<a href="https://kyzylorda-news.kz/">Kyzylorda-news.kz.</a> «AMANAT» партиясы Қазалы аудандық филиалының жанынан құрылған «Таза тіл» тобының жылдық жоспарына сәйкес «Қазақстан Республикасындағы тiл туралы» Қазақстан Республикасының 1997 жылғы 11 шiлдедегі N151 Заңының 21-бабына 29 желтоқсан 2021 жылы енгізілген өзгерістерге түсіндірме жұмыстарын жүргізіп келеді.«AMANAT» партиясы Қазалы аудандық филиалының жанынан құрылған «Таза тіл» тобының құрамында «Қазалы ауданының мәдениет және спорт бөлімі» КММ, «Қазалы ауданының кәсіпкерлік, туризм және өнеркәсіп» КММ, «Жастар ресурстық орталығы» КММ, «Әйтеке би кенті әкімі аппараты» КММ, Халықаралық «Қазақ тілі» қоғамы Қазалы аудандық филиалы, «Қызылорда облыстық тілдерді оқыту орталығы» КММ бар.Көрнекі ақпараттар көп шоғырланған Әйтеке би, Р.Бағланова, Жанқожа батыр, Қ.Пірімов көшелері мен базар, вокзал маңындағы дүңгіршектерге кәсіпкерлік нысан иелеріне заң талаптарын түсіндіру барысында барлығы 30-дан астам кәсіпкерлік объектілерді аралап, оларға «Қазақстан Республикасындағы тіл туралы» ҚР Заңының 21-бап талаптары жазылған парақшалар таратылды.Жоғарыда аталған кәсіпкерлік ғимарат иелеріне түсіндірме жұмыстары жүргізіліп, заңға қайшы жарнамаларды ауыстыру қажеттігі ескертілді. Бұл жұмыстар алдағы уақытта да өз жалғасын таба береді.Кәсіпкерлік нысан иелері Сіздерге, хабарландырулар, жарнамалар, прейскуранттар, баға көрсеткiштерi, ас мәзірлері, нұсқағыштар және басқа да көрнекi ақпараттарды жазу барысында әдістемелік көмектер тегін көрсетіледі.

Көрнекі ақпараттарға түсіндірме жұмыстары жалғасуда

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында партияның облыстық филиалы жанындағы «Miras» аймақтық кеңесінің көшпелі отырысы өтті. Отырысқа партияның облыстық филиалы Атқарушы хатшысының орынбасары Алтынбек Жарылқасынов қатысып, кеңес алдындағы міндеттерді кеңінен айтып өтті.Көшпелі отырырыста Сырдария ауданындағы тарихи-мәдени нысандардың жай-күйі мен ұрпақ тәрбиесі мәселесі талқыланды.Сырдария ауданы тарихи орындарға бай. Мәселен аудан көлемінде 59 тарихи-мәдени мұра обьектілері бар. Оның 4-і республикалық, 13 –і жергілікті, сонымен қатар 42 ескерткіш алдын-ала тізімге алынған. 59 ескерткіштің 15-і археологиялық, 44-і қала құрылысы және сәулет ескерткіші болып бөлінеді.Көшпелі жиын алдында кеңес мүшелері бірқатар нысандарды аралап, кемшіліктерді де бағамдаған болатын. Күн тәртібен сәйкес алдымен осы бағытта ауданда атқарылған жұмыстарды тыңдады.Сырдария ауданындағы тарихи-мәдени нысандардың жай-күйіне байланысты Сырдария аудандық мәдениет және спорт бөлімі басшысының міндетін атқарушы Жеңісбек Төралиев хабарлама жасап, атқарылған және жоспарланған жұмыстарды жеткізді.Тәрбие мәселесі бүгінгі таңда өте өзекті болып тұр. Жасөспірімдер арасында жаппай төбелес, суицид, зорлық-зомбылық әрекеттері белең алуда. Бұл ұлт тамырына балта шабады. «AMANAT» партиясының сайлауалды бағдарламасында «Ұлттық тәрбие - ұлт болашағы» тұжырымдамасын дайындау қарастырылған. Тәрбие мәселесі барлығымызға ортақ. Сондықтан осы мәселені барлық құзырлы органдар мен зиялы қауым өкілдері, ата-аналар, ұстаздар, қоғам болып бірлесіп шешуіміз керек»,- деген Кеңес төрағасы Баймырза Қожамберлиев ауданында бұл мәселе бойынша жағдай көңіл көншітпейтінін атап өтті. .«Мәселен, ерте жүктілік бойынша жыл басынан 5 айдың ішінде Сырдария ауданында 3 жағдай тіркелген, Өткен жылы 2 суицид тіркелген. Сырдария секілді кішкентай ауданға, бұл үлкен мәселе»,-деді Кеңес төрағасы.Бұл бағытта жасалып жатқан жұмыстармен аудандық білім бөлімінің басшысы Берік Жәнібеков атап өтті.Бүгінгі күні аудандағы 5 қосымша білім беру ұйымы мен оның филиалдарына 1400 бала, аудандық спорт мектептеріне 1500 бала тартылған. Сонымен қатар, мектептердегі үйірмелерге 4000- ға жуық бала қамтылып отыр. Балалар мен жасөспірімдер арасындағы қаңғыбастық пен қадағалаусыздықтың, құқық бұзушылық, суицид, зорлық-зомбылықтың алдын алу мақсатында ведомствоаралық іс-шаралар жоспары бекітілген. Жоспарға сәйкес ұйымдастырған 250 шараға (лекция, жиналыс, дөңгелек үстел т.б.) 2300 адам қатысты. Оның ішінде, 1500 оқушы және 800 ата-ана бар. Іс-шаралар барысында ата-аналарға психологтардың кеңестері беріліп, полиция департаментімен әзірленген жадынамалар таратылды. Аталған жиналыстарда ата-аналарға бала денсаулығы мен өміріне келетін зиянды әрекеттер туралы Заң аясында түсіндірілді», дейді білім бөлімінің басшысы.Бұдан бөлек қиын жағдайға тап болған отбасыларды анықтау бойынша мектептерде 17 әлеуметтік педагог арнайы оқудан өткен. Осал топтағы балалардың тұрмыс сапасын жақсарту үшін арнаулы әлеуметтік қызмет көрсетіліп келеді. Ағымдағы жылы 10 отбасының 24 баласы сүйемелдеуге алынып, 80-ге жуық оқушыға арнаулы әлеуметтік қызмет көрсетілген. Салааралық байланыс арқылы 3 отбасы қиын жағдайдан шығарылған.Жиын барысында Кеңес мүшелері күн тәртібіндегі мәселелерге қатысты өз ойларын ортаға салып, жұмысты жетілдіруге қатысты ұсыныстарын білдірді.<img src="https://knadmin.beoblood.kz/uploads/356384165_660272619471711_5829373372103820684_n_352c735ba6.jpg" alt="356384165_660272619471711_5829373372103820684_n.jpg">

Ұрпақ тәрбиесі «MIRAS» аймақтық кеңесінің көшпелі отырысында талқыланды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев тұрғындарды жеке мәселелері бойынша қабылдады. Жеке қабылдауда тұрғындар өздерін алаңдатқан түйткілдерін қозғап, көкейдегі сауалдарын жолдады.&nbsp;Оның ішінде көшелерге түнгі жарықшам орнату мен асфальттау, тұрақты жұмысқа орналасу және тағы да басқа мәселелер қозғалды. Аудан басшысы әрбір келушінің сауалдарына заң аясында байыпты түрде жеке-жеке жауап беріп, әрбір мәселеге талқылау жасап, шешу жолдарын қарастырды.Сондай-ақ, алдағы уақытта түйткілді мәселелерді бақылауда ұстайтындығын айтып, жауапты мамандарға тиісті тапсырмалар берді. Айта кету керек, келушілер қатарында Қазалы ауданының тумасы, қазіргі таңда Астана қаласында тұратын Балтабай Исмайлов та болды. Ауданда атқарылып жатқан жұмыстарға оң бағасын беріп, ризашылығын жеткізгісі келген ақсақал арнайы жеке қабылдауға жазылыпты.<blockquote>«Қазалы көркейіп келеді. Көптеген жұмыстар істелуде. Жыл өткен сайын көрікті ғимараттар, кәсіпкерлік нысандар бой көтереді. Бұның бәрі біз үшін қуанышты жаңалық. Туған жердің дамып, гүлденгенін кім жек көрсін. Бұл ретте аудан тұрғындары мен басшылық тарапқа ризашылығымды білдіремін», – деді ақсақал.</blockquote>

Қазалы ауданының әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz.</a> Қазалы аудан әкімдігінің мәжіліс залында сыбайлас жемқорлыққа қарсы іс-қимыл мәселелері жөніндегі аудандық комиссияның отырысы өтті. Мәжілісті ашып, жүргізіп отырған аудан әкімі Мұхтар Оразбаев күн тәртібінде екі мәселе қаралатындығын айтты.&nbsp;Оның алғашқысы – Қазалы ауданы бойынша Мемлекеттік кірістер басқармасымен сыбайлас жемқорлыққа қарсы іс-қимыл бағытында атқарылған шаралар туралы болды. Ол жөнінде Қазалы ауданы бойынша Мемлекеттік кірістер басқармасының басшысы Темірлан Қожаназаров баяндады. Мұнан соң жұмыспен қамту саласында сыбайлас жемқорлықтың алдын-алу, болдырмау бағытындағы қабылданған шаралар жөнінде аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің басшысы Совет Бабанаев айтып берді.&nbsp;Аудан басшысы Совет Кеңесұлына халықты нәтижелі жұмыспен қамтуға жәрдемдесу және азаматтарды кәсіпкерлікке &nbsp;тартуға бағытталған заңнамалардың сақталуына, қайтарымсыз мемлекеттік &nbsp;гранттардың мақсатына &nbsp;сәйкес &nbsp;игерілуіне бақылауды күшейтуді тапсырды. Сонымен қатар басқосуда баяндамашыларға ұсыныс-пікірлер айтылып, сауалдар жолданды. Аудан әкімдігінің мәжіліс залындағы жиын Қазалы ауданы әкімдігі жанындағы құқық бұзушылық профилактикасы жөніндегі ведомоствоаралық комиссия отырысына жалғасты.&nbsp;Мәжілісті жүргізген аудан әкімі Мұхтар Оразбаев күн тәртібіндегі мәселе жол қауіпсіздігін қамтамасыз етуге бағытталған шаралардың нәтижелері туралы екенін айтып өтті. Бұл жөнінде аудандық полиция бөлімінің бөлімше бастығы Ғалымжан Аманов баяндап берді. Аталған мәселе бойынша қосымша аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов хабарлама жасады.&nbsp;Мұхтар Әуесұлы қала, кент және ауылдық округ әкімдеріне тұрғындардың өз бетінше жол кедергілерін орнатуына жол бермеуге, жол ережелерінің қатаң сақталуына бақылау жасап, полиция бөлімімен бірлесіп түсіндірме жұмыстарын жүргізуді тапсырды.Сонымен қатар, аудандық полиция бөліміне көлікті масаң күйде, ешбір құжатсыз басқарудың алдын алу бағытында бірлескен іс-шара жоспарын жасап, аталған санаттағы құқық бұзушылыққа тосқауыл қою керек екенін тілге тиек етті.

Сыбайлас жемқорлыққа қарсы іс-қимыл мәселелері жөнінде комиссия отырысы өтті

Жалағаш ауданында 6 айда 317 тұрақты жұмыс орны ашылған

<a href="https://kyzylorda-news.kz/">Kyzylorda-news.kz.</a>&nbsp; Басқарма басшысы Исатай Ансат кәсіпкерлік нысандар мен өндіріс орындарын аралап, жұмыс барысымен танысты.Алдымен Исатай Сәбиұлы Қызылордада орналасқан «NOMAD» цехына барды. Қала тұрғыны Бауыржан Қамзаев мәрмәр тастан раковина жасап шығарады.Кәсіп иесі бұл кәсіп түрін Шымкент қаласындағы цехтардың бірінен үйреніп, «2021-2025 жылдарға арналған кәсіпкерлікті дамыту жөніндегі ұлттық жоба» шеңберінде 5 млн. теңге грант есебінен «NOMAD» брендімен тұрмысқа қажет 12 түрлі раковина жасап келеді.Бауыржанның айтуынша, құрал-жабдықты Ресейден алдырғанмен шикізат – Арал ауданындағы Шөміштің құмы. Бұйымның сапасына біржылдық кепілдік беріледі. Жақында дүкен ашып, тұрғындарға қолжетімді бағада сатуда.Бауыржанның ендігі ойы – кәсібінің аясын кеңейту. Цех салып, сол жерде раковина ғана емес, ванна, душ, кабина дегендерді дайындап шығару.Мұнан соң кәсіпкерлік және өнеркәсіп басқармасының басшысы Исатай Сәбиұлы құрғақ құрылыс қоспаларын өндіретін цехына барды.Жеке кәсіпкер Айбол Серікбаев шығарып отқан өнімдерінің бірі «МИР» кафельге арналған желім. Бұл суға төзімді, гидравликалық тұтқыр толтырғыштардан және денсаулыққа бейтарап полимерлік қоспалардан тұратын цемент қосылған қоспа болып табылады. Қызылорда қаласының бірнеше мөлтек аудандарындағы құрылыс материалдарын сату дүкендерінде жүзеге асыруда. Тәулігіне 1-1,5 тонна өндіріп отырды.Өндірілген өнім облысымызға қарасты аудандарға, жеке кәсіпкерлерге және көршілес жатқан облыстарға кеңінен танылды. Қазіргі уақытта, сапасы мен бағасы жөнінен тиімділігін түсінген тұтынушылардан сұраныс көбейе түсті (25 кг қап -900 теңгеден сатуда). Осы орайда, өндіру көлемі тәуілігіне 3 тоннаға артты.Сонымен қатар, кәсіпорын өз тұтынушыларға жаңа өнім ұсынды. «ALIN» әмбебап шпатлевкасы – табиғи ғаныш қосылған жоғары сапалы қоспа болып табылады. Қабырғалар мен төбелерді тегістеуге арналған сылақ, ішкі жұмыстар үшін арналған. Көлемі 25 кг қаптың бағасы – 1300 теңге. Өндіру қуаттылығы тәулігіне 1-1,5 тонна құрайды. Цехтағы жабдықтар мен қондырғылар жартылай автоматтандырылған.Жұмыс барысымен танысқан Басқарма басшысы:<blockquote>- Қазіргі таңда кәсіптің көзін тауып, өз ісін бастаған кәсіпкерлердің күн санап саны артып келуі көз қуантады. Алдағы уақытта өз ісін бастаған кәсіпкерге Басқарма тарапынан қажетті қолдау көрсетуге дайынбыз.Бастаған кәсібіңізге сәттілік, алдағы уақытта өнім көлемі ұлғая берсін,- деді Исатай Ансат.</blockquote>

Қызылорда облысында өндіріс орындарының жұмысы қарқынды жүргізіліп жатыр 

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 3 шілде, дүйсенбіге арналған ауа райы болжамын жариялады.Атмосфералық фронттардың әсерінен Қазақстан аумағының басым бөлігінде найзағай ойнап, жаңбыр жауады, солтүстік-батыста қатты жаңбыр болады.Елдің батысында, оңтүстік-батысында, шығысында, солтүстік-шығысында негізінен жауын-шашынсыз ауа райы сақталады.Республика бойынша жел күшейеді, оңтүстігінде шаңды дауыл, күндіз солтүстік-батыста бұршақ, дауыл, түнде және таңертең солтүстікте, оңтүстік-батыста тұман болады.Қызылорда облысының батысында, шығысында, Атырау облысының батысында, Павлодар облысының солтүстігінде төтенше өрт қаупі күтіледі.Қызылорда облысының орталығында, Батыс Қазақстан облысының батысында, Абай облысының солтүстік-батысында, оңтүстігінде, Алматы, Солтүстік Қазақстан облыстарының басым бөлігінде және Жетісу облысында өрт қаупі жоғары болады.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қaзaқтың ұлттық аспабы – дoмбыpaның мaңыздылығы epeкшe бағаланып, елімізде шiлдe айының aлғaшқы жeкceнбiсі «Ұлттық дoмбыpa күнi» болып белгіленді. Бүгін атаулы мерекеге орай аудан орталығындағы демалыс саябағында «Төгілсін ән-жыр бұлағы» атты мерекелік концерт өтті.<blockquote>Шараға қатысқан аудан әкімі Серік &nbsp;Сермағамбетов: - «Сіздерді ұлы мұрамызды ұлықтайтын – Ұлттық Домбыра күнімен шын жүректен құттықтаймын! Бұл мереке аз уақыт ішінде халық санасына тез сіңіп, ең бір айтулы күнге айналып шыға келді. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген. Халқымыздың төл өнерін төрімізден түспеген домбырасыз елестету мүмкін емес. &nbsp;Ғасырлар тоғысында мың өліп, мың тірілген қазақпен бірге қатпар-қатпар тарихпен, асу да асу кезеңмен бірге жасап келе жатқан домыбарның күй-толғауы, сыңғырлы сұлу ән-әуені құлағымыздан кетпесін! Ұлттық домбыра күні баршамызға құтты болсын!» - деп ізгі лебізін білдірді.&nbsp;</blockquote>Шара барысында ұлы өнерді кейінгі ұрпаққа ұлықтау мақсатында аянбай еңбек етіп жүрген бірнеше белігілі күйлердің авторы, асыл мұраның жанашыры, күйші-композитор Мұрат Сыдықов &nbsp;«Ақтан батыр» &nbsp;күйін нақышына келтіре орындаса, күйші-сазгер Жұмабай Жақып тартқан «Аралдың асау толқыны» күйіне көпшілік ерекше ілтипат білдірді.&nbsp;Сонымен бірге мерекелік шарада жыршы-термешілер домбыраны әуелеген әндеріне арқау етіп, жиналған қауымға ерекше әсер сыйлады.

Айдынды өлкеде домбыра күні аталып өтті

<a href="https://kyzylorda-news.kz/">Kyzylorda-news.kz.</a> Дәрігер-терапевт, иммунолог Ирина Ярцева бүйрегіне тас жиналуға бейім адамдарға бірнеше кеңес берді, деп хабарлайды “Мәскеу 24”.Маман оларға ақуыз, кальций және тұзы бар тағамдарды аз жеуге және көбірек таза су ішуге кеңес берді.<blockquote>«Бүйрек тастары тағамда кальций, ақуыз және тұз көп болған кезде пайда болады. Кальций - бұл сүт өнімдері, ал ақуыз - ет. Егер бүйрек тастарының пайда болуына бейімділік болса, онда мұндай өнімдерді мүмкіндігінше аз жеу керек», - деді Ярцева.</blockquote>Дәрігер сонымен қатар көпшілік адам су ішпейтініне назар аударды.<blockquote>«Бұл қауіпті, өйткені зәр шоғырланады. Егер адам жеткілікті мөлшерде су ішсе, онда бүйрек тастарының пайда болу қаупі аз болады», - деп түсіндірді сарапшы.</blockquote>Бұл жағдайда тұтынылатын судың қатты кальцийленбеуі маңызды.<blockquote>«Егер сіз тұратын аймақта осындай су ағатын болса, үйге сүзгі қойып, тазартылған су ішу керек. Шамадан тыс минералданған суды ішу де - бүйрек тастары дамуының кең таралған факторы», - деп қорытындылады дәрігер.</blockquote>

Бүйрекке тастар жиналмас үшін не істеу керек? 

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының денсаулық сақтау басқармасының басшысы Ысқақов Олжас Ермекұлының медициналық ұйымдар жұмысымен танысу сапары Шиелі ауданында жалғасты.&nbsp;Аймақтың бас дәрігері алдымен «Тартоғай», «Балаби», «Бәйгеқұм», «Ақтоған», «Жөлек», «Алғабас» дәрігерлік амбулаториясының ахуалы, жедел жәрдем стансасы, жұқпалы аурулар бөлімшесі, «B.B.Nura» гемодиализдік орталығы, «Көкшоқы» ауылдық емханасы және Шиелі аудандық көпбейінді орталық ауруханасының жұмысымен танысты.&nbsp;Одан соң Шиелі аудандық көпбейінді орталық ауруханасының мәжіліс залында медицина қызметкерлерімен кездесіп пікірлесті.Медицина мекемелері жұмысымен танысқан өңір бас дәрігері халыққа әрдайым сапалы әрі медициналық қызмет көрсету басты мақсат екендігін айта келе, көңіл аударатын тұстарға тиісті тапсырмаларын беріп өтті. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Басқарма басшысы сонымен қатар, тұрғындар ұсыныс-пікірлерін тыңдау мақсатында халық арасында қоғамдық қабылдау өткізді. Онда тұрғындар медициналық кеңестерге жүгінді. Өз кезегінде Олжас Ермекұлы айтылған өтініштердің шешу жолдарын қарастырып, тұщымды мағлұматтар беріп өтті.Кездесу соңында қоғамдық қабылдауға келгендер қатары аймақтың бас дәрігеріне ризашылықтарын білдіріп тарқасты.

Аймақтың бас дәрігері Шиеліге барды

<a href="https://kyzylorda-news.kz/">Kyzylorda-news.kz.</a> Құрбан айт – қастерлі мейрам. Құрбандыққа мал шалып, құран оқытқан, ата-бабаның асыл үрдісін ұмытпаған, қастерлі мейрамды ұлықтаған елденбіз. Мұсылман қауымға дәл осы мейрам күні ізгілік пен ізеттің, мейірім мен мерейдің, береке мен бірліктің ұштасатыны мағлұм. Бұл күні аудандық орталық мешітте таң сәріден айт намазы оқылып, құрбандық шалынды. Мешітке жиналған жамағат дұға жасап, мұсылмандық парыздарын орындады. Араздасқан ағайынның татуласып, шаттыққа кенелетін мерекесі одан әрі орталық алаңда жалғасты.Биылғы Құрбан айт сәрсенбінің еншісіне бұйырды. Қасиетті күнде сәждеге бас қойып, аталған ұлық мейрамды жамағатпен қарсы алуға жиналған халық көп болды. Ауа райының ыстығына қарамастан, 7 жасар баладан 70 жасар қартқа дейін сонда жүрді. Барлығы да бір-біріне ақ тілектерін жаудырып, шаттыққа кенелген күн болды.Шара барысында аудан әкімінің орынбасары Ерсұлтан Әпетов сөз алып, Құрбан айт мерекесін тойлауға жиналған жамағат пен аудан қонақтарын құттықтап, мемлекеттің дін саласындағы саясатын жүзеге асыруға атсалысып жүрген имамдар мен мешіт қызметкерлерін аудан әкімінің алғыс хатымен марапаттады.Сонымен қатар «Гежуба-Шиелі» цемент зауыты ұжымы Шеген Қодаманов ауылдық амбулаториясына «Лада-Ларгус» жедел-жәрдем автокөлігін сыйға тартып, амбулаторияның бас маманы Гүлбану Сәрсенбаеваға автокөліктің кілтін табыстады. Сондай-ақ ерекше күтімді қажет ететін жандар мен балаларды қуанту мақсатында алаңда киіз үй тігіліп, ақысыз ойын алаңы жасақталды.Бұл күні ұлттық спорттың бағы жанған күн болды. Қошқар көтеру, қол күрестіру, бағанаға өрмелеп шығу, асық ату сынды ұмыт қалған ұлттық ойындар жаңғырып, таңдай қақтырды. Нәтижелі өнер көрсеткен қатысушыларға қомақты сыйлықтар табысталды.

Шиеліліктер қасиетті мерекені атап өтті

<a href="https://kyzylorda-news.kz/">Kyzylorda-news.kz.</a> Ақпарат ағыны үстемдік құрып тұрғанда өмірімізді газет, радио, телеарна және өзге де электронды құралдарсыз, ақпараттар ағынысыз елестете алмаймыз. Медиа кеңістікте ғана емес, өркениет көшіне бет бұрған даму тіршілігімізде БАҚ-тың айрықша орын алатынын ешкім теріске шығара алмайды. Себебі мазасыз және маңызды қызметті атқарып келе жатқан қаламгерлер қауымы үшін бұқараның сенімі әркез жоғары. Күнделікті күйбең тіршілікте кезігетін жағдайлар да тағдыр тауқыметін тартқан жандар кейде күрмеулі мәселелерді шешу үшін тілшілерге жүгініп жатады. Бұл әлі де болсын қаламын қару еткен журналистерге халықтың құрметі мен сенімінің жоғалмағандығын көрсетеді.Қазақ журналистикасының қарымды қаламгері Шерхан Мұртаза «Жолбарыс пен журналисті аш қоюға болмайды» дегенде журналистің қабілетін қаншама аңдардың арасында ең мықтысына теңегені болар. Сондай-ақ жолбарыстың олжасын жұртымен бөлісіп жейтінін де меңзеген шығар, бәлкім. Бейбіт күндері қында жатса да, нағыз соғыста таптырмас қаруға айналатын алмас қылыш секілді журналистер де жыл &nbsp;бойына жұрт деп жүгіргенімен, жұртының алғысына бөленетін тұстары болып &nbsp;тұрады. Соның бірі – 28 маусым күніндегі кәсіби мерекелері. Осындай мереке қарсаңында сейсенбі күні аудан әкімдігінің мәжіліс залында журналистерді марапаттау рәсімі өтті.Мерекелік шарада аудан әкімі Нұржан Ахатов қаруы – қалам, өрісі – қағаз болған қаламгерлерді құттықтап, ізгі тілегін арнады.&nbsp;<blockquote>«Құрметті журналистер! Сіздерді кәсіби мерекелеріңізбен шын жүректен құттықтаймын! ХХІ ғасырға адамзат зор жетістіктермен, ілгері басқан саяси-әлеуметтік, экономикалық табыстармен келді. Ал осы өркениеттік үрдіс алға басқан сайын бұқаралық ақпарат құралдарының да ақпараттық ағыны күшейді. Бізді күнбе-күн халықпен жүздестіріп, өңір экономикасына, әлеуметтік дамуына қалам қаруының күшімен үлес қосып, тарихи өмірімізді, мәдени тұрмысымызды әлеуметке жан-жақты көрсетіп, тіршілігіміздің деңгейін айқындап отырған сіздерге ерекше ризашылығымды білдіремін», – дей келе өңір басшысы Шиелі ауданынан жарық көретін аймақтық «Шарайна-Сейхун» газетінің 10 жылдығын тілге тиек етіп, аталған газеттің бас редакторы Нұрмахан Назымханұлын құттықтады.</blockquote>Салтанатты шара әрмен қарай халық пен билік арасында алтын көпір болып жүрген журналистерді марапаттаумен жалғасты. Мереке қарсаңында аудан әкімінің алғыс хатын ақпарат саласының үздігі, Қазақстан Жазушылар және Журналистер одағының мүшесі, белгілі сатирик, «Шарайна-Сейхун» газетінің редакторы Н.Елтай, Қазақстан Журналистер одағының мүшесі, «Кызылординский вести» газетінің Шиелі ауданы бойынша меншікті тілшісі М.Ибрашев, «Өскен өңір» қоғамдық-саяси газетінің бас редакторы Н.Пірімбет, «Өскен өңір» ақпарат агентігінің тілшісі М.Құрманғалиева және аталған басылымның тілшілері Д.Байтілес, С.Сұлтан, «Тұлға тағылымы» журналының аудандағы тілшісі Ш.Тлеубаев, «Шарайна-Сейхун» газетінің тілшісі Ғ.Рүстембек, аудан әкімінің баспасөз хатшысы Р.Әнәпия, Шиелі ауданының қоғамдық даму бөлімінің әдіскері А.Бөлебай, жастар ресурстық орталығының Жастар тәжірибесінің маманы І.Қасымханова, «Өскен өңір» газетінің штаттан тыс тілшісі М.Сәдуақасқызы иеленді. &nbsp;Алғыстың тиегі ағытылған күні аудандық бөлім басшылары әртүрлі сала бойынша қалам тербеп, жан-жақты мәселені көтеріп, жағымды жаңалықтың жаршысы болып жүрген «Өскен өңір» газетінің тілшілеріне жеке-дара алғыс білдірді. Атап айтар болсақ, аудандық білім бөлімінің басшысы Ж.Баймұратова «Бүгінгі күні еліміздің бұқаралық ақпарат құралдары азаматтық қоғамның құрамдас бөлшегі ретінде билік пен бұқараның арасындағы дәнекер ғана емес, еліміздің толағай табыстары мен зор жетістіктерінің жаршысы болып келеді. Ауданымыздағы білім саласының тыныс-тіршілігін көрсетіп, жағымды жаңалықтармен сүйіншілейтін біздің ең жақын серігіміз ретінде сізге шығармашылық табыс тілеймін» дей келе аудандық газеттің бас редакторының орынбасары Сұлушаш Мадияроваға алғыс хат пен сый-сияпатын табыстады. Сондай-ақ ауыл шаруашылығы тақырыбында мақала жазып, зерттеу жүргізген әріптесіміз Д.Байтілес ауыл шаруашылығы бөлімінің алғысына бөленді. Ал аудандық мәслихат төрағасы А.Жандарбеков фототілші Б.Бәйімбетке, «Amanat» партиясы С.Сымбатқа, мәдениет бөлімі Г.Яхияеваға, жұмыспен қамту, әлеуметтік бағдарламалар &nbsp;және азаматтық хал актілерін тіркеу бөлімі М.Болатқызына, денсаулық сақтау саласы М.Кеңесұлына рақмет айтып, арнайы сый-сияпат тағайындап, мерекемен құттықтады. Қалам ұстаған қауымға құрмет білдіру шарасында аудандық әйелдер кеңесінің төрайымы Нәйла Палымбет баспасөз мамандарына ақжарма тілегін айтты. Ал &nbsp;аудандық ардагерлер кеңесінің төрағасы Өркен Исмаил тілшілерге арналған жыр шумағын оқып, қошеметке бөленді.&nbsp;Мереке қарсаңында қанжығасы майланып, құрметке бөленген әріптестеріміздің қатарында Ерұлан Даткенов те бар. Ақпарат тасқыны алапат дәуірде мамандығына адал болып, ұстанымынан айнымай, қалам қасиетін ардақ тұтқан тілшіміз облыстық «Қанатты қалам – 2023» салтанатты шарасынан «Ізденімпаз журналист» аталымын иеленді. &nbsp;Тағы бір айта кететін жайт, жылдағы дәстүр бойынша биыл да журналистер одағы жаңа мүшелермен толықты. Одақтың облыстық филиал төрағасы А.Оңғарбаев 27 маусым күні 20 адамға мүшелік билет табыстады. Осы салтанатты жиында әріптесіміз, жас тілші М.Болатқызы да Қазақстан Журналистер одағының мүшелігіне қабылданды. Дүйім жұрттың көзі, құлағы һәм тілі қызметін атқарып, халықтың әл-ауқаты мен қоғам тынысынан хабар тарататын тілшілер қауымы осылайша құрметке бөленді.

Қазақстан және Қызылорда облысының жаңалықтары