<a href="https://kyzylorda-news.kz/">Kyzylorda-news.kz.</a> Биылғы оқу жылында бірінші сыныпқа баруға өтініш білдіргендердің саны 180 мыңнан асты. Бұл туралы Білім және ғылым министрлігінің әлеуметтік желідегі парақшасында <a href="https://www.facebook.com/bilimjanegylym">жарияланды</a>.
<blockquote>
 «Біз азаматтарға көрсетілетін барлық қызметті автоматтандыруға баса назар аударамыз. ҰБТ, барлық деңгейдегі олимпиада электронды форматқа көшірілді. Мұның көптеген артықшылығы бар, ең бастысы – барлық процестің ашықтығы. Біз ашықтықты және азаматтарға қолайлы жағдай жасауды қолдаймыз. Құжаттарды қабылдаудың бірінші күнінің өзінде egov.kz порталы арқылы 10 мыңнан астам электронды өтініш келіп түсті. Мұндай сандар ҚР БҒМ-нің цифрлық мемлекеттік қызметтері азаматтар арасында танымал екендігін көрсетеді», – дейді Білім және ғылым вице-министрі Айбат Ілиясов.
</blockquote>
Айта кетейік, 1-сыныпқа балаларды қабылдау ата-анасының немесе білім алушының заңды өкілінің жеке өтініші негізінде қабылданады. Сондай-ақ мынадай құжаттар қажет: баланың туу туралы куәлігінің көшірмесі; 026/у-3 нысанындағы денсаулық жағдайы туралы құжат; 065/у нысанындағы денсаулық жағдайы туралы құжат және оқушының өлшемі 3х4 болатын екі фотосуреті (оқуға қабылдаудың Үлгілік қағидаларында ҚР БҒМ 2018 жылғы 12 қазандағы №564 бұйрығына сәйкес балаларды мектепке қабылдау тәртібі айқындалған).
Еске сала кетейік, азаматтарға ыңғайлы болуы үшін балаларды мектепке қабылдау қызметі автоматтандырылған. Бұл жұмыс egov.kz веб-порталы арқылы жүзеге асырылады. Балаларды 1-сыныпқа қабылдау үшін құжаттарды 1 сәуірде бастап, 1 тамызға дейін тапсыруға болады.

Бірінші сыныпқа баруға 180 мыңнан астам өтініш түсті

<a href="https://kyzylorda-news.kz/">Kyzylorda-news.kz.</a> Қазақстан мен Ресейдің Ішкі істер министрліктері пошта арқылы тасымалданған ірі есірткі арнасын жойды.
Тәртіп сақшылары 260 келі есірткіні тәркіледі. Бұл массадағы заңсыз өнімнің жалпы құны 9,5 млн. долларды құрайды.
Өткен жылдың қазан айынан биылғы жылдың сәуір айы аралығына дейін жалғасқан арнайы операция нәтижесінде Алматы, Алтай, Ақтөбе, Атырау, Тараз және Қызылорда қалаларында синтетикалық есірткі өндірумен және таратумен айналысқан 13 қазақстандық азамат ұсталды.
Ал Ресейде қолға түскен Омбы қаласының тұрғыны «синтетиканы» дайындап, пошта арқылы Орталық Азия елдеріне, оның ішінде Қазақстанға жіберіп келген.
Д.МАХАНОВА
<img src="https://kyzylorda-news.kz/wp-content/uploads/2022/05/nasha.jpg" alt="" />

Полицейлер 260 келі есірткіні тәркіледі

<a href="https://kyzylorda-news.kz/">Kyzylorda-news.kz.</a> Қазалы ауданы Жанкент ауылының тумасы Нұрзат Қару республикалық айтыста бас жүлдеге ие болды.
Қазалылық айтыскер-ақын Жамбыл облысының Жаңатас қаласында Қазақстанның Еңбек Ері, Халық әртісі Асанәлі Әшімовтың 85 жылдығына орай өткен республикалық айтыста бас жүлдені жеңіп алды.
Аламан айтыста тағы бір қызылордалық ақын Нұрмат Мансұр 1 орынға ие болды

Қазалылық Нұрзат Қару республикалық айтыста бас жүлдеге ие болды

<a href="https://kyzylorda-news.kz/">Kyzylorda-news.kz.</a> Қызылорда қаласының орталық алаңында белгісіз біреу 1 мамыр – Қазақстан халқының бірлігі күні мерекесіне орай қойылған Жер шары тәрізді мүлікті сындырды.

Қызылорданың орталық алаңында шу шығарған кім? (ВИДЕО)

<a href="https://kyzylorda-news.kz/">Kyzylorda-news.kz.</a> Биыл Қазалы ауданына қарасты Бекарыстан би ауылынан Жаңақұрылыс елді мекеніне баратын ұзындығы 12,3 шақырым жолға жөндеу жұмыстары басталды.
Бірінші кезекте аудандық бюджеттен бөлінген қаржыға жол бойындағы маңызды нысандардың бірі темір көпірге жөндеу жұмыстары жүргізілген болатын.
Қазіргі таңда мердігер мекеме «Нұрас и К» ЖШС жолды асфальттау жұмыстарын бастап кетті. 
Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап құрылыс басына арнайы барып, серіктестік басшыларымен кездесті.
Кездесуде Мұхтар Әуесұлы мердігер мекеме «Нұрас и К» ЖШС директоры Нүркен Ботабаев пен аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтановқа жол құрылысын сапалы жүргізіп, белгіленген мерзімде аяқтауды тапсырды.
Айта кетейік, екі елді мекен арасындағы бұл жолдың қос аудан тұрғындары үшін маңызы жоғары. Күн сайын осы жол арқылы көршілес Арал ауданының мыңдаған жолаушылары жүріп өтеді.
<img src="https://kyzylorda-news.kz/wp-content/uploads/2022/05/3fde87342-e065-4736-93e4-3478bba4282b.jpg" alt="" />

Қазалы: Екі ауылдың арасындағы жол жөнделуде

<a href="https://kyzylorda-news.kz/">Kyzylorda-news.kz.</a> Ербол Назарбаев Сыбайлас жемқорлыққа қарсы қызмет арнайы департаменті басшысының орынбасары қызметінен босатылды.
Бұған дейін әлеуметтік желіде терезесі қараңғыланған көлікті полицейлер тоқтатқаны туралы видео жарияланған болатын. Бұқаралық ақпарат құралдары ол Болат Назарбаевтың ұлы Ербол Назарбаевқа тиесілі екенін жазды.
Сыбайлас жемқорлыққа қарсы қызмет оқиғаға түсініктеме беріп, Ербол Назарбаевтың жұмыстан шығарылғанын мәлімдеді.
<blockquote>
 «2022 жылғы 26 қаңтарда агенттік төрағасының бұйрығымен Е.Назарбаев агенттіктің арнайы департаменті басшысының орынбасары қызметінен босатылды», – делінген хабарламада.
</blockquote>
Ал 14 сәуірде ол Сыбайлас жемқорлыққа қарсы қызмет органдарынан біржола шығарылған.
<a href="https://sputnik.kz/20220503/erbol-nazarbaev-qyzmetinen-bosatyldy-24598973.html">Sputnik.kz</a>

Назарбаевтың ұлы қызметінен босатылды

<a href="https://kyzylorda-news.kz/">Kyzylorda-news.kz.</a> 3 мамырда атмосфералық фронталды бөліктердің өтуіне байланысты республиканың басым бөлігінде күн күркіреп, жаңбыр жауады, деп хабарлайды Қазгидромет.
Елдің таулы аудандарында, оңтүстік-шығысында қатты жаңбыр жауады. Республика бойынша найзағай ойнап, жел күшейеді, елдің оңтүстігінде, оңтүстік-шығысында бұршақ жауады.
Қызылорда облысының орталығында найзағай ойнайды, солтүстікте, оңтүстікте, шығыста жел 15-20 м/с-қа дейін күшейеді.

3 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Шиелі ауданында Дәуіржан Ысқақов бастаған №6 кен басқармасының еңбек ұжымы 1- мамыр Қазақстан халқының бірлігі күніне орай «Жақсылық жасауға асық» атты ерекше балаларды қолдау жәрмеңкесін өткізді.
Мекеме қызметкерлері өздері дайындаған бұйымдарын сатылымға шығарып одан түскен қаражатты арнайы қорға өткізді. Одан бөлек арнайы дайындалған жәшікке қосымша ақша салынды.
Жәрмеңке жұмысына «ГРЭ-23», «ТТК –Шиелі», «СЦ-КАМ лабораториясы» мекемелері де белсене қатысты.
Қорға жиналған жарты миллион теңгеден аса қаражатқа «Мейірім» облыстық балалар оңалту орталығына әр түрлі емдеу құрылғылары алынады.
«РУ-6» жауапкершілігі шектелген серіктестігінің бас директорының қаржы мен экономика жөніндегі орынбасары Олжас Жұмабайұлының айтуынша, осындай қайырымдылық шаралары алдағы уақытта да өткізіліп тұрады.
<img src="https://kyzylorda-news.kz/wp-content/uploads/2022/05/zharmenke-foto-3.jpg" alt="" />
<img src="https://kyzylorda-news.kz/wp-content/uploads/2022/05/zharmenke-foto-4.jpg" alt="" />
<img src="https://kyzylorda-news.kz/wp-content/uploads/2022/05/zharmenke-foto-1.jpg" alt="" />
Мақсұт Ибрашев

Жақсылық жасауға асық

Kyzylorda-news.kz. Алда-жалда алаяқтардың құрығына түсіп, банкке қарыз болып қалсаңыз, не істеу керек?
Кредиттен құтылу жолдары
Қаржы нарығын реттеу және дамыту агенттігінің ақпаратынша, сіздің атыңыздан заңсыз несие алғанын анықтауға кредит тарихы көмектеседі. Сондықтан алаяқтардан сақтану үшін несие тарихын ара-тұра тексеріп тұрған абзал. Кредиттік бюроның базасында әр банк пен кредиттік ұйымның қарыз алушылары туралы мәлімет бар.
Егер адам алаяқтардың кесірінен банкке берешек болып қалса, ең алдымен, несиені берген кредиттік ұйымның атауын білуі қажет. Сондай-ақ құқық қорғау органдарына арызданған жөн. Адамның жазуын танып айыратын сараптама тағайындалады. Ол кредит туралы келісімшартқа несие алушы қол қоймағанын дәлелдейді.
Алаяқтар қай банктен несие рәсімдегенін анықтаған соң, сол банкке қолда бар ақпаратты көрсетіп, арыз жазу керек. Төлем картасы немесе жеке куәлікті жоғалтып алған жағдайда, соны растайтын анықтаманы қоса ұсыну қажет. Банктен міндетті түрде қызметтік тексеріс жүргізуді талап етіңіз. Банк қызметкерлері сіздің арызыңызды тіркеп, сізде қалатын арыз көшірмесіне оны қабылдаған күнмен бірге тіркеу нөмірін қоюға міндетті.
Бұдан бөлек, банк сізге несие туралы келісімшарт көшірмесін, оның қосымшалары мен жеке басты анықтайтын құжаттарды, сонымен қатар ақша аударылған шоттың реквизиттерін беруге тиіс. Алаяққа кредит беріп, оны рәсімдеген қызметкердің мәліметтерін де нақтылаған абзал. Егер банк сізге осы құжаттарды ұсынудан бас тартса, сіз Қаржы нарығын реттеу және дамыту агенттігіне шағымдана аласыз.
Ал егер несие кредитоматта (қарыз беретін автоматтандырылған жүйе) рәсімделсе, несие алған адамды терминалға орнатылған бейнекамера арқылы табуға болады.
Егер бұл онлайн қарыз болса, полиция қаскөйлерді IP көмегімен анықтайды.
Егер кредиттік ұйым ақшаны сіздің жеке куәлігіңізбен алаяқтар алғанын дәлелдей алмаса, келісімді жарамсыз деп тану туралы сотқа талап-арыз беру қажет. Сот сіздің пайдаңызға шешім шығарса, банк сізден несиені төлеуді талап етуді тоқтатып, берешекті есептен шығаруға және кредиттік бюроға сіздің несие тарихыңыздан бөтен біреудің қарызы туралы ақпаратты алып тастау туралы хат жолдауға тиіс.
Несие тарихын қайдан алуға болады?
Жеке несие тарихын Мемлекеттік кредиттік бюродан немесе Бірінші кредиттік бюродан, сондай-ақ электронды үкімет сайтынан онлайн алуға болады.
Кредиттік бюро несие тарихын жылына бір рет тегін береді. Одан кейін бұл қызмет үшін ақы төлейсіз. Соңғы кездері қаржы алаяқтарының көбейіп кеткенін ескерсек, кредит тарихын үнемі тексеріп тұрған дұрыс.
Банк кредит берерде, кредиттік бюродан сіздің несие тарихыңызды сұрату үшін сізден жазбаша рұқсат сұрауға тиіс. Әр банк несие беру-бермеу туралы шешімді өзі қабылдайды. Кредиттік бюроның бұған еш қатысы жоқ.
Кредиттік бюро азаматтың несие тарихын кемінде он жыл сақтайды. Жеке несие есебіндегі ақпарат құпия мәлімет саналады. Сол себепті оны үшінші тұлғаларға жария етуге болмайды.
Қаржы алаяқтарынан қалай қорғануға болады
-жеке мәліметтерді, соның ішінде жеке куәлік көшірмесін ешқашан бейтаныс адамдарға жібермеңіз;
-әлеуметтік желіге төлем картасының реквизиттерін жарияламаңыз;
-телефон қоңырауына көбіне “иә” деп жауап берсеңіз, бұл әдеттен арылыңыз. Өйткені алаяқтар сіздің даусыңызды жазып алып, сіздің атыңыздан кредит алуы мүмкін;
-құпия ақпарат сұратып, тіркелуді талап ететін сайттың адресінде HTTPS:// префиксінің бар екеніне көз жеткізіңіз;
-егер ұйым сайты немесе парақшасы фейк екеніне күмәндансаңыз, сол ұйымға хабарласып, ақпаратты нақтылаңыз;
-өздерін қаржы ұйымының қызметкері деп таныстыратын бөтен адамдарға сенбеңіз, жеке мәліметтеріңізді айтпаңыз. Ең дұрысы, телефонды қоя салып, әңгімені аяқтау;
-қол қоятын барлық құжатты мұқият оқып шығыңыз, онда көрсетілген деректердің дұрыстығын тексеріңіз.
<a href="https://sputnik.kz/20220424/alayaqtar-kredit-ne-isteu-kerek-24419432.html">Sputnik Қазақстан</a>

Алаяқтар сіздің атыңыздан кредит алса, не істеу керек?

Kyzylorda-news.kz. Парламент мәжілісі біреудің атынан бірнеше банктен заңсыз кредит алатын алаяқтарға тосқауыл қоятын заң жобасын екінші оқылымда мақұлдады, деп хабарлайды Sputnik Қазақстан.
Қазақстанда интернет-алаяқтыққа байланысты тәуекелдерді төмендету және қарыз алушылардың борыштық жүктемесін бақылау мақсатында кредиттік бюроларға ақпарат ұсыну мерзімін 15 жұмыс күнінен 1 жұмыс күніне дейін қысқартуды көздеп отыр.
Мұндай норма сақтандыру нарығы мен бағалы қағаздар нарығын реттеу және дамыту мәселелері туралы заң жобасында қарастырылған.
Депутат Дания Еспаевның айтуынша, бүгінде елімізде кредит алу саласында алаяқтық фактілері жиілеп кетті. Өйткені қолданыстағы заңға сәйкес, банктер мен микроқаржы ұйымдары кредиттер туралы ақпаратты бірыңғай кредиттік бюроға 15 күн ішінде береді. Ал депутаттардың түзетуінен кейін берілген кредиттер туралы мәлімет бір күн ішінде тіркеледі.
<blockquote>
 “Бұрын бір күнде бес-алты банктен кредит алып келген азаматтар енді олай істей алмайды. Себебі Бірінші кредиттік бюродан қарыз алушының бір банктен несие алғаны көрініп тұрады. Әлгі адамның борыш жүктемесі есептеледі. Банк кредиттік бюро базасынан оның басқа банктен несие алып қойғанын көріп, ай сайынғы табысы оны төлеуге жетпесе, кредитті мақұлдамайды”, – деп түсіндірді Еспаева мәжіліс кулуарында.
</blockquote>
Депутаттар сақтандыру нарығы мен бағалы қағаздар нарығын реттеу және дамыту мәселелері туралы заң жобасын екінші оқылымда мақұлдады.

Алаяқтар енді бір күнде бірнеше банктен кредит ала алмайды – заң жобасы мақұлданды

Kyzylorda-news.kz. Қазақстанда кепілсіз кредит бойынша мөлшерлемені бірнеше есе қысқарту ұсынылды. Қазақстанның қаржы нарығын реттеу және дамыту агенттігі сәйкес қаулы жобасын жариялады.
<blockquote>
 “Шағын кредит ұсыну бойынша жеке тұлғамен арада жасалған келісімшарт бойынша мына көлемде сыйақының шекті мөлшерін орнату ұысынылады: берілетін шағын кредит сомасын толық жабатын мүлік кепілімен қамтамасыз етілген берілетін шағын кредит сомасының 20%-і көлемінде; мүлік кепілімен қамтамасыз етілмеген кредит бойынша берілген шағын кредит сомасының 5,5%-і көлемінде”, – деп жазылған құжатта.
</blockquote>
Қазіргі уақытта жеке тұлғамен жасалған шағын кредит ұсыну туралы келісімшарт және қамтамасыз етілмеген мүлік кепілі бойынша сыйақының шекті мәні берілген микрокредит көлемінің 25%-ін құрайды.

Қазақстанда кепілсіз несие бойынша пайыздық мөлшерлемені азайту ұсынылды

Kyzylorda-news.kz. Желіде қазақстандықтардың өміріне құпия тыңшылық жасалған. Еліміз жиі бақыланатын тұтынушылар арасында үшінші орынға тұрақтады. Ал алғашқы орындар Ресей мен Украинаға тиесілі, деп хабарлайды Stan.kz.
ІТ-тыңшылар қазақстандықтардың жеке суреттері мен видеолары, браузер тарихына, желідегі чаттар мен орналасқан орыны туралы да ақпараттарға қол жеткізе алады. Бұған түрлі сталкерлік бағдарламалар көмектеседі екен. Әйтсе де желі қолданушысы өзін бақылап отырғаны туралы мүлде хабарсыз болады.
“Көп жағдайда құрылғыға арнайы бағдарламаны орнату арқылы жүзеге асырады. Мысалы, досы, сүйіктісі, әріптесі болсын, 5-10 минутта құрылғысына сталкерлік бағдарламаны орнатып, қажетті деректерге қол жеткізеді”, – дейді “Касперский зертханасының” киберқауіпсіздік бойынша сарапшысы Виктор Чебышев.
Көп жағдайда бақылауды маркетологтар жүргізеді екен. Олар желі тұтынушыларының браузерде іздеген ақпаратарын білу арқылы өз өнімдерін таратады. Сарапшылар мұның заңды екенін де алға тартты. Көп жағдайда желі қолданушылары жүктеп алынған бағдарлама арқылы өздері ашық бақылауға рұқсат беріп жатады. Алайда мұның да өз қатерлері бар.
“Мысалы, “Калькулятор” бағдарламасы бар делік. Қажетті бағдарлама, бірақ ол сіздің хабарламаларыңыз, қоңыраулар туралы мәлімет алуды сұрайды. Ал екінші бағдарлама қажетті деректерден көбірек мәліметтер сұрауы мүмкін. Яғни мұнда бір шикілік бар”, – деп қосты киберқауіпсіздік бойынша тәуелсіз сарапшы Евгений Питолин.
ІТ-тыңшылықтың құрбаны болмау үшін сарапшылар жүктелген бағдарламаның қандай мәліметтерге рұқсат алғанын тексеру керек дейді. Сонымен қатар әлеуметтік желіде тек сенімді құпия сөз қолданған жөн.

Қазақстан және Қызылорда облысының жаңалықтары

Бірінші сыныпқа баруға 180 мыңнан астам өтініш түсті

Полицейлер 260 келі есірткіні тәркіледі

Қазалылық Нұрзат Қару республикалық айтыста бас жүлдеге ие болды

Қызылорданың орталық алаңында шу шығарған кім? (ВИДЕО)

Қазалы: Екі ауылдың арасындағы жол жөнделуде

Назарбаевтың ұлы қызметінен босатылды

3 мамырға арналған ауа райы болжамы

Жақсылық жасауға асық

Алаяқтар сіздің атыңыздан кредит алса, не істеу керек?

Алаяқтар енді бір күнде бірнеше банктен кредит ала алмайды – заң жобасы мақұлданды

Қазақстанда кепілсіз несие бойынша пайыздық мөлшерлемені азайту ұсынылды

“Адам мұны байқамайды да”: Желіде қазақстандықтарға жиі тыңшылық жасалатыны анықталды

Қазақстан және Қызылорда облысының жаңалықтары

Бірінші сыныпқа баруға 180 мыңнан астам өтініш түсті

Полицейлер 260 келі есірткіні тәркіледі

Қазалылық Нұрзат Қару республикалық айтыста бас жүлдеге ие болды

Қызылорданың орталық алаңында шу шығарған кім? (ВИДЕО)

Қазалы: Екі ауылдың арасындағы жол жөнделуде

Назарбаевтың ұлы қызметінен босатылды

3 мамырға арналған ауа райы болжамы

Жақсылық жасауға асық

Алаяқтар сіздің атыңыздан кредит алса, не істеу керек?

Алаяқтар енді бір күнде бірнеше банктен кредит ала алмайды – заң жобасы мақұлданды

Қазақстанда кепілсіз несие бойынша пайыздық мөлшерлемені азайту ұсынылды

&#8220;Адам мұны байқамайды да&#8221;: Желіде қазақстандықтарға жиі тыңшылық жасалатыны анықталды

“Адам мұны байқамайды да”: Желіде қазақстандықтарға жиі тыңшылық жасалатыны анықталды