<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрмәнбаев аудан әкімдігінің мәжіліс залында Чернобыль атом электростанциясындағы ядролық апаттың орын алғанына 37 жыл толуына байланысты апатты жоюға қатысқан Сырдария ауданының ардагерлерін арнайы қабылдаған болатын.Негізінен, 1986 жылы орын алған дүние жүзіндегі ең ірі радияциялық апаттың зардабын жоюға Кеңес Одағы бойынша 800 мыңдай адам қатысса, соның 32 мыңы қазақстандық азаматтар болды. Оның ішінде Сырдариялық 43 азамат 1986-1989 жылдары апат болған аумақта әскери борышын өтесе, бүгінде ауданда осынау апатты жоюға қатысқан 13 азамат бар.Қазіргі таңда аудан көлемінде апат орнында болған ардагерлерді қолдау, әлеуметтік-сауықтыру шаралары тұрақты жүргізіліп келеді.Кездесу барысында Чернобыль апатын жоюға қатысушы ардагерлер ұсыныс-пікірлерін айтып, ризашылықтарын жеткізді.<blockquote>– Бүкіл ғаламшарды уланудан аман алып қалған, апатты жоюға қатысқан барлық жанның алдында тағзым етіп, алғысымды білдіремін. Ардагерлердің отбасыларына амандық, дендеріне саулық тілеп, жасаған ерлік жас ұрпақтың жадында мәңгі сақталатынын жеткізгім келеді. Осыдан 37 жыл бұрын орын алған апаттың зардаптарын осы кезге дейін азаматтарымыз көріп келеді. Әрине, біз қашанда ардагерлерді құрмет тұтамыз, – деді аудан әкімі Берік Сәрменбаев. &nbsp; &nbsp;</blockquote>

Аудан басшысы ардагерлерді қабылдады

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы әкімінің орынбасары Д.Байдушевтың төрағалығымен «Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспарын» және облыстық «Есірткісіз аймақ» іс-шарасын іске асыру мақсатында кездесу ұйымдастырылды.Кездесуге Сырдария аудандық прокуратурасының прокуроры Б.Жұмағали, Сырдария АПб-нің бастығының міндетін атқарушы полиция майоры Ә.Қанзадаев, аудан әкімі аппаратының мемлекеттік-құқықтық жұмыстар бөлімінің басшысы Е.Зұлқарнаев, кент, ауылдық округ әкімдері және жауапты сала басшылары қатысты.Сырдария ауданында есірткінің заңсыз айналымына қатысты қылмыстарды алдын-алу, анықтау, болдырмау мақсатында және есірткінің заңсыз айналымын кәсіп еткен кылмыстық топтарды әшкерелеу бағытында облыстық прокуратурамен әзірленген «Есірткісіз аймақ» іс-шарасы жоспары бекітіліп, жоспар аясында құқық қорғау органдарымен бірлесіп тиісті жұмыстар жүзеге асырылуда.Сонымен қатар, барлық елді мекенде есірткі егілген жерлерді анықтау мақсатында жұмысшы топ құрылып, есірткіні заңсыз өсіру қылмыстарының алдын алу және анықтау мақсатында Меморандум бекітілген. Есірткі бизнесімен және нашақорлықпен күрес жүргізу тек қана құқық қорғау органдарының ғана емес, ол жалпы халықтың міндеті болып саналуы тиіс.Кездесу аясында кешенді жоспар жан-жақты талқыланып, жауапты сала басшыларына тапсырмалар берілді.

Сырдарияда кеселмен күрес жүргізілуде

<a href="https://kyzylorda-news.kz/">Kyzylorda-news.kz.</a>&nbsp; «Cыбайлас жемқорлықтың алдын алуға бағытталған ақпараттық түсіндірме шараларын және адам саудасының алдын алуға бағытталған шараларды ұйымдастыру» әлеуметтік жобасы аясында «Қазақтелеком» АҚ-да заңгер Нұрсұлтан Байменов мекеме қызметкерлеріне тегін құқықтық кеңес берді.&nbsp;Мекеме қызметкерлері түрлі салада өз сұрақтарын қойып, нақты жауаптарын алды.<blockquote>«Сыбайлас жемқорлық азаматтардың пара алуымен шектелмейді, бұл — мемлекетіміздің дамуына, экономикамыздың алға қарай жылжуына айтарлықтай зиян тигізетін құбылыс. Бұл құбылысты тек жазалап қана қоймай, оның алдын алу керек. Елімізде адамдардың жалпы мәдениеті көтерілмейінше, бұл кесел жоғалмайды», - дейді заңгер.&nbsp;</blockquote>Айта кетейік, іс-шараны қалалық қоғамдық даму бөлімінің тапсырысы аясында «Қызылорда облысының жастар Одақтары» қоғамдық бірлестігі ұйымдастырған.&nbsp; &nbsp;

Заңгерлер мекеме қызметкерлеріне тегін құқықтық кеңес берді

<a href="https://kyzylorda-news.kz/">Kyzylorda-news.kz.</a>&nbsp;Қармақшы ауданы әкімдігінің қолдауымен, Қармақшы аудандық мәдениет және спорт бөлімінің Көшеней Рүстембеков атындағы Жыраулар үйінің ұйымдастыруымен Ақтөбе ауылдық мәдениет үйінде Қазақтың ұлттық мәдениетінде өзіндік елеулі әдеби мұра қалдырған жырау Молдахмет Дабыловтың туғанына 130 жыл толуына орай ұйымдастырылған "Молдахмет - жырдың жорғасы" атты облыстық жас жыршы-термешілер байқауы жоғары деңгейде ұйымдастырылып өткізілді.Жыр байқауын Қармақшы аудандық мәдениет және спорт бөлімінің басшысы Дәурен Дауылбекұлы Ержанов ашып сөйлеп, қатысушыларға сәттілік тіледі. Байқауға қатысушы өнерпаздардың өнерін сараптайтын қазылар алқасы Серік Орынбекұлы Жақсығұлов - жырау, «Мәдениет саласының үздігі» төсбелгі иегері, Қазылар алқасының төрағасы, Қыдырбек Өмірбайұлы Саденов– жыршы, №109 орта мектептің тәрбие ісі жөніндегі орынбасары, Қазылар алқасының мүшесі, Айгерім Бостанқызы Ешбаева - жырау, К.Рүстембеков атындағы Жыраулар үйінің директоры қазылық жасап, нәтижесінде І орын қармақшылық Руслан Өтегеновке, ІІ орын қазалылық Айдас Тұрарға, ІІІ орын қызылордалық Гаухар Ахметқызына берілді. Қалған барлық қатысушылар арнайы Алғыс хаттар мен бағалы сыйлықтармен марапатталды. Молдахмет жыраудың ұрпақтары Ғабит, Лиза апайлар арнайы қатысушыларға сый сияпаттарын жасап, ұйымдастырушыларға алғысын білдірді. &nbsp; Азаматтық, адамгершілік тұлғасымен халқының тарихында өшпейтін мұра қалдырған Молдахмет Дабылұлының есімі ұрпақтарымен мәңгі жасай беретіні ақиқат.Қармақшы ауданында комиссия отырысы өттіҚармақшы ауданы әкімінің орынбасары Жұлдызхан Байназарұлының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Отырысқа комиссия мүшелері, құқық қорғау органдарының басшылары, мектеп директорлары қатысты.Комиссия отырысының күн тәртібіне сәйкес жиында «Балалар мен жасөспірімдер арасында саламатты өмір салтын қалыптастырудағы жастар денсаулығы орталығының атқарған жұмыстары туралы», «Кәмелетке толмаған жастар мен жасөспірімдер арасында құқық бұзушылықтардың алдын алу бағытында Қармақшы аудандық жастар ресурстық орталығының атқарған жұмыстары туралы», «Кәмелетке толмаған жасөспірімдер арасында деструктивті діни ағымдардың алдын алу және таралуын болдырмау бағытында ұйымдастырылған шаралар туралы» тиісті сала басшылары мен жауапты қызметкерлердің баяндамалары тыңдалды.Сондай-ақ, жиында қаралған мәселелерге байланысты комиссия мүшелері өздерінің ұсыныс-пікірлерін ортаға салды. Комиссия төрағасы тиісті сала басшыларына кәмелетке толмағандардың профилактикасын күшейту, жасөспірімдер арасында құқық бұзушылықтың алдын алу жұмыстарын күшейту жөнінде нақты тапсырмалар берді.<img src="https://knadmin.beoblood.kz/uploads/343133182_207053528914440_4062991867959343839_n_fe2f96cb19.jpg" alt="343133182_207053528914440_4062991867959343839_n.jpg">Терроризмге қарсы комиссия аппаратының кеңейтілген отырысы өттіЖақында Қармақшы ауданы әкімінің орынбасары Жұлдызхан Ерқосаевтың төрағалығымен Қармақшы аудандық терроризмге қарсы комиссия аппаратының кеңейтілген отырысы өткізілді. Комиссия отырысына облыс әкімі аппаратының терроризмге қарсы қызмет бөлімінің басшысы А.Абишева, облыстық дін істері басқармасының басшысы Б.Қамзаев, облыстық терроизмге қарсы орталықтың қызметкері Ә.Салимов арнайы қатысты. Жиын барысында діни экстремизмнің алдын алу бағытындағы Қармақшы аудандық ақпараттық- түсіндірмелік топ мүшелерінің жұмысын жетілдіру бағытында ұсыныстар талқыланып, сала басшыларына тиісті тапсырмалар берілді.<img src="https://knadmin.beoblood.kz/uploads/343669131_1019099322404089_8774312141373177390_n_28fe471b42.jpg" alt="343669131_1019099322404089_8774312141373177390_n.jpg">Бүгін – жедел жәрдем медицина қызметкерлерінің күніҚармақшы аудандық орталық аурухана «Емхана жанындағы кезек күттірмейтін жедел жәрдем бөлімі» құрамында 1 бөлім меңгерушісі, 5 фельдшер, 5 шақыртуды қабылдау мейіргері, 5 санитарлық автокөлік жүргізушісі жұмыс жасайды. Бөлімнің жұмыс уақыты таңғы сағат 8:00-де кезекшілікті қабылдаумен басталып, кешкі кезекшілікті 17:00-де жедел медициналық көмек бөлімшесінің фельдшерінің өзара кезекшілікті қабылдауымен жалғасады.Бөлімшенің қызметі Қазақстан Республикасы Денсаулық сақтау министрінің 2020 жылғы 30 қарашадағы № 225/2020 «Жедел медициналық жәрдем, оның ішінде медициналық авиацияны тарта отырып көрсету қағидаларын бекіту туралы» бұйрығы бойынша жүргізіледі. Бөлімшеге түсетін шақыртулар жоғарыда көрсетілген бұйрық бойынша 4-жеделділік сағатындағы шақыртуларға барады. 4 (төртінші) жеделділік санатындағы шақырту дегеніміз – жедел немесе созылмалы ауруының асқынуынан туындаған, ағзалар мен жүйелердің кенеттен болған және айқын көрінетін бұзылуларынсыз пациенттің өмірі мен денсаулығына тікелей және әлеуетті қауіп төндірмейтін пациенттің жай-күйі. 4-жеделділік санатының шақыртулары келіп түскен кезде «Жедел медициналық көмек бөлімі» диспетчері автоматты басқару жүйесі арқылы шақыртуларды қабылдап, жедел медициналық көмек бөлімшесінің фельдшерлік және мамандандырылған (дәрігерлік) бригадаларына беріледі. Емхана жанындағы жедел жәрдем бөлімшесі электрокардиография, дефибриллятор, портативтный кислород, небулайзер аппатараттарымен қамтылған. Шақырту барысында науқасқа көмек көрсетуге арналған дәрілермен қамтылған. <img src="https://knadmin.beoblood.kz/uploads/343777762_744370344002818_7566830248026250121_n_eda21d1837.jpg" alt="343777762_744370344002818_7566830248026250121_n.jpg">

Қармақшыда облыстық жас жыршы-термешілер байқауы өтті

<a href="https://kyzylorda-news.kz/">Kyzylorda-news.kz.</a> ХХІ ғасырда барлық жағынан дамыдық деп шүбәсіз айтуға болады. Тек ақшаң болса болғаны. Қалауыңды істей аласың. Керек десеңіз, табиғатыңнан бұйырмағанды қолдан жасап аласың. Бұл күндері келісті мүсін, жасанды кірпік, бояма қас, дүрдиген ерін, әрлі тырнақ, әдемі көрінетін үлкен көкірек жасату қыздарға аса қиын емес.Көпке топырақ шашудан алшақпыз. Осының салдарынан қыз-келіншектер денсаулығына қаншалықты зиян келтіріп жатқанын білмесе керек. Білсе, олай Алланың жаратқан мүсініне қарсы шықпас еді.&nbsp;Әдемі боламын деп жүріп, түрлі тері ауруларын жұқтыратындары да бар. Ол ол ма, алаяқтарға алданып, қалтасынан қағылатындар да жоқ емес. Мәселен, осыдан 1 жыл бұрын қарағандылық 162 әйел заты алаяқтардың құрбаны болып, үлкен сомада несие төлеуге мәжбүр болды. Нәзік жандардың әу бастан әдемілікке ұмтылатын жанды жерінен дөп басып, өз мақсаттарына пайдаланған сұлулық салонының қызметкерлері келтірген шығын алдын ала жүргізілген есеп бойынша 25 миллионнан асады. Жасыратыны жоқ, жыл сайын алаяқтықтың түрлері де, соған сәйкес саны да артуда. Әсіресе, сұлулық салондарына алданып, сан соққандар жайлы ақпараттар желіде желдей есіп жүр.Осындай жағдаяттарды біле тұра жасандылыққа жаны құмар, сырт келбетінің сұлулығы үшін ақшасын да, өзін де аямайтын аруларымыз баршылық. Себебі жасандылықты көшедегі бес арудың үшеуінен байқаймыз. Ендеше, әріге кетпей-ақ қарлығаштың қана¬тындай қас пен қайырылған қалың кірпік¬тің мәселесін айтайықшы.Сырт көзге әдемі болып көрінгенімен, қабаққа желімделген кірпіктің адамға қаншалықты қиындық туғызатынынан бейхабармыз. Сұлулық құрбандықты талап етеді деп жасанды кірпік жалғап жүріп, көзіңізді биттетіп алуыңыз әбден мүмкін. Бастың битттейтінін жақсы білеміз, ал кірпік те дәл солай биттейтінін білдіңіз бе?Бір қарағанда, кірпік жабыстыруда тұрған ештеңе жоқтай көрінеді. Алайда нағыз биттің шоғырланатын жері дәл осы жасанды кірпіктер екен. Оған себеп – сіз барған сұлулық салонының қызметкері құрал-саймандарын аса ұқыптылықпен таза ұстамай, кірпігіңізді биті бар тарақпен тараса болды, арғы жағында жайылатын бактерияларды ойлаудың өзі қорқынышты. Содан соң биттеп кеткен кірпікті елестетіп көріңіз. Зерттеулерге сенсек, кірпік жасатқан он адамның алтауы дәл осы салғырттықтың құрбаны болады.Бірі табиғи қасының пішіні мен көлемін өзгертсе, енді бірі мүлде қасын қырып ¬тастап, өзі қалаған түске боятады немесе оюлап, татуаж салдырады. Осы жерде артық қыламын деп, тыртық қылып алмауды ойлаған жөн-ау. Денені инемен тескен кезде, одан тері арқылы адамның қанына сан түрлі жұқпалы дерттің түсуі мүмкін. Жасанды қасты жиі жасататын адамдардың ағзасы уақыт өте келе онкологиялық аурулардың тууына бейімделеді. Көп жағдайда зардабы 8-10 жылдан соң белгілі бола бастайды. Себебі түрлі-түсті бояулардың қолданылуы кезінде тері арқылы қан тамырлары мен адамның ішкі мүшелері уланады.Дінімізде де қасты жұлуға тыйым салынған. Өйткені, шариғатта сырт көзге әдемі көріну үшін қас жұлған дұрыс емес. Алла Елшісі (с.а.у) өзінің бір хадисінде: «Жасанды шаш кигендер мен кигізгендер және қастарын жұлғандар мен жұлғызғандар, сондай-ақ, денеге сурет салдырғандар мен салғызғандар Алланың лағынетіне душар болады», – деген. Бірақ бұл ретте тағы бір жайды ескеруіміз керек. Әйелі күйеуіне ұнау мақсатында әдеміленуіне болады. Бірақ Құранда тыйым салынған шариғат үкімінен аспауы керек.Жалпы қас жайында мынадай қызық мәлімет бар.Ғалымдардың зерттеуі бойынша қастың әрбір талының ми жасушасымен байланысы бар екендігі анықталған. Оның әрбір талын жұлғанда ми жасушасының біреуі өлетіндігі айтылады. Енді өзіңіз мүлде қасын қырып, жасанды қаспен жүрген сұлудың жүйке жүйесін ойлап көріңізші.Иә, қызға әдемілік қашанда жарасқан. Қала берді қазақ қызды гүлге теңеп, әсемдік пен сұлулықтың символы деп бағалайды. Сол сияқты жастық та мәңгілік емес. Қарттық дегеніне жетпей қоймайды. Әр жастың өзіндік ерекшелігі, артықшылығы бар. Жас келген сайын адам айналасына сырт келбетімен емес, даналығымен сүйкімді бола түспей ме?!

Жасанды сұлулық: Денсаулыққа зиянды әдеттер

<a href="https://kyzylorda-news.kz/">Kyzylorda-news.kz.</a> Балалық балдәурен шақты ойынсыз елестету қиын. Бір кездері қыздардың құмға су құйып, ыдыс жасағаны, анасының жарамсыз шұлығынан секірме резеңкесі, жерді сызып, тас лақтырып ойнайтын «галкасы», айналадағы бес-алты үйдің қыздарына ортақ жалғыз қуыршаққа жарыса киім тігетін ойындары қандай қызық десеңізші.Ал ұл балалардың таң атқаннан қас қарайғанша үй бетін көрместен соқыр теке, ләңгі, аударыспақ, асық, шілдік, ханталапай ойнағандары бөлек әңгіме. Иә, осыдан бірнеше жыл бұрын балалар өз ойыншықтарын өздері жасап алатын. Ол кездері қазіргідей дүкен сөрелерінде толып тұратын ойыншықтар жоқтың қасы. Ғаламтордың не екенінен хабарсыз бейқам балалар сонда да ойынның түр-түрін білетін. Бірге жүгіріп, бірге күліп, эмоция алмасатын. Өмірдегі жеңу, жеңілу, күресу, құрметтеу, табандылық және сабырлы болу сияқты дүниелерді ойындар арқылы үйренетін.Ал қазіргідей ақпараттық технологияның дамыған заманында ойын десе ойымызға интернет клубтар мен компьютерлер келеді. Экраннан басын алмайтын балалар әлеуметтік ортадан, қоғамнан алыстап бара жатқаны алаңдатпай қоймайды. Себебі, ғаламтордағы пайдасынан зияны көп мыңдаған ойындардың дені атыс-шабысқа бағытталған. Бөлменің бір бұрышында телефонға шұқшиып отырған баланы таза ауада ойнату қиынның қиыны.Бұрынғыдай тәрбиелік мәні зор ұлттық ойындарды қайта жандандыру үшін қайтпек керек? Мүмкін, мектеп бағдарламасына енгізген дұрыс шығар. Дене шынықтыру пәні мұғалімінің міндеті оқушыларды сапқа тұрғызып, бірінші-екіншіге санатқызумен ғана шектелмесі анық. Барлығына бірдей күйе жағудан аулақпыз. Десе де, дене тәрбиесі сабағы көбіне ұзындыққа секіртіп, қашықтыққа жүгірту, баскетбол, волейбол, дойбы ойындарының аясында ғана өтетінін кімнен жасырамыз? Бала не нәрсені болса да ойын арқылы тез үйреніп, меңгеріп алуға мүмкіндігі мол екені ғылымда дәлелденген. Кез келген мектеп маңында дене шынықтыру сабағына арналған үлкен ойын алаңы бар. Ол тек футбол және баскетбол ойындарын ойнауға арналмаған болар. Қолдарына доп ұстатып, 40 минут бойы алаңқайға жүгіртіп жібергенше, ұлттық құндылықтарымыздың бірі – ойындарды бойына сіңіруге үлес қосқан абзал. Олай дейтініміз, баланың мектеп қабырғасындағы уақыты нағыз ойынның қызығына бататын шағы.Мәселен, шілдік ойыны көп айтыла бермейтін, қалыс қалып бара жатқан ойындар қатарында. Оның қызығына батып ойнағандардың соңғы буыны бүгінде орда бұзар жасқа жеткен. Жерді ұзындығын 30-40 сентиметр, енін 4-5 ¬сантиметрдей етіп қазады. Содан соң сәл ірілеу жыңғыл ағашын екі шетін қалам ұшындай етіп үшкірлеп, жаңағы қазған жерге бір шетін жоғары қаратып орналастырады. Енді ойыншы жалпақ ағашпен әлгі жердегі таяқты ұрып жоғары көтереді де ары қарай ұра жөнеледі. Мақсаты – таяқты алысқа лақтырып, жерге түсірмей қайта қағып алу. Таяқ жерге түсіп, жеңілсе, келесі ойыншы жалғастырады. Бұл ойын баланы жылдамдыққа, ептілікке, ұқыптылыққа баулитын таптырмас құрал.Бүгінде тоғызқұмалақтың мектеп бағдарламасына енгені көңіл қуантады. Сол секілді жоғарыда айтылған ханталапай, шілдік, ләңгі секілді ойындарды да ұмыт қалдырмай, насихаттауды қолға алсақ екен. Мәселен, аптасына 3 мәрте болатын денешынықтыру сабағының бір күнін ұлттық ойындарға арнауға болатындай. Сонымен қатар республикалық деңгейде жарыстар мен олимпиадалар ұйымдастырылып тұрғаны да құба-құп.Қысқасы, ұлттық ойындардың беделін көтергеніміз абзал. Себебі халық ойындары – ұлттық тәрбиенің басты құралы. Ал өскелең ұрпаққа ұлттық тәрбие беру бүгінгі қоғамның маңызды міндеті.

Ойын ойға жетелейді

<a href="https://kyzylorda-news.kz/">Kyzylorda-news.kz.</a> Кітап оқу – адамға өзіндік әсер етіп, оның адам болып қалыптасуында маңызды рөл атқарады. Президент Қасым-Жомарт Кемелұлы Тоқаев кітап оқу мен кітапханаларды қолдау қоғам дамуының басты міндеттерінің бірі екенін айрықша атап айтқаны баршамызға белгілі. Осындай мақсатта жуырда Шиелі аудандық балалар кітапханасының ұйымдастыруымен 23 сәуір – Дүниежүзілік кітап және авторлық құқық күніне орай «Кітап оқып, рухани бай бол» атты байқау өтті.Еліміздегі және шетелдік ақын жазушылардың шығармаларын насихаттау, және жастардың кітапқа деген ынтызарлығын ояту мақсатында өткен бұл байқауға бірқатар мектеп оқушылары, сондай-ақ №45 «Ақ Орда» мектеп гимназиясының жанынан құрылған «Тұран» үйірмесінің &nbsp;мүшелері мен аудандық Оқушылар үйіндегі «Жас әдебиетші» үйірмесінің &nbsp;жас өнерпаздары қатысты. Байқауда үміткерлер ережеге сәйкес, өзі таңдаған кез келген шығармадан үзіндіні мәнерлеп оқып, өзара бақ -сынасты. &nbsp;Нәтижесінде, №270 Ғ. Мұхамеджанов атындағы орта мектептің 4 «Ә» сынып оқушысы Балнұр Ниязбекова жазушы Роза Мұқанованың «Мәңгілік бала бейнесі» шығармасын орындап, бас жүлдені иемденді. Бұдан бөлек байқауға қатысқан барлық оқушылар арнайы сыйлықтарға ие болды. Жалпы саны 34 жас оқырман қатысқан бұл байқауда оқушылар өздерінің кітап оқуға деген ынтасын байқатып, көрермендердің алғысын алды.

Шиеліде кітап оқу байқауы өтті

<a href="https://kyzylorda-news.kz/">Kyzylorda-news.kz.</a>&nbsp; Қазақстан халқының бірлігі мерекесінің жалпыхалықтық сипатын ескере отырып, облыстық іс-шаралар жоспарына 40-тан астам қоғамдық-бұқаралық, мәдени-көпшілік, спорттық, ағартушылық және ғылыми-танымдық шаралар енгізілді. Бұл туралы Өңірлік коммуникациялар қызметінің ақпарат алаңында өткен брифингте облыстық қоғамдық даму басқармасының басшысы Алмасбек Есмаханов мәлімдеді.<blockquote>- 1 мамыр - Қазақстан халқының бірлігі мерекесі 24 сәуірден бастау алып 3 мамырға дейін жалғасады. Атап айтқанда, 24-28 сәуір аралығында Достық үйінде «Достық үйі – келісім мен бірлік мекені» тақырыбымен ашық есік күндері, жоғары және орта арнаулы оқу орындарында «Бірлігіміз – әралуандылықта» тақырыбымен лекторийлер, облыс музейлерінде «Қазақстан – достықтың киелі бесігі» атты көрмелер, облыс кітапханаларында «Татулық – достықтың киелі бесігі» атты кітап көрмелері, әдеби кештер, дөңгелек үстелдер өткізіледі. Ал, мекемелерде мерекелік қабылдаулар мен мәдени-танымдық кештер, облыстық Ассамблея жастарының Этно fest фестивалі, «Бірлік – бітімгерліктің бастауы» атты интеллектуалды сайысы болады, - деді А.Әбілқасымұлы.</blockquote>Сондай-ақ, Қызылорда қаласы мен аудандарда мерекелік театрландырылған қойылымдар, концерттік бағдарламалар, халықтық серуендер, «Таза аула» сайыстары, қайырымдылық шаралар мен волонтерлік көмектер ұйымдастырылады.Облыстың негізгі мерекелік мәдени-көпшілік шарасы 1 мамыр күні сағат 10.00-де Қызылорда қаласының «Сыр ана» монументі алаңында «Татулығы жарасқан – берекелі Қазақстан» тақырыбымен өтеді.Жалпы, мерекелік іс-шаралар азаматтардың жағымды көңіл-күйін қалыптастыруға, тұрақтылықты, қоғамдық келісім мен жалпыұлттық бірлікті нығайтуға ықпал етеді.

Алмасбек Есмаханов: Қазақстан халқының бірлігі мерекесі 24 сәуірден бастап 3 мамырға дейін жалғасады

<a href="https://kyzylorda-news.kz/">Kyzylorda-news.kz.</a>&nbsp; 1 мамыр - Қазақстан халқының бірлігі мерекесі, 7 мамыр - Отан қорғаушылар күні мен 9 мамыр – Жеңіс күні облыс көлемінде кең көлемде аталып өтіледі. Бұл туралы Өңірлік коммуникациялар қызметінің ақпарат алаңында өткен брифингте журналистерге ақпарат берілді.<blockquote>- 2023 жыл маңызды оқиғалармен мерекелік іс-шараларға толы. Солардың қатарында мамыр мерекесінің басты идеялық мазмұны - өзара сенім мен азаматтық теңдік қағидаттары, барша қазақстандықтардың бір-біріне ізгі ниеті, әр азаматтың ел тағдырына жауапкершілігін сезінуі негізінде қазақстандық бірлікті дамыту, өркендеген мемлекетті жүйелі түрлендіру және бірлесіп құру, - деді облыстық қоғамды даму басқармасының басшысы Алмасбек Есмаханов.</blockquote><figure class="image"><img src="https://knadmin.beoblood.kz/uploads/343750995_967505947939924_1585156238599008785_n_7c42b44f3c.jpg" alt="343750995_967505947939924_1585156238599008785_n.jpg"></figure>Осы ретте айта кету керек, күні кеше Мемлекет басшысы Қасым-Жомарт Кемелұлы Тоқаевтың қатысуымен Қазақстан халқы Ассамблеясының «Әділетті Қазақстан: бірлік, тұрақтылық, даму» атты ХХХІІ сессиясы өтті. Оған облысымыздан 25 адам делегация қатысты.Басқарма басшысы Алмасбек Әбілқасымұлы сессияда көтерілген мемлекеттік тіл, азаматтық патриотизм және ұлттық бірегейлік, этносаясатты дамытудың өзекті мәселелері басшылыққа алынып, жүйелі жұмыстар атқарылатынын жеткізді.Қазақстан халқының бірлігі мерекесіне орай, оның жалпыхалықтық сипатын ескере отырып, облысымызда 40-тан астам қоғамдық-бұқаралық, мәдени-көпшілік, спорттық, ағартушылық және ғылыми-танымдық шара өткізіледі. Мереке 24 сәуірден басталып 3 мамырға дейін жалғаспақ.Облыстың негізгі мерекелік мәдени-көпшілік шарасы 1 мамыр күні сағат 10.00-де Қызылорда қаласының «Сыр ана» монументі алаңында «Татулығы жарасқан – берекелі Қазақстан» тақырыбымен өтеді.Онда шатырларда түрлі Ұлт өкілдері мен қазақ халқының қолөнер туындыларының, ұлттық тағамдарының көрмелері қойылып, өнері көрсетіледі. Сондай-ақ, гүлдер фестивалі ұйымдастырылатын болады. Сахна алдындағы шара театрландырылған қойылыммен басталады және жергілікті өнерпаздардың концерттік бағдарламасымен жалғасады.Сонымен қатар, биыл Жеңіс жалауының желбірегеніне 78 жыл. Отан қорғаушылар күні мен Ұлы Отан соғысындағы Жеңіс күнін мерекелеу әскери дәстүрлердің сабақтастығымен мемлекеттің бейбітшілігін, аға ұрпақтың ерлігі мен батырлығы көрінісінің ажырамас бөлігі.Сыр өңіріндегі атаулы мерекенің шаралары 3-10 мамыр аралығына жоспарланған. Жоспарға 60-тан астам негізгі шара енді.Сондай-ақ, өткен жылдан бастап еліміздің мемлекеттік туы түстес «Жеңіс лентасы» патриоттық лентасын мереке күндері жаппай кию бастамасы кеңінен қоғамдық қолдауға ие болған. Осы ретте, «Жеңіс лентасын» Отан қорғаушылар күні мен Жеңіс күнін мерекелеудің бірыңғай шоғырландырушы атрибуты ретінде кеңінен пайдаланылып, халық арасында таратылады.<figure class="image"><img src="https://knadmin.beoblood.kz/uploads/343683597_212540694817884_6312577924150514894_n_ccee75fa62.jpg" alt="343683597_212540694817884_6312577924150514894_n.jpg"></figure>

Қызылорда: Мамыр мерекелері кең көлемде аталып өтіледі

<a href="https://kyzylorda-news.kz/">Kyzylorda-news.kz.</a> Депортация латынша deportatio – «қуғындау», «көшіру» деген мағынаны білдіреді. Халықтар депортациясын белгілі бір ұлт өкілдерінің, белгілі бір іс-әрекеттеріне байланысты елден қуылуы деп түсіну қажет. Ал, шетел тіліне енген сөздер сөздігінде «депортация» – қылмыстық және әкімшілік жаза ретінде мемлекеттен қуылу, көшіру, жер аудару деп көрсетілген.&nbsp;1920-1950 жылдары тұрғындарды күштеп көшіру – сталиндік қуғын-сүргіннің негізгі құрамдас бір бөлігіне айналды. Жалпы, КСРО-да депортацияға ұшырағандардың саны 1920 жылдан 1949 жылға дейін 3,2 миллион адамға жетті. КСРО-да ең көп орын алған жаппай қуғын-сүргіндік көші-қондардың бірнеше түрлері қолданылды. Этностың белгілері бойынша депортация «жазаланған халықтар», «шекараларды тазалау»,«сенімсіз халықтар» делінді. Әлеуметтік-таптық белгілері бойынша депортация 1934 жылға дейінгі кулақтарды жер аудару кезінде келгендерді арнайы көшірілгендер (спецпереселенцы) деп атады. Саяси мүдде негізіндегі 1934-1944 жылдары көшірілгендерді «еңбек қоныстарындағылар» деп атады. 1944 жылдан бастап «арнайы қоныс аударылғандар» деген атау қолданылды. Киелі де, қасиетті Қазалы топырағы тағдыр тәлкегімен Қазақстан аумағына жер аударған әртүрлі этнос өкілдерінің құтты қонысына айналған қасиетті мекен. 1 мамыр – Қазақстан халқы бірлігі күні қарсаңында өңірде тұрақтап, тамырын жайып, өмір сүріп жатқан бірқатар ұлт өкілдерімен тілдескен едік.Мереке ескерусіз қалмайдыРесейдің Алатайский аймағы, Бийск қаласынан Байқоңыр қаласына көшіп келіп, 2000 жылдан бастап Қазалы топырағына қоныс тепкен Советова Алеся Андреевна орыс халқының өкілі, бүгінде қазақ отбасының келіні.<blockquote>«Жалпы, Қазалыдағы орыстардың дені қазақ тілін өте сауатты меңгерген. Бүгінде араласатын ортам да қазақ. Мұнда көшіп келгенде 10 жаста екенмін. Қазақ тілін тез меңгеріп кеттім десем қателеспеймін. Алғаш келгенде ауызекі тілді ғана білсем, қазір еркін сөйлеймін. Сондықтан болар, мұндағылар атым мен тегім орыс болса да, менің қазақшама таңданыс білдірмейді. Себебі, нағыз қазақы ортада өскен соң, қазақи тәрбиені, құндылықтарды бойыма сіңірдім. Бұл ретте, анамның, нағашыларымның септігі көп тиді. Соның арқасында, бүгінде қазақ жігітіне тұрмысқа шығып, бір үйдің түтінін түтетіп, келін атанып отырған жайым бар. Балаларым да, қазақша тәрбиеленіп, қазақ тілінде білім алып жатыр. Өзімнің орыс ұлтынан екенімді ешқашан ұмытқан емеспін. Десек те, бүгінде өмірім өзім өсіп-өнген өңірмен өріліп жатқан соң, өзімді қазақтан алыс санамаймын. Себебі, мен жанымда жүрген жандарды, ұлтқа бөлмей, бәрін тең туыс көремін. Олар да, мені жатқа балаған емес. Барлығымыз жиі басымызды қосып, әр мерекені ескерусіз қалдырмауды әдетке айналдырғанбыз. Осының өзі бейтбітшіліктің көрінісі емес пе? Осындай бақты бағалай білсек екен. Өзара тату болып, достығымызға сызат түсірмей, бәріміз бір болайық дегім келеді», - дейді Алеся Советова.</blockquote>Сыйласаң – сыйлы боларсың&nbsp;Ұлы Отан соғысы жылдарында қуғын-сүргінге ұшырағандар санатында корей халқы да бар екендігін тарихтан білеміз. Сол жылдары Ресейдің Приморск өлкесінен Қазақстанға Қазалының байырғы тұрғыны саналатын Тен әулеті депортацияланған еді. Бүгінде ұрпақ сабақтастығын жалғаған әулеттің қызы Ким Елена Владимировна үшін туған топырағы тұмарына айналған.<blockquote>«Мен Қазалы қаласында туып-өстім. Әке-шешем де осы өңірдің байырғы тұрғындары. Киелі мекенде туылып, көңілі даладай қазақ жұртының ортасында өсіп-өнгеніме қуанбасам, еш өкінген емеспін. Қазақылықтың қаймағы бұзылмаған өлкенің тұрғындары біздің басқа ұлт өкілі екендігімізге қарамастан жылы шырай танытатын. Мұны біз ешқашан ұмытпаймыз. Ал, оларға деген біздің сыйластығымыз риясыз болуы шарт. Үлкендеріміз де: «Қазақ халқына деген сыйластықтарың риясыз болсын» деп жиі айтатын. Сол өсиетті өскелең ұрпаққа да аманат еткіміз келеді. Тек қазаққа емес, адамзаттың бәріне сыйластығымыз болса екен. «Сыйласаң – сыйлы боларсың» демекші, жарастық орнағанда ғана бәрі жақсы болмақ. Соны бәріміз естен шығармауымыз керек. Жер бетінде өмір сүріп жатқан тегі ме, тілі басқа ұлттардың, тілегі бір болса екен деп, Жаратқаннан тілеймін. Бірлігіміз берік, әрі бекем болғай», - дейді Елена Ким.</blockquote>Туған жерден жырақтамаймынҚазалымен тағдырын тоғыстырған этнос өкілдерінің арасында өзбек ұлты да бар. Тарихи отанына көшпей, өз өмірлерін туған жерімен байланыстырып, тамырын тереңге жайған отбасының ұрпағы қазалылық – Баймұратов Фархат Абдимуратұлы туған жерін жұмағына балайды.<blockquote>«Тарихи тұрғыдан алғанда, қазақ пен өзбек халқының тілі ғана емес, діні мен ділі, мәдени құндылықтары да ұқсас. Тамыры тереңде жатқан рухани байланыс тіпті бауырластыққа айналды. Оған бүгінде қалыптасқан қарым-қатынас дәлел. Түріміз бен тіліміз бөлек демесек, жанымыз бір. Олай болатын себебі де жоқ емес. Қасиетті Қазалы қаласында күні бүгінге дейін бірнеше буын өмір сүріп, әлі де жасап келеміз. Біз сол буынның жалғасымыз. Күнделікті тірлігіміз қазақ ортамен байланысты болған соң, солармен біте қайнасып өмір сүрудеміз. Тіпті, жергілікті жұрттан жыраққа кетсең, жаның жабырқап сала береді. Бұл өлке біздің туған жеріміз, оны ештеңемен айырбастау мүмкін емес. Тарихи отанымыз басқа болғанымен, бұл – біздің екінші үйіміз. Тамырымыз тереңге жайылған өлкеден бізден кейінгі буын да, ұрпақтар сабақтастығын жалғай береді деп сенемін. Бір шаңырақ астында тату-тәтті өмір сүріп жатқан барша ұлттың тұтастығы нығая берсін деп тілеймін», - дейді Фархат Баймұратов.</blockquote>

Қазалыда түрлі этнос өкілдері бар

<a href="https://kyzylorda-news.kz/">Kyzylorda-news.kz.</a> Қазалы ауданы көк туымызды көкте желбіреткен айбынды спортшыларға бай. Оның ішінде, бокстан талай чемпиондарды даярлап шығарған үлкен шеберхана десек те болады. Кез келген ірі жарыстарда қоржынды жүлдеге толтырып, мерейімізді үстем ететін – осы спорт түрі. Жақында Францияның Нормандия қаласында өткен бүкіләлемдік гимназиада өтті.Дүбірлі додада аудан, қала ғана емес, ел абыройын арқалап барған былғары қолғап шебері, жерлесіміз – Ақтілек Орынбасар алтыннан алқа тақты. Бүгінгі күні жастар арасында қарсыластарына дес бермей, оқ бойы оза шауып жүрген боксшымен жеке кездесіп, спорттық мансабындағы алдағы жоспарлары жайында аз-кем әңгімелескен болатынбыз.– Ақтілек, ең әуелі спорттың дәл осы түрін таңдауға не әсер еткенін білсек. Жалпы, боксқа қалай келдің?– Менің спорттың бұл түріне келуіме үлкен ағамның септігі тиді. Себебі – ол жастайынан спортпен оның ішінде, күреспен шұғылданатын еді. Соның әсерімен кейін спортқа деген қызығушылығым оянды. Осылайша, 8 жасымда бокспен айналыса бастадым. Сол тұста мені өз шәкірті еткен бапкерім – Жәнібек Аралбаев. Осы азаматтың біліктілігінің арқасында күн-түн демей жаттығу жасап, шыныға түстім. Алтыншы сыныпқа көшкенімде Кызылорда облысындағы Жалаңтөс Баһадүр Сейтқұлұлы атындағы дарынды балаларға арналған спорт мектебіне оқуға түстім. Ал, ол жақтағы жаттықтырушым Асхат Жеңісбеков болды. Осы уақыт ішінде екі бірдей бапкердің еңбегі еш кетпей небары 8 сыныпта облыста өткен халықаралық Жалаңтөс Баһадүр Сейтқұлұлын еске алуға арналған турнирде 44 келі салмақ дәрежесінде өнер көрсетіп, жеңімпаз атандым. Осылайша, спорт шеберіне үміткер атағын алдым.– Францияның Нормандия қаласында өткен гимназиадаға тоқталайық. Дүбірлі додада жеңімпаз болу үшін қанша уақыт жаттығуда болдың?– Кез келген спортшы үнемі жаттығу жасап, бабында жүруі керек. Себебі, рингтегі жағдай дайындықсыз келген былғары қолғап шеберіне қиын болады. Ол қанша жерден атағы айға жетіп тұрған мықты болса да, жұдырықтасу барысында жаттығудың бар не, жоқ екені білінеді. Сондықтан, жаттығудан қол үзбедім. Гимназиадаға баратынымды білгенде өзімді одан әрі шыңдай түстім.Бізді Нормандия қаласына дайындап апарған Қазақстан Республикасының бокстан жастар құрамасының жоғары жаттықтырушысы Ғалымбек Кенжебаев болды. Бапкер қай уақытта спортшыға рух беру қажет екенін жақсы біледі. Сенің шаршы алаңдағы іс-қимылыңа қарап отырып, кеткен қателікті түзеп отырады. Барлық жағынан түсіндіріп, қарсыластың осал тұсын табуға жәрдемдеседі.– Жарыс болған соң қобалжып, жолдан шығып қаламын деген қорқыныш болмады ма?– Қанша дегенмен бүкіләлемдік дода ғой. Әр жердің кіл сен тұр мен атайын үздіктері жиналды. Онда 70 елден 4000 оқушы спорттың 18 түрінен бақтарын сынады. Ал Қазақстаннан ең мықты деген 234 оқушы іріктеліп алынды. Нормандия қаласына жолға шыққанда басты мақсат қандай жағдай болмасын елге жеңіспен оралу болды. Санадағы артық ойлардан арылып, тек озат болуды ойладым. Алаңға шыққаннан қарсыластардан басым түсуді жоспарлап, әлсіз тұстарын іздеумен болдым. Сондықтан ешқандай қорқыныш, үрейге ерік бермедім. Алайда, «Бақ шаба ма, бап шаба ма?» дегендей, екінші ойдың да болғанын жасырмаймын.Ширек финалда Венгрия мемлекетінің спортшысымен кездестім. Ал жартылай финалда румыниялық былғары қолғап шеберінің әлсіз тұсын таптым. Осылайша, финалда украиналық жігітпен қолғап түйістірдім. Алла сәтін салып, ақтық сыннан да сүрінбей өттім.– Әрбір спортшының бала күннен үлгі тұтатын спортшысы болады. Сен кімге еліктеп өстің?– Қазақстанның көк туын көкке желбіретіп, әнұранын шырқатып жүрген боксшылар жеткілікті. Айта берсек көп. Барлығы мықты. Соның ішінде, жас боксшылар үлгі тұтатын былғары қолғап шеберлерінің басында Бекзат Саттарханов ағамыздың тұрғаны белгілі. Ал мен бала күннен екі дүркін Олимпиада чемпионы украиналық Василий Ломаченконың жекпе-жектерін қарап, соған еліктеп өстім. Бұған ешкім ренжи қоймас. Себебі, әрбір спортшының өзіне ұнайтын спорт майталманы болады.– Спорт болған соң жеңіс пен жеңіліс қатар жүреді. Өзің іштей өкінетін, «әттеген-ай» деген кезің болды ма?– Өткенге өкінуге болмас. Бірақ кей тұста «неге бұлай жасамадым?» деген сәттер кездеседі. Осы жылы Черногория мемлекетінің Будва қаласында халықаралық жарыс өтті. Барлығы ойдағыдай басталғанымен ақтық сында сүріндім. Бұған біреуді кінәлаудан аулақпын. Барлығы өз қолымда тұрғандай болды. Бірақ, соңғы тұста күміс жүлдені қанағат қылуға тура келді.– Алдағы жоспарыңмен бөліссең?– Барлық спортшының мақсаты бір. Ол – Әлем, Олимпиадада топ жару. Үздік болып, өзгелерден озат болу. Менде сол жолда аянбай еңбек етемін. Аудан, облыс қана емес мемлекетіміздің намысын әлемдік аренада қорғауға күш саламын. Алдағы уақытта Испания елінде өтетін Әлем Чемпионатына жолдама алып, бұданда жоғары көрсеткішке жеткім келеді. Бүгінгі жоспар ұдайы жаттығуда болып, нәтижесін рингте көрсетіп, жеңімпаз атану. Қазақстанға алтынмен оралып, ел абыройын асқақтату.– Әңгімеңізге рақмет! Жеңісті күндерің көп болсын!

Қазалылық спортшы ел абыройын асқақтатуды көздейді 

<a href="https://kyzylorda-news.kz/">Kyzylorda-news.kz.</a>&nbsp; Ақорданың ресми сайты Мемлекет басшысының қатысуымен өтетін іс-шаралар аңдатпасын жариялады.2 мамыр күні Президент Сыртқы сауда, экономикалық тартымдылық және шетелдегі француз азаматтарының істері жөніндегі министр-делегат, Қазақстан-Франция Үкіметаралық комиссиясының тең төрағасы Оливье Бештті қабылдайды.Кездесу барысында Қасым-Жомарт Тоқаевтың былтыр қараша айында Францияға ресми сапары барысында қол жеткізілген уағдаластықтарды жүзеге асыру мәселелері талқыланады деп жоспарланып отыр.3 мамырда Мемлекет басшысы ФИФА президенті Джанни Инфантиноны қабылдайды.3-4 мамырда Астанаға Қасым-Жомарт Тоқаевтың шақыруымен Тәжікстан Президенті Эмомали Рахмон мемлекеттік сапармен келеді.Екі ел басшылары шағын және кеңейтілген құрамда өтетін келіссөздер барысында Қазақстан мен Тәжікстан арасындағы стратегиялық серіктестікті одан әрі нығайту перспективаларын талқылайды.5 мамырда Президент – Жоғарғы Бас қолбасшы Қасым-Жомарт Тоқаевтың қатысуымен Бүкілармиялық кеңес өтеді.Жиын барысында әскери саланы дамытуға және әскер дайындығына, сондай-ақ Қазақстан армиясын технологиялық тұрғыда жаңғыртуға қатысты мәселелер қарастырылады.

Қазақстан және Қызылорда облысының жаңалықтары