<a href="https://kyzylorda-news.kz/">Kyzylorda-news.kz.</a> Қазақтың ақбас сиыры – сиырдың етті тұқымы. Бұл өткен ғасырдың 30-50 жылдары аралығында қазақ және қалмақ сиырларын герефорд бұқасымен будандастыру арқылы шығарылған, кең тараған тұрпаты бөлек түлік. Аталған тұқымды өсіретін шаруашылықтардың дені қазақстанда орналасқан. оның ішінде өзіміздің ауыл да бар.Ауыл шаруашылығы ел экономикасының драйверіне айналса нұр үстіне нұр болар еді. Мемлекет басшылығы жүктеп отырған міндет те осы. Қайтпек керек? Алдымен, төрт түлік малдың тұқымын асылдандыру керек. Қара малдың ішінде оңдысы да, қоңдысы да қазақтың төл малы – ақбас сиыр екені әмбеге аян.Негізінен далалы және шөлейт жерлердің табиғи жағдайына бейімделген ірі қараның бұқасы орта есеппен 800-900 килоға дейін ет береді екен. Аналығы 450-500 килоға дейін тартатын ақбас сиыр тұқымдары тез ет жинауымен ерекшеленеді. Алайда кейінгі жылдарда белең алған малды асылдандыру кенже қалуда. Осы олқылықтың бір бүйірін Ақай ауылындағы «Береке» шаруа қожалығының басшысы Айдарбек Бекжанов толықтырып отыр. Шаруа қожалық мүйізді ірі қара малдарын асылдандырумен айналысады.2020 жылы Жаңақорған ауданынан 1-еу, алдыңғы жылы Қуаңдария ауылдық округіне қарасты «Олжа» шаруа қожалығынан 1 бас асыл тұқымды «Ақбас» бұқасын сатып алып, одан 24 бас «Ақбас» тұқымды бұзау алған. Биыл да оның санын көбейтпекке ақбас сиырдың жағдайын жасауда. «Шетелдік ангус немесе герефорд секілді асыл тұқымды ірі қара малдарын сипаттаған кезде теңеуге сөз таппай қалатынымыз бар. Алайда одан қазақтың асыл тұқымды ақбас сиырының несі кем?» дейді мамандар.Мал шаруашылығын діттеген межеге жеткізудің жалғыз жолы – тұқымын асылдандыру. Айталық «мәрмәр» деп саналатын ақбас сиырдың еті мен майының мөлшері 55-65 пайыздан кем түспейді, дәмді әрі жұмсақ. 18 айға дейін жемделіп бордақыланса, 4 центнерден асып түсетіні даусыз. Мал мамандарының есептеуіне қарағанда, осы 18 айдың ішінде біз айтып отырған тірідей салмақ дәрежесіне жетуі керек. Одан асса артық бейнет, қосалқы шығын деген сөз. Ал ақбас сиырдың төлі жетпек түгілі асып та кетеді.Мұның ерекшелігі, ақбас сиырдың қазақ даласының табиғатына әбден төселуі. Түкірігің жерге мұз болып түсетін қақаған қыстың атан түйені алып жығатын аязынан қорықпайды. Қар үстінде де төлдей береді. Өзге асыл тұқымдыларға қарағанда ұтымдысы, өз аяғымен жайылады. Ал басқа асыл тұқымды қара малды қысы-жазы қамап бағу керек. Ірі шаруашылықтар бұл міндеттен аса көп қысылмаса, шағын қожалықтар үшін қарбаласы мол, қиын шаруа. Қара мал қысы-жазы қолға қараса, жем-шөбін тауып беру қиямет. Міне, сондықтан да ақбастан артығы жоқ.<blockquote>«Осындай жерде түтін түтетіп отырған соң ауылдың ырыздығы – мал өсірмеу әсте мүмкін емес. Ісіміз табысты болуы үшін мал шаруашылығын асылдандыруға біржола бет бұруымыз керек», – дейді шаруа қожалығының басшысы.</blockquote>Мал бағумен бүйірі шыққан қауымның айтуына қарағанда, мал шаруашылығы табысты салаға айналуы үшін жем-шөбін өзің дайындауың керек. Егер жем-шөпті сатып алып бағатын болсаң, табысың толымды бола қоймайды. Мұны ескерген шаруа қожалық мал азығын дайындауға Германиядан шыққан шөп шабатын агрегат сатып алып, шөп шабуға әрдайым дайын отырады. Бұдан бөлек қожалықта Алматы қаласынан органикалық био тыңайтқыш дайындау үшін 40 000 дана калифорниялық құрт сатып әкеліп, арнайы дайындалған жерде көңге жіберіп отыр. Өңделген, дайындалған көңді бақшалыққа органикалық тыңайтқыш ретінде жерге сіңіреді. Онымен қоса гектар жер дайындап, оны қоршап, қауын, қарбыз егеді. Бақшалық жерлерді шағын насоспен суландырады. Қысқасы шаруа қожалықта қайнаған тіршілік көзі үзілген емес.Біраз жылдар бұрын елімізде қазақтың асыл тұқымды ақбас сиырының бәсі биік болғаны ұмытыла қойған жоқ. «Береке» шаруа қожалығының басшысы Айдарбек Бекжановтың бүгінгі қам-қарекеті қазақтың асыл тұқымды ақбас сиырының бір кезде баршаға тараған даңқын қайтадан жаңғыртуға бағытталып жүргендей көрінеді. Әрине, мал өсіру оңай шаруа емес. Қайткен күнде де еңбекке төккен маңдай терің ырыс болып оралатын адал кәсіп. Сол кәсіпті бүгінгі талапқа сай дөңгелету мал тұқымын асылдандыруға тікелей байланысты. Тегі асыл мал таразы тартады емес пе?&nbsp;

Ақайлық шаруалар ақбас сиырды асылдандырып отыр

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер жаңа жобаны қолға алды. Отбасының берекесін ұйытып отырған, қызметпен бірге үй тірлігін қатар алып жүрген нәзік жандылардың бірі ЖК «Абилова» мекемесінің директоры Гүлзат Абилова жаңа кәсіп түрін бастады.Кәсіпкер 2015 жылдан бастап брусчатка өндірісімен айналысып келеді. Ал, 2022 жылдың қараша айында жаңа бизнес-идеяларды іске асыруға берілетін қайтарымсыз грант конкурсына қатысуға жаңадан «Еурозабор» &nbsp;жобасын әзірлеп, қайтарымсыз грантқа ие болды.Оның еуропалық үлгіде дайындаған темір-бетоннан жасалған өнімдеріне сұраныс жоғары. Қайтарымсыз қаржыға жаңа кәсіпке қажетті құрал-жабдықтарды алып, 1 апта ішінде арнайы қалыпқа салып әзірленетін еурозабордың &nbsp;600-800 метрін өндіріп, тапсырыс берушіге жөнелткен. &nbsp;Кәсіпкер көбіне тапсырыспен жұмыс жасайды. &nbsp; &nbsp;Сонымен қатар, кәсіпкер қазір суағар, бордюр,баспалдақ қаптағыш, тіпті брусчатканың 12 түрін құйып жатыр. 8 адамды жұмыспен қамтып отыр. Жұмысшылар цементті әбден араластырып, қажетті түстерге бояйды. Содан соң түрлі пішіндердегі қалыптарға құйып, арнайы аппаратпен тығыздайды. Бұл жұмыстың барлығы тапсырыс берушінің қалауы бойынша жасалады.<img src="https://knadmin.beoblood.kz/uploads/343557099_277990014571414_9017222675073660475_n_354330447a.jpg" alt="343557099_277990014571414_9017222675073660475_n.jpg"><img src="https://knadmin.beoblood.kz/uploads/342711476_1322199485177286_7347892304847738617_n_4695d7b9cf.jpg" alt="342711476_1322199485177286_7347892304847738617_n.jpg">

Қызылордалық кәсіпкер жаңа іс бастады

<a href="https://kyzylorda-news.kz/">Kyzylorda-news.kz.</a> Қызылорда қалалық мәслихат депутаттары қаладағы каналдарды тазалау және Бәйтерек тұрғын ауданын қаламен байланыстыратын көпір құрылысының жұмысымен танысты.Алдымен депутаттар Қызылжарма каналын тазалау жұмыстарын көрді. Ұзындығы 7,8 шақырым болатын бұл &nbsp;канал &nbsp; арқылы КБИ, Коммунизм, Шанхай, Әл-Фараби және Қызылжарма ауылдық округіне аяқ су беріледі. Қазіргі таңда каналды &nbsp;«Ақмешіт сарқырама» мердігер мекемесі тазалауда.Депутаттар &nbsp;мамыр айына дейін тазалау жұмыстарын бітіріп, аяқ суды беру, канал тазалауға арнайы механикалық &nbsp;техникалар қамту , механикалық тазалауға мүмкіндік жасау мақсатында канал аумағындағы санитарлық зонадағы тұрғын үй заңсыз орнатылған қоршауларды алу туралы ұсыныстарын жеткізді.Қалалық мәслихат төрағасы И.Құттықожаев каналдарды тазалау барысында автокөлік көпірлерінің астындағы &nbsp;құбырлар ішін толыққанды тазалау, депутат И.Басықараев темір жол асты аяқ су баратын құбырларды &nbsp;тазарту туралы ұсыныстарын білдірді.Депутаттар тоқтаған келесі нысан, Бәйтерек мөлтек ауданын қаламен байланыстыратын көпір құрылысы болды. Қазіргі таңда салынып жатырған көпірдің ұзындығы – 47 метрді құрайды, көпірдің екі жағына жаяу жүргінші жолы салынады. Құрылыс жұмыстары биылғы жылдың тамыз айына дейін аяқталмақ.Айта кетерлігі, қазіргі таңда Бәйтерек ауданына өтетін жалғыз ғана автомобиль көпірі (Жезқазған трассасына шығатын көпір) бар, осы көпір салынған жағдайда тұрғындардың қатынауына өте қолайлы болмақ.Депутаттар өз кезегінде көпір салу барысында магистральды канал арқылы өтетін суға кедергі келтірмеу жақтарын қарастыру, көпірдің құрылысын мерзімінде аяқтау, жаңа көпірден Бәйтерек мөлтек ауданына өтетін автокөліктерге оңтайлы жағдай жасау мақсатында екі жақты жолды стандартқа сәйкестендіру туралы ұсыныстар берді.Депутаттық аралау шарасына депутаттармен қатар, қала әкімінің орынбасары Ғ.Еркебай, қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Ж.Файзуллаев, мердігер мекеме басшылары, БАҚ өкілдері &nbsp;қатысты.

Қызылорда қалалық мәслихат депутаттары құрылыс нысандарын аралады

<a href="https://kyzylorda-news.kz/">Kyzylorda-news.kz.</a>&nbsp; Соңғы жылдары көптеген бизнес құрылымдар онлайн-сауда индустриясын белсенді түрде дамытуда және интернет-сатудың көбірек арналарын ашуда. Бүгінгі күні, егер сізде Интернет болса, кез келген ыңғайлы жерде онлайн режимінде сіз өзіңізге ұнайтын затты сатып ала аласыз, жақындарыңызға сыйлыққа тапсырыс бере аласыз.Дегенмен, көп жағдайда киберқауіпсіздікке және төлем технологияларына қатысты, электрондық коммерция индустриясына тән тәуекелдер мен қауіптер белсенді түрде дамуда. Онлайн сатып алу кезіндегі қажетті дербес сақтық шаралары туралы Fingramota.kz еске салады!Алаяқтар әр түрлі амалдар мен схемаларды қолдана отырып, бірнеше минут ішінде сенімді азаматтардың қалталарын босата алады. Мәселе азаматтардың дербес деректерін Интернетке салуға қатысты болғанда қаржы ұйымдары оларға аса мұқият болуды бірнеше рет ескертеді. Өздерінің ЖСН, төлем карталарының немесе ұялы телефондарының нөмірлерін белгісіз интернет-ресурстарда қалдыруға болмайды. Әдетте, сенімді электрондық сауда алаңдарында операциялар жасау үшін жеке құжаттарды қосымша жүктеу және дербес деректердің артық санын енгізу талап етілмейді.Онлайн сатып алудың алдында мынадай қауіпсіздік қағидаларын сақтаңыздар:1. Интернет-дүкендердің түпнұсқалығын тексеріңіздерКиберқылмыскерлер түпнұсқа сайттарға ұқсас немесе белгілі және ірі дүкендердің немесе брендтердің ұқсас аттарын пайдаланатын жалған интернет-дүкендер жасайды. Интернет-алаяқтарға ұрынып қалмау үшін браузердің мекенжай жолындағы URL-мекенжайларды үнемі мұқият тексеріңіз, расталған SSL сертификатпен расталған қауіпсіз әрі қорғалған қосылуды (HTTPS) қолдайтын сайттарды ғана пайдаланыңыз. Браузердің мекенжай жолында URL алдында иконка құлыпшасы болуға тиіс. Ол сайттың шифрмен қорғалған қосылуды пайдаланатынын және деректер алмасу ашық түрде болмайтынын білдіреді. Мынадай цифрларды қамтитын URL бар дүкенге сенуге болмайды, мысалы: http://66.102.7.104@65465.51456jD% – бұл алаяқтар болуы мүмкін.2. Өзіңіздің байланыс құрылғыңызды пайдаланыңызWi-Fi-ға қол жеткізудің қоғамдық нүктелері ерекше қауіп төндіреді. Wi-Fi арқылы интернет-кафеде және құрылғыларды сізден басқалар пайдаланатын басқа орындар арқылы көпшілік орындарда Интернет-шопингтен бас тартқан дұрыс. Көп жағдайда сол қоғамдық ашық желілерде қаскүнемдер бөтен деректерді іздеп-бағып отырады. Өз құрылғыңыздың қауіпсіздік функцияларын пайдаланыңыз (вирусқа қарсы қорғаныс құралдарын орнату және уақтылы жаңарту, оларды мезгіл-мезгіл ауыстыратын күрделі парольдерді пайдалану, биометриялық идентифкаттау және іс-қимылды растау, компьютерде немесе мобильді құрылғыда сезімтал деректерді ашық түрде сақтамаңыз).3. Онлайн-сатып алу үшін жеке картаны пайдаланыңыз&nbsp;Интернетте сатып алу үшін жеке банктік карта ашыңыз, оны тек осындай сатып алулар үшін ғана пайдаланатын боласыз және ол жалақы немесе жинақ шотына тіркелмеген болады. Виртуалдық картаға ақшаны тек сатып алардың алдында ғана аударыңыз, ал қосымша қауіпсіздік үшін картаға күндізгі лимит белгілей аласыз.Егер сіз балаңызға өз гаджетіңізді пайдалануға рұқсат етсеңіз, баланың кездейсоқ онлайн -сатып алуы немесе ақылы ойындарды жүктей алмауы үшін төлем картаңыз байланысқан барлық аккаунттардан шыққаныңызға көз жеткізіңіз. Apple Appstore, Google Play-де цифрлық контентті сатып алу үшін қосымша растау теңшеуін пайдалану ұсынылады. Өкінішке орай, дәл осындай сатып алулар үшін ақшаны қайтару мүмкін емес немесе өте қиынға соғуы мүмкін, өйткені алаяқтық фактісі болған жоқ.4.Сатып алушылардан келген кері байланысқа талдау жасаңызТауар туралы пікірлерді дүкеннің сайтынан ғана емес, сонымен қатар интернеттегі іздестіру арқылы да оқыңыз. Егер тауардың сапасына, жеткізу мерзіміне, осы дүкен қызметкерлерінің әрекетіне немесе әрекетсіздігіне риза болмаған және ашулы адамдар саны көп болса, осы онлайн-дүкеннен сауда жасаудың мақсатқа сай екендігі туралы ойланыңыз. Көп пікірдің жалған болуын, тапсырыспен жасалатындығын да естен шығаруға болмайды. Нақты пікірлерді жалған пікірлерден ажырата біліңіз.5. Төлем тәсілін таңдаңызОнлайн-дүкен неғұрлым көп төлем тәсілдерін ұсынса, соғұрлым жақсы. Егер ақшаны жеткізу кезінде немесе аудару арқылы төлеуге болса, тіптен жақсы. Алайда сіз бәрібір онлайн түрде сатып алсаңыз, онда сатып алуды жүзеге асырғаннан кейін сізге электрондық поштаңызға тапсырыстың растамасы, электрондық шот не фискалдық чек келуге тиіс. Егер сіз осы деректерді алмасаңыз, онда тауарды/қызметті ұсынатын компаниямен, жеткізушімен дербес хабарласуыңыз керек – мүмкін, техникалық іркіліс болған шығар, сондай-ақ сіздің алаяқтардың интернет-бетінде мәміле жасағаныңызға күдіктену үшін негіз болуы мүмкін. Электрондық поштамен келетін барлық чектер мен төлем растамаларын сақтаңыз.Сатушының адал емес екенін растайын тағы да бір белгі – бұл ақы төлеу үшін сізге картаның деректері арнайы төлем шлюзіне өтпей тікелей сайтқа енгізу ұсынылады немесе бір ғана нұсқа: картаның деректерін енгізу ұсынылады. Тауарлар мен қызметтер үшін онлайн-есеп айырысудың криптовалюталық әдістерін пайдалануға болмайды.<figure class="image"><img src="https://knadmin.beoblood.kz/uploads/cecf6c8bd94aed21d5c3d4afadb0b7dc_b1a8f673ba.png" alt="cecf6c8bd94aed21d5c3d4afadb0b7dc.png"></figure>Желідегі сатып алу қолайлылық, уақытты үнемдеу, ауқымды таңдау, бағаны мониторингтеу және салыстыру сияқты көптеген артықшылықтарға ие. Көптеген жағдайларда интернет-дүкендерде тауарлар әдеттегі дүкенге қарағанда әлдеқайда арзан, тиімді акциялар өте жиі өткізіледі және жеңілдіктер беріледі.Дегенмен, онлайн сатып алудың тәуекелдері де бар. Онлайн-дүкендегі фотосуретте көрсетілген өнім шындыққа сәйкес келмеуі мүмкін. Сондай-ақ, онлайн сатып алудың айтарлықтай тәуекелі – қаржылық алаяқтықтың ықтималдығы – тікелей алдаудан және сіздің ақшалай қаражатыңызды ұрлағаннан бастап, зиянды бағдарламалық қамтылымды таратуға және техникалық құрылғыларды бұзуға дейін.Сондықтан Интернет желісінде кез келген қаржылық операцияларды жасаған кезде сіз екі есе қырағы болуыңыз керек. &nbsp;Өзіңізді және ақшаңызды сақтаңыз, қаржылық сауаттылығыңызды Fingramota.kz-мен бірге арттырыңыз!&nbsp;

Онлайн сатып алу кезіндегі қауіпсіздік қағидалары  

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Берік Сәрменбаев «Қызылдихан» шаруа қожалығының күріштігіне барып, егінге дайындық жұмыстарымен танысқан болатын. &nbsp;іргелі шаруашылықтың төрағасы Алданберген Құлбаев атқарылып жатқан жұмыстарды баяндап берді.Биыл шаруа қожалық 800 гектар жерге күріш дақылын егуді жоспарлап отырған жайы бар. Одан өзге қазіргі таңда 106 гектар жерге жаңа жоңышқа егілсе, 62 гектар жердегі ескі жоңышқа күтімге алынғаны мәлім. Суды үнемдеу бағытында шаруашылық лазерлі жер тегістегіш техникасымен 600 гектар жерге тегістеу жұмысы жасалуда.Аудан басшысы шаруашылық еңбеккерлеріне егіннің мол болуына, еңбек адамының мерейінің тасуына тілектестігін айтты.Жалпы, биыл аудан бойынша 33850 гектар жерге ауыл шаруашылығы дақылдарын орналастыру межеленген. Оның ішінде негізгі дақыл күріш 21885 гектарға, жаздық бидай 1681 гектарға, мақсары 250 гектарға, сүрлемдік жүгері 80 гектарға, жаңа жоңышқа 1828 гектарға егіледі. Сондай-ақ меже бойынша картоп 431 гектар, көкөніс 206 гектар, бақша 418 гектар, ескі жоңышқа 7071 гектарды құрады. Осы күні ауыл шаруашылығы құрылымдарында жалпы 3565 гектар ақ егіс егілді. Оның ішінде 180 гектар мақсары, 1683 гектар жаздық бидай, 1702 гектар жаңа жоңышқа орналастырылды. Сонымен қатар негізгі дақыл күріштің 560 гектары егіліп, 120 гектары суға бастырылды. Яғни, ауданда егін егу жұмыстары басталды. Егіске қажетті 10010 тонна минералдық тыңайтқыш толық сатып алынған.Көктемгі дала жұмыстарына жүргізуге барлығы 758 дана ауыл шаруашылығы техникалары қатысуда. Атап айтқанда, 360 трактор, 201 трактор тіркемесі, 87 соқа, 47 дән сепкіш және 63 жүк көлігі егін егу жұмыстарына пайдаланылуда.Егінге қажетті су келетін арналар жоспар бойынша тазартылуда. Мәселен, қашыртқылар, каналдарды тазалау, гидротехникалық құрылыстарды жөндеу жұмыстары бойынша жұмыстар толығымен аяқталып, бүгінгі күнге «Шіркейлі» каналымен 30,0 текше метр, «Әйтек» каналымен 3 текше метр егіске су жіберілуде. Негізінен, өткен жылы облыстық бюджеттен 198 млн теңге қаржы бөлініп, облыстық табиғи ресурстар және табиғат пайдалануды реттеу басқармасы арқылы 6 каналдың 56,2 шақырымына механикалық тазарту жұмыстары жүргізілді. Атап айтқанда, Іңкәрдария ауылындағы «Ақтам» каналының 14,3 шақырымына, Аманкелді ауылындағы «Қосапан» каналының 13,3 шақырымына, Айдарлы ауылындағы «Ақтам» каналының 6,7 шақырымына, Жетікөл ауылындағы «Жыңғылдыкөл» каналының 4,7, «Хозцентр» каналының 7 шақырымына, Шіркейлі ауылындағы «Байділда» каналының 10,2 шақырымына тазалау жұмыстары жүргізілді. 2023 жылы елді мекендерді экологиялық аяқ сумен қамтамасыз ету мақсатында А.Тоқ-мағамбетов ауылдық округінде орналасқан «Қашыртқы» (3,8 шақырым), Аманкелді ауылдық округінде орналасқан «Хозцентр» (2,2 шақырым), Жетікөл ауылдық округінде орналасқан «Жыңғылдыкөл» (6,5 шақырым) каналдарын механикалық тазалау жұмыстарын жүргізу жоспарлануда.Қосымша елді мекендерді қажетті насос қондырғыларымен қамтамасыз ету мақсатында биыл 19 насос құрылғысына сұраныс беріліп, елді мекендерге жеткізілді. Оған қоса биыл механикалық тазалау жұмыстарына 6 каналға жобалық-сметалық құжат әзірлеу үшін облыстық бюджеттен 8,3 млн теңге және елді мекендерді аяқ сумен қамтамасыз ету мақсатында насос қондырғыларын алу үшін облыстық бюджеттен 52 млн теңге қаржы бөлінді. Механикалық тазалау жұмыстары жүргізілетін 6 каналдың қатарында Тереңөзек кентіндегі «Айтбай арық», С.Сейфуллин ауылдық округіндегі «Құрымбек», Шаған ауылындағы «Жиделі арық», Аманкелді елді мекеніндегі «Баржық» және Ақжарма ауылдық округіндегі «Ақжарма» мен «Дәулет-арық» каналдары бар. Ал Тереңөзек кентіне 2 электрлі насос, А.Тоқмағамбетов ауылдық округіне 2 дизельді насос алынатын болады.&nbsp;&nbsp;

Сырдарияда егін науқаны басталды 

<a href="https://kyzylorda-news.kz/">Kyzylorda-news.kz.</a> Ел экономикасының дамуына бағытталған басты қозғаушы факторлардың бір бағыты – кәсіпкерлік саласы екені жасырын емес. Елдің қазынасын толтырып қана қоймай, жұмыссыздықпен күресті оңтайландыруда да осы саланың беріп отырған серпіні тым ерекше. Сондықтан мемлекеттің де назарынан тыс қалмай, ұдайы қолдауға ие болып келе жатқан кәсіпкерлердің табысты еңбегі еселі десек қателеспейміз. Әсіресе бұл ретте жастардың өз ісін бастап, оны жандандыру, ары қарай дамытуға деген жоспарлары, сол жоспарды жүзеге асырудағы шаралары көңіл қуантады. Олардың кәсіпкерлікке деген көзқарасы мен тың идеялары тек өздерін емес, өзгелерді де шабыттандырып, осы бағытта еңбек етуге үлкен көмек болып отыр.Расында тәуелсіздікке қол жеткізгелі бері кәсіпкерлік бағытындағы түрлі қиындықтарды бастан өткердік. Ол жасырын емес. Бастайтын істі толықтай зерделеп, жоспарлап алмай қолға алынғандықтан кәсіптің өміршеңдігі де ұзаққа созылмағанын көріп, біліп жүрдік. Ал бүгінде жүйелі жұмыс пен жетістікке жетуге бағытталған бағдардың нәтижесінде ауданымыздың өзінде бірнеше мыңдаған азамат кәсіппен айналысып отыр. Мемлекет басшысы Қасым-Жомарт Тоқаев «2030 жылға қарай жұмыс күшінің үштен бір бөлігіне жуығы цифрлық дағдыларды меңгерген және ерекше қабілеттері бар жастар болады. Оларды тиімді пайдаланған жөн. Үкімет «Атамекен» Ұлттық кәсіпкерлер палатасымен бірлесе отырып, кадрларды әзірлеу үшін ұзақмерзімді бағыттарды айқындауға тиіс. Яғни алдағы 10-12 жылға арналған құзыреттер болжамын жасау қажет» деген болатын. Міне, кәсіпкерлер палатасының жұмысы қазірдің өзінде өз жемісін беріп отыр. Осындай бағытта барынша табысты еңбек етуді меңгерген Арсена Күшжанова өзінің ерекше жұмысымен тұтынушыларын таңдандырып келеді.1988 жылы көршілес Қырғызстанның Ыстықкөл облысында дүниеге келген кейіпкеріміз бүгінде Аралдың келіні, төрт баланың анасы. Отбасылық қызмет пен келіндік міндетін адал атқарып келе жатқан Арсена бүгінде кәсіпкерлік саласында жан-жақты бағын сынап, табысты еңбек етуде. Қазіргі уақытта косметикалық дүкеннің иесі тағы бір ерекше жұмысымен жұртшылықтың сұранысын қамтамасыз етіп келеді.Нақтырақ тоқталар болсақ, көздің жауын алатын түрлі пішіндегі сувенирлік сабындар жасап, өнімі кеңінен таралып үлгерген. Осы жайында сұрағанымызда кәсіп иесі:<blockquote>– Кез келген жұмысты бастауға бір себеп табылады ғой. Менің де өз себебім бар. Алғашында бұл тек хобби болатын. Бірақ декреттік демалыста отырған уақытымда 2017 жылы қызымның үстіне майда бөртпелер шықты. Ана баласы үшін қандай нәрсеге де дайын тұрады емес пе?! Мен де қызымның денсаулығына қатты алаңдадым. Сол уақытта эфир майы арқылы, басқа да қоспалар қосып, оның оң әсер беретінін білдім. Сосын осындай емдік қасиеті бар сабынды жасауды қолға алып, бірнеше данасын жасадым. Алғашында жақындарым және сабынның пайдасын естіген бірнеше адам сатып алды. Бірақ ол уақытта қазіргідей жарнамалауға мүмкіндік аздау болды. Сондықтан сұраныс та аздау болғандықтан, ол кәсіптен қол үзіп кеттім. Және дәл сол уақытта оны кәсіп қыламын деп ойламаған да болатынмын, – дейді А.Күшжанова.</blockquote>Бірақ қазіргі уақытта жарнамаға да мүмкіндік бар, халықтың да талғамы бөлек уақыт. Бүгінгі уақытта сәндік сабындарға да сұраныс өте жоғары. Тойтабаққа, өзге де тарту жасауға әсемдігі мен ерекшелігіне қарап сәндік сабындарға тапсырыс берушілер өте көп. Сондықтан сабын жасауға ден қойдым. Алдағы уақытта қолдан келер дүниені дамыту мақсатында жан-жақты жұмыс істеп, мемлекеттің қолдауын да пайдаланғысы келеді.<blockquote>– Өткен аптада ауданға арнайы келген Қызылорда облысы кәсіпкерлер палатасының директоры Пирмұхаммед Сыздықов көрмеге қойылған өнімімді көріп, ерекше қызығушылық танытты. Мұндай тың жаңалықты қолдауда облыстан да ерекше көмек болатынын айтты. Себебі мұндай сәндік сабын жасап отырған өзге кәсіпкер болмағандықтан, бәсекелестік те аз. Сол себепті әрі қарай дамытуға жағдай жасаймыз деді, – деп қуанышты жаңалығымен де бөлісті.</blockquote>Расында кәсіпкерлік саласында тың бастама мен жаңашылдық өте маңызды. Ендеше заман талабына сай өнім дайындап отырған Арсенаға біз де табыс тілейміз.

Аралдық кәсіпкер мемлекет қолдауы арқасында сәнді сабын жасауды қолға алды

<a href="https://kyzylorda-news.kz/">Kyzylorda-news.kz.</a> ​«Отан отбасынан басталады» деген дана халқымыз ежелден отбасы келешегіне немқұрайлы қарамаған. Отбасы – сыйластық, жарастық орнаған орта. «Ұяда не көрсең, ұшқанда соны ілерсің» деген.&nbsp;Отбасы – адамдардың әлеуметтік қауымдастығының ең ежелгі формасы. Ол – дін, нарық, мемлекет, әскер, саясат, білім сияқты әлеуметтік институттардан әлдеқайда ерте пайда болған.Отбасы бұл туысқандыққа, неке және бала асырап алуға негізделіп, адамдарды қайта өндіретін және тұрмыстың ортақтығымен, өзара өнегелік жауапкершілік және өзара көмекпен адамдарды біріктіретін әлеуметтік жүйе.Отбасы қоғам ұйымы болып табылады. Сондықтан, оның қызмет етуіне қоғамда болып жатқан барлық әлеуметтік-экономикалық және мәдени процестер әсер етеді.Отбасы жүйесінің ең маңызды ерекшеліктерінің бірі – ол бір мезгілде әлеуметтік институт сипатына да және шағын әлеуметтік топ сипатына да ие бола алады. Әлеуметтік институт ретінде, отбасы өнегелік және құқықтық заңдастырылған, қоғамдық және мемлекеттік қолдауға ие, жұбайлар, ата-аналар мен балалар және басқа да, туыстар арасындағы өзара қатынасты реттейтін әлеуметтік нормалар, санкциялар мен мінез-құлық үлгілерінің жиынтығымен сипатталады.Ұлын ұлтжанды, қызын қылықты етіп өсіру әр ата-ананың міндеті болуы да сондықтан. Ұстаздық жолын таңдаған, білім беру саласында талай жыл аянбай еңбек етіп, өңіріміздің ғылым мен білімін дамытуға өзіндік үлесін қосып жүргендер қаншама. Солардың қатарына Омаровтар жанұясын қосуға болады.Киелі әулеттің отанасы – Рахымкүл Орманқызы жастайынан сынып толы балаларға сабақ беруді қалаған. Бұл ойлағанына қол жеткізуі үшін өзі де мектеп қабырғасында мұғалімдердің айтқанын санаға мықтап тоқыған. Н.В.Гоголь атындағы педагогикалық университетін ойдағыдай тәмамдаған. Студенттік шақпен қош айтысып, ең алғаш еңбек жолын сол жылдары жаңадан ашылған С.Сейфуллин атындағы №165 орта мектептен бастайды. Аталған мектепте 40 жыл еңбегін сарп етіп, қазіргі таңда зейнеткерлікке шықты.Рахымкүл Омар қызығы мен қиындығы қатар жүрген ұстаздық жолында оқушылары аудандық, облыстық пән олимпиадалардың, ғылыми жобалардың, түрлі көркемсөз оқу шеберлері байқауының жеңімпазы атанды. Бұл білікті маманның еңбегі мен мейірімінің арқасында жүзеге асты.<blockquote>– Анамның мінезі ақжарқын, оқушылардың айтуынша, ол сабақ бергенде бар жан-тәнімен беріліп түсіндіруге мән береді екен. Бұл балаға жетік жеткізудің амалы деп білемін. Ал, үйде ана болған соң тәрбиеде қатал. Сабақ үлгерімімізді аса қатты қадағалайтын. Соның әсері ме, мен де мұғалімдік жолды таңдадым, – дейді ұлы Ғазиз Омар.</blockquote>Мұғалім – мамандық болса, ұстаздық қасиет, табиғат дарытқан құдірет екендігін жете түсінген Ғазиз Сұлтанбекұлы бүгінде анасының ізімен білім белесін бағындыру үстінде.<blockquote>– «Мұғалім өзінің білімділігімен, жүріс-тұрысымен, жайдары мінезімен, тіпті сырт пішіні, киген киімімен де оқушысына жақсы мағынада қатты әсер етеді» деп айтқан Мәлік Ғабдуллиннің пайымына қосыламын.</blockquote>Ұстаз дана адам, ол барлық оқушыларға пана болады. Сол себепті де, әл-Фарабиден бастап, ұстаздың сабырлылығына, даналығына барлық адамзат бас иеді деп ойлаймын. Ұстаз болу – өз уақытын аямау, өзгенің бақытын аялау деп түсінемін, – дейді жас мұғалім. Ғазиз Сұлтанбекұлы Қ.Жұбанов атындағы Ақтөбе мемлекеттік университетінде информатика мамандығы бойынша білім алған. С.Сейфуллин атындағы №165 мектепте информатика пәнінің мұғалімі және ұйымдастырушы педагог болып қызмет атқарғанына да бес жылға жуықтапты.<blockquote>– Мұғалім - барлық білім беру жүйесінің діңгегі, түп тамыры, жаны мен жүрегі. Өмірдегі көп мамандықтардың ішінде жан-жақты білімділікті, шеберлікті, икемділікті, мейірімділікті, ерекше шәкіртжандылықты қажет ететін де ұстаздық. Олай дейтінім, бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелейді. Ұстаз - үнемі шәкірттерімен қарым-қатынаста болып, «білсем, үйренсем» деген бала арманы мен оның сырлы тағдырына басшылық етуді мойнына алған мәртебелі маман. Сондықтан да қазіргі заманғы мұғалімдер ізденуші, зерттеуші, технолог, өнертапқыш, шығармашылықпен жұмыс істейтін жаңашыл болу керек. Бұл нағыз ұстаздың ғана қолынан келеді. Оқыта отырып тәрбиелеп, тәрбиелей отырып адамгершілігі мол, рухани бай адамды қалыптастырады. Мұғалімнің негізгі басты мақсаты да осы. Ұстаз атана білу, оны қадір тұту, қастерлеу, арындай таза ұстау - әр мұғалімнің борышы. Ол - өз кәсібін, өз пәнін, барлық шәкіртін, мектебін шексіз сүйетін адам. Өз ісіне деген қызығушылық пен сүйіспеншілік қана оны небір қиын әрекеттерге жетелейді, іске батыл кірісуге септігін тигізеді. Нәтижесінде талай жеткіншектің жүрегінде мәңгі ұстаз болып қалады. Ұстаздың осыншама қадір-қасиет, құрметке бөленуі - өзін қоршаған орта мен әрбір шәкіртіне асқан сезімталдықпен, жауапкершілікпен қарым-қатынас жасауында, – дейді Ғазиз Сұлтанбекұлы.</blockquote>Өйткені, оның білімі, мәдениетті сөзі, қарапайым да сыпайы киім киісі, әдепті жүріс-тұрысы, жинақы іс-әрекеті шәкіртке де, ата-анаға да, жұртшылыққа да өнеге. Ұлы ағылшын ағартушысы Уильям Уорд: «Жай мұғалім хабарлайды, жақсы мұғалім түсіндіреді, керемет мұғалім көрсетеді, ұлы мұғалім шабыттандырады»,- деген болатын. Бұл - әркімнің қолынан келе бермейтін, ерекше талантты қажет ететін, бай қиялды адамға тән қасиет. Сондықтан ұстаз күнбе-күнгі өзінің көп қырлы еңбегінде мазмұны әр түрлі кездейсоқ жайттардың туындап отыратынын алдын ала сезіп, болжап және оның оң шешімін табуға дайын болуға тиіс. Өз кәсібінің майталманы ғана осы мақсатқа рухани күш-жігерін, парасат-қуатын салу арқылы жететіні түсінікті. Сондықтан да ұстазды әр баланың жан-дүниесін танып-білуші әрі оны жеке тұлға етіп қалыптастырушы, ел болашағының мүсіншісі деуге болады. Әрбір шәкірт өзіне үлгі-өнеге болған сүйікті мұғалімін «Ұстазым» деп атайды. Осы тұста ұлы Абайдың: «Ақырын жүріп, анық бас, Еңбегің кетпес далаға. Ұстаздық еткен жалықпас, Үйретуден балаға»,- деген өлең жолдары еріксіз ойға оралады. Егер әр шәкірт өмірде бір кірпіш болып қаланып, өмірден өз орнын тауып жатса, төккен тер мен адал еңбектің ақталғаны емес пе?!Құдай қосқан жары Динара да білім саласында өз үлесін қосуда. Ол Ақтөбе мемлекеттік педагогикалық институтының филология факультетіннен түлеп ұшқан.<blockquote>– Осы отбасына келін болып түскеніме ризамын. Оқу орнын бітерген соң 2013 жылдан бастап, С.Сейфуллин атындағы №165 мектепте кітапханашы қызметін атқарып келемін. Кітапханашылық қызметті абыроймен атқаруыма анамның ықпалы өте зор болды. Маған көп дүниені үйретіп, оқушылармен қызықты жұмыс жасауыма ұйытқы бола білді. Қазіргі күні жолдасым екеуміз жас жеткіншектердің білім алудағы кезеңдеріне өз бойымыздағы қабілетімізді барынша жұмсап, олардың мектеп қабырғасындағы өмірлерінің өрелі өрілуіне үлесімізді қосып келеміз, – дейді Динара Ақниетова.</blockquote>Ұстаз еңбегінің арқасында әкім де, қара да, ғалым да, дарын да, бәрі-бәрі өз биіктеріне көтеріле алды. Ұстаз салған сара жолмен жүріп, ол нұсқаған сүрлеумен ғана ілгері басып келе жатқан буынның саны артпаса, кемімесі анық. Осындай үлгі-өнегеге толы отбасы қоғамды көркейтері сөзсіз.Жиырма бірінші ғасыр - білімділер ғасыры. Ендеше, баланың екінші ата-анасы, болашаққа айқын жол сілтер ақылшысы бола білген мұғалім мейірімге толы жүрегімен, бойындағы білімімен, парасатымен талай шәкіртті ақылды, мəдениетті, интеллектуалдық өрісі кең, заман талабына сай жан-жақты ақпараттандырылған, бәсекеге қабілетті заманға еркін енетін белсенді ұрпақты тəрбиелеп, мәртебелі мамандық иесі бола беретініне сенім жоғары.

Сыйластыққа толы мәртебелі отбасы

<a href="https://kyzylorda-news.kz/">Kyzylorda-news.kz.</a> ​Айдынды Аралмен ежелден төсекте басы, төскейде малы қосылған көршілес Қазалы ауданы таланттардан кенде болған емес. Тіпті, кешегі өткен Байназар Өтеповтің, Мәскеуде жоғары әдеби біліммен сусындаған, атақты қаламгер – Шыңғыс Айтматовтың «Жәмила» повесін алпысыншы жылдары қазақша сөйлеткен, ұлы жазушымен дос болған сындарлы сыншы – Қалжан Нұрмаханов, Балтабай Тәжімбетов, Бекділда Алдамжаров, Әнес Нарымбетов, Рүстем Жанаев, Сейітқұл Оспанов, бүгінгі арамызда жүрген Молдахмет Қаназ, Арал, Қазалының төл перзенті іспеттес, мемлекеттік сыйлыққа үкілеп қосып отырған халықаралық «Алаш» әдеби сыйлығының иегері – Қуаныш Жиенбайдың есімдерін кім білмес?! Солармен қанаттас, қабаттас, туғалы қасиетті Қазалы топырағында мекен еткен ақын-журналист Жетіскен Мәкенәлінің есімін ел-жұрты мақтан тұтады.Қазалы ауданында адамдары аузын ашса, жүрегі көрінетін Аранды атты ауыл бар. Жетіскен осы ауылдың перзенті. Ақын кіндік қаны тамған топырағына ұқсайды деген қанатты сөз бар. Рас шығар, бір көргенде, Жетіскен тұйық азамат сияқты. Таныса, сөйлесе келе, оның көпшіл, сыршыл екенін аңғаратынбыз.Иә, Аранды ауылындағы әкесі Мәкенәлі мен анасы Күләйдің құтты шаңырағында 1952 жылы 7 маусымда жарық дүниеге келген Жетіскен орта мектептен соң Қызылорданың медициналық училищесіне оқуға түсіп, оны, 1971 жылы фельдшер мамандығы бойынша тәмамдады. Сөйтіп, бірінші санатты фельдшер дәрежесімен денсаулық саласында он екі жыл қызмет атқарды.Жетіскеннің арманы ақ желеңді дәрігер болу еді. Өмір, бірақ, өз дегенін жасайды екен. Бұған себеп болған, ол бала жасынан сол кездегі аудандық «Ленин туы», республикалық «Қазақстан пионері» газеттеріне мектеп қабырғасында дүниеге келген алғашқы өлең-мақалаларын күн құрғатпай жолдап жататын. Соның әсері ме, Жетіскен бір кездері екінші тынысы ашылған жүйріктей әдебиет ауылына ат басын бұрды. Сөйтіп, 1983 жылы 5 мамырда (сол кездері бұл Кеңестік баспасөз күні болып есептелетін) Қазалы аудандық «Ленин туы» газеті редакциясының табалдырығынан имене аттады. Ауылдан үзбей жазып, газет жұмысына белсене араласып жүрген ол, басылым редакторлары – Тиышбай Шерекенов, Киікбай Ізетов, Әлмәмбет Әлішев сияқты тіс қаққан қаламгерлермен бес жыл шығармашылық тығыз байланыста қызмет атқарды.1988 жылы сол кездегі Қазалы аудандық партия комитетінің бірінші хатшысы марқұм, Елеу Көшербаев журналист ақын Жетіскен Мәкеналыны аудандық мәдениет бөлімінің басшылығына ұсынды. Зерделі, жастардың жанашыры болған білікті басшының ұсынысы облыстық салалық басшылық пен аупарткомның бюро мүшелері тарапынан кеңінен қолдау тапқан. Сөйтіп, отыз алты жастағы Жетіскен бұл өңірдің аузынан ақық жыр, көмейінен бұлбұл ән, кеудесінен күмбір-күмбір күй төгілген өнерлі өрендерді маңайына топтастырды. Жетіскен бөлімді басқарған жылдары Қазалының өнеріне берісі, Сыр бойы, әрісі Алматының талғампаз көрермен қауымы дән риза болды, талай жас таланттар көптеген байқауларда томағасын сыпырып, топқа салған түбіт қанат қырандардай биікке самғады.Әу баста, жүрек толқынысын баса алмай, қорқасоқтап, тізгінін ұстаған бұл қызметті 1995 жылдың тамызына дейін, мұнан соң, әр жылдары тілдерді дамыту саласында, сол кездегі ішкі саясат секторында бас маман, Ғ.Мұратбаевтың тарихи-мемориалдық музейінде аға ғылыми қызметкер, 2002-2005 жылдары екінші мәрте аудандық мәдениет және тілдерді дамыту бөлімінің бастығы болып қызмет атқарған.Аудан басшылары Жетіскен журналисті әр қияға салып, оның қай қызметтің тізгінін ұстаса да, қапы қалдырмайтынын түсінді. Шынында, солай болып шықты. Осындай қилы-қилы басшылық қызмет атқарып жүрсе де, Жетіскен әріптесіміз бәз баяғы кішілік қалпынан жазбады. «Асыл адам айнымас» деп осындайда айтса керек.Ол үшін мүттайым мансаптан гөрі шырайлы шығармашылығы анағұрлым артық. Осы уақытқа дейін «ХХІ ғасырға аманат» атты алғашқы жыр жинағы Қызылорда қаласындағы «Тұмар» баспасынан басылып шықса, ал 60 жастың асқарына аттаған тұста ақынның «Тағдырмен тілдесу» жыр кітабы жарық көрді. Бұған әр жылдары оқырман қолына тиген «Ортаймаған қазаны, қазыналы Қазалы», «Тамыры терең, тарихы кенен – Қазалы» жинағының үш кітабы, «Асандар көтерілісі», аралдық қаламгер Толыбай Абылаевпен бірігіп жазған «Нұрбай би» және Шығыс жастарының көсемі болған Ғани Мұратбаев туралы деректі жинақтарын қосыңыз.Жетіскенді қарт Қазалының көзі қарақты, сөзі қанатты қаламгері десек, артық айтқандығымыз болмас. Тарихы бағзы оғыздармен еншілес осы аймақтың шежірешісі іспеттес ол. Қазалының өткені мен бүгіні туралы ерінбей, жалықпай жазған ізденіске толы деректі кітаптары Жетіскеннің жетістігі дер едім.Бұл жөнінде, «Денсаулық» журналының бас редакторы, белгілі жазушы Молдахмет Қаназ ағамыз:<blockquote>– Анда-санда «кір жуып, кіндік кескен» туған жерге барсақ, елпектеп алдымыздан шығатын Жетіскен ініміз. Қазыналы Қазалының арғы-бергі тарихын түртінектеп жарыққа шығарып жүрген де сол. Қолға қалам ұстаған адам көп болғанмен Жетіскеннің орыны бір төбе. Қазалы туралы дерек қажет болса, дереу Жетіскенге хабарласамыз. Ол осы ауданның арамызда жүрген архиві сияқты, – деп дөп басып айтады.</blockquote>Туған ауданының құрметі мен ықыласын еншілеген Жетіскен құрдасым сүйікті жары Марияш екеуі ұланақтай төрт ұл, қызанақтай бір қыз тәрбиелеп, қияға ұшырды. Айтпақшы, Марияш Арал ауданындағы Қызылжар ауылының қызы. Әкесі Мардан Дәрібаев бұл өңірге белгілі кісі болған кезінде. Марияш замандасымыздың немере ағасы – қазақтың белгілі ақыны, марқұм Жарасқан Әбдірашев. Жетіскен – ақын азамат. Оған төмендегі өлең жолдары толық куә бола алады.Армысың, жиырма бірінші жаңа ғасыр! Ізгілік сыйлаймысың ұлан-асыр. Өзіңмен сәл ғана бір тілдесейік, Ақынның жүрегінде қала ма сыр?! – деп толғанады ақын құрдасым.Бір сөзбен айтқанда, ақын-журналист Жетіскен Мәкеналының алған асуы босқа жеткен жоқ. Оған шығармашылық шырайлы белестері куә.

Шығармашылық шыңды бағындырған азамат

Самұрат Имандосов: Тынбай еңбек етсең ғана, оның нәтижесін көресің

<a href="https://kyzylorda-news.kz/">Kyzylorda-news.kz.</a> Қызылорда қалалық мәслихат төрағасы Ибадулла Құттықожаев және депутаттар &nbsp;Бәйтерек тұрғын ауданы тұрғындарымен кездесті. Кездесу барысында тұрғындар өзекті мәселелермен бөлісті.Мәселен, биылғы жылы Бәйтеректе ұзындығы 11,8 шақырым болатын 7 көшеге асфальт төселген. Тұрғындар осы жолдың сапасына қатысты, жол жиегін &nbsp;(обочина) стандартқа сәйкестендіру, жол бойындағы инженерлік жүйелерге орнатылған қақпақтардың ұрланып жатқандығы туралы мәселе көтерді.Бұл мәселеге орай, қалалық &nbsp;тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Ж.Файзуллаев қазіргі таңда аталған көшелердің сапасы арнайы сараптамада екендігін, сараптаманың оң қорытындысы шықпай көшелер қабылданбайтындығын жеткізді.Облыс әкімінің тапсырмасына сәйкес, қазіргі уақытта аталған аумаққа №22,25 қоғамдық көліктер жүруде. Тұрғындар тарапынан осы көлік бағыттарын тұрғын &nbsp;ауданның шеткі көшелерімен жүргізу туралы ұсыныс берілді.Бұған қатысты, жауапты мамандар жаңадан салынған көшелер толығымен қабылданған соң, қоғамдық көліктердің сызбасы қайта қаралатындығын жеткізді.Келесі көтерілген мәселелердің бірі - тұрғын үйлерді орталық кәріз жүйесіне қосу, ауыз су қысымын көбейту, қалып қойған жерлерді газдандыру, негізгі көшелерді жарықтандыру, қоғамдық қауіпсіздікті күшейту туралы &nbsp;болды. Бұл мәселелер бойынша нақты &nbsp;жоспарлар бар, алдағы уақытта шешімін таппақ.Кездесу барысында аталған тұрғын аудан депутаты Ә.Әбләзімұлы &nbsp; канал үстінен аяқ жол көпірін салу, тұйық көшелерге жол салу, тұрғын үйлерді кәріз су желілеріне қосу және басқа да мәселелерді &nbsp;шешу бағытында жұмыстар атқарылып отырғандығын жеткізді.Депутаттық аралау шарасына депутаттармен қатар, қала әкімінің орынбасары Ғ.Еркебай, қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Ж.Файзуллаев, учаскелік полиция қызметкері, мердігер мекеме басшылары, БАҚ өкілдері қатысты.Депутаттық кездесу барысында көтерілген мәселелерді шешу бағытында іс-шаралар жоспары қабылданып, жергілікті атқарушы органдармен бірлесе жұмыстар атқарылатын болады.

Қызылорда қалалық мәслихат депутаттары «Бәйтерек» тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Арал аудандық полиция бөлімінде егіздер қызмет атқарады. Егіздер жұптары жазылмай бір саланы таңдаған. Полиция капитаны Сағиев Байқазақ Аралбайұлы аудандық полиция бөлімінің Жергілікті полиция қызметі бөлімшесінің аға учаскелік полиция инспекторы, ал сыңары полиция капитаны Аралбаев Әліби Аралбайұлы бөлімнің учаскелік полиция инспекторы лауазымында қызмет атқарып келеді.Полиция капитаны Аралбаев Әліби Аралбайұлы қолы қалт еткенде шығармашылықпен айналысып, өнер жағынан өзінің шығарған жүрек жарды жыр шумақтарымен бөлімнің қоғамдық жұмыстарына қатысып белсенділік танытса, ал полиция капитаны Сағиев Байқазақ Аралбайұлы бос уақытында түрлі музыкалық аспаптарда ойнағанды жақсы көреді.Полиция капитаны Б.Сағиев нәтижелі жұмыстарының арқасында мақтаулы маман атанды. Өткен жылы Қазақстан Республикасының Ішкі істер министрлігінде кәсіби қасиеттерін, дене даярлығын, сондай-ақ халықтың пікірін тексеру жөніндегі комиссиямен таңдалған бірқатар үздік учаскелік полиция инспекторларының слеті өткізілді.Барлық қатысушылар грамоталар мен «Үздік учаскелік инспекторы» төсбелгісімен марапатталды. Слетке қатысушылар арасында полиция капитаны Сағиев Байқазақ Аралбайұлы бар. Адамға көмектесу-оның өмірлік ұстанымы мен басты борышы.Егіздер аудандағы қоғамдық тәртіпті сақтау мен қамтамасыз етуге қызмет етіп жүрген жас мамандар. 30 жастағы жігіттердің қатарласып бір салада жұмыс істеп жүргендеріне біріне 6 жыл, екіншісіне 9 жыл болды.Екеуі де қызметтерін адал атқарып, жоғары көрсеткіштерге ие болғаны үшін бірнеше рет Қызылорда ОПД-нің, бөлім бастығының, аудан әкімінің Грамоталары мен Алғыс хаттарымен марапатталған.<blockquote>«Екеуміз де өскенде форма киген полиция қызметкерлеріне қызығатын едік, екеуміз бір уақытта шаңырақ көтеріп, ата-анамызды қуанттық. Әкеміз Сағиев Аралбай Сағиұлы және анамыз Абдуллаева Қазына Абдуллақызы медицина саласында дәрігер қызметін атқарып, абыройлы зейнетке шықты. Қатарымыздан кем қылмай өсіріп, оқытты. Ата-анамызға деген алғысымыз шексіз» - дейді полиция капитаны Байқазақ Аралбайұлы.</blockquote>Егіздер бұл саланы таңдағандарына ешқашан өкінген емес. Әріптестері де оларды адал қызметкер ретінде құрмет тұтады.

Қызылорда Полиция департаментінде егіз полицейлер қызмет атқарады 

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Президент ретінде алғашқы Жолдауында «Бұқаралық спортты дамыту пирамидаға айналуы қажет. Оның басына чемпиондар шықса, соның негізінде біз сау әрі саналы ұрпақты, мықты ұлтты қалыптастырамыз» деген болатын.Осы мақсатта 9 сәуір күні аудандағы бірнеше мекеме қызметкерлері арасында шағын футболдан «Шиелі ауданы әкімі кубогының» турнирі бастау алған болатын. Ала доптың додасы әр жексенбі сайын аудандық спорт мектебінде өтеді.&nbsp; Бүгінге дейінгі 2 ойынның есебі бойынша 5 ұжым командасы алғашқы орындарға жайғасты. Атап айтқанда, «Шиелі Ардагерлер», «Шиелі РЭС», «Шиелі Өрт», «Мәдениет және спорт», «Аудандық полиция» командалары алғашқы бестікте көш бастап тұр. Айта кетейік, «Ардагерлер командасы» екі ойын нәтижесінде қарсылас қақпасына 15 доп соғып, 3 доп есе жіберді.Турнирге мемлекеттік қызметкерлер, құқық қорғау органдарының қызметкерлері, медицина, білім беру салалары мен орман, су, өртке қарсы қызмет, теміржол сынды бірқатар мекеме өкілдері және ардагерлерден жасақталған 14 бірдей команда қатысып жатыр.Ала доп бәйгесі әр аптаның жексенбі күндері ұйымдастырылып, бірнеше айға созылатын болады. Аталған турнир 26 кезеңнен тұрады.

Қазақстан және Қызылорда облысының жаңалықтары