<a href="https://kyzylorda-news.kz/">Kyzylorda-news.kz.</a> Елімізде 1571 адам коронавирус инфекциясынан жазылып шықты.
<ul>
<li>Нұр-Сұлтанда – 670,</li>
<li>Алматыда – 624,</li>
<li>Ақтөбе облысында – 10,</li>
<li>Алматы облысында – 6,</li>
<li>Жетісу облысында – 43,</li>
<li>Атырау облысында – 13,</li>
<li>Шығыс Қазақстанда – 41,</li>
<li>Жамбыл облысында – 35,</li>
<li>БҚО – 15,</li>
<li>Қарағанды ​​облысында – 40,</li>
<li>Ұлытау облысында – 13,</li>
<li>Қызылорда облысында – 14,</li>
<li>Маңғыстау облысында – 17,</li>
<li>Павлодар облысында – 9,</li>
<li>Түркістан облысында – 21.</li>
</ul>
Елімізде барлығы 1 306 614 адам COVID-19-дан жазылып шықты.

Қызылордада 14 адам коронавирус инфекциясынан жазылып шықты

<a href="https://kyzylorda-news.kz/">Kyzylorda-news.kz.</a>&nbsp; 28 шілдедегі Қазақстандағы коронавирус бойынша эпидемиологиялық жағдайды ВАК хабарлады.
Өткен тәулікте коронавирус инфекциясының 3095 жаңа жағдайы тіркелді, оның ішінде:
<ul>
<li>Нұр-Сұлтанда – 918,</li>
<li>Алматыда – 694,</li>
<li>Шымкентте – 78,</li>
<li>Ақмола облысында – 119,</li>
<li>Ақтөбе облысында – 47,</li>
<li>Алматы облысында – 101,</li>
<li>Жетісу облысында – 129,</li>
<li>Атырау облысында – 76,</li>
<li>Шығыс Қазақстанда – 25,</li>
<li>Абай ауданында – 55,</li>
<li>Жамбыл облысында – 121,</li>
<li>БҚО – 87,</li>
<li>Қарағанды ​​облысында – 327,</li>
<li>Ұлытау облысында – 35,</li>
<li>Қостанай облысында – 55,</li>
<li>Қызылорда облысында – 63,</li>
<li>Маңғыстау облысында – 36,</li>
<li>Павлодар облысында – 67,</li>
<li>Солтүстік Қазақстанда – 40,</li>
<li>Түркістан облысында – 22.</li>
</ul>
Елде барлығы 1 344 360 жағдай расталды.

Өткен тәулікте 63 қызылордалықтан коронавирус табылды

<a href="https://kyzylorda-news.kz/">Kyzylorda-news.kz.</a>&nbsp; Жалағаш ауданында жаңа 1383 жұмыс орны ашылды. Жыл соңына дейін тағы да 2 мыңнан астам адам жұмыспен қамтылатын болады. Бұл туралы аудан әкімі Асқарбек Есжанов мәлімдеді.
Жалағаш ауданында жалпы саны 35 374 халық бар. Оның 14 мыңнан астамын экономикалық тұрғыда белсенді азаматтарды құрайды. Осы ретте ауданда жұмыссыздық деңгейін төмендету мақсатында – 1383 жаңа жұмыс орны ашылды.
Жыл соңына дейін екі мыңнан астам тұрақты жұмыс орнын ашу межеленген. Жалпы Жалағаш ауданында жұмыссыздық деңгейі 5,1 пайызды құрап отыр.
<blockquote>
 «Биыл 1530 адам жұмыспен қамту орталығына тіркелді. Олардың 89,8 пайызы мемлекеттік бағдарламалардың көмегімен жұмысқа орналастырылды. Сонымен қатар осы жылы 291 отбасыға атаулы әлеуметтік көмек тағайындалды. Осы ретте айта кету керек, бағдарламаға тіркелген 857 отбасына зерттеу жүргізіліп, мемлекеттік атаулы көмек алушы отбасылар саны 13-ке азайды», – деді аудан әкімі Асқарбек Темірбекұлы.
</blockquote>
Айта кетейік, бүгінгі таңда ауданда 2571 шағын және орта кәсіпкерлік субъектісі тіркелген. Оның 92,5 пайызы нақты жұмыс жасайды. Биылғы жылдың бірінші жартыжылдығының қорытындысымен жұмыс жасап тұрған шағын және орта бизнес субъектілерінің саны 6,6 пайызға артып, 2379 бірлікке жеткен.&nbsp;Яғни, ауданда жұмыссыздық деңгейі төмендеп келеді.
<img src="https://kyzylorda-news.kz/wp-content/uploads/2022/03/askar.jpg" alt="" />

Биыл Жалағашта 1383 жаңа жұмыс орны ашылды

<a href="https://kyzylorda-news.kz/">Kyzylorda-news.kz.</a>&nbsp; Өткен аптада аймақ басшысы Нұрлыбек Нәлібаев Қызылорда қаласы мен аудан әкімдерінің өзекті мәселелерін ортаға салып, жұмыстарына егжей-тегжейлі талдау жүргізуді тапсырған болатын. Бүгін Қармақшы ауданының әкімі Әділбек Ерсұлтанов ауданның түйіткілді мәселелерін шешу бойынша қабылданған шаралар мен жасалған жұмыс барысын баяндады.
Мәжіліске облыстық, аудандық мәслихат депутаттары, ардагерлер мен қоғамдық кеңес төрағалары, тиісті мемлекеттік органының басшылары қатысты.
Жиынның мақсаты – ауданның өзекті және проблемалық мәселелерін анықтап, бірлескен түрде оларды шұғыл арада шешу жолдарын қарастыру.
Облыс әкімі Нұрлыбек Нәлібаев аудан басшысының жұмысын бағалап, бірқатар назар аударатын тұстарын атап өтті. Ауданның жұмысы 4 негізгі бағыт бойынша бағаланды, оның ішінде әлеуметтік-экономикалық даму көрсеткіштері, жоғары тұрған органдар мен облыс әкімінің тапсырмаларының орындалу барысы, ауданның кадрлық әлеуеті мен қоғамдық-саяси ахуал бар.
Қармақшы ауданы әлеуметтік-экономикалық даму бойынша 6 ай қорытындысымен 6 орынды алып, орташа даму динамикасын көрсетті. 10 көрсеткіштің ішінен өнеркәсіп өндірісі, өңдеу өнеркәсібі мен шағын және орта бизнес субъектілерімен өндірілген өнім көлемі бойынша нәтиже төмен екенін қаперге салып, 9 ай қорытындысы бойынша оң нәтиже шығаруды тапсырылды.
Мұнан бөлек, облыс әкімі ауданда жұмыс орындарын құру, индустрияландыру бағдарламасы аясында жобаларды іске асыру бойынша жұмыс қарқыны баяулағанын тілге тиек етті.
<blockquote>
 «Индустриялық аймақта 2017 жылдан бері жаңадан жоба орналастарылмаған. Қармақшы кәсіпкерлік саласының дамуы кенже қалған аудандардың қатарында екені белгілі. Біз бизнес қарқынын әлі де үдетуіміз қажет. Аудан әкімдігі өз бизнесін бастаймын, кәсібін кеңейтемін деген ынталы азаматтармен тығыз жұмыс жасап, оларға шынайы қолдау көрсетуі тиіс. Ауданда бақша, көкөніс өнімдерін өсіруге және мал, құс, балық шаруашылығын дамытуға жеткілікті жағдай жасалған. Сондықтан осы жұмыстарды тиісті деңгейде ұйымдастыру аса маңызды», – деді аймақ басшысы.
</blockquote>
Нұрлыбек Нәлібаев бюджет қаражатын тиімді әрі сапалы игеру керектігін алға тартып, ауданда құрылысы жүргізіліп жатқан нысандарды уақытылы аяқтап, пайдалануға беруді тапсырды. Сондай-ақ, қазіргі таңда азық-түліктің басым бөлігі сырттан тасымалданатынын ескере отыра, егіншілікпен айналысам деушілерге жер телімдері табысталатынын кеңінен ақпараттандырып, келесі егін маусымына қазірден-ақ дайындала бастауды міндеттеді. Мұнан бөлек, аймақ басшысы соңғы кездері жол-көлік оқиға салдарынан қайтыс болғандардың санын күрт өскенін назарға салып, құқық қорғау органдарына жергілікті билік өкілдерімен бірлесіп, жаппай рейд ұйымдастыру әрі тұрғындарға сақтық шаралары туралы түсіндірме жұмыстарын жүргізуді тапсырды.
Сондай-ақ, облыс әкімі Мемлекет Басшысының тапсырмасымен ашылуы тиіс «Бақытты отбасы» орталығының бөлімі аудан орталығында осы күнге дейін ашылмағанын ескертіп, тез арада ашылуын қамтамасыз етуді тапсырды және Президент Әкімшілігінің тікелей бақылауындағы мүлік иелерінің бірлестіктерін құру мәселесі әлі де ашық түрінде қалғанын қаперге салып, осы бағыттағы жұмысты тез арада қолға алуды тапсырды.
Бағалаудың келесі бағыты – кадрлық әлеуетті дамытуға байланысты облыс әкімі аудандарда кейбір лауазымды тұлғалар, оның ішінде, әсіресе, мектеп және балабақша директорлары көптеген жылдар бойы бір қызмет орнында қалғанын ескертіп, заңнама аясында ротациялауды қарастыруды тапсырды. Сондай-ақ, қызмет барысында заң бұзушылықтарға жол берген қызметкерлер жауапкершілікке тартылатынын жеткізді.
Сонымен қатар, облыс әкімі аудан көлемінде қоғамдық-саяси ахуалға басты назар аударып, тұрақты бақылауға ұстауды тапсырды және соңғы кездері жол-көлік оқиға салдарынан қайтыс болғандардың санын күрт өскенін назарға салып, құқық қорғау органдарына жергілікті билік өкілдерімен бірлесіп, жаппай рейд ұйымдастыру әрі тұрғындарға сақтық шаралары туралы түсіндірме жұмыстарын жүргізуді қажеттігін атап өтті.
Аймақ басшысы аталған жұмыстарды іске асыру барысында облыстық және аудандық мәслихат депуттары, ардагерлер мен қоғамдық кеңес мүшелері де белсенді атсалысуы керек екендігін баса айтты. Аудан әкімі Президенттің, облыс әкімінің тікелей өкілі болғандықтан, сол аумақтың тұрғындарын толғандыратын мәселелердің барлығына жауап беруі тиіс деп ескертті.
Әрбір ауданның әлеуметтік-экономикалық дамуы облыс әкімінің жіті бақылауында. 
Жиында межелі көрсеткіштерге қол жеткізе алмаған аудан әкімдері мен өзге де лауазымды тұлғаларға қатысты тәртіптік шара қарастырылатыны ескертілді.
<img src="https://kyzylorda-news.kz/wp-content/uploads/2022/07/296235950_352424070412177_198773774470479271_n.jpg" alt="" />
<img src="https://kyzylorda-news.kz/wp-content/uploads/2022/07/296619510_352424120412172_1987609558604656551_n.jpg" alt="" />

Облыс әкімі Қармақшы ауданының даму қарқынына баға берді

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 29 шілдеде болатын ерекше метеорологиялық құбылыстарға болжау консультациясын жариялады.
Белсенді оңтүстік циклон және онымен байланысты атмосфералық фронтальды бөлімдер бұрынғысынша Қазақстанның бүкіл аумағына өз әсерін тигізеді. Осыған байланысты солтүстік-батыста, солтүстікте қатты жаңбыр күтіледі. Найзағай, солтүстікте, орталықта бұршақ, желдің күшеюі, солтүстікте дауыл күтіледі.
Қызылорда облысында төтенше өрт қаупі сақталады.

Жұмаға арналған ауа райы болжамы

Kyzylorda-news.kz. Өткен аптада аймақ басшысы Нұрлыбек Нәлібаев алқа отырысында Қызылорда облысының өзекті мәселелерін саралап, алдағы уақытта арнайы жиындарды ұйымдастырып, облыс орталығы мен аудандардың дамуына талдау жүргізуді тапсырды. Бүгін Сырдария ауданының әкімі Мұрат Ергешбаев атқарылған жұмысын баяндады.
Мәжіліске облыстық, аудандық мәслихат депутаттары, ардагерлер мен қоғамдық кеңес төрағалары, тиісті мемлекеттік орган басшылары қатысты.
Жиынның мақсаты – ауданның өзекті және проблемалық мәселелерін анықтап, бірлескен түрде оларды шұғыл арада шешу жолдарын қарастыру. 
Облыс әкімі Нұрлыбек Нәлібаев аудан басшысының жұмысын бағалап, бірқатар назар аударатын тұстарын да атап өтті. 
Ауданның жұмысы 4 негізгі бағыт бойынша бағаланды, оның ішінде әлеуметтік-экономикалық даму көрсеткіштері, жоғары тұрған органдар мен облыс әкімінің тапсырмаларының орындалу барысы, ауданның кадрлық әлеуеті; мен қоғамдық-саяси ахуал бар.
2022 жылдың қаңтар-маусым айларындағы аудандар мен Қызылорда қаласы бөлінісіндегі негізгі макроэкономикалық көрсеткіштер бойынша рейтингте Сырдария ауданы 4 орынды алып, орташа даму динамикасын көрсетті. Аймақ басшысы ауданның әлеуметтік-экономикалық даму бойынша 6 ай қорытындысымен құрылыс жұмыстары көлемінің төмендеуіне жол берген жалғыз аудан екенін қаперге салып, алдағы уақытта жоспарлы көрсеткіштерге мұқият көңіл бөлуді және салынған нысандардың толық есебін жүргізіп, статистикалық органдарда тіркелуін қамтамасыз етуді тапсырды. Сондай-ақ, аудан бюджетінің кірістер бөлігін орындалмау қаупі бар және республикалық бюджеттен нәтижелі жұмыспен қамту бағыты бойынша бөлінген қаражат толық игерілмеуі мүмкін екенін ескере отыра, жұмысты жандандыруды міндеттеді. 
Мұнан бөлек, облыс әкімі ауданда жұмыс орындарын құру, индустрияландыру бағдарламасы аясында жобаларды іске асыру бойынша Сырдарияда жұмыс қарқыны баяулағанын тілге тиек етті.
<blockquote>
 «Сырдария кәсіпкерлік саласы бойынша кенже дамыған аудандардың қатарында. Көпшілік айтатын негізгі себеп – Сырдария ауданы Қызылорда қаласына жақын орналасқан. Мен бұл себепті кемшілік емес, қайта зор мүмкіндік деп есептеймін. Сізге бұл географиялық орналасу ерекшелігін пайдаланып, Қызылорда қаласының айналасынан азық-түлік белдеуін құру мәселесін қарастыруды тапсырамын. Ол үшін ауданда бақша, көкөніс өнімдерін өсіруге және етке негізделген мал, құс шаруашылығын дамытуға жеткілікті жағдай жасалған. Осы жұмыстар тиімді ұйымдастырылған жағдайда халықты ең толғандыратын мәселелердің бірі азық-түлік бағасын тұрақтандыруға оң әсерін тигізері сөзсіз», – деді аймақ басшысы.
</blockquote>
Екінші бағыт бойынша аймақ басшысы Ел Президентінің халықтың әлеуметтік жағынан осал топтарына кешенді қолдау көрсетуді үйлестіру мақсатында барлық өңірлерде отбасын қолдау орталықтарын ашуды тапсырғанымен, Сырдария ауданында осы уақытқа дейін «Бақытты отбасы» әлеуметтік бөлімі ашылмағанын және облыс әкімінің тұрғылықты халықтың санына сәйкес өзін-өзі әлеуметтік маңызы бар бақша өнімдерімен қамтылуы үшін қосымша 464 гектар егістік жер дайындау туралы тапсырмасы толық орындалмағанын айтып, осы бағыттағы жұмысты тез арада қолға алуды тапсырды.
Сондай-ақ, облыс әкімі аудан әкімдігі тарапынан бүгінгі күнге дейін бірде-бір мемлекеттік бақылау шарасы жүргізілмеген және азық-түлік бағаларын тұрақтандыру мақсатында айналым схемасы арқылы кәсіпкерлік субъектілеріне заем беру жұмыстары мүлдем ұйымдастырылмаған деп ескертті. Нұрлыбек Нәлібаев бюджет қаражатын тиімді әрі сапалы игеру керектігін алға тартып, ауданда құрылысы жүргізіліп жатқан нысандарды уақытылы пайдалануға беруге тапсырды. Қазіргі таңда азық-түліктің басым бөлігі сырттан тасымалданатынын ескере отыра, егіншілікпен айналысам деушілерге жер телімдері табысталатынын кеңінен ақпараттандырып, келесі егін маусымына қазірден-ақ дайындала бастауды міндеттеді. 
Бағалаудың келесі бағыты – кадрлық әлеуетті дамытуға байланысты облыс әкімі аудандарда кейбір лауазымды тұлғалар, оның ішінде, әсіресе, мектеп және балабақша директорлары көптеген жылдар бойы бір қызмет орнында қалғанын ескертіп, заңнама аясында ротациялауды қарастыруды тапсырды. Сондай-ақ, қызмет барысында заң бұзушылықтарға жол берген қызметкерлер жауапкершілікке тартылатынын жеткізді.
Сонымен қатар, облыс әкімі аудан көлемінде қоғамдық-саяси ахуалға басты назар аударып, тұрақты бақылауға ұстауды тапсырды және соңғы кездері ауданда кейбір қылмыс түрлері өскенін назарға салып, құқық қорғау органдарына жергілікті билік өкілдерімен бірлесіп, жаппай рейд ұйымдастыру әрі тұрғындарға сақтық шаралары туралы түсіндірме жұмыстарын жүргізуді қажеттігін атап өтті.
Аймақ басшысы аталған жұмыстарды іске асыру барысында облыстық және аудандық мәслихат депуттары, ардагерлер мен қоғамдық кеңес мүшелері де белсенді атсалысуы керек екендігін баса айтты және аймақтың әлеуметтік-экономикалық дамуы облыс әкімінің жіті бақылауында болатынын ескертті. 
Жиында межелі көрсеткіштерге қол жеткізе алмаған аудан әкімдері мен өзге де лауазымды тұлғаларға қатысты тәртіптік шара қарастырылатыны ескертілді.
<img src="https://kyzylorda-news.kz/wp-content/uploads/2022/07/fb_img_1659016983309.jpg" alt="" />
<img src="https://kyzylorda-news.kz/wp-content/uploads/2022/07/fb_img_1659016998883.jpg" alt="" />

Сырдария ауданының өзекті мәселелері қаралды

<a href="https://kyzylorda-news.kz/">Kyzylorda-news.kz.</a>&nbsp; Егер сіз өз кредитіңізді өтеуді кешіктіріп, ол бойынша ақы төлеу мерзімі кешіктірілсе, кредитор коллекторларды, яғни мерзімі өткен берешекті қайтару бойынша мамандарды тартуы мүмкін.
Коллекторлар сізбен байланысса не істеу керек және олармен құқықтық салада сындарлы диалогты қалай құру керек, бұл туралы Қазақстанның ұлттық коллекторлар палатасы төрағасының міндетін атқарушы Назгүл ЕстеусізоваFingramota.kz сайтына айтып берді.
Коллекторлық агенттік өз қызметін ҚР Қаржы нарығын реттеу және дамыту агенттігінде есептік тіркеуден өткеннен кейін ғана жүзеге асыруға құқылы. Коллекторлық агенттікте қаржы реттеушісінен лицензияның бар-жоғын Агенттіктің ресми интернет-ресурсында коллекторлық агенттіктер тізілімінен тексеруге болады.
Заңды коллекторлардан қорқудың қажеті жоқ. Олардың қызметі нысанасы кредиторға берешекті сотқа дейін өндіріп алу және реттеу, сондай-ақ берешекке байланысты ақпарат жинау жөнінде қызметтер көрсету болып табылатын шарт негізінде жүзеге асырылады. Олар ҚР Парламенті Сенатының ұсынымымен әзірленген және 2021 жылы Қазақстанда қабылданған Коллекторлық агенттік қызметкерінің кәсіптік этикасының үлгілік кодексіне сәйкес жұмыс істейді. Борыштарды қайтару үшін коллекторлық агенттіктер өркениетті және ашық тетіктерді қолданатынына қарамастан, олармен өзара іс-қимыл жасаған кезде кейбір жағдайларды білу керек.
Бірінші жағдай. Сіз өзіңіздің құқықтарыңызды білуіңіз қажет
Борышкерлер мен коллекторлардың құқықтары мен міндеттерін реттейтін &nbsp;«Коллекторлық қызмет туралы» ҚР Заңы (бұдан әрі – Заң) 2017 жылы қабылданды. 2021 жылғы мамырда ең алдымен борышкер мен коллектор арасындағы қатынастарды өркениетті құруға бағытталған заңнамалық түзетулер енгізілді. Жалпы алғанда, қабылданған барлық нормалар қаржылық қызметтерді тұтынушылардың құқықтары мен мүдделерін қорғауға бағытталған.
Мысалы, сіз борышкер ретінде:
– кредитордан берешекті сотқа дейін өндіріп алуды және реттеуді жүзеге асыратын коллекторлық агенттік, оның орналасқан жері, өзінің дербес деректерінің бар-жоғы, берешектің мөлшері мен құрылымы туралы мәліметтер алуға;
– коллекторлық агенттіктің талаптарын толығымен де, ішінара да даулауға құқылысыз. Әрине, берешекті сотқа дейінгі тәртіппен реттеуге тырысқан дұрыс.
Оны қалай жасауға болады? Коллектор сізбен хабарласып, мысалы, сіздің мерзімі өткен берешегіңіз сатып алынғанын хабарлағаннан кейін, сізге күнтізбелік 30 күн ішінде коллекторлық агенттікке банктік қарыз шартының немесе микрокредит беру туралы шарттың талаптарын өзгерту туралы жазбаша өтінішпен жүгіну қажет. Өз өтінішіңізде сіз берешектің туындау себептері, осы өтінішхатты негіздейтін расталған мән-жайлар мен фактілер туралы мәліметтерді ашуға тиіссіз. Сондай-ақ, білімі, кірістер мен шығыстардың деңгейі, отбасы құрамы, тұрғылықты жері, мүліктің болуы және кредитор сұрай алатын басқа да ақпарат туралы сенімді ақпарат беру қажет. Коллекторлық агенттік сіздің жазбаша өтінішіңізді алғаннан кейін оны күнтізбелік 10 күн ішінде банкке немесе микроқаржы ұйымына жіберуге міндетті. Кредитор сіз ұсынған банктік қарыз шартын немесе микрокредит беру туралы шартты өзгерту талаптарын күнтізбелік 15 күн ішінде қарайды және жазбаша нысанда коллекторлық агенттікке:
– келіскені туралы;
– кредит шартының талаптарын өзгерту бойынша өз ұсыныстары туралы;
– себептерінкөрсетеотырып, өзгертуден бас тартутуралы хабарлайды.
Нәтижесінде, коллекторлықагенттік кредитор қабылдағаншешімдіалғаннанкейінкүнтізбелік 10 күнішіндесізгеолтуралыхабарлайды.
Екінші жағдай. Өз міндеттеріңіз туралы да ұмытпаңыз
Заңғасәйкес, сіз: коллекторлы қагенттікке өзіңіздің тұрғылықты жеріңіздің (заңды мекен жайыңыздың) өзгергені туралы, атының, тегінің, бар болса – әкесінің атының өзгергені, жеке басын куәландыратын құжаттарының ауыстырылғаны туралы, мерзімі өткен, жоғалған жағдайда хабарлауға міндеттісіз. Егер сізде байланыс ақпараты өзгерсе, онда сіз бұл туралы коллекторға хабарлауыңыз керек. «Борыштарды өндіріп алушылардан» жасырынудың қажеті жоқ, себебі егер кредиторлар сізбен байланысқа шықпаса, олар қарыздарды қайтару үшін соттарға және кейіннен жеке сот орындаушыларына (ЖСО) жүгінуге мәжбүр болады. Әдетте, ЖСО сіздің банктік шотыңызға тыйым сала алады, мүлікті тізімдеп, тыйым сала алады. Сондай-ақ, олар «қорытынды төлем шотын» ұсына алады, онда қарыз сомасы артады. Мәселе мынада, борышкердің шығыстарына өндіріп алу сомасына байланысты мемлекеттік баж сомасы мен ЖСО қызметтерінің құны – 3% дан 25%-ға дейін қамтылады.
Сондай-ақ сіз коллекторлық агенттіктің сұрау салуы бойынша:
–&nbsp; кірістер мен шығыстардың деңгейі, тұрғылықты жері, Қазақстанның заңнамасына сәйкес берешекті өтеу үшін өндіріп алу қолданылуы мүмкін мүлкінің бар-жоғы туралы дәйекті ақпаратты ашуға;
– берешекті реттеу бойынша коллекторлық агенттікпен өзара іс-қимылды жүзеге асыруға;
– кредитор ұсынған берешекті өтеу шарттарын 15 жұмыс күні ішінде қарауға және коллекторлық агенттікке не кредиторға өзіңізге қолайлы шарттар туралы хабарлауғаміндеттісіз.
Үшінші жағдай. Сіз коллекторлардың өзіңіз туралы қандай ақпаратты ешкімге жариялауға құқығы жоқ екенін білуіңіз керек
Коллектор коммерциялық құпияға немесе Қазақстан Республикасының заңдарымен қорғалатын өзге де құпияға жататын ақпаратты қоспағанда, сіздің талап етуіңіз бойынша берешектің мөлшерін растайтын құжатты және коллекторлық агенттіктің берешекке қатысты өз қызметін жүзеге асыру жөніндегі өкілеттіктерін растайтын құжаттардың көшірмелерін беруге міндетті.
Борышкер, кредитор, берешек, банктік қарыз шарты немесе микрокредит беру туралы шарт шеңберіндегі кредитормен міндеттемелерге байланысты үшінші тұлғалар туралы кез келген мәліметтер коллекторлық қызметтің құпиясы болып табылады. Берешекті өндіріп алу туралы жасалған шарттардың талаптары туралы ақпарат және коллекторлық агенттік өз қызметін жүзеге асыру кезінде алған және жасаған өзге де мәліметтер де құпия болып табылады.
Есіңізде болсын, сізге қатысты коллекторлық қызмет құпиясы сізге ғана, ал үшінші тұлғаға – сіздің жазбаша келісіміңіздің, оның ішінде банктік құпияны ашуға арналған банктік қарызшартын немесе микрокредит беру құпиясын ашуға арналған микрокредит беру туралы шартты жасасу кезінде берілген келісім негізінде ғана ашылуы мүмкін.
Төртінші жағдай. Сіз коллекторлық агенттікпен кез келген ыңғайлы тәсілмен өзара іс-қимыл жасай аласыз
Мысалы, сіз телефон арқылысөйлесу, жекекездесулер, жазбаша немесе пошталық хабарламалар арқылы, сондай-ақ ұялы байланыс бойынша мәтіндік, дауыстық және өзге хабарламалар арқылы Интернет арқылы өз берешегіңіз туралы ақпараталу үшін коллектормен байланыса аласыз.
Коллекторлық ұйымдардың жосықсыз әрекеттеріне жол бермеу үшін коллекторларға бөгде телефон нөмірлерінен қоңырау шалуға тыйым салынды. Борышкерлермен байланыс үшін коллекторлық агенттіктердің барлық телефон нөмірлері ресми тіркелген және қаржы реттеушісінің ресмитізілімінде көрсетілген.
Заңға сәйкес, сіз коллекторлық агенттіктің қызметкерлері мен өзараіс – қимыл процесін аудио-және (немесе) бейнетехника құралдарының көмегімен дербес тіркеуге құқылысыз.
Егер коллектор сізге қоңырау шалса, онда ол Сізге мынадай ақпаратты хабарлауы керек:
– коллекторлық агенттіктің атауы;
– коллекторлық агенттіктер тізіліміндегі есептік тіркеу нөмірі;
– коллекторлық агенттіктің орналасқан жері;
– өзініңтегі, аты, әкесініңаты (егер ол жеке басты куәландыратын құжатта көрсетілсе) және лауазымы;
– берешекті коллекторлық агенттікке жұмысқа берген кредитордың атауы;
– кредиттік шартта көзделген берешектің құрылымы, негізгі борыштың, сыйақының, комиссиялардың, айыпақының (айыппұлдың, өсімпұлдың) мерзімі өткен және ағымдағы сомаларының қалдығы туралы;
– сіздің жауапкершілігіңіз және банктік қарыз шартында немесе микрокредит беру туралы шартта, Қазақстан Республикасының заңдарында көзделген өзге де міндеттемелер, сондай-ақ өзінің қаржылық міндеттемелерін орындамаудың немесе тиісінше орындамаудың салдары туралы.
Ал егер сіздің берешекке қатысыңыз жоқ болса, бірақ коллектор сізбен байланысқан болса, онда оны сізбен байланысқа түспеуін және нөміріңізді қоңырау шалу базасынан алыптастауды сұраңыз.
Бесінші жағдай. Коллекторлық агенттік қызметкерлерінің құқықтарын зерделеңіз
Коллекторлық агенттік:
– сіздің берешегіңізге байланысты ақпарат жинауды жүзеге асыруға, оның ішінде берешекті өндіріп алу туралы жасалған шарттар бойынша кредитордан құжаттарды (түпнұсқалар мен көшірмелерді), түсініктемелерді алуға;
– егер заңдарда немесе банктік қарыз шарты немесе микрокредит беру туралы шарт бойынша қамтамасыз ету болып табылатын кепілге салынған мүлікке жасалған шартта өзгеше көзделмесе, сот тәртібімен өндіріп алуға;
– сізбен немесе үшінші тараппен келісімшарт бойынша кредитормен міндеттемелер мен байланысты сіз сияқты тәсілдермен өзара іс-қимыл жасау. Бұл ретте коллекторлық агенттіктің бастамасы бойынша телефон арқылы сөйлесу жұмыс күндері сағат 8.00-ден 21.00-ге дейін үш реттен аспай асырылуға тиіс. Ал егер жеке кездесулер туралы айтатын болсақ, сіздің үйіңізде тұрғылықты жеріңізде немесе тіркелген жеріңізде немесе коллекторлық агенттіктің (филиалдың, өкілдіктің) үй-жайында болсаңыз, онда олар аптасына үш реттен аспай және тек жұмыс күндері сағат 8.00-ден 21.00-ге дейін болуға тиіс.
Алтыншы жағдай. Сіз коллекторға шағым бере аласыз
Коллекторлық агенттіктер мен даулы мәселелер туындаған жағдайда сіз Қазақстанның Ұлттық коллекторлар палатасының https://stop-collector.kz сайтында өтінім қалдыра аласыз, +7707 573 00 00 телефон нөмірі бойынша байланыса аласыз немесе Қазақстанның коллекторлар қауымдастығына +7776 508 33 00 телефон нөмірі бойынша хабарласа аласыз.
Коллекторлық агенттіктердің ҚР заңнамасын сақтауы тұрғысынан тексеру және өз құқықтарыңызды қорғау үшін Сіз Қаржы нарығын реттеу және дамыту агенттігіне өтінішпен жүгіне аласыз:
-жазбаша түрде мына мекен жай бойынша: А15С9Т5, Алматы қ.,Көктем-3 ш /а, 21-үй;
– egov.kz электрондық үкімет порталы арқылы;
– Агенттіктің Өңірлік өкілдер басқармаларына (тұрғылықты жері бойынша).
Сіз Агенттіктің 1459 қысқан өмірі бойынша немесе «Fingramota Online» мобильді қосымшасы арқылы консультация ала аласыз.
Fingramota.kz-пен бірге қаржылық тұрғыдан сауатты болыңыз!

Сіздің борышыңыз коллекторларға жіберілгенде 6 жағдайды білуіңіз керек

<a href="https://kyzylorda-news.kz/">Kyzylorda-news.kz.</a> Жалағаш ауданының әлеуметтік-экономикалық дамуында оң тенденциялар қалыптасуда. Биыл ауданда өнеркәсіп өнімінің көлемі – 84,4 пайыз, ал өңдеу өнеркәсібі – 72,3 пайызды құрады.
Жалағашта шағын және орта кәсіпкерлік саласы да қарқын алған. Атап айтсақ, кәсіпкерлік нысандарвның саны – 2571 бірлікті құрап, оның 92,5 пайызы жұмыс істеуде. Сондай-ақ, 2018 жылдан бері жұмысы тұралап қаған «Мия тамырын өңдеу» зауытының жұмысы биыл жанданбақ. Өңірлік коммуникациялар қызметінің ақпарат алаңында Жалағаш ауданының әкімі Асқарбек Есжанов ауданда атқарылған жұмыстар мен алдағы жоспарларды баяндады.
<blockquote>
 Бүгінде Жалағаш ауданында мемлекеттік бағдарламалар аясында ауқымды шаралар жүзеге асып келеді. Бұл жұмыстардың барлығы әлеуметтік саланы дамытуға, шағын және орта кәсіпкерлік саласын ілгерлетуге және аудан экономикасын арттыруға бағытталған. Биыл нақтыланған аудан бюджеті – 13,6 млрд теңгені құрап, есепті кезеңде бюджет түсімі 101,2 пайызға орындалды. Сонымен қатар жыл басынан бері 290 кәсіпкерлік нысаны өз жұмысын бастады. Ал мемлекеттік және өңірлік бағдарламалар аясында ауданда 168 жаңа жұмыс орны ашылып, аудан тұрғындары тұрақты жұмыспен қамтылуда. Осы бағытта қыркүйек айында «Мия тамырын өңдеу» зауытын іске қоспақшымыз. Аталған зауытта 190 жаңа жұмыс орны құрылады деп жоспарлануда. Бұл өндіріс толық автоматтандырылған технологиялармен жасақталатын болады, – деді аудан әкімі Асқарбек Есжанов.
</blockquote>
Баспасөз конференция барысында аудан әкімі әлеуметтік нысандардың құрылысын тілге тиек етті. Айтуынша, биыл 3 әлеуметтік нысанның құрылысы жүргізілуде. Жыл соңына дейін бұл нысандардың құрылыс жұмыстары толық аяқталып, халық игілігіне берілмек.
<blockquote>
 -Биыл аудан бюджет есебінен 1 спорттық және 1 мәдениет нысанының күрделі жөндеу жұмыстары және 2 елді мекеннің ауылдық клуб құрылысына жобалық-сметалық құжаттамасы әзірленуде. Бұл жобалар «Ауыл ел бесігі» бағдарламасы аясында қаржыландырылатын болады, – деді Асқарбек Темірбекұлы.
</blockquote>

Жалағашта шағын және орта кәсіпкерлік саласы қарқынды дамып жатыр

<a href="https://kyzylorda-news.kz/">Kyzylorda-news.kz.</a> Қызылорда облысының полиция департаментінде&nbsp; қызметтік тәртіпті нығайту, заңдылықты бұзудың алдын алу, әлеуметтік &nbsp;өзекті мәселелерді шешуге бағытталған іс-шаралар өткізіліп, тәлімгерлік институттар кеңінен қолданылуда. Офицерлер жиналысы мен әйелдер кеңесі жүйелі түрде өткізіліп келеді.&nbsp;
Осы орайда, бүгін полиция департаментінде Әйелдер кеңесінің кезекті отырысы өтті. &nbsp;Жиын барысында&nbsp; департамент бастығының орынбасары полиция полковнигі Дәурен Ибраев&nbsp; баяндама жасап, өзекті мәселелерге тоқталды. Оның ішінде, мемлекеттік қызметшілердің сырт келбеті, &nbsp;іскерлік киім үлгісіне қойылатын талаптар мен негізгі ұсынымдар,&nbsp; әйел қызметкерлер арасында моральдық-психологиялық тұрақтылық, сыбайлас жемқорлықпен күрес мәселелері талқыланды.&nbsp;
Бұдан бөлек, жиынға қатысушылар қызметтік тәртіп пен заңдылықты нығайту&nbsp; мақсатында полиция қызметкерлерінің қандай да бір &nbsp;құқық&nbsp; бұзушылық жасағаны үшін заң шеңберіндегі&nbsp; жауапкершілігі, қызметке бару және кері қайту, тұрмыста жеке қауіпсіздік ережелерін сақтау қажеттілігі туралы хабардар етілді.
&nbsp;Алдағы уақытта да&nbsp; полиция қызметкерлері үшін психологтардың, &nbsp;Ардагерлер кеңесінің, Консультативтік-кеңесші орган өкілдерінің қатысуымен кездесулер, дөңгелек үстелдер, тренингтер өткізілетін болады.&nbsp;
Кеңес қорытындысымен полиция жұмысының ашықтығын қамтамасыз ету, ішкі істер органдары қызметкерлерінің қызметтік этика нормаларын сақтау бағытында нақты іс-шаралар қабылдау ұсынылды.
<img src="https://kyzylorda-news.kz/wp-content/uploads/2022/07/whatsapp-image-2022-07-28-at-18.16.15-2.jpeg" alt="" />

Полиция департаментінде Әйелдер кеңесінің кезекті отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының санитариялық-эпидемиологиялық бақылау департаментінің басшысы Динара Жанабергенованың төрағалығымен кезектен тыс алқа мәжілісі өтті.
Оған департаменттің тиісті бөлім басшылары мен аумақтық басқарма басшылары қатысты. 
Күн тәртібінде екі мәселе қаралды: Конго-Қырым геморрагиялық қызбасының эпидахуалы және індетке қарсы алдын алу шараларынан орын алған кемшіліктер мен атқарылған жұмыстар, екіншісі коронавирус инфекциясының эпидемиологиялық жағдайы мен алдын алу шараларына қатысты болды.
Биыл өңірімізде Конго-Қырым геморрагиялық қызбасының эпидемиологиялық ахуалы күрделініп, 2022 жылдың 29 аптасында ауруға күдікті 38 жағдай анықталды. Өткен жылдың осы мерзімімен салыстырғанда аурушаңдық көрсеткіші 2,1 есеге өсті. Коронавирус инфекциясы бойынша да аурушаңдық көрсеткіштері күн санап өсіп келеді. Аурудың клиникалық белгілері мен анықталу жағдайлары жиілеген.
Алқа отырысы барысында аталған аурулар бойынша пролблемалық мәселелер, кемшіліктер айтылып, оларды шұғыл шешу жолдары ұсынылды. Алдын алу шараларын күшейтуге басымдық беріліп, басқарма басшыларына бірқатар нақты тапсырмалар берілді.
<img src="https://kyzylorda-news.kz/wp-content/uploads/2022/07/296167908_3016046648636750_5461191696724573295_n.jpg" alt="" />

Эпидахуал: Қызылордада аурушаңдық көрсеткіші өсіп жатыр

<a href="https://kyzylorda-news.kz/">Kyzylorda-news.kz.</a> Осыған дейін «Жүргізуші куәлігін беру» мемлекеттік қызметін алу барысында облыс орталығынан шалғай жатқан Арал, Қазалы аудандары мен Байқоңыр қаласы тұрғындар үшін біршама қиындықтар бар еді.
Азаматтар дербес жүргізуші куәліктерін алу үшін екі кезеңнен тұратын теориялық және практикалық емтихан сынақтарынан өтулері қажет. Үміткерлерлер теориялық емтиханды бөлім ғимаратындағы арнайы кабинетте тапсырса, практикалық емтиханды автоматтандырылған электронды автодромда тапсыруы тиіс. Автодром стандарт талаптарына сай, диспетчер кабинетімен және арнайы құрылғылармен жабдықталуға міндетті. Қазіргі таңда, аталған автодром облыс бойынша тек Қызылорда қаласындағы Мамандандырылған бөлімінде орналасқан. Осыған байланысты, шалғай аудан тұрғындарынан бізге көптеген ұсыныстар түскен еді.
Биыл облыс әкімі Н.Нәлібаевтың қолдауымен Қазалы ауданының орталығы Әйтеке би кентінде электронда автодром алаңы салынбақ. Бұл үшін облыс бюджетінен 119 млн теңге бөлінді. Автодром құрылысын «Болашақ» ЖШС тамыз айында бастайды.
Жоба толық іске қосылған кезде Арал, Қазалы аудандары мен Байқоңыр қаласының азаматтары жүргізуші куәлігін алу үшін облыс орталығына келмей-ақ, Әйтеке би кентінде емтихан тапсырып, құжаттарына қол жеткізе алады.

Қазалы ауданында автодром салынады

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалы жанынан құрылған аймақ бойынша азық-түлік тауарларының бағаларына сараптама жүргізу жөніндегі мониторингтік топ мүшелері қаладағы бірқатар сауда орындарында болды. Топ мүшелері әлеуметтік маңызы бар азық-түлік тауарларының бағасы мен сапасы және қамтамасыз етілуі бойынша бақылау жүргізді.
Арнайы жасақталған мониторингтік топтың құрамында партия жанындағы экономика, кәсіпкерлік және аграрлық сектор мәселелері жөніндегі аймақтық қоғамдық кеңестің және партиялық бақылау комиссисының мүшелері, бастауыш партия ұйымының төрағалары мен белсенділері және БАҚ өкілдері бар.
Сараптама барысында сауда орындарындағы халыққа қажетті өнімдер жеткілікті екенін анықталды. Осы орайда топ мүшелері кәсіп иелеріне бағаларды тұрақты ұстап тұруға және бағаны негізсіз көтеру жауапкершілікке тартылатыны жөнінде түсіндірме жұмыстарын жүргізді.
Алдағы уақытта да партия тарапынан өңірдегі сауда орындары мен базарлардағы тауарлардың бағасына тұрақты бақылау және талдау жұмыстары жүргізіліп тұрады. Халық игілігіне орай жүргізіліп жатқан жұмыстар одан әрі де жалғасын табатын болады.
Мұндай қоғамдық бақылау жұмыстары бүгін аймақтағы барлық аудандарда өткізіліп жатыр. &nbsp;
<img src="https://kyzylorda-news.kz/wp-content/uploads/2022/07/296240472_427792332719742_1940052657007568974_n.jpg" alt="" />

Қазақстан және Қызылорда облысының жаңалықтары