Kyzylorda-news.kz Тәуелсіз мемлекетіміз жастарды қолдауға басымдық беріп, осы бағытта көптеген іс-шаралар, спорттық ойындар мен сайыстар ұйымдастыруды әркез басты назарда ұстайды. Әсіресе соңғы уақыттарда ел жастарына көңіл бөлу, оларды барынша жан-жақты қолдау ісі ерекше қарқын алып келеді. Жастарды қолдауда жүзеге асып келе жатқан түрлі жобалар тың бастамалардың бағыт алуып дамуына жол ашып келеді десек болады. Жастарды қолдау мақсатында Қызылорда қаласында тоғызқұмалақтан ерлер және қыздар арасында облыстық командалық чемпионат өтті. Чемпионат барысында өте тартысты ойын көрсетілді. Командалардың дайындығы бірінен-бірі өтеді. Тартысты жарыс нәтижесі бойынша ерлер арасында жерлестеріміз екі команда қойып жүлделі І орын және ІІІ орынды жеңіп алды. І орын алған Сырдария командалар құрамы:
Бостандықов Бексұлтан, Ахметов Дамир, Ақылбек Нұржан, Нұрланұлы Дарын, Тойым Мейіржан
ІІІ орын Тереңөзек кенті командасы құрамы: Ахметов Есенжан, Нұржанұлы Нұрмат, Ғалымұлы Аслан, Елеусін Білімжан
Ал қыздар арасындағы командалық есепте қыздарымыз ІІІ орынды жеңіп алған болатын.
Команда құрамы: Ақылбек Айым, Тоқшылық Анель, Мектепхан Әмина,Әбдімұратова Еркежан, Орысбаева Айзере
Аудан намысын қорғаған команданың жаттықтырушылары Білімжан Елеусін мен Бексұлтан Бостандықовқа алғыс айтамыз. Жеңімпаздарымызды шын жүректен құттықтаймыз.