Kyzylorda-news.kz. Биыл Қармақшы ауданында жалпы көлемі – 24 326 гектар жерге ауыл шаруашылығы дақылдары егілді. Ал егілген күріш көлемі – 12 773 гектарды құрап отыр. Сондай-ақ, ауданда 15 шілдеден бастап бидайға орақ түсіп, одан 386,4 тонна өнім алынды.
Сонымен қатар ауданда мал шаруашылығы саласында да өсім байқалады. Дәлірек айтқанда, төрт түлік бойынша өсім орташа 6,8 пайызды құрап отыр.
<blockquote>
 Биылғы жылы 4 мың гектар жоңышқа орылып, оның әр гектарынан орташа 19,8 центнерден өнім өндірілді. Сонымен қатар бүгінде жоңышқаның екінші орымын ору және жинау жұмыстары жүргізіліп басталды. Ауданда су тапшылығының алдын алу мақсатында қашыртқы суды қайта пайдалану және егістік жерлерді суармалы сумен қамтамасыз ету үшін барлығы 57 дана насос қондырғысы іске қосылған. Мал шаруашылығы саласында да өсім бар. Қазіргі таңда мал басы 6,8 пайызға артты. Атап айтқанда, мүйізді ірі қара – 5,1 пайызға, жылқы – 21,6 пайызға, қой – 2,0 пайызға, ешкі – 6,8 пайызға, түйе – 8,6 пайызға, үй құстары – 9,9 пайызға көбейді. Ауданда төрт-түлік санын арттыруға байланысты арнайы жұмыстар атқарылуда, – деді аудан әкімі Әділбек Ерсұлтанов.
</blockquote>
Төрт түлігін сайлаған елдің бүгінде кәсібі алға жылжығаны байқалады. Ауылдағы елдің қолында екі мыңнан астам ірі қара, 800-ге жуық жылқы 5 мыңға тарта уақ мал болса, түйенің саны 700-ге жетіп қалды. Алақандай ауыл осылайша ауданның мал басының артуына атсалысып келеді.

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Kyzylorda-news.kz. Аймақ басшысы Нұрлыбек Нәлібаевтың төрағалығымен облыс әкімі жанындағы Сыбайлас жемқорлыққа қарсы іс-қимыл мәселелері жөніндегі комиссия отырысы өтті.
Жиынға құқық қорғау органдарының басшылары, салалық басқарма, департамент басшылары, ал қала және аудан әкімдері селекторлық режимде қатысты.
Комиссия отырысының күн тәртібінде 4 мәселе қаралды.
Құқық қорғау саласының әкілдері аталған мәселелер бойынша баяндамашыларға өз сауалдарын қойып, оны шешу жолдарын талқылады.
Алдымен облыстық құрылыс, сәулет және қала құрылысы басқармасының басшысы Ерлан Төрәлиев құрылыс саласындағы орын алған заң бұзушылықтарды жою шараларын ұйымдастыру жөнінде баяндады. 
Өңір басшысы құрылысы ұзаққа созылған нысандарды қысқа мерзімде аяқтауды, бақылау жұмыстарын күшейтуді, өз міндеттемелерін орындамаған мердігер компанияларға заң аясында қатаң шара қабылдауды тапсырып, құрылыс саласына жауапты қызметкерлердің арасында жемқорлықтың алдын алу жұмыстарын да күшейту керектігін айтты.
Күн тәртібіндегі екінші мәселе жер телімдерін беру, нысаналы пайдалану бағыттарындағы заң бұзушылықтардың алдын алу шаралары бойынша облыстық ауыл шаруашылығы және жер қатынастары басқармасының басшысы Талғат Дүйсебаев сөйледі.
Аталған мәселеде облыс әкімі жауапты сала басшыларына жер қатынастары саласында сыбайлас жемқорлықты болдырмау үшін пәрменді шаралар қабылдауды, игерілмеген жер учаскелерге түгендеу жұмыстарын жүргізіп, мемлекеттің жер қорына қайтару шараларын атқаруды тапсырды.
Аймақтың әлеуметтік-экономикалық дамуына тікелей әсер ететін жол инфрақұрылымын дамыту мәселесі де отырыста кеңінен талқыланды. Мемлекет басшысының тапсырмасына сәйкес жол құрылысы саласындағы құқық бұзушылықтардың алдын алу мен салдарын жою жұмыстарын үйлестіру бойынша облыстық жолаушылар көлігі және автомобиль жолдары басқармасының басшысы Пахуадин Шамұратов сөз алды.
Атқарылған жұмыстар мен алдағы жоспарларды тыңдаған өңір басшысы жауапты басқарма басшысына бірқатар міндеттерді жүктеді. Атап айтқанда, жол құрылысында сыбайлас жемқорлық тәуекелдерін болдырмау шараларын күшейтіп, жергілікті маңызы бар автомобиль жолдарын салу, реконструкциялау, жөндеу және күтіп-ұстау жұмыстарының сапасына аса мән беру қажеттігін қаперге салды. Мұнан бөлек, жоспарланған кестеге сәйкес және құрылысы жүріп жатқан нысандардың бекітілген жобаға, құрылыс саласындағы мемлекеттік нормативтік құжаттардың талаптарына сәйкес болуын қамтамасыз етуді тапсырды.
Комиссия отырысында қаралған тағы бір мәселе – жергілікті атқарушы орган қызметкерлерімен сыбайлас жемқорлыққа қарсы шектеулерді сақтау, жобалық басқаруды ұйымдастыруға арналды. Бұл жөнінде облыс бойынша Сыбайлас жемқорлыққа қарсы іс-қимыл департаменті басшысының бірінші орынбасары Бақытжан Ниязов толыққанды тоқталды.
Өңірдің жемқорлық тәуекелдер картасына сәйкес жол саласы, инфрақұрылым, жер қатынастары, ауыл шаруашылығы, квазимемлекеттік сектордағы мемлекеттік сатып алулар мен өзге де бизнес процестерге қатысты талдаулар жүргізіліп, сыбайлас жемқорлық тәуекелдерін туғызатын факторлар анықталған. Бақытжан Ниязов алдағы уақытта жергілікті билікпен осы қатерлердің алдын алу бойынша тиісті жұмыстардың жүзеге асырылатынын жеткізді.
Комиссия отырысы қорытындысымен өңір басшысы қала, аудан әкімдері мен салалық басқарма басшыларына сыбайлас жемқорлыққа қарсы шараларды күшейтіп, жемқорлық тәуекелдерін болдырмау жөнінде нақты тапсырмалар берді.
<img src="https://kyzylorda-news.kz/wp-content/uploads/2022/08/296599166_353238430330741_5863195355758182736_n.jpg" alt="" />
<img src="https://kyzylorda-news.kz/wp-content/uploads/2022/08/296298790_353238473664070_1267909021038414966_n.jpg" alt="" />
<img src="https://kyzylorda-news.kz/wp-content/uploads/2022/08/296780352_353238526997398_7103008450084997092_n.jpg" alt="" />

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

Kyzylorda-news.kz. Қызылордада шаңырақтың шырайын кіргізіп, отбасылық құндылықтарды дәріптеген өнегелі жанұялар марапат биігінен көрінді. “Мерейлі отбасы” ұлттық байқауына қатысқан үлгілі отбасылардың қатары тағы да толықты. Осы күнге дейін байқауға 1700-ге жуық отбасы өтінім беріп, оның 178-і қатысуға жолдама алған. Бүгін «Достық» үйінде ұлттық байқаудың облыстық жеңімпаздарын марапаттау салтанаты өтті.
Облыс әкімі Нұрлыбек Нәлібаев жеңімпаздарды құттықтап, елімізде отбасы институты әрқашан ерекше құрмет пен қолдауға ие болатынын жеткізіп, шаңырақтың түтінін түзу ұшырып, отбасына береке сыйлаған жанұяларға құрмет көрсетті.
<blockquote>
 Қазақ халқы үшін отбасы – қасиетті ұғым, қастерлі құндылық. Отбасының бірлігі – отанның беріктігі, ағайынның татулығы – атамекеннің тұтастығы, ұлттық тәрбиенің, адамгершілік пен имандылықтың бастау бұлағы. Мемлекет басшысы Қасым-Жомарт Кемелұлы Тоқаев «Әрбір отбасын сақтау – отанымыздың берік болуының кепілі. Олардың әрқайсысына тұтастық пен татулықтың дәстүрін орнықтыруымыз керек», – деп айтқан болатын.
 2014 жылдан бастау алған «Мерейлі отбасы» ұлттық конкурсы отбасы құндылықтары мен қазақ үшін қашанда киелі саналатын бір шаңырақ астында берекелі өмір сүрудің маңыздылығын насихаттауда орны ерекше, тағылымды шара. Бұл байқауға қатысқан отбасылардың барлығы да – нағыз мерейлі жеңімпаздар, – деді аймақ басшысы Н.Нәлібаев.
</blockquote>
«Мерейлі отбасы» ұлттық конкурсының облыстық іріктеу кезеңінің қорытындысы бойынша жалағаштық Маштаевтар отбасы жүлделі ІІІ орынды, Шиелі ауданынан қатысқан Рыспембетовтер әулеті ІІ орынды иеленді. Жүлделі І орынды Қызылорда қаласының Ермановтар әулеті иемденсе, шиелілік Байжановтар отбасы бас жүлдеге лайық деп танылып, елордадағы республикалық сайысқа өңір атынан жолдама алды.
Облыс әкімі Нұрлыбек Машбекұлы жеңімпаз атанған отбасыларға бағалы сыйлықтар мен арнайы дипломдар табыстады.
Сондай-ақ, байқауға белсенді қатысып, ұлттық құндылық пен отбасы мерейін жоғарылату бағытындағы өнегесін көрсете білген отбасылар арнайы номинациялармен марапатталды. Атап айтқанда, қазалылық Сүлейменовтер әулеті «Өнерлі отбасы», қармақшылық Бердібаевтар жанұясы «Өнегелі отбасы», қармақшылық Шамшатовтар әулеті «Үлгілі отбасы», жалағаштық Бекниязовтар шаңырағы «Берекелі отбасы», аралдық Сыдықовтар әулеті «Талант тұғыры отбасы», сырдариялық Есенхожаевтар әулеті «Озат отбасы», жаңақорғандық Төлегеновтер жанұясы «Толағайлар отбасы» номинацияларымен және арнайы жүлде қорымен марапатталды.
Салтанатты жиында Қазақстанның еңбек сіңірген әртісі Күлән Қалымбетова, ҚР Мәдениет қайраткері, жырау Руслан Ахметов пен оның шәкірттері және «Реверанс» би тобы өнер көрсетіп, өнегелі отбасыларға құрмет сезімін әнмен жеткізді.
<img src="https://kyzylorda-news.kz/wp-content/uploads/2022/07/fb_img_1659121256689.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659121247126.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659121240167.jpg" alt="" />

&#8220;Мерейлі отбасы&#8221; ұлттық байқауына қатысқан үлгілі отбасылар марапатталды

Kyzylorda-news.kz. Биыл Қармақшы ауданының әлеуметтік-экономикалық дамуында оң қарқын қалыптасқан. Мәселен аудан бюджеті бірінші жартыжылдықта 102,9 пайызды құрап, барлық шығыс жоспары 100 пайызға орындалды. Ал өнеркәсіп саласының кәсіпорындары 1 млрд.659 млн теңгенің өнімін өндірді. Тиісінше, бұл көрсеткіш ауданның микроэкономика саласында өсім қалыптасқанын білдіреді.
Бүгін Өңірлік коммуникациялар қызметінде өткен баспасөз конференциясында Қармақшы ауданының әкімі Әділбек Ерсұлтанов БАҚ өкілдеріне атқарылған жұмыстарды тізбектеді.
<blockquote>
 Қармақшы ауданында шағын және орта кәсіпкерлік саласы жанданып келеді. Атап айтсақ, кәсіпкерлік нысандары – 3321 бірлікті құрап, өткен жылмен салыстырғанда 99,4 пайызға артқан. Оның үш мыңға жуығы тұрақты жұмыс істеуде. Сонымен қатар, аудан экономикасын әртараптандыруда шикізаттық емес секторды дамытуға басымдық берілді. Солардың бірі – индустрияландыру бағдарламасы аясында жүзеге асып жатқан ауқымды жоба – «Қармақшы құс» ЖШС құс фабрикасы. Бұл жоба жыл аяғына дейін іске қосылып, өндірісте 200 адам жұмыспен қамтылады деп жоспарлануда. Екінші жоба – «Тұрған тамы» шаруа қожалығының балық өңдеу цехы да биыл іске қосылмақ. Ал аудандағы индустриялық аймақтың жалпы ауданы 15 гектарды құрайды. Мұнда өндіріс орындарын дамытуға кәсіпорындарға жер телімдері берілген. Қазіргі таңда «МИР-2001» ЖШС бетон бұйымдарын өндіру өндірісі жұмыс істеуде. Онда 5 адам тұрақты жұмыспен қамтылғанымен, маусымдық жұмыстарға 35 адамға дейін тартылған, – деді аудан әкімі Әділбек Ерсұлтанов.
</blockquote>
Жалпы ауданда ішкі нарықты толық қамтамасыз ету бағытында ауқымды жұмыстар атқарылуда. Алдағы уақытта да ауданның әлеуметтік-экономикалық жағдайын жақсатуда бірқатар шаралар қарастырылған.

Биыл &#8220;Қармақшы құс&#8221;  фабрикасы іске қосылады

Kyzylorda-news.kz. Бүгін Қызылорда облысында жауынгерлік қызметін орындау кезінде адалдық танытып, жеке құрамды ұйымшылдықпен басқарып, қылмыскерлерді ұстау барысында қырағылық көрсеткен № 5547 әскери бөлімінің жасақ командирі, майор Мұхит Аманбаевқа ҚР Президенті Жарлығына сәйкес ІІ дәрежелі «Айбын» ордені табысталды.
Салтанатты шара Нартай Бекежанов атындағы Қызылорда облыстық музыкалық-драма театрында Қызылорда облысының әкімі Нұрлыбек Нәлібаевтың қатысуымен өтті.
Шарада аймақ басшысы жас сарбазға құрмет көрсетіп, жанқиярлық көрсеткені үшін аймақ жұртының атынан ілтипатын білдірді. Сондай-ақ батырдың ерлігін көпке үлгі етіп, марапаттың мән-мағынасына тоқталды.
<blockquote>
 «Бұл – жауынгерлік әзірлікте, әскерлерді жоғары жауынгерлік даярлықта ұстауда, әскери және қызметтік борышын атқару үстінде көрсеткен батылдығы мен жанқиярлығы, сондай-ақ, мемлекет мүддесін қорғау кезінде жасаған ерлігі үшін берілетін марапат», – деді аймақ басшысы.
</blockquote>
Шара барысында аймақ басшысы батыр Мұхит Аманбаевтың әкесі Қайрат Төлебекұлы мен анасы Бақытгүл Әкімбайқызына сый көрсетіп, ел үшін жанын пида етуге әзір отаншыл, патриот азаматты тәрбиелеп өсіргендері үшін алғыс айтты.
<img src="https://kyzylorda-news.kz/wp-content/uploads/2022/07/fb_img_1659107965780.jpg" alt="" />

Жас сарбазға ІІ дәрежелі «Айбын» ордені табысталды

<a href="https://kyzylorda-news.kz/">Kyzylorda-news.kz.</a>&nbsp; Синоптиктер Қазақстанда 30 шілдеге арналған ауа райы болжамын ұсынды. Белсенді оңтүстік циклоны және онымен байланысты атмосфералық фронтальды учаскелер еліміздің барлық аумағына әсерін тигізеді.
<blockquote>
 Жауын-шашын күтіледі, солтүстік-батыста, солтүстікте, орталықта, оңтүстік пен оңтүстік-шығыстың таулы аймақтарында – қатты жаңбыр, бұршақ, бұрқасын болады. Сондай-ақ республика бойынша найзағай ойнап, жел күшейеді.
</blockquote>

30 шілдеге арналған ауа райы болжамы

Kyzylorda-news.kz. “Азаматтарға арналған үкімет “мемлекеттік корпорациясы” КЕАҚ филиалы кеңсесіне заңды тұлғалардан жолданған құжаттарды қабылдауды оңтайландыру мақсатында ХҚО-ның қалалық №1 бөлімінде заңды тұлғалардың өтініштерін қабылдау орталығы жұмыс істеуде.
Енді заңды тұлғалар құжаттарын өткізу үшін филиалдың кеңсесіне келудің қажеті жоқ. Айта кету керек, қазіргі уақытта электрондық үкімет порталында резидент еместер үшін басшының өзгеруі, орналасқан жерінің өзгеруі базаға электрондық хабарлама негізінде, автоматтандырылған режимде енгізілмейді.
Заңды тұлғалардан жолданған құжаттардың келесі түрлері бойынша хабарлама сипатындағы қызметтерді көрсету ХҚО-ның қалалық №1 бөлімінде жүзеге асады. 
1) заңды мекенжайының (резидент еместердің) өзгергені туралы хабарлама 
2) заңды тұлға басшысының (резидент еместердің) өзгергені туралы хабарлама 
3) заңды тұлғаның жарғылық капиталын ұлғайту туралы хабарлама 
4) заңды тұлғаның Экономикалық қызмет түрін өзгерту туралы хабарлама 
5) басшы мен құрылтайшының дербес деректерінің өзгергені туралы хабарлама (т.а.ә. өзгеруі) 
6) заңды тұлғалардың тіркелген заңды тұлға туралы мәліметтерді ұсынуға қатысты сұрау салулары. 
Жоғарыда көрсетілген қызметтер хабарлама жасау тәртібімен жүзеге асырылады, тіркеу алымын төлеу көзделмеген. 
“Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы” ҚР Заңының 14-2-бабына сәйкес заңды тұлғаның, филиалдың (өкілдіктің) тіркеу деректеріне өзгерістер мен толықтырулар: 
1) акционерлік қоғамды, филиалды (өкілдікті) қоспағанда, жеке кәсіпкерлік субъектісіне жататын заңды тұлғаның, филиалдың (өкілдіктің) орналасқан жері өзгерген жағдайда; 
2) басшы өзгерген (басшыны тағайындау, басшының міндетін атқарушыны тағайындау, заңды тұлғаның мүлкі мен қызметін басқарушыны тағайындау, басшыны лауазымынан шеттету);; 
3) осы Заңның 14-1-бабында көзделген талаптарды қоспағанда, құрылтай құжаттарына өзгерістер мен толықтырулар енгізу арқылы жүзеге асырылады; 
4) жарғылық капиталдың үлесін сенімгерлік басқаруға беру; 
5) шаруашылық серіктестіктерінің жарғылық капиталын ұлғайту; 
6) Экономикалық қызметтің негізгі түрінің өзгеруі; 
Заңды тұлғаның, филиалдың (өкілдіктің) осы баптың бірінші бөлігінің 1), 3), 4) және 5) тармақшаларында көрсетілген тіркеу деректеріне өзгерістер мен толықтырулар осы бапта көзделген құжаттарды қоса бере отырып, электрондық хабарлама негізінде енгізіледі. 
Жыл басынан бері Қызылорда облыстық филиалы бойынша хабарламалық сипаттағы 490 өтініш келіп түскен. Оның 405-сы ЭҮП арқылы, 85-і кеңсе арқылы қабылданған.
Азаматтарға арналған үкімет» 
мемлекеттік корпорациясы КЕАҚ 
Қызылорда облысы бойынша филиалы

Заңды тұлғалардың өтініштерін қабылдау орталығы ашылды

<a href="https://kyzylorda-news.kz/">Kyzylorda-news.kz.</a>&nbsp;&nbsp;Бас Прокурор&nbsp;Берік Асыловтың&nbsp;төрағалығымен өткен алқа отырысында прокуратура органдарының бірінші жартыжылдықтағы жұмысының қорытындысы шығарылып, алдағы кезеңге арналған міндеттер айқындалды, деп хабарлайды ҚР Бас прокуратурасының баспасөз қызметі.
Жыл басынан бері Мемлекет басшысының тапсырмаларын орындау үшін прокурорлар күшін «қаңтар трагедиясының» себептері мен егжей-тегжейін анықтауға, террорлық шабуылдар мен жаппай тәртіпсіздіктердің ұйымдастырушылары мен белсенді қатысушыларын анықтауға бағыттады.
Бүгінгі күні осы оқиғаларды тергеу нәтижелері бойынша сотқа&nbsp;474&nbsp;қылмыстық іс жолданды,&nbsp;717&nbsp;адам сотталды (жаппай тәртіпсіздік жасау, &nbsp;ұрлық, тонау, қаруды сақтау және алып жүргені үшін).
Қылмыстық процесті кезең-кезеңмен жаңғырту жалғасуда.
Үш буынды модельді енгізу аясында прокурорлар&nbsp;189 мың&nbsp;процессуалдық шешімді тексерді.
Жыл басынан бастап прокурорлар ерекше тәртіп негізінде аса ауыр қылмыстар бойынша 570 айыптау актісін толтырды.
Жалпы «прокурорлық сүзгінің» арқасында тергеудің сотқа дейінгі сатысында азаматтардың конституциялық құқықтарының бұзылу фактілерінің саны азайды.
Қылмыстық орбитаға тартылған азаматтардың конституциялық құқықтарын қорғауға ерекше назар аударылуда.
Жыл басынан бері&nbsp;1077&nbsp;тұлғаға қатысты негізсіз қылмыстық қудалау тоқтатылды. Қызметтік үй-жайлардан және уақытша ұстау изоляторларынан&nbsp;512&nbsp;адам босатылды.
Прокурорлардың бастамасы бойынша&nbsp;634&nbsp;адамға қатысты сот үкімдері заңға сәйкестендірілді,&nbsp;130&nbsp;сотталушының жағдайы жақсарды, 15 – і ақталды.
Әлеуметтік-экономикалық салада прокурорлардың актілері бойынша 8 мыңнан астам заң бұзушылық жойылды.
Бюджетке&nbsp;15 млрд&nbsp;теңгеден астам қаражат қайтарылды. Әр түрлі жауапкершілікке&nbsp;14,5 мың адам&nbsp;тартылды.
Кедендік реттеу және сұйытылған мұнай газы нарығы саласында тәртіп орнатылды. Елеулі бұзушылықтар, ұрлық пен сыбайлас жемқорлықтың «көлеңкелі» схемалары ашылды.
Мүгедектігі бар адамдардың құқықтарын қорғау, медициналық бұйымдарға баға белгілеу мәселелері, ірі көтерме сауда базарларының қызметі және т. б. бойынша тексерулер жүргізілді.
184 мыңнан&nbsp;астам адамның еңбек құқықтары қалпына келтірілді,&nbsp;1,1 млрд&nbsp;теңгеден астам сомаға жалақы бойынша берешек өтелді.
Азаматтық, әкімшілік және әкімшілік құқық бұзушылық туралы істер бойынша&nbsp;2,1 мыңнан&nbsp;астам сот актілері түзетілді,&nbsp;6,7 млрд&nbsp;теңгеге бюджет шығындарының алдын алынды.
Қадағалаудың басым бағыттарының бірі – бизнесті қорғауда айтарлықтай нәтижелерге қол жеткізілді.
Мәселен, кәсіпкерлік саласындағы бұзушылықтар бойынша&nbsp;845&nbsp;қадағалау актісі енгізілді, 212 млн теңгеден астам сомаға&nbsp;5,5 мың&nbsp;әкімшілік өндіру тоқтатылды,&nbsp;6,2 мыңнан&nbsp;астам заңсыз тексерулер мен бақылаудың өзге де нысандарының жолы кесілді және күші жойылды,&nbsp;650-ден&nbsp;астам адам жауапкершілікке тартылды.
Қадағалаушы орган алдында тұрған міндеттердің ауқымдылығы мен маңыздылығына назар аудара отырып, Берік Асылов прокурорлардан азаматтардың конституциялық құқықтарын, бизнес пен мемлекет мүддесін кешенді қорғауға, сондай-ақ қылмыстылықпен күресте үйлестіруші ролін күшейту керектігін талап етті. &nbsp;
<img src="https://kyzylorda-news.kz/wp-content/uploads/2022/07/5243cf7ba08fb4b1d782cc74ff64bb14_1280x720.jpg" alt="" />

Қазақстанда азаматтардың конституциялық құқығын бұзу фактілері азайған

<a href="https://kyzylorda-news.kz/">Kyzylorda-news.kz.</a>&nbsp; Әлеуметтік кодекс бойынша жұмыс аясында бала күтімі бойынша жәрдемақы төлеуді 1,5 жылға дейін ұзарту туралы ұсыныс қарастырылып жатыр. Бұл туралы Мемлекеттік әлеуметтік сақтандыру қорының (МӘСҚ) бас директоры Нұрсұлу Кемел айтты, деп хабарлайды Zakon.kz.
Мемлекеттік әлеуметтік сақтандыру қоры басшысының айтуынша, жұмыс істемейтін әйелдер бала тууына байланысты 38 АЕК көлемінде біржолғы жәрдемақы алады. Ол 110 мың теңгеден асады. Бұл бір реттік төлем және табысына қарамастан барлық ата-анаға тағайындалады.
<blockquote>
 Бала дүниеге келді, бірден ата-ананың кірісі бар ма, жоқ па деген мәселе. Егер жоқ болса, онда бірінші кезекте бала туғаннан кейін барлық азаматқа бала туғаны үшін берілетін біржолғы жәрдемақы автоматты түрде есептеледі. Бірінші, екінші және үшінші бала туғанда 38 АЕК және төртінші және одан да көп бала туғанда – 63 АЕК – 150 мың теңгеден жоғары, деді Нұрсұлу Кемел.
</blockquote>
Бұл ретте мемлекеттік қордың бас директоры бала күтіміне байланысты ай сайынғы жәрдемақы төлеу мерзімін ұзарту туралы ұсынысқа қатысты пікір білдірді. Қазір бұл әлеуметтік жәрдемақы бала бір жасқа толғанға дейін беріледі.
<blockquote>
 Бала күтімі бойынша Әлеуметтік кодекс аясында қазір төлемдердің мерзімін 1,5 жылға дейін ұлғайту қарастырылып жатыр. Сіз түсінесіз бе? Өйткені, біздің міндетіміз де осы жүйенің тұрақтылығын, оның қаржылық тұрақтылығын қамтамасыз ету, өйткені әлеуметтік міндеттемелер ұзақ мерзімді сипатта. Бұл төлемді ай сайын алатын асырауындағы адамдар немесе мүгедектер бар. Сондықтан міндетті әлеуметтік сақтандыру жүйесінің қазіргі жағдайын ескере отырып, 1,5 жасқа дейінгі бала күтімі бойынша төлемдерді ұлғайту мүмкіндігі қарастырылып жатыр, деді Нұрсұлу Кемел.
</blockquote>
Мемлекеттік әлеуметтік сақтандыру қорының басшысы бұл ұсыныс әлі талқыланып жатқанын, соңында қандай шешім қабылданатыны Әлеуметтік кодекс бойынша жұмыстар аяқталған соң белгілі болатынын нақтылады.
Статистикаға сай ай сайынғы күтім бойынша жәрдемақы:
<ul>
<li>бірінші балаға 5,76 АЕК (2022 жылы 17 643 теңге);</li>
<li>екіншісіне – 6,81 АЕК (20 859);</li>
<li>үшіншіге – 7,85 АЕК (24 044);</li>
<li>төртінші және одан кейінгілерге – 8,9 АЕК (27 261).</li>
</ul>

Бала күтімі бойынша жәрдемақыны 1,5 жасқа дейін ұзарту ұсынылды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 30 шілде – 1 тамыз аралығындағы ауа райы болжамын ұсынды.
«Атмосфералық фронталды бөліктердің өтуіне байланысты Қазақстан аумағында құбылмалы күн райы сақталады. Онымен найзағай, бұршақ, жаңбыр күтіледі. Елдің солтүстігінде, шығысында және оңтүстігінде кей уақытта қатты жаңбыр жауып, екпінді жел тұрады.
Республиканың солтүстігінде түнде термометрлер +7 +12°С дейін төмендейді, күндіз ауа температурасы +15 +25°С болады. Батыста +30 +35°С. Елдің орталығы мен шығысында +20 +28°С. Қазақстанның оңтүстігінде, оңтүстік-шығысында +22 +33°С ыстық болжанады», – делінген синоптиктер мәліметінде.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 2022 жылды «Балалар жылы» деп жариялап, билік тарапынан денсаулық сақтау, білім беру және әлеуметтік қамсыздандыру саласында балаларды қорғау мақсатында нақты іс-шаралар жасалуы керектігін айтқан болатын.
Президент тапсырмасына сәйкес, Қызылорда облысында атқарылып жатқан жұмыстары легі жетерлік. Қазіргі таңда жаз мезгілі болғандықтан, балалардың бос уақытын тиімді өткізу ісі нақты қолға алынды.
Атап айтар болсақ, «Азаматтарға арналған үкімет» мемлекеттік корпорациясы» КЕАҚ-ның Қызылорда облысы бойынша филиалы мен кәсіподақ ұйымы бірлесе Президент тапсырмасына сәйкес балалардың жазғы демалысын ұйымдастыруға атсалысты. Филиал қызметкерлерінің балалары Жаңақорған ауданындағы «Талдысу» тынығу лагерлерінде демалуы үшін жолдаманың 50 пайыз ақысын төлеп берді. Бүгінде 25 бала Талдысуда тынығып, жазғы уақыттарын қызықты өткізіп жатыр. Балалардың өздеріне жасалған сыйға айтар алғыстары шексіз.
Алдағы уақытта ата-аналардан сұраныс болған жағдайда филиал мен Кәсіподақ ұйымы Қамбаш көлі жағасындағы «Шағала» лагерінің жолдамасына да жеңілдік жасайтын болады.
Жалпы, Балалар жылында мұндай игі істер өз жалғасын табатын болады.
<img src="https://kyzylorda-news.kz/wp-content/uploads/2022/08/taldysw.jpg" alt="" />

Лагерь жолдамасына жеңілдік жасалды

<a href="https://kyzylorda-news.kz/">Kyzylorda-news.kz.</a> Үндістанда 44-ші шахмат Олимпиадасының ашылу салтанатында Қазақстан спортшылары тусыз шықты. Бұл туралы желідегі өз парақшасында қазақстандық шахматшы Бибісара Асаубаеваның анасы жазды.
<blockquote>
 “Таңғажайып шараның ашылу салтанатының соңында 186 ұлттық құрама команда 185 тумен жүріп өтті. Неге 186 команда, ал ту саны тек 185 деп сұрайтын шығарсыз? Себебі Қазақстан құрамасының Олимпиадаға қатысуын ұйымдастыруға жауапты Қазақстанның шахмат федерациясы ұмытып кетті, 20 мың теңгені аяды. Салдарынан Қазақстан құрамасы шеруде тусыз өтті. Ұят!”- деп жазды спортшының анасы Лиана Таңжарықова.
</blockquote>
Қазақстан шахмат федерациясы бұған дейін олимпиадаларда спортшылардың шеруі тәжірибеде болмағанын түсіндірді.
<blockquote>
 “Әдетте, ту Олимпиаданың жабылу салтанатында қатысушыларды марапаттау кезде ғана қажет. Биыл ұйымдастырушылар осындай ерекше мүмкіндік берген. Бірақ делегацияны тиісті деңгейде хабардар етпеді”, – деп хабарлады федерацияның баспасөз қызметі.
</blockquote>
Айта кетері, қазақстандық делегациядан басқа, қатысушы құрама елдердің жартысынан көбі шеруге тусыз шықты. Ал кейбір командалар ашылу салтанатында мүлдем болмаған.
<a href="https://sputnik.kz/20220729/olimpiadanyn-ashyluynda-qazaqstan-tu-26425423.html">Sputnik Қазақстан</a>

Қазақстан және Қызылорда облысының жаңалықтары

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

“Мерейлі отбасы” ұлттық байқауына қатысқан үлгілі отбасылар марапатталды

Биыл “Қармақшы құс” фабрикасы іске қосылады

Жас сарбазға ІІ дәрежелі «Айбын» ордені табысталды

30 шілдеге арналған ауа райы болжамы

Заңды тұлғалардың өтініштерін қабылдау орталығы ашылды

Қазақстанда азаматтардың конституциялық құқығын бұзу фактілері азайған

Бала күтімі бойынша жәрдемақыны 1,5 жасқа дейін ұзарту ұсынылды

Демалыс күндері ауа райы қандай болады?

Лагерь жолдамасына жеңілдік жасалды

Олимпиаданың ашылуында Қазақстан туы болмады – шахмат федерациясы жағдайды түсіндірді

Қазақстан және Қызылорда облысының жаңалықтары

Әділбек Ерсұлтанов: Қармақшыда ауыл шаруашылығы саласы айтарлықтай дамуда

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

&#8220;Мерейлі отбасы&#8221; ұлттық байқауына қатысқан үлгілі отбасылар марапатталды

Биыл &#8220;Қармақшы құс&#8221; фабрикасы іске қосылады

Жас сарбазға ІІ дәрежелі «Айбын» ордені табысталды

30 шілдеге арналған ауа райы болжамы

Заңды тұлғалардың өтініштерін қабылдау орталығы ашылды

Қазақстанда азаматтардың конституциялық құқығын бұзу фактілері азайған

Бала күтімі бойынша жәрдемақыны 1,5 жасқа дейін ұзарту ұсынылды

Демалыс күндері ауа райы қандай болады?

Лагерь жолдамасына жеңілдік жасалды

Олимпиаданың ашылуында Қазақстан туы болмады &#8211; шахмат федерациясы жағдайды түсіндірді

“Мерейлі отбасы” ұлттық байқауына қатысқан үлгілі отбасылар марапатталды

Биыл “Қармақшы құс” фабрикасы іске қосылады

Олимпиаданың ашылуында Қазақстан туы болмады – шахмат федерациясы жағдайды түсіндірді