<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде «Қуатты өңірлер – ел дамуының драйвері» ұлттық жобасы аясында биыл барлық қаржыландырудың есебінен 692 300 шаршы метр тұрғын үй пайдалануға беріледі деп жоспарлануда.&nbsp;Сәйкесінше, 6 айдың ішінде 318 мың шаршы метр тұрғын үйдің құрылысы аяқталып, тұрғындардың игілігіне берілді. Жалпы облыста 27 көпқабатты тұрғын үйдің құрылысы қарқынды жүруде. Оның тоғызы аудандарда салынып жатыр. Ал қалған 17 тұрғын үй Қызылорда қаласында орналасқан. Бүгін Өңірлік коммуникациялар қызметінің ұйымдастыруымен өткен баспасөз турында БАҚ өкілдері құрылысы жүріп жатқан көпқабатты тұрғын үйлердің жұмысымен танысты.<blockquote>– Қазіргі таңда шаһарымыздың сол жағалауында 16 тұрғын үйдің құрылысы салынып жатыр. Оның ішінде 6 тұрғын үй жеті қабатты болса, қалғаны 5 қабатты үйлер. Бұл тұрғын үйлердің барлығы заманауи бағытта және жаңа технологиялардың көмегімен салынуда. Құрылысы жүріп жатқан 7 қабатты тұрғын үй - 84 пәтерлі болса, 5 қабатты үйлерде - 470 пәтер қамтылмақ. Осы тұрғын үйлердің құрылысы 2024 жылы аяқталып, ел игілігіне беріледі деп күтілуде. Бұдан бөлек, республикалық бюджеттен мың пәтер әлеуметтік осал топтағы азаматтарға сатып алу құқығынсыз берілетін болады, – деді облыстық құрылыс, сәулет және қала құрылысы басқармасы басшысының міндетін атқарушы Мәди Әліп.</blockquote>Қаланың сол жақ жағалауында салынып жатқан көпқабатты тұрғын үйлердің жалпы ауданы – 37 284 шаршы метр болса, бір тұрғын үйдің ауданы – 6 213,9 шаршы метрді құрайды.&nbsp;<blockquote>– Көпқабатты тұрғын үйлердің құрылысы сәуір айында басталған болатын. Қазіргі таңда бригадалық топ құрылыс жұмыстарын жүргізуде. Жеті қабатты тұрғын үйлердің жауапты мердігері - «Аман Құрылыс» ЖШС. Осы тұрғын кварталдың инженерлік желілеріне жобалық-сметалық құжаттамасы толық әзірленіп, сараптаманың оң қорытындысы алынды, – деді қала құрылысы бөлімінің маманы Мәулен Бөбетаев</blockquote>

Қызылорда қаласында 7 қабатты тұрғын үйлердің құрылысы жүріп жатыр

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін аудан әкімі Берік Сәрменбаев Іңкәрдария ауылындағы №191 мектептің жаңа оқу жылына дайындығымен танысып, одан әрі ауыл ақсақалдарымен кездесті.Іңкәрдария ауылы - аудан орталығынан шалғай жатқан ауылдардың бірі. Ауылда мектеп, шағын орталық, емхана, ауылдық клуб үйі, кітапхана, ветеринарлық станция, қазпошта байланыс бөлімшесі халыққа қызмет көрсетеді. Әлеуметтік нысандардың жай-күйімен танысу жұмыстарын аудан басшысы №191 мектептен бастап, мектептің жаңа оқу жылына ағымдағы жөндеуден өтуі және жылу беру маусымына дайындығын көріп шықты. Жаңа оқу жылына еш кедергісіз мектептің іске қосылуын ауыл әкімі мен мектеп директорына қатаң тапсырды.<blockquote>- «Жаздың әр күні қысқа азық» деген бар. Жігіттер жайбарақат жүретін уақыт емес. Тез арада ағымдағы жөндеуді аяқтап, қысқы жылу беру маусымына тексеріс жұмыстарын жүргізіңіздер. Отын-суды осы бастан әзірлеп, балалар 1- қыркүйекте жаңа оқу жылын еш кедергісіз қосылуы керек,- деді аудан әкімі Берік Әбдіғаппарұлы.</blockquote>Ауыл ақсақалдарымен өткен кездесуде ауылдағы негізгі проблемалармен танысып, алдағы жоспарлармен бөлісті. Кездесу соңында ауылдық клубтың үйірмелері ұсынған «Сағындым әке өзіңді» атты ауыл тұрғндарына арналған концерттік бағдарламаға қатысты.

Берік Сәрменбаев: Оқушылар жаңа оқу жылына еш кедергісіз қосылуы керек

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Тереңөзек кентіндегі спорт клуб ғимаратында жүргізіліп жатқан күрделі жөндеу жұмыстарының барысымен аудан әкімі Берік Сәрменбаев танысты. Өз кезегінде құрылыс жұмыстарының барысын аудан басшысына аудан әкімінің орынбасары Димаш Байдушев, аудандық мәдениет жәнее спорт бөлімі басшысының міндетін атқарушы Жеңісбек Төрәлиев, аудандық спорт клубының директоры Диас Әлжанов айтып берді.Аталған ғимарат 1976 жылы салынған. Сол уақыттан бері ішінара жөндеу көрсе де қайта жаңғырту жұмыстары жүргізілмеген. Биыл облыстық бюджеттен тиісті қаржы қарастырылып, күрделі жөндеу жұмыстары басталып кетті. Мердігер «Жылу - ХХІ» ЖШС-і, жоба құны 89 млн.теңге. Жөндеу жұмыстарының аяқталу мерзімі ағымдағы жылдың қыркүйек айы деп күтілуде.<blockquote>– Бұл ғимараттың негізгі құрылысының сапасы өте жоғары. Соған сай күрделі жөндеу жұмыстарын да сапалы жүргізілуі қажет. Бұған дейін кабинеттердің жетіспеушілігі, спортшыларға арналған жуыну бөлмесінің болмауы секілді мәселелер көтерілген. Қазір ғимараттың жөндеу жобасына қажетті кабинеттер мен спорт үйірмелеріне арналған барлық қажеттіліктерді қосып отырмыз. Негізгі көтерілген мәселелер бойынша техникалық кеңесте өткізілді. Аудан орталығындағы тұрғындарға арналған ең қажетті нысан болады деген жоспарымыз бар. Негізінен, спорт клуб ұжымы балаларды спортқа баулып, жоғары жетістіктерге қол жеткізеді деген сенім басым, – деді аудан басшысы.</blockquote>Жалпы аудандық спорт клубта 13 жаттықтырушы жұмыс істейді. Олар аудан бойынша 800-ден аса жасөспірімді спортқа баулуда. Бүгінде ауыр атлетика, жеңіл атлетика, ережесіз жекпе-жек, қол күрес, гір көтеру, тоғызқұмалақ, волейбол секілді спорт түрлерінен жасөспірімдер жаттығып, түрлі жарыстарға қатысуда.

Сырдария ауданының әкімі спорт клубтың жөндеу жұмысымен танысты 

<a href="https://kyzylorda-news.kz/">Kyzylorda-news.kz.</a> Қызылорда қаласындағы Сұлтан Бейбарыс көшесінің Н.Назарбаев даңғылынан &nbsp;Тәуелсіздіктің 25 жыл даңғылы аралығындағы көше бойына орташа жөндеу жұмыстары жүргізіліп жатыр. Осы орайда қала әкімдігі 2023 жылдың 19 шілдесі мен 15 тамыз аралығында жол жабылып, жол қозғалысы уақытша тоқтатылатынын хабарлады.Жол жөндеу жұмыстарының нәтижесінде Сұлтан Бейбарыс көшесі 4 жолақтыдан 6 жолақтыға ауысып, көше бойы абаттандырылады. Сондай-ақ, жаяу жүргіншілер жолы, аллеялар мен субұрқақтар іске қосылады. Осыған орай, Сіздерден орын алып отырған уақытша шараларға түсіністікпен қарауды сұраймыз.Аталған көшелер бойынша қоғамдық көліктер мен басқа жеке тұлғалардың көліктердің жол жүру қозғалысы төмендегі сызбаға сәйкес жүретін болады. №2 бағыттағы қоғамдық көлік (Ж.Махамбетов, Наурыз жақтан шыққан бағыттан) С.Бибарыс көшесімен келіп, Тәуелсіздік даңғылына оңға бұрылып, Бименді Баймаханов көшесіне түсіп, Назарбаев даңғылына шығады.№12 бағыттағы қоғамдық көлік (Ж.Махамбетов, Наурыз жақтан шыққан бағыттан) &nbsp;С.Бибарыс көшесімен келіп, Тәуелсіздік даңғылына оңға бұрылып, Бименді Баймаханов көшесіне солға бұрылу арқылы Назарбаев даңғылына түседі. &nbsp;№20 бағыттағы қоғамдық көлік (Арай-2 м/а шыққан бағытта) Тәуелісіздік даңғылымен тіке С.Бейбарыс көшесін қиып өтіп, Бименді Баймаханов көшесі арқылы Назарбаев даңғылына шығады.&nbsp;№22 бағыттағы қоғамдық көлік Тасбөгет кентінен шыққан бағытта Шәменов көшесімен Тәуелсіздік даңғылына шығады. Тәуелсіздік даңғылы арқылы Бименді Баймаханов көшесімен Назарбаев даңғылына түседі.№28 бағыттағы қоғамдық көлік (Ж.Махамбетов, Наурыз жақтан шыққан бағыттан) С.Бибарыс көшесімен келіп, Тәуелсіздік даңғылымен оңға бұрылады. Тура жүріп Б.Баймаханов көшесімен солға бұрылып, Назарбаев даңғылына түседі.&nbsp;<figure class="image"><img src="https://knadmin.beoblood.kz/uploads/f40d80dc_a10c_4e3a_b375_2313edeec515_8f112b5d9b.jpg" alt="f40d80dc-a10c-4e3a-b375-2313edeec515.jpg"></figure>

Қызылорда қаласының әкімдігі жөндеу жұмыстарына байланысты жолдарды жабу кестесін жариялады

<a href="https://kyzylorda-news.kz/">Kyzylorda-news.kz.</a> Халық денсаулығының мықты болуы – медицина саласында еңбек етіп жүрген дәрігерлердің қолында екені белгілі. Осы ретте, денсаулық саласында жемісті еңбек етіп, халықтың алғысын бөленіп жүрген білікті дәрігер көп. Әр минут сайын адам өмірін құтқаруға бар күш–жігерін салатын әрі өмір мен өлім үстіндегі жанның өмірін арашалап, дертіне дауа тауып, әрқашан көмек қолын созуға дайын тұратын ақ халатты абзал жандардың қашанда мәртебесі биік. &nbsp;Қызылорда қаласының 17 жасар тұрғыны Дінмұхаммед өз үйінің ауласында жұмыс істеп жүріп абайсызда тоққа түседі. Тұла-бойы жансызданып, қимылсыз жатқан ұлын көрген анасы жанұшырып айналасынан көмек сұрайды. Өлім мен өмірдің арпалысы сәтінде алғаш болып сол көшенің бойында тұратын дәрігер жігіт жетеді.&nbsp;– Мен келгенде ол ес-түссіз жатыр екен. Күре тамыры арқылы жүрек соғысын тексердім. Жүрегі тоқтап қалған. Алайда менің міндетім – соңғы секундтарға дейін ажал аузындағы адамды аман алып қалуға әрекет жасау. Көз жасы көл болып жылап жүрген анасының да бар үміті менде. Алғашқы медициналық көмекті жүрегіне массаж жасаудан бастадым. Үйренген әдіспен бірнеше рет қайталадым. Бірақ ол да нәтиже бермеді. Сол кезде «Жедел жәрдем» де жетіп, іске кірісті. Өзім реаниматолог дәрігер болған соң жедел жәрдем тобының жұмысына жетекшілік жасадым. Әрбір секунд қымбат, әрбір қимылымыз аса маңызды. Сындарлы сәт басталды. Дефирбриллятор алдырдым. Фельдшер көк тамырдан катетер салды. Мейірбике адреналин екті. Тұмылдырық арқылы өкпесіне жасанды ауа беріп, жүрек тұсына жасалатын массажды да жалғастырып жатырмыз. Электротітіркентіргішті іске қосып, кеуде тұсына тоқ бердік. Сәлден соң алақаныма жүрек соғысы білінді. Бірақ өте баяу. Десе де, сөніп бара жатқан үміт сәулесі жылт етті. Жас ғұмыр қайта жалғасты. Сол кезде менің де жанарымнан жас ытқып кетті, – дейді облыстық көпбейінді ауруханасының дәрігер-реаниматологы Алмат Қаппарұлы.&nbsp;«Жедел жәрдем» қызметкерлері жасөспірімді Қызылорда қалалық ауруханасына жеткізеді. Жансақтау бөліміне ауыр хәлде түскен Дінмұхаммед бес күн терең комада жатыпты. Алайда Алланың алқауымен, ақ желеңді абзал жандардың көмегімен және анасының тілегімен өзіне келіп, есін жияды. Екі аптадан соң толық сауығып, отбасына оралады.&nbsp;– Жазым аяқ астынан екен. Оқиға орын алғанда үйде едім. «Мама» деген оқыс дауыстан жүгіріп шықсам, балам жерде жатыр. Денесінде жан жоқ. Ұлымнан айырылып қалдым деп ойладым. Жандәрменмен көршілеріме жүгірдім. «Жедел жәрдем» келгенге дейін көшеміздің бойында тұратын Алмат есімді азамат келіп алғашқы көмек көрсетті. Өзі дәрігер екен. Шұғыл жасалуы тиіс медициналық көмектің барлығын жасады. Баламның тоқтап қалған жүрегі қайта соққанда мен де өмірге қайта келгендей болдым. Балам өліп-тірілді. Шүкір, алдымен Алла, екінші дәрігерлер ұлыма жаңа өмір сыйлады. Дәрігер Алмат Қаппарұлына және «Жедел жәрдем» қызметкерлеріне, емдеген барша мейірімді жандарға алғысымыз шексіз. Қазір Дінмұхаммедтің денсаулығы қалыпты. Сабағына барып жүр. Қызылорда педагогикалық колледжінің 2 курс студенті, – дейді Лаура Ахметова.&nbsp;Расында, біз басымыз ауырып, бал¬ырымыз сыздамаса дәрігердің еңбегі жайында жақ ашпаймыз ғой. Тіпті жай күндері сол ақ халат киген жандарға деген көзқарасымызды да қолдан қисайтып жүреміз. Ал науқастана қалсаң бірінші солардың көмегіне жүгінесің.Алмат Қаппарұлы білімді, білікті, өз ісіне әбден машықтанған тәжірибелі кәсіби маман. Оны науқастанған жандардың жаудырған алғысы мен ұжымының құрметінен-ақ білуге болады.&nbsp;Өз мамандығына адал Алмат қызмет барысында бұған дейін осындай бірнеше оқиғаны басынан өткізіпті. Бірақ мен оны өзінен емес, дәрігердің шарапатын көрген жандардан естідім. Әйтпесе, Алмат Қаппарұлына тоқ соққан бала жайында білмек болып хабарласқанымда «Аға, көңіліңізге рахмет! Жазбай-ақ қойыңыз. Ешқандай ерлік көрсеткенім жоқ, ол менің дәрігерлік міндетім ғой. Менің орнымда басқа дәрігер болса да солай жасар еді», – деп қысқа қайырды. Бірақ мен мазалап қоймадым. Бір оқиғаны тыңдаған соң, қарсылығына қарамай екіншісін де қолқалап айтқыздым.Осыдан бірнеше жыл бұрын Алмат Қаппарұлын ауыр науқас келе жатқанын айтып, облыстық аурухананың қабылдау бөліміне шұғыл шақыртады. Барады. Жүрек талмасымен жас қызды әкеліп тұр екен. Алайда дәрігерлер науқастың «Жедел жәрдем» көлігінде жатқанын айтады.&nbsp;– Түкке түсінбей, жүгіріп далаға шықтым. Дәрі-дәрмектер шашылып, аппараттар жайрап қалған. Арнайы бригаданың ауруханаға жеткенше барын салып жанталаса жұмыс істегені көрініп тұр. Бірақ, науқастың жүрегі тоқтап қалған. Ішке кіргізбей тұрғаны да сол екен. Қыздың тамырын басып, жүрек соғысын тыңдадым. Тіршілік белгісі жоқ. Көз жанары жартылай ашық қалған. Сұлқ жатыр. Үміт сөнбеуі тиіс қой. Кеудесіне массаж жасадым. Сәлден соң жүрегінде білінер-білінбес жыбыр пайда бол-ды. Дереу жансақтау бөліміне апарып, тиісті аппараттарды қостық. Жанталас қайта жалғасты. Бірнеше сағаттан соң науқас есін жиды. Өзіне келген соң коронарография жасалып, бітелген қан тамырларын ашты. Қазірде сол қыз дін аман, өмір сүріп жатыр, – дейді дәрігер.&nbsp;Иә, Алмат Қаппарұлы өзі айтқандай, мамандығының шеңберінде жұмыс істеп, науқас жандарға көмек көрсетті. Дәрігерлік міндеті де сол. Алайда мейірімге шөлдеп тұрған қазіргі қоғамда адамдар бір-біріне өмір тұрмақ, көңіл сыйлай алмай жүр ғой. Сондықтан антына адал кейіпкеріміздің адами болмысына қандай мақтау айтсақ та жарасады, қандай құрмет көрсетсек те әбден лайық.

Тәннің емшісі, жанның арашасы

<a href="https://kyzylorda-news.kz/">Kyzylorda-news.kz.</a>&nbsp; Қызылордалық «Абай Дәулет» ЖШС директорының орынбасары Жасұлан Тұрлыбеков жақында Жапонияға барып, JICA халықаралық әріптестік агенттігі ұйымдастырған оқыту бағдарламасы арқылы біліктілігін көтеріп келді. Оның сапарына қажет құжаттарды Қызылорда облысы кәсіпкерлер палатасының мамандары әзірлеп берді.Жыл басында «Атамекен» Ұлттық кәсіпкерлер палатасына JICA халықаралық әріптестік агенттігінен жапондық бизнес өкілдерімен іскерлік байланыс орнату үшін қазақстандық кәсіпкерлерге арналған тегін оқыту бағдарламасын бірге ұйымдастыру жөнінде хат түседі.Халықаралық агенттік күріш өсіру және өңдеумен айналысатын кәсіпорын өкілдерін маусым-шілде аралығында өтетін «Жапон тәжірибесі арқылы бизнестің әлеуетін дамыту» тақырыбындағы оқытуға шақырды.<blockquote>«Біз бұл ұсынысты өңірдегі аталған салада қызмет көрсететін кәсіпкерлердің барлығына жолдадық. Ұсынысымызға «Абай Дәулет» ЖШС-і қызығушылық танытып, қатысуға ниет білдірді», – дейді Кәсіпкерлер палатасының бөлім бастығы Алма Пірманова.</blockquote>Кәсіпкерлер палатасының мамандары ұйымдастырушы тараппен байланысып, кәсіпорынның ұсынған өкілінің құжаттарын әзірлеп берді.Нәтижесінде «Абай Дәулет» ЖШС директорының орынбасары Жасұлан Тұрлыбеков 10 маусым мен 2 шілде аралығында Жапонияда біліктілігін арттырып келді.<blockquote>«Қазақстаннан оқуға 7 азамат бардық. Оның үшеуі біздің өңірден. Біз тек шет елге барып-келу, яғни ұшақтың шығынын ғана өтедік. Қалған оқу, жатын орын – барлығын Жапониядағы ұйымдастырушы компания өздері қамтамасыз етті. Бір айға жуық уақытқа созылған шарада өзіміз секілді күріш өсіру және өңдеумен айналысатын компаниялардың жұмысымен таныстық.Технологияның мүмкіндігімен өнімділікті арттыру әдістерін көрдік. Өте жақсы тәжірибе болды. Осындай мүмкіндік берген Кәсіпкерлер палатасына алғысымыз шексіз», – дейді Жасұлан Тұрлыбеков.</blockquote>Кәсіпорын өкілі оқу барысында алған тәжірибесін компанияда қолдану мүмкіндіктерін қарастырып жатқанын жеткізді.<figure class="image"><img src="https://knadmin.beoblood.kz/uploads/c7a06389_c18d_438a_b781_43545bf934d6_bbb16f2a32.jpg" alt="c7a06389-c18d-438a-b781-43545bf934d6.jpg"></figure>&nbsp;<figure class="image"><img src="https://knadmin.beoblood.kz/uploads/9b9a3961_f29f_491d_9b29_8ea840998b62_b761fea8e1.jpg" alt="9b9a3961-f29f-491d-9b29-8ea840998b62.jpg"></figure>

Қызылордалық кәсіпкер Жапониядан біліктілігін арттырып келді

<a href="https://kyzylorda-news.kz/">Kyzylorda-news.kz.</a> Ауыл – қазақтың алтын ұясы. Өңір экономикасын дамытуда ауылдың әлеуетін көтерудің де маңызы жоғары. Ауыл – руханиятымыздың темірқазығы, ұлттық құндылығымыздың алтын бесігі, береке мен байлығымыздың бастауы. төрт түлігін түлетіп, егістігін жайқалтып, шаруасын өрге сүйреп отырған ауыл – бүтін бір елдің асыраушысы, қайнаған еңбектің қайнар көзі. Бүгінгі әңгімеміз Қармақшы ауылы туралы болмақ.&nbsp;Ауылдың тарихынан бастайтын болсақ, 1929 жылы алғашқы артель болып құрылған. Кейін Абыла, Көкшоқы, Қаракөл, Тасқын, Қайыршақты, Бозарық серіктерстік құрылып, олар төрт колхоздың (Қаракөл, Каганович, 1 май, Абыла болып) негізін қалады. Алғашқы колхозды Алмағанбет Ысқақов басқарған.1950 жылы Қаракөл, Каганович, 1 май, Абыла болып төрт артель бір колхозға бірігіп онда 4 егіс бригадасы, 2 қой фермасы болды. Осы жылы Қызылтам ауылдық Советі болып құрылды. Ауылдық советті деген кісі Омар Қошманов басқарған екен. 1956 жылы 30 наурызда осы шаруашылық «Қармақшы» совхозы болып құрылды. Алғашқы совхоз директоры Пак Чигай деген кісі, Шаруашылық негізінен төрт түлік мал өсірумен айналысқандықтан алғашқы жылы 435 гектар жерге егіс егіліп, 5579 қой, 224 жылқы, 143 түйе, 955 ірі қара өсірілген.&nbsp;1977-1990 жылдары совхоз 1 рет бүкілодақтық, 5 рет Республикалық социалистік жарыс жеңімпазы атанып, бүкілодақтық халық шаруашылығы жетістіктер көрмесінің дипломы мен бағалы сыйлықтарын жеңіп алды. 1986 жылы Қазақстан Кеңестік Социалистік. Республикалық «Алтын құрмет» кітабына жазылды. Осы жылы Қызылтам ауылдық советі социалистік Жарыстың жеңімпазы болып, ауыспалы қызыл қызыл туын жеңіп алды. Одан кейінгі жылдары совхозды: Сәндібек Нұғыманов, Смайыл Байболов, Қоңырбай Молдабеков, Сырайыл Бектөреев сынды директорлар басқарған.1975 жылдан бастап, 2004 жылға дейін совхозды Исағали Жұмағұлов басқарады. Осы уақыттан бастап шаруашылық экономикасы мен мәдениеті қарыштап өркендеді. Совхоз 1 рет Бүкілодақтық, 5 рет Республикалық, Социалистік жарыс жеңімпазы атанып, 2 рет бүкілодақтық халық шаруашылығы жетістіктер көрмесінің дипломымен бағалы сыйлықтарын жеңіп алды. 1986 жылы шаруашылықтың аты Қаз ССР-нің «Алтын құрмет» кітабына жазылды және Қызылтам ауылдық советі социолистік жарыстың жеңімпазы болып, ауыспалы қызыл туды жеңіп алды.&nbsp;Совхоздың дамуына сіңірген ерен еңбектері бағаланып Қаз ССР жоғарғы советінің депутаттығына өзат шопан Төлепберген Бөрібаев келесі шақырылымында №113 орта мектеп мұғалімі Жұпаркүл Иманбаева сайланады. Совхоз 1994 жылы Қармақшы ауылдық округі болып қайта құрылады. 1997 жылдан «Қармақшы» өнідірістік кооперативі, 1998 жылы «Қармақшы» ЖШС болып құрылды.&nbsp;Бүгінде ауылдық округте Абыла, Қызылтам, және Анакөл елді мекендері кіреді. Елді мекеннің үшеуі де темір жол бойында орналасқан. Қазірде ауылдық округтің әкімі Аязбек Есқараев. Ауылдық округі бойынша бүгінгі таңда ауылдық округі әкімшілігі, 2 мектеп, 1 балабақша, 1 ФАП, 1 ФП, 2 клуб, 1 мешіт, почта үйі, 1 спорт мектебі, 1 ЖШС, 69 шаруа қожалық және жеке кәсіпкер, өз жұмыс жасайды.Ауылдың тарихи-мәдени мұраларына келер болсақ, ауылдың сыртында Қалқай Ишан, Марал баба кесенесі, ауыл орталығында «Жел диірмен», Қызылтам елді мекенінде 1905 жылы салынған су мұнарасы орналасқан.&nbsp;Қармақшы ауылдық округі бойынша биылғы жылы жылы 8 жоба жүзеге асырылмақ. Оған 96 578,4 мың теңге қаржы қаралған. Оның ішінде: Қазақстан Республикасы Ұлттық қоры «Ауыл – Ел бесігі» жобасы аясында 35 622 мың теңге бөлінді. Атап айтқанда, Қызылорда облысы Қармақшы ауданы №13 "Балбөбек" бөбекжайы коммуналды мемлекеттік қазыналық кәсіпорнының қазандық ғимаратының құрылысына есептелген. Сондай-ақ, облыстық бюджеттен 41244 мың теңге бөлінді. Жекелей тоқаталатын болсақ, Қармақшы елді мекеніндегі су құбыры ғимараттарын қайта жаңғырту жұмысына – 236,1 млн. теңге бөлінген. Қызылтам елдімекенінің Сарыжылуан көшесінен №9-ТВ техникалық су ұңғымасын бұрғылау жұмыстарына – 18376 мың теңге қаржы қарастырылған. Аудандық бюджеттен 16474,8 мың теңге бөлінді. Қармақшы елді мекеніне электр желілерін жаңғырту және қосалқы станциясын кеңейту жобасына сараптама қорытындысымен жоба-сметалық құжаттама әзірлеуге – 5000 мың теңге, Қармақшы ауылдық округіндегі 3 көшеге орташа жөндеу жұмыстарына жоба-сметалық құжаттарын дайындауға (Абай көшесі, Сейфуллин көшесі, Жеңіс көшелері), ведомстволық сараптамадан өткізуге – 7384,8 мың теңге Қармақшы ауылындағы Желдиірмен ескерткішін жөндеуге – 4092 мың теңге қарастырылған. Төртінші деңгейлі бюджет есебінен 3237,6 мың теңге бөлінді. Оған елді мекенді көгалдандыру жұмыстары, Қызылтам елді мекеніне паспорт орнатылатын болады.

Қармақшы ауылындағы Желдиірмен ескерткішіне жөндеу жұмыстары жүргізілмек

<a href="https://kyzylorda-news.kz/ru">Kyzylorda-news.</a> Жалағаш ауданында соңғы жылдары спорт саласы қарқынды дамып келеді. Мұның дәлелі спортшыларымыз облыстық, республикалық, қалаберді халықаралық додаларда үздік нәтижелерді көрсетіп жүр. Бұл ретте үйірмелер мен спорт мектептері спорттың алға қадам басуына, жастардың бос уақытын тиімді пайдалануына себепкер болып отыр. Десе де арқаны кеңге салып отыруға тағы да болмайды. Аудандағы спорттың дамуына, бұқаралық спорт қозғалысын кеңейтуге, спорттағы жетістіктерді ынталандыруға бағытталған жұмыстардың мән-жайы, спортшылардың алдағы додаларға дайындықтарын қадағалауда аудандық №13 олимпиадалық резервтің мамандандырылған балалар және жасөспірімдер мектебінің орны ерекше.Айтбек Сүндетбаевтың спорт саласында еңбек етіп жатқанына біраз жыл болыпты. Шама-шарқынша аудан спортын дамытуға жұмыс жасап жатқан маман бүгінде №13 олимпиадалық резервтің мамандандырылған балалар және жасөспірімдер мектебінде директордың оқу ісі жөніндегі орынбасары болып жұмыс жасайды. Ол алдағы уақытта да осы мақсатқа бар күш-жігерін, қарым-қабілетін жұмсайтынын айтады.&nbsp;– Жалағаш – қазір облыста күрес спортымен танымал аудан. Тек аймақта ғана емес, байрақты бәсекелерде де дәл осы спорт түрінен талай рет бағымыз жанды. Атап айтар болсақ, ауданымыз 2019 жылдың қорытындысы бойынша облыстық рейтингте 21 спорт мектептері арасында үшінші орынға ие болды. Сол жылдың қыркүйек айында дзюдодан әлем біріншілігінде Тілеген Тынарбай қола жүлдеге ие болса, самбодан Грузияда өткен әлем біріншілігінде Оразбай Арайлым қола жүлдені жеңіп алды. 2020-2021 жылдары аралығында бәрімізге белгілі коронавирус пандемиясының салдарынан спортшылар ешқандай жарысқа шыға алмады. Ал былтыр Шымкент қаласында өткен белбеу күресінен ҚР біріншілігінде Ұласхан Алпысбай 80 келі салмақта бірінші орынды иеленіп, ҚР спорт шебері атағын алды. Сонымен қатар Астанада өткен белбеу күресінен ҚР біріншілігінде Арайлым Оразбай күміс жүлдегер атанса, самбо күресінен Семей қаласында өткен әйелдер арасында ҚР біріншілігінде екінші орынды иеленді. Белбеу күресінен Қызылорда қаласында өткен ҚР бірін¬шілігіне облыстық іріктеуде Альбина Смайл, Нұрай Тахир жүлделі орындардан көрінді. Самбодан, белбеу күресінен чемпиондар шығарып жүрген жаттықтырушы Ж.Есеновтың еңбегін ерекше айта кету керек. Ал дзюдоға тоқталатын болсақ, бұл спорт түрінен ауыз толтырып айтатын жетістіктер баршылық. Дзюдодан Астана қа¬ласында өткен ҚР біріншілігінде 60 келі салмақта Серік Нұрсұлтан үшінші орынды иеленді, жаттықтырушысы – Өмірбек Кәлменов.&nbsp;Жетісу облысы талдықорған қаласында өткен ҚР IV жазғы ойындар сайысында дзюдодан жаттықтырушы Е.Көшербаев бастаған спортшыларымыз жүлделі орын-дармен оралды. Атап айтар болсақ, Р.Маншарипов екінші орын, Бейбарыс Сұлтан бірінші орын, Темірболат Ерсұлтан үшінші орын, Альбина Смайл үшінші орынды иеленді. Бокстан жүлдегерлер шығарып жүрген жаттықтырушылар Әкімбек Әмірбек пен Есжанов Нұрланның еңбектерін де айта кетейік. Бокстан Тараз қаласында өткен аймақтық біріншілікте Нұрмұрат Береке, Ақназаров Айдын үшінші орынды қанағат тұтса, ал Ақтөбе қаласында өткен ҚР чемпионатында Нұрмұрат Береке, Илиясұлы Ринат үшінші орынды жеңіп алды, – дейді ол.&nbsp;Қазір мұнда республикалық додаларда өнер көрсететін спортшылар жеткілікті. Бұған дейін жеңіл атлетикадан Алматы қаласында өткен ҚР біріншілігінде жаттық-тырушы Ж.Қарақұлов бастаған жеңіл атлеттер Ларина Людмила екінші орынды, Балауса Қалнияз үшінші орынды иеленсе, Дінмұхамед Смағұл алтыннан алқа таққан. Ауыр атлетикадан да жетістік мол. Мәселен, бұған дейін спорттың бұл түрінен Атырау қаласында өткен 23 жасқа дейінгі ҚР біріншілігінде Мәди Пернебекұлы үшінші орынға ие болды. Семей қаласында өткен ҚР біріншілігінде Дияс Тұрсынбай үшінші орынға тұрақтаса, Али Медетбаев екінші орынды жеңіп, ҚР спорт шебері ата¬ғын алған. Ауыр атлеттер бүгінде «бұл жетістіктермен тоқтап қалмаймыз» дейді.&nbsp; Осы спорт түрінен 2009-2010 жылы туылған жасөспірімдер арасынан Түркістан қаласында өткен ҚР жазғы біріншілігінде облыс құрамасы сапында Марат Төлеген мен Дәулет Талғатұлы жүлделі бірінші орынды иемденді. Мектепте таеквондодан үйірме өз жұмысын жасап тұр, жаттықтырушысы – М.Рахметов. Бұл спорт түрінен де жетістік мол. Ақтөбе қаласында өткен ҚР біріншілігінде Жақсылық Нұрай күміс жүлдегер атанды.&nbsp;Спорттың тәртібі бойынша мұнда балаларды 6 жастан бастап қабылдайды. Әрине оларды бірден спорттың қиын түріне салмайды. Спорттық мектеп болғасын жас жеткіншектердің спортқа деген қызығушылығын ояту мақсатында ең бірінші ойын түрлеріне алады. Содан кейін ыңғайына қарай, өздерінің таңдауы бойынша бейімділігін байқап, басқа спортқа икемдейді. Бала болғасын олардың ең бірінші ынтасын, қызығушылығын оятып, қызықтыруға баса мән береді. Ол үшін мұндағы арнайы мамандар, біліктіліктен өткен жаттықтырушылар жұмыс істеп, балаға бар жағдайды туғызады.– 1 пайыз талант пен 99 пайыз төгілген тер ғана табысқа қол жеткізуге жол ашады. Жалпы, адамның бойында туа біткен қандай да бір іске деген қабілеті болады, оны қолданса, дарындылығы байқалады, әрі қарай дамып, жетілдірсе, талантқа айналады. Дамытпаса, бойындағы қабілет жұмбақ түрінде қалып қояды. Спорт та, спортшы да сол сияқты. Спорттың кез келген түріне деген бірінші бойда қызығушылық керек. Ал оны әрі қарай дамыту спортшының өз қолында. Алда жоспар өте көп. Мектебіміздің техникалық базасы жақсы. Әрине мектебімізге қазіргі заманауи тұрғыда салынған спорт кешені беріліп жатса, үлкен демеу болары сөзсіз. Десе де, байрақты бәсекеде аудан намысын қорғап жүрген спорт саңлақтарының әрбір жетістігі саланың дамуына тікелей әсер ететінін жақсы түсінеміз. Сөзіме дәлел ретінде мақтан тұтар спортшыларымыздың жетерлік екенін айта аламын. Алдағы уақытта да барлық әріптестеріммен бірге аудан спортын дамытуға жұмыс жасай береміз, – дейді Айтбек Сүндетбаев.

Жалағашта болашақ саңлақтарды дайындайтын спорт мектебі бар

<a href="https://kyzylorda-news.kz/">Kyzylorda-news.kz.</a> Бүгінгі нарықтық экономиканың дамыған заманында көпшілік жеке кәсіпкерлікпен айналысуды қалайды. Дегенмен, мақсатын жүзеге асыру жолында сәтсіздікке ұшырап, бастаған ісін тастап кетіп жататындар қаншама?! Осы орайда, аудандағы белді кәсіпкердің бірі, тұрғындарды сапалы көкөніс пен жеміс-жидекпен қамтамасыз етіп отырған Тынышкүл Үкібаевамен бизнестің қыр-сыры жөнінде сұқбаттасудың сәті түсті. &nbsp;– Тынышкүл Жалғасқызы, ең әуелі, бүгінгі қолға алған кәсібіңізге қалай келдіңіз, дәл осы бизнес түрімен айналысуға не себеп болды сол жөнінде айтып берсеңіз?– Бұл кәсіп біздің бала күнімізден санамызға сіңген десем де болады. Себебі ата-анам бақша егіп, оның өнімдерін сатып, күн көрдік. Мектепті бітірген соң, ата-анамның оқытқысы келді. Бірақ менің қалауым осы кәсіп болды. Осылайша 1998 жылдан бері кәсіп жасап келемін. Шүкір, өкінген кезім болған емес. Кәсіптегі ең басты ұстаздарым да, үлгі аларым да – ата-анам. Қазір де кәсіпті отбасымызбен біріге жасаймыз. Балаларым, апамның сіңлілері дүкендерімде жұмыс істейді. Өзіммен бірге алыс жолдарға шығып, елге сапалы өнім жеткізуде көмек беріп жүрген Зарқұм Ұзынтілеуов деген інім де бар. Отбасымның мұндай қолдауы менің алға қарай қадам басуыма шабыт береді. Сырттай қарағанда кәсіпкер 8 сағат жұмыс істейтіндерге қарағанда бос, еркін секілді көрінетін болар, бірақ шынымды айтсам қазір жарты сағатқа да бос уақытым жоқ. Кәсіпкер болу – 24 сағат бойы өзіңді жасап жатқан жұмысыңа &nbsp;арнау деген сөз. Онсыз нәтиже шықпайды. Ал көкөніс пен жеміс-жидек сатудағы басты себеп – біріншіден бала кезден көз таныс болған дүние, екіншіден халық ең көп тұтынатын өнімдер. Әрбір сатылатын өнімді өзіміз Өзбекстан елінен алып келеміз. Себебі ол жақта таңдау еркіндігі мол, Тез бұзылатын өнімдер болғандықтан, шығыны да шаш етектен. Осыны да қаперге алып, үйлестіре білуің қажет. Қандай кәсіп болмасын, өзіне жетіп артылар қиындығы бар. Оны бірі – білсе, бірі – біле бермейді. Кәсіпкердің мемлекеттік қызметшіден артықшылығы атқарған жұмысыңа қарай қаражат тауып, басшыға тәуелділіктен еркін боласыз.– Кәсіпкердің мақсаты қандай болуы керек?– Бұл тұрғыда әр кәсіпкердің мақсат-мұраты өзінің құндылығына байланысты демекпін. Мәселен, мен жасап жатқан жұмысым халыққа пайдалы болса екен деймін. Елдің қажетіне жарап, алғыс-сауабын алып отырсаң – оның өзі ғанибет. Екіншіден балаларым ештеңеден тарлық көрмесе деймін. Алла аманат еткен үш перзентім бар. Сол үшеуіне үш кәсіпкерлік нысанды қалдырсам деген ниеттемін. Үлкен ұлым ақ халатты абзал жан болуды қалады. Қазір осы салада еңбек етіп жүр. Қызым да ағасының ізін жалғап, биыл қолына дипломын алды. Кенжем әзірге мектеп оқушысы. Ал келінімнің сауда саласына икемі бар. Алдағы уақытта келініме кәсіптің қыр-сырын үйреткім келеді. &nbsp;«Балам – балым, немерем – жаным» дегендей, екі немересі бар жас әжемін. Солардың болашағы жарқын болса екен деймін.– Кез келген адам кәсіпкер бола ала ма? Ол үшін қандай алғышарт керек?– Кәсіпкерлік – үнемі дамып отыратын сала. Біз енді қол жеткізіп жатқан білім экономикасы дамыған елдерде әлдеқашан ескіріп қалған. Мысалы бұрынғы сымсыз телефон мен бүгінгі смартфонның арасы жер мен көктей ғой. Кәсіпкерлікті дамыту үшін ең басты нәрсе – білім деп ойлаймын. «Өзіңді дамытуға инвестиция қысқа мерзімде, кемі 15 есеге өседі» деген тұжырым бар. Бірде аустралиялық бизнес кеңесшіден бір кісі: «10 000 $ бар, қандай бизнес ашсам болады?» деп сұрапты. Сонда «ақшаны өз біліміңе жұмсау керек» деген кеңес алады. Кәсіпкердің кеңесін бұлжытпай орындаған әлгі кісіден жаксы кәсіпкер шығады. Менің өмірден түйгенім, кәсіпкер болу да бір талант. Біреу кәсіпке икемді болып туылады, екіншісі білім арқылы өзінен кәсіпкер жасайды.– Бизнесменге қажет басты қасиеттер мен машықтар қандай?– Бизнес – үлкен сынақ. Мен өз жұмысымда күнделікті әр түрлі кедергілерге кезігемін. Ешқашан жылтыр мұзда сырғанағандай болған емес, болмайды деп те ойлаймын. Өйткені бизнес тек сынақтардан тұрады. Кедергі болған соң адам сүрінеді, құлайды, тек нағыз кәсіпкер ғана қайта тұра алады. Майк Тайсонның: «Егер сен құлап барып тұрсаң, бұл – физика емес, мінез» дейтін жақсы сөзі бар. Сол сияқты бизнес күнделікті соққы жасайды. Кейбіреуі айналып үлгермей жатып, маңдайыңа тиеді, сол кезде тұра білу керек. Бизнесің құлашын кеңге жайған сайын проблемалардың да көбейетінін естен шығармау керек. Жетістікке жетудің жеңіл жолы болмайды. Сондай-ақ, кәсіпкерге ең басты керек қасиет – ашықтық және тұтынушымен жылы қарым қатынас. Заман алға жылжыған сайын тұтынушы алдыңдағы өнімге ғана емес, оны ұсынып тұрған адамға да қарайды. Егер қабағың қатулы болса, келесі жолы сенің дүкеніңе мүлде бас сұқпайды. Сондықтан, кәсіпкер болғысы келетін жан клиентпен дұрыс қарым-қатынас орната білуі тиіс.– Естуіміз бойынша жиі кентте, ауылдарға барып жәрмеңке жасап тұрасыз. Бұл халыққа көп жеңілдік қой. Сондай-ақ жасаған қайырымдылығыңыз бен жақсылығыңызды жұртқа жария етпейсіз?– Иә, «Жақсылық қылсаң өзіңе, Жамандық қылсаң өзіңе» дейді емес пе? Негізі өте қарапайым жанмын. Қарапайымдылық – қаныма сіңген қасиет. Кәсіпкермін деп кеуде керу – ата-анамда да, менде де жоқ. Көмек сұраған адамға қолымнан келсе қол ұшын созуға тырысамын. Бұл адамдық борышым деп білемін. Ал жасаған жақсылықты мақтан үшін жария еткім келмейді. Анығын Алла біледі. Себебі үнемі жолда жүремін. Сол көмек алған кісілердің іштей тілеуінің өзі маған жетіп жатыр.– Қазір біздің ауданға қандай бизнес қажет деп ойлайсыз?– Бізге дәл қазіргі уақытта үлкен қаладағыдай балалар ойнайтын ойын алаңы салынса деймін. Баланы бақытқа балап, оларда барлығының жақсы болғанын қалаймыз ғой. Оның үстіне қазір смартфондардың да бала денсаулығына тигізер зиянгды тұсы көп. Үлкен атракциондар, түрлі ойындары бар орталық ашылса тұрғындар қуана-қуана қала аспай-ақ қуана-қуана барушы еді. Халықтың ортасында жүргеннен соң, білемін ғой. Балаларын жиі-жиі қала орталығындағы ойын алаңына апарып тұру халықтың қалтасына сай келмейді. Жергілікті жерде, бағасы қолжетімді болса, тұтынатын тұтынушы жетерлік. Сосын ауданымызға тағы бір керек дүние – осындай жаздың ыстық күндерінде паналайтын бассейндер. Бұл да көптің қалауы. Қазір бір мезгіл жағалау жағалап, демалып келу үшінде қалаға жол тартып жатамыз. Бұлардан өзге де көптеген кәсіпкерлік саладағы нысандар ақсап тұр. Негізі, істеймін деген адамға жұмыс көп қой. Тек ниет пайдаға қарағанда халыққа қызмет ету болса болғаны.– Сіз үшін жетістікке жетудің құпиясы неде?– Негізі кәсіп болсын, басқа болсын кез келген салада ең бірінші адамға табандылық керек. Табандылық танытпай, орта жолдан бұрылып, бір істі соңына дейін апармасаң, еш уақытта жетістікке жетпейсің. Сондықтан да табандылық – табыстың кілті деп ойлаймын. Бірақ, сол табандылыққа да мотивация керек. Ісің алға жүрмей жатса, болмаса қиындықтар туындаған сәтте адам күш-жігерін сарқып алмауы тиіс. Жалпы, бір істі алғаш бастағанда оның жүрмей қалу қаупі бар. Сондықтан, қолға алған бір кәсібім сәтсіз шықты деп теріс айналуға болмайды. Үлкен жетістікке жеткен кәсіпкерлердің көбі бизнестің 10 түрін ашып көруге кеңес береді. Сол он кәсіптің біреуі міндетті түрде сенің бағыңды ашады. Мысалы, Стив Джобс немесе Билл Гейтс смартфон мен компьютерге дейін де талай бизнесті қолға алған. Алайда, айы оңынан тумады. Сол сияқты отызға жуық әні бар әншінің бағын тек бір ғана ән ашады. Жалғыз ән үлкен танымалдық әкеледі. Сондықтан да өткен қателіктеріңнен сабақ алып, білім мен тәжірибені ұштасыра отырып кәсіп ашсаң жетістікке жетудің ықтималдығы жоғары болады.– Кәсіпкерде бос уақыт болмайды ғой. Десе де, алтындай уақытыңызды бөліп әңгімелескеніңізге рахмет!

Тынышкүл Үкібаева: Жетістікке жетудің жеңіл жолы болмайды

<a href="https://kyzylorda-news.kz/">Kyzylorda-news.kz.</a>&nbsp; Ақпарат және қоғамдық даму министрлігінің бастамасымен жастарды қолдауға бағытталған «Tulga Bol» жобасы әр өңірде іске асырылуда. Аталған іс шара Сырдария ауданының орталығында өткізіліп, ендігі кезекте ауыл аймақтарда жүзеге асырылуда. Асқар Тоқмағанбетов ауылында Ақпарат және қоғамдық даму министрлігінің бастамасымен республикалық «Tulga Bol» жылжымалы жәрмеңкесі өтті. Асқар Тоқмағамбетов ауылдық округінде өткізілген жәрмеңкеге кәсіпкерлік, өнеркәсіп және туризм бөлімі, қаржы және экономика бөлімі, аудандық мансап орталығы, аудандық білім бөлімі, аудандық жер және ауылшаруашылығы бөлімі, аудандық жастар ресурстық орталығының мамандары қатысты.&nbsp;Жәрмеңке барысында жастарға арналған мемлекеттік бағдарламалар бойынша кеңестер ұсынылып, түсіндірме жұмыстары ұйымдастырылды. Тиісті сала мамандары кеңестер беріп, ауыл жастарына мемлекеттік бағдарламалар мен жобалар бойынша ақпараттар ұсынды.Сонымен қатар, жылжымалы жәрмеңке аясында спорттық сайыстар өтіп, ауыл жастары ләңгі тебу мен қол күрес сайысына қатысып, арқан тартысты. Спорттық сайыстарды ауылдық округі әкімі аппараты ұйымдастырды.Аудандық жастар ресурстық орталығының директоры Нұрман Абдрасилов және ауылдық округі әкімінің міндетін атқарушы Қайрат Жүсіпов жеңімпаз жастарды марапаттап, алдағы істеріне сәттілік тіледі.<blockquote>– &nbsp;Республикалық «Tulga Bol» жылжымалы жәрмеңкесі Ақпарат және қоғамдық даму министрлігінің бастамасымен өткізіліп отыр. Аудан орталығында кең көлемде өтіп, жастарға кеңес берілген жоба бүгін ақиық ақын Асқар Тоқмағамбетов ауылында өтіп отыр. Іс шара аясында жастар өздеріне керек ақпаратты ала алды деп ойлаймыз. Спорттық сайыстар да көңілді өтті. Саламатты өмір салтын ұстанып, жігерлі болып өсіп келе жатқан жастарға алғысымыз шексіз. Сайыс қорытындысы бойынша жеңіске жетіп, марапат төрінен көрінген жастарды құттықтаймыз. Әркез жолдарыңыз ашық, өмірлеріңіз сәттілікке толы болсын! Жастарды алдағы уақытта да кеңес беру алаңдарына шақыратын боламыз! – деді аудандық жастар ресурстық орталығының директоры Нұрман Абдрасилов.</blockquote>Айта кетейік, аталған іс-шараға «AMANAT» шаруа қожалығының төрағасы Меңдіғали Есжанов қолдау білдіріп, аудандық жастар ресурстық орталығы мен ауылдық клуб үйі және Асқар Тоқмағанбетов атындағы мектеп ұжымы жан-жақты ұйымдастыру жұмыстарына араласты. Өз кезегінде ауыл жастары ұйымдастырушыларға алғыстарын білдірді.

Асқар ауылындағы «Tulga Bol» жылжымалы жәрмеңкесі

<a href="https://kyzylorda-news.kz/">Kyzylorda-news.kz.</a>&nbsp; Кеше Сырдария ауданы әкімі аппаратының мемлекеттік-құқықтық жұмыстар бөлімімен аудан әкімдігіне қарасты квазимемлекеттік мекемелерінің комплаенс-қызметіне жауапты қызметкерлерінің қатысуымен «Сыбайлас жемқорлыққа қарсы іс-қимыл мәселелері бойынша комплаенс-қызметінің рөлі» тақырыбында құқықтық семинар өтті.&nbsp;Семинарға Сырдария ауданы әкімі аппаратының мемлекеттік-құқықтық жұмыстар бөлімінің басшысы Е.Зұлқарнаев, бөлімнің әдіскері Н.Құрақбаева және квазимемлекеттік сектор субъектілерінің жанынан құрылған сыбайлас жемқорлыққа қарсы комплаенс-қызметіне жауапты қызметкерлер қатысты.&nbsp;Күн тәртібіндегі мәселе бойынша мемлекеттік-құқықтық жұмыстар бөлімінің басшысы Е.Зұлқарнаев түсіндірме жасап, «Сыбайлас жемқорлыққа қарсы іс-қимыл туралы» ҚР Заңының талаптарын және ҚР Үкіметінің 29.12.2016 жылғы № 907 қаулысымен бекітілген ҚР Үкіметінің заң шығару жұмысы қағидаларының 45-тармағына сәйкес, жоғарыда аталған заңнамаға енгізілген заң жобаларының басты қағидаттарына тоқталып, кеңінен түсіндірме берді. Осы ретте, сыбайлас жемқорлыққа қарсы комплаенс-қызметтердің рөлі маңызды екендігін назарларыңа жеткізді.&nbsp;Келесі болып сөз алған бөлімнің әдіскері Н.Құрақбаева квазимемлекеттік сектор субъектілеріндегі комплаенс-офицерлердің құқықтық сауаттылығын арттыру мақсатында заңнамаға түсіндірме жасады. Сыбайлас жемқорлыққа қарсы комплаенс-қызметтер жұмысының негізгі мақсаты, міндеттері, қағидаттарына тоқталып, оның жұмысын ұйымдастыру тәртібі және негізгі атқаратын функцияларын жүктеу бойынша толыққанды ақпарат берді.&nbsp;Бұдан бөлек, «Сыбайлас жемқорлыққа қарсы іс-қимыл туралы» Қазақстан Республикасы Заңының 8-бабында мемлекеттік органдар, ұйымдар мен квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдауы тиіс екендігін жеткізді.Ішкі талдау жүргізудің тәртібі Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 19.10.2016 ж. №12 бұйрығымен бекітілген сыбайлас жемқорлыққа тәуекелдеріне ішкі талдау жүргізудің үлгілік қағидаларына сәйкес слайд арқылы тәртібін түсіндіріп өтті.&nbsp;Сонымен қатар аталған Қағиданың 1, 2 және 4 қосымшаларында көзделген нысан бойынша есептілігін толтыру тәртібін түсіндіріп, тапсыру мерзімін айтып өтті.&nbsp;Кездесу соңында бөлім басшысы Е.Зұлқарнаев сыбайлас жемқорлыққа қарсы күресті жалғыз құқық қорғау органдары, мемлекеттік органдар, квазимемлекеттік сектор субъектілері мен ұйымдар ғана емес бұл індетпен күресуді жалпы қоғам болып жүргізу қажет екендігін барша қатысушыларға жеткізіп, сыбайлас жемқорлықпен күрес бағытында әзірленген түрлі плакаттар таратылды.<blockquote>– Сырдария ауданы бойынша сыбайлас-жемқорлыққа байланысты кешенді іс-шаралар қабылдануда. Сала мамандарын құқықтық оқытудан әркез өткізіп тұрамыз. Жалпы, сыбайлас-жемқорлыққа қарсы іс-қимылдарды жүргізу – басты міндетіміз. Алдағы уақытта бүгінгі семинар барысында айтылған мәселелерді әрбір сала маманы назарда ұстауы тиіс, – деді бөлім басшысы. &nbsp;</blockquote>Бөлім басшысы тарапынан сыбайлас жемқорлыққа қарсы комплаенс-қызметтер жұмысын жандандыру, сыбайлас жемқорлыққа қүресті күшейту бағытында профилактикалық жұмыстарды жүйелі түрде жүргізу қажеттілігі мен үлгілік қағидаға сәйкес ішкі талдауды уақытылы жүргізуді ұсынылды.

Қазақстан және Қызылорда облысының жаңалықтары