<a href="https://kyzylorda-news.kz/">Kyzylorda-news.kz.</a>&nbsp;5-7 мамырға арналған ауа райы болжамы жарияланды.
Елдің солтүстігінде оңтүстікпен салыстырғанда салқын ауа райы болады. Бұл оңтүстік аймақтарға Өзбекстанның аудандарынан келетін жылы ауа массасы мен солтүстік аймақтарындағы суық ауа массаларына байланысты. Солайша, солтүстік-батыс антициклоны түнгі температураның төмендеуіне әкеледі. Ал осы екі ауа ағыны нәтижесінде батыс өңірлерде нөсер жаңбыр, найзағай, бұршақ және екпінді жел күтіледі.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстанда биыл мектеп түлектері тарих пәнінен емтиханды ауызша тапсырады. Қалған пәндер бойынша емтихандар жазбаша форматта болмақ. Бұл туралы білім және ғылым министрлігінің аппарат отырысында мектепке дейінгі және орта білім беру комитетінің төрайымы Гүлмира Каримова мәлім етті.
Биыл елімізде 155 мың түлек мектеп, сондай-ақ&nbsp; 267 мыңнан аса оқушы 9-сыныпты бітіреді. 9-сыныпқа арналған ақырғы емтихандар 28 мамыр мен 6 маусым аралығында төрт пән бойынша өтеді. Ал 11-сынып бітірушілері 27 мамырдан 10 маусымға дейін білім деңгейлерін тексереді.&nbsp; 
Биыл Қазақстан тарихы пәнінен емтихан ауызша түрде өтеді. Әр билетте үш сұрақтан беріледі. Максималды ұпай – 30.&nbsp;
Спикердің айтуынша, соңғы қоңырау әдеттегідей &nbsp;25 мамырда, ал аттестатты табыстау рәсімі – 16-17 маусымда өтеді. Барлық шаралар мектеп қабырғасында өтеді.&nbsp;
Гүлмира Каримова бітіру шараларына аниматорларды, мерекелік агенттіктерді шақыруға болмайтынын ескертті. Сондай-ақ, мерекелік дастархан жаюға, автокөліктерді жалға алып, қала аралауға тыйым салынады. Мектеп әкімшілігі мен ұстаздарға сыйлыққа ақша жинауға, бітіру кештерін мейрамхана мен кафелерде ұйымдастыркға болмайды. &nbsp; 
“Түлектердің қайырымдылық бастамаларына – &nbsp;“Мектепке кітап сыйла” акциясына, “Мектепке сый” ағаш отырғызу акциясына, әлеуметтік осал топтар мен балаларға көмек көрсету бойынша бастамаларға қолдау көрсетіледі”, –&nbsp;деді Гүлмира Каримова.
Биыл Қазақстан бойынша 26 мамыр мен 17 маусым аралығында жазғы мектептер жұмыс істейді. Мұндай мектептердің мақсаты –&nbsp;1-8 және 10-сынып оқушыларының білімін толықтыру. Жазғы мектептерге бару ерікті түрде, таңдау құқығы ата-аналарға беріледі.&nbsp;
Жазғы мектептерде үй тапсырмалары берілмейді.

Биыл Қазақстан тарихы бойынша емтихан ауызша өтеді

<a href="https://kyzylorda-news.kz/">Kyzylorda-news.kz.</a> Қызылорда облыстық ішкі саясат басқармасының басшысы Мира Қазбекованың бұйрығына сәйкес 2022 жылдың 4 мамырынан бастап Қызылорда облыстық ішкі саясат басқармасының «Қоғамдық келісім» КММ директоры лауазымына Камалов Бақытжан Жарылқасынұлы тағайындалды.
Камалов Бақытжан Жарылқасынұлы 1975 жылдың 1 шілдесінде Қызылорда облысы, Сырдария ауданы, Аманкелді ауылында дүниеге келген.
Мемлекеттік қызметті 2000 жылдың 1 желтоқсанда Қызылорда облысы әкімінің аппараты діни бірлестіктермен байланыстар жөніндегі кеңестің хатшысы, бас маман ретінде бастаған.
2003-2011 ж.ж. облыс әкімі аппараты Қазақстан халқы ассамблеясы облыстық хатшылығының бас маманы, бас инспекторы қызметін атқаруымен қатар, қосымша облыс әкімдігі жанындағы діни бірлестіктермен байланыстар жөніндегі кеңестің хатшысы, облыс әкімі аппаратының дін мәселелері бойынша жауапты қызметкері болған. 2011 жылдың 5 мамыр мен 11 қараша аралығында ҚР Мәдениет министрлігі Діни істер комитеті Қызылорда облысының діни істер департаментінің директоры, 2011-2013 ж.ж. ҚР дін істері агенттігінің Қызылорда облысының дін істері департаменітінің директоры, 01.07.2013-09.06.2014 ж.ж. Қызылорда облысының дін істері басқармасының басшысы қызметін атқарған.
2014 жылдың қыркүйек айынан бастап бүгінгі күнге дейін «Дін мәселелерін зерттеу орталығы» КММ-нің директоры қызметін атқарып келеді.
Камалов Бақытжан Жарылқасынұлы – Сыр өңіріндегі конфессияаралық келісімді орнықтырушы тұлғалардың бірі. Дін саласындағы мемлекеттік саясатты жүргізуші ретінде еңбек жолын сонау 2000 жылы бастаған Б.Камалов бүгінде облыстық дін мәселелерін зерттеу орталығын абыроймен басқарып келеді. Аймақта 7 конфессияға жататын 189 діни ұйымдардын өкілдері арасында рухани келісімді орнықтыру жолында қызмет етіп келді.
Сондай-ақ, аймақтағы конфессияаралық тұрақтылықты сақтауға, діни экстремизм мен терроризм көріністерінің алдын алуға, ҚР діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламасын, Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасын, Діни экстремизм мен терроризмге қарсы іс-қимылдың 2018-2022 жылдарға арналған мемлекеттік бағдарламасын жүзеге асыруға және жергілікті тұрғындар арасында насихаттауға, деструктивті діни ағымдардан жаппа шеккен азматтарды қоғам мен дәстүрлі ұстанымға қайта бейімдеу, оңалту бағытында ерең еңбек етуде.
Елеулі еңбегі үшін Б.Камалов 2009ж «Қызылорда облысына 70-жыл» мерекелік медалімен, 2011 ж «Қазақстан Республикасының тәуелсіздігіне 20 жыл» мерекелік медалімен, 2014 ж Қызылорда облысының Құрмет грамотасымен, 2015 ж «Қазақстан халқы Ассамблеясына 20 жыл» мерекелік медалімен, 2015 ж «Қазақстан Конституциясына 20 жыл» мерекелік медалімен, 2016 ж «Қазақстан Республикасы Прокуратурасына 25 жыл» мерекелік медалімен марапатталған.
<img src="https://kyzylorda-news.kz/wp-content/uploads/2022/05/kamalov.jpg" alt="" />

«Қоғамдық келісім» мекемесінің директоры тағайындалды

<a href="https://kyzylorda-news.kz/">Kyzylorda-news.kz.</a> Қазақстандықтарға 4%-пен автокөлік сатып алуға мүмкіндік беретін бағдарлама келесі аптада басталады. Бұл туралы Индустрия және инфрақұрылымдық даму министрі Қайырбек Өскенбаев мәлімдеді, деп хабарлайды&nbsp;<a href="https://stan.kz/">Stan.kz</a>.
Экология, геология және табиғи ресурстар министрі Серікқали Брекешевтің айтуынша, қазір утилизациялық алым бойынша оператор «Жасыл даму» АҚ-дан жеңілдетілген автокредитке қаржы бөлу жұмыстары жүріп жатыр.
<blockquote>
 «Жасыл даму» шотынан ақша аудару бойынша корпоративтік рәсімдер жүргізіліп жатыр. Бұл жұмыс аяқталған соң, ақша жіберіледі. Осы аптаның соңына дейін, мамырдың алтысына дейін бітіреміз», –&nbsp;деді Брекешев үкімет үйінде өткен баспасөз мәслихатында.
</blockquote>
Индустрия министрі Қайырбек Өскенбаев тиісті қаражат осы апта түссе, келесі жұмада бағдарлама іске қосылатынын мәлімдеді.
<blockquote>
 «Аптаның аяғына дейін ақша түссе, келесі аптадан бастап бұл жұмыс басталады», –&nbsp;деді Өскенбаев.
</blockquote>
Еске сала кетейік, бұған дейін индустрия және инфрақұрылымдық даму министрлігі жеңілдетілген автокредит бағдарламасының шарттарын бекітті. Енді экология, геология және табиғи ресурстар министрлігіне қарайтын «Жасыл даму» АҚ-дан бағдарламаны қаржыландыруға ақша бөлінуге тиіс.
Бағдарламаның негізгі шарттары: кредит сомасы – 10 миллион теңге; жылдық сыйықасы 4 процент; мерзімі – 7 жыл. Көлік бағасы кредит сомасынан жоғары болса, үстінен ақша қосуға болады.

Жеңілдетілген автокредит келесі аптада басталады

<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыруға жарналар мен аударымдар ретінде 2022 жылдың 1-і тоқсанында шамамен 229,4 млрд теңге түсті. Әлеуметтік медициналық сақтандыру қоры тұрғындардың қандай санаттары үшін ең көп төлем жасалғанын айтты.
Қорда атап өткендей, міндетті әлеуметтік медициналық сақтандыру үшін жарналар мен аударымдар ҚР Ұлттық банкіндегі арнайы шотқа түседі. Сол жерден бұл қаражат сақтандырылған азаматтарға көрсетілген медициналық қызметтерге ақы төлеуге жұмсалады.
2022 жылдың үш айының қорытындысы бойынша 229,4 млрд теңгенің ішінде қаражаттың едәуір бөлігі – 90,4 млрд теңге – халықтың жеңілдікті санаттары үшін төленген мемлекеттің жарналарын құрады. Олардың тізіміне 18 жасқа дейінгі балалар, зейнеткерлер, мүгедектер, жұмыссыздар ретінде тіркелген адамдар, жұмыс істемейтін жүкті әйелдер, үш жасқа дейінгі балаға күтім жасайтын жұмыс істемейтін адамдар және т. б. кіреді.
<blockquote>
 «Биыл 28 наурыздан бастап заңға жеңілдікті санаттағы адамдардың тізіміне қатысты түзетулер күшіне енді. Бұрын жеңілдікті санаттардың біріне бала кезінен бірінші топтағы мүгедекке қамқорлық жасайтын жұмыс істемейтін адамдар кірген болатын. Енді оған бірінші топтағы мүгедектерге күтім жасайтын жұмыс істемейтін адамдар кіреді. Яғни, бала кезінен мүгедектер ғана емес, сонымен бірге бірінші топтағы мүгедектікті кейінірек алғандар да енгізілді», – дейді Әлеуметтік медициналық сақтандыру қорының Заңды және жеке тұлғалармен жұмыс жасау департаментінің директоры Забира Оразалиева.
</blockquote>
МӘМС төлеушілердің тағы бір үлкен санаты – жұмыс берушілер. 2022 жылдың 1 тоқсанында олар өз қызметкерлері үшін 76,1 млрд теңге сомасына аударымдар жүргізді. Осы кезеңде жалдамалы жұмыскерлердің жарналары 52,3 млрд теңгені құрады. Азаматтық-құқықтық шарттар бойынша еңбек ететін қызметкерлер 2,7 млрд теңгеге жарна төледі.
Жеке кәсіпкерлер 3 ай ішінде МӘМС үшін 6,3 млрд теңге төледі. Дербес төлем жасаушылар-970 млн теңге. Ал өзін-өзі жұмыспен қамтығандар БЖТ-ны 447 млн теңге көлемінде төледі.
Қорда МӘМС аясында аударылған жарналар мен аударымдар туралы мәліметтерді egov.kz электрондық үкімет порталында «Медициналық қызметтер туралы және МӘМС-те аударылған сомалар туралы ақпарат» мемлекеттік қызметін пайдалана отырып тексеруге болатындығын еске салды.
<blockquote>
 «Тегін медициналық көмектің кепілдік берілген көлемі ҚР барлық азаматтарына, қандастарға және елімізде тұрақты тұратын шетелдіктерге қолжетімді екенін білу маңызды. ТМККК бойынша пациент емхана деңгейінде алғашқы қызметтерді, жедел көмекті, санитариялық авиацияны және шұғыл стационарлық көмекті, дәрілік қамтамасыз етуді қоса алғанда, әлеуметтік мәні бар және созылмалы аурулар кезінде медициналық көмекті алады. Барлық сақтандырылған азаматтарға қолжетімді МӘМС тізбесіне консультативтік-диагностикалық көмек, стационарлық және стационарды алмастыратын көмек, дәрі-дәрмекпен қамтамасыз ету, медициналық оңалту кіреді. Яғни, медициналық қызметтердің кең тізімі. Бұл ретте МӘМС жүйесіндегі медициналық көмек барлық сақтандырылған азаматтарға олардың жарналарының мөлшеріне қарамастан көрсетілетінін мәлімдейміз», – деп атап өтті Забира Оразалиева.
</blockquote>
Егер сізде медициналық көмек көрсету сапасына қатысты сұрақтар туындаған болса, сіз оларды өз емханаңыздағы Пациенттерді қолдау қызметіне қоя аласыз. Егер жағдайды сол жерде шешу мүмкін болмаса, онда өзіңізге ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы біле аласыз.

Бірінші тоқсанда МӘМС-ке шамамен 229,4 млрд. теңге түсті

<a href="https://kyzylorda-news.kz/">Kyzylorda-news.kz.</a> Дүниежүзілік «WRO-2022» робототехникадан олимпиаданың аймақтық кезеңінде Қызылорда қаласындағы Назарбаев Зияткерлік мектебінің оқушылары бес бірдей бірінші орынды иеленді.
«RoboMission» категориясында Максим Усольцев пен Данила Осетров және Сұлтан Қани мен Ернұр Жақсылықов жеңімпаз атанса, шығармашылық кезеңде Нұрдәулет Әділбек пен Аружан Мұханбетияр және Әділет Сәду мен Мұхтар Нағашыбайдың топтары бірінші орынды иемденді. «Future Engineers» категориясындағы жүлде Нұрбол Жақсылық пен Нұрмұхамед Оразбековке бұйырды.
Бұл жарыста қатысушылар өздері құрастырған құлтемір достарын таныстырды. Олардың кедергілерден өту, заттарды бір нүктеден екінші нүктеге қозғалту секілді әрекеттерді орындау шеберліктері бағаланды. Ал шығармашылық номинацияда қатысушылар өздерінің инновациялық жобалары мен өнертабыстарын ұсынды. Мәселен, қалдықтарды өңдеуге арналған биоконвейер, саусақ ізі бойынша науқастарды анықтауға мүмкіндік беретін әмбебап құрылғы, автоматтандырылған ферма және тағы басқа құрылғылар әділқазылар назарына ұсынылды. 
Биыл жас өнертапқыштар сайысына барлығы 18 команда қатысты. Оның ішінде Назарбаев Зияткерлік мектебі, Т.Жүргенов атындағы №136 мектеп-лицейі, «Ziyatker» инновациялық мектеп-лицейі, Е.Әуелбекова атындағы №4 дарынды балаларға арналған мектеп, С.Сейфулин атындағы №4 ІТ-мектебі, М.Шоқай атындағы №187 ІТ-мектебі, И.Панфилов атындағы №5 мектеп-лицей және №277 мектеп-лицейінің оқушылары бар.
Жеңімпаз командалар республикалық кезеңде облыс намысын қорғап, әлемдік додаға қатысатын Қазақстан құрамасы сапында жүлде үшін сайысқа түсетін болады.
<img src="https://kyzylorda-news.kz/wp-content/uploads/2022/05/dsc_0758-scaled.jpg" alt="" />
<img src="https://kyzylorda-news.kz/wp-content/uploads/2022/05/dsc_1034-scaled.jpg" alt="" />

WRO-2022: Қызылордалық зияткерлер республикалық кезеңге жолдама алды

<a href="https://kyzylorda-news.kz/">Kyzylorda-news.kz.</a> Қазақстанда геологиялық барлауға салынатын мемлекеттік инвестиция өте төмен. Бұл туралы ҚР Экология, геология және табиғи ресурстар министрі Серікқали Брекешев айтты, деп хабарлайды <a href="https://lenta.inform.kz/kz/kazakstanda-ken-oryndary-kory-tayau-bolashakta-tausylady_a3929628">ҚазАқпарат</a>.
<blockquote>
 «Пайдалы қазбалардың көптеген түрлерінің расталған қоры бойынша еліміз әлемнің жетекші елдерінің алғашқы ондығына кіреді. Бұл ретте пайдалы қазбаларды қарқынды өндіруге байланысты геология саласының алдында тұрған басты сын-қатері – қорлардың толықтыру деңгейінің төмендігі. Өндірудің қазіргі деңгейін алсақ, тиісті толықтырусыз көптеген игерілетін кен орындарының қоры таяу болашақта таусылады. Осыған байланысты, жер қойнауын мемлекеттік геологиялық зерттеуді жандандыру талап етіледі. Бұл – кейіннен жер қойнауын пайдалануға беру үшін перспективалы алаңдар мен объектілерді анықтаудың негізгі әдісі», – деді Экология министрі Үкімет отырысында.
</blockquote>
Оның айтуынша, 2020-2022 жылдары мемлекеттік салымдар көлемі 30 млрд теңгені құраған. Бұл ретте, соңғы жылдары мемлекеттік инвестициялардың ұлғаюы байқалуда.
<blockquote>
 «Сонымен бірге, Қазақстанда геологиялық барлауға 1 шаршы километрге салынатын мемлекеттік инвестициялар көрсеткіші өте төмен. Бізде ол 11 АҚШ доллары болса, Аустралияда – 167 доллар, Канадада – 203 доллар. Әлемдік тәжірибе көрсетіп отырғандай, инвесторлар өз қаражатын мемлекет есебінен болжамды ресурстары бар, перспективалы учаскелер базасы қалыптасқан жұмыстардың ерте сатыларын жүргізген немесе жүргізу үстіндегі елдерде кен орындарын барлауға салады», – деді С. Брекешев.
</blockquote>
Осыған байланысты, Президент тапсырмаларын орындау үшін геология саласының бірқатар негізгі міндеттері бар.
<blockquote>
 «Бірінші – геологиялық зерделенуді арттыру және перспективалы учаскелерді анықтау. Екінші – геология саласының инфрақұрылымы мен геология ғылымын дамыту. Үшінші – өндірістік-технологиялық процестерді цифрландыру және автоматтандыру. Төртінші – геологиялық зерттеудің инвестициялық тартымдылығын арттыру, минералдық-шикізат базасын молайту үшін заңнаманы жетілдіру. Біз геология саласын дамытудың 2025 жылға дейінгі тұжырымдамасын әзірледік, онда жоғарыда аталған мәселелердің шешімі көрініс тапты», – деді С. Брекешев.
</blockquote>

Қазақстанда кен орындары қоры таяу болашақта таусылады

<a href="https://kyzylorda-news.kz/">Kyzylorda-news.kz.</a> Бүгін Қызылордада «Edcrunch Headmaster» атты мектеп директорларының арасында ұйымдастырылған І республикалық конкурсы басталды.
Елімізде ең алғаш рет өткізіліп жатқан байқаудың ашылу салтанатына облыстық білім басқармасының басшысы Ақзира Қасымова қатысып, мектеп басшыларына сәттілік тіледі.
<blockquote>
 «Бүгінгі облыстық білім басқармасы мен «Серіктес директорлар» лигасының ұйымдастыруымен өткізіліп жатырған бұл директорлар конкурсы мектеп басшылары үшін үлкен серпіліс сыйламақ. Білім беру жүйесінде жүріп жатқан өзгерістер педагогтардың ғана емес, білім беру ұйымдары басшыларының да үздіксіз кәсіби дамуы қажеттігін айқындап отыр. Сондықтан да, Лига өзге де облыстардың білім беру басшыларымен әріптестік тәжірибе алмасу бағытында алғаш рет конкурс өткізуді мақсат етті. Саласындағы ортақ құндылықтарды дамыту, идеялар алмасу арқылы жаңа көзқарастағы азаматтарды қалыптастырамыз. Сол себепті Сыр төрінде ұйымдастырылып отырған бүгінгі конкурс жұмысына сәттілік тілеймін», – деді Ақзира Бақтыбайқызы.
</blockquote>
Шығармашылықпен жұмыс жасайтын басшыларды анықтау, қолдау, тәжірибе тарату және білім беру ұйымының озық инновациялық идеяларын насихаттауды мақсат тұтқан байқауға Шығыс Қазақстан, Ақмола, Түркістан, Қызылорда облыстары мен Нұр-Сұлтан және Шымкент қалаларынан 6 директор қатысып, 5 кезең бойынша бақтарын сынауда.
Білім бәсекесінде білім беру ұйымдарының басшылары І кезеңде соңғы 3 жылдағы жетістіктері бойынша «Мен табысты басшымын» тақырыбында бейнеролик көрсетсе, ІІ кезеңде «Басқарудағы менің жетістіктерім» тақырыбында өз мектебі бойынша атқарған жұмыстарының таныстырылымын жасап, ІІІ кезеңде «Жаңа мектеп – жаңарған жоба тақырыбында өз жобаларын қорғайтын болады. Ал, ІV кезеңде мектеп директорлары TedX – форматында берілген тақырып бойынша ашық алаңда пікірлері мен ұсыныстарын жеткізсе, V кезеңде басқару жағдаяттарын шешу бойынша сайысқа түседі.
Айта кетейік, білім бәсекесі ертеңге дейін жалғасып, жеңімпаздар арнайы алғыс хаттар мен бағалы сыйлықтармен марапатталатын болады.
<img src="https://kyzylorda-news.kz/wp-content/uploads/2022/05/279786192_1348496218986913_1055712066588290171_n.jpg" alt="" />
<img src="https://kyzylorda-news.kz/wp-content/uploads/2022/05/279364640_1348496305653571_2629503480870956786_n.jpg" alt="" />
<img src="https://kyzylorda-news.kz/wp-content/uploads/2022/05/279027009_1348496315653570_7975670842687242498_n.jpg" alt="" />
<img src="https://kyzylorda-news.kz/wp-content/uploads/2022/05/279496130_1348496375653564_8500000998284705721_n.jpg" alt="" />

Қызылордада мектеп директорлары арасында І республикалық байқауы басталды

<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрі Қайырбек Өскенбаев «бір аудан – бір кәсіпорын» қағидаты бойынша су арналарын ірілендіруді ұсынды.
Министрдің айтуынша, салынған су құбыры желілері әкімдік балансында қалады немесе білікті мамандары мен арнайы техникасы жоқ кәсіпорындарға беріліп жатады. Ал бұл су құбырларының тез арада тозуына әкеп соғады және қайта қалпына келтіру үшін қосымша шығынды талап етеді.
<blockquote>
 «Осыған байланысты су желілеріне тиісті қызмет көрсету үшін «бір аудан – бір кәсіпорын» қағидаты бойынша су арналарын ірілендіру ұсынылады. Бұл шара көрсетілетін қызмет сапасын және жұмыс тиімділігін арттыруға мүмкіндік береді», – деді Өскенбаев үкімет отырысында.
</blockquote>
Әкімдіктер жергілікті бюджет қаражаты есебінен жарғылық капиталын ұлғайту арқылы су арналарының материалдық-техникалық базасын жақсарту жөнінде шаралар қабылдауы қажет. 2021 жыл қорытындысы бойынша сумен жабдықтау қызметтерімен қамту 96%-ті, оның ішінде қалаларда – 98,1%, ауылдарда – 93%.
Ауылдарды ауыз сумен қамтудың ең төменгі деңгейі Қостанай (74,9%) және Солтүстік Қазақстан облыстарында (83,5%) тіркеліп отыр. Ал қалаларда сумен жабдықтау қызметтерімен қамтамасыз ету бойынша Жамбыл облысы артта қалған (91%). Сумен жабдықтау қызметтерімен Солтүстік Қазақстан, Маңғыстау, Атырау және Қызылорда облыстарының қала тұрғындары 100% қамтылған. 
Ауылдарды аталған қызметпен қамтамасыз ету бойынша көшбасшылар қатарында Алматы (99,1%), Атырау (99%), Қызылорда (97,8%) және Маңғыстау (96,2%) облыстары тұр.
Өскенбаев көш соңында қалған өңірлерге басым негізде қаражат бөлінетінін атап өтті. Министр биыл бұл мақсаттарға республикалық бюджеттен 215 миллиард теңге көзделгенін мәлімдеді. Оның ішінде қалаларға – 120 миллиард теңге және ауылдарға 95 млрд теңге. Нәтижесінде жыл соңында қала халқының 98,5 пайызы, ал ауыл халқының 94,7 проценті сумен жабдықтау қызметтерімен қамтылады.
Қазақстанда барлығы 6 302 ауылдық елді мекен бар, оның ішінде 4 759-ы сумен жабдықтау қызметтерімен қамтылған: 4 128 ауыл орталықтандырылған су жүйесімен жабдықталса, 631 ауылда кешенді блок-модульдері орнатылған.
Өскенбаев президенттің халықты бес жыл ішінде ауыз сумен қамту туралы тапсырмасы кезең-кезеңмен 2025 жылға дейін орындалатынына сендірді.
<a href="https://sputnik.kz/20220504/qazaqstan-khalqyn-auyz-sumen-qamtu-24626377.html">Sputnik Қазақстан</a>

Қызылорда: Ауылдарды сумен жабдықтау бойынша аймақ көшбасшылар қатарында

<a href="https://kyzylorda-news.kz/">Kyzylorda-news.kz.</a>&nbsp;Қызылордада жалған қызметтік куәлікпен жүрген 34 жастағы қала тұрғыны ұсталды.
Қызылорда қалалық Полиция басқармасының Жедел басқару орталығының бейнекамералары арқылы 1 мамыр күні сағат 18:52 шамасында қаланың орталық көшелерінің бірінде жол ережесін бұзған автокөлікке бағыт-бағдар беріліп, тоқтатылды.
Патрульдік полиция қызметкерлеріне жүргізуші өзін «Антикор-дың қызметкерімін» деп таныстырып қызметтік куәлігін ұсынған. Тексеру барысында қызметтік куәліктің жалған екендігі анықталып, айғақ заттар алынды.
Аталған дерек бойынша Қазақстан Республикасының Қылмыстық Кодексінің 385 – бабының 3 – бөлігімен (Көрiнеу жалған құжатты пайдалану) тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Полицейлер оқиғаның мән – жайларын анықтауда.
Сонымен қатар, аталған жүргізушіге қатысты ҚР ӘҚБтК-нің 593-бабының 2-бөлігі бойынша әкімшілік хаттама толтырылды.

Қызылордада өзін «Антикордың қызметкерімін» деп таныстырған алаяқ ұсталды

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шәменов халыққа қызмет көрсететін бірқатар нысанды аралады.
Бүгінде көп жылдардан бері жөндеу көрмеген «Қорқыт ата» әуежайының сырт келбеті ұсқынсыз көрініп тұрғаны рас. Терминал ішінің де халықаралық талаптарға сәйкес еместігін анық аңғаруға болады. Дегенмен, бұл мәселе жақын күндері толығымен ретке келтіріледі.
Себебі аталған ғимаратқа жөндеу жұмыстары басталып кетті. Қызылордалық қос компания – «Стандарт Ойл» және «Авангард» жауапкершілігі шектеулі серіктестіктері өз қаражаттары есебінен ғимаратты жаңғыртуды жедел жүзеге асыруда. Қазіргі күні негізгі ауқымды жұмыстарға арналған құрылыс материалдары алынды. Жұмысшылар екі ауысымда еңбек етуде. Ендігі мақсат-терминал қызметін пайдаланушыларға қолайсыздық тудырмай, белгіленген мерзімде игілікті істі аяқтау қажет. Қала әкімі Асылбек Өмірбекұлы серіктестік басшыларына алғысын білдіре отырып, ғимаратты тез әрі сапалы жөндеп, жолаушыларға қажетті жағдай жасау қажеттігін тапсырды.
Қазақстан Республикасының Тұңғыш Президенті Н.Назарбаев атындағы саябақта да қызу тірлік. Нысан аумағына санитарлық тазалық жұмыстары жүргізіліп, сырланып-әрленуде. Парк ішіндегі түнгі жарық шамдары жаңаланып, халықтың таза ауада демалуына жайлы жағдай жасалынуда. Қала әкімі Асылбек Шәменов демалыс орнын күтіп-ұстаушы мердігер мекемеге бұл бағыттағы жұмыстарды ұдайы ұйымдастырып, қатаң бақылауда ұстауды жүктеді.
Асылбек Өмірбекұлы Қызылорда автобус паркіне де арнайы барды. Мұнда алдағы жұмыс жоспарлармен танысып, жолаушылар тасымалындағы күрделі мәселелерді шешуге бағытталған шараларды пысықтады. Қазірде қала тұрғындарына қалаішілік 26 және қала маңына қатынайтын 8 бағытта 400-ге жуық автокөлік келісім-шарт талаптарына сәйкес қызмет көрсетіп келеді. «Қызылорда автобус паркі» ЖШС-не қарасты үлкен сыйымдылықтағы автобустар 6 бағытта қатынауда.
Осы күні бұл мекемеге айтылар сын-пікірлердің көп екендігі жасырын емес. Мәселені шешу үшін серіктестікке жаңадан 150 дана автобус алуға қаржы-экономикалық негіздеме әзірленуде. Өз кезегінде алынатын жаңа транспорттар тасымал тапшылығын болдырмауға септігін тигізеді. Дегенмен, қала әкімі жаңа автобустар келгенше қарекетсіз отырмай, жеке тасымалдаушылардың жұмысын үйлестіріп, бағыттарға бақылауды күшейтуді міндеттеді.
«Қызылорда тазалығы» ЖШС шаруашылық жүргізу құқығындағы «Қызылорда су жүйесі» МКК-мен қосылу жолымен қайта ұйымдастырылғаны белгілі. Біріккен кәсіпорында барлығы 1157 адам жұмыс істейді.
Қызылжарма және Қызылорда жер асты су кені арқылы күнделікті 61 ұңғыма арқылы тәулігіне 71,6 мың текше метр ауыз су өндіріліп, тұтынушыға таратылады. Алайда, тұтынғанына төлем төлемейтін тұрғындар саны артып, мекеменің материалдық-техникалық базасының жаңаруына нұқсан келтіруде. Оған қоса, жұмысшылар жалақысының кешеуілдеуіне әкеліп соғуда. Кәсіпорынды аралаған қала әкімі жауапты басшыларға қарызды қайтарудың тың тәсілдерін ойластыруды, халыққа түсіндірме жұмыстарын жүйелі жүргізу қажеттігін айтты. Жаз айларында көпқабатты үйлердің жоғары қабаттарына ауыз судың толық баруын қамтамасыз етуді тапсырып, бақылаушылардың жұмысын күшейтуді міндеттеді.
Қала әкімі «Қызылорда тазалығы» мекемесінде де болып, мұндағы машина-техникалық базасының бүгінгі жай-күйін көрді. Кәсіпорын басшылығының айтуынша, теңгерімдегі техникалардың 70 пайызы іске жарамсыз. Қолдағы бармен шаһардың күнделікті тазалығын ретке келтіру қиынға соғуда.
Шаһар басшысы өзекті проблемаларды білетіндігін, күрделі кезеңді еңсеріп, жаңадан арнайы техникалардың алынатындығын айтты. Облыс әкімінің қолдауымен қомақты қаржы бөлініп, аталған кәсіпорынға жақын күндері жаңа техникалар келетіндігін жеткізді. Жұмысшыларға да мүмкіндігінше жағдай жасалынып, қызмет көрсету сапасы жақсарады деді.
<img src="https://kyzylorda-news.kz/wp-content/uploads/2022/05/shamenov.jpg" alt="" />
<img src="https://kyzylorda-news.kz/wp-content/uploads/2022/05/ajeroport.jpg" alt="" />
<img src="https://kyzylorda-news.kz/wp-content/uploads/2022/05/park.jpg" alt="" />
<img src="https://kyzylorda-news.kz/wp-content/uploads/2022/05/park1.jpg" alt="" />
<img src="https://kyzylorda-news.kz/wp-content/uploads/2022/05/avtobws.jpg" alt="" />
<img src="https://kyzylorda-news.kz/wp-content/uploads/2022/05/avtobws1.jpg" alt="" />
<img src="https://kyzylorda-news.kz/wp-content/uploads/2022/05/sw.jpg" alt="" />
<img src="https://kyzylorda-news.kz/wp-content/uploads/2022/05/tehnika.jpg" alt="" />
<img src="https://kyzylorda-news.kz/wp-content/uploads/2022/05/tazalyk.jpg" alt="" />

Қызылорда қаласының әкімі бірқатар нысандарды аралады (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «Гежуба Шиелі Цемент» ЖШС басшысы У Чженьхуамен кездесті.
Басқосуда аймақтың өндіріс саласын дамыту мәселелері талқыланды.
Кәсіпорын жетекшісі өңірде цемент өндірісін ілгерілету бағытындағы жоспарларын таныстырып, зауыттың экономикалық көрсеткіштерін баяндады. «Гежуба Шиелі» зауытында тампонаждық және портланд цемент шығарылады. Өткен жылы 1,1 млн. тонна цемент өндіріп, оның 326 мың тоннасы Өзбекстанға экспорттады. Зауыттағы еңбекпен қамтылған жұмысшылардың 90 пайызы – жергілікті мамандардан тартылған.
Аймақ басшысы өңірде өңдеу өнеркәсіп түрлерін дамыту және экспортқа бағытталған тауарларды өндіру мәселелері уақыт күттірмей шешілуі қажет екенін алға тартты. Сондай-ақ, кәсіпорын басшысына алдағы уақытта да жергілікті халықты жұмысқа тарту, бизнестің әлеуметтік жауапкершілігі аясында Шиелі ауданының қажетті инфрақұрылымын дамытуға ерекше мән беру қажет екенін баса айтты.

Қазақстан және Қызылорда облысының жаңалықтары