып қалған депутатының орнына 2024 жылғы 25 сәуірде сайланған депутатты тіркеу туралы» қаулысын қабылдау бойынша отырысы өтті.«Қазақстан Республикасындағы сайлау туралы» Қазақстан Республикасы Конституциялық Заңының 12, 45, 46 және 82-баптарына сәйкес, Қызылорда облысынан Қазақстан Республикасы Парламенті Сенатының шығып қалған депутатының орнына сайлау жөніндегі дауыстарды санау нәтижелері туралы Қызылорда облыстық сайлау комиссиясы хаттамасының және «Қызылорда облысынан Қазақстан Республикасы Парламенті Сенатының шығып қалған депутатының орнына 2024 жылғы 25 сәуірде болған сайлаудың қорытындыларын анықтау және жариялау туралы» Қазақстан Республикасы Орталық сайлау комиссиясының 2024 жылғы 26 сәуірде №26/30 қаулысының негізінде Қазақстан Республикасының Орталық сайлау комиссиясы Наурызбай Сейтқалиұлы Байқадамовты Қазақстан Республикасы Парламенті Сенатының депутаты ретінде тіркеуге қаулы етті.Сондай-ақ осы күні Орталық сайлау комиссиясында Н.С.Байқадамовқа Қазақстан Республикасы Парламент депутатының куәлігі мен төсбелгісін табыс етті.

Орталық сайлау комиссиясы Парламент Сенатының депутатын тіркеді

&nbsp;<a href="https://kyzylorda-news.kz/">Kyzylorda-news.kz.</a> 29 сәуірде қазақстандық әнші Қайрат Нұртас тағы да әкімшілік жауапкершілікке тартылды. Ол&nbsp;концерт кезінде балағат сөздер айтқан. Бұл туралы<a href="https://stan.kz/kazakstandik-anshi-kayrat-nyrtas-doreki-sozderi-ushin-z-399436/"> Stan.kz</a> ақпарат агенттігі хабарлайды.Желілерде&nbsp;әншінің концерт кезінде сахнада дөрекі сөздер айтқан видеосы тарады."Бейнежазбада қоғамдық орында балағат сөздер айтқан әнші жауапқа тартылды. Ұсақ бұзақылық бойынша оған 20 АЕК көлемінде айыппұл салынды", - делінген полиция хабарламасында.Еске салсақ, бұған дейін&nbsp;Қайрат Нұртастың тыңдармандары оның сахнада айтқан дөрекі сөздерін "не істесе де жарасады" деп ақтаған болатын.Фото Instagram желісінен

Әнші Қайрат Нұртас сахнада дөрекі сөздер айтқаны үшін жауапқа тартылды

Kyzylorda-news.kz. Қазақстанның бұрынғы Ішкі істер министрі Ерлан Тұрғымбаев Қаңтар оқиғасы ісі бойынша ұсталғаны туралы ақпарат тарады. Бұл туралы Stan.kz ақпарат агенттігі Nege порталына сілтеме жасап хабарлайды.Ішкі істер министрлігінің бұрынғы басшысы Ерлан Тұрғымбаевтың ұсталғаны туралы БАҚ жарыса жазып жатыр.<blockquote>“Бұл шешімді арнайы прокурорлар Тұрғымбаевқа қатысты 2022 жылғы қаңтардағы қайғылы оқиғалар бойынша лауазымдық өкілеттіктерін асыра пайдалану бабы бойынша қылмыстық іс аясында қабылдады", - делінген хабарламада.</blockquote>

Ішкі істер министрлігінің бұрынғы басшысы Ерлан Тұрғымбаев Қаңтар оқиғасы бойынша ұсталды

<a href="https://kyzylorda-news.kz/">Kyzylorda-news.kz</a>&nbsp;Өмірдің ой-шұқыры көп. Кейде мұңаясың, кейде қуанасың. Алдыңда не тұрғанын білмейсің? Әрине олай болсын деп ешкім қолдан тағдыр жасамайды. Басқа не салады, пенденің соған көнетін де кезі аз болмайды. Біздің кейіпкеріміз де осыдан 50 жыл бұрын нағашысынан көз жазып қаламын деп еш ойламаған еді. &nbsp;&nbsp;Жосалы кентінің тұрғыны, еңбек ардагері Тынышкүл Еленова 18 жасында Амангелді есімді жігітпен бас қосып, шаңырақ көтереді. Екеуінің ортасында үйелмелі-сүйелмелі 7 бала дүниеге келіп, ерлі-зайыптылар бақытты өмір сүреді. Көпбалалы ана Марал баба (ишан) әулетінің өнегелі аналарының бірі. Жасы 80-ге келіп отыр. Түрлі салада абыройлы еңбек етіп, зейнет демалысына шыққан оның ауданның құрылыс, астық қабылдау бекеті секілді мекеме ұжымдарында қолтаңбасы қалған. Бір уақыттары малшы, аспазшы болып та жұмыс істеп, жан жарының жанына жалау бола білген. Ардақты жан бүгінде өңірінен өрбіген ұрпағының ортасында отырған аяулы ана, асыл әже. Әулетінің жол бастар ақылманы, мейірбан жанашыры. &nbsp;Міне айтпағымыз да осы жерден тін тартпақ. Тынышкүл Оспанқызының отбасында көптен күткен қуаныш. Оның себебі де жоқ емес. Сонау Ресей шекарасын артқа тастап, бірнеше мың шақырым жол жүріп туған нағашысының балалары 50 жылдан соң іздеп келіп жатыр. Сол тойдың біз де қонағы ретінде қатысып, жағымды жаңалықтың куәсі болған едік. &nbsp;<blockquote>– Іздеп келіп жатқан қыздар менің жалғыз нағашым Әлдебайдың қыздары. Яғни анамның бір түйір інісінің балалары. Ата-анадан екеуі ғана болған. Нағашымның 8 ұл-қызы болса, солардан қазір 3 қызы тірі. Қалғаны дүниеден өткен. Соңғы рет нағашыммен 1972 жылы жүздескенбіз. Содан беріде кездескен емеспіз. Анам ауырып жатқанда келіншегі Гүлзирамен бірге келіп, әпкесінің жағдайын сұрап кеткен. Ойымда жүретін, іздеймін, барамын деймін, ақыры бара алмадым тіршілік, бала-шаға деп жүріп. Енді өздері келіп жатыр. Мұнан артық қуаныш болар ма?, – дейді анамыз дауысы бұзылып, көзіне жас іркіле.&nbsp;</blockquote>Әрі қарай кемсеңдей аз-кем өмір тарихына жүгінді.&nbsp;«Шешем – Торғайдың қызы. Ертеректе нағашы атам (малы көп болса керек) Сыр өңіріне қыстайды екен. Атам қызын, менің анамды 14 жасында Кәрібай дегенге ұзатып береді. Ол кісіден 4 балалы болыпты. 1929 жылы Кәрібай әкеміз өмірден өтеді де, артынша 4 баласы да (сол кезде елде жаппай белең алған) қызылша ауруынан бірінен соң бірі қайтыс болады. Елен әкемнің сонда төрт қора ағашы, төрт үйі бар екен. Сол төрт үйде шешем жалғыз өзі 4 жыл отырады. Өзің білесің, бұл қайғы-қасірет анама оңай болды деп айта алмаймын. Сол мезетте менің әкем, Еленнің баласы, қайынінісі Тәшкеннен келеді. Сол кісіге қосылып, Қармақшы ауылының бер жағындағы «Андрейдің буткасы» деген жерде екеуі бірге теміржолда жұмыс істейді. Кейін бері қарата Анакөл разъезіне көшіп келді. Әке-шешеміз өмірден өткенше сонда қоныстанды» дейді кейуана тағы бір сәт көңілі босап.&nbsp;Бір айтарлығы, Тынышкүл апаның да ұл-қыздары Ресей жақта осындай туысқандарының барынан хабардар әрі іздеп те тұрған. Бірақ оң &nbsp;нәтиже бермеген.&nbsp;<blockquote>– Смағұлдың (Қауысов) әкесін «Даде» дейтін едік. Сол әкесінің Қостанайда жиені бар еді. Руы – Уақ. Сол кісінің 2 баласы бар. Бірі – Аманқарағайда, бірі – Қостанайда тұрады. Кішісінің 2 ұлының үлкені Оразмамат та, екіншісі Қабиболла. Бізге нағашым Әлдебайдың қыздарын Қабиболла ағайындарға сұрау салып, 3 күнде тауып берді. Қызым Гүлзинат қостанайлықтармен жақсы араласады. Бабаның атында өтетін іс-шараларға қатысып келеді. Мен жасы келген адаммын, сыртқа шыға бермеймін. Осы қызым бірден хабарласып, анық-қанығын білді ғой.&nbsp; Нағашым Ресейге қалай кетіп жүр деген сауал туатыны анық. Әуеліде анасымен жылыстап-жылыстап Орскіге барған. Оның Адамовский деген ауданы бар. Сонда отырғанда қойма меңгерушісі болып жұмыс істейді. Жұмыс істеп жүрген жерінен «бір уыс бидай ұрладың» деп жала жабылып, 25 жылға үкім кеседі. Жаңадан үйленген атпалдай жігіттің қолында анасы мен қызы болады. Кетерінде әйелі Бағилаға «25 жыл түрмеде отырамын. Шешеме, қызым Жақсыбикеге дұрыстап қара» деп аманат етеді. 10 жылдан соң түрмеге кездесуге барған әйеліне «Мен тірі шығамын ба, өлі шығамын ба, білмеймін. Саған тұмыс құрамын десең, рұқсатымды бердім. Мен ырзамын. Бірақ шешем мен баламды бағасың» деп тілегін білдіріпті. Арада 6 ай өткен соң, нағашымыз рақымшылықпен босап үйіне келгенде келіншегі екіқабат. Үйінің қасында біреуге тиген екен. Қайтып жар етіп аламын десе де, әйел көнбей «Енді біздер жараспаймыз, болмайды» деп қайта қосылудан бас тартады жеңгеміз. Аулада қызы ойнап жүрсе керек, «Жақсыбике, анаңда қаласың ба, әлде маған ересің бе?» дегенде әкесінің қолынан ұстаған күйі еріп кете беріпті. Сөйтіп, анасы мен қызын алып, кейін келе ағамыз қайтып жаңа отбасын құрып, екінші жеңгеміз Гүлзирамен бас құрайды. Сол үлкен қыз Әлдебай нағашымның екінші некедегі ұл-қыздарымен бірге тел өсті. 8 ұл-қыздан бүгінде Жақсыбике, Рысбике, Бақтыбике, Қонысбай, Аманбайлар дүниеден озса, Ұлмекен, Күлжан, Балжан есімді қыздары шүкір аман-есендікте. Ұлмекен денсаулығына орай келе алмаса, Күлжан, Балжанмен жарты ғасыр дегенде көрісіп, қауышып жатырмыз. Бәрі балалы-шағалы, өскен-өнген жандар. Алғашқы хабарды естігеннен-ақ жүрегіміз аузымызға тығылып, жарыла қуандық. Бұған дейін де іздеп отырдық. Дегенмен, таба алмаған едік. Бұйырса енді бір-бірімізден айырылмаймыз. Мен бара алмасам да балалар барады. Құдай қаласа, өздері де қатынап тұрады, – дейді көз жасына ерік берген анамыз. &nbsp;</blockquote>Бүгінде Қонысбайдың жары бала-шағасымен Бредодағы қара шаңырақтың түтінін түтетіп отырған көрінеді. Әлдебай ағамыз сотталып келген соң Челябо облысы, Бредо ауданына тұрақтаған. Сан тарау жол, қилы тағдыр. Иә, Істі болған адамды кім жанына жақын тұтсын. Темір тордан босап келгесін мал шаруашылығымен айналысқан. Еңбегінің арқасында атақты шопан және депутат дәрежесіне дейін көтерілген. Қыздарының айтуынша, әкелерін Кеңес үкіметі «Ленин орденіне» ұсынғанда соттылығы үшін марапат иесін таппапты.&nbsp;Қоса кетерлігі, әпкелі-інілі бауырлар отбасын құрғаннан кейін 3-4 мәрте ғана көріскен. Соңғы көріскендері – 1972 жыл екен.&nbsp; Қыздар деп отырғанымыз – Күлжан мен Балжан Әлдебайқызы. Педагогикалық білім алған. Бірі – кәсіпкер болса, бірі – Тәжікстанда ашылған орыс мектебінде келісім-шарт негізінде ұстаздық етіп жүр. Олардың да өз айтары бар.<blockquote>– Біз Қазақстанда әкеміздің әпкесі бар екенін кішкентайымыздан &nbsp;білетінбіз. Жазу солай болды ма, әйтеуір туыстарымыздан ажырап қалдық. Бәлки оған әкеміздің ұзақ жылдар бойы ауырғаны да себеп болған болар. Анамыз да, әкеміз де өмірден өткен. Дегенмен, ағаларымызға туыстарымызды тауып алайықшы деп жиі айтатын едік. Үйде әкеміздің шағын жәшігінде әпкесінің мекен-жайы жазылған хаттары сақталатын. &nbsp;Бірақ сол жәшік жоғалып кетіп, адрес те сонымен бірге кетті. Осылайша, арадағы хат-хабар үзілді. Іздегіміз келгенімен, &nbsp;бұл кісілердің атын, не фамилиясын білмейміз. Тек қана Қызылорда облысынан екенін білетінбіз. Бар мәліметіміз осы болды. Әйтпесе, осы кезге дейін қатынасып, арқа-жарқа болып араласып отырушы едік қой. Енді ажырамаймыз, – дейді әпкелі-сіңлілер жүздерінен қуаныш сезімі есіп.&nbsp;</blockquote>Қандас бауырларымыз бір апталық сапарларында туған жердің қонақжайлылығына риза болып ауылдарына аттанысты. Қорқыт ата секілді тарихи орынға зиярат етті. Ата-баба рухына арналып оқылған Құранға қол жайды. Орыс жерінде өскенімен жеті атасын жатқа біліп, қазақы рухты сақтағаны бізді де бейжай қалдырмады. Жарты ғасырлық сағыныштан соң, енді Ресей мен Қазақстанның ортасында жорға да, дорба да қатынамақ. Бауырлардың елге қайтарында бір-бірін қимай қоштасқандарына қарап осындай шешімге еріксіз келеді екенсің.

Қазақстан және Қызылорда облысының жаңалықтары