Халыққа сапалы медициналық қызмет көрсету – басты міндет

<a href="https://kyzylorda-news.kz/">Kyzylorda-news.kz.</a> Тоғызқұмалақшы Бексұлтан Бостандықовтың есімі ел намысын қорғап жүрген спортшы ретінде көпшіллікке танымал. Жас тоғызқұмалақшы ұлттық ойын – тоғызқұмалақтан спорт шебері, Азия ойындарының чемпионы. Бексұлтан сырдариялықтардың ғана мақтанышы емес, ол облыстың, республиканың құрама командасында ойын өрнегін көрсетіп жүрген мықты, әрі кәсіби спортшы. Нағыз зияткерлік ойындарының иесі &nbsp;Сырдария ауданының әкімінің «Өрлеу» сыйлығына қол жеткізген.– Бексұлтан Хасенұлы, Сыр елінің мақтан етер ұланысыз. Алғашқы сұрақ – бала Бексұлтанның балалық шағы туралы айтсаңыз?– Көп рахмет. «Өрлеу»жастар сыйлығына лайық деп танып, ұсыныс білдірген аудандық жастар ресурстық орталығына алғысымды білдіремін.Балалық шағым кіндік қаным тамған туған жерім – Тереңөзекте өткені баршаға мәлім. Осындағы қарашаңырақ саналатын киелі білім ордасы №35 И.Тоқтыбаев атындағы мектеп-лицейдің түлегі екенімді мақтан етемін. Бала кезімнен білім мен спортты қатар алып жүруге тырысқан болатымын. Гуманитарлық пәндерге қызығушылығым басым болған еді. Бірнеше рет мүшәйраға да қатысқаным әлі есімде. Кейін бірыңғай спортқа ден қойғаным бар.– Иә, спорттың тоғызқұмалақ түрін таңдадыңыз. Тоғызқұмалаққа деген қызығушылығыңыз неден басталды, ұлттық ойынға қалай келдіңіз?– Тоғызқұмалақ ойынына қызығушылығым мектептегі үйірмеден басталған жайы бар. Оның алғашқы әліппесін үйреткен марқұм Тұрғанбай Болғанбайұлы екенін айта кетейін. Күн сайын ағайдың сабағына баруға асығатынмын. Ойынды ұтсам мәз болып, болашақта чемпион боламын деп армандайтынмын. Кейін шын мәнінде жарыстарға шыға бастадық. Жетістіктердің арқасында жеңімпаз болдым. Ұлттық ойынға деген қызығушылығым бірте-бірте кәсіби деңгейге ұласты.– Жетістік демекші, алғашқы жетістігіңіз туралы айтсаңыз? Қандай жарыс болатын?– Ең алғашқы үлкен жетістігімді ұмыту мүмкін емес. 2012 жылы Оңтүстік Қазақстан облысында өткен Қазақстан Республикасының чемпионатында ел чемпионы атана білдім. Осы жеңісім арқылы Азия чемпионатына жолдама алдым. Бала кездегі арманымның орындалғанына көзім жетті. Бұл жеңіс менің әлі де алға өрлеуіме, биік белестерді бағындыруыма себеп болды. Ел намысын қорғау – жауапкершілік екенін сезіндім.– Спортқа деген қызығушылық кәсіби тұрғыда жалғасын тапқанымен, белгілі мамандық иесі атану үшін қандай оқу орнын таңдадыңыз?– Әрине, белгілі мамандық иесі атану үшін 2013 жылы Әл-Фараби атындағы ҚазҰУ-тің "Жылу энергетика" мамандығы бойынша оқуға түсіп, жоғарғы білім алдым. Оқу мен спортты қатар алып жүру қиын болса да спорттан ажыраған емеспін. Кәсіби ойыншы ретінде қалыптасуға күш салған едім– Қазір қандай команда құрамында ойын көрсетіп жүрсіз?– Тоғызқұмалақпен айналысқаннан бастап Қызылорда облысының намысын қорғап келе жатырмын. Әр жылдың қорытындысы бойынша біздің облыс республикада алғашқы орынның бірін иеленіп келеді. Бұл команда ойыншыларының жетістігі, тынымсыз жаттығудың арқасы.Айта кету керек, облыста ұлттық ойынның негізгі мектебі – Тереңөзекте орналасқан деп нық айта аламын. Себебі Тереңөзектен әлем, Азия чемпиондары мен жүлдегерлер шығып жатыр. Бұл жаттықтырушылардың еңбегі.– Елдің атын спортшы шығарады, алғаш рет Әнұранды әуелеткен кезде қандай сезімде болдың, ол қай жылы, қандай жарыс еді?– Ел намысын алдыңғы кезекке қоятын әрбір спортшының арманы – бірінші тұғырда тұрып, мемлекетіміздің Әнұранын қалықтату. 2013 жылы Павлодар қаласында Азия чемпионы атанған кезімде Әнұран шырқалды. Халықаралық деңгейде өнер көрсетіп, жеңіске жету ерекше сезім. Барлық сырдариялық спортшыларға осындай бақыттың бұйыруын тілеймін.– Алдағы жоспарларыңыз қандай? Ізбасарларыңыздың аяқ алысын қалай бағалайсыз? Оларға биік белестерді бағындыруға қандай кеңес берер едіңіз?– Чемпион болу оңай, бірақ сол атаққа лайықты болу қиын екен. Жеңіске жеткен сайын жауапкершілік жүгі де, талап та күшейе түседі. Жаттықтырушының сенімін ақтау, ойын тұрақтылығын сақтау – тынымсыз еңбекті, ізденісті талап етеді. Алдағы уақытта ойыншы ретінде біліктілігімді арттыратын боламын. Уақытымды көбірек спортқа бөлемін деген ойдамын.Ал ізбасарларға келсек, ауданда тоғызқұмалақ ойнап жүрген жастар өте көп. Олардың арасында биік белестерді бағындырып үлгіргендер де бар. Жас та болса Қазақстан Республикасы спорт шебері нормативін орындаған спортшылар да, Азия жеңімпаздары мен жүлдегерлер де бары көңілге медет сыйлайды.Менің ойымша, тоғызқұмалақта ойынның түпкі мәні жеңісте немесе жеңілісте емес, оның ойын барысында адамға әсерінде. Ойын барысында адам болмысының қозғалыстары оның өзіндік қасиеттерін өзгертіп, жетілуіне жағдай жасайды. Яғни, болмысын өзгертеді. Денесі шынығады, ой-өрісі кеңейеді, төзімділікке үйренеді. Осы өзгерістер бір ғана ойын барысында орын алады. Сондықтан ойыннан адам барынша жігерлене түседі дер едім.– Жоғары деңгейдегі спортшы болу үшін бапкердің маңыздылығы қандай?– Жалпы кез келген салада озат болу үшін мықты маманнан үйренгені жөн. Қазіргі ұлттық спорттағы бәсекелестік жылдан жылға артып келеді. Ерекше талантыңыз болмаса, мықты бапкерсіз жоғары деңгейде ойнау өте қиын. Бұл жағынан менің жолым болды. Бапкерім Қазақстан Республикасының еңбек сіңірген спорт шебері, 3 дүркін Әлем чемпионы Хакімжан Мектепханұлы Елеусінов. Алдағы мақсатым да бапкерімдей болу екені даусыз. VI әлем чемпионатында ІІ орын иелендім. Биыл Еуропа кубогін еншіледім.– Әлемнің қанша елінде болдыңыз? &nbsp;Тоғызқұмалақтың нағыз шеберлері қай елде екен. Мықты қарсылас деп кімді айтар едіңіз?– Азия елдері арасында Қырғызстан, Өзбекстан, Моңғолия, Еуропа бойынша Чехия, Түркия, Швейцарияда халықаралық жарыстарда болдым. Көршілес Моңғолия, Қырғызстан ойыншыларымен бәсекелестік жоғары. Ол елдерде де арнайы мектеп қалыптасқан.Қарсыластарымның арасында осалы жоқ. Ойын барысында мен үшін барлығы да мықты қарсылас болып саналады. Алдағы уақытта ұлттық спортты дамыту мақсатында шығармашылықпен айналысу ойда бар. Дегенмен ең алдымен спортшы ретінде қойған мақсатымды орындауым қажет.&nbsp;

Сырдариялық спортшы еуропа кубогінің иегері

Kyzylorda-news. kz. &nbsp;Қайтыс болған адамның кредитін кім төлейді? Қайтыс болған адамның кредитін кім төлейді? Бұл сұраққа заңгер&nbsp;Бердімұрат Хасенұлы&nbsp;өзінің инстаграм парақшасында жауап берді, - деп хабарлайды&nbsp;Massaget.kz.Заңгердің айтуынша, артындағы мұраны алып, мұрагер деп танылған адам кредитті төлеуге міндетті. Ал артында ешқандай мұра қалмаса, банк ол кредитті өздері жабады.&nbsp;<blockquote>"Заңнама бойынша, адам қайтыс болғаннан кейін оның мұрасы 6 айдан кейін ашылады. 6 айдан кейін егер ол адамның мұрасы болатын болса, мұрагерлердің арасында мүлкі бөлінеді. Осы мүлік бөлінген кезде ол адамның берешегі бар банк немесе микроқаржылық ұйым оны сол мұрагерлерінен талап етеді және ол заңнама бойынша дұрыс. Бірақ адамның басында мүлік, ешқандай мұра қалмаса, мұрагерлері ешқандай материалды игілік алмаса, онда банк олардан талап етуге құқылы емес. Банк ол берешекті өзі жабу керек. Адамның қайтыс болуына байланысты кредиттік шарт тоқтатылады", - деп түсіндірді заңгер.</blockquote>Кредитті ұзақ мерзім жаппай жүре беру дұрыс емес. Заңгер барынша кредит алмауға, алса да мүмкіндігінше тез жабуға әрекет етуге кеңес берді.

Қайтыс болған адамның кредитін кім төлейді?

<a href="https://kyzylorda-news.kz/">Kyzylorda-news.kz.</a>Сырдария ауданында мереке қарсаңында аудандық кітапхана ұжымының ұйымдастыруымен «Ерліктің ерен тұлғасы» атты тағылымы мол іс-шара өткізілді. Кездесу қонақтары, оқушылар ғасыр куәгері, Ұлы Отан соғысының ардагері Яхия Тасыровпен кездесіп, тарихты тарихи тұлғаның өз аузынан естіді.Ардагер ақсақалды мерекелік ленталар тағып, шар ұстаған оқушылар ерекше көңіл күймен күтіп алды. Содан кейін кездесудің негізгі бөлімі басталды. Тәрбиелік мәні зор, тағылымы мол іс-шараға аудандық мәдениет және спорт бөлімінің сектор меңгерушісі Жеңісбек Төрәлиев, ардагер ұстаздар Әсия Масилова, Мектепхан Елеусінов, Жұман Нарымбетов қатысты. Ең алғашқы құттықтау сөз Жеңісбек Үсенұлына берілді.<blockquote>&nbsp;Қадірменді қонақтар, оқушылар, баршаңызды алда келе жатқан айтулы мерекелермен құттықтаймын! 7 мамыр – Отан қорғаушылар күні болса, 9 мамыр – Жеңіс күні мерекесі. Осы орайда зұлматты көзімен көрген, қан майданда от пен оқ кешкен Яхия атамыздың бүгінгі кездесуге келіп, ортамызда отыруы – үлкен қуаныш. Бүгінгі кеш келер ұрпаққа үлгі-өнеге болары сөзсіз. Мақсатымыз – бір жағынан, тарихи тұлғамен кездесіп, ойлы әңгімесін өз аузынан тыңдау болса, екінші жағынан кейінгі ұрпақтың Яхия атамызға жолдар сауалы, сұрағы болса, пікір алмасып, келелі әңгіме құруына себеп болу. Олай болса, мереке құтты болсын! Тек жақсы күнде басымыз қосыла берсін, – деді Ж.Төрәлиев.</blockquote>Одан кейін №35 мектеп-лицей оқушысы Асылай Бектасқызы жүрекжарды лебізін арнап, ардагерге арнап шығарған өлең жолдарын оқып берді. Өз кезегінде жиналған оқушыларға разылығын білдірген ардагер ақ батасын берді.Сосын сұрақ кездесудің негізгі кейіпкері, Ұлы Отан соғысының ардагері, ғасыр куәгері Яхия Тасыровқа бағытталды. Ақсақал отты жылдары көзімен көрген оқиғаларын, соғыс даласына тап болу сәтін есіне алып, бір сәт өткенге көз жүгіртті.Тарихи тағылымға толы іс шара сырлы сұхбатпен, әдемі әңгімемен өрілді. Одан кейін оқушылар мерекелік жыр шашуларын ортаға салды. Ал өнерпаз Ербол Сағынбайұлы күмбірлете күй төгіп, іс шараның көркін қыздырды. Оқушылар мен кейінгі ұрпақ үшін өнегеге толы кездесу соңында Яхия Тасыров жиналған жұртшылыққа ақ батасын беріп, елдің амандығын, жұрттың тыныштығын, енді соғыс болмауын тіледі. Ұлы Отан соғысының ардагері Яхия Тасыров 1922 жылы Тереңөзек ауданының бұрынғы Ақтүйе (қазіргі Қараөзек) елдімекенінде өмірге келген. 1941 жылы 19 жасында әскерге алынып, келесі жылы майданға аттанған. Соғыс жылдарында Сталинградты, Курскті, Бараович пен Польшаны жаудан азат етуге қатысып, 1945 жылы аман-сау елге оралған. Ерен ерлігі үшін &nbsp;«Қызыл жұлдыз» орденімен, «Ұлы Отан соғысы» І-ІІ дәрежелі орденімен, «Ерлігі үшін», «Германияны жеңгені үшін» медальдарымен марапатталған.Кеудесін толтыра жарқыраған орден-медальдар ардагер ақсақалдың соғыс даласындағы ерен ерлігі мен көзсіз батырлығының үлгісіндей болып көз тартады. Бүгінде ғасыр асып, 101 жасқа зор құрметпен жеткен соғыс және еңбек ардагеріне ұзақ ғұмыр, зор денсаулық тілейміз! &nbsp;

Сырдариялық майдангерге құрмет

<a href="https://kyzylorda-news.kz/">Kyzylorda-news.kz.</a> Күн өткен сайын ғаламдық су тапшылығы қатты сезілуде. Бұл мәселе бізді де айналып өтпеді. Әсіресе, биылғы қуаншылық дала еңбеккерлерін әбден әбігерге түсірді. Жаздыкүнгі аптап ыстық қырдағы көкмайсаны қуратып, даланың өңі қашырып, желмен топырақ төбеге ұшты. Содан қырдан Сырға түскен төрт түлік қоңсыз күй тартты. Малшылар отар қой мен табын сиырды егіндік отына отатамыз деген үмітпен келген-ді.&nbsp;«Сырдария өзені – Қызылорда облысының экономикалық тұрақтылығының негізі. Дария болмаса ел өмірінің мәні кетеді. Содан болар тұтас облысты «Сыр өлкесі» деп атаса керек-ті» деп дарияның маңызын дәйектеп: «Соңғы жылдары өзен суы тартыла бастады. Енді кетпен ұстаған диқандар мен төрт түлігін түлеткен малшылар Сырдың суына алаңдаулы. Көктемгі егіс науқаны басталды. Дарияның суы қандай деңгейде? Биыл су тапшылығы болмай ма?» деп негізгі мәселені ортаға тастап, арнайы мамандардың пікірін білген едік Бірақ, Сырдария суалып, каналдар мен су қашыртқыларының табаны құрғап, суат іздеп кетті. Бұл – үлкен мәселе. Бұған аудан басшылары көңіл бөліп, құдық қазу мәселесін ұйымдастырған-ды. Алғашқылардың бірі болып «Бекарыс – Агрофуд» ЖШС төрағасы Серік Мырзабаев мән беріп, екі құдықты қаздырып, екі ескі құдықтың көзін ашып, төрт түліктің суатын жасады. Біз жақсы істі көрмекке Қыркеңсе ауылдық округіне арнайы бардық.Жолға шықтық. Фотогроф Жасұлан Сейдеметов қасыма ерді. Шығармашыл адам қашанда объективін сайлап, қырағы көзбен көркем көріністі шолып отыратын әдеті емес пе? Ол Сырдың бойындағы жиде, тораңғыл, сәнбі тал араласқан тоғайға тоқтауды сұрады. Күзгі көрініске ынтығып, фотоаппаратын алып, сәтті кадр түсіруге мән берді. Кезек дарияға да келді. Шіркін, толқыны тулап, төмен қарай асыға ағатын өзеннің бүгінгі күйі... Асып-тасып жататын су айданында қайыр жерлер көбейіп, аптығын басып, моп-момақан бола қалыпты. Ес білгелі дарияның деңгейі мен дергейі түскенін көргенім осы.Қазір диқаншы қауым қатты алаңдаулы. Өйткені өзеннің жоғарғы сағасы «Тоқтоғұл» су қоймасында су өз деңгейінде жиналмады. Оған «Шардарадағы» өмір нәрі ұлтанына түскенін тағы қосыңыз. Оның үстіне, біздің ауданда су тоспасы жоқ. Су тапшылығы сезіле бастаған кезде бұл да жығылғанға жұдырық болып тұр. Сырдария – елдің ырысы екен-ау! Сыр суалса жұрт не істейді?.. Жә, тақырыпқа қайта оралайық. Көлікке қайта отырып, Серік Әбжаппарұлының шаруашылығын көруге асықтық. Жүйіткіген көлік әп-сәтте Қыркеңсенің төбесін көрсетті. Секең күтіп тұр екен. Жол бастап, атқарып жатқан жұмысын баяндады.<blockquote>«Биыл 150 гектарға күріштің, 50 гектарға күзгі бидайдың дәнін бастырдық. Сыр салысының гектарынан 57 центнерден, бидайдан 15 центнерден өнім алдық. Дәнді дақылды төкпей-шашпай, қамбаға бастырып алдық. Шүкір, дала еңбеккерлерінің еңбегі ақталды», – деп сөз бастады іскер азамат.</blockquote>– Қанша адамды жұмыспен қамтып отырсыз?– Маусымдық жұмысқа – 150, тұрақты жұмыспен 100 адамды қамтып отырмын.– Шаруашылықта қай бағытқа басымдық беріп отырсыз?– Өзі ауылшаруашылығы саласында мал және егін бағыты бір-бірімен байланысты, бір-бірін толықтырып тұрады. Осыны ескеріп, көктем шыға соқаны сайлап, жер жыртып жатсақ, екінші жағы, қойды төлдетіп, тауға қамданамыз.– Білуімше, мал сою пункті ашылды. Солай ма?– Иә, қазір осы аймақтағы ауыл тұрғындарының малын сойып беруге дайынбыз. Автоматтандырылған мал сою пунктінде барлық ветеринарлық талап сақталады. Ең бастысы етті сақтайтын мұздатқыш бөлме бар, – деп жауап берді ол.Жер-Ананы еміп өскен диқандар үшін қазақтың ұлан-ғайыр даласынан қасиетті ештеңе жоқ шығар, сірә! Әлімсақтан тың жерге түрен салып, топыраққа маңдай тері сіңген шаруалар жерді қатты құрметтейді, қадірін терең түсінеді. Сол себепті топырақты тоздырмай, ауыспалы егін егуге мән береді. Серіктестік күзгі бидай егуге қамданып, жер жыртып, оны малалап, дәнін тастауда екен. Берекелі істің басына бардық. Қос механизатор Бағлан Дүйсенбаев пен Болатбек Байманов соқаның бір тісін бекітіп жатыр екен.– Ассалаумағалейкум, жігіттер! Іс оң болсын!– Уағалейкумсалам! Рақмет!– Жұмыс қалай жүруде?– Серіктестік төрағасы 50 гектарға күздік бидай егуді ұйғарды. Біз техниканың тетігін ұстап іске кірістік. Бір-екі күнде жерді жыртып, малалап, дәнді тастап бітіреміз, – деді механизатор.Серік істің ебін тауып, есебін қиыстыра алатын іскер азамат. Олай болмаса, 90 гектар жерді инженерлік жүйеге келтіріп, онда су көзін жеткізе ала ма? Күзгі дала жұмысын көріп, құдықтың басына қарай бағыт алдық.Қазір ғаламдық жылынудың салдарынан мұздықтардың көлемі, жаңбырдың жаууы азайды, және оның құрамы өзгерді. Жерасты сулары да азаюда. Шардарадан Сырдария өзеніне секундына 30 текше метр су түсуде. Келінтөбе магистральдық каналына су ілінбей, Сыр беткейдегі ауылдар тығырыққа тірелді. Мұның салқынын халық сезінуде. Серіктестік төрағасы ахуалды терең түсініп, өз қаржысымен құдық қазды.<blockquote>«Екі құдық қаздым. Оның суы 15-20 метрден шықты. Әр құдыққа 80-100 мың теңге көлемінде қаржы шығындадым. Бұл – малды аман сақтауда маңызды қадам болды. Сосын ескі екі құдық болатын. Соңы тазалып, қайта іске қосып, мал су ішетін науаны жасадық. Қазір шаруашылықтың 2000 қойы, 400 жылқысы, 600 сиыры су ішеді. Одан бөлек, ауылдың екі бақташысындағы 1000 сиырдың күнделікті суаты болып тұр», – деді.</blockquote>Серіктің қадамы өте орынды. Мал – серіктестікі. Ендеше малды аман сақтап қалуда жергілікті билікке қарап отыра бермей, өз күшімен қарекет еткені құптарлық іс… Суаттың басына бардық. Серіктес бақташысының жары Сандуғаш Әллайдарова науаларды суға толтырып жатыр екен. Жоңышқалыққа түскен төрт түлік қоң жинай бастапты. Қамыс, мия және т.б шөп түрлеріне бай егіндікте мал жерден басын алмай жайылып жүр. Олар су ішетін мезетте бақташының қонысына қарай аяндайды. Қолдан жасалған суат сол маңда. Мүйізді ірі қаралар лек-легімен сонда келуде.– Егіндік аймақта су жоқ. Каналдың табаны құрғады. Малдың бәрі осында келеді. Қазір онша көп емес қой. Таңертеңгісі үйір-үйір жылқы, отар-отар қой осында болады. Науаны мезгіл сайын толтырып, малды суға қандырып, өріске айдаймыз, – деді Сандуғаш.Иә, жер бетіндегі тіршіліктің көзі – су. Сусыз барлық тірі организм өмір сүре алмай дүние жүзінен жойылып кетуші еді. Қамыстың ішінде ұшып-қонып жүрген торғайлар сиырға қонып, сосын науаға жақындап, өмір нәрін жұтып жатқанына көз түсті. Оларға да су керек…Ертеректе Сырдың бір арнасы Қыркеңседен сәл ары Қызылқұмға енетін тұста ағыпты. Өзгент шаһары мен Хорасан ата кесенесінің тұсында дарияның ескі сондай арнасын көруге болады. Яғни бір кездері қала өркениеті дамып, Ұлы дала елінде берекесі артқан жердің бірі болды осы жер. Оған сол маңда мәңгілік тыныштық тапқан Әбжалел баб, Төлегетай-Қылышты ата, Қылауыз ата және Бақсайыс атаның кесенесі дәлел болады. Бірақ уақыт озып, бұл далада тіршілік тоқтады. Неге? Себебі дарияның арнасы ауып кетті. Сөйтіп Өзгент шаһары маңындағы халық сумен бірге өздері де ауды.Міне, Серік осының мән-манызын біледі екен.<blockquote>«Қыркеңсе ауылдық округі көне Өзгент даласының аумағында орналасқан десек, бұл жердің топырағына құт қонған. Шүкір, еңбектің арқасында ауыл тұрғындарының тұрмыстық әлеуеті артып келеді. Алайда кейінгі жылдары судың деңгейі түсіп, бізді ойланта бастады. Ендігі уақытта суды үнемдеу маңызды. Сосын әртараптандыруға иек артып, осы даладан несібемізді теруді ойлап отырмыз. Дерек көздерінен жер жүзінде 2,5 миллиардқа жуық адамы су тапшылығын сезініп отырғаны жөнінде мәліметті оңай табуға болады. Әлемнің 17 елінде су тапшылығы тым жоғары, оларға Солтүстік-Шығыс Африка, Таяу Шығыс және Азия елдері жатады. Трансшекаралық өзендерге тәуелді біздің елдің де жағдайы оңай емес. Біз осыны түсініп, жағдайға сай қарекет етуіміз тиіс. Құдық қазу ісінде аудан әкімінің бастамасын қолдап, іске асырған себебіміз сондықтан», – деді аудандық мәслихаттың депутаты.&nbsp;</blockquote>Серіктің сергек істерін көріп, марқайып қалдық. Ойы кемел, сөзі жүйелі азаматтың жоспар-жобасы көп...

Жаңақорғандық диқандар су тапшылығын алға тартуда

<a href="https://kyzylorda-news.kz/">Kyzylorda-news.kz.</a>&nbsp;Қазір ебін тауып еңбек ететін заман. Әсіресе кәсіпкерлікке бет бұрғандар қатары уақыт өткен сайын артып келеді. Аталған салаға көрсетілетін қолдаудың нәтижесінде қазалылық қаншама азамат қайтарымсыз қаржыға қол жеткізді. Солардың бірі – ақтанбатырлық Әлібек Нарымбетов. Оған мемлекет тарапынан үш жарым миллион теңге берілген.Әлібек Сәлімұлының негізгі мамандығы – геолог. Мамандығы бойынша біршама уақыт жұмыс істеген. Бертін келе кәсіпкерлікке бет бұрады. Бұған себеп қолынан көп іс келетіндігі. Бір жұмысты бастаса, аяқсыз қалдырмайтын азамат заман талабына сай жаңаша идеяны жүзеге асырмақ болады. Нәтижесінде қазіргі таңда сұранысқа ие, жиі қолданылып жүрген 3D панель шығаруды мақсат етеді.Мемлекет берген қайтарымсыз қаржыға арнайы аппарат, құрал-жабдықтар алып, осыдан үш жыл бұрын кәсібін бастап кетті. Бүгінде оның өнімдері көпшілікке етене таныс.<blockquote>«Бұл бетоннан жасалады. Арнайы сым, химиялық қоспалар қосылады. Әртүрлі формаларға құюға болады. Күн жылыда немесе суықта істеуге болмайды деген талап жоқ. Мезгіл талғамайды. Сұраныс жаман емес», – дейді кәсіпкер Әлібек Сәлімұлы.</blockquote>Оның айтуынша өнімге сұраныс Қазалыдан басқа өңірлерден де жиі түседі.<blockquote>«Біраз жерге барып, жұмыс істедік. Станок өзімізбен алып жүруге ыңғайлы. Жуырда Қамбаштан тапсырыс түсті. Сонда жол жүруге дайындалып жатырмыз», – деді бізбен әңгімесінде Әлібек Нарымбетов.</blockquote>Тетігін тапсаң, табыс келетінін кәсіпкердің тыңғылықты ісінен ұғуға болады. Қол қусырып қарап отыруды жөн санамайтын Әлібек үйренем дейтін жастар болса, білгенін бөлісуге дайын екендігін жеткізді.<blockquote>«Бұл қазіргі таңда өрлеп тұрған кәсіп. Көп ғимараттар мен тұрғын үйлердің сыртына қолданылып жатыр. Еліміздің үлкен қалаларында өзге ұлт өкілдері осындай панельдерді басып шығарып, кәсібін өрістетіп отыр. Бұның еш қиындығы жоқ. Өзіміздің жастар да істей алады. Сондықтан алға ұмтылып, кәсіп бастағым келеді деген жігіттер болса, мен үйретуден қашпаймын», – дейді кәсіпкер.</blockquote>Өнімнің ерекшелігі сапасы елу жыл, бояуы он екі жылға дейін сақталады екен. Әсіресе ескі ғимараттарды жаңалауда жиі қолданылады. Түрлі пішінде шығарылатындықтан әдемілігі де көзге ерекше түседі.<blockquote>«Бетоннан бөлек, гипстен жасалатын түрінде меңгергенмін. Үйреткен шәкірттерім де бар. Қазіргі таңда көбіне олар гипстен жасап жүр. Ол бөлме ішін сәндеуде таптырмас дүние», – деген Әлібек Сәлімұлы алда бұдан бөлек те бірнеше жоспары бар екенін жасырмады.</blockquote><blockquote>«Шарбағымнан арнайы цех ашып қойғанмын. Тапсырыс көбейген сәтте бірнеше адамды жұмыспен қамтыдым. Тұтынушының талғамынан шығып, ойындағыдай жұмыс істеу үшін ыждаһаттылық керек. Істің тез бітуімен қатар сапасы сын көтергені дұрыс. Жүрдім-бардым жасай салған жұмыс керемет нәтиже бермейді. Бұл кәсіптің өркендеуіне кері әсерін тигізеді. Сондықтан жас кәсіпкерлерге өнімнің өтімді болғанын қаласаңыз, адалдықтан аттамаған жөн деп кеңес берер едім», – дейді Әлібек Нарымбетов.</blockquote>

Қазалылық кәсіпкер 3D панель шығаруда

Kyzylorda-news.kz. Ташкент қаласында ерлер арасында өтіп жатқан бокстан әлем чемпионатында қазақстандық Қамшыбек Қоңқабаев ширек финалға шықты, деп хабарлайды ҚазАқпарат.Аса ауыр салмақта сынға түсетін Қамшыбек Қоңқабаев 1/8 финалда сириялық Мохаммед Млайнспен жұдырықтасты.Қазақстандық спортшы басымдық танытып, төрешілердің бірауыздан шешімімен жеңіске жетті. Осылайша, Қамшыбек екінші жекпе-жегін сәтті өткізді.

Қамшыбек Қоңқабаев ширек финалға өтті

Kyzylorda-news.kz. &nbsp;Қазгидромет синоптиктері 8 мамыр, дүйсенбіде күннің бұзылуына байланысты бірқатар өңірде ескерту жариялады.Ақтөбе облысында оңтүстіктен, оңтүстік-батыстан жел соғады, күндіз облыстың солтүстік-батысында жел екпіні 15 м/с жетеді.Батыс Қазақстан облысының оңтүстігінде, шығысында найзағай жарқылдайды.Солтүстік-шығыстан жел соғады, түнде облыстың оңтүстігінде, күндіз облыстың оңтүстігінде, шығысында жел қарқыны - 15-20 м/с.8-9 мамыр таңертең және күндіз Жамбыл облысының оңтүстік-батысында, солтүстік-шығысында, таулы аудандарында солтүстік-шығыстан жел соғады, екпіні 15-20 м/с дейін күшейеді.Атырау облысының батысында, солтүстігінде күн күркірейді. Солтүстік-шығыстан жел соғады, облыстың батысында, солтүстігінде, оңтүстігінде жел қарқыны - 15-20 м/с.Таңертең және күндіз Ақмола облысының солтүстігінде, батысында найзағай ойнайды.Оңтүстік-батыстан соғатын жел солтүстік-батысқа ауысады, күндіз облыстың солтүстігінде, батысында жел екпіні 15-20 м/с жетеді.Күндіз Түркістан облысытауларында күн күркірейді. Шығыстан жел соғады, күндіз облыстың тау асуларында желдің күші - 15-20 м/с.Қызылорда облысының шығысында төтенше өрт қаупі сақталады.Маңғыстау облысының батысында, солтүстігінде, орталығында найзағай жарқылдайды. Күндіз облыстың оңтүстігінде, шығысында шаңды дауыл тұрады. Шығыстан, оңтүстік-шығыстан жел соғады, күндіз облыстың батысында, оңтүстігінде, шығысында жел қарқыны - 15-20 м/с. Таңертең және күндіз Қостанай облысының батысында, солтүстігінде, шығысында найзағай ойнайды. Солтүстік-батыстан жел соғады, облыстың батысында, солтүстігінде, шығысында жел екпіні 15-20 м/с жетеді. Облыстың орталық бөлігінде жоғары өрт қаупі сақталады. Солтүстік Қазақстан облысының батысында, солтүстігінде, шығысында солтүстік-батыстан жел соғады, екпіні - 15-20 м/с.

Ауа райына байланысты ескерту жарияланды 

<a href="https://kyzylorda-news.kz/">Kyzylorda-news.kz.</a> Қазақстан Республикасының Қарулы күштерінде 7 мыңға жуық нәзік жан келісімшарт бойынша еңбек етеді екен.Оның көпшілігі қатардағы жауынгер, сержанттық және офицерлік қызмет атқарады.Оның ішінде 800-ге жуық офицер, 2 мыңға жуық сержант және 4 мыңға жуық қатардағы жауынгер бар.«Жеті әйел жоғары лауазымдарда. Атап айтқанда, Қорғаныс министрінің көмекшісі, Қорғаныс министрлігі департаменті бастығының орынбасары, қорғаныс істері жөніндегі департамент бастығының орынбасары, әскери госпиталь, база, орталық және лазарет бастығының орынбасары», - делінген Қорғаныс министрлігінің ҚазАқпарат агенттігінің ресми сауалына берілген жауапта. Сондай-ақ, бүгін ҚР Қарулы Күштерінің құрылғанына 31 жыл толды.

Елімізде 7 мыңға жуық әйел әскерде қызмет етіп жүр

<a href="https://kyzylorda-news.kz/">Kyzylorda-news.kz.</a> Еліміздің білім беру ұйымдарында 91 мың 496 ер педагог еңбек етеді, деп хабарлайды ҚазАқпарат.Оқу-ағарту министрлігіне қарасты Ахмет Байтұрсынұлы атындағы «Талдау» ұлттық зерттеулер және білімді бағалау орталығының мәліметінше, бүгінде еліміздің білім мекемелерінде 91 496 ер педагог жұмыс істейді.Оның 13 488-і колледж, 75 362-і мектептерде, 2646-сы мектепке дейінгі ұйымдарда.

Қазақстан мектептерінде 75 мың ер мұғалім сабақ беріп жүр

<a href="https://kyzylorda-news.kz/">Kyzylorda-news.kz.</a> Қазақстандық боксшы Бек Нұрмағанбет (9-0, 7 КО) Сапопандағы (Мексика) Сауль «Канело» Альварес пен Джон Райдер айқасының андеркардында кезекті жекпе-жегін өткізді, деп хабарлайды ҚазАқпарат Sports.kz порталына сілтеме жасап.Нұрмағанбеттің қарсыласы – Венесуэла өкілі Архенис Эспанья (15-1, 14 КО). Олардың суперорта салмақтағы жекпе-жегі сегіз раундқа жоспарланған болатын, бірақ соңына жетпей, екінші үш минуттықтағы нокауттан кейін қазақстандық жеңімпаз атанды.Осылайша, Бек кәсіпқой бокстағы оныншы жеңісіне жетсе, Эспанья екінші рет жеңілді.Бокс кешінің андеркардында жеңілмеген қазақстандық боксшы Әбілхан Аманқұл да (4-0, 4 КО) мексикалық Фабиан Риос Фраустоны (7-7-3, 4 КО) нокаутқа жіберіп, жеңіске жеткенін айта кетейік.

Бек Нұрмағанбет венесуэлалық боксшыны екінші раундта нокаутқа жіберді

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының төрағасы Мәулен Әшімбаев қазақстандықтарды Отан қорғаушы күнімен құттықтады. Құттықтауын Сенат төрағасы өзінің <a href="https://m.facebook.com/story.php?story_fbid=pfbid02aWDFkaywTpy3mYZfR9cUX">Facebook </a>парақшасында жариялады.<blockquote>«Құрметті достар!Баршаңызды Отан қорғаушы күнімен шын жүректен құттықтаймын!Бұл – батыр бабаларымыздың ерлік дәстүрін және сап түзеген сарбаздарымыздың жауынгерлік рухын дәріптейтін мереке. Осы күні Отанды сүю, елге қызмет ету, антқа адал болу сияқты қастерлі құндылықтардың да маңызы айшықтала түседі. Мұның бәрі азаматтарымыздың патриоттық сезімін арттырып, өскелең ұрпақтың өжет, қайсар болып қалыптасуына оң әсерін тигізетіні анық.Мемлекет басшысы Қасым-Жомарт Кемелұлы Тоқаев Бүкілармиялық кеңесте сөйлеген сөзінде Қарулы Күштеріміз мемлекеттілігіміздің мызғымас тірегі екенін атап өтті. Шын мәнінде, біздің айбынды армиямыз – елдігіміз бен егемендігіміздің берік қалқаны. Сондықтан біз Отан қорғау дейтін мәртебелі міндетті абыроймен атқарып келе жатқан әскерімізді әрдайым мақтан тұтамыз.Мерекемен құттықтай отырып, әр шаңыраққа шаттық, қуаныш, береке тілеймін. Еліміз аман, жұртымыз тыныш болсын! Қарулы Күштеріміздің әлеуеті артып, қорғанысымыз күшейе берсін!»,-деп жазды Мәулен Әшімбаев.</blockquote> &nbsp;

Қазақстан және Қызылорда облысының жаңалықтары