Фото: faktiler.kzҚазақтың жыл санауы бойынша 2024 жылы ұлу жылы кіреді. Ал әр жылдың өзіне тән мінезі, ерекшелігі бар. Ұлу жылы жайлы толығырақ Sputnik Қазақстан дерекқорынан оқыңыз.<h3 style="margin-left:0px;">Жыл қайыру</h3>Қазақта жыл қайыру, яғни санау он екі жылдан тұрады. Он екі жылды ата-бабамыз бір мүшел деп білген. Бір мүшелдің жылдары он екі түрлі аң мен жануардың атымен аталған.Бірінші – тышқан жылы, екінші – сиыр, үшінші – барыс, төртінші – қоян, бесінші – ұлу, алтыншы – жылан, жетінші – жылқы, сегізінші – қой, тоғызыншы – мешін, оныншы – тауық, он бірінші – ит, он екінші – доңыз жылы. Әрбір жануардың жылы наурызда кіреді.Әр мүшел аяқталып, екіншісі басталғанда, он үшінші жыл тағы да тышқаннан саналып, есеп қайта ашылады. Бірінші мүшел – 13 жас, содан кейін он екі жылдан қосыла береді.<h3 style="margin-left:0px;">Жыл басы неге тышқаннан басталады</h3>Ел арасында тараған аңыз-әңгімеге сүйенсек, жылдың басы тышқан аталатын себебі – ол бойы барлығынан ұзын түйенің құлағына шығып кетіп, жылды ең бірінші болып көріпті. Ал түйе бойына сеніп жылдан құр қалып, қалғандары жақындап келе жатқан жылды көру ретімен жыл аттарын иемденіпті-міс.Тағы бір аңызда "Шығыс күнтізбесіндегі жыл қайыру аспан асты Түрік елінің ең бірінші ханы Қисаға-Тәңірдің кең көлемдегі аң аулау кезінде барлық аңдар қашып, судан жүзіп өтіп құтылуды ойлапты. Содан Іле өзенінен төмендегі тәртіппен жүзіп өтіпті. Бірінші болып суға тышқан, оның артынан сиыр, барыс, қоян, ұлу, жылан, жылқы, қой, мешін, тауық, ит, ең соңынан доңыз жүзіп өтіпті. Осы рет саны шығыс күнтізбесінде күні бүгінге дейін сақталып қалған" деп айтылады.<h3 style="margin-left:0px;">Әрбір жылдың өзіндік мінезі бар</h3>Ғұлама шипагер Өтейбойдақ Тілеуқабылұлы он бесінші ғасырда жазған "Шипагерлік баян" кітабында жыл атауларына өз сипттамасын берген."Сумақы — тышқан. Маңғаз — сиыр. Айбар — барыс. Секем — қоян. Сумаң — жылан. Тұлпар — жылқы. Иіртек — ұлу. Шопан — қой. Мешін — мешін. Айтақ — ит. Шақырауық — тауық. Қорысқы — доңыз", - деп жазды Тілеуқабылұлы.Зерттеушілердің айтуынша, ежелгі көшпенділер хайуандық күнтізбені қытайлардан қабылдап алған көрінеді. Алайда бұл күнтізбе толығымен көшірілмеген, оның өзіндік ерекшеліктері бар. Мәселен, Қытайда Маймыл жылы, көшпенділерде Мешін жылы деп аталады. Ал Айдаһар жылының Ұлуға айналуы туралы екі болжам бар. Қай уақытта да ауа райына тәуелді көшпенділер көбіне жазы қуаңшылықпен, қысы жұтпен есте қалған Қоян жылынан кейінгі жылға жауын-шашын мол болсын деген ырыммен сулы жерде өмір сүретін ұлудың атын берсе керек. Екінші болжам бойынша айдаһар қытай тілінде "лұн" деп аталады екен. Ұлу сөзі осы "лұн" сөзінен шығуы мүмкін.<h3 style="margin-left:0px;">Ұлу жылының ерекшелігі</h3>Ұлу суда жүретін болғандықтан, бұл жылы құрғақшылық болмайды. Жыл тыныштықпен, береке-молшылықпен өткен. Түркі жұрты оның ішінде қазақтар да ұлу жылы астық, шөп мол болады деп жорамалдаған. Соған қарағанда бұл халық үшін жайлы, жұмсақ жылдар қатарынан орын алса керек. Кей жылдары ұлу да жайсыз келіп отырған. Оған Бейімбет Майлиннің "Ұлу" деген өлеңі (1917) дәлел болады.Ұлу келіп көтерді елдің обалын,Мал жұтатып, сынын алды қораның.Нақ ұлудай ұлытқан жоқ қазақты,Атышулы былтырғы өткен "қояның".1916 жылы ұлт-азаттық көтеріліс, Қазақстандағы байлардың мүлкін тәркілеп, өздерін Сібірге жер аударған 1928 жылғы голощекиндік кәмпеске де Ұлу жылында болған.Дегенмен, ұлу жылы өте жайлы, жұмсақ жыл болып есептеледі. Стихиялық белгісі – ағаш. Бейбіт өмірді сүйетін, жайлы, тыныштықты жаны қалайтын, ақылды да зерек адамдар осы жылы туады деседі. Кемшілігі: тез ренжігіш, қырсықтау келеді.

2024 жыл: Ұлу жылы қандай болады?

<a href="https://kyzylorda-news.kz/">Kyzylorda-news.kz.</a> Жылдың соңғы күндерінде елдің басым бөлігінде күн жылына түседі. Атлантика аймағынан келетін келесі циклон салдарынан қар аралас жаңбыр жауып, көктайғақ болады, жел күшейеді.<blockquote>Ауа температурасы түнде солтүстікте - 5-15-тен 0-5 градусқа дейін, орталықта - 5-15-тен 0-5-ке дейін көтеріледі, оңтүстікте - 3-11 градусқа жетеді. Батыста – 3 аяз – 2 жылы, шығыста – 0-10 аяз, оңтүстік-шығыста – 2-10, таулы аймақтарда – 12-17 аяз, күндіз республиканың солтүстік жартысында 5 аяз - 2 жылы, оңтүстік жартысында 2-7 градус нөлден жоғары, таулы аймақтарда 0-5 градус аяз болады, деп хабарлады синоптиктер.</blockquote>

Қар аралас жаңбыр жауып, жел күшейеді

Kyzylorda-news.kz. Облыс әкімі Нұрлыбек Нәлібаев Жаңа жыл қарсаңында медицина мекемелеріне жаңа санитарлық автокөліктердің кілтін салтанатты түрде табыстап, Сыр медицинасының ілгерілеуіне жан-жақты қолдау көрсетілетінін айтты.<blockquote>«Мемлекет басшысы қоғамның тұрақты дамуы жолындағы ұлт саулығының маңызына ерекше мән беріп келеді. Медициналық қызметтің қолжетімділігін, денсаулық сақтау саласы инфрақұрылымын одан әрі жетілдіру үшін облыста да кешенді шаралар қабылдануда. Биыл медицина мамандарына, ардагерлеріне құрмет көрсетіліп, жыл жағымды жаңалықтарымен ерекшеленді. Республикаға белгілі дәрігер хирург Абдулла Шүленбаев Қызылорда облысының Құрметті азаматы атағын алса, дәрігер нейрохирург Шынжырбай Оразмаханұлы «Құрмет» орденімен наградталды. Төрт дәрігер республикалық «Үздік маман» конкурсының жеңімпазы атанып, 2 дәрігер Астанадағы Медицина қызметкерлері күніне орай өткен мерекелік шарада «Алтын шипагер» марапатын иеленді. Денсаулық сақтау саласының ардагері Ернияз Омарұлына ескерткіш-бюст орнатылды. Бұл - өңірде жасалған жұмыстардың бір бөлігі ғана», - деді Нұрлыбек Машбекұлы.</blockquote>Салтанатты іс-шарада облыстағы денсаулық сақтау ұйымдарына 512,5 млн. теңгеге алынған &nbsp;25 жаңа санитарлық автокөлік және құны 43,1 млн. теңге тұратын мүгедектігі бар балаларды тасымалдау үшін арнайы жабдықталған автобус табысталды.Айта кетейік, 2022 жылы 45 жедел жәрдем көлігі алынып, облыстық медициналық жедел жәрдем стансасы 100% &nbsp;қамтамасыз етілді. Келер жылы да денсаулық сақтау ұйымдарын санитарлық автокөліктермен қамтамасыз ету жұмыстары жалғасатын болады.Іс-шарада Денсаулық сақтау саласының үздігі, Қызылорда қаласының құрметті азаматы Сағындық Шәмшиев әріптестерін құттықтап, ізгі тілегін арнады. Рәсімде бірқатар үздік қызметкер марапатталды.Қызылорда облысында Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан құрылысын салу жоспарланған. Жуырда аймақтың 7 ауданында 15 дәрігерлік амбулатория пайдалануға берілді. Қалған нысандардың &nbsp;құрылысы келер жылы жүргізілмек.<img src="https://knadmin.beoblood.kz/uploads/FB_IMG_1703925033634_3561a9dfdd.jpg" alt="FB_IMG_1703925033634.jpg"><img src="https://knadmin.beoblood.kz/uploads/FB_IMG_1703925036006_5af808a5cc.jpg" alt="FB_IMG_1703925036006.jpg"><img src="https://knadmin.beoblood.kz/uploads/FB_IMG_1703925026299_6b75335b7b.jpg" alt="FB_IMG_1703925026299.jpg"><img src="https://knadmin.beoblood.kz/uploads/FB_IMG_1703925022013_772b06b189.jpg" alt="FB_IMG_1703925022013.jpg">

Қызылордада медицина мекемелеріне жаңа 26 көлік табысталды 

Kyzylorda-news.kz. Жаңа жыл мерекесі қарсаңында «Бәйтерек» тұрғын ауданына «Қызылжарма» каналы арқылы өтетін автомобиль көпірі пайдалануға берілді.Бұл көпір халықтың көптен бергі сұранысы бойынша салынды. Құны 368,6 млн. теңге болатын өткел құрылысын «Стандарт Ойл» ЖШС жүргізді. &nbsp; &nbsp;Көпірдің ашылу салтанатына қала әкім Асылбек Шаменов, &nbsp;облыстық мәслихат төрағасы Наурызбай Байқадамов, Қызылорда қаласының және Арал ауданының Құрметті азаматы Имамадин Оңғарбаев және еңбек ардагері Жүзбай Таңрықбаев қатысты. &nbsp;Сөз алған облыстық мәслихат төрағасы Наурызбай Сейітқалиұлы «Ұлт даналығында «құдық қазған, көпір салған және ағаш еккен» деген үш сауапты іс бар. Бүгінде сол сауаптың ең күрделісі және маңыздысы орындалды. Халықтың сұранысына сәйкес қажетті жұмыстардың легі мұнымен тоқтамайды. Аймақ басшысының қолдауымен байыпты бастамалар, жарқын жобалар жүзеге аса бермек. Жаңа жыл қарсаңындағы қуанышты сәтпен баршаңызды құттықтаймын!» - деді.Бірнеше жылдан бері көтеріліп келген мәселе шешімін тауып, қолайлы жағдай жасалғанына бәйтеректіктер ризашылықтарын білдіріп, ел азаматтарына алғыстарын жаудырды.Айта кету керек, «Бәйтерек» - жаңа тұрғын аудандардың бірі. Бұл елдімекенге қоныстанушылар қатары күн сайын артып келеді. Тиісінше, мұнда қажетті инженерлік-инфрақұрылым жүйелері жүргізілуде.Биылдың өзінде республикалық бюджеттен бөлінген 1 млрд. 111 млн. теңгеге 7 дана су ұңғымасы мен 3 дана резервуар құрылысы жүрді. Осы ұңғымалар арқылы Бәйтерек, КБИ, Шанхай, Әл-Фараби мөлтек аудандарына сапалы ауыз су берілуде. &nbsp;1 млрд. 261 млн. теңгеге 600 орындық мектеп салынып, қазірде осы тұрғын ауданның балалары жаңа ғимаратта білім алуда. Сонымен қатар, 11 көше жөндеуден өтіп, мақсатты жобалар жалғасуда.<img src="https://knadmin.beoblood.kz/uploads/FB_IMG_1703923969961_e63574df36.jpg" alt="FB_IMG_1703923969961.jpg">

Жаңа көпір ел игілігіне берілді

<a href="https://kyzylorda-news.kz/">Kyzylorda-news.kz.</a>&nbsp; Енді әкімдер бюджеттен қаржы алғысы келсе, өңірдің даму жоспарын ұсынуы қажет. Бұл туралы ұлттық экономика министрі Әлібек Қуантыров айтты, деп хабарлайды Massaget.kz.Бүгін Мәжілістің жалпы отырысында жаңа редакциядағы Бюджет кодексінің жобасы мен ілеспе заң жобалары бірінші оқылымда қаралып жатыр.Әлібек Қуантыров заң жобасының маңызды тұсына тоқталды.<blockquote>"Бюджет кодексі бюджеттік саясаттың негізі болып саналады. Ол мемлекеттің стратегиялық міндеттерін қаржыландыруға, республикалық және жергілікті бюджеттердің жұмыс істеуіне байланысты барлық процесті реттейді. Осыған байланысты жаңа Бюджет кодексі бірнеше маңызды міндеттерді шешуге бағытталған. Біріншіден, бұл бюджеттік процестерді жеңілдету. Екіншіден, блоктық бюджеттің элементтерін енгізу. Үшіншіден, мемлекеттік қаржыны шоғырландырылған басқару үшін заңнамалық негіз құру. Төртіншіден, бюджетаралық қатынастарды жетілдіру. Бесіншіден, нәтижеге бағытталған бюджет қағидаттарын күшейту және нәтижелерді басқару құралдарын жетілдіру", - деді министр.</blockquote>Оның айтуынша, жергілікті бюджеттің шығысын жоспарлау сапасын арттыру үшін жаңа Бюджет кодексіне бірқатар норма енгізілген. Оның бірі – әкімдердің жұмысына қатысты.<blockquote>"Әкім қызметінің бір базалық құжатын – өңірді дамыту жоспарын айқындау ұсынылады. Тек даму жоспары негізінде бюджет бөлінуі керек. Оның құрамында бюджетті жоспарлау және өңірді дамыту үшін негіз болатын инвестициялық жоспар әзірленетін болады. Мұндағы басты мәселе, ол барлық мемлекеттік органдарда бар деректердің негізінде елді мекендер бөлінісінде проблемалық және басым аймақтарды көрсететеді. Бұл ақша бөлу кезінде, ақшаны қайда және неге бағыттау керек екені көрініп тұратын қолайлы құжат болады", - деді Әлібек Қуантыров.</blockquote>Бюджет кодексін жаңа редакцияға сәйкес келтіру үшін барлығы 26 заңға түзету мен өзгерту енгізіледі.&nbsp;

 Бюджет кодексі: Әкімдерге талап күшеймек  

Спорттық-әуесқойлық балық аулау – спорттық қажеттіліктерді қанағаттандыру, спорттық жарыстарға қатысу үшін, сонымен қатар, балық аулауға арналған өнімдерді жеке тұтыну мақсатында, тек балық аулауға мүмкіндік беретін балық аулау құралдарымен (жылтырауық, қармақ, жыртқыш балықтарды аулауға арналған қармақтар, спиннингтер) жүзеге асырылатын балық аулау түрі.Сондай-ақ, спорттық-әуесқойлық балық аулау – бұл табиғатта адамдардың таза ауада оңаша уақыт өткізу хоббиі болып табылады. Елімізде спорттық-әуесқойлық балық аулауды халық демалатын аймақтан тысқары арнайы бөлінген жерлерде, сонымен қатар, жануарлар дүниесін пайдаланушымен белгіленген арнайы орындарда, бекітіліп берілген балық шаруашылығы су айдындарында ұйымдастыруға болады. Бүгінде елімізде спорттық-әуесқойлық балық аулау енді дамып келе жатқан салалардың бірі болып табылады.&nbsp;Балық шаруашылығы су айдындарының және учаскелерінің резервтік қорында әуесқойлық балық аулауды жүзеге асыруға мүмкіндік беретін «Жануарлар дүниесін өсімін молайту мен пайдалану туралы» ҚР Заңының 26-бабының 2-тармағын көрсетілгендей, 1 балықшыға 5 кг дейін балықты рұқсатсыз аулауға болады, егерде 5 кг астам балық аулау жағдайында жазбаша өтініш бойынша жергілікті атқарушы органнан рұқсат алу қажет. Тіркелген балық шаруашылығы су айдындарында және учаскелерінде балық аулау жолдама негізінде жүзеге асырылады. Жолдамаларды ақылы түрде балық аулау квотасы арқылы немесе тағайындаған табиғи ресурстарды пайдаланушылар береді. Балық аулаушы спорттық-әуесқойлық балық аулау кезінде өзімен бірге жолдама, рұқсат қағазы және жеке басты куәландыратын құжатын алып жүруі тиіс. &nbsp;Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Спорттық-әуесқойлық балық аулау шарттары білесіз бе?

<a href="https://kyzylorda-news.kz/">Kyzylorda-news.kz.</a>&nbsp; 2024 жыл қытай күнтізбесінде Айдаһардағы Ян ағашы немесе Ағаш айдаһар деп аталады. Сондықтан, Динара Құрман мәліметінше, 2024 жылы денсаулыққа қалай көңіл бөлу керегі қытай күнтізбесі бойынша негізделген екі элементке қарап болжанады.Бірінші элемент - Ян ағашы.<blockquote>"Ян ағашы жоғары эмоционалдылық, бүлікшіл, ашуланшақтық, қыңырлық, қоғамға қарсы мінез-құлықпен байланысты. Сондықтан, 2024 жылы психологиялық денсаулыққа көп көңіл бөлген жөн. Мысалы йога, медитация жасап, психолог кеңесіне жазылып, дұрыс ұйықтап, иммунитетті нығайтып, бірқалыпта ұстау үшін дәрумендер ішу керек. 2024 жылы психологиялық саулық үшін барлық нәрсеге шыдамдылық танытып, шешімін кикілжіңсіз табуға тырысу маңызды", - дейді маман.&nbsp;</blockquote>Қытай медицинасы тұрғысынан Ян ағашы адам ағзасындағы бауыр, ұйқы безі, бұлшықет пен сіңір&nbsp;сияқты мүшелермен байланысты, ал Айдаһар асқазан-ішек жолдарының жұмысына жауап беретін жер элементімен байланысты.<blockquote>"Бір қызығы, психосоматика бойынша бауыр мен ұйқы безінің аурулары адам ашуланған кезде ұстамды болуға септігін тигізеді, ал асқазанның тамақты қорыта алмауы адам өміріндегі қиын жағдаймен байланысты болуы мүмкін. Кез келген аурудың алдын алу үшін ағзаны улы заттардан тазартып, сапалы ұйықтап, физикалық белсенділікке назар аударуыңыз керек", - дейді ол.</blockquote>Ақпарат дереккөзі: <a href=" https://massaget.kz/basty-zhaalytar-438/96692/">Massaget.kz</a>&nbsp;

2024 жылы денсаулыққа қалай көңіл бөлу керек?

Фото:elements.envato.com<a href="https://kyzylorda-news.kz/">Kyzylorda-news.kz.</a>&nbsp; Танымал қазақстандық нумеролог Құралай Бақытқызы алда келе жатқан ұлу жылы кімдерге сәттілік әкелетінін болжады, деп хабарлайды <a href="https://sputnik.kz/">Sputnik Қазақстан</a>.<h3 style="margin-left:0px;">Жыл ұраны – асықпай, аңдап басу</h3>Маманның айтуынша, 2024 жылдың саны – 8. Ал бұл нумерологияда – мақсатқа, мансапқа жетуге көмектесетін цифр. Сондықтан ұлу жылын бизнес бастап, ақшалы болуға жол ашатын жыл деп атауға болады.Жасыл ұлу жылының стихиясы – ағаш."Байқайсыздар ма, соңғы кездері уақыт жылдам өтіп жатыр, зулап барады. Бірақ 2024 жылы уақыт, керісінше, баяулайды. Өйткені ағаш өзі баяу өседі, ұлу да ақырын қозғалады. Жылдың ұраны – асықпай, аңдап басу. Кім асығады, сол қателеседі. Сол себепті әр қадамын ойластырып, жоспар құрып, "жеті рет өлшеп, бір рет кес" деген халық даналығын басшылыққа алатын адамдардың жолы болады. Тәуекелді жаны сүйетін, жоспарларын үнемі ауыстыра беретін жандарға қиын болуы мүмкін", - деп ескертті нумеролог.Сондай-ақ Құралай Бақытқызы 2024 жылға көгалдандыру жылы деген атау берді. Алдағы жылы қоршаған ортаны қорғап, табиғатты аялап, баса мән беріп, көгалдандырып, гүлдендіретін жыл.Бұдан бөлек бұл карма және гравитация саны. Карманың жағымды тұсы – осы күнге дейін тер төгіп, еңбектенген адамдар жұмысының жемісін көреді. Ал кемшін тұсы ата текпен байланысты болуы мүмкін. Кейде адам өміріндегі көп дүние цикл бойынша қайталанады, соған мән беру қажет."Баяу жылдың кемшіліктері де бар. Табиғаттағы бес стихия өзін көрсетуі мүмкін. Қыс жылы өтіп, ақпан-наурыз айларында су тасу қаупі бар. Гравитация жылы болғандықтан, жер сілкінісі немесе ұшақ апаты, яғни төтенше жағдайлар қаупі артады. Сол себепті осыларға күні бұрын мән беріп, алдын алу маңызды", - дейді қазақстандық маман.Сонымен қатар 2024 жылы әлемде жасанды интеллектінің дамуы қарқын алады деп күтілуде.<h3 style="margin-left:0px;">Халықтың қаржылық сауаты артады</h3>Құралай Бақытқызының айтуынша, 2024 жыл – қарызға өмір сүріп жүрген жандардың қаржылық сауаты ашылатын жыл.&nbsp;<blockquote>"Сегіз саны материалдық дүниелерді білдіреді. Яғни адамдар рухани баюдан гөрі тұрмысын жақсартуға, кредиттерін жауып, депозит ашуға, кәсіп бастауға мән береді. Көбінің зейіні соған ауады. Мысалы, өткен жыл махаббат, отбасылық бақыт, шаңырақ көтеру жылы болса, 2024 жыл ақша, мансап, бизнес жылы. Қазақтардың материалдық жағдайы, қаржылық сауаты артады, несиесі азаяды деп болжап отырмын. Әр қазақстандық кәсіпкер болуға ұмтылатын жыл", - деп болжады нумеролог.</blockquote>&nbsp;Алайда таяқтың екі ұшы болатыны сияқты, ұлу жылының да "минус" жақтары бар.<blockquote>"Бір жағынан халықтың қаржылық сауаттылығы артып, кәсіп ашатындар көбейеді десек, екінші жағынан салықшылар тарапынан жеке кәсіпкерлікке бақылау, қысым күшейгелі тұр. Тарихқа үңілсек, бұрын да ұлу жылы осындай қыспақ болған екен. Мәселен, сонау 1928 жылғы кәмпеске. Енді келесі жылы кармалық сегіз саны болғандықтан, артықшылықтары – елде сауда-саттық өсіп, экономика дамиды. Үкімет те бұған жағдай жасап отыр, Қытаймен визасыз режим орнатты. Ал екінші жағынан әділеттілік болу үшін салық бақылауын қатаңдатады, сөйтіп, керісінше, халықтың мүмкіндігін шектейді. Сондықтан кейбір адамдар бизнес жүргізуден қорқып, қолды бір сілтеуі мүмкін. Бірақ ұлу жылы керісінше батыл қадамға барған жөн. Үкімет те соған мүмкіндік берсе құба-құп", - дейді Құралай Бақытқызы.</blockquote><h3 style="margin-left:0px;">Шығыстың шарапаты</h3>Қазақстандық нумерологтың айтуынша, "ұлу жылы кім Шығысқа жылжиды, сол адам ұтады"."Яғни Қытай, Малайзия, көршілес шығыс елдерімен көбірек алыс-беріс жасассақ, еліміз дамиды. Бұл жыл шығыс елдеріне барып, сауда-саттық, экспорт-импорт жағын дамытуға қолайлы жыл. Өнеркәсіп, зауыт-фабрика, жаңа жұмыс орындары көптеп салынады деп ойлаймын", - деді маман.<h3 style="margin-left:0px;">Ұлу жылы кімдер үшін табысты</h3>Дүниеге келген жылы "4-ке" аяқталатын, мысалы 1964, 1974, 1984, 1994, 2004 жылдары туған адамдар үшін ұлу жылы жайлы, жеңіл өтеді, көптеген мүмкіндікке жол ашылады, энергия артады.Ал туған жылы "0" мен "1" аяқталатын (1990, 1991, 2000, 2001) адамдар үшін 2024 жыл – баю жылы. Кейбіреулері баспаналы болады, кәсіп ашады, қызметі өсіп, жалақысы көтерілуі мүмкін.Сондай-ақ туған жылы "5", "6", "7" сандарына бітетін (мысалы 1985, 1986, 1987) азаматтар үшін келесі жыл өте ресурсты болады. Яғни олар білім алады, жан-жақты дамиды, денсаулығы жақсарады.<h3 style="margin-left:0px;">Әлемдегі геосаяси ахуал</h3>Нумерологтың болжамынша, 2024 жылы әлемдегі текетірес әлі де сақталады. Жылдың матрицасында "4" саны тұрғандықтан, аздаған агрессия болады. Бірақ 2025 жылға қарай геосаяси шиелініс бәсеңдейді.<blockquote>"2024 жылдың бірінші жартысында елдер арасындағы қақтығыс әлі де сақталады. Ал екінші жартыжылдықта, яғни 2025 жылға жақындағанда жағдай тұрақталып, тынышталады. Сондықтан келесі жылды екіге бөліп қарастыруға болады", - дейді ол.</blockquote><h3 style="margin-left:0px;">Жаңа жылды қандай түспен қарсы алған дұрыс</h3>Құралай Бақытқызы қазақстандықтарға алдағы жаңа жылды жасыл түспен қарсы алуға кеңес берді. Мерекелік дастарханда "жасыл" өнімдер, салат, жеміс-жидек пен көкөніс мол болғаны абзал.

Нумеролог ұлу жылына болжам жасады

<a href="https://kyzylorda-news.kz/">Kyzylorda-news.kz.</a>&nbsp; Жаңа жыл қарсаңында «Асан мен Үсеннің басынан кешкендері немесе ақшаның қайдан келетіні және оны жоғалтпау туралы хикая» атты балаларға арналған қаржылық қосымшасының соңғы шығарылымын назарларыңызға ұсынамыз.Барлық бөлімдерді қорытындылай келе, Асан мен Үсен ақшаның шығу тарихымен танысып, оның отбасылық бюджетке қайдан түсетінін және қайда жоғалып кететінін, интернеттегі жарнамаға неге сенбеу керектігін және көп ақша табуға уәде беретінін білді. Ақша жұмсауды және тұтастай алғанда қаржыландыруға дұрыс көзқарасты қалыптастыруды үйренді.Сондай-ақ соңғы шығарылым пайдалы ақпараттың қазынасымен, «Алтын монета» балалар ойын бөлмесімен, «Онлайн қауіпсіздік ережелері» комикс-тренингімен және «Қаржылық сауатты балаларға арналған ойын» тақырыбындағы шытырман оқиғалы ойынмен бірге жүреді.Балаларға арналған қаржылық қосымшалар ҚР Қаржы нарығын реттеу және дамыту агенттігінің «Дружные ребята» және «Ұлан» республикалық газеттерінде қаржылық сауаттылық жөніндегі арнайы қосымшасы шеңберінде шығады. Ол бастауыш және орта мектеп жасындағы балаларға арналған.Толығырақ «<a href="https://fingramota.kz/kk/kids-app/publication/asan-men-senni-basynan-keshkenderi-nemese-asha-turaly-hikaya-10-tarau">Балаларға арналған қосымшалар</a>» бөлімінде оқыңыздар.&nbsp;

Fingramota.kz балаларға арналған қаржылық қосымшаның соңғы оныншы шығарылымын ұсынады  

Фото: slovoidilo.ua<a href="https://kyzylorda-news.kz/">Kyzylorda-news.kz.</a> Қазақстан аумағы бойынша 2023 жылдың 30 желтоқсаны мен 2024 жылдың 1 қаңтары аралығына арналған ауа райы болжамы белгілі болды.&nbsp;Жылдың соңғы күндерінде еліміздің басым бөлігінде жылымық сақталады. Атлантика аудандарынан тағы бір циклон жауын-шашын қар мен жаңбыр түрінде, көктайғақ құбылыстары және бұрқасынмен желдің күшеюімен келеді.Ауа температурасы түнде солтүстікте 5-15 градус аяздан 0-5 градус аязға дейін, орталықта 5-15 градус аяздан 0-5 градус аязға дейін күтіледі. Ал оңтүстікте 3-11 градус аяздан 0-5 градус аязға дейін ауытқу байқалса, батыста басым температура 3 градус аяз -2 градус жылы, шығыста 0-10 градус аяз, оңтүстік-шығыста 2-10, таулы аймақтарда 12-17 градус аяз болады. Күндізгі температура республиканың солтүстік жартысында 5 градус аяз-2 градус жылы, оңтүстік жартысында 2-7 градус жылы, таулы аудандарда 0-5 градус аяз болады.

Сенбіге арналған ауа райы болжамы

Kyzylorda-news.kz. Бүгін облыс әкімі Нұрлыбек Нәлібаев Н.Бекежанов атындағы облыстық музыкалық-академиялық драма театрында өткен салтанатты жиында әр саланың озаттарын марапаттады. Жыл бойы еңбегімен көзге түсіп, шәкірттері білім бәсекесінде топ жарған ұстаздарға 1 млн 035 мың теңгенің біржолғы қаржылай сыйақы сертификатын табыстады.Аймақ басшысы Сыр жұртшылығын Жаңа жыл мерекесімен құттықтап, өткен жыл толағай табыстар мен ілкімді істерге толы болғанын айтты.«Санаулы күннен кейін 2023 жылды түйіндеп, жаңа жылға қадам басамыз. 2023 Сыр елі үшін берекелі, ырысы мол жыл болды. Президентіміз Қасым-Жомарт Кемелұлы арнайы жұмыс сапарымен келіп, өңірдің дамуына оң бағасын берді. Облыстағы маңызды мәселелерге қатысты тарихи шешімдер қабылдады. Экономиканың барлық негізгі көрсеткіштерінде өсім бар. Тамыз айынан бері үздіктер қатарында, яғни алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, 13 желтоқсандағы облыстық мәслихат сессиясында 2024 жылдың бюджеті 650 млрд теңге болып бекітілді. Келер жылдың соңына дейін салық түсімдерін арттырып, жаңа өндіріс орындарын ашу арқылы бюджет көлемін &nbsp;700 млрд теңгеден асырамыз. Бұған резервтеріміз бар. Әлеуметтік салаға 435 млрд теңге (67%), жолдарды жөндеуге &nbsp;31,5 млрд теңге (4,8%), энергетика нысандарына &nbsp;32,7 млрд теңге (5%), құрылыс саласына &nbsp;19,7 млрд теңге (3%) қаржы бағытталуда. Жыл ішінде бұл қаржы көлемі едәуір ұлғаятын болады», – &nbsp;деді Н.Нәлібаев.Аймақ басшысы биыл ашылған әлеуметтік нысандар, пайдалануға берілген тұрғын үйлер, жүзеге асырылған инвестициялық жобалар мен алдағы уақытқа қойылған межелі міндеттерді атап шықты. Олардың ішінде түрік инвесторларымен бірге &nbsp;жаңа ЖЭО-ның іргетасын қалау, қалалық автобус паркін жаңа қоғамдық көліктермен толықтыру, 12 елді мекенді газдандыру секілді жетістіктер, келер жылға жоспарланған ауқымды жұмыстар бар.&nbsp; Жыл қорытындысына арналған салтанатты жиында сала озаттары мен түрлі номинация иегерлері марапатталды. Жетістіктерімен көзге түскен өз ісінің нағыз шеберлері, меценаттар, қоғам белсенділері &nbsp;құрмет төрінен көрінді.<img src="https://knadmin.beoblood.kz/uploads/FB_IMG_1703854880742_d71c8c10f5.jpg" alt="FB_IMG_1703854880742.jpg"><img src="https://knadmin.beoblood.kz/uploads/FB_IMG_1703854899930_ec3f2a5970.jpg" alt="FB_IMG_1703854899930.jpg"><img src="https://knadmin.beoblood.kz/uploads/FB_IMG_1703854936862_a97489aa7b.jpg" alt="FB_IMG_1703854936862.jpg"><img src="https://knadmin.beoblood.kz/uploads/FB_IMG_1703854874950_0575b1ea62.jpg" alt="FB_IMG_1703854874950.jpg"><img src="https://knadmin.beoblood.kz/uploads/FB_IMG_1703854870338_64b0758723.jpg" alt="FB_IMG_1703854870338.jpg">

Облыс әкімі сала үздіктерін марапаттады

<a href="https://kyzylorda-news.kz/">Kyzylorda-news.kz.</a> Жаңа жыл әрбір бүлдіршіннің асыға күтетін мерекесі. Осы мерекеде Мемлекет басшысы Қасым-Жомарт Тоқаев қызылордалық балаларға мерекелік сыйлық жіберді. Мереке қарсаңында Президентке хат жазған балаларға Ел басшысының арнайы құттықтауы мен сыйлығын шаһар басшысы Асылбек Шәменов пен облыстық білім басқармасының басшысы Асқарбек Есжанов табыстады. Ал ерекше білім беруді қажет ететін 14 жасар Салабат Нұрдәулетке &nbsp;ұялы телефон берілді.<blockquote>- &nbsp;Жаңа жыл қарсаңында Ел Президентінің арнайы сыйлығы мен мерекелік құттықтауын табыстауға арнайы келдік. Бұл мейрам балалар үшін өте ерекше екені белгілі. Барлық арманын қағазға түртіп, жаңа жылдық сыйлықтар күтеді. Ал осындай мезетте Мемлекет басшысының өзі бүлдіршіндерді қуантып, арнайы сыйлығын жіберіп жатыр. Мерекелік тартуды қабыл алыңыздар. Жаңа 2024 жыл баршаларыңызға құтты болсын!, - деді қала әкімі Асылбек Шәменов.</blockquote>«Атамекен» балалар үйіндегі бүлдіршіндер де мерекелік сыйлықтан құр қалмады. Ондағы барша бүлдіршіндерге &nbsp;тәттілер беріліп, Президентке хат жазған Роман Дмитриевке арнайы сыйлық табысталды.<blockquote>- &nbsp;Мен 6 жасымнан бастап, «Атамекен» балалар ауылында тұрамын. Мектепте жақсы оқып, белсенді болуға тырысамын. Кішкентай кезімнен өнерге, оның ішінде би билеуге қызығып өстім. Осы қызығушылығымның арқасында Мәскеу қаласында өткен «Ты супер танцы» тележобасына қатыстым. Жаңа жыл қарсаңында Президентімізге хат жазып, өз арманымды жеткіздім. Бүгін мінекей, Мемлекет басшысының сыйлығын алып қуанып жатырмын. Ендігі арманым Ел Президентімен кездесіп, қолын алғым келеді, - депті Роман Сергейұлы Президентке жазған хатынан.</blockquote>Мемлекет басшысы өзі келіп, жүздесе алмаса да, сәлемдемесін қала әкімі арқылы жеткізді. Роман Сергейұлына Президент атынан құттықтау тілек пен түрлі сыйлықтар және планшет табысталды. Сонымен-қатар, «Атамекен» балалар үйінің бүлдіршіндері домбыраны шертіп, мерекелік көңіл күй сыйлады. Бұған қоса, Сырдария ауданының әкімі Берік Сәрменбаев Президент сыйлығын өз ауданындағы Ернар Ыбырайға да табыстады. Бұл Жаңа жыл қарсаңында балаларға базарлық, мерекелік көңіл-күй сыйлаудағы ізгі іс деп білеміз.<img src="https://knadmin.beoblood.kz/uploads/akimat_2_b6b7a10dfd.jpg" alt="акимат 2.jpg">

Қазақстан және Қызылорда облысының жаңалықтары