<a href="https://kyzylorda-news.kz/">Kyzylorda-news.kz.</a> Биыл Қызылорда қаласына қарасты елді мекендерде ауқымды жобалар жүзеге асуда.&nbsp;Соның бірі, Қосшыңырау ауылдық округінде атқарылатын ауқымды іс – Абай және Досан елді мекендерін газдандыру жобасы. Оған республикалық бюджеттен 663,0 млн теңге қаржы қаралып, бүгінде құрылыс жұмыстары басталып кетті. Құрылыс жұмыстарын жүргізуші «Ремстрой» мердігер мекемесімен 40,6 шақырым газ құбырының құрылыс монтаждау жұмыстары жүргізіледі және осы жұмыстардың аясында 592 тұрғын үй көгілдір отынмен қамтылатын болады.Бұдан бөлек, республикалық бюджеттен бөлінген 56,5 млн теңге қаржыға «Ауыл – ел бесігі» бағдарламасы аясында Досан ауылындағы 5 көшеге орташа жол жөндеу жұмыстары жүргізіледі. Қазіргі таңда, «Әлем Қызмет Груп» мердігер мекемесі №17, 15, 4а көшелеріне асфальт төсеу жұмыстарын бастап кетті.Сонымен қатар, 3,8 млн теңге қаржыға Досан ауылындағы №1 көшеге түнгі жарық бағаналары орнатылса, «Энергия Нұр» ЖШС мекемесімен Абай ауылындағы саябаққа ағымдағы жөндеу жұмыстары жүргізілуде.Жер көлемі ұлғайып, тұрғындар саны өскен сайын атқарылар жұмыстар да көбейері сөзсіз. Бір анығы, қала тіршілігі ырғағынан жаңылмай, жоспарланған жұмыстар жүзеге асырылуда.&nbsp;&nbsp;

Қызылорда қаласына қарасты елді мекендерде құрылыс жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Биыл облыс бойынша 195,6 мың гектар жерге ауыл шаруашылығы дақылдарын егу межеленіп отыр. Ал негізгі дақыл – күрiштің көлемі 83,9 мың гектарды құрайды. Былтырғымен салыстырғанда егіс көлемі 7 мың, күріш 5,3 мың, малазықтық дақылдар 2,3 мың және картоп, көкөніс, бақша көлемін 222 гектарға ұлғайту жоспарланған. Вегетация кезеңінде cу лимиті белгіленгеннен соң бұл көрсеткіш қайта нақтыланбақ. Аймақта күріш егу сәуір айының үшінші онкүндігінде басталады. Қазір көктемгі дала жұмыстары қызу жүруде.Қазалы ауданы биыл 17612 гектарға түрлі ауыл шаруашылығы дақылдарын егуді жоспарлаған. Оның ішінде негізгі дақыл – Сыр салысы 7 мың гектарға жуықтайды. Сондай-ақ дәнді дақылдардан бидай, арпа, тары, майлы дақылдардан күнбағыс пен мақсары бар. Ал 2250 гектар жерге картоп, көкөніс және бақша өнімдері егіледі. Бұның ішінде ең көлемдісі – 8 мың гектар жерге егілетін мал азықтық дақыл, яғни, жоңышқа екені түсінікті. Қосымша сүрлемдік жүгері егу де шаруалардың жоспарында тұр.Аудандағы ауыл шаруашылығы тауарөндірушілері қажетті тұқыммен қамтамасыз етілген. Сондай-ақ шаруашылықтар тұқым сорттарын жаңарту үшін 967 тонна күріш пен 5 тонна жоңышқа және 15 тонна жүгері тұқымын алу үшін келісім-шартқа отырыпты.<blockquote>Аудан аумағында көктемгі егіс жұмыстары басталды. Қажетті жерді тазалау, жырту, тұқым себу, ылғал жабу, суару сынды тіршіліктер жүріп жатыр. Өткен егін жинау науқанында аудандағы шаруашылықтар өздеріне қажетті тұқымды дайындап қойған.&nbsp; Сондай-ақ шаруашылықтардан жиналған мәлімет бойынша биыл бізге 3766 тонна тыңайтқыш пен 4116 литр гербицид қажет. Қазір 2403 тонна тыңайтқыш, мың литрден астам гербицид жеткізілді. Қалғанын келісім-шарт негізінде жеткізушілер өз уақытында әкелуі тиіс. Сонымен қатар, егін егу, оны күтіп-баптау, жинау жұмыстарында шаруашылықтарда тракторлар мен өзге техника, жүк көліктері дайын. Барлығы да жөндеуден өткен. Қазір дала жұмыстарына 300-ге жуық техника жұмылдырылды. Ал ең қажетті нәрсе ол – жанар-жағармай. Мемлекет тарапынан жеңілдікпен 979 тонна дизель отыны бөлінген болатын. Қазір 346 тоннасы ауданға жеткізілді, – дейді аудандық ауыл шаруашылығы және жер қатынастары бөлімінің басшысы Еркін Сейітов.</blockquote>Былтыр Қазалыдағы шаруашылықтар өз техникаларын пайдалана отырып, 52 шақырым су жүйесін тазартты. Ал биыл «ҚазСушар» мекемесі аудандағы «Сақыбай», «Құмаша» және «Жайқонақ» каналдарын қайта аршуда. Сонымен қатар, мұндағы шаруашылықтар су жолдарын қамыстан тазалаған.Айта кетейік, ауданда 4694 гектар ескі жоңышқа толық тырмаланып, суарылған. Межеленген 2717 гектар жаңа жоңышқаның 2500 гектардан астамы егілді. Бұдан бөлек, 281 гектар жаздық бидай және 130 гектар арпа тұқымы себілуде.Облыста жылдағыдай азық-түлік қауіпсіздігін қамтамасыз ету үшін жергілікті тұрғындардың бақша егуіне жағдай жасалған. Бүгінде Қызылорда қаласы мен аудандар бойынша 6485 адамға берілетін жер нақтыланыпты. Егін егуге ынталы азаматтардың тізімі жасалып, бақша суаруға қажетті насос қондырғыларын қою, тұқым алу және жерді қоршау жұмыстары жүргізілуде.&nbsp;

Облыс бойынша 195,6 мың гектар жерге ауыл шаруашылығы дақылдары егіледі

<a href="https://kyzylorda-news.kz/">Kyzylorda-news.kz.</a>&nbsp; Бүгінде мемлекет тарапынан жастардың білім алуына барлық жағдай жасалған. Тіпті шетелде оқып, тәжірбие жинақтауына да жол ашық. Бұл да Тәуелсіздіктің жемісі. Елімізде «Болашақ» бағдарламасы жүзеге асырыла бастаған шақтан бері қаншама білімді жастар мұхит асып, әлемнің түкпір-түкпірінде білімдерін шыңдады. Кейін елге оралып, мемлекет дамуына үлестерін қосуда. Шетелде оқу бақыты бұйырған жанның бірі жерлесіміз Дәурен Жүсіпов. Ол АҚШ-тың Массачусетс штаты, Бостон қаласында оқып жатыр.Дәурен Әлиұлы Арал қаласында қарапайым отбасында дүниеге келген. Ата-анасының тұңғышы. Әкесі Әли Жүсіпов пен анам Куляйша Үсенқызы &nbsp;кеңес &nbsp;одағы ыдырағанға дейін Аралдағы балық өңдеу зауытында қызмет атқарған. Ал қазір анасы – сауда-саттық саласында, әкесі қала ішінде такси қызметін кәсіп етіп жүрген еңбекқор жандар. Дәуреннің қос қарындасы Ақтоты мен Ақтолқын &nbsp;медицина саласында қызмет жасайды.<blockquote>&nbsp;Ата-анам біздің білім алып, жақсы жұмыс жасағанымызды қалады. Сол үшін бар күштерін салды. Отбасында бойымызға жақсы тәрбие сіңіре білдік. Соның арқасында жетістіктерге жеттік. Осының бәрі ата-анамның адал еңбек етіп, адал ас ішкізіп, ешкімнің көңіліне кір шалдырмай өсіргендігінің арқасы деп ойлаймын. Қазір өзім де отбасын құрып екі қыз тәрбиелеп отырғандықтан, ата-анамның қабірін жіті түсіне бастағандаймын, – дейді Дәурен.</blockquote>Алғаш рет 1998 жылы Н.К.Крупская атындағы №14 орта мектептің табалдырығын аттаған Дәурен кейін &nbsp;№260 мектепке ауысып, сол мектепті «Алтын белгімен» бітіріп шығады. Мектеп қабырғасында жүргенде &nbsp;физика пәніне деген қызығушылығы жоғары болады. Физика пәні бойынша өткен түрлі білім жарыстарға қатысып, республикалық олимпиададан ІІІ орын алғаны бар. Дәурен спорттан да осал емес. Соның ішінде жеңіл атлетика және баскетболмен шұғылданады. Жыл сайын 9 мамыр күні болатын Шульга атындағы эстафетадан жүлделі І орынды бермей келеді. Ал &nbsp;баскетболдан &nbsp;аудандық құраманың мүшесі. Жан-жақты жігіт мектеп бітірген соң қаржыгер болуды армандайды.<blockquote>&nbsp;Арманым инвестиция саласын бағындыру болатын. Маған акция, облигация сияқты құнды қағаздардың қыр-сырын меңгеру мақсат болды. Сондықтан мектеп бітірген соң бағымды сынап Қаржы мамандығы бойынша университетке құжат тапсырдым. Сәтін салып Л.Н.Гумилев атындағы Еуразия Ұлттық Университетіне «Қаржы» мамандығына мемлекеттік грант негізінде оқуға түстім. Оқумен қатар университеттің қоғамдық өміріне де араластым, 2010 жылы Астана (Қазіргі Нұр-Сұлтан) қаласында болған ЕҚЫҰ саммитін ұйымдастыруға белсене қатысқаным үшін, сол кездегі ҚР Президенті Н.Ә.Назарбаевтың алғыс хатымен марапатталдым,- дейді ол.</blockquote>Университет қабырғасында жүргенде Дәуреннің өз білімін шетелде жалғастыруға деген қызығушылығы пайда болады. &nbsp;Осылайша ол сабақтан тыс уақытта өздігімнен ағылшын тілінің курстанына қатыса бастайды. 2013 жылы университеттің &nbsp;қызыл дипломын қолға алған ол бірден &nbsp;университет бітіруші түлек санаты бойынша «Болашақ» бағдарламасына тапсырады. Бірақ ол кезде түсініксіз жағдайлардың салдарынан соңғы әңгімелесу сатысынан өте алмаған. Сондықтан ендігі кезекте, тәжірибе жинақтап барып қайта тапсыру қажет деп шешеді.<blockquote>&nbsp;Астанадан туған жерге оралдым. Көптеген жерлерге түйіндеме тастадым. Алғашқы кезде кейбір мекемелерде тегін есепшінің көмекшісі болып қызмет жасап жүрдім. Кейіннен Арал аудандық мәслихатына бас маман есепші ретінде жұмысқа қабылданып, мемлекеттік қызметші ретінде іскерлік жолымды бастадым. 2018 жылдың сәуір айында Арал ауданы әкімі аппаратының бас есепшісі болдым. Жұмыста табысқа жетсем де, шетелге магистратураға түсу деген арманым әлі жоғалмаған болатын. Сондықтан сол жылы «Болашақ» бағдарламасына магистратура бағдарламасы бойынша АҚШ-та оқу үшін қайта құжат тапсырдым. Оқуға қабылданғандардың тізімде өзімнің аты-жөнімді көргенде қуанышымда шек болмады. Одан соң керекті құжаттарымды дайындап, АҚШ-тың Калифорния штаты, Лос-Анджелес қаласына тілдік курсқа аттандым. Себебі, «Болашақ» стипендиясының иегері болу бір бөлек, университетке түсу бір бөлек. Оған қажетті тілдік деңгей керек. Америка немесе Ұлыбритания сияқты ағылшын тілді елдерге жоғары оқу орнына түсу үшін міндетті түрде IELTS немесе TOEFL сияқты емтихандар тапсыру керек. Сондықтан дайындықты бастап кеттім, – деп Дәурен шетелдеге алғашқы оқу жайлы айтып берді.</blockquote>Бала кезде фильмдердан көріп өскен Лос-Анджелестегі Голливудқа бару кім кімің де арманы. Дәурен де дәл осылай армандаған. Тынық мұхитының жағалауында жүрудің рахатын сезініп, &nbsp;көршілес штаттарды аралап, Лас Вегас қаласынада болады. Дегенмен туған жерге деген сағыныш елге қайта әкелді. Лос-Анджелестен тілдік курсты бітіріп келген соң университеттерге тапсыра бастайды. Дәуренге АҚШ-тың алдыңғы қатарлы 5 университетінен шақырту келеді.<blockquote>Таңдауым әйгілі Бостон Университетіне түсті. Оқуды енді бастаймын &nbsp;деп жүргенде пандемия басталды. Сондықтан оқуды 1 жылға шегеріп, аудандық әкімдікте жұмысымды жалғастырдым. Жұмыс барысында өте жақсы жетістікке жетіп, аудан әкімі аппаратының цифрлық технологиялар және мемлекеттік қызметтердің мониторингі бөлімінің басшысы қызметіне тағайындалдым. Елдегі ахуал тұрақталған соң АҚШ-қа оқуға аттандым. Қазір Бостон қаласына жанұяммен көшіп келгенімен 2 жыл қаржылық менеджмент мамандығы бойынша оқуды бітіретін күн де жақын қалды. Алла сәтін салып бәрі ойлағыдай болса, елге оралып, қызмет атқаруға ниеттімін, - деді Дәурен.</blockquote>Әлемді аралау – кім-кімнің де арманы. Дәурен секілді білімін шыңдау жолында талмай еңбектеніп, ақырында ойға алған мақсатына жеткен қарапайым аралдық бала осындай арман арқалаған жастарға үлгі болса дейміз. Ол білім жолында ерінбей еңбектенді, қызыметте тәжірбие жинақтап, біліктілігін ұштады. Осылайша көптің ішінен дараланып Әлемнің әйгілі оқу орынында білім алуға мүмкіндік алды. Біз Дәуренмен мақтанамыз.

Мұхит асқан Арал баласы

<a href="https://kyzylorda-news.kz/">Kyzylorda-news.kz.</a> Бүгінде жасөспірімдердің тәртібін қадағалау мен құқығын қорғау өзекті болып тұр. Қазіргі кезде жасөспірімдердің балаң ғұмырына балта сілтеп, тағдырын тауқыметке байлап жатқан оқиғалар жиі орын алуда. Қоғамда бір жағынан кәмелетке толмағандардың құқық бұзушылық жағдайы алаңдатса, екінші жағынан олардың құқығының тиісті деңгейде қорғалуы да үлкен мәселе.Қазалыда беймезгіл жүрген жасөспірімдер қатаң бақылауда. Осы күндері аудан көшелеріндегі түнгі мезгілдегі жағдай біршама ретке келтірілуде. Білім беру ұйымдарының қызметкерлері мен жергілікті атқарушы орган мамандарының бірлесе атқарып жүрген рейдтік шаралары оң нәтиже көрсетіп отыр. Десек те, ата-аналар тарапынан жасөспірім балаларды беймезгіл уақытта бақылауда ұстау жайы көңіл көншітпейтіні рас. Әсіресе, түннің бір уағында балалардың ойын-сауық орталықтарынан жиі байқалуы рейд өкілдерін алаңдатып отыр. Себебі, топтасып немесе жеке жүрген жеткіншектер беймезгіл уақытта келеңсіз жағдайға душар болуы ғажап емес.Қазалы ауданы әкімі Мұхтар Оразбаевтың тапсырмасымен біраз күн бұрын тексеру топтары құрылғаны белгілі. Мұны аудан әкімінің кеңесшісі Бақытжан Дүзелбайұлы бастап, жұмысшы топ түнгі рейдке шығуды әлі де, жалғастырып келеді. Сондай-ақ, мектеп қызметкерлерінен құралған ондаған топ аудандық мәслихат депуттары мен әкімдік қызметкерлерімен бірге, жасөспірімдер көп шоғырланатын нысандарға аялдады. Жасөспірімдер жиі бас сұғатын орталық стадион, спорт алаңдары, тойханалар мен мейрамханаларға және ойын-сауық орталықтары, компьютер, бильярд клубтарындағы жағдайды, оқушылардың сенімді өкілінсіз жүрмеуін қадағалауда.Құрамында полицей, халық қалаулылары мен жергілікті жұмыспен қамту орталығының қызметкерлері кіріктірілген қауымның атқарған ісі мен оның нәтижесі жайында аудандық білім бөлімінің басшысы Әділхан Жөлекешов айтып берді.<blockquote>«Күнделікті рейд ұйымдастыру көптеген күрмелі мәселенің орын алмауына септесіп отыр деп ойлаймын. Әсіресе, сенбі, жексенбі күндері жасөспірімдердің түнгі мезгілде көше кезуі көбейетіні рас. Осыған орай, аудан орталығындағы мектеп басшылары 4 топқа бөлініп, клубтар мен ойын-сауық орталықтарындағы жағдайды бақылап жүр. Олар ата-анасынсыз жүргендерді анықтап, үйлеріне жеткізіп, ескерту жасайды. Айта кету керек, рейд басталған уақыт пен қазіргі бақылауды сарапқа салсақ, түнгі көшедегі бейберекетсіз жүріс біршама азайды. Ата-аналар мұның бала қауіпсіздігі үшін жасалып жатқан шаруа екенін түсініп, ортақ іске атсалысуы керек», – дейді Қазалы аудандық білім бөлімінің басшысы Әділхан Оңдасынұлы.</blockquote>Еске сала кетейік, жергілікті атқарушы және құзырлы орган өкілдері көшедегі тәртіпке тексерісті күнделікті жүргізеді. Заңда беймезгіл уақытта кәмелет жасқа толмаған балалардың сенімді өкілінсіз жүруі анықталған жағдайда ата-анасына әкімшілік айыппұл толтырылатыны көрсетілген.

Қазалы: Күнделікті рейд күрмеулі мәселенің алдын алуда

<a href="https://kyzylorda-news.kz/">Kyzylorda-news.kz.</a> Сырдария аудандық төтенше жағдайлар бөлімінің сала мамандары брифинг өткізіп, әрбір тоқсан сайын атқарылып жатқан жұмысты саралады. Бұл жолы да сала мамандары өрт және басқа да төтенше жағдайлардың алдын алу бойынша БАҚ өкілдерінің сауалдарына жауап берген болатын.Аудандық мекемелер үйінде орналасқан баспасөз орталығында жүзеге асқан брифингте аудандық төтенше жағдайлар бөлімінің инженері Е.Оспан және Сырдария орман және жануарлар дүниесін қорғау жөніндегі мемлекеттік мекемесінің қызметкері Т.Сатбаев өрт қауіпсіздігіне байланысты межеленген жұмыстарды баяндады. Жалпы, жылдың кез келген маусымында өрт қауіпсіздігін болдырмау сала мамандарының тікелей міндеті саналатыны сөзсіз. Жоспарға сәйкес, аудан тұрғындарына өрт қауіпсіздігі жөнінде молмағлұмат беріліп отырады. Табиғаттың тосын әрекетіне жанжақты дайын болу үшін бөлім тарапынан тиісті іс-шаралар жүргізіліп келеді.<blockquote>Шын мәнінде, аудандық төтенше жағдайлар бөлімінің қызметтік бағыты сан тарапқа бө¬лінеді. Оның ішінде, тілсіз жаумен күресуді алдыңғы орынға қоямыз. Жергілікті халыққа орасан шығын әкелмес үшін өрттің шығуына жол бермеуіміз керек. Сала мамандары жергілікті тұрғындарға жадыма таратып, сақтық іс-шарасын қатаң ұстануды ескертеді. Өз кезегінде орман және тоғай өртінен көпшілік зардап шекпеуі мақсатында Сырдария орман және жануарлар дүниесін қорғау жөніндегі мемлекеттік мекемесінің мамандарымен бірлесіп жұмыс жасап келеміз, – деді аудандық төтенше жағдайлар бөлімінің инженері Е.Оспан.</blockquote>Айта кетейік, 2023 жылдың 3 айында аудан бойынша 7 өрт оқиғасы тіркелген. Ауа-райының қолайсыздығы салдарынан өрт оқиғаларпы жиілеп, тұрғындардың орасан шығынға батыруда. Сала мамандары дер кезінде шара қабылдап, тиісті жұмысты жүргізуде.Тілсіз жаудың алдын алу іс-шаралары қабылданады. &nbsp; &nbsp;

Сырдария: Жыл басынан бері 7 өрт оқиғасы тіркелген

<a href="https://kyzylorda-news.kz/">Kyzylorda-news.kz.</a> Қазір көлік тізгіндеген кез келген жүргізуші астындағы темір тұлпарының сәнді әрі өзгелерден ерекше болғанын қалайды. Әсіресе жастар шетелдік дизайнды көп үлгі етуде. Мәселен, көліктің сыртқы шанағын қалаған түсіне бояп, соған сәйкес көрік беретін дөңгелек салып, безендіреді. Одан бөлек ішкі салонын әртүрлі аксессуармен жабдықтап, отырған адам өзін жайлы сезіну үшін жағдай жасайды. Үлкен қалаларда көліктерге осы айтқан қызметтерді көрсететін арнайы орталық сервистер әлдеқашан дамыса, уақыттың көшіне қарай аудандарда да ашылып, жұмыс істеуде. Соның бірі – Төретам кентіндегі DarAuto DETAILING автокөлікке қызмет көрсету сервисі.Сырт көзге алыстан менмұндалаған Дархан Сәрсенбайұлының дара кәсібі осыдан жыл бұрын ауқымы кеңейіп, тұтынушыларға сапалы жұмысын бастапты. 2016 жылы кәсібін тек автокөлікке аксессуар сататын дүкеннен бастаған ол, кейін өз қаражатын жинап үлкен қызмет орталығына айналдырған. Енді кенттегі көлік жүргізушілер алысқа бармай-ақ, осында көлігіне қажетті қызмет түрлерін ала алады. Мәселен, көліктің терезесіне күн сәулесінен қорғайтын кленка жабыстыру, ішкі салонын химиялық тазалау, дабыл қаққыш орнату, көліктің жарық шамын тазалау, аяқтың астына EVA төсеніш тігу секілді қызмет түрлері ұсынылуда.<blockquote>«Орталықта 6 қызметкер бар. Әрқайсысы өзіне бекітілген жұмысын істейді. Бокстың сыйымдылығы әзірге 3 көлікке дейін қабылдай алады. Алдағы уақытта ішін кеңейтпек ниетім бар. Тіпті құрылысын бастап та кеттік. Бұйырса мұнда қызмет түрлері көбейетін болады. Үлкен қалаларда көлігіңді көрсетуге немесе ішін тазалатуға апарсаң қызметкерлеріне сенімді тапсыра аласың. Жүргізушіге барлық жағдай жасалынған, арнайы күту залында демалып, мәшинеңді тосасың. Осыдан кейін маған да неге өз ауылымнан осындай орталық ашпасқа деген ой келді. Сөйтіп қаражат жинап, дүкеніме қосымша ретінде қызмет түрлерін толықтырдым. Қазір мұндағы барлық жұмыс мен ойлағандай жүріп жатыр. Тұтынушыларға сапалы қызмет көрсетілуде», дейді кәсіпкер.</blockquote>Дарханның кәсібімен танысу үшін ғимарат ішін толық аралап шықтық. Алдымен дүкеніне бас сұғып, заманауи үлгідегі аксессуар заттарға көз жүгірттік. Расымен сіз іздеген керектінің бәрі бар. Одан кейін әлгі сөз еткен аяқтың астына EVA төсеніш тігетін бөлмеге жылжыдық. Көлігіңіздің маркасына қарай тапсырыс берген төсеніштер осында өлшеніп пішіліп, тігіледі. Тек шикі, заты сырттан келеді демесеңіз, өндіріс өзіміздің жерден шығады.<blockquote>«EVA төсеніш – қазір трендтегі сәнді төсеніштердің бірі. Себебі аяқ киімнің табанынан түскен топырақ жан-жағына шашырамай арнайы тесіктерге жиналады. Қазір жастардың көбі түр түсін таңдап, осыған тапсырыс береді. Біз оны өлшеп алғаннан кейін бір күнде дайындап береміз. Бағасы қолжетімді. Бастапқыда барлық тапсырысты жинап, басқа қалада жасатып отырдық. Кейін арнайы тігін мәшинесін алып өзімізде тіге бастадық. Шикізатты Ақтөбе, Орал қаласынан алдыртамыз. Алдағы уақытта көліктің орындығына қап тігетін, одан бөлек басқа да керекті құрылғылар алу жоспарда бар», &nbsp;дейді ол.</blockquote>Қазақта «Қимылдаған қыр асады» деген. Кейіпкеріміз де тынымсыз тіршіліктің арқасында осындай үлкен жетістікке жетіп отырған мықты кәсіпкер. «Алма піс, аузыма түс» деп жата бергеннен ешқандай істің алға баспайтынын сіз бен біз де жақсы білеміз. Сол үшін ерінбей еңбек етейік.

Төретамда автокөлікке қызмет көрсету сервисі жұмыс жасап тұр

<a href="https://kyzylorda-news.kz/">Kyzylorda-news.kz.</a> Ғылым және жоғары білім министрлігі Мемлекеттік стипендияларды тағайындау, төлеу және мөлшерлеу ережелеріне өзгеріс енгізілетінін хабарлады.Құжатқа сәйкес: • Педагогикалық дайындық бағыттары мен «Денсаулық сақтау» бағыты бойынша оқитын студенттерді қоспағанда, жоғары оқу орындарында оқитын студенттерге – 41 898 теңге (қазір 36 660 теңге); • ЖОО-да педагогикалық бағыттар бойынша оқитын студенттерге - 67 200 теңге (қазір 58 800 теңге); • «Денсаулық сақтау» бағыты бойынша жоғары оқу орындарында оқитын студенттерге - 67 200 теңге (қазір 58 800 теңге); • Интерндерге - 75 890 теңге (қазір 66 403 теңге); • Магистранттарға - 97 024 теңге (қазір 86 987 теңге); • «Назарбаев университетінде» оқитын магистранттарға - 181 250 теңге (қазір 162 500 теңге); • Докторанттарға - 217 500 теңге (қазір 195 000 теңге); • «Денсаулық сақтау» дайындық бағыты бойынша докторанттарға - 217 500 теңге (қазір 195 000 теңге); • «Денсаулық сақтау» даярлау бағыты бойынша резидент дәрігерлер мен магистранттарға - 111 579 теңге (қазір 100 036 теңге); • ҚР Жоғарғы Сотының жанындағы мемлекеттік органдардан оқуға жіберілген сот төрелігі академиясының магистранттарына - соңғы жұмыс орны бойынша лауазымдық жалақы деңгейінде, бірақ мемлекеттік білім беру тапсырысы бойынша оқитын магистранттар үшін белгіленген мемлекеттік стипендия мөлшерінен төмен емес; • Техникалық және кәсіптік білім беру ұйымдарында жұмысшы біліктілігі бойынша оқитын студенттерге - 32 681 теңге (қазір 21 787 теңге); • Техникалық және кәсіптік (орта буын мамандарын даярлауды көздейтін), орта білімнен кейінгі білім беру ұйымдарында оқитын студенттерге – 31 422 теңге (қазір 20 948 теңге). Министрлік әзірлеген құжат 4 мамырға дейін ашық талқылау үшін «Ашық НҚА» сайтында орналастырылған.

Студенттер мен магистранттардың шәкіртақысы өседі

<a href="https://kyzylorda-news.kz/">Kyzylorda-news.kz.</a> &nbsp;Қазір елде халықтың әл-ауқатын жақсартуда Мемлекет тарапынан түрлі бағыттағы бағдарламалар жүзеге асуда. Соның бірі – «Ұлттық жоба» шеңберінде бизнес-жоспарды іске асыруға арналған қайтарымсыз грант. Яғни, кәсіп ашамын деген жандарға берілген мол мүмкіндік. Тек өз жоспарыңызды мықтап дайындасаңыз болғаны. Соңғы кездері жоба шеңберінде өз бағытын тауып, ісін дөңгелетіп жүрген жас кәсіпкерлерді жиі кездестіріп жүрміз. Әсіресе ауыл тұрғындарының қызығушылығы жоғары. Бүгінде қайтарымсыз несие алып, кәсібін бастағандардың бірі – Айнұр Диқанбаева. Кейіпкеріміз Қармақшы ауданы, ІІІ Интернационал ауылының тұрғыны. Ол көпшіліктің сұранысына ие, жеңіл әрі тез дайындалатын фастфуд өнімдерін сататын сауда орнын ашып, ауыл тұрғындарына дәм ұсынуда. Бұрын фастфуд тағамын үлкен қалаларда ғана жеп, тіл үйірген дәмін көпке дейін ұмытпай «Шіркін-ай, ауылда мұндай орын ашылмаған екен» деп армандағанымыз рас. Қазір бұл кәсіптің орайын тапқандар кез келген жерде ашып, оны үлкейтудің жолын жасауда. Осы жолды мақсат еткен кейіпкеріміз кәсібін тоқтатпай әрі қарай дамытатынын жеткізді.<blockquote>«Нан өнімінен түрлі тәттілерді пісіруге бала күнімнен қызығушылығым жоғары. Қолымнан келгенін пісіре отырып тәжірибе жинадым. Кейін ауыл тұрғындарынан тапсырыс алып, өнімдерімді ұсыну арқылы көпшілікке көріне бастадым. Негізгі дайындайтын тағамдарым самса, тәтті нан, пицца, құймақ, тіске басар тәттілер. Әсіресе жастар жағы дөнерге көп тапсырыс береді. Осыдан кейін неге кәсіп бастамасқа деген ой келді. Сөйтіп мемлекеттік бағдарламаға қатысып, қайтарымсыз грант ұтып алдым. Бұл шағын іс бастауға қаражаты жоқтарға немесе қаражаты жетпеген белгілі бір санаттағы азаматтарға үлкен көмек», дейді ол.</blockquote>Айнұр жеңіп алған қаражатқа ең бірінші керек құрал-жабдықтарын алған. Осыған дейін барымен базар болған ол енді қалаған тәттілерімді пісіре аламын деп қуанышымен бөлісті.<blockquote>«Кәсіпке келгенге дейін үйде анау-мынау пісіріп тапсырыс алып жүрдім. Содан түскен қаржыны жинап ең бірінші дөнер пісіретін пеш алдым. Осылай еңбектенудің арқасында бірлі-жарым құрылғыларға қол жеткіздім. Қазір жастарға мүмкіншілік көп. Тек ерінбеу керек. Кез келген істі бастағанда ол бірден болмайды. Сол үшін сабыр мен төзімділік керек», &nbsp;дейді Айнұр Диқанбаева.</blockquote>Жас кәсіпкер ауылдағы үш адамды жұмыспен қамтуда. Олар цехта екі кезекпен жұмыс істейді. Яғни, азанғы сегізден кешкі алтыға дейін екі адам нан өнімдерін дайындаса, түнгі сағат он бірге дейін бір адам сол жұмысты жалғастырады. Айнұрдың тез дайындалатын тағамына тапсырыс берген болсаңыз, оны жеткізіп беру тегін. Ал оның бұл бастамасына ауыл тұрғындары дән риза.

Ауылдағы жас кәсіпкер фастфуд әзірлеуде

<a href="https://kyzylorda-news.kz/">Kyzylorda-news.kz.</a> Ақай ауылындағы &nbsp;орталық көшелерде құрылыс, сауда-саттық дүкендерінің есігі айқара ашылып, кіріп-шығып жатқандар көп. Ұзын көшемен тура жүріп, оңға қарай бұрылғанымызда өзіндік келбеті келіскен «Жұлдыз» дүкені мен оған жапсарлас салынған асханаға бас сұқтық.Тамақтану орнына кіре бергенімізде бізді жас қыз қарсы алды. Оған келгендегі жөнімізді айтып, асхана иесін шақыруды өтіндік. Айтқанымыздай артынша-ақ асхана иесінің жұбайымын деп өзін таныстырған инабатты келіншек кіріп келіп, келген тобымызбен үстел басына шақырды.«Іздеген адамдарыңыз шауалармен жүр. Мен сол жеке кәсіпкер Арман Дәуленбаевтың жолдасымын» деп, жылы қабылдап алдымызға ыстық шай мен жұмсақ наннан алдырды.<blockquote>«Байқоңыр қаласының тұрғынымыз. Екеуміз де кәсіпкерміз. Мен 2015 жылдан бастасам, Арман Әнуарұлы 2012 жылдан бері кәсіппен айналысады. Ал дүкеннің кәсібіне келсем, оны 2017 жылдан бастадық. «Жұлдыз» дүкенінің бес жылдығына орай сәтін салып осы асхананы аштық. Ондағы себеп – ауылда балалар ойнап, қызығатын жер жоқтың қасы. Кешке қарай көлеңке түсе бастағанда осы маңдағы балалар жиналып есіктің алдында жүреді. Арасында ішке кіріп, көңілдерін көтеріп музыкаға билейді. Әңгімелерін айтады. Былай айтқанда бала барып тынығатын орын кемшін. Бізде емін-еркін су-пуын ішіп, демалыстайды. Қосымша тағы наубайхана ашамыз ба деген де ниетіміз бар. Қолдан бүгіп тұшпара, орама, манты дайындауды да қолға алмақпыз бұйырса. Кәсіпті жалғастырып, кеңейтіп, бірнеше адамды жұмыспен қамтудамыз. Асханамызда 3 аспаз, дүкенде 5 адам және тағы 2 адам, барлығы 10 адам осы нысаннан нәпақасын тауып, отбасын асырап отыр. Әлде де кеңейсек, тағы 5 адамды жұмыспен қамтимыз. Кәсіпті өз қаражатымыз есебінен жүргізіп жатырмыз», дейді Жанар Мұстафаева.</blockquote>Кәсіпкердің пайымынша әркімге де кәсіп істеуге болады. Жұмыс жоқ емес, бар. Егер қаражаты болмаса, мемлекеттік қолдау бағдарламаларына сүйенуге болады.<blockquote>«Жалқаулық бар жастарымызда. Жұмыс істеуге де, кәсіп ашуға да ықыласың болса болғаны. Кәсіптің көзі көп. Істеймін дегенге еңбек табылады. Мысалы кәсіби аспаздар өте тапшы. Мамандар жетіспейді. Соны үйренсе жастар, сұранысқа ие болар еді. Бізде жұмыс істеп жатқан жастар 18 жасқа толғандар. Өрімдей ер жігіттер. Қызылордаға барып, оқып келіп жұмыс істеп жатыр. Соған сай өздерінің кәсібін ашса да жолдары ашық» дейді кәсіпкер.</blockquote>Асханаға тағамның фасфуд және ыстық тағамдарға да тапсырыс жиі түседі екен. Қуырдақ, палау ыстық тамақ ретінде ұсынылса, тандыр нанды да өздері өндіріп отыр. Самса, бәліш, басқа да нан өнімінің бірнеше түрі тұтынушыға ұсынылады.<blockquote>«Арасында той-томалаққа тапсырыстар қабылдаймыз. Кез келген істе алдымен идея туындайды ғой. Енді осы маңнан балаларға уақыттарын тиімді өткізіп, ойнауларына арналған балалар ойын және спорттық алаңдарын салғымыз келеді. Бар арман-мақсатымыз – ауылымызды көркейтіп, оның дамуына атсалысу. Қазір спорттық кешен құрылысы салынуда. Десе де ол ауылдың сырт жағында орналасқан. Орталықтан да спорттық ойын алаңын ұйымдастырсақ, артық болмайды деген ойдамыз. Осындай да жоспарымыз бар болашақта», &nbsp;дейді Жанар Айназарқызы өзінің елге, халыққа деген патриоттық сезімін байқатып.</blockquote>Асханаға келіп-кетіп жатқан адамдар баршылық. Уақыт бәрінен қымбат дегендей, кәсіпкердің жұмысына кедергі келтірмейік деген оймен жолға жинала бастадық.Шынында да талап қыла білген ғана тәуекел етеді. Кәсіп – тәуекелді сүйеді. Өмірдегі жетістіктің бәрі де еңбекпен ғана келеді. Алған бетінен қайтпайтын қайсар жандар ғана нағыз кәсіпкер атана алады.

Ақайдағы асхана тұрғындарға қызмет етіп тұр

<a href="https://kyzylorda-news.kz/">Kyzylorda-news.kz.</a> «Бизнестің жол картасы – 2025», «Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламалары халықты еңбекке шақыруға, оларға кәсіп ашып беруге, әлеуметтік аз қамтылған отбасыларды қолдауға бағытталғаны белгілі. Бүгінде ауданда аталған бағдарламалардың ұсынған мүмкіндіктерін тиімді пайдаланып, өз кәсібін бастағандардың қатары көбеюде. Сондай-ақ қайтарымсыз гранттардың жемісін көріп жүргендер де арамызда жетерлік.Мемлекет ұсынған мүмкіндікті құр жібермей, қайтарымсыз грантқа қол жеткізген кәсіпкердің бірі – Қармақшы ауданы, ІІІ Интернационал ауылыынң тұрғыны Әсем Нұрмаханова. Қыз баласы жастайынан тамақ пісіруге, киім тігуге икемді келеді емес пе? Кейіпкеріміз Әсем де бала күнінен тәттілер әзірлеуге қызығыпты. Балалық шақтан бастау алған қызығушылық бүгінде кәсібіне айналып, оның жемісін көруде. Алғашында өз қаражатымен тапсырыс қабылдауды бастаған ол, сұраныс арта бастаған соң кәсіпкер атануға бел байлайды. Ауылдағы кәсіпкерлік ісі бойынша маманға жүгініп, кеңес алады. Маманның нұсқауымен «Бастау бизнес» жобасы аясында кәсіпкерлік білімін жетілдереді. Бизнес жоспарын да ойдағыдай қорғап, 2020 жылдың соңында қайтарымсыз грант иеленеді. Берілген грант қаржысына торт пісіруге арналған пеш пен кәсіби миксер сатып алып, кәсібін дөңгелете береді. Әсемнің торт дайындап, көптің көңілінен шығып жүргеніне екі жылдай уақыт болған.<blockquote>«Торт пісіру ісіне қатты қызықтым. Тәттілерді өз қалауымша сәндеп, дәмін келтіріп өз отбасымды қуантқым келді. Торт пісіру ісіне бар жан-дүниеммен кірісемін. Бұл іс өзіме ұнағандықтан хоббиімді кәсіпке айналдырдым. Қазіргі заманауи торттардың барлық түрін, тұтынушының талғамына қарай жасап беремін. Көршілес ауылдардан да тұрақты тұтынушыларым бар. Тапсырыстан бөлек ауылдың дүкендеріне де өз өнімдерімді қолжетімді бағада қойып жүрмін», дейді кәсіпкер.</blockquote>Бүгінде туған күндердің тортсыз өтпейтіні белгілі. Сондықтан да тортқа деген сұраныс көп. Егер өнім көңілден шықса, тұтынушының қайта тапсырыс беретіні анық.«Қашанда дастарқанымның сәні болатын торттарымды Әсем тәтеге тапсырамын. Себебі әрдайым балғын, дәмі тіл үйірердей, әрі жұмсақ болады. Құрамы да сапалы заттардан жасалады. Үнемі жұмысына жауапкершілікпен қарайды. Айтқан уақытымда торт дайын тұрады. Әр тортты ерекше дизайнмен дайындап береді. Мұндай өнерді бағаламауға болмайды. Ісіне береке тілеймін», дейді ауыл тұрғыны Гүлсина Ибрагимова.Адам өзіне ұнайтын іспен айналысқанда ғана, еңбегінің жемісін көреді. Ал өзің қалаған іспен айналысуға бүгінде мемлекеттен берілер көмек көбеюде. Биылдан бастап бизнес бастауға мемлекеттен берілетін қаржының екі еселенгенін де айта кеткен жөн. Бұл кәсіп бастауға ниетті жандар үшін қуантарлық жайт. Кейіпкеріміз мемлекеттен көмек алғаннан кейін де, тынымсыз еңбектену керектігін айтады.<blockquote>«Жастар жас шыбық секілді, қалай майыстырсаң сонда майысады. Дегенмен, адамның өзінің алдына қойған айқын мақсаты, өзіндік пікірі болуы керек. Сол мақсатқа жету үшін аянбай еңбек еткен дұрыс деп ойлаймын. Сонда ғана жақсы жетістіктерге жете аласың», дейді Әсем Нұрмаханова.</blockquote>Кәсіпкердің алдағы уақытта осы ісін жандандырып, ары қарай үлкен жобаға айналдыру жоспарында бар. Ендеше, жалынды жастың арманының орындалуына біз де тілекшіміз.

Қармақшылық тұрғын мемлекеттік грант ұтып, кәсібін дөңгелетуде

<a href="https://kyzylorda-news.kz/">Kyzylorda-news.kz.</a> &nbsp;Қоғамдағы әрбір бала бақытты болуға лайық. Өмір – жарық дүние көзін көрген әр пендеге берілген мүмкіндік. Барлық бала білім алуға, еңбек етуге, алға талпынуға, ізденуге қоғамнан өз орнын алуға құқылы.Кейде бәрі ойдағыдай бола бере ме? Өмірдің сыны, онымен күрес те қатар жүріп отырады. Оның ішінде денсаулық мәселесінде балаларымызға көмек қолы мен қолдаудың қажеттілігі де көп сезіледі. Осы мақсатта ауданның білім саласында бірқатар жұмыстар атқарылуда. Қармақшы ауданы, Жосалы кенті орталығында орналасқан Үсен Томанов атындағы №183 орта мектеп жанынан ашылған Инклюзивті қолдау орталығы сөзімізге нақты дәлел бола алады. Орталықтың атқарып отырған қызметі, бағыт-бағдары, қоғамға қажеттілігі жайында орталыққа жауапты маман, мектеп директорының оқу ісі жөніндегі орынбасары Гүлшат Наукебаевамен сұқбаттасқан болатынбыз. &nbsp;– Гүлшат Уәлибекқызы, орталыққа жауапты маман болып бекітілген екенсіз. Қай кезден бастап жұмыс істеп келесіздер, мақсатымен таныстырсаңыз?– «Мүмкіндігі шектеулі балалар үшін инклюзивті ортаны қалыптастыру бойынша 2020-2022 жылдарға арналған өңірлік Жол картасы» аясында» 2020 жылы аудандық білім бөлімінің бұйрығымен Үсен Томанов атындағы №183 мектеп жанынан инклюзивті орталық ашылып, жұмысын бастады. Ол 2022 жылы инклюзивті тәжірибені дамыту және тәжірибе алмасу мақсатында инклюзивті қолдау орталығы аудандық Ресурстық орталығы болып қайта бекітілді. Орталықты ашудағы масқат – жалпы білім беру ұйымдарында психологиялық қолдау көрсету, педагогтардың қызметін үйлестіру және оларға әдістемелік көмек көрсету. Одан бөлек, ортақ тәжірибе жинақтау, тарату бойынша аудан мектептерімен бірлесе отырып практикалық жұмыстар жүргізу. Дұрыс сұрадыңыз. Енді бағыттарына тоқталып кетейін. Олар – ерекше білім беруді оқыту, тәрбиелеу, дамыту. Кеңес беру, ағартушылық, коррекциялық дамыту жұмыстары және оқушылардың ерекшелігіне қарай педагогикалық-психологиялық қолдау көрсету.– Ерекше балалармен жұмыс істейтін болғандықтан сіздердегі мамандардың да біліктілігі басты назарда ұсталатын шығар. Себебі, қай жұмыста өзінің маманымен атқарылса, ол нәтижелі болмақ емес пе?– Әрине, маман білікті, іскер болса, жемісті жұмыс көрсетеді. Біздегі қызмет әдеттегі оқу процесінен өзгешелеу болғандықтан, баламен жеке жұмыс жасауға күш жұмсалады. Орталықта 3 маман қызмет етеді. Оларды өз ісінің шебері деуге болады. Барлық жұмыс менің қадағалауымда. Мамандарымызға келер болсам, Психологымыз Гүлбаршын Әбілтаева инклюзивті білім беру процесін психологиялық-педагогикалық ұйымдастыруымен байланыстыра жұмыс істейді. Әрбір оқушы үшін жетістікке жету – өзінің мүмкіндігіне қарай орындай алатын әрекетін жүзеге асыруға көмектеседі. Арнайы маман, дефектологымыз &nbsp;Перизат Шахантаева білім беру бағдарламасын табысты меңгеруге және балалардың толыққанды әлеуметтенуін қамтамасыз етеді. Ал логопед Зульфия Сайранбекқызы сөйлеу тілі бұзылған баланы оқытумен, тілінде ақауы және сөйлеу тілінде бұзылысы бар балаларды тәрбиелеумен, олардың өзіне деген сенімділігін арттырумен айналысады.&nbsp;– Жылына орталықта қанша бала қызмет алады? Нендей іс-шаралар жүргізудесіздер? &nbsp;&nbsp;– Орталық ашылғалы бері 2020-2021 оқу жылында 22, өткен оқу жылында 20, ал биылғы оқу жылында 17 білім алушы қабылданған. Осы оқу жылында арнайы маманмен бағдарлама бойынша 12, логопедпен 9, психологпен 18 білім алушыға қызмет көрсетілуде. Ресурстық орталық 4 кабинетпен қамтылған. Онда ол заманауи &nbsp;талапқа сай құрал-жабдықпен қамтамасыз етілген. Ерекше білім беруді қажет ететін білім алушыларға сабақ кестесі алдын ала &nbsp;бекітіліп отырылады. Оқушылармен түзете дамыту жұмысын жүргізу сапасында динамикалық өсу, алға жылжушылық бар. Танымдық процестердің дамуы, оның ішінде сөйлеу, ойлау, зейін, ес, қабылдау үрдістерінде оң нәтиже байқалады. &nbsp;Жұмыстың сапасын арттырып, жақсылыққа жетелейтін тиімді әдіс-тәсілдер екеніне шүбә жоқ. Бұл тұрғыда да бірқатар жұмыстар іске асуда. Мысалы, өткен оқу жылында аудандық білім бөлімі мен &nbsp;ресурстық орталықтың бірлесе ұйымдастыруымен «Әлем мүмкіндігі – баршаға ортақ» тақырыбында аудандық жас мамандарға арналған әдістемелік отырысы &nbsp;өткізілді. Онда жалпы білім беретін мектепте ерекше білім беруді қажет ететін балаларды оқытуда тиімді әдіс-тәсілдерді пайдалану, оқушылардың ерекшелігіне байланысты педагогикалық қолдау көрсету жұмыстары кеңінен сөз болды. Отырыста жаңа идеялар ұсыну, пікір алмасу, ой бөлісу, тәжірибе жинау назарға алынды. Ресурстық орталықтың арнайы психологы Гүлбаршын Әбілтаева оқушылармен атқарылып жатқан психологиялық жұмыстары бойынша тоқталып өтіп, педагог-психологтармен және арнайы мамандармен тәжірибесін бөлісті. &nbsp;Орталықтың ұйымдастыруымен өткен келесі іс-шара – «Менің қолымнан бәрі де келеді» тақырыбындағы олимпиада. Оған аудандағы 5-6 сынып оқушылары қатысып, жоғары жетістік көрсеткендері &nbsp;облыстық турға өткен болатын. Ол жақтан да балаларымыз жүлделі болды. Осы оқу жылында аудандық ерекше балалардың өнерін қолдау, дамыту мақсатында «Шексіз шығармашылық» байқауы ұйымдастырылды. Оқушыларымыз «Сурет салу» кезеңі бойынша Нұрсұлтан Тоқшылық (жетекшісі Гүлнар Бүркітбаева) жүлделі І орынмен марапатталса, «Хореография» кезеңі бойынша Нұрай Назарбекқызы (жетекшісі Перизат Шахантаева) ІІ орынмен мадақталды. «Көрме» кезеңінде Мирас Әшірбек (жетекшісі Гүлназ &nbsp;Нұрланқызы) ІІІ орынмен және «Ән айту» номинациясында Әділет Марат І орынды (жетекшісі Зульфия Шадимова) жеңіп алды. Мектеп базасында өткізілген «Ерекше білім беруде қажеттелігі бар балаларды оқытуда жаңа технологияларға бейімдеу» тақырыбындағы облыстық семинардан үйренеріміз көп болды. Онда педагог-логопед Зульфия Шадимова «Заманауи ата-ана ұстанымы» тақырыбында ата-аналармен жұмыс жасаса, Перизат Ғаниқызы «Көңілді үзіліс» тақырыбында тренинг жүргізді. Психолог Гүлбаршын Төреханқызы кері байланыс жасап, іс-шараның мазмұнын байытып отырды. Семинардың қорытындысында жұмысымыз жоғары бағаланып, оқу орталығының арнайы сертификаты тасырылды. &nbsp; Қоса кетсем, біздің жұмыс процесімізде оқушылармен жеке дамыту сабақтары өтеді. Түзете-дамыту сабағы әрбір оқушымен кестеге сәйкес аптасына 2-3 мәрте жеке дамыту бағдарламасы бойынша жүреді. Оқу жылының басында балалардың әрбіріне тұжырымдама, хаттама, тексеру, сөйлеу карталары жасалып, журналға енгізіледі. Оқушы туралы мінездеме, ата-анамен келісім-шарт және басқа да &nbsp;құжаттар толтырылды.&nbsp;– Орталықтың жұмысынан біршама хабардар болғандаймыз. Алға қойған жоспарларыңыз қандай?– Алға қойған жоспарымыз көп. Соның бастысы – ерекше білімді қажет ететін балаларды қоғам ортасына қосып, әрбір адамның қарым-қатынасқа құқылы екенін ұғындыру, даму аясын жан-жақты кеңкейту болып табылады. Алдағы уақытта да ата-аналарымызбен тығыз қарым-қатынас орнатып, жұмысымызды жалғастыра беретін боламыз.&nbsp;– Әңгімеңізге көп рақмет!

Қазақстан және Қызылорда облысының жаңалықтары