<a href="https://kyzylorda-news.kz/">Kyzylorda-news.kz.</a> Банктік салымдар &nbsp;– ақшаны жинақтау мен пасситік кіріс алудың кеңінен тараған түрлерінің бірі. Депозит сияқты ақша сақтаудың &nbsp;қарапайым тәсілінің де қыр-сыры бар.Fingramota.kz&nbsp;аталған қаржы құралын қалайша тиімді пайдалануға және салым бойынша сыйақыны жоғалтпау тәсілі жөнінде айтып береді.&nbsp;Салымдардың қандай түрлері болады&nbsp;Қазақстанда Депозиттерге кепілдік беру қорының (ҚДКҚ) әдіснамасы бойынша салымдар мынадай түрлеге жіктеледі:мерзімді емес; мерзімді - &nbsp;толықтырылатын және толықтырылмайтын; жинақ - &nbsp;толықтырылатын және толықтырылмайтын. Әрбір банкте салымдар ақша қаражатын басқару, оның мерзімдері, пайыздық мөлшерлеме талаптары бойынша бөлінеді. Олар, мәселен, белгіленген немесе айнымалы пайыздық мөлшерлемемен, мерзімінен бұрын алу немесе ондай мүмкіндіксіз, салым сомасына шектеулермен және т.б. болуы мүмкін. Толығырақ қарастырып көрелік.Мерзімді емес депозит. Бұл Қазақстандағы неғұрлым кеңінен тараған депозит түрі. Мұндай депозиттің мобильді болуына байланысты, оны кез- келген ыңғайлы уақытта толықтыруға немесе сыйақыны жоғалтпай ақша алуға (төмендетілмейтін қалдық шегінде) болады. Сыйақы мөлшерлемелері, әдетте, Қазақстан Ұлттық Банкінің базалық мөлшерлемесіне жақын болды. Базалық мөлшерлеме – елдің ақша-кредит саясатының негізгі құралы болып табылады, ол бойынша Ұлттық Банк екінші деңгейдегі банктерге кредиттер береді, олардың ақшасын сақтауға қабылдайды, сондай-ақ елдегі инфляцияның деңгейіне әсер етеді. Мысалы, егер сыйақының базалық мөлшерлемесі төмендесе, онда кредиттер мен депозиттер бойынша банктердің мөлшерлемелері де біртіндеп төмендейді.Мерзімді емес салымдар деп аталуына қарамастан, салымның қолданыс мерзімі болады – ол белгілі бір кезеңге сыйақы мөлшерлемесін белгілейді. Мәселен, салымды бір жылға орналастырған кезде – мөлшерлеме бір жыл бойы өзгермеген түрде қалады.Мобильділік: шарттық мерзіміне қарамастан, салымшы ақшаны кез-келген уақытта ала алады. Капиталдандыру:&nbsp;ол салымның түпкі кірістілігіне әсер етеді. Мерзімсіз салымдар бойынша банк негізгі екі нұсқа ұсына алады: сыйақыны жеке банктік шотқа немесе карточкаға төлеу немесе капиталдандыру. Бұл есептелген пайыздарды салым сомасына автоматты түрде қосу. Күрделі пайыздардың көмегімен сіз салымдағы қаражатты көбейте аласыз деп айтқан кезде, олар капиталдандыру туралы айтып тұр деп түсіну керек. Депозиттегі сома есептелген пайыздар есебінен өседі, ал келесі кезеңде банк осы өскен сомаға пайыздарды есептейді.Егер сіз жеке шотқа төлем жасалғанын қаласаңыз, онда сыйақы номиналды мөлшерлеме бойынша есептеледі. Бұл қарапайым пайыз: салымның қалдығы мөлшерлемеге көбейтіледі де сыйақы сомасы алынады.Мерзімді депозит – жинақ және мерзімді емес салымдар арасындағы аралық нұсқа. Бұл салым ақшаны толығымен де, сыйақыны ішінара жоғалта отырып, ішінара да алуға мүмкіндік береді. Бірақ егер сіз депозитте ақшаны салым мерзімі аяқталғанға дейін сақтасаңыз, онда сыйақы мөлшерлемесінің көтерілуі есебінен шығынды өтеп аласыз.&nbsp;Мерзімді салымды таңдай отырып, сіз жоғары мөлшерлеменің арқасында тезірек жинақтайсыз және төтенше жағдайда мерзімді салымға орналастырылған ақшаны пайдалану мүмкіндігін сақтай аласыз.Банктерде үш айдан басталатын мерзімге толықтырумен және толықтырусыз мерзімді салымдар ашуға болады. Стандартты нұсқа – бұл бір жылға ашылған салым. Ақшаны мерзімінен бұрын алмаған дұрыс, өйткені ақша банкте сақталған кезеңде есептелген кіріс ішінара ғана сақталады. Мұндайда сыйақы мөлшерлемесі айтарлықтай төмендеуі мүмкін – депозит ашпас бұрын осыған назар аударыңыз.Жинақ депозиті – бұл теңгелік салымдар арасында ең жоғары сыйақы мөлшерлемесі бар қайтарылмайтын депозит. Нарықтағы мөлшерлемелер өзгеруі мүмкін, бірақ жинақ салымдары бойынша олар әрқашан жоғары. Мұны ең қатаң шектеулер үшін өтемақы деп қарастыруға болады: бұл салымнан ақшаны мерзімінен бұрын алу сұрау салғаннан 30 күн өткен соң ғана мүмкін болады, ал есептелген сыйақы сомасы түгелдей дерлік жойылады.Сыйақы мөлшерлемесі жинақ салымының қолданылу мерзіміне тікелей байланысты. Жинақ салымдарын толықтырумен және толықтырусыз ашуға болады. Айтпақшы, толықтырылған жинақ салымдары бойынша сыйақы мөлшерлемесі әдетте толықтырусыз жинақ салымдарына қарағанда төмен болады.Кез келген банктің стандартты ұсыныстары – бір жыл, екі жыл және үш жылды құрайды, бірақ бірнеше айға ашуға болатын ұсыныстар да бар. Жинақ салымынан ақшаны мерзімінен бұрын алу өте тиімсіз – сіз есептелген кірісті жоғалтасыз.Банк салымы қандай мерзімге ашылуы мүмкінСалымдар кез келген мерзімге ашылуы мүмкін және оны кез келген уақытта толықтыруға болады. Толықтыру мүмкіндігі бар салымдар бойынша мөлшерлемелер, әдетте, осы опциясыз қарағанда төмен. Пайыздар ай сайын, тоқсан сайын, жыл сайын немесе шарт мерзімі аяқталғаннан кейін есептелуі мүмкін.Қазіргі уақытта депозиттер бойынша сыйақы мөлшерлемелері қандай2024 жылғы 1 қаңтардан бастап ҚДКҚ ай сайын агрессивті депозиттік саясатты жүргізуге бейім банктердің белгілі бір санаты үшін мерзімдер бойынша &nbsp;депозиттердің барлық түрлері бойынша сыйақының шекті мөлшерлемелерін белгілейді. Жалпы алғанда, жеке тұлғалардың депозиттері бойынша мөлшерлемелерді белгілеу үшін бағдарды нарық қалыптастырады.Банктер, бұрынғыдай, өздерінің депозиттік өнімдері бойынша мөлшерлемелерді дербес белгілейді, бірақ бұл ретте жүйелік тәуекел үшін жарнаны банктің мөлшерлемесі мен орташа алынған нарықтық мөлшерлеме арасындағы спредке байланысты төлейді: банк мөлшерлемелерінің нарықта қалыптасқан мөлшерлемеден ауытқуы неғұрлым көп болса, оның болашақ төлемдер үшін ҚДКҚ резервіне жарнасының мөлшері де соғұрлым көп болады. Сонымен қатар, егер банктің мөлшерлемесі орташа нарықтық мөлшерлемеден төмен болса, жаңа тетік арқылы резервке күнтізбелік жарналардан дисконт көзделген, нәтижесінде ҚДКҚ үшін барлық қатысушы банктер бойынша жүйелік тәуекел үшін жарнаның жалпы мөлшері нөлге тең болады. Яғни, депозиттерді нарықтан қымбат тартатын банктер нарықтық мөлшерлемелерден төмен тартатын банктердің орнына «төлейді». Осылайша, нарық өзін-өзі реттейтін болады және нарықтағы мөлшерлемелердің одан әрі қозғалысы әрбір жеке банктің шешімдерінен құралады, ал жүйелік тәуекел үшін икемді және тепе-тең төлемді белгілеу ҚДКҚ мен реттеушінің директивалық араласуынсыз банктердің агрессивті депозиттік саясатын шектеуге мүмкіндік береді.Банк салымдары қалай қорғалғанКөптеген елдерде банк банкроттыққа ұшыраған жағдайда салымшыларға белгілі бір соманы өтеуге кепілдік беретін депозиттерді сақтандыру жүйелері бар. Яғни, банк қаржылық қиындықтарға тап болса да, сіздің депозиттік сомаңызды белгілі бір шекті деңгейге дейін мемлекет қорғайды.Қазақстанда мұндай функцияны ҚДКҚ орындайды. Қор депозиторларға салымдарды белгіленген сомаға дейін өтеуге кепілдік береді. Бұл 20 млн теңге – теңгедегі жинақ депозиттері (салымдары) бойынша; 10 млн теңге – теңгедегі басқа депозиттер бойынша және ағымдағы шоттар мен карталардағы&nbsp;қалдықтар бойынша; 5 млн теңге – шетел валютасындағы ағымдағы шоттар мен карталардағы депозиттер мен қалдықтар бойынша.Бұл ретте салымшы бір банкте бірнеше депозит ашқан болса, сондай-ақ оның ағымдағы және карточкалық шоттарында ақша және шетел валютасындағы қосымша салымы болса, онда өтемақы төлеу кезінде осы сомалар қосылады да, нәтижесінде олар бойынша әрбір депозит түрі бойынша белгіленген шектеулерді есепке ала отырып, 20 млн теңгеден аспайтын кепілдік берілген өтемнің жиынтық сомасы төленетінін есте ұстаған жөн. &nbsp;&nbsp;Мысалдар:&nbsp;1. Егер салымшының банкте жалпы сомасы 22 млн теңгеге екі жинақ салымы болса. Бұл жағдайда кепілдік өтемінің жиынтық мөлшері 20 млн теңгені құрайды.2. Егер салымшының банкте депозиттің үш түрлі түрі болса: 5 млн теңге сомадағы теңгемен жинақ салымы; 10 млн теңге сомадағы теңгемен мерзімсіз салым; баламасы 5 млн теңге сомадағы шетел валютасымен салым.Бұл жағдайда кепілдік жиынтық өтемінің мөлшері 20 млн теңгені құрайды.3. Банкте салымшының теңгемен мерзімді емес депозиті бар, ол жиі толықтырылып және қажет болған жағдайда алынып отырады. Аталған шотта орта есеппен 500 мың теңге бар. Сондай-ақ 14 млн теңге мөлшеріндегі жинақтау салымы мен доллардағы шот бар, онда 5 млн теңге баламасындағы сома орналастырылған. Сақтандыру жағдайы орын алған кезде салымшы 19 500 000 теңге мөлшеріндегі кепілді өтемақының жиынтық сомасын алады: 14 млн теңге – теңгемен жинақтау салымы бойынша, 500 мың теңге – теңгемен мерзімді емес депозит бойынша, сондай-ақ шетел валютасындағы шот бойынша – 5 млн теңге.Fingramota.kz-тің салым таңдау бойынша кеңестері&nbsp;Депозит түрін таңдау сіздің қаржылық мақсаттарыңызға, тәуекел деңгейіне және өтімділікке деген мұқтаждыққа, яғни құралдардың қолжетімділігіне балйанысты. Салымның қорғалуын, сондай-ақ ықтимал кірістерді ескеру қажет.&nbsp;Инвестициялаудың негізгі қағидасын сақтай отырып, ақшаны бірнеше банкке орналастырыңыз – әрбір банкке ҚДКҚ бөлек кепілдік беруіне орай барлық салымдарды бір жерге орналастырмаған дұрыс. &nbsp;&nbsp;Егер сіз салымнан ақшаңыздың бір бөлігін алуды жоспарламасаңыз, оны неғұрлым жоғары пайызбен, мысалы жинақ депозиті арқылы инвестициялау мүмкіндігін қараңыз.Жинақ салымдары мен мерзімді салымдар бойынша сыйақы сомалары жоғары болуына қарамастан, мерзімсіз салымда жақын арада қолдануды жоспарлап отырған соманы қалдырыңыз. Мерзімсіз салым – резерв, ал жинақ салымы – инвестиция.Мерзімді ұзарту кезінде банк сыйақы мөлшерлемесін ҚДКҚ шекті мөлшерлемелеріне бейімделе отырып өзгертуге құқылы. Сыйақы шарт бойынша салым мерзіміне ғана бекітіледі.Депозит ашу туралы шешім қабылдай отырып, сіз салмақты шешім қабылдау үшін банк менеджерлерінен қосымша консультация ала аласыз.&nbsp;Осы ұсынымдарды сақтай отырып, сіз өз қаржыңызды неғұрлым тиімді басқарып, тәуекелдерді барынша азайта аласыз. &nbsp; Fingramota.kz-пен бірге қаржылық сауаттылығыңызды арттырыңыз!&nbsp;

Салым түрлері: Қалай көп пайда табуға болады?

<a href="https://kyzylorda-news.kz/">Kyzylorda-news.kz.</a> Құрылыс қай кезде де тоқтамайтын сала. Сондықтан құрылысқа қажетті өнімдер әрқашан сұранысқа ие. Осыны ескерген қызылордалық жеке кәсіпкер Индира Жамалова облыс орталығынан пластик құбырлар шығаруды қолға алған.&nbsp;Бұл өз кезегінде кәсіпкердің аймақ тұрғындарын сапалы өніммен қамтамасыз етуге мүмкіндік беруде.<blockquote>– Пластмасса – бүгін және келешекте де сұранысы жоғары өнім түрі. Бүгінде оның қолданыс аясы өте кең. Заманауи құрылыста, сантехника желілерін төсеу немесе жылыту жүйесін орнатуда, күрделі инженерлік жүйелер салуда таптырмайтын материал. Олар металға қарағанда арзан, жеңіл, берік, қарапайым монтаждалады, ұзақ шыдас беретінімен ерекшеленеді. Шірімейді, қабырғаларына қақ пен шөгінді тұрмайды, орта есеппен 50 жыл қызмет етеді, – дейді кәсіпкер.</blockquote>&nbsp; &nbsp; &nbsp; &nbsp; Кәсіп аясын кеңейту мақсатында Индира Жамалова алғашқыда «Қазақстан Халық Банкінен» несие алған. Десе де, кәсіпкерлікті қолдау мақсатында мемлекеттік бағдарлама игілігін пайдалануды жөн көрген. Осылайша, «Даму» қорының «2021-2025 жылдарға арналған кәсіпкерлікті дамыту жөніндегі ұлттық жоба» бағдарламасы аясында алған несиесінің процентін субсидиялап, қарызын азайтқан. Мемлекеттік бағдарлама игілігін көрген кәсіпкердің кәсібі бүгінде жандануда. Пластмасса өніміне жергілікті тұрғындардан ғана емес, аймақтан тыс өңірлерден де сұраныс жоғары.

Қызылордалық кәсіпкер пластик құбырлар шығаруда

<a href="https://kyzylorda-news.kz/">Kyzylorda-news.kz.</a> &nbsp;Елдік мүддені жоғары қойған білім саласы қызметкерлері ұлттың рухани тұтастығын сақтауға зор үлес қосуда. Жақында аудандық білім бөліміне қарасты эстетикалық пәндер бірлестігінің ұйымдастыруымен №129 Әбірәш Жәмішов атындағы мектеп-лицейде «Ұлттық құндылықтар – тәрбиенің түп қазығы» тақырыбында аудандық фестиваль өткізілді. Тағылымы мол іс-шараға білім саласының ардагерлері Гүлбар Әбілова, Баян Сүюбаева, аудандық дене тәрбиесі, спорт және туризм бөлімінің маманы Жадыра Бағдатқызы, білім саласы қызметкерлері қатысты.Өткен мен бүгінгі күнді жалғастыра білген фестивальдің ашылуында тұлпар мінген жас шабондоз ауылда дүбірлеген той басталғаны жөнінде жергілікті халықтан сүйінші сұрады. Жағымды жаңалықты естіген ауыл жастары тойбастар әнімен төңіректі қамтып өтті. Сол сәтте мың бұралған бишілер ерекше қойылым жасады. Ал жас ақын Нұрахмет Мансұров арнау өлеңімен көпшілікті тәнті етті. Өз кезегінде &nbsp;№42 Қуаныш Баймағанбетов атындағы мектеп-лицейдің педагогикалық құрамы сәбидің есімін азан шақырып қоюға байланысты рәсім жасады. Ізгілігі мол рәсімде &nbsp;көптеген ғибратты сөз айтылып, бала тәрбиесіне қатысты эстетикалық мазмұнды көрініс қойылды.<blockquote>– &nbsp;Қазақ ұлтының ежелден келе жатқан құндылығын жоймайтын рухани қолөнері көрініс тапқаны бізді ерекше қуанта білді. Әрине, білім саласы мамандары дәстүр сабақтастығын жаңғыртып, ұмыт болып бара жатқан әдет-ғұрпымызды айшықтап көрсете білгені керемет. Бір-бірімен үндестік тапқан &nbsp;әрбір іс-шараның адамға айтары, қоғамға берері мол. Біз бала санасында ұлттық тәрбиені қалыптастыру үшін осындай ерекше дүниені жасай білуіміз керек, – деді &nbsp;ардақты ардагер Гүлбар Әбілова. &nbsp; &nbsp; &nbsp;</blockquote>Фестиваль аясында қолөнер шебері Жәнібек Маханбет ұстаздар мен оқушыларға арналған шеберлік сағатын ұйымдастырды. Сонымен қатар бірнеше ұстаздың ерекше қолөнер туындысы таныстырылды. Ұлттық спорттың ханталапай, бес асық, тоғызқұмалақ, қазақ күресінен оқушылар сайысқа түсті.<blockquote>– Негізінен, қазақты өзгеге ұлт ретінде таныстыратын рухани мұрасы саналады. Анығын айтқанда, салт-дәстүрдің түп қазығы ауылда жатқаны мәлім. Бүгінгі іс-шараны ұйымдастыруға ұйытқы болған білім бөлімінің маманы Ғалия Бақтиярқызына, мектеп-лицей директоры Жанболат Назаровқа шынайы алғыс айтамыз. Іс-шара аясында нағыз ұлттық құндылыққа тереңнен қанықтық. Әрбір өнерпаздың өнеріріне таңданыс таныттық, – деді білім саласының майталманы Баян Сүюбаева. &nbsp;</blockquote>Бұл ретте, ұлттық киім жиынтығы жұртшылыққа таныстырылып, қазақ аруларының сәнді бұйымдары кеңінен дәріптелді. №137 орта мектеп және №129 Әбірәш Жәмішов атындағы мектеп-лицей маманының қолынан шыққан кез келген туынды жоғарғы бағаға ие болды. Қазақтың ұлттық тағамы – малта, арпа көже, жау жүрек, өкпе сүт, сары суға фестиваль қонақтары айрықша мән берді.<blockquote>– Фестиваль кезінде ұстаздар еңбегінің жарқын үлгісіне қанықтық. Ұмыт болған тағамның жасалу әдіс-тәсіліне назар аудара білдік. Әрбір шебердің көз майын тауысып жасаған құнды жәдігері жанды жадырата алды. Алдағы уақытта мұндай ізгі іс-шараның &nbsp;көптеп өткізілуін қалаймыз. Себебі, жастарды тәрбиелеуде ұлттық мұрамыздың атқаратын рөлі зор, – деді Жадыра Бағдатқызы.</blockquote>Іс-шарада &nbsp;жергілікті бірқатар өнерпаз ән шырқап, би биледі.Балтабай ОРДАБЕКОВ &nbsp;

Ұлттық құндылықты дәріптеген фестиваль

<a href="https://kyzylorda-news.kz/">Kyzylorda-news.kz.</a> &nbsp;Сырдария ауданында «Адал адам» мәдени-тәрбие орталығы тұжырымдамасының «Әлем-Book» жобасы аясында бірқатар іс-шаралар ұйымдастырылуда. Жақында Сырдария аудандық орталық кітапхана мен Тереңөзек кенті мәдениет үйі қызметкерлері бірлесіп, лирик ақын Сағи Жиенбаевтың туғанына 90 жыл толуына орай «Сағи жыры санамызда тұр сайрап» атты поэзия кеші өтті.Биыл 90 жылдығы аталып өтілетін ақынның өмірі мен шығармашылығы насихатталған поэзия кешіне №36 Ә.Тәжібаев атындағы мектеп-лицейінің оқушылары қатысты. Алдымен кітапхана қызметкері Динара Жалғасбекқызы ақынның өміріне, шығармашалығына тоқталды.<blockquote>–&nbsp;Сағи Жиенбаев 1934 жылы 15 мамырда Ақтөбе облысы, Байғанин ауданындағы Оймауыт деген ауылда дүниеге келген. Балалық шағы Отан соғысына тап келіп, көп қиындық көрсе де, ол үнемі кітап оқыды, әдебиетті ерекше жақсы көрді. Соғыс тақырыбында жазылған «Жеңістің тұңғыш таңы», «Күткен күн», «Медаль» өлеңдері кеңес одағы тұсында жоғары бағаланды.</blockquote>Сағи Жиенбаев 1955 жылы Гоголь атындағы Қызылорда педагогикалық институтында білім алып, өмірлік жары Уәзипаны сонда кездестірді. Еңбек жолын ұстаздықтан бастаған Сағи Жиенбаев пен жары Уәзипа Жиенбаева екеуі сонау Жезқазған жерінде жүріп, асау арманның жетегімен бір-біріне сүйеніш болып, алдарына биік мақсат қояды. Сағи ақынның бар аңсары рухани астана болған Алматыға барып, әдебиеттің қайнаған ортасында жүру еді.Сөйтіп, ақын 1956 жылы отбасымен Алматыға көшіп келеді. Жылдар өтіп, кешегі Алматыны аңсап, үлкен ақын болуды арман тұтқан жас Сағи әдеби ортада тез танылды. Қазақ поэзиясына өзіндік қолтаңбасымен, суреткерлігімен айрықшаланып қосылған ақынның өлең өлкесіндегі сапары сәтті басталды. Ақынның таланты бір басқа, ал сол талант иесіне әсер ететін ортасы мен отбасындағы жайлылығы болмаса, ақынның сапары сәтті болмас еді.Сағи Жиенбаев Алматыға алғаш келгенде өзіне ақыл айтып, жол нұсқаған ағаларының алдын кеспеген жан.1956 жылдан бастап ақын «Қазақ әдебиеті», «Қазақстан пионері» және тағы басқа да бірнеше қазақ журналдарында жұмыс істеді.Оның поэзисы өзінше өзгеше болды. Қазақтың ұлы жазушысы Мұхтар Әуезовтың өзі ақынға ризашылықпен жоғары баға берген. Ол: «Сағи Жиенбаевтың бірқатар өлеңдерін оқыдым. Оларда толып жатқан образ, көп шындық, көпшілікке ортақ шындық бар. Бір түрлі еліктіретін, сүйсіндіретін, оқушыға бас игізетін соншалық шындық пен бетке ыстық демі сезіліп кеткендей көрінетін шыншылдық бар. Поэзия керек – осы шыншылдық», деп Сағи ақынның поэзиясына өз бағасын берді.40 жылдық шығармашылық қызметінде Сағи Жиенбаев айрықша ақындығымен танылды. Лирик ақынның «Қарлығаш» атты алғашқы жыр-жинағы 1959 жылы жарыққа шықты. Біртуар ақынның алтын қаламынан туған «Дала гүлі», «Сырлы теңіз», «Алтын қалам», «Оймауытым» секілді 30-дан туындысы жыр кітап болып шықты.Оның операға да қосқан үлесі аз емес. Сағи Жиенбаев Ғазиза Жұбанованың «Еңлік-Кебек», сондай-ақ Базарбай Жұманиязовтың «Махамбет» операларының либреттасын жазып берген. Тіпті, оның өлеңдері түркі тілдеріне аударылып, бірнеше шет ел тілдерінде басылып шықты. Ақын бірнеше әнге мәтін жазып, орыстың және басқа ақындардың өлеңдерін тәржімалап, кітап етіп шығарды. Ол: Пушкин, Лермонтов, Туманян, Брюсов, Смеляков, Ғамзатов, Кугультинов, Қаноатовтың өлеңдері болатын.Өлең-жырлары жұртшылық көңілінен шыққандықтан, Сағи ақын марапатсыз қалмады. Сыршыл да, шыншыл Сағи Жиенбаев Қазақ КСР Жоғарғы Кеңесінің грамотасымен марапатталған.Өкінішке орай, халқына осындай жыр сыйлаған ақын дәл туған күнінде, 60 жасында дүниеден озды. Ақынның еңбегін бағалаған жерлестері Ақтөбе қаланының орталығына, Ақтөбе облыстық кітапханасына, өзі білім алған орта мектепке Сағи Жиенбаевтың есімін берді. Соңында қалған оқырманы барда Сағи ақынның сырлы өлеңдері мәңгі өмір сүреді, – деді кітапханашы.Иә, Сағи Жиенбаев – қазақтың дарынды ұлдарының бірі. Ол ешкімге ұқсамайтын, өзіндік қолтаңбасы бар ақын. Іс-шара барысында оқушылар «Періште емес, пендемін», «Туған дала», «Сырдария», «Ана», «Менің далам» атты өлеңдерін оқыды.Халық мұратына, елдің еншісіне айналған көрнекті ақынның парасатты поэзиясы оқырманның жүрегінен орын алған.

Сырдарияда "Сағи жыры санамызда тұр сайрап" атты поэзия кеші өтті

<a href="https://kyzylorda-news.kz/">Kyzylorda-news.kz.</a> &nbsp;Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапхана Мүлкаман Қалауов атындағы өнер мектебінің ұлт-аспаптар бөлімі домбыра класының оқушылары мен мұғалімдерінің қатысуымен Ақ жайықтың ақ шағаласы атанған ақын, Қазақстанның еңбек сіңірген қайраткері, «Алаш» халықаралық әдеби сыйлығының иегері, Құрмет орденінің иегері, Ақұштап Бақтыгерееваның 80 жасына орай «Алаш жырының ақ шағаласы» атты әдеби-сазды кеш өткізді.&nbsp;Шараның мақсаты – Ақұштап Бақтыгерееваның ана тілге, туған жерге және жас ұрпақ тәрбиесіне талай жалынды жырлары мен сезім шерін шертер өлеңдерін насихаттау, кітапханаға оқырман тарту. Салтанатты кеште арнайы «Ақ жайықтың ақ шағаласы» атты кітап көрмесі ұйымдастырылып, көрмедегі А.Бақтыгерееваның 2001 жылы жарық көрген «Ақ шағала» атты жыр жинағы ерекше сұранысқа ие болып, ақын өмір сүрген қоғам, оның өмір жолы туралы бірсыпыра мағлұматтар оқырман қауымға кеңінен таныстырылды. Лед экраннан ақынның өмірбаяны мен шығармашылығына арналған бейнебаян көрсетілді. Сонымен қатар ақынның өлеңдері мәнерімен жатқа оқылып, Мүлкаман Қалауов атындағы өнер мектебінің Ұлт - аспаптар бөлімі домбыра класының білім алушылары Сағатқызы Жания, Қожагелді Ақжан және домбырашылар ансамблінің орындауында ақынның аңызға айналған «Ана жүрегі», «Ана махаббаты» атты жырлары орындалып, көрерменнің ыстық ықыласына бөленді.Шара соңында Мүлкаман Қалауов атындағы өнер мектебінің ұлт аспаптар бөлімі домбыра класының бөлім меңгерушісі Шырдаева Гүлмира Қаратайқызы, Бақтыгерееваның шығармалары поэтикалық қуатымен, тілінің шырайлылығымен қазақ поэзиясына жаңа өрнек алып келгені жайлы және де осындай өнегелі іс-шараның жастарымызға берері мол екенін айта өтіп,кітапхана ұжымына жылы лебізін білдірді.

Қызылордада «Алаш жырының ақ шағаласы» атты кеш өтті

<a href="https://kyzylorda-news.kz/">Kyzylorda-news.kz.</a> &nbsp; «Қазақстан Республикасы мәслихаттарының құрылғанына - 30 жыл» толуына орай Қызылорда қаласында «Халыққа қолайлы инфрақұрылым. Жайлы шаһар жасау бастамалары» тақырыбында өткен семинар-кеңесте қала әкімінің орынбасары Дархан Тұрсынбаев облыс орталығында әр сала бойынша атқарылған жұмыстар туралы баяндады.<blockquote>– Өткен жыл толайым табыстарға кенелген берекелі кезең болды. Экономикамыз еселеп артып, даму деңгейіміз бойынша барлық салада өнімді өсімдерге қол жеткіздік. &nbsp;Бұл бірлік пен тынымсыз тірліктің нәтижесі. Атап айтсақ, өңдеуші өнеркәсіп көлемі – 5,3 пайызға, яғни 26,6 милилард теңгеге, инвестициялар тарту – 36,5 пайызға 68,1 миллиард теңгеге, құрылыс жұмыстарының көлемі – 28,2 пайызға 17,5 миллиард теңгеге, пайдалануға берілген тұрғын үйлердің көлемі – 3,2 пайызға 104,4 мың шаршы метр және сауда көлемі -2,4 пайызға 121,1 &nbsp;миллиард теңгеге артты. Ал ауыл шаруашылығының жалпы өнімі – 100 пайызды 1,5 миллиард теңгені құрады. 2024 жылға бекітілген қала бюджеті 58,2 миллиард теңге болса, бүгінгі күні 74,3 миллиард теңгеге нақтыланды. Оның ішінде, қала бюджетіне республикалық және облыстық бюджеттен 35 миллиард теңге трансферт бөлініп, 100 жоба жүзеге асырылатын болады. Тұрғын үй бойынша 2023 жылы құрылысы басталған Сырдария өзенінің сол жағалау бөлігінде 7 қабатты 84 пәтерлі ипотекалық 6 тұрғын үйдің құрылыс жұмыстарын жалғастыруға 2024 жылы облыстық және қалалық бюджеттерден 1,7 миллиард теңге қаралды. Биыл осал топтағы отбасыларына 200 пәтер және 135 пәтер жалғыз баспанасы апатты деп танылған тұрғындарға сатып алуға 4,2 миллиард теңге, яғни 1 пәтерге 12 713 мың теңгеден бөлінді, – деді қала әкімінің орынбасары.</blockquote>Семинар-кеңесте әр өңірден келген депуттар Қызылорда қаласында білім саласында салынып жатқан құрылыс жұмыстарымен танысты. Онда сол жағалаудан құны 2,4 миллиард теңгені құрайтын «Оқушылар сарайы» (2024 жылы облыстық бюджеттен 1,6 миллиард теңге бөлінді) және құны 7,9 миллиард теңге болатын 300 орынға арналған жатақханасы бар 400 орындық физика-математикалық мектеп-интернатының құрылысы биыл аяқталып, ел игілігіне табысталатыны айтылды. Сонымен қатар, «Жайлы мектеп» ұлттық жобасы бойынша бастау алған білім нысандарының бесеуін биыл аяқтау жоспарланып отырғанын жеткізді. Қалған 3 мектептің құрылысы биыл басталып, келер жылы аяқталады. Оның ішінде 2024 жылы 6 мектеп құрылысына 10,9 миллиард теңге бөлінген.&nbsp; Осындай халық сұранысына қажетті ғимараттардың құрылыстары биыл да жалғасатынын айтқан қала әкімінің орынбасары сол жағалаудан құны 4,8 миллиард теңгені құрайтын музыкалық колледждің құрылысы басталғанын, оның алғашқы жұмыстарына облыстық бюджеттен 904 миллион теңге бөлінгенін тілге тиек етті. Сондай-ақ денсаулық нысандары бойынша да бірқатар құрылыс жұмыстары жүргізілуде. &nbsp;Мәселен, құны 2,9 миллиард теңге болатын «Облыстық қан орталығының» құрылысын аяқтау биылға жоспарланған. 2024 жылы республикалық бюджеттен 1 435,1 миллион теңге бөлінген. Бұдан бөлек жоба құны 36,4 миллиард теңгені құрайтын ауысымда 100 келушіге арналған емханасы бар, 300 төсектік көпбейінді аурухана құрылысы да салынуда. Оған 2024 жылы республикалық бюджеттен 3,3 миллиард теңге, облыстық бюджеттен - 5,7 миллиард теңге барлығы 9,0 миллиард теңге қаржы бөлінуде.Қала әкімінің орынбасары Дархан Тұрсынбаевтың айтуынша, биыл мәдениет саласы бойынша да ілкімді істер атқарылмақ. Оның ішінде спорттық ойындардың бірі - үстел теннисін де бас шаһарда дамыту көзделуде. Биыл сол жағалаудан жаңа үстел теннисі орталығының іргетасы қаланды. Жоба қаржысы 2,7 миллиард теңгені құрайды, оның жартысы «Самұрық қазына» қоры арқылы бөлінген. Сонымен қатар, дәл осы аумақтан құны21 миллиард теңге болатын 7 000 орынды стадионның құрылысы басталған. Оған 2024 жылы облыстық бюджеттен 14,1 миллиард теңге бөлінген.<blockquote>– Облыс әкімінің &nbsp;үйлестіруімен «Акса энерджи» түрік компаниясы құны 215 миллиард теңгеге қуаттылығы 240 мегаватты құрайтын жылу электр орталығының құрылысын бастады. Ол 2025 жылы іске қосылып, қаланы сапалы жылу және электр энергиясымен қамтамасыз етпек. Меценат Болат Өтемұратовтың қолдауымен басталған, құны 15,7 миллиард теңге болатын «Қорқыт ата» әуежайының жаңа терминалы да таяу күндері алғашқы жолаушыларын қабылдайды. Сырдария өзенінің сол жағалауынан іргесі қаланған жаңа автовокзалдың құрылысы аяқталды. Құны 975 миллион теңгені құрайтын сапаржайды барлық стандарттарға сай деуге болады. Бұдан бөлек, жол-көлік инфрақұрылымын дамыту бағытында «Тәуелсіздікке 25 жыл» даңғылының бойында «Қызылжарма» каналы арқылы өтетін автожол көпірі салынатын болады облыстық бюджеттен 142,8 миллион теңге қаржы бөлінді (жоба құны 428,3 миллион теңге). Қазіргі таңда, мердігер мекеме анықталып («Сервис НС» ЖШС), жақын күндері құрылыс-монтаж жұмыстары бастау алады. Қаланың негізгі көшелерінің бірі болып саналатын</blockquote>2 жолақты көшелерді 4 жолақтыға кеңейту жұмыстары да қолға алынды. Бүгінгі таңда, жоба құны 3 миллиард теңгені құрайтын ұзындығы 2,9 шақырым болатын Қожа Ахмет Яссауи көшесі (Ә. Бөкейхан көшесінен Әйтеке би көшесіне дейін, 2024 жылға республикалық және облыстық бюджеттентен 863,3 миллион теңге бөлінген) және құны 434,4 миллион теңгені құрайтын ұзындығы 2 шақырым болатын Е.Көшербаев көшесін (С.Бейбарыс көшесінен бастап Ә.Бөкейхан көшесіне дейін, 2024 жылға республикалық бюджеттен 80 миллион теңге бөлінді) қайта жаңғырту үшін республикалық және облыстық бюджеттен 1 миллиард теңге қаралып отыр. Н.Назарбаев даңғылынан («Сыр самалы» мейрамханасы) Тәуелсіздік даңғылына дейін жол салуға республикалық бюджеттен 100 миллион теңге, облыстық бюджеттен 284,5 миллион теңге барлығы 384,5 миллион теңге &nbsp;бөлініп, құрылыс жұмыстары жүргізілуде. Жоба құны 570,7 миллион теңге, мердігер «Қыран» ЖШС мекемесі. Қала аумағындағы ұзындығы 46,3 шақырымды құрайтын жалпы сомасы 4,7 миллиард теңгеге 42 көшені орташа жол жөндеу жұмыстары жүргізілетін болады. Облыстық бюджеттен бөлінген 1 389,8 миллион теңгеге жалпы көлемі 24,3 шақырым болатын 72 көшеге қиыршық тас төсеу жұмыстары жүргізілуде. Қызылжарма ауылдық округіндегі 5 көшені күрделі жөндеуге облыстық бюджеттен 587 миллион теңге қаржы бөлінді, – деді әкім орынбасары жиында.Өткен жылдан бастап қаланы абаттандыру жұмыстарына да басымдық беріліп келеді. Бұл ретте семинар-кеңеске қатысушы өңір депутаттарына қаладағы абаттаныдру ісі бойынша атқарылып жатқан жұмыстарда таныстырылды. Оның ішінде меценат Асқар Әубәкіровтың демеушілігімен 1 миллиард теңгеге және облыстық бюджеттен бөлінген 800,8 миллион теңгеге орталық алаңға абаттандыру жұмыстары жүргізілуде. Замануи дизайнмен жаңғыратын орталық алаңның құрылысы биылғы мамыр айында аяқталады деп күтілуде.<blockquote>– Қорқыт ата университеті және демеушілер қолдауымен 408,0 миллион теңгеге Қорқыт ата университетінің &nbsp;алдындағы ботаникалық саябақты абаттандыру жұмытары жүргізілуде. Қаланы көгалдандыру жұмыстарын қамтамасыз ету мақсатында «Жасыл Қызылорда» коммуналдық мемлекеттік мекемесі құрылды. Бұдан бөлек, қала аумағындағы 25 көпқабатты тұрғын үйдің ауласындағы балалар ойын алаңдарына күрделі жөндеу жұмыстарын жүргізуге облыстық бюджеттен 1 миллиард теңге қаралып, құрылыс жұмыстары жүргізілуде. Жауапты ретінде мердігер «Авангард ПГС», «Азамат құрылыс» ЖШС мекемесі бекітіліп, биыл сәуір айында басталған құрылыс жұмысы шілде айында аяқталуы тиіс. Сондай-ақ, 215,8 миллион теңгеге 4 көппәтерлі тұрғын үйдің ауласына күрделі жөндеу жұмыстары жүргізілуде. Қазіргі таңда мердігер «BSG Инжерениг» ЖШС мекемесі құрылыс жұмыстарын жүргізуде. Нысан аумағы шілде айында пайдалануға беріледі. Сонымен қатар, Қожа Ахмет Яссауи көшесін абаттандыруға облыстық бюджеттен 72,5 миллион теңге, қалалық бюджеттен 150,0 миллион теңге қаралды. Жоба құны: 725 миллион &nbsp;теңге. Облыстық медициналық орталығы алдындағы скверді абаттандыру үшін облыстық бюджеттен 262,9 миллион теңге бөлінді. Жауапты ретінде «Дарен Строй» ЖШС мекемесі бекітілді, – деді Дархан Тұрсынбаев.</blockquote>Бүгінде қалада қазіргі заман талабына сай 10 аялдама салу үшін жергілікті бюджеттен 52,5 миллион теңге қаралып отыр. Қызылорда қаласы бойынша 54 көшеге жарық бағаналарын орнату үшін республикалық бюджеттен 1,3 миллиард теңге бөлініп, «Энерго-Мера», «Энергиянұр», «Айсұлтан компания» ЖШС мердігер мекемесі құрылыс жұмыстарын жүргізуде. Ал облыстық бюджеттен бөлінген 1,8 миллиард теңгеге жалпы ұзындығы 48 шақырым болатын қаланың 40 көшесіне жаяу жүргіншілер жолын салу жұмыстары жүргізілуде. Көппәтерлі тұрғын үйлердің қасбеттері мен шатырына ағымдағы жөндеу жұмыстарын жүргізу үшін 979,3 миллион теңге бөлінген. Қала аумағында орналасқан 21 көппәтерлі тұрғын үйлерге күрделі жөндеу (модернизация) жұмыстарын жүргізу үшін республикалық бюджеттен 1,9 миллиард теңге бөлінген.Шаһар басшысының орынбасарының сөзінше, биыл тозығы жеткен ауыз су және кәріз су желілерін қайта жаңғыртуға республикалық және облыстық бюджеттерден 1 миллиард теңгеге ұзындығы 18,7 шақырымды құрайтын 4 жоба жүзеге асырылады. Ал газ желісі бойынша Ақжарма ауылдық округіне қарасты, Баймұрат батыр, Талдыарал елді мекендері және Төрттам учаскісіне жаңадан газ құбырын жүргізуге қалалық бюджеттен 140,9 миллион теңге бөлінген. Жобаның жалпы құны – 1,3 миллиард теңгені құрайды. «Ауыл – ел бесігі» жобасына барлығы 16 жобаға 1 миллиард 234 миллион теңге бөлінген. Оның 647 миллион теңгесі республикалық бюджеттен болса, 587 миллион теңгесі облыстық бюджеттен қаралған. Жобаларды аяқтау үшін республикалық бюджетке 4,6 миллиард теңгеге, облыстық бюджеттен қоса қаржыландыруға 587 миллион теңге бюджеттік өтінім ұсынылған.Фото: seykhuninfo.kzА.Әлім

Қызылорданың сол жағалауы қарқынды құрылыс алаңына айналды

<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаев «Қорқыт Ата» әуежайы жаңа терминалы аумағын абаттандыру барысымен танысты."УАД" ЖШС басшысы Мұрат Үдербаев құрылыс алаңындағы жұмыстарды баяндады. Бұл туралы Қызылорда облысы әкімінің баспасөз қызметі хабарлады.Нысан таяуда ел игілігіне табысталмақ. Жобаға бағытталған 20 млрд теңгенің 15 млрд 700 млн теңгесі Болат Өтемұратов қорынан бөлінген. Жергілікті бюджеттің 4 млрд 300 млн теңге қаржысы инфрақұрылымды дамытуға, абаттандыруға, яғни жылу, су, электр, телефон және кәріз, желілерін, автожол жүргізуге жұмсалды.Қазір әуежай және оған іргелес аумақ абаттандырылуда. Сонымен қатар, осы аумаққа 615 шаршы метр гранит жабыны, 16,2 шаршы метр асфальт, 4038 шаршы метр кеспетас және 3630 шаршы метр қиыршық тас төселуде. «Қызылорда қаласындағы әуежайдың іргелес аумағын абаттандыру құрылысы» жобасына 634 050 млн теңге бөлініп, 4 жолақты, ұзындығы 480 метр, әр жолақтың ені 3,5 метр болатын жол салынуда.Аймақ басшысы жұмыс сапасына баса мән беріп, мерзімінде аяқталуын қадағалауды ескертті.Айта кетейік, «Қорқыт Ата» әуежайы жаңа терминалының құрылыс жұмыстары 2023 жылдың ақпанынан басталған болатын.<img src="https://knadmin.beoblood.kz/uploads/443716055_750364833951430_5493055749210225325_n_2c6fdf3b8a.jpg" alt="443716055_750364833951430_5493055749210225325_n.jpg"><img src="https://knadmin.beoblood.kz/uploads/442512941_750371050617475_7245453235491195454_n_3bcfad0e21.jpg" alt="442512941_750371050617475_7245453235491195454_n.jpg"><img src="https://knadmin.beoblood.kz/uploads/442483458_750370983950815_5526341212058096220_n_bc2975e614.jpg" alt="442483458_750370983950815_5526341212058096220_n.jpg"><img src="https://knadmin.beoblood.kz/uploads/442413513_750371003950813_1024420068123246962_n_3e4c10a37a.jpg" alt="442413513_750371003950813_1024420068123246962_n.jpg"><img src="https://knadmin.beoblood.kz/uploads/441490837_750371030617477_147392705516631072_n_aeb830807a.jpg" alt="441490837_750371030617477_147392705516631072_n.jpg">Фото: Қызылорда облысы әкімінің баспасөз қызметі

Аймақ басшысы әуежай терминалы аумағын абаттандыру жұмыстарымен танысты

<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім министрлігінің жанынан құрылған «Қазақстан студенттерінің Альянсы» республикалық студенттер қозғалысы белсенді жұмыс істеуде. Ұйым жастардың құқықтық мәселелерін шешуге, зияткерлік, шығармашылық, инновациялық дағдыларын дамыту бағытын ұстанады.&nbsp;Сырбойылық жастар да бұл студенттік қозғалыстың бөлігі.&nbsp;Бүгінде Қызылорда облыстық штабқа қарасты бөлімшелер де бар. Оқу орындарында құрылған бөлімшелерде 160-қа жуық студент мүше ретінде тіркелген.Белсенді жастардың бір алаңда тоғысуының нәтижесінде интеллектуалдық, зияткерлік, мәдени көпшілік шаралар, акциялар мен дебат байқаулары ұйымдастырылып, құқық бұзушылықтың алдын алу мақсатында әкімшілік жанынан құрылған жедел топпен, ювеналды полиция қызметкерлерімен бірге түнгі рейдтер және әртүрлі бағыттағы түсіндірме жұмыстары жүргізілуде. Қазақстан студенттері Альянсының әр өңірде филиалы бар. Апта сайын өңірлік әріптестермен, басшылықпен жиналыс өтеді. Онлайн кездесу барысында әр өңірдегі өзекті жобаларды талқылап, нәтижесін сарапталады.&nbsp;&nbsp;<blockquote>− Әр аймақтың өзіндік үздік жобалары да болады.&nbsp;Көп жағдайда бір тақырыптағы іс-шараларды барлық аумақта бір мезетте жасауға тырысамыз. Сол кезде жастардың назарын аудартып, қызығушылығын оята аламыз деп ойлаймын. Бастысы, біз санға емес, сапаға мән береміз.Ұйым мүшелерінің саяси бағытқа қызығушылығы жоғары, өзіндік көзқарастары қалыптасқан. Қайырымдылық жұмыстарымен тұрақты айналысады. Қызылорда студенттерінің Альянсы республика бойынша жетекші ұйымның бірі. 2023 жылы еліміз бойынша «Үздік штаб» номинациясын иеленді. Бұл біз үшін үлкен жетістік. Әрі үлкен жігер сыйлаған марапат. Мұнымен тоқтап қалмаймыз, әрі қарай өз жұмысымызды жоғары деңгейде жүргізуге тырысамыз, − деді&nbsp;Қазақстан студенттерінің Альянсы» республикалық студенттер қозғалысы, Қызылорда облысының төрағасы Р.Базарханұлы.</blockquote>Бүгінде орталық «Respublica» партиясы» Қызылорда облыстық филиалы, облыстық және қалалық жастар ресурстық орталықтарымен, жастар ұйымдарымен тығыз байланыс орнатқан. Қазіргі уақытта «Respublica» партиясы» Қызылорда облыстық филиалы жанындағы Жастар бірлестігімен көптеген ісшараларды өткізуде. Сондай-ақ «Qosyl» деген атаумен жастар арасында танымал қалалық жастар ресурстық орталығында біздің ұйымның жеке кабинеті бар.&nbsp;<blockquote>− Алдағы уақытта студент жастардың әлеуетін арттыруда, басқа да ұйымдармен әріптестік байланыс орнатамыз.&nbsp;Кез келген ұсыныстарды тыңдауға әзірміз. Дамудың даңғыл жолында жастардың бірге болуы маңызды.&nbsp;Басшылық Тараз, Алматы, Түркістан, Қызылорда өңірлерінде атқарылған жұмыстарды жоғары бағалауда. Сыр өңірі басқа облыстарға қарағанда медиа саласы мен ақпараттандыру жұмыстары бойынша алдыңғы қатарда. Өңірлік әріптестермен де жақсы қарым-қатынастамыз. ҚР Ғылым және жоғары білім министрлігінің жанындағы студенттік омбудсмендер еліміз бойынша тағайындалған. Қызылорда облыстық студенттік омбудсмен қызметін Сабыржан Бахытжанұлы атқарады. Сабыржан Қуандықпен бірлесе отырып, ЖООлардың жатақханаларына мониторинг және түнгі рейдтік жұмыстар тұрақты түрде жүргізіледі. Қызылорда студенттерінің Альянсы үнемі белсенді, студенттердің алдында өз беделін түсірген емес. Жыл сайын жаңа толқынмен құрамы жаңарып, жаңа леп әкелуде.– Елімізде ҚР Мәдениет және ақпарат министрлігінің қолдауымен, Азаматтық бастамаларды қолдау орталығының бастамасымен волонтерліктің 7 бағыты бойынша шағын гранттар байқауы өткізіледі. Біз осыған дейін шағын гранттар байқауына қатысып, жеңімпаз атанып, Сыр өңіріне республикадан қаржы тартқан болатынбыз. Біршама өзекті жобаларды облыста жүзеге асырдық. Жобалар туралы толығырақ әлеуметтік желіде жарияладық. Биыл да Қызылорда студенттері Альянсының жанынан арнайы топ құрып, жобаларға қатыстыруды көздеп отырмыз. Жастардың шағын гранттар байқауына қатысуы арқылы өзін-өзі басқару ортасы қалыптасады. Ұйымның белгілі қаржыландыру көзі болмаса да, өз күшімен жұмыс істейді, − дейді Р.Базарханұлы.</blockquote><blockquote>– Иә, қазіргі уақытта «Neet» санатындағы жастар деген түсінік бар.&nbsp;Бұл мәселе бізге де таныс. Жұмыссыз жастарды қоғаммен тығыз байланыстыруда ақпараттық жұмыстарды күшейтіп, медиа саласы бойынша көмек көрсетудеміз. Алдағы уақытта арнайы жобамызды әзірлеп, қалалық жастар орталығымен байланыс арттыру жоспарлануда.&nbsp;Бізге жастармен жұмыс жасау қиынға соқпайды. Себебі, жастар саясатында азды-көпті тәжірибеміз бар. Біз студент жастардың ойында жүрген, жасағысы келетін жобаларды әзірлесек, олар дамушылар қатарына қосылады. Көп жағдайда студенттерге әртүрлі мүмкіндіктерді беруге тырысамыз. Мәселен, рухани даму, тәжірибе арттыру, өмірлік маңызды дағдыларды қалыптастыру деген секілді. Жастармен жұмыстың оңайлатудың тиімді тұсы олардың ұсыныстарын әрқашан тыңдап, қолдау білдіру. Демек, сұранысты дер кезінде ұстай алсақ, жастар қоғамның негізгі күші екенін, өмірден ойып тұрып орын алатынын сезінеді. Негізінен Қазақстан студенттерінің Альянсы ұйымы жоғары оқу орындарында құрылу керек. Өзіңіз білетіндей, Сыр өңірінде университеттер саны аз. Сондықтан да жоғары оқу орындарының студенттерімен шектеліп қана қоймай, колледж студенттерімен де біргеміз. Бүгінде колледж студенттері ұйымға қызығушылық білдіруде. Алдағы уақытта олардың ұсыныстарын ескеріп, басқа да колледждерден бөлімшелер ашылады. Мәселен, сәуір айында И. Әбдікәрімов атындағы Қызылорда аграрлық техникалық жоғары колледжі мен «Orda» жоғары колледжінде бөлімшелеріміз ашылады. Сонымен қатар шет аймақтағы білім ордаларымен де келіссөздер жүргізілді. Мәселен, Титов, Гагарин секілді аймақтарда құқық бұзушылық ісі жиі тіркеледі. Мақсатымыз шет аймақтардағы құқықбұзушылықтың алдын алуға өз үлесімізді қосу. Студенттерді ұйым жобаларына тарту арқылы бос уақыттарын тиімді өткізуіне ықпал ету.Студент жастардың құқығы деп бос сөзбен шырылдамай, іспен дәлелдеген абзал. Сондықтан жастардан бөлек, ата-аналарымен кездесу ұйымдастырылады. «Балық берме, қармақ бер» демекші, студенттердің біліктілігін арттыру мақсатында заман ағымына сай дамып келе жатқан мобилография, SMM, 3D дизайн және т.б. жаңа мамандықтарды қатыстырып, өз жобаларымызды әзірлейміз, − деді спикер.</blockquote>Нәтижесінде студент жастар оқыту курстарынан өткеннен кейін, өз қажеттіліктеріне пайдаланып, қаржы табу мүмкіндігіне жол ашылмақ. Биыл Қызылорда студенттері Альянсының жанынан кітап клубы құрылатынын жеткізді Р.Базарханұлы.&nbsp;&nbsp;А.Текебай Фото: mail.kz

Өңірдегі студенттер Альясынының жетістіктері 

<a href="https://kyzylorda-news.kz/">Kyzylorda-news.kz</a> Өңірде облыстық онкологиялық диспансердің жылжымалы медициналық кешені жұмыс істейді.&nbsp;Естеріңізге сала кетейік, өткен жылы «Қазақстан халқына» қоры аймаққа онкологиялық ауруларды дер кезінде скринингтік тексеру мен профилактикалық тексеруден өткізуге арналған заманауи жылжымалы медициналық кешен сыйлаған болатын.Шиелі ауданындағы баспасөз туры барысында журналистер онкологиялық қызметтің алғашқы жылжымалы медициналық кешенінің жұмысымен танысқан еді.Облыстың ірі аудандарының бірінде 78 мыңнан астам халық аудандық емханада тіркелген.&nbsp;Диспансерлік есепте 122 онкологиялық науқас болса, оның көбісі сүт безі қатерлі ісігіне шалдыққан.Өткен жылы Нұргүл Атабаеваға сүт безінде киста мен түйін бар деген диагноз қойған.&nbsp;Әйел емделді. Облыстық онкологиялық диспансер дәрігерлерінің үкімін тағатсыздана күтіп жүрді. Қуантарлығы, жаңа өскіндер жоқ.<blockquote>– Жылжымалы медициналық кешенде маммография және ультрадыбыстық зерттеу жүргізді. Онколог шешімін берді. Уақытылы анықтау және емдеудің арқасында патологиялар жоқ. Әр алты ай сайын тексеруден өтуді ұсынды. Міндетті әлеуметтік медициналық сақтандыру жүйесінің арқасында қымбат медициналық қызметтер қолжетімді, жылжымалы медициналық кешенде тексерулерден өтуге болады. Бұл әсіресе қатерлі ісікке шалдыққан науқастар үшін маңызды, – дейді Нұргүл Атабаева.</blockquote>Жылжымалы медициналық кешен томосинтез функциясы бар сандық маммографиялық аппаратурамен, ультрадыбыстық жүйемен және жоғары зерттеу дәлдігі бар компьютерлік томографпен жабдықталған.&nbsp;Құрал Жапонияда жасалған. Бұл санаттағы медициналық жабдықтар Қазақстанда алғаш рет пайдалануға берілді.“Қатерлі ісік өлім жазасы емес, дүрбелеңге себеп емес” дейді Шиелі ауданаралық ауруханасы бас дәрігерінің орынбасары Қазбек Шәукебаев.&nbsp;Бұл сіздің денсаулығыңызға жауапты көзқарасты арттыруға және қалпына келтіруге қадам жасауға ынталандыру.<blockquote>– Скрининг – ауруды ерте анықтау. Бұл тегін медициналық қызмет міндетті әлеуметтік медициналық сақтандыру жүйесіндегі сақ тандыру мәртебесіне қарамастан барлық азаматтарға қолжетімді. Сондықтан уақытылы тексерулерден өту маңызды. Қатерлі ісік ерте сатысында анықталған науқастар саны көп. Онкологиялық науқастардың өмір сүру ұзақтығы артты. Әрине, бұған МӘМС жүйесі ықпал етіп, денсаулық сақтау саласының жұмысын құрылымдады, қаржыландыру көлемі артты. Мәселен, өткен жылы аудандық аурухана компьютерлік томографиялық аппарат сатып алды, – деп атап өтті Қазбек Шәукебаев.</blockquote>Биыл Шиелі ауданаралық ауруханасына Әлеуметтік медициналық сақтандыру қорынан 7,9 млрд теңгеге жуық қаражат бөлінді.&nbsp;А.АХАНОВА Фото: ru.pinterest.com

Аймақтағы жылжымалы медициналық кешен оң нәтиже көрсетуде

<a href="https://kyzylorda-news.kz/">Kyzylorda-news.kz.</a> Бүгінде есімі алтын әріппен жазылған, талай тұлғаның туған жері болған Шиелі өңірінде өнерімен өрге жүзіп жүрген жастар жетерлік. Солардың қатарында Қадырбек Қалдардың да бар екенін айтып өткен жөн болар. Дарынды жас кішкентайынан ән өнеріне жақын болды. Қоңыр үнді қараторы жігіт қазақ елінің шашбауын әлемдік дәрежеде көтеруге бар ынта-жігерін салып жүр. Қазіргі уақытта Қазақ ұлттық өнер университетінің «Вокалдық өнер» мамандығында білім алады.– Дарын дегеніміз – жеміс ағашы тәрізді. Күтіп-баптамасаң, ұшып кетеді. Басқа қонған бақ десек те жарасардай. Сол себепті өнер қашан да өзіммен бірге. Ән – жанымдағы серігім, сырласым, мұңдасым. Көңілім құлазыса да, шаттанып, қуансам да қасымнан табылады, – деп бастады әңгімесін Қадырбек Темірбекұлы.&nbsp;Қадырбектің ерекшелігі – оның дауысында. Тенор дауысымен көрермендердің көзайымына айналған. Тенор – ер әншінің жоғарғы дауысы. Дауысты жоғары нотада ұстап тұру оңай емес. Олар әлемнің өзінде өте аз. Ал кейіпкеріміз ән айтқан кезде, залда отырған көрерменнің қатты тамсанып қарайтыны рас. Оның айтуынша, тенор дауысқа адам біртіндеп қол жеткізеді. Спортпен шұғылданғанда, денені кезең-кезеңімен үйреткен секілді вокалмен де дәл солай жұмыс істеу керек. Себебі дауыс – әншінің басты құралы.&nbsp;«Талант – табиғаттан, талап – өзіңнен» деген ұстанымды алға тартқан жас өнерпаздың алда алар асуы айқын. Қазіргі кезде жетістік желкенін керіп, көптеген белестерді бағындыруда. Талай рет аймақтық, облыстық, республикалық, халықаралық сайыстарға қатысып, жүлделі орындарға ие болған. Айбынды елдің арда туған ұландарының қатарында өз биігін еселеп келеді. Атап айтсақ, 2021 жылы Түркістанда өткен XXIV Қазақ романсиадасы» романс орындаушыларының халықаралық байқауында III орынды иеленген. Әрмен қарай республикалық XIV Ұлттық Дельфий ойындарына қатысып, I орынды қанжығасына байлап, биікті бағындырған. Сондай-ақ 2023 жылы Мәскеуде болған С.Я.Лемешев атындағы XII халықаралық вокалистер байқауында III дәрежелі дипломды жеңіп алды. Талантты жастың жетістіктер қоржынында мұндай сан алуан жеңістер жетерлік. Байқап қарасақ, Қадырбек қатысқан жарыстардың көпшілігі – халықаралық байқаулар. Шынында, өнер адамы үшін кез келген марапат бағалы.&nbsp;– Меніңше, өнерді бағалай білу керек. Өнер – үйренетін, жаттап алатын нәрсе емес, талант болса, әрі қарай ізденіп, талаптану қажет. Абай атамыз айтқандай, талап, еңбек, терең ой – сол өнерді дамытады. Әлбетте, ұстаздардан үйренер нәрсе көп, олар өнерді дамытуға септеседі. Өнерде де, өмірде де тәлімгерлерім көп. Қандай да бір жақсы нәрсе үйренер болсам, сол менің ұстаздарымның зор еңбегінің нәтижесінде. Өйткені ұстазға бай жанның өмірде де алар асуы мен шығар шыңы мол болады. Өмір мектебінде алғыр, зерек болмасаң, шыңға шығуың қиын, – дейді ол.

Қадырбек Қалдар: Өнерді бағалай білу керек

<a href="https://kyzylorda-news.kz/">Kyzylorda-news.kz</a> Мінез – адамның ішкі әлемінің айнасы. Жүсіп Баласағұн: «Кісіге екі дүниеде де пайдалы, ізгі іс – мінезі түзулік. Екіншісі – ұят, үшіншісі – әділдік. Бұл үшеуі арқылы адам шын бақыт табады» деген. Бұл тұста ұят пен әділдік мінездің сыңары екенін есте ұстау қажет. Білім ізгілікке жұмсалмаса, оның пайдасынан зияны артуы әбден мүмкін. Сондықтан Шығыс даналығы адам мінезінің көркемдігін алдыңғы орынға шығарса керек.Адамзатты өркениет шыңына жетелеген ойшыл Әбу Насыр әл-Фараби: «Адамға ең бірінші білім емес, тәрбие керек. Тәрбиесіз берілген білім – адамзаттың қас жауы, ол келешекте оның өміріне қауіп әкеледі» деген. Елге адал қызмет етер адам – әділдік, жоғары моральдық жауапкершілік, кәсіби білім, адалдық және парасаттылық сынды қасиеттерге ие болуы қажет.&nbsp;Ізгі мінез-құлық жайлы сөз болғанда хакім Абайға тоқталмай кете алмаспыз. «Тегінде адам баласы, адам баласынан ақыл, ғылым, ар, мінез деген нәрселермен озбақ» деген ойшыл сөзін тілге тиек етіп, білім мен мінездің, ардың адам өміріндегі орнына ерекше тоқталған. «Ғылымды, ақылды сақтайтын мінез деген сауыты болады. Сол мінез бұзылмасын! Көрсе қызарлықпен, жеңілдікпен, я біреудің орынсыз сөзіне, я бір кез келген қызыққа шайқалып қала берсең, мінездің беріктігі бұзылады» деп ескертеді.Дана Абай әсіресе адамның танымдық қызметін арттыратын мінездің қырына баса көңіл бөледі. Ол жастарды білім-ғылымға шақыра отырып, тек қажырлылықпен, құштарлықтың арқасында ғана ғылымға қол жеткізуге болатынын айтады. Адамның көңілін көтеріп, бойына қуат беретін сезімдердің бірі – өзгеге еш міндетсінбей қол ұшын беру. Ар-ожданы таза адам ғана бар шынайы көңілімен өзгенің керегіне жарайды. Адамды көздеген мақсатына, асыл арманына жеткізетін, ғылым-білімді меңгеруге мүмкіндік тудыратын жан қуаттарының бірі – ерік-жігер, қажыр-қайрат. Ерік-жігер – адамның мінезқұлқын меңгере алу қабілеті, оны әр түрлі кесапаттардан, пайдасыз құмарлықтардан қорғайды. Абайдың айтуынша «жан қуаты деген қуат бек көп нәрсе... Бұл қуаттың ішінде үш артық қуат бар... ол жоғалса, адам баласы хайуан болды, адамшылықтан шықты» – деп, адамның өзі таңдап түскен жолынан таймауына ерік-жігері мен қажыр-қайратының ғана көмектесетінін еске салады.&nbsp;Айгерім КӘРІБАЕВА,&nbsp; Абай атындағы үш тілде оқытатын дарынды балаларға арналған мамандандырылған сыныптары бар мектептің қазақ тілі мен әдебиеті пәнінің мұғаліміФото:freepik

Айгерім Кәрібаева:"Білім ізгілікке жұмсалуы қажет"

<a href="https://kyzylorda-news.kz/">Kyzylorda-news.kz</a> Президент&nbsp;Қасым-Жомарт Тоқаев:&nbsp;«Жалпы, ұлт мәдениеті – халық өмірінің айнасы, оның болмысы. Еліміздің рухани дамуы ұлттық рухқа тікелей байланысты.&nbsp;Сол себепті азаматтарымыздың рухы әрқашан биік болуы үшін мәдениетімізге, яғни руханиятымызға баса мән бергеніміз жөн.Қазіргі таңда зиялы қауымның қоғамдағы рөлі аса маңызды. Мәдениет қайраткерлері халыққа, ең алдымен, өз туындыларымен танымал болуы керек, қоғамға, әсіресе, жастарға жол көрсетіп, үлгі-өнеге болуы қажет. Жұртымыз зиялы қауымнан сабырлықты, парасаттылықты күтеді», деді.Сыр елі – жыр елі. Бұл&nbsp; –&nbsp;Сыр бойы халқының ұраны, барша қазаққа таныс түсінік. VIII-ІХ ғасырларда ғұмыр кешкен ұлы Қорқыт бабалардан бастау алған Сыр бойының ақын-жырауларының есімі көпшілікке таныс. Жауын жыр мен төкпе терменің қасиетін ұғынып, қалың жұртшылықтың қошеметіне кенеліп, өз есімін елге әйгілі еткен жастар осы бір дәстүрдің желісін үзбей жалғастырып келеді. Солардың қатарында ауданның өнерпаздары да бар. Әрісі Астана, берісі көршілес аймақтардың барлығын өнерімен тәнті еткен олар жайлы бір ауыз сөз айтайық.Осыдан үш жылға жуық уақыт бұрын талай дүлдүлдің мекеніне айналған киелі Маңғыстау жерінде жыршы, жырау, қобызшы Айтуған Тайұлының 220 жылдығына орай ұйымдастырылған республикалық жыршы-термешілер байқауында алдына қара салмай дара шыққан кешегі Еспембет, Бітімбай, Нұртуған шайыр мен Жаңаберген, Кәрібоздардың ұрпағы Хасенхан жайында бар қазаққа танымал&nbsp;Светқали Нұржанов:– Бұл Хасенхан Кішкене дейтін оғлан Аралдың Ақбастысынан. Кәдімгі корифей Әбдіжәміл Нұрпейісовтен Берік Жүсіповке дейін шыққан азғантай ауылдың нән-талап перзенті. Кеше ғана Ақтауда өткен Айтуған Тайұлы атамыздың жыр сайысынан бас жүлдені бөксеріп барады. Елдос бастаған төрешілер оған бәйгені "құда" болғаны үшін бермегені белгілі. Маңғыстаудың жырларын осы өлкенің төл ұлдарынан асырып орындап, жүлдені жұлып алды. Бағың ассын, талабың тасысын. Қызылорда жыршыларынан Маңғыстаудан бас жүлде алған бір ұл емес. Ізденістегі жан бір бұтақтан жүз жеміс жейді. Ал маңғыстаулық жыршылар атқа шындап қамшы басу керек. Елдос пен Ақылбегі бар ел ұстазға да, қазынаға да кенде емес. Алайда Алмасы мен қос Берігі, Елмұрасы мен Ұлжаны, Күнсұлулары бар Сырынан іңкәрі, жырынан жұпары бұрқыраған жұрағаттан үйренетін үлгілері көп-ақ, – деп батасын берген еді. Бұл сөзінен Маңғыстау өлкесі біздің жыршыларды жатсынбайтынын байқап қалдық. Бірақ асыл өнерді асырып орындаса, кім жат деп танысын?! Өмірі өнерге, өлеңге байланған халық шын жүйрікті қашанда төбесіне көтеріп жүреді емес пе?!Иә, дәл солай. Кеше ғана тағы бір Аралдың күміс көмей аруы ақтаулықтардың алғысын алып, марапаттың төрінен көрінді. Жеткізген Сейітовтың 70 жылдығына арналған республикалық жыршы-термешілер байқауында І орынды еншілеп, бір миллион теңге көлемінде қаржылай сыйлыққа ие болды.Қызылорда, Маңғыстау, Ақтөбе, Астана, Алматы облыстарынан барлығы 24 жыршы қатысқан үлкен додада жүлде салған бұл қызымыз – Арайлым Өмірбекова.Арайлымның жыршылыққа жақын болуы да тегін емес. Тегінен осы бір қазыналы өнердің қасиеті тамырындағы қанмен біте қайнасқан жыршы жерлесіміз бала күннен домбыраның құлағында ойнап, талай дүлдүлдің термелерін жатқа орындап өсті. Себебі оның туған жері – Аманөткел ауылы, әйгілі шайырлар шыққан Мырзас. "Аманөткел қала болады, Мырзас дала болады" деп күні бұрын көрегенділікпен жырлаған Нұртуған жыраудың туған топырағы бұл ауылда қолына домбыра түссе, әуелете ән салмайтын жан жоқ. Солардың ортасынан шығып, өнер сахнасына көтерілген Арайлым Асылханқызы – бүгінде бір әулеттің келіні. Келін боп түскен шаңырағы жайлы айта кетпеу тіпті, әбестік болар. Өйткені бұл шаңырақтың перзенті, Арайлымның өмірлік азаматы да біз айтқан Светқали Нұржановтан бата алған Хасенхан Кішкенеев. Осындай өнердің өр перзентін тәрбиелеп өсірген ата-анасы Арайлымның да өнер айдынында кең қанат жаюына қолдаушылардың бірі болып шыға келді.Қос бірдей қонысы қос қанатындай қалықтатқан кәсіби жыршыны құттықтап, тілдескен болатынбыз. Алғаусыз ризашылығын білдірген ол:– Мен бірінші кезекте Маңғыстау халқына рахметімді айтқым келеді. Біз қазақ қашанда өліге құрмет қылудан қателеспеген елміз. Бірақ "Тіріде сыйла, ағайын, өлгенде "Сарай" салдырмай" деген аталы сөзді естен шығарып бара жатқан&nbsp;бүгінгі қоғамда ортамызда жүрген алыптарымызды ардақтаудан қалып барамыз. Оның жасыратыны жоқ. Десе де қазаққа белгілі ақын Қаныбек Сарыбаев «Өмірден кетсем де,&nbsp;өлеңнен&nbsp;кетпеймін» дегеніндей арамызда өмірін өлеңмен ұштастырып, сол өлеңі, өнері арқылы баршаға үлгі болып келе жатқан жандар жоқ емес. Солардың бірі&nbsp;–&nbsp;Жеткізген Сейітовтың. Жыршылықты жанына жалау еткен жыршы-термеші Жеткізген Сейітовтің 70 жылдық мерейтойы қарсаңында өткізілген бұл байқау баршаға үлгі боларлықтай дүние. Көзі тірісінде өнер иесіне құрмет көрсету арқылы бүгінгі таңдағы бізге ең бір қажетті дүниені бастап берді десем болады, – дейді. Одан әрі байқау барысына көшкен кезінде:– Жыршылар бәйгесіне 24 жыршы қатысты. Ұйымдастыру форматы да бөлек болды. Мұнда кәсіби жыршы да, кәсіби емесі де сахнаға шығып, сыналуға мүмкіндік алды. Сондай-ақ жас шамасына шектеу қойылмады. Бұл біріншіден, жас буынның деңгейін алдыңғы буын ағалармен салыстырып қарауға мүмкіндік берсе, екіншіден жастар үшін үлкендермен сахнаға шығу үлкен тәжірибе алаңына айналғандай көрінді. Мен осы байқауға басқа байқауларға қарағанда ерекше ынтамен дайындалдым. Бір айдан астам уақыт жүргізілген дайындықтың арқасында сахнадағы қобалжуды жеңіп, өзіме деген сенімділікпен сынға түстім. Алғашқы кезеңнен кейін іріктеліп 13 жыршы қалдық. Осы өнердің дүлдүлдері қазылық еткен жарыс өте жоғары деңгейде өтті. Нағыз жыр алыптарының қазылығы мен халықтың ыстық ықыласының арқасында жүлделі І орын бұйырды, – дейді.Міне, бар қазақты мойындатып, дәстүрлі өнердің дамуына өлшеусіз үлес қосып жүрген осындай жерлестеріміз тек аралдықтардың ғана емес, жырды сүйген бар қазақтың мақтанышы бола бергей.

Қазақстан және Қызылорда облысының жаңалықтары