<a href="https://kyzylorda-news.kz/">Kyzylorda-news.kz.</a> &nbsp;Сырдария ауданында аудан басшысының тікелей тапсырмасына сәйкес, жылыту маусымына байланысты жүйелі жұмыстар жасалуда. Сала мамандары есепті кезеңде кешенді іс-шаралар жүргізіп, &nbsp;тозығы жеткен жылытуға арналған құрылығыларды тексеруде. Негізінен,&nbsp;2023-2024 жылу маусымында әлеуметтік нысандарға қажетті 2589 тонна қатты отын және 1790,7 сұйық отынға тасымалдаушылармен шарттар жасалынып, әлеуметтік нысандарға қатты отын тасымалдау тамыз-қыркүйек айларында жүргізілді.&nbsp;Сондай ақ, сұйық отын қойманың сыйымдылығына байланысты жеткізілген. Аудан көлеміндегі көмір тасымалдаумен айналысатын «Углесбыт» және «Нұрдаулет» кәсіпкерлермен жылу маусымында тұрғындарға қажетті 15 000 тонна көмірге меморандум жасалынып, тұрғындарға тиісті бағаға сатылған. Сонымен қатар ауданға қарасты облыс орталығына жақын орналасқан (Айдарлы, Жетікөл, Аманкелді, Бесарық, Қоғалыкөл) тұрғындарына «Казком» жеке кәсіпкермен 7&nbsp;500 тонна көмір тасымалдауға меморандум жасалынып, тұрғындарға үйлестірілді.Мәселен, 2024-2025 жылу маусымы бойынша аудан әкімінің 29 сәуірдегі №76 өкімімен 2024-2025 жылдардағы жылу беру маусымына дайындық жұмыстарын ұйымдастыру жөнінде аудандық штаб құрылып, тиісті іс-шаралар бекітіліп, жұмыстар атқарылуда. Сырдария ауданы бойынша 80 әлеуметтік нысан бар. Оның ішінде, білім беру саласында – 36 яғни, 17 – сұйық отын, 8 – қатты отын, 11 – газ бойынша жылыту маусымына дайындық жүргізіледі. Ал&nbsp;денсаулық сақтау – 17, яғни, 1-сұйық отын, 12-қатты отын, 4 – газ, мәдениет және спорт саласында – 27 нысан 15 – сұйық отын, 5 – қатты отын, 7 – газ болып табылады.2025 жылдың 1 қантарына дейін әлеуметтік нысандарға қажетті сұйық және қатты отын сатып алуға 244,4 млн теңге бөлінген. Оның ішінде, 796,8 тн сұйық отынға 224,3 млн теңге, 1323,5 тн қатты отынға 20,1 млн теңге бөлініп, тасымалдаушылармен шарттар жасалынды. Әлеуметтік нысандарда қазіргі таңда 129 тн қатты отын және 109 тн сұйық отын қоры бар. Әлеуметтік нысандарға қатты отын тасымалдау тамыз-қыркүйек айларында жүргізіледі. Сондай ақ сұйық отын қойманың сыйымдылығына байланысты жеткізіледі. &nbsp;Аудан көлеміндегі негізгі 1 көмір тасымалдаумен айналысатын «Нұрдаулет» кәсіпкерлермен жылу маусымында тұрғындарға қажетті 15 000 мың тн көмір жеткізуге және тиімді бағамен сатуға меморандум жасалды. Сонымен қатар облыс орталығына жақын орналасқан Айдарлы, Жетікөл, Аманкелді, Бесарық, Қоғалыкөл тұрғындары Қызылорда қаласынан тасымалдайды.Фото: Н.Нұржаубай

Сырдарияда ерте бастан жылыту маусымына дайындық пысықталды 

<a href="https://kyzylorda-news.kz/">Kyzylorda-news.kz.</a> &nbsp;Мемлекет басшысының бастамасымен өтіп жатқан «Таза Қазақстан» акциясының аптасы жалғасын табуда. Бұған дейінгі уақыт аралығында акция «Таза өлке», «Киелі мекен», «Жасыл аймақ», «Өнегелі ұрпақ» экологиялық апталарға бөлінген болатын. Әр апталық барысында аудан тұрғындары, қоғам белсенділері, мекеме қызметкерлері бекітіліп берілген аумақтарда тазалық жұмыстарын жүргізді. Тарихи-мәдени ескерткіштердің аумағын абаттандырып, көшет отырғызып, ағаштардың түптерін ақтады.Ал, «Мөлдір бұлақ» апталығы – өзен, көлдер маңына тазалық жұмыстарын жүргізіп, жағажайларды қоқыстан тазартуға бағытталған. Аталған апталық аясында өткен сенбіде аудан аумағында жаппай сенбілік ұйымдастырылды.Экологиялық іс-шара барысында Әйтеке би кентінің орталық көшелері мен шет аймақтары, өндірістік аймақтар, қазақ-орыс қорымдарының аумағы, «Водокачка» елді мекеніне апарар жол, сондай-ақ, аудан аумағындағы каналдар мен өзендердің, бұлақтардың, аяқсу арықтарының айналасы күл-қоқыстан тазартылды. Акцияға мекеме, кәсіпорын қызметкерлерімен қатар, ерікті жастар, сондай-ақ аудан тұрғындары да, белсене атсалысып, туған өлкенің тазалығын сақтауға өз үлестерін қосты.Әйтеке би кентінің тұрғыны Жалғас Нағи «Таза Қазақстан» акциясын дұрыс бастама деп есептейтінін жеткізді.<blockquote>– Бүкіл ел бойынша жүзеге асырылып жатқан эко-челлендж қозғалысына қатыспай қалуды жөн көрмедім. Сондықтан, аула тұрғындарымен бірге Әйтеке би кентінің тазалығы үшін сенбілікке шықтым. Көше бойындағы аяқсу арықтарын қоқыстан тазарттық. Бұл жұмыстардың барлығы өзіміз үшін, тазалығымыз үшін. Барлық жерлестерімді, әсіресе, жастарды осындай ауқымды экологиялық іс-шараларға үнемі қатысуға шақырамын. Алдағы уақытта акция жалпыхалықтық сипат алып, елдегі экологиялық жағдайдың жақсаруына жол ашады деп сенемін, – дейді ол.</blockquote>Аудан аумағындағы арық жүйелерін тазартып, өзен суларының арнасын ашуға бағытталған сенбілікке аудан бойынша жалпы – 136 мекеме, 2266 адам, 33 техника жұмылдырылды. Сондай-ақ, 29,7 тонна тұрмыстық қатты қалдықтар арнайы орынға шығарылды.Айта кетейік, ауданнан тысқары жатқан ауыл-аймақтар, әрбір округтер де, өз аумағындағы каналдар мен бұлақтардың арналары тазаланып, ретке келтірілді.*Еліміздің ертеңі мен болашағы балаларымыз үшін әжелер – таптырмас байлық, құнды ғибрат. Олардың аялы алақаны, мейірбан жүрегі, немереге деген ерекше махаббаты бала бойына күш-қуат, сенімділік береді. Жамандық атаулыдан қорғайтын, бейне бір ақылдың кеніші саналатын әжелердің қашан да, ұрпақ тәрбиесінде ойып алардай орны бар десек артық айтқандық емес. Жуырда ұрпақтар сабақтастық идеясын ілгерілетіп, үш ұрпақты насихаттау мақсатында Р.Бағланова атындағы аудандық мәдениет орталығында «Әже – көңілдің ажары, немере өмірдің базары» атты аудандық әже мен немере арасында өнер фестивалі өтті.Аналар күні қарсаңында өткен шарада аудандық мәдениет және тілдерді дамыту бөлімінің басшысы Болат Жолтаев сөз сөйлеп, фестивальдің маңыздылығына тоқталды.<blockquote>– Бүгінгі фестиваль күндегі өтіп жатқан шаралардан өзгеше десем артық айтқаным емес. Өйткені бұл – мәнді де маңызды, тәрбиелік орны бар игі шара. Әженің тәлім-тәрбиесін кейінгі ұрпаққа үлгі етуді күн тәртібінен түсірмеуіміз керек. Бүгінгі шара әдемі, әсерлі өтеді деп бек сенемін, барлық қатысушыларға сәттілік тілеймін, – деп қорытындылады сөзін Болат Әбенұлы .</blockquote>Үш кезеңнен тұратын шараға 4 ауылдық округтен асыл әжелер мен немерелер қатысып, байқау шарттарына сәйкес өнер көрсетті. Тәлім мен тағылымға толы фестивальда қатысушылар тек ән мен жырдан ғана емес, өздерінің қол өнерлерімен де бірінен-бірі асып түсті.Алғашқы кезеңде әжесі немересіне өсиет айтса, келесі кезеңде немерелер жаңылтпашты жаңылмай айтудан жарысты. Ақырғы кезеңде әже мен немере бірге дайындап келген өнерін ортаға салды. Фестиваль қорытындысы бойынша Ақтан батырлық Бекзат Жұбаназардың әжесі Ұлмекен Сансызбай «Ғибратты әже» бағамымен, абайлық Моншақ Досберген мен Аяжан Әнес «Өнерлі жанұя», Қ.Пірімов ауылынан Жансая Тастайбектің әжесі Гүлзат Көптенова «Өнегелі әже» бағамымен, ал Жалаңтөс ауылынан қатысқан Шұғыла Абашованың немересі Айзере Шайхслам «Қылықты немере» бағамымен марапатталып, бағалы сыйлықтарды иемденді.*Биылдан бастап, еліміз бойынша мамыр айының екінші жексенбісі – Аналар күні мерекесі болып белгіленіп, ресми мереке ретінде бекітілді. Осыған орай, Р.Бағланова атындағы Қазалы аудандық мәдениет орталығында Қазалы ауданы әкімінің орынбасары Дәурен Тілеуімбетовтің төрағалығымен «Ана – өмір шуағы» атты кездесу кеші өтті.Мерекелік басқосуға Әйтеке би кенті мен Қазалы қаласының және барлық ауылдық округтердің әйелдер кеңесінің төрайымдары қатысты. Жиында алдымен, Дәурен Оңғарбайұлы елімізде алғаш рет аталып өтіліп жатқан мерекенің маңызына тоқталды, сондай-ақ, әйелдер кеңесінің төрайымдары арқылы барша аяулы жандарды мерекемен құттықтап, ізгі лебізін жеткізді. Сонымен қатар, барша аналар қауымына Қазалы ауданы әкімі Мейрамбек Шермағанбеттің ыстық ықыласын жеткізіп, мерекелік құттықтауын табыстады.Отбасылық құндылықтарды насихаттау, отбасы және ата-ана иститутын нығайту мақсатында өтіп жатқан кездесу кешінде Бекарыстан би ауылдық әйелдер кеңесінің төрайымы, Қазалы ауданының Құрметті азаматы Құралай Бекжанова, аудандық әйелдер кеңесінің төрайымы Роза Асанова, аудандық аналар кеңесінің төрайымы, аудандық мәслихат депутаты Шакизада Асқарова және де басқа да, ауылдық округтердің әйелдер кеңесінің төрайымдары мерекеге орай лебіздерін жеткізді. Мерекелік кеште аудан өнерпаздары аяулы жандарға арнап, әсем әннен шашу шашып, ерекше көңіл-күй сыйлады.

Қазалыда қарқынды жұмыстар атқарылуда

<a href="https://kyzylorda-news.kz/">Kyzylorda-news.kz.</a> Сыр өңіріндегі Назарбаев Зияткерлік мектебінде STEM жәрмеңкесі өтті. Аталмыш шарада 7-8-сынып оқушылары экоүй, экоқала макеттерін құрастырып, таныстырды.Дарынды өрендер заманауи әрі тиімді технологиялармен жабдықталған, энергия үнемдейтін және өндіретін немесе баламалы энергия көздері арқылы жылынатын және жарықтандырылатын ғимараттардың прототиптерін дайындады.<blockquote>– Біздің тұрғын үй кешеніміз заманауи қоғамның сұранысына сай бейімделген. Басты мақсатымыз тұрғындардың таза суға қолжетімділігін қамтамасыз ету. Сонымен қатар көгалдандыру мен абаттандыруда да күн жарығынан қорғайтын арнайы автоматты шатыр қою арқылы жасыл желектердің өңірдің ерекше климатта өсуіне жағдай жасау. Жылжымалы төбе қалқасы күн батареясынан қуат алады. Бұл жүйе – экономикалық және экологиялық жағынан тиімді. Сонымен қатар, тұрғындардың өмір сүру сапасын жақсартуға ықпалын тигізеді, – дейді 8-сынып &nbsp;оқушысы Айзере Жақыпбек.</blockquote>Сайыс қатысушылары I, II, III орындармен марапатталып,&nbsp;«Үздік топтық жұмыс»,&nbsp;«Креативті идея»,&nbsp;«Үздік дизайн» номинацияларын иеленді.Мінекей, сырбойылық дарынды оқушылар тағы бір рет өздерінің талантты, ұшқыр ойлы екендіктерін көрсетті. Сондай-ақ, алдағы уақытта тағы да басқа креативті жобалармен айналысу жоспарда бар екендіктерін жеткізді.

Қызылордалық зияткерлер жаңа жобаларын таныстырды

<a href="https://kyzylorda-news.kz/">Kyzylorda-news.kz.</a>&nbsp; Қызылорда олыстық мәслихат депутаты, комиссия төрағасы Балжан Шәменованың төрағалығымен облыстық мәслихаттың экономика, әлеуметтік және құқықтық мәселелері жөніндегі тұрақты комиссияның кеңейтілген отырысы өтті.Комиссия отырысына облыстық мәслихат депутаттары, облыстық экономика және қаржы басқармасының басшысы Қ.Мүбараков және басқарманың тиісті мамандары қатысты.Күн тәртібінде «2024-2026 жылдарға арналған облыстық бюджет туралы» № 63 шешіміне өзгерістер енгізу туралы» мәселе қаралды.Аталған мәселе бойынша облыстық экономика және қаржы басқармасының басшысы Қ.Мүбараков хабарлама жасады.Басқарма басшысының хабарламасынан кейін, бірқатар депутаттар аталған мәселеге қатысты сауалдарын қойды. Атап айтсақ, депутат Балжан Шәменова қалалық ауруханаға лапараскопия, облыстық көпбейінді аурухананың канализациясына күрделі жөндеу жұмыстарын жүргізу, жөндеу жұмысы басталған облыстық жұқпалы аурулар ауруханасына қаржы бөлу мәселесіне тоқталды.<blockquote>– Қазіргі кезде медицина саласына көп көңіл бөліну қажет. Әсіресе, қалалық аурухана ғимараттары күрделі жөндеу жұмыстарын қажет етуде. Ғимараттардың ішіне жаңа үлгіге сай етіп жөндеу жұмыстарын жүргізу керек. Сондай-ақ, жұқпалы аурулар ауруханасына қаржы бөлу мәселесі де күн тәртібінде бар. Сол себепті осы сынды өзекті мәселелерді бірінші орынға қойып, тез арада қолға алу қажет, – деді комиссия төрағасы Б.Шәменова.</blockquote>Депутат М.Нәлібаев сол жағалаудағы музей, облыс бойынша 10 әлеуметтік нысанның қазандықтарын газға ауыстыру, балабақшадағы аз қамтылған отбасылардың балаларын тегін ыстық тамақпен қамтамасыз ету мәселесін айтса, І.Тілеп Қызылқұм ауылдық округінде Жаңқожа бабаның кесенесінің бейітінің басынан скважина қазу, Қазалы ауданында жаңадан ашылған жер учаскелеріне инженерлік инфрақұрылым салу үшін қаржы бөлу, Қазалы ауданында жұмыспен қамту әлеуметтік орталығын газға ауыстыру мәселесі, Сапақ елді мекенінде жаңа мектеп салу, Арал қаласында салынып жатқан «Жайлы мектептің» жанына жаяу жүргіншілер жолын абаттандыру, Қосжар ауылы көшесінің жолдарына асфальт жабындысын төсеу, «Мамандығым – болашағым» жобасын жүзеге асыру үшін қаржы бөлу туралы сөз қозғады.Ә.Шаймағамбетов полиция департаментін соңғы үлгідегі құралдармен жабдықтау, Қызылорда қаласындағы Қ.Яссауи көшесі, Ә.Бөкейхан көшесін Әйтеке би көшесіне дейін қайта жаңғырту жұмыстарын жүргізу керектігін баяндады.Мәслихат депутаты Б.Махашов құрылыстың барлық құжаттық-техникалық паспортын әзірлеуге қаржы бөлу, 8 су шаруашылық жобаларының техникалық-экономикалық негіздемелерін дайындау қажет екенін, Ж.Ысқақ Аққұм және Қауық ауылындағы электр желісінің мәселесі, Жаңақорған кентіндегі Саяжай-1 мөлтек ауданын су, газбен жабдықтау, тас жолдары, электрмен жабдықтау мәселесін мәлімдеді.Н.Әмитов Қазалы ауданы бойынша 6 дәрігерлік амбулаторияны газға ауыстыру, Сырдария ауданы бойынша ескі бұрынғы туберкелезге қарсы диспансер ғимаратына паллиативті орталық ашу, сирек кездесетін дәрілер бойынша 381 науқасты жыл соңына дейін дәрі-дәрмекпен жүйелі түрде қамтамасыз ету, қалалық орталық емхананың 2 ғимаратына 2 дизельдік генератор қою креектігі туралы айтты.А.Абибуллаева мектептерде сапалы білім беруді ұйымдастыру мақсатында мектептерді пәндік кабинеттермен қамту, жазғы тынығу маусымын ұйымдастыру бойынша мектеп жанындағы лагерьлерге керует алуға қаржы бөлу мәселесін алға тартты.С.Мұстафа Жалаңтөс Баһадүр атындағы колледжін білім беру стандартына сәйкестендіру үшін 7-11 сынып оқушыларын физика, биология, алғашқы әскерге дайындық кабинеттерімен жабдықтау, Қазалы ауданы олимпиадалық спорт мектебіне қосымша ғимаратты жалға алу үшін қаржы бөлу және т.б ұсыныстарын жеткізді. Сондай-ақ, бюджетті жоспарлаудағы өзекті мәселелер мен оның орындалу маңыздылығына тоқталды.Өз кезегінде басқарма басшысы Қ.Мүбараков комиссия мүшелерінің көтерген сауалдарына тұрақты комиссиялардың бірлескен отырысында толыққанды жауаптар берілетіндігін жеткізді.Отырыс соңында күн тәртібіндегі мәселелер бойынша депутаттардың ұсыныстары ескеріліп, шешім жобасы тұрақты комиссиялардың бірлескен отырысының қарауына ұсынылды.Аружан Мырзалықызы

Облыстық мәслихатта тұрақты комиссия отырысы өтті

<a href="https://kyzylorda-news.kz/">Kyzylorda-news.kz.</a> Адамдықтың асыл қасиеті – адалдық. Адалдықтың тамыры терең бойлап, жапырағы жайқалған мемлекетте бірліктің берекесі кіріп, елдің өркендеуі қарыштайды. Осы ретте, Президент түркінің темірқазығына айналған Түркістанда өткен «Әділетті Қазақстан – Адал азамат» атты ұлттық құрылтайда адалдық жайында өз көзқарасымен бөлісті.<blockquote>«Отанға, отбасына адалдық – парасаттылық пен адамгершіліктің белгісі.&nbsp;Адал еңбек етіп, адал табыс тапқан адам жетістікке жетеді, құрметке ие болады. Ұлы Абай «Адал еңбекпен мал іздемек – арлы адамның ісі» деген. Ал арлы адам әділетсіздік жасамайды. Әр салада адалдық басты орында тұрса, әділ қоғам орнайды. Жемқорлыққа жол берілмейді, ел мүддесіне сай шешім қабылданады. Бір сөзбен айтсақ, қоғамдағы ізгіліктің бәрі адалдықтан бастау алады. Ендеше, Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс. Әділетті Қазақстанды құру үшін әрбір отандасымыз адал азамат болуға ұмтылуы қажет. Сонымен бірге жас ұрпақты адал азамат етіп тәрбиелеуіміз керек. Ұлттық бірегейлігімізді нығай­тып, еліміздің жаңа құндылықтарын орнықтыру үшін жүйелі жұмыс жасауға тиіс», – деді Қасым-Жомарт Тоқаев.</blockquote>Жалпы, әр қоғамның адалдық пен парасаттылық жайында өзіндік түсінігі бар.&nbsp;Бұл қалыпты жайт. Мәселен, бұрынырақ Абай атамыз адалдықты «толық адам» десе, кейініректе «кемел адам» тіркесін көбірек пайдаланамыз. Анығында, «кемел адамның» өзі араб тілінен аударғанда толық адам деген ұғымды білдіреді. Діни көзқараста кемел адам – кісілікке жат қылықтардан тазарған, жан-дүниесі ағарып, рухани қасиеті артқан асыл адам. Адал жолды таңдаған адам әрдайым адасқандарға жол нұсқаушы, әділдікке бастаушы. «кемел адам» ұғымының арғы төркіні сонау Жүсіп Баласағұнның «Құтты білік» дастанынан тамыр тартады. Аталмыш поэзияға көз жүгіртсек, «Адал адам» ұғымы екі таным тұрғысынан жырланады. Жырдағы Күнтуды (Әділет), Айтолды (Дәулет), Огдүлміш (Ақыл) үшеуі осы өмірге қызмет етуге ұмтылған «Кемел адам» бейнесінде бейнелене­ді. Демек, мемлекет басшысы көтеріп отырған «Адал адам» концепциясы ата-баба өсиетінің қайта жаңғыруы, рухани өрлеу.&nbsp;Иә, бүгінгі қоғамға ауадай қажеттің бірі – адалдық.&nbsp;Әсіресе жастарды шын­шылдыққа тәрбиелеп, туған жердің топырағына мейлінше қалтқысыз қызмет етуге баулу басты назарда. Бұл жайын­да облыс әкімі Нұрлыбек Мәшбекұлы да тоқталып, білім беру ұйымдарының жай-күйі туралы кеңей­тілген мәжіліс­те биылдан бастап өңірдің барлық мекеніндегі клубтар мен мәдениет үйлерінен жас ұрпақты отаншылдық және патриоттыққа тәрбиелейтін үй­ірмелері бар «Адал адам» рухани-мәдени орталығының ашылатынын айтқан еді.<blockquote>– Бала тәрбиесіне тек ата-ана, мұғалім ғана емес, қоғам болып атсалысуымыз керек.&nbsp;Оқушылар мен жастарымызға зиялы қауымның, ақсақал-абызда­рымыздың сөзі өтімді болуы тиіс. Бұрынғыдан бізге жеткен «Жастай берген тәрбие – жас шыбықты игендей», деген сөз бар. Сондықтан жастарды адалдыққа баулуы өте маңызды, – деді аймақ басшысы.</blockquote>Осы орайда, ауданда атқарылып жатқан шаралар да аз емес. Атап айтар болсақ, Манап Көкенов атындағы аудандық мәдениет үйі «Адал адам» мәдени-тәрбие орталығын жүзеге асырып, жеті бағыт бойынша түрлі шаралар ұйымдастыруда.<blockquote>– Адалдыққа сенім артқан қоғам құру – әрбіріміздің міндетіміз.&nbsp;Әділетті Қазақстанды құру үшін оның кез-келген тұрғыны әділетті де адал болуы керек. Біз де осы тұрғыда жұмыстар атқарып, жастардың әділдік жолынан таймауына өз үлесімізді мейілінше қосу жолындамыз. Қазір аудандағы барлық мәдениет ошақтарында «Адал адам» мәдени-тәрбие орталығының маңдайшалары ілінген. Бүгінде жоба аясында жеті түрлі тұжырымдама жасалып, сол бойын­ша ауданға қарасты барлық мәдениет және клуб үйлерінде, кітапханаларда «Кино TIME», «Әлем BOOK», «ART уақыты», «Еріктілер тобы», «Сұхбат TIME», «Креативті НUВ», «Жанұя шуағы» ат­ты шаралар ұйымдастырылуда, – деді М.Көкенов атындағы мәдениет үйінің директоры Ролан Бақтыбаев.</blockquote>&nbsp;Хош. Біз «Адал адам» мәдени орталығы аясында жасалған жеті тұжырымдамаға жеке-жеке тоқталып өтсек.&nbsp;Мәселен, «Кино TIME» жобасы аясында апта сайын «Ордакент» жастар және ардагерлер үйінде оқушыларға тәрбиелік мәні зор, отансүйгіштік­ке баулитын кино көрсетіледі. «Әлем BOOK» жобасында кітапханаларда балаларды әлеуметтік желінің әлегінен арашалап, кітапқа деген құмарлығын арттыру мақсатында шаралар жүзеге асса, «ART уақыты» аясында ән айту, би билеу, сурет салу, қолөнер сын­ды үйірмелер ашылып, балалармен жұмыс жасалуда. «Еріктілер тобы» болса қоршаған ортаның тазалығына үлес қосып, сенбіліктерге атсалысып, жалғызбасты қарияларға көмек қолын созуда. Мұндағы мақсат, үлкенге құрмет көрсетіп, адам бойына мейірімділік пен кішіпейілдікті, адалдықты ұялату. Сонымен қоса «Сұхбат TIME» арқы­лы жастарды елге белгілі спикерлер­мен кездестіріп, өзара сұхбаттасты­ру арқылы олардың қоғамға деген көзқарасын қалыптастыру. Үлгі-өнеге алатын тұлғаларды кездестіру арқы­лы жақсылыққа жұмылдыру. «Жанұя шуағы» жобасы аясында отбасылық зияткерлік, интеллектуалдық ойындар, өнерлі, үлгілі отбасылармен кездесу кештері өтеді. «Креативті НUВ» арқылы қолөнер шеберлерінің көрмесі мен тарихи өлкелерді таныстыру жұмыстары жүзеге асуда.&nbsp;Ролан Еркінұлының айтуынша, аталмыш шаралар ақпан айынан бастап жүзеге асуда.&nbsp;«Креативті НUВ» айы­на бір рет өтсе, қалған жобалар апта сай­ын ұйымдастырылады. Тұжырымдама­ның негізгі мақсаты – тұрғындардың мәдениет нысандарына қолжетімділігін арт­тыра отырып, балалар мен жасөспі­рім­дерді мәдени тәрбиемен баулу. Өскелең ұрпақтың бос уақытын ұтым­ды пайдаланып, шығармашылықпен айналысуына жағдай жасау.«Айта кетейік, Мемлекет басшысы «Адал адам» концепциясының білім ошақтарына да тікелей қатысы барын нұсқап, «Балалар арасында жалпы адамзаттық және ұлттық құндылықтарды дәріптеген абзал.&nbsp;Оқушылар мектеп бітіргенде, ең алдымен, Адал азамат болып шығуы керек», – деді ол. Әді­леттілік пен адамгершілікті баланың бойына мектеп жасынан сіңіртіп, олар­дың болашақта адал еңбекпен елге қызмет етуін бала жастан қамтамасыз ету. Өмірдің ащысы мен тұщысын әлі сезіне қоймаған, ақ қағаздай таза беттен басталатын жас ұрпақтың санасына адалдықты мызғымас алмастай етіп құю маңызды.<blockquote>– Жалпы, қазақ халқы қашанда адалдықты ту еткен.&nbsp;Баланы да адал­дық пен адамдыққа тәрбиелеуге күш салған. Қоғамның дамуына сай әр оқушының өнегелі тәрбиесі мен білім алуы, оның алған білімін тура жолда жұмсауы өте маңызды. Осы тұста, біздің мектеп те оқушыларға «Адал адам» концепциясы бойынша «Кино Time» тұжырымдамасымен Қалила Омаров­тың деректі фильмдерін көрсетудеміз.Сонымен қоса, «Жанұя шуағы» аясында «Аналар мектебі» мен «Әкелер кеңе­сі» құрылып ата-аналармен тығыз жұмыс жасаудамыз. Мұндағы мақсат - балаларды өмір жолында қателеспей тура жүріп, адал еңбек етуге тәрбие­леу. Жоба төңірегінде түрлі шаралар мен қойылымдар қойып, әр адамның бойында, ең бастысы мейірімділік пен парасаттылықтың, адалдықтың табылуы маңызды екенін әр балаға тереңнен түсіндіруге жұмыс жасаудамыз. Әсіресе, ата-анаға, ұстазға, айналасына құрмет көрсетуді, әр істі бастағанда тек адал жолмен жүруді бала күннен үйретсек өскенде ол баладан нағыз еліне адал азамат шығарына сеніміміз мол, – дейді №286 орта мектептің тәрбие ісі жөніндегі орынбасары Гүлнар Пернебекова.</blockquote>Адам бағасының өлшемін өлшейтін қасиет – адалдық.&nbsp;Ол қашанда санамызда сайрап, тұла бойымызға берік бекісе, біз бағындырмайтын белес болмайтыны анық. &nbsp;Демек, адал адам – әділетті қоғамның тірегі.Айсұлу АлданазарФото: freepik com

Адал адам – әділетті қоғамның тірегі

<a href="https://kyzylorda-news.kz/">Kyzylorda-news.kz</a> «ORDA» жоғары колледжінде Халықаралық СПИД ауруынан дүние салғандарды еске алу күнiне орай «Бірге еске аламыз, бірге махаббат пен ынтымақтастық арқылы емделеміз!» тақырыбында жастар акциясы өтті.1986 жылы бүкіл дүниежүзілік денсаулық сақтау ұйымы СПИД ауруына төмендегідей түсініктеме берген. Бұл ауру адамдардың НIV вирусымен жұғуынан организмде туатын иммунитет функциясы кемдік ауруы, әсіресе, клетканың иммунитет қызметі бүліну, Т4 лимфа клеткасы азаюды негізгі белгісі еткен жалғасты инфекциялану болып табылады, яғни, паразит құрт, зең бактериясы, вирус, бактерия сияқты ауру қоздырғыштар иммунитет кемдігін пайдаланып, капос еті өспесі сияқты клиникалық белгілерді тудыратын жұқпалы ауру. Жыл сайын дүние жүзінде 650 мыңға жуық адам ЖҚТБ-дан қайтыс болады.Дүниежүзілік денсаулық сақтау ұйымының мәлімдеуінше осы күнге дейін 40 миллионннан астам адам&nbsp;ЖИТС&nbsp;(СПИД)&nbsp;ауруын&nbsp;жұқтырғаны тіркелген. Көбінесе бұл&nbsp;ауруға&nbsp;20 және 49 жас аралығындағы ересек адамдар шалдығады екен. Аталмыш дертті емдейтін дәрі әлі табылмады.&nbsp;Кейінгі жаңалықтарда СПИД-ке ем табылатыны жайлы оқиғалар, керемет жағдайлар мен жаңа зерттеулер туралы айтылып жүр. Бұл ретте Тимоти Браунның оқиғасы көп науқасты жігерлендіреді. Браун он жылдан бері АИТВ-мен өмір сүруде. Оған ақ қан диагнозы қойылған кезде дәрігерлер оның жілік майын ауыстырып, СПИД-ке қарсы белсенді мутацияға ие донордың жілік майын салды.&nbsp;Қазіргі кезде Браун АИТВ-тен айықты. Әлі күнге дейін денеде болуы мүмкін аурудың қалдықтары енді оның жасушаларына вирус жұқтыра алмайды. Бірақ, өкінішке қарай, жілік майын алу процесі өте қауіпті. Яғни 40% өлім қаупі бар. Сондықтан тәуекелге бел буатындар жоқтың қасы.Көпшілік бойында ЖИТС вирусы табылғандардан үрейленеді. Сырт киімдерді алмастырып кигенде, тіпті бір төсекте жатып ұйықтаған кезде де ЖИТС вирусының жұғу қаупі жоқ болғандықтан, бұл да негізсіз. Тіпті қан сорғыш және басқа жәндіктер &nbsp;арқылы жұғу жолы да анықталмаған. Мысық, кой, жылқы, маймылда қоздырғышы АИВ-ке ұқсас иммундық тапшылық болатынына карамастан, үй және жабайы жануарлардан ЖИТС жұғу жағдайы кездеспеген. Әртүрлі инфекциялардан сақтанудың ең тиімді тәсілі – вакцина егу. Алайда вакцина дайындау бағытында тыңғылықты зерттеулер жүргізіліп жатса да, ондай профилактикалық препарат алу әзірше сәтсіз аяқталуда. Сондықтан инфекция жұқтырушылар саламатты өмір салтын берік ұстап, дәрілік препараттарды қолданумен шектеледі.Акция Қызылорда облыстық АИТВ инфекциясының алдын алу орталығы және “ORDA” жоғары колледжінің бірлесуімен ұйымдастырылды.Шара барысында колледж директоры Досжанова Гүлжамила Сермағанбетқызы сөз сөйлеп, акция мақсатымен таныстырды. Жастар денсаулық орталығының ұйымдастыру-әдістемелік бөлімінің дәрігері Каусова Сәуле Исмагуловна СПИД ауруы, АИТВ инфекциясының алдын алу жолдары туралы ақпараттарымен бөлісті.&nbsp;Қандай аурудан болсын қорғану үшін адамға ең алдымен білім керек. «Білімді мыңды жығады» дегендей, әрбір жас немесе әрбір азамат АИТВ инфекциясынан қорғану үшін оның жұғу жолын, сақтану шарасын біліп, саламатты өмір салтын ұстанса, ол АИТВ&nbsp; инфекциясына қарсы тұра алады. Өңірімізде ВИЧ/СПИД-тің алдын алу шаралары 4 бағытта жүргізіледі. Бірінші бағыт — жыныстық қатынас арқылы таралудың алдын алу. СПИД орталығында достық кабинеті жұмыс істейді. Бұл кабинетте өз еркімен келген жастар және халықтың ВИЧ жұқтыруға бейім осал тобы жыныстық жолмен берілетін жұқпаларға тексеріледі. Инфекцияның алдын алу үшін егетін вакцина болмағандықтан халық арасында санитарлық ағарту жұмысы кеңінен насихатталады. Екінші бағыт — қан арқылы таралудың алдын алу. Үшінші бағыт – анадан балаға берілудің алдын алу. Екіқабат әйелдерді екі реттен ВИЧ-ке тексеруден өткізу, ВИЧ жұқтырған екіқабат әйелдерді дер кезінде диспансерлік есепке алып профилактикалық ем жүргізу, баланы іштен жарып алу, туған балаға профилактикалық ем жүргізу сияқты шаралар жүргізіледі. Төртінші бағыт – ВИЧ жұқтырғандарға білікті медициналық көмек,&nbsp; әлеуметтік қолдау көрсету. Ең бастысы, ВИЧ жұқтырғандарды алалауға, оларға «таңба&nbsp; басуға» болмайды.Акция соңында белсенді жастар өнерлерін көрсетті.Қызылорда облыстық АИТВ инфекциясының алдын алу орталығының бас дәрігерінің орынбасары Утегенова Шолпан Жеңісбекқызы акцияның ұйымдастырылуы мен жүргізілуіне атсалысқан «ORDA» жоғары колледж директоры Досжанова Гүлжамила Сермағанбетқызы, директордың оқу-тәрбие жұмысы жөніндегі орынбасары Абдибаттаева Гүлнар Мәуленқызы және Жастар ісі жөніндегі комитет жетекшісі Рзахметова Перизат Нұрланқызын алғысхатпен марапаттады. Белсенді студенттерге арнайы сыйлықтар табысталынды.&nbsp;Қорлан САРЫ Фото:aqmeshit-zhastary.kz

Білім алушылар жастар акциясына қатысты

<a href="https://kyzylorda-news.kz/">Kyzylorda-news.kz.</a>&nbsp; Ел дамуына үлес қосып, өзінің өнегелі ісімен көптің алғысын арқалаған меценат Қалима Жантөреқызына жұрт «Қоғам жанашыры» деген бағасын әлдеқашан беріп қойған.&nbsp;Бұл тіркестің астарында үлкен мән жатыр. Маңдай термен тапқан табысыңды өзгеге жұмсап, демеушілік жасау үлкен жүректі қажет ететіні тағы бар. Біз сәті түсіп, жүрегі елім деп соққан осындай азаматтардың бірі – туған жеріміздің түлегі, Түркістан облыстық мәслихатының депутаты, кәсіпкер апамызбен арнайы сұхбаттасқан едік. Төменде сол сұхбатты назарларыңызға ұсынып отырмыз.– Бір сөзіңізде «әжемнің ерке қызымын» дедіңіз. Сол ерке қыз бүгінгідей қоғамда ойып орын алған қазақ қызына қалай айналды?– Барлығы тәрбиеден.&nbsp;Әжем Рәзия Төлбасқызы бидің қызы. Бір әулеттің ұйытқысы болды. Әжемнің айтқанына ешкім қарсы келмейтін. Бір сөзді, дана кісі еді. Мен осы кісіге қарап бой түзедім. Әрқашан бірінші болғым келді. Бала күніміз, тапшылық кездер ғой. Әжем сәріге тұрғанда өзі жейтін жалғыз алмасын маған беретін. Бетімнен қақпай өсірді. Маған біреу сабақ оқы, немесе жұмыс жаса деген емес. Өз білгеніммен жүрдім, бірақ одан қателеспедім. Осы күнге жетуіме әжемнің батасы да әсер еткендей. Бала күнімде өте бұзық едім. Үй тірлігін мүлдем жасамайтынмын. Сондайда жеңгелеріміз тірлік қыл десе, әжем «тимеңдер менің бастық қызыма» деп ешкімді бетіме келтірмейтін. Міне, «жақсы сөз - жарым ырыс» деген осы.– Кәсіппен айналысып, басшылықты да қатар алып жүрудің қиындығы да аз емес болар?– Әрине.&nbsp;Әйтсе де әйелдің ең бірінші қолдаушысы – өмірлік жары. Жолдасы әр ісін қолдаған әйел отбасына да, қоғамдық жұмысқа да үлгереді. Ер адам сіздің әр ісіңізге бірден келіспеуі мүмкін. Бірақ байыбына барып түсіндірсеңіз, ол да түсінеді, қолдайды. Өзімнің жолдасым ішкі істер саласында еңбек етіп, зейнет­ке шыққан. Қазір ол кісі де қоғамдық жұмыстарға белсене атсалысады.– Өзіңізді қоғаммен біртұтас сезінуіңізге не ықпал етті?– Әйелдің жанын әйел түсінеді.&nbsp;Қоғамда көптеген қыз-келіншектердің зорлық-зомбылықтың құрбаны болға­нын көріп шыдай алмадым. «Зорлық зомбылықсыз қоғам» деген кең кө­лемдегі республикалық форум өткіздік. «Қошқар атадағы қыз» деген эссе жазған едім, соның желісімен қысқа метражды фильм түсірдім. Көргендердің барлығы үлкен әсер алды. Өмірде болған оқиғадан алынған шығарма болатын. Қысқаша баяндасам, біреудің жалғыз ұлына тұрмысқа шыққан келіншек кемпір-шалмен тұрғысы келмей, дүниеге әкелген қызын жетектеп кетіп қалады. Аяғында өзімен ертіп кеткен қызы қараусыз қалып бұзақылардың қолына түсіп, қорлық көрген. Біз сол баланы сондай қиындықтан алып шықтық. Бұл өмірде оның да орны барын түсіндіріп, қоғамға ілестірдік. Осыдан кейін ме­нің өмірім қоғамда екеннін түсіндім. Кәсіп ешкімге кедергі келтірмейді. Ол қосымша жұмыс. Бастысы, кісі қоғамға қандайда бір көмегін тигізсе сол олжа.– Жаңа бір сөзіңізде отбасымызбен патриотпыз дедіңіз. Осыған тоқтала кетсеңіз.– Расында, отбасымызбен елге қыз­мет еткенді азаматтық борыш санай­мыз. Отаншыл азаматтардың отбасымыз. Тіпті, немерелеріме дейін елім, жерім деп тұрады. Ұлым Санкт-Петербургтағы Г.В.Плеханов атындағы университетті үздік бітіріп, кандидаттығын қорғап шыққан. Америка, Финляндия, Араб әмірлігі сияқты ірі мемлекеттерде жұмысқа орналасуына мүмкіндік бол­ғанымен жүрек қалауымен туған елге оралды. Қазір университетте оқытушы болып, болашақ мамандарды дайындап жатыр. – Зейнет жасына жетсеңіз де жан рахатын жиып қойып, халықтың қызметінде жүрсіз. Сізді жігерлендіретін нендей күш?– Қоғам біз секілді азаматтарға мұқтаж. Кез-келген елге қағам жанашырлары керек. «Сен тимесең – мен тимен» деп әрқайсымыз өз жайымызды күйттеп кетсек, ел қалай дамиды. Адамдық қайда қалады? Мені қоғам керек етіп отырғанына қуанамын. Дүниеге адам болып келген соң, айналаңа қандайда бір пайдаңды тигізу біздің азаматтық парызымыз деп білемін. Біздің өзге жаратылыстардан ерекшелігіміз де осыда.– Соңыңыздан ерген жастарға қандай өсиет айтасыз?– Адал болуға шақырамын.&nbsp;Адал­дық – адамдыққа шақырады. Мен Әл-Фарабидің «Қайырымды қала адам­­дарының көзқарастары» деген трак­таттарын оқыдым. Сонда «Тәрбиесіз берілген білім – зиян» деген даналығы бар. «Толық адамның» өзі осы кісі­нің еңбектерінен туындаған. Жастарға айтарым, адамға адамгершілік, мейірім керек. Адам неғұрлым мейірімді бол­са, солғұрлым отбасы құндылықтары жақсарады. Әл-фараби қоғамды шағын қоғам, орта қоғам, ұлы қоғам деп үшке бөлген. Ұлы қоғам деген толық қазақ елі. Қазақ елі мықты болу үшін адалдық керек.– Сіздің тігін шеберханаңыз барын білеміз.&nbsp;Жалпы, ісмерлікке қалай келдіңіз?– Бала күнімде апам тойға барып жақсы барқыт мата алып келгені бар. Соны рұқсатсыз алып, ескі шыт көйлегімді кесіп, сол матаны піштім. Тігін тігуге деген қызығушылығым осы кезден басталды. Содан матаны құртқаным үшін таяқты да жедім. Уақыт өте басқа жұмыс жасап, тігін тігуді кейінге қалдырдым. Содан 2000-жылдары қазақ әйелдері Мәскеуге барғанымызда үстімізде ұлттық киім болмады. Мен содан намыстандым. Неге осыны өзім бастамасқа деген ой келді. Негізі өзімнің ісмер болатыным түсіме аян болып кірген еді. Ол кезде тоқырау жылдары 470 адамды жұмыспен қамтып отырған үлкен базаның директоры едім. Жұмыс та, тауар да жоқ уақыт. Айлық жоқ, барлығы айырбас. Тігіншілік қаным­да бар. Анам да, әжем де тігінші еді. Бастапқыда қырғын шығынға ұшырадым. Сонда да тоқтамай жұмыс жасай бердім. Шүкір, бүгін сол бейнетімнің зейнетін көріп отырмын.– Бүгін өзіңіз түлеп ұшқан №163 мектептің еңбек кабинетіне жасаған сый-сияпатыңыздың куәсі болып отырмыз.&nbsp;Бұл – балалар үшін үлкен базарлық. Неге нақ осы кабинетті жабдықтайын деп шештіңіз?– Қыз бала ісмерлікті үйренуі керек деп ойлаймын.&nbsp;Бұл үлкен өнер. Біздің балалар да соңғы үлгідегі тігін машинасын меңгеріп, бәсекеге қабілетті болсын деген ниет. Жалпы, ісмерлік – ескірмейтін, қалыс қалмайтын мамандық. Қыздар өздеріне сәнді көйлек тігіп кисе қандай жақсы. Мәселен, мен үстімдегі киімді өзім тігіп алғанмын. Жұмыс сапармен бірнеше шет елде болдым. Сонда байқағаным, көп мемлекет тігін тігуді арнайы пән қылып енгізген. Демек, бұл сұранысқа ие, болашақта қажет болатын мамандық.Бауыржан Момышұлы бабамыз айтқандай, «Жұрттың көбіне ақыл берілгенмен, жүрек бәріне бірдей берілмегенін» ескерсек, көпшілікке көмек қолын созу тек үлкен жүректі жанның қолынан келетін дүние екенін түсіну қиын емес.&nbsp;Ондай үлкен жүрек иесінің маңына көпшілік үйір келеді. Өйткені оның жан тазалығы айналасына шуағын шашып тұрады. Біз де жаны жайсаң жанмен әңгіме барысында осыны аңғардық.&nbsp;Айсұлу Алданазар

Қалима Жантөреқызы: Қоғам жанашыры болу да бір бақыт

Мұқтаждық па, масылдық па?

<a href="https://kyzylorda-news.kz/">Kyzylorda-news.kz</a> Қазіргі қадам басқан мыңжылдықты «ақпараттық ғасыр» немесе компьютерлік технологиялар ғасыры деп айтады. Шынында да, олардың басым бөлігі адам қызметінің барлық салаларында айқын көрінеді. &nbsp;Бұл үдерістен кітапхана жүйесі де сырт қалған жоқ. Бұл туралы Қорқыт ата атындағы Қызылорда университетінің ғылыми кітапхана директоры Гүлмира Сәтбаева мәлімдеді.Заманауи компьютерлік технологиялардың қарқынды дамуы нәтижесінде қауіпсіз өндіріс, қолжетімді ақпарат алмасу жеделдетіліп,&nbsp; коммуникациялық технологияда көрініс тапты. Ақпараттық технологиялардың дамуына байланысты өндірілетін ақпараттың көлемі күннен-күнге артып, кітапханалардың білім базасы құрылуда.Университеттің ғылыми кітапханасы – бүгінгі күні білім алушылардың қоғамдық дүниетанымын қалыптастыратын, өмірлік бағытын айқындайтын ғылыми ізденіс пен таным орталығы. Қазіргі уақытта кітапхананы – «әлеуметтік институт», кітапханалық қызмет көрсетуді – «жеке&nbsp; тұлғаны әлеуметтендіру бойынша жүргізілетін іс-шаралар» деп қарау түсінігі кең тарауда.&nbsp;&nbsp;&nbsp;&nbsp;&nbsp;Ғылыми кітапхананың стратегиялық мақсаты – ақпараттық ресурстардың пайдаланушыларға барынша қолжетімді болуы. Бұл мақсатқа жетудің маңызды құралы – заманауи электрондық кітапхана, сандық технологияларды қолдану, ғылыми қорды сақтау, басқару, мүмкіндіктерді кеңейту.2020 жылдың 1 қыркүйегінен бастап&nbsp; университет кітапханасының ғылыми-техникалық кітапхана атауы өзгеріп, ғылыми кітапхана мәртебесіне ие болды.&nbsp;Университеттің тыныс-тіршілігімен тығыз байланыста болатын ғылыми кітапхана қызметкерлері – оқуға, оқытуға және білімге қол жетімділікті толық қамтамасыз етуге аянбай қызмет етуде. &nbsp;&nbsp;Ғылыми кітапхана қоры оқу жоспары мен білім беру&nbsp; бағдарламалары бойынша пәндерге сәйкес болуын&nbsp; кітапхана қызметкерлері үнемі қадағалап, кафедра оқытушыларымен бірлесіп қорды толықтыру жұмысы жүзеге асырылады.Кітапхана қорына көптеген мекемелерден көркем әдебиет пен оқулықтар сыйға келеді. Бүгінгі күні гуманитарлық бағыттағы білім беру бағдарламаларында оқу құралдары толығымен пайдаланылуда.Кітапхана қоры университеттің оқытушы-ғалымдарының&nbsp; мамандықтар бойынша әзірленген электронды оқулықтарымен де толығуда. &nbsp;Ғылыми кітапханада оқырмандарға 3 оқу залы, 3 абонемент, 3 электронды зал, сирек кездесетін кітаптар және жатақханадағы кітап беру орны қызмет көрсетеді.Университет басшылығының қолдауымен білім алушыларға қызмет көрсету сапасын арттыру мақсатында, университет тарихында алғаш рет 2021 жылы ғылыми кітапхананың Студенттер сарайындағы қызмет көрсету бөлімі модернизациялаудан өтті. Күрделі жөндеу жұмыстары жүргізіліп, жаңа үлгідегі кітапханалық кеңістік OPEN SPACE форматында іске қосылды.«Open spaсе» – профессор-оқытушылар мен білім алушыларды отандық және шетелдік кітап-оқулықтармен қамтамасыз ететін, жаңа технологиямен жабдықталған, түрлі форматтағы кездесулер өткізуге қолайлы кітапхана.Кітапхананың ашылу салтанатында Қорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова рухани орталық студенттердің сапалы білім алуына, тұлғалық дамуына серпін беретінін атап өтті.<blockquote>– Қай кезде, қай заманда болмасын кітап құндылығын жоғалтпайды. Бұл туралы Мемлекет басшысы Қасым-Жомарт Тоқаев «Бүгінгі заманда кітапсыз, сондай-ақ кітапханасыз адамның ойдағыдай дамуы мүмкін емес. Бүкіл әлемдегі кітапханалар – білім мен мәдениеттің ошағы, жаңа ойлар мен тың пікірлердің мекені. Электронды форматтың қарқынды дамып жатқанына қарамастан дәстүрлі кітапхананың ағартушылық рөлі ешқашан мәнін жоғалтпайды» деген болатын.Уақыт өткен сайын кітапхананың оқырманға ұсынатын мүмкіндігі артып келеді. Қазір университеттің ғылыми кітапханасында 2 миллионнан астам кітап қоры бар. Жыл сайын оқу процесіне қажетті кітаптар жаңадан алынып, оқулықтардың саны артуда, – деді Бейбіткүл Сәрсемханқызы.</blockquote>Шарада мемлекет және қоғам қайраткері Мұрат Әбенов Қорқыт ата атындағы Қызылорда университетінің ғылыми потенциалы жоғары екенін атап өтті. Сондай-ақ, кітапхананың ашылуы жастардың интеллектуалдық деңгейінің артуына, жаңа идеялардың туындауына, білім алушылардың осында жиі бас қосуына ықпал ететінін айтты.«Цифрлық Қазақстан» мемлекеттік бағдарламасы – білім экономикасына көшуді қамтамасыз ету үшін креативті қоғам құруға бағытталған «Адами капиталды дамыту» бағыты бойынша қазақстандық жоғары оқу орындарының алдына міндеттер қойып отыр. Олар жаңа білімдер мен инновациялар орталықтарына айналуы, экономиканың басым секторларын білікті кадрлық ресурстармен қамтамасыз етуі, рухани-интеллигенттік элитаны тәрбиелеуі тиіс.Университеттің ғылыми кітапханасы жаңа технологияларды белсенді түрде игеріп, кітапхана ісін автоматтандыру жұмысын одан әрі жетілдіруде.&nbsp; Елімізде болған пандемия кезінде кітапханалық «КАБИС» бағдарламасының қашықтықтан білім алушылар үшін толық жұмыс жасау мүмкіндігі болмағандықтан, 2020 жылдың желтоқсан айында Ресейлік «ДатаЭкспресс» компаниясының «МегаПРО» автоматтандырылған кітапханалық-ақпараттық жүйесінің модульдері сатып алынды. 2021 жылдың мамыр айынан бастап, білім алушылар кітапханалық қызмет түрлерін &nbsp;қашықтан пайдаланады және «МегаПро» бағдарламасы интернет желісіне қосылған кез келген компьютер, мобыльді құрылғылар арқылы 24/7 форматында жұмыс істейді.Ғылыми кітапхана дәстүрлі және электронды қызмет түрлерін қатар жүргізеді, абонемент және оқу залдарында пайдаланушыларға бірыңғай электронды оқырман формуляры арқылы қызмет көрсетіледі. Оқырманның жеке кабинеті арқылы құжаттарды қайтару мерзімдері, сақталуы туралы ақпараттар көрсетіліп, оқырмандардың бірыңғай базасы жасақталды. &nbsp;&nbsp;Бірыңғай электронды оқырман формулярының ерекшелігі пайдаланушы кітапхана құжаттарын&nbsp; қызмет көрсету пункттеріндегі қайтару уақытын бақылауға және әдебиеттерді қайтару кідірісіне байланысты келеңсіз жағдайлардың алдын алуға мүмкіндік берді.2021 жылға дейін магистранттар мен докторанттар ғылыми &nbsp;жұмыстарын дәстүрлі форматта кітапхана қорына өткізетін, «МегаПро» бағдарламасы іске қосылғаннан бастап кітапхананың электронды диссертациялық базасы жасақталып, толықтырылуда. Кітапхананың медиаресурстары электрондық оқулықтармен және басқа да ресурстармен толығуда.«Цифрлық кітапхана» жобасын жүзеге асыруда жоғары оқу орындары аралық электронды кітапханасымен (<a href="http://www.rmeb.kz/">www.rmeb.kz</a>) келісім-шарт ұзартылды.Электронды кітапханалар базасын кеңейту мақсатында отандық «Alembook» (<a href="https://new.alemlibrary.kz/">https://new.alemlibrary.kz</a>&nbsp;) электронды кітапханасын пайдалану үшін 2021-2025 жылдар аралығына келісім-шарт жасалды.Сондай-ақ, отандық ашық электронды ресурстарды пайдалану мүмкіндіктері бар:&nbsp;<a href="http://www.kazneb.kz/">www.kazneb.kz</a>&nbsp;– Қазақстандық ұлттық электронды кітапхана,&nbsp;<a href="https://adebiportal.kz/kz">https://adebiportal.kz/kz</a>&nbsp;– Әдебиет порталы,&nbsp;<a href="https://kitap.kz/-">https://kitap.kz/-</a>&nbsp;онлайн патформа Ашық кітапхана,&nbsp; <a href="http://library.kz/">http://library.kz/</a>&nbsp;– Орталық ғылыми кітапхана,&nbsp;<a href="https://www.okulyk.kz/">https://www.okulyk.kz/</a>&nbsp;– жалпы орта мектептің оқулықтарының электронды кітапханасы,&nbsp;<a href="https://openu.kz/kz/books">https://openu.kz/kz/books</a>&nbsp;– Қазақстанның ашық кітапханасы,&nbsp;<a href="http://elibrary.kaznu.kz/kk/">http://elibrary.kaznu.kz/kk/</a>&nbsp;–&nbsp; әл-Фараби атындағы қазақ ұлттық университетінің электронды кітапханасы. &nbsp;Университеттің серверіне қосылған компьютерлер арқылы сыртқы электронды ресурстарды пайдалануға мүмкіндік бар.Олар:&nbsp;<a href="https://link.springer.com/">https://link.springer.com/</a>&nbsp;– Springer – International Publisher Science,&nbsp;<a href="http://apps.webofknowledge.com/">http://apps.webofknowledge.com/</a>&nbsp;– Clarivate Analytics&nbsp;<a href="https://www.wdl.org/ru/">https://www.wdl.org/ru/</a>– Әлемдік цифрлық кітапхана,&nbsp;<a href="https://www.scopus.com/">https://www.scopus.com/</a>&nbsp;– Scopus.Инновациялық технология көмегімен кең көлемді ақпарат алу жолдары үнемі насихатталуда. Дәстүрлі түрде оқу жылының басында институттар бойынша «МегаПРО» бағдарламасы арқылы университеттің электронды кітапхана қызметін қашықтан&nbsp; пайдалану, бітіруші түлектердің ғылыми жұмыстарын базаға ендіру, әдебиеттерге онлайн сұраныс беру, т.б. өзекті тақырыптарға арналған онлайн және офлайн режимінде семинар-тренингтер жүйелі түрде ұйымдастырылып отырады.Университет қабырғасында өтетін түрлі бағыттағы &nbsp;облыстық, республикалық және халықаралық ғылыми-конференцияларға белсене атсалысып, кітап көрмелерін ұйымдастыру дәстүрге айналған.Университет кітапханасында 30 жылдан астам қызмет атқарып, еңбектері еленіп, университеттің дамуы мен өркендеуіне өзіндік үлесін қосып жүрген кітапхана қызметкерлері А.Р.Қиясова, Г.Қ.Есмағанбетова, Ұ.Ш.Бисенова, А.Т.Есполова, Қ.Арғынбаевалар жас мамандарға үлгі көрсетуде. Жаңа технологияны жетілдіруде және кітапхана қорын сандық форматқа көшіруде С.Ж.Сәдуақасова, Ж.А.Бисенова, М.Ахметова, Ж.Бекотова, Ю.Терещенколардың еңбектерін атап өткен жөн. &nbsp;Бүгінгі күні ғылыми кітапхана кітапхана білім алушылардың бос уақытын тиімді ұйымдастыру мен дамытуда заманауи ақпараттық-танымдық орталыққа айналды.&nbsp;Фото: freepik.comФото: kazgazeta.kz

Ғылыми кітапхананың оқырманы артуда

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында кәсіби маманның қадірін білу керек екенін,&nbsp;еңбекқор адам&nbsp;мемлекетті дамытатынын баса айтты.&nbsp;«Елімізде еңбекқор адам, кәсіби маман ең сыйлы адам болуға тиіс.&nbsp;&nbsp;Осындай азаматтар мемлекетімізді дамытады. Мен&nbsp;Ұлттық құрылтайда және «Жастар рухының»&nbsp;съезінде бұған арнайы тоқталдым. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды. Жастар нақты бір мамандықтың қыр-сырын жетік білуге ұмтылғаны жөн. Өз саласының шеберіне әрдайым сұраныс болады. Өскелең ұрпақ Қазақстанда ғана емес, өзге елдерде бәсекеге қабілетті болуы керек.&nbsp;Көрші мемлекеттің азаматтары шетелге барып, жұмыс талғамай еңбек етіп жатыр. Олар біздің елде де өте жақсы табыс тауып жүр. Дәл осындай жандардан үлгі алу керек. Шын мәнінде, ең бастысы – адал еңбек. Біз мұны жете түсінетін ұрпақ тәрбиелеуге тиіспіз. Идеология жұмысында осыған баса мән берген жөн», – деді Қасым-Жомарт«Жер – ата-бабадан қалған қасиетті қоныс. Қазақтың болашағы алтын қазынасы. Тал бесік пен жер бесіктің арасындағы ғұмырыңның ұясын қорға, топырағын былғама, суын улама» деген аталарымыздан қалған насихат бар. Бабаларымыз айтқандай суы нәрлі, шөбі шүйгін, ауасы тынық, бақ-береке, ырыс пен құт қонған ата қонысын «Туған жерім – алтын бесігім» деп жүректерінің түкпіріне сақтап, ешқашан естерінен шығармаған Арал ауданына қарасты Шижаға халқының көрегенділігі, даналығы, дарқандылығы, мен кіршіксіз ақ көңілдігімен алдына жан салмайтын, кішіге қамқор, үлкенге құрмет көрсетіп жүрген азаматтарын жіпке тізсек жетіп артылады. Ал осындай баға жетпес қасиеттерді бойына сіңіре білген, Шижаға ауылының ардагерлер кеңесінің төрағасы, «Тұңғышбай» жеке шаруа қожалығының төрағасы, ерен еңбек иесі ретінде бірнеше марапаттар иегері, ауылының айтар сөзі бар ақсақалы Сматуллаев Бақытжан Бақыт туралы айтпақпыз.Бақытжан Сматуллаұлы 1947 жылы 3 қаңтарда Қазалы ауданы Майдакөл (бұрынғы Ворошилов) колхозында дүниеге келген. Әкесі Әлниязов Сматулла 1912 жылы туылған. Отан қорғау жолында қан майданда тізеден қан кешіп ерлік жасап, 1944 жылы бір көзінен, бір қолынан айырылып, елге оралады. Халық шаруашылығын қалпына келтіру мақсатында сол уақыттағы Ворошилов колхозынының басқармасы, ферма меңгерушісі болып қоғамға өз үлесін қосады. 1961 жылы Арал ауданына қоныс аударып, Арал совхозында агроном болып еңбек еткен. «Әке балаға тас қайрақ» демекші, өзінен өрген ұрпақтарына өмір жолдарының әрбір белестерінің шыңына шығу үшін әрдайым қайрап отырған екен. Анасы Мейіржан Бекпенбетқызы 1916 жылы дүниеге келген. Бала тәрбиесімен қатар, үй шаруасымен айналысып, аналық мол тәжірибесін, ұлттық құндылықтарды ұрпақтарына еге білген, туған-туыстарды жақындастырып, ошағы оттан түспеген, қонақжайлы өмірге бес ұл, бес қыздарын әкелген алтын құрсақты аяулы ана болған деседі.Бақытжан Сматуллаұлы 1951 жылы Майдакөл колхозындағы №98 орта мектептің 7 сыныбын бітірген. 1962 жылы Аралсульфат училищесіне түсіп, 1963 жылы механизатор мамандығын алып шығады. Арал совхозында тракторшы, автомобиль жүргізушісі болып еңбек етті. 1966-1969 жылдар аралығында әскери борышын өтеді. 1982-86 жылдарда өндірістен қол үзбей Қызылорда политехникумына оқуға түсіп, автомеханик мамандығын игеріп шығады. 1983 жылдан бастап, жабдықтаушы, автогараж меңгерушісі болып миллионер совхоз атануына өз үлесін қосты. 1990 жылдан бастап совхоз директорының орынбасары қызметін ойдағыдай атқара білді. Тәуелсіздік жылдары 1997-2001 жылдарда автогараж меңгерушісі ретінде техникалардың жай-күйін тұрақты жарамды жағдайда болуына сүбелі үлесі қоса білген. Нарық заманының ағымына орай «Тұңғышбай» жеке шаруа қожалығын құрды. Оның бүгінгі күні шаруашылығы шалқып, мал басы көбеюде . 2002 жылы №26, 28, 29 сайлау учаскесінде «Ауыл» партиясын құрып, оның төрағасы ретінде ауылдың қажетті, мұқтаж мәселелерін тиісті орындарға жеткізіп, олардың нәтижелеріде болған. 2004-2009 жылдары уақыт талабына сай «СТК» селхоз тұтыну» кооперативінің төрағасы қызметін атқарған кезде де тұрғындардың әлеуметтік жағдайларының жақсаруына да септігін тигізгені бар. Зейнет пен бейнет қашанда қатар келеді демекші, 2010 жылы 41 жылдық еңбек өтілімен құрметті демалысқа шықты. Зейнеткермін деп пештің қуысында қалған жоқ, 2018 жылдан бастап Шижаға ауылының ардагерлер кеңесінің төрағасы болып сайланып, ауылының құрметті ақсақалы атануда.«Отбасы немесе шаңырақ сүйіспеншілікке толы болса – ізгіліктің көркемсарайларының бірі, ал берекесіз болса – азаптың терең шұңқырларының бірі» деп мысырлық танымал оқымысты Ата әс-Сынбати айтқандай, Бақытжан інімде жар таңдауда маңдайлы болып, 1970 жылы Айнаш Құрманбайқызымен бас қосып, шаңырақтарын сүйіспеншілікке толтырып, отауларын көркем сарайлардың біріне айналдырды. Айнаш Құрманбайқызы өмірге бес перзент әкелген ибалы ана. Әйел мен адалдық та бір-бірінен ажырағысыз бүтін бітім. Адалдық – әйел өмірінің мәні. Үйдегі ұрпағына, еріне, бүкіл адам баласына адалдық қасиет анадан сіңетіні баршаға аян. Адалдықтың бұлағын лайламаған адал – ана, адал жар екендігін Айнаш Құрманбайқызына қаратып айтса жарасар.Негізгі дәстүрлі қазақ отбасында «Әке – бел, әке – айбын, әке – қорған болса ана – береке, ана – мейірім, ана – жылылық» дегендей,осы екі қайнардан қанып ішіп, мейірге шөлдемей өскен, айбынды қорғанға сүйенген ұлдары мен қыздары тәуелсіз еліміздің тұғырын биік ұстайтын ұлтжанды, ата дәстүрін берік ұстаған азаматтар екенін білеміз. Ұлдары өндірістің күре тамыры болып саналатын теміржол мекемелерде теміржолшы болып еңбек етуде. «Арпа ішінде бір бидай» демекші Сәндігүл Бақытжанқызы шаңырағының отын маздатып отырған ұлағатты ана. «Жақсы ұлың болса – қазығың, жақсы келінің болса – азығың» дегендей, ұлдары бір-бір отаудың шаңырағын шайқалтпайтындай қазығы болса, ал келіндері ұлтымыздың салт-дәстүрлерін бойларына сіңіре білген, ұрпақтар әкеліп әулеттің тынысын кеңейткен отбасының таусылмастай ырзығы бола білген инабатты жандар. Енді Бақытжанға сөз берсек:– Ауылымызда 2600-ға жуық тұрғын, 40-тай жеке шаруа қожалықтары 4 кәсіпкерлер мен қатар, 260-қа жуық ардагерлер тұрады. Арнайы жабдықталған ардагерлер бөлмесінде ардагерлер кеңесі өтіп тұрады. Онда тұрмысы төмен отбасыларға ауыл болып, ардагерлерде қаржылай көмек жасап келеміз. Әкімшілік тарапынан да атаулы көмек берумен қатар қоғамдық жұмыстарға тартылып отырады. 2019 жылы Шижаға халқы «Тағзым» алаңын орнатып, Ұлы Отан соғысына қатысып, қайтпай қалған боздақтарға мешіттен ас беріп, ат шаптырып, Құран бағыштады. Бұл шараға да ардагерлер қаржылай көмек көрсетті. 2021 жылы қуаңшылық болған кезде ауыл азаматтары болып, малымызды ауылдан алыстау жерге бағып, жем-шөп әкеліп төрт түлік малымызды ауызбіршіліктің арқасында аман алып қалдық. Оңтүстік Қазақстан облысының Арыс ауданында болған жарылыс кезінде қаржылай көмек көрсеттік. Бұл шарадан да ардагерлеріміз тыс қалған жоқ. 2022 жылы ауыл жастары кәсіпкерлер, қожалық иелері қаржы жинап, ауыл мешітіне жылу жүйесін жүргізіп, Алланың үйіне қызмет көрсеттік. 2023 жылы ауыл тұрғынының үйі өртеніп,ішіндегі адамдар аман қалған еді. Ауыл ақсақалдарының ұйымдастыруымен ауыл тұрғындары қаржы жинап үймен қамтамасыз етіп, адамдарға киім-кешек алып берілді. Осы жылы ауыл жастары ауыл мешітіне азан шақыруға аспаптар мен қоса басқа жабдықтар алып беріп, өнегелерін көрсетті. Қазір солардың игіліктерін көруде. Биылғы жылы Ақтөбе облысы, Ырғыз ауданы Жайсаңбай ауылдық округінде болған су тасқынына байланысты қаржылай көмек көрсетілді. Ауыл жастары, шаруа қожалықтарының төрағалары, ардагерлер, ауыл әкімшілігі болып, 2 млн. теңге жинап, оның 1 млн. теңгесін қолма-қол тапсырып, 2 тонна дизель отыны, 5000 қап, қолғап, күрек сияқты қажетті құрал-саймандарды ауыл азаматтары барып, Жайсаңбай округінің әкіміне тапсырып, бауырластық ниетімізді білдіріп қайттық. Ауылымызда аға буын, ардагерлер, ауыл ақсақалдары қандай жағдайда да барлық шаруаға тікелей араласады. Бізде қайғылы жағдайда ақша таратылмайды. Дастарқанға ұннан жасалған тағамдар ғана қойылады. Көрші үйге кіргізіп ас береді. Осы жұмыстардың барлығына ауыл ардагерлері тікелей араласады. Ал мен осы ауылдың ардагерлер кеңесінің төрағасы ретінде барлық жұмыстарға бас-көз боламын. Осы жылғы 9 мамыр күні Ұлы Отан соғысынан оралмаған боздақтарға "Тағзым" алаңының алдына ауыл болып жиналып, Құран бағыштап, алау отын жағып, гүл шоқтарын қойып, мектеп жастары іс-шараларын өткізді. Ауыл әкімі және мекеме басшылары болып Отан соғысының ардагерлері, тыл ардагерлерінің үйлеріне барып, мерекелерімен құттықтап, баталарын алып қайттық. «Артық білім – кітапта» демекші, кітап оқығанды жаным сүйеді деп, –&nbsp; ағынан жарыла әңгімеледі.Айтса айтқандай, «ауылына қарай, азаматын таны» демекші, әлеуметтік жағдайлары түзеліп, қаз-қатар салынған соңғы үлгідегі үйлерді көргенде көңіліңе жақсылық ұялайды. Осындайда кез келген сауапты, игілікті істердің басында жүрген ауыл ардагерлері кеңесінің төрағасы Бақытжан ініме қоғамға адал да, әділ де қызметіңнің абыройына бөлене бер дей отырып отбасына амандық, денсаулық, ұл-қыздарыңнан тараған 22 немере, 9 шөберелеріңнің&nbsp; сазды әуеніне бөленіп, әдемі қартаюдың үлгі-өнегесін кейінгі ұрпақтарға еге бер деген ізгі тілек жеткізгіміз келеді.

Еңбек адамы – ел мақтанышы

<a href="https://kyzylorda-news.kz/">Kyzylorda-news.kz</a> Толықметражды тарихи драма &nbsp;Ақаңның сұлу да қасіретті тағдырының мәлім-беймәлім қырларын суреттейді.Мамырдың 23-інен бастап еліміздің кинотеатрларында «Соңғы үкім» толықметражды көркем фильмі көрсетіледі. Бұл фильм бар білімі бастауыш мектеп мұғалімі ғана, бірақ Россия империясы мен Европаның айтулы университеттерін тәмамдаған білімпаз қазақ зиялыларының &nbsp;алғашқы толқыны ұстаз деп мойындаған әзіз тұлға туралы. Бұл фильм ана тілінің &nbsp;қыр-сырын танып, жоқ жерден терең ғылым жасаған, сол тілді туған елінің өнер-білім игеріп, озық жұрттың қатарына іліну жолындағы құралы етуге бар білігі мен қайратын жұмсаған &nbsp;ғажайып ғалым туралы. XX ғасырдың бас шеніндегі ірі түрколог ғалымдар оны өздеріне тең тұтқанмен, ол мұғалім деген сөзді өзі үшін ең құрметті атақ деп білді.&nbsp;Қарапайым ауыл мұғалімі өз елінің теңдігі мен хақысын талмай жоқтаған күрескерге, Алаш көсемі Әлихан Бөкейхановтың сөзімен айтқанда, «Өз сенімінің қайтпас қайсар пайғамбарына, алғашқы ұлт газеті «Қазақтың» редакторы һәм негізін қалаушы, шығарушысына» қалай айналды? Күрестің зорлықтан тысқары, бейбіт жолын ұстанған ізгінің алты рет абақтыға қамалып, екі мәрте жер аударылып, екі рет өлім жазасына кесілуінің сыры неде? Қандай ғұмыр кешті, неге сенді, нені көкседі, достары кім еді, не үшін күйді, қалай сүйді? «Соңғы үкім» кинотуындысы осыны өзек етеді. Көрерменнің көз алдында ұлы тұлға өмірінің ең бір қияпатты бұрылыс-бұрмаларынан елес беретін көріністер тіріледі. Басына небір қиындық түскенмен, аласапыран заман тезінен адамшылық қалпын айнымай өтіпті. &nbsp;Фильм:&nbsp; «Мен өлсем де, өлемін жөнімменен, Тәннен басқа не алар өлім менен? Өлген күні апарып тығары – көр, Мен жоқ болман көміліп тәнімменен», - деп өткен қайран Ақаңның ақтық демі үзілер шаққа дейін жалғасады.&nbsp;Кинотуындыны Қазақстан Республикасы Мәдениет және ақпарат министрлігінің тапсырысымен, Ұлттық киноны қолдау мемлекеттік орталығының қолдауымен Folklore media студиясы түсірді. Фильм Алматы, Семей қалалары мен Абай, Алматы, Жетісу облыстарының жерінде түсірілді.

Қазақтың ұлы гуманист-күрескері Ахмет Байтұрсынов туралы жаңа фильм жарыққа шықты

<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаевтың қатысуымен облыстық мәслихаттың XIV сессиясы өтті. Сессияға облыс әкiмiнiң орынбасарлары, құқық қорғау органдарының, облыстық басқармалар мен аумақтық инспекциялардың басшылары қатысты. Аудан, қала әкімдері, мәслихат төрағалары және активі бейнебайланыс жүйесі арқылы қосылды.Күн тәртібінде бес мәселе қаралды. Біріншісі – «2024-2026 жылдарға арналған облыстық бюджет туралы» облыстық мәслихаттың 2023 жылғы 13 желтоқсандағы № 63 шешіміне өзгерістер енгізу. Сонымен қатар, облыс әкімдігі жанындағы бірқатар комиссиялар мен сараптамалық, өңірлік үйлестіру кеңестерінің құрамына өзгеріс енгізу және бекіту мәселелері талқыланды.Аймақ басшысы негізгі әлеуметтік-экономикалық көрсеткішітерге тоқталып, 2024 жылға арналған облыстық бюджетті кезекті нақтылауға ұсынды.«2023 жылдың қорытындысымен және осы жылдың басынан бері аймақтың әлеуметтік-экономикалық дамуында оң тенденция сақталуда. Өңір өңдеу өнеркәсібінде былтырғы 11-орыннан биыл 4-орынға көтерілді, өткен 4 айда көшбасшы позициясын сақтадық.Осы нақтылауда «Шығармашылық академиясының» құрылысына 1 млрд. теңге, Сырдария өзенінің сол жағалауына салынатын тарихи-мәдени мұра орталығына 875,8 млн. теңге, «Оқушылар сарайына» 55,1 млн.теңге бағытталды. Сонымен қатар, Қожа Ахмет Яссауи көшесін қайта жаңғырту жұмыстарына 1 млрд.теңге, әуежайға кіреберіс автомобиль жолын қайта жаңғыртуға 1 млрд.теңге жоспарланған.ТЭЦ-тің газтурбинасы мен турбогенераторын жөндеуге 886,8 млн. теңге, қала аумағында 2005 жылдан бері жұмыс жасап тұрған АБМК-ларды жөндеуге 695,7 млн. теңге қаржы қаралуда. Индустрия және инфрақұрылымдық даму министрлігі жүргізген жұмыстар нәтижесінде, биыл әлеуметтік кредиттік тұрғын үй салу үшін облигациялық қарыздар есебінен 5,4 млрд.теңгеге мемлекеттік бағалы қағаздар шығару келісілді. Бұл қаржы есебінен 904 пәтерлік 16 тұрғын үй салынады. Халықтың әлеуметтік осал топтары үшін коммуналдық тұрғын үй қорынан 1400 пәтер сатып алуға 20,7 млрд.теңгеге мемлекеттік бағалы қағаздар шығару жоспарлануда. Екі жыл бұрын облыс бюджеті 387 млрд. теңге болса, осы жылдың басында 650 млрд.теңге көлемінде бекітілді.Құрметті депутаттар! Сіздердің қолдауларыңыз бен бірлесіп жүргізілген жұмыстардың арқасында бүгінгі күні облыс бюджеті 678 млрд.теңгеге жетті», – деді Нұрлыбек Нәлібаев.Облыс әкімінің айтуынша, биыл Сыр диқандары 187,5 мың гектар алқапқа ауыл шаруашылығы дақылдарын егуде, оның 81,1 мың гектары – күріш. Су үнемдеу технологияларын 4,2 мың гектарға қолдану көзделсе, 2028 жылға қарай бұл әдіспен егін егу 24,2 мың гектарға жетеді деп жоспарлануда.Экономиканы индустрияландыру аясында 16 жоба іске асырылмақ. Оның біреуі, яғни Қазалы ауданындағы «Жанкент Агро» серіктестігінің күріш ақтау зауыты іске қосылды.Жергілікті жол инфрақұрылымын дамытуға қаржы бөлініп, 266 шақырым автомобиль жолдары, көпір өткелдері және көшелер жөнделеді. Қызылорда қаласындағы Жаппасбай батыр көшесі 4 жолақты болып кеңейтіледі. Яссауи көшесін қайта жаңғырту жұмыстары қарқынды жүруде. Жанқожа батыр көшесіндегі теміржол асты көпірінің құрылыс-монтаждау жұмыстары басталды.Мемлекет басшысының қолдауымен Қызылорда қаласының тұрғын үйлерін ыстық сумен қамтуға Үкімет резервінен 11 млрд.теңге бөлінді. Биыл қаладағы 187 үй орталықтандырылған ыстық сумен қамтылады. Жылу желілерін жаңғырту жұмыстары да кезең-кезеңімен атқарылуда. Осы жылы 7 млрд. теңгеге 9,5 шақырым жылу желілері қайта жаңғыртылуда. Бұдан бөлек, 11 млрд. теңгеге 741 шақырым электр желілері мен 127 қосалқы станция күрделі жөндеуден өтуде.Наурыз айында Шиелі ауданында 4 ауыл (Бестам, Тәжібаев, Алмалы Ақтоған) газға қосылса, жыл соңына дейін аймақтағы тағы 8 елді мекенді «көгілдір отынмен» қамтып, газдандыру көрсеткішін 78 пайызға жеткізу көзделуде.<img src="https://knadmin.beoblood.kz/uploads/444790912_750418543946059_5329520134801612338_n_1f338412cf.jpg" alt="444790912_750418543946059_5329520134801612338_n.jpg"><img src="https://knadmin.beoblood.kz/uploads/443928761_750418763946037_394062902477592786_n_1b51320b1c.jpg" alt="443928761_750418763946037_394062902477592786_n.jpg"><img src="https://knadmin.beoblood.kz/uploads/443714021_750418720612708_7746787640594400088_n_626271635f.jpg" alt="443714021_750418720612708_7746787640594400088_n.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары