<a href="https://kyzylorda-news.kz/">Kyzylorda-news.kz.</a> Араб тіліндегі «фитр» сөзінің тілдік мағынасы «жаратылыс», «оразада ауыз ашу» дегенді білдіреді. Қазақ тілінде «пітір» деп қолданысқа еніп кеткен дейді орталық Жанқожа батыр атындағы мешіттің бас имамы Берік қажы Сүлейменов. Бұл – рамазан айындағы оразасын тәмамдау және біліп-білмей істеген қате-кемшіліктеріне төлем ретінде немесе әр адамның жеке басы үшін берілетін садақа дегенді алға тартты.Ораза ұстаған адам кейбір дүниелік істерге бола көңілге келетін жаман сөздер айтып, жағымсыз әрекеттерге барып басқаларды ренжітіп қоюы мүмкін. Мұндай істер оразаны бұзбаса да оның сауабын кемітіп, ораза ұстаушының көңіліне күдік салады. Пітір садақасы осындай күдіктен айықтырып, кемшілігінің орнын толтырады.Бас имам Берік қажы Сүлейменовтың айтуынша, пітір садақаның пайдасы – қате-кемшіліктерді толықтырады. Ораза айында тілімен, ойымен, көзімен істеп қойған қате-кемшіліктерді өшіреді. Осылайша, оразада жасалған кейбір кемшіліктерден тазарып, ақыретте оразаның толық сауабын алуына пітір садақасы себеп болады.<blockquote>«Пітір садақа оразаның кабыл болуына септігін тигізеді. Жарир риуаят еткен бір хадисте Пайғамбарымыз (саллаллаһу аләйһи уә сәлләм): «Адамның оразасы жер мен көктің арасында асулы тұр. Пітір садақа бергеннен кейін ол орнына жетеді», дейді. Яғни, оразаның кемшіліктері пітір садақасымен толықтырылып, кемел түрде оразаның қабыл болуына септігін тигізеді. Тұрмыс жағдайы төмен адамдар қазіргі уақытта бар. Сондықтан бұл игілікке толы іс кедейлерді куантады. Айт күні тек жағдайы бар байлар ғана қуанбай, кедей, мұқтаж адамдар да қажеттерін алып, мол қуанышқа кенеледі. Қазалыда әлеуметтік жағдайы нашар тұрғындар арамызда кездеседі. Олар мешіт тізіміне алынған. Осындай көмек пен кеңес сұрай келген мұқтаж жандарға барынша материалдық пен азық-түлік жағынан және рухани демеу арқылы әркез көмек қолын созудамыз. Тіптен, кейбір жомарт жандар төрт түлікті құрбандыққа шалып, сауабы мол садақа ретінде үлестіреді. Мешіт қызметкерлері мұндай Алла разылығы үшін таратылатын садақаларды реттілігімен үйлестіріп, діттеген жандарға беріп келеміз», – дейді Берік қажы Сүлейменов.</blockquote>Сондықтан пітір садақасын беру арқылы кедейлердің мұң-мұқтажын өтеп, бұл күннің шындығында куанышты күн екендігін сезінеді. Бұл жанымыз бен тәніміздің зекеті деуге болады. Аллаһтың адам баласына сыйлаған сансыз нығметтері мен денсаулығына шүкіршілік ретінде беріледі. Бас имам, пітір садақасы сәбиге де, ораза тұтушыға да, ораза тұтпағанға да міндеттелді дегенді тілге тиек етті.Еске сала кетейік, биыл пітір садақа мөлшері 535 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады.

Пітір садақа мөлшері белгіленді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті мен Украина Республикасының Херсон мемлекеттік аграрлық-экономикалық университеті арасында ынтымақтастық туралы меморандум жасалды.Келісімнің мақсаты – әріптестік байланысты нығайтып, ауылшаруашылығы саласында ғылыми зерттеулерді бірлесіп жүргізу.Қол қою рәсіміне Қорқыт ата атындағы Қызылорда унисерситетінің Басқарма төрағасы – Ректоры Бейбіткүл Кәрімова және Херсон мемлекеттік аграрлық-экономикалық университетінің ректоры міндетін атқарушы Юрий Кирилов, экономика ғылымдарының докторы Владимир Дудченко, ауылшаруашылығы ғылымдарының докторы Елена Марковская қатысты.Қазіргі уақытта шетелдік ғалымдар Владимир Дудченко және Елена Марковская Қызылорда өңірінде егін шаруашылығы бойынша зерттеу жүргізуде. Олар Қорқыт ата атындағы Қызылорда университетінің 4 магистрантын жұмысқа қабылдауға дайын екенін жеткізді.Кездесуде ректор Бейбіткүл Сәрсемханқызы университеттің жетістіктерімен таныстырып, 115 білім беру бағдарламасы бойынша аймаққа ең қажетті мамандар даярланатынын атап өтті.Өз кезегінде Херсон мемлекеттік аграрлық-экономикалық университетінің ректоры міндетін атқарушы Юрий Кирилов меморандум өзара тәжірибе алмасу мен тың зерттеулер жасауға мүмкіндік беретінін жеткізді.Меморандум аясында органикалық егіншілік және оның өнімдерін қайта өңдеу бойынша бірлескен инновациялық жобалар іске асырылып, инновациялық технологиялар жобасын құру үшін халықаралық ұйымдармен бірлесіп зерттеу жүргізілмек.Сондай-ақ, ауыл шаруашылығы дақылдарын селекциялау және тұқым шаруашылығын дамыту, Украина мен Қазақстандағы топырақ түрлеріне байланысты тауашалық дақылдарды (нишевых культур) өсіру жұмыстары атқарылмақ.

Херсон мемлекеттік аграрлық-экономикалық университетімен әріптестік орнады

<a href="https://kyzylorda-news.kz/">Kyzylorda-news.kz.</a> Жалпы, көктем &nbsp;айы – жаңару мен жаңғырудың, түрлену мен түлеудің ғана емес, тазалықтың да айы. Бұл мезгілде үлкен-кіші айналаны тазартып, күл-қоқыстан арылтатыны рас. Бұл ретте тазалық сақтау ішкі тұлғалық мәдениетіміздің айқын белгісі екенін ескерсек, санитарлық тазалықты өзімізден бастау керектігін ұғамыз.Тазалық ұғымы қоқыстарды жинаған жерде емес, шашпаған жерде қалыптасады. Сондықтан әр адам керексіз затты тастар алдында ойлану керек. Ол ой «Осы істі дұрыс немесе бұрыс жасап жатырмын ба?», «Бұдан қоғамға зиян болмай ма?», «Адамдарға ауырлық туғызбай ма?» деген сұрақтарға негізделуі тиіс. Өйткені, сіз тастаған қоқыстар келесі бір адамның аяғына оратылып, қоршаған ортаны ластауы мүмкін. Сондай-ақ әр мезгілдің жаңбырлы, аязды кездерінде, ыстық-суығында қоқыстарды жинау үшін далада жүретін өз қандастарымыз сіз тастай салған қоқысты жинап, бауырларымызға ауырлық туғызуы ықтимал. Сол себепті әрбір адам қажетсіз затты тастарда терең ойланып, ішкі мәдениетіңіз бен пайым-парасатыңыздың алдында есеп бергені жөн.Көктем мезгілі &nbsp;басталғалы аудан орталығы мен ауылдарда әр апта сайын сенбіліктер тұрақты түрде ұйымдастырылуда. Бұл күні бойы жүргізілетін жұмыс емес. Сенбі күнгі небәрі 1-2 сағат уақытты қоғам тазалығына арнау туған жерге деген құрметіміздің белгісі болып табылады. Тереңөзек – ортақ үйіміз. Ортақ үйіміздің тазалығы, санитарлық жағдайы бәрімізді алаңдатады. Сын айтып, мін теру әркімнің қолынан келеді. Ал оны ретке келтіру, игі істерге уақытпен санаспай белсене атсалысу туған жерге деген сүйіспеншілігімізге, құрметімізге, түптеп келгенде азаматтығымызға байланысты. Сенбіліктен қалмай, қоғам тазалығы үшін жұмыс істеуге ынта танытып жүргендердің еңбегі адал, есімдері құрметті деп айтуға болады.Бұл &nbsp;орайда тағылым аларлық бір оқиға еске түседі. Бір кісі көршісінің ауласында жаюлы тұратын кірлерге терезеден қарап, кірлердің дұрыс жуылмағанын, көршісінің кірді дұрыс жуа алмайтынын жиі айтады екен. Бұл жағдай бір емес бірнеше рет қайталанады. Бір күні көршісі үйіне келгенде осыны айтып, кемшілігін түзеткісі келеді. Сонда көршісі әлгі кісінің терезесін сүртіп, өзін ұялтқан екен. Бұдан біз біреудің тазалығы туралы сөз етерде өзіміздің тазалығымызға мән беру керектігін ұғамыз. Бұл қоғам тазалығына да қатысты. Ал қоғамның таза болуына тек әкімдік қана емес, әрбір тұрғын тікелей жауапты.&nbsp; &nbsp;

Тазалық – қоғам айнасы 

<a href="https://kyzylorda-news.kz/">Kyzylorda-news.kz.</a> Бүгінгі таңда Қызылорда облысының орталығындағы Сұлтан Бейбарыс көшесін абаттандыруға 15 техника, 50 адам жұмылдыруда. Қазіргі күнде жұмыстың 30 пайызы орындалған. Бұл туралы Өңірлік коммуникациялар қызметінің ұйымдастыруымен өткен көшпелі брифингте Қызылорда қаласы әкімінінің орынбасары Ғалымжан Еркебай мәлімдеді.<blockquote>«Сұлтан Бейбарыс көшесін ағымдағы жылдың 10 наурызынан бастап қайта жаңғырту жұмыстары басталды. Мемлекеттік сатып алу бойынша «УАД» компаниясы конкурсты жеңіп алды. Жол қалыңдығы стандартқа сай төселеді. Яғни, малтатас 43 см, қара шебін 13 см, асфальт 14 см болып төселеді», - дейді Ғалымжан Еркебай.</blockquote>Қала әкімінің орынбасары өз сөзінде абаттандырылып жатқан ұзындығы 4,2 шақырым болатын жол төрт жолақты болатынын айтты.<blockquote>«Жолдың ені он төрт метрді құраса, қосымша бір метр жол жиегі құйылады. Жол жиегіне абаттандыру жұмысы жүргізіліп, тал егу жұмыстары жасалып жатыр. Сондай-ақ, жол бойына төрт мың тал егіледі. Жылу құбырлары жер асты арқылы жүргізілетін болады. Жарықтандыру жолдың екі бетіне орналасады. Жұмыс кестесі 12 айға берілді. Дегенмен өз уақытынан бұрын тапсырамыз деген жоспарымыз бар», - деді Ғалымжан Бақтығалиұлы.</blockquote>

Қызылорда: Сұлтан Бейбарыс көшесін абаттандыру қарқынды жүруде 

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменовтің арнайы тапсырмасына сәйкес қоғамдық көлік тасымалдау қызметіне бақылау жүргізілді.Бүгінгі таңда қала тұрғындарының қоғамдық көлікке деген сұранысын қанағаттандыру және көлік қатынасын дамыту мақсатында тиісті жұмыстар жүргізілуде. Бұл мақсатта облыс әкімінің тапсырмасына сәйкес өткен жылдан бастап Қызылорда қаласына жаңа автобустар келе бастады. Осы жұмыстардың негізінде, бүгінде қоғамдық көлік қызметіне қатысты тұрғындар тарапынан қойылатын сауалдардың саны азайған. Яғни, «Автобус паркі» ЖШС-інің жаңа автобустармен толығуының нәтижесінде қызмет көрсету ауқымы кеңейіп, қалаішілік қоғамдық көлік саны 6 бағыттан 18 бағытқа артып отыр. Қазіргі кезде «Автобус паркі» ЖШС-не қарасты автобустар №1, 3, 11, 12, 14, 15, 17, 18, 19, 20, 22, 25, 28, 29, 31 және қосымша жүктелген «Ягодка» саяжайы бойынша тасымалдау қызметін жүргізіп келеді.Міне, осы қоғамдық көлік қызметін тексеру барысында аялдамаларда автобустарын күткен қала тұрғындары №10, 16 бағыттағы қоғамдық көліктердің уақытын сағат 20:00-ге дейін ұзартуды немесе үлкен сыйымдылықтағы автобуспен қамту қажеттігі туралы ұсыныстарын білдірді.

Қызылордадағы қоғамдық көлік қызметі әкімдік бақылауында

<a href="https://kyzylorda-news.kz/">Kyzylorda-news.kz.</a> Қызылорда қаласында «Қызылорда тазалығы» мекемесіне арнайы техникалар табысталды.&nbsp;Стратегиялық бағдарламаларды сапалы жүзеге асырудың негізгі міндеті – халықтың өмір сүру деңгейі мен сапасын арттырғанда ғана орындалады десек, бұл бағытта облыс орталығында тұрғындардың игілігі үшін ілкімді істер атқарылуда. Соның бір дәлелі, аймақ басшысының тікелей қолдауымен қаланың тазалығын қамтамасыз етіп отырған «Қызылорда тазалығы» ЖШС-не 20 дана арнайы техника алуға облыстық бюджеттен 742,8 млн. теңге бөлініп, бүгін оның алғашқы легі келе бастады.Осыған орай, шаһар басшысы Асылбек Шаменов тұтас бір қаланың тазалығына жауапты мекеменің материалдық-техникалық базасын толықтыру мақсатында жаңадан алынған екі дана фронталды тиегіші бар «МТЗ-82» тракторы мен «WECAN 800» маркалы екі шағын тиегіш техникаларын табыстау рәсіміне қатысты.<blockquote>«Қажеттілікті қамтамасыз ету жолында үздіксіз жұмыстар жасалу керек. Осы күнге дейін алынған техникалардың белгілі деңгейде ескіруіне байланысты, заман ағымынан қалмай мәселенің себебімен емес салдарымен күресу мақсатында облыс әкімінің тікелей қолдауымен жүйелі жұмыстардың нәтижелері көрінуде. Алдағы уақытта тұрғындарға сапалы қызметті арттыру бағытында арнайы техникалар рет-ретімен алынатын болады», - деді Асылбек Шәменов.</blockquote>Сондай-ақ, шаһар басшысы ел игілігі үшін жасалған бұл істің баянды болуы ендігі жерде жұмысшылардың мемлекет мүлкіне деген жанашырлығы мен жауапкершілігіне тікелей байланысты екенін тілге тиек етіп, қала тазалығына жан берген еңбеккерлердің жұмысына сәттілік тіледі.Қазіргі таңда 500-ден аса көшенің тазалығын қамтып отырған «Қызылорда тазалығы» ЖШС-нің теңгерімінде 125 дана техника болса, оның 91-і санитарлық тазалық жұмыстарына жұмылдырылған.<img src="https://knadmin.beoblood.kz/uploads/339649412_1446526689456990_6132383383352009313_n_4510517d8a.jpg" alt="339649412_1446526689456990_6132383383352009313_n.jpg">

«Қызылорда тазалығы» мекемесіне арнайы техникалар табысталды

<a href="https://kyzylorda-news.kz/">Kyzylorda-news.kz.</a> Өздеріңізге белгілі, ауданға қарасты Асқар Тоқмағамбетов ауылдық округінде айтып келмейтін апат салдарынан 3 тұрғын үйде өрт болып, адам өміріне үлкен қауіп төндірді. Қуантарлығы, барлық адамның амандығы мен мал-жанның зардап шекпегені болып отыр.Сырдария ауданының жастары қашанда кез-келген қиындыққа тап болған жандарға көмек көрсетуді әдетке айналдырып келеді. Бұл жолы да, &nbsp;сырдариялық жастар өрттен шығын келген отбасыларға көмек қолын созды.&nbsp;Жақсылыққа жаны құмар "Сырдария жастары" еріктілер штабының мүшелері өрт оқиғасы болған жерге барып, өрттен қалған заттарды тазалау арқылы көмек көрсетті.Тұрғын үйлердің ауласын үйінділерден тазартып, қалыпқа келтірді. Жас кәсіпкер, «Углесбыт» ЖШС-нің атқарушы директоры Фархат Расулұлы бауырымыз қолдау көрсетіп, азық-түлікпен қамтамасыз етті.<blockquote>&nbsp;Біз аудан жастарын қайде де, мақтан тұтамыз. Ақиық ақын Асқар Тоқмағамбетов ауылында орын алған өрт оқиғасынан зардап шеккен отбасыға көмектесті. Шын мәнінде, баспанасынан айырылған отбасына оңай соқпады. Тығырықтан шығу үшін аудан жастары көмекке келді. Ұйымшылдық танытқан белсенді жастар бұған дейін көптеген іс-шаралардың басы-қасынан табылды. Әркез аудан жастары жұдырықтай жұмылып жұмыс жасайтын боламыз, – деді аудандық жастар ресурстық орталығының директоры &nbsp;Нұрман Абдрасилов.&nbsp;</blockquote>Ауыл тұрғындары ауызбірлігі мол аудан жастарына ақ батасын беріп, алғысын жеткізді. Жастар – қашанда қоғамның қозғаушы күші. &nbsp;

Аудан жастары төтенше жағдай кезінде белсенділік танытты 

<a href="https://kyzylorda-news.kz/">Kyzylorda-news.kz.</a> Қызылорда облысында шетелдік автокөліктерді заңдастыру бойынша құжаттарды қабылдау уақытша тоқтатылды. Бұл туралы «Азаматтарға арналған үкімет» мемлекеттік корпорациясы КЕ АҚ Қызылорда облысы бойынша филиалының баспасөз қызметі хабарлады.&nbsp;«ҚР ІІМ-нің қарамағындағы көлік құралдарын тіркейтін ақпараттық жүйенің уақытша жұмыс істемеуіне байланысты барлық өңірлердегі МХҚО-ларда шетелдік автокөліктерді заңдастыру бойынша құжаттарды қабылдау уақытша тоқтатылғанын хабарлаймыз. Жауапты органдар ақпараттық жүйенің қызметін қалпына келтіру жұмыстарын жүргізіп жатыр. МХҚО-ларда өтініштерді қайта қабылдау туралы ақпарат қосымша хабарланатын болады. Уақытша қолайсыздықтар үшін кешірім сұраймыз», - делінген хабарламада.

Қызылордада шетелдік автокөліктерді заңдастыру уақытша тоқтатылды

<a href="https://kyzylorda-news.kz/">Kyzylorda-news.kz.</a> Қазақстан мұсылмандар діни басқармасының Қызылорда облысы бойынша өкілдігі, Қызылорда қалалық «Нұр» мешітінің «Әйел-қыздар» секторының ұйымдастыруымен қыз-келіншектер арасында Құран Кәрімді жатқа оқу бойынша сайыс өтті.Рамазан айының құрметіне өткен жарысқа «Нұр» мешітінің «Әйел -қыздар» бөліміне қарасты діни сауат ашу курсында білім алушы 25 шәкірт қатысты. Үміткерлер Құранның қысқа сүрелерін жатқа оқу номинациясы бойынша додаға түсті.&nbsp;Сайысқа қатысушылар Құран сүрелерін нақышына келтіре орындап шықты.Қазылар алқасының бағалауы бойынша сайыста бақ сынаған 6 қатысушы үздік деп танылды. Жарыстың нәтижесі бойынша І орынды Аружан Бекмырза мен Баян Бахытқызы иеленді. Ал ІІ орын Аружан Раушанбек пен Гүлдана Әбдірашқа бұйырды. Сондай-ақ ІІІ орынды Ханшайым Пазылбек пен Айша Жақсылыққызы өз қанжығаларына байлады.&nbsp;Жарыс жеңімпаздары қаржылай сыйлықтармен марапатталды. Сонымен қатар қалған қатысушыларға да ынталандыру сыйлықтары табысталды.&nbsp;Айта кетейік, «Әйелдер-қыздар» секторының ұйымдастыруымен облыстағы мешіттердің әйел шәкірттері күнделікті Құран хатым дұғасын жасайды.<img src="https://knadmin.beoblood.kz/uploads/338988756_898252964790636_6451426445202858330_n_dd45a1858e.jpg" alt="338988756_898252964790636_6451426445202858330_n.jpg"><img src="https://knadmin.beoblood.kz/uploads/339143645_604435095065710_203493730017652386_n_b509fa9770.jpg" alt="339143645_604435095065710_203493730017652386_n.jpg">

Қызылордада қыз-келіншектер арасында Құран Кәрімді жатқа оқудан сайыс өтті

<a href="https://kyzylorda-news.kz/">Kyzylorda-news.kz.</a> Медицина саласында атқарылып жатқан жұмыстар ауқымдылығымен маңызды. Сырдария ауданы облыс орталығына жақын орналасқандықтан, жергілікті тұрғындар кешенді медицинаның игілігін көруде. Қазіргі таңда аудандық емханада кезекті электронды басқару жүйесін енгізу мақсатында электронды терминалдар іске косылып, тіркеу бөлімі жұмысын модернизацияланып, цифрлы пост құрылған. Сондай-ақ CALL-орталығы жұмыс жасайды. Бұл дәрігерлер кабинетіндегі кезекті азайтуға мүмкіндік береді. Пациенттердің дәрігерлерге алдын ала жазылуын енгізу пациенттің жеке уақытын жоспарлауға, олардың медициналық ұйымдарда өткізетін уақытын 1 сағаттан 15 минутқа дейін қысқартуға мүмкіндік береді екен.Жалпы, аудан бойынша науқастар электрондық жүйе арқылы дәрігерге жазылып, емханаға тіркеліп, қажетті консультация ала ала алатындығын ескертейік. Сонымен қатар дәрігерлік қабылдауға телефон және интернет арқылы яғни, «Egov» электрондық үкімет порталы және «Дамумед» мобильді қосымшасымен жазылу мүмкіндігі бар.Өз кезегінде «WhatsApp», «Telegram» &nbsp;және басқа ұялы байланыс абоненттері арқылы «МЭМС», «ТМККК» және «БЖТ» жөнінде үгіт-насихат материалдары және атқарылған жұмыстар туралы &nbsp;көпшілік назарына жариялану үстінде.Тиісті сала мамандарының &nbsp;келтірген мәліметіне сүйенсек, аудандық &nbsp;аурухана мен емханада 717 &nbsp;қызметкер бар екен. &nbsp;Оның ішінде, 71 дәрігер, 395 орта буынды қызметкерлері, 125 кіші буынды және 126 басқа да қызметкерлер жұмыс істеуде. Жалпы, аудан көлемінде дәрігерлермен қамтамасыз етілуі 10 000 халыққа шаққанда 20,3 пайызды құрайды. Орта буынды медицина қызметкерлері 113,3 &nbsp;пайыз болып табылады.<blockquote>Қазіргі уақытта медицина саласында электронды жүйеге көшу арқылы дәрігерге қаралу біршама жеңілдей түскен. Дегенмен, жергілікті халықтың көпшілігі үйден шықпай-ақ дәрігерге жазыла алатындығын білмейтіні рас. Көбіне, үлкен буын өкілдері таңазанымен дәрігерге көріну үшін кезекке тұрады. Өз уақытымызды босқа өткізбес үшін &nbsp;электронды бағдарламалардың көмегіне жүгінген дұрыс секілді, – &nbsp;деді кент тұрғыны Айткүл &nbsp;Арысбай. &nbsp;</blockquote>Негізінен, медицинаның &nbsp;сан саласына қатысты халық арасында көптеген пікір бар. Қазіргі уақытта кез келген ауру жас талғамайтын болған. Жалпы, халықтың денсаулық жағдайын жақсарту үшін медицина мамандары елді мекендерді аралап, тұрғындардың денсаулығын тексеруді жолға қойған.&nbsp;&nbsp;&nbsp;

Сырдариялықтар дәрігерге электронды түрде жазыла алады 

<a href="https://kyzylorda-news.kz/">Kyzylorda-news.kz.</a> Елімізде дене шынықтыру және спорт саласы бойынша халықтың салауатты өмір салтын ұстануы мақсатында атаулы сала бойынша біршама жұмыстар атқарылып келеді. Иә, «Дені саудың – жаны сау» демекші, қай елде болмасын спортқа аса назар аударып, халық денсаулығына жауапкершілікпен қарайды. Бүгінгі тақырыбымызға осы аудан көлеміндегі спорт саласының деңгейі арқау болып отыр.Айдынды Арал өлкесінде спорт саласы қарқынды дамып келедіЕліміздің әр өңірінде спортшыларға барынша мүмкіндіктер қарастырылғаны белгілі. Сонымен бірге спорттың қай түріне болсын қызығушылық білдірген жастар қалаған жаттығу түріне бара алады. Тағы айта кетерлігі, футбол, баскетбол және басқа да спорт түрлеріне арнайы ойын алаңдары салынған. Статистикалық есеп бойынша ауданда 239 спорт объектісі тіркелген. Яғни, 2 спорттық кешен, 1 стадион, сондай-ақ &nbsp;55 спорт зал, 14 бейімделінген спорт бөлмелері, 4 спорттық ату тирлері мен 171 жазықтағы спорт алаңдары бар.Жас спортшылар жетістігі елді сүйсіндіредіАудан абыройын асқақтатып, біршама жетістіктерге жетіп жүрген спортшыларымыз да жоқ емес. Олар аудан, облыс, республика көлемінде бақ сынап, жүлделі орындарға ие болып келеді. Жыл басынан бері ауданның спортшылары біршама жетістіктерге қол жеткізді. Қазақстан Республикасының ресми (ҚР чемпионаттары мен біріншіліктері) жарыстарында аудан спортшылары 49 медальға ие болды. Оның 10 алтын, 19 күміс, 20 қола. Оның ішінде әмбебап жекпе-жектен жастар арасында өткен Әлем чемпионатында 1 күміс және 1 қола және грек-рим күресінен жасөспірімдер арасында өткен Азия чемпионатында 2 алтын. Сонымен бірге Арал ауданында волейболдан 2008-2009 жылдары туған жасөспірімдер арасында белгілі спортшы Асқат Ахановты еске алуға арналған республикалық турнир өтті.Ауданымызда XXI мәрте өткізіліп жатқан турнирде Шымкент қаласы, Ақтөбе, Атырау, Батыс Қазақстан, Маңғыстау, Түркістан, Қызылорда облыстарынан келген спортшылар бақ сынады. Бокстан 2007-2008 жылдары туған жасөспірімдер арасында Жалдыбай Нұрпейісовті еске алуға арналған республикалық турнир өтті. Республикалық дәрежеде IІ мәрте өткізіліп отырған турнирде Алматы, Атырау, Ақтөбе, Қостанай облыстары және Қызылорда қаласы мен аймаққа қарасты аудандардан арнайы келген 150-ге жуық жасөспірімдер 15 салмақ дәрежесі бойынша бақтарын сынады. Еркін күрестен 2008-2009 жылы туған жасөспірімдер арасында спорт шебері Оңдасын Жанесеновті еске алуға арналған республикалық турнир өткен болатын. Оныншы мәрте ұйымдастырылып отырған республикалық турнирде Атырау, Маңғыстау, Батыс Қазақстан, Ақтөбе, және Қызылорда облыстарынан келген 250 жасөспірім 17 команда құрамында 12 салмақ дәрежесі бойынша боз кілемде бақтарын сынады.Мерейлі мерекеде атқарылған жұмыстар да жетерлікҚаланың 95 жылдығы аясында барлық дерлік сала бойынша түрлі іс-шаралар өткізілген болатын. Айтулы мерекеден спорт саласы да қалыс қалмады. Арал қаласында 2022 жылдың 23 қазанында Республика күні мен Арал қаласының 95 жылдық мерекесі аясында республикалық ат бәйгесі өткен. Арал ауданы әкімдігінің жүлдесін жеңіп алу үшін әр өңірден келген шабандоздар жалдарынан жел есіп, атқан оқша зулаған сәйгүліктерінің қарымын осы дүрмекте сынап көрді. Барлығы 40-қа жуық сәйгүлік қосылған дүбірлі дода – тай жарысы, құнан, аламан бәйге болып үш топқа бөлініп өткізілді.Еңбегі елеулі жаттықтырушыХалқымыз әрдайым үлкендерден өнеге алып, сол кісілер салған жолмен жүретіні анық. Осы тұста балаларды спортқа баулып, еңбегі сіңген тұлғалар да жетерлік. Соның бірі – Жалдыбай Нұрпейісов. Ол зейнетке шыққан кезінен бастап, өмірінің соңына дейін &nbsp;Арал аудандық балалар мен жасөспірімдер спорт мектебінде бокс жаттықтырушысы қызметін атқарды. Өңіріміздің талантты спортшыларын баптап, республикаға танымал боксшылар етіп тәрбиелеп &nbsp; шығарды. Белгілі бапкерден тәлім алған төрт шәкірті спорт шебері болса, 15-і осы атаққа үміткерлігін қорғады.Балалар жылы аясында ауқымды жұмыстар атқарылдыАудан әкімінің кубогі үшін өткен Балалар жылына орай ұлттық жекпе-жек түрінен балалар мен жасөспірімдер арасында өткен жарыста жергілікті спортшылардан бөлек, Қызылорда, Түркістан облыстары мен Атырау, Ақтау, Ақтөбе қалаларынан келген балалар мен жасөспірімдер бақ сынады. &nbsp;Аталмыш турнирдің ашылу салтанатына аудан әкімінің орынбасары К.Бержанов қатысып, жас спортшыларға сәттілік тіледі. Ауданда үшінші мәрте ұйымдастырылған турнирде 2013-2014, 2011-2012 жылы туған балалар мен 2007-2008, 2009-2010 жылы туған жасөспірімдер 32 салмақ дәрежесі бойынша 300-ге жуық спортшы сынға түсті. Өткен 2022 жылдың 25 қараша күні №71 орта мектептің спорт залында аудандық дене шынықтыру және спорт бөлімінің ұйымдастыруымен гір спорты мен қол күрестен ересектер мен оқушылар арасында аудандық ашық турнир өткізілді. Турнирге жалпы 150 спортшы қатысуға ниет білдірді. Жарыс жеңімпаздары мен жүлдегерлерін Арал аудандық дене шынықтыру және спорт бөлімінің арнайы медаль, грамоталарымен марапатталды. Сонымен қатар Балалар жылына орай аудан көлемінде өткізіліп жатқан іс-шараларға үн қосу және жасөспірімдерді батылдыққа, ептілікке, ел қорғайтын батырлыққа, ұлттық салт-дәстүр мен рухани байлықты сақтауға бейімдеу мақсатында Арал ауданы Сексеуіл кентінде өткен еркін күрес жарысында 12 салмақ дәрежесі бойынша 166 спортшы қатысуға ниет білдірді.&nbsp;Мекеме қызметкерлері де спорттан қалыс қалмадыЕлімізде 2022 жылдың қазан айының соңғы жексенбісі әлеуметтік қызметкерлер күні болып бекітілген. Қазіргі таңда ауданда әлеуметтік қорғау жүйесін дамытуда 101 қызметкер жұмыс жасауда. Кәсіби мерекеге орай әлеуметтік қорғау жүйесінің қызметкерлері арасында спорт түрлерінен жарыс өткізілді. Аудандағы әлеуметтік қызметкерлер спорттың волейбол, арқан тарту, гір көтеру, асық ату, бес тас, қол күрес және эстафета түрлерінен өзара бақ сынасты.«Бәріміз бірдейміз, бөлінуді білмейміз!» Халықаралық зағиптар күніне орай дойбыдан мүмкіндігі шектеулі жандар арасында аудандық жекелей біріншілігінде 15-ке жуық ерлер мен әйелдер бақ сынасты.

Аралдық спортшылар қоржынында 49 медаль бар

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев VIII шақырылған Парламенттің бірінші сессиясында «Нақты басымдықтар форматында жұмыс істеу керек. Аса маңызды мәселелерді дереу шешу қажет. Бірақ кейбір мәселені кейінге қалдыруға, ал бірқатары бойынша алдағы шешімдердің тек жобасын белгілеуге тура келеді. Әйтпесе, еңбегіміз зая кетеді және қолда бар ресурстарымызды сарқып аламыз», - деген болатын.&nbsp;Мемлкет басшысының сөзіне орай Қызылорда облыстық «Қоғамдық келісім» мекемесінің бөлім басшысы Мұхтар Ибраев пікір білдірді.&nbsp;<blockquote>«Мемлекет басшысы алдағы 5 жылдың маңызды кезең болатынын атап өтті. Сондықтан да біршама өзгерістер қажет екенін айтты. Президент «Алдағы бес жыл ел тағдыры шешілетін маңызды кезең болмақ. Елімізді қарқынды дамыту үшін сапалы заңнамалық база қалыптастыру керек. Ол үшін экономикаға қажетті ережелер мен қағидаларды өзгерту қажет», - деді. Маңызды өзгерістер үшін қазірдің өзінде қадам жасалғанын айтып, бет алған бағыттан жаңылмау керегін атап өтті. Бұл бағытта алғашқы қадамдар жасалды. Монополиядан арылту және елімізден заңсыз шығарылған капиталды қайтару жұмыстары жүргізіліп жатыр. Алдағы мақсат - ашық, әрі өзін-өзі қамтамасыз ететін нарықтық экономика қалыптастыру басты басымдық болып қала бермек», - дейді Мұхтар Ибраев.&nbsp;</blockquote>

Қазақстан және Қызылорда облысының жаңалықтары