<a href="https://kyzylorda-news.kz/">Kyzylorda-news.kz.</a> Жыл басынан бері мобильді аударымдар мен оларды тексеру мәселесі халық арасында кеңінен қозғалып жүр. Көптеген кәсіп иелері тұтынушылардан қолма - қол ақша талап етуге көшті. Тұрғындарды мазалаған мәселеге қатысты бүгін партия алаңында тиісті сала мамандарымен жиын өтіп, мәселе жан – жақты талқыланды.Партияның облыстық филиалының Атқарушы хатшысы Ләйлә Төрешованың төрағалығымен өткен жиынға Қызылорда облысы бойынша Мемлекеттік кірістер департаменті басшысының орынбасары Еркін Елшібеков, осы департаменттің түсіндіру жұмысы және Байланыс орталығы басқармасының басшысы Гүлсара Қарымсақова, «Халық банк» өкілі Жұмагүл Оспанова, Қаржы нарығын реттеу және дамыту агенттігінің Қызылорда қаласындағы Өңірлік өкілдер басқармасының бастығы Ляззат Темірова, ҚР Бас прокуратурасы құқықтық статистикасы және арнайы есепке алу жөніндегі комитеті басқармасының аға прокуроры Ғалымжан Тілеужан, партияның облыстық филиалы жанындағы партиялық бақылау комиссиясының төрағасы Нұркен Бақытбекұлы, «Қызылорда облысы тұтынушылардың құқығын қорғау қоғамы» қоғамдық бірлестігінің Президенті Серік Теңізбаев, облыстық, қалалық мәслихаттағы фракция мүшелері, кәсіпкерлер мен БАҚ өкілдері қатысты.Жиында кімнің шоттары тексерілуге жататынын және олар үшін қандай критерийлер белгіленгені жөнінде мемлекеттік кірістер департаменті басшысының орынбасары Еркін Елшібеков хабарлама жасады.Департамент басшысы орынбасарының айтуынша бұл тексерулер белгілі бір критерийлерге сай келетін тұлғаларға ғана қолданылады. Мұны банктер анықтап береді. Яғни тексеру критерийлеріне үш ай қатарынан ай сайын 100 және одан да көп түрлі тұлғалардан мобильді аударымдар алған тұлғалар ғана жатады. Нақтырақ айтқанда, кәсіпкерлік қызмет белгілері болған жағдайда ғана тексеріледі.Мобильді аудармаларды тексеру заңсыз кәсіпкерлік қызметтің көлеңкесінен шығаруға бағытталған. Кейбір кәсіпкерлер сатылған тауар немесе қызмет үшін төлемді мобильді аударымдар арқылы алады. Алайда, бұл аударымдар бақылау-кассалық аппараттарды, POS-терминалдарды және QR-кодтарды қолданбай жүргізіледі. Тиісінше, чектер берілмейді және тұтынушылардың құқықтары бұзылады дейді мамандар.Бұл шаралар жасырын кірістер мен тіркелмеген кәсіпкерлерді, әсіресе жеке шоттарға мобильді аударымдар арқылы төлем алатындарды анықтауға бағытталған. Сол үшін кәсіпкерлерге төлемді арнайы бизнес-шоттарға қабылдау ұсынылады.Жиын соңында халыққа түсіндірме жұмыстарын жүргізуге қатысты ұсыныстар ортаға салынып,бірлескен жұмыстар жасалатын болды.

Мобильді аударым: Заңсыз кәсіпкерлік қызметтің көлеңкесінен шығаруға бағытталған

<a href="https://kyzylorda-news.kz/">Kyzylorda-news.kz.</a> Қыс мезгілінде оқушылардың мектепке қауіпсіз қатынауы – басты мәселелердің бірі екендігі белгілі. Осыған орай, Қызылорда облысының Өңірлік коммуникациялар қызметінің ақпарат алаңында облыс әкімінің орынбасары Мейрамбек Шермағанбет өңірдегі білім беру ұйымдарындағы оқу процесінің басталу уақыты туралы БАҚ өкілдеріне брифинг өткізді.<blockquote>2022-2023 оқу жылынан бастап жалпы білім беретін мектептердегі ұстаздар бес күндік жұмыс аптасына көшті. Осыған сәйкес, білім салалары және оқу пәндерінен сыныптар бойынша апталық сағат сандары бес күндік сабақ кестесімен бекітілді. Бұдан бөлек, ҚР Оқу-ағарту министрінің бұйрығында жалпы білім беру ұйымдарында сабақтың ұзақтығы 45 минуттан жоспарланатындығы көрсетілген. Облыстағы бір ауысыммен білім беретін мектептердегі сабақ процесі сағат 08.30-да басталса, екі ауысымдық мектептерде сабақ үдерісі сағат 08.00-ге бекітілген. Дегенмен, қыс мезгілінде күн ерте қысқаратындықтан балалардың қауіпсіздігін қамтамасыз етуге, мектептердегі кіші қызметкерлердің жұмыс уақытын ескере отырып таңертеңгі сабақтың уақыты өзгереді. Яғни, республика көлемінде екі ауысымда оқытатын мектептерде бірінші ауысым сабақтары 08:00-де басталады, - деді Мейрамбек Зинабдинұлы.</blockquote>Өз кезегінде облыстық білім басқармасының басшысы Асқарбек Есжанов балалардың күн тәртібін жоспарлап, оқушылардың сабақ процесіне белсенді қатысуын қамтамасыз ету керектігін айтты.<blockquote>Бала денсаулығының жақсы болуы, толық білім алуы, ақыл-ой сергектігі сапалы ұйқының қамтамасыз етілуі арқылы жүзеге асырылады. Осы ретте әрбір ата-ана өз балаларының күн тәртібін жоспарлап, уақытылы тынығуын қадағалауы керек. Сонда ғана бала миы тынығып, білім алу қабілеті қалыптасады. Бала болашағымыз десек, олардың денсаулығы үшін барлығымыз жауаптымыз. Осы брифингті пайдалана отырып, барлық ата-аналардан балалардың күн тәртібін жолға қоюды, түннің бірінші кезеңінен кешікпей тынығуын, смартфон-гаджеттерді пайдалануын белгілі бір уақыт аралығына сыйдыруды сұраймыз, - деді басқарма басшысы Асқарбек Темірбекұлы.</blockquote>Фото: Нұрболат Нұржаубай

Мектептердегі оқу процесінің басталу уақыты өзгереді

Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a> Аймақта облыстық полиция департаменті жол қауіпсіздігін сақтау үшін тұрақты түрде жедел профилактикалық іс-шаралар жүргізген. Бұған қоса, патрульдік мобилді кешендермен елді мекендерге рейдтік іс-шаралар ұйымдастыруда. Толығырақ Өңірлік коммуникациялар қызметінің баспасөз алаңында облыстық полиция департаментінің бірінші орынбасары Шамшидин Амитов &nbsp;хабарлады.<blockquote>Жолда жүру ережесін бұзудың 204 981 дерегі анықталса, оның 112 625-і жол апатына тікелей әсер ететін өрескел құқық бұзушылықтар. Темір көлікті тізгіндейтіндердің басым бөлігінің қателігі - жылдамдықты асыру. 2023 жылдың желтоқсан айында 10 дана «Ekin Patrol G2» мобильдік құрылғылар алынып, қоғамдық тәртіпті сақтау, жол қауіпсіздігін қамтамасыз ету мақсатында полиция департаментімен қызметтік автокөліктің айналасын және салонын онлайн режимде 4 камерамен бақылайтын, GPS-пен жабдықталған, 21 дана «VUEWO» бейнебақылау жүйелері қызметтік автокөліктерге орнатылды. Облыс аумағында құқық бұзушылықтарды автоматты түрде анықтайтын 20 «АРКАН», 5 «Интегра КДД», 1 «Мираж», 3 «Зерек» құрылғылары мобильді кешені жұмыс істеуде. Соның арқасында 20 дана «Аркан» құрылғысымен 22058, 10 дана «Екин Патруль» мобильді кешенімен 41652 және 3 дана «Зерек» құрылғысымен 3844 құқық бұзушылық анықталды, - деді Шамшидин Егенбердіұлы.</blockquote>

Шамшидин Амитов: Аймақта жол қауіпсіздігі қатаң бақылауда

<a href="https://kyzylorda-news.kz/">Kyzylorda-news.kz.</a> Қазақстанда онлайн платформалар қызметкерлері үшін, атап айтқанда такси агрегаторлары үшін арнайы салық режимін енгізу жоспарлануда, деп хабарлады қаржы вице-министрі Ержан Біржанов.Оның айтуынша, такси жүргізушілері заң аясында жұмыс істегісі келсе, жеке кәсіпкер ретінде тіркелуі керек.<blockquote>"Қазір такси жүргізушілері үшін арнайы салық режимі бар. Заңға сәйкес, олар жеке кәсіпкер ретінде тіркеліп, мобильді қосымша арқылы 1% салық төлей алады. Талап бойынша олар міндетті түрде салық органдарына келіп, тіркелуі керек немесе мобильді қосымша арқылы онлайн (жеке кәсіпкер болып) тіркеле алады. Оларға жағдай жасалған", - деді вице-министр.</blockquote>Біржанов жаңа талап шеңберінде операторлар салық төлеуші ретінде қарастырылып жатқанын айтты.<blockquote>"Мысалы, такси жүргізушісі оператор арқылы жұмыс істесе, салықты оператор ұстап, бюджетке аударса, біз оны (салық төлеу) міндетінен босатуды қарастырып жатырмыз. Бұл болашақ кодекстің нормасы болады деп ойлаймыз. Мәселені бизнеспен талқылап жатырмыз. Қазір қолайлы жағдай бар. Мобильді қосымша, патент арқылы жеке кәсіпкер ретінде тіркеліп, 1% салық төлеуге болады", – деді қаржы министрінің орынбасары.</blockquote>Бұған дейін такси жүргізушілері ресми түрде тіркеуге тұра алатыны хабарланған болатын.Фото: Нұрболат НұржаубайАқпарат көзі: <a href="https://sputnik.kz/20240109/taksi-zhurgizushileri-zheke-kasipker-retinde-tirkelui-kerek--qarzhy-ministrligi-41452286.html">Sputnik</a>

Такси жүргізушілері жеке кәсіпкер ретінде тіркелуі керек

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2024 жылдың 1 қантарға дейін Қызылорда облысының тұрғындары Әлеуметтік медициналық сақтандыру қорына 66,5 млрд. теңге аударды.«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовтің айтуынша аударылған қаржының 40,3 млрд. теңгесі жұмыс берушілердің аударымдары болса, қалған 26,2 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Фото: Нұрболат Нұржаубай &nbsp;

Қызылордалықтар Әлеуметтік медициналық сақтандыру қорына 66,5 млрд теңге аударды

<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрі Ажар Ғиният үкіметте өткен баспасөз мәслихатында Қазақстанда ата-ананың рұқсатынсыз балаларды қауіпті инфекцияларға қарсы вакцинациялау міндетті бола ма деген сұраққа жауап берді. Министр барлығы елдегі эпидемиологиялық жағдайға байланысты болады деп жауап берді, деп хабарлайды Zakon.kz.Үкімет отырысында министр вакцинамен басқарылатын аурулардың көбеюі 2015 жылы енгізілген, ата-аналардың балаларын екпеден бас тартуына мүмкіндік беретін заңмен тікелей байланысты екенін айтты. Бұл соңғы бес-жеті жыл ішінде халық арасында "иммундық емес қабаттың" жиналуына әкелді.<blockquote>“Алдын ала мәліметтер бойынша, бүгінде алты жасқа дейінгі 800 мыңға жуық бала екпе алмаған және дифтерия, полиомиелит, туберкулез және басқа да қауіпті инфекциялардан қорғалмаған. Осыған байланысты министрлік әкімдіктермен бірлесіп, биылғы жылы Балаларды жоспарлы егумен қатар, вакцинациялаудың ұлттық күнтізбесі шеңберінде жоспарлы екпелерді өткізіп алған балаларды қосымша егу жұмыстары жүргізілетін болады”, - &nbsp;Ажар Ғиният.</blockquote>Баспасөз мәслихатында журналистер Денсаулық сақтау министрлігі ата-аналардың балаларына екпеден бас тартуына рұқсат беретін ережені алып тастау туралы бастамамен парламентке барғалы жатқанын сұрады.<blockquote>“Бүгінге жоспарланбайды. Бұл елдегі эпидемиологиялық жағдайға байланысты болады. 800 мың бала екпе алмаған. Қолданыстағы заңнамаға сәйкес, медициналық қарсы көрсетілімдер болған жағдайда екпеден бас тартуға болады. Ең бастысы, вакцинацияланғандар ауыр аллергиялық ауруды бастан кешірсе. реакциялар және иммун тапшылығы жағдайлары бар.Бүгін біз медицина қызметкерлерімен, сондай-ақ вакцинацияланатын балалардың ата-аналарымен жұмыс істеп жатырмыз”, - Ажар Ғиният</blockquote>Қазақстан Республикасы Үкіметінің отырысында Ажар Ғиният 2023 жылы Қазақстанда қызылшамен ауырғандар саны 30 мыңға жуықтағанын хабарлады.<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: pixabay.webp

Қазақстанда ата-анасының рұқсатынсыз балаларға міндетті екпе егуге бола ма?

<a href="https://kyzylorda-news.kz/">Kyzylorda-news.kz.</a>&nbsp; Алматы мектептерінде оқушыларға берілетін тегін ас мәзіріне ұлттық тағамдар енгізілуі мүмкін. Пилоттық жоба үш мектепте жүзеге асады, деп хабарлайды<a href="https://kaz.inform.kz/news/almatida-mektep-as-mazrne-ulttik-tagamdar-engzlu-mumkn-768de5/"> Kazinform.</a>Жоба бастамашысы – Алматы сервистік қызмет көрсету колледжі. Білім мекемесі пилоттық жобаны «Ұлттық салауатты тамақтану орталығы» республикалық қоғамдық бірлестігімен бірлесіп жүзеге асырады.<blockquote>«Бүгінгі таңда зерттеу жүргізу үшін №135, №153, №201 үш мектеп таңдалды. Сонымен қатар, аталған мектеп оқушыларының ата-аналарынан рұқсат алынды. Мектептерде антропотологиялық зерттеу өткізілді. Оқушыларымен сауалнама жүргізілді, асхана қызметкерлері оқытылып, тексеріліп, салауатты тамақтануды насихаттайтын іс-шаралар ұйымдастырылды. Айта кетейік, бұл – әзірге тек пилоттық жоба», - деп хабарлады қалалық білім басқармасынан.</blockquote>Зерттеу жұмыстары 2024 жылдың мамырына дейін жалғасады.Бүгінде Алматыдағы мемлекеттік білім беру мекемелерінде 134 мыңнан астам бастауыш сынып оқушысы тегін тамақпен қамтылған.&nbsp;Фото: Нұрболат Нұржаубай

 Мектептің ас мәзіріне ұлттық тағамдар енгізілуі мүмкін

<a href="https://kyzylorda-news.kz/">Kyzylorda-news.kz.</a>&nbsp; Сот үкімі бойынша Ш. алдын ала сөз байласу арқылы пайдакүнемдік ниетпен кісі өлтіруге дайындықты ұйымдастырғаны үшін 10 жылға, ал Н. көмек көрсеткені үшін 7 жыл 6 айға бас бостандығынан айырылды. Астанада әйелінің туысын өлтіруді жоспарлаған ер адамға қатысты іс қаралды, – деп хабарлайды<a href="https://aikyn.kz/261058/astanada-er-adam-k-ayyn--pkesin-10-million-ten-gege-oltiruge-tapsyrys-bergen"> Aiqyn.kz&nbsp;</a> қалалық соттың баспасөз қызметіне сілтеме жасап.Сот үкімі бойынша Ш. алдын ала сөз байласу арқылы пайдакүнемдік ниетпен кісі өлтіруге дайындықты ұйымдастырғаны үшін 10 жылға, ал Н. көмек көрсеткені үшін 7 жыл 6 айға бас бостандығынан айырылды."Сот Ш. Н.-ға жұбайының әпкесін 10 миллион теңгеге өлтіруге тапсырыс бергенін анықтады. Себебі ол өзіне сақтау үшін қалдырылған ақшаны жұмсап қойған. Ал Н. өзінің танысы В.-ға кісі өлтіруді ұсынды. Алайда В. бұл туралы полицияға хабарлады. Полиция тапсырыс беруші мен кісі өлтірушіні ұстау мақсатында жәбірленушінің өлімін имитациялап, сотталғандарды ұстады", – деп жазылған сот мәліметінде.Қорғаушы тарап апелляциялық шағымдарында үкіммен келіспей, Ш. мен Н. жәбірленушіні өлтіруге емес, оның ақша туралы біраз уақытқа ұмытуын көздеп, тек ұрып-соғуға тапсырыс бергенін айтты. Сот алқасы сотталғандардың кінәсі куәгердің айғақтарымен, әңгімелесу стенограммасымен, тәркіленген заттай дәлелдемелермен толық дәлелденді деген қорытындыға келді.Соттың 25 желтоқсандағы қаулысымен үкім өзгеріссіз қалдырылды және заңды күшіне енді.Фото: Нұрболат Нұржаубай

Ер адам қайын әпкесін 10 миллион теңгеге өлтіруге тапсырыс берген

<a href="https://kyzylorda-news.kz/">Kyzylorda-news.kz.</a> МӘМС жүйесінде сақтандырылмаған пациенттерге қандай медициналық қызметтер қолжетімді, қате төленген жарналарды қалай қайтаруға болады, жұмыс істемейтін жүкті әйел уақытша сақтандыру мәртебесін қалай алады? Оқырмандардың осы және басқа да сұрақтарына Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.МӘМС жұйесіне аударған жарналарымды қайтара аламын ба?Иә, қайтара аласыз. Тек келесідей жағдайларда ғана. Егер жарнаны төлеу кезінде қате жіберіліп, сіздің жасаған төлеміңіз жүйеде көрінбесе жарна қайтарылады. Сондай-ақ егер сіз жеңілдікке ие азаматтар санатында болсаңыз, жарнаны қайтарып алуға болады. Өйткені, мұндай санаттағы адамдарға жарнаны мемлекет төлейді. Басқа жағдайларда төлем қайтарылмауы мүмкін. МӘМС-ке төленетін жарналар мен аударымдар түсетін «Азаматтарға арналған үкімет» мемлекеттік корпорациясы мынадай себептер бойынша ақшаны қайтарудан бас тарта алады: өтініште қаржыны қайтаруға қисынсыз себеп жазылған кезде; өтінішке қоса берілген құжаттар толық болмаған жағдайда; ақшаны қайтаруға негіз жоқ болса; төлемді қайтару уақытша тоқтатылған немесе жойылған жеке кәсіпкерлерге ресімделеді, ал ақпараттық жүйелерден әлгі жеке кәсіпкердің жұмыс істеп тұрғандығы туралы деректер келеді: егер қайтаруды ҚР аумағына уақытша келген шетел азаматы рәсімдесе (немесе шетел азаматының отбасы мүшесі). Мұндай жағдайда жарна қайтарылмайды.Мен медсақтандырусыз жүктілік есебіне тұра аламын ба?МӘМС пакетіндегі медициналық қызметтер көрсеткіштер бойынша және емдеуші дәрігердің жолдамасы бойынша «сақтандырылған» мәртебесінде тегін көрсетіледі. Егер жүкті әйел жеке кәсіпкер болса, онда ол өзі үшін 5 950 теңге мөлшерінде белгіленген жарнаны төлейді. Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; МӘМС туралы Заңның 26-бабының 3-тармағына сәйкес сақтандыру жеңілдікті мәртебе ЖҰМЫС ІСТЕМЕЙТІН жүкті әйелге жеңілдікті мәртебе беріледі, ол үшін қатарынан 2 айдан астам әлеуметтік және зейнетақы аударымдары жүргізілмеген болу қажет.&nbsp; МӘМС жүйесінде «сақтандыру» мәртебесі жоқ жүкті әйелдер «Qoldau 24/7» мобильді қосымшасы арқылы уақытша мәртебеге ие бола алады. МӘМС жүйесінде уақытша мәртебе беру үшін ЖСН және жүктілік мерзімі туралы ақпаратты көрсете отырып, 027/е нысаны бойынша анықтаманы қосымшаға бекіту қажет. Сонымен қатар, анықтамада медициналық мекеменің мөрі және берілген күні болуы керек. Сақтандырудың уақытша мәртебесін алғаннан кейін бір ай ішінде МӘМС жүйесінде өзінің тұрақты мәртебесін өзектендіру қажет.Қант диабеті бойынша есепте тұрмын. 6 ай бойы медициналық сақтандыруды төлеген жоқпын. Қандай медициналық қызметтер қол жетімді?Егер сіз созылмалы аурумен «Д» есебінде болсаңыз, онда медициналық көмек сақтандыру жүйесіндегі мәртебесіне қарамастан тегін медициналық көмектің кепілдік берілген көлемі (ТМККК) шеңберінде тегін көрсетіледі. Созылмалы аурумен динамикалық бақылау шеңберінде жергілікті дәрігерден жолдамасыз бейінді маманға жүгіну көзделген. Осылайша, динамикалық бақылауда тұрған пациенттерге (диспансерлік есепке алу) медициналық көмек ТМККК есебінен тегін көрсетіледі, яғни МӘМС жүйесіндегі сақтандыру мәртебесі диагноз қойылған және динамикалық бақылауға алынған сәттен бастап талап етілмейді. МӘМС пакетіне кіретін диагностикалық зерттеулерді алу үшін МӘМС жүйесінде сақтандыру мәртебеңіз болуы қажет. "МӘМС туралы" Заңға сәйкес МӘМС жүйесіндегі сақтандыру мәртебесі мен медициналық көмекке құқықтардың Қорға аударымдар және (немесе) жарналар төлеу жүзеге асырылған тұлғалары болады. Бұдан басқа, "МӘМС туралы" заңда мемлекет МӘМС жарналарын төлейтін азаматтардың 15 жеңілдетілген санаты көзделген. Осылайша, егер Сіз жоғарыда аталған жеңілдікті санаттардың біріне жатсаңыз, онда МӘМС жарналарын төлеуден босатыласыз.Егер сізде қосымша сұрақтар &nbsp;немесе медициналық көмекке қатысты мәселелер туындаған жағдайда, сіз өзіңіздің клиникаңыздағы «Пациенттерді қолдау қызметіне» жүгіне аласыз. Егер жағдайды жергілікті жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы келесі &nbsp;байланыс арналары бойынша өтініш жібере аласыз:&nbsp; • Qoldau 24/7 мобильді қосымшасы&nbsp; • &nbsp;fms.kz ресми сайты • Telegram-дағы @SaqtandyrýBot&nbsp; • 1414 байланыс орталығы.Фото: Нұрболат Нұржаубай

Диспансерлік есепте тұрған сақтандырылмаған пациенттерге қандай медициналық қызметтер қолжетімді?

Фото: primeminister.kz<a href="https://kyzylorda-news.kz/">Kyzylorda-news.kz.</a>&nbsp; Қаржы вице-министрі Ержан Біржанов журналистерге қандай мүлкі бар екенін жария етті. Бұл туралы<a href="https://stan.kz/ush-bolmeli-pater-men-bmw-2017-karzhi-vice-ministri-men-393558/"> Stan.kz</a> ақпарат агенттігі хабарлайды.&nbsp;Шенеуніктің айтуынша, оның үш бөлмелі пәтері мен көлігі бар.<blockquote>"Сыбайлас жемқорлыққа қарсы күрес заңының 11-бабы бойынша, саяси мемлекеттік қызметшілер 2025 жылдың 1 қаңтарынан бастап табыс декларациясын жариялау керек. Өзім туралы айтсам, негізгі декларацияда жеке меншігімдегі үш бөлмелі пәтерді, автокөлікті көрсеттім. Көлігім аса қымбат емес. 2017 жылғы BMW көлігі. Үстімдегі костюм – &nbsp;қазақстандық өнім. Тіпті лейблін көрсете аламын. Аяқ киімім де қазақстандық. Пәтерімнің ауданы – 74,5 шаршы метр. Оның нарықтық құнын қазір білмеймін. Мен декларацияда оның нөмірін, мекенжайын ғана көрсеттім. Оны салықты есептейтін уәкілетті орган бағалайды. Бұл салықты жыл сайын төлеп тұрамын", - деді Біржанов.</blockquote>Айта кетейік, бұған дейін Ержан Біржанов карта арқылы жасалатын төлемдерді қабылдаудан бас тартқан сатушылар қалай жазаланатынын айтты.&nbsp;

"Көлігім аса қымбат емес": Қаржы вице-министрі меншігінде қандай мүлкі декларацияланғанын айтты

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың қатысуымен Қызылорда қаласына қарасты Тасбөгет кентінде 53 отбасына тұрғын үй кілтін табыстау рәсімі өтті. Іс-шараға ҚР Парламенті Мәжілісінің депутаттары Жигули Дайрабаев, Мұрат Әбенов, Мархабат Жайымбетов, Мұрат Ергешбаев та қатысты.<blockquote>«Халықты баспанамен қамту - мемлекеттің әлеуметтік саясатының басым бағыты. Жыл сайын аймақта пайдалануға берілген тұрғын үй саны артуда. Өткен жылы 4 108 пәтерлік 300 тұрғын үй салынды. Осылайша 2400-ге жуық пәтер табысталып, 11 мың тұрғынның баспана мәселесі шешілді. Биыл мемлекеттік бюджеттен 14,3 млрд. теңгеге 1890 пәтерлік 70 тұрғын үй құрылысы жүргізіледі. Оның 16-сы жеті қабатты болады. Мемлекет басшысы «Халықтың басым көпшілігі үшін тұрғын үй – ең өзекті мәселе. Мемлекет шын мұқтаж адамдарға ғана жәрдем береді», – деп атап өткен еді. Былтыр аймағымыздың барлық ауданында 450-ге жуық отбасы баспана қуанышына кенелді. Бүгін Тасбөгет кентінде 53 отбасы қоныс тойын тойлайды. Бұл - тұрғындардың әл-ауқатын арттыруға бағытталған мемлекеттік қолдаудың нақты көрінісі», – деді Нұрлыбек Машбекұлы.</blockquote>Рәсімде ҚР Парламенті Мәжілісінің депутаттары Жигули Дайрабаев пен Мархабат Жайымбетов баспана кілтін алған тұрғындарды құттықтады. Қоныстой иелерінің атынан мектеп мұғалімі Мереке Тауманова қуанышын жеткізіп, аймақ басшысына алғыс білдірді.Іс-шарада өңірдің әлеуметтік-экономикалық дамуына үлес қосқан кент тұрғындары мен құрылысты сапалы салуға атсалысқан мердігер мекеме қызметкерлері марапатталды.<img src="https://knadmin.beoblood.kz/uploads/417403900_672866828367898_4464671184890110838_n_b8b5df56ff.jpg" alt="417403900_672866828367898_4464671184890110838_n.jpg"><img src="https://knadmin.beoblood.kz/uploads/417368240_672866525034595_723247196055241335_n_f0b490a3f1.jpg" alt="417368240_672866525034595_723247196055241335_n.jpg"><img src="https://knadmin.beoblood.kz/uploads/417498509_672866568367924_1525581804633643548_n_cde4859e9c.jpg" alt="417498509_672866568367924_1525581804633643548_n.jpg"><img src="https://knadmin.beoblood.kz/uploads/417453309_672867018367879_8583187177646219783_n_95d98624dd.jpg" alt="417453309_672867018367879_8583187177646219783_n.jpg"><img src="https://knadmin.beoblood.kz/uploads/417431743_672866328367948_2258079394704287896_n_edb17d3b24.jpg" alt="417431743_672866328367948_2258079394704287896_n.jpg"><img src="https://knadmin.beoblood.kz/uploads/417373384_672866785034569_5811491693827286199_n_b70a223322.jpg" alt="417373384_672866785034569_5811491693827286199_n.jpg"><img src="https://knadmin.beoblood.kz/uploads/417396839_672866688367912_5775748133149055373_n_f4755f26a0.jpg" alt="417396839_672866688367912_5775748133149055373_n.jpg">

Тасбөгет кентінде 53 отбасына тұрғын үй кілті табысталды

Фото: Полиция<a href="https://kyzylorda-news.kz/">Kyzylorda-news.kz.</a> Полицейлер Қызылорда облысының тұрғынын әлеуметтік желілерде жеке сипаттағы мәліметтерді жариялаймын деп қорқытқан бопсалаушылар тобын ұстады, - деп хабарлайды <a href="https://nege.kz/news/kizilorda-oblisinda-bopsalau-kilmisina-katisi-bar-kudktler-ustaldi-6b6823">nege.kz.</a>Күдіктілер деректерді жария етпеу үшін жәбірленушіден 7 млн теңге талап еткен.Осы факті бойынша Қызылорда облысының ұйымдасқан қылмысқа қарсы күрес басқармасының қызметкерлері жедел-іздестіру іс-шараларын жүргізіп, нәтижесінде тәуліктік кезекшілік кезінде күдікті ретінде 34, 32, 22 жастағы облыс тұрғындары ұсталды.Айғақты зат ретінде олардан ақша, сигналдық тапанша және жалған қызметтік куәлік алынды.Қазіргі таңда жәбірленушінің намысына тиетін ақпаратты таратамын деп қорқытып, алдын ала сөз байласу арқылы бір топ адам жасаған бопсалау фактісі бойынша сотқа дейінгі тергеу амалдары басталды.&nbsp;

Қазақстан және Қызылорда облысының жаңалықтары