Қазір&nbsp;суық күні өз сәбиін далаға тастаған 22 жастағы келіншекке қатысты тергеу жүргізіліп жатыр.Қарағандының қорғаншылық және қамқоршылық бөлімі баланы суық күні&nbsp;тұрғын үйдің кіреберісінің жанында көшеге тастап кеткен 22 жастағы анасына қайтаруы мүмкін екенін айтты.&nbsp;Бұл туралы&nbsp;<a href="https://stan.kz/karagandida-sabiin-kopkabatti-uydin-kireberisine-tastap-396433/">Stan.kz</a>&nbsp;ақпарат агенттігі хабарлайды.<blockquote>"Нәрестенің 22 жастағы анасының психикалық жағдайына қатысты сараптама жүргізіліп жатыр. Егер оның сол кезде өзін ұстай алмай немесе күшті психотроптық дәрі ішкені,&nbsp;баладан құтылсын деп біреу қандай да бір қысым жасағаны анықталса, онда баланы оған қайтаруға болады. Немесе оның ата-ана құқығын шектей алады. Әзірге оның әрекетіне құқықтық баға берілген жоқ. Ал сәбиді әдейі тастап кетіп, баланы көргісі келмей, өсіргісі келмесе, онда оған сәби берілмейді. Ол нәрестелер үйіне ауыстырылады. Есейген соң балалар үйіне ауыстырылады", –&nbsp;деп хабарлады Қарағанды ​​қалалық білім бөлімінің қорғаншылық және қамқоршылық бөлімі.</blockquote>Балаға жетім немесе бас тартылған бала мәртебесі берілсе, оны басқа азаматтар асырап ала алады. Ал әзірге оған ондай мәртебе берілмегендіктен, оны асырап алуға болатын үміткер ретінде қарастыруға болмайды.2 апталық бала қазір балалар ауруханасында.22 жастағы келіншек пен 29 жастағы ер адамға қатысты "балаға қауіп төндіру" бабы бойынша қылмыстық іс тергеліп жатыр.Ер адамның өз отбасы, балалары бар екен. Ол 22 жастағы қызбен сырттан көңіл қосып жүріпті.Фото: ТЖМ

Көпқабатты үйдің кіреберісіне тастап кеткен сәбиді анасына қайтарып беруі мүмкін

<a href="https://kyzylorda-news.kz/">Kyzylorda-news.kz</a>. Аудан бойынша дене шынықтыру және спортпен жүйелі түрде шұғылданатын 31 208 адам бар. Бұл жалпы аудан тұрғындарының 39 пайыз үлесін құрайды.&nbsp;Аудан көлемінде тұрғындар арасында бұқаралық спортты дамыту мақсатында 75 спорттық іс-шара өткен. Оның бесеуі республикалық, алтауы қалааралық, елуі аудандық және он төрті кент, ауылішілік, мекемеішілік жарыстар.Жыл басынан бері ауданның спортшылары біршама жетістіктерге қол жеткізді. Қазақстан Республикасының чемпионаттары мен біріншілік жарыстарында аудан спортшылары 56 медальға ие болды. Оның &nbsp;29 алтын, 13 күміс, 14 қола.&nbsp;Сонымен қатар 10 грек-рим күресі бойынша спорт шеберіне кандидат, 5 бокс спорты бойынша, 1 еркін күрестен &nbsp;спортшы тіркелді. Унифайт спорты бойынша 1 спортшы спорт шебері атанды. &nbsp;&nbsp;&nbsp;&nbsp;I спорттық разряд бойынша волейболдан 3 спортшы аталынды.&nbsp;Өзбекстан Республикасы Хива қаласында өткен Гір спортынан Әлем біріншілігінде аралдық спортшылар 1 алтын, 3 күміс, 1 қола медаль иеленді.Әмбебап жекпе-жектен Қырғызстан Республикасында Азия чемпионатынан &nbsp;аудан спортшылары 7 алтын және Грузияның астанасы Тбилиси қаласында өткен әлем чемпионатында 7 алтын, 1 күміс медаль иеленді.&nbsp;Арал қаласында спортқа жаны құмар балаларды тәрбиелеп, чемпион шығарып, аудан абыройын асырып жүрген №19 Арал ауданының олимпиадалық резервтің мамандандырылған балалар-жасөспірімдер мектебінің қызметкерлерінің толымды тірлігі мен жеткен жетістігін тілге тиек етпеске болмас. Себебі осы мектептен тәй-тәй қадам басқан жас өрендер қазір спорт шебері, Азия және Әлем чемпионы болып, еліміздің көк байрағын желбіретіп жүр. Олардың жеңісті жолында аталған мектептің алар орны ерекше. Серік Алмағамбетав басшылық жасайтын мектептің жайына толығырақ тоқталып өтсек.&nbsp;Мұнтаздай етіп жинақталған, жаз мезгілінінде маңайы гүлмен көмкеріліп жататын бұл мекеме көңілге жайлылық, бойға серпіліс беретіндей. Бокс, күрес, дзюдо, таеквондо, каратэ, жекпе – жек залдары &nbsp;спортшы оқушылар киім ауыстыратын және жуыну бөлмелері де қарастырылған. Бұған қоса Аманөткел, Қамыстыбас елді мекеніндегі спорттық сауықтыру кешені де аталған мектеп құрамына кіреді. Сонымен қатар Қаратерең және Аралқұм орта мектептерінің залдарын пайдалана отырып бокс және грек-рим бөлімшелері жұмыс жасап тұр.Өткен оқу жылында мектепте 11 спорт бөлімшесі жұмыс істеген. Атап айтар болсақ, бокс, еркін күрес, грек-рим күресі, дзюдо, таэквондо, каратэ жекпе-жек сынды батылдық қайрат қалыптастыратын секциялар, баскетбол, волейбол, футбол және әмбебап спорт түрін меңгеруді меңзеген жастарған арналған бөлімшелер. Қазіргі таңда мектепте осы аталған бөлімшелер бойынша 36 &nbsp;жаттықтырушы жұмыс істейді.&nbsp;– Жыл сайын мектеп абырой бейігінен көрініп, спортшыларымыз көк байрағымызды көкте қалықтатып жатады. Әрине, мұның бәрі тыңғылықты дайындық, мол ізденіспен келетін дүние. Өткен оқу жылында №19 Арал ауданының олимпиадалық резервтің мамандандырылған балалар-жасөспірімдер мектебінде жалпы саны 11 спорт түрі бойынша, 112 топта барлығы 1368 оқушы спортпен шұғылданды. Оның ішінде спорттық сауықтырудың 29 тобында 504 оқушы, алғашқы дайындықтың 35 &nbsp;тобында 442 оқушы, оқу-жаттығу бойынша ашылған 38 топта 362 оқушы, спорттық жетілдіруге арналған 10 топта 60 оқушы алуан түрлі спорт түрінен дайындалды. Оқушылар артылған үміт пен жұмсалған күшті ақтай білді. Спортшыларымыз Алпамыс Болатұлы грек-рим күресінен Семей қаласында өткен жасөспірімдер арасындағы ҚР чемпионатында І орын, Ибраймов Айбат еркін күрестен Талдықорған қаласында өткен жастар арасындағы ҚР чемпионатында ІІІ орын, Тымақова Нұрдана, Олжабаева Айкен, Романқызы Нұрай волейболдан кіші жасөспірім қыздар арасында Шымкент қаласында өткен қысқы және Өскемен қаласында өткен көктемгі ҚР чемпионаттарында І орын, Естайұлы Әділбек волейболдан Талдықорған қаласында өткен жасөспірім ұлдар арасындағы ҚР чемпионатында ІІ орын иеленді, - деді Серік Алмағамбетов.Сондай-ақ жас өрендер әлемдік додаларда бой көрсетіп қана қоймай, еліміздің көк байрағын көкке көтерді. Унифайттан (әмбебап жекпе жек) Грузия мемлекетінің астанасы Тбилиси қаласында өткен жасөспірімдер арасындағы Әлем чемпионатында Диас Ғалымжанұлы, Жансүйен Мұхтарұлы, Мансұр Өтебай, Бақытжан Серікбай, Ерасыл Сәдіров, Ернұр Әбжамиев жүлдеді І орынды иеленге. Осы жарыста &nbsp;Кемалов Нұралы 2 орын алғанына да айта кету керек. Ерекше атап өтуге болады, унифайттан аралдық спортшылар талай биікті бағындырып жүр. Қырғызстан елінің Ыстықкөл қаласында өткен жастар мен жасөспірімдер арасындағы Азия чемпионатында, Түркістан қаласында өткен жасөспірімдер мен жастар арасындағы ҚР чемпионатында, Байқоңыр қаласында өткен жасөспірімдер арасындағы ҚР чемпионатында бірқатар жасөспірім спортшылар жеңіс түғырынан көрінген.&nbsp;– Толық түйіспелі жекпе-жектен Алматы қаласында өткен жасөспірімдер арасындағы ҚР чемпионатында Кеңесбаев Ерасыл І орын, Өтебай Мансұр, Ғалымжанұлы Диас ІІ орын, Өтеумағамбетов Марғұлан, Серікбай Бақытжан ІІІ орын, жекпе-жектен Түркістан облысы, Қазығұрт ауданында өткен жасөспірімдер арасындағы ҚР чемпионатында Әбжамиев Ернұр ІІ орын еншіледі. Ал аталған жарыста ІІІ орын алған Серікбай Бақытжан оқу жылы ішінде таэквондодан Алматы қаласында өткен жастар арасындағы ҚР чемпионатында ІІІ орын иеленіп жеңісті белестерді бағындырған болатын. Панкратионнан Қостанай қаласында өткен жасөспірімдер арасындағы ҚР чемпионатына қатысқан жас өрендер де жүлдесіз қайтқан жоқ. Осы жылы грек-рим күресмен шұғылданатын спортшыларымыз Алпамыс Болатұлы мен Әмірмұхан Қабылов Қазақстан чемпионатын жеңіп, Әлем чемпионатына қосуды жоспарлап отырмыз, - дейді мектептің басшысы.&nbsp;Мектепте аудандық мәдениет және спорт бөлімімен бірлесе отырып, спорттың бірнеше түрінен жыл сайын аудандық, облыстық, республикалық жарыстар өткізіліп тұрады. Атап айтқанда, еркін күрестен Сахытжан Мүсенов атындағы республикалық турнир, Жасағанберген Қазтуғанов атындағы облыстық турнир, грек-рим күресінен Дәри Құттымұратов атындағы республикалық турнир, бокстан Жалдыбай Нұрпейісов атындағы облыстық турнир, баскетболдан Алмас Жанназаров атындағы облыстық турнир, волейболдан Асхат Аханов атындағы қалааралық турнир, футболдан Аманқос Есмұрзаев атындағы аудандық турнирлер өткізілген.&nbsp;Жоғарыдағы айтылған жеңіс жолы мен жасалған жұмыстар алдағы уақытта да жалғасын табатынын мектеп директоры да тілге тиек етіп қалды.Спортқа құмар жандардың шамшырағын жаға білген, оларға дұрыс жол нұсқап, бағыт-бағдар беріп отырған спорт мектебі ұжымының да еңбегі орасан зор.

Аралдық спортшылар 56 медальға ие болды

<a href="https://kyzylorda-news.kz/">Kyzylorda-news.kz.</a>&nbsp; Ұлттық құндылық құлдырамас үшін қазаққа тән өнер туындыларының өрісін кеңейтуіміз қажет. Сан жылдар бойы кілем тоқу өнерін жаңғыртып, шеберлігімен елге танылған Роза Әлбатырова өз кәсібінен ешқашан жалыққан емес. Аяулы ана жанына өзі секілді ісмер қыз-келіншектерді жинап, түкті кілем тоқудың қыр-сырын үйретіп жүр. Қай кезде де, өз ісінің майталманы екенін дәлелдей білетін қолөнер шебері қажырлы еңбегінің арқасында «Сырдария ауданының Құрметті азаматы» атағына қол жеткізіп отыр. Кейіпкеріміз 1953 жылы Сырдария ауданына қарасты Айдарлы ауылында өмірге келген. Биыл жетпістің желкенін керген&nbsp; қолөнер шебері осыдан 52 жыл бұрын туған ауылындағы №139 орта мектепті&nbsp;тәмәмдап, Қызылордадағы профкооптехучилищеге оқуға түскен екен.&nbsp; Аталған оқуды бітірген ол – 7 жыл қой бағып, мал шаруашылығы саласын меңгерген. Бұл ретте, еңбек пен ізденісті ұштастырған жан Айдарлы ауылындағы тұрмыстық қажетті өтеу комбинатының шеберханасын басқарған уақытта сауда-саттық қызметіне ма­шықтанады. – Ең алғаш тігін тігу, кілем тоқу өнерімен 7 жасымнан бастап айналаса бастаған едім. Ұлттық өнерді барынша ұлықтау үшін кіш­кентайымнан кілем тоқуға икемделе түстім. Мол мұрамызды ата-бабаларымыз ұрпақтан-ұрпаққа аманат етіп табыстағаны белгілі. Әрине, кілем тоқудың негізгі технологиясы күрделі. Үнемі табандылықты, төзімділікті, икем­ділікті, асқан ыждағаттылықты қажет ететін қолөнерді жаныма серік еткеніме дән ризамын. Өмірімнің басым бөлігі кілемнің сан түрлісін тоқуға арналды. Қазіргі уақытта із­басар шәкірттерім ұлттың ерекше өнерін жалғастыруға ынталы, – дейді&nbsp;қолөнер шебері&nbsp;Роза Әлбатырова.&nbsp; Өзінің сүйікті ісіне берілген шебер осыдан 2000 жылы үйінің жанынан кілем тоқу бөлмесін ашқан. Сонымен қатар Роза Әлбатырқызы ұлттық өнерді көпшілікке кеңінен насихаттау мақсатында үкіметтік емес ұйым өкілдерінің құрамында болып, табанды жұмыс&nbsp;істеген. Мәселен, «Игілік» корпоративтік қорынан жоба қорғап, арнайы шеберхана ашуға мүмкіндік алған. Бұдан бөлек, «Азаматтық Альянс» қоры арқылы 3 жоба қорғап, 2012 жылы өзінің қоғамдық бірлестігін ашқан. Қоғамдық бірлестік ашудағы негізгі&nbsp;мақсаты – қазақтың құнды мұрасы түкті кілемді жастарға, жұмыссыз қыз-келіншектерге үйрету арқылы дамыту, ұлттық өнерді өркендету, әлемге танытып халқының мақтанышына айналдыру. Шын мәнінде, қазақ қолөнерін дамытуға қосқан зор үлесі үшін Роза Әлбатырова көптеген жоғары марапаттарға қол жеткізе білген. Анығын айтқанда, өнер майталманы 2008 жылы сол кездегі «Нұр Отан» ХДП-ның «Мәдени мұра» бағдарламасы аясында «Дәс­түрлі өнер» байқауының бас жүлде иегері, 2010 жылы «Әлеуметтік коммуникациялық жастар клубының» «Ең үздік қолөнер шебері» номинанты атанды. Сондай-ақ 2011 жылы облыстық «Қанатты әйел» байқауының бас жүлдесін, «20 жылға – 20 туынды» байқауының арнайы дипломын, «Гагарин көктемі» республикалық көркемөнер көрмесінің арнайы дипломын, «Тәуелсіздікке 20 жыл» алғыс хатын, рес­публикалық «Қанатты әйел-4» Форумының «Ең үздік қолөнер шебері» номинациясы бойынша ІІ орын иемденген. Ал бірнеше жыл қатарынан «Қара өткел жәрмеңкесі – 2012» бойынша арнайы диплом, «Қолөнер – сырлы өнер» көрмесінің «Алғыс хатын», шағын және орта бизнес байқауының дипломын қанжығасына байлады. 2015 жылы Астана және Алматы қаласында өткізілген ұлттар ұйымының 4 конференциясының қатысушысы. Осы жылы «Қолөнер – сырлы өнер» атты байқауында кезекті рет жүлдегер атанған. 2013 жылдан бастап халықаралық USAID аймақтық ынтымақтастық арқылы дамыту жобасына қатысып, 5000$ долларлық грантын жеңіп алған. Әр жылдары қолөнер шебері бірнеше республикалық семинардың сертификатын еншілеген. Роза Әлбатырова айдарлылық Аман­келді Мұсабековпен отау құрған. Аяулы жан Құдай қосқан қосағымен 7 бала тәрбиелеп, 27 немере, 4 шөбере сүйді. – Менің осыған дейінгі жасаған еңбегім жерлестерімнің көз алдында өрбіді. Орасан жетістіктерге қол жеткізген сәттерімде ең алдымен ауылдастарымның ыстық ықыласын сезініп келемін. Ел азаматтары осыған дейін жасаған еңбегімді ескеріп, ауданның ең жоғарғы марапатына ұсынғанына алғысым шексіз. Бар ғұмырымды қазақ өнеріне арнаған мен үшін зор мәртебе болғанын жасырмаймын. Жақында Мемлекет басшысы Қасым-Жомарт Кемелұлы Сыр еліне сапары барысында жаңадан ашылған «Анаға тағзым» орталығына барғаны ел есінде. Бұл ретте, немерем&nbsp; Ақмарал Бегалы шәкіртімен бірге&nbsp; Мемлекет басшысына түкті кілемнің жасалу технологиясын көрсетті. «Рес­публика күні»&nbsp; мерекесі аясында зор құрмет көрсеткен ауданның атқарушы билік өкілдеріне шынайы ризашылығымды білдіремін, – деді қолөнер шебері.&nbsp;

Роза Әлбатырова: Өмірімнің басым бөлігі кілемнің сан түрлісін тоқуға арналды

Қармақшы ауданының бюджеті 13 млрд 925 млн теңгеге дейін ұлғайды

<a href="https://kyzylorda-news.kz/">Kyzylorda-news.kz</a>. Жуырда облыс әкімінің бастамасымен Қызылорда облысының 7 ауданында музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін типтік үлгідегі «Руханият» орталықтары салынады деген ақжолтай жаңалықты естіп қуандық. Аталған орталық ауданда бой көтеріп, ардагерлер бос уақытын тиімді өткізетін мүмкіндік қарастырылса қазыналы қарттармыздан бақытты жан болмас еді.«Қарты бар елдің қазынасы бар» деген сөз бекер айтылмаған. Расында өмірдің ақ пен қара жолағын қатар өтіп, өмір соқпағынан тәжірибе жинап, даналығымен жастарға үлгі болатын қариялар біздің бар байлығымыз. Өмірі еңбекпен өріліп, талай жыл таңын жұмысқа асығып атырған, күнін жұмыспен батырған еңбек адамдары бір алаңсыз демалуды армандайды. Ондай бақыт зейнет демалысына шыққан соң ғана бұйырар. Бірақ адам бітпейтін демалыстан да шаршайды ғой. Ауылды мекен еткен қария қорасына мал ұстар, бау бақшасын ермек етер. Ал қалада, тар шарбақта қоныс қылған ардагерлер ше? Олар қайтып уақыт өткізбек? Зейнетке шығып қарттық қуатын қайырлы іске жұмсай алмай аласұрған екіұдай күйде жүрген жандарға орталық керек-ақ.Елімізде ерлер 63 жаста, әйелдер 61 жаста, көпбаланы өмірге әкелген болса 53 жаста, ал әскери салада, ауыр өндірісте жұмыс істегендер 43 жаста зейнеткер атанады. 43 нағыз кемелденетін шақ. Бұл кезде зейнеткер атанған ер азаматтар көбіне 63 жасқа дейін қорғаушылық саламен байланысты жұмыстар істейді. Ал жас толтырып зейнет демалысын алған медицина, білім беру, басқа да салада жылдар бойы табанды еңбек еткен қариялар өздерін керексіз қалған адамдай сезініп, істерге іс таппай қиналатынын естіп жүрміз. Көбінесе зейнетке шығып үйде отырған жандардың негізгі шаруасы – мектеп пен балабақшаға баратын немересін апарып салу мен күтіп алу. Қартайған соң пейілі баладай өзгеріп, өкпелегіш келетін осы жандарға қартайған соң тойдан бөлек замандасымен жүздесіп, ермек болар іспен айналысып, уақытын тиімді өткізетін жердің жоқтығы қынжылтады.Бірде таныс құрбым өзінің өмірінің тең жартысын мемлекеттік қызметке арнаған әкесінің тым зерігіп жүргенін, немересін балабақшаға апару үшін ақ көйлек пен галстугін тағып шығатынын қарап, іштей таң қалып отырады. Бұл әңгімені келесі құрбым да іліп әкетті. Ол өзінің қайын атасының бұған дейін үйдің шаруасына аса зер салмайтын әдетінен айнып, бәрін жіті назарында ұстап, әрбір ісіне жағаласып, мазасыз болып кеткенін. Кейде үйге сыймай ештеңе алмаса да базар аралап келетінін айтты. Ал талай жылы қорғаныс саласында еңбек етіп, бүгін бейнетінің зейнетін көру үшін демалыс алған әкесінің күніне 4-5 мәрте қоңырау шалып, тынымсыз әңгіме айтатынын, сөйлесуге уақыт таппай жатса да әке көңіліне қарап, әр нәрсені сөз етіп көңілін аулап жүрген құрбым да бұл сөзді қоштай кетті.Әрине зейнет демалысы жақсы-ақ. Бірақ бойында қайраты бар адамға зейнет демалысына шыққан соң да ой сергітіп, көңіл аударар дүние керек. Осы тұста 40 жыл бойы денсаулық сақтау саласында еңбек етіп, соңғы 4 жылда зейнет демалысына шыққан Әбілғазы Ташауов:<blockquote>– Бұрын таңнын атысы, күннің батысы ел саулығы жолында еңбек еттік. Ол кезде уақыттың қалай өте шыққанын білмей қалатынбыз. Тіпті уақыт тез өтіп жатқандай, жетпестей болып көрінетін. Ал соңғы 4 жыл уақыт сол қырық жылға татығандай. Өзім мектеп бітірген соң жоғары оқу орнын тәмамдап келгелі бері медицина саласында еңбек еттім. Басқа іспен айналысуға мүлдем уақытым болған жоқ. Енді зейнет демалысына шыққан соң өзіме ермек болар іспен айналысайын десем, үй жануарларын бағып, бау-бақша өсіруге аулам тар. Газет-журнал оқып, теледидардан жаңалық қараймын. Елдің қуанышы мен қайғысына ортақтасып, той құдажолға барғанда замандастарымды көрсем, бір серпіліп қаламын. Жалғыз мен емес зейнет демалысына шығып, өздеріне көңіл аударып, ермек болар дүние таппай жүрген замандастарым көп. Біріміздің үйімізге қонақ болып бара беруге тағы қысыламыз. Әзірге қайратымыз бар. Жүріп-тұруға, бір іспен шұғылдануға әл-дәрменіміз жетеді. Біз қоғамның назарынан тыс қалғандай сезінеміз өзімізді. Ауданда бір ардагерлер бас қосып әңгімелесетін, дене шеынықтырумен айналысып, кітап журнал оқитын, қолөнер шеберлігімен айналысатын орталық болса деген арманыз да жоқ емес. Сонда жастарға білгенімізді үйретіп, өнегемізді көрсетіп отырған болар едік, – өз ойымен бөлісті.</blockquote>Аудандық ардагерлер кеңесінің мәліметіне сүйенсек, ауданда 8000 мыңға жуық еңбек ардагері бар. Өмір бойы еңбектен қол үзбеген адамға екі қолды қусырып, құр сенделіп жүру әсте табиғатына жат нәрсе. Тынымсыз тірлік кешіп, қайнаған тіршіліктің ортасында жүрген адам аяқасты бәрінен шет қалғанда өзін керексіздей сезінеді. Психолог маман Найля Құттымұратова.<blockquote>– Көптеген адамдардың зейнеткерлікке өтуі стресспен, меланхолиямен және апатиямен бірге жүреді, ал зейнеткерлік жас кәрілік пен аурумен байланыстырылып, кризистік апат ретінде қабылданып және психологиялық дағдарысты тудырады, әсіресе белсенді өмірмен, жұмыста шығармашылық әрекеттермен айналысатын адамдар үшін. Зейнеткерлікке шығу психологиялық тұрғыдан біркелкі болуы үшін зейнетке шыққаннан кейін үйде не істеу керек, қандай хоббилер мен қызығушылықтарды іске асыру туралы алдын ала ойлануыңыз керек. Зейнеткерлікке шығудың соншалықты қайғылы қабылдануына жол бермеу үшін пассивті әрекетсіздікке жол бермеу керек - бұл пессимистік ойларды және зерігуді тудырады. Жақсы көретін нәрсеге деген құштарлық зейнеткерге оның негізгі жұмыстан кейінгі босаған уақытын бұрын-соңды іске асыра алмаған армандарымен жұмыстану, қанағаттану сезімін тудыруы мүмкін. Кәсіби жұмысқа қатысы жоқ сүйікті ісі мен қызығушылықтары бар адамдар үшін зейнетке шығу оңайырақ тиеді. Зейнеткерлік жас – үй, отбасы, немере тәрбиесімен айналысатын әйелдер үшін қолайлы, тіпті күтілетін уақыт. Қанағат әкелген адал еңбек туралы естеліктер жағымды эмоциялардың қайнар көзіне айналуы мүмкін, басқалардың құрметі мен кәсіби жеңістеріне мақтаныш сезімін оятады. Қарт адамда жастарға жетіспейтін нәрсе бар – ол бос уақыттың көптігі, оны ұзақ уақыт бойы ойластырылған жоспарларды жүзеге асыру үшін пайдалануға болады. Егер олар жоқ болса, сіз өзіңізге ұнайтын нәрсені іздестіруіңіз керек, – дейді маман. Сондай-ақ психолог маман бастапқы уақытты серуендеумен, таза ауада жүріп, әлдері келетін спортпен айналасуды ұсынады.</blockquote>Білім беру саласында 35 жыл еңбек етіп зейнет демалысына шыққан Гүлнар Әнапияева да бір кездері өзіне ермек болар іс таппай қиналған жандардың бірі.<blockquote>– Жас күнімізде ата-ене, бала бағып, үйдің тірлігі мен жұмысты қатар алып жүргенде демалуды аңсағанымды жасыра алмаймын. Ал зейнет демалысына шыққанда үйде келін болды. Бұрынғыдай от жағып күл шығару, суды бұлақтан тасып ішу сынды жұмыстар да азайды. Қазір бәрі оңтайлы. Артық еңбек қажет етпейді. Бастапқы жылы мен де үйге сыймай қиналдым. Сосын бұрынғы әжемнің алаша тоқыған өрмек ағашын көзімнің қарашығындай сақтап жүргенмін. Соны қолға алып алаша тоқи бастадым. Жүн түсіп, киіз бастырдым. Тіпті бұл өнер халық арасында ұмыт болып бара жатқан дүние еді ғой. Менің жасаған бұйымдарым көптің қызығушылығын тудырды. Осылай 35 жыл мұғалім болып еңбек етіп, зейнет демалысына шыққан соң қолөнер шебері болып шыға келдім. Қазір еліміздің түкпір-түкпірін аралап алашаның алуан түрін көрмелерге апарып жүрмін. Тіпті, бұл менің жаңа тынысымды ашып, өміріме өзгеше өң берді. Қызығушылық танытқан жастарға да қолымнан келгенше үйретудемін, – дейді Гүлнар Әнапияева.</blockquote>Түйін. "Ардагерін ардақтаған ел озар" деген бар халқымызда. Әркез алдыңғы буын, ақылы кемел ардагерлеріміздің қоғам өмірінен қол үзбей зейнет демалысында ойға алған, яки орындалмай қалған арманын жүзеге асыруына мүмкіндік тудырсақ мерейіміз үстем, мәртебеміз биік болмақ.

Руханият орталығының салынуы аралдық қарияларға зор қуаныш болмақ

&nbsp;<a href="https://kyzylorda-news.kz/">Kyzylorda-news.kz</a>. Әли Мүсілімов атындағы №101 мектеп-лицейінің 10 сынып оқушысы Тағыберген Гүлназ Жалпы білім беретін пәндер бойынша Республикалық зерттеу жобалар конкурсының облыстық кезеңінен өтіп, конкурстың қорытынды кезеңі 2024 жылдың 26 ақпан-1 наурыз күндері өткізілген сайыста Республикалық кезеңінен 1ші орын иегері атанды.<blockquote>– Бұл тақырыпты биология пәні мұғалімі Жетекшім Мөлдір Жандосқызының кеңесімен бірге таңдадық. Жалпы қазіргі таңда қыз-келіншектер үй жағдайында косметикалық &nbsp;өнімдерді жасай бермейді, сондықтан күріш өзекті мәселе болғандықтан, күріш ұнтағынан, қайнатпасынан бірнеше бетке арналған маска, скраб, крем, шашқа спреи, тонер, сыворотка, энзимная пудра, сабын түрлерін жасауды ұйғардым. Күріштің құрамында шаштың, тырнақтың және терінің күйіне оң әсер ететін дәрумендер, аминқышқылдар мен микроэлементтер бар. Бұл экоөнімдердің ерекшелігі ол терінің кез - келген түріне сәйкес келеді. Күріш майы теріні ылғалдандыруға көмектеседі. Күріш қосылған маскалар мен скрабтар майлы теріге арналған тамаша косметикалық шешім болып табылады. Күріш ұнтағы терінің қызметін жақсартуға көмектеседі, тазарту үшін қолданылады. Бет терісін жақсартады, бетті ағартады. Қорытындылай келе, күріштің косметика саласында пайдалы жақтарын білдім. Күріштен жасалатын экоөнімдер барлық адамдардың бет терісіне өте пайдалы, ешқандай химикатсыз жасалатын бұл өнімдерді болашақта арнайы зауыттарда өңдіріп, ел игілігне қолдану керек деп ойлаймын.</blockquote><img src="https://knadmin.beoblood.kz/uploads/2d6b608b_a192_494f_950b_cd69595d4649_157fbb00b3.jpg" alt="2d6b608b-a192-494f-950b-cd69595d4649.jpg"><img src="https://knadmin.beoblood.kz/uploads/a364ec75_93ec_43cc_b0ae_76f05ab5601f_b51420c631.jpg" alt="a364ec75-93ec-43cc-b0ae-76f05ab5601f.jpg"><img src="https://knadmin.beoblood.kz/uploads/54bd62aa_2584_42bf_a4cb_87558b02acba_8fac94a449.jpg" alt="54bd62aa-2584-42bf-a4cb-87558b02acba.jpg"><img src="https://knadmin.beoblood.kz/uploads/3ab5a908_2734_41ab_a952_a3f44e747337_53323623d4.jpg" alt="3ab5a908-2734-41ab-a952-a3f44e747337.jpg">

Қызылордалық оқушы экоөнім жасап шығарды 

&nbsp;<a href="https://kyzylorda-news.kz/">Kyzylorda-news.kz.</a>&nbsp;&nbsp; Жаңа жыл жағымды жаңалықтармен басталды. Еңбекті қорғау саласында оң өзгерістер орын алмақшы. Ендігі жерде ауыр әрі зиянды жұмыс істейтін адамдар бейнетінің зейнетін ерте көре алатынын болады. Сонымен бірге бұл зейнеткерлікке шығудан да тиімді, тартымды болатын түрі бар: жауапты шенеуніктердің мәліметінше, төлем көлемі 400 мың теңгеге дейін жетуі мүмкін.Қала тұрғыны Асылхан Қойшыбеков 37 жыл машинист болып жұмыс істеген. Қызылорда локомотив депосында тепловоз жүргізіп, 57 жасында зейнетке шыққан. Жыл басынан бері тағайындалған әлеуметтік көмекке ілінгеніне қуанышты.<blockquote>Теміржол саласы жауапкершілікті талап етеді. Мамандығыма адал болып, жастық шағымды арнадым. Жұмыс барысында түрлі қиындықтар болды. Күн-түн демей, уақытпен санаспай тер төктім. Биылдан бастап зейнетақымызға 90 мың теңгенің үстінде арнаулы әлеуметтік төлем қосылмақ. Бұл 63 жасқа толғанша төленеді екен. Дәрі-дәрмегімізді алуға жақсы көмек, – дейді ол.</blockquote>Иә, денсаулығына тигізетін зияны барын біле тұра, бала-шағаның қамымен қауіпті мамандықта жұмыс істеп жүрген қаншама адам бар. Өмірін қатерге тігетін кеншілер, өрт сөндірушілер, құтқарушылардың қызметі расымен ерлікпен тең.Биылдан бастап &nbsp;ауыр, зиянды жұмыста істейтін азаматтар арнайы әлеуметтік төлем ала бастайды. Оның көлемі орташа есеппен 208 мың теңге шамасында болады. Төлемге қол жеткізу үшін жұмысшы 55 жасқа толған, кемінде 7 жыл міндетті зейнетақы жарнасы болуы шарт. Еңбек және халықты әлеуметтік қорғау министрлігі қазір елде осы санаттағы 685 мың азамат барын айтады. &nbsp;Мысалы, бір ғана «АрселорМиттал» компаниясында 3400-ге жуық адам арнайы төлеммен зейнетке шыға алады. Сондай-ақ министр экономиканың әр саласында істейтін 2225 мамандық иесінің жұмыс орны зиянды екенін айтты. Зейнетке ерте шығатындар қатарына шахтерлер, металлургтер, рентгенологтар және зиянды еңбек жағдайында қызмет етіп жүрген басқа да мамандар бар.&nbsp;Осы ретте біз Еңбек және әлеуметтік қорғау &nbsp;комитетінің облыс бойынша департамент бас¬шысының орынбасары Төреахмет Жолым¬бетовпен хабарласқан едік. Оның айтуынша, кодекстің &nbsp;195-1-бабы 2-тармағына сәйкес, зиянды жұмыс істеп 55 жастан кейін зейнеткерлікке шыққан және БЖЗҚ-да кемінде сексен төрт ай міндетті кәсіптік зейнетақы жарналары төленген 34 азамат өтініш берген.<blockquote>&nbsp;– Зиянды &nbsp;жұмыстармен айна¬лысатын адамдарға арнаулы әлеу¬меттік төлемдерді тағайындау үшін қойылатын бірнеше талап бар. Алдымен жұмыскер 55-те және осы жастан асуы тиіс. Сонымен қатар бірыңғай жинақтаушы зейнетақы қорында 84 ай және одан көп міндетті кәсіптік зейнетақы жарналарын төлеген, қызметін тоқтатуы немесе зиянды емес басқа жұмысқа орналасуы қажет. 2014 жылдан бері зиянды жұмыс істейтін адамдарға қатысты мемлекет, жұмыс беруші және жұмыскер арасындағы тең жауап¬кершілік қағидатына негіз¬делген зейнетақымен қамсыздан¬дырудың міндетті кәсіптік схемасы енгізілгені белгілі. Жұмыс беруші өз қаражаты есебінен БЖЗҚ-ға зиянды жұмыс¬тармен айналысатын жұмыс¬керлерге 5% міндетті кәсіптік зейнетақы жар¬наларын аударуда. Сондай-ақ «Қызметкерді еңбек қызметін атқару кезіндегі жазатайым оқиғалардан міндетті сақтандыру туралы» заңы¬ның 23-1-бабына сәйкес қызметкер үшін өмірді сақтандыру компа¬ниялары мен зейнеткерлік аннуитеттік сақтандыру шартын жа¬сасуға міндетті. Ал кейбір мекемелер мұны жасамай отырғаны белгілі болды, – дейді департамент басшысы.</blockquote>Зейнет жасына дейінАрнаулы әлеуметтік төлемдерді қаржыландыруды ресімдеу төрт не екі қаржыландыру көзінен жүзеге асырылады. Оның біріншісі респуб¬ликалық бюджеттен ең төмен күнкөріс деңгейінің екі еселенген мөлшерінде төленеді. Айталық, биылдан бастап ЕТКД 43407 теңгені құрап отыр. Осының 2 еселенген мөлшері беріледі. Одан кейін БЖЗҚ-дан Үкіметтің қаулысымен бекітілген тәртіппен, қолда бар зейнетақы жинақтарын ескере отырып, өмірді сақтандыру компанияларынан 1 ең төмен күнкөріс деңгейі (43407 теңге) мөлшерінде жүзеге асырылады. Сонымен бірге жұмыс берушілердің қаражаты есебінен 1 ең төмен күнкөріс деңгейі (43407 теңге) белгіленген.Жұмыскерлердің зиянды жұмыстағы еңбек өтілі расталу үшін жұмыс беруші Еңбек шарттарын есепке алудың бірыңғай жүйесіне (hr.enbek.kz сайтына) &nbsp;мәліметтер енгізуге міндетті.Төлемдерді алуға құқығы бар жұмыскер жұмыс берушіге еңбек шартын бұзуға немесе зиянды өн¬дірістік факторлардың әсерін болғызбайтын басқа жұмысқа ауыстыруға нысан бойынша өтініш береді. Әрі қарай жұмыс беруші еңбек шартын бұзу немесе еңбек шартының талаптарын өзгерту туралы мәлі-меттерді еңбек шарттарын есепке алудың бірыңғай жүйесіне &nbsp;енгізеді. &nbsp;Арнаулы әлеу¬меттік төлем проактивті түрде, яғни жұмыскерлердің өтінішінсіз тағайындалады және проактивті қызмет арқылы кәсіби төлемді жүзеге асыру күні жұмыскердің қажетті дербес деректерді жинауға, өңдеуге келісім берген күні болып саналады.Кодекстің &nbsp;195-1-бабының 2-тармағына сәйкес, зиянды жұмыс істеген Қазақстан Республикасы азамат¬тарының, Қазақстан Республикасының аумағында тұрақты тұратын шетелдіктер мен азаматтығы жоқ адамдардың 55 жастан бастап зейнеткерлік жасқа жеткенге дейін және олар үшін жиынтығында кемінде сексен төрт ай міндетті кәсіптік зейнетақы жар¬налары төленген кезде – Республикалық бюджеттен ең төмен күнкөріс деңгейінің 2 еселенген мөлшерінде (2024 жылы ЕТКД-43407 теңге.*2=86814 теңге) арнаулы кәсіптік мемлекеттік жәрдемақы, бірыңғай жинақтаушы зейнетақы қорынан төленетін міндетті кәсіптік зейнетақы жарналары есебінен қалыптас-тырылған зейнетақы төлемінен тұратын арнаулы әлеуметтік төлем алуға құқылы. &nbsp;Аталған екі төлемді алуға құқы бар адамдар тұрғылықты жеріндегі «Азаматтарға арналған Үкімет» мемлекеттік корпорацияның бөлімшесіне өтініш жазып, жеке басты куәландыратын құжат және жеке деректерді жинауға, өңдеуге келісім береді. &nbsp;Барлық төлемдер Мемлекеттік корпорация ресімдейтін төлем тапсырмасы негізінде бірыңғай төлеммен банктегі шотына түседі. Олардың мөлшері жыл сайын ең төменгі күнкөріс деңгейінің өсуімен индекстелетін болады. Сонымен бірге ол зейнеткерлік жасқа жеткенге дейін төленеді, жасына байланысты зейнетақы, базалық зейнетақы және жинақтаушы зейнетақы төлемдері тағайындалғаннан кейін тоқтатылады.Арнаулы әлеуметтік төлемдер –зиянды жұмыстармен айналысатын жұмыскерлерді қорғау құралдарының бірі. Сондықтан төлем алушы зиянды жұмыспен айналыса алмайды. Егер қайта орналасса, онда барлығы автоматты түрде тоқтатылады.Әлемдегі қауіпті мамандықтарИә, «мамандықтың бәрі жақсы, қажеттісін таңдай біл» деген емес пе? Алайда кейбір мамандықтың табысынан гөрі қаупі басым екенін біле тұра, сол жолды таңдайтындар жетерлік. Мәселен, күні кеше әлеуметтік желідегі жедел жәрдем қызметкерлерінің ауа райының қолайсыздығына қарамай, науқасқа алғашқы көмек көрсетуге бара жатқаны көпшілікті сүйсінтті. Бұл мамандығына деген адалдықты, сонымен қатар өз өмірінен өзгенікін артық қойған дәрігерлер еңбегінің де қатерге толы екенін көрсетеді. Жал¬пы әлем бойынша қандай маман¬дықтар қауіпті саналады екен? Ғаламтор беттерін ақтарып көрген едік.Ағаш кесуші. Бұл жұмыс биік¬тікпен байланысты болғандықтан, оған қоса электр ара және ағаш дайындайтын техни¬калармен жұмыс істеуге тура келеді. Статистикаға көз жүгіртер болсақ, осы салада жұмыс істейтін 116 адам қаза тапқан.Жыл сайын жұмыс кезінде орта есеппен алғанда 50-60 шахтер қаза болады. Мұндай жағдайлар көбіне көмір шығару кезінде жердің опырылуынан және де газ бен метанға уланудың әсерінен болып жатады.Өрт сөндірушілердің қажырлы дайындықтан өтіп, төтенше жағдайлардың алдын алу жолдарын үйренгеніне қарамастан, түрлі жарақаттар алу мен апатқа ұшырау қаупі өте жоғары.Көпқабатты ғимараттардың терезелерін жуушы. Бұл – өте қауіпті іс және терезе жуушылар міндетті түрде арнайы дайындықтан өтуі қажет. Биікте жұмыс істейтін электрмонтажшылар – өте сирек кездесетін мамандық. Біле білсеңіздер, мұндай жоғары вольтті желілердегі жұмыстардың көбі жалаңаш қолмен атқарылады.&nbsp;Сапер мамандығы да қауіпті. Мәселен, 1996-2002 жылдар аралығында минасыздандыру жұмыстары кезінде 500-ден аса адам қаза тапқан. Мұнай ұңғыларын бұрғылаушылар тәулігіне 12 сағат жанғыш материалдармен жұмыс істейді. Бұған қоса, бұрғылаушылар жағалаудан жүздеген километр қашықтықта жүреді.Жаға күзеті және құтқару қызметі су апаттарымен күресе жүріп, адам-дарды аман сақтап қалатын құтқарушылар күн сайын тәуекелге барады. Жылан сауушылар жыланның уын алумен шұғылданады. Жылан уы көптеген заттардың құрамында қолданылады. Медицина саласындағы маңызы орасан. Бұл жұмыста қауіпсіздік шаралары қолданылғанымен, әр сауу процесі өте қауіпті.Құрылысшылар қауіпсіздікті қамтамасыз ететін арнайы құрыл¬ғылар қолданғанымен, бұл жұмыста өмірге қауіпті құралдар, ауыр заттар жетерлік. Сонымен қатар биікте жұмыс істеудің өзі ауыр.Көптеген адам биік таудың шыңына шығуды армандайды. Кейбірі арманын орындау үшін тауға апаратын жолбасшы мамандығын таңдайды екен. Олардың жұмысы тек жол көрсетумен шектелмейді. Жолбасшылар ауыр жүкті көтеріп, қауіпті жолдарды анықтап, өзге адамдардың қауіпсіздігі үшін жауап береді.Микрочип өндірушінің де өмірі қатерге толы. Компьютерге арналған чиптерді өндіру үшін түрлі қауіпті химиялық заттар қолданылады. Олар¬дың қатарында сынап та бар. Микрочип өндірісі адам өліміне алып келмесе де, салдарынан әйел қыз¬меткерлер түсік тастайды немесе сәбиі денсаулығында кінәратпен туады екен. Сонымен қатар қызмет¬керлер тыныс жолдары ауруларына немесе қатерлі ісікке шалдығуы мүмкін.АҚ қызметкерлері де әлемде қауіпті мамандықтар қатарынан екен. Дүниежүзі бойынша тілшілерді ұрлап кететін, азаптап немесе өлтіретін жағдайлар да аз емес.Балық аулау да оңай іс емес көрінеді. Балықшы – әлемдегі қауіпті мамандықтардың бірі. Оған ауа райындағы өзгерістер себеп болады. Барлық мамандық ішінде мамандары ең көп өлімге душар болатын балықшылар болып шықты.Фото: Нұрболат Нұржаубай

Зиянды жұмыстағыларға – жаңа зейнетақы

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Медицина саласының басым-бағыттарын жетілдіру – күн тәртібінен түспейді. Адам өмірін арашалап қалатын ақ халатты абзал жандардың біліктілігін арттыруға аса мән берілген жөн. Күні-түні Гиппократ антына адал екендіктерін дәлелдеп келе жатқан ауданның медицина қызметкерлері жоғарғы белесті бағындыра білді.&nbsp;Анығын айтқанда, «Денсаулық сақтау саласындағы аккредиттеу қағидаларын бекіту туралы» ҚР Денсаулық сақтау министрінің 2020 жылғы 21 желтоқсандағы №ҚР ДСМ-299/2020 бұйрығы аясында Сырдария аудандық ауруханасын денсаулық сақтау барысында халыққа сапалы, уақытылы, белгілі деңгейде медициналық көмек көрсету үшін жағдайлардың болуын, денсаулық сақтау жүйесіндегі стандарттардың сақталуын ресми тану мақсатында аккредиттеу жұмысы жүргізілді.&nbsp;Өз кезегінде аккредиттеуден өткен іргелі ұжымға ҚР Денсаулық сақтау министрлігінің «Салидат Қайырбекова атындағы Ұлттық ғылыми денсаулық сақтауды дамыту орталығының» басшысы Гульнара Кулкаеваның арнайы куәлігі табысталды. Негізінен, Сырдария аудандық ауруханасы «Халық денсаулығы және денсаулық жүйесі туралы» Қазақстан Республикасы Кодексінің, сыртқы кешенді бағалау нәтижелері және аккредиттеу комиссиясының шешімі (25.12.2023 жылғы №255-Н бұйрық) негізінде бірінші санаты тағайындала отырып, 3 жыл мерзімге аккредиттелген болып танылған.Шын мәнінде, аккредиттеу барысында сала мамандарының кәсіби біліктілігін жетілдіру айқын көзделген. Функционалдық және құқықтық оқыту кезінде білімі жоғары арнайы мамандар тартылды. Оқыту бойынша сертификат беруге мүмкіншілігі зор орталықтардың мамандары медицинаның қыр-сырын қызметкерлерге меңгерте білді.&nbsp;Бұл ретте, Сырдария аудандық ауруханасының ұжымы кәсібиліліктің шыңына шықты деп айта аламыз. Жекелеген нозология бойынша науқастарға емдеу жүргізу стандартқа сай жүзеге асады. Біздің мақсатымыз – жергілікті халықтың денсаулығын жақсарта отырып, сапалы қызмет көрсету болып табылады.&nbsp;&nbsp;

Аудан медицинасы жаңа белесті бағындырды 

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Аудан көлемінде отыз жылға жуық тарихы бар аралас жекпе-жек спорт түрімен жастар тұрақты түрде айналысуда. Білікті бапкер, өз ісінің шебері&nbsp;Иса Әкімжанов аудандық спорт клубының жанынан ашылған ММА үйірмесіне жетекшілік етеді. Аралас жекпе-жектен үздік нәтиже көрсетіп келе жатқан спортшылардың бірі – Нұртілеу Қалдыбек. Қазіргі кезде 55-56 салмақ дәрежесінде сынға түсетін жас спортшы жоғарғы дәрежедегі жарыстарда топ жарып келеді.Жас спортшы Нұртілеу Дастанұлы ММА үйірмесіне 3 жыл бұрын келген. Оған дейін былғары қолғап шебері ретінде рингте талай мәрте бағын сынады. Әкесінің бағыт-бағдарымен аралас жекпе-жекті таңдаған ол – биыл №36 Әбділда Тәжібаев атындағы мектеп-лицейінің 11 сыныбын аяқтағалы отыр. Әрқашан жаттығудан қол үзбейтін жеткіншек ел намысын әлемдік ареналарда қорғауға ниеті бар. ҰБТ-да шығармашылық бағытты таңдауға бел буған оқушы спорт саласының маманы атануға бел буған.<blockquote>– Күш қолданылатын спорт түрімен айналысу әркез қауіпті болатыны сөзсіз. Десе де, жаттығуда өзіңді аямау арқылы аралас жекпе-жектің ең үздігі болу үшін үздіксіз еңбектеніп келемін. Кез келген жарыс барысында 2-3 жекпе-жек өткізуге жан-жақты дайын болу керекпіз. Күн сайын өткізілетін жаттығу барысында кемшілікпен жұмыс жасап, ықтималды қарсыластың әлеуетін саралаймыз. Жеңіске жету, үздік деген атқа лайық болу – әсте оңай нәрсе емес. Салмақ қуалап, жарысқа тыңғылықты дайындалуға психологиялық тұрғыдан да әзір болған жөн. Шындығында, октагонда шыр айналып жүре бермей, қарсыласты зерттеп жеңіске жетуге бар күшті жұмсау қажет. Жекпе-жекке түспес бұрын, әдіс-тәсілді ұтымды қолдану – жақсы нәтижесін береді, – дейді сайыпқыран спортшы.</blockquote>Нұртілеу Қалдыбек үшін былтырғы жыл табысты болғаны мәлім. Себебі, жас спортшы өз салмақ дәрежесінде облыс чемпионы атанып, ел біріншілігіне жолдама алады. Байрақты бәсекеде сырдариялық саңлақ қолаға қол созады. Сонымен қоса Қостанай қаласы мен Арал ауданындағы республикалық жарыста жүлдегерлер қатарынан көрінді.<blockquote>– Жалпы, ММА үйірмесі ашылған уақыттан нағыз сайыпқыран спортшыларды дайындауды мақсат тұтып келеміз. Сондықтан аптаның 5 күнінде жаттығу залында балалар шынығады. Нұртілеу болашағынан зор үміт күттіретін спортшы саналады. Жарыс жолына шыққанда қарсыласты ұпай санымен жеңіп кетіп жатады. Бұл тұста, оның боксқа қатысқан кезінде меңгерген техникасы өз көмегін тигізіп жатады. Қылқындыру әдісі арқылы жекпе-жекті мерзімінен бұрын аяқтауға тырысады, – дейді ММА үйірмесінің жаттықтырушысы әрі білікті бапкер Иса Әкімжанов.</blockquote>

Нұртілеу аралас жекпе-жек шебері

&nbsp;<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Сырдария аудандық мәдениет үйінің қазіргі ғимараты алғаш рет 1973 жылы пайдалануға беріліп, сол кезден бастап қазірге дейін халыққа қалтқысыз қызмет көрсетіп келеді. Әйтсе де, әр кезең өзіндік ерекшелігімен, жаңашылдығымен тарихта қалуда. Негізінен, мәдени іс-шараларды сырттан тамашалап, әдемі көріністің куәсі болып, жаны мен көңілі сергіп қайтқан көпшілік сахнаның сыртында қаншалықты еңбек, қандай жұмыс жатқанын біле бермейтіні рас.&nbsp; &nbsp; Мәдениет саласының әрбір қызметкеріне үлкен жауапкершілік жүктелген. Тіпті кейде ауқымды іс-шараларды бір күнде бірнеше рет қатарынан абыроймен өткізіп келе жатқан қызметкерлердің халық алдына әдемі қалпында шығып, еш шаршамай, күліп жүргенін көргенде, бір жағынан қуанып, бір жағынан тәнті болатынымыз рас. Бұл мәдениет саласы мамандарының өз ісіне деген асқан сүйіспеншілігі мен махаббатын көрсетсе керек.&nbsp; &nbsp; Ұл-қызы өнерлі, өнегелі, тұрмысы берекелі, қариясы кемел, жастары жалынды ауданда мәдениет пен өнерді дамытуға үлес қосқан арда азаматтар жетерлік. Қырғи тілді ақын Асқар Тоқмағамбетов, абыз ақын Әбділда Тәжібаев, театр падишасы Сәбира Майханова, драматург, Қазақстанның халық жазушысы Қалтай Мұхамеджанов, атақты ақындар Иранбек Оразбаев, Әбіраш Жәмішев, Сейфолла Оспан, Жадыра Дәрібаева, Сыр елінің өнерін әлемдік деңгейге көтерген қарымды суреткер, белгілі режиссер Хүсейін Әмір-Темір, өтірік айтыс шебері Заметдин Ибадуллаев, композитор Рамазан Тайманов, күйшілеріміз Құрақтың Досжаны мен Исламбек Ысқақов, сондай-ақ эстраданың жарық жұлдыздарын ауыз толтыра атап өту өте орынды. Ән мен жырдың Отаны атанып кеткен Сыр елінде туып, күллі қазақтың мақтанышына айналған өнер иелерінің тізімін тоқтаусыз жалғастыра жаза беруге болады.&nbsp; &nbsp; Жалпылай айтқанда, ауданымызда аудандық және кент мәдениет үйінен бөлек, 6 ауылдық мәдениет үйі, 6 ауылдық клуб, лайықтандырылған кент клубы мен бейімделген ауылдық клубы жұмыс жасауда. Сонымен қоса халық театрлары мен «Құрақтың Досжаны» атындағы ұлт аспаптар оркестрі, «Сәдуақасовтар» жанұялық ансамблі, «Ритм» халықтық вокалды-аспапты ансамблі, «Балауса» халықтық би ансамблі ауданда өткен әрбір іс-шараның көркін қыздырып, мәдени іс-шаралардың сәнін келтіріп жүр. «Дала дидары» мәдени үгіт бригадасы, «Сарыбаевтар» &nbsp;халықтық отбасылық ансамблі, «Сыр гүлі» халықтық би ансамблі, Айдарлы халық театры, «Жадыра» халықтық әжелер ансамблі, «Жаншуақты» халықтық әжелер ансамблі, «Шаттық» халықтық би ансамблі, «Көңілашар» халықтық ойын-сауық отауы, «Ақ дариға» халықтық ансамблі мен мәдени-демалыс кешені жұмысын да атап өткеніміз орынды деп ойлаймыз. Сонымен қоса аудан бойынша жалпы 100-ден аса үйірмеге мыңнан астам өнерпаз тартылған.&nbsp; &nbsp; Еліміз егемендік алғаннан бері мемлекет тарапынан өнердің өрісін кеңейтуге үлкен қолдау жасалып келе жатқаны баршаға мәлім. Осы тұста мәдени ошақтардың барлығы дыбыс күшейткіш аппаратуралармен, концерттік костюмдермен, ұлттық аспаптармен, заманауи лэд экран, бейнепроектор, сахна пердесі, дыбыс жазу студиясы және техникалық құралдармен жабдықталғанын айтып өту орынды.&nbsp; &nbsp; Халқымыздың бай мәдени мұрасы мен руханиятының дамуына үлес қосып келе жатқан мәдениет саласының ел өмірінде алатын орны орасан әрі ерекше. Сала мамандарының еңбегі қай кезде де елеулі. Ұрпақтар сабақтастығы дейтін алтын тін аталған салада да жалғас тауып, бүгінгі таңда мәдениет саласы жас өнерпаздармен толығуда. Өнер өлкесінде өзіндік із қалдырып, дария жағасын жайлай қонған аудан атын үлкен сахналарда шығарған өнерпаздар жолын жалғап, ел руханиятын дамытуда өлшеусіз еңбек етіп жүрген сала мамандарының жұмысы бағалауға лайықты.&nbsp;

Мәдениет мәйегіне айналған өнер ордасы

<a href="https://kyzylorda-news.kz/">Kyzylorda-news.kz</a>. Ақтауда сауда үйлерінің бірінде жеті жастағы қыз бала эскалаторға мінер кезде қолынан жарақат алды, деп хабарлайды EL.kz ақпарат агенттігі.Маңғыстау облыстық денсаулық сақтау басқармасы жарақат алған қыз бала дәрігердің көмегіне жүгінгенін мәлімдеді. Облыстық көпбейінді балалар ауруханасына саусағын кесіп алған 7 жастағы қыз бала жеткізілген.<blockquote>Дәрігерлер саусағын аман алып қалу үшін қолдан келген мүмкіндіктің барлығын жасады. Оған тиісті медициналық көмектің барлығы көрсетілді. Ал саусағының тұтастығына қатысты алдын ала болжам жасауға ерте, - делінген хабарламада.</blockquote>Қазір науқас реабилитационарлық ем-дом қабылдап жатыр.Фото: Нұрболат Нұржаубай

7 жасар қыздың саусағын эскалатор кесіп кетті

Мереке қарсаңында халықтың әлеуметтік осал топтарына кіретін 21 861 әйел біржолғы төлем алады, – деп хабарлайды<a href="https://aikyn.kz/263551/8-nauryz-merekesine-oray-kopbalaly-analar-birzholg-y-tolem-alady">&nbsp;Aikyn.kz</a>.Қарағанды, Теміртау, Приозерск, Осакаров және Шет аудандарында мерекеге орай төрт және одан да көп баласы бар көпбалалы аналарға және «Алтын алқа» және «Күміс алқа» алқаларымен марапатталған көпбалалы аналарға ақша аударылмақ.Балқашта көпбалалы аналар, Құрметті азаматтар, тыл еңбеккерлері, ҰОС қатысушыларына теңестірілген адамдар, еңбек ардагерлері, белсенді емес тыл еңбеккерлері, мүгедек балалар, белсенді емес жалғыз тұратын әйелдер, қайтыс болған ҰОС ардагерлерінің әйелдеріне төлем аударады.Саранда төрт және одан да көп баласы бар көпбалалы аналарға, «Алтын алқа» және «Күміс алқа» алқаларымен марапатталған көпбалалы аналарға, мүгедек балаларға, аз қамтылған отбасыларға беріледі.Абай ауданында ХӘОТ, аз қамтылған, көпбалалы отбасыларға, мүгедектерге, зейнеткерлерге, түрлі саладағы қызметкерлерге бөлінеді.Ақтоғай ауданында төрт және одан да көп баласы бар көп балалы аналарға, «Алтын алқа» және «Күміс алқа» алқаларымен марапатталған көп балалы аналарға, аз қамтылғандарға, мүгедектерге, зейнеткерлерге (әйелдерге) беріледі.Бұқар жырау ауданында аз қамтылған, көпбалалы отбасылардан шыққан әйелдер, мүгедектер, зейнеткерлер және ХӘОТ қаржылай қолдау көрсетіледі. Қарқаралы ауданында 18 жасқа дейінгі төрт және одан да көп баласы бар көпбалалы аналарға, «Алтын алқа», «Күміс алқа» алқаларымен марапатталған көпбалалы аналарға, аз қамтылған, мүгедектерге беріледі.Нұра ауданында аз қамтылған, көпбалалы аналар, жастар біржолғы қолдау алады.Сурет: Н.Нұржаубай

Қазақстан және Қызылорда облысының жаңалықтары