<a href="https://kyzylorda-news.kz/">Kyzylorda-news.kz.</a>&nbsp;Nur Otan партиясының атқарушы хатшысы Асхат Оралов партия атауының ресми түрде өзгергенін мәлімдеді. Сондай-ақ, атауы өзгерген «Аманат» партиясының жаңа логотипі жарияланды.
Партияның атқарушы хатшысы «Facebook» парақшасында съезд шешімімен партияның Жарғысына тиісті өзгерістер енгізіліп, жаңа атауы мен белгісі бекітілгенін атап өтті.
<blockquote>
 «Парламент Мәжілісіндегі «Nur Otan» партиясы Фракциясының Төрағасы Ерлан Жақанұлы Қошанов партия атауын «AMANAT» деп өзгерту туралы ұсыныс білдірді.
 Мемлекет басшысы, Партия Төрағасы Қасым-Жомарт Кемелұлы Тоқаев бұл ұсынысқа қолдау білдірді, партияның жаңа атауын Съезд делегаттары да бірауыздан қолдады.
 Съезд шешімімен партияның Жарғысына тиісті өзгерістер енгізіліп, жаңа атауы мен белгісі бекітілді. 
 Бұл – Жаңа Қазақстанды құру жолында жаңарған партиямызға берілген айрықша жауапкершілік пен көрсетілген зор сенім деп санаймын.
 Сонымен, партиямыздың «AMANAT» деп аталуының себебін қысқаша айтып өтсем.
 Біріншіден, «AMANAT» – мемлекет мүддесі үшін тарихи жауапкершілікті алған партия.
 Тәуелсіз мемлекетіміз, еліміз бен жеріміз – ата-бабамыздың бізге қалдырған аманаты. Осы аманатты халық игілігі үшін сақтап қалу, келер ұрпақтарға жеткізу – ел тұтқасын ұстаған бас партия үшін ең үлкен жауапкершілік. 
 Екіншіден, «AMANAT» – халық мұрасын сақтаушы партия.
 Тамыры терең тарихымыз, мәдениетіміз бен әдебиетіміз, тіліміз бен салт-дәстүріміз – Тәуелсіз Қазақстанның барша азаматтарының мұрасы.
 Осы мұраны біртұтас елдің ортақ мүддесі үшін аманат ретінде көздің қарашығындай сақтап, дамуына жағдай жасау – партияның ірі міндеттерінің бірі.
 Үшіншіден, «AMANAT» – мемлекеттік мүддеге адал, қоғам игілігіне жұмыс істейтін партия.
 Халық ұғымында «аманатқа қиянат жасалмайды», яғни аманатты сақтаушы партия мүшелері – ең әуелі мемлекет мүддесіне адал азаматтар.
 Төртіншіден, «AMANAT» – сайлаушылар аманатын орындайтын, халық үніне құлақ асатын партия.
 Халықтың үні – сайлау кезінде азаматтардың талап-тілегі мен партияға тапсырған аманаттары. Олар сайлауалды бағдарламаға енгізілді. Партия сайлаушылардың аманатын орындау арқылы елге қызмет етеді. Барлық аймақтардағы қабылдау бөлмелері мен қоғамдық кеңестері арқылы халықтың мұң-мұқтажына құлақ түріп, билік органдарына жеткізіп, оң шешім қабылдануына ықпал етеді.
 Бесіншіден, «AMANAT» – қоғамдағы әлеуметтік әділдікті жақтайтын, барша азаматтарға тең мүмкіндік беруді қолдайтын партия.
 Біз бір-біріне қолдау білдіретін, мықтылары әлсіздерге жәрдем беретін, әлеуметтік әлсіз топтардың мүддесін қорғайтын қоғам құруға ұмтыламыз. Аманат сақталған жағдайда қоғамда адамдар арасындағы бауырмалдық, сенім мен мейірім күшейеді, ел ішінде ырыс-береке ұялайды.
 Алтыншыдан, «AMANAT» – отбасы құндылықтарын, қоғамдық бірлікті насихаттайтын партия. Тәуелсіз Қазақстанды өркендететін келер ұрпақ болғанда, зиялы, көзі ашық, тәрбиесі көркем ұрпақты тәрбиелеу – ата-ананың, қоғамның және мемлекеттің мойнындағы аманат. Сондықтан партия отбасы институтының берік болуына, ұлттық бала тәрбиесіне, ана мен баланың құқығының қорғалуына баса назар аударады. 
 Жетіншіден, «AMANAT» – мемлекетті басқаруға көрсетілген сенім.
 Бір ұжымның қызметкерлері – басшыға, сайлаушылар – партияға, халық – Президентке аманат.
 Парламентте, жергілікті мәслихаттарда конституциялық басымдыққа ие, Үкімет пен жергілікті атқарушы билікті қадағалайтын партия ретінде мемлекетті дамытуға, оны озық елдердің қатарына қосуға, халық тұрмысын жақсартуға күш саламыз. Осы мақсат жолында партия Президенттің қоғамдық-саяси және әлеуметтік-экономикалық реформаларын толықтай жүзеге асыру үшін оған жан-жақты қолдау көрсетеді. 
 Жаңарған партиямыз атына заты сай болады деп сенемін», – деп жазады Асхат Оралов.
</blockquote>

«Аманат» партиясының логотипі жарияланды

<a href="https://kyzylorda-news.kz/">Kyzylorda-news.kz.</a> «Атамекен» Қазақстан Республикасының Ұлттық кәсіпкерлер палатасы Қазақстан Республикасы Президентінің 2006 жылғы 9 қазандағы № 194 Жарлығына сәйкес Қазақстан Республикасы Президентінің «Алтын сапа» сыйлығын алу байқауына өтінімдерді қабылдау басталғандығын хабарлайды.
1.&nbsp;Қазақстан Республикасы Президентінің «Алтын сапа» сыйлығы&nbsp;(бұдан әрі – сыйлық) ұйымның өнім және/немесе қызметтер сапасы саласында айтарлықтай нәтижеге қол жеткізгені, олардың қауіпсіздігін қамтамасыз еткені үшін, сондай-ақ ұйымның сапаны басқарудағы тиімділігі жоғары әдістер (енгізілген менеджмент жүйесі болғаны міндетті) енгізгені үшін байқау негізде ұсынылады.
Байқауға&nbsp;Қазақстан Республикасының аумағында&nbsp;тауарлар өндірумен, қызметтер көрсетумен (қару-жарақ пен әскери техника өндіруді қоспағанда) айналысатын жеке кәсіпкерлер мен заңды тұлғалар қатыса алады.
Байқауға мемлекеттің қатысу үлесі&nbsp;50%-дан&nbsp;асатын ұйымдар, сондай-ақ белгіленген тәртіп бойынша оңалту және банкроттық рәсімдерін жүзеге асыру туралы шешімдер қабылданған ұйымдар қатыса алмайды.
Сыйлық үш санатта (шағын, орта және ірі кәсіпкерлік субъекті) және мына мына номинациялар бойынша беріледі:
1) «Өндiрiстiк мақсаттағы үздiк кәсiпорын»;
2) «Халық тұтынатын тауарларды шығаратын үздiк кәсiпорын»;
3) «Қызметтер көрсететiн үздiк кәсiпорын»;
4) «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын».
Байқауда «Үздік индустриялық жоба», «Үздік инновациялық жоба» арнайы сыйлықтары тағайындалады.
Байқауға қатысушылар&nbsp;алдыңғы үш жыл ішінде&nbsp;шығарылатын өнімнің немесе көрсетілетін қызметтердің жоғары сапасын растауы тиіс. &nbsp;
Байқау жыл бойына өткізіледі және мынадай негізгі кезеңдерден тұрады.
1. Өтінімдерді&nbsp;2022 жылдың 1 шілдесіне дейін&nbsp;электронды түрде&nbsp;<a href="http://www.altynsapa.kz/">www.altynsapa.kz</a>&nbsp;сайтында тапсыру қажет.&nbsp;2022 жылдың 1 шілдесінен бастап&nbsp;өтінімдерді қабылдау тоқтатылады!
Байқауға қатысуға ниет білдірген заңды тұлға немесе жеке кәсіпкер &nbsp;Қазақстан Республикасы Үкіметінің 2009 жылғы 31 шілдедегі №1167 қаулысымен бекітілген «Қазақстан Республикасы Президентінің «Алтын сапа» сыйлығын алуға арналған байқауға қатысушылардың материалдарын ресімдеу, ұсыну және алдын ала бағалау ережесіне» (<a href="http://www.altynsapa.kz/">www.altynsapa.kz</a>&nbsp;сайтының «Қатысу шарттары бөлімінде» жазылған) сәйкес өзі орналасқан жердегі өңірлік кәсіпкерлер палатасына (бұдан әрі – ӨКП) материалдарды ресімдеп,&nbsp;1 шілдеге дейін тапсырады.
2. ҰКП сараптамалық тобы алдын ала бағалап және 40 финалисті анықтайды (тамыз-қыркүйек).
3. Сараптамалық топ кәсіпорындарға барып, байқаудың финалистерін бағалайды.
4. Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-байқауының дипломанты атағын беру жөніндегі Комиссия отырысы (қараша).
Сыйлық лауреаттарына тиісті диплом, байқау эмблемасы және 450 айлық есептік көрсеткіш ақшалай сыйақы беріледі. Лауреаттар төрт жыл бойы «Алтын сапа» байқауының эмблемасын жарнамалық мақсатта пайдалану құқығына ие болады.
Құрметті кәсіпкерлер, сапа саласындағы байқауға қатысуға шақырамыз. Толық ақпарат алу үшін әлеуметтік желілердегі «Алтын сапа» ресми парақшасына және www.altynsapa.kz сайты жаңалықтарына жазылыңыз. Кеңес алу үшін байланыс телефондары: 8 (7172) 919-388 (ішкі 1931) және 8 (7172) 919-344.
Қызылорда облысы кәсіпкерлер палатасынан жауапты маман Малика Тютебаева, байланыс нөмірі 8 /7242/ 40-09-81.

Қызылордада «Алтын сапа» байқауына қатысуға өтінім қабылдау басталды

<a href="https://kyzylorda-news.kz/">Kyzylorda-news.kz.</a> Құрамында әскери заңгерлер, психологтар және әскери инфрақұрылым басқармасының өкілдері бар әскери-патриоттық акцияның мақсаты – ел Президентінің армияны реформалау, техникалық жабдықтау, әскери қызметшілердің жауынгерлік әзірлігі мен жоғары моральдық рухын сақтау жөніндегі талаптары мен міндеттерін түсіндіру.
Бас штаб бастығының орынбасары – тәрбие және идеологиялық жұмыстар департаментінің бастығы генерал-майор Серік Борамбаевтың басшылығымен ақпараттық-түсіндіру тобының өкілдері әскери қызметшілермен кездесулер өткізіп, оларды қызықтырған сұрақтарға жауап берді. Әскери ұжымдардағы моральдық ахуалды зерделеп, психологиялық оңалту жөнінде кешенді жұмыстар атқарды. Әскери заңгерлер жеке құрамға заңнамада көзделген әлеуметтік кепілдіктерді іске асыру мәселелері бойынша кеңес берді.
<blockquote>
 «Қазіргі таңда Жоғарғы Бас Қолбасшымыздың жаңа талаптарын түсіндіру мақсатында Қорғаныс министрінің тапсырмасы бойынша ақпараттық-түсіндіру тобы құрылып, әскери қызметшілердің моральдық-психологиялық тұрақтылығын және мерзімді әскери қызметтің беделін арттыруға ерекше көңіл бөлінуде. Бейбітшілік, достық, отбасы және бақытты балалар сынды рухани құндылықтарды қалыптастырудың басты жолы – жастарға дұрыс тәрбие беру. Біз әскерилер үшін борышқа адал болу мен бірлік өте маңызды», – деді Бас штаб бастығының орынбасары – Тәрбие және идеологиялық жұмыстар департаментінің бастығы генерал-майор Серік Борамбаев.
</blockquote>
Әскери-патриоттық акция барысында әскери қызметшілерге Ұлы Отан соғысы жылдарындағы қазақстандықтардың ерлігі туралы Қарулы Күштердің жылжымалы әскери-тарихи музейінің жәдігерлері ұсынылды. Даңқты қазақстандықтардың өмірінен көптеген қызықты фактілер айтылды.
<img src="https://kyzylorda-news.kz/wp-content/uploads/2022/03/164a36d2-f056-4130-9b00-137e099c88c7-1.jpg" alt="" />

Қызылорда гарнизонында «Күшіміз &#8211; бірлікте» әскери-патриоттық акциясы өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Алғыс айту күнімен құттықтады.
«Бүгін – Алғыс айту күні!
Бұл күннің мағынасы бөлек демей, бір-бірімізге шынайы құрметімізді көрсетіп, ризашылығымызды білдірудің маңызы зор.
Ел басына түскен сындарлы сәттерде, өңірімізде орын алған күрделі жағдайларда бір жағадан бас, бір жеңнен қол шығарып, ауызбіршіліктің үлкен үлгісін көрсеткен, аймағымыздың өсіп-өркендеуіне лайықты үлес қосып жүрген Сыр елінің барша азаматтарына риясыз алғысымды айтамын!
Туған елімізді, жерімізді түлету жолындағы еселі еңбектеріңізге толайым табыс, зор денсаулық, шаңырақтарыңызға шаттық, бақ-береке амандық тілеймін!
Аспанымыз ашық, еліміз бейбіт, Тәуелсіздігіміз тұғырлы болсын!», – деді Гүлшара Әбдіқалықова.

Гүлшара Әбдіқалықова Алғыс айту күнімен құттықтады

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қасым-Жомарт Тоқаев 16 наурызда саяси реформалардың жаңа бағдарламасын жариялайды, деп хабарлайды ҚазАқпарат.
<blockquote>
 «Мен 16 наурызда саяси реформалардың жаңа бағдарламасын ұсынамын. Қазір партиялар арасында бәсеке күшейе түсуде. Осы орайда біз партиямыздың басты саяси күш ретіндегі рөлін сақтауымыз қажет. Бұл өте маңызды міндет. Басқаша айтқанда ұйым әрдайым ел мүддесін қорғайтын нағыз халықтың партия болып қалуы керек», – деді Мемлекет басшысы «Nur Otan» партиясының кезектен тыс съезінде.
</blockquote>

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

&nbsp;<a href="https://kyzylorda-news.kz/">Kyzylorda-news.kz.</a> Ауыл жастарына арналған «Өрлеу» атты жаңа партиялық жобасы ұсынылады. Бұл туралы «Nur Otan» партиясының кезектен тыс съезінде партияның атқарушы хатшысы Асхат Оралов мәлім етті, леп хабарлайды ҚазАқпарат.
<blockquote>
 «Jas Otan» жастар қанатының жұмысын толықтай қайта жаңғырту аса маңызды. «Jas Otan» қатарына жастар арасында шын беделі бар нағыз көшбасшыларды тартамыз. Ауыл жастарына арналған «Өрлеу» атты жаңа партиялық жобасын ұсынамыз», – деді А. Оралов.
</blockquote>
Оның аясында еліміздің түкпір-түкпіріндегі жастардың тұлғалық дамуына, шығармашылық қабілеттерін шыңдауға арналған, оларды кәсіп ашып, табысты болуға ынталандыратын кешенді шаралар жүзеге асырылады.
<blockquote>
 «Бұдан бөлек, жас ұрпақты отансүйгіштікке баулитын «Қайсар» атты жаңа әскери-патриоттық жоба іске қосылады. Ел қорғайтын, мемлекетімізге қызмет ететін ержүрек азаматтарды тәрбиелеуге басымдық беріледі», – деді партияның атқарушы хатшысы.
</blockquote>

Ауыл жастарына арналған «Өрлеу» атты жаңа партиялық жоба ұсынылды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Nur Otan» партиясының атауын «Аманат» деп өзгертуді қолдады.

Мемлекет басшысы «Nur Otan» партиясының атауын «Аманат» деп өзгертуді қолдады

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды, деп хабарлайды <a href="https://lenta.inform.kz/kz/kasym-zhomart-tokaevtyn-toragalygymen-nur-otan-partiyasynyn-kezekten-tys-s-ezi-bastaldy_a3905661">ҚазАқпарат.</a>
Бұған дейін хабарланғандай онлайн форматта өтетін іс-шараға еліміздің әр өңірінен 399 делегат&nbsp;<a href="https://www.inform.kz/kz/search?sword=Nur+Otan&x=0&y=0">қатысады.</a>
Айта кетейік, кеше партияның саяси кеңесінің отырысы өтіп, онда арнаулы қаулымен съезд күнтәртібі бекітілген еді. Күнтәртібіне сәйкес, партияның саяси кеңесінің құрамына өзгерістер енгізу және «Nur Otan» партиясын модернизациялау мәселелері қаралады.

Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды

<a href="https://kyzylorda-news.kz/">Kyzylorda-news.kz.</a>&nbsp; Қазақ: «Адамның күні – адаммен», – дейді. Бұл – бір-біріңе үнемі көмек қолыңды соз, бірлесе еңбек ет, өзара ынтымақта бол деген аталы сөз. Ал оның бастауы «адамгершілік» деген ұғымда жатыр. Халықтық дүниетанымда адамгершілік дегеніміз – адамды қадірлеу, сыйлау, сену, ар-ұятты сақтау, имандылық пен рақымдылық, ізеттілік пен кішіпейілдік, әділдік, қанағатшылдық т.б.. Ата-бабаларымыз өзінің тұрмыс-тіршілігінде осы қағидаларды берік ұстанып, оны үнемі ұрпағының құлағына құйып, санасына сіңіре білген.
Сондықтан да бұлар ұлы дала адамдарының ұлттық болмысы мен мінез-құлқын қалыптастырып, өмір сүру салтына, басты заңдылығына айналған.
Адамгершіліктің осы аталған қағидалары қазақ қоғамның әлеуметтік, мәдени, саяси дамуының жемісі екендігін көрсетеді.
Бұл қағидаттарды туғызған және ұстанған халық ешқашан біреуге жалтақтамай, біреудің ала жібін аттамай әр уақытта тәуелсіз өмір сүрген, өзінің ұлылығын мойындата білген. Соның бір айғағы – кешегі зұлмат жылдарда талай жұрттың баласын бауырына басып, қамқорлығына алуы, қонақжайлық көрсетуі. Міне, қазақ халқының осы дархан мінезі мен қасиет тұтатын адамгершілігіне бүгін алғыс айтатын күн туды. Бұл елімізде арнайы мереке күні ретінде 1 наурызға белгіленді. Бұл – тағдыр тәлкегімен елімізге еріксіз қоныс аударған түрлі этностардың миллиондаған өкілдерінің қазақтың өз даласындай дархан көңіліне, қонақжайлығына, ең бастысы – оның адамгершілігіне рақметін айтып, тағызым ететін күні. Қазақ ұлтына мың алғыс жаудыратын күні. Меніңше, бұл мерекені адамдардың басқа қарым-қатынастарымен (мысалы, ата-анасына алғыс айту, ұстазына, шәкіртіне, досына т.б.) шатастырмау да, алмастырмау да керек. Ондай алғысты адамдар бір-біріне күн де айтса да артық емес. Ал бұл мерекеге саяси-қоғамдық, әлеуметтік-рухани мән берілгені жөн. Өйткені бұл мереке елімізде тұратын барлық өзге этностардың ел иесі, жер иесі қазаққа деген құрметін арттырып, бейбітшілікте, бірлікте қатар өмір сүруді үйретеді.
Аман Мәделханұлы АБАСИЛОВ, 
филология ғылымдарының кандидаты, 
Қорқыт ата атындағы ҚМУ-дың қауымдастырылған профессоры

Аман Абасилов: Қазаққа алғыс жауатын күн

<a href="https://kyzylorda-news.kz/">Kyzylorda-news.kz.</a> Мен тарихы тереңде жатқан Арал қаласының перзентімін. Бір замандарда сан ұлтқа пана болған портты қала талай өзге ұлт өкілдерінің ертеңіне даңғыл жол ашты.
Украиндық әкем Александр Амелькин әскери борышын Аралда өтеген. Кейінгі өмірін осы өңірде сабақтастырып, анам Надежда Кондратьевамен отбасы құрды. Ұзақ жыл «Қарлығаш», «Чебурашка» балабақшаларында абыройлы еңбек еткен анам кішкентай кезімде: «қазақтай көңілі кең жұртты еш жерден жолықтыра алмайсың. Бірлігі мықты халық татулықты ең бірінші кезекке қояды» деп айтып отыратын.
Иә, «Тілі басқа тілегі бір, жүзі басқа жүрегі бір» қаншама жанға құшақ ашқан қазақтай елдің қамқорлығын көп көрдім. Айзада есімді қазақтың аруымен жүрек жарастырып, шаңырақ көтердім. Ұлттың атадан балаға мирас болған дәстүрін ұлықтап жүріп өнеге аларлық көп нәрсеге қанықтым. Тыныштықты ту еткен, Қазақстанның болашағына сеніммен көз тіккен төрт перзентім бар.
Қазіргі таңда «Сыр медиа» жауапкершілігі шектеулі серіктестігіне қарасты аудандық «Толқын» газеті редакциясында газет таратушы болып еңбек етемін. Алдағы 1 наурыз «Алғыс айту» күні қарсаңында қамқорлығын аямаған барша қазақ халқына алғысымды айтамын!
Амелькин Александр Александрович,
Арал қаласы

Александр Амелькин: Қазақтай көңілі кең жұртты еш жерден жолықтыра алмайсың

<a href="https://kyzylorda-news.kz/">Kyzylorda-news.kz.</a> Beeline&nbsp;Қызылорда облысындағы байланыс сапасын жақсартуды жалғастыруда. Өткен 2021 жылы оператор оңтүстік өңірде осы өңірдегі тұрғындарды мобильді интернетпен қамтамасыз етіп тұрған 3G және 4G желілерін кеңейтті.&nbsp;
Жаңа базалық станциялар Қызылорда (Сол жағалау ықшам ауданы), Байқоңыр (6-ықшам аудан) қалаларында, Арал (Сексеуіл кенті), Сырдария («Қайырукелді» мұнай кен орнындағы «Қазпетролгрупп» ЖШС-ның жаңа вахталық қалашығы) аудандарында іске қосылды.&nbsp;
Сондай-ақ компания мұнай кен орындары (Арысқұм, Қызылқия және Нұралы) мен Арал, Қазалы, Қармақшы, Жалағаш, Сырдария, Шиелі және Жаңақорған аудандарындағы 37 елді мекенде тұрған базалық станцияларды 4G стандартына дейін жаңартты.&nbsp;
Екі елді мекен — Арал қаласы мен Әйтеке би кентінде — <a href="https://tengrinews.kz/internet/domashniy-internet-provodov-beeline-zapustil-fwa-kazahstane-454218/">FWA</a> (Fixed Wireless Access) технологиясы бойынша сымсыз орнықты интернет қосылды. &nbsp;
<blockquote>«Бұл жаңа технология радиосигналдарды қолдануға негізделген. Оның басты артықшылығы – интернеттің жылдамдығы. Арнайы бөлінген жиілік ресурсы мен арнаулы Wi-Fi-роутердің арқасында интернет жылдамдығы секундына 30 мегабиттен 50 мегабитке дейін жетеді. Айтпақшы, роутерге 16 құрылғыға дейін қосуға болады, яғни отбасы бюджетіне өте тиімді», — дейді Beeline-ның Қызылорда қаласындағы техникалық бөлімінің басшысы Юрий Вакуленко.&nbsp;</blockquote>
<figure class="image"><img src="https://knadmin.beoblood.kz/uploads/Beeline_eb9cb9b1c9.jpg" alt="Beeline.jpg"><figcaption>Фотода: Beeline Қазақстанның Қызылорда қаласындағы аға инженері Асылбек Асанов</figcaption></figure>
&nbsp;
Beeline қызметтерінің сапасын жақсартуға күш салуды жалғастыруда, ол статистиканың қарқынды өсуінен көрініп тұр. Былтырғы жылдың деректеріне сүйенсек, Қызылорда облысындағы Beeline абоненттерінің 76%-ы мобильді интернетті белсенді қолданады. Орта есеппен, Қызылорда қаласының тұрғына айына 20 ГБ трафик (2021 жылғы желтоқсандағы дерек) тұтынады, бұл 2020 жылмен салыстырғанда, 17%-ға көп.&nbsp;
<a href="http://ranking.kz/ru/a/infopovody/dostupnyj-internet-kazahstan-voshyol-v-top-10-stran-mira-s-samym-deshyovym-mobilnym-internetom">Ranking.kz</a> деректері бойынша Қазақстан мобильді интернеті арзан топ-10 елдің қатарына кіретінін естеріңізге саламыз. Beeline мобильді интернет сапасы жағынан Қазақстандағы №1 байланыс операторы (<a href="https://vigo.ru/">Vigo</a> компаниясының дерегі).&nbsp; Бүгінде Beeline Қазақстанда 10 миллионға жуық абонентке қызмет көрсетеді және Қазақстандағы ең ірі 30 салық төлеушінің қатарына кіреді.&nbsp;

Beeline Қызылорда облысында мобильді интернет жылдамдығын арттырды

Kyzylorda-news.kz. Өткен тәулікте коронавирус инфекциясын жұқтырған 228 жағдай тіркелді, деп хабарлайды coronavirus2020.kz сайтына сілтеме жасап.
Елімізде коронавирус инфекциясын жұқтырғандар саны 1 302 550 жетті.
Оның ішінде: Нұр-Сұлтан қаласында – 14, Алматы қаласында – 94, Шымкент қаласында – 3, Ақмола облысында – 7, Ақтөбе облысында 1, Алматы облысында – 11, Атырау облысында – 6, Шығыс Қазақстан облысында – 12, Жамбыл облысында – 4, Батыс Қазақстан облысында – 2, Қарағанды облысында – 14, Қостанай облысында -18, Қызылорда облысында -2, Маңғыстау облысында – 0, Павлодар облысында – 19, Солтүстік Қазақстан облысында – 21, Түркістан облысында – 0.

Қазақстан және Қызылорда облысының жаңалықтары

«Аманат» партиясының логотипі жарияланды

Қызылордада «Алтын сапа» байқауына қатысуға өтінім қабылдау басталды

Қызылорда гарнизонында «Күшіміз – бірлікте» әскери-патриоттық акциясы өтті

Гүлшара Әбдіқалықова Алғыс айту күнімен құттықтады

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

Ауыл жастарына арналған «Өрлеу» атты жаңа партиялық жоба ұсынылды

Мемлекет басшысы «Nur Otan» партиясының атауын «Аманат» деп өзгертуді қолдады

Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды

Аман Абасилов: Қазаққа алғыс жауатын күн

Александр Амелькин: Қазақтай көңілі кең жұртты еш жерден жолықтыра алмайсың

Beeline Қызылорда облысында мобильді интернет жылдамдығын арттырды

Қызылордада коронавирус жұқтырғандар саны азайды

Қазақстан және Қызылорда облысының жаңалықтары

«Аманат» партиясының логотипі жарияланды

Қызылордада «Алтын сапа» байқауына қатысуға өтінім қабылдау басталды

Қызылорда гарнизонында «Күшіміз &#8211; бірлікте» әскери-патриоттық акциясы өтті

Гүлшара Әбдіқалықова Алғыс айту күнімен құттықтады

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

Ауыл жастарына арналған «Өрлеу» атты жаңа партиялық жоба ұсынылды

Мемлекет басшысы «Nur Otan» партиясының атауын «Аманат» деп өзгертуді қолдады

Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды

Аман Абасилов: Қазаққа алғыс жауатын күн

Александр Амелькин: Қазақтай көңілі кең жұртты еш жерден жолықтыра алмайсың

Beeline Қызылорда облысында мобильді интернет жылдамдығын арттырды

Қызылордада коронавирус жұқтырғандар саны азайды

Қызылорда гарнизонында «Күшіміз – бірлікте» әскери-патриоттық акциясы өтті