<a href="https://kyzylorda-news.kz/">Kyzylorda-news.kz.</a>&nbsp;Ел іші болған соң қандай да бір түйткілді мәселенің құлағы қылтиып, шығып тұрады. Қазіргі таңда тау тұрғындарын толғандырып тұрған сондай өзекті мәселе – қоғамдық көліктің қатынамауы. Бұл тек Еңбекшіде ғана емес, Бала би ауылы мен кент ішінде де өзекті тақырыпқа айналып отыр. Кенттегі себеп – теріскей бетке қатынайтын №24 бағыттағы қоғамдық көліктің тоқтауы. Тұрғындардың талап-тілегін тыңдап, толғандырған тақырып бойынша қаламға салмақ салдық.Сонау кеңес тұсында аудан мен ауыл арасында «ЛАЗ», «ЛиАЗ» маркалы үлкен, жайлы автобустар қатынайтын. Тіпті, ауданның өзіне тиесілі автопарктен ауыл арасында «ПАЗиктер» жүріп тұратын. Бұл көліктер сол уақыттың ең озық техникалары еді. Тек қазір уақыт басқа...&nbsp;Аталған көліктерді қазір тек кеңестік кеңістіктен шыққан елдер ғана пайдаланады. Тәуелсіздік алғалы бері ауданға қарасты Бәйгеқұм, Жөлек, Жансейіт, Ортақшыл секілді бірқатар ауылдардың тақымына осы кеңестік көк көлік – «ПАЗиктен» өңі түзу, дені дұрыс автобус бұйырмай-ақ қойды.&nbsp;Қараша халық «ПАЗик» атап кеткен бұл автобустың қыс түссе, қойын-қонышынан азынап суық жел ұрып, жаз шықса, шаң-тозаң бұрқырап, елдің берекесін қашырады. Оған салонда орналасқан мотордың газын қосыңыз. Жүрісі – шабан, орындықтары – қатты, құдды бір арба дерсің. Ауданға қарай ыңыранып бет түзейтін «ПАЗик» жартылай бос салоны мен ескі сүйегін сықырлатып, жолаушылардың сілікпесін шығарып, жол жүріп, ауданға ентігіп, алқынып, зорға жетеді.&nbsp; Біраз уақыт болды, еңбекшіліктер сол кәрі сүйек «ПАЗикке» де зар болып қалды. Ауылға қатынайтын автобус маршруты тоқтап тұр. Себебін сұрап, аудандық тұрғын үй-коммуналдық шаруашылығы, жолаушылар көлігі және автомобиль жолдары бөліміне хабарластық.&nbsp;«Автобус қызметіне жүгінетін жолаушы аз, жол шығынын ақтамайды дегенге саяды. Бұл мәселенің бір қыры Халықтың талап-тілегі негізге алынған. Бұл мәселе де шешіледі, – деген жауап естідік.&nbsp;Несін жасырамыз, ел қазір арзан автобусқа қарағанда, жолақысы екі есе қымбат таксилердің қызметіне жүгінеді. Жұрт қаражаты қалтасын тесіп, байлығы тасып бара жатқаннан таксиге мінбейді. Жолдың қиындығы мен көліктің жайсыздығынан қашады. Техниканың қарыштап дамыған шағында эксплуатацияға сонау жетпісінші жылдары енген тасбақа «ПАЗ» автобусы жолаушылардың талғамы мен сұраныс үдесінен шыға алмай отырғаны екі бастан белгілі жайт. Содан ел қымбат та болса, таксилердің қызметіне жүгінуге мәжбүр.&nbsp;Құмның құндағында орналасқан Бала би ¬ауылына бүгінде автобус қатынамайды. Себебі ауыл тұрғындарына тиімдісі такси болып тұр. Оған аталған ауылдың тұрғыны Эльмира Тілеуованың сөзі дәлел.<blockquote>«2 жылдың үсті болды ауылға қоғамдық көлік қатынамайды. Себебі халық мінбейді. Оларға тиімдісі такси болып тұр. Кезінде автобус тоқтаусыз жүретін. Бағасы да қалтаға қонымды болатын. Бірақ белгілі себептерге байланысты тұрғындар мінбей қойды. Оның бір себебі автобус тек ұзын жолдың бойымен ғана жүретін. Біздің ауылды былайғы жұрт біледі. Үйлер құмның арасында орналасқан. Орталыққа барған жұрт азық-түліксіз қайтпайды. Дорба-дорба арқаланып қайтатын болған соң, тиімдісі тікелей такси жалдау. Жол ақысы – 400 теңге. Бірақ үйге дейін апарғанын қаласаңыз, үстіне тағы 100 теңге қосасыз», – дейді Бала би ауылының тұрғыны.</blockquote>Қалай дегенде, автобус мәселесі – ауыл тұрғындарын талайдан бері мазалап келе жатқан, өткір тақырып, өзекті мәселе. Сол үшін тұрғындар көптің көңілінде жүрген көкейкесті проблема аудан әкімінің назарына ілініп, күн тәртібінде көтеріліп, шешімін табатынынан әлі де дәмелі.Ал №24 бағыттағы қоғамдық көліктің тоқтағанына да біраз уақыт өтті. Бұл мәселе ¬аудан әкімімен тұрғындардың кезекті кездесуінде көтерілді.&nbsp;<blockquote>«Уақытша жүруін тоқтатқан қоғамдық көліктерге келетін болсақ, біз біршама жұмыстар атқарып, осы бағыттарды «әлеуметтік маңызы бар бағыт» деп танып, қоғамдық көлік иелеріне мемлекет тарапынан субсидия бөлуді қарастырып жатырмыз. Алдағы уақытта аталған мәселе оң нәтижесін береді», – деді аудан әкімі.</blockquote>

Шиелі: Қоғамдық көліктің күрмеуі шешіле ме?

<a href="https://kyzylorda-news.kz/">Kyzylorda-news.kz.</a> Қазіргі таңда нәзік жандардың үнемі ізденіс пен даму үстінде жүретіні әмбеге аян. Жуырда ғана құрбыммен әңгімелесіп отырып, оның рухани жолда даму үшін қалтасындағы қаражатын жұмсап, арнайы курс сатып алғанын білдім. Бұл не қылған курс деп отырған шығарсыз? Ол ұлы дала баласының қарындасы Фариза Төрәлінің «Женские секреты» деп аталатын әйел затына арналған арнайы курсы. Әлгі құрбым өмірін өзгерткісі келіп, аталған курсты 24 990 теңгеге сатып алыпты. Сонда әйел бақытының құны осы ма?Тренингтің трендке айналғаны қашан? Өміріңді өзгерт, қарыздан құтылудың жолдарын айтамыз яки бақыттың кілтін табуға көмектесеміз. Қайда болсын, қанша болсын барып қатысуға құлшынғандар көп. Әсіресе, әйелдер қауымы осындай семинар-тренингтерге қызыққыш.Әлеуметтанушы мамандардың айтуынша, тренингтің екі түрі болады екен. Бірі – бизнес тренинг, екіншісі – әлеуметтік-психологиялық тренинг. Бизнес тренингтер аты айтып тұрғандай, кәсіпкерлікке, табыс табуға қатысты білім. Ол сыртқы қажеттіліктерге жатады. Ал әлеуметтік-психологиялық тренинг – ішкі қажеттілік. Бұл жерде тақырып сан алуан болуы мүмкін. Оған баратындардың басым бөлігі нәзік жандар. Сонда не айтылады десек, бақытты болу жолдары, өз-өзіңді өзгерту арқылы айналаңды өзгерту, өз-өзіңді тану, отбасындағы мәселелер, ерімен, ана-анамен, ата-енемен қарым-қатынас тағысын тағы кете береді. Өмір барда адам басындағы мәселе бітпейді. Тығырыққа тіреліп, қиналған сәттер, шешуі қиын мәселелер, келіспеушілік пен ұрыс- керіс баяғыдан бар дүние. Бірақ неліктен қазір оны көпшілік болып талқылай бастағанымыз түсініксіз. Адам басындағы жағдайды көтере алмай қалатын болды ма, әлде ішіне сыймай кететіндіктен бе? Заманауи психология «Өзіңді жақсы көр. Әркез өзіңді бірінші орынға қой. Өміріңді өзгеге емес, өзіңе арна. Сен тек өзіңе ғана керексің» деген ұстанымды айтып әлек. Бәлки, бұл да орынды шығар. Бірақ біздің қазақы түсінікке жоғарыдағы ұстанымды қабылдау қиынға соғады-ау.Бұрынғы Домалақ ананың әулиелігін, Айғанымның кемеңгерлігін, Зеренің парасаттылығы мен Бопайдың батырлығын көріп өскен мұқым қазақ қыздары үшін «алдымен жолдасыңның жағдайын жаса, баланың бабын тап» деген өсиет сайрап тұрады. Сол екеуі тоқ болса, сен де жайлы боласың дейді.&nbsp;Иә, бүгінде тренинг өткізуге «әркімнің де бар таласы» деп ұрандатуға көшкендейміз. Қаласақ та, қаламасақ та, қоғам осыны қажет етіп отыр. «Бақытты әйел болудың» жолын шындап «меңгергіңіз» келсе, онлайн-тренингке қатысуға тиіссіз. Онлайн-тренинг оңай және жылдам бақытты болудың жолын үйретер болса, неге бүкіл қазақ әйлі бақытты болмасқа?&nbsp;Онлайн-тренингтердің құны бірдей емес. Мәселен, «Түпсанаға» қатысқыңыз келсе, бес сабақтың бағасы – 7 мың теңге. Ал «Мотиватор-коуч» сабағын алғыңыз келсе, 400 мың теңге төлесеңіз жетеді. Ал 3 айлық марафонға қатысу құны – 150 мың теңге. Баға осылай жалғаса береді. Онлайн-сабақтардың да тақырыбы әртүрлі. Бірі – сананы өзгертуге жол сілтесе, енді бірі – бақытты болуға жол ашады. Келесісі – «жетістікке» жетудің кілтін көрсетеді. Бірақ айта кетерлігі, ақылы жолмен білім үйретуге болады. Экономикалық сауат ашуға болады. Тіпті тіл білуге құмартып курсқа бар, құба-құп. Ал әлеуметтік ахуалыңызды тренинг арқылы түзеу мүмкін емес. Бұрнағының аналары ешқандай курс¬ты сатып алмай-ақ, оған қатыспай-ақ бақытты болды емес пе?!&nbsp;Мотивация сыйлайтын кездер болады. Кей адам онлайн-сабаққа қажеттілік үшін барады. «Үйренсем-білсем» деген талаппен баратындар тағы бар. Бірақ біреудің өмірін немесе тағдырын өзгерте алмайтынымыз анық. Мүмкін, дұрыс жол сілтейтін болар. Мүмкін, тура жолға салатын шығар. Бірақ барлығына бірдей бақытты болуға мүмкіндік туа қояр ма екен?

Әйел бақыты 24 990 теңге ме?

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Асқар Тоқмағамбетов ауылының тұрғыны Тамарахан Ұзақбаеваның есімі көпшілікке жақсы таныс. Осыдан 20 жыл бұрын облыс орталығына қатынап, сүт өнімдерін сататын аяулы ана төрт-түлікті түлетіп, ата кәсіптен ырзық-несібесін тауып отырған жан. Ауыл тұрмақ, аудан көлеміне ағарғанымен танылған Тамарахан ханымның қолынан бал таматыны рас.Киелі шаңыраққа келіншек болып түскен күннен бастап, Тамарахан ханым сауыншылықпен айналысқан екен. Ауылда арнайы мал бағатын қожалықта бірнеше жыл еңбек еткен көрінеді. Кейіннен отбасылық кәсіпті жандандыруға күш салған отағасы Таңатар Ұзақбаев екеуі мал шаруашылығын дамытуға бейімделген екен. Тәуілігене 5 бұзаулы сиырды сауатын Тамарахан апа еңбеккеш қасиетімен отбасылық бизнесті түрлендіру үстінде. Әсілінде, жеке кәсіпкер бірнеше жыл бұрын мемлекеттік бағдарлама шеңберінде грант бөлу тетігі бойынша конкурсқа қатысып, «Күркетауық асырау» жобасымен 250 000 теңге ұтып алады. Бүгінде жеке кәсіпкер құс шаруашылығына икемді екенін аңғартып келеді.<blockquote>Үйдегі ағаң &nbsp;екеуміз жастайымыздан еңбекке ерте араластық. 3 қыз, 1 ұлды жеткізу үшін мал шаруашылығына ден қойған болатынбыз. Бір жылдары ауыл тұрғындары мен мал бағатын қожалықтардан сүт жинап, ағарған өнімдерін сатумен айналысқан едім. Әлі күнге берекелі істі тоқтатқан емеспін. Тоқтаусыз еңбектің нәтижесінде, күркетауық асырауды қолға алдық. Бүгінде 25 тауық пен 12 күркетауықтың жұмыртқасы мен етін жергілікті халыққа ұсынып келеміз. Негізінен, күркетауық аурушаң келеді. Ерекше күтімді қажет етеді. Тауықтарға екі мезгіл жем беріп, денсаулығын тексеріп отырамыз. Көктемде бастырған балапандарымыз арқылы олардың санын күзде 100-ге дейін жеткіземіз. Нарықтағы бағасына сәйкес, күркетауықты 6-7 мың теңге көлемінде сатамыз, – дейді жеке кәсіпкер.</blockquote>Тамарахан Ұзақбайқызы бірнеше жыл бұрын &nbsp;«Еңбек» нәтижелі жұмыспен қамту және жаппай кәсіпкерлікті дамыту» бағдарламасының екінші бағыты бойынша мал басын көбейтуге байланысты құны 1,5 млн теңге несие алып, сүт өнімдерін өндіруде. Өз кезегінде қолы алтын жан құрт жасайтындығын тілге тиек етті.<blockquote>Сүт өнімдерінен жасалатын тағамның барлығын жасап, жергілікті тұрғындарға ұсынамыз. Бір күнде 10 келіден аса, құрт, ірімшікті жоғары сұраныспен дайындаймын. Мысалы, құрттың 1 келісін 2500 теңге болады. Бұрыннан үйреніскен шаруаның жайы осылай. Қолдағы табыстың берекесін көріп келеміз, – дейді Тамарахан Ұзақбаева.&nbsp;</blockquote>Жеке кәсіпкер Тамарахан Ұзақбаева ауылда жүріп, ағайынның алғысына бөленген қадірлі жанның қолға алған ісі алға баса берсін деген тілек бар. &nbsp;<figure class="image"><img src="https://knadmin.beoblood.kz/uploads/3f65393e_5686_47c8_857e_d42c694fcc79_c7a5eae87c.jpg" alt="3f65393e-5686-47c8-857e-d42c694fcc79.jpg"></figure>

Сырдариялық тұрғын мемлекеттік бағдарламаның игілігін көруде

<a href="https://kyzylorda-news.kz/">Kyzylorda-news.kz.</a> Бүгін Жаппасбай Нұрсейітов атындағы №233 мектеп-лицейі және Қызылорда облыстық Қазақстан халқы ассамблеясының &nbsp;ұйымдастыруымен «Ұлылар үндестігі» атты бірлескен семинар кездесу өтті.Шәкәрім Құдайбердіұлының туғанына 165 жыл толуына орай өткен шараға мектеп ұстаздары, оқушылар және облыстық ҚХА жанындағы «Абай қазынасына саяхат», «Мәміле» клубтарының жетекшісі Елена Пак пен «Ассамблея жастар» ұйымының жетекшісі Елизавета Есмаева қатысты.Қазақ халқының ғұлама ақындары Абай мен Шәкәрімнің шығармашылық мұралары ұрпақтан-ұрпаққа берілетін бүкіл ұлттың рухани байлығы. Олардың еңбектері қазақ халқының рухани тәжірибесі мен даналығын бейнелейтін ұлттық мәдениеттің бірегей бөлігі.Тағылымы мол шарада Абай мен Шәкәрім жайлы мәліметтер тыңдалып, видео материалдар қаралды. Ұлы тұлғалардың қанатты сөздері мен өлеңдері оқылып, оның мағынасын ашу және ақын мұраларының үндестігі айтылды. Әсіресе, жастардың көкірегін ілім-білімге толтыру бағытындағы қос ақынның &nbsp;еңбектері сөз болды.<img src="https://knadmin.beoblood.kz/uploads/342369556_991329181784837_8165033508409278716_n_6fa1938abf.jpg" alt="342369556_991329181784837_8165033508409278716_n.jpg">

Қызылордада «Ұлылар үндестігі» атты семинар өтті

<a href="https://kyzylorda-news.kz/">Kyzylorda-news.kz.</a> Асқар Тоқмағамбетов ауылы аудан орталығына жақын орналасқан ауылдық округтерінің бірі. Ауыл тұрғындарының берекелі ауызбірлігі мен жарасымды тірлігі бар.&nbsp;Аудандық газет тілшілері жақында ақиық ақын Асқар Тоқмағамбетов ауылына табан тіреген еді. Ауылдың тыныс-тіршілігімен танысып қайтуды мақсат еткен тілшілерге ауылдық округ әкімшілігінің мамандары мемлекеттік бағдарлама арқылы кәсіпкерлікпен айналсып жүрген жастардың баршылық екеін айтты. Соның бірі ауылдың келіні Гаухар Ахметжановамен әңгімелесудің сәті түсті.&nbsp;Көкшетау өңірінің тумасы Гаухар ауылға келін болып түскеніне бірнеше жыл болған. Ол бос уақытын тиімді пайдалану үшін, әрі табыс табу үшін кәсіпкерлікпен айналысуға бел буады. Ауыл әкімшілігінен қайтарымсыз грант алудың тетігін біліп, ізденеді. Арнайы курстан өтіп, сертификат иесі ретінде өзінің бизнес жоспарын әзірлейді. Міне, жобасын сәтті қорғап шыққан Гаухар мемелкеттің қолдауынынң арқасында сүйікті ісі тігіншілікпен айналысуына мүмкіндік алды.Жеке кәсіпкер ретінде тіркеліп, алғашқы тапсырыстарды да орындай бастады.<blockquote>– Ауылда тігін тігетін келіншектер баршылық. Бірақ, әркімнің өз талғамы бар. Менің ою-өрнек &nbsp;ойып тігетін көрпешелеріме тапсырыс берушілер ризашылықтарын білдіреді. Қайтарымсыз қаражатқа электр тоғымен тігетін су жаңа тігін машинасын сатып алдым. Қажетті мата түрлерін де, ою-өрнектің үлгілерін де алуға мүмкіндік алдым. Тігін тігу менің сүйікті ісім. Мемлекеттік бағдарлама шеңберінде жеке кәсібімді ашқаныма қуаныштымын. Киім тігуді де үйреніп алдым. Заманауи үлгіде киім пішіп, тігемін. Жұмысты жылдам, әрі сапалы атқаруыма электрлі тігін машина жұмысымды жеңілдетеді. Матаның сапасына көңіл бөліп, ою-өрнек түскен сан түрлі бұйымдарды жасауға дағдыланып келемін. Алдағы уақытта жеке шеберханамды ашып, кәсібімді жандандырғым келеді, – дейді тігінші келіншек.</blockquote>Жеке кәсіпкер Гаухар асқарлық Ерболат Бахтиярұлымен отасқан. Ауылдағы мақтаулы ісмерге айналған жас келіншек бұған дейін Нұр-Сұлтан қаласында заңгер болып жұмыс жасаған. Сот саласында еңбек еткен бас маманның Сыр топырағына келіп, қалауы мүлдем басқа салаға ауады. Ең бастысы, ісмер келіншек – ата-енесінің қамқоршы келіні, ер азаматының аяулы жары.Қазіргі таңда ол мемлекеттік грант арқылы үйінен тігін шеберханасын ашып, ауыл тұрғындарына қызмет көрсетуде. Күн сайын тұрмысқа қажетті көрпе, көрпеше, жастық жасауға дағдыланған ісмер кез келген матаны пішіп, ерекше дүниелерді жасап шығарады. Ауыл тұрғындарының сұранысына сай қыз жасауына қажетті дүниелері істеуді қолға алмақ. Киімдерді де еш қиындықсыз тігуді арнайы оқу арқылы үйренген Гаухар ханымның өз ісінің майталманы атану жолында ізденісті серік етіп, мамандардан сабақ алуға жалықпайды. &nbsp;

Сырдариялық шебер мемлекеттік қолдауға ие болды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Облыс әкімінің орынбасары Балмейір Сансызбайұлы жұмыс сапарымен Қазалы ауданында болып, бірқатар нысандарды аралады. Сапар барысында Б.Сансызбайұлы аудандағы жолдың жағдайымен танысып, жаңа мектептің құрылысын көрді.Облыс әкімінің орынбасары алдымен Әйтеке би кентінде салынып жатқан 250 орындық мектеп құрылысын аралап көрді. Осынау білім ордасының құрылысын «SCS Инжиниринг» ЖШС құрылысшылары жүргізуде. Облыс әкімінің орынбасары құрылыс жұмыстарының қарқынын күшейтіп, мектепті уақытылы әрі сапалы аяқтауды тапсырды.Келесі кезекте Балмейір Сансызбайұлы Әйтеке би кентіндегі Әл-Фараби көшесін асфальттау жұмысымен танысты. Жоба құны – 16,2 млн теңге болатын көшенің жұмысын мердігер мекеме «Қазалы Жолшы» ЖШС атқарып жатыр.Айта кетерлігі, Қазалы қаласы мен аудан орталығы Әйтеке би кенті аралығында тағы бір қарқынды құрылыс бастау алмақшы. Ол – халықтық әлеуметтік осал топтарына тұрғынжай сатып алу мақсатында тұрғын үйлер салынуы. Құрылыстың жоспарымен танысып, сәттілік тілеген облыс әкімінің орынбасары Балмейір Сансызбайұлы тұрғын үйлердің алғашқы қазығын қақты.Ағымдағы жылы Қазалы қаласындағы 15 көшеге қайта жаңғырту жұмыстары жүргізіледі деп күтілуде. Солардың ішінде бүгінгі таңда төрт көшеде құрылыс жұмыстары қарқын алуда. Балмейір Сансызбайұлы жолдың сапалы болуына және уақытылы аяқталуына баса назар аудару қажет екенін айтты.&nbsp;Мұнан соң «Қарлаң» көпірі құрылысының басына барып, мердігермен жүздесті. Қазалы қаласы мен Әйтеке би кенті аралығындағы төрт жолақты жолды жөндеп,«Қарлаң» көпірі құрылысын жүргізіп жатқан да осы мердігер мекеме екенін атап кету ләзім. Мердігер мекеме басшысының айтуынша, екі аралықтағы жол биылғы жылдыңшілде айының соңына дейін толық аяқталады.Аудан бойынша биылғы жылы жүргізіліп жатқан жол құрылыстары қатарында«Қазалы-Қожабақы-Бозкөл-Кәукей» аралығының орташа жөндеуіде бар. Балмейір Сансызбайұлы қызу шаруаның басына барып, жұмыс барысымен танысып қайтты.&nbsp;Облыс әкімі орынбасарының Қазалы ауданына жасағаніс-сапары барысында Қазалыауданы әкімі Мұхтар Оразбаев, облыстық жолаушылар көлігі және автомобиль жолдары басқармасының басшысы Пахуадин Шамұратов, аудандық мәслихат төрағасы Ғазиз Әліш басқа да бөлім басшылары бірге жүрді. &nbsp;

Облыс әкімінің орынбасары Қазалы ауданында болып, бірқатар нысандарды аралады

<a href="https://kyzylorda-news.kz/">Kyzylorda-news.kz.</a>&nbsp; Облыстық жастар ресурстық орталығының бастамасымен өткен «JASFest – 2023» студенттік өнер фестивалі өз мәресіне жетті. Фестиваль талантты жастардың шығармашылық шыңдалуына жол ашып ғана қоймай, музыкалық мәдениет пен өнерді жандандыруға, жаңа таланттарды ашуға және қолдауға бағытталды. Жастардың рухани әлеуетін көтеріп, шығармашылық өсуіне мол мүмкіндік қарастырылған өнер додасына аймақтағы 15 оқу орны қатысуға өтініш білдірді.&nbsp;Өнер додасында жастар эстрада және заманауи әндер, дәстүрлі және заманауи билер, күй өнері, поэзия жанры, бейнероликтер байқауы, жайдарман, театрландырылған көрініс жанрлары бойынша сынға түсіп, өзара жеңіс тұғырына таласты.Өнер фестивалінің жастар орталығында ашылу салтанаты өтіп, орталық директоры Талғат Тілес барша қатысушыларға сәттілік тіледі.&nbsp;&nbsp;Құрметті дарынды да талантты жастар! Еліміздің ертеңі, мәдениет пен өнердің жанашырлары! Бүгін баршамыз облыстық өнер фестиваліне жиналып отырмыз. Сыр елінің өзі мәдениет пен дәстүр, ұлттық өнер ошағы іспеттес. Түркі жұртын тоғыстырған дәстүрлі өнердің түп-тамыры орналасқан қасиетті мекен. Талай дүлдүлдер, ақын-жырау, сал-серілер туған топырақ. Сол серілердің жалғасы өнерлі жастар – сіздерсіздер. Бүгін сынға түскелі отырған барша өнерпаздарға сәттілік тілеп, жеңіс тұғырынан көрінулеріңе тілектеспін , – деді Т.Тілес.&nbsp;Алғашқы күні дәстүрлі және заманауи ән жанры бойынша 9 қатысушы өзара бақ сынады. Ән сайысына Мәдениет қайраткері, облыстық филармония артисі Үміт Медеуова, әнші Бекзат Молдабергенов және облыстық филармония конференсьесі Амандық Жаппарбердиев қазылық етті.Нәтижесінде «JASFest – 2023» студенттік өнер фестивалінің бас жүлдесін М.Мәметова атындағы педагогикалық жоғары колледжі жеңіп алса, II орынды Қызылорда жоғары көпсалалы колледжінің талантты жастары иеленді. Ал III орын «Болашақ» жоғары медициналық колледжінің қанжығасына бұйырды. Мұнымен қоса барша қатысушылар арнайы Алғыс хатпен марапатталды.Ал поэзия жанры бойынша үздік деп танылған 4 қатысушы, күй өнері бойынша 3 қатысушы, «Жайдарман», театрландырылған көрініс жанрлары бойынша 3 команда және бейнеролик сайысынан ең креативті және сапалы деп танылған 3 қатысушы туындыларын гала концертте көрерменге ұсынады.&nbsp;

«JASFest – 2023» студенттік өнер фестивалі өз мәресіне жетті

<a href="https://kyzylorda-news.kz/">Kyzylorda-news.kz.</a>&nbsp; Елімізде еш жерде ресми жұмыс істемей, алайда табыс табатын азаматтар жетерлік. Олар зейнетақы мен медициналық сақтандыру қорына ақша аудармайды. Үкімет мұндай азаматтарды өзін-өзі жұмыспен қамтығандар дейді. Оның ішінде бала күтуші, фрилансерлер, такси жүргізушілер, қорадағы азын-аулақ малын сатып, табыс табатын өзге де қазақстандықтар бар. Дәл осы азаматтарға бірыңғай жиынтық төлем (БЖТ) төлеу тиімді әрі ыңғайлы. Ол төрт түрлі төлемді – жеке табыс салығын, зейнетақы қорына, әлеуметтік сақтандыру қорына және медициналық сақтандыру қорына аударылатын жарналарды біріктіреді. БЖТ-ны тағы кімдер төлей алады, сақтандыру мәртебесінен айрылмау үшін оны қалай дұрыс төлеу керек және тағы басқа ньюанстарды Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов айтып берді.БЖТ-ны кімдер және не үшін төлейді?Бірыңғай жиынтық төлем өзін-өзі жұмыспен қамтыған азаматтарға жеке кәсіпкер ретінде тіркелмей-ақ, өз ісін заңдастыруына және зейнетақымен қамсыздандыру, әлеуметтік және медициналық сақтандыру жүйелерінің толыққанды қатысушысы болуға мүмкіндік береді.&nbsp;Салық кодексінің 774-бабына сәйкес, келесідей шарттарды орындайтын кәсіпкерлер БЖТ төлеуші бола алады: – жалдамалы жұмыскерлердің еңбегін пайдаланбайтын; – жеке тұлғаларға қызмет көрсететін немесе оларға жеке қосалқы шаруашылықтың өнімдерін сататын. Осы ретте, БЖТ төлеуші мәртебесін алу үшін жеке тұлғаның табыс мөлшері жылына &nbsp;1 175 АЕК-тен аспауы тиіс. Демек, бұл cома 2023 жылы 4 053 750 теңгеге тең. Егер бір жыл ішінде табыс осы көрсеткіштен асып кетсе, бұл азамат жеке кәсіпкер ретінде тіркелуге міндетті болады. БЖТ келесі қызмет түрлерімен айналысатын адамдарға жарамды: – тапсырыс бойынша тігін тігу, тоқу; – өз пәтерін жалға беру; – көкөністер мен жемістерді өсіру және сату, үйде кондитерлік және т.б өнімдер жасап сату (сауда нысандарының аумағында емес); – омарта ұстау; – жеке қосалқы шаруашылықтан ет және сүт өнімдерін сату.Ал келесі жағдайларда БЖТ төлеуші бола алмайды:&nbsp; – сауда орталықтары аумағында қызмет көрсететін жеке тұлғалар; – жеке практикамен айналысатын адамдар (нотариустар, адвокаттар, жеке сот орындаушылары және т.б.); – тұрғынжайды қоспағанда, мүлікті жалға (жалдауға) беретіндер;&nbsp; – қандастарды қоспағанда, шетелдіктер мен азаматтығы жоқ тұлғалар;&nbsp; – жеке кәсіпкер ретінде тіркелген тұлғалар. &nbsp;БЖТ төлеуші ретінде тіркелудің артықшылығы неде?&nbsp;Өзін өзі жұмыспен қамтыған азаматтарды БЖТ төлемегені үшін қандай да бір жауапкершілікке тарту шарасы қарастырылмаған. Алайда, өзін-өзі жұмыспен қамтыған адам бірыңғай жиынтық төлемнің бір айын уақытылы &nbsp;төлемесе, сақтандыру мәртебесінен айрылады. Сондықтан ай сайын төлем уақытын өткізіп алмау маңызды немесе алдағы кезеңдерге алдын ала төлем жасау керек.Бұл азаматтар салық органында тіркеуде болмаса зейнетақы және әлеуметтік қамсыздандыруға қауқарсыз болады. Ал БЖТ төлемі осы мәселелерді оңтайлы шешеді. Оған қоса патент немесе «жеңілдетілген» режиммен салыстырғанның өзінде ай сайынғы салық жүктемесінің мөлшері көп емес.&nbsp;Жарнаның төмен мөлшері. Жалпы БЖТ-ға мыналар кіреді: 10% – жеке табыс салығы (ЖТС); 20% – әлеуметтік аударымдар (ӘА); 30% – міндетті зейнетақы жарналары (МЗЖ); 40% – міндетті медициналық сақтандыруға аударымдар (МӘМС)Бірыңғай жиынтық төлем төлеу ауылдық аймақтарда тұратын азаматтарға тиімді. Себебі олар ай сайын 1725 теңгеден &nbsp;(1725*12=20700) төлеп, МӘМС аясында &nbsp;барлық медициналық қызмет түрін &nbsp;шектеусіз алады. Яғни қажетті тексерулерден өтіп, оған жүздеген мың, тіпті миллиондаған теңгеге операция жасай алады, оңалту курсынан өтіп, амбулаториялық негізде дәрігердің бақылауында болады. Бұл жерде пациент аталған медициналық қызметтер үшін қосымша төлем жасамайды. &nbsp;Яғни, әрбір сақтандырылған адам аударған жарна мөлшеріне қарамастан, медициналық қызметтерді толық көлемде уақтылы алуға құқылы.Бірыңғай жиынтық төлем бір айлық есептік көрсеткіш көлемін құрайды. Осы жылы елімізде АЕК мөлшері – 3 450 теңге. Осыған орай, республикалық және облыстық маңызы бар қала тұрғындары ай сайын 3 450 теңгеден, ал басқа елді мекендердің азаматтары 1 725 теңге, яғни 0,5 АЕК.&nbsp;Осылайша, ай сайын 0,5/1 АЕК сомасын төлеп, тұлға өз қызметін толығымен заңдастырып қана қоймай, болашақ зейнетақыны (базалық зейнетақы төлемін) қамтамасыз етеді және Мемлекеттік әлеуметтік сақтандыру қорынан (ГФСС) сақтандыру төлемдерін алуға құқылы болады. Яғни:&nbsp; – еңбек ету қабілетінен және асыраушысынан айырылған жағдайларда;&nbsp; – жүктілік және босану; – бала асырап алу; – 1 жасқа дейінгі бала күтімі.БЖТ-ны қалай төлеуге болады?МӘМС жүйесінде «САҚТАНДЫРЫЛҒАН» болу үшін 3 ай қатарынан БЖТ төлем болу керек. Төлем 3 ай енгізілгеннен кейін ғана мәртебе беріледі. Мысалы, қазір бір азамат ақпан айына БЖТ төлесе, мәртебе бірден берілмейді. Яғни оның сақтандыру мәртебесі 3 ай қатарынан (ақпан, наурыз, сәуір) БЖТ төлемі түскен кезде, демек сәуірде ғана іске қосылады.&nbsp; Ал енді мамыр айында қандай да бір себептермен төлем жасалмай қалса, сақтандыру мәртебесінен айрылады. Оның қайта іске қосылуын тағы 3 ай күту керек: мамыр, маусым, шілде айлары БЖТ төлеп, шілдеде сақтандырылған мәртебесін ала алады.&nbsp; Яғни, медициналық сақтандыру мәртебесін жоғалтпау үшін бұл төлем түрін ай сайын жасау керек немесе өткізіп алмау үшін алдағы айлар үшін алдын-ала төлем жасауға болады. Төлем Қазақстанның кез келген банкінде, банктердің мобильді қосымшалары арқылы және «Қазпошта» бөлімшелерінде қабылданады. Төлем жасау кезінде ақша аударылатын тұлғаның ЖСН, төлем жасалатын айды көрсету керек.Жүкті және босанған аналардың назарына!Ресми жұмыс істемейтін әрі тиісті аударымдары жоқ көптеген жүкті әйелдер жеті ай бойы арнайы БЖТ төлем жасайды. Бұл оларға бала күтімі бойынша бір жарым жасқа дейінгі әлеуметтік төлемдерді алу үшін құжат тапсыруға мүмкіндік береді. Бұл жағдайда әйел «Жұмыс істемейтін жүкті әйел» жеңілдік санатынан шығарылады, себебі жүйе оның БЖТ ішіндегі аударымдарын көреді және ол табыс табатын адам болып есептеледі. Ал жеті ай бойы БЖТ жасаған азаматшаның сегізіншісінде төлемі болмаса, ол сақтандыру мәртебесінен айрылады.&nbsp;Осы кезде ол екі жолдың бірін таңдай алады: 1) өзін өзі жұмыспен қамтыған азамат ретінде сақтандыру мәртебесін сақтау үшін БЖТ төлеуді жалғастыра беруі керек; 2) ал келесі жағдайда ол БЖТ-ны екі ай төлемесе, жеңілдік санатына кіреді де, сақтандыру мәртебесін алады (жүйе оның аударымдары жоқ екенін көреді, яғни ол жұмыс істемейді деп есептеледі). Екінші жағдайда ол сақтандыру мәртебесін алғанға дейін осы екі ай ішінде МӘМС аясында медициналық көмек ала алмайды. Бірақ қажет болған жағдайда ол тегін медициналық көмектің кепілді көлемі аясында шұғыл көмекке жүгіне алады.Егер тағы да басқа сұрақтар туындап жатса, сіз өз емханаңыздағы «Пациенттерді қолдау қызметіне» жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесідей байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтындағы (egov.kz) «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы білуге болады.&nbsp; &nbsp;

Сақтандыру мәртебесін жоғалтпау үшін БЖТ-ны  қалай дұрыс төлеу керек?

<a href="https://kyzylorda-news.kz/">Kyzylorda-news.kz.</a> Ауыл тұрғындарының әл-ауқатын жақсарту және әлеуметтік мәселелерін жедел шешу мақсатында Үкімет «АМАNАТ» партиясымен бірлесіп, бүкіл Қазақстан бойынша «Ауыл аманаты» жобасын іске қосты.Жобаны өңірде &nbsp;іске асыру мақсатында аудан әкімдігінің мәжіліс залында Шиелі ауданының әкімі Нұржан Ахатовтың төрағалығымен жиын өтті. «Ауыл Аманаты» жобасы аясында өңірге бөлініп отырған «2,5 пайыздық 3 млрд теңге көлеміндегі несие қаражатын ұтымды пайдаланудың жолдары» тақырыбында жиын өтті.Басқосуға аудандық мәслихат төрағасы Айтбай Жандарбеков, жауапты бөлім басшылары мен кент әкімі және ауылдық округ әкімдері «зум» желісі арқылы қатысты.Жиын барысында аудан әкімі 2,5 пайыздық несие қаражатын алудың жолдары мен шарттарын тұрғындарға толықтай түсіндіру керектігін айтып, ауылдық округ әкімдеріне бірқатар тапсырмалар жүктеді.Келесі кезекте, ауыл шаруашылығы және жер қатынастары бөлімінің басшысы Мұрат Әшірбеков сөз алып, жобаның шарттары мен қаржыландыру бағыттарын түсіндірді.<blockquote>«Ауыл Аманаты» жобасының негізгі қаржыландыру өңдеу саласы, өсімдік шаруашылығын дамыту, ауыл шаруашылығы кооперативтерін жабдықтау, мал шаруашылығын дамыту және басқа бағыттағы бизнес жобалар бойынша бағытталған. Несие мерзімі 5 жылға дейін, ал мал шаруашылығындағы жобалар үшін 7 жылға дейін көзделген. Ең жоғарғы сомасы – ауылдық елді мекендер мен шағын қалаларда 8,6 млн теңге, зәкірлік кооперация – шағын және орта шаруа қожалықтары және ауыл шаруашылығы кооперативтері үшін 27,6 млн теңге дейін беріледі. Сыйақы мөлшері жылына 2,5 пайыздан аспайды», – деді бөлім басшысы.</blockquote>Несие талабы бойынша несие алушы жеке кәсіпкер ретінде тіркеуде болуы тиіс, басқа несиелері бойынша мерзімі өткен жарналар және мемлекеттік кірістер органдарында берешек болмауы тиіс. Сонымен қатар кепілмен қамтамасыз ету, зейнет жасына жетпегені және ауыл шаруашылығын жүргізу үшін қажетті жер телімі, қораның болуы да маңызды.Жоба әкімшісі ретінде облыстық ауыл шаруашылығы және қатынастары басқармасы белгіленсе, сенімді өкіл ретінде «Байқоңыр» ӘКК» ҰҚ» белгіленіп отыр. Ал, жоба «Өңірлік инвестиция орталығы» МҚҰ арқылы жүзеге асырылатын болады.

Мұрат Әшірбеков: «Ауыл аманаты» жобасы бойынша ең жоғарғы сома 8,6 млн. теңге

<a href="https://kyzylorda-news.kz/">Kyzylorda-news.kz.</a> Ауырған, жанына шипа іздеген жанның қасынан табылатын ақ халатты абзал жандардың адал еңбегі ерлікпен тең. Дертіне дауа із-деген жанның қасынан табылып, кеселінен айығуына бар ынта ықыласын танытып жүргендердің бірі – сырдариялық дәрігер Гүлзат Тыныштықбаева.Жас та болса, ел алғысына бөленіп келе жатқан ақ халатты абзал жан бұл мамандыққа кездейсоқ келмеді. Оның бала кездегі арманы – денсаулық сақшысы, дәрігер болу. Балауса қыз жүрек қалауымен мектеп бітірген жылы медицина мамандығын таңдады. Бойындағы батылдық, еңбексүйгіштік, қиындықтан қорықпайтын қайсарлық, шыдамдылық мінезі жас талапкерді қалаған оқуына түсуге жетеледі.Қасиетті Тереңөзек топырағынан түлеп ұшқан болашақ дәрігер мектеп бітірген жылы даярлық курсында оқып, дайындығын шыңдай түсті. Бір жылдан соң Гүлзат Қаппарқызы қалаған оқудың грантына қол жеткізуге мүмкіндік алған.Батыс Қазақстан мемлекеттік медицина университетінде жеті жыл дәрігерлік мамандықта оқып, туған жерге балалар дәрігері болып оралды. «Дипломмен ауылға» бағдарламасымен өз мамандығы бойынша жұмысқа орналасты. Жас маман бағдарламаның қатысушысы ретінде жеңілдіктер алып, оның игілігін көруге мүмкіндік алды.Еңбек жолын аудандық емханада жұқпалы аурулар дәрігері болып бастаған жас дәрігер медицина саласының күрделі түрін білуге ұмтылды. Уақыт оздырмай біліктілігін арттыру курсынан өтіп, жалпы тәжірибелік дәрігер болды. Сонан соң аудандағы С.Сейфуллин мен О.Мәлібаев елді-мекеннің тұрғындарына аймақтық дәрігер ретінде қызмет жасаған.Тәжірибе жинақтауға әріптестерінің де дұрыс бағыт-бағдар беруіне көп нәрсе байланысты. Емхана басшылығы дәрігердің талабы мен біліктілігін басты назарға алып, оны кәсіби шыңдау үшін ауданға қажетті кардиолог-дәрігерлікке қайта мамандануға ұсыныс берді. Ұсынысты қабылдаған ақ халатты абзал жан Алматы қаласына 4 айлық курсқа жіберілген еді.<blockquote>Аудан халқына қызмет ететін кардиолог-дәрігердің тапшылығы сезілді. Барлық ауыртпалық бір ғана кардиолог-дәрігерге артылды. Білікті дәрігер Қарлығаш Құлбаева сонша жұмысты бір өзі үлгірді. Әрине, қиын, ауыр, қосымша жұмыс. Сондықтан мен де өзімді кардиолог ретінде қызмет етуге келісімімді бердім. Қазір бұл шешіміме өкінбеймін. Аз ғана уақыт ішінде біраз тәжірибе жинақтап, науқастарды емдеп жатырмыз, – дейді кардиолог Гүлзат Тыныштықбаева.</blockquote>Дәрігердің негізгі қызметі – елді-мекендерде жүрек ауруымен есепте тұратын науқастарды бақылап, дер кезде дәрігер қабылдауында болуына жұмыс жасау. Ең бастысы соңғы кезде көбейіп кеткен жүрек қан тамырлары ауруы бойынша алдын алу жұмысына күш салады. Себебі соңғы жылдардағы көрсеткіш бойынша жүрек ауруына шалдығу жас талғамайтын жағдайға жеткен. Мұның басты себебі адамдардың зиянды әдеттерге бой алдыруы мен күні бойы қозғалыссыз еңбек ету режимі болып табылады. Дұрыс тамақтанбау мен саламатты өмір салтын ұстанбау да жүрек ауруына әкелетін факторлар. Дегенмен еліміздегі медицина саласының қарқынды дамуы, атап айтқанда заманауи құрал-жабдықтармен қамтылуы дертті ерте сатыда анықтауға мүмкіндік береді. Жүрек ауруына шағымданған науқастарға холтер, смад, тридмил-тест тағайындалып, қандайда бір жүрек ақауын анықтауға болады. Бір кездері мұндай құралдар қолжетімсіз болып, науқастар облыс орталығына сабылғанда, көп уақыт жоғалтып алатын еді. Енді осы құралдар мезгілсіз өлімнің болмауына бірден бір себепші десек, артық айтқандық болмас.Бір ғана жүрек ауруында кездесетін бірнеше дерттің түрін дәрі-дәрмекпен алдын алып, емдеуге болады. Тіпті ота жасатқан науқастардың өзі дәрігер тағайындаған дәрі-дәрмек пен кеңеске жүгінсе, дертінен құлан таза айғып кетеді екен.<blockquote>Науқас ең алдымен өзін жайсыз сезінсе, жүрек тұсында ауырсынуды байқаса, дәрігерге дереу келу керек. Бақылауға алып, нақты диагнозы анықталмайынша ем тағайындалмайды. Кез келген дәріні қабылдауға болмайды. Әрбір дәрінің не үшін қолданылатыны және оның қалай әсер ететіні туралы кеңес беріп, түсіндіру міндетіміз. Мезгілімен ем алған науқас сауығып кетуі үшін дәрігердің айтқанын орындауы керек. Жүрек ауруынан айығып кеткен науқасты көру дәрігер үшін үлкен жетістік, – дейді ақ халатты абзал жан Гүлзат Қаппарқызы.</blockquote>Бүгінде уақытпен санаспай, жаны жабыққан, дертіне дауа іздеген жанның қасынан табылуға асығып тұратын дәрігер қызметін мінсіз атқарып келеді.&nbsp; Сырқатына дауа іздеген адамдардың дәрігер отбасында 3 баланың анасы. Бақытын отбасынан, сүйікті ісінен тапқан дәрігерге ел алғысына бөлене беріңіз демекпіз. &nbsp;

Сырдариялық дәрігер халық алғысына бөленіп келеді

<a href="https://kyzylorda-news.kz/">Kyzylorda-news.kz.</a> «Армандай біл, ол – тегін ғой» деген ұстаным қоғамда кең тарады. Расымен, арманның адам қанаты екенін білсек, армандауға болмас па? Ал егер оны жүзеге асырсақ, тіпті бөлек әңгіме. Жазғалы отырған жайдың жалғасы сол арманмен қанаттанып, бүгінде бір-бір кәсіптің иесі болып отырған жандар жайында болмақ.Қазіргі қоғам нені көтермейді? Әрине, жалқаулықты, «Алма піс, аузыма түс» деп бос сенделуді. Өйтпеске не істемек керек? Енді қараңыз, кәсіп ашу дегенде алдымен адамда қорқыныш басым болады. «Бастай аламын ба? Қалай жүзеге асырамын?» деген сауалдан санасын арашалай алмайды. Мұндайда бізге жігер керек. Айқын мақсат пен нық сенім қажет. Одан соң мемлекет берген мол мүмкіндікті тиімді пайдаланып, сол арманның жүзеге асуына қарекет етуі тиіс. Ондай жандар біздің ауданда жоқ емес. Солардың бірі – біз арқау етіп отырған жастар.«EvaPolik» көптің көңілінен шығуда«Қалауын тапса – қар жанады» деген осы екен ғой. Тәуелсіз елдің жастары қоғамның айнасы іспетті. Өйткені жастардың атқарған қызметі арқылы елдің болашағын бажайлай аламыз. Қазір масылдық санадан сәл де болса ажырап, екі қолға бір күрек алғандардың қатары артуда. Жасыратыны жоқ, ауданда кәсіпкерліктің көкжиегі кеңеюде. Ал жаңа жобамен тың кәсіптің көзін тапқан Айдын Жыланбасовты бірі білсе, бірі білмейді.Ол аудан тұрғындарының көлігін жаңа стильде сәндеу мақсатында «EvaPolik» автотөсеніштерін жасауды қолға алды. Солай өз қаражатымен кәсібін бастап отыр. Тұрғындар енді ғана үйренісіп жатыр. Әлеуметтік желідегі белсенділігі арқылы тұтынушыларын да жинау үстінде. Ал соңғы үлгідегі бұл төсеніштер автокөліктің барлық түріне жасалынады екен. Жалпы автомобиль төсеніштері – бұл автомобиль салонын қорғаудың жаңа, инновациялық және стильді тәсілі. Төзімді төсеніштер барлық пішіндер мен қисықтарға мұқият жабысады, оларды алу, жуу оңай, интерьердің эстетикалық көрінісін сақтайды.<blockquote>«Төсеніштер автокөліктің әр маркасы мен моделі үшін жеке үлгілерге сәйкес тігіледі. Олар жүргізуші мен жолаушыларға ең жоғары деңгейдегі жайлылықты қамтамасыз ететіндігімен, эстетикалық және сыртқы келбетімен ерекшеленеді. Сонымен қатар олар қаптамаға кірдің түсуіне жол бермей, автомобильдің барлық төменгі қаптамаларын толығымен жабады. Бұл химиялық тазарту қызметіне жүгінбестен, кір мен құмды оңай кетіруге мүмкіндік береді. Олар өте төзімді, кірді сіңірмейді, тығыз жабысады және оңай кетіріледі. Төсенішті тазарту да оңайырақ», – дейді жас кәсіпкер.</blockquote>Оның айтуынша, төсеніштер беріктікке, ылғалға, кірге және басқа да көптеген қатал факторларға төзімділікке ие. Температура өзгерісіне төзімді. Солтүстіктің қақаған аязына қалай шыдаса, оңтүстіктің шыжыған ыстығына да солай шыдас береді. Салмағы жеңіл. Экологиялық таза материал. Ал бұл материалдардың медицинада көбірек пайдаланылуы адамға зиян еместігінің дәлеліндей.<blockquote>«Кәсіп бастау бірден нәтиже бермесе де талап пен төзімділік қажет. Ең бас¬тысы, ешқашан берілмеу керек. Ерік-жігерің мықты болса, қателіктен қорықпай, қайтпасаң түбі жеңіске жетесің. Кәсіпкерге қажет ең басты қасиет – табандылық. Табандылық – табыстың кілті. Сондай-ақ, бизнесте табысқа тезірек жетуде жан-жақтылық керек. Ең басты өнім – өзің. Ендеше әрекет – бізден, берекет – Алладан», – дейді талапты жас.</blockquote>Әзірге Айдын кәсіпте жаңадан қадам басқанымен алдағы уақытта көкжиегін кеңейтпек. Мемлекеттік бағдарламаларға да қатысып, бағын сынамақ ниетте. Әрине, алдымен кәсіпкердің өнімі сапалы болуы шарт. Сонда ғана оған сұраныс арта түседі. «Арманда, қанаттан, жүзеге асыр!» деген ұстанымды серік еткен жас кәсіпкер болашақта кәсібін одан әрі дамытқысы келеді.Қармақшыда «Rocky boxer» барҚалаларда қыз-жігіттердің дәл осы құрылғыны ұрып, күшін сынап жатқанын көретінбіз. Қалтаңда аз-маз тиының болса болғаны, әлгіге саласың да, білектегі күшіңнің мықтылығын көресің. Жаныңдағыларға дәлелдейсің. Қалаға жолы түскен ауылдағы жігіттер соны ұрмай кетпейтіні бар-тын, ендігі ол аппарат қазір Жосалы кентінде тұр. Қандай да бір істі бастамас бұрын адамға алдымен бірқатар қабілет керек. Соның бірі – ұйымдастыру, іздену. Сондай қабілетті бойына жиған, халыққа қызмет етіп, мүлт кетпеген мүмкіндікті тиімді пайдаланған жанның бірі – Жосалы кентінің тұрғыны Мейрбек Төлепбергенов.<figure class="image"><img src="https://knadmin.beoblood.kz/uploads/1646111104_rokkibokser_2fedc336a1.jpeg" alt="1646111104_rokkibokser.jpeg"></figure>Ол 2014 жылы аудандағы басты көшелердің бірінен дүкен орнын сатып алады. Ал 2015 жылы тәуекел етіп мемлекеттен 6 процентпен берілетін 7,5 млн теңге көлеміндегі несиеге қол жеткізеді. Алған қаржыға үлкен станок алып, компьютерлік клубқа айналдырады. Алдымен жарнама орталығы болса, екінші жағынан компьютер жөндеу қызметтерін қолға алады. Қазіргі таңда «Дильназ» компьютерлік жөндеу және дизайн орталығы аудан бойынша қызмет көрсетуде. Ал оның дәл алдында біз қаузаған «білектің күшін» анықтайтын құрылғы тұр.<blockquote>«Бірде бірге жұмыс істейтін Ерасыл деген бауырым осы идеяны айтты. Орталыққа «Rocky boxer силомер» аппаратын неге әкелмейсің деп ой тастады. Неге жүзеге асырмасқа деген ниетпен көп ойламай, Алматыға барып, алып келдім. Қойылғанына көп болған жоқ. Қазір жігіттер келіп, әр соққыға 100 теңгеден салып ойнап жатыр. Ойлап қарасам, жалпы тіршілікті бастағалы жоқтан бар жасауға болатынын түсіндім. Мен кәсіп бастарда көбі сенімсіздік танытты. Мүмкін басынан өткен соң ба? Бірақ барлығы жақындарыңның қолдауына байланысты екен. Кеудеңде үмітің сөнбей алға қарай ұмтылсаң алынбайтын қамал жоқ. Иә, бизнес немесе кез келген жұмыс сатысын 0-ден 10-ға дейін деп алсақ, көбі 11-ге бір-ақ жоғарылағысы келеді. Барлығының тез-тез болғанын қалайды. Дайын дүниені күтеді. Бірақ бәрі осыншалықты жеңіл қарайтын дүние емес. Алдымен адам бойында өзіне деген сенім мен сабырлық ұштасуы керек», – дейді кәсіпкердің өзі.&nbsp;</blockquote>ТүйінҚазір шағын және орта бизнесті дамытуға мемлекет басымдық беруде. Соның нәтижесінде, ауданда кәсіпкерліктің өрісі кеңеюде. Солай кәсіп ашамын дегендер арманын жүзеге асыруда. Сіз де ойда жүрген идеяңызды шындыққа айналдыра аласыз. Ол үшін мемлекет берген мүмкіндікті тиімді пайдалансаңыз болғаны.&nbsp;

Қармақшылық жастар кәсібінің нәсібін көруде

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының «Қоғамдық келісім» КММ ұйымдастыруымен Талсуат оңалту орталығындағы ерекше жандарға арналған спартакиада өтті.Шараның шымылдығын облыстық қоғамдық даму басқармасының «Қоғамдық келісім» КММ директоры Бақытжан Камалов ашып, қатысушы командаларға сәттілік тіледі. Орталықта ем алушы жандарға мықты денсаулық, дертіне шипа беріп, қалыпты өмір дағдыларына оралуына тілектестігін білдірді.Тартысты «Толағай» отбасылық спартакиадасына ем алушы жеткіншектер ата-аналарымен бірге белсенді қатысты. Көңілді сайысқа «Қоғамдық келісім» КММ директорының орынбасары Фархат Халилуллаев, мекеменің бөлім басшысы Шахизат Абдраманова қазылық етті.Сайыс нәтижесінде Жалағаш ауданынан келген «Қызғалдақ» тобы жүлделі бірінші орынды қанжығасына байлады. Жеңімпаздар мен барлық қатысушыларға бағалы сыйлықтар мен «Қоғамдық келісім» КММ директоры атынан дипломдар табысталды. Шараға қатысушылар бір серпіліп қалды.Ал, Талсуат оңалту орталығының директоры Мейрамбек Әбдікәрімов қайырымдылық шараны қорытындылап, ұйымдастырушыларға ризашылығын білдіріп, Алғыс хат табыстады.&nbsp;

Қазақстан және Қызылорда облысының жаңалықтары