Фото: agroportal-ziz.ru<a href="https://kyzylorda-news.kz/">Kyzylorda-news.kz.</a> Биыл өңірде эпизоотиялық тұрақтылықты сақтау мақсатында аса қауіпті 14 түрлі жұқпалы ауруға республикалық бюджет есебінен бөлінген 6973,5 мың доза ветеринариялық препараттар толық тасымалданып, аудандарға таратылды. Соның нәтижесінде жылдық жоспар 100 пайызға орындалып, облыста аса қауіпті аурулар тіркелмей эпизоотиялық жағдай тұрақты.Мемлекет басшысының 2021 жылғы халыққа Жолдауында ветеринария саласын реформалау жөнінде нақты шаралар қабылдау қажеттігін атап өтті. Президент тапсырмасына сәйкес, мамандардың жалақылары 40 пайызға көтерілді. «Биологиялық қауіпсіздігі туралы» ҚР Заңына сәйкес облыс көлемінде ветеринариялық ұйымдарда І және ІІ топтардағы патогенді биологиялық агенттермен жұмыс істеуді жүзеге асыратын ветеринар мамандардың лауазымдық айлық жалақыларына жүргізген жұмыстарының зияндылығына қаржы төлену керектігі дәлелденіп, ҚР Ауыл шаруашылығы министрлігіне ұсыныс берілді. Осыған байланысты алғаш рет республикалық бюджетен 2023 жылға 635 ветеринар маманға зияндылығы үшін республикалық бюджеттен 455,3 млн. теңге бөлініп, лауазымдық айлық жалақыларына 50% үстем ақы қосылып көтерілді. Сондай-ақ, ветеринариялық ұйымдардың базасын жаңарту мақсатында 2021 жылдан бері облыстық бюджеттен қаржы бөлінді. Осы жылы 30 дана арнайы автокөлік, 163 дана термочемодан, 163 компьютер жиынтығы сатып алынды.<figure class="image"><img src="https://knadmin.beoblood.kz/uploads/412880662_3506010486332351_6172081609535909286_n_9f72974d8a.jpg" alt="412880662_3506010486332351_6172081609535909286_n.jpg"></figure>

Аймақта эпизоотиялық жағдай тұрақты

Фото: қала әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Бүгін оқушылар сарайында шаһар басшысының балғын бүлдіршіндерге арналған Жаңа жылдық шыршасы өтті.Ғажайып мереке биылғы жылы «Жаңа жыл - жаңа қадам, жаңа бақыт» тақырыбында ұйымдастырылып, оқушылар сарайы бүлдіршіндер үшін жаңалық пен жұмбаққа толы таңғажайып ертегілер мекеніне айналды.Жаңа жылдық мерекелік іс-шараға ата-анасының қамқорлығынсыз қалған, әлеуметтік аз қамтамасыз етілген, көп балалы отбасының балалары, мүмкіндігі шектеулі бүлдіршіндер және білім, өнер, спортта жетістіктерге қол жеткізген талантты да дарынды оқушылардан барлығы 100 бала қатысты.Жаңа жылдық шырша салтанаты оқушылар сарайының өнерпаздары әзірлеген қойылымымен басталды. Қызықты кешке жиналған балалар Жаңа жылдық шыршаның басты қонақтары Аяз ата мен Ақшақарға өз өнерлерін көрсетіп, керемет сыйлықтарға ие болды.Мерекелік іс-шарада қала әкімі Асылбек Шаменов: "Айналайын бүлдіршіндер! Шаһарымыздың өздеріңдей білімді де талапты жастары әлемнің ең озық оқу орындарында білім алуда, спорт саласында биік белестерді бағындырып чемпион атануда, басқа да үлкен жетістіктерге қол жеткізіп Сыр елінің абыройын көтеруде. Сол аға-әпкелеріңнен үлгі алып, зерделі де зерек, білімді де білікті болыңдар. Жаңа жыл өздеріңе де, сендерді мәпелеп өсіріп отырған ата-аналарыңа да тек жақсылық әкелсін» – деген жүрек жарды лебізін жеткізді.Сонымен қатар, шаһар басшысы балаларға сыйлықтар табыстап, арнайы әзірленген жаңа жылдық тортты үлестірді. Бүлдіршіндер мерекелік дастарқаннан дәм татып, жаңа 2024 жылға ерекше көңіл күймен қадам басты.<img src="https://knadmin.beoblood.kz/uploads/414157428_3506054576327942_1969192024590988272_n_41df06ab7e.jpg" alt="414157428_3506054576327942_1969192024590988272_n.jpg">&nbsp;<figure class="image"><img src="https://knadmin.beoblood.kz/uploads/412931686_3506054229661310_3883667037667190914_n_70b2b565e5.jpg" alt="412931686_3506054229661310_3883667037667190914_n.jpg"></figure>&nbsp;<figure class="image"><img src="https://knadmin.beoblood.kz/uploads/412888384_3506054342994632_604021104551966500_n_d79dde549c.jpg" alt="412888384_3506054342994632_604021104551966500_n.jpg"></figure>&nbsp;<figure class="image"><img src="https://knadmin.beoblood.kz/uploads/414131485_3506054502994616_9084749891287097861_n_3061044804.jpg" alt="414131485_3506054502994616_9084749891287097861_n.jpg"></figure>&nbsp;<figure class="image"><img src="https://knadmin.beoblood.kz/uploads/414178638_3506054542994612_1225738132230292686_n_a9d5fac679.jpg" alt="414178638_3506054542994612_1225738132230292686_n.jpg"></figure>&nbsp;<figure class="image"><img src="https://knadmin.beoblood.kz/uploads/412747745_3506054349661298_1429380948182583530_n_3b0ca07cc2.jpg" alt="412747745_3506054349661298_1429380948182583530_n.jpg"></figure>

Қызылорда қаласы әкімінің Жаңа жылдық шыршасы өтті

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp;Облыс әкімі Нұрлыбек Нәлібаев Шиелі ауданына жұмыс сапарымен барып, Талаптан ауылдық округіндегі дәрігерлік амбулаторияның ашылу рәсіміне қатысты.Ауыл тұрғындарын енді аз күнде табалдырықтан аттайтын Жаңа жылмен және жаңа нысанның ашылуымен құттықтаған аймақ басшысы облыстың әлеуметтік-экономикалық даму жолындағы денсаулық сақтау саласының маңызын атап өтті.<blockquote>«Халық денсаулығын жақсартып, өмір сүру сапасын арттыру – мемлекеттің негізгі міндеті. Елімізде медицина мамандарының мәртебесі мен беделі жоғары болуы үшін барлық жағдай жасалуда. Мемлекет басшысы Қасым-Жомарт Кемелұлы денсаулық сақтау саласына әрдайым айрықша көңіл бөліп келеді. Медициналық қызметтің қолжетімді болуын қамтамасыз ету, денсаулық сақтау инфрақұрылымын одан әрі жаңғырту үшін облыста да кешенді шаралар қабылдануда. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынуда. Оның ішінде 15 дәрігерлік амбулатория құрылысы аяқталып, ел игілігіне берілуде. Соның бірі жақында ғана Жалағаш ауданының Мырзабай ахун ауылында жаңадан салынған дәрігерлік амбулаторияны ел игілігіне табыстадық. Саланың игі істері алдағы уақытта да өңір халқының игілігіне айнала берсін. Жаңа ғимарат баршаңызға құтты болсын!», – деді Нұрлыбек Машбекұлы.</blockquote>Іс-шарада мемлекет және қоғам қайраткері Мұрат Бақтиярұлы да жерлестерін құттықтап, игі тілегін білдірді. Еңбек ардагері Сейітмағанбет Жұманазарұлы ақ батасын берді. Сондай-ақ, мердігер мекеме өкілдері мен ауыл азаматтары марапатқа ие болды.Айта кетейік, «Бақ-Береке» ЖШС салған амбулатория 1 қабатты, жеке бу қазандығы арқылы дизель отынымен жылытылады. Жаңа нысан алғашқы медициналық көмек көрсететін мекемеге қажетті барлық жабдықтармен жарақталған.Дәл осындай амбулатория Шиелі ауданының Ақтоған ауылдық округінде де ашылды.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/414586873_664440985877149_2088483612130989422_n_8d6ccb9fd4.jpg" alt="414586873_664440985877149_2088483612130989422_n.jpg">&nbsp;<figure class="image"><img src="https://knadmin.beoblood.kz/uploads/414501572_664441192543795_8462111708121121570_n_7d2f3b4976.jpg" alt="414501572_664441192543795_8462111708121121570_n.jpg"></figure>&nbsp;<figure class="image"><img src="https://knadmin.beoblood.kz/uploads/412830284_664441282543786_111766003508419037_n_68a241a1cc.jpg" alt="412830284_664441282543786_111766003508419037_n.jpg"></figure>&nbsp;<figure class="image"><img src="https://knadmin.beoblood.kz/uploads/412893430_664441102543804_5991164475964443188_n_2ce9dfa0f0.jpg" alt="412893430_664441102543804_5991164475964443188_n.jpg"></figure>&nbsp;<figure class="image"><img src="https://knadmin.beoblood.kz/uploads/411971582_664440875877160_5966608696815112350_n_ff59b69608.jpg" alt="411971582_664440875877160_5966608696815112350_n.jpg"></figure>

Шиелі ауданының екі ауылында дәрігерлік амбулатория ашылды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Жаңақорған, Шиелі аудандарына жұмыс сапарымен барып, 5 елді мекенді табиғи газға қосу рәсіміне қатысты.Алдымен аймақ басшысы Шиелі ауданының Еңбекші, Жиделіарық ауылдарының тұрғындарын Жаңа жыл мерекесімен және газ қосылуымен құттықтады.<blockquote>«Облысты газдандыру қарқыны жылдан-жылға артып келеді. Қазір барлық аудан орталығы мен 4 қала (Арал, Қызылорда, Байқоңыр, Қазалы), 19 елді мекенге газ жеткізілген. Биыл 12 ауылдық елді мекенге тартылуда. Осылайша өңірде тұрғындарды газбен қамту көрсеткіші 75 пайызға жетеді. Биыл аудандағы 40 мыңнан астам тұрғын табиғи газ игілігіне кенелді. Аудандағы 6 елді мекен - Еңбекші, Жиделіарық, Ә.Тәжібаев, Алмалы, Досбол датқа, Бестамға газ тарату желілерін орнату үшін республикалық бюджеттен 1,5 млрд теңге бөлініп, құрылысы жүргізілуде. Бүгін Еңбекші ауылының тұрғындары "көгілдір отын" жаға бастайды. Келер жылға қаралған 4 млрд теңгеге 12 елді мекенді табиғи газбен қамтамасыз етеміз. 2024 жылдың соңында газдандыру деңгейі 78 пайызға жетеді. Ауылдарыңызға келген «көгілдір отын» көптің игілігіне айналып, тұрмыс сапасын арттырып, әлеуметтік жағдайды жақсартуға оң әсер етеді деп сенемін», – деді аймақ басшысы.</blockquote>Еңбек ардагері Сұлтанбек Оразымбетов жерлестерін құттықтап, жиналған қауымға бата берді.Іс-шарада «Ауыл – ел бесігі» ұлттық жобасы аясында газ жүргізуге үлес қосқан азаматтар мен аудан ардагерлері облыс әкімінің Алғыс хатымен марапатталды.Рәсімнен кейін облыс әкімі газ қосылған үйді көріп, ізгі тілегін білдірді.Мұнан бөлек, бүгін Жаңақорған ауданындағы Жайылма, Шалқия, Құттықожа ауылдары да газға қосылып, тұрғындар қуанышы еселенді. Сәуір айында Бірлік, Қыраш елді мекендеріне «көгілдір отын» кіргізілсе, келер жылға Кейден, Төменарық елді мекендері жоспарланған. 2024 жылы 4 млрд теңгеге тағы 12 елді мекенге табиғи газ желілері орнатылмақ. Осылайша, газдандыру деңгейі 78 пайызға жетеді.<figure class="image"><img src="https://knadmin.beoblood.kz/uploads/414478450_664520912535823_3553066846492753217_n_46d9417b12.jpg" alt="414478450_664520912535823_3553066846492753217_n.jpg"></figure>&nbsp;<figure class="image"><img src="https://knadmin.beoblood.kz/uploads/414475922_664520745869173_708957439533828116_n_b3436f5b56.jpg" alt="414475922_664520745869173_708957439533828116_n.jpg"></figure>&nbsp;<figure class="image"><img src="https://knadmin.beoblood.kz/uploads/414458693_664521032535811_4948500974988659274_n_261a30bbb6.jpg" alt="414458693_664521032535811_4948500974988659274_n.jpg"></figure>&nbsp;<figure class="image"><img src="https://knadmin.beoblood.kz/uploads/414455176_664521052535809_1721399350490158688_n_a1dab05086.jpg" alt="414455176_664521052535809_1721399350490158688_n.jpg"></figure>

Сыр өңірінде бір күнде 5 елді мекен газға қосылды

Фото: sputnik.kz<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2023 жылдың 1 желтоқсанға дейін Қызылорда облысының тұрғындары Әлеуметтік медициналық сақтандыру қорына 64,2 млрд. теңге аударды, оның 39,1 млрд. теңгесі жұмыс берушілердің аударымдары болса, қалған 25,1 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі, &nbsp;деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp; &nbsp;

Қызылордалықтар сақтандыру қорына 64,2 млрд теңге аударды

Фото: turkystan.kz<a href="https://kyzylorda-news.kz/">Kyzylorda-news.kz.</a>&nbsp;Еңбек және халықты әлеуметтік қорғау министрлігі 2024 жылға зейнетақы мен жәрдемақылардың жаңа мөлшерін жариялады, деп хабарлайды Sputnik.2024 жылғы 1 қаңтардан бастап мемлекеттік жәрдемақылар мен базалық зейнетақы төлемдерінің барлық түрі Ұлттық банк айқындайтын инфляцияның болжамды деңгейіне сәйкес 7%-ке көтеріледі. Ал ынтымақты зейнетақы 9%-ке өседі.<h3 style="margin-left:0px;">Зейнетақы</h3>2024 жылы бюджеттен төленетін жиынтық зейнетақының орташа мөлшері (БЖЗҚ төлемдерін есептемегенде) 130 414 теңгені құрайды. Биыл оның мөлшері 120 838 теңге болды.2023 жылдан бастап бес жыл ішінде ең төменгі базалық зейнетақыны күнкөріс деңгейінің 70%-іне дейін, ең жоғары – 120%-ке дейін жыл сайын кезең-кезеңімен арттыру көзделген.Мәселен, 2024 жылғы 1 қаңтардан бастап базалық зейнетақының ең төмен мөлшері ең төменгі күнкөріс деңгейінің 60%-інен 65%-іне дейін ұлғайтылады. Бұл 28 215 теңгені құрайды.Ал ең жоғары мөлшері ең төмен күнкөріс деңгейінен 100-ден 105%-ке дейін артып, 45 578 теңгеге жетеді.<h3 style="margin-left:0px;">Жәрдемақы</h3>2024 жылғы 1 қаңтардан бастап мемлекеттік жәрдемақылардың мөлшері де ұлғаяды.1, 2, 3 бала туғанда берілетін жәрдемақы 131 100 теңгеден 140 296 теңгеге дейін;4 және одан көп бала туғанда берілетін жәрдемақы 217 350 теңгеден 232 596 теңгеге дейін өседі.Бала санына байланысты көпбалалы отбасыларға берілетін жәрдемақы:4 баласы бар отбасылар үшін 55 304 теңгеден 59 183 теңгеге дейін,10 баласы бар отбасылар үшін – 138 000 теңгеден 147 680 теңгеге дейін ұлғаяды.<h3 style="margin-left:0px;">Мүгедектігі бар адамдарға арналған жәрдемақы</h3>I топ – 89 248 теңгеден 95 496 теңгеге дейін;II топ – 71 398 теңгеден 76 397 теңгеге дейін;III топ – 48 681 теңгеден 52 089 теңгеге дейін өседі.Сондай-ақ, Мемлекеттік әлеуметтік сақтандыру қорынан асыраушысынан айырылу және еңбекке қабілеттілігінен айырылу бойынша төлемдер 7%-ке ұлғайтылады. Бұл төлемдер міндетті әлеуметтік сақтандыру жүйесіне қатысушыларға бюджеттен берілетін мемлекеттік жәрдемақыларға қосымша жүзеге асырылады.Төлем мөлшері әртүрлі және мыналарға байланысты болады: соңғы 2 жылда МӘСҚ-ға әлеуметтік аударымдар жүргізілген орташа айлық табыс, еңбекке қабілеттілігінен айырылу коэффициенттері, асырауындағы адамдар саны, міндетті әлеуметтік сақтандыру жүйесіне қатысу өтілі және табысты алмастыру.&nbsp;

Келесі жылы зейнетақы мен жәрдемақы қанша теңгеге өседі?

<a href="https://kyzylorda-news.kz/">Kyzylorda-news.kz.</a>&nbsp; 2023 жыл – сайлау жүйесіне елеулі өзгеріс әкелген жыл ретінде тарих қойнауына енеді. Жыл басынан бері ПарламенттіңСенат және Мәжіліс, мәслихат депутаттарының сайлауы, аудан, ауыл әкімдерінің сайлауы өткізіліп, Сыр өңірі халқы әр науқанда ауызбіршіліктің жоғары үлгісін көрсетіп, ерекше белсенділік танытты.Жыл бедерінде өткен сайлауларды заң аясында әрі талапқа сай өтуіне сайлау комиссиясы мүшелері мен сала ардагерлерінің еңбегі зор. Осы ретте облыстық сайлау комиссиясы жыл қорытындысына арналған салтанатты шара ұйымдастырды.Басқосуға облыс әкімінің аппараты басшысының орынбасары Жанмұрат Сейілов, сайлау жүйесіне зор еңбек сіңірген ардагерлер, облыстық, қалалық және аудандық комиссиясының төраға, орынбасар, хатшылар қатысты.<blockquote>Шын мәнінде, еліміздегі сайлау жүйесі демократия принциптеріне сай ашық әрі қолжетімді деңгейде өткізіліп келеді. Оған Сіздерден қосқан өлшеусіз үлестеріңіз бар.&nbsp; Әрбір сайлаушының құқығын сақтай отырып, сайлау процесін заң шеңберінде және әділетті түрде өткізу - басты міндет.&nbsp; Кәсіби білімдеріңіз бен мол тәжірибелеріңіз арқылы сындарлы кезеңнен сыр бермей, аймақтың абыройы, сайлаушылардың мүддесі үшін елеулі еңбек етіп келесіздер,-деді Жанмұрат Сейілов.</blockquote><figure class="image"><img src="https://knadmin.beoblood.kz/uploads/3c8c65df_dff2_4d2f_836b_ad48f2604f3f_7409803171.jpg" alt="3c8c65df-dff2-4d2f-836b-ad48f2604f3f.jpg"></figure>Жиында облыстық сайлау комиссиясының төрағасы Әділбек Ерсұлтанов жыл ішінде өткізілген сайлау нәтижелерін тізбектеп, өңір халқының дауыс беру белсенділігіне тоқталды. Сондай-ақ, Президент пәрменімен комиссия мүшелері тұрақты әрі кәсіби негізде жұмыс жасауға көшкенін тілге тиек етті.<blockquote>Комиссия мүшелерін кәсібилендіру өз кезегінде әрбір саяси науқанды өткізетін комиссия мүшелері үшін үлкен жауапкершілік жүктеді. Соның нәтижесінде 31 комиссия мүшесі тұрақты жұмыс атқаруда. Яғни бұрынғы жылдармен салыстырғанда кадрлар құрамы &nbsp;1,7 есеге өсті.&nbsp; Биыл қайтадан аймақтарда округтік комиссия құрылып, Мәжіліс және мәслихат сайлауында жұмыс атқарды. Бүгінгі күні Қызылорда облысы бойынша 3330 комиссия мүшесі бар. Оның ішінде 63-ы аумақтық сайлау комиссиясында, 610-ы округтік комиссияда, 2657-і учаскелік сайлау комиссиясында қызмет атқарады. Жаңа 2024 жылдан бастап облыс, қала, аудандық сайлау комиссиялары мен учаскелік комиссия мүшелерінің құрамы жаңадан жасақталатын болады,-деді төраға.</blockquote><figure class="image"><img src="https://knadmin.beoblood.kz/uploads/c10727cc_fbce_4440_9aba_20cd57b45ec8_03c8ba9d8a.jpg" alt="c10727cc-fbce-4440-9aba-20cd57b45ec8.jpg"></figure>Басқосуда сайлау жүйесінің ардагерлері Жалағаш ауданының «Құрметті азаматы», «Құрмет» орденінің иегері Садық Әлиев, Қармақшы аудандық қоғамдық кеңес төрағасыӘбдірахман Құлдүйсенов сөз алып, естеліктерімен бөлісті.Салтанатты шарада бірқатар азаматтар «Сайлау органдары жүйесін дамытуға қосқан үлесі үшін» мерекелік медалімен, Орталық сайлау комиссиясының Құрмет грамотасы және облыс әкімінің Алғыс хаттарымен марапатталды.Айта кетейік, аймақта ауыл және кент әкімдерінің тікелей сайлауы да қарқынды өткізілуді. Жыл басынан бері 38 ауыл әкімі сайланды.&nbsp; &nbsp;

Облыстық сайлау комиссиясы жыл қорытындысына арналған  салтанатты жиын өткізді

Фото: gov.kz<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы полиция департаментінің есірткі қылмысына қарсы іс- қимыл басқармасының қызметкерлері және Сырдария АПб қызметкерлерімен рейдтік жұмыстар жүргізуде.&nbsp;Жедел шара барысында ағымдағы жылдың 21 желтоқсан күні полиция қызметкерлері Сырдария ауданы, Аманкелді ауылының 53 жастағы тұрғынының үйін тексеру барысында 6 полиэтилен пакетке оралған жасыл түсті заттар және 3 дана банка ыдысына салынған ерекше иісі бар шөп, 2 дана пластикалық ыдысқа салынған &nbsp;ерекше иісі бар шөп тәркіледі.Сараптама қорытындысымен тәркіленген зат жалпы салмағы 1 кг 116 гр «кептірілген марихуана» екені белгілі болды.&nbsp;Аталған дерек бойынша ҚР ҚҚ 296-бабының 4-бөлігімен (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру әрекеттері жүргізілуде.Күдікті уақытша ұстау изоляторына қамалды.&nbsp;

Қызылорда: Ауыл тұрғынынан 1 келіден аса есірткі тәркіленді 

<a href="https://kyzylorda-news.kz/">Kyzylorda-news.kz.</a>&nbsp;&nbsp; Шетелде кадрлар даярлау жөніндегі республикалық комиссияның 2023 жылғы 20 желтоқсандағы шешіміне сәйкес Қорқыт ата атындағы Қызылорда университетінің 6 оқытушысы «500 ғалым» бағдарламасы бойынша шәкіртақы иегері атанды.&nbsp;Оның ішінде Қамар Бекетова, Серікхан Жүзеев, &nbsp;Есенжол Назаров, Гүлжас Тоқтағанова Ұлыбританияның Рединг университетінде, Эльмира Байниязова Ресейдің Қазан федералды университетінде және Рахат Құрманбаев АҚШ-тың Иллинойс университетінде ғылыми тағылымдамадан өтетін болады.«500 ғалым» бағдарламасы Мемлекет басшысы Қасым-Жомарт Тоқаевтың тапсырмасына сәйкес әлемнің жетекші ғылыми орталықтарында отандық ғалымдардың кәсіби құзыреттерін дамыту мақсатында бекітілген болатын.Атап өту керек, биыл қыркүйек айынан бастап «500 ғалым» бағдарламасы шеңберінде университеттің 12 ғылыми қызметкері Ресей, Әзірбайжан, Германия, Ұлыбритания, Швейцария елдеріндегі жетекші жоғары оқу орындары мен ғылыми орталықтарында археология, физика, электр және жылу энергетикалары, су ресурстары, құрылыс және шетел тілдері мамандықтары бойынша бірлескен ғылыми зерттеулер жүргізуде.«500 ғалым» – ғалымдардың біліктілігін және құзыреттілігін арттыруға бірегей мүмкіндік беретін жоба. Әріптестеріміз қайта оралып, өңірлік мықты университет құруға күш салады деп сенеміз. &nbsp;

Университет ғалымдары «500 ғалым» бағдарламасы бойынша шәкіртақы иегері атанды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «CNNP Rich Energy Corporation Limited» компаниясының өкілдерімен кездесіп, аймақ үшін маңызды инвестициялық жобалар туралы айтты. Аталған компания еліміз аумағында жаңартылатын энергия көздерін пайдаланып, электр энергиясын өндіру жобаларына қызығушылық танытады.Аймақ басшысы Сыр өңірінде баламалы энергия көздерін пайдалану мүмкіндігі мол екенін жеткізді.<blockquote>«Облысымыз географиялық орналасуы мен климаттық жағдайына байланысты күн және жел энергиясын өндіруде зор әлеуетке ие. Қоршаған ортаны қорғау және «жасыл экономика» бағытындағы перспективалық жобаларды әрқашан қолдаймыз.Мамандардың зерттеуінше, өңірімізде жылына 300-ден астам ашық, бұлтсыз күн болады. Аймақ географиялық жағынан да желді белдеуде орналасқан. Облыстағы күн ұзақтығы жылына 3000 сағатқа дейін және күн энергиясын дамытудың энергетикалық әлеуеті жылына 32 000 млрд. кВт/сағ., ал жел энергиясы жылына 2 700 млрд. кВт/сағ. құрайды. Бизнес ахуал мен инвестициялық әлеуетті жақсарту - аймақтың басым бағыттарының бірі», - деді Нұрлыбек Машбекұлы.</blockquote>Мұнан бөлек, облыс әкімі инвесторларға қолайлы жағдай жасалып, Үкімет тарапынан ауқымды инвестициялық преференциялар ұсынылғанын, жаңа өндірістерді орналастыру үшін өңірде барлық қажетті инженерлік инфрақұрылымы жеткізілген арнайы 6 индустриялық аймақ жұмыс жасайтынын атап өтті.Өз кезегінде, «CNNP Rich Energy Corporation Limited» компаниясының өкілдері аймақ басшысына алғыс айтып, әріптестік орнатуға ниет білдірді.Бүгінде облыс аумағында жиынтық қуаты 89 мегаватт болатын 9 күн электр станциясы жұмыс істейді. Оның үшеуі ірі, шетелдік инвесторлардың қатысуымен салынған. Атап айтқанда, Шиелі ауданында орналасқан қуаттылығы 50 мегаваттық қазақ-британ компаниясына тиесілі «Байконур-Солар» күн электр станциясы, Жалағаш ауданындағы франциялық «Total Eren» компаниясына тиесілі қуаттылығы 28 мегаваттық күн электр станциясы, Жаңақорған ауданындағы «Hevel» компаниясына тиесілі қуаттылығы 10 мегаватт электр станциясы. Сондай-ақ, Шиелі ауданында «Тесис» ЖШС күн электр станциясын салуды жоспарлауда. Қазір қажетті жер учаскесі бөлінген (80 га), жобаны 2025 жылы іске қоспақ.Айта кетейік, тіркелген капиталы 2,2 миллиард юаньды, яғни 310,1 млн. АҚШ долларын құрайтын «China National Nuclear Corporation (CNNC)» және «China National Nuclear Power (CNNP)» платформасы таза энергетикалық жобаларды дамытуға, құрылысын салуға және пайдалануға маманданған.Компания қызметінің негізгі бағыттарына жел, күн, сутегі энергиясы, геотермалдық энергия, жинақтау энергетикасы, зарядтау станциялары және т. б. кіреді.

Облыс әкімі инвесторларға жобаларды таныстырды

Фото: egemen.kz<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 25 желтоқсанға күн райы болжамын ұсынды.Синоптиктер мәліметіне сүйенсек, республиканың басым бөлігінде атмосфералық фронталды бөліктердің өтуімен құбылмалы ауа райы болжанады. Онымен еліміздің оңтүстігі мен оңтүстік-шығысында қар мен жаңбыр түрінде жауын-шашын күтіледі. Тек шығыста және оңтүстік-шығыста дүйсенбі жауын-шашынсыз өтеді. Барлық аумақта тұман, көктайғақ, екпінді жел болады.

Дүйсенбіге арналған ауа райы болжамы 

Kyzylorda-news.kz. Жаңа жыл қарсаңында мерекені асыға күтетін балаларға арналған Президент шыршасын ұйымдастыру дәстүрге айналған. Бүгін өткен «Қош келдің, Жаңа жыл» атты Президент шыршасына &nbsp;аудандардан 200 бала шақырылды.Шарада &nbsp;облыс әкімі Нұрлыбек Нәлібаев Мемлекет басшысының бүлдіршіндерге арналған &nbsp;жаңажылдық құттықтауын жеткізді.<blockquote>«Бүгін республикамыздың барлық аймағында Президент шыршасы өтуде. Мемлекет басшысы өз сөзінде «Мен өскелең ұрпақтың болашағына баса мән беремін. Жастарға зор үміт артамын. Олардың арасында көзі ашық, көкірегі ояу, ойы ұшқыр азаматтар аз емес. Жастарымыз атқарылып жатқан ауқымды жұмыстың, реформалардың игілігін міндетті түрде көреді. Біз өскелең ұрпаққа жол ашу үшін барлық жағдайды жасауымыз керек» - деді. 31 жыл бұрын бастау алған Қазақстан Республикасы Президентінің шыршасына осы уақытқа дейін біздің өңірден 4 мыңға жуық бала қатысты. Еліміздің басты шырша тойын мерекелеу үшін сіздер де облысымыздың әр ауылынан келдіңіздер. Бұл салтанатты шара – Президентіміздің өздеріңдей өскелең ұрпаққа көрсеткен құрметі», - деді аймақ басшысы.</blockquote>Шыршаға келген балалар ойын ойнап, ән шырқады, театрландырылған қойылым тамашалады және естелік сыйлық алды. Сондай-ақ, мейрам қонақтарына арнайы фотосессия ұйымдастырылды.Қызылорда облысында 280 мыңға жуық бала бар. Олар 680 балабақша және 325 мектепте білім мен тәрбие алады. &nbsp;Оқушылардың мектепке қатынауына жақын, ыңғайлы болу үшін биыл қаладағы 4 мектеп жанынан қосымша ғимараттар салынды, 2 жаңа мектеп іске қосылды.Ел Президентінің бастамасымен қолға алынған «Жайлы мектеп» ұлттық жобасы аясында облыста 21 мектеп салынады.Дарынды балалардың талабын шыңдауға баса мән беріліп келеді. &nbsp;Биыл Қызылорда қаласы мен Қармақшы ауданында мамандандырылған мектеп-лицей-интернаттар жұмысын бастады. Сол жағалаудан 300 орындық жатақханасы бар 400 орындық &nbsp;физика-математика мектеп-интернатының құрылысы жүргізілуде. «ҚазГерМұнай» компаниясының демеушілігімен 350 орындық заманауи үлгідегі Оқушылар сарайының іргетасы қаланды. Алдағы жылы Жаңақорған және Шиелі аудандарында 200 орындық Оқушылар үйі мен 50 орындық Өнер мектебінің құрылысы басталады.&nbsp; Соңғы екі жылда үздік нәтиже көрсеткен оқушыларды олимпиадалар мен ғылыми жобаларға дайындау мақсатында «Сыр дарыны» оқу-жаттығу жиыны ұйымдастырылуда. Лагерьде облыстың &nbsp;1000-ға жуық дарынды оқушысы кәсіби мамандардың көмегімен білімін жетілдірді. Биыл 102 сырбойылық өрен халықаралық, республикалық дәрежедегі ғылыми жобалар мен олимпиадалардың жеңімпазы атанды. Облыстың пәндік олимпиадалық командасы жаратылыстану-математика бағыты бойынша командалық есепте республикада ІІ орынды, қоғамдық-гуманитарлық бағытта ІІІ орынды иеленді.Балаларды әлеуметтік қолдау және қауіпсіз орта қалыптастыру да басты назарда. Аймақта бастауыш сынып оқушылары ыстық тамақпен толық қамтылған. Көмекке мұқтаж отбасыларға қаржылай қолдау көрсету мақсатында 37 087 балаға 41 мың теңгеден барлығы 1,3 млрд теңгеге бірреттік қаражат берілді. Балаларды қауіпсіз, жайлы көлікпен тасымалдау үшін &nbsp;жаңа үлгідегі 30 автобус алынды.<img src="https://knadmin.beoblood.kz/uploads/FB_IMG_1703414505876_3e8f2132bd.jpg" alt="FB_IMG_1703414505876.jpg"><img src="https://knadmin.beoblood.kz/uploads/FB_IMG_1703414503337_ec275d1c8f.jpg" alt="FB_IMG_1703414503337.jpg"><img src="https://knadmin.beoblood.kz/uploads/FB_IMG_1703414514500_8789a7394b.jpg" alt="FB_IMG_1703414514500.jpg"><img src="https://knadmin.beoblood.kz/uploads/FB_IMG_1703414508677_9c0df930e3.jpg" alt="FB_IMG_1703414508677.jpg"><img src="https://knadmin.beoblood.kz/uploads/FB_IMG_1703414516797_ba19a80110.jpg" alt="FB_IMG_1703414516797.jpg">

Қазақстан және Қызылорда облысының жаңалықтары