Қызылорда білім ордалары үздік нәтиже көрсетуде

<a href="https://kyzylorda-news.kz/">Kyzylorda-news.kz</a> &nbsp;Медицина саласында жасанды интеллекттің (ЖИ) қолданылуы қарқынды дамып келеді. ЖИ технологиялары ауруларды ерте анықтау, дәл диагноз қою, емдеу әдістерін таңдау және пациенттердің күтімін жақсарту бағытында үлкен жетістіктерге қол жеткізуде. Бұл мақалада медициналық ЖИ-дің қазіргі жетістіктері мен мүмкіндіктерін талқылағанды жөн көрдік.<h2 style="text-align:justify;">Медицина жетістігі</h2>Жасанды интеллектке дейін облыстағы медицинаға тоқталсақ. Бүгінде облыстағы 150-ден астам медицина ұйымдарында 3000-ға жуық дәрігер, 11&nbsp;мыңнан астам&nbsp; орта буынды маман қызмет етеді. 2018 жылдан бүгінге дейін 155 резидентке, 162 жалпы тәжірибелік дәрігерді даярлауға облыс әкімінің арнайы гранты&nbsp; бөлінiп, өткен жылы 590 дәрігер, 738 орта буынды медицина қызметкерлері біліктіліктерін арттырды. Биыл мамандардың біліктілігін еліміздің алдыңғы қатарлы медицина орталықтарымен қатар озық тәжірибелі шет елдерде арттыру көзделіп отыр. Осы жылдың сәуір айында&nbsp; 10 реаниматолог, 5 кардиолог маман Түркияның Стамбул қаласындағы «Мемориал» клиникасында білімдерін жетілдіріп қайтты.&nbsp;Сондай-ақ, қан орталығының құрылысы ашылуға дайын. Оған республикалық бюджеттен 2 млрд 900 млн теңге бөлінген. Жылына 5000-нан10000 адамға дейін қызмет көрсетуге мүмкіндігі бар орталық соңғы үлгідегі заманауи құралдармен жабдықталған.Мемлекет басшысының бастамасымен қолға алынған «Ауылды қденсаулық сақтауды жаңғырту» ұлттық жобасы аясында өңірімізде жалпы құны 11млрдтеңгені құрайтын 27&nbsp;нысан салу көзделген болатын. &nbsp;Өткен жылы Ұлттық жоба аясында елді мекендерде 15&nbsp;жаңа дәрігерлік амбулатория,1медициналық бекет пайдалануға берілді. &nbsp;Қалған 11 нысан және Арал, Қазалы, Шиелі, Жаңақорған ауданаралық көпбейінді ауруханалары жанынан қосымша құрылыс салынып, халық игілігіне берілмек.Жақын күндері Ұлттық жоба аясында 2 млрд 300 млн теңгеге Шиелі ауданында 30 төсектік инфекциялық бөлімше құрылысы басталады. Одан бөлек жергілікті бюджет есебінен 922,0 млн. теңгеге Жаңақорған ауданы, Төменарық дәрігерлік амбулаториясымен қоса, 15 төсекке арналған ауылдық аурухана құрылысы аяқталып, жыл соңына дейін пайдалануға беріледі.Өткен жылы 3млрд 800млн теңге қаржыға 9&nbsp;медициналық нысанға күрделі жөндеу жүргізіліп,5 нысанның жылу жүйесі газға ауыстырылды. &nbsp;Биылғы жылы 4 млрд қаржыға 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады. 2023 жылы денсаулық сақтау ұйымдарын материалдық техникалық жабдықтармен қамтамасыз ету үшін 5,1 млрд теңге қаржы қаралды. Оның ішінде 4,4 млрд теңгеге 560 дана медициналық&nbsp; құрал-жабдықтар сатып алынып, медицина ұйымдарының жабдықталу деңгейі 84&nbsp;пайыздан 87,10 пайызға дейін көтерілді (Республикалық көрсеткіш 85,6 пайызды құрайды).Өткен жылы медицина ұйымдарына құны 512,5млн теңгеге жаңа 25 санитарлық автокөлік табысталды. Биылғы жылы өңірдегі барлық елді мекендердегі денсаулық сақтау ұйымдарына 200 санитарлық автокөліктер алынды.<h2 style="text-align:justify;">Мүмкіндіктер</h2>Диагностика. ЖИ алгоритмдері медициналық бейнелерді талдау арқылы диагноз қою кезінде жоғары дәлдікке ие болуда. Мысалы, тері ісік ауруын анықтауға арналған ЖИ жүйелері дерматологтардан да жақсы нәтиже көрсетуде. Радиология саласында ЖИ өкпе, кеуде, ми және басқа да ағзалардың МРТ, КТ және рентген суреттерін талдау арқылы ісіктер мен басқа да патологияларды анықтауда көмектеседі.Пациенттерді басқару.&nbsp;ЖИ пациенттердің мәліметтерін талдау арқылы емдеу жолдарын оңтайландыруға және пациенттердің жағдайын бақылауға мүмкіндік береді. Электрондық медициналық жазбаларды (EMR) қолдану арқылы ЖИ пациенттердің ауру тарихын, лабораториялық нәтижелерін және дәрі-дәрмектерін талдап, жеке емдеу жоспарларын құруға көмектеседі.Дәрі-дәрмек дайындау.&nbsp;ЖИ дәрі-дәрмектерді зерттеу және әзірлеу процесін жеделдетуде маңызды рөл атқарады. Алгоритмдер үлкен деректер жиынтығын талдап, потенциалды дәрілерді анықтау, олардың тиімділігін болжау және клиникалық сынақтарды жоспарлауда қолданылады. Бұл жаңа дәрідәрмектерді нарыққа шығару уақытын қысқартады.Қашықтықтан мониторинг және телемедицина.&nbsp;ЖИға негізделген құрылғылар пациенттердің физиологиялық көрсеткіштерін үздіксіз бақылауға мүмкіндік береді. Бұл қант диабеті, жүрек-қан тамырлары аурулары және басқа да созылмалы аурулары бар пациенттер үшін өте маңызды. Телемедицина арқылы дәрігерлер қашықтықтан кеңес беріп, ЖИ арқылы диагноздарды нақтылау мүмкіндігіне ие болуда.<h2 style="text-align:justify;">Алдағы мүмкіндіктер</h2>Жеке медицина.&nbsp;ЖИ көмегімен генетикалық деректерді талдау арқылы әр пациентке жеке емдеу жоспарын құру мүмкіндігі артады. Бұл пациенттердің жеке ерекшеліктерін ескеріп, емдеу тиімділігін жақсартуға және жанама әсерлерін азайтуға мүмкіндік береді.Роботты хирургия.&nbsp;ЖИ басқаратын хирургиялық роботтар жоғары дәлдікпен және аз инвазивтілікпен операция жасауға мүмкіндік береді. Бұл хирургияның сапасын арттырып, операциядан кейінгі қалпына келу уақытын қысқартуға ықпал етеді.Мобильді денсаулық сақтау қолданбалары.&nbsp;ЖИ-ға негізделген мобильді қосымшалар денсаулық сақтау саласында кеңінен қолданылады. Бұл қосымшалар пациенттердің күнделікті денсаулығын бақылап, аурулардың алдын алуға көмектеседі.Деректер қауіпсіздігі және этика.&nbsp;ЖИ қолдану кезінде деректер қауіпсіздігі мен этикалық мәселелерге назар аудару маңызды. Пациенттердің жеке мәліметтерінің қорғалуын қамтамасыз ету және ЖИ шешімдерінің әділдігі мен ашықтығын сақтау қажеттілігі артады. Медицинадағы жасанды интеллект қазір үлкен жетістіктерге жетіп, болашақта медициналық қызметтердің сапасын арттыруға, диагноз қою және емдеу процестерін оңтайландыруға ықпал еткен. Алайда ЖИ қолдану барысында этикалық және деректер қауіпсіздігі мәселелерін шешу маңызды болып қала береді. Жасанды интеллекттің дамуы медицина саласында жаңа мүмкіндіктер ашып, денсаулық сақтау жүйесін жаңа деңгейге көтереді деп жоспарлануда.&nbsp;Нұржан НҰҒЫМАДИЛЛА Фото: inpearls.ru

Өңірдегі медицина мен AI

<a href="https://kyzylorda-news.kz/">Kyzylorda-news.kz</a> Қашан көрсеңіз де, жүзінен мейірімі төгіліп тұрады. Ашық-жарқын әңгімесін айтып, туыстық қатынасымыз болмаса да туған қызындай іш тартып тұрғаны. Өнегелі, өрелі әңгімесін жалықпай тыңдай бергіңіз келеді. Сөйлегенде де жай сөйлей салмайды, бар ықыласымен шешіліп, жандүниесімен беріле айтады әңгімесін. Шынайылық, адалдық ананың ақ дидарынан анық байқалатын қасиет. Бұл кім десеңіз, ол – Жосалы кентінің тұрғыны, «Күміс алқа» иегері, көпбалалы ана Әлияш Арыстанбаева.Апамыз 1942 жылы дүниеге келген. Мектеп бітірген соң педагогикалық училищеге оқуға түсіп, мұғалімдік мамандық алады. Бірақ анамызға ол мамандықпен жұмыс істеу бұйырмапты. Өмір арнасы басқа салаға бұрып, саналы ғұмырында хатшы-іс жүргізуші болып абыройлы қызмет еткен. Алғашында аудандық сотта сегіз жыл іс жүргізуші болып еңбек етсе, одан соңғы жұмыс орны аудандық комсомол комитетінде жалғасқан.<blockquote>– Ағаңмен 1963 жылы көңіл жарастырып, шаңырақ көтердік. Ол кезеңде жігіттердің әскери борышын өтеу уақыты үш жыл болып белгіленген-ді. Бас қосқанымызда ағаң медициналық оқу орнының студенті болатын. Тұңғышымды босанып перзентханадан шығып жатқанымда оны әскер қатарына шақыртып, сөйтіп елден жыраққа кете бар-ды. Бас-аяғы төрт жылдай борышын өтеп, Вьетнамда болды. Онда ата-енем бар, дүниеге келген сәбиім төрт жасқа келгенше бағып-қағып, жұмысымды істеп жүре бердім. Сотта қызмет ететін кезім. Жұмыс барысымен ауыл-ауылға іссапармен жиі шығып тұруға тура келетін. Бала жас, ата-ене бар дегендей, бұл жағдай отбасына қолайсыз болғасын ол жерден шығып, аудандық комсомол комитетіне ауыстым.&nbsp;Сөйтіп жүргенде жолдасым әскерден оралып, қуанышымызда шек болмады. Жаңадан бас қосқан ерлі-зайыптылармыз. Төрт жыл күту де аз уақыт емес қой. Ағаңның мамандығы дәрігерлік болған соң қызмет бабымен Қуаңдарияға көштік. Онда отыз үш жыл тұрақтап тұрдық. Ол жаққа барғанда да мені ауылдық кеңестің кеңсесіне іс жүргізушісі етіп жұмысқа қабылдады. Содан зейнеткерлік демалысына шыққанға дейін тапжылмай қызмет еттім, – дейді алтын құрсақты ана бізге ағынан жарылып.</blockquote>«Ата-енем жақсы кісілер болды. Атам – Бисен Сақтағановты ауыл халқы қатты құрметтейтін. Енем – Бибігүл Асанова үй шаруасындағы әйел болды. Бәріміз бір шаңырақтың астында тату-тәтті өмір сүрдік. Олардың бар жағдайын жасап, қолдан келген қамқорымызды аямадық. Өмірден өткенше ата-анамызға адал қызметімізді жасап, бағып-қақтық. Атамыз кезінде мұғалім, балалар үйінің директоры болып түрлі қызмет атқарған білімді де беделді кісі болған» дейді Әлияш анамыз толғаныспен сөйлеп.Әлияш Смайылқызы ауданымызға белгілі ақсақал, «Вьетнам Республикасының құрметті азаматы», «Қармақшы ауданының құрметті азаматы», медицина саласының ардагері Иса Бисеновтің зайыбы. Екеуінің ұлағатты ұрпақ өсіріп, отау құрғанына әні-міне дегенше алпыс жыл толып отыр.Өмір – күрес. Әрбір басқан қадамыңды рухани тазалыққа, адалдыққа арнамасаң, тайып кетуің бір демде-ақ. Күрес бұл алысу немесе арпалысу емес, мақсатыңа ұмтылу, өсіріп отырған бала-шағаңа дұрыс тәрбие бере білу. Ағайын, көршімен тату болу. Жарыңды сыйлап, келген қонағыңды Құдайдай күтіп алып, кең пейіліңмен дастарқаныңды жаю. Обал, сауап, ұят деген сөздерді үнемі жадыңнан шығармау деп білетін ардақты анамыздың өмірден көрген-түйгені жетерлік. Әсіресе сүйген жарға деген адалдық бәрінен жоғары тұрды.«Қуаңдарияда елу жасқа толғанымда менің елу жылдық мерейтойымды дүркіретіп туған-туыс, ұжымдастармен атап өткенбіз. Одан бері де аттай тулап отыз жылда өте шығыпты-ау, жарықтық! Сонда маған мекемеден құттықтау адресаты табысталып, онда ауылдың атпал азаматы Сламбек Жақсылықов өлең жолдарын арнап жазыпты. Сонда «Жеті жыл күйеуін күтумен өткізген...» деп келетін жолдары бар. Соны тыңдап, «Мен де біраз бейнет көрген екенмін ғой» деп, өзімнің өткен күндерімді есіме алып, көз-жасқа ерік бергенмін. Расымен де Исекең төрт жыл әскерде болса, үш жыл қалада оқуда (студент) болыпты. Балаларымызды тәртіпті де тәрбиелі етіп ер жеткіздік. Қатарынан қалдырғанымыз жоқ. Әрбір адамның өмірінде өзіне тән қиыншылық, бейнеті болады. Ол біздің де басымызда болды. Бірақ соның бәрін мәпелеп өсірген ұл-қызың жақсы болып, ата-ана атына кір келтірмей, өмірден өз орындарын тауып жатса, сол көрген бейнеттің мысқалдай да жұрнағы қалмайды екен. Қиналған сәтімде мені жарының, ата-енесінің абыройын биік қоятын, пендешіліктен жоғары тұра білетін ішкі түйсігім үнемі алға жетелеп, күш-қуат беріп отырды» дейді ардақты анамыз.Бүгінде Бисеновтер өсіп-өнген әулет. Ағамыз бен апамыздың өңірінен өрбіген 27 немере мен 6 шөбере тамырын тереңге тартып, жасыл құрақтай жапырағын жайқалтуда. Балаларының үлкені Сағындық Тараз қаласында "Сақтаған намыс" жауапкершілігі шектеулі серіктестігінің директоры болса, Гүлнар Қызылорда қалалық No2 емханасында мейірбике болып қызмет етеді. Амандық Байқоңыр қаласында әскери қызметкер. Аманжол мен Гүлдана бірі Таразда, бірі Қызылордада жеке кәсіппен айналысуда. Дәуірбек болса аудандық обаға қарсы күрес мекемесінде жүргізуші болып жұмыс істейді. Ал Гүлсара Қызылорда облыстық диагностикалық орталығында мейірбике болып ақ халатты абзал жандардың қатарында еңбек етуде.<blockquote>– Иса ағаң қыз дегенге тәйт дегенді білмейді. Жалпы қыз баласына құрметпен қарайтын азамат. Өтірік айтқанды жаны сүймейді. Отбасына қамқор. Жас күнімізде көбінесе жұмысбасты болды. Фермаға кетеді, малшыларды аралайды, сөйтіп жұмыстан қолыда тие бермейтін. Балаларға үйде өзім бас-көз болатынмын. Жамбылда сіңілім тұрады. Балалар мектеп бітірсе, сол жаққа қарай жіберемін. Ұл-қыздарымыз технологиялық институтты, медициналық училищені бітіріп, бір-бір мамандық иелері атанды. Бүгінде балалардың барлығы отбасылы. Үбірлі-шүбірлі. Келіндерім де Алладан сұрағандай. Алдыңғы үшеуі Жамбыл жақтың қыздары. Қолымдағы кенже баламызға көршіміздің қызын құда түсіп алып бердік. Олар да өсіп-өнген үлкен әулеттің баласы. Құда-құдағайларымыз жақсы адамдар. Сыйластығымыз да өте керемет. Шүкір. Сексенге келіп жатырмын. Осы уақытқа дейін ағаң екеуміз ұлды – ұяға, қызды – қияға қондырдық. Ендігі арманымыз – ұрпағымыз аман болса дейміз. Немере-шөберелер сүйіп отырған бақытты ата мен әжеміз. Осы жасқа дейін өмірден түйгенім – лайым да бәрі жақсы болсын. Ұрпағымыздың абыройлы, өмір жастарының ұзақ болғанын тілеймін. Барлық қиыншылыққа төзе білсең, жақсылыққа жетеді екенсің. Тек адамның баласы әр нәрсені ақылмен шешіп, төзе, шыдай білсе – Алланың сынағынан аман өтіп, игілікке жетеді. Ақырын күте білсең ғана, адам өмірінің қызығын, зейнетін көреді. Бағып-қаққан перзентің жақсы болса, жақсы атын шығарып, ата-анасына қамқорлық етсе – өмірдің қызығы сол деп ойлаймын, – дейді ардақты ана. &nbsp;</blockquote>

Өнегелі ғұмыр иесі

<a href="https://kyzylorda-news.kz/">Kyzylorda-news.kz</a> Бүгін "AMANAT"&nbsp;партиясының қалалық филиалының мәжіліс залында медицина қызметкерлерінің кәсіби мерекесіне орай марапаттау шарасы өтті.Медицина қызметкерлерінің күні - бұл мереке барлық ғұмырын алғысқа лайықты істерге – өзге адамдардың денсаулығы мен өмірлеріне қамқор болуға арнаған жандардың еңбектері еленетін күн. Бұл күні дәрігерлер қауымына ерекше құрмет көрсетіліп, алғыс хаттармен марапатталып, ыстық тілектер арналады.Бүгінде партияның қалалық филиалы жанында 40 бастауыш партия ұйымы жұмыс атқарса, соның ішінде 9-ы медицина саласымен тікелей байланысты.Шара барысында ақ халатты абзал жандарды кәсіби мерекесімен құттықтаған партияның қалалық филиалының Атқарушы хатшысы Гүлшат Исақызы медицина саласында еңбек етіп жүрген белсенді партия мүшелерінің қоғамдық жұмысқа атсалысып, партия бастамаларын әрі қарай дамытуға қосқан үлестері үшін алғысын білдірді.Басқосуда белсенді партия мүшелеріне «AMANAT» партиясының Атқарушы хатшысы Дәулет Кәрібектің және партияның қалалық филиалының Атқарушы хатшысы Гүлшат Мұсаеваның &nbsp;«Алғыс хаты» мен арнайы сыйлықтар табыстап, мерекеге орай жылы лебіздерін&nbsp;жеткізді.

Медицина саласының белсенді өкілдері марапатталды

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың төрағалығымен өткен мәжілісте Қызылорда облысының кәсіпкерлік және өнеркәсіп басқармасының жаңа басшысы таныстырылды.Облыс әкімі аппаратының бірыңғай конкурстық комиссиясының шешімі және облыс әкімінің өкімімен Қызылорда облысының кәсіпкерлік және өнеркәсіп басқармасының басшысы лауазымына Шәріпбеков Бекболат Жүнісәліұлы тағайындалды.Аймақ басшысы Бекболат Жүнісәліұлына сәттілік тіледі.<blockquote>«Бекболат Жүнісәліұлы аймақтың әлеуметтік-саяси ахуалымен етене таныс, мемлекеттік қызметтің барлық сатысынан өтіп, мол тәжірибе жинаған әлеуеті жоғары кадр. Осы ретте, жауапкершілік жүгі ауыр салада Мемлекет басшысы жүктеген және Үкіметпен бекітілген көрсеткіштерге қол жеткізуде ауқымды міндеттер бар. Өңір экономикасын көтеру мен негізгі көрсеткіштерге қол жеткізуде кәсіпкерлік және өнеркәсіп саласы аса маңызды рөл атқарады. Өткен жылы өңірімізге жұмыс сапарымен келген Мемлекет басшысы отандық өнім өндірушілерге қолдау көрсету арқылы өңірдің экспорттық әлеуетін одан әрі жетілдіру және жаңадан инвестиция тарту қажеттігін атап өткен болатын. Бұл ретте өңір экономикасын әртараптандыру арқылы кәсіпкерлік субьектілерінің экономикадағы үлесін арттыру, халықты жұмыспен қамту мақсатында мемлекеттік қолдау шараларын тиімді пайдалану, өңірге инвестиция тарту басты міндетіміз. Өңірге инвестиция тарту - экономикалық дамудың жоғарғы және тұрақты қарқынын қалыптастырып, жаңа жұмыс орындарын қалыптастыру арқылы, салық базасын кеңейтуге мүмкіндік береді. Ынталы инвесторларға қолайлы жағдайлар жасаудың нақты шараларын қарастыра отырып, отандық өнім өндіру аясын кеңейту, түрлі қызмет көрсету бағытындағы жұмыстарды жаңа деңгейге шығаруымыз қажет. Осы ретте Бекболат Жүнісәліұлына алған білімі мен түрлі салаларда жинаған мол тәжірбиесін күрделі де жауапты қызметті мінсіз атқарып, өңірдегі кәсіпкерлік саласын дамыту және өнеркәсіпті өркендетуге жаңа серпін береді деп сенім білдіреміз», - деді Нұрлыбек Машбекұлы.</blockquote>Бекболат Жүнісәліұлы 1973 жылы Қызылорда облысында дүниеге келген. Қызылорда агроөнеркәсіп өндірісі инженерлері институтын «агроөнеркәсіп салаларын басқару және оның экономикасы» мамандығы бойынша бітірген.Еңбек жолын 1990 жылы «Келінтөбе» күріш совхозының жұмысшысы болып бастаған. 1990-1999 жылдары «Келінтөбе» күріш совхозының механизаторы, «Құмиян» АҚ Ақниет бөлімшесінің есепшісі болған. 1999-2010 жылдары Келінтөбе ауылдық округі әкімі аппаратында, Жаңақорған ауданы және Түркістан қаласы бойынша салық комитеттерінде түрлі деңгейдегі лауазымдарда қызмет атқарған. 2010-2018 жылдары Қызылорда облысы бойынша қаржылық бақылау инспекциясының бас маманы-мемлекеттік аудиторы, бөлім басшысы-мемлекеттік аудиторы болған. 2018-2020 жылдары Қызылорда қаласының Қарауылтөбе ауылдық округінің әкімі ретінде тұрғындардың өзекті мәселелерін шешу жолында аянбай еңбек етті. 2020-2022 жылдары Қызылорда облысы бойынша ішкі мемлекеттік аудит департаментінің бөлім басшысы қызметінде нәтижелі қызмет көрсетті.2022 жылдың шілде айынан бастап осы кезге дейін Жаңақорған ауданы әкімінің орынбасары қызметін атқарып келді.

Кәсіпкерлік және өнеркәсіп басқармасының жаңа басшысы тағайындалды 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы кәсіпкерлер палатасының алаңында кезекті өңірлік кеңес отырысы өтті.Жиынға Өңірлік кеңес төрағасы Ерлан Раимов, кеңес мүшелері (сонымен қатар бейне конференц байланыс арқылы), Палата директорының міндетін атқарушы Салават Құлмахан, палата қызметкерлері және Қызылорда облысының жұмыспен қамтуды үйлестіру және әлеуметтік бағдарламалар басқармасының Еңбек мобильділігі орталығы директорының орынбасары Ақерке Ахметова қатысты.Күн тәртібіндегі тақырып көптеген кәсіпкердің көкейінде жүрген облыс тұрғындарын жұмыспен қамту және әлеуметтік қолдау шаралары туралы болды. Тақырыптың өзектілігі жиынның алғашқы минуттарынан ақ байқалды. Өңірлік кеңесте жүздеген, тіпті мыңдаған адамды жұмыспен қамтып отырған кәсіпкерлер бар. Және олардың көбі қазіргі таңда кадр жетіспеушілігі мәселесімен бетпе-бет кездесуде, осы орайда аталмыш басқарманың көмегі бизнес өкілдеріне ауадай қажет.Қаламызда «Q-MED» клиникасымен танымал кәсіпкер, кеңес мүшесі Раушан Базарбай өз кәсібін бастағалы осы облыстық жұмыспен қамтуды үйлестіру және әлеуметтік бағдарламалар басқармасының шапағатын көріп келетінін айтып, алғысын білдірді. Оның сөзінше клиникада кезінде жастар практикасымен келген жас мамандар қазіргі уақытта білікті қызметкер атанып, жұмыстарын жақсы орындауда.Сонымен қатар, Қармақшы ауданындағы «Қармақшы құс» мекемесінің басшысы, кеңес мүшесі Нұрлан Іздібаев керісінше басқарманың көмегіне кадр мәселесімен қанша жүгінгенімен, олардан кері байланыстың болмауын айтты.Осы ретте кеңес мүшелері барлық кәсіпкерлердің атынан облыстық жұмыспен қамтуды үйлестіру және әлеуметтік бағдарламалар басқармасына кадр тапшылығы мәселесін бірлесіп шешуге ұсыныс білдірді. Басқарма өкілі өз ретінде ұсынысты қолдап, жұмыс орындарына кадр жіберу мәселесін әлі де жетілдіруге жұмыс жасайтынын айтты. Жиын барысында бұл мәселенің өзектілігіне байланысты тағы да кездесу өткізу жоспарланды.

Кәсіпкерлер палатасының алаңында кезекті өңірлік кеңес отырысы өтті

<a href="https://kyzylorda-news.kz/">Kyzylorda-news.kz</a> Облыс әкімдігінде Қазақстан халқы ассамблеясының «Бірлік. Жасампаздық. Өрлеу» атты ХХХІІІ сессиясында берілген тапсырмаларды жүзеге асыру жайы талқыланған, алдағы мақсат-міндеттерді белгілеуге арналған облыстық ассамблеяның XXVІ сессиясы өтті. Оған Қызылорда облысының әкімі, облыстық Қазақстан халқы ассамблеясының төрағасы Нұрлыбек Нәлібаев, мәслихат депутаттары, этномәдени бірлестіктердің, ассамблея құрылымдарының жетекшілері, үкіметтік емес ұйымдар қатысып, қала және аудан әкімдері онлайн қосылды.Аймақ басшысы өз баяндамасында Қазақстан халқы ассамблеясы XXХІІІ сессиясының тапсырмаларынан туындайтын міндеттер туралы айтты.<blockquote>​«Мемлекет басшысы Қасым-Жомарт Кемелұлы XXХІІІ сессияда «Мемлекеттік саясаттың басты өзегі және жалпыұлттық бірегейлікті нығайтатын негізгі фактор – бірлік» деп атап өтті. Бүгінде елімізде 100-ден астам, Сыр өңірінде 30-дан астам этнос өкілдері бір шаңырақ астында тату-тәтті өмір сүреді. Олар мемлекетіміздің өсіп-өркендеуіне зор үлес қосуда. Қазіргі кезде ассамблея институты қоғамның барлық салаларында белсенді жұмыс атқарады. Мәселен, отбасын сақтау, мәдениетаралық байланысты нығайту, рухани-адамгершілік құндылықтарға тәрбиелеу, жастар арасында құқықбұзушылықтың алдын алу бағытында ассамблея жанындағы ақсақалдар, аналар кеңестерінің рөлін ерекше атап өтуге болады. Облысымыздағы 11 этномәдени бірлестік пен ассамблея жанындағы қоғамдық құрылымдар жалпыға ортақ құндылықтарды, бірегейлікті, «Адал адам – Адал еңбек – Адал табыс» қағидаттарын кеңінен насихаттауда. Аймақта «Сыр өңірі – бейбітшілік пен келісім мекені» жобасы жүзеге асуда. Оның аясында ассамблея жанындағы ақсақалдар, аналар, медиация кеңестері, ғалымдар, белсенді жастар елді мекендерде кездесулер мен кеңес берулер ұйымдастыруда», – деді Нұрлыбек Машбекұлы.</blockquote>​Облыс әкімі алдағы жылы Ұлы Жеңістің 80, Қазақстан халқы ассамблеясының 30 жылдығы атап өтілетінін айтып, мерекелік іс-шараларды ұйымдастыру бойынша бірқатар тапсырма берді. Мұнан бөлек, биыл Сыр өңірінде алғашқылардың бірі болып құрылған корей этномәдени бірлестігінің 35 жылдығы аталып өтпек. Мерейтой қарсаңында Оңтүстік Корея елінің қолдауымен қайта жаңғыртудан өткен корей халқының ұлттық батыры Хон Бом Доның мемориалдық кешеніндегі музей ресми түрде ашылады.Аймақ басшысы өз сөзінде су тасқынынан зардап шеккен аймақтарға көмек көрсетуге атсалысқан азаматтарға, оның ішінде белсенді әрі үйлесімді жұмыс жасаған ассамблея өкілдеріне алғыс білдірді.Сессияда облыстық Қазақстан халқы ассамблеясының өкілдері атқарылған жұмыстарын баяндап, ұсыныс-пікір білдірді. Бірқатар ассамблея өкіліне Мемлекет басшысы, Қазақстан халқы ассамблеясының төрағасы Қасым-Жомарт Кемелұлы Тоқаевтың қолтаңбасы бар, Қазақстан халқы ассамблеясына мүшелікті растайтын куәлік табысталды. Сондай-ақ, өңірдегі этносаралық саясат пен қоғамдық келісімнің нығаюына үлес қосқан азаматтар облыс әкімінің Алғыс хатымен марапатталды.Іс-шара соңында аймақ басшысы грек-рим күресінен Париж олимпиадасына жолдама алған Айдос Сұлтанғалиді жеңіс жолындағы жетістігімен құттықтады.Еске салсақ, үш дүркін Азия чемпионы, үш дүркін Әлем чемпионатының қола жүлдегері Айдос Сұлтанғали жуырда Бішкек қаласында өткен лицензиялық турнирде ел мерейін үстем етті. Спортшыға облыстық грек-рим, еркін және әйелдер күресі федерациясының төрағасы Бақдәулет Махашовтың қолдауымен облыс әкімі Нұрлыбек Машбекұлы жерлестерінің атынан автокөлік кілтін табыстады.<img src="https://knadmin.beoblood.kz/uploads/448227457_763815175939729_4862438567555266451_n_6a010d8d0d.jpg" alt="448227457_763815175939729_4862438567555266451_n.jpg"><img src="https://knadmin.beoblood.kz/uploads/417399705_763815072606406_5110070255372258043_n_ca686456a6.jpg" alt="417399705_763815072606406_5110070255372258043_n.jpg"><img src="https://knadmin.beoblood.kz/uploads/448234852_763815355939711_2673414341181409065_n_bddea43382.jpg" alt="448234852_763815355939711_2673414341181409065_n.jpg"><img src="https://knadmin.beoblood.kz/uploads/417471381_763815202606393_817315320719272127_n_18a12e0902.jpg" alt="417471381_763815202606393_817315320719272127_n.jpg">

Олимпиадаға жолдама алған қызылордалық спортшыға автокөлік сыйға берілді

«Сот каникулы» пилоттық жобасы іске қосылмақ

<a href="https://kyzylorda-news.kz/">Kyzylorda-news.kz</a> Қоғамдағы сұранысқа ие мамандықтардың көшін бастап тұрған ақ халатты абзал жандар. Күндіз-түні тынбай еңбек етіп, халықтың алғысына бөленіп жүрген бұл жандар туралы айтарымыз көп-ақ. Неге десеңіз, адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтегендігі баршамызға ақиқат.&nbsp;&nbsp; Бүгінгі таңда қазақстандықтардың денсаулығын жақсарту – еліміздің мемлекеттік саясатының басым бағыттарының бірі болып саналып, медицина мамандығын таңдаймын деген жандар үшін де барынша жеңілдіктер қарастырылуда. Елімізде денсаулық саласын дамыту, тұрғындарға заман талабына сай, қолжетімді және сапалы медициналық қызмет көрсету жолында бар мүміндіктер жасалуда. Бұл білікті дәрігерлердің де арқасында демекпіз. Бүгінгі біз сөз еткелі отырған кейіпкеріміз де өз саласының майталманы атанып, көптің алғысына ие болып жүрген жан.&nbsp; Мақаламыздың арқауы ақ халатты абзал жан – Алмира Дауылбаева. Ол ІІІ Интернационал ауылында 40 жылдан бері акушер болып еңбек етеді. Саналы ғұмырын ана мен баланың амандығына арнаған ол қиын кезеңдерде де мамандығына адалдық таныта білді. Бұлай дейтініміз, тәуелсіздіктің алғашқы қысылтаяң жылдарында ауылдағы дәрігерлік қызметті ақсатпай алып шыққан майталман ақ халаттылардың бірі. &nbsp;&nbsp; Ол ІІІ Интернационал ауылының тумасы. Осындағы №108 мектепті бітіріп, Қызылорда қаласындағы медициналық училищенің Акушер бөлміне оқуға түседі. 1982 жылы қолына диплом алған жас маман аудандық аурухананың жолдамасымен Ақжар ауылына жұмысқа орналасады. 2 жылдан соң ІІІ Интернационал ауылдық ауруханасына маман тапшылығына байланысты ауысқан. Содан бері 40 жыл тапжылмай халыққа адал қызмет көрсетіп келеді.&nbsp;&nbsp; Бұл мамандықты алып жүру үшін сабыр мен шыдам, білім мен білікті қажет ететіні айтпаса да түсінікті. Білікті маман басты жетістік мақтау, мадақтау, алғыс хаттары емес көптің көңілінен шығып, тұрғындардың жылы лебізін есту екенін алға тартады.&nbsp;&nbsp; Уақыт көшіне қарай медицина дамыған сайын дәрігерлерге артылатын салмақта арта түсуде. Тәжірибе жүзінде жүктелген міндетті орынды орындап жүрген ел анасы Алмира Дауылбаева отбасында жолдасымен 3 перзент өсіріп отыр. Жарты ғасырға жуық медицина саласында адам жанының арашашысы болып келе жатқан ақ халатты абзал жан өзінің адал еңбегі арқасында халықтың ыстық ілтипатына бөленіп отырған кейіпкеріміз зейнеттік демалысқа аяқ басқалы отыр. Бір ғана салада, бір мекемеде 40 жылдан астам ғұмырын арнаған ақ халаттының мамандығына адалдығы көпке үлгі боларлық. Еңбегінің зейнетін көрер шағы берекелі болсын дейміз. &nbsp;

Алмира Дауылбаева: Тұрғындардың жылы лебізін естуден артық сый жоқ

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университеті «AI Urpaq challenge»&nbsp;атты мектеп бітіруші түлектерге арналған республикалық байқау ұйымдастыруда.<h2 style="text-align:justify;">AI URPAQ дегеніміз не?</h2>AI URPAQ – бұл жоғары технологиялар және жасанды интеллект саласындағы болашақ көшбасшылар командасының бір бөлігі болуға ұмтылатын дарынды талапкерлер арасындағы беделді сайыс.Егер сіз осы жылы мектеп бітірген Қазақстан Республикасының азаматы және ұлттық біріңғай тестілеудегі бейіндік пәндеріңіз «физика-информатика» бағытында болса аталған байқауға қатыса аласыз. Маңызды қадамдардың бірі − ұлттық біріңғай тестілеуден кем дегенде 50 балл жинауыңыз шарт.&nbsp;Үздік&nbsp;атанған&nbsp;қатысушыларға - Institute of Artificial Intellegence by Korkyt Ata 3&nbsp;білімгранты&nbsp;табысталады.<h2 style="text-align:justify;">Неліктен AI URPAQ-қа&nbsp;қатысу&nbsp;керек?</h2>Оқуға&nbsp;түсу&nbsp;мүмкіндігі:&nbsp;Сайыс&nbsp;жеңімпаздары&nbsp;Жасанды&nbsp;интеллект&nbsp;институтына&nbsp;жеңілдікпен&nbsp;түсу&nbsp;мүмкіндігіне&nbsp;ие&nbsp;болады.Стипендиялар&nbsp;және&nbsp;гранттар:&nbsp;Ең&nbsp;үздік&nbsp;қатысушылар&nbsp;оқуға&nbsp;стипендиялар&nbsp;және&nbsp;гранттармен&nbsp;марапатталады.Заманауи&nbsp;білім&nbsp;беру&nbsp;бағдарламалары: SeoulTech (Сеул&nbsp;ұлттық&nbsp;ғылым&nbsp;және&nbsp;технология&nbsp;университеті)&nbsp;серіктестігімен&nbsp;заманауи&nbsp;оқу&nbsp;бағдарламаларына&nbsp;қол&nbsp;жеткізу.Халықаралық&nbsp;мүмкіндіктер:&nbsp;Әлемнің&nbsp;жетекші&nbsp;университеттерімен&nbsp;халықаралық&nbsp;тағылымдамалар&nbsp;мен&nbsp;алмасу&nbsp;бағдарламаларына&nbsp;қатысу.Қабілеттерді&nbsp;дамыту:&nbsp;Сайысқа&nbsp;қатысу&nbsp;сізге&nbsp;сыни&nbsp;ойлау,&nbsp;мәселелерді&nbsp;шешу&nbsp;дағдыларын&nbsp;және&nbsp;шығармашылық&nbsp;қабілеттеріңізді&nbsp;дамытуға&nbsp;көмектеседі.<h2 style="text-align:justify;">Қалай қатысуға болады?</h2>1. Тіркелу: www.kyzylordahub.kz/ сайтына өтіп, онлайн-форманы толтыру2. Бірінші кезең: Әлеуметтік желілерде reels жариялау.Қатысушылар Instagram әлеуметтік желісінде төменде көрсетілген тақырыптарда ұзақтығы 1 минуттан аспайтын «reels» жариялауы керек: «AI менің өмірімде» «Мен AI маманы боламын» «AI – жақсы әлем үшін» «Мен – AI ұрпақпын» . Басылымда #АiUrpaq2024 хэштегтерін пайдаланып @talapker_korkyt, @ai.korkyt.kz, @kyzylordahub парақшаларын белгілеу және Reels-ты жоғарыда көрсетілген парақшаларды белгілеп stories-қа бөлісу керек3. Екінші кезең: Білім деңгейін анықтау - ағылшын тілінен жазбаша тест. Бірінші кезеңнен өткен қатысушылар ағылшын тілі бойынша тестілеуге шақырылады.Тест онлайн режимде «Google Forms» платформасында өткізіледі&nbsp;4. Үшінші кезең: “AI – Idea battle” жобалар конкурсы. Екінші кезеңнен сәтті өткен қатысушылар "AІ – Idea battle" форматында идеяларын ұсынуға шақырылады. Жобаларды қатысушылар 10 слайдқа дейінгі презентация түрінде ұсынады. Instagram-да reels жариялау 17-21 маусым. Ағылшын тілінен тест 25 маусым. AI жобалар байқауы 26-28 маусым күндері өтеді.<h2 style="text-align:justify;">Байланыс ақпараты:</h2>AI URPAQ сайысы және қатысу шарттары туралы қосымша ақпарат алу үшін:&nbsp;- Электрондық пошта: Ai@korkyt.kz- Телефон: +7 (775) 517-66-68- Веб-сайт: www.korkyt.edu.kz/Айта кетейік, Қорқыт ата атындағы Қызылорда университетінің базасында Жасанды интеллект және информатика жоғары мектебі жұмыс істейді. Бұл бастама Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде іске асырылды.Жоғары мектеп жасанды интеллект, киберқауіпсіздік және информатика саласында кадрлар даярлайды. Студенттер Сеултехпен бірлескен бағдарламалар бойынша білім алады, бұл әлемдік IT технологияларға қолжетімділікті қамтамасыз етеді. Жоба аясында оқу орны Кореяның заманауи зертханалық құрылғыларымен жабдықталады, ал студенттер бірнеше тілді меңгеріп, орыс және қазақ тілдерінен бөлек, ағылшын, корей тілдерінде білім алады.− Академиялық білімді дамыту және ғылымды қолдау, жасанды интеллект саласы бойынша мамандар даярлау мақсатында Оңтүстік Кореяның Сеул Ұлттық ғылым және технологиялар университетімен (СеулТех) Қорқыт ата атындағы Қызылорда университеті келісімге келді. Сол келісім аясында ашылған жасанды интеллект институты (“Institute of аrtificial іntelligence) IT бағытындағы үздік мамандарды оқытады.Оқуға түсетін талапкерлерге 4 мамандық ұсынылады. Атап айтсақ, Information systems (Ақпараттық жүйелер), Cybersecurity system (Киберқауіпсіздік жүйесі), Computer science (Компьютер ғылымы), Computer software and programming (Компьютерлік бағдарлама және бағдарламалау). Білім алушылар бағдарламалау негіздерін, үлкен деректерді талдау және жасанды интеллект, сондай-ақ машиналық оқыту сынды сұранысқа сай кәсіби дағдыларды да үйренеді. алпы, шетелдік оқу орны жоба бойынша заманауи құрылғылармен де қамтамасыз етеді. Сондай-ақ, Жасанды интеллект инстиутында оқыған студенттеріміздің Бұл уақытқа дейін Оңтүстік Кореядан бірнеше профессор келіп, білім алушыларға дәріс өткізіп, тәжірибесімен бөлісіп үлгерді. Болашақта да Сеултех университетінің ең үздік профессорлары білім беруге келмекші.Жасанды интеллект институтына оқуға түсу үшін биылғы түлектер «информатика + математика» пәндері бойынша ҰБТ тапсыруы керек. Кейін міндетті түрде біздің ағылшын тілінің деңгейін анықтайтын сынағымыздан өтуі қажет немесе IELTS 5+ сертификаты жарайды. Себебі бізде білім алу толық ағылшын тілінде жүргізіледі. &nbsp;Робототехника кабинеттері ашылуын ашылады, бірақ мына дүниені түсінуіміз керек. ІТ – бір орында тұрмайтын сала. Жаңадан ашылған робототехника кабинетіндегі құрал-жабдықтар 2-3 жылдан кейін маңыздылығын жояды. Себебі оның орнын жаңа техника басады. Мектептерде робототехника кабинеттері 5-6 жыл бұрын бум болып ашылды да, сол күйінше қалып қойды. Бірақ технология дамуда, тіпті интеллектуалды роботтар пайда болды. Қазір көп мектептегі роботтар төмен деңгейдегі бағдарламамен жұмыс істейді. Маман даярлау жағына келсек, егер нарықта сұраныс болса, мамандардың кәсіби білімін тез арада жетілдіруіне мүмкіндік бар. Айталық, алғаш рет мектептерге робототехника заттарын әкелгенде мұғалімдер қиналғаны рас. Қазір информатиктердің барлығы дерлік бұл құрылғылармен жұмыс істей алады. әлі күнге дейін ІТ компаниялармен байланыстамыз. Өз коммунитиларымыз бар. Мұндай жұмыс орындары Kyzylorda Hub арқылы да керек мамандарды іздейді. Арнайы талаптарына сәйкес университет, колледж бітірген түлектер, жан-жақта жүрген қызылордалықтардың арасынан жақсы маман тауып беруге тырысамыз. Қызылордада мықты ІТ мамандар жұмыссыз қалмайды. Қазірдің өзінде үш жұмыс орнына осы сала бойынша қызметкер қажет. Әрине, бірден табу оңай емес. Себебі білікті мамандар аз. Қазір ақпараттық қауіпсіздік, графикалық дизайн, вебсайт мамандары, жаңа бағдарламалар бойынша жұмыс істейтін, интеллектуалды сайт әзірлей алатын маман қажет. Компаниялар мұндай қызметкерлерге бір жарым миллион теңгеге дейін еңбекақы төлейді.Қазіргі уақытта жас мұғалімдердің арасында, Оқушылар үйінде де мықты бағдарламашылар жинақталған. Ешкімнің атын айтпай-ақ қояйын, есіме түспей қалғандары ренжіп қалар… Ең бастысы, бұрын өзіміз дайындаған жастар қазір өздері команда құрып, жаңа жобалармен айналысуда. Бұл – өте қуанатын жағдай, − деді Қорқыт ата атындағы Қызылорда университеті, жасанды интеллект институтының директоры Н.Серікұлы.Бұл бағытта жаңалықтар көбеюде. Мәселен 2025 жылдан бастап Қорқыт ата атындағы Қызылорда университетінің студенттері қос диплом бағдарламасы бойынша Сеул Ұлттық Ғылым және технологиялар университетінде (СеулТех) оқитын болады. Мұндай мүмкіндік университеттер арасындағы Қазақстандық және Корей студенттері үшін жаңа мүмкіндіктер ашатын келісімнің арқасында пайда болды.Корея Республикасы Президенті Юн Сок Ёльдің Қазақстан Республикасына мемлекеттік сапары аясында Астана қаласында Инвестициялар және бизнес, ғылым және білім беру саласында бірқатар іс-шаралар өткізілді. Осы іс-шаралар шеңберінде Сеул Ұлттық Ғылым және технологиялар университеті мен Қорқыт ата атындағы Қызылорда университеті арасында "AI architect", "Data management" сияқты білім беру бағдарламалары бойынша бакалавриат деңгейінде кадрлар даярлау туралы екіжақты келісімге қол қойылды.Студенттер қос диплом ала алады – СеулТехтен және Қорқыт ата атындағы Қызылорда университетінен. Осы бағдарлама бойынша оқуға қабылдау 2025-2026 оқу жылынан басталады. Бағдарламаны Қорқыт Ата атындағы Қызылорда университетінің Жасанды интеллект және информатика жоғары мектебіне түскен студенттер пайдалана алады. Келісім аясында студенттер Қазақстанда алғашқы төрт семестр оқиды, содан кейін келесі төрт семестр Сеул Ұлттық Ғылым және технологиялар университетінде оқуды жалғастырады.Бағдарламаға қатысушылар екі университеттің академиялық талаптарын, соның ішінде міндетті және таңдамалы курстарды орындауы керек. Бағдарламаға қатысушыларды іріктеу академиялық және тілдік құзыреттер, мәдениетаралық коммуникация дағдылары негізінде жүзеге асырылады. Бұл бағдарлама Қазақстан мен Оңтүстік Корея арасындағы академиялық байланыстарды тереңдетуге, студенттердің мәдениетаралық құзыреттілігін дамытуға және олардың халықаралық еңбек нарығында бәсекеге қабілеттілігін қамтамасыз етуге бағытталған. Студенттердің бірінші тобы осы бағдарлама аясында 2025 жылдың қыркүйегінде оқуға кіріседі.&nbsp;Жоғары оқу орындары ректорларының кездесуінде Қорқыт Ата атындағы Қызылорда университетінің басқарма төрағасы - ректоры Бейбіткүл Кәрімова:&nbsp;"Біз СеулТехпен ынтымақтастықтың жаңа кезеңін бастауға қуаныштымыз, ол студенттеріміздің алдында халықаралық білім алу және мәдени алмасу үшін бірегей мүмкіндіктер ашады", - деп атап өтті. Сеул Ұлттық Ғылым және технологиялар университетінің президенті Дон Хван Ким өз тарапынан: "Шартқа қол қою біздің академиялық байланыстарымызды нығайтады және екі елдің студенттері үшін жаңа көкжиектер ашады. Біз бұл бағдарламаны іске асыруды асыға күтеміз".Осылайша, Қазақстанда алғаш рет жасанды интеллект сәулетшілері мен деректерді басқару жөніндегі мамандар даярланады. Елімізге күнделікті қызмет пен бизнес-процестерге ЖИ енгізе алатын, Қазақстандықтардың өмір сүру сапасын жақсарта алатын жоғары білікті кадрлар қажет. Сондықтан әлемдік технологияларды білетін адами капиталды қалыптастыру жаһандық білімсіз және халықаралық ынтымақтастықсыз мүмкін емес.&nbsp;А.ТекебайФото:ichip.ru

Мектеп бітіруші түлектерге арналған байқау өтеді

<a href="https://kyzylorda-news.kz/">Kyzylorda-news.kz</a> Қармақшы аудандық білім бөліміне қарасты №106 орта мектебінің «Балауса» жазғы тынығу этнолагерінде «Тәрбие негізі ұлттық құндылықта» тақырыбында аудандық семинар өтті.Семинарга аудандық ата-аналар комитетінің төрағасы Мағауия Әлиев, Иіркөл ауыл әкімі Жағыпар Төлегенов, Иіркөл ауылы ардагерлер кеңесінің төрағасы Әлімбай Білжанов және мектеп ата-аналары қатысты.Ұлттық сана-сезімі қалыптасқан, ұлттық мүдденің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу мақсатындағы іс шарада ұлттық тағам түрлері дайындалып, оқушыларымыз ұлттық спорт түрлерімен танысты.Осы орайда балалар асық атып, атқа міну дәстүрін көрсетті. Ұлттық салт-дәстүрді дәріптеу мақсатында «тұсаукесер» рәсімі өткізілсе, «Әжем айтқан ғибратты әңгіме» демекші, ардагер әжелер жас буындарға тәрбиелік мәні бар өзінің ғибратты әңгімелерін айтып, ақыл-кеңесін берді.Іс-шара соңы «Сoworking» орталығында қорытындыланды. Сан ғасыр­­лар бойы сұрыпталған ұлттық құндылықтарымызды оқу-тәрбие процесіне ен­гізу арқылы ұлттың тұнып тұрған рухани байлығымен өскелең ұрпақты сусындату – басты парызымыз.

Қармақшыда «Тәрбие негізі ұлттық құндылықта» тақырыбында аудандық семинар өтті

<a href="https://kyzylorda-news.kz/">Kyzylorda-news.kz</a>Аудандық аурухананың хирургия бөлімі басқа бөлімдерге қарағанда қызмет көрсету жағынан өзгешелеу. Мұнда түрлі жарақаттар, отадан өткен науқастар ем қабылдайды. Былай айтқанда, бөлімге түскен науқасқа жедел шешім қабылданып, шұғыл көмек көрсетіледі. Себебі ондай сәтте әрбір минут, секунд санаулы.6 маусым. Кешкі сағат 20:15 шамасында жедел түрде бөлімге науқас жеткізіледі. Жағдайы күрт төмен түсіп, денсаулығы әлсіреген. Бөлім меңгерушісі Шакрат Бердібаев хал үстінде жатқан науқасқа жан-жақты тексертулер жасап, шұғыл отаға алады. Хирургияда 30 жылдық тәжірибесі бар маман алдымен диагнозын қойып, әбден құр сүлдері келген Шымкент қаласының тұрғынына ем-шарасын жасайды. Жалпы жағдай қалай болды, оны хирургтың өз аузынан естісек. &nbsp; &nbsp; &nbsp; &nbsp;<blockquote>– 66 жастағы азамат Олег Шипицинге үлкен ота жасалды. Ол 4 сағатқа жуық уақытқа созылды. Бізге келген бойда ем-шарасы жасалып, дәрілер құйылды. Отаға жарау үшін осылай науқастың қан қысымын, басқа да резустарын жан-жақты көтеріп алуымыз керек. Әйтпесе отаға ала алмаймыз. Денсаулығын жаратып алған соң, бір сағаттың көлемінде бірден отаға кірістік. Дұрыс ем қону үшін, нақты диагнозы қойылуы тиіс. Ол кісінің дене температурасы 35-ке түсіп, аяқ-қолы мұздап келді. Өзінің айтуынша, 6 күннен бері егістікте жұмыс істеп, тек ауырсынуды басатын дәрі-дәрмек ішіп, жүре берген екен. Шымкент қаласында емханаға барғанда ол жақта өт жолында тас бар деп диагноз қойып, үйіне қайтарған. Біздің бөлімге жеткізілгенде есін жоғалтып алып тұрды. Сонда да болса, қолымыздан келген көмегімізді аямай, аман алып қалуға білігімізді салдық. Басынан-ақ ішкі құрылысында ақау бар екенін білгенбіз. Ішін ашқанда 2 литрдей ірің алдық. Тексеру нәтижесінде ішектің 4-5 жерінен жара болып, ол жарылып, сыртына шығып, іріңдеген. 4 сағат тікемізден тік тұрып ота жасадық. Әлдеқалай болып кетер ме екен деген де қорқынышымыздың болғанын жасырмаймын. Қазір жағдайы күннен-күнге жақсарып келеді, – дейді бөлім меңгерушісі Шакрат &nbsp;Ақбергенұлы.</blockquote>Хирург отаның сәтті шығуына әріптестерінің де еңбегі зор екенін айтады. Оған өзі бас болып ота жасаса, хирург Сәкен Жақсыбаев ота жасаушы хирургтың көмекшісі әрі ассистенті болса, реанимотолог Әділбек Маликов анестезиолог қызметін көрсеткен. Ал анестезиолог медбикесі Жанар Ахметбекова, операциялық медбикелер Гүлжан Елпанова, Айнұр Битенова, кезекші медбикелер Ләйла Балатаева, Задия Смағұлова және аяжан Ләззат Асқаровалар да отаның ойдағыдай өтуіне маман ретінде атсалысқан. &nbsp;Аудан дәрігерлерінің біліктілігінің арқасында ажал аузынан аман қалған Шымкент қаласының тұрғыны Олег Геннадиевич "Дельта юг" авиакомпаниясының авиатехнигі болып қызмет атқарады. Бұл жаққа шаруашылықтарды зиянкестерден залалсыздандыру мақсатында келген. Хирургия бөліміне арнайы барып науқаспен жолыққан болатынбыз. &nbsp;<blockquote>– Қармақшыға келмей тұрып, үйде ішім бүріп ауырып, қатты қиналдым. Жедел жәрдеммен Шымкенттегі аурухананың біріне түскен болатынмын. Онда маған дәрігерлер денсаулығымда ешқандай &nbsp;кінәраттың жоғын, тек өт жолында тас болуына байланысты осылай ауырып тұрғанымды айтып, мені компьютерлік томографияға (МРТ) түсуге облыстық клиникаға жолдады. Онда да ауруымды таппай, кері қайтарды. Мамандар айтқасын бәрі дұрыс болар деген үмітпен осылай қарай ұшып келдім. Мұнда келген бойда-ақ денсаулығым сыр берді. Жанымды шүберекке түйгендей болдым. &nbsp;Осында келгеннен кейін ғана менің диагнозымды дұрыс бір ғана дәрігер тапты. Ол – хирургия бөлімінің меңгерушісі Шакрат Бердібаев. Ол менің өмірімді құтқарды. Ажалдан арашалады. Өз ісінің шебері екен. Әрине түсінемін. Адамдардың еміне шипа беру – антына сай жұмыс болар. Дегенмен де оның осы еңбегі ескеруге өте лайық. &nbsp;ҚР Денсаулық министрлігі немесе денсаулық сақтау саласының басшылығы дәрігерді&nbsp;марапаттаса екен деген тілегім бар. Егер маған дер кезінде осындай көмек жасалмағанда қазір менің қайда боларымды бір құдай біледі. &nbsp;Жас баладай мәпелеп қарап жатыр. Қаншама адамның сауығып кетуіне септігін тигізіп жүр. Мен ота үстелінде өмір мен өлімнің арасында жаттым. Ана дүниеден алып келді десем артық емес. Осындай хирург дәрігерлер көп болсын.Өзім еңбек ететін компания мен оның командованиесінің атынан аудандық аурухананың бас дәрігері Бақытжан Сағилатұлына, хирургия бөлімінің барша қызметкерлеріне алғысымды айтып, кәсіби төл мерекелерімен шын жүректен құттықтағым келеді, – дейді шымкенттік ұшқыш риясыз көңілде.</blockquote>Науқастың бүгінде жағдайы бірқалыпты. Дәрігерлердің емін алып жатыр. Отбасы, командирлері де хабарласып, мереке қарсаңында ажалға араша болған барша медицина қызметкерлеріне алғыстарын жаудыруда.&nbsp;

Қазақстан және Қызылорда облысының жаңалықтары