<a href="https://kyzylorda-news.kz/">Kyzylorda-news.kz.</a>&nbsp; Қазіргі уақытта ауа-райының күрт жылынуымен жан-жануарлардың тіршілігі жандана бастайтындығы мәлім. Ерте көктемде адамдарға қауіп төндіретін кененің де адамдарға жұқпалы ауру тарататыны мәлім. Мысалы, Конго-Қырым қанды безгегі аты айтып тұрғандай ең алғаш Қырымда тіркеліп, адамды ауру кене шаққан мезетте жұғатын вирустық ауру екені дәлелденген еді.Конго-Қырым геморрагиялық қызбасы ауруының негізгі қоздырғышына табиғатта кездесетін кененің, сондай-ақ ауру жұқтырған жануарлардың қой, ешкі, сиыр, жылқының ағзасында болатыны анықталған екен.Кене – қанмен қоректенетіндіктен, ол адамды тіпті 100 метр қашықтықта сезетін қабілетке ие болып табылады. Зиянды жәндік секундына 7 см дейін жылжып, бір тәулікте 200 мг дейін қанмен қоректенеті жасырын емес. Көбіне мал қорада, малдың қиында, тыш¬қан, құстың ұясында және тоғайда, өсімдіктердің түбінде көптеп кездеседі. Бір аналығы 18 мыңға дейін жұмыртқа тастауға дайын. Ал жұқпалы вирусын бойында 2 жылдан астам уақыт сақтай алатындығы тағы бар.Мамандардың айтуынша, ең алғаш рет бұл індет 1944 жылы Қырымда тіркелген деседі. Ал инфекцияның қоздырғышы арада бір жыл өткенде 1945 жылы анықталған. Кейін Африканың Конго елді мекенінде осы індетке ұқсас ауру тіркеліп, ең алғашқы анықталған індетпен ұқсастығы дәлелденген соң аталған ауруды біріктіру ұсынылып, оның атауы Конго-Қырым қанды қызбасы делінген.Өлім жағдайына дейін әкелетін індетті жұқтыру кез келген адамға қауіп әкеледі. Әсіресе, мал қора тазалау кезінде, шөп шабу, тоғайда мал баққанда өте сақ болған жөн. Алдын ала кенеден қорғанудың амалын жасап, ұзын жеңді киім киіп, дененің барлық жері қымталғанына назар аудару керек.Сонымен қатар малшылардың қырқым кезінде кенемен жанасу кезінде, оның қаны жалаң қолға, көзге, ауызға тигенде жұқтыру қауіпі жоғарылайды. Ауруды жұқтырған адамның бойында жылдам қан арқылы тарайтын вирус аса қауіпті. Ең алдымен басы ауырып, дене қызуы 40 градустан да асып, қалтырап, беті мен шырышты қабыршықтары қызарады. Әл-дәрмені құрып, бұлшық еті ауырады. Буындарында қақсау, жүрегі айну секілді белгілер пайда болып, құсады. Науқастың жағдайы 2-4 күннің ішінде нашарлап, мұрнынан, тістің қызыл иегінен, кене шаққан жерден қан кетеді. Іші өтіп, бауыры мазалайды. Адам өміріне қауіпті індеттің көбісі өліммен аяқталады.Сондықтан адам өзін кене шаққанын байқаса, дереу медициналық көмекке жүгіну керек. Әсіресе наурыз айларында шаққан кененің белсенділігі жоғары болғандықтан міндетті түрде медициналық көмектің араласуымен дене қызуын бақылаған жөн. Себебі 14 күннің ішінде аурудың алғашқы белгілері пайда болса, науқас ауруханаға жатқызылып, адамды оқшаулап, тиісті ем-дом жүргізіледі.<blockquote>&nbsp;Көктем-жаз айларында табиғат аясына шығарда міндетті түрде ашық түсті киім киген дұрыс. Себебі киімге жабысқан кене ашық түсте бірден көзге түседі. Сонымен қатар сырт киімге арнайы кенені үркітетін сұйықтықтар сеуіп алған дұрыс. Шалбардың балағын міндетті түрде шұлыққа салып алу керек. Капюшоны бар немесе жағасы көтерілетін киім кисеңіз де болады. Бұл өз кезегінде кенеден келетін қауіпті азайтады. Табиғаттан оралғанда міндетті түрде киімдеріңізді, денеңізді түгел қарап, тексеріп шығыңыз. Ал мал қорасы бар үйлер міндетті түрде көктем-күз айларында кенеге қарсы өңдеу жүргізуі қажет, – дейді Ұлттық сараптама орталығының Қызылорда облысы бойынша филиалының Сырдария аудандық бактериологиялық және паразитологиялық зертханасының зертханашысы Нұржан Мәлібеков.</blockquote>Зертханашының келтірген мәліметі бойынша препараттың барлық түрлерімен ірі қара малды өңдеуді айына 2-3 рет жүргізген жөн. Ол үшін алдын ала мал қораны қоқыстан мұқият тазалап, барлық тесіктерді бітеп тастау қажет. Бітер алдында мазут, автол, креолин жағып қойса да болады. Фермалардың маңындағы жайылымдарда құрғақ бұталарды, ескі шөптерді тамырымен қазу, көктемгі-жазғы мал жаятын жайылымдарда кеміргіштердің індерін уласа елді-мекендерде кенелер санының азаюына септігін тигізеді. Сондай-ақ кенелерге қарсы іс-шаралардың қатарына кеміргіштердің індерін дусттап, адам жүретін жолда бұталарды өңдеу әдісін қолдану жатады. Бұталарды аэрозольді генераторларды пайдалану арқылы дәрілеу жүзеге асырылады.Айту керек, өткен жылы ауданда Конго-Қырым қанды қызбасының 4 ошағы тіркеліп, 5 жағдай анықталған. &nbsp;

Кенеден келетін қауіп 

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университеті мен Әли Мүсілімов атындағы №101 мектеп-лицейі арасындағы екі жақты ынтымақтастық негізінде Openconf өткізілді.«Педагогикалық бейінді сынып» жобасы аясында өткен Openconf мақсаты – білім алушыларды педагог мамандығына тарту, қабілетін дамыту, кәсіби әдістемелік қолдау көрсету.Мектеп-лицейде өткен шарада ғалымдар жоғары сынып оқушыларына дәріс берді. Оқушылар осы сабақ нәтижесінде &nbsp;гуманитарлық пәндерді терең зерттеп, әлеуметтік, педагогикалық және әлеуметтік-мәдени бағытта түрлі зерттеулер жүргізуге мүмкіндік алады.<blockquote>Бүгінгі қоғамда маңызы бар айрықша жобаны қолға алғалы отырмыз. Мамандық таңдау жоғарғы сынып білім алушыларының өзекті мәселесі. Бүгінгі таңда, әсіресе, мұғалім мамандығына сұраныс артып отыр. Осы орайда біздің жаңа жобамыз уақыт сынынан сүрінбей өтетін заманауи жоба бола алады деп ойлаймын, - деді мектеп-лицей директоры Айгүл Алтынбекқызы.</blockquote>Openconf-қа Абай атындағы Қазақ ұлттық педагогикалық университетінің профессоры, педагогика ғылымдарының докторы, «Құрмет» орденінің игері Жұмаділ Шілдебаев, педагогика ғылымдарының кандидаты, доцент, біліктілікті арттыру&nbsp; және қайта даярлау институтының директоры, Максим Танк атындағы Беларусь мемлекеттік педагогикалық университеті Ирина Шеститко қатысты. Сондай-ақ, Қорқыт ата атындағы Қызылорда университетінің «Биология, география және химия» кафедрасының меңгерушісі, PhD Гүлжас Тоқтағанова, педагогика ғылымдарының кандидаты Гүлмира Назарова, биология ғылымдарының кандидаты, қауымдастырылған профессор Рахат Құрманбаев, «Рекрутинг және мансап» басқармасының басшысы Жандос Оразмаханов қатысып, өз ойларымен бөлісті.

Қызылордада «Педагогикалық бейінді сынып» жобасы жүзеге асуда

Қызылорда облысын газдандыру деңгейі 70%-ды құрайды

<a href="https://kyzylorda-news.kz/">Kyzylorda-news.kz.</a> &nbsp;Синоптиктер 6-8 сәуір күндері ауа райы қандай болатыны туралы болжам жасады.Қазгидромет мәліметінше, Қазақстанның басым бөлігінде ауа райы тұрақсыз болып, жаңбыр жауады, себебі атмосфералық фронталь бөліктері өтеді.6-8 сәуірде оңтүстікте, 7-8 сәуірде оңтүстік-шығыста қатты жаңбыр жауады.7 сәуірде елдің солтүстік-батысында және солтүстігінде Скандинавия өңірлерінен солтүстік-батыс антициклонның басып кіруінің әсерінен ауа температурасы күрт төмендеп, сондай-ақ, жаңбыр аралас қар күтіледі.<blockquote>"Республикада жел күшейіп, тұман күтіледі. Оңтүстік облыстарда шаңды дауыл соғып, найзағай ойнайды. Солтүстікте, солтүстік-батыста көктайғақ болады. Солтүстік пен солтүстік-батыста ауа температурасы 2 градусқа дейін төмендейді деп күтіліп отыр. Түнде -12 градус аяз, күндіз 5 аяз болады", - делінген хабарламада.</blockquote>&nbsp;

Алдағы үш күнде ауа райы күрт суиды  

<a href="https://be-flex.ru/napravleniya/dlya-detej/tancy-dlya-detej-ot-3-let">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Осы күні елу жылға жуық тарихы бар Сырдария аудандық өнер мектебі талантты шәкірттерімен мақтанады. Сан түрлі жанр бойынша өнерлі өренге білім беретін ұстаздар еңбегі ерекше екені айтпаса да, түсінікті. Баян, скрипка, домбыра, фортепиано, қобыз, би, вокал, труба, дәстүрлі ән мамандығы бойынша білім ошағында бірнеше тәжірибелі маман жұмыс жасайтындығы керемет. Өнердің қыр-сырына қаныққан шәкіртердің қол жеткізген жетістігі көп. Өз кезегінде Сырдария аудандық өнер мектебінің директоры Марат Сәдуақасовпен &nbsp;жыл көлемінде атқарылған жұмыстарды зерделеу мақсатында кеңінен сұхбат жүргізген болатынбыз.– Марат Сансызбайұлы өзіңіз басқарып отырған өнер ордасы жайында кеңінен ақпарат бересіз бе?– Аудан орталығы Тереңөзек кентінде орналасқан аудандық өнер мектебі өткен ғасырдың 1971-1972 оқу жылында ашылған еді. Содан бері тұрақты түрде өнерлі жастарға мектеп ұжымы &nbsp;сапалы білім беруде. Әрине, буындар алмасуы болды. Дегенмен, іргелі ұжым абырой биігінен түспей келеді. Осы күні мектебізде әр түрлі мамандық бойынша 344 оқушы білім алады. Сонымен бірге осыдан 9 жыл бұрын Амангелді, Қоғалыкөл, Асқар Тоқмағамбетов, Қалжан ахун ауылдарында өнер мектебінің филиалдары жұмысын бастады. Ал, өткен жылы Сәкен Сейфуллин ауылында жаңа филиалымыздың лентасын қиған едік. Әрбір филиалда 126 оқушы домбыра, баян, труба, фортепиано, хореграфия, дәстүрлі ән пәні бойынша білімін жетілдіруде. Сондай-ақ мектебізде оқушылар оркестрі, қобызшылар ансамблі, «Балауса» домбырашылар ансамблі, «Тұмар», «Назкерім», «Еркеназ» бишілер ансамблі, скрипкашылар ансамблі, оқушылар хоры жұмыс жасап келеді. Бұл ретте, ұстаздардан &nbsp;құрылған «Сыр сазы» фольклорлық ансамблін айрықша атап өткен дұрыс. Ансамбль облыстық «Наурыз шапағаты» мұғалімдер шығармашылығы фестивалінің бірнеше дүркін лауреаты. Облыстық фольклорлық ансамбльдер байқауының лауреаты атанған. «Сыр сазы» фольклорлық ансамблі аудан, облыс көлемінде өткен көптеген мәдени іс-шараларда өнер көрсетуде. Жалпы, өнер мектебінде 42 қызметкер еңбек етеді. Оның ішінде, 32 мұғалім бар.Өнер мектебінің ғимараты көгілдір отынға қосылған. Жаңадан бу қазандығы салынып, заманауи пеш орнатылды. Өнер мектебі толықтай газбен жылытылады. Бұл – жаңалықты естігенде ата-аналар мен ұжым қатты қуанды. Біз көгілдір отынның игілігін көрудеміз. &nbsp;– Ұстаздардың біліктілігін арттыру қалай жүзеге асады?– Жалпы, өнер мектебінің мұғалімдері &nbsp;аудандық мәдениет үйі жанынан құрылған «Құрақтың Досжаны» халық аспаптар оркестрінің мүшелері болып саналады. Оркестрдің жетекшісі әрі дирижеры – өнер мектебінің ардагер ұстазы Сансызбай Сәдуақасұлы. Аталған өнер ұжымы аудан, облыс көлемінде жыл бойы өткізілген барлық мәдени іс-шараларда өнер көрсете білді.Жас ұрпаққа берілетін білім мен тәрбие қоғам мен заман талаптарына сай болуы керектігі мәлім. Осы мақсатта Сырдария ауданының өнер мектебі біршама жұмыстар атқаруда. Мектебізде әрбір ұстаз кезектілік бойынша 3 жыл сайын Астана, Алматы, Шымкент, Қызылорда қалаларына барып, біліктілігін арттыруда. Ұстаздардың кәсіби деңгейін жоғарылату мақсатында бірнеше семинар ұйымдастырылып тұрады.– Жыл көлемінде оқушылардың қол жеткізген жетістіктері көп шығар. Сонымен бірге өнер мектебінің түлектері жөніде не айтасыз?– Шын мәнінде, &nbsp;оқушыларымыз халықаралық, республикалық, облыстық, аудандық байқауларға қатысып, жүлделі орындарды иеленіп жүр. Олар мектебіздің атын жақсы жағынан көптеген өнер бәсекелерінде шығаруда. Барлық шәкірттеріміз толағай табыстарға қол жеткізуде. Күй, би, ән, қобыз секілді бірнеше жанрда өнер көрсететін мектеп оқушылары өзіндік мәні бар байқауларда ерекше даралануда. Республика көлемінде кәсіби музыканттар тарапынан байқауларда орындаған шығармалары жоғары бағаға ие. Жыл көлемінде орасан табысқа қол жеткізген ұстаздар мерейі үстем. Халықаралық дәрежедегі байқаудан орын алу – үлкен еңбек. Әқашан байқауға бармас бұрын баланың орындайтын шығармасына талдау жүргізіміз. Әбден шыңдалып, шығармаға төселген өнерпазды байқауға қатыстырымыз. Қай кезде де, жетістікке жету жолында жан-жақты дайындық жүргізілетіндігін назарыңызға салайын. Бір жағынан ұстаз бен шәкірт жауапкершілікті айқын сезінеді.Біз қашанда &nbsp; мектебіміздің &nbsp;өнерлі түлектерімен мақтанамыз. Ұстаздарымыз музыка мамандығын таңдап, өздері қанат қағып ұшқан алтын ұя мектебіне келіп, ұстаздық қызмет жасауда. Атап айтсақ, Гүлзия Ешмұратова, Роза Арғынбаева, Талғат Сәдуақас, Мейрамбек Кенжебаев, Бауыржан Үсенов, Зере Абуталипова, Ғалымжан Сансызбай, Абылайхан Қилымханов осы мектептің түлектері. Бүгінде өз ұстаздарымен әріптес болған ұлағатты жандар өскелең ұрпаққа эстетикалық ұлттық тәрбие беруге елеулі үлес қосуда.Қашанда әрбір жетістігімізге марқайып отыратын ардагер ұстаздарымыз Жантемір Айсин, Сансызбай Сәдуақасұлы, Қаншайым Ерғалиева, Әлия Аманбаева мектеп ұжымынан ақыл-кеңесін аямайды. Өнер иелерінен тәлім-тәрбие алған біршама шәкірттеріміз облысқа, республикаға белгілі өнер &nbsp;майталмандары. Олардың есімдерін жатқа білетін шәкірттеріміз солар секілді биік шыңдарды бағындыруды қалайды.<figure class="image"><img src="https://knadmin.beoblood.kz/uploads/3abde243_dbc8_45a3_a82c_e4d0bb5a986d_74c0616c97.jpg" alt="3abde243-dbc8-45a3-a82c-e4d0bb5a986d.jpg"></figure>

Қосымша білім беру: Сырдариялық балалар бос уақытында немен айналысады?

<a href="https://kyzylorda-news.kz/">Kyzylorda-news.kz.</a> Техникалық және кәсіби білім беретін оқу орындары еңбек нарығының нақты сұранысына бейімделуі керек және еліміздің жаңа экономикалық бағдарының міндеттеріне сай болуы тиіс. Президент Қасым-Жомарт Тоқаев соңғы Жолдауында осындай нақты меже мен міндет қойған еді. Осы бағытта Жаңақорған аграрлы-техникалық колледжі елдің ертеңгі тізгіні кәсіби, білікті, заманауи технологияның тілін түсінуге, жастарды көбірек баулуда. Әсіресе, техникалық мамандықтарға басымдық беріп, заманауи салада жастарға мүмкіндік беру негізге алыпты.&nbsp;Алдымен оқу орнындағы мамандықтарды жүйелеп алсақ. 2005 жылға дейін студенттер 6 мамандық бойынша білім алса, қазіргі таңда олардың саны 19-ға толықты. Оқу кабинеттері мен зертхана, шеберханалар саны артып, практикамен қатар теориялық жүйе де қатар жүруде. 4зертхана, 6 шеберхана бар. Оның ішінде, «Токарьлық ісі және металл өңдеу» мамандығы бойынша «Станок жұмыстары» шеберханасы, «Автокөліктерге техникалық қызмет көрсету, жөндеу және пайдалану» мамандығы &nbsp;бойынша , «Автокөліктерге техникалық қызмет көрсету» шеберханасы бар. Сол секілді, «Тігін», &nbsp;«Пісіру жұмыстары», «Тамақ дайындау», «Техникалық қызмет көрсету» шеберханасы да сабақ жүзінде жүзеге асуда.– Бізде «Ветеринария» мамандығы бойынша арнайы пән кабинеті мен зертханасы, «Электротехника», «Тау-кен механика», «Электронды ақпа¬рат¬тандыру» зертханасы, экономика негіздері кабинеті, өзін-өзі тану, 2 компьютер, 27 оқу кабинеті болса, 14 оқу кабинеті интерактивті тақтамен жабдықталған, 2014 жылы колледждің әкімшілік ғимараты іске қосылып пай¬даланылуға берілді. 2020-2021 оқу жылында колледж толықтай күрделі жөндеуден өтіп жылу қазандығы қатты отыннан (көмір) &nbsp;сұйық отынға (табиғи газ) ауысты. Колледж &nbsp;200 орындық &nbsp;АКТ залы, 160 орындық асхана, 100 орындық жатақханамен қамтылған, – деді Дәулетхан Мадиярханұлы.Жалпы алғанда колледжде 19 мамандық, 24 біліктілік бар. Яғни, 19 мамандықты игерген студенттер 24 түрлі салаға бейім деген сөз. Автомобиль көлігіне техникалық қызмет көрсету, жөндеу және пайдалану, ауыл шаруашылығы техникасын пайдалану, техникалық қызмет көрсету және жөндеу, ауыл шаруашылығын механикаландыру, бағдарламалық қамтамасыз ету (түрлері бойынша), ғимараттар мен құрылыстарды салу және пайдалану сынды мамандықтар бар. Сол секілді дәнекерлеу ісі, есеп және аудит, есептеу техникасы және ақпараттық желілер (түрлері бойынша), жеміс-көкөніс шаруашылығы мен маркетинг (салалар бойынша), тамақтандыруды ұйымдастыру және тамақтану саласында қызмет көрсетуді ұйымдастыру бойынша маан атануға болады. Тігін өндірісі және киімдерді үлгілеу, эектр жабдықтары, токарлық іс, пайдалы қазбалардың кен орындарын жер астында өңдеу, тұрғын үй-коммуналдық шаруашылық объектілерінің инженерлік жүйелерін монтаждау және пайда-лану, ветеринария және басқаруды құжаттамалық қамтамасыз ету және мұрағаттану мамандығы бар.“Жас маман” жобасын не береді?«Жастар жылы» аясында «Жас маман» жобасы жүзеге асқанын білеміз. Бағдарламаның басты мақсаты – заман талабына сай білікті маман даярлау. Жоба аясында Қазақстандағы 795 оқу орнынан 180 кәсіптік білім мекемесі таңдалды. Соның ішінде біздің аграрлы-техникалық колледж бар.– Жобаның мақсаты worldskills &nbsp;стандарттарының халықаралық тәжірибесін енгізе отырып техникалық және кәсіптік білім беру ұйымдарындағы &nbsp;сұранысқаие 100 мамандықты &nbsp;анықтау &nbsp;және қайта жаңғырту. Жобаны іске асыру қорытындыларыбойынша &nbsp;оқу ұйымдары &nbsp;республикалық және халықаралық деңгейлерде талап етілетін мамандарды даярлау үшін қажетті қазіргі заманғы жабдықтармен жарақтандырылатын болды.«Дәнекерлеу ісі» &nbsp;мен «Автомобиль &nbsp;көлігіне техникалық қызмет көрсету, жөндеу және пайдалану» &nbsp;мамандығы бойынша колледжге республикалық бюджеттен 320 млн бөлінді. Бұл қар¬жыға кәсіптік білім мекемелері &nbsp;халықаралық стандарттарға &nbsp;сай соңғы үлгідегі құралдар сатып алынуда. Жас маман &nbsp;жобасы &nbsp;колледждің оқу өндірістік базасын жаңартып қана қоймай құзіреттілік орталығын құруға мүмкіндік бермек. Бөлшектеу құрасты¬ру құрылғыларынан &nbsp;бөлек Жаңақор¬ған аграрлы-техникалық колледжі базасына білім алушыларға &nbsp;жүргізіп үйре¬нуге арналған су жаңа техникалармен толықты. &nbsp;Жас маман &nbsp;мемлекеттікбағдарламасы аясында білім ордасында еуропалық &nbsp;стандарттарға &nbsp;сай соңғы үлгідегі дәнекерлеу құралдары &nbsp;жеткізілді.Қазіргі мемлекет қолдауына ие болған білім ұясы дуалды және модульді оқыту жүйесіне көшті, – деді мекеме басшысы.Заманауи технологиялардың келбетіБізге қажеттісі де осы еді. Яғни, оқу орнындағы заманауи құрылғылар іс жүзінде қалай жүзеге асуда. Алдымен көлік жөндеу кабинетіне келдік. Бұл кабинетте көліктің әрбір техникасын бөлшектеп үйретеді. Екіншіден, планшет арқылы және үлкен экранды арна арқылы түсіндіру сабағына да қатыстық. Жалпақ тілмен айтқанда, балаларға көлікті басқарудан бастап, әрбір құрал-сайманына дейін түсіндіріледі. Сол секілді, бүгінгі күннің мамандығы болған токарь кабинетіне де бардық .Ал, қыздар тігін шеберханасы мен асханасына да ерекше тоқталуға болады.– Тероиялық және практика өтетін оқу шеберханалары толық заманауи техникалық құралдарымен қамтылды. Оның ішінде «Дәнекерлеу ісі» &nbsp;мамандығы бойынша теория кабинеті «Вертуальды дәнекерлеу тренаржер», «Автокөліктерге техникалық қызмет көрсету және пайдалану» мамандығының теория кабинеті Вертуальды автотренажеры, &nbsp;студенттерге арналған 25 планшет, автокөлікті жүргізіп үйренуге арналған заманауи құралдармен жабдықталған. Ал шеберханаларға келетін болсақ «Автокөліктердің ақауын табатын диагностикалық аппараттар инжектор тазалайтын құрылғылар, автокөлік бөлшектерін, көліктің электроақауларын анықтайтын құрылғылар, дөңгелектердің тепе-теңдігін анықтайтын құрылғылар, автокөлік көтергіштері, білім алушыларға толық үйренуге арналған қозғалтқыштары, матор майларын ауыстыратын қозғалтқыштар, беріліс қорабын ауыстыратын құрылғылармен» &nbsp;жаңа заманауи технологиялармен толыққанды қамтылды.Дәнекерлеу шеберханаларындағы барлық дәнекерлеу замануи үлгіде студенттерге қолайлы түрде жабдықталған, – деді Д.Тұрсынхожаев.Түлектерге қандай мүмкіндік барҚолдарына диплом алған түлектер қайда қызметке орналасады? Осы сауал ата-аналарды көп мазалайды. Қазір колледжде 489 студент дәріс алады. Оның 124-і биыл қабылданған.– Бізден түлеп ұшқан студенттердің 65-70 пайызы қызметке орналасады. Ол шартты түрде, ал, жоғары оқу орнына тестілеу арқылы грантқа түсуге де мүмкіндігі бар. Мәселен, былтыр бітірген 179 түлектің 122-і жұмысқа орналасса, 35 жас әскерге аттанды, 22 түлек жоғары оқу орнына түсті. Одан бөлек, жеке кәсіпкерлер және аудандағы ірі өндіріс орындарымен меморондум бар.– “Шалқия Цинк ЛТД” мекемесімен мемоондум жасаған екенсіздер.– Иә, Шалқия жер асты қазбаларын жүргізуге 4 жылға мердігерлікке отырған “Қытай-Азаматтық-Инженерлік-Құрылыс Корпорациясының” бас директоры Дзянг Хайвен және “Шалқия Цинк LTD” әлеуметтік мәселелер жөніндегі кеңесшісі Ғабит Ғазизқанұлы кәсіптік колледжде болды. Екі жақты өзара келіссөз арқылы аталмыш мамандықта оқып жатқан студенттер Шалқия кен орындарынан Өндірістік практикадан өтіп, іскерлік тұрғыда шыңдалады. Бітірген соң, тиісінше сіздердің тараптан жұмыспен қамту жайы қарастырылса деп негізгі сұранысты жеткізді. Тек онда басшылық құрам өзгеріп, сәл кідіріс болуда. Одан бөлек бітірушілер көлік қызметі, қыздар тігін шеберханалары мен аспаз қызметінде жүр. Сұранысқа сай мамандар Атырау мен Құмкөлге қызмет ауысытыр жатқандары да аз емес. Нақтысын айтқанда, біз білікті кадрларды дайын өнім ретінде шығарудамыз. Өйткені, ұстаздардың білім сапасы жоғары, республикалық жоғары оқу орындарынан тәжірибе жинауға жиі барып тұрады.Мәліметіне дәлел ретінде жастарды іздедік. Біз 2019 жылы бітірген түлек Дидар Ибрагимовтың қызметіне келдік. Қазіргі сұранысқа сай автокөлік жөндеуді жетік меңгерген маманның қызметіне жаңақорғандықтар жиі жүгінеді. Соның ішінде өзім де бармын.2022-2023 жаңа оқу жылында «Дәнекерлеу ісі» &nbsp;мамандығы бойынша &nbsp;9 сынып негізінде 21 &nbsp;студент және «Автомобиль көлігіне техникалық қыз¬мет көрсету, жөндеу және пайдалану» мамандығы бойынша 9 сынып негізінде 22 студент оқуға қабылданған. Оқубағдарламалары «TALAP» коммерциялық емес акционерлік қоғамы келісіліп осы бағдарламамен оқу жүргізілуде.Алдағы жоспар қандай?– Колледжімізде 19 мамандық 24 біліктілік оқытылуда Тау кен саласы бойынша қазіргі уақытта оқытылып жатқан Жер асты тау-кен жұмысшысы мамандығы бар «Шалқия Цинк LTD»-ға керек мамандықтарын анықтап, алдағы уақытта жаңа мамандық ашу жоспарлануда. Атап айтқанда, тазарту забойының тау-кен жұмысшысы, үңгуші, жер асты тау-кен монтаждаушы¬¬сы, техник-технолог, маркшейдерлік ісі, пайдалы қазбалар кен орындарын ашық қазу &nbsp;мамандықтарыбар, – деп түйіндеді колледж директоры міндетін атқарушы Дәулетхан Мадиярханұлы.

Жаңақорғанда кәсіби техникалық мамандыққа сұраныс артты

<a href="https://kyzylorda-news.kz/">Kyzylorda-news.kz.</a>&nbsp; «Жұмысы жоқтың – ырысы жоқ». Расында қазақтың әр тәмсілінде терең мағына, оймақтай айтар ой жатады. Осы бір ауыз сөздің өзінде қарекет қылғанның қарны тоятынын анық байқауға болады. Еңбек етемін, табыс табамын деген жанның ырысы молая түсетіні даусыз. Қазіргі уақытта осындай еңбекке ынталы, заманға, бәсекелестікке қабілетті жандарды қолдау еселенген уақытта алға ұмтылғандар еңбегінен береке табатын кез туындап тұр.<blockquote>Әсіресе солардың қатарында жастардың үлесі күн санап артып келе жатқаны көңілге қуаныш сыйлайды. Қоғамның бүгінгі беталысына бейімделген, заманауи жаңалыққа жақын, өзіндік тың ойдың, бастаманың қозғаушылары бола алатын жастар ауданымызда да көп. Солардың бірі қаламыздың тұрғыны, бүгінде жас кәсіпкер атанып, өз ісін өрге дөңгелетіп отырған – Шолпан Молдабаева.</blockquote>Шолпан Болатбекқызы Қызылорданың тумасы. Қазірде Аралға келін болып отырған кәсіпкер жастайынан тігіншілікке құштар болып өсті. Бұл бағытта арнайы білімі болмаса да, қыз күнінен қолына ине ұстап, көйлек пішіп, киім тігуге әбден машықтанады. Анасы да құралақан болмаса керек. Жанында отырып үйренгенін бүгінгі уақытта боламын деген бала үшін үлкен мүмкіндік тудырып келе жатқан ғаламтор арқылы тігіншіліктің қыр-сырын меңгереді.Кейіннен келіндік міндетімен қоса &nbsp;өнерін де қатар алып жүрді. Қолы қалт ете қалса тігінге ден қойып, декреттік демалысында өзіне қажетті, жақындарына керекті дүниелерді тігіп жүрді. Алғашқы перзенті дүниеге келіп, тәй-тәй басқан уақытта оның қуанышын атап өтпек болып, тұсаукесер рәсіміне өзі дайындық жасады.<blockquote>Әрбір ата-ана үшін баладан асқан бақыт бар ма?! Солардың қызығы, қуанышы үшін, бақытты ғұмыр кешуі үшін тіршілік етеміз ғой. Мен де тұңғышымыздың алғаш қадам басып, жүруге талпынған сәтін ерекше етіп атап өткім келді. Осылайша оған арнайы киім тігіп, жолына төсейтін жаюын, рәсімге қажетті басқа да заттарды қолдан тігіп, киіндірдім. Өте сәнді болып шықты. Одан кейінгі екі балама да барлығын өзім дайындап, тұсаукесер дәстүрін атап өттік. Міне, кәсіп бастауыма осы жағдай себеп болды, – дейді.</blockquote>Балақайлардың қуанышына жиналған жақын-жуық Шолпанның бұл өнерін көріп, қолқа салады. Олардың өтінішін жерге тастай алмаған кәсіпкеріміз өзінің сыңарының, өзге де жақындарының балаларына киім мен тұсаукесерге қажетті жабдықтарды әзірлеп береді. Осы тұста олар кейіпкерімізге ой салады. Қолдан келетін істі неге кәсіпке айналдырмасқа деген оймен, аудандық кәсіпкерлер палатасының көмегін пайдаланып кәсіпке бет бұрады. Осылайша былтыр «Бастау Бизнес» жобасы аясында 1 225 200 теңге грантқа ие болып, өз кәсібін бастады.<blockquote>&nbsp;Мемлекеттің қолдауы кәсіпкерлерге үлкен көмек екенін ашық айту керек. Әсіресе біз сияқты жастар үшін бұл таптырмас мүмкіндік. Олай дейтінім, мен сол грантты жеңіп алып, 3 арнайы машина мен өзге де қажетті заттарымды алдым. Бұлар менің жұмысымның жандануына үлкен көмек болды. Қазіргі уақытта осы тұсаукесер рәсіміне қажетті барлық заттарды өзім дайындап отырмын. Баланың алдына төсейтін жаю, оның киетін киімі мен шарлар, есімі жазылған баннер, ала жіп пен тұсау кесетін шышақты әшекейлеу, барлығын өзім әзірлеймін. Бірақ дәл қазіргі уақытта тек жалға беріп келемін, – дейді.</blockquote>Сонымен қатар соңғы күндері басқа тағатын үкілі брошкаларға да тапсырыс қабылдап, сатылымға шығарып жатыр.Көздеген кәсібіне қол жеткізген Шолпан жоспарларын да жасырмады. «Қазіргі таңда 1-2 жасар балаларға ғана арнап киім тігіп жүрмін ғой. Бірақ тапсырыс түрлі бағытта түсіп жатады. Сондықтан алдағы уақытта барлық жастағы балаларға киім тігіп, тұтынушылардың сұранысын қамтамасыз еткім келеді. Мәселен, сүндет той, тілашар секілді түрлі балаларға арналған дәстүрлеріміз бен рәсімдерімізге тапсырыс бергісі келетіндер көп. Ең бастысы, өз брендімді қалыптастырып, өнімдерімді сатылымға шығарғым келеді» дейді.Жас кәсіпкер жергілікті өнімді дамытатынына біздің де сенім мол. Қашанда өнердің ордасына айналған Сырда туған Шолпанның өнеріне өзгелер де сүйсіне қарасын дейміз.

Аралдық кәсіпкер мемлекеттік грант алып кәсібін бастады 

​<a href="https://kyzylorda-news.kz/">Kyzylorda-news.kz.</a> Сыр өңіріндегі спортшылары үшін сәуір айы сәтті басталды деуге толық негіз бар. Өйткені аймақтың спорт шеберлері түрлі жарыстардан жүлделі орындармен оралуда. Жаңа айдың бес күнінде-ақ спортшылар бірнеше жарыста облыс мерейін үстем етті.Атап айтар болсақ, Футболдан Қазақстан Olimpbet чемпионатының 4 турында «Қайсар» қасқырлары «Каспийге» қонаққа барып, 3-1 есебімен жеңіске жетті. Қасқырлар сапынан Василий Совпель дубль авторы атанса, Бақдәулет Зулфикаров маусымдағы алғашқы голын соқты.Австрияның Иннсбрук қаласында 30 наурыз бен 3 сәуір аралығында &nbsp;таеквондодан G-1 халықаралық турнирі ұйымдастырылды. Турнирде кадеттер арасында қызылордалық Нұрперзент Саматұлы 37 келі салмақта алтын белгіні иемденді. Сонымен қатар жастар арасында Теміржан Тасқын 45 келі салмақта жүлделі І орынды, ал София Клименко 44 келіде жүлделі ІІ орынға ие болды. Турнирде ересектер арасында Сыр спортшылары Ботагөз Қапанова 49 келі салмақта жүлделі І орын және Нұрахан Ерасыл 54 келі салмақта ІІІ орын иегері атанды.30 наурыз бен 2 сәуір аралығында Семей қаласында кикбоксингтен 2007-2008 жылы туған кадеттер арасындағы Қазақстан Республикасының чемпионаты өтті. Біріншілікте Сыр спортшыларынан Ернұр Біләл 63,5 келіде фулл бойынша ІІІ орын, Сопбек Абдрахман 67 келіде ІІІ орын, Айтуған Алихан 60 келіде лоу кик бойынша ІІІ орын және Тайранбек Дамир 81 келіден жоғары салмақта лоу кик бойынша ІІ орын иеленді. Сонымен қатар Нұрашов Меделхан 81 келіден жоғары салмақта фулл бойынша &nbsp;І орын және Кеңесова Жұлдызай 36келі салмақ дәрежесінде фулл бойынша жүлделі ІІ орынды иеленді.&nbsp;Астана қаласындағы Сарыарқа мұз сарайында шорт-тректен оқушылар арасында ҚР ХІ қысқы гимназиадасы өтті. Гимназиадада Сыр спортшылары 8 рет жеңіс тұғырына көтерілді.Соның ішінде 1000 метр қашықтықта Есен Жансая І орын, Құрманбай Ұлту ІІІ орынды иеленсе, 500 метр қашықтықта Айару Қайратқызы және 777 метр қашықтықта Жансая Есен жүлделі І орынды жеңіп алды. Ал 1000 метр қашықтық бойынша сайысқа түскен қызылордалық Есен Жансая суперфиналдың ІІ орын иегері атанды. Одан бөлек Жансая көпсайыста да оқ бойы озып, жүлделі бірінші орынды қанжығаға байлады. Айару Қайратқызы да көпсайыста жүлделі ІІІ орынды жеңіп алды. 2000 метр қашықтықта командалық эстафетада Қызылорда облысының құрамы жүлделі ІІ орын иегері атанды. Команда құрамында Диляра Туралиева, Ұлту Құрманбай, Айару Қайратқызы мен Жансая Есен бар.Абай облысы Семей қаласында Грек-рим, еркін және әйелдер күресінен жасөспірімдер (U17) мен 23 жасқа дейінгі (U23) спортшылар арасындағы ҚР чемпионаты өтті.Чемпионатта 30 наурыз - 1 сәуір аралығында өткен грек-рим күресінен Сыр спортшылары Бүркітбай Ермухаммед І орын, Болатұлы Алпамыс І орын, Қайрат Шыңғыс ІІІ орын иеленді. Ал Түркістан қаласында Сидней Олимпиадасының жеңімпазы Бекзат Саттархановты еске алуға арналған бокстан жастар арасындағы ХХІ халықаралық турнирде Сыр өңірінің екі былғары қолғап шебері жеңіс тұғырына көтерілді. 51 келі салмақта сынға түскен Ерхан Оңталапов І орын иегері атанса, Дарын Кенжебекұлы 57 келі салмақ дәрежесінде жүлделі ІІІ орынды жеңіп алды.

Сыр спортшылары аймақ қоржынын толтырды

​<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық атқару жүйесі департаментіне қарасты №60 мемлекеттік мекемесінің өндірістік аймағында пластикалық терезе жасайтын кәсіпорында оннан астам жазасын өтеуші еңбек етіп келеді. Ашылғанына көп болмаған бұл жұмыс орын бүгінде тұтынушылардың кең сұранысына ие.&nbsp;Осы кәсіпорында еңбек етушілердің бірі «Н» есімді жазасын өтеуші азамат. Жұмыс беруші кәсіпкердің сөзінше бұл еңбек етуші бастапқыда басқа әріптестеріне көмекші ретінде көмектесіп жүрген. Уақыт өте бұл іске деген қызығушылығы артып, барлығын тез-ақ меңгеріп алған екен. Нәтижесін көргендіктен болар, жазасын өтеп шыққаннан соң бұл ісін әрі қарай жалғастыру ойында барын жеткізді.<blockquote>«Сотталғандар бостандыққа шыққан соң табыс көзін іздейтіні анық. Демек, оларды жұмысқа тарту мәселесіне бүгіннен бастап көңіл аударғанымыз дұрыс. Осы мәселені шешуге бір ықпалым тисін деп, осы мекемеде жазасын өтеп жатқан азаматтарды жұмыспен қамтудамын. Кәсібім қазіргі таңда көңіл қуантарлық нәтижеге ие. Алдағы уақыта тұтынушы талабына сай еңбек етушілер санын көбейту жоспарда бар», – дейді өз сөзінде кәсіпкер Айбек Сәдібеков.</blockquote><blockquote>«Біздің түзеу мекемесінде еңбек етіп жүрген азаматтардың барлық құқықтары қорғалған. Оларға жалақы төленеді. Зейнетақы қорына ақшалары аударылады. Өндірістік жарақат ала қалған жағдайда да дер кезінде көмек көрсетіледі. Сотталғандардың жұмыспен қамтылуы олардың пайдасына шешіліп, тек жақсылыққа бастайды», – дейді мекеменің сотталғандардың еңбегін ұйымдастыру бөлімшесінің аға инспекторы, әділет аға лейтенанты Тлеубекова Толқынай.</blockquote>Сондай-ақ, бас бостандығынан айырылған азаматтардың бұл еңбегі – тәрбиелік ықпалмен қатар, жазаны міндеттеушінің бірі. Жазасын өтеушілерді еңбекке тарту негізінде қылмыс жасаған кезде келтірілген шығындары мен зардаптарының орнын толтыру міндеттілігі де жатыр. Осы себептермен жыл басынан бері шаруашылық бөліміне қалдырылған оннан астам сотталған сот белгілеген шығындарын айлық жалақысынан ұстау барысында толықтай өтеп, төлеп шыққан.

Сотталған азаматтардың жұмыс істеп, ақша табуына мүмкіндік бар

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты «Шаған жер» серіктестігі күріш өндірісінен бөлек, ата-кәсіп – мал шаруашылығымен айналысатындығын айта кетейік. &nbsp;Мал шаруашылығын дамытуда өзіндік бағытын қалыптастырған шаруашылық қызметі әртараптандырылған. Тынымсыз еңбектің жемісін көрген жандар төрт түліктің бабын табуда. Негізінен, халықтың негізгі тіршілік көзіне айналған шаруада бүгінде төрт азамат тұрақты жұмыспен қамтылған.&nbsp;Өз кезегінде мал шаруашылығына жауапты маман, білікті меңгеруші &nbsp;Ұлтай Смағұлқызы жұмыс барысын саралай түсті.<blockquote>«Алғаш рет 2020 жылы шаруашылықта мал басы саны нөлдік көрсеткіш болатын. Биыл мал басының жалпы саны 298-ді құрап отыр. Күніне екі мезгіл сауылатын сауынды сиырларымыздан тәулегіне 80 литрден 160 литр сүт өндіреміз. Ал алынған сүттен қатық, айран, құрт өнімдерін шығарып ауылымыздағы сауда дүкен сөресіне қойылады. Осылайша халыққа тиімді бағада ұсынып отырмыз. Былтырғы жылы ет-сүт өнімдерін сататын арнайы дүкен аштық. Бұл да халық игілігі үшін жасалып жатқан үлкен қадамдар. Онан бөлек шаруашылықта 147 бас жылқы оның ішінде 51 бие бар. Пандемия кезінде тұрғындарға тегін саумал ұйымдастырылды. Сонымен қатар өткен жылы 50 қой алынып, биыл 14 қошақанға төлдеп жатыр», – дейді мал шаруашылығының меңгерушісі Ұлтай Смағұлқызы.</blockquote>Жалпы, Шаған ауылы ертеректен мал шаруашылығымен республикаға &nbsp;аты шыққан ауыл. Қай кезде де, ата кәсіпті жандандыруға, мал санын көбейтуге «Шаған жер» серіктестігі күш салып келеді. Бұл ретте, шаруалардың жұмысына сәттілік тілейміз! &nbsp;&nbsp;

Шаған ауылында мал шаруашылығы дамуда 

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Дінмұхаммед Ермековтың төрағалығымен төтенше жағдайлардың алдын алу және оларды жою жөніндегі комиссия отырысы өтті.Комиссия отырысында Конго-Қырым геморрагиялық қызбасының алдын алу шаралары туралы қаралды. Қалалық санитариялық-эпидемиологиялық бақылау басқармасының басшысы Ерлан Ұзақбаев алдымен дайындық шараларына тоқталып өтті.Қызылорда қаласы Конго-Қырым геморрагиялық қызбасы ауруының табиғи ошағында орналасқан. Соған сәйкес, жыл сайын облыс бюджетінен қаржы бөлініп, елді мекендерде залалсыздандыру жұмыстары жүргізіліп келеді. Өткен жылы, атқарылған жұмыстардың нәтижесінде қала бойынша Конго-қырым геморрагиялық қызбасымен ауырған науқастардың тіркелу көрсеткіші (3 жағдай) төмендеді. Биыл &nbsp;«Қолайсыз» болып 12 елді мекен анықталып отыр. Залалсыздандыру жұмыстары сәуір айының екінші онкүндігінен басталады деп жоспарлануда.Бұл мәселеде қала әкімінің орынбасары жүргізілетін залалсыздандыру жұмыстарының сапалы әрі тиімді болуы елді мекендердегі мал қоралардың өңдеу алдындағы тазалығына байланысты екендігін сөз етіп, кент және ауылдық округ әкімдеріне елді мекен айналасы мен мал қораларын қи-қоқыстан механикалық тазартылуын ұйымдастырып, бақылауда ұстауды жүктеді.Келесі, көктемгі залалсыздандыру жұмыстарына дайындық барысы туралы қалалық ауыл шаруашылығы және жер қатынастары бөлімі басшысының міндетін атқарушы Қойшыбай Жүсіпов баяндады.Кеңес қорытындысымен қала әкімінің орынбасары әрбір елді мекендегі мал қоралар мен мал бастарына жасалынған залалсыздандыру жұмыстарының сапалы жүргізілуін қамтамасыз етуді тапсырды.

Конго-қырым геморрагиялық аурулардың алдын алуға бірқатар тапсырмалар берілді

<a href="https://kyzylorda-news.kz/">Kyzylorda-news.kz.</a>&nbsp; Көктем келіп, күн жылынысымен шыбын-шіркей, түрлі жәндіктер де оянып, жер бетіне шыға бастайды.&nbsp;Әсіресе, кене белсенділігі артатыны белгілі. Кене – көптеген жұқпалы ауруларды таратушы қауіпті жәндіктің бірі. Оның ішінде Конго-Қырым геморрагиялық қызбасы бар. Еліміздің оңтүстік бөлігінде орналасқан 4 аймақ – Шымкент қаласы мен Жамбыл, Қызылорда және Түркістан облыстары Конго-Қырым геморрагиялық қызбасынан табиғи ошақтар қатарында.Аса қауіпті ауру саналатын Конго-Қырым геморрагиялық қызбасының 2021 жылы 12 дерегі тіркелсе, былтыр 20 науқастың диагнозы зертханалық жолмен нақтыланды. Аудандар бойынша айтатын болсақ, Сырдарияда 5, Жалағашта 4, Шиеліде 4, Жаңақорғанда 3, Қармақшыда 1 және Қызылорда қаласында 3 жағдай орын алған. Инфекцияны жұқтыру көзі ретінде барлық жағдайдың 45%-ы кене шағумен, 25%-ы мал күтімімен, 15%-ы ауылшаруашылық жануарларын союмен, 10%-ы науқасқа күтім жасаумен байланысты болған.Облыстық санитариялық-эпидемиологиялық бақылау департаментінің мәліметінше, аймағымызда биыл 106 елді мекен қолайсыз деп танылды. Бұл өткен жылмен салыстырғанда 10 елді мекенге азайғанын көрсетеді, былтыр 116 елді мекен есепке алынған. Сәйкесінше, залалсыздандыру жұмыстары сәуір айының екінші онкүндігінен басталады деп жоспарлануда.<blockquote>– Бүгінгі күні ауыр жағдайдағы өтетін аурудың алдын алудағы тиімді шаралардың бірі – кенеге қарсы залалсыздандыру жұмыстары. Жыл сайын барлық қолайсыз елді мекендерде санитариялық-қорғаныш аймақтарын құру үшін кенеге қарсы өңдеу шаралары жүзеге асырылады. Биыл қолайсыз деп танылған 106 елді мекенге залалсыздандыру жұмыстары сәуір айының екінші онкүндігінен басталады деп жоспарланып отыр. Кенеге қарсы дәрілеу аясында 30824 мал қора, 0,68 шаршы шақырым жерді құрайтын буферлік аймақ және барлығы 556052 мал басы қамтылатын болады. Осы шаралардың тиімділігін арттыру үшін тұрғындар назарына қора-аула тазалығын қатаң сақтауды және қолайсыз елді мекендерде жүргізілетін өңдеу жұмыстары барысында мал мен қора, аулалардың толық дәріленуіне үй иелері тарапынан қатаң бақылау қажеттігін еске саламыз, – дейді облыстық санитариялық-эпидемиологиялық бақылау департаменті басшысының міндетін атқарушы Әлия Әбдіқайымова.</blockquote>Бұдан бөлек, наурыз айының екінші онкүндігінен бастап зоопаразитологиялық топпен кене жинау, зерттеу жұмыстары жүргізілуде. Бүгінге дейін 5220 дана кене жиналған. Оның 443-і елді мекеннен, 696-сы ауылшаруашылық жануарларынан, 4048-і табиғаттан, 33-і ауру ошақтарынан. 559 кене зерттеумен қамтылып, оң нәтиже анықталмаған.Биыл жыл басынан бері 46 адам кене шағумен медициналық көмекке жүгінген. Оның ішінде 2 адамның дене қызуы көтеріліп, ауруханаға жатқызылды, екеуі де – Шиелі ауданының тұрғындары. Алайда екі күдікті жағдайда диагноздары зертханалық жолмен нақтыланбаған. Сондықтан мамандардың консилиумымен диагноз өзгертілді.<blockquote>– Аталған аурумен көбінесе адамдардың белгілі бір кәсіби тобы ауырады, яғни, малшылар, егіншілер, фермерлер және табиғат аясында демалушылар шалдығады. Ауру кене шағу барысында және ауру кененің қаны арқылы тікелей жұғу қаупі өте жоғары. Он төрт күн ішінде науқаста ауру пайда болуы мүмкін. Ал белгілеріне тоқталып өтсем, адамда дене қызуы қатты көтеріледі, бас айналу, т.б. жағдайлары болады. Сондықтан көктемгі эпидмаусымда барынша сақтық шараларын қатаң сақтауымыз керек, – дейді облыстық жұқпалы аурулар ауруханасының бас дәрігері Айна Мұхамбетова.</blockquote>Бүгінгі күні облыс бойынша медициналық мекемелерде КҚГҚ-мен ауыратын науқастарды емдеу үшін вирусқа қарсы препараттар, иммундалған плазма және т.б. қажетті құрал-жабдықтар қоры жасақталды.Жоғарыда айтып өткеніміздей, көктем келіп, күн жылынысымен кенелердің табиғатқа шығуы белсенді бола бастайды. Тұрғындар арасында, әсіресе, далалық аймақта жұмыс жасайтын, мал шаруашылығы, егін шаруашылығымен айналысатын адамдар үшін кене шағып, КҚГҚ ауруын жұқтырып алу қаупі арта түседі. Бұл ретте сақтық шараларының қатаң орындалуы аса маңызды. Осы орайда облыстық санитариялық-эпидемиологиялық бақылау департаменті мамандары тұрғындардан мал шаруашылығымен, ауыл шаруашылығымен айналысқанда арнайы жұмыс киімдері мен қолғаптарды қолдануды, табиғат аясына демалысқа шыққанда кенелерден қорғайтын арнайы репелленттерді пайдалануды, ақ түсті киім киіп, кенелердің болмауын жиі тексеріп тұруды, сақтық шараларын жауапкершілікпен орындауды сұрайды. Сондай-ақ, ауру белгілері анықталған бойда жедел медициналық көмекке жүгінуге кеңес береді. Себебі дер кезінде ем-шара қабылдағанда аса қауіпті аурудан сауығып шығуға болады.Конго-Қырым геморрагиялық қызбасының алдын алу мақсатында санитариялық-эпидемиологиялық бақылау қызметі мен обаға қарсы күрес қызметі мамандарынан құрылған жұмысшы топ емдеу мекемелерінің аса қауіпті ауру тіркелген кездегі дайындық барысын, мамандар біліктілігін мониторингтеп, әдістемелік көмек көрсету үшін көшпелі семинарлар ұйымдастыруда. Сонымен қатар, елді мекен тұрғындарымен кездесіп, кене шаққан кезде, аурудың алғашқы белгілері байқалған кезде шұғыл медициналық көмекке жүгіну қажеттігі туралы тұрғындар арасында санитариялық ағарту жұмыстарын жүргізуде.&nbsp;

Қазақстан және Қызылорда облысының жаңалықтары