<a href="https://kyzylorda-news.kz/">Kyzylorda-news.kz</a> &nbsp;Ұлыстың Ұлы күні – Наурыз мерекесін атап өту аясында «Ауыл» партиясының ұйымдастыруымен, «Ауыл нақыштары» дәстүрлі республикалық фотобайқау жеңімпаздарын марапаттау &nbsp;рәсімі өтті.«Ауыл нақыштары» байқауы 2023 жылдың 1 қыркүйегінде басталған болатын. Оның негізгі мақсаты - ауылдардың шынайы көріністері, әсем табиғаты арқылы ұлт бесігі - ауылға, оның тұрмыс-тіршілігіне көпшілік назарын аудару, еңбек адамының қоғамдағы мәртебесін көтеру.«Ауыл нақыштары» байқауы бойынша 1 орынды &nbsp;Маңғыстау облысынан Майемеров Серік, &nbsp;2 орынды Қызылорда облысынан «Сыр медиа» ЖШС-ның фототілшісі Нұрболат Нұржаубай, 3 орынды Шымкент қаласынан Сейтжаппар Береке иемденді. «Ауыл еңбеккерінің бейнесі» арнайы сыйлығы бойынша Астана қаласынан Омаров Ерлан, «Әлеуметтік желідегі жүлдегер» арнайы сыйлығы бойынша Абай облысынан Қарымсақова Жазира жеңімпаз атанды.<blockquote>«Барлық берекенiң бастауы-ауыл. Сондықтан ауыл нақыштарын дəрiптейтiн мұндай бастамаларды ерекше қолдаймын. Бiрге атсалысуға тырысамыз. Республика кɵлемiндегi ауқымды шараны ұйымдастырған «Ауыл» партиясына алғысымды айтқым келедi. Ауылымыз кɵркейе берсiн», - дейді Нұрболат Нұржаубай.</blockquote>Ұйымдастырушылар әуесқой фотографтарға да, өз ісінің кәсіби мамандарына да бірдей шарт қойды. Осы уақытқа дейін онлайн форматта, еліміздің барлық өңірлерінен партияның сайты арқылы 500 жуық жұмыс келіп түсті. Әр қатысушының 3 фотодан жіберу мүмкіндігі болды. Құрамына партия басшылығы мен тәжірибелі фотографтар енген кәсіби қазылар алқасы туындылардыңтақырыпқа сәйкестілігі, жұмысты бере білудің жаңашылығы, көңіл-күй және т.б. критерий арқылы іріктеу жүргізді. Қазылар өз отырысы нәтижесінде «Әлеуметтік желідегі жүлдегер» сынды арнайы сыйлық тағайындаужөнінде шешім қабылдап, іріктеу партияның Telegram каналында ашық дауыс беру арқылы жүргізілді. Ауыл еңбеккерінің қоғамдағы мәртебесін көтеру мақсатында тағайындалған «Ауыл еңбеккерінің бейнесі» арнайы сыйлығы жүлдегері аталмыш тақырыптағы фотолар арасынан таңдап алынды.Іс-шараға ҚР Парламенті Мәжілісінің депутаттары, ҚР Ауылшаруашылығы министрлігінің, Астана қаласы Мәдениет басқармасының басшылығы, дипломатиялық миссиялардың өкілдері, жоғары оқу орындарының профессорлық-оқытушылық құрамы, шығармашыл зиялы қауым мен жастар қатысты.Салтанатты шараны ашқан «Ауыл» партиясы Төрағасының бірінші орынбасары Төлеутай Рахымбеков «Фотосурет арқылы біз әдеттегі дүниелерді жаңа призма арқылы көру мүмкіндігін алдық. Біз қызығы мен қиындығы қатар жүретін ауыл тұрғындарының тіршілігін сол қалпында көрсете білген әр қатысушыға алғысымызды білдіреміз. Жыл санап байқауға қатысушылар саны артып келеді. Биыл 122 адам қатысып, байқауға 500 тарта төлтуындылар ұсынылды. Бұл өз кезегінде фотография өнерінің әуесқойлары мен кәсіпқойлары арасында аталған конкурстың маңызы мен қажеттілігін көрсетеді», - деді.Салтанатты шарада сөз алған халықаралық «National Geografic» журналының жауапты редакторы Айбын Шағалақ та ауыл тақырыбының пейзаждар, репортаждық түсірілімдер, документалды фотография, портретистикамен айналысатын фотографтар үшін қызықты екендігін айта келе, ауылдың – қиялдың қайнар көзі екендігін жеткізіп, фотография өнеріне шын берілген адамдарды қолдап, мотивация бергені үшін &nbsp;«Ауыл» партиясына алғысын білдірді.&nbsp; Байқау жеңімпаздарын марапаттау рәсімі аяқталған соң,сауда ойын-сауық орталығы фойесінде «Ауыл нақыштары» фотокөрмесі ашылды. Көрмеде 50 фото қойылған. Астана тұрғындары мен қонақтарының көрмені 2 күн бойы тамашалау мүмкіндіктері бар.«Сыр медиа» ЖШС-ның фототілшісі Нұрболат Нұржаубайдың байқауға ұсынған суреттері<figure class="image"><img src="https://knadmin.beoblood.kz/uploads/K_rishshiler_e7b6191f41.jpg" alt="Күрішшілер.jpg"></figure>&nbsp;<figure class="image"><img src="https://knadmin.beoblood.kz/uploads/Auyl_balalary_152d83720f.jpg" alt="Ауыл балалары.jpg"></figure>&nbsp;<figure class="image"><img src="https://knadmin.beoblood.kz/uploads/os_ojshy_e423f4fce4.jpg" alt="Қос қойшы.jpg"></figure>&nbsp;

«Ауыл нақыштары»: Нұрболат Нұржаубай республикалық фотобайқаудың жеңімпазы атанды

<a href="https://kyzylorda-news.kz/">Kyzylorda-news.kz</a>&nbsp;Fingramota.kz &nbsp;сіздердің назарларыңызға қаржы&nbsp;пирамидалары мен алаяқтыққа қарсы іс-қимыл тақырыбы бойынша қазақстандықтардың көкейтесті сұрақтарына жауаптар ұсынады.Азаматтар ҚР Қаржы нарығын реттеу және дамыту агенттігінен келесі негізгі кері байланыс арналары арқылы консультациялар алуларына болады &nbsp;– бұл мобильді қосымша «𝑭𝒊𝒏𝒈𝒓𝒂𝒎𝒐𝒕𝒂 𝑶𝒏𝒍𝒊𝒏𝒆» және +7 (727) 237 1000 нөмірі бойынша сall-орталық.Мобильді қосымша халықтың қаржы реттеушісімен жедел өзара іс-қимылын және кері байланысын нығайту мақсатында 2020 жылғы 25 маусымнан бастап жұмыс істейді. Онда 14 тақырыптық бөлім ұсынылған, аталған бөлімдерде реттеушіге қаржы өнімдері мен көрсетілетін қызметтер жөнінде, алаяқтық жағдайларында қаржы ұйымдарымен, МҚҰ-мен, коллекторлық агенттіктермен өзара іс-қимыл туралы сұрақтар қоюға болады. &nbsp;Қосымшаның "𝑭𝒊𝒏𝒈𝒓𝒂𝒎𝒐𝒕𝒂 𝑶𝒏𝒍𝒊𝒏𝒆" арқылы іске қосылған сәтінен бастап пайдаланушылардан 7,4 мың сұрақ қабылданды және өңделді.Қаржы реттеушісінің қызметі жөнінде ақпараттың қолжетімділігі мен толықтығын арттыру үшін Агенттікте 2021 жылғы 24 мамырдан бастап call-орталық жұмыс істейді, ол арқылы бүгінгі күнге азамттардан 50,5 мыңнан астам қоңырау түсті. Азаматтар ҚНРДА-ға қаржылық көрсетілетін қызметтерді тұтынушылар ретінде олардың құқықтары мен мүдделерін қорғау, қаржы нарығына қатысушылармен өзара іс-қимыл мәселелері бойынша кеңес алу үшін ғана емес, сондай-ақ бұрын жіберілген өтініштердің мәртебесін нақтылау үшін де жүгінеді. Call-орталықтың жұмыс уақыты: жұмыс күндері сағат 10.00-ден 17.00-ге дейін, түскі үзіліс сағат 13.00- ден 14.30-ға дейін.Сұрақ:&nbsp;Маған сақтандырушы&nbsp;менің картама сақтандыру төлемдерін қайтаруы&nbsp;тиіс,&nbsp;алайда&nbsp;кейбір техникалық қателіктерге байланысты қайтаруды қолмен аяқтауыңыз&nbsp;қажет&nbsp;деген &nbsp;SMS келді. &nbsp;Хабарламада &nbsp;сілтеме көрсетілген, оған өткен жағдайда қайтаруды ресімдеу бойынша &nbsp; нұсқаулар берілген. Сақтандыру компаниялары шын мәнінде мұндай хабарламалар жібере ме, әлде олар алаяқтар ма?Жауап:&nbsp;Сіз кең таралған алдау схемаларының біріне тап болдыңыз. Қаскүнемдер өздерін сақтандыру ұйымдары не банктер, зейнетақы қоры, Қазақстан халқына көмек көрсету орталығы, инвестициялық компаниялар және т. б. ретінде таныстырады. Олар сізге немесе сіздің жақындарыңызға жәрдемақы, әлеуметтік төлем, түрлі бонустар тағайындалғаны туралы SMS немесе push-хабарламалар жіберулері мүмкін немесе сіз байқаудың жеңімпазы бодыңыз &nbsp;немесе кез келген мерекенің құрметіне &nbsp;кездейсоқ ұтыс ойынында жеңіске жеттіңіз деп хабарлауы мүмкін.Сілтемеге өтіп, көрсетілген әрекеттерді (қосымшаны жүктеу, карта деректемелерін, артқы жағындағы үш таңбалы нөмірді, растау кодын және т.б. көрсету) орындағаннан кейін Сіз алаяқтарға банктік шотқа кіруге қалай рұқсат бергеніңізді өзіңіз де білмей қаласыз. Сіз хабарды жоя отырып, дұрыс әрекет жасадыңыз. Келесі жолы күмәнді сілтемелер бойынша өтпеңіз, SMS қай компанияның атынан келгеніне назар аударыңыз және сол ұйымның веб-сайтында көрсетілген ресми нөмірлер бойынша ғана өз бетіңізше қоңырау шалыңыз.Сұрақ:&nbsp;Дипфейк деген не және қылмыскерлер оны алаяқтық мақсатта қалай пайдаланады?&nbsp;Жауап:&nbsp;Дипфейк – бұл адамның бет-әлпетін немесе дауысын синтездеуге арналған бірқатар алгоритмдердің нәтижесі. Бұл міндетті шешу үшін қолданылатын негізгі алгоритмдер генеративті-қарсылас желілерге негізделген. Осылайша, адамды, мимиканы және дауысты көшіруге болады. Технология теледидарда және әлеуметтік желілерде адамның цифрлық көшірмесі тележүргізушіні немесе блогерді бейнелей алатын кезде қолданылады. Дипфейктерді қолдана отырып жасалатын алаяқтықтың бірнеше әдісі бар.&nbsp;Мысалы, банктік шоттарға қол жеткізу және жалған кредиттерді рәсімдеу үшін біреудің жеке куәлігін қолдан жасау, қаржылық транзакциялар жасау және кредиттік алаяқтық схемаларын жаңғырту үшін жалған тұлғаны синтездеу, оның онлайн қызметтері мен шоттарына қол жеткізу үшін қайтыс болған адамның деректерін пайдалану.Сұрақ:&nbsp;Соңғы уақытта алаяқтар маған, жұбайыма және ата-анама жиі қоңырау шалуда. Олар өздерін банктің қауіпсіздік қызметі қызметкерлері ретінде таныстырады, біз олардың қылмыскерлер екенін түсінеміз. Алайда, шынымен де банктен қоңырау келіп түссе, оны қалай ажыратуға болады? &nbsp;&nbsp;Жауап: Телефон алаяқтары азаматтарды алдау үшін әртүрлі схемаларды қолданады. Ең жиі кездесетіндердің бірі банктің атынан қоңырау шалу болып табылады. Қаскөйлердің басты мақсаты - сіздің ақшаңызды иемдену. Сіздің атыңызға жалған кредиттің ресімделгені туралы Сізге қоңырау шалғанын айтуы мүмкін. Алаяқтар алдауды телефон қоңырауынан бастап, ықтимал құрбандарды WhatsApp немесе Telegram арқылы олармен хат алмасуды жалғастырады: олар өздерінің банк қызметкерлері екенін растау үшін жалған құжаттарды жібереді, сондай-ақ «ақшаны сақтап қалу» жөніндегі нұсқауды жібереді. Бұдан басқа, алаяқтар сілтемелерге өтуді немесе Any Desk немесе TeamViewer сияқты әртүрлі қосымшаларды жүктеп алуды сұрайды. Олардың көмегімен банктік қосымшасы бар басқа біреудің мобильді құрылғысына қашықтан қосылуға болады және иесінің қатысуынсыз және оның келісімінсіз ақшалай қаражатты өздеріне ала алады.Сондықтан алаяқтардың құрбаны болмас үшін бірнеше маңызды ұсынымдарды білген жөн. Егер қоңырау шалған адам «қарсы кредит» ресімдеуді, қаражатты «қауіпсіз шотқа» немесе «сақтандыру ұяшығына» аудару сұралса, біле жүріңіз – бұл алаяқтар. Банк қызметкерлері ешқашан асықтырмайды немесе клиентті қорқытпайды, тіпті бірінші қоңырау шалу кезінде жеке деректерді сұрамайды. Банк алдымен күдікті операцияны бұғатттайды, содан кейін ғана клиентке қоңырау шалады. &nbsp; &nbsp;Егер сіз шын мәнінде банктен қоңырау шалынғанына күмәндансаңыз немесе бұл фишинг, яғни телефон алаяқтары деп ойласаңыз, өзіңіздің банкіңізге ресми нөмір бойынша қайта қоңырау шалуды ұсынамыз. Егер сіз алаяқтарға өзіңіз туралы және өзіңіздің картаңыз туралы құпия ақпаратты беріп қойсаңыз, дереу банкке хабарлаңыз және құқық қорғау органдарына өтініш жазыңыз.Cұрақ: Қаржы пирамидасын қалай ажыратуға болады, олар өз қызметтерін, әсіресе интернетте әртүрлі қызмет саласы ретінде жасырып көрсетеді ғой.Жауап: Қаржы пирамидасын ажырату үшін оның мынадай негізгі белгілерін білу қажет:- қаржы нарығында ақша қаражатын тарту жөніндегі қызметті жүзеге асыру және/немесе ұйымның қызметін дәл айқындау үшін берілген уәкілетті органның лицензиясының болмауы;- ағымдағы нарық деңгейінен бірнеше есе жоғары және өте жоғары табыс табуға уәде беру;- жаңа қатысушыларды тартқаны үшін қаражат төлеу;- «инвестициялық» жобаларға инвестиция салған кезде табыс табатыныңызға кепілдік беру;- БАҚ-тағы, интернеттегі ауқымды жарнама;- құрылтайшылар, құрылтай құжаттары, қаржылық көрсеткіштер және қызмет нәтижелері туралы ақпараттың болмауы; есептіліктің болмауы; активтер мен инвестициялау бағыттары құрылымының айқын болмауы;- меншікті негізгі құралдардың, басқа қымбат активтердің болмауы және т.б.Егер ақша салуға шақыратын компанияда жоғарыда сипатталған белгілердің кем дегенде бірнешеуі болса, оның сенімділігі туралы ойланған жөн.Мұндай ұйымның жарнамасын көрген уақытта дереу құқық қорғау органдарына – тұрғылықты жеріңіз бойынша ҚР Ішкі істер министрлігіне, сондай-ақ ҚР Қаржы нарығын реттеу және дамыту агенттігіне және ҚР Қаржылық мониторинг агенттігіне жүгініңіз.Сұрақ: Маған WhatsApp желісіндегі бейнеқоңырау арқылы ресми органның киімін киген ер адам қоңырау соғып, өзін ҰҚК қызметкері ретінде таныстырды. Ол тергеу жүргізіп жатқанын айтып, менің жұмыс орным туралы сұрақтар қойды, ақша жоғалтқаным немесе жоғалтпағаным туралы, банктерде депозиттерімнің бар не жоқ екені туралы сұрады. &nbsp;Ақша туралы сөз болғанда мен сезіктеніп қалдым, қоңырауды тоқтатып, нөмірді бұғаттап тастадым. Бұл алаяқтықтың жаңа түрі ме?Жауап:&nbsp;Иә, бұл кезекті алаяқтық схемасы. Қылмыскерлердің алдауына сенбеңіз, өзіңіз туралы және қаржылық жағдайыңыз туралы ақпаратты ашпаңыз. Егер сіз әңгімені жалғастыра берсеңіз, онда қаскөйлер сіздің телефоныңызға қашықтан қол жеткізуге арналған қосымшаны жүктеуге немесе банктік шоттарыңыздан ақша аудару үшін қажет SMS кодтарын атауға көндірер еді. &nbsp;Егер сіз немесе Сіздің жақындарыңыз осындай алаяқтық түрлерімен бетпе-бет келсе, онда сіз олардың атынан алаяқтар қоңырау шалып отырған тиісті органдарға немесе ұйымдарға хабарлауыңыз керек. Сіз өз кейстеріңізді біздің мобильді қосымшамыз арқылы Fingramota.kz-пен бөлісе аласыз, оны мына сілтемелер арқылы жүктеуге болады: App Store и Play Market. Сондай-ақ «Fingramota Online» веб нұсқасы бар (http://online.fingramota.kz/ru).Естеріңізге сала кетсек, қаржылық қызметтерді тұтынушы ретіндегі өз құқықтарыңызды қорғау үшін Агенттікке ресми өтінішпен жүгіне аласыз: жазбаша – А15С9Т5, Алматы қ., Көктем-3 шағын ауданы, 21 үй, сондай-ақ электрондық үкімет порталы арқылы Egov.kz, e-Otinish сервисі немесе аймақтық өкілдер басқармасы арқылы – аумақтық тиістілігі бойынша.Сондай-ақ, 2023 жылғы 23 наурыздан бастап Агенттіктің Қоғамдық қабылдау бөлмесі жұмыс істейді, онда азаматтар ақпараттық-анықтамалық сипаттағы консультациялар ала алады және реттеушінің қызметіне қатысты мәселелерді жедел шеше алады.&nbsp;

Қаржылық сауаттылық: Тұтынушылардың жиі қоятын сауалдары қандай? 

<a href="https://kyzylorda-news.kz/">Kyzylorda-news.kz</a>&nbsp; Екі күн бойы Көпбейінді облыстық ауруханада&nbsp;46 және 49 жастағы&nbsp;екі әйелге&nbsp;күрделі ота жасалды. Олардың біріне туған бауыры, енді біріне жұбайы донор болған. Екеуіде созылмалы бүйрек жеткіліксіздігімен ауырған жандар, бірі жасанды бүйрек аппаратымен үш жылға жуық ем алып жүрген.Отаға Көпбейінді облыстық аурухананың директоры, PhD доктор, трансплатолог Жасұлан Баймаханов, А.Н.Сызғанов атындағы Ұлттық ғылыми хирургия орталығының Бүйрек трансплантациясы, урология және нефрология бөлімшесінің басшысы Мададов Ислам Курбанович, аталған орталықтың Операциялық блок меңгерушісі, уролог-трансплантолог Ернұр Белгибаев, Бүйрек трансплантациясы, урология және нефрология бөлімінің уролог дәрігері, екінші санатты хирург дәрігер Ельшад Набиев, Анестезиолог-реаниматолог Ілесбекұлы Көлбай&nbsp;және басқа да білікті мамандар қатысты.&nbsp;Екі ота да сәтті өтті. Әрі білікті мамандар тәжірибесімен барлық еліміздің дәрігерлеріне&nbsp;18 және 19 наурыз күндері онлайн&nbsp;«Бүйрек Трансплантация» атты шеберлік сағатында бөлісті.Тәжірибелі трансплатация мамандары біздің облыста күрделі отаның бұл түрінің дамып жатқанына ризашылықтарын білдірді. Одан әрі жалғастыру үшін дәрігерлер өзара тәжірибе алмасып, медициналық көмекті қолжетімді етпек. Алматыдан арнайы келген А.Н.Сызғанов атындағы Ұлттық Ғылыми хирургия орталығының ақ халатты абзал жандарына ауқымды отаның сәтті өтуіне қосқан еңбектері үшін және шеберлік сағаты арқылы өз тәжірибелерімен бөліскені үшін Денсаулық сақтау басқармасының басшысы Олжас Ермекұлы ризашылығын білдіріп,&nbsp;алғыс хат табыс етті.Фото: Нұрболат Нұржаубай

Қызылордада екі азаматқа бүйрек трансплантациясы жасалды

&nbsp;<a href="https://kyzylorda-news.kz/">Kyzylorda-news.kz</a> &nbsp;Өткен жылы атқарылған жұмыстарды қорытындылау мақсатында Ақжарма ауылдық округінің әкімі саттар Әбдіреев қала әкімдігінің баспасөз орталығында брифинг берді. Жалпы бүгінгі күні Ақжарма ауылдық округінің халық саны 2386 адамды құрайды. Оның ішінде экономикалық &nbsp;белсенді &nbsp;халық&nbsp;саны &nbsp;– &nbsp;1071&nbsp;адам. &nbsp;Оның ішінде тұрмысы төмен төмен отбасылар саны – 30, зейнеткерлер – 205, жұмыссыздар саны – 9 адам. Жұмыссыздық деңгейін жою мақсатында тұрақты жұмысқа 33 адам орналасқан. Өзін-өзі жұмыспен қамтылғандар саны – 519 адамды құрап отыр.&nbsp; &nbsp; Өткен жылы ауылдық округтің бюджеті 157 миллион теңгені құрап, оның 152 миллион 5 мың теңгесі яғни 97,1 проценті игерілген. Сонымен қатар 2023 жылғы салықтық түсімдердің жоспары 7,1 миллион теңге болса, нақты түсім 7,8 миллион теңгені құрап, жоспар 110 процентке орындалған.&nbsp; &nbsp; &nbsp; 2024 жылға Ақжарма ауылдық округінің бюджетіне 152,2 миллион теңге қаралған, оның ішінде салықтан түсетін түсімдер 7,1 миллион теңге, салықтық емес түсім 0,1 миллион теңге. Жыл бойында атқарылатын жұмыстар, қызметтер мемлекеттік сатып алу заңына сәйкес ашық конкурс және баға ұсынысын сұрату тәсілі бойынша кезеңімен жарияланып, қадағалаумен орындалады.Ауыл экономикасының өсуіне ондағы кәсіпкерлік саланың дамуы да серпін беруде. Ауылдық &nbsp; округте&nbsp;164 кәсіпкерлік &nbsp;субъектілері тіркелген. &nbsp; &nbsp;Өткен &nbsp;жылы 25 &nbsp; кәсіпкерлік &nbsp; &nbsp;субъект &nbsp; тіркелді. &nbsp;Мемлекеттік &nbsp; бағдарламалар аясында яғни «Ауыл аманаты» бағдарламасымен 5 жоба ұсынылып, соның 1 жоба - 8 миллион 600 мыңтеңгеге қолдау тапқан. Ал «Аграрлық несие корпорациясы» &nbsp;«Жастарды қолдау» бағдарламасы арқылы (2,5 пайыздық несие беру) 4 миллион теңге болатын &nbsp;мал шаруашылығы бағытында 1 жоба қолдау тапса, Қызылорда өңірлік инвестициялық орталығы микроқаржылық ұйымы арқылы 3 миллион 500 мың теңгеге 1 жоба қаржыландырылған. Сондай-ақ «Еңбек» бағдарламасы аясында мемлекеттік грантқа 8 адам құжат тапсырып, 2 адам комиссия шешімімен оң қорытынды алған.&nbsp; &nbsp; &nbsp; &nbsp; Бұдан бөлек, өткен жылы ауыл тұрғыны Ғ.Ерназаров өз қаражаты есебінен 200 шаршы метр көлемінде бір жылыжай ашып, өнім шығаруда.&nbsp; &nbsp; &nbsp;Енді 2024 жылға «Ауыл аманаты» бағдарламасымен 5 жоба құжат дайындау барысында. Оның ішінде 2 жоба мал шаруашылығы бағытында болса, 3-еуі өндірістік бағыттағы жобалар.&nbsp; &nbsp; &nbsp; &nbsp; Қызылорда өңірлік инвестициялық орталығы микроқаржылық ұйымы арқылы (РИЦ) – 4 жоба құжаттандыру жұмыстарын жүргізуде.&nbsp; &nbsp; &nbsp; &nbsp; &nbsp; &nbsp; &nbsp; &nbsp; Ауылдың инфрақұрылымдық жүйесінде былтыр &nbsp;«Ауыл-ел бесігі» жобасы аясында 33 миллион 300 мың теңгеге Баймұрат батыр ауылынан&nbsp;ұзындығы 2,85 шақырым болатын 3 көшеге (Тоғай, Тоғай2, Қырман) түнгі көше жарық бағаналарын орнату үшін мемлекеттік сатып алу заңына сәйкес, анықталған женімпаз «Ai-Sultan Compani» ЖШС-сі анықталып, түнгі көше жарық жұмыстары жүргізілді. Одан басқа &nbsp;«Өңірлерді дамыту» бағдарламасы шеңберінде екі көшенің аяқ жақ бөлігіне (М.Мәметова, А.Құнанбаев) құны - 1 миллион 500 мың теңгеге&nbsp;мемлекеттік сатып алу заңына сәйкес &nbsp;анықталған «Стройинвест ГС-Кызылорда»ЖШС-мен ұзындығы 0,5 шақырым болатын&nbsp;түнгі көше жарығы орнатылды.&nbsp; &nbsp; &nbsp; &nbsp; &nbsp; Ақжарма ауылдық округінің елді мекендеріне&nbsp;5 аялдама&nbsp;орнатуға&nbsp;мемлекеттік сатып алу заңына сәйкес,&nbsp;жеңімпаз ЖК «Гүлім» &nbsp;анықталып, 3,0 миллион теңгеге Баймұрат батыр ауылына 3 аялдама, Талдыарал елді мекеніне 2 аялдама орнатылды.&nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Жуырда Ақжарма ауылы табиғи газға қосылады

Қазір әлемде технология күн сайын жаңарып, дамуда.&nbsp;Бұл өрлеу сатысында Қызылорда өңірі шетте қалмады. Республикалық стартаперлермен теңдесетін сырбойылық жастардың қарқыны мықты. Бұл – мақтанатындай жағдай. Осы орайда Қызылорда қаласындағы Назарбаев Зияткерлік мектебінің оқушысы, Kyzylorda Hub бизнес-инкубаторының резиденті, Nauanix командасының мүшесі Раушан Тұрғанбаймен әңгімелескен болатынбыз.–&nbsp;Nauanix қалай құрылды және командадағы рөліңіз қандай?<blockquote>– Команданың алғашқы мүшелері мен және Жұлдызай Мұңайтбасова.&nbsp;Қазіргі таңда Nauanix командасында 5 адам бар. Бастапқыда әрқайсысымыз жеке жоба жасап, Астана қаласында өткен байқауға қатыстық. Жарыс барысында бір-бірімізге көмектесіп, бауыр бастық. Сол мезетте ойымызға бірігу идеясы келіп, команда ретінде жи­нақталдық. Ко­мандада мен HR менеджер және Software developer жұмысын істеймін.</blockquote>–&nbsp;2022 жылы өткен облыстық хакатон сіздер үшін алғашқы байқаулардың бірі болды.&nbsp;Қандай тәжірибе жинадыңыздар?<blockquote>– Алғашқы жоба болғандықтан қобалжу болды. Алайда жаңа ортаға барып, жаңа адамдармен кездестік. Әртүрлі жобалармен танысып, осы салаға деген көзқарасымыз молынан ашылды. Ең бастысы – команда ретінде өзімізді жаңа қырымыздан таныдық.</blockquote>–&nbsp;Стартап жобаларды іске асыру барысында қандай қиындықтармен бетпе-бет келдіңіздер?<blockquote>– Стартап – тауарды, жобаны іске асырып, нарыққа шығару.&nbsp;Сол себепті жан-жақты зерттеулер қажет болды. Ақпаратты жинақтау және нарықты зерттеу қажет. Бәсекелестерді тауып, олардан ерекшелігімізді көрсету маңызды. Бұл салаға енді қадам басқандықтан осы мәселелер бастапқыда қиындық туғызды.</blockquote>–&nbsp;Ақпараттық технологиялар саласына қызығатын оқушыларға қандай кеңес береcіз?<blockquote>– Ақпараттық технология – ұдайы дамуды қажет ететін сала. Әрине, ең алдымен ақпаратпен дұрыс жұмыс жасау қажет. Сонымен қатар ақпараттық технология бағыты болғандықтан, сайт және бағдарламалар жасап үйренген жөн. Кәсіби тілде айтқанда SoftWare engineering бойынша дағдыларды арттыру қажет.</blockquote>–&nbsp;Kyzylorda Hub бизнес-инкубаторының ұйымдастыруымен өткен Startup Joly инкубациялық бағдарламасына қатыстыңыздар.&nbsp;Сыр өңірінде жас стартаперлер мен кәсіпкерлерді қолдаудағы Startup Joly секілді бағдарламалардың рөлін қалай бағалайсыз?<blockquote>– Өңірдегі дамытушы орталықтардың бірі Kyzylorda Hub бизнесинкубаторы өткізген 6 апталық Startup Joly бағдарламасына қатыстық.&nbsp;Бағдарлама аясында менторлармен бірге жұмыс жасап, жобалар мен стартаптарды, кәсіпкерлікті талдап, мол тәжірибе жинадық. Осы секілді жас стартаперлерді қолдайтын бағдарламалар біздің өңірге қажет деп ойлаймын. Тек бағдарлама емес кәсіпкерлік, IT саласын дамытуға күш салатын орталықтармен тығыз қарым-қатынас жасау арқылы біз білім алып, жаңа дағдыларды игереміз. Сонымен қатар сол саладағы мамандардан кері байланыс орнатып, өзіміздің осал жерімізді дамытуға керемет мүмкіндік ала аламыз.</blockquote>–&nbsp;Сүлеймен Демирел атындағы университет, Astana IT University және Қазақстан-Британ техникалық университеттерінен иемденген білім гранттарының сіздер үшін маңызы қандай?<blockquote>– Хакатон, фестиваль және түрлі байқауға қатысып, еліміздің мықты білім ордаларынан білім гранттарын иелендік.&nbsp;Бұл жетістік біз үшін маңызды, себебі ол болашақта білім алуға деген тірек көпір.</blockquote>–&nbsp;Халықаралық INFOMATRIX ASIA байқауы туралы толық айтсаңыз.&nbsp;Қандай жоба ұсындыңыздар?<blockquote>– INFOMATRIX – әлемдегі үздік IT студенттерін біріктіру мақсатында ұйымдастырылған халықаралық компьютерлік жобалар байқауы.&nbsp;Байқау тек кәсіби шеберлікті алға жылжыту емес, сонымен қатар әртүрлі елдердің студенттері мен мұғалімдерін бір алаңға жинау арқылы мәдениетаралық қарым-қатынас пен ынтымақтастықты дамытуға қызмет етеді. INFOMATRIX Астана қаласында SPECTRUM жеке мектебінде өтті. Жарыс 16-18 желтоқсан аралығында ұйымдастырылып, 3 күнге созылды. Еліміздің бас қаласына өзге елдің өкілдері келіп, бақ сынады. Халықаралық байқауда бағытымыз бойынша инновациялық медициналық құрылғыларды таныстырып, жоба қазылардың көңілдерінен шықты. Нәтижесінде көк туымыз биікке желбіреп, алтын медаль иелендік.</blockquote>–&nbsp;Сіз 11 сынып, Жұлдызай 12 сынып оқушысы.&nbsp;Сабақпен қатар байқауларды бірге алып жүруде қиындықтар туындамай ма?<blockquote>– Әрине, жобалармен айналысу ол ауқымды үдеріс. Бастапқыда білместіктен көп уақытты зая кетіріп, сабақты қоса алып жүру сәл қиындық туғызды. Алайда тәжірибе жинай келе, жұмысқа кедергі болмайтындай оңтайлы іс-әрекет жасайтын болдық.</blockquote>–&nbsp;Ең сәтті шыққан жобаларыңызға тоқталсаңыз…<blockquote>– Ең сәтті жобалардын бірі – Lezde құрылғысы.&nbsp;Ол саусақ ізі арқылы адамның медициналық кітапшасын лезде шығарады. Бұл құрылғы адам ес-түссіз жағдайға тап болғанда өте тиімді. Себебі осы арқылы біз оның қандай дәріге аллергиясы барын немесе есепте тұратынын анықтап, алғашқы көмек бере аламыз. Келесі EcoDabyl жобасы ауа сапасы туралы халықтың хабардарлығын арттыруға арналған инновациялык жоба. Құрылғының басты мақсаты – ауа сапасын тікелей дәл осы уақытта бақылау арқылы денсаулыққа келетін зардаптың алдын алу.</blockquote>– Nauanix командасының осы жылға жоспары қандай?<blockquote>– Әрине, жоспар мен мақсат көп.&nbsp;Тағы да жарыстар, хакатондар мен байқауларда бақ сынап, тәжірибе жинауға дайындық үстіндеміз.</blockquote>–&nbsp;Сұхбатыңызға рақмет!

«Lezde» құрылғысын жасаған стартапер

<a href="https://kyzylorda-news.kz/">Kyzylorda-news.kz</a> &nbsp;Президент Қасым Жомарт Кемелұлының наурыз мерекесіне орай өткізілетін іс-шаралардың жоспары аясында және «Қызылорда электр тарату тораптары компаниясы» АҚ құрылғанына 60 жыл толуына орай ағымдағы жылдың 19 наурызында Қызылорда облысы көлемінде 600 түп жеміс, терек, сыр талын отырғызды.&nbsp;«Бір тал кессең, он тал ек» қағидасын мықтап ұстанған халқымыз үшін тал егу – маңызды істердің бірі. Қазақ әуел бастан Наурыз мерекесіне ерекше даярланған. Көктем келіп, күн қыза бастағаннан-ақ ауланы, тоғайлар маңын тазалап, ағаштардың түбін әктеп, күтім жасаған.&nbsp;Наурыз–мезгілдің, жылдың жаңаратын уақыты ғана емес, адамның да жан дүниесін тазартатын, не тындырдым деп өткен жылға қайырыла қарайтын тұс. Барша жұртты жұмылдыратын тал егу жұмысы арқылы табиғат-анаға, күллі жаратылысқа деген ықыласты оятып, адам баласының табиғатпен үйлесімді түрде дамитынын ұғындыру парыз.&nbsp;Бұл акцияны өткізудегі негізгі мақсат - экологиялық ахуалды жақсарту, шаһарымызды көгелдандыру, білім ошақтарының айналасын жасыл ағаштармен көмкеру, көркейту, гүлдендіру болып табылады. Қоршаған ортаның жақсаруына өз үлесімізді тигізу үшін сенбіліктер өткізіп, ауламыздың, қаламыздың аумағын тазартып, абаттандырып, жасыл желектер отырғызып, шырайын әрлендіре түсуіміз керек.

Жаңару күні 600 түп ағаш егілді

<a href="https://kyzylorda-news.kz/">Kyzylorda-news.kz</a> &nbsp;«Наурызнама» онкүндігі бойынша бүгін – «Мәдениет және ұлттық салт-дәстүр» күні. Яғни, халқымыздың мәдениеті, өнері, төл құндылықтары, ұмыт болған әдет-ғұрыптары қайта жаңғыртылып, кеңінен насихатталады.Мән-маңызы айрықша мерекеде «Анаға тағзым» орталығында бүгінде көпшілік біле бермейтін бірқатар салт-дәстүріміз көрсетілді. Абылай хан атындағы №140 қазақ орта мектебі және А.Тоқмағамбетов ауылының ақ жаулықты аналарымен бірлескен шарада түпкі мағынасы терең, тағылым мен тәрбиеге толы «Босаға майлау», «Қамшы ілу», «Құрсақ шашу», «Құлақ тесу», «Шашбау тағу», «Шаңырақ тілеулесі» сынды дәстүрлеріміз дәріптелді.&nbsp;Сырдария ауданы, Асқар Тоқмағамбетов ауылынан арнайы келген асыл әжелер «Орталық берекелі-мерекелі, майдай жұғымды, көптің үйі болсын» деген ізгі тілекпен жаңа ғимаратымыздың босағасына май жақты. Содан соң, көпшілікке «Қамшы ілу», «Құрсақ шашу» дәстүрлерін көрсетті.Ал, Абылай хан атындағы №140 қазақ орта мектебінің ұжымы «Құлақ тесу», «Шашбау тағу», «Шаңырақ тілеулесі» дәстүрлерінен қойылым қойды. Халық ұғымында қыздың құлағын тесу ұлды сүндеттеумен пара-пар рәсім саналған. Сондықтан, балиғат жасына толған қыздың құлағын тесу үшін анасы, жеңгелері, апалары жиналып, қыздырылған инемен немесе қарапайым тарымен құлағын тескен. Тәрбиелік мәні зор дәстүр бойынша, үлкендер «сен енді сырғалы қыз болдың», «сырға таққан соң, қыз санатына қосылдың, енді саған қуыршақ ойнау жараспайды» деп, оның құлағына жайлап сіңіре берген. Мұның мәні – қыз бала қуыршақтың орнына қолына кесте алып, анасына көмекші болсын деген ниет.&nbsp;&nbsp;«Шаңырақ тілеулесі» де – бүгінгінің адамдары біле бермейтін мағынасы терең дәстүріміздің бірі. Елден жырақ кеткен ерлерді дәм-тұз туған жеріне тартып тұрсын деп, нанның бір үзімінен дәм татырған. Ал, бір бөлігін шаңыраққа тілеулес болсын деп алып қалған. Ізгі ниетпен ырымдалған дәстүрді Абылай хан атындағы №140 қазақ орта мектебінің ұжымы қойылым ретінде көпшілікке ұсынып, ұмыт болған ғұрыпты дәріптеді.&nbsp;Осылайша, «Мәдениет пен ұлттық салт-дәстүр» күнінде төл құндылықтарымыз ұлықталып, танымды әрі тағылымды, тәрбиелік мәні зор ғұрыптарымыз жаңғырды.

Оқушылар «Мәдениет және ұлттық салт-дәстүр» күнін атап өтті

<a href="https://kyzylorda-news.kz/">Kyzylorda-news.kz</a> «Дарын» облыстық қосымша білім беру орталығының ұйымдастыруымен бастау алған «Жауқазын жүрек» І облыстық (өңірлік) балалар шығармашылығын дамытуға арналған көшпелі әдеби алаң 15 наурыз күні Шиелі ауданында өтті. &nbsp;Күн көтеріле М.В.Ломоносов атындағы №47 мектеп-лицей базасында басталған дода түс ауа аяқталды.Әдеби алаңды «Дарын» облыстық қосымша білім беру орталығы директорының орынбасары Г.Ізбасарова мен аудандық білім бөлімінің бас маманы Т.Бөпежанов ашып, қатысушыларға сәттілік тіледі. Әдеби алаңға облыстың әр ауданынан әңгіме жазу бойынша бақ сынасуға 40 үміткер қатысты.Шарада қатысушыларға жергілікті жазушылар шығармаларынан жинақталған "Әдеби дилижанс" кітап көрмесі, аудандық Оқушылар үйінің "Шебер қолдар" үйірмесінің ұлттық көрмесі таныстырылды. Іріктеу кезеңінен соң үзіліске шыққан үміткерлер мектеп-лицейдің асық алаңында асық ойнап, этноауылда домбырашылардың өнерін тамашалады. Көркемсөз оқушылар алаңға жиналған үміткерлерге жырдан шашу шашып, қадамдарына сәттілік тіледі.Әдеби алаңның негізгі бөлімінде фасилитатор мамандар Қазақстан Журналистер Одағының мүшесі, аудандық «Өскен өңір» газеті бас редакторының орынбасары Гүлнар Дүйсебай, қазақ тілі мен әдебиеті пәнінің мұғалімі Ләззат Түменбаева мен Қазақстан Журналистер одағының мүшесі Дина Жүсіпова сараптама жасап, арнайы бағалау өлшемдерімен бағалап, өз пікірлерін білдірді, бағыт-бағдар жасады. Әдеби алаң үміткерлері «Қауырсын қалам», аудиалды жазылым бойынша «Қиялымды самғаттым...», визуал вайб тапсырмасымен «Суреттер сөйлейді...» кезеңдерінде өз қабілеттерін танытты. Әдеби алаңда сөз маржанын тереңнен теріп, көркем құндылығымен, әңгімедегі оқиға арқауымен тыңдарман қауымды ынтықтыра алған 9 оқушы арнайы номинациялармен марапатталды.Қызылорда қаласынан келген Жарқын Мұхамбетияр &nbsp;«Қиялы ұшқыр қаламгер» &nbsp;атанса, жаңақорғандық Гүлжайна Әжіманова «Көркем сөздің шебері», жалағаштық Ұлболсын Бекзулла «Әсерлі әңгіме қаламгері» атанды. Қазалыдан келген жас қаламгер Әлия Кенжебекқызы «Сырлы сезім иесі» атанса, қос сырдариялық қатысушы Әзиза Әлібекқызы «Уақыттан ойы ұшқыр», Аянат Қуанышқызы «Сара сөздің зергері» номинациясын иеленді. Жерлесіміз Нұрлыжан Сейтомаров «Импровизатор қаламгер» болса, қармақшылық Ердәулет Орынбасаров «Ойы терең, өрнегі өзгеше қаламгер», аралдық Нұрай Маратова «Образ сомдаудың озығы» номинациясына лайық деп танылды.Әдеби алаң соңында көшпелі «Жауқазын жүрек» статуэткасы Сырдария ауданына табысталды. Жоғары деңгейде ұйымдастырылған шараға қатысып, шабыт алған оқушылар мен жетекшілері шараны ұйымдастырушыларға өз ризашылықтарын білдірді.

"Жауқазын жүрек" Шиелінің төрінде

Қармақшыда 8350 оқушы ыстық тамақпен қамтылған

Бүгінде облыста 7 конфессия өкілдері, олардың қатарында 182 мешіт, 15 шіркеу бар.&nbsp;Соның ішінде бабадан мұра, атадан аманат болып қалған Ислам төңірегінде әртүрлі алыпқашпа әңгімелер мен ақиқаттан өзге сөздер еріп жүргені жасырын емес. Олар шындыққа жанаспақ түгілі, илануға келмейтіндей деңгейде. Міне, сондай оспадар ойлы, өресі төменділердің әсерінен дініміз қайсы, дәстүріміз қандай деген күмәннің артынан еріп жататын жағдаяттардың ортасында қалдық.Қазіргі күні байқасаңыз, жастар мешітке көп баратын болды. Дегенмен, сол жастардың бәрінің бірдей дінімізге деген көзқарасы дұрыс па әлде жаңсақ басып жүргендері де бар ма? Міне, гәптің бәрі осында!Әсілінде, дін мен дәстүр – түбі бір егіз ұғым.&nbsp;Мұны біз, әсіресе жастар қауымы қалай ұғынып жүрміз? Бұл екеуі ажырамас, бір-бірімен біте қайнасқан ұғым. Оның аражігін ажырату үшін үлкен діни білім, ұлттық дәстүрді жете меңгерген қабілет керек. Ең бастысы, дініміз бен дәстүрімізді ұғындыратын, соған жетелейтін насихат құралы қажет. Қазақ халқы қашанда дәстүр-салтымен, әдет-ғұрпымен өмір сүрген халық. «Уықты басқұр сақтайды, ұлтты дәстүр сақтайды» деп бабаларымыз бекер айтпаса керек-ті.<h2 style="margin-left:0cm;">Домбыраға дақ жұқпасын</h2>Әлеуметтік желіде «домбыра шерту, беташар жасау, келіннің сәлем салуы – харам» деген мағынада айтылған пікір қоғамды екіұдай күйге түсірді. Осы пікірге қатысты азаматтар тарапынан Қазақстан мұсылмандары діни басқармасына сауалдар көптеп түскен.<blockquote>– Ислам әлеміндегі танымал ғұламалардың бірегейі Имам әл-Ғазали мен Әбу Ханифа мәзһабының көрнекті ғалымы Абдул-Ғани ән-Нәбулусидің көзқарасы бойынша дінді насихаттау, халықты отансүйгіштікке, имандылыққа, бірлік пен адамгершілікке шақыру мағынасында айтылған әнге рұқсат. Ал адамға жаман ой тастайтын, арақ пен әдепсіз іске үндейтін ән айтуға шариғатымыз тыйым салған. Ғұлама Абдул-Ғани ән-Нәбулуси өзінің кітабында: «Пайғамбарымыздың кейбір хадистеріндегі әуенге байланысты тыйымдар осындай теріс бағытқа жетелейтін әуендерге байланысты болса керек» (әл-Имамул-әкбар Махмуд Шәлтут, Әл-Фәтаауа. 355-бет) деп жазады.Сан ғасырдан бері Ислам дінін ұстанып келе жатқан қазақ халқы ұлттық аспабымыз – домбыра арқылы ән, терме-толғау шырқап, тыңдаушыны имандылыққа, ізгілікке, адамгершілікке, Отанды қорғауға, ата-анамызды қадірлеуге шақырған. Қазақстан мұсылмандары діни басқармасы әлеуметтік желі қолданушыларын «домбыра шерту, беташар жасау, сәлем салу – харам» деген мағынада біржақтама, негізсіз пікір айтып, халық арасында түсінбеушілік тудырмауға үндейді. Ұлттық құндылықтарға қарсы келу дұрыс емес екенін мәлімдейміз, – делінген Қазақстан мұсылмандары діни басқармасының хабарламасында.</blockquote>Елді іштен ірітуді алдына мақсат қойған топтар дәл осы кезде қайыру бермей тұр. Бұл арандатушылардың түбін іздей бастасаң тым әріге тартып кетеді. Елді рухсыздандырудың алғы шарты рухани құндылықтарға қол сұғудан басталатыны белгілі. Себебі, ұлттық құндылықтардан айырылған ұлт, ұлт есебінде өмір сүруін тоқтатады. Сондықтан да сыртқы күштердің өз шіріген жұмыртқаларымыз арқылы жанды, жансыз рухани дүниемізді тартқылайтыны.<blockquote>– «Адам ата жұмақтан жерге түскен соң көп жылдардан кейін, ол жақтағы сазды, сол сазды шығаратын аспапты сағынып, алғаш домбыра жасапты» дейтін, ата-бабамыз айтып кеткен қиссамыз қайда? Тіпті, Шыңғысқа Жошының қазасын естіртіп, ашуға булыққан қаған шанағына қорғасын құятын да осы домбыра еді ғой. Сонда, ұлт үшін қасиетті болған дүниелердің бәріне кім көрінген итше сарып кете бере ме? Бұл қасиетті аспап бүкіл өнеріміз бен мәдениетіміздің құндағында жетілген қара домбырамыз емес пе еді?Он тоғызыншы ғасырда өмір сүріп, біздің дәуірімізге дейін аты өшпей келе жатқан Қашаған Есқали молдаға:Қолымдағы қу ағаш,Сайрап отыр бұл ағаш.Асылы емен, қарағай,Шыққан жері су ағаш.&nbsp;Найзасына батырдыңСап та болған бұл ағаш.Дариядан өткендеПырақ болған бұл ағаш.&nbsp;Қараңғыда жарығыШырақ болған бұл ағаш.қаріп пенен ғасіргеҚуат болған бұл ағаш.&nbsp;Жетім менен жесіргеСуат болған бұл ағашЖаңа дәрет алғанда,Сәждеге басың салғанда,Аузыңа салған мәсуәкАғаш емей, арқан ба?!Боқтағаның қай ағаш? – деп қасиетті қара домбыраны қорғаштап запыран төкпеуші ме еді, – дейді жыршы, ҚР мәдениет қайраткері Берік Саймағанбетов.</blockquote>Ұлтты ұйыта алатын қасиет пен кие атаулыны қаны қазақ азаматтар ғана қорғамаса, ол өзге ұлт пен өз ұлтымыздың ішінен шыққан шұбар жыландарға мүлде қажет емес. Ұлтқа зияны тиетін, ұлттық мүлдеге қайшы келетін, ұлттық құндылықтарымызды құрдымға жіберуге әрекет ететін кез келгенгн жаза тағайындалу керек. Өмірден өтем дегенше қазақтың рухын асқақтатып кеткен, батыр Бауыржан Момышұлы «Ұлт болам десең бесігіңді түзе» деген жоқ па… Сақтасақ ұлттығымызды сақтайық.<h2 style="margin-left:0cm;">Ұлттық дәстүр ұлықталуы тиіс</h2>Кейінгі жылдары күн тәртібінен түспеген қоғамдық мәселелердің бірі – дін мен дәстүр мәселесі. Ғасырлар бойы ата-бабаларымыз дәстүр мен дінді қатар ұстап келгенін жақсы білеміз. Осы ретте, зайырлы мемлекет ретінде қоғамнан діннің бөлінуі мүмкін еместігін және дін мен дәстүрдің ажырамас құндылықтар екенін жақсы білуіміз керек. Себебі дін де, дәстүр де – қоғамдық қарым-қатынастарды реттеуші, олар бір-бірін толықтырып отыратындығы білікті дінтанушылар тарапынан әрдайым айтылып келеді. Тіпті Қазақстан мұсылмандары діни басқармасы тарапынан да бірнеше жыл бұрын «Дін мен дәстүр» кітабы жарық көрді. Заманында Мұхаммед пайғамбар (с.ғ.с.) сахабаларына: «Дінді өзге халықтарға сіңдіру үшін сол халықтың салт-дәстүріне тиіспеңдер, нұқсан келтірмеңдер, егер шариғатқа қайшы келмесе», – деген еді. Осы сөзді ұстанған сахабалар мен дін таратушылар қазақ даласына келіп, қазақтың салт-дәстүріне, түріктік дүниетанымына негізделген ислам мәдениетін қалыптастырды. Оның көрнекті өкілдері ретінде Бекет ата, Бектеміс Ержан хазірет, Оразмағанбет Тұрмағанбетұлы, Қожа Ахмет Яссауидің шәкірті сопы Шопан ата секілді тұлғаларды айтса болады.Өкінішке қарай, соңғы жылдары түрлі ағым өкілдері діннің тазалығы жайында әңгіме айтамыз деп, қазақтың салт-дәстүрін ысырып тастап, өзінің теріс идеологиясын қабылдатқысы келеді. Олар тек Құранмен ғана жүруіміз керек деп, сүннет пен салт-дәстүрді тәрк етуде. Шәкәрім атамыз мұндай ағымдарды «шатақ діндер» деп атаған. Жат ағымды ұстанушылар анасын жылатып, атасын сыйламай «сенің қолыңнан тамақ ішпеймін, өйткені сен намаз оқымайсың, сендер кәпірсіңдер» деп талайы тура жолдан адасып келеді. Қазіргі таңда елімізде жат ағым өкілдеріне қарсы қарқынды жұмыстар жүргізілуде. Бұл жұмыстың уақыт өте келе нәтижесін көріп келеміз. Яғни дәстүрлі дінге бет бұрып, жат ағымда жаңылып жүргендерін мойындауда. Олармен жұмыс жасау үшін әуелі олардың бойына ұлттық иммунитетті сіңіру керек екені айқын.Ұлттық иммунитет дегеніміз – халқымыздың ұлттық салт-дәстүрі, өзіндік дүниетанымы. Халқымыз исламның тек сыртқы формасына ғана емес, оның ішкі мәйегіне де жақсы үңіле білген. Қай халықтың болсын салт-дәстүрлері сол халықтың мінез-құлқын, қасиеттерін таныта алады. Қазақ халқының салт-дәстүрлері мен әдеп-ғұрыптары халықтың тұрмысына, тәрбиесі мен мінезіне, сеніміне қарай қалыптасып келеді. Бүгінгі таңдағы басты мәселе халықтың асыл қазынасын жастардың бойына сіңіре білу, рухани байлығынан сусындату, салт-дәстүрін, тілін, діні мен ділін үйрету. Дін адамның рухани қажеттіліктерін өтейді. Адамзат баласын ізгілікке, адамгершілікке бағыттай отырып, оны теріс қылықтардан сақтандырады. Әрдайым Құдайдың бар екенін еске салып отырады. Ал дәстүр – ұлттың қағаз бетіне түспеген заңдары десек те болады. Адамдардың қатынастарын жазбаша заңдарға дейін ғасырлар бойы салт-дәстүр қамтамасыз етіп келген дейді тарихшыларымыз. Осы ретте елімізде әлі күнге дейін халық арасындағы кейбір мәселелер салт-дәстүр арқылы реттеліп келе жатқанына куә болып жүрміз.<blockquote>– Дін мен дәстүрдің қоғамдағы алатын орны жоғары, ұлттық құндылықтар дұрыс қалыптасу үшін де атқарар маңызы өте зор. Дін – адамдық ізгі қасиеттерімізді асқақтатса, салт-дәстүр – ұлт болып қалыптасуымыз үшін қажет. Әр халықтың өзіне тән, қоғамның дамуына байланысты ерекшеліктері болады. Мәселен, еліміздің ұлан-байтақ жерді алып жатуының өзі ғасырлар бойы халқымыздың бойындағы, батырлық пен ерлік дәстүрін тудырған. Қазақ – ұлттық дәстүрге ерекше мән беретін халық. Дәстүр – ұлтты рухани жандандырып, оның ішкі және сыртқы келбетін өрнектеп, көрсетіп тұратын сипаттар. Дін мен дәстүр – қашанда бір-бірімен сабақтас ұғым. Екеуі егіз тақырып десек те болғандай, – дейді облыстық «Ақмешіт-Сырдария» орталық мешітінің наиб имамы Қайырбек Отызбаев.</blockquote>Ислам – адамгершілік пен парасаттылықтың, қайырымдылық пен ізгілік діні. Осынау асыл дінді әр саққа жүгіртіп, бұрмаламай өзінің тұнық қайнарынан үйренуге тырысқанымыз жөн. Халқымыздың ғасырлар бойы қалыптасып келген дәстүрлі дінін, әдет-ғұрпын жоққа шығармайық.

Дәстүр – ұлттың қағаз бетіне түспеген заңдары

<a href="https://kyzylorda-news.kz/">Kyzylorda-news.kz</a> &nbsp; Қазақ қашанда жесірін қаңғыртпаған, жетімін жылатпаған халық. Соңғы уақыттары аналарға қатысты зорлық-зомбылық жайттары көбейгендіктен мемлекет тарапынан отбасын қолдау орталықтары ашыла бастады. Өткен жылдың шіліңгір шілдесінде Қазалы ауданы әкімдігінің қаулысымен бекітілген «Қазалы ауданы жұмыспен қамту және әлеуметтік бағдарламалар бөлімі» жанынан «Отбасын қолдау» орталығы ашылған болатын. Жаңадан іске қосылған бөлім күз айында Қ.Сансызбаев атындағы №2 көшесінде орналасқан ғимаратқа көшірілді. Отбасын қолдау орталығының мақсаты – қиын жағдайларды жеңу және жеке ынтасын күшейту. Әлжуаз топтарды қолдайтын мемлекеттік деңгейдегі орталық әлеуметтік кеңестер бағытындағы кешенді бағдарламаларды жүзеге асыруда бірнеше арнаулы әлеуметтік қызметті көрсетеді. Атап айтқанда, әлеуметтік аз қамтылған отбасылардың өмір сүру сапасын жақсарту және көпбалалы аналардың қиын жағдайларды еңсеруде ынтасын арттыру, оның жеке қаржылық жағдайын түзеу. Кәсіптік, кәсіпкерлік бағыт-бағдар беретін қысқа мерзімді курстарды ұйымдастыру, курстарға жіберу және курстарды аяқтағандығы туралы сертификаттар беріледі. Сонымен бірге, жұмысқа бейімдеу, мұқтаждығына қарай түрлі сала мамандарының жауаптылығы бойынша ұсыныстар ұсынылады. Мұқтаж аналардың өзекті мәселелері бойынша тиісті мекемелермен кездесу ұйымдастырылады. Психологиялық, әлеуметтік және құқықтық кеңес беріледі. Жеке жоспарға сәйкес көрсетілетін қызметтерді алушылар, уақытша болу және тұру кезеңінде қызметтер көрсету арқылы қорғауды және жан-жақты көмек көрсету қамтамасыз етіледі. Бүгінде орталықта отбасылық-тұрмыстық зорлық-зомбылыққа ұшыраған жандарға уақытша көмек көрсету бойынша 3 орындық төсек-жабдықпен қамтамасыз етілген. – Қазір Әйтеке би кенті бойынша тұрмысы төмен 724 отбасының тұрмыстық әл-ауқаты тексерілді. Оларға алдын ала зерттеу-зерделеу актісі жасалды. Оның ішінде, 252 тұрмысы төмен, 188 көпбалалы отбасы, 284-нің тұрмысы орташа яғни, әлеуметтік көмекті қажет етпейді. Мемлекеттік атаулы әлеуметтік көмекке құжаттарын дайындауға орталық қызметкерлері жәрдемдесіп келеді. Осы күнге дейін 25 отбасыға атаулы әлеуметтік көмек тағайындалды. Сонымен қатар, «Отбасын қолдау» орталығының қызметкерлері Әйтеке би кентіндегі тұрмысы төмен, жалғызбасты Дүйсенбек Ташамановтың үйіне әктеу-сырлау жұмыстарын жүргізді. Бұған қоса жеке кәсіпкердің демеушілігімен азық-түлікпен көмек көрсетілді, – дейді «Отбасын қолдау» орталығының директоры Ахметулла Аманов. «Отбасын қолдау» орталығының ұжымы және жеке кәсіпкерлердің демеушілігімен Әйтеке би кентіндегі 15 тұрмысы төмен, аз қамтылған отбасыға 375 мың теңге көлемінде азық-түлікпен және қаржылай көмек жасалды. Қазалы аудандық қоғамдық даму мен ішкі істер, білім бөлімі және орталық мешіт имамдары атсалысқан 28 іс-шара ұйымдастырылды. Бұдан бөлек, ювеналды полиция тобының аға инспекторы, полиция майоры Мархабат Бегалиева және әйелдерді зорлық-зомбылықтан қорғау тобының инспекторы полиция капитаны Сәуле Бишекова, «Қазалы аудандық қоғамдық даму» бөлімінің теолог маманы Дәулет Дарханұлының қатысуымен «Зорлық-зомбылықсыз балалық шақ», «Тұрмыстық зорлық-зомбылық және нөлдік төзімділікті қалыптастыру», «Зорлық-зомбылықсыз қоғам» атты семинарлар өткізілді. «Отбасын қолдау» орталығының әлеуметтік парақшаларында тұрақты жариялануда. Орталық мамандарының ұйымдастыруымен «Зорлық-зомбылыққа қарсы 16 күн белсенділік» акциясына орай видео ролик түсірілді. Жеке кәсіпкерлердің демеушілігімен 17 тұрмысы төмен, аз қамтылған және көпбалалы, жалғызбасты аналар «Тігін», «Шаштараз», «Бет әрлеу» сынды қысқа мерзімді курстық оқудан өтті. Оларға сертификаттар берілді. Бұл құжат арқылы алдағы уақытта мемлекеттік қайтарымсыз несие алып, өз кәсіптерін дамытуына мүмкіндік береді. Мамандардың айтуынша, биыл бірінші жарты жылдыққа алдын ала іс-шара жоспары бекітілген. Осы ретте оңтайлы жұмыстар жүргізілуде. Ағымдағы жылдың 15 қаңтарынан бастап, «Отбасын қолдау» орталығының қызметкерлері Әйтеке би кентіндегі 523 аз қамтылған, тұрмысы төмен отбасына зерттеу-зерделеу жұмыстарын жүргізуде. Бүгінге дейін орталық қызметіне 45 отбасы жүгінген.&nbsp;

Қазалыда қиын жағдайға душар болған отбасыларға қолдау көрсетілуде

<a href="https://kyzylorda-news.kz/">Kyzylorda-news.kz</a> &nbsp;Еліміздегі өнертапқыштар өнертабыс әлеміне өзіндік қолтаңбасымен келіп, жарқын із қалдырды. Дегенмен әттегенайы да жоқ емес. Бірі құжатқа осал болса, енді бірі жай ғана жан қалауымен айналысып жүр. Ашқан жаңалығын жария еткісі келмейтіндер, асқан даңққа қызықпайтындар да кездеседі. «Патенттен пайда көрмедік», «Бізді кім бағалайды» деушілер де жоқ емес.Бүгінде өнертабыс иелері көбейіп, ғылымға заманауи жаңа­лықтар енгізу жиіледі. Мұндайдың сан түрін интернет желісінен біліп, көріп жүрміз. Әлем ғалымдары өркениет өрге басқан сайын жаңалықтар мен тосын өнертабыс түрлерінің де саны арта беретінін айтады. Дегенмен өнертабыс иелерінің дені ғалымдардың үлес салмағында екенінде дау жоқ.&nbsp;Бірақ қарапайым халық арасында жоқтан бар жасап, онысын кәдімгідей кәдеге жаратып жүргендер де жоқ емес. Тек өзі ғана емес, жасаған туындыларының қызығын ел көріп, халық арасына кең таралып жататындары да кезігеді. Дегенмен көп жағдайда мұндай алтын қолдардың жұмысының 70 пайызы еленіп-ескерілмей тасада қалып қоя береді екен.<blockquote>– Біз орасан зор қарқынмен дамып келе жатқан прогрессивті әлем­де өмір сүріп жатыр­мыз. Бұл өсу мен прогресс ғылымның, көптеген зерттеуі мен тәжірибенің жемісі. Адамдар қолданатын барлық дүние, соның ішінде автокөлік, электр қуаты, денсаулық сақтау және ғылымның өзге саласындағы жетістіктер алдымен өнертап­қыш­тар­дың жаңа­лықтарының нәтижесі.Егер адамзат ең ұлы ақыл-ой иесі болмаса, біз әлі де орта ғасырлардағыдай өмір сүрген болар едік. Адамдар өнертабыстарды көп жағдайда қарапайым, қолдан жасалған деп қабылдайды. Бірақ бәрібір біз қанша қарапайым болса да өнертабыс иелеріне құрмет көрсетуіміз керек, – дейді ғалым, 100-ден аса ғылыми еңбектің, он шақты өнертабыс патентінің авторы Қ.Байшағыров.</blockquote>Айта кеткен жөн, Қазақстанда өнертабыс иелерін ынталандыру мен лайықты марапаттар ұсыну мақсатында Әділет министрлігінің мұрындық болуымен жыл сайын «Шапағат» деген атпен өнертабыс иелерінің республикалық конкурсы ұйымдастырылады.Ұлттық зияткерлік меншік инс­титутының хабарлауынша, байқауға өнертабыстың қолда­нылуы туралы жеке тұлғаның өтініші, кәсіпорынның, мекеменің және ұйымның пікірі, жалпы алған патенттері, авторлық куәліктері көрсетілген өтінімді үміткер атынан ғылыми ұйымдар немесе қоғамдық ұйымдар ұсынады.«Шапағат» республикалық кон­курсы былтыр елордада дүркіреп өтті. «Шапағат-2023» деген айдар­мен өткен байқауға отандық өнер­тап­қыштар өз жұмысын өткізген. Әділет министрлігі өкілдерінің айт­уынша, биыл кон­курсқа 200-ден аса өнер­тап­қыш өтініш біл­дірген. Жеңім­паздар «Жыл өнер­табысы», «Өнер­тапқыш әйел», «Үздік инно­вациялық ком­пания», «Жас өнер­тапқыш» сияқты номи­­на­циялар бойынша мара­­патталған. Үздік өнер­табыс иеле­ріне «Еліміздің еңбек сіңірген өнер­тапқышы» құрметті атағы берілген.Байқау ғылыми жобалар үшін көп­­теген мүм­кін­дікке жол ашып беретіні рас. Үздік деп танылған жо­балар өз па­тенттері мен дип­ломдары ар­қылы өзге де әлемдік бай­қау­ларға қатысуға жолдама болмақ. Бірақ әлемдік байқауға қатысу үшін қаржылық қолбайлау мен өзге де кедергілер кездесе кететіні белгілі.Өкініштісі, біздің елде өнертапқыш өзі жасап шығарған ғажайып дүниесін өндіріске енгізу үшін не өзінде мол қаражаты болуы керек немесе мемлекеттік гранттық конкурстарға қатысып, соның есебінен жұмысын жалғастыруы қажет. Ал мемлекеттік грантқа қатысу үшін ол міндетті түрде еліміздегі ғылыми мекемелердің бірінде қызмет етуі шарт. Сөйтіп, екі не үш жақты болып жүрген адамның шығармашылықпен айналысуға уақыты да қалмайтыны тағы бар.Ал елімізде ешкімге алақан жаймай, ешқандай байқауға қатыспай-ақ өзінің өнертабысын өзі жетілдіріп, дамытып, қызығын көріп отырғандар қаншама? Қызылордалық Марат Палмахов өзі ойлап тапқан генератордың көмегімен шалғайдағы ауылдарды электр қуаты­мен және сумен қамтамасыз етуді жоспарлап отыр. Оның идеясына елдің беделді университеттері, соның ішінде Nazarbaev университеті қызығушылық танытты. Ол «дипломсыз инженер» автономды генератор моделімен 9 жыл бойы жұмыс істеді. Ақырында, көпжылдық эксперименттер мен сынақтар сәтті аяқталып, өткен жылы экологиялық таза және сыртқы энергия көздерін қажет етпейтін «мәңгілік қозғалтқыш» дайын болды.<blockquote>– 2021 жылы мен өздігінен электр және сумен қамта­ма­сыз ете алатын автономды генератор жасадым. Дизайн мен жұмыс принципін қолдану оңай және үлкен шығынды қажет етпейді, сондықтан құралды жеке тәртіппен және өнеркәсіптік өндірісте пайдалануға болады. Генератор эколо­гиялық материалдардан жи­налады және қоршаған ортаға зиянды қалдық шығармайды, бұл қазіргі жағдайда аса маңызды жайт. Сондай-ақ генератор толығымен автономды, яғни оның жұмысы сыртқы факторларға байланысты емес. Қуат көзі ретінде жел де, су да, электр энер­гия­сы немесе отын­ды қажет етпейді, – дейді М.Палмахов.</blockquote>Ал өткен жылдары қызыл­орда­лық оқушылардың ғылыми еңбектері көпті тәнті еткенін білеміз. Олардың өнертабыстары өңірдің дамуына, әртүрлі сала­лар­дың жандануына арналған. Б.Төлебай медицина қызмет­керлеріне көмекші бола алатын робот құрастырса, Д.Хегай ауыл­шаруа­шылық саласына қажетті тыңайт­қыштарды, тұқымдарды шашатын көпфунционалды ұшу аппаратының прототипін жасаған еді.<blockquote>– Бұл қондырғы өсімдіктер ауруын және өрттердің алдын-алуда диқаншыларға үлкен кө­мек­ші бола алады. Көп энергияны қажет етпейді және үлкен аумақ­тарды бүркуде өте тиімді, – дейді жас өнертапқыш. Судың сапасын жақсартуда және өнді­рістік суды тазартуда Зарина Айсауытова өзінің оңтайлы шешімін ұсынды. Яғни кальций силикатының золін вакуммда өңдеу және оның мыс катиондарын сорбциялау қасиетін зерттей оты­рып, экономикалық және эколо­гиялық тұрғыдан тиімді әдісін ойлап тапты.</blockquote>Танылмай жүрген таланттар мен өнертапқыштар жоқ емес. Бірақ олардың жасап шығарған дүниелері шынымен де қолдауға зәру. Әйтпегенде, атын әйгілеп, өнертапқыштарды ақпарат құралдарынан жарқ еткіземіз де, артынша олар аққан жұлдыздай жоқ болып кетеді. Дарындарды қайта іздеп, өнерінің жағдайын біліп жатқан адам байқалмайды. Уақыт өте келе, тіпті ұмыт болып кететіні бар. Сондықтан ал­тын қолды аза­мат­тарды жоғал­тпай, жұмысын ел игілігіне қарай қолданысқа ен­гізу, оның патент ал­уына мүм­кіндік жасау ма­ңызды екенін айт­қы­мыз келеді.

Қазақстан және Қызылорда облысының жаңалықтары