<a href="https://kyzylorda-news.kz/">Kyzylorda-news.kz.</a> Елдің әрбір ер жігітін нағыз азамат, тегеурінді тұлға ретінде қалыптастыратын, темірдей тәртіп пен адал жүректі болуға тәрбиелейтін бірден-бір орын – әскер. Иә, сарбаздар кірпік қақпай сапта тұрып, тайбурылдай тебініп қадам жасағанда кімді де болса таңқалдырары сөзсіз. Басқалардан бір ерекшелік бар әйтеуір, тартымды, сабырлы, құдды көз сүйсініп, патриоттық рух береді. Әттең, барлық жігіт сол жерде сап түзеп, елге, жерге деген сүйіспеншілігін сезінсе екен дейсің сондайда. Алайда, ол жердің табалдырығынан аттау, «Ұлттық ұланның» сайыпқыран сарбазы атану екінің біріне бұйыра бермейтін бақ.Былтыр Қармақшы ауданынан аттанып, әскери борышын өтеп келген Айдын Бейбітов жайында жазудың реті түсіпті. Жас сарбаз өз еркімен «Отан алдындағы борышымды өтеймін» деп алаң да бұлаң болған жақын-жуықпен қоштасып, сап түзеуге кете барды. Кішкентайынан «өтірік айтпа, ұрлық жасама, өзгенің ала жібін аттама» деп отыратын атасының тыйымы бозбаланы қатайтқан еді. Туған күнінде қатардағы жауынгердің ортасына түсіп, борышын абыроймен өтеп жатты. Кенет қанды «Қаңтар оқиғасы» басталып, қолына қару ұстаған бозбала, жауынгер сарбазға айналып шыға келді. Жан-жақтан жалмаған оқ. Ортасында халықты қорғауға жанын салған жас сарбаздар. Ол уақытта байланыс та үзілген еді. Ауылдағы ағайын жігіттен хабар алмақ түгілі, аман екенін білуі мұң болды. Мұң шалған жанар, уайымнан сарғайған ата мен әке, әр секунд сайын көз жасын сығып алған әже мен ана, жаутаңдаған ағайын-туыс. Барлығы артта қалды. Бірер уақыттан кейін жігіт отбасымен байланысты. Конмандирі де атасына хабарласып «Осындай ұл тәрбиелегеніңізге рақмет» деген алғаусыз алғысын айтқанда тұңғыш немересінің батылдығын естіп, мақтаныш оты көңілін марқайтты. Жігіт аман-есен елге оралды. Міне, қазір көз алдымызда отыр. Бізбен әңгімесінің тінін тарқатып, жайдары мінезімен жанымызды баурап барады.Күн кешегідей емес, аяқ асты дауыл соғып, жаңбыр деген құйып өтті. Үйірілген қара бұлтты жел қуалап алысқа кетіп барады. Біз де сол бұлтты қуалай жаяулатып келеміз. Әдеттегідей қолда қойындәптер, иықта фотоаппарат. Редакция көшесінің бойында орналасқан батырлардың қарашаңырағына аялдадық. Есіктен ене күлімдей қарсы алған отбасы мүшелері бізге төрден орын берді. Жас сарбаздың атасы Бейбіт Ермаханов ә дегеннен әңгімесін бастап, немересінің Отан алдындағы борышын аман, адал атқарып келгенін қуанышпен жеткізді.<blockquote>«Балаларыма әрдайым тек шындықты айтуды, нендей жағдай болмасын өтірік айтпауды кішкентайынан айтып келемін. Айдын – тұңғыш немерем. Өзі кішкентайынан алғыр. Былтыр мамыр айында әскерге аттанды. «Барамын, өтеп келемін» деген өжет мінезі мені қуантып қойды. Жігітті ер қылатын, өмірге тәрбиелейтін, сабырлық пен төзімділікті бойына дарытатын – әскер. Отан алдындағы борышын өтеу – әрбір Қазақстан азаматының қасиетті борышы. Балам қаңтар оқиғасына қатысты. Барлығымыз алаңдап, тақымымымзды қысып отырдық. Алдымен Алла, одан соң өзінің төзімділігі мен шыдамдылығының арқасында әскерден аман-есен оралды», – дейді жас сарбаздың атасы.</blockquote>Атаның өзі Ішкі істер органында 25 жыл қызмет атқарған. Қазір сала ардагерлері кеңесінің төраға орынбасары. 15 жылдан аса жанына жақын кәсібімен шұғылданып келеді. Зайыбы екеуі 5 ұлды тәрбиелеп, ұяға қондырған. 16 немеренің қызық-қуанышын көріп отыр. Ұлы Қуандық Ермаханов та әке жолын қуып, ішкі істер органында адал қызмет атқарып келеді. Бақытты ата мен әже «Офицердің әкесі», «Офицердің анасы» медальдарымен де марапатталыпты. Осыдан болар, жас Айдын да елін қорғауға, адал қызмет етуге бала күнінен армандап келіпті. «Қазір енді мына кішкентайлар Айдын ағамдай боламын деп жүр» дейді ата сөз арасында.Айдын Абзалұлы 2001 жылы дүниеге келген. №26 мектептен білім алған ол Қызылордадағы Ұлағат колледжінде оқуын жалғастырады. Сол жақта жұмыс жасайды. Одан соң бозбала әскерге аттанып, сол жақта Отан алдындағы борышын өтейді.– Өтірік айтпасаң, ұрлық жасамасаң, ешкімге тиіспесең, сабырлы, төзімді, шыдамды болсаң – әскерден «таяқ» жемейсің. Барлығы өзіңе байланысты. Командирлер, сарбаздардың барлығы жақсы болды. Әскерге жастайымнан қызықтым. Сол арманым орындалып, Ұлттық ұланда сап түзедім. Былтыр жыл басында қаңтар оқиғасы басталды. Бастапқыда қорқыныш болды. Біз халықты қорғау үшін жүрміз ғой. Бәрі араласып, ала-сапыран болып жатыр. Өкініштісі, көпшілік бізге сенбеді, тіпті теріс түсінді. Айналада сақалдылар қаптап кетті. Өрімдей жас жігіттер жанұшырып қолдан келгенін жасадық. Өз қазағың көкірегіңнен итеріп, жауыз санағанда жаныңды қоярға жер таппайсың. Иә, мұның бәрі сол кездегі жағдайлар ғой. Осы оқиғадан тіпті арамызда сап-сау жүрген сарбаздардың ауылдарына жігіттер мүгедек болып оралғаны кездесті, – дейді Айдын өткенге сәл шегініс жасап.Жақындарына айтпағанымен, жас жігіт бізден сол оқиғада аяғынан жарақат алғанын жасырмады. «Ер жігіттің басына не келіп, не өтпейді» дейді ол жайдары жүзімен күлімдей. Қаңтар оқиғасында көрсеткен осындай қайсарлығы, қасқайып қарсы тұрар мінезі, патриоттық рухы үшін марапатталған, "Ефрейтор" шенін алған. Ата-анасына да алғыс айтқан командирлердің ыстық лебізі отбасын бір марқайтып тастап еді. Әкесі Абзал мен анасы Гүлжанат та әскерден аман-есен оралған ұлына қарап шүкір етеді. Бүгінде бұрынғы бозбала салмақты сөз саптап, азамат болып Отан алдындағы борышын адал өтеп келгеніне әулет түгел мәз. Иә, сарбаз болу әр жігітке жарасады. &nbsp;Сарбаздар аман болып, көздері қырағы, күштері қуатты болсын!

Айдын Бейбітов: Төзімділікті жігіт бойына дарытатын – әскер

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың жыл сайынғы қазақстандықтарға арнаған дәстүрлі Жолдауындағы басымдықтардың бірі – елімізде шағын және орта кәсіпкерлікті дамыту арқылы елді мекендер мен аудан орталықтарындағы жұмыссыз тұрғындарды жұмыспен қамту және сол арқылы ел экономикасын нығайту болып табылады.&nbsp;Міне Мемлекет басшысының саясатын жүзеге асыруда, Жолдауда айқындалған бағдарламалар арқылы кәсібінен нәсібін тауып жүрген аудан тұрғындарының бірі – жеке кәсіпкер Әсемкүл Сержанова. Өңірімізде орта және шағын кәсіпкерлікті дамытушылар, оның ішінде нан өнімдерін өндірушілердің алғашқы қарлығаштарының бірі – Әсемкүл Итемерқызы бүгінде кәсібін ұлғайтып, өңір тұрғындарына сапалы қызмет көрсетіп келе жатқан білікті мамандар қатарынан саналады.&nbsp;Өткен ғасырдың тоқсаныншы жылдарының басында елімізде өткен тоқырау да өзін тік ұстап, көпке таныс емес жаңа кәсіпті бастаған ол «Салтанат» шағын наубайханасын ашып, кент тұрғындарын нанмен қамтамасыз етуді бастады.Әсемкүл Итемерқызы басқарған «Салтанат» шағын наубайханада еңбек ететін еңбеккерлер өндірген нан өнімдерінің 17 түрі Жосалы кентіндегі көптеген сауда орталықтары мен балабақшаларға таратылуда.&nbsp;Сонымен қатар, кәсіпкер иелік ететін орталық алаңда орналасқан екі қабатты заманауи үлгідегі «Раушан» сауда орталығында гүлдер, сыйлықтар, ойыншықтар мен басқа да тұрмысқа қажетті тауарлар сататын дүкендер, сонымен қатар «Сән салоны» мен басқа да кәсіпкерлік қызмет түрі тұрғындарға сапалы қызмет көрсетеді.– Өткен ғасырдың тоқсаныншы жылдарының басы еліміз үшін қиын кезең болды. Оның ішінде өндірісі, зауыт-фабрикасы жоқ біздің аудан халқына қиынға соқты. Аудандағы мекеме, кәсіпорындар атаулысы тоқырауға ұшырап, жұмыс орындары қысқарды. Көптеген адамдар жұмыссыз қалып, елде жаппай жұмыссыздық белең алды. Расын айту керек, отбасын асыру үшін біздер неге бармадық. Күнкөріс қамын ойлап, бала-шағаның болашағы үшін пойыз мініп, ел араладық. Түркістаннан, Қырғызстаннан, Өзбекстаннан, Ресейден киім-кешек, азық-түлік тасыдық.&nbsp;Бірақ, алға қойған мақсатымызға жетуде күндіз-түні тынбай еңбек еттік. Ауданның, атап айтқанда кәсіпкерлер анасы атанған Шынар Махмутова, Үрзада Бекмұрзаева, Сұлу Досниязова, Күлпаш Асарбаева, Рабиға Балғабаева, Жомарт Жаппасбаев, Алмас Қаржаубаев, Серғали Ешниязов, ағайынды Бақтияр мен Нұрбол Жұмабекұлы сынды ауданның кәсіпкерлік саласындағы алғашқы қарлығаштармен қоян-қолтық еңбек етіп, бүгінде сол бейнеттің зейнетін көріп отырған жайым бар. &nbsp;«Еңбек – ер атандырады» дегендей, біршама жылдан кейін кәсіпті терең меңгеру мақсатында отағасым Камалмен ойласа отырып наубайхана аштым. Аллаға &nbsp;шүкір, &nbsp;жылдар өте еңбегім Жосалы кенті тұрғындарынан &nbsp;қолдау тауып, кәсібім кеңейе бастады. Ел-жұрт өзім басшылық еткен наубайхана өнімдеріне сұраныстарын кеңейтті.Тіпті, нан өнімдерінің түрін де ұлғайтып, тапсырыс артты. Ал, бүгінде өзім басшылық жасайтын ұжымда 25 &nbsp;маман, өз ісінің шебері атанып, кент тұрғындарына сапалы қызмет көрсетуде. &nbsp;Әрине, қызметкерлерімнің басты мақсаты өздерінің үлгілі еңбектерімен ел ықыласына бөлену, ал менің басты міндетіме келсек, еңбектің берекесін келтіріп отырған жұмысшыларыма &nbsp;жоғары жалақы тағайындап, олардың жан-жақты жұмыс істеулеріне жағдай жасау. Әрине, ол міндетті түрде орындалуда.Ұжымдастарымның әрқайсысы өздеріне жүктелген жұмыстарды сапалы әрі жауапкершілікпен атқарады. Мен оларға ризамын. Өйткені, олардың барлығы наубайханада ұзақ жылдан бері жұмыс істеп келеді. Әрине, &nbsp;жұмыс беруші мен жұмыскер арасында жақсы қарым-қатынас, сыйластық бар деген сөз. Наубайханашы &nbsp;құрметті мамандық. Оның еңбегі де, жүрегі де адал десем жалған емес. Алдағы жылдарға мақсатты жоспарлар көп. &nbsp;Кәсібімді әлі де ұлғайтып, &nbsp;өрісімді кеңейту жоспарда бар. Осы бір жалған бес күндік фәниге &nbsp;пенде болып келген әрбір &nbsp;адам туған халқына адал қызмет етуі міндетті. Мен де туған елімнің өсіп-өркендеуіне перзенттік үлесімді қоса беремін, – дейді кәсіпкер Әсемкүл Итемірқызы.&nbsp;Иә, «Еңбек түбі-береке» &nbsp;деп дана халқымыз айтқандай, өзінің өнегелі өмір жолмен көпке үлгі болған &nbsp;Әсем Сержанованың &nbsp;алған асулары да аз емес. Ол аудандық мәслихаттың екі шақырылымына депутат болып сайланса, бірнеше рет облыс, аудан әкімдерінің Құрмет грамотасымен, сондай-ақ &nbsp;облыс, аудан әкімдерінің алғыстарымен бірге мемлекеттік және мерекелік медальдармен, салалық төсбелгілермен марапатталды. &nbsp;Сала майталманы Қазақстан Республикасы Президентінің Алғыс хатының иегері. Астана қаласында өткен республикалық «Атамекен» және «Қанатты әйел» форумдарына Сыр бойы кәсіпкерлері атынан делегат болып қатысты. Міне, бүгінде &nbsp;өзінің іскерлігімен, ұлтжандылығымен, өнегелі өмір жолымен ел құрметіне бөленген кәсіпкер ана Әсем Итемерқызы жары, марқұм Камалмен бірге үкілеп өсірген ұл-қыздарынан тараған ұрпақтарының қызығын көріп отырған бақытты ана.

Тетігін тауып бірнеше кәсіпті тізгіндеген қармақшылық кәсіпкер

<a href="https://kyzylorda-news.kz/">Kyzylorda-news.kz.</a> 28 сәуір – жедел жәрдем қызметкерлерінің төл мерекесі. Денсаулық сақтау саласындағы негізгі көмектің бірі – жедел жәрдем қызметі. Қоңырау шалып, дертіне шипа сұраған науқастарға алғашқы медициналық жәрдем көрсету де осы мекеме қызметтің басты міндеті.&nbsp;Бүгін осы жауапты да маңызды жұмысты абыроймен атқарып жүрген ақ халаттылар күні. Қармақшы аудандық орталық ауруханасына қарасты арнайы кезек күттірмейтін жедел жәрдем бригадасының құрылғанына 5 жылдан астам уақыт болды. Мұндағы қызметкерлер күніне 30-ға жуық шақыртулар қабылдайды. Жалпы, бұл міндеттің жауапкершілігі өте зор. «Емхана жанындағы кезек күттірмейтін жедел жәрдем бөлімі» құрамында 1бөлім меңгерушісі, 5 фельдшер, 5 шақыртуды қабылдау мейіргері, 5 санитарлық автокөлік жүргізушісі жұмыс жасайды. Бүгінде бөлімге тәжірибесі мол дәрігер Жасұлан Көкеев меңгерушілік етеді. Ол күнделікті қызметкерлердің жұмысын бағамдап, тиісті тапсырмалардың орындалуын қадағалайды.&nbsp;Жасұлан Махсұтұлы 1988 жылы 21 қарашада Қармақшы ауданы, Жосалы кентінде дүниеге келген. №250 мектеп-лицейде білім алды. Спортқа деген қызығушылығы басым болып, футболдан Қармақшы құрамасымен көптеген жеңістерге жетеді. 2004-2008 жылдар аралығында Қызылорда медицина колледжін бітіріп, 2008 жылы Қармашы аудандық жедел-жәрдем бөліміне фельдшер болып қызмет атқарған. 2009-2014 жылдары Асфендияров атындағы Қазақ ұлттық медицина университетінде білім алады. 2008 жылы Құралай есімді қызбен шаңырақ көтеріп қазіргі таңда 2 қыз, 2ұл тәрбилеп отырған бақытты әке. Адал еңбегінің арқасында республикалық, облыстық, аудандық марапаттарға ие болған.Бөлімнің жұмыс уақыты таңғы &nbsp;сағат 8.00-де кезекшілікті қабылдаумен басталып, кешкі кезекшілікті сағат 17.00-де жедел медициналық көмек бөлімшесінің фельдшерінің өзара кезекшілікті қабылдауымен жалғасады.Бөлімшенің қызметі Қазақстан Республикасы Денсаулық сақтау министрінің 2020 жылғы 30 қарашадағы №225/2020 «Жедел медициналық жәрдем, оның ішінде медициналық авиацияны тарта отырып көрсету қағидаларын бекіту туралы» бұйрығы бойынша жүргізіледі.&nbsp;Бөлімшеге түсетін шақыртулар жоғарыда көрсетілген бұйрық бойынша 4-жеделділік сағатындағы шақыртуларға барады. 4 (төртінші) жеделділік санатындағы шақырту дегеніміз – жедел немесе созылмалы ауруының асқынуынан туындаған, ағзалар мен жүйелердің кенеттен болған және айқын көрінетін бұзылуларынсыз пациенттің өмірі мен денсаулығына тікелей және әлеуетті қауіп төндірмейтін пациенттің жай-күйі. 4-жеделділік санатының шақыртулары келіп түскен кезде «Жедел медициналық көмек бөлімі» диспетчері автоматты басқару жүйесі арқылы шақыртуларды қабылдап, жедел медициналық көмек бөлімшесінің фельдшерлік және мамандандырылған (дәрігерлік) бригадаларына беріледі.&nbsp;Емхана жанындағы жедел жәрдем бөлімшесі электрокардиография, дефибриллятор, портативтный кислород, небулайзер аппатараттарымен қамтылған. Шақырту барысында науқасқа көмек көрсетуге арналған дәрілермен қамтылған.Кезек күттірмейтін жедел жәрдем бөлімі науқастың өмірі мен денсаулығына тікелей қаупі жоқ жіті аурулардан немесе созылмалы аурулардың өршуінен туындаған жағдайларға, яғни 4-санатты шақырыстарға көмек көрсетеді. Мейіргер Гүлшат Тәтішова жедел жәрдем топтарын жедел көмекке зәру науқастарға ыждағатты түрде жіберіп, жұмыс барысын бағдарлап отыратын диспетчерлік қызметтің тізгінін ұстаған маман.Жедел жәрдем дәрігері немесе фельдшер маманы болу дегеніміз, яғни, тәуліктің кез келген уақытында, кез келген ауа-райында, кез келген көңіл-күйде және жеке бастың ешқандай да жағдайына қарамастан, пациентттің шақыртуына бару. Кезек күттірмейтін жедел жәрдем бөлімі бойынша ауданымызда қызмет ететін 5 фельдшердің ең жасы, белсенді, халыққа адал қызмет етіп жүрген жандардың бірі Дания Бижанова.

Қармақшыдағы жауапкершілігі мол жедел жәрдем қызметі 

Тұрмағамбет ауылында 124 адам өзін-өзі жұмыспен қамтып отыр

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде профессор, филология ғылымдарының кандидаты Ғабит Әнешұлының 60 жас мерейтойына арналған университет Ғылыми кеңесінің салтанатты мәжілісі өтті.Жиында география ғылымдарының кандидаты, доцент, университеттің бас редакторы Қали Омаров мерейтой иесінің білім саласында салған сара жолы мен &nbsp;университеттің дамуына қосқан елеулі үлесін атап өтті.&nbsp;<blockquote>«Ғабит Әнешұлы – нағыз ұлтжанды ғалым. Бұл оған берілген кәсіби мінездеме ғана емес, ең алдымен ақиқатты ашуға ұмтылуы мен ақыл-парасатының шынайы тазалығынан тұратын ішкі сипаты.&nbsp; Қай еңбегін алсаң да бейіндік &nbsp;ғылыми әдістемелерді мейлінше көп пайдаланғаны, мәселеге жекелей де, тұтастай да талдау жүргізгені, типология, тарихи хронология мен деректерге деген &nbsp;ыжадағаттылығы және шығармашылық ұстаханасының идеялық мазмұны, көркемдік-эстетикалық талғамы, тілі мен стилі &nbsp;мен-мұндалап тұрады.&nbsp; Қоғамның да табыстылығының кілті ғылымда екені ақиқат. Бұл тұрғыда Ғабит Әнешұлының ғылымға берері әлі де көп деп ойлаймын»,- деді Қали Әбдіұлы.</blockquote>Ғылыми кеңесте Басқарма төрағасы-ректордың міндетін атқарушы Майнұр Бөрібаева ғалымға ҚР ЖОО Қауымдастығының «А.Байтұрсынов атындағы Алтын медалін» табыстады.&nbsp;Сонымен қатар, Ғабит Әнешұлы облыс әкімінің Құрмет грамотасымен марапатталды. Бұдан бөлек, ҚР Парламенті Сенатының Әлеуметтік-мәдени даму және ғылым комитетінің мүшесі Нұртөре Жүсіптің, Қызылорда облыстық мәслихатының төрағасының құттықтауы, облыстық мәдениет және спорт басқармасы мен облыстық білім басқармасы басшысының, М.О.Әуезов атындағы Әдебиет және өнер институты мен И.Әбдікәрімов атындағы Қызылорда аграрлық-техникалық жоғары колледжі директорының құттықтау хаттары табысталып, құрмет көрсетілді.&nbsp;Ғабит Тұяқбаев &nbsp;- 2003 жылы профессор Б.Кәрібозұлының жетекшілігімен «Қаңлы Жүсіп Қадырбергенұлының әдеби мұрасы» тақырыбында кандидаттық диссертация қорғаған. 2009 жылдан бастап Қорқыт ата атындағы Қызылорда мемлекеттік университетінде Қазақ тілі мен әдебиеті және журналистика кафедрасының аға оқытушысы, кафедра меңгерушісі, жоғары оқу орнынан кейінгі білім беруді ұйымдастыру бөлімінің басшысы, университет ректорының кеңесшісі қызметтерін атқарған.&nbsp;Профессор - 100-ден астам ғылыми-публицистикалық мақаланың, 3 монография, 1 оқу құралы мен 1 кітаптың және 2 сөздіктің авторы. Ғалымның құрастыруымен 8 кітап жарыққа шыққан.&nbsp;Ғабит Әнешұлы «Руханиятты қолдау» қоғамдық қорының төрағасы, Қазақстан педагогикалық ғылымдар академиясының академигі, Қазақстан Журналистер Одағының мүшесі.Айта кетейік, салтанатты жиынға облыс әкімдігінің қызметкерлері, зиялы қауым өкілдері, бұқаралық ақпарат құралдарының басшылары, ғалымдар, университеттің профессор-оқытушылары, ғалымның туыстары мен достары, шәкірттері және білім алушылар қатысты. &nbsp;<figure class="image"><img src="https://knadmin.beoblood.kz/uploads/342608413_626429138983122_4532266254435975819_n_6302125a78.jpg" alt="342608413_626429138983122_4532266254435975819_n.jpg"></figure>&nbsp;<figure class="image"><img src="https://knadmin.beoblood.kz/uploads/342539219_1156994128308424_6192946084024720329_n_1986cd9a2f.jpg" alt="342539219_1156994128308424_6192946084024720329_n.jpg"></figure>&nbsp;

Профессор Ғабит Тұяқбаев 60 жаста 

<a href="https://kyzylorda-news.kz/">Kyzylorda-news.kz.</a> «Жайлы мектеп» ұлттық жобасы аясында 2023-2024 жылдары Қызылорда облысында жалпы құны 48,6 млрд теңгені құрайтын 10 мектеп салу жоспарланып отыр. Бұл туралы Қызылорда облысы кәсіпкерлер палатасының директоры Пірмұхаммед Сыздықов айтты.Үкіметтің былтыр қараша айында бекіткен ұлттық жоба аясында алдағы 3 жылда республика көлемінде 401 мектеп салу жоспарланып отыр. Соның 21-і Қызылорда облысында.Жобаның мақсаты – орта білім беру ұйымдарында апаттық мектептерді, үш ауысымда оқытуды және оқушы орындарының тапшылығын жою.<blockquote>«Ұлттық жобаны жүзеге асыруда «Атамекеннің» өкілдері тәуелсіз бақылаушы қызметін атқарады. Атап айтқанда, біз сатып алу шараларында конкурстық құжаттардың дұрыс қаралуына пікір білдіре аламыз. Сол үшін жобаға қатысып жатқан қызылордалық кәсіпкерлер сатып алуға қатысты комиссия шешімдеріне келіспеген жағдайда бізге хабарласса болады», – деді Пірмұхаммед Сыздықов.</blockquote>Бұл жөнінде Кәсіпкерлер палатасының директоры Палата жанындағы Құрылыс кеңесінің отырысында да айтты.«Жайлы мектеп» жобасы аясында биыл Қызылорда облысында құрылысы басталатын 10 мектеп бойынша сатып алу конкурсына 17 компания өтінім берген. Оның 11-і қызылордалық құрылыс компаниясы. Конкурс қорытындысы мамырда шығады.Айта кету керек, «Жайлы мектеп» ұлттық жобасы аясында салынатын орта білім беру ұйымдары объектілерінің құрылыс жұмыстарына, сатып алу конкурстарын ұйымдастыруға «Samruk-Kazyna Construction» акционерлік қоғамы жауапты.Қызылордалық құрылысшылар аталған жобаға қатысты барлық мәселемен Кәсіпкерлер палатасының сарапшысы Айгерім Рахымжановаға хабарласа алады. Байланыс нөмірлері: +7 775 124 1740, +7 /7242/ 40-09-81 (ішкі 4316).

«Жайлы мектеп»: Қызылордада биыл 48,6 млрд теңгеге 10 мектептің құрылысы басталады

<a href="https://kyzylorda-news.kz/">Kyzylorda-news.kz.</a> Жылдың төрт мезгілінде де өзектілігін жоғалтпайтын бір мәселе болса, ол – тері күтімі. Қазіргі таңда әлемде қоршаған ортаның қолайсыз әсерінен көптеген адамдар тері ауруларына шалдығуда. Бұл – бір қарағанда қарапайым көрінгенімен, адам денесінің ең нәзік бөлшегінің маңызы зор. Оған бей-жай қарау – қауіпті тері ­ауруларына әкеліп соқтырады. Біз бүгін тері ауруларына байланысты көптеген сауалға жауап табу үшін Шиелі аудандық емханасының дерматовенеролог дәрігері Шахмардан Смайловпен сұхбаттаасқан едік.– Шахмардан Көрегенұлы, ең әуелі тері ауруларына қысқаша тоқталып өтсеңіз. Ол неден пайда болады?– Жалпы адам баласының ең нәзік бөлшегі – тері. Сондықтан да теріге қашан да күтім керек. Тері ауруларының түрі өте көп. Өздеріңіз білетіндей, қазіргі таңда қоршаған ортамызда болып жатқан қолайсыздықтардың салдары теріге әсер етеді. Әсіресе, біз тұратын аймақ шаңды, желді өңір болғандықтан, ол да тері ауруларына жиі шалдықтырады. Бұдан бөлек адам салауатты өмір салтын ұстанбаса, дұрыс тамақтанбаса тері ауруларын өзіне тез қабылдап алады. Бұл – иммундық жүйемен тікелей байланысты.&nbsp;– Жалпы елімізде көп тараған тері ауруларының түрлері қандай?– Елімізде ең көп тараған тері ауруларының түрі – псориаз және микроспория.&nbsp;– Аталған тері аурулары қалай, қайдан пайда болады? Алғашқы белгілері қандай?&nbsp;– Псориаз – терінің созылмалы ауруы болып саналады. Псориазбен ауырған науқастың бас терісінде, тізесінде, білек буындарында, сондай-ақ арқасының төменгі тұстарында тері қатпарларының орнына қатты қышитын тығыз, талаураған қызыл түсті дақтар пайда болады. Кейде әлгі дақтар күлгін түсті болып келеді. Псориазбен &nbsp;бір рет ауырып, айығып шыққан науқасты аталмыш дерттен толық жазылуы мүмкін емес. Өйткені, ауру жасырын формаға ауысып кетуі мүмкін. Сондықтан толық айыққан адамның өзі үнемі дерматологтың бақылауында ¬болуы қажет. &nbsp;Ал микроспория көбінесе жан-жануарлардан жұғатын ауру түрі болып саналады. Мұнымен көп жағдайда балалар жиі ауырады. Себебі кішкентайлар ит пен мысықпен көп ойнайды. Ал балалардың терісі бактерияны тез жұқтырғыш келеді.&nbsp;– Дұрыс тамақтанбау теріге қаншалықты әсер етеді? Мәселен, асқазаны, бауыры ауыратын науқастың терісінде өзгеріс пайда болатыны белгілі. Бұл жөнінде не айтасыз?– Терінің жай-күйі адамның өмір салтына, әсіресе, тамақтануға, асқазан-ішек жолдарының жай-күйіне, гормоналды жүйеге, ағзада паразиттердің бар-жоғына тікелей байланысты. Сондықтан ішікі ағзалары ауыратын науқастың ащы, майлы, тәтті тағамдарды көп тұтынбағаны абзал. Мұндай жағдайда адамның терісі қабынып, бөртіп кетеуі ғажап емес. Сондай-ақ біз адамдарға &nbsp;мүмкіндігінше қоғамдық орындарда тамақтанбауға кеңес береміз. Әсіресе фаст-фуд, сондай-ақ тез дайындалатын консерванттар тері ауруларын қоздырады.– Ал балалардың тері аурулары жөнінде не айтасыз? Қазіргі таңда жаңа туған нәрестелерде көптеген тері аурулары кездеседі. Неліктен?– Балалардың терісі – бала ағзасының күйін көрсететін айнаға ұқсас. Ол жұқпалы, физикалық және химиялық факторлардың әсерінен өте сезімтал келеді. Егер баланың күтімі нашар болса, теріде түрлі аурулар пайда болады. Ол тек теріні ғана бүлдіріп қоймай, басқа да &nbsp;ауруларға шалдықтыруы мүмкін. Көп жағдайда әйел адам жүктілік кезінде дұрыс тамақтанбағандықтан, бір реттік жөргектерді жиі пайдаланғандықтан нәрестенің терісінде түрлі қышыма, диатез, сарғыш сынды аурулар пайда болады. Ал оның алдын алу үшін баланың денесін таза ұстап, апта сайын төсек жаймаларын ауыстырып, баланың киімін жиі жуып, үтіктеп отыру қажет. Бұдан бөлек әйелдің өзі де салауатты өмір салтын ұстануы керек. Сонда балада тері аурулары пайда болмайды. Ал туа бітті пайда болатын тері ауруларына келер болсақ, мұндай аурумен ауратын балалар міндетті түрде біздің бақылауымызда болады. Өйткені мұндай ауру түрімен ауыратын науқастарға үнемі ем-дом шаралары қажет болады.&nbsp;– Тері саулығы үшін не маңызды?– Терінің саулығы үшін өмір салты, тамақтану, жалпы ағзаның саулығы маңызды. Уақытылы тексерулерден, скринингтерден өтіп тұру керек, салауатты өмір салтын ұстану қажет.– Сұхбатыңызға рақмет!

Шахмардан Смайлов: Ең көп тараған тері ауруларының түрі – псориаз және микроспория

<a href="https://kyzylorda-news.kz/">Kyzylorda-news.kz.</a> Қызылорда облыстық сотының 85 жылдығына орай судьялар мен сот қызметкерлері арасында спарактиада болып өтті. Үшінші рет ұйымдастырылып отырған дәстүрлі спартакиадада шағын футбол, волейбол, гир көтеу, қол күресі, арқан тарту, үстел теннисі және командалық эстафета ойындарынан жүлделер сарапқа салынды.&nbsp;Шараны ардагер судья Әнуарбеков Амангелді, Қызылорда облыстық сотының қылмыстық істер жөніндегі сот алқасының төрағасы Бекжанов Жанат Сақыбайұлы және Қазақстан Республикасы Сот әкімшілігінің Қызылорда облысы бойынша департаментінің басшысы Сүлеймен Сағатбек Болатбекұлы ашып, жарысқа қатысушыларға сәттілік тіледі.&nbsp; Сот ардагері А.Әнуарбеков ұжымды мерейлі мерекемен құттықтап, облыстық соттың спорттық сайыста жеткен жетістіктеріне тоқталып, естеліктерімен бөлісті.Ж.Бекжанов қай сала болмасын, бұқаралық спортты дамыту баршамыздың ортақ міндетіміз, сондықтан салауатты өмір салтын берік ұстану – біздің басты қағидамыз екенін айтса, С.Сүлеймен осындай спорттық сайыстар негізінде шыңдалған біздің спортшылар түрлі спорттық бәсекелерде командалық және жекелей сында жеңіс тұғырынан көрініп жүргенін атап, аймақтық және республикалық спорт жарыстарында жеңімпаз атанып жүрген облыстық сот командасының жетістіктерін тілге тиек етті.&nbsp;Спорт – тек қана бәсеке емес, үлкен достықтың бастауы, салауатты өмір салтының негізі. Осы қағиданы нық ұстанған облыс сотарының судьяларынан құралған «Айқын», Арал, Қазалы, Қармақшы аудандары мен Байқоңыр қалалық сотынан құралған «Барыс», Жалағаш, Сырдария, Шиелі, Жаңақорған аудандық соттарының «Сұңқар», мамандандырылған соттардың «Найзағай», дәстүрлі спартакиаданың алғашқы жеңімпаздары Қызылорда облыстық сотының «Айбын» және 2022 жылғы спартиакада чемпионы Қызылорда қалалық және Қызылорда қаласының №2 соттарының «Қанағат» командалары сынға түсті.Жарыс үстел теннисімен ашылып, тартысты ойында «Айқын» командасынан Н.Еламанов бірінші орын алса, ақтық сайыста жеңімпазға есе жіберген «Айбын» командасынан Д.Махамбетов екінші орынды қанағат тұтты. Жүлделі үшінші орын «Барыс» командасынан Е.Мейрамбековке бұйырды. Спорттың бұл түрінен жүлдегер болмаса да М.Оспанов, Н.Бекетаев, Е.Жетпісбайұлының жеңіске деген ұмтылысы анық көрініп тұрды.Сайыстың келесі түрі – волейболдан «Айқынға» тең келер қарсылас табылмады. Чемпионнан ғана жеңіліс тапқан «Айбын» екінші орын алса, «Сұңқар» командасы үштікті тәмамдады.&nbsp;Шағын футболдан «Айбын» жеңімпаз атынып, «Барыс» екінші орын алды. Ал үшінші орын «Айқын» мен «Сұңқарға» бұйырды.Арқан тарту жарысынан әйелдер арасында «Айбын» арулары жеңіске жетсе, «Сұңқар» мен «Найзағай» екінші және үшінші орындарды алды. Сайыстың осы түрінен ерлер арасында өткен бәсекеде «Айқын» бірінші, «Айбын» мен «Барыс» кейінгі орындарды алды.Сайыстың келесі түрі қол күрестен ерлер арасында «Барыс» бірінші орынды иеленсе, кейінгі орындарды «Сұңқар» мен «Айбын» өзара бөлісті. Жарыстың осы түрінен әйелдер арасында «Айбын» қыздары қарсылас шақ келтірмей бірінші орын алды. Ал «Сұңқар» мен «Найзағай» келесі орындарға жайғасты.Гир көтеру сайысында ерлер арасында «Қанағат» командасынан Е.Жетпісбайұлы үшінші, «Барыс» командасынан С.Жүзбай екінші, «Найзағай» командасынан А.Сералиев бірінші орынды қанжығасына байлады.&nbsp;Жылдамдық пен тактиканы талап ететін командалық эстафетада «Қанағаттың» қыздары мен жігіттері бірінші, «Найзағай» екінші, «Барыс» үшінші орынды алды.Жалпы есепте Қызылорда облыстық сотының қызметкерлерінен құралған «Айбын» командасы спартакиаданың басты бәйгесін жеңіп алып, ауыспалы кубокты иеленді.Жарыс жеңімпаздары ұйымдастырушылар арнайы дайындаған дипломмен марапатталды.

Қызылордада сот қызметкерлері арасында спартакиада өтті

<a href="https://kyzylorda-news.kz/">Kyzylorda-news.kz.</a> Қызылорда облыстық девиантты мінез-құлықты балаларға арналған интернатында «Кәмелетке толмағандар арасындағы құқық бұзушылық, топтық төбелес, буллинг, кибербуллинг, зорлық-зомбылықтың алдын алу бағытындағы профилактикалық түсіндірме жұмыстары» тақырыбында сала мамандарымен кездесу болып өтті.&nbsp;Кездесу тәрбиеленушілерге құқықбұзушылық, зорлық-зомбылық туралы мәліметтер беру, кибербуллинг, буллинг ұғымы, оның шығу тарихы, адамға әсер ету жолдары, кибершабуылдан қорғану механизмдері жайында ақпараттар беріп, түсіндірме жұмыстарын жүргізу мақсатында ұйымдастырылды.&nbsp;Кездесуге Қызылорда қалалық пробация қызметінің аға инспекторы, әділет майоры Н.Баймурзаев пен инспектор психологы, әділет майоры Г.Жылқаманова, ҚПБ ЖПБ ЮПИ аймақтық инспектор А. Төребек, Қызылорда облыстық Жастар Ресурстық орталығының психолог маманы Г.Нетбаева арнайы қатысты. Сала мамандары балаларға қазіргі қоғамда орын алып жатқан түрлі әкімшілік құқық бұзушылықтардан сақтану, алдын алу, қылмыстық фактілерін мысалға келтіре отырып, тәрбиеленушілерге тәртіпті болу, жақсы білім алу қажеттігін түсіндірді.Кездесу соңында тәрбиеленушілермен пікір алмасып, интернаттың тыныс-тіршілігімен танысты. Тәрбиеленушілер керемет көңіл-күй сыйлаған қонақтарға ыстық ықыластарын білдірді.

Қызылордада жасөспірімдер арасындағы құқықтық түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрі Қызылорда облысына жұмыс сапарымен келді. Жаңақорған ауданында білім беру саласындағы сыбайлас жемқорлықтың алдын алу бойынша кеңес өтті. Оған өңірдегі білім беру ұйымдарының 1100 басшысы, бухгалтерлер, мемлекеттік және құқық қорғау органдарының өкілдері қатысты. Министр білім беру жүйесінде қабылданып жатқан шаралар мен білім сапасын арттыруға баса назар аударды.<blockquote>«Министрліктің басым міндеттерінің бірі білім беру ұйымдарын жоғары білікті кадрлармен қамтамасыз ету және білім беру жүйесіндегі менеджментті жақсарту. Мықты басшыларды іріктеу және даярлау бағдарламасы әзірленуде. Барлығы ашық әрі айқын болу үшін жоғары білікті педагогтер базасын және мектеп директорларының кадрлық резервін құру жоспарлануда», - деді Ғани Бейсембаев.</blockquote>Білім беру саласындағы сапаны қамтамасыз ету комитетінің төрағасы Ернұр Дәуенов білім беру жүйесіндегі сыбайлас жемқорлық тәуекелдеріне және цифрлық технологияларды қолдана отырып шешу жолдарына тоқталды. Сондай-ақ қазіргі жағдай туралы Қызылорда облысы білім басқармасының басшысы және Сыбайлас жемқорлыққа қарсы іс-қимыл агенттігі департаменті басшысының бірінші орынбасары баяндама жасады.Сыбайлас жемқорлыққа қатысты құқық бұзушылықтарды болдырмау мақсатында министрлік аумақтық бөлімшелер, Сыбайлас жемқорлыққа қарсы іс-қимыл агенттігі, әкімдіктер мен мәслихаттар депутаттары және қоғам өкілдерін тарта отырып мониторингтік топтар құруды ұсынды. Барлық облыстық білім басқармалары, аудандық, қалалық білім бөлімдерін қамтитын «білім аудитін» өткізу жоспарлануда.Естеріңізге сала кетейік, бұған дейін ҚР Оқу-ағарту министрлігі мен Сыбайлас жемқорлыққа қарсы іс қимыл агенттігі еліміздің барлық білім беру ұйымдарында аудит жүргізу туралы шешім қабылданды. Бірлескен талдаудың басталуына білім беру саласындағы түрлі сыбайлас жемқорлық қылмыстар себеп болды. Олардың басым бөлігі Шымкент қаласы, Шығыс Қазақстан, Түркістан және Қызылорда облыстарында.Кеңес қорытындысы бойынша білім беру саласындағы қазіргі жағдайды өзгертуге қатысты кешенді шаралар қолдану туралы шешім қабылданды. Ол білім беру ұйымдарында сыбайлас жемқорлық тәуекелдеріне талдау жүргізу және қаржылық тәртіпті күшейту. Айта кету керек, Сыбайлас жемқорлықтың алдын алу шаралары еліміздің барлық өңірлерінде жалғасады

Қызылорда облысында білім беру саласындағы сыбайлас жемқорлықтың алдын алу бойынша кеңес өтті

<a href="https://kyzylorda-news.kz/">Kyzylorda-news.kz.</a> Оқу-ағарту министрінің Жаңақорған және Шиелі аудандарының зерттеуші, шеберлерімен кездесуінде білім беру жүйесін дамытудың өзекті мәселелері талқыланды. Іс-шараға екі жүзге жуық қатысушы келді. Олар пікір алысып, еліміздің бас педагогіне сұрақтар қойып, жауап алды.Кездесу барысында білім беру сапасын арттыру, педагогтерді оқыту және аттестаттау, арнайы білім беруді дамыту, тәрбие жұмысы, балалардың қауіпсіздігін қамтамасыз ету және инфрақұрылымды дамыту мәселелері талқыланды. Министр барлық ұсыныстарды тыңдап, басым міндеттерді белгіледі.<blockquote>«Министрлік мұғалімдерді аттестаттау жүйесін жетілдіру бойынша кешенді жұмыс жүргізуде. Портфолио қалыптастыру процесі қайта қаралады. Болашақта мұғалімдердің жетістігі оқушының жетістігімен бағалануы керек. Еліміздің жетекші педагогтері — шеберлер мен зерттеушілер жас мамандар үшін үлгі болуы тиіс»,— деді Ғани Бейсембаев.</blockquote>Айта кетейік, бүгінде Қызылорда облысында 23 мыңнан астам педагог бар, олардың төрт мыңнан астамы – зерттеуші болса, 27-сі шеберлер.Оқу-ағарту министрі сапар барысында бірқатар оқу орындарына арнайы барып, &nbsp;мектептегі тамақтануды, дабыл түймелері мен жедел іс-шараларды ұйымдастыру бойынша жұмыстарды тексерді. Олардың қатарында «Талдысу»&nbsp;олимпиадалар&nbsp;және&nbsp;қосымша&nbsp;білім&nbsp;беру&nbsp;орталығы, Шиелі ауданының №110 мектеп лицейі және Ы.Алтынсарин атындағы №219 орта мектебі бар.Айта кетейік, бүгінде өңірде 1-4 сынып оқушылары тегін ыстық тамақпен қамтылған. Білім беру ұйымдарына 100% бейнебақылау жүйелері, турникеттер және дабыл түймелері орнатылған.<figure class="image"><img src="https://knadmin.beoblood.kz/uploads/5d68d06c319f46306dd83af39e88e1c0_1280x720_30b20eb672.jpg" alt="5d68d06c319f46306dd83af39e88e1c0_1280x720.jpg"></figure>&nbsp;

ҚР Оқу-ағарту министрі Қызылорда облысының жетекші педагогтерімен кездесті

<a href="https://kyzylorda-news.kz/">Kyzylorda-news.kz.</a>&nbsp; Архив – халықтың алтын мұрасы десек, ел тұрмысы мен әлеуеті туралы деректерді қам¬титын сала жұмысының маңыздылығы уақыт өткен сайын артып келеді. Сондай-ақ архивтерде ел тарихындағы жетістіктер, қоғамдық-саяси, әлеуметтік-экономикалық өркендеуге қатысты материалдар да жеткілікті. Сондықтан бұл жер халықтың қымбат қазынасы саналады.Сондықтан рухани мұраны қалыптастырып, сақтауға, келерұрпаққа жеткізуге немқұрайлық танытпай, жа-уапкершілік жүгін сезінген дұрыс.Архив ісі жергілікті жердегі барлық мекеме жұмысымен тығыз байланысты. Олай дейтініміз, өңірдің дамуына еңбек етіп жүрген әрбір адамға қатысты құжаттар архивке өткізіліп отыруы тиіс. Осы тұста архивке құжаттарды өткізуде олқылықтар орын алып жатады. Осыған орай аудан әкімдігінде аппарат басшысы Р.Шайхиевтің төрағалығымен семинар-кеңес өтті. Оған «Қызылорда облысының мемлекеттік архиві» КММ, «Қызылорда облысының мемлекеттік архиві» КММ-нің «Сыр-дария аудандық архиві» филиалы мамандары және аудандық мекемелер мен ауыл әкімдіктерінің қызметкерлері қатысты.Аудан әкімдігінің аппарат басшысы Р.Шайхиев архивте кешегіні бүгінге, бүгінді ертеңге жеткізетін тарихи құндылықтар сақталғанын айтып, бұл іске үлкен жауапкершілікпен қарау керектігін айтты. Осыдан соң сала жұмысы¬на қатысты атқарылып жатқан жұмыстарды баяндауға мамандарға сөз кезегін ұсынды.Алдымен «Қызылорда облысының мемлекеттік архиві» КММ-нің «Сырдария аудандық архиві» филиалының басшысы Ж.Сейлов «Сыр-дария ауданы бойынша мемлекеттік ұйымдардағы іс жүргізу және құжаттардың сақталу жағдайы» тақырыбында хабарлама жасады. Жуырда ғана тағайындалған филиал басшысы аудандық архивте сақталған құжаттар жайында баяндады.<blockquote>– Аудан тарихының өткенін жаңа көзқарас тұрғысынан зерттеп саралау – бүгінгі таңдағы маңызды міндеттердің бірі. Туған жерге қа¬тысты құнды құжаттарды сақтап отырған архив саласының жұмысы маңызды. Бүгінгі күні «Сырдария аудандық архиві» филиалында 138 қор, 37 мыңнан астам архивтік құжат сақталуда. Мұнда сақтаулы тұрған құжаттардың құрамы 1935 жылдан 2017 жылға дейінгі аралықты қамтиды. Архив мамандары мекемелердің ведомстволық архивтерін құруда және іс-жүргізуді ұйымдастыруда семинарлар өткізіп, тәжірибелік көмек көрсетеді. Сонымен қатар ауданымызға елеулі еңбек сіңірген, соғыс және еңбек ардагерлерінің, ақын, жазушы және спорт майталмандарының құжаттарын қабылдап, жеке тектік қорлар ашылған. Филиал қызметкерлері ауданға қарасты Ұлттық архив қорының жинақтау дереккөздері мен әлеуетті жинақтау дереккөздері болып табылатын 53 мекеменің құжатын қабылдау, сақтау, халық игілігіне тиімді пайдалану және жаңа құнды құжаттармен толықтыру жұ-мыстарын атқарады. Аталған 53 мекеменің 3 мекемесінде архивист штаты бар. Қалған 50 мекемеде ведомстволық архив жұмысы мамандарға бұйрықпен қосымша жүктелген. Мекемелердің ведомстволық архивтерінде 2016-2022 жылдардың құжаттары сақталуда. Жинақтау көзінен өтетін 53 мекеменің 13 мекемесінде құжат сақтау қоймасы бар. Құжат сақтау қоймасы қарастырылмаған мекеме-лерде құжаттар қызметкерлер отыратын бөлмелердегі шкафтарда сақтаулы, – деді Жәнібек Сейлов.</blockquote>Құжаттарды сақтайтын қойма талаптарға сай болуы қажет. Оған бөгде адамдар кір¬гізілмейді. Ал көптеген мекемелер мен ұйымдарда архивист штаты болмауына байланысты ведомстволық архив жұмысы бір ма-манға қосымша жүктелінген. Оның негізгі жұмысы басқа болғандықтан ведомстволық архив жұмысы екінші орында тұрады. Мұның құжаттардың қалыптасуы мен сақталуының дұрыс жолға қойылмауына әкеліп соқтыруы мүмін. Бұл жағдай өз кезегінде мемлекеттік архивке құжаттардың сақталуға толық өтпеуіне немесе жоғалып кетуіне әкеледі. Осы ретте, Қазақстан Республикасының 2014 жылғы 5 шілдедегі № 235-V «Әкімшілік құқық бұзушылық туралы» Кодексінің 509-бабында «Мекемеде тұрақты сақталатын Ұлттық архив қорының құжаттарын және номенклатураға сәйкес рәсімделген мекеме құжаттарын облыстық Сараптау тексеру комиссиясынсыз жойылуына және жоғалуына жол берілетін болса орта кәсіпкерлік субъектілеріне – қырық, ірі кәсіпкерлік субъектілеріне сексен ай¬лық есептік көрсеткіш мөлшерінде айыппұл салуға әкеліп соғады» деп көрсетілген. Осыны атап көрсеткен филиал басшысы мекемелер мен ұйымдарда мүмкіндігінше архивист штаты ашылса, құжаттар сақталатын бөлме қарастырылса деген ұсынысты жеткізді.Келесі кезекте «Қызылорда облысының мемлекеттік архиві» КММ-нің «Сырдария ау¬дандық архиві» филиалының ІІ санатты архивисті Г.Мейрамбекқызы «ҚР Үкіметінің 2018 жылғы «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» 31 қазандағы № 703 қаулысына 2022 жылғы 31 тамыздағы №630 қаулысымен ен¬гізілген өзгерістер мен толықтырулар» туралы айтты. Бұл қағидада құжаттама жасау тәртібі және құжаттарды ресімдеуге қо¬йылатын талаптар баяндалған. Оның 7, 10, 11, 27, 32, 33, 133, 135-ші тармақтарына өзгерістер енгізілген. Сондай-ақ бұрын 204 тармақтан тұратын қағида жаңа 205, 206, 207 тармақтармен толықтырылған.<blockquote>– 205-тармақта «Электрондық құжаттарды ұйымның архивіне электрондық форматта бе¬руді құрылымдық бөлімшелердің іс жүргізуге жауапты қызметкерлері жүзеге асырады және ЭҚАЖ-нің арналарымен қамтамасыз етіледі», 206-тармақта «Электрондық құжаттарды ұйым архивіне тапсыру кезінде құжаттарды элек¬трондық құжат PDF/A-1 архивтік сақтау форматына көшіріп, электрондық құжатты зиянды компьютерлік бағдарламалардың болуы тұр¬ғысынан тексеру қажет» және 207-тармақта «Ұйым архивіне электрондық істі қабылдау кестесін 31-қосымшаға сәйкес нысан бойынша ұйым архивінің басшысы (ұйым архивіне жауапты адам) жасайды және оны ұйым басшысы бекітеді» деп толықтырылды. Бұл ақпараттар Сіздерге жұмыс барысында қажет болады деген сенімдемін, – деді Гүлзат Мейрамбекқызы.</blockquote>Семинар-кеңесте «Қызылорда облысының мемлекеттік архиві» КММ-сі басшысының орынбасары Ж.Алтынбаева «Жеке құрам бойынша құжаттарды қалыптастыру. Әлеуметтік-құқықтық негіздегі сұраныстарды орындау», бөлім басшысы А.Алпысбаева «Іс жүргізу және істер номенклатурасын құрастыру», аға сарапшы А.Бекмағанбетова «Құжаттардың құндылығына сараптама жүргізу және архив¬ке өткізу туралы. Ведомстволық архивті қалыптастыру, оған қойылатын талаптар», бас қор сақтаушы М.Кәрібаева «Ұйымдарда құ¬жаттардың есебін жүргізу, сақталуын ұйымдастыру тәртібі» және инженер-бағдар-ламашы Д.Нұрпейісов «Құжаттардың электрондық бірыңғай архиві» ақпараттық жүйесімен жұмысты ұйымдастыру тәртібі» тақырыпта-рында түсіндірме жұмыстарын жүргізді. Мамандар архив саласындағы әрбір бағыттың маңыздылығын, мұның барлығы болашақ ұрпақ үшін тарихты қалыптастыру екенін айтып, бөлімдер мен әкімдіктердегі мамандарға зор жауапкершілікпен қарауды жеткізді.Хабарламашылардан кейін өзара пікір алмасу болды. Кейбір бөлімдердегі мамандар 10-15 жыл бұрынғы құжаттардың толық болмауына, жоғалып кетуіне байналысты қандай жұмыстар атқару керектігін сұрады. Одан бөлек мамандардың жиі ауысуына байланысты бөлімдер тарапынан құжаттарды уақытылы өткізу мәселесі туындайтыны да сөз болды. Осыған байланысты аудан әкімдігінің аппарат басшысы архив саласының мамандарымен бірлесе отырып жүйелі жұмыс жүргізу керектігін ескертіп, болмаған жағдайда шара қолданылатыны назарға салынды. Бұдан өзге мәселелер де семинар-кеңес барысында тал¬қыланып, мамандар сауалдарға жауап берді.&nbsp;

Қазақстан және Қызылорда облысының жаңалықтары