<a href="https://kyzylorda-news.kz/ru/">Kyzylorda-news.kz</a>. Өткен жылы «Жастар тәжірибесі», «Алғашқы жұмыс орны» жобаларына қатысудың мерзімін ұзарып, еңбекақысын көбейту мүмкіндігін туған болатын. NEET санатындағы жастарды әлеуметтендіруді Мемлекет басшысы: «Жоғары оқу орны, колледж түлектері, білімі жоқ жастардың тұрақты жұмысқа орналасу мүмкіндігі әрдайым бола бермейді. Мұны біз жақсы білеміз. Кездейсоқ нәпақамен күн көріп жүргені бар. Кейбіреулері табыс іздеп, заңнан аттауы мүмкін» деген болатын. Аталған бағдарламаның тиімділігін ескере келе бұл жастарға жасалған тағы бір маңызды мүмкіндік екенін ұғамыз.Қорқыт ата атындағы Қызылорда университетінде журналистика мамандығын тәмамдаған Нұрай Ақжігіттің былтыр осы бағдарлама арқылы алты ай тәжірибеден өтіп, шартты түрде жұмысқа қабылданғанын маман.– &nbsp;Бағдарлама жайлы қайдан естідіңіз?– Бағдарлама туралы жұмыс іздей бастағанда білдім. Шарты бойынша өзіңіз қалаған мекемеде 6 ай мерзімде жұмыс істеуге мүмкіндік беріледі. Мен де соны қалт жібермеуге тырыстым. Алғашқы еңбек жолымды «Өңірлік коммуникациялар қызметі» КММ бастадым.– Қатысу үшін белгілі бір критерийлер көрсетілген, арнайы дайындайтын құжаттары тағы бар…– Ең алдымен жұмыссыз ретінде тіркелу керек және қатысушының жасы 29-дан аспауы міндеттелген. Керекті құжаттарға &nbsp;диплом үлгісі, жеке куәлік, медициналық анықтама және тұрғылықты мекен-жай анықтамасы кіреді.– Президент тапсырмасы бойынша аталған бағдарламаның, сондай-ақ «Алғашқы жұмыс орны» жобасының мерзімі ұзартылды. Бұл – жастардың дамуына бағытталған қолдау. Десе де, оның «әттеген-ай» дейтін тұсы бар ма?– Бағдарламаның кемшілігі болды. Ол – жұмыс істеу мерзімінің аздығы. Биылдан бастап бірнеше өзгеріс еніп, жұмыс істеу мерзімі &nbsp;бір жылға, 18 айға дейін ұзартылды. Бір жыл аз уақыт емес. Бұл мерзім аралығында таңдаған салаға төселіп, қыр-сырын меңгеруге әбден болады дер едім.– Бағдарлама арқылы тұрақты жұмысқа қабылданғандардың бірісіз. Айтыңызшы, практикаға барғанда нені ескеру керек?– Тәжірибеден өту барысында оқу орнымда алған білім көмекке келді. Ізденіс, ынта да маңызды. Қазір ақпарат саласына қатысты жаңашылдықтарды меңгеріп &nbsp;келемін. Бұл ретте білмегенімді үйретіп, қолдау білдірген әріптестеріме алғысым шексіз.– Қоғамда NEET санатындағы жастар кездеседі. Оларды әлеуметтендіруді көздейтін бағдарламаларға жаңашылдық енгізіліп отыр, ал статистикада өзгеріс бола ма? Қалай ойлайсыз?– Биылдан бастап Мемлекет басшысының тапсырмасына сәйкес, жұмыссыз жастарға үлкен қолдау көрсетілмек. Бұл – жағымды жаңалық. Тұрақты жұмыспен қамтудың түрлі бағдарламаларына қолдау шаралары көрсетіліп, техникалық салаларға басымдық берілуде. Елімізде жастарға арналған осындай бастамалар көбейсе, екі қолға бір күрек таппай жүрген жастар саны азаяды деген ойдамын.– «Жұмыс жоқ» деген сөзді желеу қылатын замандастарыңызға не айтасыз?– Болашақ жастардың қолында демекші, заман талабына сай болуға ұмтылу керек. Мүмкіндік берілген уақытта «зауқым жоқ, жұмыс жоқ» &nbsp;деп бос жүруге мүлде болмайды. &nbsp;Еңбек ету арқылы ғана жетістікке жететініңізді ұмытпау керек. Қазір жаныңыздан бір сәтке қалдырмайтын ұялы &nbsp;телефон арқылы да жұмыс істеп, табыс табуға болады.

Нұрай Ақжігіт: «Алғашқы жұмыс орны» жұмысқа орналасуыма мүмкіндік берді

<a href="https://kyzylorda-news.kz/">Kyzylorda-news.kz.</a> Сырдария ауданына қарасты «Сұлу-ай» шығармашылық өнер орталығының өнерпаздары көптеген байқаулардан жүлдемен оралып жүрген жайы бар. Жақында ғана Қызылорда қаласында өткен республикалық байқауда жеңіс тұғырынан көрінуі сөзімізді дәлелдей түскен болатын.Анығырақ айтсақ, аудан намысын арқалаған талантты өрендер республикалық «Жарқын Болашақ» өнер орталығының ұйымдастыруымен өткен VII «Жарық жұлдыз» өнер байқауында жеңімпаз атанды. Аталған байқауда Ақжарма және Асқар Тоқмағамбетов ауылының бишілері І орынды жеңіп алып, Алматы қаласында болатын финалдық кезеңге жолдама алды. Сонымен қатар, бишілердің екінші тобы ІІ орынға қол жеткізе білді.Осы байқауда «Сұлу-ай» шығармашылық өнре орталығының өнерпаздарының мерейі арта түсті. Мәселен, аспапта ойнау жанры бойынша үздік өнер көрсеткен асқарлық Ақәділ Пернебаев пен Еркежан Кеңесбайқызы І орын алып, Алматы шаһарына баратын болды. Вокал жанры бойынша Марфуға Әубәкірова үздіктер қатарынан табылып, финалдық кезеңде бақ сынауға мүмкіндік алды.Республикалық байқаудың финалдық кезеңіне 5 жолдама алу өнер орталығы үшін үлкен жетістік, ауданымыз үшін зор қуаныш болды. Бұл ретте, ұстаздар еңбегі ерекше екенін айта кеткен жөн. Мамыр айына жоспарланған финалдық кезеңге тәжірибелі ұстаздар Әсел Ибраева, Гүлназ Сералиева, Ақжан Сәкенқызы, Әнел Сансызбаева өнерпаздарды бастап бармақ.&nbsp; &nbsp;

Сырдариялықтар республикалық байқауда бақ сынайды

Талғат Меңдібаев: Кітап құрттарының» 100-ге жуық отырысы өтті

<a href="https://kyzylorda-news.kz/">Kyzylorda-news.kz.</a>Сырдария ауданының орталығын көркейтіп, жайқалған жасыл желекпен көгалдандыру мақсатында көктемгі тал егу, тазалық жұмыстары белсенді түрде жүргізіліп келеді. Нақтырақ айтсақ, аудан орталығында «жасыл белдеу» қалыптастыру жоспарланған.Игі мақсатқа негізделген жоспар барысында жүйелі жұмыстар жүргізілуде. Күн жылығалы бері мекеме қызметкерлері мен тұрғындар тұрақты түрде сенбілікке шығып, ауданымыздың дамуына өз үлестерін қосып жүр. Аудан орталығы мен ауылдық округтерде тұрақты түрде қолға алынған игі бастама жалғасын тауып келеді.Осы күні кент орталығындағы басты көше саналатын А.Иманов көшесіне «жасыл белдеу» жұмыстарын жүргізу қарқын алды. Осы негізде көше бойына тал егіліп, шарбақтарын жаңалау жұмыстары жүргізілуде. Ағаш егу – бір жағынан сауапты іс. Атқарылып жатқан жұмыстар кейінгі буынға үлгі-өнеге де болып табылады. Аудан жасыл желекке оранса, жанға сая, ауа тазарып әрі туған жеріміз гүлдене түспек.<blockquote>Мен, Аманкелді Иманов көшесінде бірнеше жылдан бері тұрып келемін. Жылдар бойы жасалған жемісті жұмыстың арқасында Тереңөзек кентінің келбеті көріктеніп келеді. Қазіргі уақытта ауданымызға сырттан келген кісілер келсе, абаттану жұмысына қызыға қарайды. Бірнеше күннен бері сала мамандары «Жасыл белдеу» жұмысын &nbsp;жоғары деңгейде жасауда. Көше тұрғындары атынан ризашылығымды білдіремін, – деді еңбек және тыл ардагері Рахымжан Бәйменов.</blockquote>Негізінен «Жасыл белдеу» жұмысы «Қызылорда-Жалағаш» автожолы бойындағы «Рассойл» АЗС – «Кіші қалған» каналы аралығында, жалпы ұзындығы 750 метр аумаққа жүргізілетін болады. &nbsp;

Тереңөзек жасыл белдеуге айналады

<a href="https://kyzylorda-news.kz/ru/">Kyzylorda-news.kz</a>. Технократтық кезеңге қадам басқан сайын сан түрлі сала жойылып, кейбірі қажетсіз саналса, қалғаны қоғам қажеттілігін қамтамасыз ету үшін жаңа өзгерістерге бейімделіп жатыр. Соның ішінде екінің бірі бара бермейтін бизнес саласында өзгерістер орын алып, тамақтану орындары мен қонақүй кәсібі жаңа тыныс алуда. Мейрамхана сөзі XVIII ғасырдың екінші жартысынан бастап қолданысқа енсе, тұңғыш рет франциялық тавернде 1767 жылы қой етінің сорпасын ұсынған Буланже мырза мейрамхананың атасы атанып кетті. Қанша ғасыр өтсе де қажеттіліктен түспейтін, маңыздылығын жоймайтын мейрамхана ісін дөңгелетіп отырған қызылордалық Буланже – Василий Огай есімін тұрғындар білмегенмен, оның қолынан шыққан тіл үйірер, талғамнан шығар түрлі тағамның дәмін татып көргені анық.Кәсіпкер – 15 жылдық тәжірибесі бар аспаз ғана емес, қаладағы белгілі мейрамхананың келушілер көңілінен шығуына атсалысып жүрген ізденімпаз маман. Талай жылдан бері осы кәсіптің қыр-сырын меңгеріп, ыстығы мен суығын көрген ол бүгінгі күні өз өнімін шығаруды қолға алған. Қазіргі таңда оның цехында «Veranda street» брендімен ет өнімдері, халал сертификаты бар шұжықтар, жартылай фабрикат, салаттар, консервілердің 72-ден астам түрі өндіріледі. Айта кету керек, халал белгісі – Қазақстан Мұсылмандары Діни басқармасы «Халал өнімдерін стандарттау» бөлімінің сертификатын алған өндіруші тауарының қаптамасына қолданылатын, өнім сапасы мен оның қажетті талаптар мен стандарттарға сәйкестігін тікелей растайтын арнайы әмбебап таңба. Бұл таңба өндірілген дайын не жартылай дайын тағамдарда талапқа сай тазалықтың сақталғанын, қорықпай тұтынуға болатынын көрсетеді.Өткен жылы Байқоңыр «ӘКК» АҚ-ы бәсекелесі көп, бәсі биік кәсіппен айналысып жүрген Огай Василиймен бірлесіп, қалада ет және консервіленген өнімдер, жартылай фабрикаттарды өндіру және сату бойынша «KZO Food» ЖШС кәсіпорнын құрды. Қазір аталған цехта күніне 500 порция салат, консерві, шұжықтар шығарылады. Өндіріске шикізат ретінде негізінен жергілікті өнімдер қолданылады. Өнім өңірмен қатар Оңтүстік Қазақстан облысына да сатылымға жіберілуде.Іске асырылып жатқан жоба негізінде 30 адам тұрақты жұмыспен қамтылған. Кәсіпкердің айтуынша, өнімге сұраныстың артуына байланысты цехты кеңейтіп, кәсіби персонал санын 3 есеге арттыру жоспарлануда. Әмбебап аспаздар мен білікті даяшыларды табу қиындық тудырады екен. Себебі колледждердегі кәсіби арнаулы білім ескі кеңестік жүйенің шеңберінде қалып қойған. Осы мәселеге байланысты заманауи, әмбебап әрі өзгеріске бейім, әлемдік стандартқа сай мамандарды дайындауды қолға алып, жеке оқу орнын ашуды болашақ мақсаттарының қатарына енгізген. Сонымен бірге қазір қызмет көрсетіп жүрген тұрақты мамандар үшін де үнемі білімін жетілдіріп, кәсіби біліктілігін арттыру шарт. Компания қызметкерлері өткен жылы Санкт-Петербургте оқып келген.«KZO Food» жобасы үшін Василий өз қаражатының 75 процентін салса, қалған 25-ін «Байқоңыр» «ӘКК» АҚ-ы қаржыландырған. Бүгінгі таңда «Байқоңыр» «ӘКК» АҚ-мен бірлесе сатып алынған жабдықтар өнім көлемін 10 есеге арттыруда.Соңғы жылдары қолдануға тыйым салынғанына қарамастан, заңды құлаққа ілмей, табиғаттың жағдайын жөнсіз бұзып, сексеуіл ағашын кәсіпкерлік бағытта қолданып жүргендер қатары азаймай тұр. Мәселен, өткен жылдың өзінде осыған байланысты 2,6 млн теңге көлемінде айыппұл түскен дерек бар. Ал Василий – бұл мәселеде көпке үлгі болып, туған өлке мен табиғаттың жанашыры боп жүрген азамат.<blockquote>– Біздің кәсіпкерлікте ағаш көмірге көшкенімізге үш жыл болды. Көмір сексеуілден қымбат емес. Отын түрі ауысса да, етті стейктердің дәмі өзгерген жоқ, тұтынушыларымыз да азаймады. Есесіне туған жердің табиғатына немқұрайлық танытпай, пайдалы нәрсені таңдағаным үшін қуаныштымын. Кәсіпкерлерді, тұрғындарды сексеуілді, өңірдің табиғи байлығын бүлдірмеуге шақырамын, – дейді ол.</blockquote>

Василий Огай: «KZO Food» жобасы өнімді 10 есеге арттырды

​<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменов наурыздағы қала тұрғындарымен кездесуінде 2023 жылы атқарылатын жұмыстар қатарымен таныстырды. Соның ішінде шаһар басшысы биылғы жылы қаладағы аумақтардың инфрақұрылымдық деңгейін арттыру мақсатында атқарылатын жұмыс көп екенін баса айтты.&nbsp;Атап айтқанда, жарық, су, газ бен жол жөндеу жұмыстары қарқын алмақ. Мұндай жұмыстар қалаға қарасты Тасбөгет пен Белкөл кенттерінде де кең көлемді атқарылады. Мәселен, Белкөл кентіндегі Сарыарқа және Путейцев көшелеріне 2023 жылы асфальт төсеу жұмыстары жүргізілмек. Ал Жерұйық, Путейцев тұйығы, Әбдіқадыров №2, Әбдіқадыров №4, Әбдіқадыров №6 және Әбдіқадыров №9 көшелеріне қиыршық тас төсеу жоспарға енгізілген. Сонымен қатар кенттің Орталық және Бірлік көшелерінде жаяу жүргіншілерге арналған жол салынбақ.Мұндай жұмыстар Тасбөгет кентінде де атқарылады. Соның ішінде кенттегі С.Сейфуллин және Ә.Сапарбаев көшелеріне асфальт төсеу жұмыстары жүргізіледі. Ал биыл қиыршық тас төселетін көшелер тізімінде Тасбөгеттегі 21 көше бар. Атап айтқанда, Т.Тайманов, Н.Өткелбаев, Ә.Жангелдин, А.Жанкин, Ж.Әбілқасымов, Т.Батыршаев, Ғ.Мұратбаев пен Электросеть тұйығы, Ж.Дүйсенов, С.Майқанова, Ә.Молдағұлова, Қ.Исмайлов, А.Әбдібаев, Е.Ертуғанов, Ә.Оразбаев тұйығы, О.Сейтпенбетов, Ж.Тәжімов, Б.Меңдібаев, С.Өтеуов, С.Сейфуллин, Ғ.Мұратбаев пен Ж.Махамбетов көшелері бар.Айта кетерлік жайт Сабалақ саяжайындағы №1 көшеден бастап №18 көшесіндегі жолдарға да қиыршық тас төселетін болады.

Тасбөгет пен Белкөл кенттерінде биыл атқарылатын іс көп

<a href="https://kyzylorda-news.kz/">Kyzylorda-news.kz.</a> Сыбайлас жемқорлық – қоғамдағы ең қауіпті әлеуметтік құбылыстардың бірі. Кез келген дамыған қоғамда жемқорлыққа қарсы күрес жүргізу бірден-бір күрделі және маңызды мәселе.Осы орайда Қызылорда облысы бойынша Қылмыстық атқару жүйесідепартаментінің №37 мекемесінде ҚАЖ департаменті бастығының орынбасары әділет подполковнигі Жүніс Өтегенұлы Әбдіқайыровтың төрағалығымен «Ішкі істер органдары қызметкерлерінің сыбайлас жемқорлыққа қарсы күресу, оның алдын алу, жемқорлық әрекеттерге бой алдырмау» тақырыбында кезекті жиын өтті. Жиынға мекеменің жеке құрам қызметкерлері қатысты.Іс-шараның негізгі мақсаты - &nbsp;ҚАЖ саласына өз үлестерін қосып жүрген жеке құрам арасында сыбайлас жемқорлықтың алдын-алу, заң бұзушылықтарға жол бермеу болып табылады.Жиынды департамент бастығының орынбасары, әділет подполковнигі Жүніс Өтегенұлы ашып, қызметкерлердің өздеріне жүктелген қиын да жауапкершілігі мол қызметтерін заңдылықққа сәйкес атқару қажеттігін, қызмет барысында тәртіп пен заңдылықты қатаң сақтауды, сонымен қатар, парасаттылық құндылықтарын қалыптастыру, сыбайлас жемқорлыққа қарсы заңнамаға енгізілген өзгешеліктерге тоқталып, басшылар бағынышты қызметкерлеріне сыбайлас жемқорлық қылмысын жасатпауға, оның алдын алуға міндетті екендігін жеткізді. Одан соң ҚАЖД-нің өзіндік қауіпсіздік тобының жедел уәкілі әділет капитаны Р.Жамбылов ішкі істер органдарындағы тәртіптің, заңдылықтың және сыбайлас жемқорлыққа қарсы іс-қимылдың ағымдағы жылдың 1-тоқсанындағы жай-күйі туралы шолуымен таныстырды.Сонымен қоса ҚАЖ департаментінің кадр саясаты тобының бас маманы әділет майоры Ә.Беркінбеков баяндама жасады. Ол өз баяндамасында ҚР Сыбайлас жемқорлыққа қарсы іс-қимыл агентігі төрағасының «Сыбайлас жемқорлыққа қарсы мониторинг жүргізу қағидаларын бекіту туралы» бұйрық талаптарына сәйкес, кешенді жемқорлыққа қарсы мониторинг нәтижесімен таныстырды.Кездесу соңында департамент бастығының орынбасары әділет подполковнигі Ж.Әбдіқайыров кадр саясаты тобына жеке құрам арасында тәртіпті нығайту және сыбайлас жемқорлыққа мүлдем төзбеушілік ахуалын қалыптастыру бағытындағы атқарылып жатқан жұмыстарды тұрақты түрде жалғастыру жөнінде тапсырма берді.Мұндай мазмұндағы жиын қылмыстық атқару саласы Қызылорда облысы бойынша ҚАЖД бастығының орынбасары, әділет подполковнигі Ж.Әбдіқайыровтің төрағалығымен №68 мемелекеттік мекемесі, яғни тергеу изоляторында да &nbsp;өтті. Аталған шараға Қызылорда облысы бойынша ҚАЖД-нің кадр саясат тобының бас маманы әділет майоры А.Беркінбеков, ҚАЖД-нің өзіндік қауіпсіздік тобының аға жедел уәкілі, әділет капитаны Р.Жамбылов және мекеменің жеке құрамы мен ерікті жалдамалы қызметкерлері қатысты.&nbsp;Күн тәртібінде ішкі істер органдары қызметкерлерінің тәртіп пен заңдылықтың және сыбайлас жемқорлыққа қарсы күресі, оның алдын алу, жемқорлық әрекеттерге жол бермеу туралы мәселесі қаралды.&nbsp;ҚАЖД-нің бас маманы Ә.Беркінбеков ҚР &nbsp;Сыбайлас жемқорлыққа қарсы іс-қимыл агентігі төрағасының «Сыбайлас жемқорлыққа қарсы мониторинг жүргізу қағидаларын бекіту туралы» бұйрық талаптарына сәйкес, кешенді жемқорлыққа қарсы мониторинг нәтижесімен таныстырды.Жиын соңында подполковник Ж.Әбдіқайыров сыбайлас жемқорлыққа қарсы профилактикалық шараларды тиімді жүзеге асыру бойынша мекемменің кадр саясат бөлімі мен &nbsp;РжКБ- іне бірқатар &nbsp;ұсыныстар берді.

ҚАЖД қызметкерлері сыбайлас жемқорлыққа қарсы жиынға қатысты

<a href="https://kyzylorda-news.kz/ru/">Kyzylorda-news.kz</a>. Жалпы, мектеп бітіруші түлектер алтын ұямен қоштасу рәсіміне ерекше белсенділікпен дайындалатыны сөзсіз.Бұрын мектеп бітіру кештері мектеп пен ата-ана үшін ғана емес, қоғам үшін үлкен той болса, қазір мектеп бітіру кештерін ұйымдастырудың форматы өзгерген сынайлы. Оған себеп те жоқ емес секілді. Бір күндік, бірнеше сағаттық қуанышты шамадан тыс тойлаймын деп, үлкен өмірге қадам басқалы тұрған қаншама жас өкінішпен бетпе-бет келетіні рас. «Қымбат көлік жалдап, үлкен көшелерде ерсілі-қарсылы, әрібері жүреміз» деген жастардың ой-жоспарларының соңы қайғылы жағдайлармен аяқталатыны тағы бар. «Суға шомылуға барамыз» деп сан соғып қалғандар да бар. Осыны ескерген білім беру саласы мен ата-аналар өзара ақылдасып, ортақ шешімге келді. Тіпті еліміздің көп өңірінде мектеп бітіру кештерін сән-салтанатпен, үлкен шығынмен атап өтудің орнына мәні мен мазмұны ұштасқан рухани-танымдық іс-шаралар өткізу дәстүрге айналып келеді. Қазақылықтың қаймағы бұзылмаған қасиетті Сыр өңірінде де осынау жақсы үрдіс қалыптасуда.Аймақ басшысының тапсырмасына сәйкес мектеп бітіру кештерін ұйымшылдықпен өткізу, бітірушілердің өмірі мен денсаулығын қорғау, құқық бұзушылықты болдырмау және сыбайлас жемқорлық тәуекелдерін жою мақсатында кешенді іс-шаралар жоспары әзірленген. Осыған орай облыстық білім басқармасы тарапынан арнайы бұйрық қабылданып, барлық білім беру ұйымдарына жолданған. Аталған бұйрыққа сәйкес, оқу жылын аяқтау іс-шараларын ұйымдастыруға және мектепке жөндеу жұмыстарын жүргізуге оқушылар мен ата-аналардан, педагогтардан ақша жинауға қатаң түрде тыйым салынады.Білім басқармасының хабарлауынша, барлық деңгейдегі білім бөлімдерінің басшылары мен мектеп директорларына мектеп бітіру кештерін өткізу барысында оқушылар мен қызметкерлердің өмірі мен денсаулығына қауіпсіз жағдай жасалуын қамтамасыз ету тапсырылған. Оның ішінде мектеп бітіру кештерін міндетті түрде мектеп қабырғасында және білім ордасының ауласында өткізу, іс-шараға бітірушілердің мектеп формасымен қатысуын және барынша қарапайым түрде өткізілуін қатаң бақылау жүктелген. Бұл туралы облыстық білім басқармасының мектепке дейінгі және орта білім бөлімінің бас маманы Қарлығаш Әнуарова кеңінен айтып өтті.<blockquote>Жеке үйлер мен ресторандарда, басқа да ойын-сауық орындарында мектеп бітіру кештерін ұйымдастырудың қауіптілігі жоғары. Осыны әр ата-ана, әр оқушы ескеруі қажет. Мектеп бітірушілердің автокөліктермен кортежге шығуына жол бермеу керек. Бұл өте қауіпті және соңы өкінішпен аяқталған фактілер көп. Оқушылардың өмір қауіпсіздігі мен жасөспірімдер арасындағы құқық бұзушылықты болдырмау мен алдын алу тек білім саласының жұмысы емес. Сондықтан арнайы белгіленген іс-шаралар жоспарына сәйкес медицина, төтенше жағдай, құқық қорғау саласы мамандарымен бірлесе жұмыстар атқарылуда. Мектеп бітіру кештерін ұйымдастыру үшін ана-аналардан ақша жинауға, ата-аналар тарапынан мектеп әкімшілігі мен мұғалімдерге сыйлықтар берілуіне мүлдем жол бермеу үшін тиісті түсіндірме жұмыстары жүргізілуде. Негізі мектеп бітіру кештерін қарапайым түрде мектептің қолда бар мүмкіндігімен ұйымдастыру керектігі ескертіледі, – дейді облыстық білім басқармасының мектепке дейінгі және орта білім бөлімінің бас маманы.</blockquote>Айта кету керек, мектеп бітіруші түлектердің табиғат аясына серуендеуі, өзен, көлдерге, шағын су алаптарына суға түсуі де қатаң бақылауда болады. Ата-аналар өз балаларын назардан тыс қалдырмай, үлкендердің рұқсатынсыз және мектептің келісімінсіз ешқайда жібермеуі керек. Өйткені жастық желік пен қызығушылықтың соңы тәртіп бұзушылықпен аяқталуы мүмкін. Сондықтан білім саласының өкілдері осынау жауапты кезеңде әр ата-ана баласымен жеке жұмыс істеп, отбасы тарапынан ақыл-кеңес, тиісті ескертпе айтуы қажет деп есептейді. Бүгінде бұл бағытта кезекшіліктер ұйымдастырылып, педагогтар мен ата-аналар арасында ақпараттық-түсіндірме жұмыстары қамқоршылық кеңес мүшелері арқылы белсенді жүргізілуде.Ару Елемесова

Мектеп бітіру кештері өткізіле ме? 

<a href="https://kyzylorda-news.kz/">Kyzylorda-news.kz.</a> Облыс әкімдігінде комиссия төрағасы, облыс әкімінің орынбасары Н.Сақтағановтың төрағалығымен жастардың кәсіпкерлік бастамасына 2,5 пайызбен несие беру жөніндегі комиссияның алғашқы отырысы өткізілді.Қазақстан Республикасының Еңбек және халықты әлеуметтік қорғау министрінің "Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын бекіту туралы" ережесіне сәйкес облыс әкімінің 2023 жылғы 3 ақпандағы 23- өкімімен аталған комиссия құрамы бекітілген болатын. Комиссия құрамына ереже талаптарына сәйкес облыстық мәслихат депутаты, ауыл шаруашылығы, кәсіпкерлік мәселелері жөніндегі жергілікті атқарушы органдардың, "Атамекен" өңірлік кәсіпкерлер палатасының, қоғамдық бірлестіктердің, ғылыми-білім беру мекемелерінің, бизнес, өңірлік бұқаралық ақпарат құралдарының, салалық сарапшылардың өкілдері еніп отыр.Сонымен қатар, ереженің талабына сәйкес комиссия отырысына жұмыстың ашықтығы мен объективтілігін қамтамасыз ету үшін байқаушы ретінде «Ақмешіт жастары» Қызылорда облыстық газетінің тілшісі Дина Бөкенбай қатысты.Комиссия отырысына сенімді өкілдің іріктеуінен өткен, кепілдік мүлікпен қамтамасыз етілген құны 33,5 млн.теңгені құрайтын 7 өтінім түскен. &nbsp;Қызылорда қаласынан – 4, Арал, Сырдария, Шиелі аудандарынан 1 өтінімнен.Түскен 7 өтінімнің 3-уі жылқы шаруашылығына, 1 жоба құрылыс материалдары өндірісі (кәріз құдығы), қалған 3 –уі қызмет көрсету саласын дамытуға бағытталған (арнайы техника алу, жүк автокөлігі, косметикалық қызмет).Комиссия мүшелерінің дауыс беру нәтижесімен 7 үміткердің барлығы комиссияның оң шешім алып, қаржыландыруға жолданды.

Кәсіпкерлік саласындағы 7 үміткердің жобасы қаржыландырылады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Жас электрик – 2023» облыстық турнирі өтті. Шараға өңіріміздегі 8 техникалық және кәсіптік білім беру мекемесінің студенттері қатысты.Білім алушылар турнирдің алғашқы кезеңінде мамандыққа байланысты тест тапсырмаларына жауап берді. Мұнан кейін электр жабдықтарын монтаждау, электр тогымен зақымдаған адамға алғашқы көмек көрсету бойынша бақ сынап, қатысушылардың теориялық білімі мен практикалық дағдылары сынға түсті. &nbsp;<blockquote>– Турнирді өткізудегі мақсат – білім алушылардың кәсіби шеберлігін арттыру, теория мен тәжірибені ұштастыру. &nbsp;Облыстық шара Қорқыт ата атындағы Қызылорда университетінде 2021 жылдан бері өткізіліп келеді. Білім ордасында 2000 жылдан бастап «Электр энергетикасы» мамандығы бойынша кадрлар даярланады. Қазіргі уақытта бұл мамандық бойынша &nbsp;300-ден астам студент білім алуда, – деді «Электр энергетикасы, техносфералық қауіпсіздік және экология» кафедрасының меңгерушісі, техника ғылымдарының кандидаты Гүлнар Сыдыкова.&nbsp;</blockquote>Турнирде жеңімпаздарды Академиялық мәселелер бойынша Басқарма мүшесі – проректор Дана Абдрашева марапаттап, байқау білім алушылардың шеберлігін шыңдағанын атап өтті.&nbsp;Жалпыкомандалық есеп бойынша І орынды «Орда» жоғары колледжі, ІІ орынды Шиелі индустриалды-аграрлық колледжі, ІІІ орынды Арал көпсалалы колледжінің командасы иеленді. Сондай-ақ, үздік қатысушылар номинациялармен марапатталып, естелік сыйлықтар табысталды.&nbsp; &nbsp;<img src="https://knadmin.beoblood.kz/uploads/IMGL_5824_16f7f9aa09.JPG" alt="IMGL5824.JPG">

«Жас электрик – 2023» турнирінің жеңімпазы анықталды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжановтың төрағалығымен аудан әкімі жанындағы жастар ісі жөніндегі Кеңес отырысы өткізіліп, жастар саясатын жүзеге асыруда өзекті деген 4 мәселе қаралды.Қазіргі таңда ауданда 14 пен 35 жас аралығында 10 966 жас тіркелген. Мемлекеттік жастар саясатын қаржыландыруға 2023 жылға жергілікті бюджеттен 18 млн.теңге және жастарды дамыту мен қолдауға 4,2 млн.теңге бөлінді. Мемлекеттік әлеуметтік тапсырыс шеңберінде 3 жоба жүзеге асырылады.Күн тәртібіне сәйкес жастарға бағытталған мемлекеттік бағдарламалардың орындалу барысы туралы, оның ішінде: NEET санатындағы жастарды жұмыспен қамту, кәсіпкерлікке баулу бағытында атқарылған жұмыстар мен алдағы жоспарлар туралы. Жастар мен жасөспірімдер арасында қылмыстылық пен құқық бұзушылықтың алдын алу бағытында атқарылған жұмыстардың барысы. Қаракеткен және Мәдениет ауылдық округінде мемлекеттік жастар саясатын жүзеге асыру бойынша атқарылған жұмыстар мен алдағы міндеттер туралы мәселелер бойынша жауапты басшылар мен ауыл әкімдері хабарлама жасады.Аудан әкімі Асқарбек Есжанов кент және ауылдық округ әкімдеріне және тиісті бөлім, мекеме басшыларына күн тәртібіндегі мәселелерге сәйкес бірқатар тапсырмалар берді.Атап айтқанда, NEET cанатындағы жастардың кәсіптік оқыту, қайта даярлау курстарынан өтуін қамтамасыз етіліп, жастарды мемлекеттік бағдарламаларға, кәсіпкерлік мақсатта өткізілетін гранттық конкурстарға қатысуын және жаңа инновациялық жобалардың үлесін арттыру бағытында жұмыстар жүргізуді, мүмкіндігі шектеулі мүгедек балалары бар отбасыларды әлеуметтік және психологиялық қолдау шараларын ұйымдастырып, жастарды тұрақты жұмыспен қамту бағытында шаралар қабылдап, жастарға арналған несие беру туралы ақпараттарды әлеуметтік желілерде және елді мекендерде түсндірме жұмыстарын жүргізуді тапсырды.

Жалағашта мемлекеттік әлеуметтік тапсырыс шеңберінде 3 жоба жүзеге асырылады

<a href="https://kyzylorda-news.kz/">Kyzylorda-news.kz.</a> Бүгін көпбейінді облыстық балалар ауруханасының мәжіліс залында медицина саласына 45 жыл табанды еңбегін сіңірген білікті педиатр дәрігер Сәуле Сағынбайқызы Тұрғанбаеваның мерейтойына арналған салтанатты шара болып өтті.Шараға облыстық денсаулық сақтау басқармасының басшысы Олжас Ермекұлы Искаков қатысып, ардагер дәрігерді мерейтойымен арнайы құттықтап, құрмет көрсетті. Одан соң, облыстық медициналық &nbsp;ардагерлер ұйымының төрайымы Раиса Абдешовна Кузденова және педиатрия саласының ардагерлері Күләш Әбдіразаққызы мен Сапаргүл Сейітжаппарқызы 80 жастағы ардагер Сәуле Сағынбайқызына ізгі лебіздерін білдірді. Ардагердің мерейлі күніне арналған Салтанатты шара одан әрі өнерлі кешке жалғасты.&nbsp;Сәуле Сағынбайқызы білікті балалар дәрігері. 1970 жылы Алматы мемлекеттік медицина институтының «Педиатрия» факультетін бітіріп, 1970-1971 жылдары интернатурадан өтіп, еңбек жолын балалар ауруханасында аймақтық дәрігер болып бастаған.&nbsp;1979 жылы балалар ауруханасының қарқынды терапия &nbsp;бөлімінде педиатр-дәрігер, 1979 жылы өкпе-тыныс алу ауруларының бөлімінің меңгерушісі, 1987-2007 жылдары облыстық балалар ауруханасының нефрология бөлімінің меңгерушісі қызметтерін атқарған.Еңбек ете жүріп, «Денсаулық сақтау ісінің үздігі», «Ерен &nbsp;еңбегі үшін», «Еңбек ардагері» төсбелгілерімен марапатталған. Қазіргі таңда зейнеттегі аяулы ана, ардагер дәрігер.

Қазақстан және Қызылорда облысының жаңалықтары