<a href="https://kyzylorda-news.kz/">Kyzylorda-news.kz.</a> Полиция жұмысының басты көрсеткіші – халықтың сенімі. Сондықтан да ел қорғаны тәртіп сақшыларының қызметі халықтың сенімі арқылы өлшенеді. Халық көкейіндегі мәселелерді шешу және олардың конституциялық құқықтарының қорғалуы Полиция департаментінің басты назарында.Азаматтарды жеке қабылдау мәселесі – полиция қызметіндегі басты бағыттардың бірі. Халықтың арыз-шағымдарын қарау барысы Полиция департаменті басшылығының қатаң бақылауында болады. Әрбір келіп түскен өтініш назардан тыс қалмайды.Осы орайда, Қызылорда облысы Полиция департаментінің бастығы Мұхтар Қожабаев жеке қабылдау өткізіп, бес азаматты жеке қабылдады. Олардың кадр мәселелері және қылмыстық істер аясында айтылған барлық уәждері назарға алынып, сұрақтар аясында түсіндірмелер берілді.Департамент бастығының орынбасарына, Тергеу басқармасының, Кадр саясаты басқармасының басшыларына тиісті тапсырмалар беріліп, қылмыстық істердің тергеп-тексеруі басшы құрамның бақылауында болатындығы ескертілді.Азаматтардың әрбір өтініші бойынша тиісті тексерулер жүргізіліп, оларға міндетті түрде жазбаша түрде жауап қайтарылатын болады. &nbsp;<figure class="image"><img src="https://knadmin.beoblood.kz/uploads/167976135be97d6c60_151_2021policiya_rk_proverit_arendnye_kvartiry_1_24fc3a4535.jpg" alt="167976135be97d6c60-151-2021policiya-rk-proverit-arendnye-kvartiry (1).jpg"></figure>

Қызылорда облысы Полиция департаментінің бастығы жеке қабылдау өткізді

<a href="https://kyzylorda-news.kz/">Kyzylorda-news.kz.</a> Теңгемен депозиттерге өтемақы (сыйлықақы) алу үшін салымшылар депозиттерге міндетті кепілдік беру жүйесінің қатысушысы-банкке 2023 жылғы 1 қаңтарға дейін өтініш жолдауға тиіс.&nbsp;ҚДКҚ-ның мәліметтерінше, 2022 жылғы 11 қарашадағы жағдай бойынша 1,8 млн адам өтемақы алуға өтініш берген, бұл салымшылардың салымдары өтелуге жататын азаматтардың жалпы санының 35%-нан аз.Қазақстанда салымшыларды қолдау мақсатында Жеке тұлғалардың ұлттық валютада орналастырылған депозиттері бойынша өтемақы (сыйақы) төлеу қағидалары (бұдан әрі – Қағида) әзірленді, ол 2022 жылғы 12 қыркүйектен бастап қолданысқа енгізілді.Қазақстан Республикасының Қаржы нарығын реттеу және дамыту агенттігіне кері байланыс арналары арқылы келіп түскен өтініштердің мониторингі және талдауы көрсеткендей, екінші деңгейдегі банктердің басым көпшілігі халыққа Қағидалардың талаптары жөнінде ақпараттандыру және түсіндіру бойынша жұмыстың толық көлемде жүргізілмейтінін көрсетті. Кейбір банктердің фронт-офистерінің қызметкерлері азаматтарға консультациялар беру кезінде:өтемақы алу тәртібіне қатысты толық ақпарат ұсынбайды; салымшыларға депозиттерді қайта ресімдеуден, оның ішінде неғұрлым тиімді талаптармен ресімдеуден, сондай-ақ өтемақыға өтініштерді қабылдаудан бас тартады; клиенттердің салымдарының жаңа салым ашумен салыстырғанда көрінеу тиімсіз талаптармен ұзартуды жүзеге асырады және басқалары. Қандай салымдар бойынша мемлекеттен сыйлықақы алуға болады?Өтемақыны тек 2022 жылғы 24 ақпанға дейін теңгемен ашылған депозиттер бойынша ғана алуға болады.Өтемақы мынадай салымдар бойынша төленеді:жинақ, яғни ақшаны ішінара алу құқығынсыз қайтарып алынбайтын депозит; мерзімді салым (білім беру жинақтау салымдарын және тұрғын үй құрылыс жинақтарын қоса алғанда). Сыйлықақы тек осы салымдар бойынша және 20 миллион теңгеден аспайтын сомаға төленетін болады.Бұл ретте, сыйлықақы мыналарға:талап етілгенге дейінгі салымдарға, яғни банк белгісіз мерзімге ашатын және клиенттің бірінші талабы бойынша қайтарылатын салымдарға; шартты салымдарға; ағымдағы банктік шоттарға қолданылмайды. Депозиттер бойынша өтемақы төлеу жеке тұлғаларға, резиденттерге және бейрезиденттерге, оның ішінде дара кәсіпкерлерге, жеке нотариустарға, жеке сот орындаушыларына, адвокаттарға, кәсіби медиаторларға төленуге тиіс.Егер салымшының бір банкте бірнеше депозиті болса, онда өтемақы жалпы сомасы 20 млн теңге көлемінде төленеді. Ал егер салымшыда түрлі банктерде депозиттер болса, онда сыйлықақы әрбір салым бойынша ол да 20 млн теңге шегінде төленетін болады.Салымшылар өздерінің теңгемен салымдары бойынша, егер:олардың салымдарының мерзімі аяқталмаған немесе 2023 жылғы 23 ақпанға дейін (бір немесе бірнеше рет) ұзартылған; банктік салым шарты тоқтатылмаған және салымшы өзінің барлық жинақтарын депозиттен толығымен алмаған жағдайларда сыйлықақы алуларына болады.Өтемақы қалай есептеледі?&nbsp;Өтемақы төлеудің негізгі талабы – бұл 2022 жылғы 23 ақпанда операциялық күннің соңында депозитте болған сома және ол жыл бойына өзгеріссіз қалуы керек. Яғни, салымшы депозиттен ақша алмауы керек!Егер салымшы, айталық, депозиттен қаражаттың бір бөлігін алған болса немесе шотты толықтырса, онда 2022 жылғы 23 ақпаннан бастап 2023 жылғы 23 ақпанды қоса алғанда кезеңдегі депозиттегі ең аз қалдыққа өтемақы төленуге тиіс.Маңызды! Мемлекеттен ең жоғары сыйлықақы алу үшін бір жыл ішінде – 2022 жылғы 23 ақпаннан бастап қоса алғанда 2023 жылғы 23 ақпан аралығында депозиттен қаражат алмаған жөн! Егер шот бойынша қозғалыстар болған болса, онда осы депозитте бір жыл ішінде тіркелген ең төменгі сома өтелуге тиіс. Өтемақы төлеу үшін арнайы жеке шоттар ашудың қажеті жоқ!Өтемақы төлеу тетігін бірнеше мысалдармен талдап көрейік.№1 мысал. Егер 2022 жылғы 23 ақпаннан бастап 2023 жылғы 23 ақпанға дейін салымшының өтемақы төленетін депозиттегі сомасы 5 млн теңгені құраса және осы кезеңде толықтырылмаса және алынбаса, онда оған 10% мөлшерінде, яғни 500 мың теңге мемлекет сыйлықақысы есептелетін болады.Егер осы кезеңде салымшы депозитті толықтырса немесе өз қаражатын ішінара алса, онда 10% мөлшеріндегі сыйлықақы осы кезеңдегі операциялық күннің соңында тіркелген ең төменгі қалдыққа есептелетін болады.№2 мысал. Салымшының өтемақы төленетін депозитінде 2022 жылғы 23 ақпандағы күннің соңында 500 мың теңге болды. Бір жыл ішінде, 2023 жылғы 23 ақпанға дейін ол ақшаны ішінара алды, ал депозиттегі ең төменгі қалдық 200 мың теңге болды. Ол сондай-ақ депозитті толықтырды, нәтижесінде 2023 жылғы 24 ақпанда оның депозитіндегі сома 800 мың теңгені құрады. 10% мөлшеріндегі сыйлықақы 200 мың теңгеге есептелетін болады, себебі Қағидаларға сәйкес өтемақы ең төменгі қалдыққа есептеледі.Банктер Проблемалық кредиттер қорынан (ПКҚ) және Қазақстанның орнықтылық қорынан (ҚОҚ) өтемақы сомасын алғаннан кейін 2 жұмыс күні ішінде салымшылардың ағымдағы банктік шоттарына сыйлықақыны есептейді. Ағымдағы шот болмаған жағдайда өтемақы төленетін депозит ашылған банкке жүгіну қажет.Маңызды! Салымшылар Қағидаға сәйкес өтемақы алу үшін ақшаны толық алуға жол берілмейтінін есте сақтауы қажет.Салымшы өтемақы алуға келісімін қалай растай алады?&nbsp;Есіңізде болсын! Өтемақы алуға келісіміңізді 2023 жылғы 1 қаңтарға дейін растау қажет. Көрсетілген мерзімде банкке келісім туралы өтініш бермегендерге өтемақы төлеу жүзеге асырылмайды.Банктер салымшыларға өтемақы алу мүмкіндігі және өтініш беру арқылы келісім беру қажеттілігі туралы хабарлайды. Өтініш беру тәртібі мен тәсілін банк айқындайды.Өтініште салымшылар мыналарды көрсетуі керек:тегі, аты, әкесінің аты (бар болса); жеке сәйкестендіру нөмірі (ЖСН). Өтініште салымшы:өтемақы алу үшін; ПКҚ, ҚОҚ және ҚДКҚ (Қазақстанның депозиттерге кепілдік беру қорына) ақпаратын, оның ішінде банктік және заңмен қорғалатын өзге де құпияны құрайтын ақпаратты ұсынуға; өтемақы төлеу үшін ПКҚ және ҚДКҚ дербес деректерді жинауға және өңдеуге өзінің келісімін береді.Қосымша ақпарат алу үшін қайда жүгіну керек?&nbsp;Өтемақы төлеу Қағидалары бойынша сұрақтар туындаған жағдайда азаматтар «1477» нөмірі бойынша ҚР Үкіметімен бірлесіп теңгемен салымдарды қорғау бағдарламасын іске асыратын Қазақстан Республикасының Ұлттық Банкіне жүгіне алады.Қаржылық көрсетілетін қызметтерді тұтынушылар өз құқықтарын қорғау үшін ҚР Қаржы нарығын реттеу және дамыту агенттігіне (бұдан әрі – Агенттік) egov.kz порталы, «e-Otinish» ақпараттық жүйесі арқылы, не А15С9Т5, Алматы қаласы, Көктем-3 шағын ауданы, 21-үй мекенжайы бойынша жазбаша жүгіне алады.Өңірлердің тұрғындары тұрғылықты жері бойынша – Агенттіктің Өңірлік өкілдіктері басқармаларына жүгіне алады.Сонымен қатар, Агенттікте Қоғамдық қабылдау жұмыс істейді, онда азаматтар ақпараттық-анықтамалық сипаттағы консультациялар ала алады және реттеушінің қызметіне қатысты мәселелерді жедел шеше алады.Агенттік өкілдері өтініш берушілердің әрбір өтінішін қарайды және банк, сақтандыру, микроқаржы салаларындағы, коллекторлық агенттіктер мен кредиттік бюролардың, сондай-ақ бағалы қағаздар нарығының кәсіби қатысушыларының қызметіндегі заңнама нормаларына егжей-тегжейлі түсіндірмелер береді. Қажет болған жағдайда Қоғамдық қабылдаудың қызметкерлері қарыз алушылар үшін банктердің, МҚҰ немесе қоғамдық бірлестіктердің өкілдерімен кездесулер ұйымдастыра алады.Қоғамдық қабылдаудың жұмыс уақыты – дүйсенбі - жұма аралығы сағат 10.00-ден 13.00-ге дейін және сағат 15.00-ден 17.00-ге дейін.Агенттіктің Қоғамдық қабылдауына жазылу үшін Yermek.Utemisov@finreg.kz электрондық мекенжайға өзінің ТАӘ, ЖСН, байланыс деректерін, ұйымның толық атауын, өтініштің қысқаша сипаттамасын жіберу және міндетті түрде «Азаматтарды қабылдауға жазылу» тақырыбын көрсету қажет немесе осы ақпаратты Қоғамдық қабылдау бөлмесінің қызметкеріне хабарлау, «1459» нөмірі бойынша Агенттіктің call- орталығына қоңырау шалу немесе «Fingramotalline» мобильді қосымшасы арқылы жазу қажет.&nbsp;

Салымшылардың назарына: теңгемен салымдар бойынша өтемақы алуға өтініштер беру мерзімі аяқталуда

<a href="https://kyzylorda-news.kz/">Kyzylorda-news.kz.</a> Әбділда Тәжібаев атындағы Қызылорда облыстық ғылыми-әмбебап кітапханасында «2022 жыл – Балалар жылын» қорытындылау мақсатында «Ұлағатты ұрпақ – ұлт болашағы» атты мерекелік кеші өткізілді.Кешті Қызылорда облыстық мәдениет және спорт басқармасының басшысы Руслан Рүстемұлы ашып берді. Басқарма басшысы балалар жылында ұйымдастырылған түрлі мәдени шаралар мен байқауларда белсенділік танытқан балалар мен кітапхана оқырмандарын арнайы құттықтады. Сондай-ақ халықтық тәрбие мен көркемсөз өнеріндегі ұрпақтар сабақтастығын жалғастырып келе жатқан, қазіргі қазақ балалар әдебиетіне қалам тартқан ақын-жазушыларды арнайы дипломдармен, алғыс хаттармен марапаттап, осы бағытта берілген тапсырмалар мен атқарылған жұмыстарға кеңінен тоқталды.Мерекелік кешке балалар ақындары Рахат Наурызбаева, Оразбай Қосанов, Қуат Ахетов, Ержеңіс Әбді, Алтынай Берік, жазушылар мен ақындар, әдебиеттанушылар, журналистер мен бақ өкілдері қатысты. &nbsp;Мерекелік шара «Ұлағатты ұрпақ – ұлт болашағы» атты кең көлемді, мазмұнды кітап көрмесімен танысудан басталды.&nbsp;Шара барысында кітапхананың өнерпаз оқырмандары «Еркем-ай балапан» балабақшасының балдырғандары «Қызыл телпек» ертегісін сахналап, Түркия елі, Измир қаласында өткен Халықаралық балалар ойындары мен билері фестивалінің бірінші орын иегері Е.Сармырзаев әсем ән шырқаса, «Қарақат» мектеп студиясының мың бұралған бишілері «Қазақ биін», «Сыр еркесі» балабақшасы бүлдіршіндері «Балбырауын» биін орындап, көрермен көзайымына айналды.&nbsp;Кездесу кеші көрермендерге көтеріңкі көңіл-күй сыйлап қызықты сәттермен аяқталды.<figure class="image"><img src="https://knadmin.beoblood.kz/uploads/319125561_3270810509839100_8776598292367250905_n_6922898857.jpg" alt="319125561_3270810509839100_8776598292367250905_n.jpg"></figure><figure class="image"><img src="https://knadmin.beoblood.kz/uploads/318802887_3270810949839056_2818217430378251202_n_83fc90373b.jpg" alt="318802887_3270810949839056_2818217430378251202_n.jpg"></figure>

Қызылорда: Кітапхана «Балалар жылын» қорытындылады

<a href="https://kyzylorda-news.kz/">Kyzylorda-news.kz.</a> «Сыр медиа» ЖШС-на қарасты <a href="https://kyzylorda-news.kz/">«Kyzylorda-news.kz»</a> ақпарат агенттігіне ҚР Парламенті Сенатының депутаттығына кандидаттардың сайлау алдындағы үгіт-насихат материалдарын орналастыру бойынша өз қызмет құнын ұсынады.<a href="https://kyzylorda-news.kz/">«Kyzylorda-news.kz»</a> ақпарат агенттігіне материалдарды орналастыру бойынша ҚҚС қоса есептегенде:Пробелді қоса алғанда 3000 белгіге дейінгі мақала+3 суретке дейін – 50400 теңге; Әр қосымша белгіге – 15 теңгеден қосылады; Әр қосымша суретке – 200 теңгеден қосылады.Жазбаша өтініштерді сағат 9:00-ден 18:00-ге дейін мына мекен-жай бойынша қабылдайды: Қызылорда қаласы, Бейбарыс Сұлтан көшесі, 4-А (Назарбаев &nbsp;Зияткерлік мектебінің жанында).&nbsp;Жарнама бөлімі: 8 (7242) &nbsp;70-00-52, коммутатор: 40-11-10 /1058/, e-mail: smjarnama@mail.ru.&nbsp;&nbsp;

«Kyzylorda-news.kz» үгіт-насихат материалдарын орналастыру бойынша өз қызмет құнын ұсынады

<a href="https://kyzylorda-news.kz/">Kyzylorda-news.kz.</a> Қазақстан Республикасының еңбек сіңірген қайраткері, жырау Ұлжан Байбосынова мен Сыр бойы жыршы-жырауларының «Жыр күмбез» атты жыр жәрмеңкесі өтті.Жыр жәрмеңкесі Қорқыт ата жайлы бейне көрініспен басталып, қоңыр қобыз сарыны жер-дүниені толқытып өтті. Абыз бабаның «Өткен күн, Кеше, - тарих Келер күн, Ертең, - сыр, Ал, бүгінгі күн – үлкен сый» деген нақылы намаздан тұрған батагөйдің болмысын елестетті. Қобыз үніне еліткен бала Базар «Топқа түстім толғанып» термесін орындады. Алмас Алматов Базар жыраудың «Өсиетімен» өрнектесе, Іле Айдос Рахметов арнау орындады. Арасында «Ақмешіт» фольклорлық ансамблі ерекше күй қосып, тұтас тарихты, өнер өлшемін өсіре түсті.Уақыт көшінде жалғасы үзілмей, күні бүгінге дейін жеткен жыраулық өнердің негізгі мұрагерлері бірінен соң бірі іліп әкетіп, Сыр бойының саңлақ өнерін көрерменге сыйлады. Нұртуған, Нұрмағамбет, Жаңаберген, Жаппарбері, Дәріғүл, Еңсепбай, Көпжасар, Құлжан, Смағұл, Әбілхан, Кәрібоз, Жәмет, Сәрсенбай Бөртебайұлының, Жиенбай жыраудың, Оңғар жырау,Тұрмағамбет , Шораяқтың Омары, Кете Жүсіп, Ешнияз сал, Нартай, қысқасы барлық жырау мен жыршының есімі жаңғырып жатты. LED экраннан тарихи бейнесюжеттер ұсынылды. Осы шараға қатысқан аймақтағы барша жырау мен жыршы қауымы жыр жәрменкесінің түңлігін көтерумен қатар өнердің өміршең ізінен өнегелі тарту жасады.Сахна шеберлеріне облыс әкімінің ықылас гүлі ұсынылып, шараны облыс әкімінің орынбасары Нұрымбет Сақтағанов қорытындылады.<blockquote>«1925 жылы қазақ өнерін Парижде паш еткен Әміреден соң араға алпыс жыл салып Алмас Алматов эпостық өнерді Еуропада әуелеткенін әлем білді. Жыр - халықтың жүрегін тербеткен ұлы өнер. Бүгін Алмас Алматов пен Бидас Рүстембековтың шәкірттері сол киелі өнерді кемеліне келтіре жаңғыртты», - деді Нұрымбет Сақтағанов.</blockquote>Керемет кеш және көтеріңкі көңіл-күй бір-бірімен үйлесіп, көрерменді рухани серпілтті. &nbsp;<figure class="image"><img src="https://knadmin.beoblood.kz/uploads/318799714_3271215979798553_2900229072425267430_n_65ef47a255.jpg" alt="318799714_3271215979798553_2900229072425267430_n.jpg"></figure><img src="https://knadmin.beoblood.kz/uploads/316819372_3271216293131855_7468383562131445514_n_5e0484ed0b.jpg" alt="316819372_3271216293131855_7468383562131445514_n.jpg">

Сыр бойы жыршы-жырауларының «Жыр күмбез» атты жыр жәрмеңкесі өтті

<a href="https://kyzylorda-news.kz/">Kyzylorda-news.kz.</a> Еліміздің өсіп-өркендеуі, елді мекен тұрғындары әлеуетінің артуы &nbsp;алдымен оның ұстанған басты бағыт-бағдарына тікелей байланысты. Осы орайда, «Аmanat» партиясының сайлауалды бағдарламасының жүзеге асуы арқылы аймақтағы өзекті мәселелердің шешімі табылмақ. Мәселен, «Өзгерістер жолы: әр азаматқа лайықты &nbsp;өмір» &nbsp;атты «Аmanat» партиясының &nbsp;сайлауалды бағдарламасын іске асыру бойынша Жалағаш ауданында 2022 жылы 4649 дана ағаш-бұта екпелерін отырғызу жоспарланған болатын.&nbsp;Жоспар бойынша межеленген 4649 дана ағаш биылғы жылғы көркейту-көгалдандыру жұмыстарының барысында отырғызылған. Елді мекендер бойынша Жалағаш кентінде – 1459 дана, Қаракеткен ауылында – 185 дана, Ақсу ауылында – 255 дана, Бұқарбай батыр ауылында – 255 дана, Жаңаталап ауылында – 150 дана, Темірбек Жүргенов ауылында – 255 дана, Аққыр ауылында – 255 дана, Мәдениет ауылында – 255 дана, Мырзабай ахун ауылында – 255 дана, Аққұм ауылында – 255 дана, Таң ауылында – &nbsp;255 дана, Есет батыр ауылында – 255 дана, Жаңадария ауылында – 120 дана, М.Шәменов ауылында – 185 дана, Еңбек ауылында – 255 дана отырғызылып, 2022 жылдың жоспары 100 пайызға орындалған.Аталған бағдарламаның 26 тармағында ағаш-бұта екпелерінің шығымдылығын 65 пайыздан төмен &nbsp;болмауы керектігі айтылған. Ал Жалағаш ауданында отырғызылған ағаш-бұта екпелерінің шығымдылығы 71 пайызды &nbsp;құрады.27-тармақта жасыл аймақтар құру жайы баяндалған болатын. Жоспар бойынша алдын ала әзірленген жобалау-сметалық құжаттар бойынша 4,4 гектар жерге жасыл аймақтар орналастыру үшін 11000 дана ағаш отырғызылу керек. Жоспарды орындау үшін &nbsp;аудандық бюджеттен бөлінген 5,7 млн теңге қаржы есебінен Қызылорда қаласынан Жалағаш кентіне кіреберіс облыстық маңыздағы автомобиль жолының бойындағы 12 гектар жерге жасыл аймақ құруға жобалау-сметалық құжаттар әзірленіп, сараптамадан өтті. Жобалаушы мекеме – «Сартөбе» ЖШС.&nbsp;Жобаның жалпы құны 548,5 млн теңгені құрайды. Жобаны &nbsp;бюджеттен қаржыландыруға облыстық табиғи ресурстар және табиғат пайдалануды реттеу басқармасына 2022 жылдың 17 ақпанында бюджеттік өтінім тапсырылған. Алайда, бүгінгі күнге дейін жоба қаржыландырылған &nbsp;жоқ. Дегенмен, жасыл аймақ құру үшін ауылдық елді мекендерде шаруа қожалықтардың күшімен 11000 дана ағаш 4,4 гектар жерге отырғызылды. Оның ішінде Таң елді мекенінде – 9500 дана, Мырзабай ахун елді мекенінде – 500 дана, Бұқарбай батыр елді мекенінде – 1000 дана. Бір сөзбен айтқанда, аталған бағдарламаның бұл тармағындағы талап та Жалағаш ауданында 2022 жылы 100 пайызға орындалған.28 тармаққа тоқталсақ, онда жасыл аймақ шығымдылығы 65 пайыздан &nbsp;төмен болмауы керектігі міндеттелген. Ал, Жалағаш ауданында жасыл аймаққа отырғызылған ағаштардың шығымдылығы 69 пайызды құрады.2022 жылғы 29 сәуірдегі «Amanat» партиясы Жалағаш аудандық филиалының «Өңірді дамыту» мәселелері &nbsp;жөніндегі аумақтық &nbsp;қоғамдық &nbsp;кеңес отырысының №1 хаттамасының орындалуының қорытындысы да көңіл көншітеді. Мәселен, І-тармақ бойынша Жалағаш кенті бойынша &nbsp;көктемгі санитарлық тазарту, көркейту және көгалдандыру екі айлығының барысында &nbsp;арықтарды тазарту жұмыстары жүргізілді. Биылғы &nbsp;жылы &nbsp;жаз мезгілінде аяқ су тапшылығы орын алды. Жалағаш кентінде орта есеппен аяқ 10 күнде 1 реттен берілді.Мұнан бөлек Жалтынов Далдабай &nbsp; ауылында &nbsp;аяқ су мәселесі &nbsp;шешімін таппай отыр. Оның бір себебі, &nbsp;соңғы &nbsp;жылдары Сырдария өзеніндегі су деңгейінің едәуір төмендеуі. Қазіргі таңда жергілікті биліктің қолдауының арқасында бұл мәселе де шешімін тапқалы тұр. Яғни алдағы уақытта Қаракеткен ауылдық округінде су ұңғымасы қазылады. Бұл жұмыстар жүзеге асса, ауыл халқының аяқ суға қатысты басты мәселесі шешімін табатыны сөзсіз.Биылғы жылы Мәдениет елді мекенін аяқ сумен қамтамасыз етуде &nbsp;қиыншылықтар орын алыпты. «Қорқытбай» каналына берілген су, бірінші кезекте, күріш дақылын егуге жұмсалған. «Қорқытбай» каналының оң жағалауын &nbsp;аяқ сумен &nbsp;қамтамасыз ету үшін &nbsp;Мәдениет елді мекенін насос қондырғысымен жабдықтау мәселесі бүгінде қарастырылып жатыр екен.2022 жылғы 7 қыркүйектегі &nbsp;«Amanat» партиясы Жалағаш аудандық филиалының &nbsp;«Өңірді дамыту» мәселелері &nbsp;жөніндегі &nbsp;аумақтық &nbsp;қоғамдық &nbsp;кеңес отырысының №2 &nbsp;хаттамасының орындалуы да қуантып отыр. яғни бұл бағытта жемісті еңбек бар. Мәселен, аталған хаттаманың 1 тармағы негізінде бүгінгі күнге дейін Жалағаш кентіндегі 18 тұрғын үйге орталықтандырылған газ желісі тартылмай тұр. &nbsp;Қазіргі таңда газ желісін тартуға жобалау-сметалық құжаттар әзірлеуге қажетті қаржы көлемі нақтылануда. Келер жылға қажетті қаржы аудандық бюджеттен сұратылатын болады. 2022 жылдың 1 желтоқсанына дейін 2 468 &nbsp;тұрғын үй немесе 78 пайызы (үй саны 3164) орталықтандырылған газ желісіне қосылып, табиғи газ отынын пайдалануда.&nbsp;Мұнан бөлек, төтенше жағдайлардың алдын алу, болдырмау мақсатында &nbsp;Жалағаш аудандық төтенше жағдайлар бөлімі, Жалағаш газ шаруашылығы мекемесі, Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі, Жалағаш аудандық ішкі саясат бөлімі, Жастар ресурстық орталығының қызметкерлері, волонтерлер тарапынан әлеуметтік желілерде, сонымен қатар нысандарды, тұрғын үйлерді аралап, профилактикалық түсіндірме жұмыстары жүргізген. Газбен жабдықтау жүйелерін, газ тұтыну жүйелерін және газ жабдығының объектілерін қауіпсіз пайдалану талаптарының сақталуына бақылау жүргізу мақсатында, бөлімнің жауапты маманы Қызылорда облысы бойынша өнеркәсіптік қауіпсіздік департаментінен тағылымдамадан және арнайы даярлық қурстарынан &nbsp;өтті.Табиғи газды пайдалану барысында орын алатын &nbsp;ақауларды дер кезінде жою және &nbsp;алдын алу мақсатында орталықтандырылған 109 диспетчерлік &nbsp;қызметі &nbsp;жұмыс жасауда. Бұл жөнінде аудан тұрғындарына әлеуметтік желілер мен жергілікті газет арқылы хабарланды. &nbsp;109 &nbsp;диспетчерлік &nbsp;қызметіне &nbsp;тұрғындардан қоңырау &nbsp;келіп &nbsp;түскен сәттен бастап, аудандық газ шаруашылығы мекемесі қызметкерлері шақырылған мекен-жай бойынша &nbsp;барып, &nbsp;ақауларды қалпына келтіру жұмыстарын жүргізіп, Жалағаш кенті тұрғындарына өз қызметтерін көрсетіп келеді.Алдағы уақытта жоспарлы жұмыстар өз нәтижесін бере бастайды. Сайлауалды бағдарламаның әр тармағында көрсетілген атқарылуы тиіс жұмыстар, әлбетте, халық игілігі үшін екен белгілі. Сол себепті бүгінде барлық тармақ бойынша жұмыс жоспары құрылған. Жұмысшы топтың да жиыны жиі өтіп тұрады. Өңірдің дамуы билік пен бұқара арасындағы тығыз байланыстың нәтижесі және бірліктің жемісі. Халықтың әр ұсынысы мен өтінішіне назар аудару - «Аmanat» партиясының басты ұстанымы және қызметтік міндеті. &nbsp;<img src="https://knadmin.beoblood.kz/uploads/313380051_1576695809449158_3290170502760602023_n_72a30ed049.jpg" alt="313380051_1576695809449158_3290170502760602023_n.jpg"><img src="https://knadmin.beoblood.kz/uploads/318417758_1057363965663477_3949926334913482515_n_20ceda4a18.jpg" alt="318417758_1057363965663477_3949926334913482515_n.jpg">

Сайлауалды бағдарламаны жүзеге асыру арқылы өзекті мәселелер шешімін табуда

​<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменов бірқатар еңбек адамдарын, яғни, тазалықшыларды марапаттады.&nbsp;Дүниежүзілік тазалық күніне орай «Birge: Taza Qazaqstan» акциясы аясында қаланың санитарлық тазарту, көркейту және көгалдандыру шараларына белсенді қатысып, зор үлесін қосқаны үшін аймақ басшысы Нәлібаев Нұрлыбек Машбекұлы мен ҚР Экология, геология және табиғи ресурстар министрі Серікқали Брекешевтің «Құрмет грамотасы», «Алғыс хаты», облыс әкімінің бірінші орынбасары Серік Қожаниязовтың «Алғыс хаттарын» табыстап, еңбегі ерен жандарға жылы лебізін білдірді.<blockquote>​«Сіздер елдік істің бел ортасынан табылып, барлық бастамаларға үн қосып, жанашыр екендеріңізді көрсеттіңіздер. Алдағы уақытта да белсенді азаматтық ұстанымдарыңызды қаланың дамуына жұмсап, әрбір шараға бастамашыл болады деп сенім білдіремін» деген шаһар басшысы маңдай тер мен адал еңбек иелері қашанда құрметке лайық екенін айтты.</blockquote>​Акция өтпей-ақ, шілденің аптап ыстығы мен қыстың суығына қарамастан тазалық жүргізіп, қала келбетін көріктендіруге атсалысып келе жатқан еңбек адамдарын қолдау шаралары алдағы уақытта да жалғаса береді.Айта кетейік, <a href="https://kyzylorda-news.kz/ekonomika/khyzylordada-tazalykh-naukhanyna-belsene-atsalyskhandar-shipazhajgha-zholdama-aldy-02-12-2022">бұған дейін</a> аймақ басшысы Нұрлыбек Нәлібаев «Birge: Taza Qazaqstan» республикалық эконауқанға белсенді қатысқан азаматтарды марапаттаған болатын.&nbsp;<figure class="image"><img src="https://knadmin.beoblood.kz/uploads/318078799_3251284448471624_500582034171446728_n_bc61417cc2.jpg" alt="318078799_3251284448471624_500582034171446728_n.jpg"></figure><figure class="image"><img src="https://knadmin.beoblood.kz/uploads/318116812_3251284521804950_7135606258020766318_n_46c5f05fbe.jpg" alt="318116812_3251284521804950_7135606258020766318_n.jpg"></figure>

Қызылордада тазалықшылар марапатталды

<a href="https://kyzylorda-news.kz/">Kyzylorda-news.kz.</a> Қармақшы ауданы әкімі Әділбек Ерсұлтанов еліміздегі ең жауапты әрі маңызды науқан 20 қараша күнгі Қазақстан Республикасы Президентінің кезектен тыс сайлауын өткізуде қоғамдық белсенділік танытқан азаматтарды қабылдады.Ең алдымен аудан әкімі еліміздегі саяси науқанда қоғамның пайдасы үшін жұмыс жасаған азаматтарға Қазақстан Республикасы Президентінің және облыс әкімінің алғысын жеткізді.Сонымен қатар аудан әкімі өз сөзінде саяси науқанда белсенділіктің жаңа деңгейін көрсеткен, сол жемісті жұмыстарыңыздың нәтижесінде Қармақшы ауданы тұрғындарының басым көпшілігінің сайлауға қатысып, өз дауыстарын бергендігін айтып, бүгінгі жиынның негізгі мақсаты жауапты кезеңде тыным таппай жасаған жұмыстарыңызға алғыс білдіру деп біліңіздер және алдағы уақытта да белсенді азаматтық ұстанымдарыңызды еліміздің саяси дамуына жұмсап, аудандағы әрбір шараға бастамашыл боласыздар деген үлкен сенімін жеткізе білді.Сондай-ақ, салтанатты шарада ардагерлер кеңесінің төрағасы Асқар Мереков және аудандық мәслихат хатшысы Әділ Қошалақов сөз сөйлеп, өткізілген сайлаудың еліміздің одан әрі дамуына, әл-ауқатының артуына үлкен септігін тигізетінін айта келе, осы саяси науқанды өткізуде қоғамдық белсенділік танытқан азаматтарға өзіндік алғыстарын білдірді.Шара соңында аудан басшысы саяси науқанды ұйымдастыру барысында бір кісідей жұмылып, аянбай қызмет етіп, табандылық танытқан белсенді азаматтарды Қазақстан Республикасы Президентінің және облыс әкімінің сондай-ақ аудан әкімінің Алғыс хаттарымен марапаттады. &nbsp;<img src="https://knadmin.beoblood.kz/uploads/318795711_2236244883213072_2934842538270233110_n_a3f76065a4.jpg" alt="318795711_2236244883213072_2934842538270233110_n.jpg"><img src="https://knadmin.beoblood.kz/uploads/318446160_2236244019879825_8225647538481470970_n_ff1aed4f34.jpg" alt="318446160_2236244019879825_8225647538481470970_n.jpg">

Аудан әкімі белсенді азаматтарды қабылдады

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 9 желтоқсанға арналған ауа райы болжамын ұсынды."Қазгидромет" РМК мәліметі бойынша, республиканың солтүстігінде, шығысында, оңтүстігінде және оңтүстік-шығысында атмосфералық фронтальды бөліктердің әсерінен қар жауады. Түнде оңтүстік-шығыстың таулы аймақтарында қалың қар жауады.Елдің қалған бөлігі жауын-шашынсыз, ауқымды антициклонның ықпалында болады.<blockquote>"Оңтүстікте, оңтүстік-шығыста, шығыста жел күшейеді. Солтүстікте, шығыста, оңтүстікте, оңтүстік-шығыста төмен қарлы боран болжанды. Ал еліміздің солтүстік-батысында, оңтүстігінде, оңтүстік-шығысында тұман басады"."Қазгидромет" РМК</blockquote>Жамбыл облысының таулы аймақтарында түнде қалың қар жауады.

9 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен сыбайлас жемқорлыққа қарсы іс-қимыл мәселелері жөніндегі облыстық комиссияның кезектен тыс отырысы өткізілді.Жиынға құқық қорғау органдары және басқарма басшылары, онлайн режимде қала, аудан әкімдері қатысты.Отырыста «Сыбайлас жемқорлықтың алдын алу және оған қарсы іс-қимылдың үлгілік базалық бағытын іске асыру» мәселесі қаралды. Іс-қимыл үлгілік базалық бағыты 4 негізгі жобалар тобы арқылы іске асады. Яғни сыбайлас жемқорлық тәуекелдерін анықтау оны жою, сыбайлас жемқорлыққа қарсы мәдениетті қалыптастыру және квазимемлекеттік секторда сыбайлас жемқорлыққа қарсы комплаенс-қызметтерін дамыту.Жиын барысында Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Серікжан Мырзалы баяндама жасап, комплаенс-қызметін атқаратын мамандар тапшы екенін және әрбір мекемеде дербес комплаенс қызметі болуы қажеттігін алға тартты. Соған сәйкес кәсіби мамандардың әлеуетін арттыруға басымдық беру керек деді.Мұнан бөлек, мемлекеттік органдар тарапынан сыбайлас жемқорлық тәуекелдеріне жүргізілетін ішкі талдау сапасы өз деңгейінде жасалмайтынын жеткізді.<blockquote>«Облыстық әкімдікке қарасты басқармалармен жүргізілген сыбайлас жемқорлық тәуекелдеріне ішкі талдаулар нәтижесінде 77 тәуекел немесе бір басқармадан орташа көрсеткішпен 4,53 тәуекел анықталған. Бұл ретте, көрсетілген ішкі талдаулардың сапасы да күмән тудыратынын атап өту қажет. Мәселен, Білім басқармасымен ішкі талдауды сапасыз жүргізу белгісі ретінде өңір мектептерінде сыбайлас жемқорлық фактілері орын алғанын келтіруге болады. Облыс мектептерінде 2020-2021 жылдары аса ірі көлемде қаражат жымқыру фактілері бойынша 6 қылмыстық іс тіркелді. Яғни жекелеген мектептерде жалақы төлеу қорының сомаларында күмәнды деректер анықталды», - деді департамент басшысы.</blockquote>Қазірде Жаңақорған ауданының бірнеше мектеп есепшілеріне қатысты сыбайлас жемқорлық сипатындағы қылмыстық істер қозғалуда. Бұл деректер 2020-2021 жылдар ішінде орын алған, дегенмен істің шешімі биылғы жылдың есебімен жария етілуде.Серікжан Мырзалы мұндай тәуекелдер басқарма тарапынан ішкі талдау барысында алдын ала анықталмағандықтан, қаражатты негізсіз пайдалануға жол ашты дейді.Айта кету керек, аймақта 2020-2021 жылдар аралығында қаржы жымқыру дерегі бойынша 11 әкімдік қызметкеріне қылмыстық іс қозғалған. Олардың ішінде Қызылорда облысының мәдениет, архив және құжаттама басқармасының басшысы, дене шынықтыру және спорт басқармасының басшысы және 5 спорт мектеп директоры, жер қатынастары басқармасы басшысының орынбасары, облыстық құрылыс, сәулет және қала құрылысы басқармасы басшысының орынбасары, ауыл шаруашылығы басқармасының бөлім басшысы мен бас маманы бар. Аталған тұлғалардың қылмыстық істері 2021 жылы тіркеліп, сот үкімдері биыл ғана жарияланды. Соның салдарынан Қызылорда өңірі республикадағы аймақтар арасында сыбайлас жемқорлық сипатындағы қылмыстық көрсеткіштермен алдыңғы қатарға ілікті.Ұлттық қауіпсіздік комитетінің Қызылорда облысы және Байқоңыр қаласы бойынша департаментінің бастығы Болат Қалмырзаев 2020-2021 жылдар ішінде орын алған мұндай келеңсіздіктердің себебіне терең талдау жасап, білім саласында орын алуы мүмкін тәуекелдерді алдын ала ескеру қажет деді.Жиында облыс әкімі аппаратының басшысы Шахмардан Байманов Үлгілік базалық бағыттың өңірінде орындалуы облыс әкімі аппаратының жеке бақылауында болатындығын және ашықтық қағидатына сай әрбір мемлекеттік қызметшінің сыбайлас жемқорлыққа жол бермеуін және бірінші басшылардың жауаптылығын күшейтіп, ішкі талдауларға сүйене отырып уақытылы әрекет ету механизміне сай жұмыс жүргізілетінін жеткізді. &nbsp;Қоғам ішінде сыбайлас жемқорлыққа қарсы мәдениетті қалыптастыру үшін ақпараттық насихат жұмысының маңызы арта түсті. Облыстық қоғамдық даму басқармасының басшысы Мира Қазбекова халық арасында сыбайлас жемқорлыққа қарсы нормаларды түсіндіру, мағыналы бейнероликтер әзірлеп, оларды кеңінен жергілікті телеарналар мен әлеуметтік желіде жариялау, жастар арасында сыбайлас жемқорлыққа қарсы мәдениетті қалыптастыру &nbsp;бағытында атқарылған шараларға тоқталды.Жиынды қорытындылаған аймақ басшысы жемқорлықпен күресте ақпараттың шынайы болуын және үлгілік базада көзделген бағыттарды уақытылы іске асырып, жұмысты жандандыру қажет деді.<blockquote>«Жобалық басқару - бұл, ең алдымен лауазымды тұлғалардың жауапкершілігін арттыру, нақты көрсеткіштерге қол жеткізу. Бұған бей-жай қарауға болмайды. Мүдделі мемлекеттік органдармен бірлесе отырып, жемқорлық сипатындағы әрекеттерді жою бағытында жұмысты күшейтуді тапсырамын», - деді Нұрлыбек Нәлібаев.</blockquote><figure class="image"><img src="https://knadmin.beoblood.kz/uploads/318564597_446587500995833_8074580407104701055_n_a35a5d3171.jpg" alt="318564597_446587500995833_8074580407104701055_n.jpg"></figure><figure class="image"><img src="https://knadmin.beoblood.kz/uploads/318089976_446587630995820_5686209185967845517_n_f8d7091228.jpg" alt="318089976_446587630995820_5686209185967845517_n.jpg"></figure>

Нұрлыбек Нәлібаев: Жемқорлық сипатындағы әрекеттерді жою бағытында жұмысты күшейтуді тапсырамын

<a href="https://kyzylorda-news.kz/">Kyzylorda-news.kz.</a> ҚР ІІМ-нің нұсқауына сәйкес, жолаушылар көлігінің қатысуымен жол-көлік оқиғаларының жиеленуіне байланысты, автомобиль жолдарында жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру, сондай-ақ желіде қызметін тіркеусіз жүзеге асыратын азаматтарға қатысты бақылауды жетілдіру мақсатында қала көлемінде өтіп жатқан «Автобус» жедел-профилактикалық іс-шарасының 3 күнінде жолаушылар тасымалдауды жүзеге асырушылар тарапынан жол жүрісі қағидаларын бұзудың барлығы 88 дерегі анықталды.Оның ішінде, жолаушыларды, багажды және жүктерді тасымалдау қағидаларын бұзған - 6, заңсыз қайта жабдықтаған - 2, рейс алдындағы қарап тексеруден өтпеген – 1, міндетті техникалық байқаудан өтпеген – 1, маневр жасау қағидаларын бұзу – 17 жүргізушіге қатысты әкімшілік хаттамалар толтырылып, айып тұрағына 3 автокөлік қойылды.Айта кету керек, іс-шара 2022 жылдың 11 желтоқсанға дейін жалғасын табады. Мұндай профилактикалық шаралар жолаушылар көлігінің қатысуымен болған жол-көлік оқиғаларының санын азайтуға мүмкіндік береді. Тәртіп сақшылары жол қозғалысының барлық қатысушыларынан жол жүру ережелерін қатаң сақтауды сұрайды. &nbsp;<img src="https://knadmin.beoblood.kz/uploads/318938769_637460151506233_2706465388891964499_n_2a7b73b695.jpg" alt="318938769_637460151506233_2706465388891964499_n.jpg">

Полицейлер «Автобус» іс-шарасының 3 күнінде жол қозғалысы ережесін бұзудың 88 дерегін анықтады

<a href="https://kyzylorda-news.kz/">Kyzylorda-news.kz.</a> Жалпы, еліміз тәуелсіздік алғалы жастарды қолдауға басымдық беріп, бірнеше мемлекеттік бағдарламалар да жүзеге асты. Жаман емес, нәтиже бар. Ең бастысы, бүгінде мемлекеттің қоғамдық-саяси, әлеуметтік-экономикалық дамуына үлес қосамын деген жаңашыл, іскер жастардың қатары артқан. Қармақшы ауданында жастар саясатын ұтымды жүргізу бойынша атқарылған жұмыстарды саралаған Қармақшы аудандық Жастар ресурстық орталығының директоры Нұржұман Пірназаров осылай деді.Қазіргі уақытта Қармақшы ауданында 53 781 адам болса, оның ішінде 14-29 жас аралығында 12 121 жасты құрайды екен. NEET санатындағы жастар қатарын азайту бойынша жүйелі жұмыстар ұйымдастырылып келеді. Осы санаттағы жастарды анықтау мақсатында адрестік жұмыстар жүргізіліп, 5126 жастан сауалнама алынып, 324 жас анықталған. Оның бүгінде 170 жасымен уақытша, тұрақты жұмысқа орналастыру бойынша іс-шаралар үздіксіз жүріп жатыр. Анықталған NEET санатындағы жастарды мемлекеттік бағдарламалар бойынша жастар тәжірибесі мен қоғамдық және маусымдық жұмысқа тарту, шағын гранттарға, кәсіпкерлік бағыт бойынша да қайтарымсыз гранттарға қатыстыру тұрақты түрде ұйымдастырылуда.Ауылдық жердегі жастарды ауыл әкімдіктері және шаруашылық басшыларымен бірлесе отырып бірінші кезекте NEET санатындағы жастарды маусымдық немесе тұрақты жұмыстарға орналасуына жұмыс жүруде. Жұмыссыз жастарға бос жұмыс орындарына байланысты әлеуметтік желі арқылы ақпараттандырылып тұрады.Жастардың кейбірі (11 жас) байқаусызда жасалған құқық бұзушылықтың кесірінен пробация есебінде тұр. Оларға психологиялық кеңестер беріліп, өмірге деген көзқарастарының бұзылмауы қадағаланып отырылады. Ауылдық елді мекендердегі пробация тізіміндегі жастарды сол жақтағы шаруашылықпен бірлесе отырып тұрақты жұмыстарға орналастыру бойынша да жұмыстар атқарылып жатыр. Сондай-ақ, аудандық полиция бөлімімен бірлесе отырып аптасына екі рет түнгі рейд ұйымдастырылады. Осы уақытқа дейін 56 рейд жүргізілген.Жастардың жұмыссыздығын жою мақсатында жұмыспен қамту орталығымен бірлесіп жұмыстар атқарылып та келеді екен. Оқуын бітіріп келгендерге «Жастар тәжірибесі», «Алғашқы жұмыс орны» деген бағдарламалар арқылы жұмысқа орналастыру жүргізіледі. Жаз айларында маусымдық «Жасыл ел» еңбек жасақтарына тартылады. Баспана мәселесіне келетін болсақ, «Отбасы банк» қызметкерлерін қатыстыра отырып онлайн, офлайн кеңестер берілуде.Аудан жастар орталығының бей ресми атауы «QADAM» жастар орталығы екен.&nbsp;<blockquote>«Мұны жасаудағы басты себебіміз – жастардың барлық жаңа, тың, алғашқы қадамдарына осы жастар орталығы себепші болсын деген ниет. Қазіргі уақытта Qadam kenes, Qadam qamqоr, Qadam quqyq жобалары біртіндеп іске асып келеді. Qadam kenes жобасының start, Қармақшылық, qarmaq дейтін үш бағыты бар. Бұл үш бағыт бойынша да біз жастарға жанжақты кеңес беру жұмыстарын жүргіземіз. Жастардың бос уақытын тиімді ұйымдастыру бойынша да әртүрлі іс-шаралар тұрақты түрде ұйымдастырылып келеді. Аудандық жастар ресурстық орталығының ұйытқы болуымен 178 шара өткізіліп, оған 5000-нан аса жас қамтылды. Жастар қажеттіліктерін анықтау мақсатында жастардан сауалнама алу жұмыстары жүргізілді. Жыл басынан бері әлеуметтік желілерге тұрақты 402 ақпарат жарияланып отыр», – дейді орталық директоры.</blockquote>Мемлекеттік жастар саясатын жүзеге асыруда ауданда бірқатар әлеуметтік жобалар жолға қойылған. Соның негізінде акция, өнер байқауы, спорт сайысы, форум, кеш, саяхат ұйымдастырылып, насихат жүргізілуде. &nbsp;<img src="https://knadmin.beoblood.kz/uploads/6_e8081dd201.jpg" alt="6.jpg"><img src="https://knadmin.beoblood.kz/uploads/316051170_3443717922562454_4503522705702555110_n_fd787601ab.jpg" alt="316051170_3443717922562454_4503522705702555110_n.jpg">

Қазақстан және Қызылорда облысының жаңалықтары