<a href="https://kyzylorda-news.kz/">Kyzylorda-news.kz.</a> Дүйсенбі күні Қазақстанның басым бөлігіне ауқымды антициклон әсер етеді. Елдің басым бөлігінде жауын-шашынсыз ауа райы күтіледі, деп хабарлайды Қазгидромет.
Тек еліміздің шығыс аймактары циклон жырасының және соған байланысты атмосфералық фронттардың ықпалында болғандықтан, жауын-шашын (жаңбыр, қар) жауады.
Республика бойынша кей жерлерде желдің күшеюі, оңтүстікте, оңтүстік-батыста шаңды дауыл, батыста, солтүстікте және орталықта тұман күтіледі.

10 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Америкалық психиатр Хуссейн Кан жұмысбастылық және күндізгі уақыттың қысқаруы күзгі-қысқы депрессияға шалдықтыратынын айтты.
Маманның айтуынша, науқас жыл сайын шамамен бір уақытта депрессияға түсуі мүмкін.
Мұндай кезде адамды ұйқы басып, энергия жетіспеушілігі туындайды. Дерті асқынған адамдар сабақтан немесе жұмыстан қалады, достарымен кездескісі келмейді және күнделікті тапсырмаларды орындау қиынға соғады, деп хабарлайды Western Mass News.
<blockquote>"Адамдардың көпшілігі жұмысқа әлі күн шықпаған кезде барып, үйіне қараңғыда қайтады. Осылайша, көптеген адам дүйсенбіден жұмаға дейін күн сәулесін көрмейді", - деп түсіндірді психиатр Хуссейн Кан.</blockquote>
Сондай-ақ бұл жағдайға коронавирус та әсер етеді, деп толықтырды дәрігер.
<a href="https://sputnik.kz/20221007/dariger-kuzgi-qysqy-kuyzelistin-belgilerin-atady-28256976.html">Sputnik</a>

Дәрігер күзгі-қысқы күйзелістің белгілерін атады

<a href="https://kyzylorda-news.kz/">Kyzylorda-news.kz.</a> Энергетика — сыртқы түрлі көздерден қоректендіруді қажет ететін адам тұлғасындағы маңызды құрылым. Оның болмауы немесе жетіспеуі адамның эмоционалды да, физикалық та жағдайына әсер етеді.
Кез келген адам энергетикаға ие. Кей адамдарға интуитивті түрде тартыласыз, олармен сөйлескіңіз келеді. Ал бір адамдарға, тіпті, жолағыңыз келмейді. Біреулерден позитивті және жағымды эмоциялар тарап тұрса, басқалар айналасына негативті алаң түзеді. Жағымды энергетикасы бар адамдар жиі ашық, көпшіл және білімқұмар келеді. Олармен сөйлескенде жағымды әсер пайда болады, көпшілік мұндай адамдардан кеңес немесе көмек сұрайды. Энергетикасы күшті адамдар өз энергиясының көздерін табуды және оны "қуаттаудың" әдістерін біледі. Сіздің энергетикаңызға жақсы жағына әсер етпейтін нәрселер бар. Осылардан арылуға тырысыңыз.
Жағымсыз орта
Досына қарап, адамды таны. Ойлауы негативке және жағымсыз эмоцияларға бағытталған адамдармен араласу сізге тікелей әсер береді. Мұндай адамдармен ұзақ аралассаңыз, олардың ойлауы сіз үшін үйреншіктіге айналады. Ал сіздің энергетикаңыз әлсіз бола түседі.
Ойлау тәсілі
Энергетика — бұл жеңілдік, позитив және ішкі көңіл күйдің үйлесімі. Егер ойыңыз ашу, агрессия, реніш, келіспеушілік және наразылыққа толы болса, сіздің ішкі күштеріңіз ішкі "батарейкаңызды" қуаттамайды, керісінше, жұмсайды. Өз-өзіңізбен қаншалықты жайлы болсаңыз, ішкі үйлесімділікті қаншалықты қатты сезінсеңіз, энергетикаңыз соншалықты жарқын болады.
Ұрыс-керіс, жанжалдар
Қалай қуатталуды ғана емес, сондай-ақ энергияңыздың қайда кетіп жатқанын да білу маңызды. Жанжалдар бірінші кезекте сіздің көңіл күйіңізге және ішкі жағдайыңызға әсер етеді. Олар ішкі тепе-теңдік пен тыныштықтың жоғалуына ықпал етеді. Ұрыс кезінде негативті эмоцияларды шығаруға көп энергия кетеді, ал оны қалпына келтіруге көп уақыт қажет. Ал созылып кеткен жанжалдар жағымды эмоциялардың орнын толықтыруға да мүмкіндік бермейді.
Ретсіздік пен ескі заттар
"Бұл жерде энергетика жаман" деген сөзді біреуден естіген немесе өзіңіз айтқан боларсыз. Энергетикаға үйдегі заттар да әсер ете алады. Әдетте, оған ретсіздік, ластық, ескі және сынған заттар ықпал етеді. Оған сізді уайымдататын немесе қайғыртатын заттарды да жатқызуға болады. Ол қайтыс болған туыстарыңыздан қалған заттар, бұрынғы жігітіңіз берген сыйлықтар болуы мүмкін.
Үй сізге жайлылық сыйлайтын жер болуы керек. Сіз ол жерде демала алуыңыз керек. Ескі және қажет емес заттарды сақтау үйде жағымсыз энергетиканың айналуына ықпал етеді. Бұл күніңіздің жақсы басталуына кері әсер етеді.
Токсик қарым-қатынас
Қарым-қатынаста сіз қиналсаңыз, бұл сізді іштен жегідей жейді. Позитивті ойларыңыз бен жақсы көңіл күйіңіз бірден мұңаюға және шаршауға ауысады. Егер қарым-қатынаста проблема бұрыннан бар болса және ол шешілмей жүрсе, ресурсты жағдайда болу өте қиын.
Ақпарат дереккөзі: <a href="https://massaget.kz/kyizdarga/psihologiya/72930/">Massaget</a>

Үйде ескі және қажетсіз заттарды сақтасаңыз жағымсыз энергетика қалыптасады

<a href="https://kyzylorda-news.kz/">Kyzylorda-news.kz.</a> Барлық балалардың тілі өз қарқынымен дамиды. Бала бірінші сөзді айтуы керек деген қатаң ереже жоқ. Көбінде балалар бір жасқа толғасын сөйлеп жатады.
Жалпы, бала қай жаста сөйлеуі керек? Қандай жағдайда ата-аналар дабыл қағып, мамандарға жүгінгені жөн? Бұл сұрақтарға жоғары санатты логопед-дефектолог Аида Дадыбаева жауап берді.
Тіпті сөйлемейтін баланың өзі сіз ойлағаннан да көп нәрсені түсінеді. Нәресте әртүрлі тәсілдермен сәтті қарым-қатынас жасайды: ол аш екенін білдіру үшін жылайды, қуанған кезде күледі, қалаған ойыншығын көрсетеді және ұнатпайтын тағамнан бас тартады. Ыммен және дыбыстармен мұндай байланыс сөйлеуді дамытудың негізі.
Бір жасар баланың сөздік қоры өте баяу өседі, бірақ екі жасқа қарай қарқыны жылдамдауы мүмкін – бұл уақытқа дейін көптеген балалар (бірақ барлығы емес) бірнеше ондаған сөздерді біледі және екі сөзден тұратын сөйлем құрай алады.
<blockquote>"Егер бала екі жасында сөйлемесе, алаңдауға негіз бар. Өйткені бала бір жастан бастап алғашқы сөздерді айта бастайды. Ол саналы түрде "мама" және "әке" деп айта алады және бір жарым жаста «бер» дегенді сөзді біледі. Бұл балада түсініктің қалай қалыптасатынын өте тиімді көрсетеді», - дейді маман.</blockquote>
Дегенмен, маман кейбір балалар үш жастан кейін сөйлей бастайтынын, егер бала өз ойын жеткізе алса, басқа әдістермен сөйлесуге барса, онда сіз ге орынсыз алаңдауға болмайтынын айтады. Егер ол гиперактивті болса, мазасыз болса және ойыншықтармен ойнамаса онда алаңдай бастауыңыз керек.
<blockquote>«Бұл кезеңде балада өте жоғары еліктеу болуы керек. Егер олай болмаса және бала өз бетімен өмір сүрсе, сонымен бірге ойыншықтармен ойнамаса, онда маманға хабарласқан жөн», - дейді Аида Дадыбаева.</blockquote>Ақпарат дереккөзі: <a href=" https://massaget.kz/layfstayl/Zdorove/72941/">Massaget</a>

Логопед: Бала қай жаста сөйлеуі керек?

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Кемелұлы Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына арналған Жолдауы көптің көңілінен шықты. Бұл туралы Қармақшы аудандық ауруханасының акушері, баспасөз хатшысы&nbsp;Әсем Мерекова айтты.&nbsp;
Мемлекет Басшысының Жолдауын тыңдай келе мазмұнының өзектілігін атап өткім келеді. Жолдау барлық Қазақстандықтарға қатысты екені сөзсіз. Елімізде болып жатқан саяси жаңғырулар енді экономикалық өзгерістерге ұласпақ. Президентіміз өз Жолдауында экономикалық дамдуың нақты бес бағдарын айқындап, дамудың даңғыл жолын көрсетті.
Жаңа экономикалық саясат, нақты секторды дамыту, стратегиялық инвестиция, Мемлекеттік басқару ісін қайта жаңғырту, Заң мен тәртіп – Жаңа Қазақстанның бес тұғырына айналмақ. Олардың ішінде «Азамат – бизнес – мемлекет» арасындағы қатынасты түбегейлі өзгерту көзделіп отыр. Сондай-ақ Президент мемлекет, ең алдымен, бәріне бірдей мүмкіндік беріп, әділдік орнататынын айтты.
Жер және су ресурстарын сақтау – ұлттық қауіпсіздіктің басты міндеті екенін жеткізе отырып, осы ресурстарды тиімді пайдалану жөнінде жоба жасаудың маңыздылығын атап өтті.
Мұнымен бірге, білім, бала болашағы, табысты ұлт болудың сатыларына да кезекпен тоқталды. 2025 жылға дейін 800 мың баланың заманауи мектепте оқуына жағдай жасау қажет екендігін жеткізіп, үкімет және әкімдіктерге мектеп салу міндеттерін жүктеді. Сонымен қатар, жастарға жан-жақты қолдау көрсету мәселесін көтерді. Еңбекпен қамтитын түрлі шаралар арқылы келесі жылы 100 мың жасқа жұмыс берілмек. Жастардың кәсіпкерлік бастамаларына қолдау жеңілдетілген тәртіппен жылдық өсімі 2,5 пайыз болатын шағын несие беріледі. Бұл жастарға үлкен қолдау болып табылады.
Қасым-Жомарт Кемелұлы бейбітшілік пен тұрақтылықтың мәнін терең түсінетіндігін білдірді. Президент берекелі бірліктен асатын құндылық жоқ екенін айта келе, қаңтар оқиғасына қатысушыларға бір реттік рақымшылық жариялау туралы шешім қабылдағанын жеткізді.
<figure class="image"><img src="https://knadmin.beoblood.kz/uploads/Merekova_f89af8096e.jpg" alt="Мерекова.jpg"><figcaption>&nbsp;</figcaption></figure>

Президент дамудың даңғыл жолын көрсетті

<a href="https://kyzylorda-news.kz/">Kyzylorda-news.kz.</a> Арал қаласындағы ипподромда Толыбай батырдың 250 жылдығына орай ұйымдастырылған облыстық ат бәйгесі (тай жарысы, құнан және аламан бәйгелері) өткізілді.
Алдымен шараға қатысқан аудан басшысы Серік Сағитжанұлы сөз алып, игі дәстүрдің жалғасымен батыр бабамыздың 250 жылдығына орай халқымызбен бірге біте қайнасып кеткен ат бәйгесіне қатысқалы отырған шабандоздарға сәттілік тіледі. Облыстың әр өңірінен келген шабандоздар жалдарынан жел есіп, атқан оқша зулаған сәйгүліктерінің қарымын осы дүрмекте сынап көрді.
Тай бәйгесінде ауыздықтарымен алысқан 15 ат 2 айналым бойынша 5 шақырым қашықтықта додаға түсті. Сәйгүліктердің ішінен &nbsp;Шижаға ауылынан келген Төреахметов Базарәлінің(шабандозы-Әсет) «Алау» атты торы жылқы бірінші келді. Ал Қызылорда қаласының азаматы Дүйсенбеков Сайфулланың(шабандозы-Әбубәкір Бауыржан) қосқан қара «Ақбақайы» мәре сызығын екінші, Қармақшы ауданының Ақай ауылынан келген Кенебаев Ерболаттың(шабандозы-Нұрым Жалғасәлиев) &nbsp;жылқысы «Ақ-жайнақ» үшінші болып кесті. Жүлделі IV орынды Арал қаласының азаматы Нұрлыбайұлы Рамазанның(шабандозы-Ерасыл) «Нұр-қасқа» атты күреңі иеленсе, &nbsp;V орынды Жаңақорған ауданынан келген Мұсылманқұлов Алматтың(шабандозы-Еркін Диас) торы жылқысы «Арафаты» олжалады.
Құнан бәйгесінде 9 ат 6 айналым бойынша 12 шақырым қашықтықта жарыс жолына шықты. I орынды &nbsp;Шиелі ауданынан Шорабаев Әбдіғанидің(шабандозы-Әуесхан Дамир) &nbsp;қосқан кері «Айда» атты тұлпары, II орынды Шижаға ауылынан келген Төреахметов Базарәлінің(шабандозы-Ерасыл) күрең-қасқасы «Ақбөкен», III орынды Құмбазар елді мекенінен келген Якудаев Қожабектің(шабандозы-Нұрым) аты «Қозы күрең», ал IV орынды Қармақшы ауданынан келген Ыбыраев Айболдың(шабандозы-Дінмұхаммед) «Жалбыр торы», V орынды Көктем ауылының азаматы Елмағанбетов Байманның(шабандозы-Бақытжан Байжігіт) торы «Еркетас» иеленді.&nbsp;
Аламан бәйгесінде 9 айналым бойынша 22 шақырымда 11 тұлпар бақ сынады. 1 орынды Қазалы ауданынан келген Досжанов Қонысбайдың(шабандозы-Ерасыл) &nbsp;«Абырой» атты торысы иеленді. Арал қаласынан келген Нұрғалиев Сәбитжанның(шабандозы-Ерасыл) &nbsp;«Ұлы дала» атты торы-төбелі 2 орынды, Қармақшы ауданы Ақай ауылының өкілі Жарманов Әбдімәліктің(шабандозы-Жалғасәлиев Нұрым) &nbsp;«Көгершін» атты көгі 3 орынды, Қармақшы ауданынан Сағынбаев Ерболаттың(шабандозы-Мақсутұлы Дидар) &nbsp; «Басбатыр» күреңі 4 орынды, Сексеуіл кентінен Таласов Мейрамбектің(шабандозы-Ербақыт) &nbsp;«Айыртау» атты күрең жылқысы жүлделі 5-орынға ие болды.
Ат бәйгесінің барлық түрлерінде 5 жүлделі орын тағайындалды. Жеңімпаз және жүлдегер атанған шабандоздарға демеушілер тарапынан тағайындалған жүлделер тапсырылды.
<figure class="image"><img src="https://knadmin.beoblood.kz/uploads/alaman1_15fc22ef32.jpg" alt="аламан1.jpg"></figure>
<figure class="image"><img src="https://knadmin.beoblood.kz/uploads/alaman2_1189d27fb5.jpg" alt="аламан2.jpg"></figure>
<figure class="image"><img src="https://knadmin.beoblood.kz/uploads/alaman3_7150be0c8a.jpg" alt="аламан3.jpg"></figure>

Аралда облыстық ат бәйгесі өтті

<a href="https://kyzylorda-news.kz/">Kyzylorda-news.kz.</a> Қармақшы ауданында «Жаңақала» деп аталған ширек ғасырдан астам тарихы бар ауылдың ең алғаш қазығын қағып, іргелі шаруашылық болуына айрықша еңбек еткен, 16 жыл кеңшарды басқарып, ел есінде қайраткерлігімен, жасампаз істерімен қалған Ұлы Отан соғысы және еңбек ардагері, «Құрмет белгісі» орденінің иегері Қаратай Қуаңбаевтың туғанына биыл 100 жыл. &nbsp;
Қайраткер тұлғаның ғасырлық мерейтойы &nbsp;ағымдағы жылдың 7-8 қазан күндері берекесі мен бірлігі жарасқан, алты алашқа аты мәлім талай таланттар мен дарабоздарды дүниеге әкелген тұғырлы мекен Т.Көмекбаев ауылында кең көлемде аталып өтті.&nbsp;
«Ұлағаты ұрпаққа үлгі - Қаратай Қуаңбаев» тақырыбымен өткен мерекелік шара Жаңақала ауылында дүниеге келіп, бүгінде республикаға танымал айтыскер ақын, ҚР мәдениет саласының үздігі, &nbsp;Әл Фараби және Қорқыт атындағы алтын медальдардың иегері, Қармақшы ауданының құрметті азаматы Серік Ідірісовтің шығармашылық кешімен басталды. Жас қаламгерлердің жыр мүшайрасымен жалғасқан салтанат ақындар айтысы мен облыстық филармонияның галаконцертіне жалғасты.&nbsp;
Мерейтойда сөз алған аудан әкімі Әділбек Ерсұлтанов орталық комитеттің қаулысымен 1964 жылы құрылған «Жаңақала» кеңшарының ең алғашқы ұйымдастырушысы, білімділігі мен ұйымдастырушылық қабілетінің арқасында есімі тарихта қалған қайраткер тұлға Қаратай Қуаңбаевтың өнегелі өмір жолына тоқталып, Тәйімбет Көмекбаев ауылында атқарылып жатқан игі істерге тоқталды.
Мұнан әрі жыршы- жыраулардың &nbsp;облыстық &nbsp;жыр фестивалі басталып, &nbsp;елімізге белгілі жыраулар &nbsp;Бидас Рүстембеков, Арнұр Көшеней, Берік Саймағамбетов, Серік Жақсығұлов, Болат Баймұратұлы, &nbsp;Әйгерім Ешбаева, Ізбасхан Дәулетхан, Майра Сәрсенбаева, Руслан Ахметов, жас жыршы Ақсұңқар Бүркітбайлар Жаңақаланың аспанын жырға бөледі. &nbsp;&nbsp;
Қазақша күрес пен ұлттық ойындардан ұйымдастырылған спорттық шаралар ат бәйгесіне жалғасты.&nbsp;
Ауылдастары туған жерінің өсіп-өркендеуіне перзенттік болмыспен еңбек еткен, адамдық, азаматтық өресі биік өр тұлға Қаратай Қуаңбаевтың аруағына дұға бағыштап, ас берді. Батыр атындағы ауылда еңбегімен еліне құрметті болған батыр тұлғаның мерейтойы осылайша береке мен бірліктің, еңбекке деген құрметтің нәтижесіндей болып жоғары деңгейде өтті.
Халқы құрметтеген, тарих беттерінде есімі алтын әріппен жазылған алып тұлғаның елі үшін жасаған еңбегі жыл өткен сайын ел есінде, кейінгі ұрпақтың жадында мәңгі жаңғыра бермек.
<figure class="image"><img src="https://knadmin.beoblood.kz/uploads/karmakshy_7b4ddc9a84.jpg" alt="кармакшы.jpg"></figure>

Ұлы Отан соғысы және еңбек ардагері Қаратай Қуаңбаевтың 100 жылдық мерейтойы аталып өтті

<a href="https://kyzylorda-news.kz/">Kyzylorda-news.kz.</a> Ауданның орталық алаңда Арал қаласының 95 жылдық мерейтойы аясында мұғалімдер күні мерекесі кең көлемде аталып өтті. Ұстаздар қауымының мерейі өсіп, көңілдеріне шаттық орнаған шараға тұрғындар көптеп жиналды.
Ұрпақ тәрбиелеуде өзінің уақытын аямай, шәкірттерінің бақытын аялай білген жандарға арналған салтанатты шараға аудан әкімі Серік Сермағамбетов қатысып, мұғалімдерді төл мерекелерімен құттықтады.
<blockquote>«Ұстаз - жоқ жерге бардың шырағын алып барған, шәкірт зердесіне асыл қасиетті дарытқан, білімнің бағдары, ұрпақтың бағбаны болған киелі мамандық иесі. Бүгінде мемлекет тарапынан жасалып жатқан қолайлы жағдайлардың нәтижесінде көптеген жетістіктерге қол жеткізіп келеміз. Жыл сайын білім саласын қаржыландыру көлемінің &nbsp;артуымен ауданымыздағы оқу ордаларын жаңартудамыз. Мәселен, үстіміздегі жылы ауданымызда 4 жеке балабақша және жаңа оқу жылы қарсаңында №71 мектеп-интернаты оқушылар игілігіне пайдалануға берілді», - деп білім саласындағы жаңалықтарды атап өтті.</blockquote>
Өңірдегі 3 ауысымдық &nbsp;мектептерді болдырмау мақсатында 2025 жылға дейін ауданда 8 жаңа мектеп салуды жоспарлануда. Бүгінде ауданымызда 3000-нан аса педагог мамандар түрлі білім беру ұйымдарында қызмет етуде. Биылғы жылы түлектердің 77 пайызының жоғары оқу орындарының грант иегері атануы балаларымызды білім нәрімен сусындатып отырған аудан ұстаздарының кәсіби шеберлік сапасын көрсетеді.
Салтанатты шара барысында қажырлы еңбегімен танылған бірқатар мәртебелі мамандық иелері марапат төрінен көрінді. Атап айтар болсақ, білім саласының ардагері Үргенішбай Қуатов «Арал ауданының Құрметті азаматы» атанды. Сонымен бірге сала ардагерлері Сапарғали Мастетбайұлы мен Лепес Қожабайұлына Қазақстан Республикасының Оқу-ағарту министірлігінің «Еңбек ардагері» медалі табысталса, №81 орта мектебінің оқу ісі жөніндегі орынбасары Айгүл Таушерқызы аталған министрліктің «Мейірім-әлемге махаббатпен» медалін кеудеге тақты. Сондай-ақ бірқатар білім беру саласының озық қызметкерлері облыс, аудан әкімінің алғыс хаты мен Құрмет грамотасына ие болды. Мұнымен қоса «Алтын белгі» иегерлерінің бастауыш сынып жетекшілеріне «Біркөлік» шипажайына жолдама берілді.
Ұстаздар күні тарихы теңізбен ұштасқан Арал қаласының 95 жылдық мерейлі мерекесін атап өтудің алғашқы шарасы болды. Аудан мұғалімдерінің мерекелік кешінде аудан өнерпаздарымен қатар, эстрада жұлдыздары Бақыт Шадаева, Дастан Сағынжан және Төреғали Төреәлі арнайы келіп құттықтап, аралдықтарға мерекелік көңіл күй сыйлады.&nbsp;
Кеш соңы әсем от шашумен аяқталды.
<figure class="image"><img src="https://knadmin.beoblood.kz/uploads/310677991_3382258748769154_8239795681772110570_n_42da00a388.jpg" alt="310677991_3382258748769154_8239795681772110570_n.jpg"></figure><figure class="image"><img src="https://knadmin.beoblood.kz/uploads/311169267_3382260198769009_8277842905797108010_n_69c9ab6e7f.jpg" alt="311169267_3382260198769009_8277842905797108010_n.jpg"></figure>

Ұстаз деген - жарық күні ғаламның...

<a href="https://kyzylorda-news.kz/">Kyzylorda-news.kz.</a> Еліміздің солтүстік өңірлерінің ауа райына әлі де циклон жырасында болады. Атмосфералық фронтальды бөліктердің өтуімен жаңбыр жауады, деп хабарлайды Қазгидромет.
Еліміздің батыс жартысы антициклон жотасының ықпалында болып, жауын-шашынсыз ауа райы сақталады.
Республика бойынша кей жерлерде желдің күшеюі, оңтүстікте, оңтүстік-батыста шаңды дауыл, түнде батыста, солтүстік-батыста тұман күтіледі.

9 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазалы ауданында өтіп жатқан ауыл спортшыларының «Алтын күз» спартакиадасының үшінші күні.&nbsp;Жарысқа келген командалар үшін шешуші күн десек артық айтқандық емес. Себебі бүгін біршама спорт түрінен финалға жолдама алған командалар белгілі болады. Сондай ойындардың бірі Жалаңтөс батыр атындағы орталық стадионда футболдан Қазалы мен Жалағаш ауданының командалары арасында өтті.Қазалылықтар үшін маңызды матчқа аудан әкімі Мұхтар Оразбаев арнайы келіп, стадионнан тамашалады. Ойын басталар алдында Мұхтар Әуесұлы футболшыларға сәттілік тілеп, ақтық ойынға жолдама алуға тілектестігін білдірді.Тартысты өткен ойын бірде бір есебімен аяқталды. Осылайша өз тобында үздік атанған жерлестеріміз финалға жолдама алды. Финалдағы қарсыласымыз Шиелі ауданының құрамасы. Ақтық ойын 9 қазан күні сағат 12:00-де Әйтеке би кентіндегі Жалаңтөс батыр атындағы орталық стадионда өтеді.Айта кетейік, финалдық ойынға ауданның қол добы мен баскетболдан ерлер мен қыздар командасы да жолдама алды.Еске сала кетейік, Қазалы ауданы, Әйтеке би кентінде ауыл спортшыларының «Алтын күз - 2022» ХХXV облыстық спартакиадасы басталды. Ауыл спортшыларының спартакиадасында Қазалы ауданының тоғызқұмалақшылары чемпион атанды.<img src="https://knadmin.beoblood.kz/uploads/futbol_b8bbf38a81.jpg" alt="футбол.jpg">

Спартакиада: Қазалылық футболшылар финалда

<a href="https://kyzylorda-news.kz/">Kyzylorda-news.kz.</a> Қызылорда облысындағы 538 мың 933 төлем алушыға жыл басынан бері 124,3 млрд. теңге &nbsp;зейнетақы мен жәрдемақы төленген. Олардың 78 мың 350 зейнеткер болса, мүгедектiгi бойынша жәрдемақы алушылардың саны 23 мың 752 адамды құраған. Ал, Сыр өңіріндегі алтын алқа, күміс алқа алған аналар саны 16 690-ға жетті. Бұл туралы «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының алқа жиынында айтылды.
Қазіргі таңда Қызылорда облысында 1962 жылдың І жарты жылдығында туылған 1 мың 668 азаматша бар. Олардың 950-не жасына байланысты зейнетақы тағайындалған. Қалған 718 әйел осы жылдың желтоқсан айының соңына дейін жасына байланысты зейнетақы тағайындауға өтініш білдірген.
Филиал директорының орынбасары Руслан Қалмұратов кей кісілердің зейнетақыға құжат дайындау барысында қиындықтардың орын алып жатқанын да жасырмады. Азаматтардың еңбек кітапшасындағы жазбалардың қате толтырылуынан және олар қызмет еткен мекемелердің әлеуметтік төлемдерді дұрыс аудармауынан қызметтердің орындалу мерзімі ұзарған. Филиал басшысы Аида Абибуллаева ұзақ жыл еңбек етіп, зейнетке жеткен кісілерге барынша қолдау көрсетуді қатаң тапсырды.
<blockquote>«Зейнет жасына жеткен азаматтар еңбек жолын аяқтап, бізге келеді. Олар құжат жинау барысында қажымау керек. Қажет болса клиент қызмет еткен мекемемен байланыс орнатып, мәселесін шешуге ат салысыңыздар. Бізге жүгінген әрбір адам қалаған қызметін жедел әрі сапалы алуы тиіс», - деді Аида Абибуллаева.&nbsp;</blockquote>
Алқа жиынында жер кадастры саласының жұмысы да сараланды. Филиал тарапынан 2021 жылдың сәуір айынан бастап Қызылорда қаласының жер учаскелерінің жер учаскелерін түгендеу жұмыстары жүргізілуде. Ағымдағы жылы Мемлекеттік жер кадастрының автоматтандырылған ақпараттық жүйсі деректер қоры 97,64 пайызғатолықтырылған. Жыл аяғына дейін тапсырылған жұмыс толық орындалады деді сала мамандары.
Техникалық тексеру саласы бойынша жылдың қаңтар мен қыркүйек айларында 14 мың 410 мемлекеттік қызмет көрсетілген. Құқықтық кадастрдың ақпараттық жүйесіне жаңадан құрылған жылжымайтын мүлікке ғимараттардың, құрылыстардың және олардың құрамдас бөліктерінің сәйкестендіру және техникалық 5 мың 625 мәлімет енгізілген. Сондай-ақ, 6 мың 925 техникалық төлқұжат дайындалған.
Жиын соңы Халыққа қызмет көрсету орталықтарының жұмысын талдаумен қорытындыланды. Жылдың 9 айында Филиалдың Халыққа қызмет көрсету бөлімдері арқылы 497 мың 841 мемлекеттік қызмет көрсетілген. Осы аралықта «Өзіне-өзі қызмет көрсету» секторлары арқылы 1 млн. 385 мың 293 қызмет алынған. Бұл көрсеткіш өткен жылмен салыстырғанда 37 пайызға ұлғайған. Филиал директоры Аида Абибуллаева халықтың цифрлық сауаттылығын арттыру бағытындағы жұмысты жүйелеу керектігін айтты.&nbsp;
<blockquote>«Біз көрсетіп отырған қызметтердің денін өңір халқы өз бетінше ала алады. Ол үшін түрғындардың цифрлық сауаттылығын дамыту керек. Үйінде интернет желісі мен құрылғылары болса уақытын үнемдейді, қалаған қызметіне оңай қол жеткізе алады. Бірақ бұл жайында көп адам хабарсыз. Осыған орай электронды портал мен арнайы қосымшалар туралы азаматтарға көп мәліметтер ұсынған жөн. Сол кезде адам факторы да азайып, сыбайлас жемқорлыққа да тосқауыл қоятын боламыз», &nbsp;- филиал директоры Аида Ибрагимқызы.&nbsp;</blockquote>Жиын соңында филиал басшысы комерциялық қызметтердің де сапасын жоғарылату қажеттігін баса айтты. Филиал арқылы орындалатын ақылы қызметтердің құны жеке ұйымдардың қызметтерінен әлдеқайда арзан екенін көпшілік білуі тиіс екенін жеткізді.<img src="https://knadmin.beoblood.kz/uploads/Whats_App_Image_2022_10_07_at_20_59_57_6c5ce92f1f.jpeg" alt="WhatsApp Image 2022-10-07 at 20.59.57.jpeg"><img src="https://knadmin.beoblood.kz/uploads/Whats_App_Image_2022_10_07_at_20_59_56_1_370d807ce6.jpeg" alt="WhatsApp Image 2022-10-07 at 20.59.56 (1).jpeg">

Қызылордада 500 мыңнан аса төлем алушыға 124,3 млрд. теңге зейнетақы мен жәрдемақы төленді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің оқытушысы Эльмира Тойлыбекова Біріккен Араб Әмірліктерінің Дубай қаласында өткен «ХІІ Global Teashing Dubai» атты халықаралық шараға қатысты.
«Ашық аспан астындағы 72 дәріс» тақырыбында өткен семинар бес күнге созылып, білім беру саласындағы өзекті тақырыптар талқыланды.
Халықаралық шарада білім беру саласының өкілдері «Педагог мәртебесін көтеру», «Сабақтағы проблемалық оқыту әдістері», «Педагогтардың БАҚ-пен жұмысы», «SMM және педагог» бағыттары бойынша тәжірибе жинақтады.
Семинарға қатысқан педагогтер өзара тәжірибе алмасумен қатар, өз саласы бойынша жоба қорғады. Мен халықаралық жиында «Абайдың саяси-құқықтық ойлары және ХХІ ғасырдағы Қазақстан» тақырыбындағы зерттеуімді ұсындым. Презентация барысында Абайдың этникааралық және құқықтық ойлары, заңгер ретіндегі шешімдеріне көпшілік назарын аударттым. Мемлекет басшысы Қасым-Жомарт Тоқаев «...шетелдіктердің бәрі бірдей Қазақстан дегенде бірден Абайдың есімін атайтындай дәрежеге жетуіміз керек» деген болатын. Қазір Scopus деректер базасында Абай Құнанбаев туралы 19 жарияланым бар. Меніңше бұл өте аз көрсеткіш, сондықтан әлемдік деңгейде Абай мұраларын насихаттау жұмыстарын күшейту керек. Қазіргі уақытта мектепте «Абайтану» курсы 9-сыныпта басталады. Бірақ, «Абайтану» курсын 1-сыныптан бастау керек деген ойдамын, – деді Эльмира Орынтайқызы. &nbsp;
Айта кету керек, біздің елімізден семинарға 30-ға жуық оқытушы қатысып, арнайы сертификат иеленді.
<img src="https://knadmin.beoblood.kz/uploads/uni_aae2f8ec6e.jpg" alt="уни.jpg"><img src="https://knadmin.beoblood.kz/uploads/univer_e583e1cdf7.jpg" alt="универ.jpg">

Қазақстан және Қызылорда облысының жаңалықтары