<a href="https://kyzylorda-news.kz/">Kyzylorda-news.kz.</a> Бұл сүйінші хабар Қызылорда облысы Төтенше жағдайлар департаменті гарнизонын бір марқайтты. &nbsp;Қырғызстан, Тәжікстан, Өзбекстан мен еліміздің төтенше жағдай саласының қызметкерлері бақ сынаған &nbsp;тартысты бәсекеде Қызылорда өңірінен қатысқан құтқарушылар озат атанды, нағыз құтқарушыға тән кәсіби &nbsp;біліктілікті, шапшаңдықты, &nbsp;ептілікті, жоғары дайындықтарын көрсетті.&nbsp;Оқу-жаттығудың қорытындысы бойынша &nbsp;бірінші орынды иеленді. Олар өткен жылғы &nbsp;«Қазқұтқару-2022» республикалық оқу-жаттығуы жиынында 2 орынды алған болатын. Олар «Техногенді апаттар жағдайындағы іздестіру-құтқару жұмыстары», «Акваториядағы іздестіру-құтқару жұмыстары», «Табиғи орта жағдайындағы іздестіру-құтқару жұмыстары», «Орташа қиылысқан жерлер бойынша командалық эстафета» және «Белтемірдегі кешенді күштік жаттығу» секілді дистанцияларда бақ сынаған болатын. &nbsp;Сонымен бірге биылғы оқу-жаттығу жиынының ерекшелігі - &nbsp;еріктілердің республикалық форумының да өтуінде болды. &nbsp;

Қызылордалық құтқарушылар халықаралық оқу-жаттығудың жеңімпазы атанды

<a href="https://kyzylorda-news.kz/">Kyzylorda-news.kz.</a> «Startup Joly» инкубациялық бағдарламасының алғашқы ағынын қорытындылау үшін «Demo Day» инновациялық жобалар байқауы ұйымдастырылды.Қорқыт ата атындағы Қызылорда университетінің кәсіпкерлік орталығы «Startup Jolу» инкубациялық бағдарламасы бойынша білім беру жұмыстарын 14 тамызда бастады. Бағдарламаға қатысу үшін 135 адам өтінім беріп, &nbsp;бағдарламаның алғашқы легіне 57 жоба қабылданды. Инкубация қатысушылары менторлармен жеке жұмыс жасау &nbsp;мүмкіндігіне ие болып, маңызды тақырыптар бойынша &nbsp;тегін 16 семинарға қатысты.&nbsp;«Startup Joly» – инновациялық стартаптар мен кәсіпкерлік бастамаларды қажетті ресурстармен қамтамасыз ету, кәсіпкерліктің әртүрлі аспектілері, соның ішінде идея, маркетинг, сату және құқықтық мәселелер бойынша дағдыларды арттыруға бағытталған бағдарлама.Бағдарламаға қатысқан 57 жоба іріктеуден өтіп, Demo Day-ге 26 жоба қатысты. Ұсынылған жобалардың қатарында QR көктас, VR-платформадағы киберспорт, ақылды тоңазытқыш, көмір күлінен бағалы металдарды алу және өндіру, органикалық косметика, Digital Oner Academy, Оpen garden тәрізді жобалар бар.&nbsp;Байқауда &nbsp;Раушанбек Бейбарыс “Educopter” жобасы бойынша 500 мың теңге иеленді. Ал, “Dmenu” жобасын таныстырған Тұрсынбай Елдос пен Ахметов Бауыржанға 300 мың теңге &nbsp;табысталды. Мұңайтбасова Жұлдызай мен &nbsp; Тұрғанбай Раушан “ecoDabyl” жобасымен 200 мың теңге жүлдені қанжығаларына байлады.“Demo Day жоғары деңгейде өтті. Көп адамдармен танысып, жаңа жобалар туралы ақпарат алдым. Қазір елімізде робототехника қарқынды дамуда және техникалық үйірмелер, мамандықтар ашылып жатыр. Оқушылар, студенттер дайын заттарды пайдаланбай, өз қолдарымен құралдар жасағанын қалаймын. Осы мақсатпен мен Demo Day-ге “Educopter” атты оқу-жаттығу дрон &nbsp;жиынтығын әзірлеп әкелдім. Осы жиынтық арқылы кез келген адам өзінің алғашқы дронын құрастырып, бағдарламалай алады”, - деді І орын иегері Раушанбек Бейбарыс. Жобалар сайысында Қызылорда облысы кәсіпкерлер палатасының директоры Пірмұхамед Сыздықов, Қызылорда облысы әкімі аппараты цифрлық технологиялар бөлімінің басшысы Сәбит Ибадулла, Қызылорда облысы кәсіпкерлер кеңесінің төрағасы Ерлан Райымов, Байқоңыр жобалық басқару департаментінің директоры Индира Сансызбайқызы, кәсіпкер, Қорқыт ата атындағы Қызылорда университетінің аға оқытушысы &nbsp;Мұрат Смайлов, Байқоңыр ӘКК АҚ жобалық басқару департаментінің бас сарапшысы Олжабай Айдын, кәсіпкер, Қорқыт ата атындағы Қызылорда университетінің оқытушысы &nbsp;Абай Шайнуров &nbsp;және “Мансап” мектебінің директоры &nbsp;София Абдуразакова қатысушылардың жобаларын бағалады. “Қаржылай сыйлықтан бөлек бағдарламаны толық меңгерген үздік &nbsp;қатысушыларға сертификат табыстадық. Жеңімпаздар сертификат арқылы “QazInnovations” инновациаларды дамыту жөніндегі ұлттық агенттігі” және Astana Hub халықаралық технопаркінің гранттық бағдарламаларына қатыса алады, - деді Қорқыт ата атындағы Қызылорда университеті кәсіпкерлік орталығының басшысы Жанарыс Алтынбекұлы.Бас серіктестер: Цифрлық даму, инновациялар мен аэроғарыш өнеркәсібі министрлігі, «QazInnovations» инновацияларды дамыту жөніндегі ұлттық &nbsp;агенттігі, «Astana Hub» халықаралық технопаркі, Қорқыт Ата атындағы Қызылорда университеті. Серіктестер: &nbsp;Қызылорда облысының «Атамекен» Ұлттық кәсіпкерлер палатасы, Қызылорда облысы әкімі аппаратының «Ақпараттық технологиялар орталығы».Айта кетейік, Startup Jolу инкубациялық бағдарламасы жалғасады. Қыркүйек айының соңына дейін бағдарламаның екінші ағынымен жұмыс жасау басталады. Инновациялық жобаларды дамытуды қолға алған орталық қазан айында тағы Demo Day &nbsp;ұйымдастырады.&nbsp; &nbsp;

Қызылордада инновациялық жобалар байқауы өтті

<a href="https://kyzylorda-news.kz/">Kyzylorda-news.kz.</a> Қазалы көпсалалы орталық аудандық ауруханасында жыл басынан бері жүрек-қан тамырлары аурулары бар науқастарға үш жүзден астам ота жасалды. Ангиографтың арқасында аурулар ерте кезеңде анықталып, жоғары технологиялық оталар жасалады. Инфаркт, инсульттің алғашқы белгілері қандай, пациенттер қалай аман қалғанын рентгенэндоваскулярлық бөлімшесінің меңгерушісі Кенесары Баспаевпен сұхбатында.2019 жылдың қыркүйек айында Қазалы аудандық ауруханасында ангиограф арқылы алғашқы ота жасалды. Кенесары Айтуғанұлы, қанша пациентке ота жасалды және бұл диагностикалық құрал-жабдық ауыл тұрғындарына қаншалықты сұранысқа ие?- Менің ойымша, медицинадағы ең маңызды ереже - жеделдік. Егер пациентке уақтылы медициналық көмек көрсетілсе, оның өмірін сақтап қалуға, мүгедектікке жол бермеуге болады. Бұл тұрғыда жақын маңдағы елді мекендердің (Қазалы, Арал, Қармақшы аудандары және Байқоңыр қаласы) тұрғындарына қызмет көрсететін ангиографтың көмегі зор. Бұған дейін пациенттер облыс орталығына, Астана, Алматы, Ақтөбе қалаларына жіберілген болатын. Олар бірнеше ай бойы өз кезегін күтетін. Өкінішке орай, жоғалған уақыттың салдарынан науқастардың денсаулығы да нашарлап, аймақта инфаркт пен инсульттан өлім-жітім деңгейі жоғары болды.Неліктен ангиограф Қазалы ауданында орнатылған? Мәселен, облыс орталығынан Әйтеке би кентіне (аудан орталығы) дейінгі қашықтық 300 шақырымнан асады, жол жүру уақыты - 4 сағат. Қызылорда – Арал бағытының ұзындығы 450 шақырым, автокөлікпен - 5 сағат. Егер пациент Қазалы аудандық ауруханасына жеткізілсе, уақыт небәрі 1 сағатты алады. Қармақшы ауданы Жосалы кентінен қалаға дейінгі қашықтық шамамен 170 шақырым, жол жүру уақыты – 1,5 сағат. Бізге науқас 50 минут ішінде жетеді.2019 жылы рентгенэндоваскулярлық бөлімнің ашылуының бірінші жылында ангиографта 87 ота жасалды. 2020 жылы әлемде пандемия өршіп тұрған кезде 216 пациентке, 2021 жылы - 300 – ге жуық, 2022 жылы – 361 адамға медициналық көмек көрсеттік. Ағымдағы жылдың 9 айында 316 ота жасалды. Жалпы 2019 жылдан бері 1200-ден астам адамның өмірі сақталды. Оталардың негізгі үлесі - коронарография және стенттеу.Мамандарымыз А.Н.Сызғанов атындағы Ұлттық ғылыми орталықта дайындықтан өтіп, көпсалалы облыстық ауруханада тәжірибе алмастып келгенін атап өткім келеді.Медицина саласында «алтын сағат» ұғымы бар. Дәл осы уақыт аралығында ең тиімді медициналық көмек және пациенттің өмір сүру мүмкіндігі жоғары. Шұғыл медициналық көмек қалай көрсетіледі?- Мамандарымыздың кәсіби шеберлігі мен ангиографтың арқасында кәсіби жедел медициналық көмек көрсетеміз. Егер науқастың бет келбеті қисаюы байқалса, басы өте қатты ауырса, жүрек айнуы, құсу, қолы кимылсыз қалса, мұның бәрі инсульттің белгілері. Алғашқы 2 сағат ішінде қан ағымын қалпына келтіруге, қан ұйығыштарын жоюға бағытталған тромболитикалық терапия жүргізіледі. Біз инсульттің өршу кезеңінде медициналық көмек көрсету хаттамасына сәйкес әрекет етеміз. МӘМС жүйесіндегі сақтандыру мәртебесіне, сондай-ақ, АИТВ, туберкулез, қатерлі ісіктер және т.б. қатар жүретін ауруларға қарамастан барлық пациенттерге шұғыл медициналық көмек көрсетеміз. Егер науқас отаға келісім бере алмаса, туыстарынан сұраймыз.Жедел инфарктпен пациентті қабылдағанда жедел жәрдем мамандары ЭКГ жасап, бізге науқастың жағдайы туралы хабарлайды. Біз пациентті күтіп алуға дайын тұрамыз. Инфаркттің белгілері: жүрек аймағында шаншу, арқаға, иыққа, қолға, мойынға, төменгі жаққа беру, сондай-ақ ауа жетіспеушілігі, суық тер, жүрек айнуы. Сонымен қатар, инфаркттың тағы бір белгісі - іштің жоғарғы бөлігіндегі ауырсыну (эпигастрий). Көбінесе инфаркт бейсенбі мен сенбі күндері болатын үрдісті байқап жүрміз. Жедел инфарктпен ауыратын науқастардың саны айтарлықтай азаюда. Егер 2019-2020 жылдары жоғарыда аталған солтүстік аудандардың әрқайсысынан ай сайын жедел миокард инфарктпен 8-9 адам түссе, бүгінгі таңда жоспарлы коронарографияның арқасында науқастардың саны 2-3 адамға дейін азайып отыр.Жоспарлы медициналық көмек МӘМС жүйесінде сақтандырылған азаматтар үшін қолжетімді. Отаға қарсы көрсетілімдері қандай?- Жоспарлы ем Емдеуге жатқызу бюросы порталы арқылы жүргізіледі. Егер тиісті көрсеткіштер болса, емхананың емдеуші дәрігері пациентті зертханалық талдаулар тапсыруға, консультациялық-диагностикалық қызметтерден өтуге жібереді. Осыдан кейін ғана науқас аурухананың кардиологиялық немесе инсульт бөліміне жатқызылады. Бірқатар қарсы көрсеткіштері бар. Мысалы, науқаста әртүрлі дәрежедегі анемия, ЖРВИ, тыныс алу жеткіліксіздігі, асқазан-ішек жолдарының ойық жаралы зақымдануларының болуы және т.б. бір сөзбен айтқанда, өршу кезеңінде барлық созылмалы аурулар.Айта кетейік, МӘМС жүйесі аясында қымбат жоғары технологиялық оталарды жасаймыз. Мысал келтірейн. Стенттеу құны – 1,5 миллион теңгеден астам, коронарография – 400 мың теңгеге жуық. Сақтандырылған азаматтарға бұл медициналық қызметтер тегін көрсетіледі. 2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған.Байқоңыр қаласынан Қазалы аудандық ауруханасына дейін автокөлікпен 1 сағаттық жол. РесейФедерациясының құзырындағы бұл қаланың тұрғындары сізге жүгінеді. Ресейлік ұйымдарда жұмыс істейтін ҚР азаматтарына медициналық көмекті қалай көрсетесіз?- Байқоңыр қаласының аумағында 2 стационар бар. Бұл Байқоңыр қ. көпсалалы аурухана және ресейлік аурухана (ФГБУЗ ЦМСЧ №1 ФМБА РФ). Байқоңыр қаласының көпсалалы ауруханасында тек бастапқы медициналық-санитарлық көмек және медициналық оңалту қызметтері көрсетіледі. Төтенше жағдайларда ресейлік ұйымдарда жұмыс істейтін ҚР азаматтарында сақтандыру полисі болғандықтан, ресейлік ауруханаға жеткізіледі.Қазақстандық медициналық сақтандыру жүйесінде «сақтандырылған» мәртебесін алу және біздің стационарда жоспарлы медициналық көмек алу үшін МӘМС жарналарын дербес төлеуші ретінде төлеу қажет. Тағы да айта кетейін, шұғыл медициналық көмекті барлық азаматтарға тегін көрсетеміз. Біз бұл пациенттерді қабылдауға дайынбыз. Бірақ ресейлік ауруханада жоғарыда аталған пациенттерді жедел жәрдеммен тасымалдау қарастырылмаған. Осы күрделі мәселені шешеді деп үміттенеміз. Өйткені, Гиппократқа ант берудің этикалық принциптерінің бірі - науқасқа көмек көрсету міндеттемесі. Біз әрқашан пациенттердің денсаулығы мен өмірін қорғауға дайынбыз!Сұхбат үшін рахмет! &nbsp;

Ауылдық ауруханаға инсульт немесе инфарктпен түскен пациенттердің өмірін қалай арашалап қалады?

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев ауданымызға арнайы келген Ұлттық қауіпсіздік комитеті департаментінің ардагерлерін қабылдап, пікір алмасты. Сондай-ақ, қонақтарға алғысын білдіріп, Қазалы ауданының тарихынан сыр шертетін кітапты сыйға тартты.Мұнан соң Ұлттық қауіпсіздік комитеті департаментінің ардагерлері аудан әкімдігінің мәжіліс залында құқық қорғау саласының ардагерлерімен және аудан жастарымен кездесті.Жиынды аудан әкімінің орынбасары Дәурен Тілеумбетов жүргізіп, қонақтарға ыстық ықыласын жеткізді.<blockquote>«Талай тарихты қойнауына бүккен қасиетті Қазалы ауданына қош келдіңіздер! Сіздердің жүріп өткен жолдарыңыз, іздеріңізден ерген жас-жеткіншектерге үлгі-өнеге. Сондықтан бүгінгі басқосуға келіп отырған жастар үшін Сіздерден ақыл-кеңес алу үлкен мәртебе», – деді Д.Оңғарбайұлы.</blockquote>Мәжілісте Ұлттық қауіпсіздік комитетінің Қызылорда облысы бойынша департаментінің ардагері Қуанғали Данахмет сөз алды.<blockquote>«Соңғы жылдары орын алған түбегейлі өзгерістерге сәйкес, бүгінде Мемлекет басшысының нақты тапсырмалары негізінде елімізде ауқымды істер атқарылуда. Жастар қашанда жасампаздықтың, жаңа бастамалардың жүзеге асырушылары болып табылады. Осы орайда, біз ардагерлермен бірлесіп жаңаша бағытта жастармен кездесулер өткізудеміз. Келешек жас буынмен етене араласа отырып, оларды тәрбиелеу жолында өнегелі де өркенді істерге ұмтылуға жастарға тың жігер беруіміз қажет», – деп патриоттық сезімді жоғарылату мен қызметтік парызды орындаудағы талаптар жөніндегі ойымен бөлісті.</blockquote>Жиын соңында Дәурен Оңғарбайұлы келген қонақтарға алғысын білдірді. Мұнан соң ардагерлер Қазалы қаласындағы Ғани Мұратбаев атындағы мемориалдық мұражайдың жұмысымен танысты.

Ұлттық қауіпсіздік комитеті департаментінің ардагерлері Қазалы ауданында болды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;Қазақстанның құрметті спорт қайраткері, &nbsp;ҚР білім беру ісінің құрметті қызметкері, педагогика ғылымдарының кандидаты, профессор Жақсыбек Егізбаев атындағы дәрісхана ашылды. Салтанатты шарада Әлеуметтік және тәрбие жұмыстары жөніндегі проректор Жандос Базартай ғалымның ғылым мен білім саласына қосқан еңбегіне тоқталды.<blockquote>«Бүгін біз қоғам үшін игілігі мол, тағылымды шараның куәсі болудамыз. Оқу орны әрдайым білім мен ғылымның дамуына үлес қосқан ғалымдардың есімін ұлықтап, ұрпақ санасында жаңғыртуды дәстүрге айналдырған. Қорқыт ата атындағы Қызылорда университетінде ұзақ жылдар қызмет еткен ғалымдардың ұрпақтары, сонымен қатар өздері де білім саласының дамуына үлес қосуда. Олар дәрісхананың жаңғыртылуына, материалдық-техникалық базаның нығаюына атсалысуда. Кейінгі 4 жыл ішінде университетте 15-ші дәрісхананы демеушілер есебінен ашудамыз. Ғалым – 150-ден астам ғылыми мақаланың, 10-нан астам оқу-әдістемелік құралдың және өнеге-өсиетке толы танымдық кітаптардың авторы. Ол саналы ғұмырын білім мен ғылым саласын дамытуға, жас ұрпақтың кәсіби маман, тегеурінді тұлға болып қалыптасуына &nbsp;арнады, – деді Жандос Нұртайұлы.&nbsp;</blockquote>Салтанатты шарада оқу орнының стратегиялық дамуына қосқан үлесі үшін профессордың қызы Балғын Егізбаева «Қорқыт Ата атындағы Алтын медальмен» марапатталды. Жиынға зиялы қауым өкілдері, ғалымның туған-туыстары, профессор-оқытушылар мен білім алушылар қатысты. Сондай-ақ, «Қайсар» футбол клубының директоры, ҚР құрметті спорт қайраткері, ҚР еңбек сіңірген жаттықтырушысы Садық Мұстафа, И.Әбдікәрімов атындағы Қызылорда аграрлық-техникалық жоғары колледжінің директоры, физика-математика ғылымдарының докторы, профессор Бахытхан Әбдікәрімов, педагогика ғылымдарының кандидаты, &nbsp;қауымдастырылған профессор, шәкірті Жандос Есіркепов ғалымның еңбек жолы мен тұлғалық болмысы, өнегелі істері туралы сөз қозғады.Айта кету керек, Жақсыбек Егізбайұлы 1970-1980 жылдары Қызылорда облысы, Жаңақорған ауданындағы балалар және жасөспірімдер спорт мектебінің директоры қызметін атқарды.&nbsp; 1980-1990 жылдары Қызылорда облыстық білім бөлімінің мектеп инспекторы, А.С.Макаренко атындағы балалар үйінің директоры, облыстық мұғалімдер білімін жетілдіру институтының кабинет меңгерушісі, облыстық балалар және жасөспірімдер спорт мектебінің оқу ісі жөніндегі меңгерушісі қызметтерін абыроймен атқарды. 1990 жылдан бастап Қорқыт ата атындағы Қызылорда мемлекеттік университетінде кафедра меңгерушісі, Жаратылыстану факультетінің тәрбие жұмыстары жөніндегі декан орынбасары болып еңбек етті. 1999-2003 жылдары екінші шақырылған Қызылорда қалалық мәслихат депутаты болып сайланды. Депутат ретінде де қаланың қоғамдық-әлеуметтік, саяси өміріне белсене араласып, дене тәрбиесі мен спортты насихаттап, қалалық, облыстық мәслихат сессиясының күн тәртібіне қойып, мәселе көтеріп, бұқаралық спорттың өркен жаюына қомақты үлес қосты. Әлі де сол бағытты ұстанып, қала мәдениеті мен келбетіне, тазалығына өз ұсыныстарын білдіріп келеді. &nbsp;

Профессор Жақсыбек Егізбаев атындағы дәрісхана ашылды

Фото: из открытых источников<a href="https://kyzylorda-news.kz/">Kyzylorda-news.kz.</a> Мемлекет басшысы Моңғолия Президенті Ухнаагийн Хурэлсухпен келіссөз жүргізді, деп хабарлайды Ақорданың <a href="https://t.me/aqorda_resmi">баспасөз</a> қызметі.Қасым-Жомарт Тоқаев Қазақстан мен Моңғолия арасындағы тығыз әрі дәстүрлі достық қарым-қатынасты атап өтті.Президент екіжақты байланыстарды стратегиялық серіктестік деңгейіне дейін кеңейту мүмкіндігіне назар аударды.Мемлекет басшысы сауда-экономикалық ықпалдастыққа тың серпін беру үшін Үкіметаралық комиссияның жұмысын жандандырып, Қазақстан мен Моңғолияның Іскерлік кеңесін құру қажет екенін айтты.Кездесу соңында президенттер жақын арада бір-бірінің еліне сапармен бару мүмкіндігін талқылады.

Қазақстан мен Моңғолияның Іскерлік кеңесін құру қажет – ҚР Президенті

<a href="https://kyzylorda-news.kz/">Kyzylorda-news.kz.</a> Баспа, радио, интернет-журналистика саласындағы «URKER – 2023» ұлттық сыйлығының номинанттары анықталды.Биыл 12 номинация бойынша үздіктер анықталады. Осы жылы медиа саласын дамытуға үлес қосып жүрген медиа мамандары үшін үш жаңа номинация қосылды. Атап айтсақ, «Үздік халықаралық БАҚ», «Үздік подкаст», «Үздік YouTube каналы». Байқауға баспа, радио, интернет-журналистика саласында қызмет етіп жүрген журналистерден барлығы 450 өтінім, солардың ішінде ең көбі «Әлеуметтік тақырыптағы үздік материал», «Жылдың үздік сұхбаты», «Үздік өңірлік БАҚ», «Жылдың үздік аналитикалық материалы» және «Жылдың үздік репортажы» номинациялары бойынша келіп түсті. Үздік жұмыстарды құрамында беделді журналистер, медиа менеджерлер бар қазылар алқасы анықтады.Марапаттау рәсімі қарсаңында Ұлттық бәйге номинанттарының тізімі анықталды. Шорт-листке 48 номинант енді:Жылдың үздік сұхбаты:Лэйла Тастанова – Time.kzЭльмира Асқарқызы – Nur.kzАйхан Шәріп – «Айқын» газетіМейрамтай Иманғали – «Дидар» газеті (Шығыс Қазақстан облысы)Жылдың үздік репортажы:Рабиға Дүйсенғұлова – Tengrinews.kzСанат Урналиев – Informburo.kzАрайлым Мұрат – inform.kzДина Әділ – Qaz365.kz Жаңа Қазақстан порталыӘлеуметтік тақырыптағы үздік материалы:&nbsp;Индира Сатбаева – «Вечерний Алматы» газеті (Алматы қаласы)Айбек Тасқалиев – «Ақтөбе» газеті (Ақтөбе облысы)Амангүл Тілейқызы – El.kzҚажет Андас – «Жетісу» газеті (Жетісу облысы)Жылдың үздік журналистік зерттеуі(Сейдахмет Бердіқұлов атындағы арнайы номинация):Талғат Батырхан – «Egemen Qazaqstan» газетіКарина Негметова – Kokshetau.info (Ақмола облысы)Анна Величко – Golos-naroda.kzЕвгения Максимова – Zhaikpress.kz (Батыс Қазақстан облысы)Жылдың үздік аналитикалық материалы:Ерік Рахым – Nege.kzСұлугүл Бакесова – Forbes KazakhstanМеруерт Сарсенова – Kapital.kzЖанель Жазетова – Informburo.kzЖылдың үздік жаңалықтар порталы:Nege.kzStan.kz&nbsp;Nur. Kz&nbsp;Golos-naroda.kz&nbsp;Радиостанциядағы үздік жоба:«Жаңа ФМ» радиосы – «Зеленая волна» бағдарламасы (Қарағанды қ.)«Astana FM» радиоарнасы – Ақпараттық-әлеуметтік бағдарламасы«Orda FM» – «Zhas STAR» бағдарламасы«Той Думан» радиосы – «Беташар шоу»Жылдың үздік фотосуреті:&nbsp;Досжан Балабекұлы&nbsp;Владимир Третьяков&nbsp;Валерий Бугаев&nbsp;&nbsp;Самат&nbsp; ҚұсайыновҮздік өңірлік БАҚ:«Jetisy» газеті (Жетісу облысы)«Алатау арайы» газеті (Қонаев қаласы)«Панорама Шымкента» газеті (Шымкент қаласы)«Сыр бойы» газеті (Қызылорда облысы)Үздік халықаралық БАҚ (баспа радио интернет-журналистика саласындағы):«Қазақ елі» журналы (Түркия)Баян-Өлгий аймағының бұқаралық радиосы (Моңғолия)«Шүйдің нұры» газеті (Ресей)«Нұрлы жол» газеті (Өзбекстан)Үздік подкаст:«Zere» – Мәншүк Асаутай&nbsp;&nbsp;«Dope Soz» – Жомарт Аралбайұлы, Арсен Түсіпбек&nbsp;«OY-DETOX» – Әйнел Әмірхан&nbsp;«Momski әңгіме» – Жетен Даурен&nbsp;&nbsp;Үздік&nbsp; YouTube каналы:Абай Сейфоллаұлы – «Abay Live»Ренат Ташкинбаев – Студия «Другие места»Байдалы Жазира – «Sayahat Time»Болат Бұхарбай – «Jaqsy Bolady»«URKER-2023» Ұлттық бәйгесінің жеңімпаздары 22 қыркүйек күні белгілі болады. Лауреаттарды марапаттау рәсімі Астана қаласы «Қазмедиа» орталығында өтеді. Жеңімпаздарға «URKER» естелік мүсіншесі және бір миллион теңге мөлшеріндегі ақшалай сыйлық табысталады.Баспа, радио, интернет-журналистика саласындағы жетістіктері үшін берілетін ұлттық «URKER» сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.Байқау ұйымдастырушылары – Мәдениет және ақпарат министрлігі, «Медиа дамыту қоры» корпоративтік қоры. Іс-шараның демеушілері – «Қазақстан» РТРК және «Хабар «Агенттігі» АҚ.<a href="https://egemen.kz/">Egemen.kz</a>&nbsp;

«Сыр бойы» газеті – «URKER – 2023» ұлттық сыйлығының номинанттар қатарында 

<a href="https://kyzylorda-news.kz/">Kyzylorda-news.kz.</a> Қармақшы ауданының 95 жылдығы қарсаңында Шәмшат Төлепова атындағы аудандық мәдениет үйінде ғасырға жуық тарихы бар Құрманғазы атындағы Қазақ ұлттық халық аспаптар оркестрінің “Жыр тұнған Сырдың даласы” атты концерті өтті.Өнер ұжымына тоқталар болсақ Құрманғазы оркестрі Қазақстанның аспаптық музыкалық өнер тарихындағы тұңғыш оркестр. Ол бүкіл әлемге қазақ халқының музыкалық өнерін, қазақ музыкалық аспаптарын және дала әуенімен сұлулығын танытқан бірегей ұжым.Көпшілік көңілінен шыққан бүгінгі кеште Қазақстанның еңбек сіңірген әртісі, "Құрмет" орденінің иегері Рамазан Стамғазиев пен Қазақстанның еңбек сіңірген қайраткері, әнші Саят Медеуов өнер көрсетті. Концертте аудан әкімінің орынбасары Смағұлов Самат құттықтау сөз сөйлеп, өнердің хас тарландарына аудан әкімінің атынан құттықтау табыстап, алғысын білдірді.Кеште оркестрдің орындаған шығармалары көрермендерді қазақтың төл өнерінің тереңіне бойлатып, тамаша күйге бөледі. Тума таланттардың тартуына ризашылығын білдірген көпшілік қауым да ыстық ықылас, зор қошемет көрсетіп, көтеріңкі көңіл-күйде болды.Естеріңізге сала кетсек, бүкіл әлемге халқымыздың музыкалық өнерін, бірегей музыкалық аспаптарын және ұлы дала әуенінің пәк сұлулығын танытып келе жатқан оркестрдің концерті бүгін ауданға қарасты Төретам кенті халқына да лайықты деңгейде өнер көрсеткен болатын.Ауданның 95 жылдығы аясында ұйымдастырылып, жақсы ән мен тәтті күй сыйлар тағылымды шаралар жыл аяғына дейін жалғасатын болады.<img src="https://knadmin.beoblood.kz/uploads/378701071_2435629619941263_4687098259942554505_n_58f78fd345.jpg" alt="378701071_2435629619941263_4687098259942554505_n.jpg">

Қармақшыда Құрманғазы атындағы Қазақ ұлттық халық аспаптар оркестрінің концерті өтті

<a href="https://kyzylorda-news.kz/">Kyzylorda-news.kz.</a>&nbsp; «Ауылдық аймақтардағы тірек мектептердің әлеуетін арттыру» әлеуметтік жобасы аясында Қызылорда қаласындағы Зияткерлік мектептің мұғалімдері Қармақшы ауданы Жосалы кентіндегі Т.Көмекбаев атындағы №250 мектеп-лицей ұстаздарына әдістемелік қолдау көрсетті.NIS-тің пән мұғалімдері ауылдағы әріптестерінің сабақтарына қатысып, сабақты жоспарлау, оқушыларды бағалау, кері байланыс беру іс-әрекеттеріне бақылау жүргізді. Сондай-ақ, ұстаздардың қиындықтары бойынша жеке кездесіп, кеңестер берді. &nbsp;<blockquote>«Бүгінгі кездесу білім беру үдерісіне диагностика жасап, қажеттіліктерін айқындауға бағытталды. Соның нәтижесінде алдағы уақытта ұстаздарымыз арнайы шеберлік сыныптар ұйымдастырып, қажетті дағдыларымен бөлісетін болады. Сонымен қатар, бірнеше оқу тағылымдамалары өткізіліп, ауыл мұғалімдерінің біліктілігін көтеру, жаңартылған материалдық-техникалық базаның мүмкіндіктерін көрсету бойынша үздіксіз жұмыс жасайтын боламыз», – дейді Қызылордадағы Зияткерлік мектеп директоры Жаңбыржан Бекболатов.</blockquote>Қала мен ауыл мектептерінің білім жүйесіндегі алшақтықты азайту және білім сапасын көтеру мақсатында облысымызда бірнеше тірек мектептер таңдалып алынды. Өткен жылы Арал ауданындағы №62 мектеп-лицейінде жүзеге асқан бағдарламаға биыл Қармақшы ауданындағы Т.Көмекбаев атындағы №250 мектеп-лицейі мен Жаңақорған ауданындағы №286 жалпы білім беретін мектеп қосылды. Олар «Қазақстан халқына» және «Білім беруді тұрақты дамыту» қорлары арқылы толықтай жаңғырудан өтуде. Аталмыш білім ордаларында барлық оқу кабинеттері мен зертханалар заманауи техникалармен жарақтандырылып, &nbsp;оқушылар үшін жаңа мүмкіндіктер алаңдары ашылуда.«Алдағы уақытта NIS ұстаздары мектебіміздің мұғалімдерімен тығыз бірлескен жұмыс жасап, қолайлы оқу ортасын құруға өз септігін тигізетін болады», – дейді ауыл мектебінің басшысы Гүлжахан Мұнарбаева.<figure class="image"><img src="https://knadmin.beoblood.kz/uploads/1792ca53_aaa0_4668_9632_4a266d68cb2f_3a79b0b0c2.jpg" alt="1792ca53-aaa0-4668-9632-4a266d68cb2f.jpg"></figure>&nbsp;<figure class="image"><img src="https://knadmin.beoblood.kz/uploads/617e72e0_64aa_443a_ac67_88c6ff30aff0_6b0375e4ff.jpg" alt="617e72e0-64aa-443a-ac67-88c6ff30aff0.jpg"></figure>

NIS ауыл мектептерінде қолайлы оқу ортасын құруда   

<a href="https://kyzylorda-news.kz/">Kyzylorda-news.kz.</a> Арал ауданында З.Шүкіров атындағы қалалық мәдениет үйінде Еңбек күніне орай «Арал ауданының Мансап орталығы» филиалының ұйымдастыруымен “Мүмкіндіктер алаңы” жобасы аясында бос жұмыс орындарының жәрмеңкесі өтті.Жәрмеңкені өткізудегі басты мақсат - жұмыссыз азаматтарға жұмыс беруші мекеме өкілдерімен сұхбаттасуға мүмкіндік беру, бос жұмыс орындарын таңдауға жағдай жасау, жариялықты қамтамасыз ету.Жұмыссыз азаматтарға 16 мекемеден 135 бос жұмыс орындары ұсынылды.Шараға 100-ге жуық тұрғындар қатысып, жұмыс берушілердегі бос жұмыс орындары бойынша әңгімелесу жұмыстары жүргізілді. Жәрмеңке барысында 13 азаматқа тұрақты жұмысқа, 2 азаматқа жастар тәжірибесімен орналасуға жолдамалар берілді.

Аралдағы еңбек жәрмеңкесінде 13 адам тұрақты жұмысқа орналасты

<a href="https://kyzylorda-news.kz/">Kyzylorda-news.kz.</a> Қазіргі таңда жастар арасындағы құқық бұзушылықтың алдын алу, әлеуметтік-мәдени нысандардың жылу маусымына дайындығы және күзгі тазалық жұмыстары күн тәртібінен түспейді.Соған сәйкес бүгін аудан әкімдігінің мәжіліс залында аудан әкімі Мұхтар Оразбаевтың төрағалығымен мәжіліс өтті.<blockquote>«Өздеріңіз білетіндей, жасөспірімдерді тәртіпке шақыру үшін арнайы топтар құрылып, түсіндірме жұмыстары сәуір айынан бүгінгі күнге дейін тұрақты түрде жалғасын тауып келеді. Басты мақсат – елдің бірлігі, жастардың құқық бұзушылықтан аулақ болуы. Ал ол үшін барлық шараларды жасап, өскіндерге жол көрсету – біздің міндетіміз. Сонымен қатар, биыл Қазалы ауданының құрылғанына – 95 жыл толып отыр. Осы ретте тазалыққа баса назар аударуымыз қажет. Себебі, айтулы мереке қарсаңында ауданымызға алыс-жақын жерлерде жүрген жерлестеріміз, қонақтар келеді. Елдің таза болып тұрғаны Сіз бен Біздің ортақ жұмысымызды, бірлігімізді көрсетпек. Сондықтан барлығыңызды бірлесе жұмыс жасауға шақырғым келеді, – деген аудан басшысы Әйтеке би кентінің әкімі Қайрақбай Орынбасаров пен Қазалы қаласының әкімі Рахметулла Ізтілеуге тазалық жұмыстарына қатысты тапсырмалар жүктеді.</blockquote>Мәжілісте Мұхтар Әуесұлы ұстаз бен ата-ананың арасындағы байланыстың маңызды екеніне де тоқталды. Мұнымен қоса, сол арқылы балалардың көкейінде жүрген сауалды біліп, бұрыс қылыққа қадам баспаудың алдын алуға болатындығын тілге тиек етті.Сонымен қатар, жиында мектеп пен балабақшалардың жылу маусымына дайындығы да пысықталды. Аз ғана уақыттан соң күн райының күрт өзгеретінін ескерсек, тиісті жұмыстарды қолға алу маңызды міндет.Басқосуды қорытындылай келе аудан әкімі Мұхтар Оразбаев барлық жағдайды күнделікті бақылауда ұстап отырғанын айтып, әрі қарай жалғасын таба беретінін ескертті.

Мұхтар Оразбаев: Бірлескен істе береке бар

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетінде ашық футбол алаңының ашылу салтанаты өтті.&nbsp;Жиында университеттің Басқарма төрағасы – Ректоры Бейбіткүл Кәрімова жаңа алаң стандартқа сай салынғанын, білім ордасында жастарға қашанда қолдау көрсетілетінін атап өтті.<blockquote>«Білімді, мақсаты айқын, салауатты өмір салтын ұстанатын жастар – біздің жарқын болашағымыз. Олардың спортпен кәсіби түрде айналысып, республикалық, халықаралық жарыстарға қатысуы үшін қашанда қолдау көрсетеміз. Сондай-ақ, университеттің материалдық-техникалық базасын нығайту жұмыстарын да жүйелі жүргізіп келеміз. Қазіргі уақытта университетте «Сейхун» спорттық-сауықтыру кешені, 7 спорт зал, 5 жазғы спорт алаңы, 1 спорт мұражайы бар. Біз еліміздің абыройын асқақтатып жүрген спортшы жастарымызды мақтан тұтамыз. Биыл «Дене шынықтыру және бастапқы әскери дайындық» кафедрасының құрылғанына 35 жыл толып отыр. Әлі де білім ордасы саңлақ спортшы, сайыпқыран шәкірттерді даярлайды деген сенімдеміз», – деді Бейбіткүл Сәрсемханқызы.</blockquote>Қазіргі уақытта оқу орнында спорттың әр түрінен 13 спорттық секция жұмыс істейді. &nbsp;Университетте Әлем чемпионатының – 9, Азия чемпионатының - 23, Қазақстан чемпионатының – 125 жеңімпазы мен жүлдегері бар. Салтанатты жиында «Қайсар» футбол клубының директоры, ҚР құрметті спорт қайраткері, ҚР еңбек сіңірген жаттықтырушысы Садық Мұстафа спорттық инфорақұрылымның жақсаруы студенттердің кәсіби шеберлігінің артуына ықпал ететінін жеткізді.<blockquote>«Футбол алаңының ашылуы денешынықтыру және спорт мамандығында білім алатын студенттер үшін үлкен сый болды. Оқу ғимаратының алдында орналасқан бұл алаңда алдағы жарыстарға дайындалатын боламыз» , – деді студент Нұрзат Аманбай.</blockquote>Шарада сала мамандары «Қорқыт Ата атындағы Алтын медалімен», «Үздік түлек» медалімен марапатталды.&nbsp; Айта кету керек, республикалық Студенттер лигасына университет студенттерінен құралған командалар спорттың 7 түрінен (баскетбол, волейбол, футзал, үстел теннисі, тоғызқұмалақ, қазақша күрес, шахмат) қатысып, жүлделі орындар иеленіп жүр. Ал, ҚР ХІІ жазғы Универсиадасында университет спортшылары, спорттың 16 түрінен 37 медаль иеленіп, республикада үздіктер қатарынан көрінді. Білім ордасында дене шынықтыру және спорт саласы бойынша «Дене шынықтыру және бастапқы әскери дайындық», «Дене тәрбиесі» кафедралары жұмыс істейді.

Қазақстан және Қызылорда облысының жаңалықтары