<a href="https://kyzylorda-news.kz/">Kyzylorda-news.kz.</a> Ақжарма ауылдық округіне қарасты Баймұрат батыр ауылы мен Талдыарал елді мекені тұрғындарын қоса есептегенде халық саны 2326 адамды құрайды. Экономикалық белсенді халық саны тұрғындардың 45 пайызын құрайды, яғни 1055 адам түрлі салада жұмыс істейді. Ауылда бір әлеуметтік жұмыс орны бар. Ал жұмыссыздық деңгейін жою мақсатында тұрақты жұмысқа 12 адам орналасқан. Өзін-өзі жұмыспен қамтылғандар саны – 465, жұмыссыздар саны – 8 адам. Осылайша ауылдық округтегі жұмыссыздық деңгейі 0,45 пайызды құрап отыр.Өткен 2022 жыл бойынша ауыл тұрғындарын халықты жәрдемдесу шаралары арқылы 4 адам жастар практикасымен, 30 адам ақылы қоғамдық жұмысқа, «Еңбек» бағдарламасы аясында мемлекеттік грантқа 15 адам құжаттарын тапсырып, 10 адам жалпы құны 12,250 миллион теңгені құрайтын грантқа ие болған.Ауылдық округтің жыл басынан бекітілген бюджет шығындары бойынша 90,6 миллион теңгені құраса, жыл ішінде қалалық мәслихат шешімімен бұл қаражат 91,8 миллион теңгеге нақтыланып, &nbsp;0,9 есеге артқан. 6 салық түрлері бойынша бекітілген салықтық түсімдер жоспары 4,5 миллион теңгені құраса, жыл ішінде қалалық мәслихат шешімдерімен бұл қаражат 5,1 миллион теңгеге нақтыланып, 0,9есеге артты. 2022 жылы салықтық түсімдер 5,0 миллион теңгеге жоспарланып, нақты түсім 4,9 миллион теңгені құрап, 100 пайызға орындалған.Сонымен қатар округ бойынша жыл басынан 43 отбасындағы 180 адамға 5,6 миллион теңге көлемінде атаулы әлеуметтік көмек тағайындалған.Ақжарма ауылдық округінде жалпы білім беретін 2 орта мектепте екі ауысымда барлығы 458 оқушы білім алады. Мектептер толықтай бейнебақылау камераларымен жабдықталған. 2022 жылы мектеп бітірген түлектер 100 пайыз оқу грантының иелері атанған.Ауылда бұқаралық спорт түрлері жақсы дамып келеді. Мәселен, ауылда грэпплинг, дзюдо, футбол үйірмелерінде 192 жасөспірім спортпен шұғылданады. Қазіргі кезде «Талдыарал» футбол клубы облыстық деңгейде бақ сынап жүр. Қазақстан біріншілігінен грэпплинг спорт түрінен жеңімпаз болған екі жасөспірім Әлем біріншілігі бойынша Испанияда өтетін жарысқа жолдама алған.Ақжарма барлығы 134 кәсіпкерлік нысан бар. Өткен жылдың 10 айында 12 адам өз кәсібін ашып, өз-өздерін жұмыспен қамтып отыр. Қазіргі күні олардың ішіндегі өнімсіздердің қатары 40 болса, өнімділер саны 465-тен 505-ге артқан.Ауылда жұмыссыздықты жою мен әлеуметтік көмектер тағайындау мақсатындағы бағдарламаларды түсіндіру мақсатында кәсіпкерлік бөлімінің мамандары, банк өкілдерінің қатысуын кездесулер ұйымдастырылып отырады. Осы жұмыстардың нәтижесінде еңбек нарығын дамыту және халықтың өмір сүру деңгейін арттыру бойынша қосымша шараларды қабылдау мақсатында 2022 жылдың 10 айында кәсіпкерлікке оқыту курстары бойынша 22 адам тіркеліп, «Еңбек» бағдарламасы ішіндегі «Бастау-Бизнес» оқу курсынан 15 адам сертификатын алған.«Аграрлық несие корпарациясы» Акционерлік қоғамының Қызылорда облысындағы филиалы арқылы «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында қайтарылған қаражат есебінен ауылдық елді-мекен тұрғындарының кәсібін жүргізу мақсатында «Іскер» бағдарламасы арқылы 6 пайызбен 3 жоба қаржыландырылған. Соның ішінде Ақберген Беримов МІҚ мал басын асылдандыруға 4,9 миллион теңге, Қанат Әбішев МІҚ мал басын көбейту бағыты бойынша 48,0 миллион теңге және Нұрмұрат Елшібаев ауылшаруашылық техникасын алу мақсатында 7,5 миллион теңге қаржы алған.2022 жылы Қызылорда облысында кәсіпкерлерді дамыту, оның ішінде өңдеу өнеркәсібі, әсіресе тамақ өнеркәсібін кеңінен қолдану үшін жылдық мөлшері 2-6 пайыздық жеңілдікпен несиелендіруге «Қызылорда өңірлік инвестициялық орталығына» &nbsp;облыстық бюджеттен 950,0 &nbsp;миллион теңге бөлінген еді. Бөлінген қаржыны кәсіпкерлердің жобаларына үйлестіру үшін өңірлік инвестициялық орталығының Бақылау кеңесінің отырысына Ақжарма ауылдық округінен 5 жоба ұсынылып, жалпы қаржысы 10,0 миллион теңге болатын 3 жоба қолдау тапқан. Ал «Бизнестің жол картасы – 2020» бағдарламасы аясында ауыл тұрғыны Қалдыгүл Болтаеваның 27,8 миллион теңгеге ауылшаруашылық техникасын алу мақсатында бір жобасы қолдау тауып, қаржыландырылды.Ауылдық округтің жалпы жер көлемі – 7807,2 гектар. Оның ішінде ауыл шаруашылығы мақсатында табысталған жер учаскесінің көлемі – 6957,2 гектар. Ақжарма ауылдық округінде 18 жеке шаруа қожалығы 12 инвестормен бірігіп, 1541 гектар жерге күріш егілген болса, биылғы жылы 1327 гектар жерге күріш егу жоспарда бар. Былтыр 343 гектар жерге жоңышқа егілген болса, биыл 362 гектар жерге жоңышқа, 172 гектар жерге бидай егіліп, бидайдың әр гектарынан 10 центнерден, жалпы көлемі 172 тонна өнім жиналса, күріш дақылынан әр гектарынан 54,5 центнерден, жалпы 7231 тонна өнім жиналған.«Ауыл шаруашылығы жануарларын бірдейлендіру» дерекқор базасында тіркелмеген мал бастарын тіркеу үшін «Жасыл дәліз - 3» бағдарламасы іске қосылып, тіркеу, сырғалау жұмыстары жүргізіліп, ауылда тағы 416 бас тіркелген. Айта кетерлік жайт, Баймұрат батыр ауылы мен Талдыарал елді мекенінде маусымдық аяқ су ұңғымасы орнатылған.&nbsp;Талдыарал ауылының аумағынан &nbsp;жеке тұрғын үй құрылысын салу үшін 2018-2020 жылдар аралығында өтініш берген 256 азаматқа &nbsp;жалпы көлемі 256 000 шаршы метр жер учаскелері жеке тұрғын үй құрылысын салу үшін уақытша өтеулі жер пайдалану (жалдау) құқығымен табысталған. Жаңадан берілген жерлерге инфрақұрылым жұмыстарын жүргізуге қалалық құрылыс бөлімі арқылы электр жарығына байланысты 43,4 миллион теңге қаржыға мемлекеттік сатып алу заңына сәйкес «Ер-Қанат Сервис» жауапкершілігі шектеулі серіктестігі жеңімпаз болып анықталып, бүгінгі күнге жұмысы толық орындалмай, келісім-шарт мерзімі аяқталған. Қоғамдық кеңес мүшелері жұмыстың кешігуіне байланысты жиналыс өткізіп, қазір күннен-күнге заттың қымбаттауына байланысты өздеріне пайда болуы үшінең арзан сымдарын әкеліп жүргізуі мүмкін болғандықтан сот арқылы жосықсыз деп танып, қайта конкурс жариялау керек деп шешім еткен хаттамасын негізге ала отырып, қалалық &nbsp;құрылыс бөліміне ұсыныс жолданған. Бұл жұмыстар аяқталса, Талдыарал елді мекені бойынша жаңадан берілген жерлер инфрақұрылыммен толық қамтамасыз етіледі.Баймұрат батыр ауылына электр желісін жүргізуге 489,0 миллион теңгеге қалалық құрылыс бөлімі арқылы мемлекеттік сатып алу заңына сәйкес конкурс тәсілімен «Сәт-Сервис» ЖШС жеңімпаз болып анықталып, жұмыстар жүргізілуде. Ал ауылдағы Тоғай көшесіне көше жарығын орнату жұмыстары бойынша маусым айында мемлекеттік сатып алу заңына сәйкес, баға ұсынысын сұрату тәсілі бойынша хабарлама беріліп, «Энергиянұр» ЖШС-і жеңімпаз болып анықталған. Қазіргі таңда жұмыстары толық аяқталып, қабылданған.Сонымен қатар Баймұрат батыр ауылына дәрігерлік амбулатория салуға жоба-сметалық құжаты дайындалып, сәуір айында толығымен 422,0 миллион теңге қаржы мемлекеттік сараптамадан шығып, облыстық экономикалық бюджетті жоспарлау бөліміне қаржының бөлінуіне бюджеттік өтінім жолданған.Жыл сайынғы есепті кездесу кезінде, халықтың ұсынысына берген уәдеге байланысты биылғы жылға ауылға газ жүргізуге жоба-сметалық құжаттарын дайындауға 37,6 миллион теңге қаржы қажеттілігі анықталып, ұсыныс берілген. Ал желтоқсан айында берілген тапсырмаға сәйкес 5 аялдаманың 6,3 миллион теңге болатын, Талдыарал елді мекеніне тренажер жабдықтарымен футбол алаңын салуға 25,2 миллион теңге қаржыға ЖСҚ дайындалып, жергілікті бюджетке бюджеттік өтінім ұсынылған.Округтің учаскелік полиция инспекторы қылмыстың алдын алу мен оны болдырмаудың түрлі бағыттары бойынша жұмыстарды атқарып келеді. Ағымдағы жылдың 10 айында пәтер ұрлығы бойынша 1, мал ұрлығы бойынша 1, темір ұрлығы бойынша 1 қылмысы тіркелген.

Қызылордадағы Ақжарма ауылдық округінде атқарылған іс аз емес

<a href="https://kyzylorda-news.kz/">Kyzylorda-news.kz.</a> Қызылорда облысында орман қоры аумағында өрт оқиғаларын дер кезінде жою және болдырмау мақсатында тиісті жұмыстар жүргізілуде. Мәселен, бүгінде 53 өрт сөндіруші және 11 дана өрт сөндіру техникасымен қамтамасыз етілген. Бұл туралы Өңірлік коммуникациялар қызметінің ақпараттық алаңында өткен брифингте облыстық төтенше жағдайлар департаменті Мемлекеттік өрт бақылау басқармасының бастығы Асхат Оразбеков мәлімдеді.&nbsp;<blockquote>«Жыл басынан бері орман қорында 15,5 гектарды құрайтын алты өрт оқиғасы тіркелді. Бүгінде орман және далалық алқаптарда өрт оқиғаларының алдын алу және жою мақсатында арнайы бекітілген бірлескен жоспарға сәйкес профилактикалық жұмыстар жүргізілуде.Орман дала өрттерінің алдын алу үшін жолдар, орман шаруашылықтары және егіс алқаптарында жаңа өрт жолақтары салынуда. Жергілікті атқарушы органдар, орман шаруашылығы қызметтерімен бірлесіп дала жағдайында өрт-тактикалық оқу-жаттығуын өткізілуі жоспарланды. Департамент тарапынан 11 мобильді топ құрылып, 29 рейдтік шаралар жүргізілді. Сондай-ақ &nbsp;рейдтік іс-шара барысында әкімшілік құқық бұзушылық кодексінің 367-бабына сәйкес шаралар анықталған жоқ. Департамент тарапынан алдағы уақытта төтенше жағдайлардың алдын алу мақсатында профилактикалық жұмыстар өз жалғасын табатын болады», - деді Асхат Плалұлы.</blockquote>

Қызылорда: Биыл орман қорында алты өрт оқиғасы тіркелді

<a href="https://kyzylorda-news.kz/">Kyzylorda-news.kz.</a> Соңғы жылдары Тасбөгет кентінде кәсіпті дамыту бағытындағы мемлекеттік бағдарламаларға қатысу қарқыны артып келеді. Биылғы жылы да кенттің көп тұрғынына бағдарламалардың игілігін пайдаланып, кәсіптерін ашуға, кеңейтуге кеңес берілуде. Нәтижесінде ұлттық жоба аясында жыл басынан бері 20 тұрғын Қызылорда «Өңірлік инвестиция орталығы» микроқаржы ұйымы арқылы өз жобаларын қорғап, 120,4 миллион теңге көлемінде қаржылай қолдау тапты.Сондай-ақ, 400 айлық есептік көлемінде көлеміндегі қайтарымсыз гранттың бірінші легі бойынша 9 тұрғын жалпы сомасы 12 миллион 420 мың теңге жеңіп алған. Қазіргі уақытта, жаңадан кәсіп ашқысы келетін немесе кәсібін кеңейтуге ниет білдіруші 100-ге жуық азамат бағдарлама шеңберінде өз жобаларын ұсынуда. Айта кету керек, 2022 жылы Тасбөгет кентіне 2,6 миллиард теңге инвестиция тартылса, биыл бұл көрсеткіш 3 миллиард теңгеден асып отыр.Аталған бағдарламалар аясында кент тұрғыны Асылхан Оңалбаев жылыжай кешені жобасына 5 миллион теңге көлемінде қаржылай қолдау алған. Тасбөгет кентінің әкімі Семсер Сыздықов биылғы қыс мезгілінен бастап жұмысқа кіріскен кенттегі жаңа жылыжай жұмысымен танысты. Жеке кәсіпкер «Оналбаев» иелігіндегі нысан осы кезде алғашқы өнімдерін бере бастаған. Кәсіп иесінің айтуынша, жалпы ауданы 500 шаршы метрді алып жатқан шағын жылыжайға қазіргі таңда қияр, қызанақ, бұрыш және көшеттер егіп, өсіріп баптауда. Егер жылыжай жақсы өнім беріп, тұтынушы қызығушылығын арттырса Асылхан Оңалбаев кәсібін одан әрі кеңейтіп, өнім түрін де арттырмақ.Кент әкімі Семсер Зұлпыхарұлы жылыжай иесіне мемлекеттік бағдарламаларға қатысу арқылы кәсіпті кеңейту жолдары секілді мемлекет сыйлайтын мүмкіндіктер туралы түсіндіріп өтті. Жаңа іс бастауға жүрексінбей, тәуекелге бел буып, білек сыбана кіріскен азаматтың еңбекққорлығына риза болып, қолға алған үлкен жұмыстарына сәттілік тіледі.<img src="https://knadmin.beoblood.kz/uploads/Tasb_get_kentindegi_zhylyzhaj_zh_mystary_zhandandy1_dabd6c7f77.jpg" alt="Тасбөгет кентіндегі жылыжай жұмыстары жанданды1.jpg">

Тасбөгет кентіндегі жылыжай жұмыстары жанданды

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағановтың төрағалығымен “Қызылорда облысы әкімдігі жанындағы жастар істері жөніндегі кеңес” өтті. Кеңесте жастарды жұмыспен қамту, кәсіпкерлікке баулу мәселесі көтерілді.Қазіргі мәліметтерге сәйкес облысымызда 249000 жас бар. Аймақта 10 жастар орталығы жұмыс жасайды.&nbsp;<blockquote>«Биылғы жылдың өзінде жастармен 796 түрлі форматтағы іс-шаралар ұйымдастырылды. «Сыр жастары» бағдарламасы бойынша осы жылы 100 жас отбасы баспаналы болады деп жоспарлануда. Сондай-ақ, NEET санатты жастардың санын төмендетуге біршама басымдық берілді. Соңғы бес жылда олардың саны 2,8 пайызға азайған. Айта кететін жайт, NEET санатындағы жастармен жұмысты ұйымдастырудың арнайы жұмыс жоспары бекітілді. Жастарды жұмыспен қамту, кәсіпкерлікке баулуға арналған мүмкіндіктер шарасы биыл да өз жалғасын табады. Сонымен қатар, осы жылы барлық аудандарда «еңбек жасақтарын» құруды жоспарлап отырмыз. Алдағы үш жылдықта жұмыссыздық деңгейін төмендетуді, жас кәсіпкерлердің санын арттыруға тиісті басқармалармен жұмыс жасалып жатыр. Жастар арасында қылмыстықтың алдын алу үшін шаралар атқарылып, жыл басынан бері 67 шара ұйымдастырылды. Мұнан өзге, жастар арасындағы парақшаларын мемлекеттік бағдарламаларды насихаттау жүргізілуде. Бүгінде жастарға әскери-патриоттық тәрбие беру басты бағыттардың бірі. Қазіргі күнде «Жас сарбаз» сабағы облыста белсенді жүргізілуде. Алдағы уақытта жастар арасында байланысты күшейту үшін жұмыстар атқарылады», - деді облыстық қоғамдық даму басқармасының басшысы Алмасбек Есмаханов.&nbsp;</blockquote>Сонымен қатар, облыс әкімінің орынбасары Нұрымбет Сақтағанов жастар тәрбиесіне мұқият болуды, жазғы демалыс кезінде уақыттарын тиімді өткізуді тапсырды.&nbsp;Сондай-ақ, кеңес соңында Нұрымбет Аманұлы «Сыр үміті» номинациясын өткен жылдың үздік жастарына табыстады.

«Сыр үміті»: Үздік жастар марапатталды

<a href="https://kyzylorda-news.kz/">Kyzylorda-news.kz.</a> Қызылорда облысының оқушылары мектепке арнайы автобуспен қатынайтын болады. Бұл туралы Қызылорда облыстық білім басқармасының баспасөз хатшысы хабарлады.«Қалаға мектеп оқушыларын тасымалдайтын жаңа автобустар келіп жатыр екен”», - деген сипаттағы біршама хабарлама-сауалдар келіп түсуде. Осы ақпаратты растай отырып, Қызылорда облысының әкімі Нұрлыбек Нәлібаевтың қолдауымен аймақтағы ауыл мектептерінің көліктері 30 жаңа автобуспен толығады. Бұл балаларды мектепке және үйлеріне қауіпсіз тасымалдауды қамтамасыз етуге үлкен мүмкіндік береді.Бүгінгі күні жаңа 30 автобустың жартысы қалаға жеткізілді. Қалған автобустар алдыңғы айда толық жеткізілген соң, мектептерге пайдалануға берілетін болады.Айта кетейік, бұл тасымалдаушы көліктер 20 және 40 орынға шақталған. Мектеп автобустарының техникалық сипаттамалары барлық талаптарға сәйкес келеді. Қауіпсіздік белдіктері, апаттық шығу жол, жылдамдық шектегіштер мен сәйкестендіру белгілері бар және автобуста бала қалған жағдайда белгі беретін жүйемен қамтылған.

Қызылордалық оқушылар мектепке арнайы автобуспен қатынайды

<a href="https://kyzylorda-news.kz/">Kyzylorda-news.kz.</a> Қазақстанның басым бөлігінде 20 сәуір күні жауын-шашын болмайды, деп хабарлайды Қазгидромет.Елдің батысында, солтүстік-батысы мен шеткі шығысында атмосфералық фронттардың өтуіне байланысты қар немесе жаңбыр жаууы ықтимал. Батыста, оңтүстік пен шығыста жел күшейеді.Елдің басым бөлігінде тұман түседі. Оңтүстік мен оңтүстік-батыста шаңды дауыл тұрса, солтүстік-батыста күндіз найзағай ойнауы мүмкін.Ал Қызылорда облысының солтүстігінде топырақ бетіндегі температура 2-3 градусқа дейін суиды.

Бейсенбі күнге арналған ауа райы болжамы

Бәтима Зәуірбекова: Еңбектің нәтижесі бақыт әкеледі

<a href="https://kyzylorda-news.kz/ru/">Kyzylorda-news.kz</a>. ‒ Бақдәулет, сіздің балуандар алаңында топ жарып, бүгінде күрес &nbsp;федерациясында қызмет етуіңіздің өзі бала күнгі қызығушылықтан басталған тәрізді. Әңгімемізді осы тақырыптан бастайықшы…– Күреске тоғыз жасымнан бастап қатыстым. Негізі Оңтүстік Қазақстан облысы, Төле би ауданы, бұрынғы Ленгір қаласының тумасымын, бірақ 2010 жылдан бері Астана қаласына оқуға келіп, кейін &nbsp;осы жердің тұрғылықты тұрғыны атандым.Кішкентай кездегі спортқа деген көзқарас пен мықты болуға деген ұмтылыстың арқасында қазақ күресінен халықаралық дәрежедегі спорт шебері атандым. Оған қоса 2015 жылы Азия чемпионы, екі жыл қатарынан "Еуразия Барысының" жеңімпазы болу бұйырды. Бәрі сол бала қызығушылықпен басталып, бүгінде күреске кәсіби түрде келуіме жол ашты.‒ Ал қазіргі уақытта кілемге жиі шығасыз ба?‒ 2017 жылы "Еуразия Барысында" &nbsp;соңғы рет күресіп, кәсіби мансабымды жұмыс бабына байланысты аяқтадым. Себебі шаршы алаңда күресу, кейін қайтадан сол федерацияда жұмыс жасау бір-біріне кедергі келтіреді. Қазір аптасына бір-екі рет жаттығу залына барып тұрамын, бірақ бұрынғыдай &nbsp;жарыстарға шығып жүрген жоқпын.‒ Қазақ күресінің ЮНЕСКО-ның дүниежүзілік мұралар тізіміне енгенінен хабардармыз. Осы орайда қазақ күресінің әлемдік спорттағы орны жайында толығырақ айтып өтсеңіз... &nbsp; &nbsp; &nbsp;&nbsp;‒ Қазақ күресі әлемдік деңгейде енді-енді танылып келе жатыр. 2016 жылы ғана ЮНЕСКО-ның тізіміне енді, одан кейін түрлі жарыстар ұйымдастырылды, халықаралық федерация құрылды. Қазір әлемнің 30-дан астам мемлекетінде Қазақ күрес федерациясы бар. Алдағы 10 жыл ішінде жазғы спорт түрлерінен Азия ойындарына, одан кейін Олимпиада ойындарына қатысамыз деген үміт бар. Ол үшін алдымен қазақ күресіндегі «қазақ» сөзінен бас тартуымыз керек. Өйткені ұлтқа байланысты спорт түрі ешқашан дамыған емес. Мәселен, өзбек күресі, қытай күресі дегенді естімейміз ғой, болған күннің өзінде біз оның дамуына еш үлес қоспас едік. Сондықтан әр елдің ұлттық ұстанымы болатынын ескеру керекпіз. Қазір осы &nbsp;бағытта бірқатар жұмыс атқарудамыз. Әдетте біздің «Еуразия Барысы», «Әлем Барысы» деген додаларды шетелдіктер көріп, қызығып жатады. Әрине оларды ынталандыратын дүние қомақты жүлде қоры шығар, бірақ біздің күрес те осал емес.‒ Сонда қазақ атауынан бас тарту &nbsp;‒ &nbsp;кілемдегі &nbsp;ереже бірдей болу керек деген сөз бе?!‒ Әрине алаңдағы ереже қашанда бәріне бірдей, бірақ күрес атауы ұлтқа байланысты болмау керек. Біз өз алаңымызда «қазақ күресі», «қазақша күрес» дейміз. Ал халықаралық аренада «қазақ күресі» деген атау бізге қиындық туғызып тұр.Өйткені біз әлем чемпионатын ұйымдастырсақ, барлық спортшының, жаттықтырушының шығынын мемлекет есебінен төлейміз. Себебі олардың елінде қазақ күресі деген атау қабылданбайды. Тіпті кейде «өзге ұлттың күресі, өздері дамытсын» деген пікірді де естиміз. Мәселен, дзюдо сөзі «жеңіске апарар жол» деген мағына берсе, самбо «қарусыз қорғану» деген ұғымды білдіреді. Байқадыңыз ба, ешқайсысында ұлтқа қатысты бөліну жоқ. Мақсатымыз Олимпиада шыңы болатын болса, біз қазірден бастап күрес атауын өзгертуіміз қажет. Мұны халық дұрыс түсінеді деп ойлаймын.‒ Ал әлем мықтылары мен біздің балуандарды салыстырсақ, қай тараптың мүмкіндігі жоғары?‒ Халықаралық аренада әр спорттың өз деңгейі бар. Осы орайда қазақ күресінен қазақ балуандары әлемде бірінші деуге болады. Дзюдодан әлем чемпионы атанған грузин балуаны Гурам Тушишвилиды &nbsp;қазақ күресінен Айбек Нұғымаров таза әдіске салып лақтырды. Міне, бұл ‒ нағыз спорт. Бәлкім Айбек дзюдодан әлем чемпионатына қатысса, әлгі қарсыласына жол беруі мүмкін бірақ біз өз күресімізде бірінші орындамыз, әзірге ешкімге есе бере қоймадық.‒ &nbsp;Республиканың барлық аумағында қазақ күресі қарқынды дамыды деп айта аламыз ба? Әлде күресте кенжелеп қалған аймақтар әлі де бар ма?‒ Күрес федерациясының еліміздегі барлық аймағында филиалы бар. Оған қоса аудандық филиалдар да нәтижелі жұмыс жасап тұр. Біз барлығымен тығыз байланыстамыз. Осы кезге дейін Солтүстік Қазақстан, Қостанай облысында күрестің дамымай келгені рас, бірақ қазір солтүстік аймақта күрес клубы ашылды, ал Қостанайда облыстық басқарма басшылары салаға үлкен қолдау көрсетуде. Күрес ақсап тұрған аумақтың бірі ‒ Батыс Қазақстан еді, ол жерде де федерация басшысы ауысып, ауқымды жұмыстар жасалуда. Нәтижесінде кейбір аймақта ересектер, кей облыста жастар мықты. Жалпы статистикаға сүйенсек, барлық облыстың терезесі тең.‒ Сонда көш басындағы облыс қайсы?‒ Ересектер арасындағы сараптама бойынша Қарағанды мен Алматы, Шымкент &nbsp;қаласы оқ бойы озық. Бұрын Оңтүстік Қазақстан облысы кезінде Шымкенттің балуандары мықты еді, кейін олар екіге бөлініп әлсіреп қалды. Қызылорда облысынан да әр жыл сайын бір чемпион шығып тұрады.– Соңғы уақытта қыздар күресін де жиі көріп жүрміз. Жалпы бұл бағытты дамыту қаншалықты тиімді?– Қазіргі ұлттық көзқараспен қарасақ, бізге қыздар күресі аса тиімді емес. Бірақ біз ауқымды аренаға, Олимпиада шыңына, Азия ойынына жолдама аламыз десек, бұл саланы да дамытуымыз керек. Әлемдік аренада гендерлік саясат жүреді. Ал гендерлік жүйеде ер мен әйелдің құқығы тең. Сол үшін қыздарға да чемпионатқа жолдама беріледі.‒ Ақтөбеде өтетін әлем чемпионатына қандай дайындықтар жүргізілуде?‒ Біз республикалық федерация болған соң, әлем чемионатына аса бір қатысымыз бола бермейді. Әрине біздің территорияда өтетін болған соң, Ақтөбедегі филиал жұмысына көмектесеміз. Оның өзі қонақтарды күтіп алу, шығарып салу сынды жұмыстар. Одан бөлек біз біріншілікке жеке команда ретінде қатысамыз. Біздің тоғыз балуан өткен айда Грузияға барып, халықаралық оқу жаттығуынан өтіп келді.&nbsp;‒ «Жастар әлеуметтік желімен әуре болып кетті» деген қазіргі тұста қазақ күресін дамыту ұлттық сананы қаншалықты қалыптастыра алады?‒ Иә, бүгінде балалар далада алаңсыз асық ойнап, доп тебуден қалды. Осы орайда Qazsport арнасымен бірлесіп «Қазақ күресінен бір әдіс», «Әлем чемпионатынан бір әдіс» деген атаумен бір минуттық бейнежазбалар әзірлемекпіз.&nbsp;‒ Халықаралық спорт шебері ретінде саладағы қандай кемшілікке көңіліңіз толмайды?‒ Мен қазақ күресіне келмей тұрып, яғни 2014 жылға дейін ұлттық құраманың мүшесі болдым. Самбодан Азия чемпионы атандым, дзюдодан да талай жарыста бағым жанды. Бірақ қазір самбоны да, дзюдоны да көргім келмейді. Неге? Өйткені мен қазір қазақ күресімен «ауырып» қалған тәріздімін. Әрі біз дзюдо арқылы жапон күресін, самбо арқылы орыс күресін дамытып келдік. Ал өзіміздің күресте бірде-бір бейнежазба сақталмаған. Кейде өзімде «бұрын неге сол жақта жүрдім екен?» деген өкініш болады. Салада ренжитіндей жүйе де көп болды. Мәселен, кезінде жеребені қолдан ұйымдастырып немесе 5-6 келі салмақты елемей өткізген әділетсіздікті көрдік. Бірақ ол уақытта біз бала едік. Мұның бәрі қазір жойылды. Себебі комиссия құрылып, &nbsp;құжаттарды қатаң бақылауға алдық. Тіпті қазір 100-150 гр салмақ дәрежесі асып кеткен жағдайда спортшы жарысқа жіберілмейді.&nbsp;‒ Сұхбаттасқаныңызға рақмет!

Бақдәулет Маратұлы: Қазақ күресі мектеп бағдарламасына енеді

<a href="https://kyzylorda-news.kz/ru/">Kyzylorda-news.kz</a>. – Нұрзат, Қасиетті Қазалыдан шыққан айтыскер қыз ретінде атың біршама танылып қалды. Жалпы ақындыққа келуіңе кім себепші болды?– Мен өлеңді бала кезден нақтырақ айтсам, мектеп қабырғасында жүргенде-ақ жаза бастадым. Алғашында әдебиет пәнінен сабақ беретін ұстазымыз өлең шығаруға тапсырма берді. Нақты қандай тақырып екені есімде қалмапты бірақ. Сол кезде үш шумақ жазған өлеңімді жақсылап тұрып мақтаған болатын. Мұғалімнің жер-көкке сыйғызбай мақтағанынан кейін өлеңге деген ықыласым ауды. Содан бастап өз бетімше жыр кітаптар оқып, жүйелі түрде өлең шығаруға кірісе бастадым.– Көбіне сыртта сапарлап жүргеніңді көреміз. Туған жерге ат басын жиі бұрмайтын сияқтысың…– Иә. Шынымен сыртта көп жүремін. Қазір айтыстың ауқымы кеңейді. Еліміздің түкпір-түкпірінде болатын &nbsp;сайыстарға қатысып, өзімді шыңдауға тырысамын. Оның үстіне айтыстың аламанына енді қосылғасын, азулы аға-әпкелерімнен осы өнердің қыр-сырын үйреніп қалуым керек емес пе?!– Ақындардың басым бөлігі алғашында жазба ақындыққа келіп, кейін суырып-салудың хас шеберіне айналып жатқанын көреміз. Сенде де осы процесс болды ма?– Бастапқыда блакнотқа шимайлап талай өлең шығардық қой. Бірақ қазір оның барлығы тек машыққа бола жазылған екен деймін. Өйткені кітап оқып, теледидардың алдында тапжылмай отырып сағаттап айтыс көру менің суырып-салмалық дағдымды дамыта түсті. Әйткенмен жазба ақындық &nbsp;осы өнердің баспалдағы дер едім. Себебі ешқандай ақын ә дегеннен айтысып кетпейді.– Қазір жазба поэзиясына көңіл бөліп жүрсің бе?– Қол үзіп қалғаныма көп болды. Сол жағынан айыптымыз расын айтқанда. Айтыста көп жүргеннің әсері ме стиль өзгереді екен. Кейде, жазған өлеңдеріме қарасам айтыстың иісі мен мұндалап тұратындай.– Өзіңе кіммен айтысқан ұнайды?– Өзіңіз білетіндей қазір көбіне өзімнің замандастарыммен шығып жүрмін. Бірақ осы өнерді бойыма толықтай сіңіріп, әбден толысқаннан кейін тәжірибелі ақындармен қарсылас болғым келеді. Мұның барлығы айналып келгенде өзіңді дамытуға көп септігін тигізеді. Мәселен, Дидар Қамиев, Рүстем Қайыртай, Айнұр Тұрсынбаева, Сара Тоқтамысова, Жандарбек Бұлғақов, Мейірхан Сұлтанхан сияқты кіл жүйрікпен айтысудың реті келсе, қандай керемет. Жалпы, ақын болған соң кіммен болсын айтыса беруге әзірмін.Үнемі таңдау мүмкіндігі болмайды ғой.– Жас болсаң да айтыстың төңірегінде жүргеніңе көп болды. Біраз ақындардың айтысты қойдым &nbsp;дегенін естіп жатамыз. Жалпы айтыс ақынының сахнада жүретін белгілі бір жасы бар ма?– Расында ондай оқиғалар болып тұрады. Әркім әртүрлі желеу тауып, осынау қасиетті өнерден тысқары кетіп жатады. Жалпы, қандай себеппен кетсе де, айтыс жасқа қарамайды. Қазір заман дамып жатыр. Айтыстың да екпіні өзгерді. Бәлкім, біреулер сол екпінге ілесе алмай қалып жатқан болар? Өз басым айтыс кетпеген болар едім. Осы аламанның ауыздан түспейтін тұлғасына айналам деген арманым бар. Өзі заманымыздың талабына сай айтыстың бет-бейнесі өзгеріп жатыр ғой. Байқап жүрген шығарсыз. Жаңашылдық бар. Жалпы, адам айтысты тастай алмайды. Ал, айтыстың адамды тастап кетуі мүмкін дүние меніңше.– Әлеуметтік желі де белсендісің. Сол әлеуметтік желіде сын айтып, көңіліңе келетін пікір айтылған кез болды ма?– Жоқ. Жүрек ауыртарлық пікір оқыған кезім есімде қалмапты. Мен айтысқа өте жауапты қараймын. Жаңа заманға ілесу керек болса да, арзан сөздер айта салғым келмейді. Әдемі ой, тұшымды түйіндер жасағанды ұнатамын. Өзіміздің өңірде өткен &nbsp;«Жастар жырлайды» атты ақындар айтысын көрген шығарсыз. Сол айтыстан кейін біршама адамдар мақтауымды келістірді. Сөз саптауыма, тапқырлығыма риза болыпты-мыс. Бұл мақтан үшін емес, жаңағы сөзіме тұздық болсын деп айтып жатырмын. Біраз адам инстаграмда менің жекеме шығып, айтыстағы кейбір қателіктерімді &nbsp;мәдениетті түрде жеткізген кезі болған. Ондай дұрыс сынды қабылдап, соған жұмыс істеймін.– Көрермен ретінде кейбір айтыскерлердің айтыста айтқан түйдек-түйдек сөзін келесі айтыста дәл солай айтып отыратынын байқаймыз. &nbsp;Өзіңде мұндай жайт болды ма?– Жоқ, болған емес. Бірақ айтыс әлеміде бұндай оқиғалар бар. Кейде айтарға сөз таппай, тығырықтан шығу үшін кезінде сәттілік әкелген өлең қатарларын не ойды қайталап жатады. Бірақ ол көп емес. Ана-санда.– Қазір барлығы таспаға басылады. Өз айтыстарыңды қайталап қарайсың ба?– Жоқ. &nbsp; Өзімнің айтыстарымды толықтай қарап көрмеппін. Жалпы, айтысқа келгенде интернеттен басқалардың айтысын қараймын. Себебі, қарсыласымызды зерттеуде оның берері мол.– Айтыста тығырыққа тірелген кездер болды ма?– Иә болды. Тығырыққа тірелу деген дүние әр ақынның басынан өтеді ғой. Кейін тәжірибе жинақтап, ондай жерлерден сытылып шығуды меңгеретін шығармыз. Мүмкін, қарсыласыңнан осалдау айтып қалуың мүмкін. Әйтеуір жерге қарап қалмай, бірдеңе айтып шығасың ондайда.– Өзің айтқандай, қазір айтыс баяғыдай емес, апта сайын ұйымдастырылып жатыр. Айтысты арзандатып алмаймыз ба?– Жоға. Бұл ақындарға да, халыққа да жақсы дүние ғой. Ақындар үнемі дамып, бабында жүреді. Арзан сөз айтыпқарағанда бұл рухани дүние емес пе? Сондықтан айтыстың көп болғаны жақсы меніңше.– Жүрсін аға, жастарға көп көңіл бөле ме осы?— Бөліп жармайды ғой. Жер-жерде ақындар көп. Бірақ жастарға қолдау білдіуі, сенім білдіруі бізге үлкен күш береді. Ол кіснің бізге ұстаз ретінде үйретері көп. Сол кіінің қазынан қайнап шығатын шығармыз болашақ.– Қанша дегенмен қыз баласың ғой. Бақыт деген дүние бар. Бақытты қалай түсінесің жалпы?– Әр күннің өз берері бар. Жер басып жүргеннің өзі, мына әлемде бар екеніңді сезіне алу бақыт емес пе? Таңертең оянып, жұмысыңмен айналысу, кешке өз үйіңе келу – бақыт. Жалпы, мен өзімді бақытты жанмын деп есептеймін. Дені сау адамның барлығы бақытты.– Айтыс жайлы айтар болсақ Айнұр Тұрсынбаева айтпай кетпейміз ғой. Талай рет жүлделі болып, 30 дан аса көлік мінді. Сен қанша көлікті ұтады екенсің?– Білмеймін. Бұйырғаны болады ғой. Айтыста кейде көліктей, кейде ақшалай беріп жатады. Біраз жарыста жастар арасында топ жардым. &nbsp;Бәйгесіне ақша алып жүрмін көбіне. Айнұр әпкеміз құсап көп көлік ұтатын күнде алыс емес шығар.– «Мына дүниені айтыңдар, мынаны қозғамаңдар» деген тапсырмалар болады ма?– Ондай шектеу қоймайды негізі. Өз ойымыздағын тұспалдап не туралай айтып жүрміз ғой.– Жазба ақындар мен айтыс ақындарының арасына біраз айырмашылық бар. Жүлде мәселесі ғой сол. Осы жайлы не ойлайсың?– Ғасырдан ғасырға жалғасып келе жатқан өнер – айтыс. Біздегі сөз өнерінің атасы деуге болатын шығар. Жазба поэзиясының айтыстан айырмашылығы көп. Жұрттың айтыс тыңдағанды ұнатады. Өйткені суырып-салмалық бар. Ал кітап оқып отыра бермейді. Сондықтан да былай-былай деп кесіп айту қиын. Жазба ақындарының мүшайраларына да көп қаржы бөлінеді дегенді естимін. Өзімнің достарым бар жазба ақын. Солардан. Біздікі де өзімізге жетеді.– Айтыстағы сөздер мен шумақтар дәл сол жерде туа ма?– Әрине, оның барлығы дайындықтың әсері. Айтысқа дайындаламын деп күндіз-түні ұйықтамайтын кездерде болады ғой. Тоыннан қойылатын сұрақтар мен қалжыңдардан бөлек тақырыпқа да қатты мәнберіп дайындалу керек. Ал, жаңағындай сәттерде шала болса да, буыны асып кетсе де тауып айтып қалсаң халықтың көңілінен шыға аласың.– Осыдан біршама уақыт бұрын «Шоу айтыс» деген дүние шықты. Бұл жайында не ойлайсың?– Бұл жоба нақты айтыс сүйетін адамдарға ұнады деп айта алмаймын. Жұлдыздар үшін бұл тек тың жоба шығар.– Соңғы сауал. Адам өзін-өзі дамытып отыру керек. Қазір қандай ақын-жазушыларды оқып жүрсіз?– Қазақ классиктерін. Сосын жазба ақындардың шығармашылықтарын қарап жүрмін.– Сұхбатыңа рақмет!&nbsp;

Нұрзат Қару:  Мына әлемде бар екеніңді сезіну – бақыт

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданында «Махаббат мәңгі ертегі» атты кеш өтті.XIII-XIV ғасырдағы лиро-эпикалық поэмасының кейіпкерлері Қозы мен Баянның құрметіне әр жыл ғашықтар күні мерекесі ерекше аталып өтіледі. Махаббат – дүйім дүниедегі ең асыл, ең кіршіксіз сезім болса, ұлы сезімнің шырқау шыңына көтерілген сезімге адал, сертке берік Қозы Көрпеш пен Баян Сұлу шынайы махаббаттың символы іспетті. Сондықтан «ғашықтар күні» бір-бірімен сүйіп қосылған егіз жандар үшін айтулы мереке саналады. Осы мереке қарсаңында «Арман» мәдениет үйінде «Махаббат мәңгі ертегі» атты кеш өтті.Лирикалық бағытта өткен мерекелік кешке бірқатар сала мамандары мен жас өнерпаздар қатысты. Ең әуелі шараның шымылдығы ғашықтарға арналған арнайы бейнероликпен ашылды. Мұнан соң «Арман» мәдениет үйінің директоры, Шиелі ауданы мәслихатының депутаты Нұргүл Шәлекеева сөз алып, мерекелік құттықтауын жеткізді. Сондай-ақ сахна төрінде 15 сәуір күні отбасын құрған жас жұбайлардың неке қию рәсімі өткізіліп, ғашықтардың алғашқы құжаттары табысталды.Көрермен қауымды сүйсінткен бұл рәсімнен соң Өміржан Мінуаров пен Бибінұр Мұхтарқызы «Жаным» атты махаббатқа толы ән шырқап, қонақтардың ықыласына бөленді. Сондай-ақ Шиелі топырағынан шыққан, елге танымал өнерпаз Азамат Жолдасбек &nbsp;жанды дауыста «Таптым-ау сені» әнін гитарамен сүйемелдеп, көштің көркін қыздырды. Мерекелік көңіл-күймен өз жалғасын тапқан шараға ауданның бірқатар &nbsp;жарық жұлдыздары мен жас өнерпаздары қатысты. Бірі мың бұрала билесе, енді бірі махаббат әнін шырқап, жұртты сүйсінтті. Сонымен қатар ауданның айнасына айналып, ел алғысына бөленіп жүрген өнерлі жұптар да бұл кеште өз өнерлерін көрсетіп, қалың көпшіліктің ықыласына бөленді.

Шиеліде «Махаббат мәңгі ертегі» атты кеш өтті

<a href="https://kyzylorda-news.kz/">Kyzylorda-news.kz.</a> Қазіргі кезде экологиялық жағдайы тәуір деп айтарлықтай аймақ Қазақстан жерінде жоқ десе, артық айтқандық болмас. Алайда, олардың ішінде экологиялық шырғалаңның шырмауына мықтап түскен Қазалы мен Арал өңірі бәрінен де оқшау тұр. Бұл аймақтардың экологиялық жай-күйінен хабардар болу үшін Арал теңізінің кепкен табанынан үздіксіз көтеріліп тұратын миллиондаған тұз аралас шаң-тозаңның зияны төрткүл дүниені алаңдатып отырғаны әмбеге аян.Әртүрлі химиялық заттарымен қаныққан Сырдария суы ішуге жарамсыз. Бұған қоса, аппақ сары бұрқыраған егістік пен шабындық, сонымен қатар, жайылымдық жерлерін және Байқоңырдағы космос алаңынан әркез ғарыш кеңістігіне аспанды жара өтетін арнайы ұшырылған ракеталарын айтсақ та жеткілікті. Ия, салыстырмалы түрде шынында да, Қазалы мен Арал өңірі экологиялық жағдайынан қолайсыз аймақтардың бірі саналады. Сондықтан да, Байқоңыр мен Аралдың арасында орналасқан Қазалы ауданындағы экологиялық мәселелер жетіп артылады. Осы орайда, экологиялық хал-ахуалды жақсартудың шұғыл шараларын ұйымдастырудың қажеттігін де түсінеміз. Экологиялық мәселелерге келгенде, қазалылықтар қарап қалмай, өздерінің сүбелі үлестерін қосып жатыр. Себебі, экологиялық проблемаларды шешу бұл жаппай халықтық іс болып табылады.Атап айтқанда, қолайлы экологиялық жағдай жасау мақсатында көгалдандыру жұмыстарының ерекшеліктері мол. Сол себепті де, ауылдың көркін ашатын да, келбетін келісті етіп, әрін арттыратын да – оның тазалығы мен жайқалған жасыл желегі. Бұл екеуі болмай ауылға сән кірмейді, тірлігі алға баспайды. Сондықтан да, ауыл шырайын шұғылалы ету мақсатында Қазалы ауданында жылдар бойы қыруар күш жұмсалып, нәтижесі де көрініп-ақ келеді. Ауданда ағымдағы жылдың көктемгі екі айлық көріктендіру, көгалдандыру, абаттандыру және санитарлық тазарту жұмыстары өтуде. «Әйтеке би кентін абаттандыру мен көркейту-көгалдандыру жұмыстары бойынша бірқатар шаруа қолға алынды» дегенді алға тартады мамандар.<blockquote>«Бүгінде Әйтеке би кентінің 43 көшесі аяқ сумен қамтылған. Оның ішінде – 12 көшеге су өз ағынымен беріледі. Қалған – 31 көшеге су айдайтын насостар арқылы тұтынады. №5 ықшам ауданы бойынша ұзындығы – 5 шақырым болатын 6 көшеге құбыр арқылы 165 каналдан аяқсу жіберілуде. Жалпы, шаһар аумағында 5 жерде су насостары орнатылған. Кентішілік көшелерді аяқсумен қамту үшін – 7 миллион 725 мың теңге бюджеттен қаржы бөлінді. Тендер жарияланып, мемлекетті сатып алудың ашық конкурсы бойынша, мердігер мекеме «Пример Строй» жауапкершілігі шектеулі серіктестігі анықталған. Баға ұсынысы бойынша, 4 миллион теңгеге жуық келісім шарт жасалды», – дейді Әйтеке би кенті әкімдігінің ұйымдастыру бөлімінің басшысы Тәуіржан Құлмұратов.</blockquote>Бөлім басшысының мәлімдемесіне сүйенсек, 15 шақырымды құрайтын аяқ су арықтары, оның ішінде, ішкі «Қараарық» және «Кішіарық» арналары тазартылған. Әйтеке би кенті бойынша, 2000-ға жуық тал көшеттері егілген. Аяқсуды реттеу мақсатында – 3 жерге су тоспасы орнатылды. Сондай-ақ, өсіп тұрған көк желеңдерді суару өз дәрежесінде жүргізілуі үшін үлкен электрлі ГНОМ насосы сатып алынған. Олар белгіленген жерлерге орнатылуда. Әйтеке би кенті бойынша – 750 ағашты балақтау мен түптерін әктеу жұмыстары атқарылды. Осы шаралар әлі де жалғасын табуда.Сонымен қатар, орталық көшелердегі 5,2 шақырым қоршау шартақтарын жуу жұмыстары жүргізілуде. Оның ішінде, В.Счастнов көшесінің бойындағы қоршау шартақтар сырланды. Алдағы уақытта, Қ.Пірімов, Әйтеке би көшелеріндегі қоршауларды сырлау жұмыстары жалғастырылады.Ал, демалыс алаңдарына ағымдағы жөндеу шаралары жоспарланған. Бюджеттен – 10 миллион теңге қарастырылды. Енді, осы қаражатқа Қ.Пірімов көшесінің бойындағы ескерткіш, белгілер мен Тәуелсіздік монументіне, теміржол вокзалы жанындағы алаңға және «Жетес би» ескерткіш аумағына жөндеу жұмыстары жүргізілмек.Қазір ашық конкурс қорытындысымен «ҚазалыСтройСервис» жауапкершілігі шектеулі серіктестігі анықталып отыр. Серіктестікпен 8 миллион 176 мың теңгеге келісім шарт жасалуда.Жоспарға сай, демалыс орындарындарында әсемдік үшін гүл егуге – 2 миллион теңге бөлінген. Бұл ретте, мемлекеттік сатып алу конкурсы өткізілді. Нәтижесінде, «Пример Строй» жауапкершілігі шектеулі серіктестігі жеңімпаз атанып, 1 миллион 785 мың теңгеге келісім шартқа отыруда. Енді, мамыр айында шаһар көшелерінде көздің жауын алар гүл көшеттері егіледі деп күтілуде.Осылайша, Қазалыда соңғы кездері табиғатқа жанашырлықпен қарап, жақсы әдет қалыптастыруға қолға алғандардың қатары көбейіп жатыр. Бұл – қуантарлық жағдай.Қазақтың салтында ер адамның атқаруы тиіс амалдың бірі – ағаш отырғызу. Бұрынғылар кесілген бір талдың орнына он тал егуді де міндет еткен. Демек, табиғатқа орасан пайда тигізудің бірден-бір жолы – ағаш егу, артыңнан мал емес, талдың қалуы маңызды шара деп қабылдаған. Не үшін десеңіз, ауадағы зиянды көмірқышқыл газын өзіне сіңіріп, бізге қажет оттегі бөледі. Осы игі істі қазалылықтар жыл сайын жақсы үрдіске айналдырса, нұр үстіне нұр болар еді. Сонда ғана, аудан жасыл желекпен жайқалары сөзсіз.

Қазалының орталық көшелерінде гүл көшеттері егіледі

<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласында қазір құрылыс саласы қарқынды дамып келеді. Соған сай жергілікті құрылыс өнімдеріне деген сұраныс жоғары.&nbsp;Өз кәсібі арқылы аймағымыздың дамуына үлесін қосып жүрген «CK AYA-ZHAN» жауапкершілігі шектеулі серіктестігі.Мекеме 2019 жылдан бастап пенопласт және полистирол бетон өндірісімен айналысып келеді. 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, шикізат сатып алған. Бүгінде 20 адамды тұрақты жұмыспен қамтып отыр.<blockquote>Бұл - отбасылық кәсіп. Цехта өндірілген өнімнің қуаттылығы жылына 200 тоннаны құрайды. Пенопласт Ресейден сатып әкелінетін полистирол материалынан өндіріледі. Қыс мезгілінде үйді жылы, жаз мегілінде салқын ұстап тұру үшін құрылысқа қолданатын пенопласт өніміне құрылыс компаниялары мен жергілікті тұрғындардың сұранысы жоғары. Шығарылған пенопласт өнімдерін облыс аудандарына, Түркістан, Жезқазған, Шымкент, Ақтөбе облыстарының тұтынушыларына да жіберудеміз. Алдағы уақытта құрылыс материалдарының барлық түрін шығару арқылы 50 адамды тұрақты жұмыспен қамтуды жоспарлап отырмыз,&nbsp;– дейді мекеме директоры Нұржан Болатұлы.</blockquote>&nbsp;

Қазақстан және Қызылорда облысының жаңалықтары