Фото: Б.Нұрқожаевтың желідегі парақшасынан<a href="https://kyzylorda-news.kz/ru">Kyzylorda-news.kz.</a>&nbsp; ​Қазір елімізде екі уақыт белдеуі (UTC+5 және UTC+6) бар. (UTC+4+1) Атырау, Батыс Қазақстан, Маңғыстау, Ақтөбе және Қызылорда облыстары 4-сағаттық белдеумен есептеліп жүрсе, Астана, Алматы, Шымкент қалалары және қалған облыстар (Қостанай, Солтүстік Қазақстан, Ақмола, Қарағанды, Ұлытау, Түркістан, Жамбыл, Павлодар, Шығыс Қазақстан, Абай, Жетісу, Алматы) 5-сағаттық белдеуімен (UTC+5+1) санап жүр, деп жазды <a href="https://meirimdi.kz/blog/zhanalyktar-3/mamandar-kazakstanda-uakyt-beldeuinin-ozgerui-adam-agzasyna-ziian-ekenin-aitty-17">Meirimdi Qogam</a> порталы.​Сомнолог Әділ Бейсенбаев уақыт белдеуінің кері жылжуы адам ұйқысының бұзылуына әсерін тигізетінін айтады.<blockquote>​"Бірақ Алматы мен Астана тұрғындары үшін аздаған қиындықтар туғызады. Себебі 1 сағат артқа жылжығандықтан, әдеттегі әрекеттерінен бас тартуына тура келеді. Күнделікті өмірді барынша тиімді жалғастыру үшін сапалы ұйқы қажет. Сапалы ұйқы барысында ағзаны келесі күнге дайындау, оны токсиндерден тазарту, эндокриндік жүйені реттеу, иммундық жүйені нығайту реттеледі", – деді Әділ Бейсенбаев.</blockquote><blockquote>"Мелатонин адамды ұйқыға дайындайды. Біздің ағзамыз әрі кетсе, екі-үш күн ішінде жаңа режимге бейімделіп алады. Егер біз сағатты 1 сағат кері жылжытсақ, сәйкесінше, біз 1 сағат бұрын оянып, 1 сағат бұрын ерте жатамыз", – деді сомнолог дәрігер.</blockquote>​Ал онколог дәрігер Алтынай Ерікқызы адам ағзасының әр мүшесінің өзіндік ырғағы бар, оның жұмысы тәуліктің белгілі бір бөлігіне сәйкес жұмыс істейді дейді.“Оны ағзаның "биологиялық ырғағы" деп атайды. Ал "биологиялық ырғақ" бұзылса, адам ағзасында біршама өзгерістер болуы мүмкін. Мәселен, сағат 17:00-ден 19:00-ге дейін бүйрек жұмысының белсенділігі артатын кез”, – дейді ол.&nbsp;<blockquote>"Бүйректер ағзаға түскен барша сұйықты өңдейді, ағзаға қажет-қажетсізін сұрыптайды, улы заттарды тысқа шығарады. Ал түнгі сағат 01:00 мен 03:00-ге дейін бауыр белсенді жұмыс істесе, ал одан кейін тамақты қорыту уақыты 1 сағатқа өзгереді. Уақыт белдеуінің ауысуынан адам дұрыс ұйықтамаса, бауыр мен бүйрек жұмысына зиян келтіреді", – деді онкология маманы Алтынай Ерікқызы.</blockquote>​Қазақстан ғалымдары еліміздің көп бөлігінің тұрғындары өздерінің табиғи уақыт белдеуінде тұрмайтынына бірнеше рет алаңдаушылық білдірген. Бұл денсаулық сапасына әсер етеді, дейді мамандар. Адам ұйқысы қанбайды және шаршайды, нәтижесінде жалқаулық пен апатия пайда болады.<blockquote>"Ақмола облысы, Солтүстік Қазақстан облысы, Оңтүстік Қазақстан облысы және Қостанай облысы табиғи уақытынан озып кеткен. Бұл қолайсыздықты тудырады және когнитивті функцияға ғана емес, адамдардың денсаулығына да әсер етеді. Себебі адам, күндізгі тіршілік иесі ретінде, күннің шығуымен оянуы керек. Ал бұл жақта олай емес ", – деді хронобиология маманы Болат Нұрқожаев.</blockquote>​Болат Нұрқожаевтың айтуынша, кейінгі ғылыми жаңалықтар озық декреттік уақытпен өмір сүру "ықтимал канцероген" деп бағалайды. Сөйтіп оның пайдасы мен зияны туралы екіұдай пікір қалыптастырады. Ал зерттеушілер ғылымда "канцерогенді" – қатерлі ісік туғызуы мүмкін нәрсе ретінде анықтаған.​Осы тұста Шығыс Қазақстан облысында ауыл тұрғындары бірыңғай уақыт белдеуіне ауысқысы келмейтінін айтып наразылық танытып жатқанын айта кету керек. Хронобиолог мұндай мәселелер дауыс беруге салынбайтынын, керісінше, тәжірибелі мамандардың зерттеуіне жүгіну керек екенін ескертті.<blockquote>​"Мысалы, шығыс жақтың уақытын 24 сағаттық белдеуге бөліп есептеп көрейік. Тал түсте яғни UTC+5 сағаттық белдеуі 75 меридианы болса, оның шекарасының екі жағына 7,5 градустан, яғни 67,5 меридианы мен 82,5 меридиан арасында орналасқан облыстардың бәрі UTC+5 сағаттық белдеуінің аумағында орналасады. Жердің өз осінде шығысқа қарай айналуына байланысты күн шығыстан батысқа қарай ататыны белгілі, яғни 1 сағаттық белдеудің шығысында тал түс уақыты 11:30-ға, ортасында 12:00-ге, батысында 12:30-ға сай келеді", – деді Болат Нұрқожаев.</blockquote>​Болат Нұрқожаев айтуынша, ортаңғы ендікте жаз бен қыс мезгілдерінде күн ұзақтығының айырмасы 7 сағаттан асады. Жазда күн ұзақ болса, қыс мезгілінде түн ұзақ болады.<blockquote>​“Шығыс Қазақстан облысы UTC +5 пен UTC+6 сағаттық белдеуінің шекарасында орналасқандықтан және қазір UTC +6 декреттік уақыты қолданыста болғандықтан, тал түс уақыты 12:30-ға келіп тұр. Анығында, шығыс өңірінің белдеулік уақыты UTC+5. Шығыс Қазақстан облысының шығыс жақ бөлігіндегі бірқатар жер ғана белдеулік уақыт 11:30 &nbsp;болып тұрса, бұл уақыттан 10-15 минуттай ғана қалыс қалып отыр. Яғни оларда тал түс уақыты сағат 11:15-ке жуықтайды. Хронобиологиялық тұрғыдан табиғи уақыттан озықтық қалыптыққа қарағанда ауыр сезілетіні, аурушаңдық тудыратыны ғылыми тұрғыдан дәлелденген", – деді Болат Нұрқожаев.</blockquote>&nbsp;<blockquote>"Шығыс Қазақстанда балалар 8-де, жарықта сабақта отырса, бізде тас қараңғы болып тұрады. Өскеменде 08:00-де жұмыс, оқу басталады. Олардың бізден 1 сағат алда екенін байқауымызға болады. Анығын айтқанда, біздің балалар жердің табиғи жергілікті белдеулік уақытымен 07:00-де тұрса, алдағы уақытта 06:00-да тұрады деген сөз. Сондықтан қазақстандық балалардың ұйқы режимі қысқарып, бұзылады. Екінші бір фактор. Ересектер мен балалардың режимі факторы екі бөлек. Жаңа туған балалар 18 сағат ұйықтаса, бастауыш сынып жасындағы балалар 9-10 сағат ұйықтауы қажет. Міне, сол сағаттың бір сағатын қысқартамыз", – деді Болат Нұрқожаев.</blockquote>​Болат Нұрқожаев 2018 жылы Қызылорда облысында 1 сағатты кейін шегергенін еске алды.​Болат Нұрқожаев табиғи уақытпен (күн уақытымен) ерте жатып, ерте тұрамыз дейді.<blockquote>“ ​Ал әлеуметтік уақытпен айтсақ, адамдар қазір онсыз да тас қараңғыда ұйқысынан оянып жатыр. Енді одан да қараңғыда тұрамыз деп түсінеді. Ол дұрыс емес. Әлеуметтік уақыт артқа жылжыса, күн уақыты қозғалыссыз, яғни қазіргі 08:00 қараңғы болса, ертең өзгергесін ол жарық уақыт болады”, – деді хронобиолог.</blockquote>​Хронобиолог әлеуметтік уақыт озық болса, ішкі биологиялық сағаттар, яғни органдар мен жүйелер өзара синхрондығы бұзылғанда “десинхроноз” болатынын айтты.<blockquote>​“Биологиялық ырғақтың бұзылуынан шаршау, депрессия, ұйқысыздық, әртүрлі жүрек-қан тамыр аурулары пайда болуы мүмкін. UTC+5 уақыт белдеудің артықшылықтары: созылмалы түрде ұйқының қанбауы, шаршау, созылмалы аурулардың объективті алғышарт­та­рын қалыптасуына жол бермейді”, – дейді ол.&nbsp;</blockquote>&nbsp;&nbsp;

Болат Нұрқожаев: Қазақстандық балалардың ұйқы режимі қысқарып, бұзылады

Фото: NUR.KZ&nbsp;<a href="https://kyzylorda-news.kz/ru/">Kyzylorda-news.kz</a>. Биыл Қазақстанда запастағы офицерлер 24 айға мерзімді әскери қызметке шақырылады, деп хабарлайды <a href="https://ru.sputnik.kz/">Sputnik Қазақстан</a>.Премьер-министр Әлихан Смайылов Үкімет қаулысына қол қойды.<blockquote>"Қаулыға сәйкес офицерлер құрамының лауазымдарында әскери қызмет өткеру үшін әскери қызметке жарамды және оны өткермеген запастағы офицерлер заңнамада белгіленген тәртіппен 2024 жылы жиырма төрт ай мерзімге әскери қызметке шақырылады. Қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі", - делінген хабарламада.</blockquote>Қаулыға сәйкес:Қазақстан Республикасының Қарулы Күштері – 600;Қазақстан Республикасы Ұлттық қауіпсіздік комитетінің Шекара қызметі – 80;Қазақстан Республикасы Ішкі істер министрлігінің Ұлттық ұланы – 42;Қазақстан Республикасының Төтенше жағдайлар министрлігі – 30Барлығы – 752 офицер. Қаулы 2024 жылғы 9 ақпанда күшіне енеді.

Биыл запастағы офицерлер екі жылға әскери қызметке шақырылады

Фото: www.gov.kz<a href="https://kyzylorda-news.kz/ru">Kyzylorda-news.kz.</a> Қазалы ауданының әкімі Мұхтар Оразбаев "Етене" бағдарламасында неден айырылып қалудан қорқатынын айтты, - &nbsp;деп хабарлайды Kyzylorda news ақпарат агенттігі.Мұхтар Оразбаевтың қорқынышы елдің болашағы екен.&nbsp;<blockquote>&nbsp;Мемлекеттік қызметте жұмыс істеп жатқаныма 24 жыл толды. Қазір ақпараттың жылдам даму кезеңіндеміз. Әлеуметтік желідегі қисынсыз контент, жалған посттардың салдарынан рухани құндылықтардан айырылып қалмасақ деймін. Адамнан сыйластық жоғалмаса екен. Елдің болашағы да жарқын болса деген тілегім бар",- деп айтты әкім.</blockquote>

Қазалы ауданының әкімі нені жоғалтып алудан қорқатынын айтты

Фото: Жамбыл облыстық полиция департаменті&nbsp;<a href="https://kyzylorda-news.kz/ru/">Kyzylorda-news.kz</a>. Алматы қаласында қару-жарақтың ірі арсеналы табылды, деп хабарлайды Sputnik Қазақстан ұлттық қауіпсіздік комитетіне сілтеме жасап.Жасырын жерден "Калашников" автоматтары, тапаншалар мен мылтықтарды қоса алғанда 30 бірлік қару-жарақ, сондай-ақ 5 граната, 10 түтіндету құтысы және әртүрлі калибрдегі 221 патрон шықты.<blockquote>"Алдын ала деректер бойынша, табылған қару қаңтар оқиғасы кезінде ұрланған", - дейді комитет мамандары.</blockquote>Қазіргі кезде сотқа дейінгі тергеу шаралары басталды.

Қаңтар оқиғасы кезінде ұрланған қару-жарақтың ірі арсеналы табылды

<a href="https://kyzylorda-news.kz/ru/">Kyzylorda-news.kz</a>. Осы күнге дейін МӘМС-ке бір де бір рет жарна төлемеген немесе өткен 12 айда берешегі көп азаматтар алдағы бір жылға төлем жасап, сақтандырылған мәртебесін ала алады. Ал бірнеше ай берешегі барлардың қарызды ғана жауып, МӘМС қатысушысы болуына мүмкіндік бар. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов толығырақ айтып берді.Әрбір сақтандырылған адам аударған жарна мөлшеріне қарамастан, медициналық көрсеткіштері болса, барлық көмекті толық көлемде алуға құқылы. МӘМС пакеті пациенттерге қажет негізгі медициналық қызметтерді қамтиды. Атап айтар болсақ, бейінді мамандардың кеңесі, қымбат анализдер, диагностикалық зерттеулер, консультациялар, сонымен қатар жоғары технологияларды пайдалана отырып жасалатын операциялар және т.б. қызметтер кіреді. Бұндай операциялардың көбі бірнеше миллион теңге тұрады. Ал азаматтар ай сайын дербес төлеуші ретіңде жарна төлеп, осы қызметтерді қосымша қаржы төлемей-ақ ала алады.Сонымен, қай кезде мәртебе берілмейді &nbsp;және оны қалай алуға болады?Түсініктірек болу үшін бірер мысал келтірейік.1-жағдай. Бір азамат 2023 жылдың тамыз айында ресми жұмысқа тұрды делік. Сол кезден бастап қызметкер үшін төлемнің екі түрі түсе бастады:1) аударымдар – жұмыс беруші өз қаражаты есебінен төлейді. 2023 жылы оның мөлшері қызметкер жалақысының 3 пайызын құрайды. Аударымдардың ең жоғары мөлшері 10 ЕТЖ-ның 3%-нан аспауы керек (3%*10*70000=21000 теңге); 2) жарналар – жұмыс беруші қызметкердің жалақысынан 2% ұстайды. Бұл ретте аударымдардың ең жоғары мөлшері 10 ЕТЖ-ның 2%-нан аспауы тиіс (2%*10*70000=14000 теңге).&nbsp;&nbsp;2024 жылдың ақпан айында осы кісі емханаға дәрігердің қабылдауына барса, мәртебесі сақтандырылмаған екенін біледі. Ол ресми жұмыс істейтінін әрі жұмыс беруші қажет төлемдерді уақтылы аударатынын айтып, себебін сұрайды.&nbsp;Белгілі болғандай, жұмысқа орналасқанға дейін бұл адам МӘМС жарналары мен аударымдарын мүлдем төлемеген. Ал «МӘМС туралы» заңға сай, азаматтың өткен немесе алдағы 12 айға төлемі болуға тиіс.&nbsp;Азаматтың 6 айға төлемі бар, 2023 жылдың тамызынан 2024 жылдың қантар айына дейін. Бұл жағдайда не істеу керек? Мәртебе алу үшін 2023 жылдың жетіспейтін айлары үшін, яғни қаңтардан шілдеге дейін (қоса алғанда) 3 500 теңгеден айма ай төлем жасау керек (2023 жылы дербес төлеушілер төлейтін жарна көлемі осындай болды). Сақтандырылған мәртебесі төлем жасалған соң 3 жұмыс күннің ішінде беріледі.2-жағдай. Бір ұйымда екі жыл жұмыс істеген қызметкер жұмыстан шығып қалды делік. Қазір оған невропатолог &nbsp;кеңесі мен УДЗ өту керек. Бірақ ол екі айдан бері басқа жұмысқа тұрмағандықтан әрі МӘМС жарналарын төлемегесін бұл медициналық көмекті ала алмаймын деп ойлайды.Бұл азаматқа алаңдауға негіз жоқ. Себебі өткен 12 айға төлемі бар адамның алдағы 3 ай бойы мәртебесі сақтандырылған болады. Ол осы уақыт ішінде жұмысқа тұрып немесе дербес төлеуші ретінде МӘМС үшін төлем жасауын жалғастыра алады. Тек берешек қалыптасқан айларды жабуы керек. Сонымен қатар, ресми жұмысқа тұрғанша дербес төлеуші ретінде МӘМС-ке жарна төлеуді жалғастыруға болады.3-жағдай. Жазда ғана табыс табатын маусымдық жұмысшылар не істеу керек? 2023 жылдың сәуір-қыркүйек айларына жарна төленген, бірақ азаматтың мәртебесі «сақтандырылмаған».Маусымдық жұмысшылар жылына 6 ай жұмыс істеулері мүмкін. Әрі қарай олар сақтандырылған мәртебесін жоғалтпау үшін МӘМС жарналарын жеке жеке әр айға дербес төлеуші ретінде төлеп шығуы керек.&nbsp;Дербес төлеушілер үшін 2024 жылы жарналардың мөлшері 4 250 теңгені құрайды.Жарнаны қалай төлейді?МӘМС жарналарын екінші деңгейдегі кез келген банктердің мобильді қосымшалары, жылдам төлем терминалдары және «Қазпошта» кассалары арқылы төлеуге болады.&nbsp;Жарнаны қате төлеп қойса, не істеу керек?Төлемдерді шатасып басқа мерзімге төлеп қойған азаматтар ақшасын қайтарып ала алады. Ол үшін «Азаматтарға арналған Үкімет» Мемлекеттік корпорациясына өтініш жазып, түбіртектерді қоса тапсыру қажет.Егер сіздің тағы да сұрақтарыңыз болса немесе медициналық көмек алуда қиындықтар туындаса, өз емханаңыздағы «Пациенттерді қолдау қызметіне» жүгіне аласыз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot.&nbsp;Фото: Нұрболат Нұржаубай &nbsp;

 МӘМС: Берешек салдарынан сақтандырылған мәртебесін ала алмай жүрсіз бе?

<a href="https://kyzylorda-news.kz/ru/">Kyzylorda-news.kz</a>. Қазақстанда мектепте балаларды жоғары білімді, бірақ педагогикалық дипломы жоқ мамандар да оқыта алады. Бұл кадр тапшылығы мәселесін шешеді деп күтілуде. Бірақ маманға балаларды оқытуға рұқсат бермес бұрын, арнайы дайындықтан өту қажет болады. Бұл туралы<a href="https://stan.kz/kazakstanda-pedagogikalik-diplomi-zhok-mamandarga-da-me-394556/"> Станкз </a>ақпарат агенттігі Информбюро жаңалықтар бөліміне сілтеме жасап хабарлайды.Мектептерге мұғалім ретінде жоғары, бірақ педагогикалық білімі жоқ мамандарды тарту жоспарлануда. Ол үшін олар теория, практика және мектептегі оқытуды қамтитын бір жылдық курстардан өтіп, сәйкес сертификат алуы керек. Жаңа жүйе басты мәселе – еліміздегі ұстаз тапшылығын шешуге септігін тигізеді, дейді мамандар.<blockquote>“Жоғары білімі бар және тиісті пәндер бойынша дайындалған мамандар ертеңгі күні жетіспейтін мұғалімдерді алмастыра алады - бұл бірінші мәселе. Екіншіден, басқа саладан мұғалімдердің келуі мектептегі кәсіби өмірді біршама әртараптандырады. Мұғалімдер өзара тәжірибемен алмасады”, – дейді "Назарбаев зияткерлік мектебі" АҚ педагогикалық шеберлік орталығының директоры Жанбота Қабдыкәримова.</blockquote>Сарапшылар бұл әдіс сұранысқа ие болады деп есептейді, өйткені мұғалімдердің жалақысы қазір айтарлықтай жоғары. Сарапшылардың пікірінше, "сырттан кіру" жүйесі әртүрлі елдерде тек мектептерде ғана емес, университеттерде де қолданылады. Оқыту үшін үлкен білімі, тәжірибесі мен біліктілігі бар, өз ғимараттарын балаларға бере алатын белгілі мамандар тартылады.<blockquote>“Балаларды дұрыс түсінуге, сыни тұрғыдан ойлауға, өзара әрекет етуге және алған білімдерін дұрыс қолдануға үйретуіміз керек. Тағы бір мәселе, бұл адамдар педагогиканы қаншалықты меңгереді. Педагогика мен коммуникацияны білу толыққанды дайындық болуы керек: жай ғана белгі үшін немесе жай сертификат үшін емес”, – деп түсіндіреді “Мирас” университетінің ректоры Нүркен Халықберген.</blockquote>Мұғалімдер мектеп оқушыларымен жұмыс істеу кез келген адамның қолынан келе бермейтінін айтады. Мұғалімдерге қойылатын талап қашанда жоғары.“Мектепте жұмыс істеймін деген адам моральдық-психологиялық тұрғыдан дайын болуы керек. Түрлі жағдайлар туындайды, ол осы жағдайлардан шығудың жолын табуы керек”, – дейді №65 мектеп-гимназиясының орыс тілі мұғалімі Сәуле Үсенова.Ата-аналар да жаңашылдыққа қарсы емес. Ең бастысы, оқудың балаларға пайдасы тисе екен, дейді олар. Әзірге "сырттан кіру" жүйесі НЗМ-де қолдану жоспарлануда. Бірақ, сарапшылардың айтуынша, бір жылдық оқуды аяқтап, сертификат алғаннан кейін орта мектептерге жұмысқа орналасуда еш қиындық болмайды.Бұған дейін еліміздегі мұғалімдер енді оқулықтарды өздері таңдауы мүмкін екені хабарланған. Жаңа жүйені Білім беру мазмұнын сараптау республикалық ғылыми-практикалық орталығы әзірлеген. Еtandau.gov.kz электронды платформасы тек мұғалімдерге, мектеп директорларына, әдістемелік бірлестік жетекшілеріне, кітапханашылар мен білім бөлімдеріне арналған. Платформа әр мұғалімге өзі дұрыс деп таныған оқулықты таңдауға мүмкіндік береді.Фото: Нұрболат Нұржаубай&nbsp;

Қазақстанда педагогикалық дипломы жоқ мамандарға да мектептерде сабақ өтуге рұқсат берілмек

Фото: qazscience.gov.kz<a href="https://kyzylorda-news.kz/ru/">Kyzylorda-news.kz</a>.&nbsp; Мұрат Жұрынов басқаратын Ұлттық ғылым академиясы жабылды ма? Бұл сауалға Ғылым және жоғары білім вице-министрі Дархан Ахмед-Зәки <a href="https://jjtv.kz/ru/live">Jibek Joly т</a>елеарнасының JJ Talk бағдарламасы эфирінде жауап берді.Эфир кезінде Дархан Ахмед-Зәки Президент жанындағы Ұлттық ғылым академиясы мәртебесінің заңмен реттелетінін айтып жатқанда бағдарлама жүргізушісі спикердің сөзін бөліп, «бұған дейінгі ғылым академиясы жабылды ма?» деген сауал қойды.<blockquote>«Ол жабылған жоқ. Келешекте жабылатын шығар. Ол академия — қоғамдық бірлестік. Жаңа академияның жаңа мәртебесі болады», — деп қысқа қайырды вице-министр.</blockquote>Еске сала кетейік, өткен жылы қарашада Jibek Joly телеарнасының «Уәде» бағдарламасына берген сұхбатында Ғылым және жоғары білім министрі Саясат Нұрбек Мұрат Жұрынов басқаратын Ұлттық ғылым академиясы тарауы тиіс деген болатын. &nbsp;<blockquote>«КСРО күйреген 90-шы жылдары мемлекеттік мәртебесі болған, академик Қаныш Сәтбаев негізін қалаған Ғылым академиясы мәртебесін жоғалта бастады. Сол кезде академияда бірнеше трансформация болды. Мәселен, өте бір қызық формат — сол кездегі Білім министрі Школьник Ғылым академиясының президенті лауазымын қоса атқарған. 2003 жылы академия мемлекеттік емес ұйым ретінде бөлініп шығып, мемлекеттік мәртебесін жоғалтты. Осы күнге дейін Мұрат Жұрынов басқарып келе жатқан академия республикалық мемлекеттік емес қоғамдық бірлестік ретінде жұмысын атқарып келеді. Оның өзінің бірнеше құзіреті болды. Мысалы, ол жыл сайын ғылым туралы есепті пысықтап, Президентке ұсынады. Бірнеше ғылыми басылым шығарып, басқарады», — деген еді ведомство басшысы.</blockquote>

Ұлттық ғылым академиясы жабылды ма?

Kyzylorda-news.kz. Әлеуметтік желілерге тараған ақпаратты кейін құзырлы орган растады, деп хабарлайды Ulysmedia.kz.Елорда полициясы қылмыстық кодекстің 121-бабының 4-бөлігі бойынша сотқа дейінгі тергеп-тексеру (сексуалдық сипаттағы зорлық-зомбылық әрекеттері) басталғанын хабарлайды.Қажетті сараптамалар тағайындалған.Ал бала құқықтары жөніндегі уәкіл Динара Зәкиева күдіктілер қамауға алынғанын, тергеу жүріп жатқанын, қыз баланың анасымен байланыста отырғанын хабарлайды.Фото: Нұрболат Нұржаубай

Астанада бірнеше оқушы 8-ші сыныптың қызын зорлады деп айыппен қамауға алынды

Фото: ашық дереккөз<a href="https://kyzylorda-news.kz/ru">Kyzylorda-news.kz.</a> Қазақстан Үкіметі 2024 жылғы 17 қаңтардағы «Орталық атқарушы органдар басшыларының халықпен кездесулерін өткізу туралы» қаулы қабылдады , - деп хабарлайды <a href="https://turkystan.kz/article/239323-ministrlik-basshylaryna-haly-pen-kezdesu-tkizuge-mindetteldi">Айқын.кз</a>Осылайша, орталық атқарушы органдар (Қорғаныс, Сыртқы істер, Төтенше жағдайлар, Ішкі істер, Әділет министрліктерін қоспағанда):<ul><li>жергiлiктi атқарушы органдармен келiсiм бойынша тоқсанына кемiнде бiр рет топ-менеджерлермен кездесулердiң кезеңдiлiгiмен жыл бойы халықпен тұрақты кездесулер өткiзуге;</li><li>халықпен кездесу өткізу үшін өңірді таңдау кезінде салалық проблемаларды және жергілікті жерде көтерілген мәселелерді ескеру;</li><li>әлеуметтік шиеленістің болжанған немесе туындайтын тәуекелдері болған жағдайда бірінші басшылардың осы өңірдің халқымен кестеден тыс кездесулерін міндетті түрде өткізуін қамтамасыз ету;</li><li>тоқсан сайын, есепті кезеңнен кейінгі айдың 10 күнінен кешіктірмей ақпаратқа қолжетімділік саласындағы уәкілетті органға өткізілген отырыстар туралы жиынтық ақпаратты жібереді.</li></ul>Астана, Алматы, Шымкент қалаларының және облыстардың әкімдіктеріне отырыстарды ұйымдастыру кезінде орталық атқарушы органдарды ұйымдастырушылық, ақпараттық және техникалық қамтамасыз етуді жасау тапсырылды. &nbsp;

Министрлік басшыларына халықпен кездесу өткізуге міндеттелді

<a href="https://kyzylorda-news.kz/ru">Kyzylorda-news.kz.</a> Астанада мектепте теракт ұйымдастыру туралы қағаз таратқан оқушының ата-анасы жазаланды, – деп хабарлайды Aikyn.kz.Полицияға педагог хабарласқан. Ол 9-сынып оқушысы қоңырау кезінде басқа оқушыларға мектепте теракт ұйымдастыру туралы қағаз таратып жүргені туралы айтқан. Оқиға орнына жедел-тергеу қызметкерлері келген. &nbsp;Оқушы әзіл ретінде компьютермен жазып, қағаздарды таратқанын мойындаған. Полиция соталды тергеу бастады, қажет сараптама тағайындалған.Баланың ресми өкілдері – ата-анасына әкімшілік шара қолданылған. Астана қаласының кәмелетке толмағандардың істері жөніндегі мамандандырылған ауданаралық сотының шешімімен кәмелетке толмаған баланың анасына айыппұл салынды.Фото: Нұрболат Нұржаубай

Астанада 9-сынып оқушысы теракт ұйымдастыру туралы қағаз таратқан

<a href="https://kyzylorda-news.kz/ru">Kyzylorda-news.kz.</a>&nbsp; Қазақстанда мемлекеттік медициналық сақтандырудың ең жоғары жарнасын бес есе арттыру қарастырылып жатыр. Бірақ ол жалақысы 850 000 теңгеден асатын қызметкерлерге ғана қатысты. Бұл туралы Stan.kz ақпарат агенттігі хабарлайды.&nbsp;Денсаулық сақтау министрлігі міндетті әлеуметтік медициналық сақтандыру жүйесіне (МӘМС) жарна мен аударымдарды есептеу үшін ең төменгі жалақыны (ЕТЖ) 10-нан 50-ге дейін ұлғайту ұсынылған заң жобасын жариялады.Егер ол қабылданса, онда МӘМС-ке ең жоғарғы аударым жұмыс берушілер үшін 2024 жылы 25 500 теңгеден 127 500 теңгеге дейін, ал жалдамалы қызметкерлер үшін жарна 17 000 теңгеден 85 000 теңгеге дейін өседі. Сәйкесінше сома бес есе артады.Кейбір сарапшылар жарнаның бұлай күрт өсуі қазақстандық салық төлеушілерге салмақ салуы мүмкін деп санайды. Дегенмен мемлекеттік әлеуметтік медициналық сақтандыру қоры өкілдерінің (МӘМС) айтуынша, бұл ұсыныс халықаралық тәжірибені ескере отырып жасалған және азаматтардың әл-ауқатына айтарлықтай әсер етпейді.МӘМС есептеуі бойынша мөлшерлемені көтеру барлығына әсер етпейді. Себебі азаматтардың көбі (91%) ең жоғары мөлшерлемені қолданатындай үлкен жалақы алмайды. Қазір еліміздегі қызметкерлердің тек 9%-ы 10 ЕЖЖ немесе 850 000 теңге алады.Қор өкілдерінің пікірінше, бұл шара медициналық көмектің қолжетімдігін арттыруға, оның сапасын жақсартуға ғана емес, сонымен қатар әлеуметтік медициналық сақтандыру жүйесінің ортақ жауапкершілік қағидатын сақтауға мүмкіндік береді.Фото: Нұрболат Нұржаубай

Елімізде медициналық сақтандыру жарнасы бес есе артады: Өзгеріс кімдерге қатысты болады?

<a href="https://kyzylorda-news.kz/ru">Kyzylorda-news.kz.</a> Қазақстандықтар жалақы түскенге дейін берілетін микронесиені жиі ала бастады. Бір жыл ішінде 13 миллионға жуық азамат жалақы түскенге дейін несие алуға өтініш берген. Несие алушылар микроқаржы ұйымдарының алдында қанша қарыз?&nbsp;Онлайн микрокредит, яғни жалақы түскенге дейін алынатын шағын несие 45 күнге дейінгі мерзімге, 50 АЕК-тен аспайтын сомада (2024 жылы бұл көрсеткіш – 184 600 теңге) беріледі. Бұл несие түрін көбіне ақшасын айдың соңына дейін жеткізе алмаған қазақстандықтар қолданады.2023 жылы онлайн микрокредит алған қарыз алушылардың саны артқан болатын. Бірінші кредиттік бюро ұсынған Data Hub Telegram-арнасындағы ақпаратқа сәйкес, берілген несиелердің жалпы саны 72,5 пайызға артып, 13 миллионға жеткен.&nbsp;Берілген несиелер мөлшері де бірден 102,6 пайызға өсіп, бір жыл ішінде 790 млрд теңгеге жеткен. Қазақстандықтарға берілген онлайн микрокредиттің орташа сомасы 60,8 мың теңгеге тең, ал медиана әдісі бойынша есептелген несие мөлшері небәрі 50 мың теңге болған, яғни қолжетімді ең жоғарғы сомадан айтарлықтай аз.&nbsp;Онлайн микрокредиттерді көбіне 40 жасқа дейінгі (несие алғандардың 72 пайызы) азаматтар рәсімдеген.&nbsp;2023 жылдың соңында Қазақстандағы қарыз алушылардың микрокредит бойынша өтелмеген қарыздарының жалпы сомасы 18,7 пайызға өсіп, 140 млрд теңгеге жеткен.&nbsp;Бұл несиелер бойынша төлемді 90 күннен аса кешіктіргендер саны (NPL90+) 16,8 пайызға тең болды, бірақ бүгінде бұл көрсеткіш бірте-бірте азайып келе жатыр.&nbsp;Айта кетейік, елімізде бір жыл ішінде қарыз алушылардың саны мен алған қарыздарының жалпы сомасы ғана емес, жалақыға дейін онлайн қарыз беретін микроқаржы ұйымдарының (МҚҰ) саны да артқан. Мәселен, 2021 жылдың басында елімізде МҚҰ саны 44 болса, 2024 жылғы 1 қаңтардағы жағдай бойынша олардың саны 79-ға дейін артқан.&nbsp;&nbsp;Дереккөз: <a href="https://kaz.nur.kz/nurfin/2057958-qazaqstandyqtar-zalaqydan-zalaqyga-zete-almai-mikronesie-aludy-ziiletken/?utm_source=facebook&amp;utm_medium=kaz&amp;fbclid=IwAR1iiI3nk6sNn79CsuO1JKSijPAuCXlt7YM_JymnFEo5NdJWpxwsBBQGPng">KAZ.NUR.KZ&nbsp;</a>Фото: Нұрболат Нұржаубай

Қазақстан және Қызылорда облысының жаңалықтары