Kyzylorda-news.kz. Қызылорда қаласында көп қабатты үйде болған өрттен 12 адам құтқарылды.
Оқыс оқиға 3 қыркүйекте сағат 13:08 шамасында Қызылорда қаласына қарасты Қызылжарма ауылында болды. Көп қабатты үйдің бесінші қабатындағы пәтерде тұрмыстық заттардың жануынан өрт шыққан.
<blockquote>
 «Оқиға орнына облыстық төтенше жағдайлар департаменті мамандары барды. Олардың күшімен 12 адам (оның ішінде 3 бала) қауіпсіз жерге шығарылды. Өрт толық сөндірілді. Қаза болғандар мен зардап шеккендер жоқ. Өрттің шығу себебі анықталуда», – деп мәлім етті облыстық төтенше жағдайлар департаменті.
</blockquote>
<img src="https://kyzylorda-news.kz/wp-content/uploads/2022/09/img-20220904-wa0004.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662263574739.jpg" alt="" />
Ок

Қызылордада көпқабатты тұрғын үйден өрт шықты

Kyzylorda-news.kz. Өткен тәулікте коронавирус инфекциясын жұқтырған 365 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 65,
Алматы қаласында – 33,
Шымкент қаласында – 1,
Ақмола облысында – 30,
Ақтөбе облысында – 8,
Алматы облысында – 0,
Жетісу облысында – 4,
Атырау облысында – 7,
Шығыс Қазақстан облысында – 5,
Абай облысында – 5,
Жамбыл облысында – 4,
Батыс Қазақстан облысында – 48,
Қарағанды облысында – 39,
Ұлытау облысында – 7,
Қостанай облысында – 35,
Қызылорда облысында – 2,
Маңғыстау облысында – 20,
Павлодар облысында – 21,
Солтүстік Қазақстан облысында – 30,
Түркістан облысында – 1.
Елімізде коронавирус инфекциясын жұқтырғандар саны 1 389 912 жетті.

2 қызылордалықтан коронавирус анықталды

Kyzylorda-news.kz. Қазақстанда 468 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Олар:
Нұр-Сұлтан қаласында – 0,
Алматы қаласында – 94,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 16,
Жетісу облысында – 16,
Атырау облысында – 0,
Шығыс Қазақстан облысында – 12,
Абай облысында – 7,
Жамбыл облысында – 0,
Батыс Қазақстан облысында – 57,
Қарағанды облысында – 97,
Ұлытау облысында – 10,
Қостанай облысында – 0,
Қызылорда облысында – 8,
Маңғыстау облысында – 17,
Павлодар облысында – 33,
Солтүстік Қазақстан облысында – 69,
Түркістан облысында – 32.
Елімізде барлығы 1 359 257 адам COVID-19-дан емделіп, сауығып шықты.

Қызылордада 8 адам коронавирустан жазылып шықты

Kyzylorda-news.kz. Қазақстанның басым бөлігінің күн райына бұрынғыша құрғақ болып келетін антициклон әсер етеді, деп хабарлайды Қазгидромет.
Тек Қазақстанның батысы мен солтүстігінде атмосфералық фронттардың өтуіне байланысты өткінші жаңбыр жауып, күн күркірейді. Республиканың батыс, солтүстік, оңтүстік бөлігінде жел күшейіп, оңтүстік-батыста, оңтүстікте шаңды дауыл тұрады.
Жамбыл, Қызылорда, Түркістан, Ақтөбе, Алматы, Жетісу облыстарының басым бөлігінде, Атырау облысының батысы мен оңтүстігінде, шығысында, Батыс Қазақстан облысының оңтүстігі мен шығысында, Абай, Қостанай облыстарының оңтүстігінде, Қарағанды, Ұлытау облыстарының оңтүстік-шығысында төтенше өрт қаупі сақталады. Ақмола, Қостанай облыстарының басым бөлігінде жоғары өрт қаупі сақталады.

Жексенбі күнге арналған ауа райы болжамы

Kyzylorda-news.kz. Бүгін ҚР Премьер-Министрі Әлихан Смайловтың төрағалығымен Президенттің «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын іске асыруға арналған жиын өткізілді.
Үкімет басшысы Жолдауды іске асыру жөніндегі Жалпыұлттық жоспардың жобасын әзірлеуді және халықтың әл-ауқатын арттыруға бағытталған жүйелі және салалық шаралар кешенін қабылдауды тапсырды.
Селекторлық жиыннан кейін облыс әкімі Нұрлыбек Нәлібаев Мемлекет басшысының халыққа Жолдауынан туындайтын міндеттер мен тапсырмаларын іске асыруға арналған отырыс өткізді.Жиынға мемлекеттік мекеме, құқық қорғау органдары басшылары, зиялы қауым, саяси партия өкілдері қатысты.
Аймақ басшысы Президент Жолдауында саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар нақтыланып, алдағы міндеттерді айқындап бергенін жеткізді.
<blockquote>
 «Біз Президент Жолдауында айтылған барлық бағдар бойынша нақты шаралар қабылдап, сапалы іске асырамыз. Мемлекет басшысының қабылдауында болғанымда өңірде 7 ай қорытындысымен өнеркәсіп өндірісінің көлемінен басқа барлық әлеуметтік-экономикалық көрсеткіште өсім қалыптасқанын жеткіздім. Өздеріңіз білесіздер, осыған дейін Президент аймақта халықтың табысы төмендеп кеткенін айтып, жұмысты жандандыруды тапсырған еді. 2021 жылы халық табысы 99,9 пайызды құраса, жүйелі жұмыстың нәтижесінде биыл өсім орын алып, тұрғындардың нақты табыс көлемі 116,1%-ға артты», – деді НұрлыбекНәлібаев.
</blockquote>
Жиында облыстық мәслихат депутаты, Ұлттық құрылтай мүшесі Қылышбай Бисенов, облыстық мәслихат хатшысы Наурызбай Байқадамов сөз алып, Жолдауда көрсетілген міндеттер ел экономикасына серпін беретінін жеткізіп, ұсыныстарын ортаға салды.
Аймақ басшысы өңір экономикасы шикізаттық бағыттан, яғни мұнай тәуелділігінен әлі де шыға алмауының салдарын жою үшін «Шыны зауыты» айналасында шыны, «Кальцийлендірілген сода» жобасы айналасында химия өндірісін, Шалқия қорғасын-мырыш және Баласауысқандық ванадий кен орындарында кен байыту комбинаттарының құрылысын жүргізе отырып, металлургия кластерлерін құруға толық мүмкіндіктер бар екенін қаперге салды. Бұл ретте Нұрлыбек Нәлібаев бірінші орынбасары Серік Қожаниязовқа жаңа кен орындарын барлау жұмыстарын орталық атқарушы органдармен қайта пысықтауды тапсырды.
Аймақта электр желілері, ауыз су және жылу желілерінің тозу деңгейі де үлкен мәселе. Алдын ала есептеу көрсеткендей, тек электр жүйелерінің тозу деңгейін 68 пайыздан 30 пайызға дейін төмендету үшін 153 млрд.теңге қаржы қажет. Мұнан бөлек, ауылдарды газдандыру және ауыз су апару мәселесі бар.Облыс әкімі Нұрлыбек Нәлібаев орынбасары Мархабат Жайымбетовке тозығы жеткен инфрақұрылымдарды жаңғыртуды инвестиция тарту арқылы шешуді тапсырды.
Жолдаудың екінші бағыты – нақты секторды дамыту. Жиында облыс әкімі инвестиция тарту мәселесіне арнайы тоқталды.
Биылғы жылы өңірге тартылуы тиіс 373,5 млрд. теңге инвестиция көрсеткіші 7 айда 42%-ға орындалды. Межелі көрсеткішке қол жеткізу үшін қала, аудан әкімдіктеріне инвестиция тартудың Жол картасы бекітілді. Сондай-ақ, Президент тапсырмасына орай білім және медицина саласына инвестиция тарту жұмыстары өңірде күшейтілмек.
Мұнай-газ саласына да инвестиция тарту кемшін қалмайды. Бұл үшін аймақта 4 көмірсутекті кен орны жеке инвестиция есебінен зерттелмек.
<blockquote>
 «Облыстық деңгейде құны 227 млрд. теңге болатын 2 ірі инвестициялық жобаның іске асырылуы шешілді. Түрік инвесторлары есебінен жаңа жылу электр орталығы және Болат Өтемұратов қоры есебінен «Қорқыт Ата» әуежайы жаңа терминалы салынады. Осындай ірі жобалар бізде санаулы емес, кем дегенде әр ауданда біреуден болуы қажет.Әкімдер белсенді түрде инвестиция тарту бағытында жұмыс жасаңыздар! Шетелдік ірі инвесторлармен кездесіп, келіссөздер жүргізіңіздер! Тек нақты нәтиже болуы керек», – деді Нұрлыбек Нәлібаев.
</blockquote>
Жолдау жүктеген тағы бір міндет – жастарды жұмыспен қамту. Келер жылдан бастап жастар кәсіпкерлігін қолдауға жылдық 2,5%-бен жеңілдетілген шағын несие берудің тетігі іске қосылмақ.
Нұрлыбек Нәлібаев бірінші орынбасары Серік Қожаниязовқа бизнесте жүрген және кәсіпке енді бейімделіп жүрген жастармен кездесу өткізіп, олардың ұсыныстарын тыңдап, талқылау нәтижесімен өңірдің экономикалық ерекшелігіне қарай жастармен іске асырылатын әлеуетті жобалардың тізімін әзірлеуді тапсырды.
Жиында ауыл шаруашылығы мәселелері де қаралды. 2023 жылдан бастап «Ауыл халқының табысын арттыру жөніндегі жобаны масштабтау бойынша шағын кредиттер беру» республикалық бюджеттік бағдарламасы жүзеге асады. Бұл бағытта келесі жылы республикалық бюджеттен облысқа 3 млрд.теңге қаржы бөліну көзделуде.
Аймақ басшысы бөлінген қаржының тиімділігін арттыру мақсатында әр ауданнан 2-3 ауылдық округтерді белгілеп, пилоттық режимде нақты жобалар жүзеге асырылуы тиіс екенін атап өтті. Сондай-ақ, аудан және қала әкімдеріне бір ай көлемінде нақты ауылдық округтерді анықтап, жобалардың бағыттарын белгілеп, тиісті есептері мен қажетті қаражат көлемін ұсынуды тапсырды.Білім беру саласының өзекті мәселелері де сөз болды. Аймақта 2 мен 6 жас аралығындағы балалардың балабақшамен қамтылу көрсеткішін ұлғайту, тәрбиешілердің әлеуметтік мәртебесін арттыру бағытында өңірдегі барлық балабақшаға толықтай сараптама жүргізіп, нақты талдау жасау тапсырылды.
Жиын соңында аймақ басшысы аймақ экономикасына тікелей әсер ететін Арал теңізінің жағдайы, «Батыс Еуропа – Батыс Қытай» автомагистралінің Қызылорда қаласынан Ақтөбе облысының шекарасына дейінгі учаскесін екінші санаттан бірінші санатқа ауыстыру, жаңа көп бейінді аурухана салу мәселелерін орнықты шешу алдағы міндет екенін жеткізді.
Айта кетейік, Президент Жолдауын іске асыруға арналған Ұлттық жоспар аясында облыстық деңгейде арнайы жоспар әзірленеді.
<img src="https://kyzylorda-news.kz/wp-content/uploads/2022/09/fb_img_1662204899079.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662204902591.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662204906115.jpg" alt="" />

Нұрлыбек Нәлібаев: Жолдау талабы &#8211; нақты істің нәтижесімен маңызды

Kyzylorda-news.kz. Арал ауданында егістік көлемін арттыру мақсатында арнайы Жол картасы әзірленіп, биылғы жылы егін алқабын 800 гектарға, 2024 жылға дейін 3000 гектарға жеткізу жоспарланған болатын.
Биылғы жылы ауданда егін егуді қолға алу, ауданды ішкі өніммен қамтамасыз ету бойынша берілген облыс әкімінің тапсырмасына сәйкес, елді мекендерде 100,2 гектар жерге егін егілді. Бүгінде еткен еңбектің нәтижесінде аудан орталығында жергілікті шаруалардың ауылшаруашылығы өнімдерінің жәрмеңкесі бастау алды. Осы орайда, бүгін Арал қаласы «Шанхай» мөлтек ауданындағы темір жол өткелінің маңында ауыл шаруашылығы өнімдері мен мал азығының жәрмеңкесі өткізілді.
Арал ауданы орталығы жұртшылығының игілігіне бағытталған аталмыш шарада кент және ауылдық округтерден 2,2 тонна ет (қой, сиыр, жылқы, түйе), 4,5 тонна балық пен балық өнімдері, бау-бақша дақылдары 6 тонна және 10-нан аса автокөлікпен мал азығы (жем-шөп) әкелініп, қолжетімді бағада босатылды.
Барлығы 20 тоннадан астам жергілікті шаруалардың өндірген өнімдері: бау-бақша, көкөніс дақылдары және мал азығы Арал қаласының тұрғындарына нарықтағы бағамынан 10-15 пайыз төмен ұсынылды.
Жиналған халық жәрмеңкеге шығарылған ауылшаруашылығы өнімдері мен жем-шөп сатылымын ұсынған ұйымдастырушыларға ризашылықтарын жеткізіп, осындай шаралардың әрдайым жалғасын табуына тілектестік білдірді.
Шарада аудан әкімінің орынбасары Еркін Әбішев мал азығына ерекше мән берілгендігін атап өтті.
<blockquote>
 «Жәрмеңкені ұйымдастырудағы басты мақсатымыз – баға тұрақтылығын сақтап, мал ұстап отырған халыққа алдағы қыстан аман-есен шығуға жағдай жасау. Енді қыс мезгілі жақындаған сайын жем-шөп бағасының қымбаттатуы заңдылық. Ал, бұл шара мал азығын тасымалдаумен айналысатын кәсіпкерлердің бағаны тым шарықтатпауына өз септігін тигізіп, баға тұрақтылығын ұстап тұруға ықпал етеді», – деді Еркін Әбішев.
</blockquote>
Мұнан соң, ұйымдастырылған жәрмеңке аясында сыр беткейдегі егін шаруашылығымен айналысатын Бекбауыл, Ақирек, Райым, Жетес би, Қосжар, Аманөткел, Жаңақұрылыс, Бөген және Қаратерең ауылдық округтеріне өткен жылы ауданда орын алған төтенше жағдай аясында үкіметтің резервнен 10 су айдау насосы табысталды. Ондағы мақсат – елді мекендерде егін шаруашылығымен айналысатын шаруаларға және ауыл тұрғындарына қолдау көрсету.
Алдағы уақытта Арал қаласының 95 жылдығы мерейтойына орай ауылшаруашылығы өнімдерінің жәрмеңкелерін тұрақты түрде ұйымдастыру жоспарда бар.
<img src="https://kyzylorda-news.kz/wp-content/uploads/2022/09/fb_img_1662202170853.jpg" alt="" />

Арал ауданында жәрмеңке өтті

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында аудан әкімі Нұржан Ахатовтың төрағалығымен аппарат мәжілісі өтті.
Мәжіліске аудан әкімінің орынбасарлары, кент және ауылдық округ әкімдері мен барлық дербес бөлім басшылары, «AMANAT» партиясы Шиелі аудандық филиалының атқарушы хатшысы Сыздық Болат Мүбаракұлы мен аудандық мәслихат хатшысы Жағыпбаров Тұрмағанбет Әлиасқарұлы қатысып отырды.
Мәжіліс барысында маңызды 2 мәселе қаралды.
2022-2023 жылғы жылу маусымына дайындық барысы және коммуналдық қарыздарды өндіру мәселесі туралы аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Д.Аман баяндама жасады.
Жылу беру маусымын өткеруге аудан бойынша 147 нысан, оның ішінде білім саласы 62, мәдениет пен спорт 44, денсаулық саласынан 41 мекеме даярлануда. 147 нысанның 23-і сұйық отынмен, 98-і қатты отынмен, 26-ы газбен жылытылады. Сондай-ақ, аудан тұрғындарына 20 мың тонна қатты отын қажет болса, бүгінгі күнге 12 мың тонна көмір келді. Аудан бойынша қатты отын түсіретін темір жол тұйығы 4-еу, оның барлығында таразы орнатылған.
Аудандағы көмір тасымалымен айналысушы кәсіпкермен көмір бағасын 15 мың теңгеден асырмау жөнінде меморандум жасалынды.
Күн тәртібіндегі екінші мәселе – күзгі егін жинау науқанының барысы туралы аудандық ауыл шаруашылығы бөлімінің басшысы М.Әшірбеков баяндады.
Аудан бойынша күріш егісінің ору жұмыстары 25 тамыз күні басталып, қазіргі таңда 10 750 гектар күріштің 865 гектары орылып, оның 395 гектары бастырылды. 1649 гектар күздік бидайдан 1814 тн өнім, 456 гектар жаздық бидайдан 410 тонна өнім жиналды. Жоңышқа шөбінің бірінші орымынан 24 990 тонна өнім жиналса, бүгінгі күнге екінші орымынан 19 600 тонна жиналды, екінші орым жалғасуда және жалпы 44 590 тонна өнім жиналған. Көкөніс, бақша дақылдарын жинау жұмыстары да қарқынды жүруде. 1769 гектар көкөністің 1592 гектарынан 30224,8 тонна өнім, 2408 гектар бақша дақылдарының 2 250 гектарынан 45 000 тонна өнім жиналды.
Ауыл шаруашылығы тауарын өндірушілердің қолында бүгінде күзгі дала жұмыстарына қатысатын 331 дана трактор, 116 дана комбайн, 63 дана жатка, 52 дана автомашина және 164 дана трактор тіркемесі 100 пайыз дайын.
Шиелі ауданы бойынша күзгі егінге мемлекет тарапынан 1726,0 тонна арзандатылған дизель отыны бөлініп, оператор «РК Мұнай» ЖШС арқылы литрі 210 теңгеден шаруашылық құрылымдарына берілуде. Бүгінгі күні шарушылық құрылымдарының QOLDAU kz-веб порталы арқылы берген сұраныстарына сәйкес 246 тонна дизель отыны таратылған.
Баяндамашыларға және тиісті сала басшыларына аталған мәселелерге қатысты аудан әкімінің және «AMANAT» партиясы Шиелі аудандық филиалының атқарушы хатшысы мен аудандық мәслихат хатшысының тарапынан түрлі сауалдар қойылып, жан-жақты талқыланды.
Аудан басшысы орынбасарларына, аппарат басшысы мен кент және ауылдық округ әкімдеріне, барлық бөлім басшыларына қатаң тапсырмалар беріп, уақытылы және сапалы орындалуын талап етті.
<img src="https://kyzylorda-news.kz/wp-content/uploads/2022/09/304985099_1386054731924982_6070407919780106625_n.jpg" alt="" />

Шиеліде 12 мың тонна көмір бар

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасы және Ә.Тәжібаев атындағы облыстық әмбебап ғылыми кітапханасының ұйымдастыруымен «Тіл – ұлттық қазына» тақырыбында оқырман сағаты өтті.
Шараға тіл жанашырлары мен зиялы қауым өкілдері, «Жастар рухы» Жастар қанаты Қызылорда облыстық филиалының еріктілері, жас кітапханашылар, студенттер қатысты.
Шара барысында қатысушылар ұлт ұстазы туралы дайындалған көрмемен танысып, бейнеролик тамашалады.
Оқырман сағатының бірінші бөлігінде мемлекеттік тіл саясатын жүзеге асыру бағытында атқарылып жатқан жұмыстар туралы Тілдерді оқыту орталығы директорының орынбасары Ж.Ерекешова, Қорқыт ата атындағы ҚУ-дың аға оқытушысы, филология ғылымдарының кандидаты, доцент Б.Боранбай «Ахмет тағылымы және тіл тазалығы», кітапхана қызметкері А.Серікбаева «1925-1929 жылдардағы ағартушылық қызметі» тақырыптарында хабарламалар жасады.
«Ақмешіт апталығы» газетінің тілшісі Т.Бекмырзаев «Мәңгілік мәртебем» атты арнау өлең оқыды. 
Оқырмандар өз ойларын ортаға салып, тіл жанашырларымен пікір алмасты. Оқырман жастар ақын-жазушылардың тіл туралы өлеңдерін оқыды. Ардагер ұстаз Торғаева Ділдахан Торғайқызы және ақын-журналист Рахмет Несібелі Төлтайқызы жастарға арналған ғибратты әңгімелерін ұсынды.
<img src="https://kyzylorda-news.kz/wp-content/uploads/2022/09/304781680_1609545446107628_4098795366771444015_n.jpg" alt="" />

Қызылордада «Тіл – ұлттық қазына» тақырыбында оқырман сағаты өтті

Kyzylorda-news.kz. 5 қыркүйек – Қазақстан халқы тілдерінің мерекесіне байланысты Қызылорда қаласындағы мектепке дейінгі білім беру ұйымдарында «Тілді сүю – талбесіктен» тақырыбында акция ұйымдастырылуда. Аталған мерекеге орай Қызылорда қаласындағы «Шаттық» және «Қызғалдақ» балабақшаларында тағылымдық мазмұндағы шара өтті.
Мектепке дейінгі білім беру ұйымдарында тәрбиеленушілердің тіл байлығын жетілдіру, ой-өрісін, танымын кеңейту мемлекеттік тілге деген құрметін арттыру мақсатында өткен акцияға Қызылорда облысының қоғамдық даму басқармасының бөлім басшысы Ләззат Есімова, «Халықаралық «Қазақ тілі» қоғамы» қоғамдық бірлестігі облыстық филиал төрағасының орынбасары Жалғасбек Аманов және қалалық білім бөлімінің әдіскері Жанат Кеулімжайқызы қатысты.
«Шаттық» балабақшасының бүлдіршіндері Әнұран орындап, ән айтып, би билеп, ана тіліміздің айбынын асқақтататын өлең шумақтарын оқыды. Айта кетерлігі, биылдан бастап балабақшада қазақ тіліндегі балаларға арналған кітаптар сөресі ашылған. «Қызғалдақ» балабақшасында тәрбиешілер мен тәрбиеленушілер қала өмірі мен ауыл тіршілігіндегі тіл қолданысын салыстырмалы түрде қойылым арқылы жеткізді.
Акция барысында екі балабақша ұжымына да басқарма тарапынан «Аталар сөзі», «Бабалар батасы», «Халық тағылымы», «Халық ертегілері», «Халық әні», «Халық аңызы», «Қобыз үні», «Домбыра күйі», «Бесік жыры», «Билер сөзі», «Нақыл сөздер», «Халық жыры» кітаптары жиынтығынан тұратын инновациялық сөйлейтін қаламы бар «Даналық әліппесі» оқу-әдістемелік кешені, «Қарлығаштың құйрығы неге айыр?», «Жақсылыққа жақсылық», «Сыналған достық», «Сиқырлы тақия», балаларға арналған ертегі кітапшалар мен журналдар, әріп үйренуге арналған «Электронды әліппе», С.Әкірамұлының «Ұқыпты бала» секілді көптеген кітаптар табысталды.
<img src="https://kyzylorda-news.kz/wp-content/uploads/2022/09/fb_img_1662188475674.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662188478172.jpg" alt="" />

Қызылордада «Тілді сүю &#8211; талбесіктен» акциясы өтті

Kyzylorda-news.kz. Қыркүйек айының алғашқы жексенбісі – мұнай-газ саласы қызметкерлерінің күні. Қызылорда облысының әкімі Нұрлыбек Нәлібаев төл мереке қарсаңында сала мамандарымен кездесті.
Басқосуда аймақ басшысы мұнай-газ секторындағы ахуал және Президент Жолдауында жүктелген міндеттерді талқылады.
<blockquote>
 «Мемлекет басшысы Жолдауда жер қойнауын игеру саласының инвестициялық тартымдылығын арттыру міндет қойды. Мұнай қорлары сарқылып, мұнай көлемі төмендеудің шарықтау шегіне келген осы кезеңде геологиялық зерттеу жұмыстарын жүргізу, мұнай-газ саласын дамытуға инвестиция тарту біздің өңір үшін атқарылатын басты жұмыс. Қазіргі таңда республикалық бюджет есебінен Шу-Сарысу және Арал шөгінді бассейндерін геологиялық зерделеу жұмыстары жүргізілуде. Сырдария бассейні бойынша келер жылы геологиялық зерттеу жұмыстарын бастау жоспарлануда. Үш бассейнді зерттеу нәтижесі – мұнай-газ қорының шоғырланған учаскелерін нақты анықтап береді. Бұл жеке инвесторлар үшін өте қолайлы, олар қысқа мерзімде мұнай мен газды өндіру кезеңіне өтуге мүмкіндік алады.Энергетика вице-министрінің өңірге іс-сапары кезінде газды сатып алу бағасын арттыруға қатысты мәселені көтеріп, «QazaqGaz» басшылығымен келісімге келдік. Жыл соңына дейін бұл мәселе оңтайлы шешілетін болды», – деді облыс әкімі Нұрлыбек Нәлібаев.
</blockquote>
Жиында аймақтың мұнай-газ саласында ұзақ жыл еңбек еткен қызметкерлер ҚР Энергетика министрлігінің салалық наградаларымен және «Қызылорда облысының Құрмет грамотасымен» марапатталды. Атап айтсақ, «Мұнай-газ кешенін дамытуға қосқан үлесі үшін» медалі 2 азаматқа табысталса, 8 сала үздіктеріне Құрмет грамотасы берілді.Сондай-ақ, мерекелік басқосуда сала ардагері Ғалым Байманов көрсетілген құрметке алғыс білдіріп, ақжарма тілегін арнады.
Айта кетейік, бүгінгі күні аймақта мұнай-газ секторында 14 мыңнан астам қызметкер жұмыс істейді.
<img src="https://kyzylorda-news.kz/wp-content/uploads/2022/09/fb_img_1662175979829.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175982939.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175985698.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175988227.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175992318.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175995031.jpg" alt="" />

Қызылордада мұнай-газ саласының қызметкерлері марапатталды

Kyzylorda-news.kz. Қазақстанда 449 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Шымкент қаласында – 53,
Жетісу облысында – 10,
Шығыс Қазақстан облысында – 24,
Абай облысында – 6,
Батыс Қазақстан облысында – 42,
Қарағанды облысында – 93,
Ұлытау облысында – 12,
Қостанай облысында – 77,
Қызылорда облысында – 8,
Маңғыстау облысында – 21,
Павлодар облысында – 42,
Солтүстік Қазақстан облысында – 61 адам дертінен айыққан.
Елімізде барлығы 1 358 789 адам COVID-19-дан емделіп, сауығып шықты.

Қызылордада 8 адам коронавирустан айықты

Kyzylorda-news.kz. Өткен тәулікте коронавирус инфекциясын жұқтырған 427 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 69,
Алматы қаласында – 36,
Шымкент қаласында – 11,
Ақмола облысында – 51,
Ақтөбе облысында – 10,
Алматы облысында – 9,
Жетісу облысында – 3,
Атырау облысында – 21,
Шығыс Қазақстан облысында – 11,
Абай облысында – 4,
Жамбыл облысында – 11,
Батыс Қазақстан облысында – 43,
Қарағанды облысында – 40,
Ұлытау облысында – 3,
Қостанай облысында – 38,
Қызылорда облысында – 2,
Маңғыстау облысында – 18,
Павлодар облысында – 17,
Солтүстік Қазақстан облысында – 25,
Түркістан облысында – 5 адамнан инфекция анықталды.
Елімізде коронавирус инфекциясын жұқтырғандар саны 1 389 547 жетті

Қазақстан және Қызылорда облысының жаңалықтары

Қызылордада көпқабатты тұрғын үйден өрт шықты

2 қызылордалықтан коронавирус анықталды

Қызылордада 8 адам коронавирустан жазылып шықты

Жексенбі күнге арналған ауа райы болжамы

Нұрлыбек Нәлібаев: Жолдау талабы – нақты істің нәтижесімен маңызды

Арал ауданында жәрмеңке өтті

Шиеліде 12 мың тонна көмір бар

Қызылордада «Тіл – ұлттық қазына» тақырыбында оқырман сағаты өтті

Қызылордада «Тілді сүю – талбесіктен» акциясы өтті

Қызылордада мұнай-газ саласының қызметкерлері марапатталды

Қызылордада 8 адам коронавирустан айықты

Қызылордада коронавирус жұқтырғандар бар

Қазақстан және Қызылорда облысының жаңалықтары

Қызылордада көпқабатты тұрғын үйден өрт шықты

2 қызылордалықтан коронавирус анықталды

Қызылордада 8 адам коронавирустан жазылып шықты

Жексенбі күнге арналған ауа райы болжамы

Нұрлыбек Нәлібаев: Жолдау талабы &#8211; нақты істің нәтижесімен маңызды

Арал ауданында жәрмеңке өтті

Шиеліде 12 мың тонна көмір бар

Қызылордада «Тіл – ұлттық қазына» тақырыбында оқырман сағаты өтті

Қызылордада «Тілді сүю &#8211; талбесіктен» акциясы өтті

Қызылордада мұнай-газ саласының қызметкерлері марапатталды

Қызылордада 8 адам коронавирустан айықты

Қызылордада коронавирус жұқтырғандар бар

Нұрлыбек Нәлібаев: Жолдау талабы – нақты істің нәтижесімен маңызды

Қызылордада «Тілді сүю – талбесіктен» акциясы өтті