<a href="https://kyzylorda-news.kz/">Kyzylorda-news.kz.</a> Ел өңірлерінде жанар-жағармай құю станцияларында ЖЖМ өткізуді шектеу фактілерінің жиілеуіне байланысты Бәсекелестікті қорғау және дамыту агенттігі бұл әрекеттер монополияға қарсы заңнаманы бұзу екендігін еске салады.Кәсіпкерлік кодекс нарыққа қатысушылардың келісілген іс-әрекеттеріне және басым компаниялардың тауарды өткізуден негізсіз бас тарту жөніндегі іс-әрекеттеріне тыйым салады.Мемлекеттік органдар күн сайын жанар-жағармай құю станцияларында және сақтау базаларында мұнай өнімдерінің сатылуына мониторинг жүргізеді.Бағаның жоспарлы өсуіне қарамастан, кәсіпкерлік субъектілері ЖЖМ болған кезде оларды белгіленген бағалар бойынша уақтылы өткізу міндетті.ЖЖМ қалдық көлемі ұлғайған және ЖЖМ өткізуді шектеу кезінде жосықсыз кәсіпкерлерге қатысты шаралар қабылданатын болады.Монополияға қарсы заңнаманы бұзғаны үшін әкімшілік құқық бұзушылық туралы Кодекс аясында компания табысының 5% - на дейін айыппұл салуды көзделген.Қазіргі уақытта Бәсекелестікті қорғау және дамыту агенттігінің аумақтық органдары заңнаманы бұзу белгілерінің болуы тұрғысынан ЖЖМ өткізуді шектеу фактілерін пысықтауда.Бәсекелестікті қорғау және дамыту агенттігі кәсіпкерлерді бәсекелестік заңнаманың талаптарын мүлтіксіз сақтауға және ЖЖМ-ды толық көлемде іске асыруға шақырады.Сондай - ақ азаматтардан ЖЖМ сатудан бас тартқан жағдайларда Агенттіктің аумақтық бөлімшелеріне, ал белгіленген бағалар асып кеткен жағдайда - Ұлттық экономика министрлігі Табиғи монополияларды реттеу комитетінің аумақтық бөлімшелеріне жүгінулерін сұраймыз.<a href="https://www.gov.kz/.../entities/zk/about/structure/100/1...">БҚДА аумақтық департаменттерінің колл орталығы</a>.<a href="https://www.gov.kz/memleket/entities/krem/contacts?lang=kk">ҰЭМ Табиғи монополияларды реттеу комитеті аумақтық департаменттерінің колл орталығы</a>.&nbsp;

Май құю бекеттері жанар-жағармай саудасында шектеу қойғандары үшін жауапкершілікке тартылады

<a href="https://kyzylorda-news.kz/">Kyzylorda-news.kz.</a>&nbsp; Cырдария ауданына қарасты Тереңөзек кенті мәдениет үйінде «Нұра топтық су құбыры» ШЖҚ РМК «Арал» СЖКБД филиалы Сырдария ауданының оқшау сумен жабдықтау жүйесін пайдаланушы өндірістік бөлімшесінің есеп беру жиыны өткізілді. Жиынға аудан әкімінің орынбасары Талғат Нұртазаев, «Нұра топтық су құбыры» ШЖҚ РМК «Арал» СЖКБД филиалының директоры Нәжмәдин Шамұратов, сала ардагерлері мен қызметкерлері қатысты.Келелі басқосуда Сырдария ауданының оқшау сумен жабдықтау жүйесін пайдаланушы өндірістік бөлімшесінің директоры Ерсұлтан Дүзімбетов хабарлама жасады. Ол алдымен халықты ауыз сумен қамтамасыз ету бойынша өткен жылы атқарылған жұмыстарға тоқталып өтті.<blockquote>Өндірістік бөлімше өткен жылы 1 055 215 текше метр су көлемін өндіріп, 901 153 текше метр ауыз су тұтынушыларға таратылды. Былтыр бекітілген жоспар бойынша халыққа 788 105 текше метр су қаралса, одан ақшалай есебі 24 647 654 теңге қаражат жиналуы қажет. Бұл жұмыс бекітілген жоспардан асып, яғни халық тұтынған ауыз су көлемі 808 497 текше метр болып, нақты 33 887 695 теңге қаражат жиналды. Оның ішінде толық тарифтен 9 455 372 қаржы жиналды. Аудан бойынша ауыз су тұтынушы жеке тұлғалар саны – 7413 абонент, олардың 6685-іне су есептегіш құрал орнатылған, – деген бөлімше директоры кәріз жүйесі бойынша атқарылған жұмыстарды атап өтті</blockquote>Кәріз саласы бойынша өткен жылға халықтан 16 680 текше метр, мекемелерден 17 435 текше метр лас су шығару жоспары қаралған. Ал орындалғаны халықтан 20 189, мекемелерден 35 547 текше метрді құраған. Жалпы 2022 жылы 55 843 текше метр лас су шығарылған. Ауданда кәріз жүйесін 312 абонент және 14 мекеме тұтынады.Бөлімше директоры есепті баяндамасында күрделі мәселелерді де қозғады. Атап айтқанда, аудан бойынша 21 көшеде ауыз су құбырының тозығы жетіп, ақау пайда болуда. Бұған қатысты бөлімше тарапынан сызба жұмыстары әзірленіп, аудандық бюджет есебінен жобалық-сметалық құжаттары дайындалған. Енді биыл күрделі жөндеу жұмыстары жүргізіледі деп күтілуде. Сондай-ақ Тереңөзек кенті, Шіркейлі, Іңкәрдария ауылдарындағы сыйымдылығы 25-50 текше метрді құрайтын ауыз су мұнаралары да тозығы жетіп, жаңасын ауыстыруды қажет етеді. Негізінен, өткен жылы аудан бойынша салаға қатысты 309 апаттық жағдай тіркелген. Оның 42-сі кәріз жүйесіне қатысты болған.Сондай-ақ, есепті кездесуде «Нұра топтық су құбыры» ШЖҚ РМК «Арал» СЖКБД филиалының директоры Н.Шамұратов сөз сөйлеп, сала жұмысына серпін беру бағытында атқарылатын жұмыстарға тоқталды. Ең алдымен филиал директоры қазіргі таңда ауыз су тарифіне өзгеріс енгізу бағытында жұмыс жүргізіліп жатқанын жеткізді. Оның негізгі себебі ауыз су жүйесіндегі құбырларды жаңарту, жаңа техникаларды алу секілді саладағы көптеген мәселелердің шешімін табуы қаржыға келіп тіреледі. Мәселен, халық 1 куб, яғни 1000 литр суға 30 теңге төлейді. Оның өзінде тұтынған суға ақысын төлемейтін тұтынушылар бар екен. Сондықтан осыларды ескеріп, сала жұмысына серпін беру үшін, қызметкерлердің айлық жалақысын көтеру үшін осындай ұсыныстар енгізіліп жатқанын жеткізді филиал директоры. Одан бөлек қазіргі заман талабына сай су ақысын жинау жұмыстарын цифрландыру бағытындағы шаралар қолға алынып жатқандығын да тілге тиек етті. Бұл бағытта аудан әкімдігімен тығыз жұмыс жасап, қолдау көрсететініне сенім білдірді.Өз кезегінде аудан әкімінің орынбасары Т.Нұртазаев сырдариялықтарды тәулік бойын сапалы ауыз сумен қамтамасыз етіп отырған мекеме жұмысына, қызметкерлеріне алғыс білдірді. Сала қызметкерлерінің кез келген уақытта орын алған ақауды жылдам қалыпқа келтіріп, уақытылы ауыз су беріп жатқанын айтты. Сондықтан сала жұмысын жандандыруға бірлесе жұмыс атқарыла беретінін жеткізді.

Сырдария: Су мұнаралары жөндеуді қажет етеді 

<a href="https://kyzylorda-news.kz/">Kyzylorda-news.kz.</a> Өткен жылы Жалағаш ауданында туберкулез ауруының 16 жаңа жағдайы есепке алынған. Оның ішінде 15 жағдайы өкпе туберкулезі болса, 1 жағдай өкпеден тыс туберкулез болып табылады. Аурушаңдық көрсеткіші 100 мың халыққа шаққанда – 39,6. Тіркелген науқастардың ішінде &nbsp;1 жасқа дейінгі 1 бала Ақарық елді мекенінен екені белгілі болды. Ал 14 жасқа дейінгі 1 бала Бұқарбай батыр елді мекенінен тіркелген. Қазіргі таңда науқастар түгелдей ем алуда. Бұқаралық ақпарат құралдары өкілдерімен өткен брифингте Жалағаш аудандық санитариялық-эпидемиологиялық бақылау басқармасының бас маманы Светлана Жүнісахметова осылай деді.Баяндамашы биыл бір тоқсанда туберкулез ауруының тағы да 3 жаңа жағдайы Жалағаш кентінде тіркелгенін жасырмады. Оның ішінде өкпе туберкулезімен 2 жағдай, өкпеден тыс туберкулез бойынша 1 жағдай анықталған. Басқарманың бас маманы өткен жылдың тиісті кезеңімен салыстырғанда биыл бір жағдайға өсу тенденциясы байқалғанын айтады. Қазіргі таңда барлық науқастар ОФПО-да ем қабылдап жатқан көрінеді.Спикердің сөзіне сүйенсек, туберкулезбен ауырған науқастар дер кезінде медициналық көмекке жүгінбейтін көрінеді. Яғни олардың басым бөлігі өз бетінше үйден ем қабылдағанды жөн көріп, ауруы асқынуға жақындаған сәтте ғана медициналық көмекке жүгінеді екен. Бұл өз кезегінде медицина мамандары үшін де науқасты дертінен айықтыруға қиындық тудыратыны сөзсіз.&nbsp;Қазіргі таңда Жалағаш ауданының перзентханасында туған 119 нәрестенің 113-іне БЦЖ вакцинасы егілген, екпе салынбаған 6 баланың 2-еуіне уақытша медициналық шектеу қойылса, 4 нәрестенің ата-анасы БЦЖ вакцинасын алуға қарсылық білдірген. Аудан тұрғындары арасында екпенің адам баласы үшін қаншалықты пайдасы барын насихаттасақ та, одан бас тарту жағдайлары әлі де кездеседі. Сонымен қатар 3721 балаға манту сынамасы қойылып, сынама нәтижесіне байланысты 7 балаға химипрофилакткалық ем тағайындалған.&nbsp;– Туберкулез – өкпе және лимфа түйіндерде ерекше қабыну өзгерістерінің пайда болуымен сипатталатын жұқпалы ауру. Ол тек өкпе ауруы ғана емес, сонымен &nbsp;қатар адамның барлық ағзаларының, сүйектердің, бүйректердің, мидың және ми қабықтарының, терінің, көздің және басқа да ағзалардың зақымдануынан болады. Алайда қазіргі таңда қоғамда өкпе туберкулезі жиі кездеседі. Жұқтырудың негізгі көзі – туберкулездің ашық түрімен ауыратын, яғни сыртқы ортаға микобактерияны бөлетін адам. Туберкулез адамнан адамға ауамен таралады. Жөтелгенде, түшкіргенде немесе қырғанда өкпе туберкулезі бар адамдар ауаға туберкулез бактерияларын жаяды. Жұқтыру үшін адамға осындай бактериялардың аз ғана мөлшерінде дем алуы жеткілікті. Туберкулез қоздырғышының сыртқы ортада ұзақ уақыт сақталу қабілеті бар, мысалы, микобактериялар тозаңданған, көгерген үй-жайларда адамдар үшін қауіпті &nbsp;бола отырып, жылдар бойы өмір сүруге қабілетті. Науқас адам жөтелгенде қақырықпен бірге түшкіру, сөйлегенде қоршаған ортаға 2-6 м радиуста ауада таралатын миллиондаған микобактерияны бөледі, олар еденге, заттарға шаңмен бірге тұнады және көптеген жылдар бойы өміршең болып қалуы мүмкін, – дейді басқарманың бас маманы.&nbsp;Баяндамашының сөзіне құлақ түрсек, туберкулез ауруына тек адамдар ғана емес, малдар да шалдығады екен. &nbsp;Тіпті олардың ішінде сиыр, ешкі, түйе секілді үй жануарлары да бар. Сондықтан спикер ауру жануардың сүті мен еті адам үшін қауіпті екенін жасырмайды. Айта кетейік, өкпе туберкулезімен ауыратын науқас барлық гигиеналық талапты сақтаса, ол айналасына қауіпсіз көрінеді. Бір жағынан өкпе туберкулезі тұқым қуаламайды екен. Светлана Жүгінісова туберкулез ауруымен ауыратын &nbsp;ата-аналардың балалары сау болып туатынын айтады. Алайда барлық сақтық шараларын сақтамаған жағдайда бала туберкулезді жұқтырып, ауырып қалуы да мүмкін екен.&nbsp;– Туберкулез микобактериалары адам ағзасына түскенде ауру жұғады, бірақ туберкулез ауруының дамуы әр жағдайда болмайды. Өкпе туберкулезінің ауруы иммунитет төмендеген, жеткіліксіз тамақтану, қанағаттанарлықсыз санитариялық-гигиеналық жағдайларда орын алады. Негізінен иммунитеті нашар жас балалар, жыныстық жетілу кезеңіндегі жасөспірімдер және иммунитеті төмен қарт адамдар ауырады. Адамның туберкулезге шалдығуына толыққанды тамақтанудың болмауы ықпал етуі мүмкін. Бұл дертке шалдыққандармен тығыз, ұзақ қарым-қатынас жасау да қауіпті, тіпті кішкентай балаларға қысқамерзімді қарым-қатынастың өзі жеткілікті. Ал оның белгілеріне келсек, ұзақтығы екі аптадан асатын жөтел, шаршау және әлсіздік, дене салмағының төмендеуі, температураның ұзақ көтерілуі, түнде тершеңдік, кеуде қуысындағы ауырсыну, қан түкіру жатады. Туберкулезді қалай анықтауға болады? Алдымен тері туберкулин сынамасы адамның жұқтырғанын көрсетеді. Сондай-ақ Рентгенологиялық тексеру (флюораграфиялық) өкпенің зақымданғанын көрсетеді. Ал қақырықты зерттеу, жөтел кезінде бөлінетін микробтардың бар-жоғын анықтайды. Мейлінше аурудың емін іздегенше, ауырмаудың жолын бұрын тапқан дұрыс. Ол үшін медициналық тексерістен уақытылы өтудің маңызы зор, – дейді Светлана Елтайқызы.Брифинг барысында «Дерттің алдын алу үшін қайтпек керек?» деген сауалымызды да спикер жауапсыз қалдырмады. Ол үшін салауатты өмір салтын ұстану ерекше маңызға ие көрінеді. Бұл мақсатқа жетудің ең жақсы жолы – күн тәртібін құру және ағзаны шынықтыру. Таза ауада серуендеу, күн және су процедуралары, дене шынықтырумен айналысу, демалыспен еңбек жүктемесінің дұрыс үйлесімі, толыққанды дәрумендерге бай тамақтану, жеткілікті және уақытылы ұйқы, яғни дұрыс гигеналық тәртіп адам ағзасының нығаюына ықпал етеді &nbsp;және оны туберкулез ауруынан қорғайды.Басқарма өкілі жыл мезгіліне қарамастан, таза ауада мүмкіндігінше көбірек болу қажеттігін алға тартады. Өйткені таза ауа ағзаға жақсы әсер етеді және шынығудың тамаша жолы болып табылады. Ал жеке гигиена ережелерін сақтау, яғни жуу құралдарын және ағынды суды пайдалана отырып қолды, ыдыстарды жуып, тұрғын үй-жайларды ылғалды жинау және желдету, ет пен сүтті міндетті термалық өңдеу, жеке гигиеналық құралдармен ыдыстарды пайдалану, су процедураларының да маңызы зор екен.&nbsp;– Гигиеналық тәртіптің маңызды бөлімі дұрыс тамақтану болып табылады. Адам тәбетінің жоғарылауына ықпал ететін және ағзамен жақсы сіңіретін түрлі тағамдар жеу керек. Тағам құрамына ақуыздар, майлар мен көмірсулардан басқа міндетті түрде витаминдер мен минералды тұздар кіруі тиіс. Ақуыздар ет, сүт, сүзбе, жұмыртқада болады. Көмірсулар қант, нан, картоп, жармада бар. Витаминдер мен минералды тұздар негізінен жаңа піскен көкіністер мен жемістерде болады, – дейді ол.&nbsp;Светлана Жүгінісова сондай-ақ баланы туған кезде БЦЖ-мен міндетті түрде вакцинациялау және 6-7 жаста қайта вакцинациялаудың маңызына тоқталды. Сондай-ақ ол туберкулезді дер кезінде диагностикалау қажеттігін қаперге салды.

Дерттің алдын алған абзал

<a href="https://kyzylorda-news.kz/">Kyzylorda-news.kz.</a> Қызылорда облысының полиция департаментінде ішкі істер органдарының ардагерлерімен кездесу жиыны өткізілді.&nbsp;Жиынға барлық қала және аудандық полиция бөлімдерінің Ардагерлер кеңесінің төрағалары қатысты. Ішкі істер органдарының ардагерлер ұйымдарының қызметін жақсарту жөніндегі іс-шаралар жоспарына сәйкес ұйымдастырылған шара департамент бастығының орынбасары полиция полковнигі Өтегенов Әміржан Сермаханұлының төрағалығымен өтті. &nbsp;Кездесу барысында жеке құрам мен ішкі істер органдарының зейнеткерлері арасында қызметкерлерді әлеуметтік қолдауды нығайту қызметін ұйымдастыруды жақсарту мәселелері бойынша қабылданып жатқан шаралар туралы түсіндірме жұмыстары жүргізілді.«Қазіргі уақытта ардагерлерді полиция қызметіне араласуға жұмылдыру, кеңес, бағыт-бағдар алу, оларды қолдау жұмыстарына аса көңіл бөлінуде. Себебі, саналы ғұмырын осы салаға арнаған әрбір ардагердің жастарға берер тәлімі мол», - деп атап өтті Әміржан Сермаханұлы. &nbsp;Полиция департаментімен ұйымдастырылған бүгінгі шара барысында ашық алаң, еркін пікірталас жүргізіліп, ардагерлердің ұсыныстары мен сұраныстары тыңдалды. Мәселен, Қызылорда облысы полиция департаментінің Ардагерлер кеңесінің төрағасы Серікбол Тұңғышбаев сөз сөйлеп, жеке құраммен жұмыс жасау, жеке құрамның тәртібіне аса көңіл бөлу қажеттігін, сонымен қатар, әр учаскелік полиция пункттеріне бір-бірден жауапты ардагер тағайындау бойынша жұмыстар жүргізу және ардагерлерді әлеуметтік қолдау мәселесіне ерекше тоқталды. Бұдан бөлек, Қармақшы аудандық полиция бөлімінің Ардагерлер кеңесінің төрағасы Есет Назарқұлов өткір мәселелерді қозғады.Көпті көрген ардагерлер &nbsp;өмірден білген-түйгенін, жетістікке жетудің жолдары мен абыройлы еңбек етудің сырын бөлісіп, жастарды ерінбей еңбек етуге, елдің дамуы үшін аянбай тер төгуге шақырды. Сонымен қатар, өздерінің қызметтік жолдарын, бастан кешкен оқиғаларын да еске алды. Қоғамдық қауіпсіздікті қамтамасыз ету мақсатында полиция қызметкерлерімен бірлесе жұмыс жасау, серіктестікті жаңғырту, жас қызметкерлер тәрбиесі жөнінде де келелі әңгімелер қозғалды. &nbsp; &nbsp;<figure class="image"><img src="https://knadmin.beoblood.kz/uploads/336369695_476925874560796_6839869420854439581_n_8a06ae209c.jpg" alt="336369695_476925874560796_6839869420854439581_n.jpg"></figure><figure class="image"><img src="https://knadmin.beoblood.kz/uploads/336751988_908064000312192_2953509615034719838_n_3c7a4f652e.jpg" alt="336751988_908064000312192_2953509615034719838_n.jpg"></figure>

Қызылорда облысы полиция департаментінің басшылығы ішкі істер органдарының ардагерлерімен кездесті  

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Тоқаев VIII сайланған Қазақстан Республикасы Парламентінің бірінші сессиясының ашылуында елдің дамуына қатысты көптеген мәселені қозғап, алдағы жоспарларды айқындап берді. Осы орайда Мемлекет басшысы экономика саласына соның ішінде іскерлік белсенділікті ынталандыру мен еліміздің өндірістік әлеуетін арттыру мәселесіне мән берді.<blockquote>Еліміздің өндірістік әлеуетін барынша арттыру маңызды. Қазақстан экономикасы әлі күнге дейін пайдалы қазбаларға тәуелді болып отыр, яғни ел экономикасының құрылымы – қарапайым. Шын мәнінде, бізге қарқынды даму үшін күрделі, әртарапты экономикалық құрылым қажет. Әрине, шикізат нарығындағы әлемдік бәсекеде біздің өз артықшылығымыз бар. Қазіргі және стратегиялық міндеттерді орындау үшін оны тиімді пайдалану қажет. Сондықтан осы саланы одан әрі дамыта беру керек, – деді Президент.</blockquote>Елдің дамуы экономикаға байланысты екені түсінікті. Сондықтан барлық күш-жігер осы саланы көтеруге жұмсалып жатқаны айқын. Әсіресе ол республиканың өңірлерінде айрықша көрініс тапқан. Мәселен, біздің облыста өндірісті дамыту бағытында мемлекеттік жоба мен бағдарламалар аясында түрлі жұмыстар мен бастамалар қолға алынып келеді. Соның нәтижесінде Сыр елінің өндірістік әлеуеті жылдан-жылға ұлғаюда. Бұл өз кезегінде қосымша жұмыс орындарының ашылуына және халықтың кәсіпкерлікке бет бұруына үлкен септігін тигізеді.Табыстың көзі – тұз«Аралтұз» зауытында жаңадан іске қосылған ІІІ испан цехы жұмыс жасайды.Өңір басшысы өндіріс орнының еліміз үшін ғана емес, көршілес мемлекеттер үшін экономикалық маңызына тоқталып, өнім өндіру мәселесінің өзекті екенін жеткізген еді.Айта кетейік, «Аралтұз» зауыты жылына 600 мың тонна тұз өндіруге қауқарлы. Өнім Қазақстан және ТМД елдері нарығына жеткізіледі. Бүгінде 1200 адамды тұрақты жұмыспен қамтыған. Бұған дейін аталған өндіріс орны индустрияландыру бағдарламасы шеңберінде ас тұзы мен техникалық тұз өндіретін испан цехын іске қосты. ІІІ испан цехы 2021 жылы іске қосылған. Жоба құны 3 млрд теңгені құрайды.&nbsp;

Өңірде өндіріс өркендеп келеді

<a href="https://kyzylorda-news.kz/">Kyzylorda-news.kz.</a> Қоғамда сан түрлі мамандық бар. Соның ішінде қызығы мен шыжығы мол, аса жауаптылық танытуды қажет ететін ерекше салалар да жоқ емес. Оларға қателесуге әсте болмайды. Себебі елдің бүгінгі жағдайы мен ертеңгі болжамы олар дайындаған сандарға тікелей байланысты. Бүгінді бағамдамай, өткенге есеп бермей, болашақты бағдарлай алмайтынымыз анық қой. Ендеше, кез келген нәрсенің сандық сипатын шығарып, түрлі саланы бір ортаға жинақтап, нақты ақпарат беретін статистика басқармасы туралы сөз қозғамақпыз. Биыл Қазақстанның мемлекеттік статистикасына – 103 жыл. Ел егемендігінен соң статистика саласы тәуелсіз мемлекетіміз қол жеткізген жетістіктерді саралап, дербес санақ жүйесін қалыптастырды. Бүгінде осынау бірегей жүйенің бір тармағы ретінде аудандық статистика басқармасы тарих болып хатталатын ақпараттарды құнттап жинақтап, жауапкершілігін адал атқарып келеді.Жиырма жылға жуық сандарды сөйлетіп, өз ісіне асқан ұқыптылықпен қарайтын жанның бірі – Нұргүл Шегенова. Ол осы ауданның тумасы. No26 мектептен тәлім алып, Қорқыт ата атындағы университеттен «Инженер-құрылысшы» мамандығы бойынша жоғары білім алады. Кейіннен «экономист» мамандығын меңгереді. Қос дипломы бар білікті маман 2003 жылдан бері аудандық статистика басқармасында жұмыс істейді.– Статистика – қоғамдық өміріміздің барлық саласын сипаттайтын нақты сандардың жиынтығы. Оның басты міндеті – ақпарат көздерін шынайы, жан-жақты сандық көрсеткіштермен қамтамасыз ету. Мемлекеттің кез келген экономикалық, әлеуметтік маңызды жоспарлары, шешімдері дәл осы статистикаға сүйене отырып жасалады. Сондықтан бұл салада қызмет ету оңай емес. Себебі аудандағы сандық деректердің барлығы бізден өтеді. Кез келген саланы алсақ та, бәрі статистикамен тығыз байланысты болады. Деректерді жинау, оларды талдау, өңдеу – біздің міндетіміз. Сол себепті біздің қызмет зор жауапкершілік жүктейді. Мүлде қателесуге болмайды, – дейді Нұргүл Әлібекқызы.Иә, күні бойы көгілдір экраннан көз алмай, сандармен арпалысқан бұл саланың да өзіндік қиындығы жетіп артылады. Десе де, бұл жұмысқа бар ынта-ықыласымен кірісіп, нәтижеге жұмыс істеуді көздейтін маман үшін олар күнделікті қалыпты жұмысқа айналған. Нұргүл Шегенова жұмыста білікті маман болса, отбасында мерейлі әулеттің берекелі отанасы. Өмірлік жарымен үш перзент тәрбиелеп отырған үлгілі жан.– Негізінен мен білім беру, денсаулық сақтау, ауыл шаруашылығы, егін, транспорт, кәсіпкерлік, баға, өлім-жітім, ажырасу, туған балалар статистикасына жауаптымын. Ауданға қарасты мекеме, шаруашылықтың барлығы ай сайын, тоқсан сайын бізге есеп өткізеді. Осының нәтижесінде біз қорытынды жасап, нақты ақпарат ұсынамыз. Әрбір сан нақты болуы шарт. Себебі әрбір санның сұрауы бар. Сондықтан бұл қызметке асқан ыждағаттылық пен темірдей төзім де қажет. Бастысы атқарған жұмысымыз ел игілігіне қызмет ететіні көңіліме қуаныш ұялатады, – дейді аудандық статистика басқармасының маманы Нұргүл Әлібекқызы.

Қармақшыдағы статистика басқармасында атқарылған жұмыс ауқымды

<a href="https://kyzylorda-news.kz/">Kyzylorda-news.kz.</a>&nbsp; Ауыл шаруашылығы дақылдарының егіс алқаптарының құрылымын әртараптандыруға сәйкес, биыл егістік көлемін 1500 гектарға орналастыру жоспарланып отыр. Оның 21 гектары картоп, 87 гектары көкөніс, 342 гектары бақша, 238 гектары ескі жоңышқа, 460 гектары жаңа жоңышқа және 352 гектары басқа дақыл түрлері.Ауданда осыған орай көктемгі егіс-дала науқанына ауыл шаруашылығы техникаларын дайындау жұмыстары мен егіс алқабын қалыпқа келтіру жұмыстары жүруде.Мәселен 25 наурыздан бастап Ақирек және Бөген ауылдық округтеріндегі шаруа қожалықтары көктемгі егіске дайындық жұмыстарына кірісіп, жер жырту жұмыстарын бастады.Солардың ішінде, Аманөткел ауылдық округі бойынша жеке тұрғындар 10 гектар жер жыртылса, шаруа қожалықтар «жаңбырлатып суару» әдісі арқылы 50 гектар жерге «жаңа жоңышқа» егу жұмыстарын қолға алды.Сонымен қатар, Жаңақұрылыс ауылдық округі 15 гектар жерді тегістеу жұмыстарын бастап кетсе, ал Қамыстыбас ауылдық округі 12 гектар және Қосжар ауылдық округі 4 гектар бау-бақша егетін жерлерге жер жырту жұмыстарын жалғастыруда.Бүгінгі күнге, жалпы аудан бойынша 178 гектар жер жыртылып, әліде егістік жерлерді жырту, тегістеу жұмыстары жалғасын табуда.<figure class="image"><img src="https://knadmin.beoblood.kz/uploads/340103745_1379621816186050_8234568859551548687_n_e0bd99f1cf.jpg" alt="340103745_1379621816186050_8234568859551548687_n.jpg"></figure>&nbsp;<figure class="image"><img src="https://knadmin.beoblood.kz/uploads/339680264_760037409113543_4305622401995196631_n_49bd1cd3f1.jpg" alt="339680264_760037409113543_4305622401995196631_n.jpg"></figure>

Арал ауданында дала жұмыстары жалғасуда

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Шіркейлі аулының спортшысы Үсен Маханбетов жақында жақсы жаңалығымен бөлісті. Бапкер баптаған жас шахматшы Сабина Абылай Алматыда өткен ҚР балалар мен жасөспірімдер чемпионатына қатысып, спорттың екі түрі классика мен блицтен 2 қола медаль жеңіп алғанын сүйіншілей келіпті.Сырдария ауданының №12 балалар-жасөспірімдер спорт мектебінің спортшысы Сабина 5 жастан бастап шахмат бөліміне қатысады. №129 Ә.Жәмішев атындағы мектеп-лицей базасындағы үйірмеге дене шынықтыру пәнінің мұғалімі Ү.Маханбетов жетекшілік етеді. Үйірмеде барлығы 18 бала жаттығып, түрлі спорттық додаларға қатысуда. Бағы мен бабы келіскен 8 жастағы спортшы Сабина Абылайды бапкері алдымен облыстық додаға қатысып, облыс чемпионы атанғанын айтады.<blockquote>Қазір балалардың арасында шахматқа қызығушылық танытып, ел чемпионатында бақ сынап жүрген спортшыларымыз бар. Араларынан 4 спорт шеберлігіне үміткер, 2 бірінші разрядты спортшы шықты. Сабина 6 жасында Түркістан қаласында өткен республикалық турнирде классика мен блицте жақсы ойын өрнегін көрсетіп, екі қола медаль жеңіп алған болатын. Міне, биылғы жылы ел чемпионатында да жақсы нәтижемен шықты. Алдағы уақытта шілде айында Қырғызстанда өтетін Батыс Азия чемпионатында бақ сынайтын болады, – дейді бапкері Үсен Маханбетов.</blockquote>Ел чемпионатында 1156 жас спортшы қатысқан додадан жүлдегер атанып келген Сабина шахматта үздік ойнаумен қатар, сабағын да үздік оқиды.Айту керек, биылғы жылдың өзінде 3 чемпион шығарған бапкер Үсен Маханбетов Семей қаласында мұғалімдердің арасында «Спорт жұлдыздары» журналының ұйымдастыруымен өткен республикалық турнирде шахматтан бірінші орын алып, ел мерейін асырған болатын.&nbsp;&nbsp;

Сырдариялық жас шахматшы жүлделі оралды

<a href="https://kyzylorda-news.kz/">Kyzylorda-news.kz.</a> Қызылорда облысының полиция департаментінде Консультативтік-кеңесші органның отырысы өтті.Кеңес отырысына Консультативтік-кеңесші органның төрағасы Қызылорда облысының құрметті азаматы Ерманов Нұрмұрат Наятұлы және кеңес мүшелері, полиция департаментінің басшылығы қатысты.Отырыс барысында Кеңес мүшелерімен қоғамдық қауіпсіздікті қоғаммен серіктестікте қамтамасыз етудің 2024-2028 жылдарға арналған тұжырымдамасының жобасы талқыланды.Мемлекет басшысының тапсырмасына сәйкес, Қазақстан Республикасының Ішкі істер министрлігі қоғамдық қауіпсіздікті қоғаммен серіктестікте қамтамасыз етудің &nbsp;2024-2028 жылдарға &nbsp;арналған &nbsp;тұжырымдамасының жобасын шетелдердің үздік тәжірибесіне сүйене отырып әзірлеуге кірісті.<blockquote>«Әкімдер мен мемлекеттік органдарды осы іске белсенді тарту, барлық мүдделі азаматтармен &nbsp;әріптестік орнату, қоғамдық қауіпсіздік &nbsp;мәселелері бойынша есептіліктің ашық жүйесін құру жоспарлануда. Бюроктратиялық қоғам сұраныстарынан арылып, полиция жұмысының адамға бағытталған моделіне көшу жөніндегі шаралар бекітілетін болады. Тұжырымдамада негізгі 3 стратегиялық бағыт және 19 міндет қарастырылады. Бұл тұжырымдама орындалғаннан кейін елде құқық бұзушылықтың алдын алудың тұтас жүйесі қалыптастырылып, азаматтардың &nbsp;конституциялық құқықтарын сақтау бойынша әлемнің &nbsp;40 еліне, жол қауіпсіздігі бойынша әлемнің 70 елінің қатарына кіру жоспарлануда», - деді Қызылорда облысы полиция департаментінің Жергілікті полиция қызметі басқармасының бастығы полиция полковнигі Бауыржан Ибраев. &nbsp;&nbsp;</blockquote>Полиция департаментінің бастығы полиция полковнигі Қожабаев Мұхтар Аманқұлұлы тұжырымдаманың алғашқы стратегиялық бағытының маңыздылығына тоқталды. Атап айтқанда, &nbsp;азаматтардың өмірі, денсаулығы мен мүлкінің қорғалу деңгейін арттыру мәселесін ерекше атап өтті. &nbsp; &nbsp; &nbsp; &nbsp;Кеңес мүшелері еркін пікір алмасып, ұсыныс – тілектерін ортаға салды. Өз кезегінде Консультативтік-кеңес мүшесі, Ішкі істер органдарының Құрметті ардагері, облыстық мәслихат депутаты Шаймағамбетов Әмірбек Бердібекұлы тұжырымдаманы іске асыру бағытындағы келелі ұсыныстарын айтып өтті.Тұжырымдама маңызды міндеттерді жүктеп, &nbsp;қоғамдық қауіпсіздікті қамтамасыз ету бағытындағы жұмыстарға жаңа серпін берері анық. Бұл ретте Консультативтік-кеңесші органның &nbsp;мүшелері бұл бастамаға бірауыздан қолдау білдірді. &nbsp;<figure class="image"><img src="https://knadmin.beoblood.kz/uploads/image_05_04_23_04_51_3_f99e82e935.jpeg" alt="image-05-04-23-04-51-3.jpeg"></figure><figure class="image"><img src="https://knadmin.beoblood.kz/uploads/image_05_04_23_04_51_2_670a131a13.jpeg" alt="image-05-04-23-04-51-2.jpeg"></figure>

Қызылорда облысының полиция департаментінде Консультативтік-кеңесші органның отырысы өтті

<a href="https://kyzylorda-news.kz/">Kyzylorda-news.kz.</a> Бүгін бірнеше өңірде қолайсыз ауа райына байланысты ескерту жасалды, деп хабарлайды Қазгидромет.Еліміздің басым бөлігі антициклонның ықпалында болып, жауын-шашынсыз ауа райы қалыптасады.Синоптиктердің болжамынша, тек еліміздің оңтүстігінде атмосфералық &nbsp;фронтальды бөліктердің өтуіне байланысты жаңбыр жауады, таулы аймақтарда найзағай ойнап, жауын сіркірейді.&nbsp;Қызылорда облысының орталығында, шығысында найзағай ойнайды.

6 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазіргі жастар жеке кәсіпті ұршықша иіруде. Осындай азаматтардың бірі – жеке кәсіпкер Темірлан Жақсылық.Темірлан құрылыс жұмыстарына қажетті газоблок шығарумен айналысады. Бұл – өнім ұзаққа төзімді, өртке қауіпсіз, экологиялық таза, жылуды сақтайтын, аз ғана үлес салмағы бар, түрлі өңдеулерге ыңғайлы құрылыс материалы.Жобаның ерекшелігі – газоблок өндірісінде шина қалдықтарын қолдануда. Өз кәсібін қайтарымсыз грантқа, одан бөлек өз қаражатын қосып бастаған. Әзірге өнімді жеке үй-жай салып жатқан азаматтар мен түрлі ғимараттар құрылысын жүргізуші құрылысшылар тапсырыспен алдырады. Өзіне қажетті құрал-жабдықтарды Атырау қаласынан жеткізген.<blockquote>&nbsp;Айына 2000 газоблок өндіреміз. Шина қалдықтарын дайын өнім ретінде Алматы қаласынан алдыртамыз. Алдағы жоспарымыз – шиналарды қайта өңдеу машинасын сатып алу. Ол кезде СТО арқылы, ауыл тұрғындарынан шиналарды қабылдаймыз, – дейді кәсіпкер.</blockquote>Бүгінде жаңадан бой көтеріп жатқан тұрғын үйлердің дені газобетон блоктарымен тұрғызылуда. Өзге құрылыс материалдарына қарағанда құны да арзан. Сондықтан Темірлан тағы да қаржы көздерін қарастырып, кәсібін кеңейткісі келеді. Бүгінде өзінен бөлек 4 адамды жұмыспен қамтып отыр.&nbsp;&nbsp;

Қайтарымсыз грант алған кәсіпкер газоблок шығарумен айналысады

<a href="https://kyzylorda-news.kz/ru/">Kyzylorda-news.kz</a>. Әлемдегі әсемдік пен сүйсіндірер сұлулық – әйел көркінде. Әсте, әйел мен әдемілік ұғымын бірге қарастыратынымыз да содан. Тіпті, бүгінде дамып жатқан медицина, сұлулық индустриясы нәзік жандыларға сенімділік беріп, көрікті болудың кілтін ұсынғандай. Әлбетте, қыз-келіншектердің өзіне күтіммен қарап, сұлулықпен қатар саулығын да назарда ұстағаны маңызды. Тек, көрік үшін көзсіз құрбандыққа барып, өзгерістің соңы өлімге әкеліп, сұлулықтың ақыры сұмдық жағдаймен аяқталмағаны игі. Қолдан жасалған көрік пен табиғи сұлулықтың айырмасы жер мен көктей. Пышаққа тілгіленбей-ақ күтіммен ажарлы болудың амалын табылатыны анық. Сайып келгенде, әдемі қартаюдың әсері бөлек. Осы орайда, бет күтімінің маңызы зор. Жастық шақта безеумен, қарттық келгенде әжіммен күресіп отырмас үшін ертерек әрекетке көшіп, күнделікті күтімді қолға алған дұрыс. Әйел жүзінде жасандылықтан гөрі жылылықтың сезілгені, дидарының нұрлы болғаны ғажап. Макияж аруларға сенімділік сыйлап, келбетін келістіріп тұрады. Дей тұрғанмен, бес тонна бояуды баттастырып алудың да бет терісіне тигізер зияны көп. Теріге титімдей зақым келмесі үшін бояудан кейінгі тазартудың жөні бөлек. Ұйқы келсе де уақытылы жуып, жақпаларды қолданып, еріншектікпен ережені ұмытпаған абзал.Нәзік жандылар бет күтіміне қатысты косметологтарға жиі жүгініп, кеңесіне құлақ түреді. Пайдалы деген процедуралардың құнына қарамастан, өзіне тән әдемілікті сақтап қалуға тырысатыны содан. Расымен де, арулардың қай жаста да, өзіне көңіл мен уақыт бөлгені құптарлық іс.<blockquote>– Әйел үшін косметологияның маңызы өте зор. Өйткені, әдеміліктің әйелге тән екендігі және сенімділік беретіндігі айқын. Негізінен, косметологияда клиникада және сұлулық салонында жасауға рұқсат берілген процедуралар болып бөлінеді. Енді сұлулық салонында жасалатын процедураларға тоқталып өтсем. Олар, біріншіден аппараттық процедуралар – денеге және бетке арналған. Екіншіден, дененің, терінің мәселесіне байланысты жасалатын маскалар мен массаждар, спа процедуралар, үшіншіден, пилингтің жеңіл түрін жасауға болады. Сонымен қатар, аппаратпен немесе арнайы құралдармен бет тазалау жатады,- деді косметолог Зару Орынбасарова.</blockquote>Сұлулықты ойлағанда саулыққа да салғырт қарамау керектігі қаперде болғаны ләзім. Осы орайда, «пайдалы деген процедуралардың өзі денсаулыққа кері әсерін тигізбей ме?» деген күмән көкейімізде болды. З.Орынбасарованың айтуынша, егер бұл процедураларды білікті емес мамандар жүргізсе денсаулыққа зиян келтіруі мүмкін. Сондықтан косметологтар, косметолог болғысы келетін қыздар бір күндік семинарға немесе мастер классқа қатыспай, оқу орталықтарынан білім алғаны жөн екендігін жеткізді.Әлбетте, нәзік жандылар бетіне безеу шыққанның өзінде безек қағады. Сөйтіп, интернеттен қажетті ақпараттар алып, косметологтарға барып, бет терісіндегі мәселенің басын ашып алғысы келеді. Егер бет терісінде қандай да бір өзгерістер байқалса, бұл ағзадағы жайсыздықтарды да білдіруі мүмкін. Сонымен қатар, үй жағдайында да бет терісіне селсоқ қарамау керек. Өйткені, терінің қалыпты һәм таза болуында әрбір жасалған күтімнің орны айрықша.<blockquote>– Кез келген бет терісінің проблемасын шешу тек бет күтімі ғана емес, ішкі құрылысты емдеу арқылы жүзеге асады. Мәселен, эндокринолог, дерматолог, гинеколог сынды білікті мамандарға көрініп, ішкі құрылысын тексертіп, сонымен бірге косметолог мамандармен жұмыс істеген дұрыс. Күнделікті бет күтіміне таңертең, кешке бет жуу. Құрғақ және майлы беттерге арналған гельдермен жуу керек. Сондай-ақ, таңертең жағатын күннен, желден қорғайтын кремдер және кешке тері демалуы үшін ылғалдандыратын кремдер пайдаланған жөн. Әсіресе, кремнің алдында тоникті қолдану теріні сергітіп, қан айналымын жөндейді. Әрі аптасына бір рет бетке арналған маскаларды қолдануға кеңес беремін, – деді косметолог Зару Орынбасарова.</blockquote>Көп арулардың бетіне безеу қаптаса кетірудің жолын іздеп бас қатырады. Тіпті болмай жатса, косметикаларды қолданып, опаны үстін-үстін жағып әлек болады. Бұл бір сәтке ғана әдемілік сыйлағанымен, ерте жастан көп косметика қолдану теріге кері әсерін тигізеді. Осы орайда, косметолог маман жас қыздардың бет терісіндегі проблемаларын, безеуді бояулармен жасырамын деуі үлкен қателік екенін айтып, ондай мәселе туындаған жағдайда алдын алып емдеп, дәрігерге көріну керектігін тілге тиек етті. Ал, егер бет терісіне ешқандай проблема кездеспесе, жас қыздар қазір шығып жатқан «BB», «СС» жеңіл крем түрлерін пайдалануға болатынын алға тартты.Иә, адам қартайса жүзін әжім торлайтыны белгілі. Десе де, нәзік жандылар сұлулығының қалпын сақтап, әжімнің алдын алуға тырысып бағады. Әжіммен күресте косметология көмекке келеді. Бұл сырт келбетінде мін болғанын қаламайтын әйел қауымы үшін таптырмас мүмкіндік. Қайткенмен де, әйелге ылғи әдемі болып жүрген жарасымды емес пе?!<blockquote>– Қартаю – табиғаттың заңы, физиологиялық процесс. Дей тұрғанмен, кәрілікті кештеу алып келуге, яғни, әжіммен күресуге оның алдын-алуға қазіргі дамыған косметология мен медицина септігін тигізеді. Косметологияда мезотерапия, биоревитализация секілді иньекциялық процедуралар бар. Ал, иньекциялық процедураларды жасағысы келмейтін әйелдерге массаж, маска және аппараттық процедураларды ұсына аламыз, – деді косметолог маман.</blockquote>Асылында, сұлулық пен спорттың біте қайнасып жатқаны ақиқат. Дұрыс тамақтанудың өзі саулық пен сұлулық үшін маңызды рөл атқарады. Бет терісінің неғұрлым әдемі болғанын қаласа, соғұрлым денсаулыққа мән беру керек. Бұған күнделікті жаттығу жасап, спортпен шұғылдану, тағамды талғап жеу жатады. Әсіресе, тәтті, ащы, майлы тағам түрлерін, картоп қытырлақтары мен газды сусындарды тұтынбай, пайдасынан зияны көп өнімдерден өзімізді шектеген жөн. Түйіндей келе, әйел заты айнадан өзін адам шошырлық кейіпте көрмей, өзіңе көңілі толып, бақытты екенін сезуі тиіс. Жан мен тән сұлулығы тоғысып, көркемдік пен күміс күлкі үйлесім тапқанда сұлулықтың көрінісі сонда байқалады.

Қазақстан және Қызылорда облысының жаңалықтары