<a href="https://kyzylorda-news.kz/">Kyzylorda-news.kz.</a> Жалағаш аудандық мәдениет және спорт бөлімімен «Наркескен» спорт клубының ұйымдастыруымен аудан әкімінің арнайы жүлдесі үшін алғаш рет «TARTYL FEST» турникке тартылу жарысы өтті. Аудан жастарының арасында жастарды спортпен тұрақты шұғылданып, өзара татулық пен достықты нығайтып, салауатты өмір салтын насихаттау мақсатында ұйымдастырылған жарысқа кент және ауыл округтерінен 58 спортшы қатысты.Шараға арнайы Жалағаш ауданының әкімі Асқарбек Есжанов қатысып, жарысқа қатысушыларға сәттілік тіледі.Жарыс қатысушылары жас ерекшеліктеріне қарай ІІІ кезеңге бөлінді: 18 жасқа дейін, 18 жастан 35 жасқа дейін, 35 жастан жоғары.18 жасқа дейінгі қатысушылар арасында өткен жарыста І орынмен Абылайхан Батырхан «Ақсу» ауылы, ІІ &nbsp;орын Наурызхан Кәмедин «Мырзабай ахун» ауылы, ІІІ орын Ернұр Оразбай «Бұқарбай батыр» ауылының спортшылары иеленді.18-35 жас аралығындағы спортшылар арасынан жүлделі І орынды Ұлықбек Шаңқытбайұлы «Т.Жүргенов» ауылы, ІІ орын Нұрхан Бауыржанұлы «Кент», ІІІ орынмен Жасұлан Сержанов «Кент» қатысушысы иеленді.35 жастан жоғары спортшыларымыз арасынан І орынды Нариман Батишев «Кент», ІІ орынды Қуаныш Байқожаев «Бұқарбай батыр» ауылы, ІІІ орынды Мирамбек Доспенбетов «Есет батыр» ауылының қатысушысы иеленді.Жарыс соңында "Наркескен" спорт клубының директоры Ғ.Ержанов жеңімпаздарды жеңістерімен құттықтап, арнайы аудан әкімінің дипломдары мен қаржылай сыйлықтарын табыстады.&nbsp;

Жалағашта «Tartyl fest» жарысы өтті

Алғашқы дән себу рәсімі өтті

<a href="https://kyzylorda-news.kz/">Kyzylorda-news.kz.</a> Тамыры тереңде жатқан Жалағаш жері де талай ұлт пен ұлысты өзге деп бөле-жармай, туыстық қарым-қатынас орнатты. Елде тыныштық пен бірлік болса, алдағы уақытта да аудан экономикасының қарқынды дамуына құтты қадамдар жасалып, өңір халқының қолдауымен қыруар жұмыс жүзеге асырылады деп ойлаймыз. Ең бастысы – бірлігімізден қол үзбесек, іргемізді берік ұстасақ болды.Біз көпұлтты мемлекетпіз. Сонау бір жылдары тағдыр тәлкегімен жылы ұясын тастап, атамекендерінен үдере көшіп, пана іздеп келген жандарды құшақ жайып қарсы алдық, төрімізден жай ұсындық, қоныс бердік, қоңсы қондырдық. Олар діні мен тіліне, нәсіліне қарамай, ата-бабадан аманатқа қалған ұлан-ғайыр даламызға да, көлдей көңілімізге де сыйды, сіңді. Олардың әрқайсысын өз бауырымыздай көріп, қолымыздағы барымызбен бөлістік. Олар да халқымыздың қонақжай көңіліне, қылаусыз пейіліне қарыздар екенін біледі.Кезінде үдере көшкен этнос өкілдеріне кең құшағын жайған, өз Отанынан пана берген де біздің халық еді. Әлем елдеріне татулық пен бірліктің үлгісі ретінде танылған Қазақстан расымен де өзгені өзекке теппеген мемлекет. Биылғы бірлік күні қарсаңында редакциямызға бас сұққан кент тұрғыны, неміс ұлтының өкілі Валентина Коновалова да бұл күннің маңыздылығын айтады. Кезінде қудалауға ұшыраған Валентина апамыздың әкесі жазықсыз жазасын өтеп, одан соң Қазақстанға қоныс аударылған екен. Сол тұста қазіргі өмірлік жұбайымен танысып, осында келген соң шаңырақ көтеріпті. Расымен, тарихқа үңіліп қарайтын болсақ, ұлы халықтың бастан кешпеген қиындығы жоқ. Өздері небір қиыншылықпен күн кешіп отырса да, көңілі дархан, құшағы кең халық сырттан келген ұлттарға қонақжайлық танытып, дастарқандағы асымен бөлісті. Қазірде сол қуғын-сүргіннің құрбаны болған жандар қазақ жеріне тұрақтап, осында өсіп-өніп, балалы-шағалы болып, тіпті қазақпен құда-құдандалы болып отыр. Кейіпкеріміздің айтуынша, ынтымақ пен бірлік бар жерде кез келген қиындықты бірге еңсеруге болады.&nbsp;<blockquote>«Тағдырдың жазуымен кезінде ата-анамыз осы қазақ еліне қоныстанып қалдық. Сондай қиын-қыстау заманда ешқайсымызды жатсынбай құшақ жая қарсы алған қазақ халқының кеңдігіне, қонақжайлылығына ризамыз. Қазақстанды ортақ Отанымыз деп санаймыз. Себебі, жері кең, көңілі дархан ел бізге бөтен болған емес. 130-дан аса ұлт шоғырланған қазақ жерінде ауызбіршілікте өмір сүріп жатырмыз. Біз осы елде тамыр жайдық, өстік-өркендедік. Біздің әрбіріміздің қолайлы өмір сүруімізге қол ұшын созды. Талай тағдырды бір шаңырақ астына ұйыстырған, басына бақ қонған қазақ елі 30 жыл ішінде экономикасы қарқынды дамып, шет елдермен байланыс орнатып үлгерді. Бұл барлығымыз үшін зор мақтаныш, – дейді кент тұрғыны.&nbsp;</blockquote>Иә, бәріміз қазақстандықтардың мақсат-мүддесі ортақ, бірлігі бекем, достығы берік екенін білеміз шешен ұлтының өкілі мұнда барлығы бір-бірінің салт-дәстүріне дейін аса құрметпен қарайтынына ризашылығын білдірді. 1956 жылы кентте дүние есігін ашқан Валентина Коновалованың туған күні де Ұлы Жеңіс күнімен бірдей. Яғни бұл кісі 9 мамыр күні өмірге келіпті. Өмірлік жолдасы орыс ұлтының өкілі. Үш баланың ата-анасы, қазір қыздарын қияға қондырып, 4 немеренің әжесі атанып отыр. неміс ұлтының өкілімен әңгіме барысында отбасындағы берекенің сақталуы ұлтқа байланысты емес, бірлікте деп санайтынын жақсы түсіндік. Осында туылып, осында оқып, бойжетіп, осында қызмет жасаған екен. Саналы ғұмырын ұстаздық жолда сарп етіпті. Аққыр, Жаңадария, М.Шәменов ауылында мұғалім, онан кейін кент орталығындағы №202 орта мектеп пен оқушылар үйінде де оқушыларға білім беріп, саланың дамуына айтарлықтай үлес қосыпты. «Осы «Жалағаш жаршысы» газетінде ұзақ жыл еңбек еткен Маханбет Ахметов, журналистика саласында өзіндік орны бар Тұрақ Ахетовтерге сабақ берген едім» дейді кейіпкеріміз бір сөзінде. Иә, ұстаздың алдынан ғалым да, дана да, басшы да, батыр да өтеді деген осы ғой.&nbsp;«Қазақ халқы біздің әрбіріміздің салтымызға, дініміз бен құндылықтарымызға сыйластықпен қарағанындай, біз де қазақ елінің салт-дәстүріне, ұлттық құндылықтарына құрметпен қараймыз. Барлық этнос өкілдері дана халықтың қонақжайлылығы мен бауырмалдылығын ерекше бағалайды деп ойлаймын. Бірлік болмай тірлік болмайтынын жақсы білеміз. Сондықтан ең әуелі бірлігімізден ажырамауымыз керек» деген кент тұрғыны, неміс ұлты өкілінің сөзінен ұлтаралық достықтың біздің елде шынымен барына қуандық.&nbsp;Тәңір тарту еткен тәуелсізігіміздің тұғырлы болуы, әрине, қоғамдағы тұрақтылыққа тікелей байланысты. Ал қоғамның тұрақтылығы сақталуы үшін елде алауыздық болмауы керек. Керісінше бірліктің ақ туы жоғары болып, іргеміз сөгілмеуі тиіс. Елдегі тыныштықты сақтауда осындай Отанына адал, азат күннің қадірін білетін жандардың қатары сиремесе дейміз. Ал Валентина апайымыздың ақжүрегінен туған алғаусыз көңілі мен ерекше ықыласы халқымыздың мызғымас бірлігінің жемісі.

Тұрақтылық негізі – бірлікте

<a href="https://kyzylorda-news.kz/">Kyzylorda-news.kz.</a> Бүгін Қазақстанда 31 адам коронавирусқа шалдықты, деп хабарлайды &nbsp;Денсаулық сақтау министрлігі.«30 сәуірдегі мәлімет бойынша, 1 155 адам коронавирус инфекциясынан (–1 000+ және 155 КВИ-) емделуде, олардың ішінде 155 пациент стационарда, 1 000 науқас амбулаториялық деңгейде ем қабылдауда.КВИ+, КВИ- шалдыққандардың арасында 1 адамның жағдайы ауыр, жағдайы өте ауыр, ӨЖЖ аппаратында жатқан науқастар жоқ», - деп жазды ведомстводан.

Бүгін Қазақстанда 31 адам коронавирусқа шалдықты

Жаңадарияны жарқын істер күтіп тұр

<a href="https://kyzylorda-news.kz/">Kyzylorda-news.kz.</a> Қазгидромет ел аймақтарында 30 сәуірде болатын қауіпті метеорологиялық құбылыстарға болжам жасады.«Атмосфералық фронтальды бөлімдердің өтуімен республиканың оңтүстігінде, оңтүстік-шығысында, шығысында жаңбыр жауады, оңтүстігінде, оңтүстік-шығысында найзағай ойнайды. Ал Қазақстанның басым бөлігінде Солтүстік антициклон кіруімен жауын-шашынсыз ауа райы күтіледі. Ел бойынша желдің күшеюі, солтүстігінде - тұман, оңтүстігінде шаңды дауыл күтіледі», - деп жазды синоптиктер.Түнде Ақмола, Павлодар, Солтүстік Қазақстан, Қостанай облыстарының солтүстігінде 1-7 градус үсік, Қарағанды, Ұлытау облыстарында топырақ бетінде 1-3 градусқа дейін үсік күтіледі. Ал Қызылорда облысында жылы ауа райы сақталады, бұлт күтілуде.

Қазгидромет бүгін 6 облыста үсік жүретінін ескертті

<a href="https://kyzylorda-news.kz/">Kyzylorda-news.kz.</a> Жақында облыстық қоғамдық даму басқармасының ұйымдастыруымен Ахмет Байтұрсынұлы атындағы «Үздік оқытушы – 2023» республикалық байқауының облыстық кезеңі өтті. Онда облысқа қарасты аудандар мен қаладан 7 маман сынға түсті. Байқаудың басты мақсаты – мемлекеттік тілді авторлық бағдарлама арқылы оқытатын шығармашыл әлеуеті бар оқытушыларды анықтау, қолдау және олардың авторлық әдістемелерін кеңінен тарату.&nbsp;Мемлекеттік тілді оқыту мамандарының байқауында алғашқы сөз облыстық қоғамдық даму басқармасының басшысы А.Есмахановқа берілді. Ол мемлекеттік тілді оқытудың маңыздылығына, тіл саясатының қажеттігі туралы ой бөлісіп, қатысушыларға сәттілік тіледі.Байқауға қатысушылар «Авторлық бағдарлама», «Сұрақ-жауап», «Жағдаят» тапсырмаларын орындау секілді үш кезең бойынша бақ сынады. Облыстық тілдерді оқыту орталығының мемлекеттік тіл оқытушылары өзара бақ сынасып қана қоймай, кәсіби біліктіліктерін жетілдіріп, ересектерге мемлекеттік тілден сабақ берудің сапасын арттырудың оңтайлы әдістерімен бөлісіп, тәжірибе алмасты.&nbsp;Байқау нәтижесінде аудан бойынша мемлекеттік тіл оқытушысы, бұрынғы әріптесіміз Гүлжанат Дүзенова I орынға лайық деп танылып, республикалық кезеңге жолдама алды.&nbsp;– Жалпы 7 маман сынға түстік. Әрине, бұл қызметке келгеніме 3 ай ғана болғандықтан қорқыныш болды. Десе де, бар қабілетімді, білімімді көрсетуге тырыстым. Алғашқы кезеңнің тапсырмасы өзіңнің жеке авторлық бағдарламаңды құрастыру болды. Менің жастайымнан ақындық өнерге, шығармашылыққа жақын болып, өлеңді өміріме серік еткендіктен «Өнер және тіл, Өлең құрай біл» деген тақырыпта авторлық бағдарлама дайындап апардым. Ондағы мақсатым – тіл үйретуді ақындық өнермен, өлеңмен ұштастыру. Бұл сайыстың басты көздегені де өзіндік оқыту үлгісі бар ұстазды өзгеге үлгі ету, марапаттау. Келесі кезең сұрақ-жауап болды. Ал үшінші кезең жеребе арқылы бұйырған тақырыпқа, алдыңа берілген тыңдаушылармен сабақ өту. Бұл – ұстаздың нағыз біліктілігін, білімін, жан-жақтылығын шыңдайтын, анық көрсететін кезең. Маған ұлттық тағамымыздың бірі «Құрт» туралы сабақ өту бұйырды. Күнделікті жасап жүрген дүнием болғандықтан, аса тосыла қоймадым. Таныс орта болмаса да сабақты ерекше етіп ұйымдастыра алдым деп ойлаймын. Әділ-қазылар әр кезеңді бағалай келе жоғары баға берді. Енді Атырауда өтетін республикалық кезеңге қызу дайындық үстіндемін, – дейді жеңімпаз оқытушы.&nbsp;Иә, Гүлжанат Өмірқызыныңбұл салаға енді келгеніне аз уақыт болса да үш топ оқытып, түрлі іс-шаралар өткізіп үлгерген. Көздегені – мемлекеттік тілдің мәртебесін асыру, тіл саясатын жүзеге асыру. Көзі қарақты оқырман бұған дейін Гүлжанаттың «Қармақшы таңы» газеті бас редакторының орынбасары болғандығын жақсы біледі. Қазіргі жаңа қызметтінде де жақсы қырынан көрініп жатқанына қуаныштымыз. Ұлы мақсатты ұлықтап жүрген әріптесіміздің келесі сыннан да сүрінбей өтуін тілейміз.

Қармақшыдағы үздік мемлекеттік тіл оқытушысы анықталды

<a href="https://kyzylorda-news.kz/">Kyzylorda-news.kz.</a> Қазақстан Республикасы Оқу-ағарту министрі Ғани Бейсембаев Сыр өңіріне жұмыс сапары барысында Қармақшы ауданы бойынша білім бөліміне қарасты №277 мектеп-лицейінде болып, Байқоңыр қаласындағы ұстаздар қауымымен кездесу өткізді.Келелі кездесуге ҚР Президентінің «Байқоңыр» кешеніндегі арнаулы өкілі Қайрат Нұртай, Қызылорда облысының білім басқармасының басшысы Мейрамбек Шермағанбет, Қызылорда облысының білім саласында сапаны қамтамасыз ету департаментінің басшысы Ғалия Даулетова, Қармақшы ауданы бойынша білім бөлімінің басшысы Гүлзира Абдазиева, сондай-ақ Қармақшы ауданы бойынша білім бөлімінің мамандары және қала мектептерінің басшылары қатысты.Алдымен ведомство басшысы Байқоңыр қаласындағы білім беру ұйымдарының қызметімен танысып, әрі қарай ұстаздар қауымымен кездесіп, келелі мәжіліс өткізді.Еліміздің бас ұстазы «Алты Алаш жиналса, төр – ұстаздікі» дей келе, сөз басын ұстаздықтың қасиетінен бастап, білім саласындағы оң өзгеріске бағытталар жоспарларды, сондай-ақ Байқоңыр қаласына арнайы бағдарлама жасауды, сонымен бірге білім алып жатқан бітіруші түлектерге грант бөлу мәселесін шешу қажеттіліктерін атап өтті. Ұлт болашағын тәрбиелеудегі жауапкершілікті істің маңызын әр сөзінен ұғындыра білген, дамимын деуші ұстаздарға мотивация берген Ғани Бектайұлына ұстаздар шексіз ризашылығын білдірді.,Кездесу соңында Оқу-ағарту министрі Ғани Бейсембаев өздері қолдан жасаған зымырандарын ұшырып көрсеткен 277 мектеп-лицейінің «Зымыран модельдеу» үйірмесінің мүшелерінің ғылым жолындағы алғашқы қадамдарына сәттілік тіледі.

Оқу-ағарту министрі Байқоңыр қаласының ұстаздарымен кездесті 

<a href="https://kyzylorda-news.kz/">Kyzylorda-news.kz.</a>&nbsp; Бүгінде түрлі ұлт өкілдері Қазақстанды өз жерім деп біліп, қазақ халқын туғанындай көреді. Осыған орай, қазақстандықтардың басын біріктіретін бірден-бір мереке – 1 мамыр – Қазақстан халқының бірлігі күні деп атап өтіліп келеді. Бейбітшілік пен ынтымақтың қанат жаюы қазақтың мейірбандығы мен қонақжайлылығы, өзге ұлттардың қазақ халқының салт-дәстүрін, әдет-ғұрпын, тілін, ділін құрметтеуінде екені белгілі. &nbsp;Мемлекет басшысы Қасым-Жомарт Тоқаев Қазақстан халқы Ассамблеясының «Ел бірлігі – жаңарған Қазақстанның тірегі» атты XXXI сессиясында: «Елімізде тұратын барлық этнос өкілдерінің жалпыазаматтық құндылықтарды құрметтеуі және өздерін Қазақстанмен байланыстыруы аса маңызды. Бұл – Тәуелсіздік жылдарындағы біздің үлкен жетістігіміз», – деген еді.&nbsp;Тарихқа көз жүгіртсек, сонау ХІХ ғасырда Ресей патшалығының Арал теңізін зерттеуінен бастау алып, сол бір қысталаң шақтарда сталиндік репрессияға ұшырап, жер аударылған өзге ұлт өкілдері біздің ауданымызға да қоныстанған. Осындай тағдыр теперішіне тап болған отбасының ұрпағы №14 мектеп-лицейінің ардагер ұстазы, молдаван ұлтының өкілі Наталья Ивановна Мироуц болатын.Наталья ұстаздың нағашы атасы Григорий Герман Молдавияда ауылдық кеңестің төрағасы болып қызмет атқарған. 1938 жылы оған «халық жауы» деген жала жабылып, 1941 жылы ату жазасына кесілген. Ал Григорийдің отбасы халық жауының отбасы деп елден аластатылып, Арал қаласына жер аударылған. Қиындықты, ауыр күндерді көтере алмаған әйелі жолда қайтыс болып, жетім қалған алты баласы Арал өңіріне табан тірейді. Жесірін қаңғытпаған, жетімін жылатпаған қазақ халқы балаларды қамқорлығына алып, тәрбиелеп өсіреді.&nbsp;Кейін Григорий Германның ісі қайта қаралып, ақталады. &nbsp;Григорийдің алты баласы аралдықтардың қамқорлығы мен жанашырлығының &nbsp;арқасында тәрбиеленіп, оқу бітіреді. Содан соң әрқайсысы тіршілік қамымен жан-жаққа кетеді. Ал Аралда қалған қызы Мария Герман осында әскери қызметте жүрген молдаван жігіті Иван Мироуцпен танысып, отау құрады. Сөйтіп олардың отбасында 1953 жылы Наталья, 1964 жылы Юрий өмірге келеді. Натальяның анасы Мария зейнетке шыққанша «Аралрыбвоз» мекемесінде техникалық қызметкер болған. Зейнетке шыққан соң отбасы жағдайына байланысты Молдавияға қоныс аударады. Кейуана: «Арал халқын қалай ұмытамын, бізге қиын кездерде қол ұшын созған» деп еріксіз көзіне жас алып, достарын, жұмыстастарын &nbsp;қимастықпен еске алған көрінеді.&nbsp;Наталья Ивановна Мироуц қаладағы №14 мектепті бітіріп, еңбек жолын осы мектепте пионер жетекшілігінен бастайды. Біраз уақыттан кейін Қызылорда педагогикалық институтын «математика пәнінің мұғалімі» мамандығы бойынша сырттай оқып тәмамдайды. Білімді де білікті маман қаншама шәкірттерге сапалы білім, саналы тәрбие берді. Оның тәлім-тәрбиесін көрген оқушылары аудандық, облыстық білім сайыстарында жүлдегер атанып, мектеп, аудан мерейін асқақтатты. Жетекшілік еткен сыныптарында «Алтын белгі» иегерлері шығып, ұстаз абыройын арттырды. Ұстаз еңбегі салалық басшылық тарапынан бағаланып, мақтау-марапатты еншілеп, облыстық, аудандық Құрмет грамоталарымен &nbsp;де марапатталды.Наталья Ивановнаға әзілдеп, енді Молдавияға көшетін шығарсыз дегенде: «Мен шешемнің бауырларына қазақ халқының жасаған жақсылықтары үшін қарыздармын. Арал топырағында кіндік қаным тамған туған жерден көшпеймін» дейді.&nbsp;Бүгінде өз ісінің маманы атанған ұлағатты ұстаз құрметті еңбек демалысында. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта тәрбиелеуде ұстаздың еңбегі ерен. Түлеп ұшқан шәкірттері сапалы білім мен саналы тәрбиенің арқасында еліміздің өсіп-өркендеуі жолында аянбай еңбек етуде.&nbsp;Жақында Наталья ұстаз 70 жасқа толып, әріптестері, шәкірттері, дос-жарандары зор құрметпен атап өтті. Бұл ұстазға деген сыйластық пен сүйіспеншіліктің бір парасы болар.Ұрпаққа тәрбие беру, білім нәрімен сусындату – екінің бірінің қолынан да келе бермейді. Сондықтан ұстаз болу – жүректің батырлығы деп бағалауға болады.

Наталья Мироуц: Арал топырағында кіндік қаным тамған туған жерден көшпеймін

<a href="https://kyzylorda-news.kz/">Kyzylorda-news.kz.</a>&nbsp;Бүгін «AMANAT» партиясы Қызылорда облыстық филиалының өкілдері партияның «TazaLike» жобасы аясында Қызылорда өңірінің тарихи ерекшеліктерін айшықтайтын Сырдария өзенінің жағасында орналасқан «Сыр-Ана»монументі &nbsp;айналасына ағаш отырғызды.Сыр-Ана монументінің биіктігі 39 метр. Ескерткіш пішіні биіктеген сайын өз діңгегінің айналасында оралып, әсем бейне қалыптастырады. Жоғарғы жағы қазақ әйелінің бейнесін айшықтайтын сәукелеге ұқсас жасалған. Сәукеле бейнесіндегі мұнара басын жайғалған күріш бейнесіндегі бөлшек аяқтайды. Қызылорда облысы Қазақ елін күрішпен қамтамасыз етеді. Сондықтан, күріш – Қызылорда облысының белгісі. Монументтің самал желмен бұйраланған етегі Сырдарияның бұйра толқындарын бейнелейді. Сырдария өзені облыс шаруашылығында маңызды рөл ойнайды.«Партиялық жоба аясындағы сенбілік жұмыстарының «Сыр ана» монументі жанында ұйымдастырылудың да мәні бар. Себебі «Сыр- Алаштың анасы» деп бекер айтылмайды. Жаугершілік замандарда қазақтар Сырдария бойын паналаған. Одан бөлек Сырдарияның бойымен Жібек жолы кереуені өткен және оның бойында тарихи қалалар орналасқан. Монументтің дария бойына орналасуы Сырдария өзенінің талайға пана да, ана да болғанын көрсетеді. Тарихтан сыр шертетін монумент жанына келіп сеурендеп дем алушылар да көп. Сондықтан егілген ағаштарымыз көгеріп, болашақта таза ауа беріп ғана қоймай, қала сәнін аша түсе дейміз»,- дейді партия филиалының Атқарушы хатшысы Ләйлә Төрешова.Атқарушы хатшының айтуынша «TazaLike» партиялық жобасы аясында бүгін партияның аумақтық филиалдары, бастауыш партия ұйымдары, сонымен қатар партияның «Жастар рухы» жастар қанаты да сенбілік жұмыстарын жүргізуде. Ағаш егу, тазалық жүмыстары «Мәңгілік алау», Ұлы Отан соғысы ардегерлерінің үй ауласы, сонымен қатар тарихи ескерткіштер мен скверлерде жүргізілген.<img src="https://knadmin.beoblood.kz/uploads/Whats_App_Image_2023_04_29_at_12_43_06_1_d818d13178.jpeg" alt="WhatsApp Image 2023-04-29 at 12.43.06 (1).jpeg"><img src="https://knadmin.beoblood.kz/uploads/Whats_App_Image_2023_04_29_at_12_43_10_83f0e92887.jpeg" alt="WhatsApp Image 2023-04-29 at 12.43.10.jpeg"><img src="https://knadmin.beoblood.kz/uploads/Whats_App_Image_2023_04_29_at_12_43_08_8c56e0a2e1.jpeg" alt="WhatsApp Image 2023-04-29 at 12.43.08.jpeg"><img src="https://knadmin.beoblood.kz/uploads/Whats_App_Image_2023_04_29_at_12_43_09_a33de37036.jpeg" alt="WhatsApp Image 2023-04-29 at 12.43.09.jpeg">

Қызылордада «TazaLike» жобасы аясында сенбілік өтті

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаевтың Сыр өңіріне жұмыс сапары облыс орталығында қорытындыланды. Білім беру ұйымдарының жұмысымен танысып, саланың өзекті мәселелерін саралаған министр мен облыс әкімі Нұрлыбек Нәлібаев бүгін 2023-2029 жылдарға арналған Қызылорда облысының білім беру жүйесін дамытудың өңірлік Жол картасына қол қойды.Жиында аймақ басшысы Ғани Бектайұлының жұмыс сапары білім саласына оң серпін беретініне, министрліктің қолдауымен маңызды мәселелердің шешім табатынына сенім білдірді.<blockquote>«Соңғы жылдары Мемлекет басшысы Қасым-Жомарт Кемелұлының бастамасымен еліміздің білім саласында ауқымды реформалар жүзеге асырылды. Білім сапасын арттыруда, педагогтарды әлеуметтік қолдауда тың бастамалар қолға алынды. Бұл саланың сапа тұрғысынан өркендеуіне жасалған ерекше қамқорлық деп білеміз. Білім - күнделікті жүйелі жұмысты талап ететін күрделі әрі ауқымды сала. Оның маңызды құрамы – қаражат мәселесі. Биыл білім саласына бөлінген қаржы 262 млрд. теңгеге жетіп, облыс бюджетінің 44,2 пайызын құрады. Бұл көрсеткіш былтырғы жылмен салыстырғанда 17%-ға артқан. Тиісінше, біз алдағы жылдары салаға бағытталған қаржы көлемін арттыра береміз. Білімге жұмсалған қаржы - болашаққа салынған инвестиция. Балаларымыздың болашағы бәрінен де маңызды, ол үшін барлық қажетті шараларды қабылдау - біздің басты міндетіміз», - деді облыс әкімі.</blockquote>Айта кетейік, өңірлік Жол картасы білім беру процесінің 8 бағыты бойынша жасақталған 107 іс-шараны қамтиды. Бұл құжат бойынша алдағы 7 жылда жергілікті, республикалық және инвесторлар қаржысы есебінен проблемалық мәселелер өз шешімін таппақ. Атап айтқанда, мектепке дейінгі білім беретін 12 ұйымға күрделі, 160 нысанға ағымдағы жөндеу жүргізіледі. Жоғары оқу орындары базасында мектепке дейінгі білім беру ұйымдары педагогтарын қайта даярлау, біліктілігін арттыру қолға алынады. 80 балабақша компьютерлік техника мен интерактивті панельдермен, 40 балабақша ойын алаңдарымен жарақталып, шағын сәулет нысандары жаңартылады. Үш ауысыммен білім беру, орын тапшылығы мәселелері шешіліп, «Жайлы мектеп» ұлттық жобасы шеңберінде 15 100 орындық 21 мектеп құрылысы жүргізіледі. Сонымен бірге, «Білім беру инфрақұрылымын дамыту» қоры есебінен жаңадан 10 мектеп салынады.Еске салсақ, Үкімет басшысының Сыр еліне сапары кезінде 300 орындық жатақханасы бар 400 орынға лайықталған физика-математика бағытындағы мектеп-интернат салу жобасы қолдау тауып, құрылысы басталуда. Білім ошақтарына 447 робототехника, химия, биология физика, математика, STEAM пәндік кабинеттері сатып алынып, әдістемелік көмек көрсету үшін «Назарбаев зияткерлік мектептері» АҚ-мен бірлесіп «Жетекші мектептер» жобасы іске асырылады.Қызылорда қаласында ерекше мүмкіндіктері бар балалар үшін 1 психологиялық– медициналық - педагогикалық консультация, 14 инклюзивті білім беру кабинеті ашылады. Ең бастысы, 2023 жылдан бастап бастауыш сынып оқушыларын түгелдей тегін ыстық тамақпен қамтамасыз ету өз шешімін тапты. Бұл алдағы жылдары да жалғасады.<img src="https://knadmin.beoblood.kz/uploads/343449458_212941044782632_5762453707908501496_n_51c66c646b.jpg" alt="343449458_212941044782632_5762453707908501496_n.jpg"><img src="https://knadmin.beoblood.kz/uploads/343492368_929611281688699_1173220803082494012_n_359f863eef.jpg" alt="343492368_929611281688699_1173220803082494012_n.jpg">

Қызылорда: Білім беру жөніндегі өңірлік жол картасына қол қойылды

<a href="https://kyzylorda-news.kz/">Kyzylorda-news.kz.</a>&nbsp; Қайсыбір жылдары тағдырдың ауыр тауқыметін тартып Арал өңіріне жер аударылып өзге ұлт өкілдері келген болса, кейіннен теңіздегі тіршіліктің қазаны қайтып тұрған шақта қызмет бабымен қоныс тепкендер болды. Сол кездерден тұрақтап қалған, қазіргі таңда бір-жар ғана өзге ұлт өкілдері бар. Ал кейіннен тағдыр жолын Аралдың азаматымен байланыстырып, құтты мекенге келін болып түсіп, осында өніп-өсіп, тамырын тереңге жайып отырған түрі басқа болса да, тілегі мен жүрегі қазақ деп соққан, қазақ баласының анасына айналған жандар да бар. Сондай жанның бірі – Арал ауданы, Шөмішкөл ауылында тұратын Феруза Қалмұратова.&nbsp;Феруза 2020 жылы Шөмішкөл ауылына келін болып түсті. Өзі Қарақалпақстан жерінің тумасы. Ұлты – өзбек. Жолдасы Әнуарбекпен Алматы қаласында танысқан. Сондағы дүкендердің бірінде бірге жұмыс жасаған көрінеді. Арадағы сыйластық махаббатқа ұласып, өзбек қызы әп-сәтте Аралдың келіні болып шыға келеді.&nbsp;<blockquote>Қазақ тілі мен өзбек тілі бір-біріне ұқсас болған соң, бастапқыда Алматыда жүргенде тілді жақсы меңгеріп алғанмын. Жалпы екі халықтың да ортақ салт-дәстүрлері мен ұқсастықтары көп қой. Сондықтан маған қазақ отбасына келін болу аса қиындық тудыра қойған жоқ. Рас, бастапқыда климаттық жағдайға үйренісе алмадым. Қазір аз уақыт болса да жергілікті халыққа сіңісіп кеттім. Себебі мұндағы ауыл адамдары өте қарапайым. Мені жатсынып-жатырқамай, құшақ жая қарсы алды. Білмегенімді үйретіп, түзеп, жанашыр болып жүреді. Ата-енем өмірден қайтқан. Біз қазір үлкен ағам мен абысынымның қолында тұрамыз, – дейді Феруза.</blockquote>Ол ауылдастарына дән риза. Өзіне жанашыр болып қолдау көрсеткен де сол ауылдың халқы. Сондай-ақ өзі келін болып түскен шаңырақтағы үлкендерді де ерекше құрметтейді.&nbsp;<blockquote>Бұл жақын адамдарым маған жанашыр бола білді. Абысыным сиыр сауу, құрт жасау, айран пісу – бәрін үйретіп, пысық келіншек етіп шығарды. &nbsp;Жуырда ғана тұңғышымды өмірге әкелдім. Бұл кезде де баланың күтімін үйреткен де абысыным. Жалпы ауылға келіп білмейтін дүниемнің көп екендігін ұқтым. Қазақтардың әрбір ісі мен тұрмысына сіңіп кеткен салт-санасының астарында үлкен мән бар екендігіне көзім жетті. Ештеңе тектен текке жасалмайды екен, – деген Феруза ағынан жарылды. &nbsp; &nbsp;</blockquote>Оның төркіндері тегіс Өзбекстанда тұрады. Қазақстанда жалғыз өзі ғана. Сонда да болса туған үйі мен еліне көп бара бермейді. Бір жарым жылда бір барып тұрады екен. Телефон арқылы амандық біліп отыратын көрінеді.&nbsp;<blockquote>&nbsp;Мен ұлтым өзбек болса да, қазақ отбасының келінімін. Қазақ перзенттің анасымын. Өмірде адам баласы үшін аса қастерлі саналатын бағалы байлыққа осында қол жеткіздім. Өзімді аялайтын жан жолдасым бар. Жанымда мені қамқорлығына бөлеген жақындарым мен құшағын кең ашқан ауылдастарым жүр. Бесігімде сәбиім бар. Пенде үшін осыдан асқан бақыт бар ма? Ал осы жақсылықты маған сыйлаған барша жақын жандарыма алғысымды айтқым келеді. Маған жасаған жақсылықтарыңыз бен мейірімдеріңіз өздеріңізге еселеп қайтсын, – деген өзбек қызы жүрекжарды тілегін де жеткізді.&nbsp;</blockquote>&nbsp;Қазақ қазақ болғалы өзгені өгейсітпей, құшағын кең ашқан бауырмалдылық қасиетімен танылған халық. Ал ол адам елдің ырысын еселеп, бақытын баянды ете түскен жан болса, оған деген құрмет тіптен басқа. Мақалаға арқау болған Феруза Қалмұратова да өзінің өмірлік бақытын Аралдан тауып, осында бақытты ғұмыр кешіп отырған жан.

Қазақстан және Қызылорда облысының жаңалықтары