<a href="https://kyzylorda-news.kz/">Kyzylorda-news.kz</a> "Әке – асқар тау" деп бекер айтылмаса кереке-ті. Расында солай. Тау кеуде, алып мүсін әкенің орны әркім үшін қастерлі.Маусым айының үшінші жексенбісімен тұспа-тұс келетін халықаралық Әкелер күні мере­кесі қарсаңында аудандық мәдениет үйінде ауқымды іс-шара өтті. Мәні мен маңызы, сәні мен салтанаты үйлесім тапқан жиынға аудан әкімі Берік Сәрменбаев, аудан­дық ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов бастаған депутаттар қатысты.«Әке – асқар тау, биік шың» деген тақырыпты арқау еткен іс-шара прологпен, «Балауса» халықтық би ансамблінің кіші топ бишілерінің мың бұралған биімен бастау алды. Аудан әкімі іс-шараны ашып беріп, барша әкелер қауымын мерекемен құттықтады.<blockquote>– Әке – отбасының асыраушысы, бас­ты тірегі, қамқоршысы. Бұл күн – асқар тау әкелерді ардақтайтын, отбасы құндылықтарын ұлықтайтын мереке. Қазақ мәдениетінде әке отбасы құрылымында құрметке және беделді орынға ие. Ол отбасын асырауға, олардың мүддесін қорғауға және олардың амандығын қамтамасыз етуге жауапты. «Әкеге құрмет – балаға міндет» дегендей, дана халқымызда әкеге құрмет көрсетудің өнегелі үлгісі қалып­тасқан. Ата-бабаларымыз балаларға жас­тайынан әкені ардақтау даналықтың, жол көрсетудің жарқын белгісі екенін ұғындыра білген, – деген Берік Әбдіғаппарұлы киелі Сыр өңірінен ауданға белгілі, дарынды тұлға­лардың көптеп шыққанын тілге тиек етті. Сондай-ақ ақиық ақын Асқар Тоқмағамбетов, Әбіраш Жәмішев пен сатира сардары Қалтай Мұхамеджанов бастаған ақын-жазушылардың, өнер қайраткерлерінің, сондай-ақ күріштен тау тұрғызған дала диқандары Қасым Бөдеев, Ибадулла Ақниязов, Дүйсенбай Керейтбаев секілді әкелеріміз аудан дамуын қалып­тастырса, бүгінгі ер-азаматтар ардақты тұлға­лардың ізгі жолын жалғап, қадірлі ер-азаматтар әкелік міндетті абыроймен атқарып келе жатқанын атап өтті.</blockquote>Мерекелік басқосу марапаттау салтанатымен жалғасты. Мереке қарсаңында медицина саласының ардагері Рүстем Садықұлы, көлік саласының ардагері Шарафадин Камалов, жеке кәсіпкер Әмірхан Пашеков, №174 орта мектептің қазақ тілі мен әдебиеті пәнінің мұғалімі Қанат Көзейбай арнайы алғысқа ие болып, мерейі тасыды. Сонымен қатар еселі еңбегімен құрметке бөленген көпбалалы әкелер Жантөре Құрманқожаев, Руслан Имашов, Әділбек Нақыпов, Жанат Құлмырза, Асылбек Дүйсенбай, Бұқарбай Ахметов, ардагер-ұстаз Жақсылық Әбілдаұлы марапат төрінен көрінді. Әкелер күні құр­метіне ұйымдастырылған іс-шара аудан өнер­паздарының мерекелік ән шашуымен қоры­тындыланды.Айта кетейік, қазіргі таңда аудан халқының 49 пайызын ер-азаматтар құрайды. Олар мемлекеттік қызметте, құрылыс, білім, денсаулық сақтау секілді әр алуан салада, егістік басында еңбек етіп, отбасының берекесін келтіруде. Қай уақытта да әкеге, елдің мерейін асыратын азаматтарға деген құрмет толастамайды.

Сырдарияда "Әке – асқар тау, биік шың" тақырыбында шара өтті

<a href="https://kyzylorda-news.kz/">Kyzylorda-news.kz</a> Жалпақ жұрттың жағдайын жақсартуға бағытталған бағдарлама аз емес. Соның бірі – «Ауыл аманаты». Ауыл еңбеккерлерінің өмір сүру сапасын жақсартып, табысын арттыруды көздеген бұл жоба өз тиімділігін көрсетіп, халық арасында зор сұранысқа ие болуда. Ел ішінде қолтығымыздан демесе, дем беріп жебесе, нарық айдынында судағы балықтай еркін жүзіп кетер едік деген сөз жиі айтылады. Әрине, дүние құралу үшін оң жамбасына келетін іс бастау үшін де алғашқы қаражаттың қажет екені белгілі. Бұл бағдарламаның басты мақсаты – ауыл халқының әлеуметтік-тұрмыстық жағдайын жақсарту.Ауыл тұрғындарының табысын арттыруға бағытталған «Ауыл аманаты» жобасы арқылы ауласын табыс көзіне айналдырып, кәсібін дөңгелетіп отырған жанның бірі қуаңдариялық – Ләззат Айтұрсынова. Ол осы бағдарлама шеңберінде қаз өсіру бизнесін қолға алған. Жуырда Қуаңдария ауылына барған іссапарымызда кәсіпкермен жолығып, жұмысымен танысып қайттық.<blockquote>– &nbsp; &nbsp; &nbsp; &nbsp;«Ауыл аманаты» жобасының ел үшін игілігі мол. Күйеуіммен бірге отбасылық бизнес бастаймыз деп шештік. Еш өкінбейміз. Осыған дейін жылқы бағыты бойынша да кәсіп істеп көрдік. Биыл 4 млн теңге 2,5% жеңілдетілген несие алып қазды көбейту және тауыт еті бойынша кәсібімізді бастаған болатынбыз. Оған керек-жарақ пен құстарды сатып алдық. Қазды көбейтіп, алғашқы легін сатып жібердік. Қазір 30-ға жуық балапанын алып өсіріп жатырмыз. Қосымша Ресейден «несушка» деп аталатын 560 тауық алдық. &nbsp;Күн сайын жұмыртқа алып, жергілікті тұрғындарға, көршілес елді мекендерге, Қызылордаға көтерме бағада өткізіп отырмыз. Өніміміз тез өтіп кетеді, – дейді кәсіпкер.</blockquote>«Несушка» деп аталатын бұл тауықтар (қоразсыз) арнайы жемнің көмегімен жұмыртқалайды екен. Бүгінде тұрақты түрде күніне 250 дана жұмыртқа шығарады. Құстардың қорасына кірген соң олардың тұмсықтарындағы тұрған қызыл дүниеге көзіміз түсіп, тауықтың ерекше бір түрі болар деп топшылап едік. Біздің таңданысымызды байқаған кәсіпкер де «ол тауықтың көзілдірігі ғой» деп күлді.<blockquote>– Әдепкіде тауықтар бірін-бірі шұқып біраз әбіржіп қалдық. Кейіннен Шымкент қаласынан осындай тауықтарға арналған көзілдірік болады дегенді естіп, тапсырыс беріп алғыздық. Мұның көмегімен бір-бірін көрмейді, тек тұмсығының астындағы жемді ғана көреді. Бұларға да бап керек. 3 мезгіл жем-суын тұрақты түрде беріп отырмыз. Жолдасым Каналбек кәсібіме болысып, бір жағымда қолдау көрсетіп отырады. Балаларым да қолдан келген көмегін аянып қалмайды. «Қыстың қамын жаз ойла» деген емес пе?! Қазір осы құстардың қысқы жайын ойлап сарай салып жатырмыз. Мемлекет тарапынан берілетін бұл несиенің тиімділігіне тәнті болып, алдағы уақытта кәсібімізді кеңейтуді жоспарлап отырмыз, – дейді Ләззат Айтұрсынова.</blockquote>«Қарты бар үйдің қазынасы бар» деп жатамыз. Ауданнан тілшілер келеді дегенді естіп ақ жаулықты әжеміз аула ішінде күтіп отыр екен. 90-ға келген Жұмаш Мекебаева есімді әжеміздің әліге дейін әуелете ән шырқайтын өнері бар екен. Біз де қолқа салып, бір ән айтып беруін өтіндік. «Тамағымның ауырып отырғаны-ай» деп қынжылып қалды. Бірақ көңілімізді жықпай Қасым Аманжоловтың «Өзге емес, өзім айтам өз жайымда» әнін айтып берді. Ауырғанына қарамастан дауысы сол қалпында тұр. Ауылдың қай үйіне бара қалсаңыз да құрт пен майы, ірімшігі мен ағарғаны дастарқаннан үзілмейді екен. «Нан ауыз тиіңдер» деп астан дәм ұсынды да, әжей бізді бата беріп шығарып салды. Біз де келінінің бастап жатқан кәсібінің берекелі болуын, табысының артуына тілектестік білдірдік.&nbsp;

«Ауыл аманаты»: ауыл халқының әлеуметтік-тұрмыстық жағдайын жақсартады

<a href="https://kyzylorda-news.kz/">Kyzylorda-news.kz</a> Шежірелі өлке Шиеліге Мемлекет басшысының кеңесшісі Мәлік Отарбаевтың келгені мәлім. Кезекті отырыс Шиелі ауданы бойынша ҚМДБ өкілдерімен кездесуге ұласты. Президент кеңесшісі, әуелі, аудан және ауыл имамдарына Мемлекет басшысының сәлемін жеткізіп, айтулы мерекемен құттықтады.– Біз қазірде тұғырлы тәуелсіздігіміздің арқасында дінге қызмет етіп, халықты иман мен ізгілікке шақыруға мүмкіндік алып отырмыз. Бүгінгі мереке осындай игі істерді еске салады. Ендеше, Рәміздер күні баршамызға құтты болсын!Ақиқат жолында атқарып жатқан жұмыстарыңызға өз атымнан, Қ.Кемелұлының атынан алғыс айтқым келеді. Еліміздегі ішкі және сыртқы тұрақтылықты сақтауда сіздердің үлкен үлестеріңіз бар. Президент қызметтеріңізді жоғары бағалайды, – деді Мәлік Нұржанұлы.&nbsp;&nbsp;&nbsp;Бұдан кейін Ұлттық құрылтайда көтерілген адам тәрбиесі, қоғам тәрбиесі, қоғамның мәдениетін көтеру бағыттары сөз болды. М.Отарбаев, әсіресе, жастарды барынша тазалық пен мәдениетке үйрету керегін ашық айтты. Сондай-ақ биыл республикалық деңгейде бастау алған "Таза Қазақстан" жобасы тазалық акциясы ретінде басталғанымен, оның негізгі мәні қолда бар дүниені таза ұстауға үндейтінін жеткізді.&nbsp;Жиын барысында қозғалған тағы бір тақырып – ұлттық әдебиет пен әлем әдебиетіне назар аудару. Президент кеңесшісі озық ойлы ұлтқа айналудың бір ғана жолы – кітапта екенін әрі білім-ғылымсыз діттеген мақсатқа жете алмайтынымызды тиек етті. Сонымен қатар кейбір мешіттер тек діни әдебиетпен қамтылғанын, олардың қатарын ұлттық әдебиетпен толықтырудың маңызын атап өтті.&nbsp;– Қазіргі таңда дін жолында қызмет етіп жатқан кейбір азаматтардың ұлттық әдебиеттен алыстап кеткені жасырын емес. Мұны олардың айтқан әңгімелерінен байқаймыз. Тілдері шорқақ, жұтаңдай бастады. Салдарынан жат нәрселер мен ұғымымызға сай келмейтін дүниелер айтылуда.&nbsp;Адамның кеудесін басқан татты кітап кетіре алады десек, оның біріншісі – Құран, екіншісі – хадис, ал үшіншісі – ұлттық әдебиет пен әлем әдебиеті. Осы тұста қазақтың барлық құндылығын өзіміздің шығармалар арқылы алсақ, нұр үстіне нұр болар еді. Себебі қазақ жазушылары ешқашан имансыздықты насихаттаған емес, – деді ол.Бұл мәселе төңірегінде өз сөзінде:&nbsp;"Жалпы, мен Мемлекет басшысы және азамат ретінде қазақ әдебиетін әрдайым қолдаймын. Туындылар оқырмандарға қолжетімді болуы керек деп ойлаймын. Ал жазушыларымыздың шығармалары халық арасында, әсіресе, жастар арасында сұранысқа ие болуы керек. Мұның бәрі – мемлекеттің ғана емес, жазушыларымыздың да міндеті. Оқырман қауым қаламгерлерден халыққа рухани азық болатын тың дүниелер күтеді. Жазушылар одағы осы жұмысқа ұйытқы болады деп сенемін",&nbsp;–&nbsp;деген еді Президент.Дін өкілдері де айтылған пікірге үн қосып, көркем мінез бен ішкі мәдениеттің мәніне тоқталды. Жиын қонақтары тарапынан әйгілі ғұламалар мен зиялы өкілдер хақында фильмдер мен кітаптар көбірек шықса деген ұсыныс айтылды. Ауданның бас имамы Бақыт Ұлжаев өңірдегі бүгінгі діни ахуалдың қалыпты екенін әрі құлшылық орындарында сауатты, жоғары білімді мамандар қызмет етіп жатқанын баяндады.– Уақыт өткен сайын ауданымыз білікті имамдармен толығып жатыр. Бұны ел ішіндегі тыныштықтың нәтижесі деп білеміз. Мемлекетіміздегі сондай мамыражайлықты сақтауға жағдай жасап, ынтымақ орнатып отырған Президентімізге дұғай-дұғай сәлем айтыңыз, – деді ол.&nbsp;Сонымен қатар М.Нұржанұлы күтпеген жерден орын алған көктемгі су тасқыны кезінде ынтымақ пен бірлікке мұрындық болған аудан жұртына Мемлекет басшысының атынан алғыс айтты. Бұл істің үлкен имандылыққа балатынын, халық бірлігін насихаттау – негізгі ұстанымымыз екенін жеткізді. Отырыс соңында қосымша ұсыныс-тілектер айтылып, әдеби кітаптарды мешіттерге үлестіруге тапсырма берілді.&nbsp;Жастармен жүздестіПрезидент кеңесшісі бұдан кейін Жастар орталығына ат басын бұрып, ел ертеңі – жалынды жастармен жүздесті. Мемлекет басшысы құрылтайдағы сөзінде:&nbsp;"Озық ойлы ұлт болу үшін бүкіл қоғам сана-сезімін өзгертіп, жаңа құндылықтарды орнықтыруы керек. Әрбір адам "адал азамат" деген атқа лайық болса, елімізде әділ қоғам орнайды. "Адал адам – адал еңбек – адал табыс" – бір-бірінен ажырамайтын ұғымдар. Осы үш таған – озық әрі табысты елге айналудың басты кілті", – деп атап өткен болатын. Жастармен жүргізілген жиында Қ.Тоқаевтың осындай бастамалары мен ұсыныстары талқыланды. Сондай-ақ мемлекет тарапынан жас буынға көрсетіліп жатқан көмектер турасында әңгіме өрбіді. "Ел ертеңі – жастарға қолдау білдіру – мемлекеттің басты назарында", – деді Мәлік Нұржанұлы.Жиын барысында пайымды пікірлер айтылып, орнықты ұсыныстар ортаға салынды.&nbsp;Мемлекет ұсынып отырған түрлі бағдарламалардың игілігін көріп отырған бірқатар жастар өз алғыстарын жеткізді.Кездесулер легі Бәйгеқұм ауылдық округінде қорытындыланды. М.Отарбаев мұнда "Адал адам" мәдени-тәрбие орталығының жұмысымен танысып, жазғы демалыс маусымында тәлім алып жатқан бүлдіршіндердің өнерін тамашалады. Сондай-ақ әжелер ансамблінің, сан аспапты сайратқан өнерпаздардың әдемі әуенін тыңдап, дәстүрлі тұсаукесер рәсіміне қатысып, қазақы дәмнен ауыз тиді. Балалар болса, арнайы театр қойылымына куә болып, күндерін жағымды нотада тәмамдады.Президент кеңесшісі Мәлік Нұржанұлының талай талантты төрінде тоғыстырып, тұғырынан түлеткен, ақынның&nbsp;елі, батырдың жеріне айналған Шиелі шаһарына сапары осылайша аяқталды. Ол киелі мекенді қазіргі таңдағы әлеуеті жоғары, күн санап дамып келе жатқан аудандардың бірі ретінде бағалап, үздіксіз атқарылып келе жатқан кешенді жұмыстардың нәтижелі болуына тілектестік білдірді.

Шиелі: Сәтті аяқталған сапар

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев өз Жолдауында «Балаларды ерте жастан мамандыққа бейімдеу айрықша маңызға ие болуда. Өскелең ұрпақ өзінің болашақ кәсібін саналы түрде таңдай білуге тиіс. Биыл бірнеше оқушы халықаралық пән олимпиадаларының жеңімпаздары мен жүлдегерлері атанды. Ондай дарынды балаларға жан-жақты қолдау көрсету қажет» деген еді. Шыны керек, білімді әрі өнерлі оқушыларды бейімдеу, бағыттау – кез келген ұстаздың мақсаты һәм міндеті. Дарындыларды көтермелеуді, қолдау көрсетуді мемлекет те өз міндетіне алғандай.&nbsp;Осы тұста Қызылорда облысы, Шиелі ауданы, Жөлек ауылының талантты ұлы – Мейірхан Балтабай туралы жазғымыз келіп отыр. Мейірхан Ерланұлы биыл аталған ауылдағы мектептің 7-сыныбын бітірді. 3 жасынан бастап домбыра мен гитара аспаптарына қызығып, ән айтып өскені осындағы ел-жұрттың жадында. Яғни Мейірханға «әнші бала» атын жеңгелері ғана емес, бүкіл ауыл-аймақ берді десек те болады.&nbsp;Осы жылдың наурыз айынан бастап Мейірхан – Шиелі аудандық «Балауса» ән үйірмесінің тәрбиеленушісі. Қазіргі танда жетекшісі – Гүлнұр Әбілова. Осы орайда, «ұстазы жақсының – ұстамы жақсы» деген даналық сөз еске түседі. Өйткені әрбір жетістіктің артында жетекшісінің есіл еңбегі, маңдай тері мен ізденісі жатыр. Демек, талапты, талантты ұлды тануда, оған бағыт-бағдар беруде ұстазы аянбай, жүйелі жұмыс жүргізіп келеді. Мейірханның мерейі үстем болса, әуелі Алла, екінші – жетекшісінің арқасы. «Өнерге әркімнің-ақ бар таласы» десек, 1%-ы жас әншінің өз таланты болса, 99%-ы жетекшінің еңбегі екенін айтпай кетуге болмас.&nbsp;– Шәкіртім Мейірхан Балтабайдың өнерлі болып өсуіне әжесінің ықпалы көп тиген. Әжесі музыкаға қызығушылығын байқап, әрі қарай дамуы үшін барын салды. Шынын айтсақ, осы дәрежеге жетуіне үлесі орасан болды. Мейірхан әжесіне риза болып, «Менің әжем қуаныштан билесін» атты өлең айтып, «TikTok» желісі арқылы көпшіліктің көзайымына айналды, «Еуразия» телеарнасының «Көреміз» бағдарламасына арнайы шақырту алып, сұхбат беріп қайтты. Қанмен берілген қасиет қой. Әкесі де, анасы да ән салады, – дейді жас әншінің жетекшісі.Жалпы, жас таланттың жеткен жетістігі өте көп. Облыстық, аудандық іс-шаралардың барлығына қатысып, бас жүлдесіз қайтпайтын жас өреннің арманы асқақ. Ол бұған дейін Түркістан қаласында өткен «Жауқазын» республикалық музыкалық балалар фестивалінде бас жүлде алды. Түркия мемлекетінде өтетін «Жібек жолы» халықааралық балалар фестиваліне жолдама алып, Молдабайдың «Молдабай» әнін шырқап, бас жүлде иеленді. Мейірханды қолдап жетекшілері Нұрислам Бозтай, Жаннұр Жәнібекова және Гүлсезім Пазылбек те бірге барды.&nbsp;Дауысы құлақтың құрышын қандырған, көмейіне бұлбұл ұялаған әнші бала өз өмірін болашақта мәдениет саласымен байланыстырады.&nbsp;– Мен ән салу арқылы демаламын. Өзімді болашақта мәдениет саласында көргім келеді. Елдің есінде қалатын, жүрегінен орын алатын әндерді шырқағым келеді. Меніңше, ән – кейбір жүрекке шипа, кейбір көріністерді тамыршыдай тап басады. Сол арқылы ол – өміршең, – дейді Мейірхан Балтабай.&nbsp;Қорыта айтқанда, жас талантты қолдаудан ешкім де, ешқашан да ұтылмайды. «Бұлақ көрсең, көзін аш» деген халық даналығының астарында көп үлгі-өнеге, тәлім-тәрбие жатыр. Сондықтан Мейірхандай ел мерейін тасытып жүрген өнерпаз жігіттерді әрдайым қолдау керек.&nbsp;

Шиелідегі жігерлі жас

<a href="https://kyzylorda-news.kz/">Kyzylorda-news.kz</a> Ауыл медицинасының жұмысына тереңнен қаныққан Бахыткүл Қайбылда Шіркейлі ауылындағы емхана меңгерушісі ретінде жемісті еңбек етуде. Әрдайым қызметте табандылығымен танылған біліктілігі жоғары дәрігер 1968 жылы Нағи Ілиясов ауылында дүниеге келген. Іргелі елді мекендегі білім ошағында ұлағатты ұстаздардан тәлім алған Бахыткүл Ерлібекқызы Ақтөбе қаласындағы медициналық университеттен дәрігер мамандығы меңгереді.Негізінен, білікті дәрігер 1992-1993 жылдар аралығында аудан орталығында «Жедел жәрдем» меңгерушісі қызметін атқарады. Сондай-ақ 1993-1998 жылдар аралығында Нағи Ілиясов ауылындағы 35 орындық аурухананың меңгерушісі атанады. Кейіннен, Шіркейлі ауылындағы емхананың меңгерушісі қызметіне кіріседі. 26 жыл бойы ауылдағы ағайынмен етене араласып, денсаулық жағдайына барынша қанығады.Осыдан 30 жыл бұрын аяулы жан Жолдас Құрақбаймен отау құрып, 3 ұл, 1 қызды дүниеге келді. Білікті маманның әр жылдары мерейі тасып, «Денсаулық сақтаулық саласына қосқан үлесі үшін» төсбелгісі секілді бірнеше марапатқа қол жеткізген. Әрдайым сала маманы әріптестерімен бірге Шіркейлі ауылында денсаулық сақтау саласының өркендеуіне ықпал етуде.

Алтын жүректі дәрігер

<a href="https://kyzylorda-news.kz/">Kyzylorda-news.kz</a> Кинотеатр – шынайы өмірдің айнасы. Тұтас әлемді көз алдыңа әкеліп, теңдесі жоқ қиял әлеміне самғатар сахна құдіретін шын сезінген рухани кемелдене түсері анық. &nbsp;Осындай көңіл-күйді көпшілікке тарту етіп келе жатқан кенттегі &nbsp;«Арман» кинотеатры заманауи құрылғылармен жабдықталып, жан-жақты сәулеттене түсті.«Жақсы басшы – елге құт» демей ме дана халқымыз. Кент басшылығына тәжірибелі басшы Асқар Ибрагимов келгелі &nbsp;оң өзгерістер байқала бастады. Көшенің ажары артып, жаңа нысандар бой көтеріп, балалар демалатын &nbsp;саябақ пен алаңқайлар шат-шадыман күйге енді. Солардың қатарында отыз жылға жуық жұмысы тұралаған кинозалдың жұмысы қайта жандана бастады.Кинотеатрдың ашылу салтанатына келген меймандардың қарасы қалың. Халықаралық жүлдеге ие болған таңдаулы туындыларды тамашалауға тұрғындардың талабы зор. Көптің көңілінен шығатындай отандық киноларды сараптап алған «Арман» кенттік мәдениет үйінің ұжымы апта сайын жаңа қойылыммен қуантпақ ниетте. Тарқатып айтсақ, жұма күні балаларға арналған екі маусымдық кинотайм қойылады. Ал жұма күні кәмелетке толған жастар мен ересектерге арналған кинокөрсетілім болады. Бұл туралы кенттік мәдениет үйінің директоры Күлән Әбілтанова тарқатты.– Өздеріңіз білетіндей, бұрынырықта осы мекемеде апта сайын кино көрсетілетін. Тәуелсіздік алған жылдардан бастап жұмысы тоқтап тұрған еді. Жиындарда жиі айтылып жүрген мәселелерге ерекше көңіл қойған кент әкімі Асқар Ибрагимов ең алдымен ғимаратты күрделі жөндеуден өткізіп, лэд экран алып беріп, көшілікті киномен қауышуына жол ашты. Біз осы жаңа бастаманы абыройлы атқару үшін әр түрлі кинопрадакшнмен сөйлесіп, олардың өнімдерімен танысып көрдік. Ашығын айтсақ, қазақы дүниетанымызға сай, салиқалы ел көретіндей киноларды іріктеп алдық. Барша қауымға ұнайды деген сенімдеміз, –деді ол.Халықаралық киногерлердің озық туындылары мен отандық кинолардың үздігі әр апта сайын көрерменге ұсынылады. Кинотеатрдың ашылуын қуанышпен қарсы алған жерлестердің пікірлері бір арнаға тоғысты. Соның бірі – «Жасыл ел» жасағының бригадирі Ынтымақ Рахым өз пікірін білдірді.– Жасыратыны жоқ, осы күні Түркістан мен Қызылорданың кинотеатрларына бара қалсаңыз кем дегенде он-он бес жерлесіңіздің отырғанын көресіз. Бірі ата-анасын алып барса, бірі сүйіктісімен көңіл көтеріп қайтады. Ендігі жерде өзіміздің кентте де ойын-сауық орталықтары жұмыс жасауда. Бұл бір жағынан қаржылай тиімді болса, бір жағынан уақыттан ұтамыз. Сондықтан, сапалы лэд экраннан кино көруге замандастарымды шақырамын, –деді.Үш ай жазғы демалысқа шыққан оқушылар үшін бос уақытын тиімді өткізуге таптырмас орын болғалы тұр. Мұны кинозалдың ашылуна келген балалардың жүзінен аңғару қиын емес. Төрт перзентін кино көруге әкелген Сая Асқарова осы ойды қуаттады.– Бұл жаңалық өзім секілді көп балалы аналарды қуантып отыр. Үш ай жазда балаларды осында әкелуге болады екен. Бағасы да тиімді. Көрестіп жатқан киносының өзі тәлімдік-тәрбиелік мәні зор, өмірдің өзінен алынған шынайы оқиғаларға негізделгені ұнады, –деді ол.ТҮЙІН. Кино – тәрбиелік құрал. Сондықтан болар, әр көрсетілімдегі бір сәттік кадрдың өзі жандүниеңізді тас-талқан етіп қопарып кетуі ғажап емес. Жасөреннің санасына селкеу түсірмей, отансүйгіштік қасиетті дарытатын, достық пен ынтымақты насихаттайтын туындыларды миллиондардың ішінен іріктеп, ұлттық танымызды дәріптеу әрбіріміздің басты мақсатымыз екені даусыз. &nbsp;Елдік мүдде жолында рухани үндестігімізге серпін берер бастамаларға халықтың өзі алын бағасын берері сөзсіз.&nbsp;Мақпал МАРҚАБАЙ

Жаңақорғанда жұмысы тұралаған кинозалдың жұмысы қайта жандана бастады

<a href="https://kyzylorda-news.kz/">Kyzylorda-news.kz</a> Таяуда Шиелі аудандық сотта сот төрағасы Нұржан Бекетаевтың төрағалық етуімен «Жаңадан құрылатын кассациялық сот туралы» тақырыбында дөңгелек үстел өткізілді. Жиынға шиелілік судьялар А.Жолдыбаев, Д.Исабек, Ж.Сарбасова және сот әкімшісінің басшысы С.Сержанов, аудандық сотының бас маманы Н.Елшібеков пен іс-тіркеуші Е.Тәңірбергенұлы, Шиелі ауданы прокурорының орынбасары А.Саркубен, жеке сот орындаушылар Б.Окапов, Е.Бекентаев, Т.Баймағанбет қатысты. Төрағалық етуші дөңгелек үстелді ашық деп жариялап, қатысушыларды дөңгелек үстелдің бағдарламасымен таныстырды.– 2023 жылғы 12 қыркүйекте еліміздің бизнес-қауымдастығының өкілдерімен кездесуде ҚР-ның Президенті Қасым-Жомарт Тоқаев дербес кассациялық инстанция құру мәселесі бойынша заң және кәсіпкерлік қауымдастығымен кеңестер өткізу қажеттігіне назар аударды. Президенттің айтуынша, бүгінде қылмыстық және азаматтық істердің бес пайызы ғана кассацияға беріледі. Бұл аз және азаматтардың қажеттіліктеріне сәйкес келмейді. Сондықтан дербес кассациялық инстанция құру мәселесі бойынша заң және кәсіпкерлік қоғамдастықпен консультациялар өткізу қажеттігі пісіп-жетілді. Тұжырымдамаға сәйкес, дербес кассациялық сатыны қүру кезінде Жоғарғы Сот қадағалау сатысы болады, оның шешімдері бірыңғай сот практикасын қалыптастыру үшін төмен тұрған соттардың шешімдер шығаруы үшін негіз болуға тиіс.&nbsp;Қазіргі таңда үш буынды жүйені: бірінші саты – аудандық және оларға теңестірілген (қалалық сот, ауданаралық сот), екінші саты – облыстық және оларға теңестірілген соттардағы (республика астанасының қалалық соты, республикалық маңызы бар қалалардың қалалық соттары) апелляциялық саты және үшінші саты – Қазақстан Республикасының Жоғарғы сотының кассациялық соты құрайды, – деді Шиелі аудандық сотының төрағасы Н.Бекетаев.Айта кетейік, кассациялық сатыда кейбір істердің қайта қаралмауы бойынша көптеген пікірталастар туындауда. Мәселен, ҚР-ның Азаматтық процестік кодекске сай азаматтық істердің бұл сатыда қаралуы үшін тиісті талаптар белгіленген. Атап айтар болсақ, азаматтық сот ісін жүргізудегі талап қою сомасы жеке тұлғалар үшін 2 мың АЕК-тен және заңды тұлғалар үшін 30 мың АЕК-тен аз болған кезде, олар кассациялық сатыда қаралуға жатпайды. Сол сияқты, қылмыстық сот ісін жүргізуде қылмыстық теріс қылықтар туралы істер де қаралмайды. Осыған орай, осы мәселенің бірден-бір шешімі сот жүйесінің дербес кассациялық сатысын құру. Сол арқылы барлық іс санаттарының кассациялық тәртіпте қайта қаралуына және азаматтар мен заңды тұлғалардың өз құқықтарын толық жүзеге асуына мүмкіндік жасау болып отыр.&nbsp;Келелі шара соңында дөңгелек үстелдегі қатысушылар осы тақырып аясында пікір алмасып, &nbsp;талқылады. Сөз соңында төраға: «Сот жүйесіндегі барлық оң өзгерістер жалғасады және азаматтардың құқықтары мен бостандықтарын қорғаудың тиімділігін арттыруға ықпал етеді деген үлкен үміт бар» деп басқосуды аяқтады.&nbsp;

Нұржан Бекетаев: Кассациялық сот құру – қоғам талабы

Фото: no-comment.kz<a href="https://kyzylorda-news.kz/">Kyzylorda-news.kz</a> Жас өреннің тұлға болып қалыптасып, қоғамға белгілі бір деңгейде қызмет ете алуы, бірінші кезекте, оның таңдаған мамандығына байланысты екені рас. Осы тұрғыда жеткіншектерімізге кімдер және қандай бағыт-бағдар берген дұрыс? Бұл ретте алдымен ата-анасы, одан соң ұстаздары барынша мүдделілік танытатынын көріп жүрміз. Бірақ өмір тәжірибесі мамандық таңдауда әркімнің өз жүрек қалауы бәрінен маңызды екенін айқындауда. Сунақата ауылындағы №194 орта мектебінде өткен облыстық семинарға қатысушылар осы тақырып төңірегінде жан-жақты талқылау жасады.Кәсіби бағдар берудің тәрбиелік мәнін ата-аналармен бірге талқылауға арналған шарада мамандық таңдауға бітіруші сыныпта емес, бесінші сыныптан бастап көңіл қоюдың маңыздылығы сөз болды. Бұл туралы аудандық білім бөлімі басшысы Бекжан Шахизатұлы облыс аудандарының барлығынан дерлік келіп бас қосқан мектеп директорлары бейінді орынбасарлары алдында өз ойымен бөлісті.<blockquote>– Мемлекет басшысы Қасым – Жомарт Тоқаев халыққа арнаған Жолдауында балалардың бірінші кезекте мамандық таңдауына үлкен көңіл бөліну қажеттігін айтып келеді. 2020 жылдан бастап әр өңірдің әлеуметтік-экономикалық дамуына байланысты мамандықтар картасы жасалды. Осы схеманы дайындау барысында жүргізілген сауалнамада оқушы түлектердің 87 пайызы мамандық таңдауда қателескенін мойындаған. Шынында да, баланың білімі мен қарым-қабілетін екшеуден бұрын ата-ана таңдауы басым түсіп жатады. Мұғалімнің де әсер-ықпалы үлкен, – деген ауданның бас ұстазының пікірі құптарлық.</blockquote><blockquote>– Жаһандану жағдайында барлық сала автоматтандырылып жатыр. Адам­ның қол күшіне емес, сана мен зияткерлік әлеуетіне сүйенетін маман­дық түрлеріне сұраныс басым. Осыған орай білімгерлердің таңдауы да күр­деленіп, цифрландыру бағытына бет бұруы заңдылық. Міне, осыны болашақ көкірегіне бала жастан сіңіру міндет. Қазірде мектептерде оқушы жоғары сынып сатысына көшкен кезеңнен бастап кәсіби жұмыс жүйелі жүргізілуі керек. Жас кеуде еліктеуге бейім, бірақ оған жол-жоба көрсету ұстаздың да, ата-ананың да міндеті.</blockquote>Расында, қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет. Жас ұрпаққа білім беру жолында ақпараттық технологияны оқу үрдісінде оңтайландыру мен тиімділігін арттырудың маңызы өте зор. Яғни Қазақстанның жаңаша жаңғыру жолы – ақпараттық технологиямен қатар ұштаспақ. Бұл үдеріс кәсіби маман даярлайтын Жаңақорған аграрлы-техникалық колледжінде басты арнаға қойылған.Рас, кәсіптік білімнің көкжиегін қалауда 60 жылдық тың тәжірибесі бар колледж базасы жаңа заман талабына сай жаңарып келеді. Қоғам көші ілгері жылжыған сайын адамзаттың өмір сүруіне қолайлы, сұранысына тиімді таптырмас ма­ман­дарды қалыптастыру – маңыз­ды қадам. Бұл міндетті абыроймен атқаруда бірқатар оқытушылар шә­­кірт­­терге бағытын көрсетіп, біл­генімен бөлісуде. Ақпарат пен технологияның әлі ашылмаған жұм­бағына құмартқан мен де ең алғашқы еңбек өтілімді кәсіптік колледжден бастап, білім ордасының беделі үшін жұмыс жасаудамын. Басты мақсатым – цифрландырудың бүге-шүгесіне дейін меңгерген, интернеттің игілігін қоғамға жалпы халыққа көрсете білетін болашақ информатиктерді даярлау.Бұл бағытта колледж база­сына жаңа технологиялар алы­нып, жаңа жүйе аясында жаңа оқу бағ­дар­ламасы енгізілуде. Студент­тердің компьютерге қызығу­шы­лы­ғын арттырып, білікітілігін шыңдау мақсатында облыстық, рес­пу­бли­калық олимпиадалардан шәкірт­теріміз жүлделі орындарды иемденіп, аудан атын асқақтатуда. Яғни, кәсіби колледж – кәсіптік білімді ғана емес, заманауи мамандықтарды меңгерту жолына да еніп келеді. ЭВМ опе­раторы, техник-програмимист білік­тіліктері осының дәлелі болса керек. Қазақ ойшылдары айтқандай, «Білімдінің күні жарық, білімсіздің күні ғаріп». Расында, білімі бар адамды жарқын да жарық бола­шақ күтеді. Ал жарқын бола­шақ иесі – бүгінгі жастар. Жас­тардың біліктілігін ақпараттық технологияның көмегінсіз іске асы­ру мүмкін емес. Әлемдегі ең алпауыт елдер цифрландыру жүйе­сінің көмегі арқылы тұтас тіршілікті басқаруда. Сарқылмас байлықтарды игеріп, өз өнімін өзгеге заманауи технологияның көмегімен экспорт­тауда. Жапония, АҚШ, Корея сынды инфрақұрылымдық базасы жоға­ры елдер робототехниканың игілігін өндіріске пайдалануда.Міне, осындай нақты себептердің арқасында олар жер бетінде көш бастап тұрған жайы бар. Ал, қазақ елінің жан-жақты дамуы үшін нарықта билік жүргізуі үшін компьютерді, заманауи гаджеттерді, информациялық бизнесті меңгерген жас мамандар өте тапшы. Сондықтан, жаңғыру жолы – ақпараттық технологиямен жал­ғаспақ. Нарыққа технологияны жетік меңгерген мамандар келгенде ғана еліміздің өндірісі өркендеп, өркениет көшіне көш бастамақ. Бұл мақсат жолында жұмыла жұмыс жасау сіз бен біздің, оқытушылардың басты борышы болып қала бермек..Кейде жалақысы көп, жағдайы жақсы болады деп те баласының бейімін ескермей, болмысы үйлеспейтін ма­мандыққа телитін ата-ана ұл-қызының болашағына тек қиындық қана ту­дыратынын ұмытпауы керек, – деді ол.Бас ұстаз соңғы кезде мемлекеттік гранттың тым қолжетімділігіне тоқталды. Яғни 51 балдан жоғары балл жинай алған кез келген түлек шекті балл 140 балл жинаған баламен бірдей санатта жоғары оқу орнында білім ала алады. Дегенмен білім айырмашылығы екі есеге жуық төменде тұрған тұлғаның 4 жыл уақыты текке кеткен жоқ па деген күдігін де жасырмады.Семинарға қатысушылар алдында осы тақырыпта ой толғаған мектеп директоры Марат Торғаевтың бағыт-бағдарды өз өмірінен өрнектеп айту­ына да толық негіз бар. Тоқсан бесінші жылдары ұстаздыққа келген ол оқушыларға математика пәнінен дәріс берді. Ата-анасы математик еді. Мұны оқушы кезінде Алматыдағы Жәуті­ков атынадағы физика-математика мектебіне берген. Мектепті тәмамдап, әскер қатарына барып келген соң Сәтпаев атындағы политехникалық институтқа оқуға түскен. Бәрібір жүрек қалауымен газ-мұнай саласындағы қызметін тастап, Қорқыт атындағы уни­верситетте мұғалімдікті оқып, мек­тепке жолдама алыпты. Бірнеше жыл мектептің оқу ісі жөніндегі меңгерушісі болып қызмет атқарды. Соңғы екі жыл көлемінде бір кездері әкесі басқарған білім ұясының басшылық тізгінін қолға алды.Мектепте 454 оқушы, мектепалды даярлық сыныбында 38, барлығы 492 бала білім алуда екен.Семинарда сөз алған облыстық оқу орталығының әдіскері Жанна Сыздықова ауыл мектебінде өткізіліп отырған шараның мазмұнына тоқталып, осыған ұйытқы болған мектеп басшылығына, мектеп директорының бейіндік оқыту жөніндегі орынбасары, бұдан бұрын өзін-өзі тану пәнінен республикалық деңгейде үздік танылған Мейрамкүл Аманбаеваның атына алғыс білдірді. Ауыл мектебі мен қала мектебі ара­сындағы алшақтықты жоюда осындай ізденісті жұмыстарды ғылымиландыра түсу мәселесінің өзектілігіне тоқталып, семинар жұмысына сәттілік тіледі.Семинар жұмысы әдістемелік бағытта секциялар бойынша жалғасты. «Мамандықты дұрыс таңдау – табысты өмір кілті» тақырыбында мектеп кі­тапханасында И.Абдуллаева, А.Бахра­мованың ұйымдастыруымен түрлі ма­мандық иелерімен кездесу өтті. Олардың қатарында ұлағатты ұстаз, ауылдағы бастауыш ардагерлер ұй­ымының төрағасы Қалмахан Тәженов, мектеп түлегі, «Еңбек Қызыл Ту» және «Құрмет» ордендері иегері Әзия Қыстаубаева, мәдениет өнер саласы­ның өкілі, №242 орта мектебі ұста­зы Тұрсынбек Қалымбетов, аудандық төтенше жағдайлар бөлімі қызметкері Мұхамедәлі Мейірбекұлы, аудандық полиция қызметкері Наурызбай Палахметұлы қатысты.Білімгерлер «Мамандық таңдау жөніндегі көзқарасыныз қандай?», «Қиын не жеңіл мамандық деген бола ма?», «Мамандық таңдауда адам бойында қандай қасиеттер болу керек?» деген сауалдар төңірегінде ой-пікір алмасты.Семинар барысында өткен «ҰБТ – басты қадам» тренингі тың идея­лар және тәсілдермен қызықтырды. «Оқушы­ларға кәсіптік бағдар берудің зама­науи мүмкіндіктері және инновация­лық бағыттарының формалары мен әдістемесі» деген тақырыпта №55 орта мектеп директорының бейінді оқыту жөніндегі орынбасары Рима Шоқыбаеваның ізденісі сарапқа салынды.Әрі қарай іс-тәжірибе бойынша математика кабинетінде дәріскер И.Нұртіллаеваның «Мәтінді есептер шығару», А.Дариялованың география пәнінен «Planets» сабақтары өте тартымды өтті. Одан әрі №194 орта мектеп бейінді оқыту жөніндегі орынбасары М.Аманбаеваның «Кәсіптік бағдар берудің тәрбиелік мәні», К.Искендированың «Мамандықтар әле­мінде», мектеп директорының тәр­бие жөніндегі орынбасары А.Төрегел­диевтің «Біздің студияда» жеке автор­лық бағдарламалары ұстаздар­дың үлкен ізденісті еңбегін танытты. Бастауыш сыныптар бойынша ұстаз А.Торғаеваның «Мамандықтың барлығы жақсы», мектептің ғылыми әдістеме­лік жұмыстар жөніндегі орынбасары Г.Сәрсенбекованың «Өсімдік атаулары ұйытқы болған фразеологизмдер», ұстаз Ш.Қансейітованың «Құртқа­ның бойындағы ұлтқа үлгі боларлық құндылықтар» тақырыбында өткен сабақтары танымдық мазмұны жағынан бай, терең интеллектуалды әлеуетімен қатысушыларға үлкен әсер сыйлады. №239 орта мектеп бейінді орынбаса­ры Ж.Ибадуллаева «СТЕАМ – мектеп оқушыларын оқытудың жаңа әдістемесі және әлемдік білім берудің негізгі тренді» тақырыбында сыр тарқатты. Семинар жұмысын аудандық білім бөлімінің бас маманы Назерке Базарбаева қо­рытындылап, сертификаттар табыстады.&nbsp;Баян ҮСЕЙІНОВА

Кәсіптік бағдар–кемел болашақ кепілі

<a href="https://kyzylorda-news.kz/">Kyzylorda-news.kz</a> Елімізде маусым айының үшінші жексенбісі медицина қызметкерлерінің күні. Адам өміріне араша түсетін дәрігер мамандығын таңдау үлкен жауапкершілікті жүктейді. Осы жауапты қызметті абыроймен атқарып жүрген ақ халатты абзал жандарды төл мерекесінде құрмет төрінен көрінді.Мерейлі мерекеге орай №3 қалалық емханасында «Рақмет, дәрігер!» тақырыбында мерекелік шара өтті.Емхананың бас дәрігері Жаннат Қожарипова ұжымды кәсіби мерекемен құттықтап, ізгі лебізін білдірді. Сонымен қатар, емханадағы бірқатар мамандарды марапаттады. Оның ішінде емханадағы алғашқы көмек көрсету кабинетінің өзіндік қабылдау мейіргері Майра Сүлейменова Денсаулық сақтау саласындағы жемісті еңбегі мен еліміздің денсаулық сақтау жүйесін дамытуға қосқан үлесі үшін ҚР Денсаулық сақтау министрі Ақмарал Әлназарованың «Алғыс хатымен» марапатталды. Бұдан бөлек, облыс әкімі Нұрлыбек Нәлібаевтың және аймақтың бас дәрігері Олжас Ысқақовтың алғыс хаты да табысталды. Сондай-ақ мереке қарсаңында 60, 50 жас мерейтой иелеріне де құрмет көрсетілді.Бағдарлама барысында әннен шашу шашылып, өнерпаз жастар би билеп мереке мерейін айшықтай түсті. Ар ожданын бәрінен биік қоятын дәрігерлерге қандай құрмет көрсетілсе де артық болмайды. Себебі ұлт саулығы – басты байлығымыз.

Қызылордада мерекеге орай  «Рақмет, дәрігер!» шарасы өтті

<a href="https://kyzylorda-news.kz/">Kyzylorda-news.kz</a> Биыл еліміздің батыс аймақтарында көктемгі су деңгейі күрт көтеріліп, салдарынан бірқатар елді мекен табиғи апаттың зардабын шекті. Су астында қалған өңірлерде төтенше жағдай режимі жарияланып, тұрғындар қауіпсіз аймаққа көшірілді. Қазақтың ұлы ақыны Абай Құнанбайұлы «Біріңді қазақ бірің дос, Көрмесең істің бәрі бос» деп өлең жолдарына арқау еткен ынтымақ-бірлік, достық сынды асыл қасиеттерді өн бойына жинаған азаматтар жұдырықтай жұмыла қызмет етті. Қарғын судан зардап шеккен тұрғындарға қол ұшын созып, өзге облыс, қала, аудан, тіпті ауыл көшелерінде жылу жинау бекеттері ашылып, азық-түлік пен қажетті заттарды жөнелткен болатын.Мемлекет басшысы Қасым-Жомарт Тоқаев Ұлттық құрылтайдың үшінші отырысында «Қазақстан – бәріміздің қасиетті қарашаңырағымыз. Сондықтан әрбір азамат ел тағдырына өз тағдырындай қарауға тиіс.Біздің күшіміз – ынтымақта. Еліміздің әлеуметтік саясаты осы құндылыққа негізделген. Мемлекет те, қоғам да көмекке шын мұқтаж адамдарды қолдауға қашан да дайын. Біздің еріктілерміздің ерен еңбегі – жанашыр болудың шынайы үлгісі. Олар кез келген сәтте өзгелерге риясыз көңілмен көмектесуге ұмтылады. Бизнес өкілдері және басқа да азаматтарымыз түрлі қайырымдылық шараларға белсене атсалысады. Бұл да – тілеулес болудың айқын көрінісі. Халқымыздың қанына сіңген жанашырлық, қамқорлық, бауырмалдық сияқты асыл қасиеттер біздің ұлттық ерекшеліктеріміз болып қала береді» деген еді.Осыған сәйкес қарғын судан зардап шеккендерге гуманитарлық көмек жіберу пунктері ашылып, айтып келмейтін апатқа тосқауыл қою үшін Шиелі ауданы азаматтары мен еріктілер де өз үлесін қосты. Шиелі ауданында «Ұлттық атом компаниясына» қарасты «КАР Logistics» ЖШС-нің «Шиелі-Сұңқар» филиалы, «РУ-6», «ТТК-Шиелі», «Волковгеология ГРЭ-23», «Уранэнерго» мекемелерінің ұжымы еліміздің зардап шеккен өңірлеріне қаржылай және техникалық көмек көрсету жұмыстарын ұйымдастырды. Нәтижесінде, жеңіл автокөлік, кран, экскаватор, трактор, жүк көлік, қайық сияқты техника тиелген жүк пойызы жолға шыққан еді.Мемлекет басшысы еліміздегі күрделі жағдайға байланысты жолдаған Үндеуінде: «Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді» деген болатын. Осынау қағидалы сөзді ту еткен аудан азаматтары халық сенімін ақтап, жуырда аман-есен абыроймен елге оралды.Олар 2 ай көлемінде Атырау облысындағы су басқан Махамбет елді мекенінде 65 шақырым жолға бөгет салып, бірнеше ауылды қарғын судан арашалап қалған.Елге оралған азаматтарды құрметпен күтіп алу үшін Шиелі ауданы әкімінің орынбасары Болатбек Ысмағұлов, Шиелі аудандық қоғамдық даму бөлімінің басшысы Кенжехан Есенбаев, Шиелі аудандық қоғамдық кеңес мүшесі Насырбек Мырзабеков бастаған зиялы қауым өкілдері жиналды. Күтіп алу сәтінде елін, жерін сүйген жандардың ерен еңбегі ескерусіз қалмайтынын айтқан Болатбек Ысмағұлов:– «Бірлік бар жерде, тірлік бар» демекші, батыстағы бауырларға қол ұшын созып келген сіздерге ерекше алғысымды білдіремін. Табиғи тосыннан болған апатқа тосқауыл болу оңай шаруа емес. Дегенмен, бірігіп әрекет етудің арқасында жұмыс нәтижесін берді. Сіздер ел бірлігі сыналар шақта Сыр елінің аманатын арқалап, абыройлы қызмет етіп, аман-есен оралдыңыздар. Алда келе жатқан Әкелер мерекесіне орай өткізілетін жиында өздеріңізді арнайы марапаттайтын боламыз, – деп алғысын жеткізді.Елдегі жағдайға бей-жай қарамай, ерікті түрде табанды еңбек етіп келген Қожахмет Әзімханұлы көмек қолын созу әрбір азаматтың міндеті екенін тілге тиек етті.– Біз Атырау облысы, Махамбет ауданында болдық. Халқы өте кішіпейіл әрі қонақжай. Өзге өңірлерден келген азаматтарға қолдау көрсетіп, демеп отырды. Осынау игілікті іске атсалысуға сенім білдіріп, құрметпен қарсы алған аудан тұрғындарына үлкен рақметімді айтамын, – деді азамат.Иә, төтенше жағдай орын алған аймақтардағы апатты жайт халықты алаңдатқаны жасырын емес. Әркім қолынан келген көмегін аямай, мейлінше қауіптің сейілуіне атсалысты. Бірі гуманитарлық көмек жіберсе, өнерпаздар тегін концерттер ұйымдастырып, жиналған қаражатты апат болған аймақтарға беруде. Расында, бірлігіміз сыналар шақта жұрт аянып қалған жоқ.&nbsp;

Сын сағаттағы Шиелі жұртының жәрдемі

<a href="https://kyzylorda-news.kz/">Kyzylorda-news.kz</a> «Өскелең ұрпақ саулығы – ұлт болашағы» деп бекер айтылмаса керек. Дана халқымызда «жақсы дәрігер ауруды жазады, жаман дәрігер ауруға ауру қосады» деген даналық сөз бар. Медицинаның атасы Ибн Сина: «Дәрігердің үш қаруы бар: бірі – пышақ, екіншісі – шөп, үшіншісі – жылы сөз» деген. Міне, осындай игі қасиет дәрігердің бойынан табылса онда ол халықтың сүйіктісіне айналады.&nbsp;Біздің кейіпкеріміз аудандық емхананың дәрігері Салтанат Бакишева – жауапты мамандықтың өкілі. Үнемі білімін жетілдіріп, ізденіс үстінде болып, өз саласын жетік меңгерген, халықтың сүйіктісіне айналған дәрігер.&nbsp;Салтанат Карбозқызы 1983 жылы Қызылорда қаласында дүниеге келген. 2007 жылы Батыс Қазақстан мемлекеттік медицина академиясын емдеу ісі бойынша бітіріп, жас маман ретінде алғашқы еңбек жолын Сырдария аудандық емханада психиатр болып бастайды. 2010 жылдары терапевт, педиатр, аймақ дәрігерлерін жалпы дәрігерлер аймақтарына оңтайландыру жүргізілген кезде жалпы тәжірибелі бөлім меңгерушісі қызметін бірнеше жыл бойы атқарады. Бүгінде аудан тұрғындарының алғысына бөленген дәрігер жалпы дәрігерлік салада да тәжірибесі бар білікті маман. Емханадағы жемісті жылдар ішінде жақсы қырынан таныла білген дәрігер 2016 жылы функционалды диагностика бойынша білімін жетілдіреді. Алматы қаласындағы С.Асфендияров атындағы Қазақ ұлттық медицина университеті базасында 4 ай бойы білімін жетілдірген дәрігер медициналық аппараттарда жұмыс істеуге машықтанады.<blockquote>&nbsp; – Дәрігер үнемі білімін жетілдіріп, ізденіп, үйреніп жүрсе, тұрғындардың денсаулығын нығайтуға қосатын үлесі зор болады. Аудандық емхана пайдалануға берілген жылы жаңа медициналық аппараттар қоса берілген болатын. Арнайы маманның болмауынан аппараттар пайдаланылмаған. 2016 жылы сол кездегі бас дәрігер Манат Рүстемқызына ұсыныс айттым. Бас дәрігер ұсынысты қолдап, оқуға жіберді. Сөйтіп, холтер, смарт, спирография аппараты қызметін меңгеруге байланысты оқудан өттім. Қазір аудан халқына осы 3 аппаратпен қызмет көрсетіп келеміз. Шын мәнінде бұл науқастардың денсаулық жағдайын бақылауға, қандай да бір асқынуларды дер кезінде анықтауға мүмкіндік береді. Өте тиімді аппаратпен ай сайын 60-қа жуық науқасқа медициналық көмек көрсетеміз, – дейді білікті дәрігер.</blockquote>&nbsp; Бірінші санатты дәрігер Салтанат Карбозқызының негізгі қызметі психиатр болғандықтан емханада диспансерлік есепте тұрған 560 науқастың денсаулығын бақылап отырумен қатар, жоғарыда айтылған медициналық аппараттармен жұмыс істейді. Күн сайын кезекпен келетін науқастарға аса ыждағаттылықпен орнатып, бір тәулік өткенде аппаратты ажыратады. Маман тәулік бойы жұмыс істеген аппаратты алған соң, көрсеткіштерді оқып, қандай да бір ауытқу болса, ем алуға арнайы мамандарға жолдайды. Бұл дәрігердің негізгі жұмысымен қоса атқаратын қызметі.Ауданның медицина саласына психиатр болып үлес қосып келе жатқан дәрігер бұл маманның атауына тұрғындар үрпиіп қарайтынын айтады. Ал дәрігер алдына келгенде көбіне келушілер ол көзқарастан айниды. Себебі келушілерді өзінің жайдары мінезімен, салихалы да сабырлы қалпымен қарсы алатын дәрігерге көңілдері толып, ризашылықтарын білдіреді. Шын мәнінде көңілі жабырқаулы жанға ең алдымен жақсы қарым-қатынас жасау оның кәсіби шеберлігін көрсетсе керек. Науқаспен әңгімелесіп, жағдайын зерделеу арқылы дұрыс ем жүргізу ғана оң нәтиже беретінін ақ халатты абзал жан жақсы біледі.<blockquote>&nbsp; &nbsp;– Әріптесіммен бірнеше жылдан бері ауданның денсаулық саласында бірге қызмет етіп келемін. Салтанат Карбозқызы ауданда алғашқы психиаторлардың бірі. Функционалды диагностиканы да өте жақсы меңгерген. Біліктілігін үнемі арттыратындықтан, емханадағы көптеген маманның орнын кез келген уақытта ауыстыруға білімі де білігі де жетеді. Әріптесім бас дәрігердің аудит жөніндегі орынбасары, амбулаторлық оңалту бөлімшесінің меңгерушісі қызметін атқарды. Қазіргі уақытта тар буынды мамандандырылған бөлімнің меңгерушісі қызметін қоса атқарады, – дейді әріптесі Жанар Әшімқызы.</blockquote>&nbsp; Адамның жүрегіне жол таба білетін дәрігер психиатрия саласында кездесетін кедергілермен үнемі жұмыс жүргізеді. Өйткені психиатрдың қабылдауына келуге көп адам жүрексінеді. Одан қалды ел-жұрттың жағымсыз пікірлері де дертке шалдыққандарға дер кезінде медициналық көмек көрсетуге кедергісін келтіреді екен. Сондықтан білікті дәрігер әсіресе, баланың бойынан қандай да бір кеш дамушылықты, тілінің кеш шығуын байқаса, дереу учаскелік дәрігерге көрсету қажеттігін айтады. Өз кезегінде учаскелік дәрігер қажетті маманға жолдайды. Қазір балалардың арасында көп кездесетін сөйлемеу, дамуының кешеуілдеуі бұл психологиялық ауытқулардың алғашқы белгісі болуы мүмкін.<blockquote>&nbsp; &nbsp;– Медицина саласына келгенімде бізге жас маманға қолдау білдіріп, үнемі бағыт-бағдар беріп отырған ардақты дәрігер Тәжігүл Жорабекқызының еңбегін ерекше бағалаймын. Жас мамандарға тәлімгер бола білген дәрігерден білмегенімізді сұрап, көп нәрсені үйрендік. Жұмыс барысында туындаған сұрақтар бойынша ақыл-кеңесін аямайтын. Науқастармен қалай сөйлесу керектігін, дәрігер тек қана жақсы қырынан танылуы арқылы жақсы маман болып қалыптасатынын үнемі айтып отыратын. «Ерінбей, ізденіп, тәжірибе алмаса білу керек. Ең бастысы кішіпейіл, қарапайым, адами қасиетке ие болса, жақсы дәрігердің қатарынан көрінесің» дейтін тәлімгеріміз. Тәжігүл Жорабекқызының маман болып қалыптасуыма қосқан үлесі зор деп айта аламын. 17 жыл еңбек өтілімде халық денсаулығын қорғауға, жақсартуға бағытталған қызметімде қолымнан келгенше алғыс алуға тырысып келемін, – дейді Салтанат Карбозқызы.</blockquote>&nbsp; Антына адалдық танытқан дәрігердің еңбегі де бағаланған. Әр жылдары сала басшылығынан алған Алғыстары мен облыстық денсаулық сақтау басқармасынан алған марапаттары бір төбе. Ал «Денсаулық сақтау ісінің үздігі» республикалық байқауына белсене қатысып, ұсынған жұмыстары үздік деп танылғаны үшін арнайы номинациямен марапатталуы дәрігерге одан сайын жауапкершілікті арттырып, әрі қарай рухани жігер мен күш беретін сенім.&nbsp; &nbsp;Өз ісінің білгірі, алғыс арқалаған дәрігер Салтанат отбасында сүйікті жар, ардақты ана. Жұбайы Бақытжанмен Лашын мен Аршан есімді ұл қыз-тәрбиелеп отырған үлгілі отбасы. Қоғамға адал қызметімен үлес қосып отырған білікті маман жаңашылдыққа қадам жасауға батылдық таныта береді деген сенімдеміз.

Білікті дәрігер

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Жас пен жасамыстың денсаулығы мен жағдайына жіті көңіл бөлетін Айгүл Жакупова соңғы 20 жылда «Терапия» бөлімшесіне жетекшілік қызметін абыроймен атқарып келеді. Жезді өлке Ұлытау облысының Қарсақбай кентінде дүниеге келген ақ халатты абзал жан қашанда науқаспен емен-жарқын әңгімелесіп, дертінен сауығып кетуіне бар күш-жігерін салады. Әрдайым жайдарлы да жайсаң мінезінен таймайтын дәрігер бүгінде білгір маман ретінде көптің алғысына бөленіп келеді.&nbsp;Білікті маман Айгүл Қарсаңқызының есімі аудан жұртышылығына жақсы таныс деуге болады. Созылмалы дертімен ем қабылдайтын көпшілік әркез аяулы жанның көмегіне жүгінеді. Бірнеше жылдан бері тұрақты түрде емдеп келе жатқан науқастың жай-күйін зерттеп, жан-жақты ем-шара қолданады. Бүгінде білікті дәрігер бөлімше қызметін барынша үйлестіріп, жұмысына жауапкершілікпен қарайды.<blockquote>&nbsp;– Медициналық университетті бітірген жылы туған жерімдегі облыстық ауруханада қызмет еттім. Араға біршама уақыт салып, тереңөзектік Мұратбек Әбсадықовпен отау құрып, Қонысбек әкеміз бен Бибімариям анамыздың шаңырағына келін болып түстім. 1987-2004 жылдар аралығында аудандық емханада эндокринолог, учаскелік дәрігер ретінде еңбекке араластым. Алғаш мені жұмысқа тәжірибелі басшы Рүстем Садықов қабылдаған болатын. Осы кезге дейін 7 бас дәрігермен жұмыс жасай білдім. Өз уақытысында бас дәрігердің орынбасары қызметін атқарған Шынтас Ізетұлы бізді барлық жағынан тәрбиеледі. Қызмет барысында әрбір іске жауапкершілікпен қарауды үйретті. Нағыз әскери қатаң тәртіпті орната білді, – дейді тәжірибелі дәрігер.</blockquote>&nbsp;Эндокринология саласын жетік меңгерген Айгүл Қарсаңқызы Ресейде білімін жетілдірген. Бір бөлімшеде 15 жыл бойы әріптесі Гүлфарида Қайыпқызы екеуі аудан тұрғындарына медициналық көмек көрсетуді мақсат тұтты. Негізінен, дәрігердің жолдасы Мұратбек ағаның мамандығы инженер-құрылысшы. Үйдегі отағасының жолын кіші ұл Әлішер қуған. Ол – Назарбаев университетінде құрылыс және экологиялық инженерия саласы бойынша ғылыми қызметкер болып жұмыс атқарады. Биыл отбасының кенжесі аталған мамандық бойынша магистр дәрежесін алған. Ал үлкен ұл мен қыз медицина саласында. Тұңғыш ұл Әнуар Астана қаласында кардиохирург болса, келіні Гауһар – гинеколог. Арайлым косметолог-дәрігер ретінде көпшілікке кеңес береді.<blockquote>&nbsp;– Ата-анамыздың бабын тауып, жұмысты да үйлестіріп отыру мені барынша шынықтырды. Қай кезде де емделуші алғысы барынша қанаттандырады. Қазіргі уақытта қан тамыр, жүрек аурулары адамдар арасында көбейіп кетті. Эндокринология саласына қатысты дертпен ауыратын жандар қатары аз емес. Осыдан бірнеше жыл бұрын қант диабетімен ауыратын жандар сирек кездесетін. Бүгінде осы дертке байланысты шағым айтатын науқасты жиі кездестіреміз. Пандемия уақытынан бері пневмониямен ауыратын науқас саны азаяр емес. Анығын айтқанда, күн өткен сайын аурудың саны артуда, – дейді сала маманы.</blockquote>&nbsp; &nbsp;Осы күні аурухананың жас дәрігерлеріне ақыл-кеңесін айтатын дәрігер медицина саласында күн сайын орын алатын елеулі өзгеріске бей-жай қарамайды. Сала маманы 35 жылдық жұмыс өтілінде көптеген жоғарғы марапатқа қол жеткізген. Бұл ретте, Тереңөзек кентінің тұрғыны Ботакөз Жарықбасова дәрігерге өз алғысын жеткізді.<blockquote>&nbsp; – Жақында денсаулығым сыр беріп, «Терапия» бөлімшесіне ем қабылдауға жатқан болатынмын. Заматында Айгүл дәрігер өз бақылауына алып, ем-шара жасады. Қазіргі уақытта денсаулығым өте жақсы. Сала маманы біліктілігінің арқасында қаншама адамға қолғабыс етуде. Үнемі науқастың диагнозын дөп тауып, жанымызды жадыратуда. Сала маманына мереке қарсаңында шынайы алғысымды жеткіземін, – деді кент тұрғыны.</blockquote>

Қазақстан және Қызылорда облысының жаңалықтары