Фото жеке қорынан«Болашақ» халықаралық бағдарламасы жүзеге асқан отыз жылдың ішінде 12 мыңға жуық маман шетелдік жоғары оқу орындарынан білім алып, біліктілігін шыңдады. Олар өз саласы бойынша шетелде алған тәжірибесін бүгінде кәдеге жаратып, ел дамуына үлес қосып келеді. Бірақ «таяқтың екі ұшы бар» демекші, аталған жобаға «ғылыми туризм» ретінде қарап, «бағдарламадан бас тарту керек» дейтіндер жоқ емес.&nbsp; Алайда бағдарлама түлегі Арнұр Мұхаметжанов елдегі білім сапасын халықаралық деңгеймен ұштастыратын бағдарламадан бас тарту негізсіз деп санайды. Кейіпкеріміз аталған бағдарламаның тиімділігі жайлы &nbsp;ой бөліскен еді. &nbsp;– Арнұр, халықаралық бағдарламаның мүмкіндігін қалт жібермей, Ұлыбританияда тәжірибе толыстырдыңыз. Алдымен қалай оқуға түскеніңізді айтып берсеңіз...&nbsp;– Ізденіс дамуға бастайды. Сондықтан мен алдымен Л.Н.Гумилев атындағы Еуразия университетін есеп және аудит мамандығы бойынша аяқтадым, одан әрі білімімді жетілдіру мақсатында С.Сейфуллин атындағы Қазақ агротехникалық университетін қаржы магистрі мамандығы бойынша тәмамдадым. Магистр дәрежесіне қол жеткізген тұста келешекке жоспарымды тағы бір сүзгіден өткіздім.&nbsp;Алдымен мемлекеттік қызметке орналастым, одан кейін шетелде оқысам деген бала арманыма қол жеткіземін деп шештім. Бұған мемлекеттік қызметшілердің бәсекеге қабілеттілікті арттырып, тәжірибе арттырып отыру міндетін қосыңыз. Осылайша, болашағымды «Болашақпен» байланыстырдым. Тәуекел етіп, үлкен қадамға барған соң мойнымда зор жауапкершілік тұрды. Сондықтан ізденіске көп уақыт жұмсадым. Өзге тілді жоғары деңгейде меңгеру – ұзақ мерзімді, жүйелі еңбекті қажет ететін процесс. Өйткені оны дұрыс меңгермесеңіз, бір қатені жүйелі түрде қайталауыңыз мүмкін. Оқу процесінде де кедергісі көп. Сондықтан ағылшын тілін меңгеру бойынша 6 ай тілдік курсқа зер сала дайындалдым. Одан кейін мемлекеттік тілден емтихан бар. Тағы кешенді тестілеуден өтесіз. Ол арқылы бағдарлама сіздің интеллектуалдық, кәсіби, психологиялық дайындығыңызды тексереді. Соңғы тур – комиссиямен әңгімелесу. Осы кезеңнің барлығынан сәтті өтіп, IELTS емтиханынан 7 балл еншіледім. Содан соң ғана стипендия бұйырып, Ұлыбританияның Эксетер университетіне көптен күткен жолдама алдым. Мұнда экономика магистрі мамандығы бойынша білім алу мүмкіндігі бұйырды.– Шетелде магистратура немесе докторантурада жалпылама мамандық дағдысын емес, тарбейінді, яғни белгілі бір ғылым бағыты бойынша дәріс береді. Сіздің негізгі зерттеу объектіңіз қандай еді? Ұлыбританияда қай бағытта ізденіс жасадыңыз?&nbsp;– Оқуға түсер алдында Экономика және бюджетті жоспарлау министрлігінде қызмет атқарған едім. «Times Higher Education World University Rankings» рейтингінде алғашқы екі жүз үздік университеттің тізімінен табылатын Эксетер университетінде де салама қатысты жаңа ақпараттар алып, макроэкономикалық, қаржылық және әлеуметтік тұрақтылықты сақтау, экономикалық өсімнің қарқыны мен сапасын арттыру бағыттарына терең бойладым. Таңдауым да «Бюджеттік шығындар мен экономикалық өсу» тақырыбына түсті.&nbsp;Университетте белгілі бір саланың әр бағытын жіті зерттеуге маманданған оқытушылар көп болды. Оқулықтар, ғылыми материалдар базасын пайдалануда қиындық туындамады.&nbsp;– Өзге ел өзгеше эмоция қалдыратыны анық. Ұлыбританияда сізді не нәрсе таңғалдырды, өзге орта жатырқамады ма?&nbsp;– Ағылшындар байсалды келеді. Қарапайым кезекке тұрудың өзін тұтас мәдениетке айналдырған. Тағы бір ерекшелігі – олардың заңға қатаң бағынатыны. Көшеде жүру мәдениетін қозғасақ та, ешкім ережені бұзбайды. Жеңіл көліктер дабылын тек төтенше жағдайда ғана басады. Біздің елдегі психологиялық ахуал бойынша дабылқаққыштарын әр жүргізуші кез келген жағдайда, тіптен жай амандасу үшін де басатыны бар.Тіл мәселесіне келгенде де ерекшелік бар. Оны академиялық ағылшын тілі курсына қатысу үшін Ньюкасл қаласына барғанда байқадым. Дәріс барысында мұғалімдер таза біз меңгерген акцентпен тіл табысса, сабақтан тыс «джорджи» акцентіне ден қойып, сол тілде сөйлесетін. Ал, оны басқа қалаларда тұратындар, тіпті лондондықтардың өзі түсінуі екіталай еді. Сондай-ақ шетелдік студент көп болғандықтан мұндағы адамдар үшін ол қалыпты жағдай секілді.&nbsp;Әрдайым көмектесуге әзір, тіпті университеттегі шетелдік студенттерге арналған ұйым ел мәдениеті мен өміріне үйренісу үшін арнайы кездесу ұйымдастырды. Бұдан бөлек, салаға қатысты шараларға қатысып, үлкен компаниялардың басшыларымен басқосуларға, жетекші компаниялардың ұйымдастыруымен өткен жұмыс жәрмеңкелеріне, идеялар фестиваліне қатыстық. – «Жақсы білім көзі шетелде» деген түсінік бар қоғамда. Екі елдің оқу бағдарламасын салыстырмалы түрде айтсаңыз. Сізге қайсысы, несімен ұнады? –Оқу бағдарламасында нұсқауланған сабақты және мұғалімді өзіміз таңдауға мүмкіндік жасалған. Қазақстанда мұғалімдер көбіне студенттерді міндеттейді. Сабаққа келмей қалса, «жоқ» деп белгілейді, баллын төмендетеді. Ал шетелде ешкім қинамайды, профессорлар бұндай мәселеге бас ауыртпайды. Бастысы – емтиханда барып, бүкіл тапсырманы тапсыруға міндеттісіз. Егер сабаққа бармасаңыз, оны тапсыра алмайсыз. Сондықтан әркім өзі үшін барады. Тағы бір айырмашылығы – профессорлар мен студенттердің қарым-қатынасында. Мұнда студент кез келген уақытта профессорларға барып, өзін мазалап жүрген сұрағын қоя алады, барлығын мұғалімнің поштасына жазып, хабар алып отыруға мүмкіндігі бар. – «Болашақ» бағдарламасының кейбір түлектері елге келіп қызмет еткісі келмейді», «Бағдарламаны тоқтату керек» деген пікір жоқ емес. Мұның себебі неде деп ойлайсыз? – Қоғамда «Болашақты» бай-манаптар мен шенеуніктердің балалары жеңіп алады деген түсінік бар. Алайда, аталған стипендияны жеңіп, мұхит асып білімін жетілдіріп келген қарапайым қазақ жастары көп. Сондықтан мұны негізсіз пікір деп есептеймін. Ал шетелде оқыған студенттердің елге оралмай қалуына әртүрлі фактор әсер етеді. Стипендиат тап болатын әрі маңызды фактор – шетелдік университетте алған мамандық бойынша Қазақстанда жоғары жалақы беретін жұмыс табудың қиындығында болар. Бірақ, қазір ахуал бағдарламадан «бакалавриат» программасын алып тастағаннан кейін жақсарды деген ойдамын. Ал өзіме келсем, оқуды тәмамдаған соң өз елімде жұмыс істеуім қажет деген ойда болдым және сол ойдан айнымадым. Бағдарламаның миссиясы – өзге елдегі тәжірибені өзімізде қажетке жаратып, ел дамуына үлес қосу. «Мен елімнің патроиотымын» деген әрбір жас осыны түйсіктен шығармаса деймін. Себебі ел ертеңі терең білімді һәм қабілетті жастардың қолында. – «Болашақ» өміріңізді өзгертті ме? Жиған тәжірибеңізді елге қалай сіңіріп жатырсыз? –«Болашақ» стипендиясы болмаса, Ұлыбританияда білім алуым екіталай еді. Жаңа орта жаңа трансформацияға бастады. Елге келгеннен кейін жиған тәжірибе қызметте қолғабыс етті. Оған менің еңбек жолым дәлел бола алады. «Болашақпен» оқып келген соң бас сарапшы қызметінен ауысып, Ауыл шаруашылығы министрлігінде департамент директоры болып тағайындалдым. Одан кейін Жамбыл облысында кәсіпкерлік және индустриалды-инновациялық даму басқармасының басшысы ретінде қызметімді жалғастырдым. 5 жылдан соң Қазатомөнеркәсіп» ҰК» АҚ-ның еншілес кәсіпорнында сарапшы маман болып, кейін Солтүстік Қазақстандағы ауыл шаруашылық стансасында басқарма төрағасының орынбасары қызметін атқардым. Мұнда біз екі жылдың ішінде тозығы жеткен кәсіпорынды қалпына келтіріп, қайта аяққа тұруына себепкер болдық. Қазір мемлекеттік қызметке қайта оралып жатырмын. Алға жоспарым жүйелі. – Мемлекеттік қызметтегі еңбек өтіліңіз 10 жылға жуық. Тәжірибелі, өз ісінің маманы ретінде мемлекеттік қызметтің артықшылығы неде деп айта аласыз? – «Тіреуі барлар ғана мемлекеттік қызметке келеді» деген пікір бар. Мұнымен келіспеймін. Себебі, өзім мансаптық өсудің барлық сатысын өткеріп келемін. Мемлекеттік қызметші – қоғам айнасы. Ол барлық талаптан шыға білу керек. Артықшылығы – еліне, қоғамға қызмет етуінде, ортақ игілік үшін барын салуында. Жүсіп Баласағұн «Өз пайдаңды ойлама, ел пайдасын ойла, өз пайдаң соның ішінде» деген. Қоғам мемлекеттік қызметші өзінің бар күш-жігерін, білімі мен тәжірибесін өзі жүзеге асыратын кәсіби қызметіне жұмсайды, Отанына қалтқысыз әрі адал қызмет етеді деп сенеді. Сондықтан әрбір мемлекеттік қызметші бас пайдасын ойламай, ел сенімін алғашқы орынға қоюы тиіс.&nbsp;– Еліміз жаңа кезеңге қадам басты. Жаңа Қазақстаннан не күтесіз?&nbsp;– Жаңа Қазақстаннан әділетті, адам құндылығы мен теңдігі сақталған қоғамда өмір сүруді күтемін. Бірақ, менің ойымша, «бізге біреу жарқын болашақ жасап береді» деп күткеннен гөрі атақты неміс философы Иммануил Канттың категориялық императивіне сүйенген дұрысырақ. Яғни, біздің жеке құндылықтарымыз қоғам құндылығынан асып кетпеуі тиіс. Осы максимумдарға жүгінсек, Жаңа Қазақстанға жылдам жете аламыз.М.Снадин&nbsp;&nbsp;&nbsp;

«Болашақтың» болашағы қандай?

Фото: облыс әкімінің баспасөз қызметі<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты актив отырысында жаңадан тағайындалған облыс әкімінің орынбасары таныстырылды.Қазақстан Республикасы Президенті Әкімшілігінің келісімімен және облыс әкімінің өкімімен Жаханов Бахыт Дүйсенұлы облыс әкімінің орынбасары лауазымына тағайындалды.Облыс әкімі Бахыт Жахановтың қызметіне сәттілік тіледі.<blockquote>«Бахыт Дүйсенұлы – аймақтың әлеуметтік-экономикалық ахуалымен етене таныс, мемлекеттік қызметтің барлық сатысынан өтіп, басқарушылық лауазымда мол тәжірибе жинаған әлеуеті жоғары кадр. Бұған дейін де басқарма басшысы, аудан әкімі, облыс әкімінің орынбасары лауазымдарында нәтижелі қызмет көрсеткен.Жаңа қызметте ауыл шаруашылығы және жер қатынастары, табиғи ресурстар және табиғат пайдалануды реттеу, ветеринария, құрылыс және сәулет, энергетика және тұрғын үй-коммуналдық шаруашылық, жұмылдыру дайындығы, аумақтық қорғаныс салалары мен Жаңақорған, Шиелі аудандарына жетекшілік жасайтын болады. Іскер басшы ретінде өз жұмысын жоғары деңгейде атқарады деп сенемін», – деді аймақ басшысы.</blockquote><figure class="image"><img src="https://knadmin.beoblood.kz/uploads/417465205_676079534713294_7426394003048769117_n_25b07a5b02.jpg" alt="417465205_676079534713294_7426394003048769117_n.jpg"></figure>Актив отырысында облыстық қоғамдық кеңес төрағасы Әріп Хожбанов, Қызылорда облыстық мәслихатының төрағасы Наурызбай Байқадамов Бахыт Дүйсенұлын жаңа қызметімен құттықтады. Өз кезегінде, облыс әкімінің жаңа орынбасары аймақ басшысына сенім білдіргені үшін алғысын жеткізді.Айта кетейік, бүгінгі кадрлық өзгерістерге сәйкес облыс әкімінің орынбасарлары мен аппарат басшысы арасындағы міндеттер бөлінісі қайта бекітілді.Облыс әкімінің бірінші орынбасары Жаналинов Данияр Еренғалиұлы экономика және қаржы, мемлекеттік сатып алу, жолаушылар көлігі және автомобиль жолдары, кәсіпкерлік, сәулет-құрылыс бақылау және еңбек қатынастары салалары мен Қызылорда қаласына жетекшілік жасайды. Қылмыстың алдын алу мен қоғамдық тәртіпті сақтау бойынша құқық қорғау және арнайы мемлекеттік органдармен өзара іс-қимылды қамтамасыз ететін болады.Облыс әкімінің орынбасары Шермағанбет Мейрамбек Зинабдинұлы білім, жұмыспен қамту және денсаулық сақтау, спорт және туризм салаларына, Жалағаш, Сырдария аудандарына жетекшілік жасайды.Облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Нұртай Қайрат Ырзақұлұлы Арал, Қазалы, Қармақшы аудандарына жетекшілік жасайды.Облыс әкімі аппаратының басшысы Байманов Шахмардан Асқарұлы аппарат қызметіне басшылық жасаумен қатар, өңірдің қоғамдық-саяси саласына, оның ішінде қоғамдық даму, мәдениет, дін мәселелері мен цифрландыру салаларына жетекшілік етеді.Бахыт Жаханов 1974 жылы Қызылорда қаласында дүниеге келген. Қызылорда политехникалық институтын «Экономист-менеджер» мамандығы бойынша бітірген.Еңбек жолын 1999 жылы облыстық ауыл шаруашылығы департаментінің жетекші маманы болып бастап, әр жылдары осы департаментте түрлі лауазымдарда жұмыс жасаған. 2002-2008 жылдары облыстық білім және экономика басқармаларында бөлім басшысы, облыс әкімі аппаратының бас инспекторы, облыстық табиғи ресурстар және табиғат пайдалануды реттеу департаменті директорының орынбасары лауазымдарында нәтижелі қызмет көрсетті. 2008-2022 жылдары Қазалы ауданының әкімі, екі реттен облыстық ауыл шаруашылығы басқармасының басшысы және облыс әкімінің орынбасары ретінде тұрғындардың өзекті мәселелерін шешу жолында аянбай еңбек етті.2022 жылдың сәуір айынан бастап осы кезге дейін Қазақстан Республикасы Президенті Әкімшілігінің мемлекеттік инспекторы қызметін атқарып келді.

 Қызылорда облысы әкімінің орынбасары тағайындалды 

<a href="https://kyzylorda-news.kz/ru">Kyzylorda-news.kz.</a>&nbsp; ШҚО полицейлері облыс орталығында оқ атқан ер адамды ұстады, – деп хабарлайды <a href="https://aikyn.kz/261300/oskemende-koshede-adam-atyp-oltirgen-kudikti-k-olg-a-tusti">Aiqyn.kz.</a>ШҚО Полиция департаментінің мәліметінше, 13 қаңтар күні облыс орталығының «102» арнасына дабылды қоңырау түскен. Қоңырау шалушы кіреберістердің бірінің жанында ер адамның қанға боялып жатқанын хабарлаған. Оқиға орнына келген бойда мәйіт табылды. Болжам бойынша ер адам оқ жарақатынан қайтыс болған.Аталған дерек бойынша дереу патрульдік бөлімшелер жедел ден қойып, 10 минуттың ішінде 26 жастағы күдікті ұсталды.<blockquote>"Оқиға бойынша кісі өлтіру (ҚР ҚК 99) бабымен сотқа дейінгі тергеу басталды. Болған оқиғаның барлық мән-жайы анықталып жатыр", – делінген полиция хабарламасында.</blockquote>ҚР ҚПК-нің 201-бабына сәйкес өзге ақпарат жария етуге жатпайтыны айтылды.&nbsp;Фото: Нұрболат Нұржаубай

Әйелін қызғанған:  Көшеде адам атып өлтірген күдікті қолға түсті

<a href="https://kyzylorda-news.kz/ru">Kyzylorda-news.kz.</a>&nbsp; &nbsp;Қорғаныс министрлігі Тәрбие және идеологиялық жұмыстар департаментінің бастығы, әділет полковнигі Тілеухан Басқожаев Ақтау гарнизонындағы сарбаздармен және командирлермен кездесті, – деп хабарлайды <a href="https://aikyn.kz/261324/biyl--skeri-k-yzmetshilerdin--zhalak-ysy-k-anshalyk-ty-osedi">Aikyn.kz </a>министрліктің баспасөз қызметіне сілтеме жасап.Басқожаев кездесу барысында 2024 оқу жылында Қарулы күштердің алдына қойылған міндеттері жөнінде айтты.Сондай-ақ департамент басшысы кездесуде әскери қызметшілердің әлеуметтік пакетіндегі өзгерістерге де тоқталды.– Соңғы үш жыл ішінде лауазымдық жалақыны кезең-кезеңімен ұлғайту жүргізілді. Биыл Қарулы күштердегі қатардағы және сержанттық құрам лауазымдарының тарифтік санаттары және әскери қызметшілердің әскери атағы бойынша жалақы 30%-ға өседі, – деді департамент бастығы.Фото: Нұрболат Нұржаубай

Әскери қызметшілердің жалақысы қаншаға өседі?

<a href="https://kyzylorda-news.kz/ru">Kyzylorda-news.kz.</a>&nbsp; «Ашық НҚА» порталында «Назарбаев Зияткерлік мектептері» дербес білім беру ұйымында дарынды балалардың оқуына ақы төлеуге арналған ҚР Президентінің «Өркен» білім беру грантын тағайындау қағидалары мен мөлшерлерін бекіту туралы» Оқу-ағарту министрлігінің бұйрығына өзгеріс енгізуді көздейтін бұйрық жобасы жарияланды, деп хабарлайды <a href="https://kaz.inform.kz/news/nazarbaev-mektepternde-oku-granti-kimbattaydi-1ddeaf/">Kazinform.</a>«Гранттың мөлшерлері:1) жатақханада тұруды есептемегенде, күнтізбелік жылға 2 349 191 (екі миллион үш жүз қырық тоғыз мың жүз тоқсан бір) теңге;2) жатақханада тұруды есептегенде, күнтізбелік жылға 3 247 305 (үш миллион екі жүз қырық жеті мың үш жүз бес) теңгені құрайды», - делінген ұсынылып отырған бұйрық жобасында.Ал қолданыстағы бұйрық жобасында жатақханада тұру ақысын есептемегендегі жылдық грант құны 2 150 208 теңге, жатақханада тұру бағасын қосқандағы жылдық грант құны 3 036 859 теңге болған.Бұйрық жобасы 29 қаңтарға дейін қоғам талқылауында болады.Фото: Нұрболат Нұржаубай

Назарбаев мектептерінде оқу қымбаттайды

Фото: ашық дереккөзӘлемде біз білмейтін қызық көп. Мысалы, бір ғана сурет салудың 100 түрлі әдісі бар. Құм, ас содасы, шоколад, тосап, тұз, шеге мен гипстен шебер бейне шығарып жүргендерді көрдік. Ең қызығы, жақында жаһанды жапыраққа сыйғызған суретшіні таптық. Сурет салудың 86 тәсілін меңгерген Қанат Нұртазин Nickelodeon, Warner Bros. Games, Disney секілді алпауыт компаниялардан тапсырыс алған. Ерекше стилінің және жапыраққа жан бітіруінің арқасында әйгілі «Mortal Combat 1 амбассадоры да атаныпты.«Микст-медиа» жайлы не білеміз?Қанаттың негізгі мамандығы – ІТ технологияларын қолдану арқылы бизнесті басқару. Малайзияда білімін шыңдаған жас елге оралған соң жұмыс табу қиынға соққанын айтады. Сол уақытта хоббиі – сурет салуға кіріскен. Тосап, шоколад, гипс, шеге, жіппен сурет салған. Далада серуендеп жүріп, жапыраққа дейін ойып салуға кіріскен. Осылайша, мұны «Сурет салудың 100 әдісі» деген атпен арт жобаға айналдырыпты.– Оқушы кезімде сурет сабағының тапсырмасын ағам орындап беретін. Ал, қазір суреттерім елге таныла бастады. Бұл үшін ешқандай курс, семинарға қатыспадым. Табиғи дарынның, қызығушылықтың көмегі көп болды. Жай ғана сурет салуға қарағанда жаңа әдіс-тәсіл ойлап тапқан әлдеқайда қызық. Бұл – &nbsp;шығармашылық еңбек. Қарап тұрсаң, айналаңдағы заттардың барлығы өнер туындысы үшін жасалғандай. Кейде табиғаттың, қоршаған ортаның осындай ғажайыпқа толы екенін көріп, шабыт аламын, – дейді Қанат.Суретші нақты бір жанрда немесе белгілі бір тәсілмен салмайды. Ол өз жолын «микст-медиа» стиліне, яғни аралас техникалы өнерге жатқызады.Қа­зақ­с­танда жапыраққа сурет қиып салатын жалғыз суретшіӘлем бойынша жапырақты қолданатын бір-екі суретші бар. Ал Қазақстанда әзірге Қанат топ бастап тұр. Дегенмен, негізгі жұмысы Назарбаев Университетіндегі Қанат әзірге біржола сурет өнеріне кетпей жүргенін айтты.– Бұл – &nbsp;жеке пікірім, дегенмен, қазір біздің қоғам мұндай өнерді беріле қабылдамайтын сияқты. Білерім, мен салып жүрген суреттер сату жағына келгенде өте жоғары сұранысқа ие болмай отыр. Бірақ қай жерге барсам да Қазақстанға қатысты дүние жасағым келеді. Мысалы, Вашингтонда жүріп, алмаға Алтын адамның суретін салдым, Лондонға барғанда алмаға киіз үйдің суретін ойдым. Содан кейін сол қаланың көрікті жерін артқы көрініс қылып таңдап, өзімнің туған елімнің бір бейнесін кадрға түсіріп аламын. Шетелдіктер таныс жердегі бейтаныс элементтерге қатты таң қалады. Тек шетте емес, Қазақстанның түкпір түкпіріне барсам да, туған жерімнің таңғажайып табиғатын суретке саламын. Негізі жапырақ ұзаққа шыдайды. Бәрі қайда және қалай сақтағаныңа байланысты. Әдетте кітаптың арасына салып қоямын. Онда бірнеше жыл сақтауға болады. Менде жапырақты ұзақ сақтаудың тағы бір тәсілі бар. Оны эпоксидті шайырға саламын. Одан алып, кептірген соң, ол әйнек секілді көрінеді, – дейді ол.Кейіпкерімізде идея жетіп артылады. Қол босаған кезде немесе ерекше шабыттанған сәтте соны іске асырады екен. Одан бұрын әлемде және елімізде болған оқиғаларға бейжай қарамайды. Мысалы, жуырда ел ішінде үлкен резонанс тудырған зорлық-зомбылық оқиғасына қарсылық білдіріп, әйнекке сурет қашап салды. «БҰҰ-ның гендерлік зорлық-зомбылыққа қарсы 16 күндік жаһандық кампаниясы басталған болатын. Қазақстандағы өкілдігінен зорлық-зомбылықтың түрлі әдістерін бейнелейтін суреттер сериясын салу туралы тапсырыс алдым. Ол желтоқсан айының ортасына дейін жалғасады. Өкілдіктің Instagram-дағы ресми парақшасында әр апта сайын түрлі суреттер қамтылған бейнероликтер мен маңызды ақпарат салынып отырады» дейді &nbsp;кейіпкеріміз.Қанат қалай «Mortal Combat»-тың амбассадоры атанды?Кейіпкеріміз әлеуметтік желіде 10 жылдан аса белсенді. Барлығын осында жүктеп, бөлісіп отырады. Айтуынша, уақыт өте парақшасында қозғалыс күшейіп, жазылушылар көбейген. Оның басты себебі – Қанаттың Real Madrid клубы бастаған челленджге қатысуы.– Бұл оқиғаға дейін 80 млн жазылушысы бар 9gag парақшасы жұмысымды бөліскен еді. Содан кейін әлемдік компаниялардан ұсыныстар түсе бастады. Бірінші болып Nickelodeon балалар телеарнасының өкілдері жазды. Олар көктемгі маусымға сары жапыраққа түрлі кейіп­кер­лерді қиып салу туралы ұсыныс айтты. Одан соң Disney компаниясының өкілдері байланысқа шықты. Оларға «Суық жүрек-2» және «Малефисента-2» сюжеттеріне сурет салып бердім. Сосын Nickelodeon-ның еншілес компаниясы Nick Jr-дан хабарласып, олармен әріптестік орнаттым. Әлем көрерменін жаулап алған Пэддингтон, Спанч Боб және Сквидвард, Чаки мен Пепа торай секілді кейіпкерлердің суреттерін қиып салдым.Сосын барып Real Madrid клубымен байланыс орнады. Олар команданың ойын барысын бейнелейтін арт жобалар байқауын жариялады. Ол кезде қоржынымда клуб капитаны Серхио Рамостың бейнесі қиып салынған жапырақ болатын. Мұны байқауға жібергенімде, олар оны ұнатып қалып, ізінше клубтың 149 млн жазылушысы бар жеке парақшасына жүктеп қойды. Олар тек салумен шектелген жоқ, хабарласып, байланыс орнатты. Күні кешеге дейін бірлесіп жұмыс істедік. Алдағы уақытта да жұмыс жалғасады, – дейді кейіпкеріміз.Ал жаңалықтың төресі жақында Қанат «Mortal Combat 1» амбассадоры атанды. Былтыр қараша айында Warner Bros. Games кампаниясы бұл ойынға жарнама кампаниясын бастаған. Қуантатыны, үздіктердің қатарынан дарынды қазақ баласының табылғаны. «Мені жапыраққа қиып салатыным үшін таңдаған секілді. Кейін наурыз айында жарнама кампаниясы басталған кезде Сарышаян мен Джейннің суретін салу бақыты бұйырды. Ал тамыз айында Mortal Combat 1 ойынының басты кейіпкері Лю Канның бейнесінен стоп моушн жасауды ұсынды» дейді Қанат.Алдағы уақытта кейіпкеріміз әлем комикстеріне қызығатын Marvel, DC компаниялары, сондай-ақ Netflix компаниясымен бірлесіп жұмыс істеуді жоспарлап жүр.Мөлдір СНАДИН

Қанат сурет салудың 86 тәсілін меңгерген

<a href="https://kyzylorda-news.kz/ru">Kyzylorda-news.kz.</a> 15 қаңтарда еліміздің басым бөлігінде антициклон әсерінен жауын-шашынсыз, аязды ауа райы сақталады.«Қазгидромет» РМК мәліметі бойынша, тек шығыста, оңтүстікте, оңтүстік-шығыста атмосфералық фронттардың өтуіне байланысты ауа райы құбылмалы болады, қар жаууы мүмкін.Республика бойынша тұман түсіп, көктайғақ, бұрқасын болады, екпінді жел соғады.Фото: Нұрболат Нұржаубай

Дүйсенбіге арналған ауа райы болжамы 

Kyzylorda-news.kz. Оқушылардың қысқы каникулында Түркияда демалған екі қызылордалық мұғалімнің басы дауға қалды. Педагогтар шетелде жүріп, бірнеше мәрте трансвеститтер клубында көңіл көтерген. Мұғалімдердің бұл әрекетін ата-аналар әлеуметтік желілер арқылы көріп, ұстаздардың мектептен кетуін талап етіпті, деп хабарлайды Z<a href="https://zhasalash.kz/news/turkiyanin-transvestitter-klubinda-demalgan-kizilordalik-mugalmder-zhumistan-shigarildi-f7ba0c/">hasalash.kz</a> сайты.Бейәдеп қылық көрсеткен Қызылорда облысы, Қармақшы ауданына қарасты №250 мектептің ағылшын тілі пәнінің мұғалімдері. Шет тілін меңгерген мамандар Қызыл теңіз жағасында тынығу үшін мектеп әкімшілігін ескертіп, ақысыз демалыс алуды ұйғарыпты. Алайда кейін ұстаздардың Түркиядағы трансвеститтер клубында демалған видеолары әлеуметтік желілерде тарап кетіп, ата-аналардың наразылығын тудырған. Қарамағындағы қызметкерлердің мұндай әрекетке барғандығы мектеп басшылығын да есеңгіретіп тастаған көрінеді.<blockquote>“Екеуі де – ағылшын тілі пәнінің мұғалімдері, жас мамандар. Біреуінің “магистр” атағы да бар. Ұстаздардың әрекетін педагогикалық кеңесте талқыладық, жиналысқа әдейілеп тек әйел мұғалімдерді қатыстыруды жөн көрдім. Жиналыстан кейін ұстаздар өз еріктерімен жұмыстан кету туралы арыздарын жазды. Ол кісілер – тек ұстаз ғана емес, сонымен қатар әйел кісілер, бала тәрбиелеп отырған ана. Әріптестеріміздің мұндай әрекетке барғандары өте ұят болды”, – деп мәлімдеді мектеп директоры Гүлжахан Нарбаева.</blockquote>Фото: Нұрболат Нұржаубай

Трансвеститтер клубына барған қызылордалық мұғалімдердің басы дауға қалды

Kyzylorda-news.kz. Артық салматқан арылу адамзат баласы үшін әрқашан өзекті. Алайда кейбір адамдар салмақ жоғалту кезінде қателіктерге бой алдырып жатады. Аз жесем тез арықтаймын деген түсінік пен калорияны күрт азайту дұрыс емес. Диетолог Виктория Гончар артық салмақтан арылу кезіндегі ең қауіпті диеталарды атады, - деп хабарлайды&nbsp;Massaget.kz.&nbsp;Калорияны шектен тыс азайтуТөмен калориялы диеталар "күніне 900 калория" сияқты тамақтану жоспарын ғана емес, сонымен қатар көптеген моно-диеталарды қамтиды: қарақұмық, айран, күріш, қияр және т.б. Әдетте, бұл диеталар калорияны жеткіліксіз тұтынуға әкеліп соқтырады.Сонымен қатар, біз негізгі метаболизмді талап ететін калориядан аз тұтынатын кез келген диетаны дене ауыр стресс ретінде қабылдайды. Ораза өмірдің күрт нашарлауына, ұйқының бұзылуына, көңіл-күйдің өзгеруіне және тіпті депрессиялық жағдайлардың дамуына әкеледі.Салмақ жоғалту әсері байқалмайды Мұндай диеталар салмақ жоғалту тиімділігі жағынан да зиянды. Иә, алғашқы апталарда артық майлар шынымен кетеді. Бірақ мұның барлығы артық сұйықтықтан құтылу есебінен болады. Содан кейін салмақ жоғалту жылдамдығы айтарлықтай төмендейді. Өйткені дене метаболизмді баяулатады және май тінін сақтау үшін күресе бастайды.Нәтижелердің болмауы және тұрақты аштық сіздің әл-ауқатыңызды нашарлатадыү Бұл ерте ме, кеш пе ағзаның бұзылуына және артық тамақтануға әкеледі. Нәтижесінде адам жоғалған килограммдарын тез қалпына келтіріп қана қоймайды, сонымен қатар метаболизмнің бұзылуына байланысты одан да көп салмақ қосып алады.Сол себепті диетаның калория мөлшері күніне кемінде 1200 ккал болуы керек. Ал тұрақты нәтиже үшін салмақ жоғалтудың орташа жылдамдығы айына 3-4 килограммнан аспауы керек екенін есте ұстаған жөн.Протеин диетасы Протеин диетасы - бұл ақуыздың үлесін көбейту және бір мезгілде көмірсуларды, әдетте күніне 20-40 грамға дейін азайтуды қамтитын диетаның өте танымал түрі. Принциптің мәні денені энергияның балама көзіне, майларға көшуге мәжбүрлеу және сол арқылы май тінінің азаюын жеделдету.Дегенмен ақуыз диетасы ағзаның жұмысында бірқатар асқынулар мен бұзылуларға алып келеді. Сондықтан сіз оған қажетті емтихандардан өткеннен кейін дәрігердің қадағалауымен ғана жүгіне аласыз. Диетаның бұл түрі &nbsp;2-3 аптадан аспауы тиіс.Бауырға жүктемені арттыру Көмірсулардың жеткіліксіз мөлшерімен ақуыздың артық болуы бауырға, бүйрекке және асқазан-ішек жолына жүктемені айтарлықтай арттырады. Май тінінің жылдам ыдырауы және ақуыздың ыдырау өнімдерін ағзадан шығаруы бүйрек жеткіліксіздігінің, холелитиаздың, стеатоздың (майлы бауыр) және тіпті стеатогепатиттің даму қаупін арттырады.Протеин диетасы көбінесе ішектің бұзылуымен бірге жүреді: іш қату, ішекте тағамның шірік процестерінің күшеюі аясында газдың пайда болуының жоғарылауы секілді салдары бар. Ақуызға бай диетаның тағы бір кесапаты - кетоз. Бұл жағдайда адам үнемі әлсіздікке ұшырайды, ұйқысыздықтан зардап шегеді, летаргиялық күйде бола бастайды. Кетоздың айқын симптомы ауыздан ацетонның жағымсыз иісі шығады.Жануарлар текті тағамдардан бас тарту Бүгінгі таңда вегетариандық қоғам кеңейді. Олар жануар текті тағамдарды мүлде жемейді. Медициналық тұрғыдан алғанда, бұл диета жемістерге, көкөністерге, дәнді дақылдарға және басқа да өсімдік тағамдарына баса назар аударылады. Адам рационнан ет өнімдерін алып тастайды. Бірақ сүт және ашытылған сүт өнімдерін, жұмыртқаны, кейде тіпті балықты тұтынады. Бұл - пескатаризм деп аталады. Тамақтанудың бұл түрі толығымен дененің қажеттіліктерін қанағаттандыруға мүмкіндік береді.Ал вегетариандық – ақуыз бен аминқышқылдарының тапшылығына апаратын жол. &nbsp;Мұнда кез келген жануар текті тағамға тыйым салынады. Бұл жағдайда адам ағзасының барлық тіндері мен мүшелерінің жасушаларының құрылысы, гормондардың қалыпты өндірісі және иммундық жүйенің жұмыс істеуі үшін өмірлік маңызы бар белок пен аминқышқылдарының жетіспеушілігіне тап болады. Өкінішке орай, адамзат әлі жануар ақуызын толық ауыстыруды ойлап тапқан жоқ.&nbsp;Фото: Нұрболат Нұржаубай

Дәрігер диетаның ең қауіпті түрлерін атады

Kyzylorda-news.kz. Қазығұрт аудандық полициясына бір топ жергілікті тұрғындар хабарласып, олардың атына белгісіз біреу несие рәсімдегенін мәлімдеген. Бұл туралы Stan.kz ақпарат агенттігі хабарлайды.Аталған факті "Алаяқтық" бабы бойынша тіркелді. Күдікті 31 жастағы ер адам болып шықты. ол банк қызметкері бола тұра клиенттердің құжаттарын пайдаланып, 70 мыңнан 1 миллион теңгеге дейін несие рәсімдеген.<blockquote>"Ер адам 47 адамды алдады деген күдікке ілінді. Келтірілген жалпы шығын шамамен 21 миллион теңгені құрады. Қазіргі уақытта күдікті қамауға алынды. Сотқа дейінгі тергеу амалдары жүргізілуде", - делінген хабарламада.</blockquote>Фото: Нұрболат Нұржаубай

Банк қызметкері тұрғындардың атынан 21 миллион теңге несие рәсімдеген

Kyzylorda-news.kz. Қызылорда қаласында құр қаңқасы қалған целлюлоза-картон зауыты ескі ғимараты тез арада бұзылады, деп хабарлайды <a href="https://kaz.inform.kz/">Kazinform.&nbsp;</a>Ескі зауыттың қаңқасы тұрғындарға қауіп төндіріп, қаланың сәулеттік келбетіне нұқсан келтіріп отыр. Халық арасында ЦКЗ аталып кеткен зауыттың жерін құрылыс нысанын салу мақсатында 2004 жылы жалға алу құқығымен жеке кәсіпкер иемденген.Осы уақыт аралығында кәсіпкер жерді нысаналы мақсатында пайдаланбаған. Құрылыс алаңын қоршауға бағытталған қандай да бір шараларды қабылдамаған. Осыған байланысты кәсіп иесіне ескерту жасалды.<blockquote>«Бұл мәселе қала әкімдігінің бақылауында болады. Алдағы күндері жер иесімен зауыт қаңқасын сүру бойынша жұмыстар жүргізіледі», - деп мәлім етті Қызылорда қалалық әкімдігінен.</blockquote>

Қызылордада тұрғындарға қауіп төндірген зауыт ғимараты бұзылатын болды

&nbsp;Kyzylorda-news.kz. Атмосфералық фронтальды бөліктердің өтуіне байланысты 14 қаңтарда еліміздің басым бөлігінде ауа райы құбылмалы болады.«Қазгидромет» РМК мәліметіне сәйкес, республиканың солтүстігі мен шығысында қалың қар жауады. Еліміздің оңтүстігі мен оңтүстік-шығысындағы таулы аймақтарда қатты жауын-шашын (жаңбыр, қар) жауады. Тек батыста күн райы жауын-шашынсыз болады деп болжанып отыр.Еліміз бойынша тұман түсіп, көктайғақ, бұрқасын болады, жел тұрады.Күндіз Солтүстік Қазақстан облысының оңтүстігі мен шығысында екпіні 30 м/с күшті жел болады.Фото: Нұрболат Нұржаубай

Қазақстан және Қызылорда облысының жаңалықтары