<a href="https://kyzylorda-news.kz/">Kyzylorda-news.kz</a> &nbsp;Сырдария ауданының орталығынан шалғайда орналасқан Аманкелді және Жетікөл ауылындағы жергілікті халықты медицналық көмекпен қамтамысыз ететін жалпы тәжірибелік дәрігер Жанар Аманкелдина ел алғасын арқалап жүрген жан.Білікті маман Жанар Аманкелдіқызы 1986 жылы қазіргі Шиелі ауданына қарасты Тартоғай елді мекенінде дүниеге келген. Ол – 1992-2003 жылдар аралығында ауылдағы №153 Ш.Есенов атындағы орта мектепте білім алған. Қашанда науқас жанына араша түсетін сала маманы сол кездегі Оңтүстік Қазақстан мемлекеттік акадамиясында «Балалар дәрігері» мамандығы бойынша білімін жетілдірген. Өз кезегінде Жанар Аманкелдіқызының алғашқы еңбек жолы туған жер топарағында басталады. Сонымен қатар аудан орталығындағы «Шапағат» емханасында еңбек етсе, кейіннен оған Шиелі аудандық емханасының бас дәрігерінің балалар жөніндегі орынбасары міндеті жүктелді.&nbsp;Тәжірибесі мол маман 2013 жылы аманкелділік Қайрат Найманмен отау құрады. Берекесі тасыған іргелі ауылдың келіні атанған Жанар Аманкелдіқызы №3 қалалық емханаға педиатр ретінде орналасса, араға бір жал салып, Аманкелді ауылдық ауруханасына қызмет ауыстырады. Міне, 10 жылдан бері аталған елді мекенде еңбек етіп келе жатқан сала маманы абырой биігінен көрініп келеді. 2017-2020 жылдар аралығында ауылдық аурухананың меңгерушісі ретінде қызмет атқарса, бүгінде жалпы тәжірибелік дәрігер көпшілікке денсаулығына байланысты кеңес беруде.Негізінен, Жанар Аманкелдина облыс әкімінің «Сыр үміті» жастар сыйлығының, «Денсаулық сақтау ісіне қосқан үлесі үшін» төс белгісінің, «Қазақстан республикасы денсаулық сақтау саласының үздігі» төсбелгісінің» иегері атанған. Ардақты дәрігер бүгінде 3 перзенттің аяулы анасы.

Тәжірибесі мол маман

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Бүгінде Сырдария ауданының тұрғындары табиғи газдың игілігін бірнеше жылдан бері көріп келеді. Аудан орталығы Тереңөзек кентіндегі көпшіліктің қолы көмір тасып, отын жарудан босағалы қашан?! Қазіргі таңда тиісті жұмыстар жалғасын тауып, көршілес жатқан ауылдық округтерді де газдандыру жұмыстары тұрақты жүргізіліп келеді.&nbsp;Жоспарлы жұмыстар аудан әкімінің және тиісті сала мамандарының тұрақты бақылауында.</h4>Тереңөзек кентіне табиғи газ келгеннен кейін жақын орналасқан елді мекендердің де «көгілдір отынның» игілігін көруі заңдылық. Тұрақты жұмыстардың нәтижесінде кент орталығынан кейін іле Қалжан ахун ауылына табиғи газ берілді. «AMANAT» партиясының «Ауыл – ел бесігі» бағдарламасы аясында ауылдық округке газ құбырын және орамішілік газ тарату желілерін салу жобасына мемлекеттік сатып алу жұмыстары жүргізілді. Бүгінгі таңда бұл елді мекенді газдандыру жұмысы аяқталып, ауыл толық газдандырылды. Тұрғындардың қуанышында шек жоқ. Осы орайда қазіргі таңда аудан бойынша газдандыру көрсеткіші 35 пайыз­ды құрап отырғанын айта кету керек.<blockquote>– Ауылдық жерлер мен шағын аудандарда да қаладағыдай қолжетімді жағдай жасау – бүгінгі күннің басты талабы. Бұл жұмыстар бойынша нақты тапсырма да жолға қойылып отыр. Осы ретте аудан орталығынан бөлек ауылдық округтерді газдандыру жұмыстары тұрақты жүргізілуде. Бұған дейін бірнеше жыл бұрын кент орталығы толық газдандырылса, былтырдан бастап Қалжан ахун ауылының тұрғындары көгілдір отынның игілігін көріп келеді. Қазіргі таңда А.Тоқмағамбетов және С.Сейфуллин ауылдарына табиғи газ жеткізу мақсатында тиісті жұмыстар атқарылуда. Бұл орайда тиісті қаржы бөлініп, газ құбырлары тартылып, мердігер мекеме жұмысқа кірісіп кетті. Қос елді мекеннің газдандыру жобасын толық аяқтауға қажетті қалған қаражат үшін бюджеттік өтінім ұсынылды. Аталған өтінімге сәйкес облыстық энергетика және тұрғын үй-коммуналдық шаруашылық басқармасы тарапынан республикалық немесе облыстық бюджеттен қаржыландырылу күтілуде. Бұл ауылдар толықтай газға қол жеткізсе, ауданымызда газдандыру көрсеткіші елу пайызға жуықтамақ. Одан кейін Шаған, Н.Ілиясов, Ақжарма, Бесарық ауылдарын табиғи отынмен қамтамасыз ету бойынша да тиісті жұмыстар атқарылуда, – дейді Сырдария аудандық газ шаруашылығы директоры Е.Есенгелді.</blockquote>Айта кетейік, ауданымызды газдандыру жобасы «AMANAT» партиясының «Халықпен бірге» атты сайлауалды бағдар­ламасына енген. «Ауылдық жердегі тұрмыс қалалық деңгейге мүмкіндігінше жақындап, ал аймақтық стандарттар жүйесі қайта қаралуы керек» делінген партияның бес жылға бекітілген бағдарламасында. Осы орайда қазіргі таңда ауылдық округтерді көркейту, онда қаладағыдан кем емес жағдай жасау негізінде тың бастамалар жүзеге асып келеді. Ал газдандыру жобасына орай атқарылып жатқан жұмыстар аймақ, аудан басшысының тұрақты бақылауында. Өз кезегінде аудан әкімі негізгі жұмыстарды ұдайы бақылауда ұстап, елді мекендерді газдандыру маңызды екенін, тұрғындар асыға күтіп отырғанын атап, құрылыс жұмыстарының сапалы жүргізілуін ескертіп отырады. Сондай-ақ аудандық партия филиалы тарапынан партиялық бақылау бекеті орнатылған. Аудандық партия филиалының бақылау комиссиясы мүшелері жобаның орындалу барысын назардан тыс қалдырмай, тұрақты түрде партиялық бақылау жұмыстарын жүргізіп келеді.Аружан МҰХАНБЕТҚАЛИ

Сырдария: “Ауыл-ел бесігі” бағдарламасы сәтті жүзеге асырылуда

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Білімнің қайнар бұлағының негізі мектептен қаланатыны анық. Қазақтың кемеңгер ақыны Мағжан Жұмабаевтың «Қазақтың тағдыры, келешекте ел болуы да мектебінің қандай негізде құрылуына барып тірелетіні анық. Мектебімізді таза, берік һәм өз жанымызға, қазақ жанына үйлесетін негізде құра білсек, келешегіміз үшін тайынбай-ақ серттесуге болады» деп тағылымы терең ой қозғайтыны анық. Бүгінде ауыл мектептерінің білімді ұрпақ тәрбиелеуде бәсі биік. Білім бетінің бүгінгі шығарылымын аудан орталығынан шалғайда орналасқан білім ордасы №129 Ә.Жәмішев атындағы мектеп-лицейге арнамақпыз. Өз кезегінде білім ошағынының өткен оқу жылындағы атқарылған ауқымды жұмысы жөнінде мектеп-лицейдің директоры Жанболат Назаровпен сұхбаттасқан болатынбыз.</h4>– Жанболат Опабекұлы, тарих – біздің істеріміздің өткенінің куәсі демекші, өзіңіз басқарып отырған мектеп-лицейдің тарихына тоқталып өтсеңіз…– Өскелең ұрпаққа 93 жыл сапалы білім, саналы тәлім-тәрбие беріп келе жатқан іргелі білім ордасының тарихы әріден бастау алатыны жасырын емес. негізінен, 1931 жылы «Шіркейлі» каналының сол жақ жағалауындағы «Шығанақ» деген жерде жер кепеде мектептің іргесі қаланған болатын. Ең алғашқы болып Әбілқайыр Құлымбетов пен Жарылқасын Шөкенов басшылық еткен мектептен 8 оқушы білім алған. Атап айтқанда, Е.Төрехожаев, Ж.Құдай­бергенов, Ә.Ыдырысов, С.Артықов, Қ.Майлы­хожаев, М.Жақыпов, Д.Мусаев – білім ошағы­ның алғаш­қы түлектері. Еңбек және соғыс ардагері Жаңа­бай Азаматов 1937 жылы жеті жылдық білім оша­ғын қайта құрды. 1940 жылы мектеп директоры Смағұл Тұрғанбаев болды. 1960 жылдан бастап сегіз жылдық мектеп болса, 1967 жылдан бастап ор­та мектеп болып негізі қаланды. Он жылдық орта мектеп сол кездегі мектеп басшысы Ж.Азаматовтың басшы­­лығымен шаруашылық қар­жысынан салынған екен. Ауыл орталығынан 1977 жылы қос қабатты 300 орын­дық мектеп салынды. ҚР Министрінің қаулысы бойынша 1996 жылы Сырдария ауданы №129 Қызылту орта мектебіне ақын, жазушы Әбіраш Жәмішев есімі беріген еді. Жаңа заман талабына сай 2015 жылы 600 орындық заманауи үлгідегі тағылымды білім ордасы пайдалануға берілді. Мен білім ордасына 2014 жылдан бері басшылық етіп келемін.– Мектептің бүгінгі жағдайы мен педагог мамандардың құрамы қалай?– Мектебімізге 2019 жылы лицей статусы берілген. Қазіргі таңда мектеп қабырғасында 635 оқушы білім алуда. 2022-2023 оқу жылының қорытындысы бо­йын­ша 11 сыныпты 38 оқушы бітірсе, биыл 32 оқушы алтын ұядан түлеп ұшпақ. Оның ішінде 4 «Алтын белгі» және 3 «Үздік аттестатқа» үміткер бар екенін көпшілік жақсы біледі.Біздің мектебімізде 32 сынып комплектісі жасақ­талған. Балалардың қауіпсіздігін қамтамасыз етуде 32 бейнебақылау камерасы орнатылған.Қазіргі таңда тағылымды білім ордасында тәжірибелі мамандар жетерлік. Әркез білімді ұрпақ тәрбиелеуде қалтқысыз еңбек етіп жүрген ұлағатты мұғалімдер өз білгенін жас мамандарға үйретіп, тәжірибе алмасып отырады. Бүгінде мектепте 90 мұғалім жұмыс істейді. Оның ішінде 11 педагог-зерттеуші, 32 педагог-сарапшы, 40 педагог-модератор бар.– Оқу жылы барысында білім алушылардың қол жеткізген жетістіктерін айтып берсеңіз?– 2023-2024 оқу жылы біздің мектебіміз үшін жеңісті жыл болды. Осы ретте, «Қазақстан балалары шексіз әлемде» балалар киносы бойынша республикалық фестивалінің аудандық кезеңіне 9 сы­­нып оқушылары Нұрмат Ғафурұлы мен Ерасыл Айтмұратов қатысып, «Алғыс хатпен» марапатталды. Талапты оқушылардың жетекшісі білікті ұстаз Аружан Жарылқасын екенін айта кету орынды. «Менің Отаныма – менің бастамам» республикалық шығармашылық жобалар байқауының аудандық кезеңі­нен «Менің ашық университетім» номинация­сынан 10 сынып оқушысы Зехра Қуаныш І орын, «Мен Қазақстан азаматымын» номинациясынан 8 сынып оқушысы Айлита Насрадинова І орын, «Жақсылық керуені» номинация­сынан 8 сынып оқушысы Нұрсезім Абдрахманқызы ІІІ орын жеңіп алып, марапатталды. Қатарынан оза шапқан білімді оқушылардың жетекшілері Мөлдір Ақылбаева, Индира Қабылова, Ғазиза Смағұлова екенін айтып өткен жөн. Мұнан бөлек «Қазақстанның жеті кереметі» номинациясы бойынша білікті ұстаз Данагүл Жұмабекованың жетекшілігімен 11 сынып оқушысы Бибіажар Қыдырхожаева ІІІ орынды жеңіп алса, «Қазақстанның 100 жаңа есімі» номинациясы бойынша Асылзат Әділбек ІІ орынды қанжығалады. Дарынды оқушының білімін шыңдап, бәйгеге қосқан ұстазы – Айдана Сейтасқарова. Сондай-ақ аудандық білім бөлімінің ұйымдастыруымен республикалық «Бала­лар оқулары» байқауына Әйгерім Райсова жетекшілік еткен 10 сынып оқушысы Хан­шайым Ақылбек қатысып, жүлделі І орын тұғырынан көрінді. Химия, биология және география пәндері бойынша мектеп оқушыларының «Жас зерттеуші» ІІІ об­лыстық ғылыми-зерттеу жобалар байқауының химия секциясында «Су химиясы» бағыты бойын­ша 9 сынып оқушысы Ақерке Рүстемова І орын алды. Ақеркені білім сайысына жетелеген ұстазы Әйгерім Саменованың еңбегі зор.Оқушыларымыз әр жыл са­йын өтетін аудандық, облыс­тық, республикалық пәндік олимпиадаларға бел­сене қатысып, жоғары нәтижемен жүлделі орындардан көрініп келеді. Ауыл мектептеріне арналған жалпы білім беретін пәндер бойынша респуб­ликалық олим­пиададан Ханшайым есімді оқушымыз І орын­ға ие болды. Дарынды оқушының жетекшісі Перизат Ақылбекова екенін айта кетейік. Республикалық «Ай­қанат» ауыл оқушыларына арнал­ған олимпиадасына 9 сынып оқушысы Данияр Жұбаныш қатысып «IQANAT HUGH SCHOOL OF BURABAY» грантын ұтып алды.Сондай-ақ, шахматтан 7,9,11,13,15 жастағы жасөс­пірімдер арасында өткен об­­лыс біріншілігінде Айнель Жұмаділдақызы мен Алтынай Үсенқызы, Рашид Байдаулет ІІІ орын, «Ең жас ойыншы» номинациясын Расул Серікбол жеңіп алды. Сабина Абылай Қырғызстан мемлекетіне барып шахматтан І орын, Египеттегі Шарм Эль Шейх қаласында шахматтан сайысқа қатысып алдыңғы бестікке ілікті. Оқушылардың спортқа қызығушылығын арттырып, бәйгеге қосып жүрген Үсен Маханбетов екенін айту орынды.Оқушылармен қатар білікті ұстаздардың да жетістіктері жетерлік. 2022-2023 оқу жылының қоры­тындысымен «Ұлттық мектеп лигасы» аясында өткізілген іріктеу жарысында жалпы командалық есепте біздің мектеп ІІІ орын иеленді. Психолог мамандар арасында өткізілген «Үздік психолог кабинеті – 2023» облыстық байқауында «Ең көңілді мекен» номинациясымен мектеп психологы Қалдыгүл Сәрсеналиева, «Педагогикалық идеялар фестивалі» республикалық байқауының аудандық кезеңінде өзінің интеллектуалдығын, кәсіби шеберлігін көрсеткені үшін Насихат Досжанова, Айдана Сейтасқарова ІІІ дәрежелі дипломмен марапатталған болатын.– Мектепте тәрбие саласы бойынша ат­қарыл­ған жұмыстарға тоқталсаңыз…– Мектепте 2023-2024 оқу жылына арналған тәрбие жоспарлары Қазақстан Республикасы Оқу-ағарту министр­лігінің «Біртұтас тәрбие бағдарламасын» негіз­ге ала отырып жасалды. 1-4 сыныптарға, 5-7 сыныптарға, 8-11 сыныптарға кешенді жоспар дайын­далып, жылдың басында бекітіліп, жоспарға сәйкес жұмыстар жүргізілуде.«Біртұтас тәрбие бағдарламасын» негізге ала отырып «Ұлттық мүдде», «Ар-ұят», «Талап» құнды­лықтары негізінде тәрбие бағыттарында, тәрбие сағат­тарда, жобаларда және пәндерде, яғни пәнмен байланыс­тырып осы құндылықтарды баланың бойына сіңіру жолға қойылған.Мектептегі «Даналық мектебі» клубы жұмысы «Ата өсиеті», «Әже даналығы», «Жеңгелер кеңесі», «Аға қам­қор­лығы» бағыттары бойынша жоспарланып, түрлі іс-шаралар, дөңгелек үстелдер ұйымдастырылып тұрады.Сонымен бірге ата-аналармен Аталар мектебі, Әже­­лер мектебі, Жеңгелер мектебі, Ата-аналар комитетінің жұмыстары, «Тоғыз айға – тоғыз жоба», «Төрт тоқсанға – төрт өнер», «Жеткіншектің жеті жарғы­­сы», «Еңбегі адал жас өрен» аясында тәрбиелік іс-шара­лар ұйымдастырылды.Ұлттық мұраны қастерлеу, еңбекке баулу, құнды­лықтарды дарыту міндеттері жүзеге асырылуда. «Оқу­ға құштар мектеп» жобасы бойынша мектебіміз тірек мектебі болып бекітіліп, балалар кітапханасында беріл­­­ген тізім бойынша шығармаларды талдау, сахналау жұмыстары басты мақсатымызға айналды. «Мектеп театры» жобасы, «Ұшқыр ой» дебат клубының жұмы­­­сы қоғамның өзекті мәселелерін көтеруге мүм­кін­дік беруде.– Сұхбатыңызға рақмет!<img src="https://knadmin.beoblood.kz/uploads/5694aba6_dfbf_472c_8fe4_ef1f34825324_03a2f25244.jpg" alt="5694aba6-dfbf-472c-8fe4-ef1f34825324.jpg">Таңшолпан Шанжарханова

Үздіктер шеберханасына айналған білім ошағы

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылордада «OrleTech»&nbsp; бағдарламасының&nbsp; ақпараттық науқаны басталды. «OrleTech»&nbsp; − ақпараттық технологиялар саласындағы жаңа&nbsp; мамандықтарды үйрететін 4 айлық онлайн оқыту. Бұл жоба қазақ тілі, орыс тілі және ым-ишара тілінде тегін жүргізіледі.&nbsp;Жобаға іріктеу кезеңі мамыр-маусым айында, ал шілде айында Soft Skills офлайн лагері өтеді. Тамыз-қазан айында онлайн форматта Hard Skills лагері ұйымдастырылады. Оқыту курсы бойынша барлық семиналар аяқталғаннан кейін дипломдық жұмыс пен марапаттау кезеңі басталады.&nbsp; Жақсы нәтижеге қол жеткізген қатысушылар желтоқсан мен ақпан айларында жұмысқа орналастырылады. Жобаға 18 жастан асқан мүгедектігі бар, мүгедектігі бар балаларды асырап отқан отбасылар, мүгедектігі бар ата-аналары бар жастар,&nbsp; халықтың әлеуметтік осал тобына жататын отбасылар қатыса алады. Бағдарлама аясында no code, ux/ui design, web, ai маманы бағыттары үйретіледі. Жобаны "Samruk-Kazyna Trust" әлеуметтік жобаларды дамыту қоры мен "Шелл Қазақстан" компаниясының бірлескен қаржылық қолдауымен "ITeachMe"қоры іске асырады.</h4>«ITeachMe» −&nbsp;компетенцияларды дамыту орталығы. «IteachMe» қоғамдық қоры компетенцияларды дамыту орталығы − 2020 жылдың көктемінде мүгедектігі бар адамдарды, халықтың әлеуметтік осал топтарынан шыққан адамдарды және жастарды заманауи кәсіптерге оқыту және жұмысқа орналастыру мақсатында құрылған. Басты бағыты − онлайн білім беру. ІтeachMe − заманауи мамандықтарды сурдоаудармамен оқытатын және қазақ тіліндегі кейбір бағыттарды бірінші болып қамтыған алғашқы қор. Қордың позициясы жобалардың тиімділігі, мүдделі қатысушылардың конверсиясы, клиенттер мен серіктестердің адалдығы секілді &nbsp;критерийлермен салыстырғанда нарықта жоғары орын алады. Алғашқы жылдары 1 жоба, 16 түлек, 3 серіктес, 88 өтініш қабылдаған болса, бүгінде компетенцияларды дамыту орталығы 35 жоба аясында жұмыс істеуде. Digital саласындағы 45 курс жүргізеді. Оқыту курстардың барлығы 3 тілде өтеді. 1500-ден астам түлек білім алып, 90%-ы жұмысқа орналастырылған. &nbsp;Жалпы өтініштер саны 6000-ға жуық.&nbsp;Қордың жобаларына келсек, “Leader Z” мүмкіндігі шектеулі адамдарға арналған кәсіби онлайн мектеп. Мүмкіндігі шектеулі белсенді жастарға кәсіби жолын табуға және келесі бағыттарды үйренуге көмектесу: мобилография, скетчинг, scratch, stem. Жобаға 13 пен 19 жас аралығындағы мүмкіндігі шектеулі жасөспірімдер қатыса алады. Жастарға бағдарламашыдан бастап құрылыс инженеріне дейін әртүрлі кәсіби рөлдерде өзін сынауға мүмкіндік беру мақсатында жүзеге асырылған жобалардың бірі − «COMPASS» кәсіптік бағдар беру орталығы. Мақсатты аудитория - 13 пен 18 жас аралығындағы жасөспірімдер.Ковид-19 пандемиясы кезіндегі «Qolda» төтенше көмек жобасы "Qolda" ОАЕҚ жобасы шеңберінде іске асырылды. Мақсаты −&nbsp;төтенше жағдай кезінде адамдарға психологиялық және гуманитарлық көмек көрсету. «Басқаша ойла» мүмкіндігі шектеулі жасөспірімдерді дамытуға арналған шығармашылық идеялар орталығы мүмкіндігі шектеулі жасөспірімдерге(12-17 жас) кәсіптік бағдар берумен айналысады.Институционалдық даму бағдарламасы − ұйымдық әлеуетті нығайту, ұйым қызметкерлерінің білім базасын кеңейту бойынша мақсатты бірлескен іс-шаралар арқылы мақсатты топтардың қажеттіліктеріне тиімді жауап беруге қабілетті және қаржылық тұрғыдан өміршең болуына көмектесу үшін қалыптасқан және дамып келе жатқан азаматтық қоғам ұйымдарын нығайтуға арналған 14 айлық бағдарлама. ИДБ-на қатысуға құқығы бар ҮЕҰ/ҮЕҰ көп жылдық тәжірибесі бар дәстүрлі ҮЕҰ/ҮЕҰ және қызмет көрсету ұйымдарын қоса алғанда кең ауқымды ұйымдарды білдіреді.&nbsp;<blockquote>«IteachMe» қоғамдық қоры компетенцияларды дамыту орталығының жобасына қатысқан Данил «Курс керемет, өзіме керегін алдым. Курстан кейін мен не білгенімді және өзімнің дағдыларымның әлдеқайда жоғарылағанын байқадым. Менің ойымша, бұл ең бастысы» дейді.</blockquote><blockquote>− Курс өте жақсы дайындалған, оқуға арналған платформа да түсінікті әрі ыңғайлы. Тәлімгерлердің жауапкершілігі мол, ұжым тату. Білім алушылар үшін барлық жағдай жасалған, − UI/UX дизайн курсының студенті Вероника деді.&nbsp;</blockquote>Жоба серіктестерінің бірі «Шелл» компаниясы. «Шелл» – энергетика және мұнай-химия саласындағы компаниялардан құралған, 70-тен астам елде 80 000-нан астам қызметкері бар жаһандық концерн. Озық технологияларды және жаңашыл әдістерді пайдаланып, тұрақты энергия болашағын құруға үлес қосады. 2023 жылы «Шелл» Қазақстан Республикасындағы табысты қызметіне 30 жыл толды. «Шелл» - мақсаты экономикалық, экологиялық және әлеуметтік жауапкершілік қағидаларына сәйкес энергия тасымалдаушыларға деген өсіп келе жатқан жаһандық сұранысты қанағаттандыру болып табылатын интеграцияланған энергетикалық компания.Басты стратегиясы − мұнай және газ саласы көшбасшыларының бірі ретінде аса үлкен жауапкершілікпен жұмыс істеу, әрі энергия тасымалдаушыларға деген жаһандық сұранысты қанағаттандыру. Өндірістік қауіпсіздік, экологиялық және әлеуметтік жауапкершілік – қызметтерінің негізгі қағидалары. Бүгінге дейін 18 миллиард АҚШ долларынан астам сомаға инвестиция салған «Шелл» концерні Қазақстан Республикасындағы ең ірі шетелдік инвесторлардың бірі болып табылады.&nbsp;«Шелл» концерні Қазақстандағы үш жобаға қатысады. Қарашығанақ кен орнының өнімін бөлу туралы түпкілікті келісім (қатысу үлесі – 29,25 %);Солтүстік Каспий бойынша өнімді бөлу туралы келісім (қатысу үлесі – 16,81 %);Каспий Құбыр Консорциумы (қатысу үлесі – 7,4 %).Өткен жылы компания Қазақстан Республикасындағы 30 жылдық мерейтойын атап өтті.&nbsp;А.ТекебайФото:iteachme.kz

«OrleTech» жобасының ақпараттық науқаны басталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда Университетінде Инженерлі-технологиялық институты, «Электр энергетикасы, техносфералық қауіпсіздік және экология», «Өмір тіршілігінің қауіпсіздігі және қоршаған ортаны қорғау» білім беру бағдарламасының білім алушыларынан құралған «Safety Life» үйірмесі жұмыс жасайды. Үйірме мүшелері халықаралық, республикалық деңгейдегі ғылыми-зерттеу жұмыстары мен олимпиадаларда жүлделі орындарға ие болып, ғылыми басылымдарда белсенділік танытып келеді.</h4><h4 style="margin-left:0px;text-align:justify;">Солардың бірі жуырда Оренбург қаласында Халықаралық Жоғары оқу орындары арасында өткен «Здоровое поколение-2024» олимпиадасы. Олимпиада Оренбург мемлекеттік педагогикалық Университетінде «Өмір тіршілігінің қауіпсіздігі» саласы бойынша ұйымдастырылды.</h4><h4 style="margin-left:0px;text-align:justify;">Университетіміздің атынан қатысқан «Safety Life» командасы олимпиаданың жалпы қорытынды нәтижесінде үздік Iорынды иеленсе, “Үздік видеоролик” номинациясы бойынша I дәрежелі жүлдені қанжығаларына байлады. Білімділер бәйгесінде біліктілігін көрсеткен олимпиада жеңімпаздары Асанова Арайлым, Бисеналы Нұрила, Исаева Гүлзира, Зейнулла Сұлтанмахмут, Жақсыбай Нұратайды және үйірменің ғылыми жетекшілері PhD, аға оқытушы Нұржамал Бахытжанқызы мен техника ғылымдарының магистрі Айым Ержанқызы. Үйірме қатысушыларының алға қойған мақсаттары айқын. &nbsp;Алдағы уақытта да жоғары белесті бағындырары сөзсіз.</h4>

Қызылордалық студенттер халықаралық олимпиададан қос  жүлде алды

<h4 style="margin-left:0px;text-align:justify;">Фото: itolqyn.com</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Шиелі ауданында мемлекеттік қолдаудың арқасында жеке кәсіптерін ашып жатқан жандардың саны арта түсуде. Олардың арасында жеңілдетілген нес­ие алып, кәсіпкерлікпен айналысу арқылы табыс тауып қана қоймай, аудандағы жұмыссыздық деңгейін азайтуға да өз үлестерін қосуда.</h4>Бүгінгі кейіпкеріміз осы ауданға қарасты Бәйгеқұм ауылының тұрғыны Алмас Абуов &nbsp;– «Алмас омартасының» басшысы. Ол 2023 жылы «Ауыл аманаты» жобасы арқылы 6 млн теңге жеңілдетілген несие алып, бүгінде бал өндіру ісін дамытуда.Алмас омарташылықты осыдан 6 жыл бұрын қолға алған. Бал ара шаруашылығын кеңейту мақсатында «Ауыл аманаты» жобасына қатысу үшін «Байқоңыр» әлеуметтік-кәсіпкерлік корпорациясына өтініш берген. Кәсіп иесі, несиеге алған қаражатына шаруашылыққа қажетті құрал-саймандар, бал араларын сатып алғанын жеткізді. Нәтижесінде бал аралардың артып, жылына 3,5 тонна өнім алу мүмкіндігіне ие болған. Адал еңбегімен шаруашылығын өрге дөңгелеткен жас кәсіпкер мамыр айынан бастап қоңыр күзге дейін бал араларының ұясын алып, табиғат аясына кетеді. Қазіргі таңда омартада 20 жәшік ара жұмыс жасауда.<blockquote>Бал арасы өзі көп түрге бөлінеді. Әр қайсысының өзіндік пайдалы әрі емдік қасиеттері бар. Дәл қазір біз мамыр балының ағызылымын аяқтаудамыз. Мұнан соң шеңгелден, миядан, қоянсүйектен өнім алу үшін ұяларды көшіреміз. Табиғи өнімге сұраныс өте көп. Ауылдардан, аудан, облыс орталығынан алып кетушілер қарасы қалың, – дейді омарташы Алмас.</blockquote>Айта кетейік, өткен жылы Шиелі ауданынан 75 азамат аталмыш жоба арқылы 2,5% жеңілдетілген несие алған. Шағын бизнесті дамытуға бағытталған бұл бағдарлама ауыл тұрғындары үшін үлкен септігін тигізуде.

Ауыл аманаты: Шиелілік шаруа омарта шаруашылығын дамытуда

Балалар ойыншығы сапа мен стандартқа сай ма?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазалы ауданының білім саласында киелі міндетіне адал, ұзақ жыл табан аудармай еңбек еткен, ұрпақ келешегі үшін саналы ғұмырын сарп еткен майталман мұғалімдер аз емес.</h4><h4 style="margin-left:0px;text-align:justify;">Санаулы тұлғалар тізілген бұл қатарға Лақалы ауылындағы №93 мектептің директоры Серікбол Сансызбаевты қоссақ жарасады. Ұстаздықтың ұлы жолында 42 жыл табан терлеткен мектеп директорын бүгін аудан әкімі Мейрамбек Шермағамбет арнайы қабылдап, зейнет жасымен құттықтады. Аудан басшысы Серікбол Сансызбайұлының ұрпақ тәрбиесіндегі ерен еңбегін тілге тиек етіп, өскелең ұрпаққа үлгі боларлық адал қызметіне алғыс білдірді. Ақсақалға қазыналы қарттық ғұмыр тілеп, шапан жауып, құрмет көрсетті.</h4><blockquote><h4 style="margin-left:0px;text-align:justify;">− Сіз өнегелі еңбегіңізбен, тындырымды ісіңізбен және қарапайым да парасатты мінезіңізбен үлкен абырой-беделге ие болған ұжымыңыздың тәжірибелі, білікті маманы бола білдіңіз. Білікті кадрлар дайындауға, білімді шәкірт тәрбиелеуге бар күш-жігеріңізді жұмсадыңыз. Сіздің өнегелі еңбек жолыңыз жас ұрпаққа қашан да үлгі. Сізге ұзақ ғұмыр, зор денсаулық, отбасыңызға құт-береке, амандық тілейміз, – деді Мейрамбек Шермағанбетов.</h4></blockquote><h4 style="margin-left:0px;text-align:justify;">Өз кезегінде мерейтой иесі де аудан басшысының көрсеткен құрметіне алғысын айтып, ризашылығын жеткізді.</h4>

Ұстаз мерейі қашанда үстем

Елең-алаң, бозалатаңнан кешкі ымырт жамылғанша шаруасын күйттеу &nbsp;"Алтын дән-Шиелі" шаруа қожалығының төрағасы Асқар Бердібаевтың күнделікті әдетіне айналған. Егістік алқаптары ана шеті атшаптырым "Ыбырай Түбегінде" болса, мына шеті көз ұшында "Ашаға" орналасқан. Кешегі еліміздегі жекешелендіру &nbsp;саясатының пайдасы да, зияны да аз болған жоқ. Ұйып отырған Ы.Жақаев колхозы қас-қағымда тоз-тоз болып шыға келді. Гараж тола техникалар мен иіп жатқан жер-ана, бөліске түсіп, тілім-тілім құшпаққа айналды. Жер қадірін түсінетіндер күнкөріс бағытында аз-кем тірлік жасап, қолы қысқалар шабандап &nbsp;қалып жатты.&nbsp;Дала академигі, ақ күріштің атасы атанған, екі мәрте Социалистік Еңбек Ері Ыбырай Жақаевтың ауыл тұрғындарына сырт көздер сынай қарап, "мыңға" бөлінген шаруашылықтың болашағына да сенімсіздікпен қараған еді. Ауылға бас-көз болатын қариялар да сиреп, алыпқашпа жастар "бөлінгенді бөрі жейді" деген қазақ даналығына күле қарап, мазаққа да айналдырып жататын. Ол кезде еліне, жеріне жандары ашып, ауыл халқын бірлікке, ынтымаққа, ауызбіршілікке үндеген, шақырған ағалардың шықпауы, табылмауы – келешекті көздей алмаған үлкендердің иығындағы ауыр жүгі болып, тарих беттерінде қала береді. Сиқырлы саясатты айналып өткен ауылдар (мысалы, Шаған, Н.Ілиясов, Бесарық т.б.) сол кезде-ақ ұжымшар, кеңшар қалпын сақтап, ортақ қазанын қайнатып, бүгінде танымастай көркейген, заманауи қала тиіптес гүлденген, экономикасы мен мәдениеті дамыған, тұрғындары ауқатты, бақуатты тұратын өркениетті ауылдарға айналғаны белгілі. Сондай-ақ осы Ы.Жақаев ауылын атына сай ұстап қалуға не кедергі болды екен?&nbsp;Өткен ғасырдың 1964-ші жылдары дүниежүзін дүрліктірген жақаевшылар қозғалысы, одан тәлім-тәрбие алған күрішшілер, аға буын өкілдер қайда қараған? Міне, осындай ойлар мен толғаныс ауыл түлегі, жас жігіт Асқар Айтуарұлын көп мазалайтын. Қазақтың жалынды ақыны М.Жұмабаевтың: "Арыстандай айбатты, жолбарыстай қайратты, мен жастарға сенемін" деген өлең жолдары да көмейін жыбырлатып, кеудесін кернеумен болды. Көпшілік жер үлестерін алып, туталапай болып жатқан шақта Асқар да "Еркін" шаруа қожалығын құрып, еркіндік алғандай сезінген. Алғашқыда бәрі қызық көрініп, 20 гектар күріш егіп, мәз болысқан. Бірақ, қоңыр күзде сол егінді жинап алу – бір ақыреттей көрінген. Асқар сонда алғашқылардың бірі болып, майда шаруашылықтардың техникасыз алға баса қоюы қиын екендігін сезген, түсінген, білген, аңғарған, байқаған төрағалардың сапында еді. Оның үстіне бұндай тірлік даңқты Ыбырай атасының атына да, ауылына да лайық емес екендігін көкейіне алаңсыз түйіп те қойған болатын. Сегіз жыл өзінше әрекет жасаған Асқар, 2010 жылы он шаруа қожалығының басын қосып, іріленуге келісіп, "Алтын дән-Шиелі" шаруа қожалығын құрады. Көп алдында ұятқа қалмауды, ағайынға жеккөрінішті болмауды әрқашан ойлап жүретін Асқарды әріптестері бірауыздан төраға етіп, сайлап алады. Туасы адамды екі нәрсе қартайтпайды екен, бірі – жақсы мінез болса, екіншісі – жақсы сөз көрінеді. Сондай-ақ, Асқар төраға да қарапайым, сабырлы, салмақты, ізетті, иманды, көпшіл, пейілі кең, досқа адал, біреуге арамдық ойламайтын, қайырымды мінездерге бай, аз сөйлеп, көп тыңдайтын, сөзге шешен, қарамағындағы кісілермен тез тіл табысып жүре беретін қасиеттерге ие білімді де білікті басшылардың санатында. Сол пейілінің кеңдігі, қолының ашықтығы болуы керек, ол Ы.Жақаев ауылында өтіп жатқан іс-шаралардың барлығына демеушілік етіп келеді. Сондай-ақ ауданға танымал музыкантқа тосын сый жасамай-ақ ойын да жасырмады. Қай жерде болсын, адам ісімен танылады. "Рахат іздесең – бейнетінен қорықпа" демекші, еңбек қана құрметке бөлейді. "Егер қадірлі болғың келсе, халқыңның қадірін біл" деген қағиданы ұстанған Асқар егіс басында, шаруашылықтың басы-қасында жүрген егіншілер мен механизаторларға "бір дәнің мың дән болсын" деп, тағылымды сөздерін айтып жүреді. Жақсы сөз оларға жігер, күш-қайрат беріп, еңбекке ынталандырады, құлшындырады. Қазір ұжымдағы адамдар саны да артып, жер көлемі 1200 гектарға жеткен. 2017 жылы шаруа қожалығы 800 га күріш дақылын егіп, 67 центнерден өнім келтірсе, 2018 жылы 900 га Сыр маржанынан 67 центнерден сапалы өнім алған. Құнарлығы төмендеген ескі жерлерді агротехникалық талаптарды сақтай отырып, 600 тонна минеральдық тыңайтқыштарымен қоректендіріп, жылдан-жылға өнім көлемін арттыра түсуде. Жылда мол өнімге қол жеткізіп келе жатқан звено жетекшілері үстіміздегі жылы Асхат Қалекеев 70 гектар күріш егіп, 75 ц. өнім алса, Серікбай Сейтімханов 72 гектардан 72 центнерден өнім келтіріп, ал, Әзім Маматәлиев 68 гектар жерден 70 центнерден күріш жинаған. Егін жинау науқаны кезінде жаткистер Әшірхан Төребеков, Тұрар Махатовтар, дән бастырушы комбайнерлер Серік Сәрсебеков пен Бағлан Дінисламовтар ұжымды өрге сүйреді. Сонымен қатар, егін-терімді ысырапсыз, уақтылы жинап алуда төраға орынбасары Ақылбек Нұртөреев, жұмысшылар Нұржан Рспанбетов, Жанайдар Әлиев, Құрбан Дәткеновтер асқан ұйымшылдық танытты.&nbsp;– Шаруа қожалығында бір "Магдон" жаткасы, екі "Торум" және үш "Енисей" комбайндары бар. Олар жаңа болғандықтан, біз көп қинала қойғанымыз жоқ. Оның үстіне жігіттеріміз де жарап тұрды. Құдай қаласа, келер жылы егілетін күріш көлемін 1200 гектарға жоспарлап отырмыз – дейді, шаруашылық төрағасы. Дән даласында ала жаздай еңбек етіп, "Алтын күз-2018-де" еңбек мерекесі жұмысы еленіп, облыс әкімі Қ.Көшербаевтың қолынан Қазақстан Республикасы ауыл шаруашылығы министрлігінің "Құрмет Грамотасын алған Бердібаев Асқар Айтөреұлы. Елбасы Н.Назарбаевтың Қазақстан халқына дәстүрлі Жолдауынан көкейге көп нәрсе түйдік. Енді біз халқымыздың әл-ауқатын жақсартуымыз керек. Олардың табысын молайтып, тұрмыс жағдайларын жақсартуға тиіспіз. Ол үшін аянбай тер төгіп, егіс көлемін ұлғайтып, онан көл-көсір өнім алуымыз қажет. Қожалықта күріштен бөлек 200 гектар жоңышқамыз бар. Оны тәжірибелі диқан Мұқатай Сексенбаев баптап, гектарына 35-40 ц. жоңышқа жинап жүр. Осыдан өз жұмысшыларымызға және жер үлесі бар девиденттерге бір көліктен жоңышқа шөбін, екі қаптан ақ күріш тегін таратылады. Алдағы уақытта мұнан басқа да жеңілдіктерді қарастыратын боламыз. 2018 жылы шаруашылықтың екі қабатты кеңсе үйін соғып алдық. Жұмысшылар зәулім ғимаратқа келіп, шаршағандықтарын басады, мәдениетке ұмтылады, жиналысымыз да, концертіміз де осында өтеді. 20 техникаға арналған гараж бітуге жақын. Техникаға да жанашырлықпен қарамасақ, күтпесек тоз-тозы шықпай ма?&nbsp;Басты жаңалығымыз – тәулігіне 50 тонна күріш өңдейтін зауыты. Алған өнім өңделіп, сыртқа сатылатын болады. Қалған тірліктерімді сәл құпия ұстай тұратын – деп, кеудесіне бірнеше орден, медальдар таққан, отызында орда бұзған сымбатты жас жігіт Асқар Айтөреұлы әңгімесін аяқтаған сыңай танытты. Жылтырағанға көз салатын әдетіміз емес пе, Асқар 2016 жылы "Кәсіби саладағы сіңірген еңбегі үшін" медалімен, мекемені тиімді басқарғаны үшін "Жыл маманы" орденімен, 2017 жылы ауыл шаруашылығы қызметкерлерінің салалық кәсіптік одағының төсбелгісі "Еңбек даңқы" медалімен, жас жақаевшы "Ы.Жақаев 125 жыл" мерекелік медалімен, 2018 жылы агроөнеркәсіп саласында еселі еңбек етіп, үздік нәтижелерге қол жеткізгені үшін "Елеулі еңбегі үшін" ордендерімен марапатталыпты.Еселі еңбегімен елдің берекесін келтіріп жүрген Асқардың сүйген жары, отбасының ажары Рахима Нұрлыбаева да ауылдық пошта торабының меңгерушісі ретінде ауыл тұрғындарына қалтқысыз құрмет етіп келеді. Жұмыстан шаршап келгенде алдарынан үш ұлдары жүгіріп шығып, дүниені ұмыттырып жібереді. Ыбырай атамыз бақытын еңбектен, қара кетпеннен тапқан жоқ па? Олай болса, Асқардың алар асуы алда, тек алда.

Шиелі: Асқардың алар асуы алда

<h4 style="margin-left:0px;text-align:justify;">Фото: atr.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазақстан Республикасы Мемлекеттік қызмет істері агенттігінің Қызылорда облысы бойынша департаментінің мемлекеттік қызметтер басқармасының бас маманы З.Арыновамен сервистік және клиентке бағдарланған мемлекеттік аппаратты қалыптастыруға бағытталған қадамдық жоспарға сәйкес, «Қызмет беруші мектебі» жобасы аясында семинар өтті. Оған &nbsp;облыстық білім басқармасының және басқармаға қарасты мекемелердің, қалалық және аудандық білім бөлімдерінің қызметкерлері қатысты.</h4><h4 style="margin-left:0px;text-align:justify;">Жобаның негізгі мақсаты – мемлекеттік қызмет көрсету тәртібін айқындайтын ережелерді түсіндіріп қана қоймай, олардың ақпараттық жүйелерде практикалық қолданылуын терең жеткізу. Сонымен қатар, бұл жоба қызмет көрсету тәртібінің ерекшеліктері мен кемшіліктерін егжей-тегжейлі зерделеуге мүмкіндік береді.</h4><h4 style="margin-left:0px;text-align:justify;">З.Арынова семинарда білім саласы бойынша көрсетілетін мемлекеттік қызметтерді көрсету тәртібін реттейтін қағида талаптарына, қызмет көрсету тиімділігін арттыру, мемлекеттік қызметтерді көрсететін қызметкерлердің біліктілігін арттыру, мемлекеттік қызмет көрсетудің бірыңғай тәжірибесін белгілеу бойынша түсіндірме жүргізіп, семинарға қатысушылардың сұрақтарына жауап берді.&nbsp;</h4><h4 style="margin-left:0px;text-align:justify;">Жоба шеңберінде проблемалық маселелер талқыланды. Сондай-ақ, мемлекеттік органдар тарапынан білім саласына қатысты тиісті ұсыныстар қалыптастырылып, департаментке жолданатын болады.</h4><h4 style="margin-left:0px;text-align:justify;">Жалпы, аталған жоба қызмет көрсетумен айналысатын мамандардың біліктілігін арттыру және тәжірибе алмасу үшін бірегей платформа болып табылады. Интерактивті форматтың, тәжірибелі оқытушылардың және жобаның практикалық бағыттылығының арқасында мемлекеттік көрсетілетін қызметтердің сапасын жақсартуға және халықтың қанағаттану деңгейін арттыруға мүмкіндік береді.</h4>

«Қызмет беруші мектебі» жобасы – тәжірибе  алмасу үшін бірегей платформа

<a href="https://kyzylorda-news.kz/">Kyzylorda-news.kz</a>&nbsp;Төретам кенті және Ақай ауылдық округі тұрғындарына адамдарды заңсыз әкетуге, балалар еңбегін заңсыз пайдалануға қарсы күрес жұмыстары мен мәжбүрлі еңбекке қарсы іс-қимыл бойынша түсіндірме жұмыстары жүргізілді.Қазақстан Республикасы Үкіметінің «Адам саудасына байланысты қылмыстардың профилактикасы, алдын алу және оларға қарсы күрес жөніндегі арналған іс-шаралар жоспары туралы» 2021 жылғы 24 ақпандағы №94 қаулысына сәйкес Қызылорда облысының бақылау жөніндегі басқармасы, облыстық прокуратура облыстық полиция департаменті және үкіметтік емес ұйымдардан құрылған мобильді топ адамдарды заңсыз әкетуге, балалар еңбегін заңсыз пайдалануға қарсы күрес жұмыстары мен мәжбүрлі еңбекке қарсы іс-қимыл бойынша түсіндірме жұмыстарын жүргізді.Жиынға Ұйымдасқан қылмысқа қарсы күрес басқармасының Аса маңызды істері жөніндегі аға жедел уәкілі полиция капитаны Уздембаев Жанболат Жақсылықұлы, Ұйымдасқан қылмысқа қарсы күрес басқармасының аға жедел уәкілі полиция капитаны Сайфулла Сұнғат Сайфуллаұлы және Қызылорда облысының бақылау жөніндегі басқармасы әкімшілік-құқықтық бөлімінің бас маманы Турасилова Индира Қылышбекқызы, Төретам кенті және Ақай ауылдық округі бойынша мекеме басшылары, медицина қызметкерлері, кәсіпкерлер, кент және ауыл тұрғындары қатысты.

Төретамда тұрғындарға түсіндірме жұмыстары жүргізілді

<h4 style="margin-left:0px;text-align:justify;">Фото: el.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазақ ұлттық мәдениетінің ең байырғы, салаларының бірі – қолөнер, оның ішінде – ши тоқу. Бүгінде осы өнерді жалғастырып, оның жандануына үлес қосып жүргендердің бірі – Зылиха Қалендер Шиелі ауданы Тартоғай ауылының тумасы.</h4>Ол оқушы кезінде сурет салуға бейім болған.Тек сурет салумен шектелмей, ши тоқуды да қатар алып жүрді. Ең алғаш 1999 жылы Қазалы ауданы кәсіпкерлері мен қолөнер шеберлерінің фестиваліне қатысып, ши тоқуға деген қызығушылығы арта түсті. Астана қаласында Қазақстанның жетістіктеріне арналған шаралардың, Атырау, Шымкент, Алматы қалаларында болған қолөнер шеберлері көрмелерінің тұрақты қатысушысы. Қазақстан шеберлер одағының мүшесі. EXPO-2017 этноауыл көрмесіне Сыр елінің атынан қатысты. Қырғыз &nbsp;еліндегі «Караван искусства» фестивалінен жүлделі орынмен оралды. «Көненің көзі» атты кітапта да өз қолтаңбасын қалдырды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<blockquote>– Ши тоқу, оған боялған түрлі-түсті жүн орап, өрнектеп безендіру &nbsp;– ғасырлар бойы келе жатқан өнер. Ол сырт көрінісіне қарай ақ ши, ораулы ши, шым ши болып үш топқа бөлінеді. Олардың әрқайсысы өз орнымен әртүрлі мақсатқа пайдаланылады. Атап айтқанда, қабығынан тазартылған ақ шиді көбінесе құрт, ірімшік, т. б. жаю үшін қолданатын болса, ұзына бойы әр түсті жүнмен немесе жібекпен оралған шым – ши киіз үйдің сәнді жиһазы. Ал өн бойы тұтас емес әр жерінен аралатып оралған шиді орама ши немесе ораулы ши деп атайды.Бұл да – сәндік жиһаздарының бірі.</blockquote>– Осы өнерді дәріптеу, кейінгі ұрпаққа жеткізу біздің міндетіміз деп білемін, – дейді ол.Қалай десек те қазақ қолөнерінде шидың алатын орны ерекше. Ұлттық құндылықтарымызды дәріптейтін, қазақилықтың нағыз нышанын қалыптастыратын жандардың арамызда болуы бізді қуантады.<img src="https://knadmin.beoblood.kz/uploads/dc0231c1_b4aa_47d5_94b0_2c85d5655617_e06614b011.jpg" alt="dc0231c1-b4aa-47d5-94b0-2c85d5655617.jpg">

Қазақстан және Қызылорда облысының жаңалықтары