<a href="https://kyzylorda-news.kz/ru/">Kyzylorda-news.kz.</a> Қонақ үй администраторы &nbsp;ұрлық болғанын байқап, полиция басқармасына хабар берген. Белгісіз біреу “Reception” кассада &nbsp;тұрған 150 мың ақша және телефон «Iphone» ұрлаған.
Жүргізілген жедел-іздестіру жұмыстарының нәтижесінде тәртіп сақшылары ізін суытпай күдіктіні анықтады&nbsp; Ол 51 жастағы еш жерде жұмыста жоқ қала тұрғыны болып шықты. Күдіктіге қатысты ІІО келу туралы міндеттеме алынды.&nbsp;&nbsp;
Аталған дерек бойынша Қазақстан Республикасы Қылмыстық кодексінің 188-бабының 1-бөлігімен (Тұрғын, қызметтiк немесе өндiрiстiк үй-жайға, қоймаға заңсыз кiрумен жасалған ұрлық) сотқа дейінгі тергеп-тексеру әрекеттері жүргізілуде.

Қонақ үйге ұрлыққа түскен қала тұрғыны ұсталды 

<a href="https://kyzylorda-news.kz/ru/">Kyzylorda-news.kz.</a>&nbsp; Партияның облыстық филиалы жанындағы партиялық бақылау комиссиясының отырысы өтті.
Онда «Ауыл – Ел бесігі» және «Дипломмен ауылға» жобаларын өңірде сапалы жүзеге асыру мақсатында Жол картасын әзірлеу сонымен қатар, комиссиясының ағымдағы жылдың ІІ-ші жарты жылдығына арналған жұмыс жоспарын бекіту мәселелері қаралды.
Жиында облыстық экономика және бюджеттік жоспарлау басқармасы басшысының орынбасары Фарида Аббасова «Ауыл – Ел бесігі» және «Дипломмен ауылға» жобаларының облыста орындалысы жайлы хабарлама жасап комиссия мүшелері тарапынан қойылған сауалдарға жауап берді.
Басқарма басшысының айтуынша 2022 жылға «Ауыл –Ел бесігі» жобасы бойынша Қызылорда облысының 25 елді мекенінде 32 инвестициялық жобаны жүзеге асыруға республикалық бюджеттен 5,8 млрд. теңге қаралды. Олардың ішінде 4 мектептің қазандықтарын газды отынға ауыстыруға, 5 денешынықтыру – сауықтыру кешенінің құрылыс жұмыстарын аяқтауға, 3 ауылдық елді мекенде жаңадан клуб құрылысы жүргізу секілді жұмыстар қамтылған.
<blockquote>
 «Дипломмен ауылға» жобасы аясында да нәтижелі жұмыстар қолға алынған. 2009 жылдан бастап ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округтер әкімдері аппараттарының мемлекеттік қызметшілеріне, әлеуметтiк қолдау көрсету мақсатында жүзеге асып келеді. Мәселен, 2020 жылы бағдарлама аясында 652 маманға көтерме жәрдемақы және 526 маманға жеңілдетілген тұрғын үй сатып алуға бюджеттік несие берілсе, 2021 жыл ішінде 608 маманға бір жолғы көтерме жәрдемақы 457 маманға жеңілдетілген тұрғын үй несиесі берілген. Ал, ағымдағы жылы түскен өтінімдерге сәйкес 517 маманға жеңілдетілген тұрғын үй несиесіне қаржы қаралып отыр.
 Әлеуметтік қолдау шараларына 100 айлық есептік көрсеткіш мөлшерінде біржолғы көтерме жәрдемақы және тұрғын үй салу немесе сатып алу үшін 1500 айлық есептік көрсеткіштен аспайтын көлемде 15 жылға дейінгі мерзiмге жылдық 0,01 % сыйақы мөлшерлемесімен бюджеттік несие беру жатады,- дейді басқармасы басшысының орынбасары Фарида Аббасова.
</blockquote>
Жиында әрбір айтылған ұсыныс жеке-жеке талқыланып, жұмысты жетілдіру мақсатында жасалатын Жол картасына енетін болды. Сонымен қатар комиссиясының екінші жарты жылдыққа арналған жұмыс жоспарына ұсыныстар енгізілді.

Екі жобаны жүзеге асыру үшін өңірлік Жол картасы әзірленеді

<a href="https://kyzylorda-news.kz/ru/">Kyzylorda-news.kz.</a> Бүгін аудан әкімі Мұхтар Оразбаев «Жалаңтөс батыр» ЖШС егістік алқабына барып, күріштікті суландыру жұмыстарын көрді.
Қазіргі таңда Сырдария өзеніндегі су деңгейінің төмен болуына байланысты осы шаруашылықтың егіс алқабын суландыру жұмыстары кешуілдеп жатыр.Осының салдарынан кей каналдарға мүлде су шықпай, күріш дақылы күйіп кету алдында тұр.
Бұл мәселені шешу үшін «Қазалысушар» өндірістік учаскесінің биыл су тапшылығының алдын алуға байланысты алынған 3 насосы пайдаланып жатыр. Олардың екеуі арқылы «Оң жаға» арнасынан 5Х-1 каналына секундына 1 текше метр су жіберілуде. Бұл канал арқылы «Жалаңтөс батыр» ЖШС-ның III және IV ауыспалы егістігіндегі 125 гектар күріш су ішеді.
Ал, үшінші насос «Оң жаға» арнасына орналастырылып, 5Х-2 каналын суландыруда. Бұл канал шаруашылықтағы 100 гектар егістікті сумен қамтамасыз етеді.
Шаруашылықтағы қиыншылықтар жөнінде «Жалаңтөс батыр» ЖШС директоры Абзал Сәрсен аудан басшысына егжей-тегжейлі айтып берді.
Өз кезегінде аудан әкімі Мұхтар Оразбаев тиісті сала басшылары мен «Қазалысушар» өндірістік учаскесінің бастығы Бабахан Таймановқа шаруашылықтағы егістікті суландыру үшін барлық жағдайды жасау қажеттігін тапсырды.Қажет болған жағдайда егістікті қосымша су айдайтын насостармен қамтамасыз ету жағын да қарастыруды айтты.
Айта кетейік, «Жалаңтөс батыр» ЖШС биыл 415 гектар жерге күріш дақылын екті. Одан бөлек, егістікті әртараптандыру бағытында жоңышқа, бидай және мақсары дақылдарын да орналастырған.
<img src="https://kyzylorda-news.kz/wp-content/uploads/2022/07/a8429819-2942-406d-82b3-673e37da7620.jpg" alt="" />

Қазалыда егістікті суару үшін үш насос іске қосылды

<a href="https://kyzylorda-news.kz/ru/"></a><a href="https://kyzylorda-news.kz/ru/">Kyzylorda-news.kz.</a> Қала әкімі Асылбек Шаменов «Мерейлі отбасы» Ұлттық конкурсының қалалық кезеңінде жеңімпаз атанған отбасыларды марапаттап, бағалы сыйлықтар табыс етті.
<blockquote>
 Ұлттық құндылықтар мен шаңырақтың береке-бірлігін насихаттайтын шарада қала әкімі Асылбек Өмірбекұлы «Біз – ата-анасын ардақтап, қариясын құрметтей білетін, отбасын Отанның тірегіне санайтын елдің ұрпағымыз. Бүгінгі «Мерейлі отбасы» Ұлттық байқауының қалалық кезеңінде белсенділік танытып, қатысқан әр отбасыға шынайы алғысымды айтамын. Баршаңызды бүгінгі мерейлі мерекемен тағы да құттықтай отырып, әр шаңыраққа шаттық, бақ-береке тілеймін!», – деп жылы лебізін білдірді.
</blockquote>
Биыл ұлттық конкурсқа 15 отбасы үміткер ретінде құжат тапсырып, олардың ішінен арнайы құрылған комиссияның шешімімен 5 отбасы іріктеліп алынды.
Нәтижесінде 3 отбасы жүлделі орынды иемденіп, 2 отбасы арнайы номинация иегерлері атанды. 
Тамыры тереңге таралған, қанаты кеңінен жайылған әулет Тасбөгет кентінің тұрғындары Ермановтар отбасы І дәрежелі дипломмен марапатталды.
ІІ дәрежелі диплом Қызылорда қаласының тұрғындары Таңрақбаевтар отбасына табысталса, 
ІІІ дәрежелі дипломды Қызылорда қаласының тұрғындары Жақыповтар отбасы иеленді. 
«Еңбекқор отбасы» номинациясымен Тасбөгет кентінің тұрғындары Бөлегеновтер отбасы, ал «Өнегелі әулет» номинациясымен Айнакөл ауылының тұрғындары Смағұловтар отбасы марапатталды.
<img src="https://kyzylorda-news.kz/wp-content/uploads/2022/07/9-1-scaled.jpg" alt="" />
<img src="https://kyzylorda-news.kz/wp-content/uploads/2022/07/6-1-scaled.jpg" alt="" />

Мерейлі отбасы-2022: Қызылордада жеңімпаздар марапатталды

&nbsp;<a href="https://kyzylorda-news.kz/ru/">Kyzylorda-news.kz.</a> Мемлекет басшысы Қасым-Жомарт Тоқаев киік санын реттеу мәселесін шуға айналдырған экология, геология және табиғи ресурстар министрі Серікқали Брекешевке сөгіс жариялады, деп хабарлайды&nbsp;<a href="https://sputnik.kz/">Sputnik Қазақстан</a> .
<blockquote>
 «Киік популяциясының одан арғы тағдыры төңірегінде түсініксіз әуре-сарсаңға салып, пікірталас тудырғаны үшін сөгіс жариялаймын. Мұның бәрін осындай қоғамдық талқылау деңгейіне шығарудың қандай қажеті бар еді?! Бұл мәселеге кәсіби тұрғыдан қарау керек. Ұлтымыздың менталитетін ескеру қажет», – деді Тоқаев үкіметтің кеңейтілген отырысында.
</blockquote>
Президент киік қазақтар үшін қасиетті жануар екенін атап өтті.
<blockquote>
 «Табиғи ландшафтан сексен мың киікті өлтіру мәселесі жайлы айтылып отыр. Бірақ мұның басқа да әдістері бар. Мамандармен ақылдасыңыздар, бұл енді соңғы шара ғой. Бұл шараны қолдануға тура келетін шығар, оны жоққа шығармаймын. Бірақ қайталап айтамын, бұл соңғы шара», – деді мемлекет басшысы.
</blockquote>

«Киік қасиетті жануар»: Мемлекет басшысы экология министріне сөгіс жариялады

&nbsp;<a href="https://kyzylorda-news.kz/ru/">Kyzylorda-news.kz.</a>&nbsp; Үкіметтің кеңейтілген отырысында Мемлекет басшысы Қасым-Жомарт Тоқаев қант тапшылығын реттей алмаған Сауда және интеграция министрі Бақыт Сұлтанов пен Ауыл шаруашылығы министрі Ербол Қарашөкеевке сөгіс жариялады, деп хабарлайды ҚазАқпарат.
«Бүгінде бұрын іске қосылған жеті қант зауытының төртеуі ғана жұмыс істеп тұр – Алматы және Жамбыл облыстарында. Олардың өзі тек үштен бір қуатымен ғана жұмыс істейді. Жүктелімі – 31% ғана. Ауыл шаруашылығы министрлігі қызылша қантының үлесін 2026 жылға қарай 6 есе 7%-дан 43%-ға дейін көбейтуді жоспарлап отыр. Алайда, кейінгі төрт жылда қант қызылшасының алқабы үштен бірге қысқарып кеткен», – деді Қасым-Жомарт Тоқаев.
Президент Қазақстанның сырттан келетін қантқа 90% тәуелді екенін еске салды.
«Бұл жерде Еуразиялық экономикалық одақтың аясындағы шешімдерге сілтеуге болады. Бірақ, бұл – бәрібір Үкіметтің зор кемшілігі, яғни мемлекеттің ұстанымын қорғай алмады. Сондықтан, мен министрлер Бақыт Сұлтанов пен Ербол Қарашөкеевке сөгіс жариялаймын.
Үкіметке шұғыл тәртіпте қант саласын дамытудың жеке салалық жобасын әзірлеу керек. Ондағы мақсат – импортқа тәуелділікті айтарлықтай қысқартып, өзіндік қамтамасыз етуге біртіндеп көшу», – деді Мемлекет басшысы.

Қант тапшылығын реттей алмаған министрлерге сөгіс жарияланды

<a href="https://kyzylorda-news.kz/ru/">Kyzylorda-news.kz.</a>&nbsp; Елімізде әлеуметтік маңызы бар азық-түлік тауарларының бағасын тұрақтандыру күн тәртібіндегі өзекті мәселе. Осыған сәйкес, қала әкімінің орынбасары Жанмұрат Сейілов қаладағы әлеуметтік маңызы бар азық-түлік тауарларларының бағасын тұрақтандыру бойынша кәсіпкерлерге түсіндірме жұмыстарын жүргізді.
Аралау барысында кәсіпкерлік нысан иелеріне тауарларға бағаны негізсіз өсірген жағдайда «Қазақстан Республикасының Әкімшілік құқық бұзушылық туралы» Кодексінің 204-4 бабына сәйкес жауапкершілік қаралатындығы айтылып, ескертпе хаттар таратылды.
Айта кету керек, бөлшек саудадағы әлеуметтік маңызы бар азық-түлік тауарлары бағасының шекті мәнінен 15 пайыздан асырмау жөнінде сала мамандарымен күнделікті мемлекеттік бақылау жасалынады.
Сонымен қатар, кәсіпкерлердің әлеуметтік маңызы бар азық-түлік тауарларының бағасын негізсіз өсіргендігі жөнінде тұрғындар тарапынан дәлелдеме құжаттарымен бірге шағым түскен жағдайда жергілікті атқарушы орган арқылы тексеру жүргізілетін болады.
<img src="https://kyzylorda-news.kz/wp-content/uploads/2022/07/293721000_3134001690199901_7358253154944029478_n.jpg" alt="" />
<img src="https://kyzylorda-news.kz/wp-content/uploads/2022/07/293688088_3134001950199875_4751850724205731378_n.jpg" alt="" />

Бағаны негізсіз өсірген кәсіпкерлер жауапкершілікке тартылады

<a href="https://kyzylorda-news.kz/ru/">Kyzylorda-news.kz.</a> Арал қаласындағы З.Шүкіров атындағы қалалық мәдениет үйінде Қазақстанның еңбек сіңірген қайраткері, Қазақстанның мәдениет қайраткері, «Құрмет» орденінің иегері, «Халық алғысы», «Еңбек даңқы» медальдарының иегері, Қазақстан Композиторлар одағының мүшесі, Арал ауданының құрметті азаматы, белгілі күйші-композитор, ақын Мұрат Сыдықов атындағы домбыра үйірмесі ашылды.
Салтанатты шарада алдымен өңірдегі өнердің атасына айналған күйші-композитор, ақын Мұрат Сыдықовтың өмір жолы, шығармашылығы, халқымыздың рухани байлығына қосылған әндері мен күйлері, тағылымды терме-толғаулары, өлең-жырлары көпшілікке таныстырылды. 
Үйірменің ашылу салтанатына Арал қаласының әкімі Ербол Талекенов қатысып, бүгінгі бастау алған игі шараның мән-маңызына тоқталып, жас өрендердің ұлттық өнерімізді асқақтата беруіне тілектестігін білдірді.
<blockquote>
 «Домбыра – қазақтың жаны. Халқымызбен ежелден жасасып келе жатқан аспап. Ата-бабамыздан біздерге қалған асыл мұра. Сондықтан да әрбір қазақтың төрінен орын алған. Домбыра үйренуші шәкірттің бойында ең бірінші ынта, талпыныс, сабырлық және төзімділік болуы керек»- деген Мұрат Сыдықыв үйірмеге алғаш қабылданған балаларға батасын беріп, домбыра аспабын табыстады.
</blockquote>
Одан соң аталған домбыра үйірмесінің жетекшісі Сержан Сәрсембаев қазақ күйінің көкжиегін кеңейткен «Мұраттың төкпесін» нақышына келтіре орындады.
Осылайша жаңа үйірменің лентасы қиылып, үйірмеге қабылданған жас домбырашыларға киелі аспапты шертудің қыр-сырын үйрету жұмыстары басталды.
<img src="https://kyzylorda-news.kz/wp-content/uploads/2022/07/293639188_3313329652328731_8838162555811302134_n.jpg" alt="" />

Белгілі күйші-композитор, ақын Мұрат Сыдықов атындағы домбыра үйірмесі ашылды

<a href="https://kyzylorda-news.kz/ru/">Kyzylorda-news.kz.</a>&nbsp; «AMANAT» партиясы облыстық филиалы жанындағы мобильді қабылдау бригадасы Шиелі ауданына қарасты Майлытоғай, Бала би, Бәйгеқұм ауылдарының тұрғындарын қабылдады. Қабылдауға 40-қа жуық азамат келіп, өтініш тілектерін білдірді. Сондай-ақ тұрғындар түрлі бағыттарда заңнамалық кеңестер алды.
Майлытоғай ауылының тұрғындары бойынша ескірген трансформаторларды ауыстыру, ауылға жаңадан клуб ғимаратын соғу, спорт алаңдарын салу секілді мәселелерді ортаға салды.
<blockquote>
 «Қазір ауыл жастары қол қалт етсе, телефонға телміріп отырады. Өне бейі телефонға үңіліп үйден шықпаған жастың денсаулығы қайдан болсын. Сол себепті бос уақытта дене шынықтыратын ауылда заманауи спорт алаңдары болса. Ауылдағы жалғыз клубымыз бар еді қазір құлау үстінде тұр. 2013 жылы жарамсыз деп танылды» дейді ауыл тұрғыны, зейнеткер Сейтмұрат Торғауытов.
</blockquote>
Ал, Бала би ауылы тұрғындары 1965 жылы негізі қаланған ауылдық емхана ғимаратының заманауи талаптарға сәйкес келмейтіндігін, санитарлық автокөлігінің науқастар үшін қолайсыз, тозығы жеткенін сонымен қатар, ішкі жолдар, көпір, елді мекенді газдандыру, электр энергиясының төмендігі төңірегінде өтініштерін айтты.
Мәселен, ауыл тұрғыны зейнеткер Снабек Нұрғали ескірген трансформаторларды ауыстыруды сұрайды.
<blockquote>
 «Ауылдың ішінде электр энергиясының қуаты төмен бірнеше көше бар. Түнгі мезгілде оқушылардың сабаққа дайындалуына кедергілер келтіріп, тұрғындардың тұрмыстық техникаларының істен шығып, күйіп кетуі жиі орын алуда. Бәйгеқұм тұрғындары елді мекен тоғыз жолдың торабында орналасқандықтан туризімі дамыған, он жарым мыңға тарта халық жүретін жолдарға қауіпсіздікті арттыру мақсатында 5 бейне бақылау орнатылса, «AMANAT» партиясы жайлымдық жерлер мәселесін шешіп берсе», – деді ақсақал.
</blockquote>
Модильді топ мүшелері әрбір өтініштің назардан тыс қалмай, олардың оң шешілуі бойынша нақты жұмыстар жасалатындығын жеткізді.
<img src="https://kyzylorda-news.kz/wp-content/uploads/2022/07/293745681_417675683731407_4995719477431838239_n.jpg" alt="" />
<img src="https://kyzylorda-news.kz/wp-content/uploads/2022/07/293756821_417675680398074_9007604239971324948_n.jpg" alt="" />

  «AMANAT»: Мобильді топ өкілдері үш ауылда қабылдау өткізді

<a href="https://kyzylorda-news.kz/ru/">Kyzylorda-news.kz.</a> Енді қызылордалықтар үшін электр энергиясында айтарлықтай мәселе туындамайды. Себебі Сыр елінде құны 215 млрд.теңгені құрайтын заманауи үлгідегі жаңа электр станциясын салу жұмыстары басталады.
Бүгін нысан құрылысын жүргізетін инвестор компания анықталды. Аукциондық сауда-саттық қорытындысы бойынша түрік компаниясы «Акса Энерджи Уретим Аноним Ширкети» акционерлік қоғамы жеңімпаз атанған. Енді мердігер мекеме бу-газ қондырғысын жыл аяғында бастап, 2025 жылы ел игілігіне пайдалануға береді.
Қуаттылығы 240 мегаватқа жететін жаңа нысан энергия жетіспеушілігін едәуір төмендетеді. Себебі осы кезге қаладағы электр желілері 50-60 жылдан астам үздіксіз жұмыс жасап келгендіктен, әбден тозығы жеткен. Бұл сөзсіз электр жүктемесіне салмақ салады.
Айту керек, облыс әкімі Нұрлыбек Нәлібаев аймақ үшін өзекті электр энергиясы мәселесін орнықты түрде шешу үшін Энергетика министрлігімен бірлескен жұмыстарды атқарды. Нәтижесінде, ведомство басшысы Болат Ақшолақов бұл жобаға қолдау білдіретінін жеткізді.

Қызылордада жаңа электр станциясын салатын инвестор анықталды

<a href="https://kyzylorda-news.kz/ru/">Kyzylorda-news.kz.</a> Биыл ҚР Ұлттық қауіпсіздік органдарының құрылғанына 30 жыл толды. Бүгін облыс әкімі Нұрлыбек Нәлібаев арнайы салтанатты шараға қатысып, сала қызметкерлері мен ардагерлерін айтулы мерекелерімен құттықтады.
<blockquote>
 «Мемлекет басшысы Қасым-Жомарт Кемелұлы Тоқаев «Отанды қорғау – мәртебелі миссия және жоғары жауапкершілік» деп елдің тұтастығын сақтауда күштік құрылымдар мен арнайы орган қызметкерлерінің қоғам алдындағы міндетін тағы бір салмақтай түсті. Мемлекеттік биліктің қоғамда қауіпсіздігін қамтамасыз ететін негізгі маңызды құрылымдарының бірі – Ұлттық қауіпсіздік органдарының алар орны ерекше.
 Құрметті ұлттық қауіпсіздік органдары қызметкерлері!&nbsp;Әрқашан анттарыңызға адал болып, ел қорғаны деген атты абыроймен алып жүріп, мемлекет пен елдік мүддеге аянбай қызмет ете берулеріңізге тілектеспін! Өз қызметтік міндетіне асқан жауаптылықпен қарап, мемлекет тыныштығының сақталуына тынбай үлес қосып жүрген ел қорғандарының қатары көбейе берсін!», – деді аймақ басшысы.
</blockquote>
Салтанатты жиында аймақ басшысы бірқатар сала қызметкерлеріне арнайы Алғыс хат табыстап, ілтипат көрсетті. Сондай-ақ, ел қорғандарына ҚР Ұлттық қауіпсіздік органдарының 30 жылдығына арналған мерекелік медаль табыс етілді.
Іс-шара мерекелік концертке ұласып, қазақ эстрадасының жарқын жұлдыздары Мәдина Сәдуақасова мен Сәкен Майғазиев Сыр төрін әнге бөледі.
<img src="https://kyzylorda-news.kz/wp-content/uploads/2022/07/293621811_342614554726462_824207121602405809_n.jpg" alt="" />
<img src="https://kyzylorda-news.kz/wp-content/uploads/2022/07/b71f2bd272b12d81c9eb2e7027233d07_1280x720.jpeg" alt="" />
<img src="https://kyzylorda-news.kz/wp-content/uploads/2022/07/925c3339186a364e095624c76f609f20_1280x720-1.jpeg" alt="" />

Аймақ басшысы ұлттық қауіпсіздік сақшыларын кәсіби мерекелерімен құттықтады

<a href="https://kyzylorda-news.kz/ru/">Kyzylorda-news.kz.</a> Қазгидромет синоптиктері 14 шілде, бейсенбіге арналған ауа райы болжамын жариялады.
Атмосфералық фронттардың әсерінен Қазақстан территроиясының басым бөлігінде тұрақсыз ауа райы сақталады – найзағай жарқылдап, жаңбыр жауады, жел күшейеді.
Еліміздің оңтүстігінде – шаңды дауыл, батысында, оңтүстік-шығысында – бұршақ, солтүстігінде – түнде тұман түседі.
Тек Қазақстанның оңтүстігі, оңтүстік-батысы, солтүстік-батысы мен орталығында жауын-шашын жаумайды.
Қызылорда облысында төтенше өрт қаупі сақталады.

Қазақстан және Қызылорда облысының жаңалықтары