Жиделіде жарық желілері жаңаланады

Берекесі тасыған – Сырдария 

<a href="https://kyzylorda-news.kz/">Kyzylorda-news.kz</a> &nbsp;Өмір жолы өнеге, ауыл шаруашылығының ардагері Есенбай Асанұлы мен «Алтын алқа» иегері Наббат Тұрғанова &nbsp;еңбегімен елге танылған жандар. Ардагерлік жасқа жеткен ардақтылар бұл күнде үлкен әулетке айналып, бала-шағаның ортасында отырған жайы бар.Аты әлемге әйгілі ақын, философ, қоғам қайраткері Жүсіп Баласағұн бабамыз «Кісіге екі дүниде пайдалы үш нәрсе бар, біріншісі – халқына адал қызмет ету, екіншісі – әділдік, үшіншісі – ар-ұят. Адам осы үш қағида арқылы бақытын табады» деген екен. Бұл қағида мақаламызға арқау болған еңбек ардагері Есенбай аға мен зайыбы Наббат апаға арналғандай. Өйткені қос ардагердің бойында бабамыз айтып кеткен қасиеттің барлығы табылатыны сөзсіз. Олар саналы ғұмырында адал еңбек етіп, туған ауылы мен туған жердің түлеуіне қызмет еткен адамдар саналады.Сәл шегініс жасап Есенбай Асанұлының еңбек жолына үңілсек. Осыдан 72 жыл бұрын наурыз мерекесінде Сәкен Сейфуллин ауылында дүние дидарын ашқан азамат әке-шешесінің тұңғышы болып ер жеткені елге мәлім.<blockquote>– Әкем Асан Әбдікәрімов Сәкен Сейфуллин кеңшарында атақты күрішші болды. Адал еңбегі үшін «Құрмет белгісі», «Еңбек Қызыл Ту» ордендерімен, көптеген медальмен марапатталған болатын. Анамыз Үмбігүлсім кеңшарда есепші болып еңбек ете білді. 4 ұл мен 2 қызды тәрбиелеп өсірген ата-анамыз біздің есейгенімізді көріп, адамгершілік асыл қасиеттерді бойымызға сіңіре білді, – дейді бүгінде өзі де ардагерлікке абыроймен жеткен Есенбай аға.</blockquote>Ардагер – құрметті, ардақты, қадірлі деген мағынаны білдіретіні баршаға аян. Ел қамын ойлап, намысын қорғаған, елеулі еңбек сіңірген, абырой, беделі асқақ адамды халық «ардагер» деп жоғары бағалайды. Есенбай Асанұлы – туған елі үшін ауыл шаруашылығын түлетуге қырық жылдан астам уақыт күш-қуатын жұмсаған шаруа адамы. Азамат ес білгелі ауыл шаруашылығы техникасын тізгіндеді. Бұрынғы №88 селолық кәсіптік училищеде тракторист-машинист мамандығын алып, 18 жасында Партияның ХХІ съезі атындағы кеңшарда тракторист болып еңбек жолын бастады. Арыс қаласында әскери борышын өтеп, ауыл шаруашылығында еңбек жолын жалғастыра білді.1975 жылы ауданда Сәкен Сейфуллин атындағы кеңшар құрылғанда, кеңшар директоры Ж.Бодықбаев өз ісінің майталманы атанған білікті маманның еңбегіне сүйсініп, жаңа кеңшарға жұмысқа шақырды. Бойында жалындаған жастық жігері мен еңбекке деген құлшынысының арқасында машинист, жаткист-комбайнер болды. Кеңшардағы түрлі техниканың тізгініне отырды.<blockquote>– Кеңшардың жаңадан құрылған кезі. Техниканың саны санаулы, барлығы ескірген. Сонда да директордың талапшылдығы мен іскерлігі еңбеккерлерді жігерлендіретін. Директор кеңседе отырмайды. Қай кезде де шаруа адамдарының жанынан табылатын. Таңертеңнен басталатын еңбекке қызу кірісіп, шаруашылықтың жұмысы іркіліссіз болуын қамтамасыз ететін. Сондай қиын-қыстау кезінде мал азығынан тапшылық көрдік. Шаруашылыққа алыстағы Қарақұмнан, Мыңбұлақ деген жерден шөп әкелуге аттанатынбыз. Қара жұмысты еңсеріп, мал-жан амандығына күш салдық. Техниканың ақауын да өзіміз жөндейміз. Таң атқаннан бастап кеш батқанша тыным таппай еңбек еттік, – дейді байырғы тракторист Есенбай аға.</blockquote>Еңбек адамы – ел көшін алға сүйрейтін қуатты күш. Қара жұмыста шыңдалып, саланың сайыпқыраны атанған Есенбай аға жұмысына деген адалдығы мен жауапкершілігінің арқасында 1984 жылы 7 қарашада облыс орталығында өткен ең ауқымды мерекенің құрметіне К-700 тракторымен техникалар шеруіне қатысқан. Осылайша құрмет төріне шығып, техникасын күтіп ұстағаны үшін облыс басшылығынан марапат алып, абыройы асқақтағанын бүгінде оның достары ұмыта қойған жоқ.Байырғы тракторшы саналы ғұмырында шаруашылықтың жұмысынан қол үзбей, еңбекте қатар жүрген замандастары Сайлау Нұртаев, Досбол Арысбаев, бригадирі марқұм Ж.Төлебаев, агроном С.Нұрымов пен О.Дүйсенов, т.б. адал еңбегі көпке үлгі болғанын мақтанышпен еске алады. Арда азамат еселі еңбегінің нәтижесінде әр жылдардағы облыстың бірінші басшылығының қолынан ІІІ дәрежелі «Еңбектегі Ерлігі үшін» және «Еңбек Даңқы» ордендерімен наградталды. Мұнан басқа көптеген медаль абыройлы еңбектің жемісі ретінде еңбек адамының кеудесінде жарқырап тұр.Есенбай Асанұлы елдің басына келген тоқырау кезеңінде де қолынан келетін іспен айналысты. Отбасымен аудан орталығына қоныс аударып, «Харрикейн Құмкөл Мұнай» компаниясында, кейін «Бастау-S» мекемесінде жұмыс істеп, 2015 жылы зейнет демалысына шықты. Биыл өмірлік жары Наббат Тұрғановамен отасқанына 51 жыл болды. Алтын алқалы ана қай кезде де арқа сүйер азаматына қолдау білдіріп, өзі де қол қусырып отырған жоқ. Егін егіп, сиыр сауды. Ауылда клубта жұмыс істеді. Қиын қыстау кезеңде қолда бар малды ұқсатып, оны көбейтіп, ағарғанын үзбеді. Бала-шағасын асырау қамымен дорба арқалап, саудамен де айналысты.<blockquote>– Отбасын құрып, шаңырағымыздың шаттығы балаларымыз өмірге келгенде қиындықты еңсеруге тырыстық. Отағасының жағдайын жасап, бала-шағамызбен жұмыстан келетін уақытында ас-суымызды әзірлеп отырамыз. Есік алдына тоқтаған тракторының дауысын естігеннен ас та дайын тұрады. Жұмыстан шаршап келсе де үйге апыл-ғұпыл кірмейді. Алдымен күні бойы жұмыс істеген тракторын сүртіп, жуып-тазалап, тап-тұйнақтай етіп, жалтыратып барып, ішке кіретін. Қай кезде де тиянақты, техникасы жалтырап тұратын. Бұл қасиеті балаларына да жұқты. Ұлдар көліктерін күтіп ұстайды. Тазалықты жаны сүйеді. Қарапайымдылығынан ешқашан тайған емес. Қазір де көлік айдайды, қай кезде де тап-таза тұрады, – дейді ақ адал жары Наббат апа.</blockquote>Кеудесі орден-медальға толы, жүрісі ширақ, арқа-жарқа болып жүретін Есенбай аға еш-қашан кісіден бірдеңе сұрап, алдына баруды құптамайды. Адал маңдай терін төккен еңбегі үшін зейнетақысы бар. Шүкіршілік ету оның қанына сіңген қасиет. Ерлі-зайыптылар Құдайдың берген балаларын да жақсы тәрбиеледі. Әр баласына бір-бір үй тұрғызып, өзі де кең сарайдай қарашаңырақта қосағымен бейнетінің зейнетін көріп отыр. Балалары Меңдігүл, Нұркен, Бибігүл, Алмагүл, Дастан, Гүлвира, Рүстем, Гүлжазира түрлі салада еңбек етіп жүр. Бірі мемлекеттік қызметкер болса, енді бірі медицина саласында, араларында қарапайым жұмысшы мен әке жолын қуған көлік жүргізушісі де бар. Шаңырақтың үш келіні Нұргүл, Жанар, Ақшолпан ибалы да инабатты, ата-әжелеріне немерелер сүйгізіп отырған сүйікті жар. Перзенттерінің арасында Бибігүлі анасының жолын жалғастырған «Алтын алқалы» ана.Елу жыл бойы қол ұстасып, жарасымды отбасы құрған әулет бүгінде тамырын тереңге жайып, бір қауым елге айналды.&nbsp;

Еңбегі еңселі болған қос қария

<a href="https://kyzylorda-news.kz/">Kyzylorda-news.kz</a> &nbsp;Жоғары білімді маман ретінде қолына дипломын Тереңөзектік Жамбыл Кәрібаев жұбайы Мария Балжановамен ұзақ жыл бірге тату-тәтті өмір сүріп &nbsp;келеді. Жарасымды отбасы ауданда мемлекеттік қызметшілер ретінде саланың ауыр жүгін арқалап жүрген білікті мамандар. Атқаратын қызметі әртүрлі болғанымен мемлекет алдындағы қызметіне аса жауапкершілікпен қарайтын отбасында құт-береке берік орнаған. Бірлік пен ынтымақ жарасым тапқан бұл отбасында тәрбиелі ұл мен қыз өсіп келеді. «Үлкенге – құрмет, кішіге – ізет» көрсету қағидасына ұйытқы болған аналары ардагер-ұстаз Гүлбар Әбілова шаңырақтың шырайын келтіріп, перзенттеріне жақсы жол сілтеуден жаңылған емес. «Әкеге қарап ұл өсер» дегендей ұрпақ жалғасы болған ұл Жамбыл әкесі Серікбайдан көрген өнегесін жалғастыруда. Ата-анасынан алған тәлім-тәрбиесімен өмірінің іргетасын ибалы да инабатты келін Мариямен қалап, ширек ғасырдан бері қол ұстасып бірге келеді. Алғашқы таныстық кезіндегі қызықты оқиғаны бүгінде керемет көңілмен еске алған шаңырақтың отанасы Мария қызықты етіп әңгімеледі: – Екеуміз бір ауданда тұрсақ та, бір көшемен жүрсек те алғаш танысуымыз қала мен аудан арасына қатынайтын автобустың ішінде болды. Қалада оқитын кезіміз. Оқуға қатынап жүргенімізде жиі-жиі кезігетін болдық. 1996 жылы басталған таныстық екі жылға ұласып, бір-бірімізді әбден танып білдік. 1998 жылдың жазында шаңырақ көтердік. Жас болсақ та отбасы деген ұғымның киесін түсініп, құрметпен қарадық. Қандай қиындық болса да бірге жеңуге, қуанышты күндерді бірге өткізуге серттестік, – дейді жастық шағы туралы, қазіргі кезде ұл мен қызды дүниеге әкелген ана. Өмірлік серігін Жәкең деп атайтын келіншегі отбасындағы жарасымдылықты қазыналы қариялармен байланыстырады. Бірінен соң бірі дүниеге келген перзенттерін бауырына басып, сүйікті әже атанған аналары жас отбасының керегесі кең, босағасы берік болуына қамқорлық танытты. Баласы мен келінінің қызметтен қалмай алаңсыз жұмыс істеуіне жағдай жасаған ата-аналары өздері де қызметтен қалмай, ардагерлікке аман-есен жетті. Өкініштісі, қазір орталарында асқар таудай болып отыратын әкенің өмірден өткені. алып, 2000 жылы алғашқы еңбек жолын аудандық ауыл шаруашылығы бөлімінде бастаған Жамбыл мемлекеттік қызметтің қиындығы мен жауапкершілігін біле бастады. Тәжірибе жинаған жас маман салық комитетіне бас маман болып қызметке ауысты. Одан соң аудан әкімдігінде жетекші маман болып қызмет атқарды. Осы күні Қалжан ахун ауылдық округінде 7 жылдан бері бас маман қызметін абыроймен атқарып келеді. Ал келіншегі Мария кенттегі №36 орта мектепте кассир болып еңбек жолын бастаса, кейін Құндызды ауылдық округінде қызмет етеді. Кәсіби маман 2010 жылдан бері аудандық мәслихатта мемлекеттік қызметті мінсіз атқаруда. Ауданның әлеуметтік-экономикалық әлеуетін қалыптастыруда өзіндік жолдарын қалаған білікті мамандар қызметті адал атқарып, қоғамдық жұмыста да белсенділік танытады. Қызметтен бос уақытта спорт залына асығатын Жамбыл Серікбайұлы спорттың волейбол түрімен машықтанады. Шебер ойыншы талай мәрте аудандық, ауыларалық жарыстарға қатысып, команданың белді мүшесі атанды. Ағайынмен, құрбы-құрдаспен араласуға да уақыт табатын Жамбыл мен Марияның кісімен сыйластығы өзінше бөлек. – Отбасылық достар ретінде көп жылдан бері араласамыз. Жамбыл мен Марияның адамгершілігі мен қарапайымдылығы туралы айтудың өзі ғанибет. Қазір арамызда балалары есейген жұп. Үлкендері оқу бітіріп, бір-бір мамандық иесі атанды. Кенжелері Даниял Талдықорған қаласындағы І.Жансүгіров атындағы университеттің соңғы курсында оқиды, болашақ экономист. Жамбылдың басты қасиеті – балажандығы. Балаларды өте жақсы көреді. Өз балаларына деген махаббатын айтып жеткізу қиын. Біздің де балаларымызға мейірімін төгіп тұрады. Тіпті құрдастардың кішкентайларын мойнына салып отырады. Кішіпейіл, ақкөңіл достарымызға ұзақ ғұмыр тілейміз, – дейді құрдастары Батырхан мен Гүлжанат. Бір салада табысты да жемісті еңбек етіп, шаңырақ шаттығына кенеліп отырған Жамбыл мен Мария жарасымды жұп қана емес, үлгілі отбасы.&nbsp;

Бірлік пен ынтымақ жарасым тапқан сырдариялық отбасы

Аралдағы тұз кәсіпшілігінің өнім өндіру көлемін ұлғайтты

<a href="https://kyzylorda-news.kz/">Kyzylorda-news.kz</a>&nbsp; Амал күніне орай Aray city mall орталығында Ұлыстың ұлы күні Наурыз мерекесіне арналған «Наурыз - думан» тақырыбында перфоманс өтті.Қызылорда облысының қоғамдық даму басқармасы «Қоғамдық келісім» КММ және «Қызылорда &nbsp;облысы әйелдер күштерінің альянсы» қоғамдық бірлестігінің ұйымдасттыруымен өткен шараға өңірдегі этномәдени бірлестіктерінің өкілдері, облыстық ҚХА жанындағы Аналар кеңесінің белсенділері, әжелер ансамбльдері, мектеп оқушылары және республикалық, жергілікті БАҚ өкілдері қатысты.Мерекелік шараны «Қызылорда &nbsp;облысы әйелдер күштерінің альянсы» қоғамдық бірлестігінің төрайымы Рахима Ахметова, «Қоғамдық келісім» КММ директоры Бақытжан Камалов, облыстық қоғамдық даму басқармасының этносаралық қатынастар мәселелері жөніндегі бөлімінің басшысы Айгерім Алиева және облыстық Қазақстан халқы ассамблеясының қоғамдық негіздегі орынбасары, татар этномәдени бірлестігінің төрағасы Галия Гизатуллина ашып, жыл басы Амал күнінің мән-маңызына, «Наурыз-думан» іс-шарасының мақсатына тоқталып өтті.<blockquote>&nbsp;«Амал – елдік, халықтық мейрам. Бұл күні бірлік күшейеді, береке молаяды. Отанымызға – береке, халқымызға – игілік, мемлекетімізге – молшылық, ал әр отбасына бақыт пен шаттық орнасын деген ниетпен бүгінгі іс-шараны көпшілік жиналатын орталықта атап өтудеміз. Ата-баба тарихын ұрпаққа жеткізу, оны айшықтап көрсету бізге парыз»,− деді Бақытжан Жарылқасынұлы.&nbsp;</blockquote>Айта кетейік, перфоманста қала тұрғындарына ерекше көңіл-күй сыйлау үшін этномәдени орталық мүшелері, ұлағатты әжелер мен оқушылар халықтың әуезді әндерін шырқап, айналаны қуанышқа, мерекеге бөледі. Қазақы нақышта киініп, ұлттық музыкалық аспабтармен мерекенің сән-салтанатын асырды. Жиылған қауым қазақтың ұлттық тағамдарынан дәм татты. Ұйымдастырушылар осы іс-шара арқылы көпшілікке Наурыз мерекесінің ұлттарды ұйыстырып, ізгілік пен мейірімділік сыйлайтын мейрам екенін көрсетті.<blockquote>&nbsp;«Ана бір ғана отбасының тыныштығы емес, ана бүкіл әлемнің, елдің тыныштығын қалайды. Өйткені әйел ана – отбасы бірлігінің кепілі. Сондықтан бүгінгі перфоманста аналар, жастар, этнос өкілдері болып елді бірлікке, келісімге шақырамыз»,− деді Рахима Қаржаубайқызы.</blockquote>&nbsp;<img src="https://knadmin.beoblood.kz/uploads/ff6e17c9_14a8_4eac_9f38_d02583d440ef_706ea7d80a.jpg" alt="ff6e17c9-14a8-4eac-9f38-d02583d440ef.jpg">&nbsp;

Амал күні «Наурыз – думанмен» басталды

<a href="https://kyzylorda-news.kz/">Kyzylorda-news.kz</a> Музей – өлкенің тарихы, халықтың қазынасы. Тасын түртсең, тарихы сөйлейтін Жалағаш топырағы – тарихи ескерткіштерге бай киелі өлке. Күні кеше ауданға қарасты Бұқарбай батыр ауылындағы батыр атындағы тарихи үйдің босағасын аттап, құнды жәдігерлермен танысып қайттық.Бұл ғимарат батырдың 180 жылдық мерейтойы қарсаңында, яғни 1994 жылы сол кездегі Калинин атындағы совхоздың директоры Қожахмет Баймахановтың бастамасымен ашылып, Бұқарбай батырдың 200 жылдық мерейтойы қарсаңында музей ғимараты қайта жасалған. Музей экспозициясында Бұқарбай батырдың өмірі мен жорық жолдарынан сыр шертетін жәдігерлер, Орынбор, Ташкент, Алматы қалаларындағы мұрағаттардан алынған құжаттардың көшірмелері, қару-жарақтар коллекциясы сынды тағы басқа да құнды жәдігерлер сақтаулы. Мұнда ауылға еңбегі сіңген, елі үшін қызмет еткен тұлғалардың да суреттері мен пайдаланған заттары да сақталған.&nbsp;– Біздің музейде тарихтан сыр шертетін көне жәдігерлердің ішінде Бұқарбай батырдың күмістен жасалған жеке мөрі, шашақты туымен таза болаттан соғылған қайқы қылышы бар. Сонымен қатар сол замандағы батырлардың шоқпары, шақпақты мылтықтары да бізде сақтаулы. Мәселен, сусиырдың құйрығынан жасалған шашақты ту &nbsp;баста үлкен көлемде болған. Осы уақытқа дейін сақталған құнды жәдігерді кезінде халық киелі дүние ретінде қабылдап, музейге тапсырылғанға дейін түрлі аурулардың алдын алу мақсатында ырымдап, тәбәрік ретінде қиып әкететін болған. Кейін ұрпақтары бізге табыстағанда ол кішкентай ғана көлемде болды. Бұдан бөлек мұнда Бұқарбай батырдың таза күмістен соғылған мөрін де көруге болады. Батырдың сөзін растайтын мөрдің ортасында арап әріптерімен жазылған «Бұқарбай баһадүр» деген мағынаны білдіретін сөз бар, – дейді музей қызметкері Мереке Алдабергенқызы.&nbsp;Музейдің тұтастай бір қабырғасында Бұқарбай батырдың 180 жылдығына орай республика көлемінде ұйымдастырылған үлкен конкурста жүлделі орындарды иеленген қолөнер шеберлерінің туындылары қойылған. Батырдың егде шағы бейнеленген басында дулығасы, үстінде сауыт, сайманы мен жарғақ шалбары, аяғында саптама етігімен өз өмір жолына үлкен оймен қарап отырған бейнесі бар мүсінін Тереңөзек ауданының мүсіншісі Жұмағұл Жаркенов ағамыз жасаған. Бұдан бөлек Шиелі ауданының тұрғыны кілемге батырдың суретін тоқу арқылы аталған конкурстың арнайы жүлдегері атанған. &nbsp;Музейде зергерлік бұйымдар, үзеңгілер, қырықтық, ас үй, тұрмыстық бұйымдар мен ағаштан жасалған ыдыс-аяқтар, кілем тоқитын тарақтар да тарихтан сыр шертіп тұр. Бір бөлігінде Сорлыасардан табылған қыш құмыралардың сынықтары, Қарақұмнан табылған қобыз, өгізсоқа орналасқан.&nbsp;Кезінде 2000 жылдай бұрын Сырдарияның бойында үлкен орман болған деседі. Ол орманды алқапты уақыт өте су басып, талдардың шіріген үгінділері жер қойнына кіріп кеткен. Кейінт елді мекен болып, дария қазылған кезде ормандағы ағаштар тасқа айналып, бүгінде осы музейдегі жәдігерлер қатарынан орын алған.Қайқы қылыш&nbsp;Бұқарбай батыр атындағы тарихи үй көненің көзі болған тарихи жәдігерлерге толы. Батыр өз заманында талай дұшпанын ажал құштырған таза болаттан жасалған қайқы қылышы да музей төрінде ілулі тұр. Қаншама уақыт өтсе де сыны кетпеген, жүзі де әлі өткір, аталған жәдігердің ешбір жері шірімеген. Күні кешеге дейін пайдаланылған дүние тәрізді қаз-қалпында сақтаулы тұр. Қыны ағаштан жасалған қылыштың салмағы да әжептәуір ауыр. Жәдігердің жалпы ұзындығы – 80 см, сабының ұзындығы – 13 см, жүзінің ені – 3 см. &nbsp;– Батырдың негізі көптеген қаруы болған. ұрпақтары арқылы бізге жеткен тек осы қайқы қылышы ғана. Шолақбелсенділердің заманында Бұқарбай батырдың көптеген қару-жарағы болған. Ол кісі өмірден өткеннен кейін ұрпақтары батырдың бес қаруын жинап сақтаймыз деген мақсатта &nbsp;көмген екен. Кейін ол жер өртеніп кетіп, орнында ізін де таппай қалған.&nbsp;Батыр бабамыз өзінің үйінде төсек тартып жатқан шағында Қайқы батыр жағдайын сұрап барады екен. Сол кезде Бұқарбай батыр Қайқы батырға өзінің көңілі түсіп, керегесінде ілініп тұрған қылышын сыйға тартқан. Содан Қайқы батыр қылышты үйінде сақтап, баласы Наршаға аманаттап кеткен. Ал Нарша қылышты батырдың ұрпақтарына қалдырып, олар арқылы бізге жеткен. Бұл жәдігерді батырдың шөбересі Жоламан Алданазаров өткізді, – дейді Мереке Алдабергенқызы.Заңғар жазушы Әбіш Кекілбаев айтқандай, кешегіміз түгенделмей, бүгініміз бүтінделмейді. Бұл – өмір ақиқаты. Ал өткенді түгендеу – ең алдымен барыңды бағалап, көне жәдігерлерді жоғалтпай сақтау. Атадан балаға мұра болып қалған асыл қазыналарымызды сақтап қана қоймай, оны насихаттап, жастардың бойына тарихымыздың өйткені мен бүгінін сіңіріп жүрген киелі шаңырақ Бұқарбай батыр атындағы музей – тұнып тұрған тарих, жәдігерлер мекені.&nbsp;

Жалағаштық музей – тарихи құндылықтар ордасы

<a href="https://kyzylorda-news.kz/">Kyzylorda-news.kz</a> Жастар елдің ертеңі, мемлекеттің қозғаушы күші. Бүгінде жастарға қай салада болмасын өз арман мақсаттарын жүзеге асыруға мүмкіндік бар. Мемлекет тарапынан да қолдау жоғары. Әсіресе нәзік жандылардың отбасы, ошақ қасындағы тірлік пен қоғам дамуына да үлек қосып жүргені шынымен де қайран қалдырады. Біздің бүгінгі кейіпкеріміз &nbsp;табандылығымен талайды тамсандырып жүрген жан. Ол бір әулеттің келіні, аяулы жар, ұл қызының ардақты анасы, басшы һам он саусағынан өнер тамған шебер Жақан Анар Биқалиқызы.Ол 1993 жылы Арал қаласында Бижановтар отбасында дүниеге келді. Қаладағы №220 мектепте білім алып, Алматы технологиялық университетін бітірген. 2013 жылы жолдасы Әлби екеуі шаңырақ көтеріп, өнегелі отбасы ретінде елге белгілі Садықбаевтар әулетіне кенже келін болып босаға аттайды. Анар үшін бірінші кезекте отбасы тұрды. Қайын жұртына келіндік қызметін атқарып, жұбайының бабын жасап, өмірге ұрпақ әкелді. Осылайша 7 жылдың өте шыққанын да аңғармай қалды.<blockquote>– 7 жыл әйел ретінде отбасылық өмірімді дамытуға арнадым. Бірақ сол кездің өзінде құр қарап отырмай заманында сәнге айналған моншақтардан түрлі қыз-келіншектерге арналған әшекей бұйымдар жасадым. Бүлдіршіндерген арнап мерекелік кастюмдар тігіп, әлеуметтік желі арқылы тапсырыс қабылдап, үйде отырып өз кәсібімді жасадым. Сонан соң ата-енемнің, жолдасымның рұқсатымен жұмысқа шықтым, - деп бастады Анар әңгімесін.</blockquote>2020 жылы қала, ауыл балаларына сапалы білім беруге бағытталған Аралда алғаш болып ашылған “IQ” оқу орталығының жұмысын жүргізу Анарға жүктеледі. Мұнда балаларға мектептен бөлек қосымша тереңдетілген білім беріледі. 3 жылда 800-ге жуық оқушыны қабылдап, &nbsp;ҰБТ-ға дайындап, бастауыш сынып курстары, жеке пәндерден тереңдетілген негізде курстар балалардың білімге құштарлығын аша түседі.&nbsp;<blockquote>– Мақсатымыз, ілім-білімге ұмтылған, ғылым үйренген әрбір жастан іскер азамат шығатынын жеткізу болды. Қазіргі таңда, ата-аналардың алғысын алып, жұмысымызды сапалы жүргізуге барымызды салып жатырмыз. Кәсіппен айналысу 24/7 ойлану деп айтады ғой, расында бірде жақсы, бірде құлдырау болатыны анық. Сонда да бастаған істі нәтижеге жеткізуге тырысудамыз. Оқу орталығында жасай жүріп, өзімнің сүйікті істеріммен де айналысып жүрмін. Қазіргі таңда эпоксидті смола сұйықтығынан түрлі картина, сағаттар жасаймын. Бір жарым жыл уақыт ішінде 50- ден аса жұмыстардың авторы болдым. 2 үлкен көрмеге қатыстым. Тек Арал қаласынан емес, еліміздің басқа қалаларынан да тапсырыс алып, жеткіземін. Әр біткен картинаны көргенде, бойымды қуаныш билейді, ал тапсырыс берушінің қолына жетіп алғысын алған ол тіпті, ерекше сезім, - деген өнерлі келіншек жетістіктері туралы сөз қозғады.</blockquote>Анар қолөнермен айналысп, оқу орталығының жұмысын үйлестірумен тоқтап қалған жоқ. Аралдың қыз-келіншектеріне арналған дамушы орта қалыптастыруды ойлап, “GN” өнер орталығының негізін қалаушы Назерке Алиқызы екеуі “Нәзік әлем” дамыту орталығын құрды.&nbsp;<blockquote>– Бұл орталық Аралдың қыз-келіншектерінің жан-жақты дамуына себепкер бола отырып олармен бірге өзіміз де даму, психологиялық, діни, медициналық тұрғысынан сауат ашу, қоғамдағы әйелдерде кездесетін түрлі проблемалардың алдын алуға бағытталған. Отбасы құндылығы, бала тәрбиесі,ананың рөлі туралы да тақырыптарды қозғаймыз, - дейді ол.&nbsp;</blockquote>Бір адамның бойына сан қаиетті сыйдыра білген Анар Биқалиқызы үлкен әулеттің абыройын асырған келін, 3 баланың анасы, жолдасының жетістікке жетуіне септігін тигізіп отырған жар және қоғам өмірінде өз орнын қалыптастырған көпке үлгі боларлық әйел. Кейіпкеріміздің бүгінгі болмысына қарап адамда ниет болса барлы шаруаның шыңына шығуға болатындығын аңғардық.

Жас кәсіпкер оқу орталық ашып, қосымша білім беруді қолға алған

<a href="https://kyzylorda-news.kz/">Kyzylorda-news.kz</a> «Ауыл аманаты» жобасының игілігін көрген ауыл азаматы Қанат Мұсаев тәулігіне 2 тонна қызанақ пастасын шығаратын цех ашты. Өндірістің алғашқы өнімін көру үшін облыстық кәсіпкерлер палатасының директоры Пірмұхаммед Сыздықов іс-сапармен Шиеліге келген болатын.Шиеліліктер өз нарығын тағы бір өніммен толықтырды. Өткен жылы жаңа цехтың лентасын қиып, танысу үшін аудан әкімі Нұржан Ахатов, облыстық кәсіпкерлер палатасының директоры Пірмұхаммед Сыздықов, облыстық мәслихат депутаты, меценат Дәулет Жұмбеков, аудандық кәсіпкерлік және туризм бөлімінің басшысы Бақберген Әбсадық, аудандық ауылшаруашылық және жер қатынастар бөлімінің басшысы Мұрат Әшірбеков Бидайкөл ауылына барған-ды.Шара барысында аудан басшысы Нұржан Сәбитұлы сөз алып, қызанақ өңдеу цехының ашылу салтанатымен құттықтап, жеке кәсіпкер Қанат Мұсаевқа алғыс хат табыстады.<blockquote>– Шежірелі мекен Шиелі ауданындағы кәсіпкерлік пен іскерліктің иіріміне машықтана білетін Бидайкөл ауылында жаңа өндіріс цехы пайдалануға берілгелі тұр. Ауыл тұрғындарының табысын, әл-ауқатын және өмір сүру сапасын арттыруға көмектесетін кәсіпкерлік саласы екені белгілі. Мемлекет басшысы Қасым-Жомарт Тоқаев ауылдарды дамытуға ерекше көңіл бөлуде. Оны әр Жолдауында, халықпен кездесулерде айтып келеді. Соның бір парасы өткен жылы Президенттікке сайланғаннан кейін, ең алдымен ауылдық жерлерді дамыту тұжырымдамасын әзірлеу туралы Жарлыққа қол қойды. Нәжижесінде, «Ауыл аманаты» жобасы іске қосылды. Осы жоба аясында Қанат Мұсаевтың төрағалығымен өндірістік кооператив құрылып, өз жұмысын бастағалы отыр. Алдағы уақытта өндіріс цехының кәсібі дамып, жаңа орталық халық игілігіне қызмет етеді деп сенеміз, – деді.</blockquote>Қазіргі уақытта аймақта кәсіпкерлік саласын қолдаудың түрлі шаралары ұйымдастырылып келеді. Соның бірі «Ауыл аманаты» жобасы аясында беріліп жатқан 2,5 пайыздық несиелеу бағдарламасы. Осы бағдарлама арқылы Шиелі ауданынан жалпы қаржы көлемі 584 млн теңге болатын 79 жоба қолдау тапты. Бұл жобалардың арасындағы ірі жоба – осы томат өңдеу цехы.<blockquote>– Біз «Атамекен» ұлттық кәсіпкерлер палатасы атынан бүгінгі тамат пастасы цехының ашылуымен құттықтаймыз. Елімізде кәсіпкерлік саласы дамыса, ел экономикасы да жақсара түсері сөзсіз. Бұл бағытта мемлекет басшысы үлкен қолдау көрсетіп отыр. Бизнеске ынтасы бар азаматтарға «Қайтарымсыз грант», «Ауыл аманаты жобасы» және субсидия беру сынды түрлі бағытта қолдау барын тағы айтқым келеді. Сәтін салған сәтті бағдарламадан қалыс қалмай, еліміздің дамуына, әлеуметтік жағдайды жақсартуға бірге атсалысайық, – деді өңірлік кеңес төрағасы Ерлан Райымов.</blockquote>Өнімді істің өркен жайғаныҚазір мемлекет тарапынан ауылдарды дамытуға, әсіресе елді мекендерде ауыл шаруашылығы саласын жандандыруға ерекше көңіл бөлінуде. Егер сіз осы жобаға қатысып, аулаңызда төрт түлікті түлетіп, құстың және өндірістік цехтың санын көбейтетін болсаңыз, табысыңыз да артады. Ауылдың да жағдайы жақсарады, жұмыссыздық мәселесі де азаяды.Бүгінде ауданда еңбек етіп тер төгіп, ризық несібесін жерден іздеген еңбек адамдары жетерлік. Жомарт жер бабын тапқан сайын несібесін еселей түсіп, мол өнім береді. Ал оның сыры кең жазиралы жерде емес, алақандай жерді игеріп, табыс табуында. Қолына кетпен алып, жер тырмалаған Қанат Мұсаевтың қолы тиген жердің бәрі берекелі. Ол отбасылық кәсіптің көзін тауып, қажырлы еңбектің арқасында қызанақ өнімінен «томат» пастасын өндіретін цех ашты. Кейіпкеріміз «Ауыл аманаты» жобасы аясында 27 млн теңге несие алып, «Barly Bai &amp; K» өндірістік кооперативін құрып, кәсібін үлкейте түсті. Бағдарлама арқылы алынған қаражатқа көршілес Ресей мемлекетінен құрал жабдықтар сатып алып, іске қосып өнім түрлерін алуда. Қазір цехта 6 адам жұмыс істейді. Жаз айларында 15 адамға дейін жұмыспен қамтып, өндірісті әлі де кеңейтуді көздеп отырғанын тілге тиек етті. Бұл жобаның жалпы құны 48 млн теңгені құраған. Осы орайда, ұлы Абайдың «Әуелі Құдайға сыйынып, екінші өз қайратыңа сүйеніп еңбегіңді сау, еңбек қылсаң, қара жер де береді, құр тастамайды» деген өміршең өсиеті ойға оралады.<blockquote>– Мұның барлығы оңай іс емес. Десе де, диқан еңбектеніп тер төксе, жер қайтарады. Тұқымды бір жерге отырғызып, сол жерден өнімді ала салмаймыз. Бірінші жәшіктердегі жылытылған топыраққа егіп алып, шыққан жасыл желекті қағаздан жасалған шағын стакан іспетті ыдысына көшіреміз. Содан кейін ғана көшеттер егістік даласына жол тартады. Мұның бәрі уақытылы суару, тыңайытқыш беру секілді көзге көрінбейтін тірліктерден құралады, – дейді еңбек адамы.</blockquote>Тобықтай сөздің түйіні: Ауылда жұмыс жоқ деп дүрбелеңге салып, қол қусырып отырудың қажеті жоқ. Үй ауласындағы аздаған жерге сәл уақыт еңбек етіп, тер төксе, бір үйлі жанның көкөніс, жеміс-жидекке деген сұранысын толық өтейтіні ақиқат. Егін жайын күйттеп, сол жерден нәсібінің арқасында жағдайын жақсартып, көштен қалмай қатарға қосылған жандар да бар. Оған жоғарыда біз тілге тиек еткен отбасы айнымас мысал бола алады.

Шиеліде томат пастасы шығады

<a href="https://kyzylorda-news.kz/">Kyzylorda-news.kz</a> Түйе жүнінің тоңазыған денені жылытатын ғана емес, емдік қасиеті бар екендігін қазақтар ерте заманнан-ақ білген. Аяқ-қол сынып немесе шығып кеткен жағдайда, денеде ауырсыну болса түйе жүнін тұзды суға қайнатып ем жасағандығын талай мәрте көзбен көрдік. Қазір түйе жүнін түрліше әрлеп, алуан түрлі бұйым жасап жүргендер бар. Солардың бірі – Индира Жұмашева. Ол түйе жүнінен тігілген көрпені Аралдың брендіне айналдырып отыр.Кәсіпкер негізін қалаған "Ай-Аружан" тігін орталығы 2010 жылдан бері өз жұмысын бастаған. Содан бері аралдықтардың көңілінген шыққан тігін шеберханасында 18 адам еңбек етіп отыр. Олардың арасында мемлекеттік бағдарлама жастар тәжірибесімен, «күміс жаспен» жұмыс істеп жатқандар бар. Ең алғаш еңбек жолын сұлулық салонынан бастаған Индира денсаулығы сыр берген соң, жаңа кәсіпті меңгеруге бел буады. Осылайша, тігін өнерінің қыр-сырына үңіледі. Жастайынан анасынан үйренгенін жетілдіріп, біліктілігін арттырады. 2021 жылдан бастап түйе жүн көрпесін тігумен кәсіпкердің аты Қазақстанға белгілі бола бастады десек артық болмас.– Қазір тұтынып жүрген жамылғы көрпелердің басым көпшілігі синтетикалық матадан жасалады. Біздің өңір қос өркешті түйе жануарын түлетіп отырған өлке екендігі көпке белгілі. Аралдықтардың түйе жүнді қайда апарып өткізетіндіктерін білмей, өздері кәдеге асыруға мүмкіндігі жетпей күл-қоқысқа тастап жатандығын көретінмін. Содан ойлана келе неге түйе жүнінен көрпе жасамасқа деген ой келді. Алғашында түйе жүн көрпені дайындап, өзім пайдаландым. Түйе жүнінен жасалған көрпе жеңіл, әрі ауа өткізу қабілеті жоғары болып келеді екен. Осылайша жаңа өнімді нарыққа шығаруды қолға алдым, – дейді Индира Жұмашева.Индираның айтуынша, бір адамдық көрпеге 1,8-2 килограмм жүн кетеді. Онда да көрпеге түйенің барлық жүні жарай бермейді, тек бүйір жүні пайдаланылады. Қазірдің өзінде ол көрпе тігу үшін жылына 1,5 тонна түйе жүнін пайдаланады екен.– Бір түйеден 3 килограмдай бүйір жүн шығады. Біз соны пайдаланамыз. Ол ең жұмсақ, қолдануға қолайлы. Оны жақсылап жуып-тазалап, түткеннен кейін ғана көрпе дайындалады. Өніміміз экологиялық таза. Жақында сәйкестендіру сертификатын алдық. Қазіргі уақытта бізде көп жағдайда түйе жүнін сыртқа жібереді. Соған орай сапалы шикізатты жинау үшін ауылдарды аралап, алдын ала ақысын төлеп, келіссөздер жүр-гізіп жатырмыз, – дейді кәсіпкер.Жалпы түйе жүнінен неше түрлі өрмек жіптер иіріп, түрлі бұйымдар әзірлеген. Оның ішінде шекпен қап, қоржын, белбеу, кілемше тоқылса, ат әбзелдерін жасауға да пайдаланылыпты. Сондықтан да нарықта әлі күнге дейін түйе түбітіне деген сұраныс өте жоғары саналады. Ал түйе жүнінен жасалған көрпелер құндылығын жоғалтқан емес. Осы орайда түйе жүнін төсек-жабдықтарда қолдану аясын кеңейту үшін кәсіпкер түрлі маман-дармен кеңесіп, жұмыс істеп жатқанын алға тартады. Жақын арада Алматы қаласынан арнайы эксперт алдырып, мамандарын оқытуға да бел буып отыр.Индираның шеберханасынан шыққан түйе жүн көрпелер еліміздің барлық өңірлеріне тапсырыспен жөнелтілуде. Әсіресе, Астана, Алматы мен Қарағандының тұрғындары ерекше қызығушылық танытып, жиі тапсырыс береді екен.– Қазір шеберханада жұмыс күші ауқымды. Біз қыз жасауы, түрлі көрпе жабдықтары, перде және тапсырыспен киім де тігеміз. Цехта көбіне қыз-келіншектер еңбек етеді. Олардың арасында «Арал мүгедектігі бар адамдарды қолдау» қоғамдық бірлестігі арқылы мүгедектігі бар адамдарды жұмыспен қамтып отырмыз. Жалпы тігін саласын меңгергісі келетін кез келген, өзімнен жұмыс сұрап келген нәзік жандыларды мүмкіндігіне қарай құр қалдырғым келмейді, – деді кәсіпкер.Индира өзінің табанды еңбегімен елдің арасында құрметке бөленіп жүрген жан екендігін де айта кетуіміз керек. Ол кәсіпкер ғана емес, мүмкіндігі шектеулі жандардың қолдаушысы, аудандық мәслихаттың депутаты. Биыл Индираның түйе жүн көрпесі Қызылорда облысының кәсіпкерлер палатасы ұйымдастырған «Қазақстанның үздік тауары» өңірлік көрме-байқауында «Халыққа арналған үздік тауарлар» номинациясында жеңімпаз деп танылған. Ендігі кезекте республикалық кезеңде бақ сынайтын болады.«Ай-Аружан» тігін шеберханасы халық қажетін өтеп, көптің көңілін тауып отырған, заман көшімен ілгері басып келе жатқан Аралдағы бірден-бір шеберхана. Мұндағы сапалы қызмет пен мол таңдау аралдықтардың көңіл түкпірінен орын алған. Міне, халықтың алғысы мен батасына бөленіп жүрген кәсіпкер Индира Жұмашева алдағы уақытта кәсібін одан әрі дамыта түсуді де жоспарлап отыр.

Аралдық тігіншінің түйе жүнінен тігілген көрпесі шетел аспақ

<a href="https://kyzylorda-news.kz/">Kyzylorda-news.kz</a> Қазақтың&nbsp;ұлттық&nbsp;би&nbsp;өнері&nbsp;дегенде&nbsp;ең&nbsp;алдымен&nbsp;көз&nbsp;алдымызға&nbsp;Шара&nbsp;Жиенқұлова&nbsp;келеді.&nbsp;Заңғар жазушы Ғабит Мүсірепов &nbsp;«Жан тебіренте, терең сезімге бөлейтін келісті өрнек Шараның бойынан айқын сезіледі. Сахнаның еркесі де, сәні де Шара! Оның сезім сергітетін шыншыл өнері мен қайталанбас қолтаңбасы мейлінше жарқырап көрінді. Бұл дарын иесінің туған халқына қызмет етуінің тамаша үлгісі» деп мың бұралған бишінің өнеріне әділ баға берген. Осыған қарап халқымыздың би өнерін ерекше құрметтеп, айрықша бағалайтынын аңғаруға болады.Би – тілсіз өнер. Өнерлердің барлығын бойына топтастырған бекзада өнер. Себебі би өнерінің ішінде музыка, сурет, актерлік, дизайнерлік өнер түрі бар. Бұл өнердің қыр-сырына қанық болып, ауыл балаларын өнерге баулып қана қоймай, олардың өнерпаз болып қалыптасуына ықпал етіп жүрген жас маманның бірі – Қазақстан Хореографтар Одағының мүшесі Үміт Айтқұлова. Кейіпкеріміз қазіргі таңда аудандық Қонысбек Қазантаев атындағы мәдениет үйінде 2010 жылдан бастап «Алтын-Арай» халық ән-би ансамблінің балетмейстері қызметін &nbsp;абыроймен атқарып келеді. &nbsp;&nbsp;&nbsp;&nbsp;&nbsp;&nbsp;Үміт Әшімқызының аудандағы би өнерін дамытуда еңбегі ерен. Ол аудандық мәдениет үйіне келген күннен бастап ұстазы Роза Боранбаева салып кеткен сара жолмен би өнерін дамытудың өзіндік жолын жасады. Жыл сайын үйірме арқылы шәкірт дайындаған Үміттің бүгінде шәкірттері білікті маман болып, аудан, облыс көлемінде жұмыс жасайды. Ол бұл салаға мектеп бітіріп, оқуға түскеннен кейін қызыққан. Алғаш Болат, Алмас Қаржаубаевтар, Төребек Бақтыбаев сынды ұстаздардан білім алған.– Қазір ансамбльде 70-ке жуық бала бар. Үлкен, орта, кіші топ болып үшке бөлінеді. Дайындықта би қою барысында оқушылар биде кімді немесе нені бейнелеп тұрғанын әуелі өздері түсініп алуы қажет. Сол үшін би қоймас бұрын оқушыларға түсіндірме жұмыстары жүргізіліп, ашық пікір алмасу өткізіледі. Мәселен, «Сырғалым» биін қоюға дайындық барысында қыздың әдемілігін, нәзіктігін, сырғасын, білезігін сол би арқылы көрсету үшін оқушылармен биді толық зерттеп барып қоямыз. Әр бидің өзіндік мағынасы, сюжеті мен аяқталуы болады. Сондықтан би шығаруға атүсті қарамай, көрерменге шынайы жеткізуге барынша күш саламыз. Халық биі жастардың бойына өз ұлтының рухани мәдениетін, салт-дәстүрін, әдет-ғұрпын дарытады, сондықтан репертуарымызда көбіне халық биі, – дейді Үміт Әшімқызы.&nbsp;Кейіпкеріміз жетекшілік жасайтын би ұжымы бүгінде бірнеше мәрте облыстық, халықаралық &nbsp;байқаулардың &nbsp;жеңімпазы атанды. Балетмейстерлік қызметпен қатар Үміт алғаш рет ауданда «Балдәурен» балалар студиясын ашқан. Мұнда студия өнерпаздары әсем ән айтумен қатар мың бұрала билеп, аудан, облыс сахналарында өнер көрсетіп, көрермен ықыласына ие болған. Сонымен қатар жас маман «Жұлдыз», «Нұр-думан», «Үміт», «Эверест» сынды би топтарын жарыққа шығарып, үлкен сахналарда өнер көрсетуіне сеп болған.&nbsp;Үміт Әшімқызы би &nbsp;жанрынан &nbsp;бөлек &nbsp;аудандық &nbsp;мәдениет үйі &nbsp;жанындағы &nbsp;«Арай» &nbsp;мәдени-үгіт &nbsp;бригадасының &nbsp;және &nbsp;халық &nbsp;театрының &nbsp;мүшесі &nbsp;ретінде &nbsp;сахнада өнерді басқа &nbsp;қырынан &nbsp;көрсетіп &nbsp;келеді. Иә, Үміт Айтқұлова тек би маманы ғана емес, ол – аудандық Қонысбек Қазантаев атындағы мәдениет үйі жанындағы халық театрының белді мүшесі.Театр репертуарындағы &nbsp;бірнеше спектакльде түрлі рөлдерді сомдаған Үміт сахнадағы образымен көрермен көзайымына айналған. Ол Қ.Мұхамеджановтың «Осылай да кездесу болады» лирикалық драмасында Күләннің, Ш.Айтматовтың «Ана – Жер – Ана» драмасында Әлиманың, Ә.Тәжібаевтің «Майра» драмасында Айбаршаның, Е.Төлеубайдың «Жеңгетай» комедиясында Күлімкөздің, С.Балғабаевтың «Ғашықсыз ғасыр» драмасында Фариданың рөлін сомдаған. Өмірін өнермен өрген оның бүгінде жеткен жетістігі көп. Ол осыған дейін бірнеше мәрте арнайы алғыс хат пен «Үздік би қоюшы» номинациясын иеленсе, биыл Қазақстан салалық мәдениет, спорт, туризм және ақпарат қызметкерлерінің «Еңбек даңқы» төсбелгісімен, Қазақ қоғамы қайраткері ұйымының комиссия шешімімен «Қоғам қайраткері» төсбелгісімен марапатталған. Ал білікті маманнан сабақ алған шәкірттердің биік белестерді бағындыруы заңдылық.

Жалағаштық би өнерінің ұстазы - Үміт Айтқұлова

<a href="https://kyzylorda-news.kz/">Kyzylorda-news.kz</a> ҚР Ұлттық архив қорын толықтыру мақсатында аудандық архив мекемесі өткен жылы 694 іс сараптаудан өткізген. Оның 5015 сақтау бірлік құжаты акті бойынша жойылып, 482 басқару құжаттарын мемлекеттік сақтауға қабылдаған. Ал құжат қабылдау жоспарына сәйкес 600 сақтау бірлігі болса, оның 482-і толықтай орындалған.Иә, архив сонау ескі заманнан бастау алған тарих жолындағы елеулі мезеттер мен сынды оқиғаларды сақтайтын құнды орын. Тұтас дәуірдің куәсі болған осынау мұраны сақтау, өңдеу және қоғам игілігіне пайдалану үшін көптеген қызметкерлер осы салада еңбек етіп келеді. Ал архив 1987 жылы Шиелі ауданына көшірілген. Осылайша негізі қаланған аудандық архив 36 жылдан бері халыққа сапалы қызмет көрсетуде. Қойнауына өткен күннің тарихын таңбалаған бөлімнің халыққа көрсетер құнды дүниелері де көп. Осы тұста, архив бөліміндегі бірқатар жұмысының ахуалын білмек үшін, аудандық архив филиалының басшысы Ерболат Дүйсенбаевтан сұраған едік.Оның айтуынша, біз жеке тұлғалар жайлы деректерді жинап жүрміз. Яғни, ауданға еңбегі сіңген, өз саласының озат еңбеккерлері мен үлгілі жандарды топ-топқа бөліп, арнайы коллекция жасадық. Мәселен, ұлттық архив қорының «Еңбек Ерлері» қор коллекциясында Социалистік Еңбек Ері, Ленин орденінің иегері, Қазақ ССР Жоғарғы кеңесінің депутаты Жадыра Таспамбетова, Социалистік Еңбек Ері, Қазақ ССР Жоғарғы кеңесінің депутаты, Батыр ана Ұлбала Алтайбаева, Социалистік Еңбек Ері, Қазақ ССР Жоғарғы кеңесінің депутаты Зәһира Ержанова, Қазақ ССР Жоғарғы кеңесінің депутаты, Социалистік жарыстардың жеңімпазы, «Еңбек Қызыл Ту» ордендерінің иегері, озат шопан Уайда Әлиханов жайлы мәліметтер енгізілді. Сонымен қатар бізде «Отан үшін от кешкендер» қор коллекциясы бар. Ол жерде Ұлы Отан соғысы және еңбек ардагерлері Бәһән Дүйсенов, Маханбет Төрешев, Ибаділда Райысов, Әшім Аманжолұлының жеке құжаттары сақтаулы. Сол сияқты «Ұлағатты ұстаздар» қор коллекциясына Қазақ ССР Жоғарғы Кеңесінің депутаты, ұстаз, оқу-ағарту ісінің үздігі Қалияш Тұрсынованың, «Еңбек ардагерлері» қор коллекциясына Шиелі ауданының «Құрметті азаматы» атағының иегері, еңбек ардагері Қалдыбай Сүгірбаевтың, «Мәдениет майталмандары» қор коллекциясына Қазақстан Республикасының мәдениет қайраткері, сазгер, айтыскер ақын, сатирик Кенжебай Жүсіптің жеке тектік құжаттары жинақталған. Алдағы уақытта еңбегімен дараланған тұлғалардың тектік құжаттарын жинақтайтын боламыз, – деді.Шиелі ауданын еңбек ерлері мен бес ғасыр адамдары түлеп ұшып, елге есімі дараланған тұлғалар мекені десек те болады. Осы ретте, мақаламыз мардымды шығуы үшін мемлекеттік көрсетілетін қызмет бойынша бас маманы Айжан Есеноваға көкейдегі тағы бір сауалымызды жолдадық. Ол төмендегідей электронды архив жобасының артықшылығы мен цифрландыру бойынша қандай жұмыстар атқарылып жатқаны жайлы сұрап білдік.<blockquote>– Архив деректерін жинақтап қана қоймай, барлық мүдделі зерттеушілер мен қалың жұртшылыққа қолжетімді болуы үшін оларды белсенді түрде цифрлық форматқа көшіру қажет. Бүгінгі күні құжаттардың 30-40 пайызын электронды нұсқаға көшірдік. Жалпы айтқанда, цифрландыру жұмыстары 2025 жылға дейін толықтай жүзеге асатын болады. Одан бөлек халыққа қызмет көрсету орталығы арқылы тұрғындарға электронды қызмет көрсетіп келеміз. Яғни, сыбайлас жемқорлықтың алдын алу мақсатында зейнет жасына жеткен тұрғындардың еңбек өтілімін сұранысқа қарай біз электронды үкімет порталы арқылы халыққа қызмет көрсету орталығына жолдап отырамыз. Айта кетейін, өзге аудандардағы архив мекемелері арасында электронды қызметті ең көп көрсететін біздің өңір екен, – деді.</blockquote>Иә, техника қарыштап дамыған сайын жұмыс жүйелі жүзеге асып, электрондық архив үшін құжаттарды жедел түрде сандық форматқа көшіру қолға алынған. 2013 жылы басталған бұл жұмысқа, электронды архив жүйесінің маманы болып ақпараттық технологиялар инспекторы Шахмарданов Бақдəулет Шахмарданұлы қызметке қабылданған. Осы уақытқа дейін аудандық архивтегі 216 қордың 15-ін, 6360 істің, 1 420 000 парағын көшірмеден өткізілген. Ал сандық форматқа 2050 жылға дейін толық көшкен жағдайда архив жұмысы айтарлықтай жеңілдейтін болады.

Қазақстан және Қызылорда облысының жаңалықтары