​<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменов наурыздағы қала тұрғындарымен кездесуінде 2023 жылы атқарылатын жұмыстар қатарымен таныстырды. Соның ішінде шаһар басшысы биылғы жылы қаладағы аумақтардың инфрақұрылымдық деңгейін арттыру мақсатында атқарылатын жұмыс көп екенін баса айтты.&nbsp;Атап айтқанда, жарық, су, газ бен жол жөндеу жұмыстары қарқын алмақ. Мұндай жұмыстар қалаға қарасты Тасбөгет пен Белкөл кенттерінде де кең көлемді атқарылады. Мәселен, Белкөл кентіндегі Сарыарқа және Путейцев көшелеріне 2023 жылы асфальт төсеу жұмыстары жүргізілмек. Ал Жерұйық, Путейцев тұйығы, Әбдіқадыров №2, Әбдіқадыров №4, Әбдіқадыров №6 және Әбдіқадыров №9 көшелеріне қиыршық тас төсеу жоспарға енгізілген. Сонымен қатар кенттің Орталық және Бірлік көшелерінде жаяу жүргіншілерге арналған жол салынбақ.Мұндай жұмыстар Тасбөгет кентінде де атқарылады. Соның ішінде кенттегі С.Сейфуллин және Ә.Сапарбаев көшелеріне асфальт төсеу жұмыстары жүргізіледі. Ал биыл қиыршық тас төселетін көшелер тізімінде Тасбөгеттегі 21 көше бар. Атап айтқанда, Т.Тайманов, Н.Өткелбаев, Ә.Жангелдин, А.Жанкин, Ж.Әбілқасымов, Т.Батыршаев, Ғ.Мұратбаев пен Электросеть тұйығы, Ж.Дүйсенов, С.Майқанова, Ә.Молдағұлова, Қ.Исмайлов, А.Әбдібаев, Е.Ертуғанов, Ә.Оразбаев тұйығы, О.Сейтпенбетов, Ж.Тәжімов, Б.Меңдібаев, С.Өтеуов, С.Сейфуллин, Ғ.Мұратбаев пен Ж.Махамбетов көшелері бар.Айта кетерлік жайт Сабалақ саяжайындағы №1 көшеден бастап №18 көшесіндегі жолдарға да қиыршық тас төселетін болады.

Тасбөгет пен Белкөл кенттерінде биыл атқарылатын іс көп

<a href="https://kyzylorda-news.kz/">Kyzylorda-news.kz.</a> Сыбайлас жемқорлық – қоғамдағы ең қауіпті әлеуметтік құбылыстардың бірі. Кез келген дамыған қоғамда жемқорлыққа қарсы күрес жүргізу бірден-бір күрделі және маңызды мәселе.Осы орайда Қызылорда облысы бойынша Қылмыстық атқару жүйесідепартаментінің №37 мекемесінде ҚАЖ департаменті бастығының орынбасары әділет подполковнигі Жүніс Өтегенұлы Әбдіқайыровтың төрағалығымен «Ішкі істер органдары қызметкерлерінің сыбайлас жемқорлыққа қарсы күресу, оның алдын алу, жемқорлық әрекеттерге бой алдырмау» тақырыбында кезекті жиын өтті. Жиынға мекеменің жеке құрам қызметкерлері қатысты.Іс-шараның негізгі мақсаты - &nbsp;ҚАЖ саласына өз үлестерін қосып жүрген жеке құрам арасында сыбайлас жемқорлықтың алдын-алу, заң бұзушылықтарға жол бермеу болып табылады.Жиынды департамент бастығының орынбасары, әділет подполковнигі Жүніс Өтегенұлы ашып, қызметкерлердің өздеріне жүктелген қиын да жауапкершілігі мол қызметтерін заңдылықққа сәйкес атқару қажеттігін, қызмет барысында тәртіп пен заңдылықты қатаң сақтауды, сонымен қатар, парасаттылық құндылықтарын қалыптастыру, сыбайлас жемқорлыққа қарсы заңнамаға енгізілген өзгешеліктерге тоқталып, басшылар бағынышты қызметкерлеріне сыбайлас жемқорлық қылмысын жасатпауға, оның алдын алуға міндетті екендігін жеткізді. Одан соң ҚАЖД-нің өзіндік қауіпсіздік тобының жедел уәкілі әділет капитаны Р.Жамбылов ішкі істер органдарындағы тәртіптің, заңдылықтың және сыбайлас жемқорлыққа қарсы іс-қимылдың ағымдағы жылдың 1-тоқсанындағы жай-күйі туралы шолуымен таныстырды.Сонымен қоса ҚАЖ департаментінің кадр саясаты тобының бас маманы әділет майоры Ә.Беркінбеков баяндама жасады. Ол өз баяндамасында ҚР Сыбайлас жемқорлыққа қарсы іс-қимыл агентігі төрағасының «Сыбайлас жемқорлыққа қарсы мониторинг жүргізу қағидаларын бекіту туралы» бұйрық талаптарына сәйкес, кешенді жемқорлыққа қарсы мониторинг нәтижесімен таныстырды.Кездесу соңында департамент бастығының орынбасары әділет подполковнигі Ж.Әбдіқайыров кадр саясаты тобына жеке құрам арасында тәртіпті нығайту және сыбайлас жемқорлыққа мүлдем төзбеушілік ахуалын қалыптастыру бағытындағы атқарылып жатқан жұмыстарды тұрақты түрде жалғастыру жөнінде тапсырма берді.Мұндай мазмұндағы жиын қылмыстық атқару саласы Қызылорда облысы бойынша ҚАЖД бастығының орынбасары, әділет подполковнигі Ж.Әбдіқайыровтің төрағалығымен №68 мемелекеттік мекемесі, яғни тергеу изоляторында да &nbsp;өтті. Аталған шараға Қызылорда облысы бойынша ҚАЖД-нің кадр саясат тобының бас маманы әділет майоры А.Беркінбеков, ҚАЖД-нің өзіндік қауіпсіздік тобының аға жедел уәкілі, әділет капитаны Р.Жамбылов және мекеменің жеке құрамы мен ерікті жалдамалы қызметкерлері қатысты.&nbsp;Күн тәртібінде ішкі істер органдары қызметкерлерінің тәртіп пен заңдылықтың және сыбайлас жемқорлыққа қарсы күресі, оның алдын алу, жемқорлық әрекеттерге жол бермеу туралы мәселесі қаралды.&nbsp;ҚАЖД-нің бас маманы Ә.Беркінбеков ҚР &nbsp;Сыбайлас жемқорлыққа қарсы іс-қимыл агентігі төрағасының «Сыбайлас жемқорлыққа қарсы мониторинг жүргізу қағидаларын бекіту туралы» бұйрық талаптарына сәйкес, кешенді жемқорлыққа қарсы мониторинг нәтижесімен таныстырды.Жиын соңында подполковник Ж.Әбдіқайыров сыбайлас жемқорлыққа қарсы профилактикалық шараларды тиімді жүзеге асыру бойынша мекемменің кадр саясат бөлімі мен &nbsp;РжКБ- іне бірқатар &nbsp;ұсыныстар берді.

ҚАЖД қызметкерлері сыбайлас жемқорлыққа қарсы жиынға қатысты

<a href="https://kyzylorda-news.kz/ru/">Kyzylorda-news.kz</a>. Жалпы, мектеп бітіруші түлектер алтын ұямен қоштасу рәсіміне ерекше белсенділікпен дайындалатыны сөзсіз.Бұрын мектеп бітіру кештері мектеп пен ата-ана үшін ғана емес, қоғам үшін үлкен той болса, қазір мектеп бітіру кештерін ұйымдастырудың форматы өзгерген сынайлы. Оған себеп те жоқ емес секілді. Бір күндік, бірнеше сағаттық қуанышты шамадан тыс тойлаймын деп, үлкен өмірге қадам басқалы тұрған қаншама жас өкінішпен бетпе-бет келетіні рас. «Қымбат көлік жалдап, үлкен көшелерде ерсілі-қарсылы, әрібері жүреміз» деген жастардың ой-жоспарларының соңы қайғылы жағдайлармен аяқталатыны тағы бар. «Суға шомылуға барамыз» деп сан соғып қалғандар да бар. Осыны ескерген білім беру саласы мен ата-аналар өзара ақылдасып, ортақ шешімге келді. Тіпті еліміздің көп өңірінде мектеп бітіру кештерін сән-салтанатпен, үлкен шығынмен атап өтудің орнына мәні мен мазмұны ұштасқан рухани-танымдық іс-шаралар өткізу дәстүрге айналып келеді. Қазақылықтың қаймағы бұзылмаған қасиетті Сыр өңірінде де осынау жақсы үрдіс қалыптасуда.Аймақ басшысының тапсырмасына сәйкес мектеп бітіру кештерін ұйымшылдықпен өткізу, бітірушілердің өмірі мен денсаулығын қорғау, құқық бұзушылықты болдырмау және сыбайлас жемқорлық тәуекелдерін жою мақсатында кешенді іс-шаралар жоспары әзірленген. Осыған орай облыстық білім басқармасы тарапынан арнайы бұйрық қабылданып, барлық білім беру ұйымдарына жолданған. Аталған бұйрыққа сәйкес, оқу жылын аяқтау іс-шараларын ұйымдастыруға және мектепке жөндеу жұмыстарын жүргізуге оқушылар мен ата-аналардан, педагогтардан ақша жинауға қатаң түрде тыйым салынады.Білім басқармасының хабарлауынша, барлық деңгейдегі білім бөлімдерінің басшылары мен мектеп директорларына мектеп бітіру кештерін өткізу барысында оқушылар мен қызметкерлердің өмірі мен денсаулығына қауіпсіз жағдай жасалуын қамтамасыз ету тапсырылған. Оның ішінде мектеп бітіру кештерін міндетті түрде мектеп қабырғасында және білім ордасының ауласында өткізу, іс-шараға бітірушілердің мектеп формасымен қатысуын және барынша қарапайым түрде өткізілуін қатаң бақылау жүктелген. Бұл туралы облыстық білім басқармасының мектепке дейінгі және орта білім бөлімінің бас маманы Қарлығаш Әнуарова кеңінен айтып өтті.<blockquote>Жеке үйлер мен ресторандарда, басқа да ойын-сауық орындарында мектеп бітіру кештерін ұйымдастырудың қауіптілігі жоғары. Осыны әр ата-ана, әр оқушы ескеруі қажет. Мектеп бітірушілердің автокөліктермен кортежге шығуына жол бермеу керек. Бұл өте қауіпті және соңы өкінішпен аяқталған фактілер көп. Оқушылардың өмір қауіпсіздігі мен жасөспірімдер арасындағы құқық бұзушылықты болдырмау мен алдын алу тек білім саласының жұмысы емес. Сондықтан арнайы белгіленген іс-шаралар жоспарына сәйкес медицина, төтенше жағдай, құқық қорғау саласы мамандарымен бірлесе жұмыстар атқарылуда. Мектеп бітіру кештерін ұйымдастыру үшін ана-аналардан ақша жинауға, ата-аналар тарапынан мектеп әкімшілігі мен мұғалімдерге сыйлықтар берілуіне мүлдем жол бермеу үшін тиісті түсіндірме жұмыстары жүргізілуде. Негізі мектеп бітіру кештерін қарапайым түрде мектептің қолда бар мүмкіндігімен ұйымдастыру керектігі ескертіледі, – дейді облыстық білім басқармасының мектепке дейінгі және орта білім бөлімінің бас маманы.</blockquote>Айта кету керек, мектеп бітіруші түлектердің табиғат аясына серуендеуі, өзен, көлдерге, шағын су алаптарына суға түсуі де қатаң бақылауда болады. Ата-аналар өз балаларын назардан тыс қалдырмай, үлкендердің рұқсатынсыз және мектептің келісімінсіз ешқайда жібермеуі керек. Өйткені жастық желік пен қызығушылықтың соңы тәртіп бұзушылықпен аяқталуы мүмкін. Сондықтан білім саласының өкілдері осынау жауапты кезеңде әр ата-ана баласымен жеке жұмыс істеп, отбасы тарапынан ақыл-кеңес, тиісті ескертпе айтуы қажет деп есептейді. Бүгінде бұл бағытта кезекшіліктер ұйымдастырылып, педагогтар мен ата-аналар арасында ақпараттық-түсіндірме жұмыстары қамқоршылық кеңес мүшелері арқылы белсенді жүргізілуде.Ару Елемесова

Мектеп бітіру кештері өткізіле ме? 

<a href="https://kyzylorda-news.kz/">Kyzylorda-news.kz.</a> Облыс әкімдігінде комиссия төрағасы, облыс әкімінің орынбасары Н.Сақтағановтың төрағалығымен жастардың кәсіпкерлік бастамасына 2,5 пайызбен несие беру жөніндегі комиссияның алғашқы отырысы өткізілді.Қазақстан Республикасының Еңбек және халықты әлеуметтік қорғау министрінің "Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын бекіту туралы" ережесіне сәйкес облыс әкімінің 2023 жылғы 3 ақпандағы 23- өкімімен аталған комиссия құрамы бекітілген болатын. Комиссия құрамына ереже талаптарына сәйкес облыстық мәслихат депутаты, ауыл шаруашылығы, кәсіпкерлік мәселелері жөніндегі жергілікті атқарушы органдардың, "Атамекен" өңірлік кәсіпкерлер палатасының, қоғамдық бірлестіктердің, ғылыми-білім беру мекемелерінің, бизнес, өңірлік бұқаралық ақпарат құралдарының, салалық сарапшылардың өкілдері еніп отыр.Сонымен қатар, ереженің талабына сәйкес комиссия отырысына жұмыстың ашықтығы мен объективтілігін қамтамасыз ету үшін байқаушы ретінде «Ақмешіт жастары» Қызылорда облыстық газетінің тілшісі Дина Бөкенбай қатысты.Комиссия отырысына сенімді өкілдің іріктеуінен өткен, кепілдік мүлікпен қамтамасыз етілген құны 33,5 млн.теңгені құрайтын 7 өтінім түскен. &nbsp;Қызылорда қаласынан – 4, Арал, Сырдария, Шиелі аудандарынан 1 өтінімнен.Түскен 7 өтінімнің 3-уі жылқы шаруашылығына, 1 жоба құрылыс материалдары өндірісі (кәріз құдығы), қалған 3 –уі қызмет көрсету саласын дамытуға бағытталған (арнайы техника алу, жүк автокөлігі, косметикалық қызмет).Комиссия мүшелерінің дауыс беру нәтижесімен 7 үміткердің барлығы комиссияның оң шешім алып, қаржыландыруға жолданды.

Кәсіпкерлік саласындағы 7 үміткердің жобасы қаржыландырылады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Жас электрик – 2023» облыстық турнирі өтті. Шараға өңіріміздегі 8 техникалық және кәсіптік білім беру мекемесінің студенттері қатысты.Білім алушылар турнирдің алғашқы кезеңінде мамандыққа байланысты тест тапсырмаларына жауап берді. Мұнан кейін электр жабдықтарын монтаждау, электр тогымен зақымдаған адамға алғашқы көмек көрсету бойынша бақ сынап, қатысушылардың теориялық білімі мен практикалық дағдылары сынға түсті. &nbsp;<blockquote>– Турнирді өткізудегі мақсат – білім алушылардың кәсіби шеберлігін арттыру, теория мен тәжірибені ұштастыру. &nbsp;Облыстық шара Қорқыт ата атындағы Қызылорда университетінде 2021 жылдан бері өткізіліп келеді. Білім ордасында 2000 жылдан бастап «Электр энергетикасы» мамандығы бойынша кадрлар даярланады. Қазіргі уақытта бұл мамандық бойынша &nbsp;300-ден астам студент білім алуда, – деді «Электр энергетикасы, техносфералық қауіпсіздік және экология» кафедрасының меңгерушісі, техника ғылымдарының кандидаты Гүлнар Сыдыкова.&nbsp;</blockquote>Турнирде жеңімпаздарды Академиялық мәселелер бойынша Басқарма мүшесі – проректор Дана Абдрашева марапаттап, байқау білім алушылардың шеберлігін шыңдағанын атап өтті.&nbsp;Жалпыкомандалық есеп бойынша І орынды «Орда» жоғары колледжі, ІІ орынды Шиелі индустриалды-аграрлық колледжі, ІІІ орынды Арал көпсалалы колледжінің командасы иеленді. Сондай-ақ, үздік қатысушылар номинациялармен марапатталып, естелік сыйлықтар табысталды.&nbsp; &nbsp;<img src="https://knadmin.beoblood.kz/uploads/IMGL_5824_16f7f9aa09.JPG" alt="IMGL5824.JPG">

«Жас электрик – 2023» турнирінің жеңімпазы анықталды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжановтың төрағалығымен аудан әкімі жанындағы жастар ісі жөніндегі Кеңес отырысы өткізіліп, жастар саясатын жүзеге асыруда өзекті деген 4 мәселе қаралды.Қазіргі таңда ауданда 14 пен 35 жас аралығында 10 966 жас тіркелген. Мемлекеттік жастар саясатын қаржыландыруға 2023 жылға жергілікті бюджеттен 18 млн.теңге және жастарды дамыту мен қолдауға 4,2 млн.теңге бөлінді. Мемлекеттік әлеуметтік тапсырыс шеңберінде 3 жоба жүзеге асырылады.Күн тәртібіне сәйкес жастарға бағытталған мемлекеттік бағдарламалардың орындалу барысы туралы, оның ішінде: NEET санатындағы жастарды жұмыспен қамту, кәсіпкерлікке баулу бағытында атқарылған жұмыстар мен алдағы жоспарлар туралы. Жастар мен жасөспірімдер арасында қылмыстылық пен құқық бұзушылықтың алдын алу бағытында атқарылған жұмыстардың барысы. Қаракеткен және Мәдениет ауылдық округінде мемлекеттік жастар саясатын жүзеге асыру бойынша атқарылған жұмыстар мен алдағы міндеттер туралы мәселелер бойынша жауапты басшылар мен ауыл әкімдері хабарлама жасады.Аудан әкімі Асқарбек Есжанов кент және ауылдық округ әкімдеріне және тиісті бөлім, мекеме басшыларына күн тәртібіндегі мәселелерге сәйкес бірқатар тапсырмалар берді.Атап айтқанда, NEET cанатындағы жастардың кәсіптік оқыту, қайта даярлау курстарынан өтуін қамтамасыз етіліп, жастарды мемлекеттік бағдарламаларға, кәсіпкерлік мақсатта өткізілетін гранттық конкурстарға қатысуын және жаңа инновациялық жобалардың үлесін арттыру бағытында жұмыстар жүргізуді, мүмкіндігі шектеулі мүгедек балалары бар отбасыларды әлеуметтік және психологиялық қолдау шараларын ұйымдастырып, жастарды тұрақты жұмыспен қамту бағытында шаралар қабылдап, жастарға арналған несие беру туралы ақпараттарды әлеуметтік желілерде және елді мекендерде түсндірме жұмыстарын жүргізуді тапсырды.

Жалағашта мемлекеттік әлеуметтік тапсырыс шеңберінде 3 жоба жүзеге асырылады

<a href="https://kyzylorda-news.kz/">Kyzylorda-news.kz.</a> Бүгін көпбейінді облыстық балалар ауруханасының мәжіліс залында медицина саласына 45 жыл табанды еңбегін сіңірген білікті педиатр дәрігер Сәуле Сағынбайқызы Тұрғанбаеваның мерейтойына арналған салтанатты шара болып өтті.Шараға облыстық денсаулық сақтау басқармасының басшысы Олжас Ермекұлы Искаков қатысып, ардагер дәрігерді мерейтойымен арнайы құттықтап, құрмет көрсетті. Одан соң, облыстық медициналық &nbsp;ардагерлер ұйымының төрайымы Раиса Абдешовна Кузденова және педиатрия саласының ардагерлері Күләш Әбдіразаққызы мен Сапаргүл Сейітжаппарқызы 80 жастағы ардагер Сәуле Сағынбайқызына ізгі лебіздерін білдірді. Ардагердің мерейлі күніне арналған Салтанатты шара одан әрі өнерлі кешке жалғасты.&nbsp;Сәуле Сағынбайқызы білікті балалар дәрігері. 1970 жылы Алматы мемлекеттік медицина институтының «Педиатрия» факультетін бітіріп, 1970-1971 жылдары интернатурадан өтіп, еңбек жолын балалар ауруханасында аймақтық дәрігер болып бастаған.&nbsp;1979 жылы балалар ауруханасының қарқынды терапия &nbsp;бөлімінде педиатр-дәрігер, 1979 жылы өкпе-тыныс алу ауруларының бөлімінің меңгерушісі, 1987-2007 жылдары облыстық балалар ауруханасының нефрология бөлімінің меңгерушісі қызметтерін атқарған.Еңбек ете жүріп, «Денсаулық сақтау ісінің үздігі», «Ерен &nbsp;еңбегі үшін», «Еңбек ардагері» төсбелгілерімен марапатталған. Қазіргі таңда зейнеттегі аяулы ана, ардагер дәрігер.

Білікті педиатр Сәуле Тұрғанбаева 80 жаста

<a href="https://kyzylorda-news.kz/">Kyzylorda-news.kz.</a> Жақында &nbsp;Халықаралық «Қазақ тілі қоғамы» ҚБ Сырдария аудандық филиалы мен аудандық мәдениет және спорт бөлімінің ұйымдастыруымен мемлекеттік тілдің қолдану аясын кеңейту мақсатында Тереңөзек кентінде арнайы рейд өткізілді.Аталған рейдке Халықаралық «Қазақ тілі қоғамы» ҚБ Сырдария аудандық филиалының төрағасы Шаһарбек Нұрсейітов, аудандық мәдениет және спорт бөлімінің әдіскері Әсел Қошпанова, аудандық кәсіпкерлік, өнеркәсіп және туризм бөлімінің маманы Бекболат Қапанов, аудандық полиция бөлімінің ЖПҚБ-ның учаскелік полиция инспекторы, полиция-капитаны Қуандық Ережепбаев қатысты.Рейд барысында жеке кәсіпкерлік нысандары мен мекемелердің атауларын мемлекеттік тілде жазылу талабын сақтау бойынша көпшілікке түсіндірме жұмысы жүргізілді. Мәселен, Тереңөзек кентіндегі сауда орындары, массаж орталығы, асхана желісі, дәріхана, сұлулық салоны секілді кәсіпкерлік нысанының жарнамасын қазақ тілінде жазылу қағидасының негізгі ережесі көрсетілді. Негізінен, Қазақстан Республикасындағы тіл туралы заңының №21 бабы «Деректемелер мен көрнекі ақпарат тілі» бойынша кәсіпкерлерге біршама ескерту жасалды.Өз кезегінде рейдтік шолу кезінде жарнамалардың жазылу нормасы көптеген нысанда заңға сәйкес еместігі анықталды. Мерзімді уақыт шеңберінде жарнама мәтіні нормаға сай жазылмаған жағдайда заңды тұлғаға айыппұл салынатындығы қатаң ескертілді.<blockquote>Қазақтың көрнекті жазушысы Ғабит Мүсірепов «Ана тілін ұмытқан адам өз халқының өткенінен де, болашағынан да қол үзеді» деген болатын. Біз жыл көлемінде қазақ тілінің мәртебесін көтеру мақсатында жүйелі жұмыс жасап келеміз. Күнделікті өмірде қазақ тілінде сөйлейтін аудан халқы көзге түрпідей көрінетін жарнаманың сауатты жазылуын әрбір кәсіпкерден талап етуі тиіс. Әрине, біз рейд жүргізу арқылы бірнеше заң бұзушылықты анықтап, кәсіп иелеріне ескерту жасадық. Тіл тазалығының ұрпақ тәрбиесіндегі алатын орны ерекше. Болашағымыздың жақсы болуына өзіндік үлесімізді қосуымыз керек. Қазіргі уақытта немқұрайлылық танытуға болмайды. Бұл ретте, арнайы билборд және жарнама тақтайшасын шығаратын жеке кәсіпкермен тілдесіп, бірлесіп жұмыс жасауға шақырдық. Анығын айтқанда, әрбір кәсіпкердің өз бизнесін жүргізуін ерекше қолдаймыз. Тек жарнама орналастырғанда қазақ тілінің ережесін мұқият сақтаса деген тілек бар, – деді Халықаралық «Қазақ тілі қоғамы» ҚБ Сырдария аудандық филиалының төрағасы Шаһарбек Нұрсейітов.</blockquote>Енді осындай рейд жұмыстары ай сайын жүргізілетін болады.

Тіл тазалығы – басты назарда 

<a href="https://kyzylorda-news.kz/">Kyzylorda-news.kz.</a> Жақында Қазалы аудан орталығындағы бірқатар білім беру орындарында топтық төбелестің алдын алу мақсатында «AMANAT» партиясынан сайланған облыстық, аудандық мәслихаттың депутаттары жергілікті атқарушы орган өкілдерімен бірлесе мектеп оқушыларымен, ата-аналармен және ұстаздармен кездесу өткізді.Кездесулерде өткен аптада ауданымызда орын алған оқыс оқиға бойынша кәмелетке толмағандар арасындағы қылмыстардың, оның ішінде топтық төбелестің алдын алу, жолын кесу, сонымен қатар, құқық бұзушылыққа қайшы іс-әрекеттерге жол бермеу бағыттарында түсіндірме жұмыстары жасалды.Жастар арасындағы қақтығыстырдың алдын алу – елдің болашақ азаматтарын тәрбиелеп өсіруде құқық тәртібін нығайту саласындағы басты міндеттердің бірі. Бұл міндетті шешу үшін қолданылатын шаралар жалпы қылмыстың алдын алу амалдары жүйесінің бір бөлігі болып табылады. Әлеуметтік басқарудың айрықша түріне жататын алдын алу қызметін сипаттайтын заңдылықтар жастар қылмыстылығының алдын алуға да тән.Сондай-ақ, топтық төбелестің алдын алу бойынша ауданда жұмысшы топ және қоғамдық тәртіпті бақылауға құрылған түнгі рейдтік топтар тиісті жұмыстар атқарып жатқандығын тілге тиек етті.Мұнан соң кездесулерге қатысқан учаскелік полиция қызметкерлері сабақ уақытында мектептен тыс жерде жүрмеу, түнгі мезгілде белгіленген уақыттардан кейін оқушылардың заңды өкілдерінсіз көшеде жүрмеуі керектігін айтып, оқушыларға және ата-аналарына мұндай жағдайда қандай жауапкершілік қаралатындығын ескертіп өтті.

Қазалы: Топтық төбелес тыйылмай тұр

<a href="https://kyzylorda-news.kz/">Kyzylorda-news.kz.</a> Шәкен ауылындағы №134 мектебінде «AMANAT» партиясы Қазалы аудандық филиалының «Шәкен ауылы» бастауыш партия ұйымының ұйымдастыруымен партияластар арасында әртүрлі спорт түрлерінен сайыс өткізілді.Іс-шара салауатты өмір салтын насихаттау мақсатында «Бақытты отбасы» және «Ұлттық мұра» партиялық жобалары аясында ұйымдастырылды. Ұлттық құндылықтарды дамыту бағытында өткізілетін партиялық іс-шараларды жүйелеу және біріздендіру мақсатында «Ұлттық мұра» партиялық жобасын бекіту жөнінде ұсыныс мақұлданғанына биыл 2 жыл болды. Бұл жоба «Рухани Жаңғыру» бағдарламасының бағыттарын жүйелі іске асыруға ықпал етіп, өзекті мәселелерді партия кеңесінің шеңберінде тұрақты талқылауға мүмкіндік бермек. Сонымен қатар, жергілікті атқарушы органдардың жобалары мен партия филиалдарының шаралары аталған «Бақытты отбасы» &nbsp;жоба аясында жүйелі топтастырылып келеді.Спорттық сайыста аманаттықтар төрт топқа бөлініп, өзара бақтарын сынады. Әр кезеңде қатысушылардан ұжымдық күшті, ептілікті әрі шапшаңдықты қажет ететін тапсырмаларды орындау талап етілді. Нәтижесінде мықтылар анықталып, дүбірлі дода жүлделері өзара сарапқа салынды.&nbsp;Айта кетейік, аталмыш іс-шара бастауыш партия ұйымына қайтарылған жарна есебінен өткізілді.

Қазалыда ұлттық құндылықтар дәріптелді

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, аудан әкімі Нұржан Ахатов Сұлутөбе, Майлытоғай, Тартоғай, Қоғалы ауылдық округінің және Шиелі кенті тұрғындарымен кездесу өткізді.Кезекті кездесуде аудан басшысы халыққа 3 айда атқарылған жұмыстары бойынша есеп берді. Тұрғындар аудан әкіміне талап-тілектерін білдіре отырып, әр саланың басшылық құрамымен тікелей тілдесіп, мәселені шешуге мүмкіндік алды. Ауыл тұрғындары аяқсу каналдарының тазалығы, жедел жәрдем көлігін жаңарту, 2022 жылы берілген трансформаторларға қосымша жаңа трансформатор орнату секілді өзге де түйткілді мәселелер бойынша өтініштерін білдірді.Жалпы аудан әкімінің елді мекендердегі кездесулерінде тұрғындар ортақ мәселелерді қозғап келеді. Әсіресе, инфрақұрылым бойынша өтініштер жиі тіркеледі. Тұрғындардың сұранысы ескеріліп, елді мекендерде осы бағытта белсенді түрде жұмыс жүргізіліп жатқанын аңғаруға болады. Мысалы айтар болсақ, қазіргі таңда ауданға қарасты елді-мекендердің әлеуметтік-экономикалық және инженерлік инфрақұрылымын дамытуда ауқымды жобалар жүзеге асырылуда. Жыл сайын халықтың сұранысын қанағаттандыру мақсатында, аудан тұрғындарының жайлы тұрмыс кешуіне ең қажетті ауыз су, газ тарту, жол салу, түнгі жарық бағаналарын орнату секілді мәселелер кезең-кезеңімен шешімін ¬тауып келеді. Соңғы жылдары ауданға қарасты елді мекендерді көгілдір отынмен қамтамасыз ету жұмыстары қарқынды жүзеге асуда. Бұған дәлел осы жылдың өзінде 6 бірдей ауылға газ жүйесін тарту, 2 ауылға ауыз су жүйесін жүргізу, 2023-2024 жылдары 8 бірдей елді мекенде амбулаториялық ғимараттардың құрылысын жүргізу үлкен істердің одан әрі кең қанат жаюының кепілі емес пе?!Кент тұрғындарын мазалаған мәселелер қатарында, кенттің ішкі көшелеріне асфальт жабындысын төсеу, қоқыс контейнерлерінің санын көбейтіп, айналасына қоршау орнату, тоқтап қалған бірнеше қоғамдық көлік бағыттарын қайта жаңғырту мәселелері бар.<blockquote>«Биыл Шиелі кентінің біршама көшелерінде асфальт жабындысын толықтай жаңартуды жоспарлап отырмыз. Асфальт жабындысы ұзақ сақталуы үшін суағар жүйесін жүргізу де жоспарымызда. Ал уақытша жүруін тоқтатқан қоғамдық көліктерге келер болсақ, біз біршама жұмыстар атқарып, осы бағыттарды «әлеуметтік маңыздағы бағыт» деп танып, қоғамдық көлік иелеріне мемлекет тарапынан субсидия бөлуді қарастырып жатырмыз. Алдағы уақытта бұл мәселе де шешімін табады», – деді аудан әкімі.</blockquote>Кездесу соңында Шиелі кенті ардагерлер кеңесінің төрағасы Болат Күлімбет аудан көлемінде жүргізіліп жатқан тазалық жұмыстарына арнайы тоқталып, биылғы жылы белгіленген межеге сәйкес 24 000 түп көшет егу болса, аудан көлеміндегі елді мекендерді қоса алғанда жалпы аудан бойынша бүгінгі күнге дейін 40 мың 200 түп көшет отырғызылғанын тілге тиек етіп, барша аудан тұрғындарын осы игі іске үлес қосуға шақырды.

Нұржан Ахатов: Қоғамдық көлік иелеріне субсидия бөлуді қарастырудамыз

<a href="https://kyzylorda-news.kz/">Kyzylorda-news.kz.</a> Қоғамның алдында тұрған басты міндеттердің бірі - балалар мен жасөспірімдер &nbsp; арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Ал бұл &nbsp;мақсаттың жүзеге асуы үшін ата-аналар, мектеп мұғалімдері мен өзге де азаматтар жасөспірімдерге маңызды тәрбие беруі қажет.Құқықтық мемлекетке қадам басқан шақта қоғамға саналы адам қалыптастыру - мемлекетіміздің басты міндеттерінің бірі болып табылады. Ад ол міндетті іске асырудағы басты мақсат жасөспірімдерді жаңа рухта, жаңа көзқараста тəрбиелеуден айқын көрінеді. Жасөспірімдердің арасында құқық бұзушылықтың алдын алу мақсатында &nbsp;құқықтық сауаттылық пен құқықтық мәдениетті арттыру &nbsp;өте маңызды. &nbsp;Осы орайда Қызылорда қаласындағы Ғани Мұратбаев атындағы №171 орта мектебінде 8 «А», «Б» сынып оқушыларымен жастар мен жасөспірімдер арасында қылмыс пен құқық бұзушылықтарды және топтасқан төбелестерді болдырмау, алдын алу мақсатында «Жастар және қоғам» тақырыбында дөңгелек үстел ұйымдастырылды. Мектеп оқушыларымен Қызылорда қаласы &nbsp;ювеналды полиция капитаны Б.Айдарбеков және полиция майоры Б.Байменованың тілдесіп, оларға құқықбұзушылықты болдырмаудың маңыздылығын түсіндірді. Дөңгелек үстел барысында арнайы сала мамандары мен білім алушылар арасында тақырып төңірегінде еркін пікірталас болып, &nbsp;оқушылар өздерін толғандырған сауалдарға жауап алуға мүмкіндік алды.

Қазақстан және Қызылорда облысының жаңалықтары