<a href="https://kyzylorda-news.kz/">Kyzylorda-news.kz.</a> Арал аудандық прокуратурасының бастамасымен N262 мектеп-гимназиясында Арал қаласы мектептерінің 9-11 сынып оқушыларымен «Армандар орындалады» жобасы аясында&nbsp; кездесу өткізілді.&nbsp;«Армандар орындалады» жобасының негізгі мақсаты – оқушыларға арман құндылығы туралы түсініктерін арттыру, арманның мәні, арманға жету жолдары туралы өзіндік пікірін қалыптастыру және кәмелетке толмағандармен жасалатын немесе оларға қатысты жасалатын құқық бұзушылықтың алдын алу бағытында профилактикалық құқықтық түсіндіру болып табылады.Кездесу кешіне Арал ауданы әкімінің орынбасары&nbsp; К. Бержанов, Арал аудандық прокурорының орынбасары&nbsp; Н. Марат, сонымен бірге Арал аудандық білім бөлімінің&nbsp; басшысы С. Жанназарова,&nbsp; полиция бөлімінің бастығының орынбасары А. Байоразова, Арал аудандық мәслихат депутаты Е. Аяғанов,&nbsp; дәрігер-хирург, денсаулық сақтау ісінің үздігі Ә. Жүсіпов қатысып, өздерінің өмір жолымен, бала күнгі армандары мен оған жетудегі еңбектері туралы әңгімелеп берді.&nbsp;Сонымен қатар, жиынға қатысушыларға мамандық таңдау кезінде тұрған оқушыларға бағыт-бағдар беріп, таңдау мүмкіндіктерін шешуге, оларды өз пікірін еркін айтуға, басқаның пікірін сыйлай білуге, жүйелі ойлауға және адам өмірінде мамандықтың алатын орны, маңызы туралы түсіндіріп өтті.&nbsp;Шара соңында оқушылар сауалдарын қойып, өз пікірлерімен бөлісті.

 «Армандар орындалады» жобасы аясында кездесу өтті

<a href="https://kyzylorda-news.kz/">Kyzylorda-news.kz</a>&nbsp; Табиғаттың тосыннан келетін апатына қарсы тұрып күресетін мамандық бар. Ол – құтқару қызметі. Сала мамандары залалмен күресіп қана қоймай адам жанының арашасы да. Адам өміріне төнген қауіпті жағдайларға бірінші болып жетіп, жәрдемдеседі. Су тасқыны, өрт, көлік апаты, тағы да басқа құтқару ісінде өз өмірлерін қатерге тігіп, бек тұрады. Тіпті төтенше жағдайдың алдын алуда үгіт-насихат жұмыстарын жүргізіп, халықты хабардар етеді.Бұл мамандық иелерінің ең басты міндеті – адам өмірін құтқару, бұл жоғары және жауапты міндет. Бір сөзбен айтқанда халықтың бейбіт өмірін, тұрмыстағы, өндірістегі қауіпсіздігін қамтамасыз етіп, апаттық жағдайға жол бермеу. Бұл іс кез келгеннің қолынан келе бермейді. Оған үлкен жүрек, машық, білім мен білік және тәжірибе керек. Қармақшы аудандағы құтқарушылардың қызметінің бүгінде жүйелі жұмыс жүргізіп келеді. Жалпы ауданда Төтенше жағдайлар министрлігіне қарасты ведомстволық төрт мекеме бар. Олар Төтенше жағдайлар бөлімі, №10 өрт сөндіру бөлімі мен ауданға қарасты Байқоңыр қалалық №8 өрт сөндіру бөлімі және күре жолдың бойындағы медициналық құтқару қызметі. Төтенше жағдайлар бөлімінің негізгі қызметі – аты айтып тұрғандай төтеннен келетін апаттардың алдын алу. Тұрғын үй өртін, судан келетін қауіптерді болдырмау. Осы аталған жұмыстарды басқарып, қадағалау бөлім бастығы, азаматтық қорғау подполковнигі Өмірбек Сақтабаевқа міндеттелген.<blockquote>– Төтенше жағдайлар саласы үлкен жауапкершілікті жүктейді. Біз қауіптің алдын алып, оның зардабын жоюға жұмыс істейміз. Мәселен, ауданда тұрғын үй өрті мен суға кету қаупі жиі орын алады. Осыған сай кент және елді мекендерді аралап, тұрғындар арасында үгіт-насихат жұмыстарын жүргіземіз. Нысандарды аралап, өртке қауіпсіздігін тексереміз. Өрт болған жағдайда оның шығу себебін анықтаймыз. Одан бөлек Сырдария өзені аудан үстінен үлкен қашықтықта өтіп жатыр. Көктемде сең жүру кезінде су басу қаупі тіркеледі. Мұндай кезде төтенше жағдайдың алдын алуға 15 қызметтің техникалық әзірлігі мен күштік құралын тексеруге оқу-жаттығу ұйымдастырып отырамыз. Сонымен қатар, қараша айнының басында «Зымыран – 2023» республикалық командалық штабтық оқу-жаттығу өткізу жоспарланып отыр. Себебі, Байқоңырдан зымыран тасығыштары ұшқан жағдайда аудан апат болуы ықтимал аумаққа жатады. Алда осы жұмыстарды атқару міндеті тұр, – дейді бөлім бастығы.</blockquote>Өмірбек Жаңабайұлы басқарған инженерлік-инспектор құрамда 4 маман жұмыс істейді. Олар, аға анықтаушы – Данияр Байрахметов, аға инженер – Қайнар Далдиев, инженер – Нұрдаулет Рахымбаев және инспектор – Серіккүл Әбжаевалар өз ісінің білікті мамандары.Құтқарушылардың келесі сапындағылар №10 өрт сөндіру бөлімі мен медициналық құтқару қызметі. Айдың күннің аманында төтеннен өрт шықса, дабылын қосып өрт сөндіру бөлімі тілсіз жауды ауыздықтауға асығады. Бүгінде бұл бөлімде 35 қызметкер елдің қауіпсіздігі үшін қызмет етуде. Олар төрт ауысым бойынша 24 сағат кезекшілікке түседі. Бөлім басшысы, майор Еркебұлан Қорықбаев өрт сөндірушілердің іс-қимылына жауапты. &nbsp;Жалпы статистика өрт сөндіруші мамандығын әлемдегі ең қауіпті жұмыстардың қатарына кіргізеді. Себебі, өрт сөндіруші – қаншалықты шаршаса да көңіл-күйі болмаса да әрқашан батыл әрекетке дайын тұратын адам. Ол тілсіз жаудың қанша уақытта өшетінін болжап біле алмайды және келесі өртенген ғимаратта оны не күтіп тұрғанынан бейхабар. Олардың санасына «құтқару» деген ұғым сіңіп қалғаны соншалық, әрдайым тілсіз жаумен бетпе-бет келуге дайын тұрады.<blockquote>– Өрт сөндіруші қызыл жалынның ортасына кіргенде оның бар назары от ортасында қалған адамды құтқаруға, өртті сөндіруге ауады. Ал алауды ауыздықтау – бүкіл бір команданың жұмысы. Сондай уақытта күш біріктіру – ең басты қағиданы қажет етеді. Бұған қоса, өрт сөндірушілерге шапшаңдық, жүректілік, қырағылық, әп-сәтте шешім қабылдай алатын тәуекелшілдік керек. Жауынгерлер алғашқы медициналық көмектен де хабардар болуы тиіс, – дейді №10 өрт сөндіру бөлімінің бастығы.</blockquote>Ал тоғыз жолдың торабы болған Самара-Шымкент тас жолындағы түрлі жазмыш оқиғаларға Иіркөл ауылы тұсындағы медициналық құтқару қызметі дер кезінде жетіп, жедел-жәрдем көрсетеді. Құрамында аға дәрігер, фельдшер, фельдшер-диспетчер, құтқарушы және жүргізуші құтқарушыдан тұратын топ, он бес күннен екі ауысым жұмыс істейді. Күре жолдағы құтқару пункті құтқарушылары өзі орналасқан нүктеден елу шақырым қашықтықтағы оқиғаларға барады. Мұндағы мамандардың уақыты есептеулі. Мәселен, шұғыл шақырту түссе дәрігерлер үш минуттың ішінде арнайы көлікпен жолға шығып кетуге міндетті. Жол апатына түскендерді арнайы құралдың көмегімен құтқарып, медициналық көмек көрсетеді.Құтқару саласының мамандары қандай алғысқа болсын лайықты. Олардың әрбір ісі – ерен ерлікке тең. Себебі өз өмірлерін қатерге тіге отырып, өзгенің өмір сүруіне көмек қолын созады.&nbsp; &nbsp;

Қармақшыдағы құтқару қызметінің қырандары

<a href="https://kyzylorda-news.kz/">Kyzylorda-news.kz</a>&nbsp; Бүгін Қармақшы ауданында Қазақстан Республикасының «Спорт шебері» Сүлейменов Әсет Жәнібекұлын еске алуға арналған дзюдодан жасөспірімдер арасында облыстық ашық турнир басталды.Дүбірлі спорт додасының ашылу салтанатына Қармақшы ауданының әкімі Жандос Еркінбек қатысып, Әсет Сүлейменовтың өнегелі өмір жолы мен спорттық мансабында жеткен жетістіктері туралы сөз қозғады. Сондай-ақ, ауданда спортты дамыту бағытында атқарылып жатқан жұмыстарға тоқталып, жастар мен жасөспірімдердің бос уақытын тиімді пайдалану, спортқа баулу мақсатында салынып жатқан спорт кешендерінің жуырда пайдалануға берілетіндігін айтып, турнирге қатысушы жас спортшыларға сәттілік тіледі.&nbsp;Одан кейін, Қызылорда облысы дзюдо федерациясының Президенті Садық Шоңмұрынұлы сөз сөйлеп, облыстық турнирдің салтанатты ашылуымен құттықтады.&nbsp;Әсет Сүлейменов 1969 жылы дүниеге келген. Ол өзінің қайсарлығы мен дарындылығының арқасында көптеген республикалық бәсекелерде жүлделі орыннан көрініп, «КСРО спорт шеберіне үміткер» спорттық атағына ие болған. 1986 жылы еңбек жолын аудандық спорт мектебінде жаттықтырушы болып бастаған ол кейіннен ішкі істер органдарында абыройлы қызмет етті.Биыл үшінші мәрте ұйымдастырылып отырған дәстүрлі спорт бәсекесіне облыс бойынша 150-ге жуық спортшы бақ сынайды.&nbsp;&nbsp;

Қармақшыда дзюдо күресінен облыстық турнир басталды

<a href="https://kyzylorda-news.kz/">Kyzylorda-news.kz</a> Қазір мыңдаған таралыммен шығатын кітаптардың шығарлымы едәуір бәсеңдеді. Бұрынғыдай кітапхананың кітап &nbsp;сөрелерінің босауына қарағанда келуші оқырман &nbsp;азайған, деп жазды Massaget.21 ғасырда технологиялардың дамуы цифлық әлемге үлкен &nbsp;жол ашты &nbsp;. Оған қоса күделікті өмірде білімді нығайтатын кітап та жаңа кеңістікке &nbsp;көшті . Электронды кітаптар . Әрине бұл адам баласының өмірін әлде қайда жеңілдетеді. Оған себеп болатын бірнеше фактілер де &nbsp;бар.Қазірде кітаптарды &nbsp;жиі қолданатын смартфон , планшеттер арқылы оқи аламыз. Тіпті электронды кітаптарды тегін жүктеп , оңай сатып та алуға болады. Электронды кітап &nbsp;экологияға , қоршаған ортаны қорғауға көмектеседі. Оған бірден бір себеп &nbsp; қағазды және электр &nbsp;энергиясын &nbsp;тұтынуды азайтуы. Ең басты жетістіктерінің бірі &nbsp;бұл физикалық тұрғыда &nbsp;көп орын ала қоймауы. &nbsp;Мәселен , кішкентай ғана смартонда талай томдармен жазылған кітап та &nbsp;сиып кетеді . Оқырмандар бірнеше ауыр кітаптардың орнына барлық қажетті кітаптарды сақтайтын бір &nbsp;сморофонды ғана пайдалана алады. &nbsp;Бұдан &nbsp;бөлек тап осы сандық кітаптарды аудио түрінде тыңдауға да болады.Артықшылықтарына қарамастан, электрондық кітаптар міндетті түрде барлығына сәйкес келе бермейді. Электронды кітап аудиториясы әдетте жас буын мен орта жастағы адамдарды қамтиды. Көптеген оқырмандар үшін қағаздың иісі, беттердің текстурасын сезіну және кітапті парақтау әрекеті оқу ләззатының ажырамас бөлігі болып табылады. Ал &nbsp; сандық &nbsp;кітап &nbsp;қолға алып оқыған кітаптай &nbsp; әсер қалдырама деген ой туады. Электронды кітапті ұзақ уақыт оқу жалпы адамның &nbsp;көз жанары үшін өте зиян болып табылады. Дегенмен қағаз кітапті оқыған кезде жарықтың &nbsp;жеткіліксіз болмауы да денсаулыққа зиян дер едім. Көп жағдайда электронды кітаптар басып шығарылған аналогтарына қарағанда арзанырақ. Бұл оқуды оқырмандардың кең ауқымына қолжетімді етеді.Электронды кітапті бір уақытта 50 ден аса адам оқи алады. Алайда цифрлық теңсіздік &nbsp;дамушы елдерде маңызды мәселе болып қалуда. Электрондық құрылғылар мен Интернетке қол жеткізу қаржылық немесе инфрақұрылымдық шектеулерге байланысты көптеген адамдар үшін қолжетімсіз болып қала береді. Бұл электронды оқырмандарды пайдалана алатындар мен пайдалана алмайтындар арасында алшақтық тудырады. Электрондық кітаптар электронды желіге кіруді қажет етеді, бұл электр қуаты немесе сенімді интернет қосылымы болмаған кезде қиындық тудыруы мүмкін. Қағаз бетіндегі кітаптан артықшылығы – мәтінді &nbsp;әр түрлі енгізуге болады. Мәтінді іздеу, ескертпелер қосу, қаріп өлшемін және экранның артқы жарығын өзгерту сияқты функциялар, бұл әртүрлі типтегі пайдаланушылар үшін оқуды жеңілдетеді. Кейбір адамдар үшін құрылғыдағы хабарландырулар немесе басқа қолданбалар әртүрлі алаңдаушылықтарға байланысты сандық кітапті &nbsp;оқуға зейін қою қиынырақ болуы мүмкін. Қағаз кітаптарды оқу дәстүрі күшті және сапалы басып шығаруға қатты мән беретін Жапонияда кейбір адамдар электронды кітаптардың танымалдылығының артуына байланысты баспа кітаптарына сұраныстың төмендеуіне алаңдаушылық білдірді. Олар мәдени мұраның жоғалуына және басылым сапасының төмендеуіне әкелуі мүмкін деп қауіптенеді. Технологиялар мен интернетке біркелкі емес қол жеткізу себебінен цифрлық теңсіздік проблема болып қала беретін Үндістанда кейбір адамдар тобы, әсіресе ауылдық жерлер мен аз қамтылған отбасылар, гаджет &nbsp;жетіспеушілігіне байланысты электрондық кітаптарға қол жеткізе алмауы мүмкін. Меніңше дәстүрлі қағаз кітаптары электронды аналогтармен алмастырылмайтын дүние деп санаймын.Фото: &nbsp;freepik.com

Электронды кітап тиімді ме ?

<a href="https://kyzylorda-news.kz/">Kyzylorda-news.kz</a> Қызылорда облысының қадірлі ақсақалдарының бірі Ұлы отан соғысының ардагері Төлеген Жүнісұлы 102 жасында қайтыс болды.Соғыс оты тұтанған жылы Төлеген Жүнісов 18 жаста еді. 1942 жылы 19 жасында әскер қатарына шақырылып, Өзбекстандағы Самарқан шаһарына жіберіледі. 5 ай кіші командирлікке оқып, білімін жетілдірген соң Украинаның Луговой станциясына аттанады. Осы жерде қиян-кескі ұрыстарға қатысады. Фашистік Германияның әскерін талқандауда жаяу әскері қатарында болған кіші сержант Төлеген де ерліктің үлгісін көрсетеді. Сонымен бірге ол Украинаның Харьков, Прискуров, Тернополь, Львов қалаларын жаудан азат етуге атсалысады.&nbsp;&nbsp;

Қызылордада  Ұлы отан соғысының ардагері дүниеден өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Жуырда Қармақшы аудандық жұмыспен қамту және әлеуметтік бағдарламалар бөлімінің мемлекеттік тапсырысы шеңберінде қылмыстық-атқару жүйесі мекемелерінен босатылған, пробация қызметінің есебінде тұрған азаматтарды «Әлеуметтік рухани қолдау» бойынша кездесу өтті.Басқосуда аудан прокуроры Н.Шаймахан, аудандық пробация қызметінің бастығы, Әділет подполковнигі Е.Әбілдаев, аудандық отбасын қолдау орталығының директоры Н.Балтабай, «Қармақшы ата» мешітінің бас имамы Рахат Қожанов, аудандық жастар ресурстық орталығының директоры Нұржұман Пірназаров қатысты.Іс-шара барысында есептегі тұлғаларға құқықтары мен міндеттері түсіндіріліп, оларға әлеуметтік көмек көрсету, қайтарымсыз гранттар рәсімдеу, жұмысқа орналастыру мәселесі кеңінен қаралды. Сонымен қатар қайта қылмыс жасаудың алдын алу мақсатында оның салдары туралы толық түсіндірулер жүргізілді.Еркін форматта өткен кездесуде тұлғалардың сұрақтарына жауап беріліп, пікір алмасып, саладағы мәселелер жан жақты талқыланды. Кездесуден кейін сала мамандарының қатысуымен кәсіпкерлік бастаманы қолдау, жұмысқа орналастыру, заңгерлік кеңес беру бағытында жеке қабылдаулар өткізілді.&nbsp;

Қармақшыда пробация есебіндегі азаматтармен кездесу өтті 

<a href="https://kyzylorda-news.kz/">Kyzylorda-news.kz.</a> Арал ауданы әкімі Аманжол Оңғарбаевтың төрағалығымен қала көшелерінің түнгі жарықтандыру жұмыстарындағы кемшіліктер мен хаттамалық тапсырмалардың орындалуы талқыланған мәжіліс өтті.&nbsp;Тиісті жұмыстарды қолға алмаған басшылардың жауапкершілігіне сын айтылды.&nbsp;<blockquote>«Өткен мәжілісте Өздеріңіздің қатысуларыңызбен Арал қаласының түнгі жарықтандыру мәселесіне байланысты жиын өткіздік. Бірақ, содан кейінгі нәтиже көңіл көншітпей отыр.&nbsp; &nbsp;Мәселен, қала бөлінісіндегі 1 сектор бойынша теміржол вокзалы аумағындағы Ә. Нұрпейісов көшесіндегі 35 жарықтың 7-еуі істен шыққан. Уәде бердіңіздер, алайда ол орындалмады. Осындай мәселелер Бекмырза хан, Қ. Ерімбетов, Сырым батыр даңғылы, А. Байтұрсынов, Бақтыбай батыр, Әбілқайыр хан, Абай көшелерінде, «Балықшылар» аллеясы мен «Рәміздер» алаңындағы және батыс кіреберіс аймақ пен басқа да аумақтарда орын алған. 1-2 жарықшам болса да, бақылау болуы тиіс. Бұлай ұзаққа созылмауы қажет. Тапсырма уақытылы орындалуымен құнды. Қаланың түнгі көркі әдемі болғаны дұрыс. Әр секторға жауапты басшылар ең алдымен сіздерден қадағалау болу керек. Күрделі мәселенің барлығын дереу шешіңіздер»-деді, Аманжол Сақыпұлы.</blockquote>Арал ауданы басшысы жүктелген міндеттерге салғырттық танытқан лауазымды тұлғаларға қатысты тәртіптік жаза қолдануды талап етті.Мұнан соң, аудан әкімі мерзімі келіп тұрған Сексеуіл кентіндегі АГТС орната отырып «Бейнеу-Шымкент» магистарльды газ құбырынан бастап газ құбыры тармағын салу жобасын аяқтау және Арал қаласындағы темір жол үстінен аспалы көпір салу жұмыстарының баяу жүргізіліп жатқанын қатаң сынға алды. Бұдан бөлек, жол құрылысы, әлеуметтік және өзге де салалардың жұмысындағы түйткілді мәселеге тоқталды.&nbsp;Жиынды қорытындылай келе, Арал ауданы басшысы ел алдындағы уәде уақытылы орындалуы тиіс екенін айтып, сала басшыларына, қала, кент және ауылдық округ әкімдеріне барлық деңгейдегі хаттамалық тапсырмалардың орындалуын қатаң бақылауға алу міндетін жүктеді.

Аралда көшені түңгі жарықтандыру мәселесі басты назарға алынды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы №101 мектеп-лицейі білім беру саласында үздік білім ошағы саналады. Өскелең ұрпаққа сапалы білім, өнегелі тәрбие беру ісінде оқ бойы озық жүретін мектеп-лицей білім берудің заманауи үрдісіне ілесіп, көш бастап келеді.&nbsp; Бүгінде аталған білім ошағы ғылыми-жаратылыстану бағытында кешенді жұмыс жасап, оқушылармен түрлі жобаларды жүзеге асырып келеді. Оған себеп Қазақстан Республикасы Президенті әкімшілігінің 2020 жылғы 20 шілдедегі №20-4/04-437//20-01-7.16 хаттамалық тапсырмасының 4.8-тармағына сәйкес мектептегі ғылыми-жаратылыстану бағытындағы пәндердің оқу бағдарламасына оқушылардың экологиялық мәдениеті, экологиялық білімі мен тәрбиесі деңгейін арттыратын аралас курс (дүниетану, биология, география пәндері аясында тақырыптар) енгізуді қамтамасыз ету туралы тапсырмасының берілуі болатын. Осы орайда, &nbsp;білім ошағы «Жасыл Қазақстан» ұлттық жобасының жүзеге асырылуын қолдаумен қатар, экологиялық білім беруді дамыту мақсатында Қызылорда облысының білім басқарамасының 19.03.2021 жылғы №45-нқ/11 бұйрығына сәйкес, &nbsp;«Жасыл мектеп» пилоттық жобасын ендіру бойынша тірек білім беру ұйымы ретінде бекітілген болатын. Жалпы «Жасыл мектеп» жобасы - экологиялық білім берумен қатар, оқушылардың қатысуымен еңбек алаңдарын ашуды, ғылыми-зерттеушілік қабілеттерін дамытуды, ерте кәсіптік бағдар беруді де қамтиды. №101 мектеп-лицейінің базасында Қорқыт ата атындағы Қызылорда университеті ғалымдарымен бірлескен шаралар атқарылып келеді: университет ғалымдарының ғылыми-әдістемелік кеңесшілігімен 5-11 сыныптар аралығында тереңдетіп оқыту үшін арнайы таңдау курстары ендірілді. Авторлық бағдарламалар әзірленіп, университеттің бейінді кафедраларында сараптамадан өткізілуі қолға алынды. Оқушылардың ғылыми жобаларына ғалымдар нысаналы түрде жетекшілік жасауда; экологиялық білім беруді дамыту мақсатында әдістемелік-көмекші құралдар әзірленуде; университет докторанттарының ғылыми зерттеулерінің тәжірибелік бөлігі осы тірек мектебінде өткізіле бастаған.<blockquote> – «Жасыл мектеп» жобасы – экологиялық білім берудің заманауи құралы. Әлемдік тәжірибелер кеңінен қамтылған, білім беру трендіне айналған. Білім алушылардың табиғатқа құндылық қатынасын қалыптастыруға, білім берудің экологиялық бағыттылық деңгейін арттыруға, қоршаған ортаны қорғау және табиғи ресурстарды ұтымды пайдалану мәселелері бойынша жастардың хабардар болуына, өскелең ұрпақтың табиғатқа жауапты көзқарасын тәрбиелеуге, экологиялық сауатты мінез-құлықты қалыптастыруға бағытталған кешенді білім беру жобасы ретінде қалыптасып келеді. Қазіргі уақытта, Қызылорда облысының табиғи ресурстар және табиғат пайдалануды реттеу басқармасына, жылыжай ұйымдастырылған білім беру ұйымдарына «Жасыл мектеп» жобасын ендіруге және ботаникалық бақтар ұйымдастыруға көмек көрсету, питомниктер тарапынан әртүрлі өсімдіктер мен ағаштардың тұқымдарын аталған мектептерге бөлуге, оларды өсіру ерекшеліктері бойынша тұрақты кеңес беру туралы хаты жолданып, бірлесіп жұмыс жасау жұмыстары қолға алынды (Қызылорда қалалық орман шаруашылығы және жануарлар дүниесін қорғау мекемесі – басшысы Б.Әбшекенов, №101 мектеп-лицейіне 50 түп ағаш көшеттерін берді, егу мен өсіру бағытында мамандары көмек көрсетуде). Мектебіміздің «Жасыл мектеп» жобасы Қазақстан Республикасы экология және табиғи ресурстар министрлігінің ұйымдастыруымен өткен «Үздік экологиялық жоба» ұлттық конкурсының І орын жеңімпазы атанды. Сондай-ақ, «Орта білім беретін үздік ұйым» облыстық конкурсының жеңімпазы атанып, 34 миллион теңге сыйақы иегері болды, – дейді директордың оқу ісі жөніндегі орынбасары Гүлнұр Едігеева.</blockquote> Білім ордасы аталған жобаны тек қала көлемінде ғана жүзеге асырып қана қоймай, халықаралық ынтымақтастықты нығайту мақсатында Минск қаласының «Жасыл мектеп» жобасымен жүйелі айналысып, жоғары нәтижелерге жеткен 19 гимназиясымен және Белорусь мемлекеттік университетімен екіжақты меморандумға қол қойылып, бірлесе жұмыс жасауға келісімге отырған. &nbsp;Беларусь елінің GREEN OFFICE BSPU ресурстық орталығы мен GREEN OFFICE SCHOOLS желісі және Қорқыт ата атындағы Қызылорда университетімен бірлесе халықаралық марафоны үздіксіз ұйымдастырылып келеді екен. Ал Ресей Федерациясы Томск политехникалық университетінің ғалымдарының жетекшілігімен ғылыми зерттеу жұмыстарын дайындау жүргізіліп келеді.&nbsp;<blockquote> – Бұдан бөлек, мектеп оқушылары Өзбекстан елінің Ташкент қаласында химия-биология бағытындағы Абу Али Ибн Сина атындағы мамандандырылған мектеп-интернатпен &nbsp;тәжірибе алмасты. Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің «Ботаника және фитоинтродукция институты» республикалық мемлекеттік кәсіпорнының Астана ботаникалық бағы филиалымен өзара ынтамақтастық туралы меморундамға қол қойылды. «Жасыл мектепті» флораның &nbsp;сан алуан түрімен толықтыру жоспарлануда. «Топырақсыз субстраттар және гидропоника негіздері» бағдарламасы бойынша біліктілігін арттыру курсы (108 сағат) Қорқыт ата атындағы Қызылорда университеті коммерциялық емес акционерлік қоғамының оқытушылары Әли Мүсілімов атындағы №101 мектеп-лицей базасында өткізілді. «Жасыл мектеп: экологиялық бағытталған оқытудың инновациялық шешімдері» тақырыбында халықаралық ғылыми-практикалық конференция өткізілді. Конференцияға &nbsp;секция отырысына 600-ден аса тыңдаушы қатысты. «Жасыл мектеп» жобасы аясын кеңейту мақсатында Беларусь мемлекетінде өткізілген тағылымдамада болған мектеп басшысы Айгүл Алтынбекқызы жүзеге асыруда. Жоба аясында «Өлкетану» оқу кабинеті ашылды. Оқу кабинетінде туған өлкенің байлықтары, тарихи ескерткіштері және мәдени нысандары туралы мәліметтер, туған өлкесіне білім саласына үлес қосқан педагогтер туралы деректемелер, ғалымдардың еңбектері жинақталынып, қоғамды рухани жаңғырту жағдайында өлкетану қызметінің тәрбиелік әлеуетін дамыту жинақталды. Сонымен бірге «Жасыл мектеп» жобасы аясында республикалық форум өткізілді. &nbsp;Форум мектеп пен Қорқыт ата университеті арасындағы байланысты көрсетті. &nbsp;Форум аясында Күлбарам Сәдуақасқызы атындағы химия кабинеті ашылды. Оқушылар «Жасыл мектеп» жобасы аясында жеткен жетістіктерімен, ғылыми жаңалықтарымен бөлісті. Қорқыт Ата атындағы университет биология ғылымдарының кандидаты Құрманбаев Рахат Хамитұлының жетекшілігімен жүзеге асырылып жатқан мектеп жылыжайы мен гидропониканың жай-күйі таныстырылды. Университет профессорлары форум тақырыбында баяндама жасап, жобаны табысты іске асыру жайлы ой-пікірлерімен бөлісті. «Жасыл мектеп» жобасы аясында мектеп оқушылары арасынан ерікті түрде құрылған «Жасыл сақшы» эковолонтерлер тобының жүйелі жұмыстары көрсетіліп, жобаның негізгі бағыттары бағамдалды, – дейді Гүлнұр Жұманқызы.</blockquote>

Қызылордадағы білім ошағы «Жасыл мектеп» жобасының аясын кеңейтуде 

Жалағаш ауданында жарқын жобалар жүзеге асуда

<a href="https://kyzylorda-news.kz/">Kyzylorda-news.kz</a>&nbsp; Шағын және орта кәсіппен айналысу – бүгінгі қоғамның басты тіршілік көзі саналады. Демек, нарықтық заманда аталған бағытта жұмыс жасау қалыпты жағдай екені белгілі. Өңірімізде жыл санап кәсіпкерлер қатары көбейіп, кәсіпкерлік саласы қарқынды дамып келеді. Оның басты себебінің бірі – кәсіпкерлерді қолдау мақсатында мемлекет тарапынан бөлініп жатқан мемлекеттік қайтарымсыз гранттар және бағдарламалар. Мемлекеттік бағдарламаның игілігін көріп отырған жергілікті жеке кәсіпкердің бірі – Сәуле Есаналина болып табылады. Кейіпкеріміз жуырда тұрғындар үшін заманауи үлгідегі қоғамдық монша ашып, ауданның кәсіпкерлік көкжиегін кеңейтіп отырған жайы бар.Жеке кәсіппен айналысуға білек сыбана кіріскен азаматтарға мемлекет тарапынан әркез қолдау көрсетіліп, кәсібін жандандыруға игі ықпал тигізіп келеді. Жеке кәсіпкер Сәуле Жаңатайқызы «Қызылорда» өңірлік инвестициялық орталығы арқылы «Микробизнес-Қызылорда» бағдарламасы бойынша 30 млн теңге көлемінде несие алып, монша кәсібін қолға алып отырған екен. Зинадин Лекеров көшесінде халық игілігі үшін ашылған «Лидер» коғамдық моншасының ашылу салтанаты осы айдың басында өтіп, пайдалануға берілген болатын. Кәсіпкердің айтуынша, жалпы моншаның құрылысына, ішіне керекті құрал-жабдықтар мен жиһаздардың барлығына 80 млн теңге қаражат жұмсалған. Бір мезеттегі сыйымдылығы 50 адамға қызмет көрсететін қоғамдық моншаның ашылғанына көп болмаса да келушілердің қарасы қалың. Көпшілік тұрғындардың айтуынша, алдын ала уақыт кестесі бойынша тапсырыс беріп жазылып қоймаса, мүлдем орын болмай қалатын көрінеді. Жаңадан ашылған қоғамдық монша ауданның 3 тұр¬ғынын тұрақты жұмыспен қамтып отыр.<blockquote>– Қоғамдық монша салу – біз ойлағандай оңай емес екен. Қаншама уақыт, қыр¬уар қаражат, үлкен еңбекті қажет етеді. «Еңбек түбі – береке» демекші, еңбегіміздің арқасында моншамыз өзіміздің де көпшіліктің де ойынан шықты. Заман талабына сай моншаны барынша заманауи үлгідегі дизайнмен жасауға тырыстық. Табиғи газбен жылытылатын моншада ерлерге және әйелдерге арналған 15 адамдық 1 жуынатын бөлме, 3 жеке және 1 VIP бөлме бар. Моншада барлық жағдай қарастырылған. Себебі әр бөлмеде өзінің демалатын, киім ауыстыратын, жуынатын және бу бөлмесі бөлек-бөлек жасалынған. Одан бөлек моншаға келушілерге сүлгі мен суға түсетін аяқ-киім де беріледі. Біздің моншаның басқа моншалардан басты артықшылығы – VIP бөлмеде бассейн мен шаш кептіретін құрал орналасқан. Одан бөлек туған күн немесе қандай да бір басқосуды атап өтуге арналған үлкен жарық бөлме бар. Сонымен қоса келушілер дүкен іздеп әуре болмайды, моншаның ішінде салқын сусындардың сан түрлісі сатылымда бар. Монша аптаның 6 күнінде жұмыс істеп, келушілерге қызмет көрсететін болады. Санитариялық-гигиеналық тазалық талаптары сақталуы – біз үшін басты назарда және монша барлық санитарлық талаптарға сай. Заманауи үлгіде жасалған моншаның құнын халыққа қолжетімді бағада ұсынуды жөн санаймыз. Моншаның құнына келетін болсақ, ересектерге – 800 теңге, мектеп жасына дейін тегін, балаларға – 600 теңге, ал жеке бөлме адам басына – 1200 теңге, VIP бөлме 5 адамға дейін – 6000 теңге. Қазіргі кезде монша кәсібінің ашылғанына көп уақыт болмаса да, аяқ алысы жаман емес. Тұрғындар ақжарма алғыстарын айтып, көңілдерінен шығуда. Алдағы уақытта да осы қарқынмен ел игілігі үшін халыққа сапалы қызмет көрсететін боламыз. Халықтың ойынан шығып, ризашылығы мен алғысын алсақ, біз сияқты кәсіпкер үшін соның өзі үлкен жетістік, – дейді кәсіпкер Сәуле Есаналина.</blockquote>

Сырдария жаңадан қоғамдық монша ашылды 

<a href="https://kyzylorda-news.kz/">Kyzylorda-news.kz</a>&nbsp; Кәсібі бардың – нәсібі бар. деген тәмсіл бар «Еңбек түбі – береке» деп, кәсіптен нәсіп таппақ болғандарға қазіргі таңда мемлекеттен көрсетілетін қолдау көп. Мемлекеттік бағдарламаның игілігін көргендердің бірі тереңөзектік жас кәсіпкер – Гүлжаухар Баетова. Бүгінде асхананың шаруасын дөңгелетіп отырған жас кәсіпкердің бастамасы өз табысын бере бастады. Аудан орталығынан ашылған тіл үйірер тағамдарды дайындайтын асхана «Айназ» деп аталады екен.Жаңа бизнес идеяларды іске асыру үшін қайтарымсыз 1 380 000 теңге грант алған Гүлжаухар Жақыпбекқызы асхананы жалға алып жұмыс жасап келе жатқанына 6 ай болған. Яғни, грант қаражаты асхана жұмысын жаңа бастаған кәсіпкер ретінде өзінің жеке кәсібін ашуына, дамытуға, сол арқылы өзін тұрақты табыспен қамтамасыз етуге үлкен мүмкіндік берген еді.<blockquote>– Қыз баласы ас үйдің жұмысына бейім келетыны мәлім. Мен де кішкентай кезімнен тамақ әзірлегенді жақсы көретін едім. Осы кезге дейін үйден тапсырыспен салаттар, тұздалған қияр басып сатып келдім. Өзімнің тұрақты тапсырыс беріп тұратын тұтынушыларым бар. Сонымен қатар орталықтан жеке дүңгіршекті жалға алып гамбургер жасап, табыс тауып келдім. Балаларыма қарайтын адам болмағандықтан көбіне үйде саудамен айналыстым, қолымнан келген шаруаларды жасадым. Өткен жылдың қазан айында грант ұтып алып, осы асхананы аштым. Қазіргі кезде күнделікті жүзден астам адам келіп тамақтанып тұрады. Үйге де тапсырыс­пен алдыртатын тұрғындар да бар, – дейді бесаспап шебер.</blockquote>Тіл үйірер тағамдарды әзірлейтін асханада манты, қуырдақ, палау, бұқтырма т.б. тағамдармен қатар түрлі салаттар дайындайды. Түрлі тамақтармен қоса бәліш, пицца әзірлейді. Ас мәзірін алдағы уақытта тағы да толықтыруды көздеп отырған кәсіпкер бір адамды жұмыспен қамтып отыр. Күнделікті дайындалатын, аузыңнан дәмі кетпейтін тағамдарды кент тұрғындары үйлеріне алдыртып та жатады.<blockquote>– «Айназ» асханасынан тұрақты түрде түскі ас ішіп тұратыным бар. Келген адамдарды әркез жылы шыраймен қарсы алады. Гүлжаухар өте пысық, өз ісінің шебері десек қателеспейміз. Асхананың іші жарық, тамақтары дәмді, – дейді кент тұрғыны Әсия Масилова.</blockquote>Асхана желісін одан әрі дамытып, кеңейткісі келетін жас кәсіпкер жұмысымен қатар медбике мамандығында білім алып жатыр. Әркез іздену үстінде жүретін, тәтті тағамдарымен халықтың ықыласына бөленіп келе жатқан бесаспап шебер төрт ұл, бір қыздың анасы.<blockquote>– Балаларым менің – қолдаушым. Солар үшін қолымнан келгенше еңбектенемін. Үлкен ұлым студент. Біз секілді өз кәсібін ашып, дамытқысы келетін кәсіпкерлерге мемлекеттік бағдарламаның берер көмегі көп. Әсіресе көп балалы аналарға осындай мүмкіндік туғызып отырған басшыларға алғысым шексіз, – дейді көп балалы ана Гүлжаухар Баетова.</blockquote>«Кәсіпкер нан сұрамайды – ол өзі тамақтандырады» демекші, өз кәсібін бастап, табыс көзіне айналдырып отырған сырдариялық жас кәсіпкерлер жетерлік. Өзімен қоса қаншама адамды жұмыспен қамтып отыр. Алдағы уақытта да ауданымыздың дамуына өз үлесін қосатын жеке кәсіпкерлеріміз көбейе берсін.&nbsp;

Сырдариялық кәсіпкер қоғамдық тамақтану орнын ашты

<a href="https://kyzylorda-news.kz/">Kyzylorda-news.kz</a>&nbsp; №35 И.Тоқтыбаев атындағы мектеп-лицейін бітірген 20 жылдық түлектер биыл аудандық газеттің 85 жылдық мерейтойына ерекше тарту жасамақ ниетте екенін жеткізді.Бізге арнайы ұсыныспен түлектер атынан Біржан Елеусінов хабарласып, сынып­тастарының ой-пікірі мен мақсатын жеткізген болатын.<blockquote>– Біздің мектеп бітіргенімізге 20 жыл болыпты. Бұл аз да, көп те уақыт емес. Осы жылдар ішінде қандай да бір жетістікке жетсек, оны халыққа жеткізіп, насихаттап, аудандық газет әркез қолдау көрсетті. Бұл үшін біз қарыздармыз, жергілікті жаңалықтардың жар­шысы болған басылымға айтар алғы­сымыз да шексіз. Осы ретте сыныптас достары­мызбен ақылдаса келе «Тіршілік тынысы» аудандық газетінің 85 жылдық мерейтойына орай тоғызқұмалақтан жасөспірімдер (9,11,13 жас) арасындағы Сырдария ауданының ашық турнирін өткізуді жоспарлап отырмыз. Біздің басты мақсатымыз – аудандық «Тіршілік тынысы» газетінің 85 жылдық мерейтойын облыс көлемінде атап өтуге өз үлесімізді қосу және ұлттық ойынды халық арасында кеңінен насихаттау, дамыту екені даусыз. Бұл қадам арқылы біз спорттық шеберлікті және зияткерлік қабілетті қалыптастыруға ат­са­лысамыз, жастарды, жасөспірімдерді қызы­ғушылығын арттырамыз және үздік спорт­шыларды анықтаймыз, – дейді Біржан Елеусінов.</blockquote>Ұйымдастырушылардың ұйытқы болуымен бүгінде турнирдің ережесі бекітіліп, тиісті мекемелерге таратылды. Сырдария ауданының денешынықтыру, спорт және туризм бөлімі басшысы Б.Есенов бекіткен ережеге Сырдария спорттық-зияткерлік ор­талығы директоры Л.Бауыржанова мен аудандық газеттің бас редакторы А.Ибрагимұлы келісім беріп, қол қойған.Сырдария ауданының ашық турнирі 2024 жылдың 17-19 мамыр күндері Тереңөзек кентінде өтеді. Командалардың келу күні 17 мамыр болса, мандат комиссиясы 17 мамыр күні сағат 17.00-ден 19.00-ге дейін жұмыс істейді. Ал 18-19 мамыр ойын күндері болмақ. Әр спортшыға бір партияға рапид түрінен 20 минут уақыт беріледі.<blockquote>– Сырдария ауданының денешынықтыру, спорт және туризм бөлімі жарыстың талапқа сай ұйымдастырылуын қамтамасыз етеді. Негізгі жарысты Сырдария спорттық-зияткерлік орталығы бекіткен төрешілер алқасы жүргізеді. Аудандық ашық турнир 6 топта жекелей есепте өткізіледі. Яғни, жасқа дейінгі ұлдар және қыздар, 11 жасқа дейінгі ұлдар және қыздар, 13 жасқа дейінгі ұлдар және қыздар бақ сынайды. Қызылорда облы­сының барлық аудандарынан 1 команда қатыстырылады. Жарыс­ты өткізуші аудан қосымша спортшылар қатыстыра алады. Сондай-ақ әр командаға төреші әкелуі міндеттеледі. Төрешісіз келген команда жарысқа қатыстырылмайды, – дейді жарыс­ты ұымдастырушылар.</blockquote>Газеттің 85 жылдық мерейтойына ар­нал­ған турнир Қазақстан Республикасы Мәдениет және спорт министрлігіне қарасты Спорт және дене шынықтыру істері комитеті бекіткен «Тоғызқұмалақ қағидасы мен ережесіне» сәйкес өткізіледі. Жарыстың төре­шілер алқасының құрамы жарыс бастал­уына 3 күн қалғанға дейін ұйымдастыру ал­қасы тарапынан анықталуы тиіс. Жеңімпаз және жүлдегер спортшылар Сырдария ауда­нының денешынықтыру, спорт және туризм бөлімінің І, ІІ, ІІІ дәрежелі дипломдарымен, медальдарымен және демеушілердің, яғни, №35 И.Тоқтыбаев атындағы мектеп-лицейінің 2004 жылғы бітіруші түлектерінің бағалы сыйлықтарымен марапатталады.Фото: Нұрболат Нұржаубай

Қазақстан және Қызылорда облысының жаңалықтары