<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев 15-ші БРИКС саммиті аясында өтіп жатқан мемлекеттер басшыларының «БРИКС Плюс» диалогы отырысында сөз сөйледі. Бұл жайында Ақорданың баспасөз қызметі хабарлады.<blockquote>«Бүгінгі саммит БРИКС-тің рөлін елеулі түрде күшейтіп, ашық диалог пен өзара түсіністік негізінде жаһандағы көптеген өзекті мәселені шешуге көмектесе алады. Бұл саммит халықаралық аренадағы жағдай шиеленіскен кезеңде өтіп жатыр. Оның сипаттары саяси қысым жасаудан, конфронтациядан және жаппай санкция салудан көрінеді. Сондықтан мен Шанхай ынтымақтастық ұйымының қазіргі төрағасы ретінде өңіраралық ынтымақтастықтың перспективасы мен ортақ мүдделері туралы көзқарасымызды жеткізгім келеді», деді Қ.Тоқаев.</blockquote>Бұдант соң ол Үндістанның Премьер-министрі Модиді Айдың Оңтүстік полюсіне таяу жерге үндістандық ғарыш аппаратының сәтті қонуымен&nbsp;шын жүректен құттықтады.&nbsp;

Президент әлем елдері басшылары қатысып жатқан саммитте сөз сөйледі

<a href="https://kyzylorda-news.kz/">Kyzylorda-news.kz.</a> Облыс әкімі Н.Нәлібаевтың тапсырмасына сәйкес, бүгін аудан әкімінің өкімімен құрылған арнайы мониторингтік топ Арал қаласындағы әлеуметтік нысандардың жылыту маусымы мен жаңа оқу жылына дайындығын тағы бір мәрте пысықтады.Жұмысшы топтың жетекшісі, аудан әкімінің орынбасары Б. Жұмағұлов, аудандық мәслихат төрағасы Б. Төрахметов, қоғамдық кеңес төрағасы А. Жоланов пен әр салаға жауапты мекеменің басшылары және орынбасарларымен бірге балабақшалар мен мектептерді және колледжді аралады.Ғимараттардың кіре-берісінен бастап, бу қазандықтарына дейін зерделеген жұмысшы топ кейбір нысандардың өртке қарсы дабыл қондырғыларында ақау барын анықтаса, кейбірінің бу қазандығы орналасқан ғимаратта өзге де тұрмыстық тұтыну заттары қойылғандығын сынға алды.Сондай-ақ, нысандардағы жылу жүйесіне жүргізілген ағымдағы жөндеу жұмыстары, отын қорының көлемі мен олардың алдағы жылыту маусымына жеткізілуі де пысықталды.Зерделеуден кейін топ мүшелері міндетті оқу қорынан бөлінетін қаражаттардың мақсатты жұмсалуы мен аз қамтылған және көп балалы отбасылардан шыққан оқушыларға материалдық қолдау көрсету мақсатында ұйымдастырылатын "Мектепке жол" республикалық дәстүрлі қайырымдылық акциясының орындалу барысын нақтылады.Қорытындысымен аралау барысында кемшіліктер анықталған мекеменің басшыларына 2 күн мерзімде ретке келтіру тапсырылды.Әлеуметтік нысандардың әзірлігін зерделеу алдағы күндері де жалғасатын болады.

Арал ауданында жылыту маусымына дайындық пысықталды

<a href="https://kyzylorda-news.kz/">Kyzylorda-news.kz.</a> Қазақта ілгеріден бері қоңыр әңгіме деген тағылымға толы ерекше дәстүрі болған. Бүгінде мұндай кеш аймақта қолға алынды. Себебі қазақтың сөзіндегі қоңырлық – тыңдаған адам тағылым аларлық көрінісі. Мұндай үрдісті Қызылорда облыстық мәдениет және спорт басқармасы жандандырды.&nbsp;Кезекті рухани кештің қонағы Қазақстанның еңбек сіңірген қайраткері, «Парасат» орденінің иегері Алмас Алматов болды. Ал, «қоңыр әңгіме» кешінің тұрақты модераторы айтыскер ақын Мұхтар Ниязов.«Алтынның қымбаты – аздығында» демекші, қара сөзді биік санаған халық «Достық» үйінде бас қосты. Жүз жырау шыққан мекеннің перзенті Алмас Алматов қоңыр әңгімені тыңдауға келген халықты рухани тоқ қылды. «Қазына» атты дастанын дүйім жұртқа әңгімелеп, әзіл аралас мағыналы кешті өрбітті.&nbsp;Бұған қоса, халықаралық дәрежедегі спорт шебері Тимур Сыпатаев қатысып, кез келген ер-азаматтың қолынан келе бермейтін өнерін паш етті. Сондай-ақ, сырбойылық саңлақтар да қоңыр әңгімемен бірге, қоңыр үнмен әнді әуелетіп, сахнада өнер көрсетті.

«Қоңыр әңгіме» барша қазаққа керек

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев Н.Ілиясов және Шаған ауылында тұрғындармен кездесіп, ұсыныс-пікірлерін тыңдады. ІІІ тоқсандағы есепті кездесулерге облыстық мәслихат депутаты Ж.Ембергенов, аудандық ардагерлер кеңесінің төрағасы М.Келдібаев, аудандық Қоғамдық кеңес төрағасы М.Еспенбетов, құқық қорғау қызметкерлері, бөлім және мекеме басшылары қатысты.Аудан басшысы биылғы алғашқы жартыжылдықта ауданда кәсіпкерлік саласы тиісті деңгейде дамып келе жатқанын атады.<blockquote>«Мемлекет басшысының бастамасымен елімізде кәсіпкерлікті дамытуда көптеген мемлекеттік бағдарламалар іске асуда. Соның негізінде, аймақ басшысы ауданға зор қолдау көрсетіп, кәсіппен айналысатын жандарға мол мүмкіндік жасалуда. Жалпы, 2023 жылдың 6 айында мемлекеттік және өңірлік бағдарламалар аясында құны 1,4 млрд теңгені құрайтын 184 жобаға қаржылай қолдау көрсетілді. Биылғы жылдың соңына дейін құны 1,9 млрд теңгені құрайтын 10 инвестициялық жобаны жүзеге асыру жоспарланды. Мемлекет басшысының тапсырмасына сәйкес, халықтың табысын арттыру мақсатындағы «Ауыл аманаты» бағдарламасына қатысуға аудан халқы белсенділік танытуда. Бүгінде бағдарлама аясында 3 млрд теңгені құрайтын 489 жобаның құжаты анықталып, «Байқоңыр» әлеуметтік кәсіпкерлік корпорациясына ұсынылуда. Аймақ басшысының қолдауымен егінге су жеткізіліп, бап-күтімі жасалды. Жақын арада науқандық жұмыстар басталады, – деді Берік Әбдіғаппарұлы.</blockquote>Ауданға қарасты Н.Ілиясов ауылын газдандыруға демеушілік есебінен жоба жасалып, бюджеттік өтінім ұсынылған. Облыс әкімінің бастамасымен өткізілген «Үздік елді мекендер» байқауында іргелі ауыл бірінші орынды жеңіп алды.Ал аудандағы үлкен ауыл – Шағанда А.Атақаев көшесі орташа жөндеуден өтті. Сондай-ақ, ауылдағы 5 көшенің ауыз су құбырлары жаңартылуда. Одан бөлек, биыл елді мекенде электр бағаналарын жаңарту жұмыстары басталмақ.Кездесулерде тұрғындар ұсыныс-пікірлерін жеткізді. Атап айтқанда, елді мекендер халқы инфрақұрылымдық жұмыстар, қоғамдық тәртіп, әлеуметтік салаға қатысты өздерінің мәселелерін айтты. Аудан басшысы ұсыныс-пікірлер негізінде жұмыс жүргізілетінін, мәселелер тұрақты бақылауда болатынын атап өтті.<img src="https://knadmin.beoblood.kz/uploads/370011368_1408368826392672_9154100026775675349_n_abd5642314.jpg" alt="370011368_1408368826392672_9154100026775675349_n.jpg">

Н.Ілиясов пен Шаған ауылында есепті кездесулер өтті

<a href="https://kyzylorda-news.kz/">Kyzylorda-news.kz.</a> Жол жүрісі қауіпсіздігін қамтамасыз ету және жол-көлік оқиғаларының алдын алу бойынша бақылауды күшейту мақсатында ІІМ Автомобиль жолдары комитетімен және «ҚазАвтоЖол» ҰК» АҚ-мен бірлесіп, белгіленген жылдамдық режимін асырған автокөліктерді тіркеу үшін қала сыртындағы жолдарда камераларды пайдалану жөніндегі жүйені іске асырды.&nbsp;«ZEREK-2» бағдарламалық-аппараттық кешені әкімшілік өндірістердің бірыңғай тізілімі жүйесімен интеграцияланған, яғни нұсқамаларды құқықбұзушыларға жіберу автоматты режимде жүзеге асырылатын болады.&nbsp;Бүгінгі таңда «ZEREK-2» Шымкент – Қызылорда автожолдарында, «Самара - Шымкент» &nbsp;жолының 1826/440 шақырымындағы қаланың оңтүстікке шыға берісінде, «Самара - Шымкент» &nbsp;жолының 1913/353 шақырымындағы Бәйгеқұм ауылының тұсында, «Самара - Шымкент» тас жолының 1958/308 шақырымындағы Сунақ ата ауылының тұсына қойылды.&nbsp;Биылғы жылдың жеті айында облыс көлемінде 261жол-көлік оқиғасы тіркелді, онда 58 адам қаза тауып, 330 адам түрлі дәрежедегі жарақат алды.&nbsp;Жоғарыда аталған жолдарда 25 тамыз сағат 00:00-ден бастап «ZEREK-2» кешені штаттық режимде жұмыс атқаратын болады.&nbsp;Осы мүмкіндікті пайдалана отырып, барлық жүргізушілерден жылдамдық режимін және автокөліктер арасындағы қашықтықты қатаң сақтауды сұраймыз.

Қызылордада «ZEREK-2» бағдарламалық-аппараттық кешені іске қосылуда

<a href="https://kyzylorda-news.kz/">Kyzylorda-news.kz.</a> Қармақшы ауданы әкімдігі жанындағы терроризмге қарсы комиссияның ағымдағы жылға арналған жұмыс жоспарына сәйкес аудан әкімі Жандос Еркінбекұлының төрағалығымен кезекті комиссия отырысы өтті.Комиссия отырысына ауданның мекеме басшылары мен комиссия мүшелері қатысты. Күн тәртібіндегі бірінші мәселе бойынша жастар, маргинал жастар және өз бетінше еңбекпен қамтылған жастар арасындағы діни экстремизм мен терроризм профилактикасы туралы және діни экстремизм мен терроризм профилактикасы бағытындағы әлеуметтік жобалардың іске асырылуы туралы тиісті мекеме басшысы баяндама жасап, жұмысты жетілдіру бағытындағы ұсыныстарын жеткізді.Жиын қорытындысымен айтылған ұсыныс-пікірлер талқыланып, жауапты мекеме басшыларына тапсырмалар берілді.

Қармақшыда терроризмге қарсы комиссия отырысы өтті

<a href="https://kyzylorda-news.kz/">Kyzylorda-news.kz.</a> Ақжар ауылдық С.Бөртебайұлы атындағы клуб үйінде К.Рүстембеков атындағы Жыраулар үйінің «Рүстембек жырау» үйірмесінің жетекшісі, дәстүрлі жыраулық өнерді насихаттаушы, жыршы- ұстаз Балтабай Бедебаевтың шығармашылық жыр концерті жоғары деңгейде ұйымдастырылды.&nbsp;Шығармашылық жыр концертті Ақжар ауылының әкімі Нұржамал Бектайқызы салтанатты түрде ашып, лебізін білдірді. Өнер мен мәдениеттің мәртебесін көтеріп, бабалардың жыр мұрасын дәріптеген Балтабай жырау Сыр сүлейлері Базар Оңдасұлының, Омар Шораяқұлының, Тұрмағамбет Ізтілеуұлының тағы басқа өнер өкілдерінің жырларын Сыр мақамдарында нақышына келтіре орындап, жырдан шашу шашты. Балапан кезінен соңынан ерген талантты, дарынды шәкірттері Балтабай Талант, Шалқарова Іңкәр, Сағатова Нұрсезім, Тұрабаева Аружан, Бекжалғас Ұлбосындар, қазіргі таңда Алматы қаласындағы Құрманғазы атындағы Қазақ Ұлттық консерваторияның студенті Хасенова Фаризалар да көрермендер көзаймына айналды. Өнер иесінің жыр концертіне арнайылап келген ұжымдастары Дінислам Тоқсанбаев, Әлішер Мырзағалиев, Алмат Азаматовтар да Сырдың сұлу мақам саздарымен Ақжар аспанын жырмен әуелетті.«Ауылына қарап азаматын таны» дегендей өнер иесінің шығармашылық жыр кешіне мектеп ұжымы, емхана ұжымы, «Ораз ЛТД» шаруашылық ұжымдары тағы басқа ел азаматтары белсене атсалысты.Сонымен қатар Қармақшы аудандық мәдениет және спорт бөлімінің басшсы Ержанов Дәурен Дауылбекұлы «Сыр елі- жыр елі» атты киелі өлкенің дәстүрлі жыраулық өнерінің дамуы мен насихаттаулын абыроймен атқарып, ауданымыздың, облысымыздың қоғамдық- саяси, мәдени рухани өміріне белсене араласып, жас ұрпақты дәстүрлі жыраулық өнерге тәрбиелеуде жемісті еңбек етіп жүрген Бедебаев Балтабай Хасенұлына арнайы алғысын білдірді.

Ақжар ауылында шығармашылық жыр концерт өтті

<a href="https://kyzylorda-news.kz/">Kyzylorda-news.kz.</a> Жаңадан салынатын мектептердің барлығында лифті болады. Бұл туралы Оқу-ағарту министрлігі Қаржы және бюджеттік жоспарлау департаментінің директоры Ғалымжан Молдаш айтты.<blockquote>«Денсаулық сақтау министрлігінің мәліметінше, өкінішке орай соңғы жылдары оқушылар арасында сколиоз 2 есеге артты. Оның себебінің бірі - оқушылардың бойы мен жас ерекшеліктерін ескермей мектеп жиһазына отырғызу. Сондықтан мектеп жиһаздары жылжымалы және оқу процесінің нақты мақсаттары мен міндеттеріне бейімделуі тиіс. «Жайлы мектеп» ұлттық жобасы аясында жиһаздарға басты назар аударылды. Сонымен қатар балаларға физикалық жүктемені азайту және ыңғайлы болуы үшін оқу құралдары ауыстырылып, киім сақтауға арналған жеке шкафтар барлық мектепте қарастырылатын болады. Жайлы мектептің әрбір қабатында ауыз су бұрқақтары орнатылады» деді ол Білім саласы қызметкерлерінің республикалық тамыз кеңесінде.</blockquote>Сонымен қатар ол ерекше қажеттілігі бар балаларға жағдай жасау үшін әрбір мектеп пандус және көтергіштермен, лифтілермен, санитарлық тораптармен жабдықталатынын айтады.<blockquote>«Қазіргі уақытта мектептердің бірде-бірінде лифті жоқ. Сондықтан енді салынатын барлық мектеп балаларға жағдай жасау үшін лифтілермен, құрылғылармен міндетті түрде жабдықталады. Ұлттық жобаны іске асыруға 30-дан астам мемлекеттік орган мен ұйымдар жұмылдырылған. Олардың әрқайсысының рөлі мен жауапкершілігі айқындалған. Оқу-ағарту министрлігінің рөлі – ұлттық жобаны сапалы іске асыруда әдіснамалық сүйемелдеу және бақылау. Мектептерді сапалы салу және оларды уақытында пайдалануға беру жауапкершілігі «Samruk-Kazyna Construction» мен өңір әкімдіктеріне жүктелген» деді Ғалымжан Молдаш.</blockquote>

Жайлы мектептердің барлығында лифті болады

<a href="https://kyzylorda-news.kz/">Kyzylorda-news.kz.</a> Онлайн-кредиттер Қазақстанда күннен-күнге танымал болып келеді, оның өзіндік себебі де бар – оларды оңай әрі жылдам ресімдеуге, ал ақшаны бір тәуліктің ішінде, тіпті бірнеше сағатта алуға болады. Алайда басқа кредиттер сияқты кредиттің бұл түрінің де күңгірт тұстары бар.&nbsp;Онлайн-кредиттер жайлы нені білу керектігі және оларды ресімдеу арқылы тығырыққа тірелмеу үшін не істеу керектігі туралы Fingramota.kz-пен бірге анықтаймыз.&nbsp;Онлайн-кредитті кәмелеттік жасқа толған кез келген қазақстандық азамат аз ғана құжаттар топтамасымен ала алады. Клиенттерді осы нәрсе қызықтырады, олар өздерінің уақыттарын үнемдейді және бөлімшеге келіп, менеджерге кезекке тұруға дайын болмайды (дегенмен кейбір банктерде соңында бөлімшеге келуге тура келеді). Онлайн-кредиттер ресімдеу тетігі оңай: банкті таңдау, оның сайтында не мобильді қосымшасында өтінімді толтыру және маман сізге қайта хабарласу үшін өзіңіздің байланыс деректеріңізді қалдыру керек. Кейде бұл талап етілмейді және барлығы қоңыраусыз – банк құрған алгоритм арқылы жүргізіледі. Клиент толыққанды сауалнаманы толтырады, өзінің дербес деректерін енгізеді, қажет болған жағдайда өзіне қызмет көрсететін банктен берілген үзінді көшірмені қоса береді және шешімді күтеді. Ақша оң шешім шығарылғаннан кейін дереу немесе келесі күні түседі.Онлайн-кредиттердің түрлеріОнлайн-кредиттердің бірнеше түрі бар:банктік кредиттер&nbsp;– біз жоғарыда сипаттаған алгоритм бойынша банктердің сайтында немесе олардың ресми мобильді қосымшасы арқылы ресімделеді;микрокредиттер&nbsp;– бұлар «онлайн кредиттер» ұғымына жатады, өйткені микроқаржы ұйымдары қарызды онлайн режимде рәсімдеуге мүмкіндік береді. Кейбір жағдайларда (банктердегі сияқты) соңғы қол қою немесе ақша алу үшін филиалға келу қажет болуы мүмкін;интернет-дүкендердегі кредиттер&nbsp;– белгілі бір банктің қосымшасы арқылы сатып алуды рәсімдейтін болсаңыз, бұл да онлайн-кредитке жатады. Бұл жерде алғашқы екі жағдайға қарағанда оңайырақ, өйткені банкте сіздің барлық деректеріңіз бар және ол бір минут немесе одан да аз уақыт ішінде шешім қабылдайды;мамандандырылған сервистердегі&nbsp;кредиттер&nbsp;– мұнда жүйе сіздің тілектеріңіз бен деректеріңізді ала отырып, сіз үшін ең тиімді нұсқаны есептеп береді. Интернетке шығатын құрылғы болса және толыққанды өтінім берсеңіз жетіп жатыр;кредиттік карта&nbsp;– көптеген банктер клиенттерге белгілі бір мөлшерде кредиттік карта алуға мүмкіндік береді. Бір ерекшелігі – сіз қолма-қол ақша алмайсыз, бірақ алу үшін мақұлданған сома негізінде зат сатып алғаныңыз үшін ақы төлейсіз, содан кейін картаны ай сайын жұмсалған сомаға толықтырып отырасыз.Сондай-ақ, банктің бағдарламасына қарай – автокредит, бизнес-кредиттер, тұтынушылық кредит және т.б. сияқты қарыздың неғұрлым мамандандырылған түрлері бар.Назар аударыңыз!&nbsp;Күмән туғызатын сайттардан кредит беру жөніндегі қосымшаларды жүктемеңіз - әрдайым кредиттік ұйымның ҚР Қаржы нарығын реттеу және дамыту агенттігі берген лицензиясының бар-жоғын www.gov.kz. сайты арқылы тексеріңіз. Тексермеген жағдайда сіз қаржылық алаяқтардың құрбаны болуыңыз мүмкін!Онлайн-кредиттердің артықшылықтары мен кемшіліктеріАртықшылықтары:уақытты үнемдеу&nbsp;– кредит беруге байланысты рәсімдер тез жүзеге асырылады және оның ең басты шарттарының бірі интернет болуға тиіс. Менеджер сізге қоңырау шалса да, бұл көп уақытты қажет етпейді және сіздің жұмыс кестеңіз бұзылмайды;құжаттардың ең аз топтамасы&nbsp;– онлайн кредитті рәсімдеу үшін әдетте ЖСН жеткілікті, оны енгізгеннен кейін жүйеден сіз туралы ақпарат, оның ішінде зейнетақы аударымдарыңыз бен кредиттік тарихыңыз туралы ақпарат шығады;әмбебаптылық&nbsp;– сіз белгілі бір мақсатқа ақша ала аласыз;жеделділік&nbsp;– ақша тез түседі, кейде шартқа немесе соңғы өтінімге қол қойылғаннан кейін бірнеше минут ішінде түседі. Кемшіліктері :жоғары пайыздық мөлшерлеме&nbsp;– кредит ұйымдары онлайн кредит берген кезде пайыздарын жоғары қоюы мүмкін. Осылайша олар ықтимал тәуекелдердің орнын толтырады;қосымша комиссиялар&nbsp;– кейбір кредиттік ұйымдар кредиттің жалпы сомасына қосылатын немесе немесе ай сайынғы төлемдерге бөлінуі мүмкін комиссияларды төлеуді міндетті талап етіп қоюы мүмкін;шағын сомалар және қысқа мерзімге кредит беру &nbsp;– кредит ұйымдарының барлығы дерлік қомақты ақшаны онлайн беруге дайын емес, сондықтан мақұлданған сома сіздің қажеттілігіңізді өтемеуі мүмкін. Сонымен қатар, кредиттеу мерзімі өте қысқа болуы мүмкін, тиісінше ай сайынғы төлем де сіздің бастапқыда болжаған мөлшеріңізден көптеу болады.

Онлайн-кредиттер: қарыз алушыларға арналған нұсқаулық

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісіндегі «AMANAT» партиясы фракциясының мүшелері М.Жайымбетов пен М.Әбеновтың жұмыс сапары Дүр Оңғар ауылында жалғасын тапты. Депутаттар ауылдың ахуалымен танысып, тұрғындармен сұқбаттасты.Қазіргі таңда аталған ауылда құрылыс қарқынды түрде жүргізілуде. Атап айтқанда партияның Сайлауалды бағдарламасының Жол картасы бойынша дене шынықтыру-сауықтыру кешені және дәрігерлік амбулатория салынуда. Сондай-ақ жарықтандыру мен көшелерге жөндеу жұмыстары да жүргізілілмек.Мәжілісімендер ауылдағы тындырымды тірлікті саралап, партия бағдарламасынан туындайтын міндеттердің орындалысын бағамдады.

Депутаттар дүроңғарлық тұрғындармен кездесті

<a href="https://kyzylorda-news.kz/">Kyzylorda-news.kz.</a> &nbsp;«Есірткісіз аймақ» жобасы бойынша іс-шаралар жоспарына сәйкес, Ақжарма, Іңкәрдария және Шаған ауылдық округтерінің аумағында зерделеу жұмыстары жүргізілді.Зерделеу жұмыстарын аудан әкімінің өкімімен құрылған жұмысшы топтың жетекшісі, аудан әкімінің орынбасары Д.Байдушев, аудан прокуратурасының прокуроры Б.Жұмағали, аудандық полиция бөлімінің учаскелік полиция қызметкерлері және жұмысшы топтың мүшелері, ерікті жастар қатысып, елді мекендерді аралады.

Сырдария ауданында «Есірткісіз аймақ» жобасы жалғасуда

<a href="https://kyzylorda-news.kz/">Kyzylorda-news.kz.</a> «AMANAT» партиясының «Бақытты отбасы» партиялық жоба аясындағы дәстүрлі «Баланы мектепке даярлайық!» акциясына облыстық мәслихаттағы «AMANAT» партиясы депутаттық фракциясының мүшелері, Бақдәулет Махашов, Мұхтар Ниязов және Мағжан Ералиев өз үлестерін қосты.Фракция мүшелері жалпы құны 730 мың теңге көлемінде әлеуметтік аз қамтылған және көпбалалы отбасылардың 43 баласына көмек көрсетті.Жалпы айта кетейік, «AMANAT» партиясының облыстық филиалы «Баланы мектепке даярлайық!» акциясы аясында өңірдегі 1000-ға жуық оқушыны мектепке дайындауды жоспарлаған болатын. Бүгінге партия белсенділері, мәслихаттардағы фракция мүшелерінің қолдауымен 800-ден аса балаға мектеп құралдары мен мектеп формалары табысталды.

Қазақстан және Қызылорда облысының жаңалықтары