<a href="https://kyzylorda-news.kz/">Kyzylorda-news.kz</a> Бүгінде Жалағаш ауданы өмірін өнерге, музыка әлеміне арнаған талантты жастардан кенде емес. Олар мәдениет саласының дамуына сүбелі үлес қосып, жиған тәжірибесі мен білген-түйгенін жас буынға үйретіп, шәкірт тәрбиелеуде. Сондай өнерлі жастың бірі, саналы ғұмырын сахна төріне арнаған сазды әуеннің саңлағы Расул Байдулланың&nbsp;шығармашылығын бүгінгі мақаламызға арқау етпекпіз.&nbsp;Бала күнінен ән салуды арман­даған кейіпкеріміз түрлі өнер фес­тивалінде І дәрежелі лауреат атан­­­ған. Мәселен, республикалық «Ұлы дала ұрпақтарымыз» атты ән байқауынан бас жүлде, «Бола­шақ­қа бағдар: рухани жаңғыру» бағдар­ла­масы бо­йынша ұйым­дасты­рылған ха­лық­­аралық өнер фес­­­­ти­валінде де бас жүлде ие­лен­­ген. Мұнан бөлек, Ре­сейдің Москва қаласында он­лайн өткен Халықаралық «Ритм Вдох­нове­ния» эстрадалық ән салу жанры бойынша І дәрежелі лау­реат, Аме­­рика Құрама штатта­рының Техас штатында өткен «Interna­tional&nbsp;multigenre&nbsp;competi­tion –&nbsp;Fes­­­tival» поп вокал жанры бойын­ша&nbsp; І дәрежелі лау­реат атан­ған. Республикалық «Дала сазы» байқауынан бас жүл­дені, «Бақытты елдің ұрпағы» атты Ха­лық­аралық байқаудан ІІ орынды иеленсе, «Бақытты елдің ұрпағы» атты&nbsp; байқаудан І орынды иеленген.&nbsp;Музыка әлемінде әуезді дыбы­сымен ерекшеленіп тұратын аспаптар көп. Солардың бірі – саксо­фон. Сиқырлы саксофонның та­­рихына тоқталсақ, бельгиялық ше­бер Адольф Сакс 1842 жылы жаңа үрмелі аспапты жасап, 1846 жылы авторлық құқығын алған.Үр­мелі аспап шебердің құрметіне «Сак­софон» деп аталды. Көптеген клапандары мен кларнетке тән мунд­штугы бар саксофонның альт, тенор, сопрано, баритон түр­лері белгілі. Сакс оның түп­нұсқасын Дефон­тенель және бас­қа да кларнетті аспаптардан ал­ған. Мыс, никель және мырыш, латунь немесе күміс қоспа­ла­ры­нан құйылғандықтан оның тем­­брі кларнет, гобой және вио­лон­чельдің қосылып шығарған үнін­дей жұмсақ естіледі.8 сыныбынан бастап осы ас­папқа қызыққан кейіпкеріміз Қа­занғап атын­дағы музыкалық кол­­­­ледждегі ұс­тазынан 1 жыл бойы аспаптың қыр-сырын үй­ре­ніп, кейін аталған оқу орынның үрлемелі соқпалы ас­паптар бө­лі­міндегі саксофон аспа­бына оқуға түскен.&nbsp;<blockquote>– Біз оқуға түскен жылы то­бы­мызда 16 студент болды. Соның тек 5-еуі ғана оқуды аяқтап, қазіргі таңда саксофонды жанына серік етіп жүр. Аспапты меңгеру қиын болып көрінгенімен, әуенді жан-дүниесімен сезіне білетін, есту, түйсіну қабілеті жоғары, әуезді әнге ғашық жандар саксофонды тез-ақ үйреніп алады. Әнді бала күнімнен бері айтып, мек­теп қа­бырғасында талай же­тістікке қол жеткіздім. Сондықтан да оқуға түсер кезде ән айтудан бөлек осы аспапты меңгерейін деген оймен оқуға түскен болатынмын, – дейді Расул Байдулла.&nbsp;</blockquote>Иә, саксофонның өзіне тән ерек­шелігі бар. Оның ойнақы әуені тыңдарманын елітіп әкетеді. Сырлы сазды дыбысын естісеңіз, көңіліңіз көтеріліп, ерекше күйге бөленесіз.&nbsp;Саксафоншы жігіттің шығарма­шы­лық қоржынын да қазақ әуен­­дерінен бөлек, әлемдік та­ны­мал әуендер де бар.&nbsp;Cахнада саксо­фонды бірде сызылта үр­леп, бірде ойнақы әуенімен тың­дарманын елітіп әкететін ол бү­гінге дейін осы салада 3 шәкірт тәрбиелеген. Шәкірттерінің үшеуі де ұстаз жолын жалғап,&nbsp;Қазанғап атындағы музыкалық кол­леджге оқуға түскен.&nbsp;Қазіргі таңда Айдос Алмас есімді шәкірті Аста­нада әскери оркестрде қыз­мет етсе, Қосым Нұрдәулет атал­ған оқу орнында гобой аспа­бын бітіріп, сол салада жұмыс жасайды. Ал үшінші шәкірті Данияр Есқали денсаулығына бай­ланысты кейін Болашақ уни­вер­ситетіне ауысқан.&nbsp;Саксофон тек әсем әуен шыға­рып қана қоймай, адам жа­нын жадыратып, керемет сезімге бө­лей­тін сиқырға ие. Сырлы сак­­софонның әуезді әнде­рі­мен көпшіліктің құлақ құ­ры­шын қан­дырып жүрген Расул қазіргі таңда аудандық «Руха­ният» орта­лы­ғын­да мәдени ұйым­дастырушы болып қызмет етеді.&nbsp;Өткен аптада кейіпкеріміздің жетекшілігімен ау­данда саксо­фон үйірмесі ашыл­ды. Үйренем дейтін жастар үшін үйірменің есі­гі аптаның сәрсенбі және жұма күндері ашық. Осы аспап­пен ән салып, ерекше тар­­тым­ды­лық қасиетімен елдің на­­зарын өзіне аударып, бүгінде ха­­­лық­тың ыстық ықыласына бө­ле­ніп жүрген жас әншінің мақ­саты биік. Ол жастардың өнерге деген құлшынысын оятып, шығар­машы­лығын шыңдауда қажырлы еңбек ете беретінін жасырмады. Ал біз өнердің өрлеуіне тілектестік таныттық...&nbsp;

Сазды әуеннің саңлағы Расул Байдулла

<a href="https://kyzylorda-news.kz/">Kyzylorda-news.kz</a>&nbsp; Өткен сенбіде Жалағаш ауданы бойынша жаппай сенбілік жұмыстары ұйымдастырылды. Сенбілік барысында аудандағы барлық мекеме ұжымы бөлінген аумақтарды, көшелерді, жол жиегіндегі арықтарды күл-қоқыстан арылтып, тазалық жұмыстарының қарқын алуына үлесін қосты.&nbsp;«Тазалық иманнан» деп білетін қа­зақ ежелден Жер-Ананы қадірлеп, қас­терлей білген. Қоқысты адам аяғы баспайтын алысқа тастап, «бір тал кессең, он тал ек» деп ұрандатқан да біздің ата-бабаларымыз. Тазалыққа тек мемлекет тарапынан ғана көңіл бөлінеді дей алмаймыз, жергілікті тұр­ғын­дар да тазалыққа тастай та­лап керек екенін түсініп, қоршаған ортаның көгалдануына, көркеюіне атсалысып, дағдыланып келеді.Аудан әкімі Ардақ Ибраимов бө­лінген аумақтар бойынша жергілікті жерге бейімделген көшеттерді ба­рын­ша көп егу қажеттігін айтты.&nbsp;Сондай-ақ егілген талдарды күтіп бап­тау, арықтарға су келтіру, арнайы қоршаулар орнату жұмыстарын ұйым­­­­дастыруды тапсырды. Сен­бі­лікте жа­байы шөптер шабылып, қу­ра­ған талдар кесілді. Аяқ су жүретін арықтар қоқыс пен жапырақтардан тазартылды.Жиналған қоқыстарды шығаруға кент бойынша жауапты мердігердің, ауылдық округтер бойынша шаруа қожалықтардың техникалары жұ­мыл­дырылды. 13,5 тоннаға жуық күл-қоқыстар белгіленген орындарға шығарылды. Кент пен ауылдық округ­тердегі талдар мен бор­дюрларды әктеу, парктер мен аллея­ларды та­залау жұмыстары жүргізілді.&nbsp;Жап­пай сенбілік жұмыстарына ау­дан бойынша 142 мекемеден 1450-ге жуық адам қа­­­тысып, 12 дана техника жұмыл­дырылды.<blockquote>– Қазір тазалықты сақтауда бәріміз бір кісідей араласып жатқанымыз рас. Бірақ өкініштісі, сол еңбекпен жи­нал­ған көшелерден бос, иесіз жүрген жануарларды көреміз. Оларды жайы­лымға қараусыз жібереді. Иә, төрт түлікті асырау қанымызға сіңген ша­руашылықтың түрі екені белгілі. Алайда иесіне тапсырып, жайылым­дар­ға тура баруын қадағалау қажет. Себебі жануарларды бос жіберу кент тазалығына немқұрайлық та­ныту бо­лып табылады. Жануарлар қа­рау­­сыз жүргеннен кейін аллеяларда, парк­терде, тіпті орталық алаңға да кіріп, тазаланған орындарды бүл­діріп кетеді. Халық болып тазартқан ау­ламыз қай­та бүлініп, шашылып қалмаса екен деймін. Әр адам та­за­лықты сақ­тауды, аудан жағдайын жақ­сартуды өз міндеті, парызы етіп алу қажет. Сонда ғана мұндай жағ­дайларға жол бер­мейміз, – дейді кент тұрғыны Мәншүк Нұрмаханова.</blockquote>Жалпы халық үшін көтерілген бас­та­маларды жүзеге асыруда жала­ғаштықтар бүгінгідей жұмыла іс қы­­лудан танбаса, ауданның көркейіп-көгал­дануына әрбіріміздің қосқан үле­сіміз болар еді. Сонда күн санап көр­кейіп келе жатқан кентіміз де аз ғана уақыттың ішінде шырайланып шығар еді. Ал көшеде иесіз тентіреп жүрген жануарлар әлі де болса ше­шілмеген мәселелердің қатарында болып тұр...

Жалағашта сенбілік өтті

<a href="https://kyzylorda-news.kz/">Kyzylorda-news.kz</a> Елімізде өткен жылдың қыркүйек айынан бастап тағы бір заңның күшіне енгенін естіген боларсыз. Қолдағысы бар, қаңғыбасы бар, барлық ит-мысық белгі салынып, жеке сәйкестендіру нөмірі беріледі. Бұрнағыда көше-көшеде топ-тобымен жүретін ит-мысықты тиісті органдар атып, ал денесін арнайы пеште жағып жіберетін. Жаңа заңға сәйкес енді мұндай әрекеттерге барғандар жауапкершілікке тартылады. Ит-мысықты ұрып, түрлі қатыгездік қарекеттер жасағандар да қатаң жазаланбақ. Яғни, адамгершілікке жат қылықтарға жол берілмейді. Осы тұста қараусыз, қаңғыбас ит-мысықты атпаса, олардың қарасы көбейіп, қоғамға қауіп төнбей ме деген заңды сұрақ туындайды. Ал бұл мәселе қалай шешілмек?АТЫП ЖҮРМЕҢІЗ. ӘЙТПЕСЕ...Иә, қаңғыбас ит-мысыққа қатысты мәселе еліміздің қай түпкірінде болса да өзекті. Қаңғыбас иттен жұғатын инфекция қаншалықты жеңіл болса, соншалықты зияндығы бар. Сондықтан еліміз бұл іспен бұған дейін, яғни жаңа заң қабылданғанға дейін қалай күресті? Иесіз жүргендерді атып алып, арнайы пеште өртеп жіберетін. Бірақ сонда да қаңғыбас ит-мысықтың қатары кемімеді. Енді еліміз әлемдік тәжірибелерге иек артуда. Бұрынғыша атып тастау әрекетіміз гуманизм тұрғысынан адамға жат деп танылды. Әйтпесе, қауіп төндіретін жануарды атып тастау бағзы заманнан бері бар екенін білеміз. 2000 жылдың басынан бері ит-мысықты ату ісі ветеринарлық қызмет қолына өткен екен. Оған дейін тұрғын үй-коммуналдық шаруашылығы органдары құзырында болыпты. Бір қарасаңыз, жануарларға қамқорлық танытып, жараланғанына ем-дом жасауы тиіс мамандардың қолына мылтық ұстатып, ит-мысықты атуға итермелеп келгеніміз қисынсыз болғанын енді ұғынғандаймыз. Қазақстанда жыл сайын қаңғыбас ит-мысықты атуға 1 млрд теңгедей қаржы бөлініп келіпті. Енді жаңа заң бойынша бәрі басқаша. Сол үшін көшеде тентірегін ит-мысықты атып жүрмеңіз. Әйтпесе, қатаң жазаға ілігесіз.Жаңа заңға сәйкес, бұрынғыдай атып, көзін құртудың орнына ұсталған ит-мысыққа екпе жасау, стерилизациялау және чип салып, сәйкестендіру жұмыстары жасалады. Сонымен, «Жануарларға жауапкершілікпен қарау» заңына сәйкес енді қаңғыбас ит-мысықпен күрес қалай жүргізіледі? Бірден ескертейік, еліміздегі барлық ит-мысық тізімге алынады. Қаңғыбасы да, иесі барлары да арнайы базада есепке енгізілуі тиіс. Демек, әрбір тұрғын ит-мысығын жетектеп, арқалап арнайы ветеринарлық пункттерге апарып, тізімге тіркейді. Айтпақшы, заңда міндетті тіркелуі тиіс жануарлар тізімінде ит-мысықтан бөлек, теңіз шошқасы, шиншила, күзен, сәнді егеуқұйрық, тасбақа, ергежейлі шошқа, ұстауға тыйым салынбаған атжалман және маймыл бар. Десе де, міндетті ретінде ит-мысыққа басымдық беріліп отыр.Ендігі жерде біз қаңғыбас ит-мысықты арнайы уақытша ұстау орнына әкелініп, мұнда оларға мемлекет есебінен екпе жасалады. Стерильдеу жұмысы жүргізіледі. Содан кейін сәйкестендіру құралы тағылып, есепке қойылады. Арнайы орындарда 60 күнге дейін ұстауға рұқсат. Содан кейін ит-мысық қай жерден ұсталса, сол жерге жіберіледі екен.&nbsp;Таңдау да барБір жағынан қарасақ, әр нәрсенің иесі болғаны жөн. Себебі, әр нәрсенің сұрауы болады. Міне, осыны ескерген үкімет заң арқылы жұрттың жауапкершілігін арттыруды көздеп отыр. Кейбір ит-мысық иелері қолдағыларына тиісті қырағылық танытпай, өзгенің өміріне қауіп төндіріп жататыны жасырын емес. Осы тұрғыдан алғанда үйдегі ит-мысықты да есепке алудың пайдасы болады деп күтілуде. Мемлекет таңбалаудың түрлі тәсілін ұсынып отыр. Олар – асқазан-ішек жолдарына енгізілетін болюстар, білезіктер мен қарғыбаулар, электрондық белгілер, құлағының ортасына тағылатын сырғалар, татуировка, терінің астына салынатын чиптер. Міне, осы тәсілдердің ішінде соңғысын тұрғындар да, ветеринарлық дәрігерлер де жөн көреді. Себебі, тіршілік иесіне тіпті зияны жоқ. Денесіне енгізгенде де еш ауырсыну болмайды. Шприц арқылы терінің астына кіргізілетін күріштің дәніндей-ақ заттың бар-жоғы да білінбейтін көрінеді. Тек арнайы құралмен сканерлеу арқылы анықтауға болады.Саналы түрде салғызғандар табылады<blockquote>– Тіркеуге әкелген үй жануарын біз суретке түсіреміз, оған қатысты барлық мәліметтерді базаға енгіземіз. Әрбіріне 30 минуттай уақыт кетеді. Егер жүйеде ақау болса, біраз күтуге тура келеді. Осы заңның енгеніне біршама уақыт өтті. Алайда Шиелі ауданының тұрғындары немқұрайлық танытуда. Осы кезге дейін 1074 ит-мысық таңбаланды. Мәселен, өзге аймақтарда заң шықпай тұрып, әлемдік тәжірибеге сүйеніп, саналы түрде белгі салғызып, ит-мысығын есепке қойғандар да табылады. Ал біздің ауданда бұл бағытта тыңғылықты жұмыстары әлі де жасалады, – дейді&nbsp;ветеринариялық дәрігер Асұлан Асқарұлы.</blockquote>Кез келген жаңашылдық енгізілгенде көпшілік оның тиімділігіне үрке әрі күмәнмен қарайтыны рас. Мұндай сәтті "уақыт көрсетер" деп бәрін алдағы күннің еншісіне тапсырамыз. Міне, еліміздегі ит-мысықты таңбалау, тіркеу науқаны осы сипатта өтіп жатқандай. Иесіз ит-мысықтардың санын реттеудің жаңа тәсілі қаншалықты тиімді болатынын мамандар да дөп басып айта алмайды.Фото: полиция кз

Шиелі: Жаңа заңға көзқарас қалай?

&nbsp;<a href="https://kyzylorda-news.kz/">Kyzylorda-news.kz</a> «AMANAT» партиясы өткен жылы қарызға белшеден батып, үмітін үзгендерге нақты қолдау көрсету үшін «Қарызсыз қоғам» жобасын жүзеге асырды. Бұл тың бастама барлық аймақтардағы азаматтар мен Мемлекет басшысы тарапынан қолдау тауып, биыл еліміздің барлық өңірлерінде жүзеге асуда.Жоба бастау алған ақпан айынан бері Сыр өңірінде 1400 азамат 5 күндік оқу курстарынан өтіп, қаржылық сауаттылығын арттырды.Бүгін жобаны іске асыру бойынша құрылған жобалық топ мүшелері бас қосып, жұмысты жетілдіру мен алдағы міндеттерді пысықтады.«AMANAT» партиясы «Қарызсыз қоғам» жобасын үнемі жетілдіріп келеді. Атап айтқанда, биыл жобаны жүзеге асыруға 9 коммерциялық банк пен 11 мемлекеттік орган қатысуда. Жобаға қатысуға ниет білдірушілерге ыңғайлы болу үшін qogamfin.kz. онлайн-платформасы әзірленді. Сайт арқылы оқыту курсына жазылып, пайдалы материалдар мен бейне сабақтарды жүктеп алуға болады. Онан бөлек, оқудан өткен азаматтар жеке кәсібін бастау үшін қайтарымды грант пен лизингке құрал-жабдық сатып алуға жағдай жасалмақ. Бұл бастама аясында жыл соңына дейін еліміз бойынша 3500 азаматты қамту жоспарланып отыр.Басқосуда партияның облыстық филиалының Атқарушы хатшысы Ләйлә Төрешова, Атқарушы хатшының орынбасары Алтынбек Жарылқасынов, жобаның облыстағы менеджері Наталья Мишукова, қаржылық сарапшы, тренер Балдырған Мамен сөз алып, жоба тиімділігін арттыру бағытында ұсыныс-пікірлерін ортаға салды.<img src="https://knadmin.beoblood.kz/uploads/420319512_826433502855621_3859663086992736434_n_ef4efe86f7.jpg" alt="420319512_826433502855621_3859663086992736434_n.jpg">

«Қарызсыз қоғам»: Жобалық топ мүшелері бас қосты

<a href="https://kyzylorda-news.kz/">Kyzylorda-news.kz</a>&nbsp;&nbsp; Алматыда жігітті соққыға жыққан күдікті ұсталды. ІІМ баспасөз қызметінің мәліметінше, зорлық-зомбылықпен өзінше билік ету фактісі бойынша қылмыстық іс қозғалды. &nbsp;Бұл туралы <a href="https://turkystan.kz/article/241707-s-tsiz-konkurstar-za-zh-ne-shuly-sot-procesteri-auruhanalar-men-zha-a-mektepter-salu-a-m-mkindik-bermeydi-deputat">turkystan.kz</a> &nbsp;хабарлады.&nbsp;Күдікті ұсталып, уақытша ұстау изоляторына қамалды. Сонымен қатар қылмысқа қатысқаны үшін видеоға түсірген екінші адам да ұсталып, уақытша ұстау изоляторына қамалды.Тергеу жалғасып жатыр.Фото: turkystan.kz &nbsp;

Алматыда жас жігітті аяусыз соққыға жыққан ер адам ұсталды

<a href="https://kyzylorda-news.kz/">Kyzylorda-news.kz</a>&nbsp;&nbsp; Жалағаш ауданынба қап шығаратын зауыт іске қосылды.&nbsp;Ашылғанына көп болмаса да зауыт өніміне сұраныс бүгінде жоғары. Отандық өнімнің әлеуетін арттырғысы келетін кәсіп иелерінің басты мақсаты – сырттан келетін тауарларды ығыстырып, өнімнің қолданыс аясын кеңейту.Аталмыш зауытты жергілікті кәсіпкер Рүстем Құдабай «Ауыл аманаты» жоба аясында жүзеге асыруда. Бұл кәсіпті бастау үшін алдымен «Құдабай» ауыл шаруашылығы өндірістік кооперативін құрып, өндіріс саласымен жеңілдетілген 2.5 пайызбен несие алып, бүгінде табысты жұмыс атқаруда. Бұл туралы&nbsp;«Байқоңыр» әлеуметтік-кәсіпкерлік корпорациясының баспасөз қызметі хабарлады.Қазіргі таңда зауыт негізгі ауыл шаруашылығы өндірушілердің сұранысына сәйкес әр түрлі пішінде қаптарын дайындауда.&nbsp;Өндіріс&nbsp;ошағы күніне 10 мың қап тоқуға әлеуеті жетеді. Аталған цех арқылы Рүстем бүгінде 4 адамды тұрақты жұмыспен қамтып отыр.Полимер шикізатынан жасалатын полипропилендік қапты даяулау 5 сатыдан тұрады.Алдымен полимер шикізатынан жіп иіріледі. Дайын жіптен қап тоқылады. Одан әрі қапты өлшеміне қарай кесу,&nbsp;тігу, тапсырыс берушінің логотипімен басып шығару жұмыстары жүргізіледі. Барлық жұмыс тапсырыс берушінің қалауы бойынша жасалады.Фото: Байқоңыр ӘКК

Жалағаш ауданында қап шығаратын зауыт іске қосылды

<a href="https://kyzylorda-news.kz/">Kyzylorda-news.kz</a> Шиелі ауданындағы&nbsp;Байсын ауылында 250 орындық жаңа мектеп салынып, есігін айқара ашты. Заманауи үлгіде бой көтерген №207 білім ордасының жаңа ғимараты бүгінде ауылдың ажары болып тұр.Білім ошағының ашылу салтанатында тұрғындардың көп жиналғаны, Шиелі ауданының ардагерлері мен сала басшыларының, облыс әкімі Нұрлыбек Нәлібаевтың жаңа нысанның ашылу рәсіміне қатысқаны, тұрғындардың қуанышына ортақтасқаны, бәрі-бәрі әлі ойда таспаланып тұр. Сол мезетте:<blockquote>– Білім саласы әрдайым Мемлекет басшының басты назарында. Өйткені біздің болшағымыз осы білімді жастарға байланысты. Сондықтан бұл салаға жасалатын қамқорлық алдағы уақытта еселене бермек. Биыл бес білім нысаны ел игілігіне пайдалануға берілуде.&nbsp;Соның біреуі осы ауылда ашылып отыр. Жаңа мектептегі жұмыстар жаңа жетістіктердің бастауы болсын, – деген еді облыс әкімі.&nbsp;</blockquote>Онан соң Шиелі аудандық әйелдер кеңесінің төрайымы, ауданның "Құрметті азаматы", "Шапағат" медалінің иегері Нәйла Палымбет ауыл тұрғындары атынан облыс, аудан әкімдеріне алғысын жаудырған-ды. Мерейлі сәтте жаңа мектепті сапалы әрі мерзімінде пайдалануға беруге атсалысқан құрылысшылар мен білім ардагерлері облыс әкімінің "Алғыс хатымен" марапатына ие болды да.Ата-аналар атынан сөз алған, білім саласының ардагері Күләш Тоқпанбетова көпшіліктің қуанышын жеткізіп, "Осы салада өнімді еңбек етіп, құрметті еңбек демалысына шықтым. Қиыншылықтарды айтпағанда, талай-талай жақсылықтарды да көріп, куәсі болып келеміз. Соның ішінде бүгінгі өзіміз қатысу бақытына ие болып тұрған тұсаукесердің жолы бөлек, жөні ерек. Жаңа ғимарат кешегі мен бүгінді жалғастырар ғибратты істердің тағылымды ордасына айналғай. Өскелең ұрпақты, егемен елдің ертеңін тәрбиелеу жолындағы еңбектеріңіз жанып, шәкірттеріңіз жетістіктерімен қуанта бергей. Баршамызға баға жетпес жақсылық пен үлкен қуаныш сыйлаған, игілікті іске мұрындық болған жандарға алғысым шексіз" деп шаттық сезімін жеткізді.&nbsp;Іргетасы 1965 жылы қаланған бұл мектептің өзіне ғана тән бай тарихы, қалыптасқан игі дәстүрі бар. Оның қабырғасынан әр жылдары еңбек еткен ұлағатты ұстаздардың алдынан есімдері өңірімізге ғана емес, елімізге танымал талай азаматтар дәріс алып, тәрбиеленіп шықты. Сөзімізге білімнің бастауы болған "Әліппенің" авторы Әзия Жұмабаева дәйек.Нысан құрылысын "Авангард ПГС" мекемесі жүргізіп, халық игілігіне ұсынды. Құрылысқа республикалық бюджеттен 800 миллионның үстінде қаржы жұмсалған. Екі қабатты ғимаратта оқушыларға қажеттінің бәрі бар. Ауласы қоршалып, абаттандыру жұмыстары да жасалған.<blockquote>– Байсында жүзеге асып жатқан игі істер аз емес. Ауылымыздың ажарын айшықтайтын жаңа мектептің ашылуы осыған дәлел. Мектеп оқушылардың білім алуына қажетті құрал-жабдықтармен толық қамтылған. Енді осы мүмкіндіктерді пайдаланып, оқушыларға дұрыс білім беруіміз керек, – дейді мектеп директорының тәрбие ісі жөніндегі орынбасары Роллан Мұстафаев.</blockquote>Жаңаның аты жаңа емес пе? Қазіргі заман талабына сай жабдықталған пәндік кабинеттер, технологиялық дәріс беру бөлмелері, спорт, акт залдары, кең де жайлы асхана бәрі де сәулет-сымбатымен көз тартып, еріксіз назарыңды аударады. Осылардың барлығын облыс әкімі мектеп басшысы және басқа да шақырылған меймандармен бірге көріп, аралап шықты. Мінсіз атқарылған істің сапасына ешқандай сын жоқтығын алға тартты. Мектеп оқушыларының жыр жолдарын тыңдады. Білгеніміздей, мектепте жалпы саны 240 шәкірт дәріс алады. Олар екі ауысымда оқиды. Оқушыларға 35 мұғалім сабақ береді.

Шиелі: Заманауи үлгідегі жаңа мектеп

Арал ауданы – кәсіпкерлердің мекені

&nbsp;<a href="https://kyzylorda-news.kz/">Kyzylorda-news.kz</a> Әйелін өлтірді деп айыпталып отырған Қуандық Бишімбаевқа қатысты бүгінгі сот отырысында Бишімбаевтың інісі әрі екінші айыпталушы Бақытжан Байжанов өзіне қысым жасалып жатқанын айтып, тосын мәлімдеме жасады.Әлеуметтік желіде Қуандық Бишімбаевтың бұрынғы әйелі Назым Қахарман да бүгінгі сот отырысына қатысты пікір білдіріп, тек Байжановқа емес, оған да қысым жасалып жатқанын жеткізді, - деп хабарлайды <a href="https://dalanews.kz/">Dalanews.kz</a>.Сот отырысында Байжановтың адвокаты сотқа өтініш жасады. Оның сөзінше, Байжанов Бишімбаевтан бөлек отырғысы келеді.<blockquote>"Бишімбаевты Байжановтан алыс отырғызу қажет. Байжанов өзіне қысым көрсетіліп жатыр деп санайды. Олардың арасында кикілжің болып жатыр. Тым құрығанда ертеңгі отырыста Қуандықтан аулақ отырса болар еді", - деді Байжановтың адвокаты.</blockquote>Кейін мұны Бишімбаевтың інісі Байжановтың өзі де растады.<blockquote>"Ол маған жауап беру кезінде "былай айт, былай айт" деп қысым көрсетіп жатыр", - деді Байжанов.</blockquote>Бақытжан Байжановқа Қылмыстық кодекстің екі бабы бойынша айтып тағылған:<ul><li>432-бабы (аса ауыр қылмысты жасырып қалу);</li><li>434-бабы (аса ауыр қылмысты хабарламау).</li></ul>Сонымен қатар,&nbsp;бұған дейін прокурор Ерлан Өтегенов Салтанат Нүкенованың өлімі бойынша ұсталған екінші адам Қуандық Бишімбаевтың туысы екенін растаған еді. Яғни ол - Байжанов.Ал бүгінгі сот отырысынан кейін Бишімбаевтың бұрынғы әйелі Назым Қахарман да өзіне қысым көрсетіліп жатқанын жеткізді.<blockquote>"...Тіпті сотта да бүкіл елдің көзінше оған (Байжановқа - еск.) абьюзерлік қарым-қатынас жасап жатыр. Тек &nbsp;оған емес (ол сотталушылар орындығында бірге отыр), маған да қысым көрсетуге тырысып жатыр. Сондай қорқынышты. Сот Бақытжанды одан алыстатады деп үміттенемін", - деп жазды ол.</blockquote>Бұған дейінгі сот отырысында Бақытжан Байжанов қылмыс жасады ма, жоқ па, оны өзі де білмейтінін айтқан еді.<blockquote>"Мен видеоны өшіруді сұрағанымды, сондай-ақ, Салтанаттың телефонын үйіне алып кетуді сұрағанымды мойындаймын, қылмыс жасадым ба, білмеймін. Мен ол кезде Салтанаттың өлім алдында жатқанын немесе өлгенін білмедім, түсінбедім", - деді ол сотта.</blockquote>Ал кейінгі сот отырыстарының бірінде қайғылы оқиға болған мейрамханада жұмыс істеген қызметкер <a href="https://dalanews.kz/kz/article/meyramxana-qizmetkeri-byshimbaevtin-inisi-vydeolardi-qalay-oshirtkenin-aytti.html">Бишімбаевтың інісі видеоларды қалай өшірткенін</a> айтқан болатын.<blockquote>"9 қарашада таңғы сағат 10-да жұмысқа келдім. Кабинетке келіп, ноутбукты аштым. Менің жұмысым жалға алушылармен кездесу болатын. Әдеттегідей жұмысымды істеп жүрдім. 12.00-13.00 шамасында мейрамханаларды аралап шығамын. Сол күні 13.00-де мейрамхананы аралап шықтым, бірінші қабатта бәрі жұмыс істеп тұрды. Екінші қабаттағы BAU мейрамханасы жұмыс істемей тұрды. Әкімшіден неге ашылмағанын сұрадым. Әкімші оларда санитарлық күн екенін айтты. Мен жақсы деп, өз жұмысыммен кете бердім", - дейді куәгер.&nbsp;</blockquote>Сол күні 14.00 шамасында әкімші келіп, Бақытжан Байжанов (Бишімбаевпен бірге сотта күдікті ретіндегі адам әрі оның туысы) хабарласып, бейнекамерадағы видеоларды өшіруді сұрағанын айтқан.&nbsp;<blockquote>"Бүкіл гастроорталықтағы видеоны өшіруді сұрады. Артынан Бақытжан Байжанов та келіп видеоларды өшіруімді сұрады. Не үшін өшіру керегін нақтыламадым", - дейді куәгер.&nbsp;</blockquote>Мейрамхананың бұрынғы қызметкері шамамен 15 минуттай сервер кабинетінде болып, видеоларды өшіріп, шығып кеткен.&nbsp;"Видеоларды көрген жоқпын. Мен диспетчерлік кабинеттен шығып, кілтті әкімшіге беріп, кеттім", - деді бұған дейінгі сот отырысында куәгер.&nbsp;&nbsp;Фото: <a href="https://dalanews.kz/">Dalanews.kz</a>.

"Қысым көріп жатырмыз...": Бишімбаевтың бұрынғы әйелі мен інісі мәлімдеме жасады

&nbsp;<a href="https://kyzylorda-news.kz/">Kyzylorda-news.kz</a> Қазгидромет синоптиктері 4 сәуір, бейсенбіге арналған ауа райы болжамын жариялады.&nbsp;Бүгін Қазақстан аумағының басым бөлігі Батыс антициклонының ықпалында болады. Сондықтан жауын-шашын жаумайды, күн ашық болады.Тек елдің батысында, оңтүстігінде атмосфералық фронттардың әсерінен жаңбыр жауады, оңтүстік аймақтарда найзағай жарқылдайды.Қазақстан бойынша тұман түсіп, батыста, оңтүстікте жел күшейеді.Түркістан облысында дауыл тұрады.&nbsp;Фото: Нұрболат Нұржаубай

Бейсенбіге арналған ауа райы болжамы жарияланды

&nbsp; <a href="https://kyzylorda-news.kz/">Kyzylorda-news.kz</a> &nbsp;"Көктемнің бір күні жылға азық" демекші жер тоңы жібісімен диқандар кетпенін сайлап, егістік далаға бет алатыны белгілі. Бұл мезгілде егіншілер қарбаласқа түсіп, егін егуге жерді дайындайды. Алқапта еңбек қызып, мол өнімнен үмітті жандар қарбаласқа түседі.Сырдария ауданында 2024 жылы вегетациялық кезеңде аудан бойынша жалпы 32829 гектар ауылшаруашылық дақылдарын орналастыру межеленіп отыр. Оның ішінде негізгі дақыл – күріш 20451 гектар орналастырмақ. Одан кейін осы жылы жаздық бидай 2547 гектар, арпа 40 гектар, мақсары 90 гектар, күнбағыс 100 гектар, сүрлемдік жүгері 100 гектар, картоп 510 гектар, көкөніс 242 гектар, бақша дақылдары 425 гектар жерге егілмек. Сонымен қатар мал азығындық жаңа жоңышқа 1824 гектар және ескі жоңышқа 6500 гектарды құрайды.Бүгінгі күні ауыл шаруашылығы құрылымдарында жалпы – 2805 гектар егіс егілді. Атап айтар болсақ, 1691 га жаздық бидай, 40 га арпа, 30 га мақсары, 1044 га жаңа жоңышқа орналастырылды. Биылғы жылдың күріш егісіне қажетті 10320 тонна минералдық тыңайтқыштар толық сатып алынды. Көктемгі дала жұмыстарына жүргізуге барлығы – 780 дана ауыл шаруашылығы техникалары қатысуда. Оның ішінде: 376 трактор, 196 трактор тіркемесі, 98 соқа, 47 дән сепкіш, 63 жүк көліктері.&nbsp; Бір сөзбен айтқанда, жылдағыдай аудандағы шаруашылық құрылымдары көктемгі дала жұмыстарына тыңғылықты дайындалуда.Фото: Нұрболат Нұржаубай

Сырдарияда егін егу жалғасуда

<a href="https://kyzylorda-news.kz/">Kyzylorda-news.kz</a>&nbsp; &nbsp;Медицинаның ажырамас бөлігіне айналған зертхана cаласында көпшілік біле бермейтін күрделі жұмыс жүйесі қалыптасқан. Адам ағзасындатүрлі ауру синдромы жайсыздық тудыратыны анық. Шындығында емхана дәлізінде ұшырасқан екі адамның біреуі денсаулығындағы кінәратты анықтау мақсатында қан сынамасын тапсырады. Күн сайын Сара Мұхамбетқалиқызы жетекшілік ететін лаборатория бөліміне 100-ге жуық адамның қан және несеп сынамалары әкелініп, нәтиже шығарылады. Бұл ретте үздіксіз қан талдауымен айналысып, адам жанының арашасына айналған Сара Ермағанбетованың негізгі қызметімен танысу үшін аудандық емханаға атбасын бұрған болатынбыз.Биязы қалпынан таймайтын білікті дәрігер біз барғанда жұмыс үстелінде қан құрамына талдау жасап отыр екен. Кәнігі маманның нұсқаулығымен аядай ғана бөлімнің бірнеше бағытқа бөлінген қызметіне қанықтық. Үй мен жұмыстың екі ортасында жүріп, үздіксіз еңбек ететін абзал жанның жұмысы қай кезде де қауырт. Бүгінде үш бағыт бойынша зертхана қызметі үйлестіріледі. Алғаш ем-шара жасау бөлмесінен науқастан қан алынады. Бұдан кейін арнайы құтыдағы қанның құрамын зерттеу үшін мамандар негізгі жұмыс сатысына кіріседі. Қан талдау нәтижесі дайын болған жағдайда арнайы компьютерлік бағдарламаның көмегімен қан және несеп сынамаларының нәтижесі дәрігерге жолданады. Қазіргі таңда зертханада цифрлы технология жақсы дамыған. Автоматты гемотологиялық анализатор Sysmex XS-500-I аппараты арқылы қан құрамына бірнеше талдау жасалады. Аталған аппаратпен жұмыс істеуді Сара Мұхамбетқалиқызы жетік меңгерген.&nbsp;Сонымен бірге биохимиялық анализатор ВА-200 Вio Systems аппараты бір мезетте 44 адамның қанын биохимиялық сынамадан өткізеді. Мұндай аппараттар сала мамандарының жұмысын жеңілдететіні рас.Сара Ермағанбетова эпидемиология саласын таңдағанымен кейіннен зертхана қызметінде еңбек етуге ұйғарым жасапты. Осыдан 31 жыл бұрын Қарағанды мемлекеттік медициналық институтын бітіріп келген жас маманға медицинаның нағыз майталманы Тұрғанбай Маханов зертхананың қыр-сырын меңгеруге кеңес береді. Қиындығы мол мамандықта жұмыс жасауға шешім қабылдаған абзал жан 1994 жылы Тереңөзек орталық ауруханасына клиникалық-диагностикалық лабораториясының дәрігері қызметіне қабылданады. Сол кездегі аурухананың бас дәрігері Рүстем Садықов табиғатынан барлық қызметке икемді жас маманға зор жауапкершілік жүктейді.Шындығында алты ай бойы интернатурадан тәлім алған жас маман үшін зертхана әлемі бастапқыда таңсық көрінді. Қиындығы мол салада ауыртпалықты көтере білген дәрігер нағыз кәсіби маман ретінде дағдыланды. Ең бірінші жылдары қолындағы микроскоптың көмегімен қан талдауларын жасады. Терезеден түсетін саңылау жарыққа микроскопты жақындатып, сынама қорытындысына қол жеткізу оңайға соқпаған. 3 мың жылдамдықта айналым жасайтын құрылғыны қолдана отырып, қаннан сары суын ажырату керек. Сары су арқылы әрбір адамның сынама нәтижесіндегі өзгеріс анықталады. Кейде күн-түн демей, ауыр хәлде түскен науқастың қан талдауларын жасау үшін зертханадан табылады.– Ең алғаш аурухана табалдырығын аттағанда жауапкершілігі жоғары мамандық иесі атанғанымды білдім. Медицинадағы салғырттықты кешірмейтін зертхана саласында кез келген адам еңбек етуге жүрексінеді. Себебі қан талдау барысында әр адамның тағдыры қолымызда екенін сезінеміз. Дұрыс нәтижеге қол жеткізу арқылы емдеуші дәрігерге айқын нұсқаулық көрсетеміз. Қай кезде де жедел әрекет ету үшін барымызды саламыз. Мен жетекшелік ететін ұжым қызметкерлі өте тәжірибелі. Айта кету керек, олардың жұмыс өтілі 10 жыл мен 30 жыл аралығын құрайды. Қазіргі таңда электронды аппаратпен жұмыс жасау тиімді. Дегенмен оны күтіп ұстау маңызды. Кейде бір тетігін дұрыс баспаған жағдайда аппарат істен шығады. Сондықтан арнайы білімін жетілдірген санаулы мамандарға аппаратпен жұмыс істеуге рұқсат беріледі. Бұрынғыдай емес, микроскоп та электронды жүйеде жұмыс жасайды, – дейді білікті дәрігер.Биохимия сынама нәтижелерін анықтаумен айналысатын аға зертханашы Назерке Омарқызы мен несеп және цитология сынамасының нәтижерін анықтайтын тәжірибелі зертханашы Гүлсім Қайранбаевамен қатар, зертханадағы тәжірибелі мамандар Сара Мұхамбетқалиқызының үнемі ақыл-кеңесіне жүгінеді. Күніне меңгерушімен бірге 200-ге жуық қан талдауларын сараптамадан өткізеді. Ең алдымен төзімділік пен ыждағаттылық мамандардан талап етіледі.Осы күні тәжірибелі дәрігерге отбасы мүшелері үнемі қолдау көрсетеді. Беймезгіл уақытқа қарамастан зайыбы жедел шақыртулар болған кезде Фаридон әйелін жұмысына жеткізсе, анасымен бірге ұлы Нұртілеу ауыр хәлде түскен науқастың жазылып кетуін тілеп отырады.&nbsp;Медицина қызметімен бар ғұмырын байланыстырған Сара Ермағанбетова бұған дейін бірнеше рет марапат төрінен көрінді. Ең бастысы халықтың алғысын арқалаған жан әрбір қан талдауының нәжижелі болуын қалайды. Медицина қызметкерлерінің кәсіби мерекесін зор қуанышпен қарсы алатын ақ халатты абзал жан мамандығымен мақтанады. Күн сайын білмегенін үйреніп, білгенін өзгеге үйретуге жалықпайды. Ол халық денсаулығын жақсару үшін күніне 24 сағат жұмыс жасауға дайын. Өйткені, тәжірибелі маман Гиппократ антына адал.&nbsp;

Қазақстан және Қызылорда облысының жаңалықтары