<a href="https://kyzylorda-news.kz/">Kyzylorda-news.kz</a>&nbsp; &nbsp;Жуырда басталған мемлекеттік қолдау бағдарламаларының аясында түсіндірме жұмыстары ауданның Шіркейлі, Н.Ілиясов, Шаған, Іңкәрдария, Ақжарма ауылдық округтерінде жалғасын тапты. Түсіндірме бойынша іс-шараға елді мекендердің тұрғындарымен қатар «Аграрлық Несие Корпорациясы» ҚОФ маманы Е.Демесінов, «Байқоңыр» ӘКК маманы Б.Серікбай, Сырдария ауданының "Мансап" орталығы филиалының, Сырдария ауаудандық кәсіпкерлік бөлімінің және ауылдық округтері әкімдері аппараттарының сала мамандары қатысты.Қаржы ұймдарының мамандары қатысушыларды «Агробизнес», «Іскер», «Ауыл аманаты», қайтарымсыз гранттарды, т.б. мемлекеттік қолдау бағдарламаларының аясында қаражат алудың негізгі талаптарымен таныстырып өтті.– Мемлекеттік бағдарламалар шеңберінде кәсіпкерлерді қолдау маңызды бағыттың бірі саналады. Өз кезегінде ауыл тұрғындарына жоғарыда көрсетілген мемлекеттік бағдарламалардың тиімділігін айтып берген болатынбыз. Бұл ретте, ақпараттық-түсіндірме жұмысы барлық ауылда жалғасын табатын болады. Әрине, елімізде жұмыссыз деңгейін азайтып,&nbsp;жергілікиі тұрғындардың кәсіппен айналысқа жағдай жасаудың артықшылақтары көп, – деді сала мамандары.Сонымен қатар, тұрғындардың тарапынан мүлік саясаты, өндіріске бағытталған жобаларды қарастыру, бизнес-жоспар әзірлеу, жаңа бизнес-бастамаларды іске асыру үшін берілетін қайтарымсыз грант қаражатын алу, несие алу үшін қойылатын қосымша талаптар туралы қойылған сауалдарға мамандар сәйкесінше жауаптарын берді.

Мемлекеттік бағдарламаның тиімділігі түсіндірілді 

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен &nbsp;мәжілісте ҚР Президенті Қасым-Жомарт Кемелұлының тапсырмаларының орындалу барысы талқыланды.Облыс әкімі Мемлекет басшысының, Үкіметтің, Президент Әкімшілігі тапсырмаларының бірінші кезекте сапалы орындалуының маңызын атап өтті.<blockquote>«Мемлекет басшысының, Үкіметтің, Президент Әкімшілігі тапсырмаларының бірінші кезекте сапалы орындалуы күн тәртібінен түскен емес. Бұл менің тікелей бақылауымда. Мемлекет басшысы 2019 және 2023 жылдары өңірімізге жұмыс сапары кезінде 11 тапсырма берген. Оның 6-уы бақылаудан алынып, 5-еуі мерзіміне сәйкес орындалуда. &nbsp;Жалпыұлттық іс-шаралар жоспарындағы тапсырмалардың уақытылы әрі сапалы орындалуына мемлекеттік органның &nbsp;бірінші басшысы тікелей жауапты», – деп ескертті Нұрлыбек Машбекұлы.</blockquote>Облыс әкімінің бірінші орынбасары Данияр Жаналиновке тапсырмалардың орындалуына ай сайын талдау жасап, қатаң бақылауда ұстау міндеті қойылды.Жиында құзырлы мекеме басшылары мемлекеттік бағдарламалар мен ұлттық жобалардың іске асырылу барысын баяндады. Талқылау қорытындысында аймақ басшысы орынбасарларына жетекшілік ететін басқармаларымен бірігіп, тапсырмалардың сапалы және мерзімінде орындалуын ұдайы бақылауда ұстауды міндеттеді. Мемлекет басшысының тапсырмаларын сапалы орындау облыс әкімінің жеке бақылуында болады.<img src="https://knadmin.beoblood.kz/uploads/FB_IMG_1712156991566_83fb604e2d.jpg" alt="FB_IMG_1712156991566.jpg">

Президент тапсырмаларын орындау барысы қаралды

&nbsp; <a href="https://kyzylorda-news.kz/">Kyzylorda-news.kz</a>&nbsp; &nbsp;Мәжіліс депутаты Елнұр Бейсенбаев ұялы байланыс операторларының тариф бағасын негізсіз қымбаттатып, халықтың қалтасын қағып отырғанын айтып, мәселе көтерді. Бұл туралы <a href="https://stan.kz/yyali-baylanis-tarifterinin-bagasi-zhil-sanap-emes-ay-s-397897/">Stan.kz </a>ақпарат агенттігі хабарлайды.Мәжілісмен байланыс қызметі тарифінің күннен күнге қымбаттауы халықтың қалтасын қағып, тынысын тарылтып бара жатқанын айтты.<blockquote>“Тарифтер жыл санап емес, ай санап өсуде. Мәселен, Бәсекелестікті қорғау және дамыту агенттігінің мәліметінше, ұялы байланыс қызметтерінің тарифтік жоспары 2023 жылы 57%-ке дейін өскен. Ал 2021-2022 жылдары тарифтердің өсуі орташа алғанда 13-тен 37% дейін болған. Атап айтсақ, 2023 жылдың сәуірінде Билайн "Яркий" тарифтік жоспарын 1790 теңгеден 2490 теңгеге дейін (өсім –&nbsp;39%) қымбаттатты,&nbsp;Кселл мен Теле2 тамыз айынан бастап әртүрлі тарифтік жоспарының өсетінін мәлімдеген. Атап айтқанда, "Реальный безлимит" (Кселл) 3390 теңгеден 4390 теңгеге (өсуі 29 %), "Просто супер" (теле2) 2590 теңгеден 3290 теңгеге (өсуі 27 %) өсті”, –&nbsp;деді Бейсенбаев.</blockquote>Депутат Актив, Кселл операторлары тарифке 1 мың теңге, ал арнайы әлеуметтік желілердегі интернетті лимитсіз қолдану үшін үстінен тағы 990 теңге қосып отырғанын айтты. Сонда бар-жоғы 3390 теңгелік тариф 5380 теңгеге дейін, яғни 59% қымбаттаған.<blockquote>“Елімізде ҚР "Байланыс туралы" Заңының 20-бабына сәйкес операторлар байланыс қызметінің тарифтерін негіздей отырып, өздері қояды. Осылайша, олардың тарифті негізделген шығындар бойынша өздері қалыптастыруына жағдай жасалып қойылған. Операторлар тіпті Бәсекелестікті қорғау агенттігін хабардар етуге де міндетті емес. Тарифтің өсетіні туралы бір ай бұрын хабардар етсе болғаны. Агенттік бағаның өсуі күдік туғызғанда ғана оның қаншалықты орынды екенін&nbsp;тексеріп, заңсыздық анықталған жағдайда, айыппұл сала алады. Оның мөлшері – монополистік қызмет нәтижесінде алынған кірістің небәрі бес пайызы&nbsp;ғана. Өйткені бәсекелестікті дамыту мақсатында Кәсіпкерлік кодекске сәйкес 2017 жылдан бастап байланыс қызметінің тарифін мемлекеттік реттеу алынып тасталған”, – дейді мәжілісмен.</blockquote>Сонымен, тарифтердің былайша жөнсіз көтеріле беруіне, біріншіден, заңның жұмсақтығы себеп болса, екінші жағынан, операторлардың нарықта монополиялық жағдайды иемденуіне байланысты екен.<blockquote>“Бұдан бөлек, операторлардың клиентке ескертпестен біржақты тарифтік жоспарды өзгерту, интернет-трафикті ұлғайту, бағасын қымбаттату фактілері жиі кездеседі. Тұтынушылардың шағымын негізінде тиісті министрлік Байланыс қызметін көрсету ережесіне тұтынушылар құқығын қорғау бойынша өзгеріс енгізген. Бірақ ұялы байланыс операторлары мұнымен келіспей, соттасып жүрген көрінеді”, – дейді&nbsp;Елнұр Бейсенбаев.</blockquote>Оған қоса депутат байланыстың бағасы қымбат болса да, сапасы&nbsp;сын көтермейтінін атап өтті.<blockquote>“Байланыс өте әлсіз және интернет&nbsp;жылдамдығы тым баяу. Speedtest жаһандық рейтингі бойынша мобильді интернет жылдамдығы бойынша Қазақстан 142 елдің арасында 67 орында тұр. Сонымен қатар, елімізде әлі де интернет жетпеген ауылдар бар. Мәселен, 2023 жылғы 1 қаңтардағы жағдай бойынша, 6 290 ауыл болса, соның шамамен 1,5 мың ауылында мобильді интернет мүлдем жоқ. Ал 902 ауылда тек бір ғана мобильді оператор бар. Демек, тұтынушыда ешқандай таңдау жоқ. Содан кейін "қазаншының еркі бар, қайдан құлақ шығарса" дегендей, операторлар өзі қалаған бағаны қоймай қайтсін”, –&nbsp;деп нақтылады депутат.</blockquote>Фото: Мәжіліс отырысынан скриншот

Ұялы байланыс тарифтерінің бағасы ай санап өсіп жатыр – Мәжіліс депутаты

&nbsp;<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгінде өңірде сыбайлас жемқорлық тәуекелдер картасын іске асыру шаралары сәтті жүзеге асырылуда. Осы бағытта халықтың әлеуметтік-экономикалық жағдайын көтеруге және облыс тұрғындарын толғандыратын өзекті мәселелерді оңтайландыру жүйесі жолға қойылған. Сыбайлас жемқорлыққа қарсы іс-қимыл агенттігінің Қызылорда облысы бойынша департаменті сыбайлас жемқорлық тәуекелдері картасы бойынша толыққанды мәлімет берді.- Мемлекет басшысы Қ.Тоқаев «Сыбайлас жемқорлықпен ымырасыз күресу – ел саясатындағы негізгі басымдықтардың бірі», - деп өз сөзінде ерекше атап өткен болатын. Бұл ретте біздің департамент аймақта сыбайлас жемқорлықтың алдын алу бағытында ауқымды жұмыстар атқаруда. Өздеріңізге белгілі, қызметіміздің басты бағдары ретінде «Сыбайлас жемқорлық тәуекелдерінің картасы» әзірленген болатын. Аталмыш карта департаменттің күнделікті жұмысының негізгі бағдары десек болады. Жалпы, біздің облыста жемқорлықтың тоғыз бағыты айқындалған. Атап айтқанда, агроөнеркәсіптік кешен, жер, жол инфрақұрылымы, әлеуметтік сала, олигополия, бизнес, сейсмикалық қауіпсіздік және т.б. Осы ретте картада көрсетілген әрбір сала бойынша департамент тарапынан тиісті жұмыстар жүргізілуде, - деді Асылхан Амангелдіұлы.Фото:&nbsp;Қызылорда облысының Өңірлік коммуникациялар қызметі

Өңірде сыбайлас жемқорлық тәуекелдері картасы жүзеге асырылуда

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Қазалы ауданындағы Қ.Пірімов ауылының тұрғыны Ләззат Бекназар асыл тұқымды швейцариялық заанен ешкісін өсіруде. Өзгелерден ең алдымен сүттілігімен ерекшеленетін ешкіні алуға мемлекеттік бағдарламаның септігі тиген. Ләззат Қуанбекқызы 2019 жылы «Бизнестің жол картасы – 2020» бизнесті қолдау мен дамытудың мемлекеттік бағдарламасы аясында мемлекеттік грантқа қол жеткізіп, осы кәсібін бастап кеткен. – Өзім ауылдық жерде тұрғандықтан жас кезімнен малдың жайын жақсы білемін. Сондықтан да, асыл тұқымды ешкі өсіруге ерекше қызығушылық таныттым. Өйткені, Швейцарияның Заанен өлкесінен тараған заанен тұқымдас ешкі ең алдымен, сүттілігімен ерекшеленеді. Ал, ешкі сүтінің адам ағзасына тигізер пайдасы мен емдік қасиеті мол екені көпке мәлім. Тәулігіне 3,5-4 литрге дейін өнім беретін ешкінің сүті де қымбат, – дейді ауыл тұрғыны Ләззат Бекназар. Бүгінде Ләззат Бекназар грант арқылы қол жеткізген 700 мың теңгеге асыл тұқымды заанен ешкісінің 4 төлін алған. Жоба бойынша алынған малға қол жеткізген соң кәсіпкерге жем-шөп алу үшін қосымша 75 мың теңге қаржы берілген. Мұның өзі кәсібін енді бастаған жан үшін таптырмас көмек. Қазіргі таңда сатып алған асыл тұқымды ешкілер төлдеп, мал басы біршама көбейген. Яғни, 30 басқа дейін жеткен.&nbsp; – Басында кәсіпті қолға ламас бұрын интернет арқылы осы ешкі тұқымын бақылап, зерттедім. Өте қызығушылығым артты. Себебі, өзімнің ата-анам ес білгелі мал асырап, баптайды. Сыртта төрт түліктің басын көбейтуде. Мен сіңіліммен бірге 6-сынаптан бастап, он сиырды сауып, оны пісіріп, айран ұйыта беретінмін. Сосын оны күбіде пісіп, құрт қайнатуды және май алуды білетінмін. Сондықтан да маған малдың жайы, оны күтіп-баптау қиынға соқпайды. Негізгі жұмысыммен қатар, үйдегі шаруаны бітіріп, осы ешкілерім мен сиырларымды сауып, айран ұйытып, құрт жасап, сатуға қоямын. Мал басы көбейіп, жем-шөбінің қымбаттауына байланысты жиырмадан аса басын сатып жібердім.&nbsp; Қазір қорамда 5-6 басы ғана бар. Бұл заанен тұқымы сүтті және егізден, үшемнен бес айда төлдейді. Жылына екі рет буаз болады. Жақында Қызылордада ұйымдастырылған &nbsp;«Әйелдер форумына» қатысып келдім. Негізінен, мұндай басқосулардың пайдасы мол. Себебі, тәжірибемен алмасамыз. Білмегенімізді толықтырып, білгенімізбен бөлісеміз. Соның нәтижесінде шиелілік кәсіпкер келіншекпен таныстым. Ол нубиский ешкі өсіруді қолға алған. Бұл тұқымның төлдері сүтті заанен түрінен де иол береді. Бірақ бұл ешкілер суыққа шыдамсыз екенін білдім. Сондықтан осы тұқымның текесін алуды жоспарлап отырмын. Қолымдағы зааненмен будандастыруды көздеудемін, – дейді Ләззат Бекназар. &nbsp; Ләззат Қуанбекқызының айтуынша, заанен ешкісін ұстағаннан бері оның өнімдерін сатқаннан бөлек, өзі де отбасымен бірге қолданады. Сүтін таңнан ішіп алғанда кешке дейін тоқтықта жүресің. Құрты дәмді, әрі майлы, кеуіп тұрмайды. Ал нубилық ешкі сүтінің дәмі заанендікінен де ерекшеленеді екен. Оның сүтінің дәмі тіптен тіл үйіреді дегенді алға тартты. Жалпы, осы ешкілерді ұстағалы қан қысымы көтерілуін доғарған. Асқазан, ішек жолдары жақсарған. Ағзаның зат алмасуы жақсарып, күш-қуаты жоғарылаған. Бұған қоса, иммунитет көтерілген. Сондықтан бұл төлдің сүті жоғары бағаланады. Сонымен қатар, ауылдан тыс, Қазалы қаласынан және Әйтеке би кентінен тапсырыстар түсіп, тұрақты тұтынушылары көбейген. Алдағы уақытта қолға алған кәсібін дөңгелетіп әкету үшін өз қаржысының есебінен тағы да нубилық ешкі тұқымын да алуды көздеп отыр. – Заанен ешкісінің сүті мың да бір ауруға ем екен. Ерекше химиялық құрамына сай ешкі сүтін пайдалы тағам өнімдеріне жатқызуға болады. Ешкі сүті халықтың тұтынатын өнімі ретінде әртүрлі жастағы адам арасында пайдаланылуымен қатар, әртүрлі аурулардың алдын алу үшін де тиімді. Ешкі сүтіндегі май түйіршіктері сиыр сүтіне қарағанда сіңімді, сондықтан да, адам ағзасына түскен ешкі сүті тез қорытылып, сіңетіндіктен, әлсіреген ағзаға өте пайдалы. Сонымен қоса, ешкі сүтінің құрамында калийдің мөлшері өте мол. Сүт құрамындағы бұл элемент әлсіреген ағзадағы жүрек қантамыр жүйесі жұмысына өте қажет. Қатерлі ісік дертіне, сондай-ақ, аллергияның кезкелген түріне пайдалы. Яғни, сапалы және мол мөлшерде ешкі сүтін өндіру үшін азықтандыру технологиясын жетілдіру қажет.&nbsp; Кейбір зерттеушілердің пайымдауынша, ешкілердің сүт өнімділігіне, сүттің құрамы мен қасиеттеріне генетикалық және әртүрлі паратиптік фактор әсер ететіндігін анықтады. Атап айтқанда, жануарлардың жасы мен физиологиялық жағдайы, лактация кезеңі, жыл мезгілі, күтіп-бағу параметрлері, азықтандыру деңгейі мен пайдалылығы, сауу технологиясы және тағы басқа факторлардың әсер ететіндігі анықталған. Ешкілердің сүт өнімділігіне азықтандыру сапасы мен деңгейі, әсіресе, азық құрамындағы ақуыз деңгейі өте әсер етеді. Алайда, азық ақуызы ең қымбат құрамдас бөлігі болып табылғандықтан, қол жетімді азық қорын іздеу және азықты тиімді пайдалану өзекті мәселе болып табылады. Сондықтан, шаруашылықтағы ешкі басын көбейтіп, сүт өнімділігін арттыру үшін оларды дұрыс азықтандырудың маңызы зор. Тек, дұрыс азықтандырылған жағдайда ғана малдардың, оның ішінде, ешкі малының денсаулығы сақталып, жоғарғы өнімділігін көрсете алады. Сол себепті, бұл істі қолға алмас бұрын әбден зерттедім. Сол кезде адам сенгісіз оқиғаларға өз көзіммен куә болдым. Талай жыл ауырып жүрген жандар ешкі сүтін ішкен соң дертінен айығып, аяққа тұрып кеткен. Сондықтан да, бұл жануардың өнімі қымбат тұрады. Өзім қорада азын-аулақ мал ұстап, сиыр сауып отырмын. Оның сүтінен бастап, құрт-майға дейін базарға өткіземін, – деп Ләззат Бекназар алдағы жоспарымен де бөлісті. Еңбекқор кәсіпкер Қазалы ауданындағы Қ.Піріміов ауылында орналасқан Қ.Күлетов атындағы №92 орта мектепте тарих пәнінен сабақ береді. Көпбалалы отбасы қатарындағы ана құтты шаңырағында бес баланы тәрбиелеуде. Мал шаруашылығынан бөлек, жеке азық-түлік дүкені де жұмыс істеп тұр. Қолынан тоқыма тоқу, жүн түту мен оны иіру, тігін тігу келеді. Көпбаланың мәліметінше, ол әрбір ешкісіне арнайылап есім қойған. Әрқайсысын өз есімімен атап шақырады.<img src="https://knadmin.beoblood.kz/uploads/33f29897_9b87_4b05_91b7_48154940f53d_7a69bd9730.jpg" alt="33f29897-9b87-4b05-91b7-48154940f53d.jpg"><img src="https://knadmin.beoblood.kz/uploads/9386e57a_a3f2_4ae1_a648_97c97bc7d852_6f4acda7e1.jpg" alt="9386e57a-a3f2-4ae1-a648-97c97bc7d852.jpg">

Ләззат Бекназар: Заанен ешкісін өсірудің бабы бөлек

&nbsp; Биыл қаладағы аяқ су мәселесін шешу мақсатында облыс әкімінің қолдауымен «Жасыл Қызылорда» коммуналдық мемлекеттік мекемесі құрылды. Мекеме жасыл желекті баптап, аяқ су жүретін жолдарды аршып, қажетті шараларды жүзеге асырады.Бұл туралы қала әкімдігінің баспасөз орталығында өткен&nbsp; брифингте «Жасыл Қызылорда» КММ-нің басшысы Әжібек Мампаев баяндады.<blockquote>- «Жасыл Қызылорда» КММ-нің негізгі бағыттары қаламызды көгалдандыру мақсатында каналдар мен арық жүйелерін тазалау, жерасты ұңғыма арқылы және насостар арқылы аяқ су беру, сквер аллеялар мен орталық көшелердегі гүлзарларға гүл егу, көгалды күтіп ұстау, қураған ағаштарды кесу және балақтау жұмыстары болып табылады. Осы аталған жұмыстар биыл жыл басынан бастап жүргізілуде, - деді мекеме басшысы Әжібек Алғашбекұлы.</blockquote>Мекеменің мамандарымен Жібек жолы және Сарқырама каналдары толық тазаланды. Қазіргі таңда Қызылжарма, Қалалық, Табиғат каналдарын және қалаішілік арық жүйелерін бекітілген кестеге сәйкес күнделікті тазалау жүргізілуде.Жалпы, қалаға Сырдария өзені және каналдар арқылы арнайы 19 жерден&nbsp; насос қондырғыларымен аяқ су беру жоспарланған. Бұдан бөлек, 2022-2023 жылдар аралығында 27 дана бұрғылау жұмыстары жүргізілген ұңғымаларды және&nbsp;бұрыннан аяқ су беріліп келе жатқан ұңғымаларды да аяқ су беру маусымына дайындығын ұйымдастыруда.<blockquote>- Қала аумағына 2024 жылдың көктем-күз айларында 8000 дана ағаш көшеттерін егу жоспарланып отыр. Ауа-райына қолайлы, құрғақ, ыстық, шөлге төзімді сыр талы, терек, қарағаш және сәндік (катальпа, айлант, ясин) ағаш көшеттері отырғызылатын болады. Оның ішінде, сәндік ағаштар қаламыздың орталық көшелеріне егілетін болады, - деп қорытындылады мекеме басшысы.</blockquote>

Жасыл желекке «Жасыл Қызылорда» күтім жасайды

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазалы аудандық мәслихатының «Әлеуметтік, мәдени, құқық қорғау және жастар саясаты» жөніндегі тұрақты комиссиясы Қазалы аудандық мәслихаттың 2023 жылғы 30 наурыздағы кезекті бірінші сессиясымен құрылды. Комиссия құрамында үш депутат «AMANAT» партиясының, бір депутат «Ауыл» партиясының мүшесі болса, бір депутат өзін-өзі ұсынған.&nbsp; 2023 жыл ішінде тұрақты комиссияның отырысында «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңы мен жыл басында бекітілген жұмыс жоспарға сәйкес төрт мәселе қаралып, тиісті қаулылар қабылданды. 2023 жылдың 12 мамыр күні «2022-2023 оқу жыл ішінде мектепке дейінгі білім берудің сапасы және оны жетілдіру жолдары бағытында атқарылған жұмыстар туралы» мәселе қаралып, Қазалы аудандық білім бөліміне депутаттардың ұсынысы негізінде бірқатар тапсырмаларды орындау сұралды. &nbsp; 2023 жылдың 19 мамырда облыс әкімінің тапсырмасына сәйкес тұрақты комиссияның жұмыс жоспарынан тыс «Аумақтарына отбасымен көшіп бармаған округ әкімдері мен учаскелік полиция инспекторларының, мектеп директорларының мәселесі және қылмыспен күрес бағытында атқарылған жұмыстар мен алдағы жоспарлары туралы» мәселе қаралды. Аталған мәселе бойынша Қазалы ауданы әкімінің орынбасары Дәурен Тілеумбетов пен Қазалы аудандық полиция бөлімінің бастығы Асылбай Аңсатовтың хабарламасы тыңдалып, депутаттар тарапынан аумақтарына көшіп бармаған ауылдық округ әкімдері, мектеп директорлары мен учаскелік полиция инспекторларын белгіленген мерзімде көшіп баруын сұрап, қаулы қабылданды. Қаулыда көрсетілген тапсырмалардың орындалуы депутаттардың тұрақты бақылауына қойылған.&nbsp; Сондай-ақ, 2023 жылдың 14 шілдесінде «Қазалы аудандық полиция бөлімінің 2023 жылдың жарты жылдығы бойынша атқарған жұмыстары мен алдағы міндеттері туралы» мәселе қаралды. Комиссия отырысында депутаттар Қазалы аудандық полиция бөліміне Қазалы ауданы бойынша өсім алған қылмыс түрлерінің алдын алу, жасөспірімдер арасында құқық бұзушылықтарды болдырмау, жастар арасында топтық төбелестің жолын кесу, мал ұрлығын азайту, учаскелік полиция инспекторларын қызметтік тұрғын үймен қамтамасыз ету, басқа да ұсыныстарын жеткізді. 2023 жылдың 30 қараша күні «Қазалы аудан бойынша аз қамтылған және көп балалы отбасыларға әлеуметтік қолдау көрсету бағытында атқарылған жұмыстар туралы» мәселе бойынша аудандық жұмыспен қамту және әлеуметтік бағдарламалар бөлімінің басшысы хабарлама жасап, депутаттардың ұсыныс-пікірлерін ескере отырып қаулы қабылданды.&nbsp; Сонымен бірге, комиссия отырысында 2024 жылдың 20 ақпан күні «Білім беру мекемелерінде тамақтандыруды ұйымдастыру туралы» мәселе қаралды. Оқушыларды ыстық тамақпен қамтамасыз ету мәселесі облыс әкімінің тікелей бақылауында тұрғандықтан аудандық мәслихаттың депутаттары да бұл мәселені назардан тыс қалдырмады.&nbsp; Халық қалаулылары 2024 жылдың ақпан айында сайлаушылар алдында есеп беру барысында ауылдық округтердегі мектеп асханаларының жұмысымен танысып, бірқатар кемшіліктірге көз жеткізді. Анықталған кемшіліктерді жою туралы депутаттар тарапынан ұсыныс-пікірлер айтылып, алдағы уақытта олардың орындалуы депутаттардың тұрақты бақылауында болады.&nbsp; Қазалы аудандық мәслихаттың «Әлеуметтік және мәдени, құқық қорғау және жастар саясаты» жөніндегі тұрақты комиссиясының 2024 жылға бекітілген жұмыс жоспарында: – Қазалы аудандық полиция бөлімінің атқарған жұмыстары мен алдағы міндеттері туралы; – Қазалы ауданы бойынша міндетті әлеуметтік медициналық сақтандырылмағандардың жайы туралы; – Қала, кент, ауылдық округтердегі мәдениет үйлері жанындағы үйірмелердің жұмысы туралы маңызды мәселелерді комиссия отырысында қарау жоспарланып отыр. Қазақстан Республикасы Президентінің Жолдауынан туындайтын тапсырмаларды орындау барысында халық қалаулылары атқарушы органдармен бірлесіп көптеген іс-шаралар атқаруда. Атқарылған жұмыстардың барлығы да сайлаушылардың талап-тілектері мен өтініштерін орындау аясында жүргізілді. Алдағы уақытта да сенім мандатына ие болған депутаттар өздеріне жүктелген міндеттерін абыроймен атқара береді.

Қазалы ауданында әлеуметтік және мәдени, жастар саясатына айрықша мән берілуде

&nbsp;<a href="https://kyzylorda-news.kz/">Kyzylorda-news.kz</a>&nbsp;&nbsp; Қазалы ауданының әкімі Мейрамбек Шермағанбеттің төрағалығымен Қазалы ауданындағы санитарлық тазалық жұмыстарына қатысты аппарат мәжілісі өтті.Жиынға, Қазалы ауданы әкімі аппаратының қызметкерлері мен барлық дербес бөлім басшылары және ауылдық округ әкімдері қатысты. Мәжілісте, алдымен орындаушылық тәртіп мәселесі қаралды. Бұл бойынша Қазалы ауданы әкімі аппаратының басшысы Ринад Тілеп хабарлама жасап, хаттамалық тапсырмаларды өз деңгейінде орындамаған бөлімдер мен ауылдық округтерді атап көрсетті.<blockquote>– Мен мәжіліс сайын тапсырмалардың мерзімінде әрі сапалы орындалуы керектігін үнемі айтып келемін. Дегенмен, орындаушылық тәртіпке қатысты бірқатар мәселе бар. Кейбір әкімдер мен бөлім басшылары тарапынан немқұрайлық байқалады. Осыған сәйкес, бөлім басшыларына, қала, кент және ауылдық округ әкімдеріне тапсырмалардың орындалуын қатаң бақылауға алуды тапсырамын, – деді Қазалы ауданының басшысы.</blockquote>Сондай-ақ, аппарат басшына әрбір берілген тапсырманың өз деңгейінде орындалуын үнемі бақылауда ұстауды тапсырды.Мұнан соң, Қазалы ауданы бойынша санитарлық тазалық және көркейту-көгалдандыру жұмыстары мәселесі қозғалды. Бұл бойынша, Қазалы ауданы әкімі Әйтеке би кентінің санитарлық тазалығын қамтамасыз ету мақсатында бөлінген жеті аймақ бойынша әлі де қалпына келтірілмеген кемшіліктерге тоқталып, жауаптыларды қатаң сынға алды.<blockquote>– Қазалы ауданы, Әйтеке би кенті – ауданымыздың айнасы, оның айналасын үнемі таза ұстап отыру – баршамызға ортақ іс. Тазалық – әркімнің өз ауласынан, табалдырығынан басталады. Сондықтан, әрбір тұрғын өз ауласынан бастап таза ұстауға, көркейтуге үлес қосуы керек. Біз көшелерді қанша сәндеп-жөндегенмен, көше бойындағы қоқыстар пен үйлердің қоршауы жөнделіп, сырланбаса мұның бәрі бекер екені белгілі, – деген Қазалы ауданының басшысы барлық мекеме-кәсіпорындар мен кәсіпкерлік нысандардың иелері сенбі күнін күтіп отырмай, тазалық жұмыстарын үнемі жүргізулері қажет екенін жеткізді.</blockquote>Сондай-ақ, Қазалы аудандық полиция бөлімінің бастығы Асылбай Аңсатовқа белгіленбеген орындарға қоқыс тастаған тұрғындарға заңдылыққа сәйкес шара көріп, бұл бойынша учаскелік полиция инспекторларының жұмысын күшейтуді тапсырды.

Мейрамбек Шермағанбет: Әрбір тұрғын өз ауласынан бастап таза ұстауға, көркейтуге үлес қосуы керек

&nbsp;<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы бойынша білім бөлімінің ұйымдастыруымен республикалық «Ясауитану» байқауының қалалық кезеңі өтті.&nbsp;Байқауға Қызылорда қаласы бойынша білім бөлімінің әдіскері Нұржан Әсілханұлы қатысып, өрендерге сәттілік тіледі.Дәстүрлі байқау 6 және 11 сынып оқушылары арасында өтті. Оған &nbsp;25 оқушы қатысты. Осылайша облыстық кезеңге ереже бойынша үш оқушыға жолдама берілді.Байқаудың негізгі мақсаты қазақ халқының рухани тұтастығын қалыптастырған Қожа Ахмет Ясауи бабамыздың хикметтерін насихаттау, өскелең ұрпақты ұлы баба мұрасын терең меңгеріп &nbsp;зерттеуге ынталандыру болып табылады.Сайысқа қатысқан оқушылар&nbsp;www.azretsultan.kz веб-сайтында жарияланған 40 хикметті жаттап бақ сынады. Сонымен қатар сайтта жарияланған сұрақтарға жауап беру &nbsp;арқылы өзара мықтыны анықтады.Республикалық байқаудың нәтижесі бойынша жүлделі І орындарды №10 мектеп-лицейдің 10 сынып оқушысы Мырзабекова Інжу, №197 орта мектебінің 9 сынып оқушысы Қуанышбай Гүлім және №267 орта мектебінің 8 сынып оқушысы Серік Айна облыстық кезеңге жолдама алды. &nbsp;Сондай-ақ дәстүрлі байқауға қатысқан оқушылар арнайы алғыс хатпен марапатталды.&nbsp;

Оқушылар арасында «Ясауитану» байқауы өтті

&nbsp;<a href="https://kyzylorda-news.kz/">Kyzylorda-news.kz</a>&nbsp; Сырдария ауданы, А.Тоқмағанбетов ауылына қарасты «Елтай» каналының қасында,&nbsp; қылмыстық әрекетін жасыру мақсатында, жыңғыл мен шеңгелдерді қисайтып, сыммен байлап, олардың астына сора өсімдігін егіп, күнделікті баптап, әрбір сора өсімдігінің түбін қарықтап суарған азамат құрықталып, сот алдында жауап берді.1970 жылы туылған азамат А.Тоқмағанбетов ауылына қарасты «Елтай» каналының қасынан егістік алқабын сатып алып, сол жерге фазендалық үй салып, мал ұстап, егін егумен айналысып жүріп, сора өсімдігін еккен. Оның заңсыз егістік алқабынан 17 кг 440 грамм құраған, барлығы құрамында есірткі заты бар өсіруге тиым салынған 35 түп сора өсімдіктермен аңшы мылтығы анықталған. Сотталушы өз кінәсін мойындап, әрекетіне шын жүректен өкінетінін айтқан.Сот, сотталушының жасаған қылмысының сипаты мен қоғамдық қауіптілік дәрежесін, есірткінің заңсыз айналымы мәселесінің өзектілігін, бұрыңғы соттылықтары жойылғанымен қасақана қылмыс жасағаны үшін екі рет бас бостандығынан айыру жазасына сотталғанын ескеріп, оған қылмыстық-атқару жүйесінің қауіпсіздігі барынша жоғары мекемеде 4 (төрт) жыл мерзімге бас бостандығынан айыру жазасын тағайындады.Сонымен қатар, сотталған азаматтан&nbsp; мемлекет пайдасына жетпіс төрт мың тоғыз жүз үш теңге процестік шығыны мен жәбірленушілер өтемақы қорына алпыс тоғыз мың теңге мәжбүрлі төлем өндіріледі.Фото: Нұрболат Нұржаубай

Заңсыз сора егуші сотталды

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазалы аудандық мәслихатының сегізінші шақырылымының депутаттары қолданыстағы заңмен белгіленген өздерінің депутаттық құқықтары мен міндеттерін жүзеге асыру мақсатында тиісті жұмыстар жүргізіп келеді.&nbsp; «Қазақстан Республикасындағы жергілікті мемлекеттік басқару және өзін-өзі басқару туралы» Заңының 8-бабының 1-1-тармағында «Мәслихаттар жылына кемінде бір рет халық алдында мәслихаттың атқарған жұмысы, оның тұрақты комиссияларының қызметі туралы есеп береді. Мәслихат депутаттары Қазақстан Республикасының заңдарына сәйкес халық алдында жауапты болады» деп көрсетілген. Мәслихат – халық сайлайтын, халықтың еркін білдіретін және Қазақстан Республикасының Заңнамасына сәйкес қажетті шараларды қабылдайтын және олардың жүзеге асырылуын бақылайтын сайланбалы орган. Өздеріңізге белгілі, Мемлекет басшысы Қасым-Жомарт Тоқаев 2023 жылдың 19 қаңтарында барлық деңгейдегі мәслихаттар депутаттарының кезектен тыс сайлауын тағайындау туралы Жарлық қабылдаған болатын.&nbsp; Мәжіліс пен мәслихаттар жаңа үлгі бойынша жасақталып, үміткерлерге партиялар мен Үкіметтік емес ұйымдар атынан ғана емес, өзін-өзі ұсынуға мүмкіндік ашылды. Өкілді билікке түрлі көзқарастағы азаматтардың келуіне мүмкіндік туып, азаматтық қоғамның одан әрі дамуына айтарлықтай жағдай жасалды.&nbsp; Қазалы аудандық мәслихатының сегізінші шақырылымына он бес депутат сайланды. Олардың он бірі «AMANAT» партиясының, екеуі «Ауыл» партиясының, біреуі «Ақжол» партиясының мүшелері болса, бір депутат өзін-өзі ұсынған. Депутаттардың құрамы 50 пайызға жаңарып, олардың ішінде экономика, білім беру, теміржол, құрылыс салаларының мамандары мен екі әйел адам бар.&nbsp; Халық қалаулылары Мемлекет басшысының биылғы «Әділетті Қазақстанның экономикалық бағдары» атты Жолдауының маңыздылығын насихаттау мақсатында сайлаушылармен түрлі форматта кездесулер өткізді. Өткізілген барлық іс-шаралар әлеуметтік желілерде жарияланды.&nbsp; Қазалы аудандық мәслихаттың депутаттары мәслихат сессияларының қарауына ұсынылған Қазалы ауданы бюджеті мен жыл ішінде оған енгізілетін өзгерістер мен толықтыруларды бекіту барысында әрдайым атқарушы органдармен түсіністік танытып, бірауыздан шешім қабылдап отырады.&nbsp; Қазалы аудандық мәслихаттың сессиясына ұсынылған аудан бюджеті мен аудандық маңыздағы қала, кент, ауылдық округ бюджеттеріне өзгерістер енгізу барысында депутаттар тарапынан айтылған ұсыныстар қолдау тауып отырады. Депутаттар тарапынан 55 ұсыныс айтылған. Олардың ішінде 14 ұсыныс оң шешімін тапса, 18 ұсыныс тиісті атқарушы органдарға жолданып, бақылауға алынған. 23 ұсыныс қаржыландыру кезегіне қойылған.&nbsp; Қазалы аудандық мәслихаттың сессиясы мен тұрақты комиссияларының бірлескен отырысында депутаттардың қатысу белсенділігіне мониторинг жүргізіліп, олардың ұсыныс-пікірлері мен хабарламашыға қойған сұрақтарына талдау жасалып отырады. Қазалы аудандық мәслихаттың депутаттары тоқсан сайын өздерінің сайланған округтері бойынша Қазалы ауданы әкімінің халық алдында есеп беру кездесулеріне қатысып, тұрғындар тарапынан түскен ұсыныс-пікірлердің орындалуына атсалысып келеді.&nbsp; Мәслихаттар құзыретіне Заңмен жүктелген басты мәселелердің бірі – жергілікті бюджетті және оның атқарылуы туралы есептерді бекіту болып табылады.&nbsp; 2023 жылға Қазалы ауданының бюджетінің кірістер болжамы 10 млрд. 404,9 млн. теңгеге бекітіліп, 13 млрд. 493,3 млн теңгеге нақтыланды. Оның ішінде, өз кірістеріміздің жылдық жоспары 2 млрд. 485,3 млн. теңге. 11 айдағы жоспар 2 млрд. 189,5 млн. теңге болып, нақты 2 млрд. 338,6 млн. теңгеге немесе 106,8 пайыз орындалды.&nbsp; 2023 жылға Қазалы ауданы бюджетінің шығындар жоспары 10 млрд. 404,9 млн. теңгеге бекітіліп, 13 млрд. 727,9 млн. теңгеге нақтыланды. Нақты, 11 айда 10 млрд, 855,3 млн теңгеге орындалып 99,9 пайыз құрады.&nbsp; «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 19-бабына сәйкес Қазалы аудандық мәслихатында бүгінгі күнмен есептегенде төрт кезекті және Қазалы ауданы әкімі мен қала, кент, ауылдық округ әкімдерінің ұсынысына сәйкес алты кезектен тыс сессия шақырылды.&nbsp; Солардың ішінде «2023-2025 жылдарға арналған Қазалы аудандық және аудандық маңыздағы қала, кент, ауылдық округ бюджеттері бекітіліп, оларға 3 рет өзгерістер енгізілді. Сессияда депутаттардың дауысқа салу қорытындысымен барлығы 117 шешім қабылданып, олардың ішінде азаматтардың құқықтары мен бостандықтарына байланысты алты шешім мемлекеттік тіркеуден өткізілді.&nbsp; 2023 жылға бекітілген жұмыс жоспарға сәйкес Қазалы аудандық мәслихаттың кезекті сессияларында төмендегідей мәселелер қаралды: – &nbsp;2022 жылғы арналған Қазалы аудандық бюджеттің атқарылуы жөніндегі есепті бекіту туралы; – Қазалы аудандық маңызы бар қала, кент, ауылдық округтерінің 2022 жылға арналған бюджетінің атқарылуы жөніндегі есепті бекіту туралы; – Қазалы ауданы әкімінің өзіне жүктелген функциялары мен міндеттерін орындауы жөніндегі есебі; Сонымен бірге, Қазалы ауданы әкімдігі мен әкімдікке қарасты дербес бөлімдердің ұсынысы бойынша 19 мәселе қаралды.&nbsp; «Қазақстан Республикасының әкімшілік-аумақтық құрылысы туралы» Заңында жергілікті өкілді және атқарушы органдар бірлескен шешіммен тиісті ономастикалық комиссияға ұсыныс енгізілетіні көрсетілген. Соған сәйкес 2023 жылы әкімшілік-аумақтық бірліктерге атау беру туралы облыстық ономастикалық комиссияға ұсыныстар енгізу үшін аудан әкімдігімен бірлескен 2 шешім шығарылды.&nbsp; Қазалы аудандық мәслихаттың тұрақты комиссиялардың бірлескен отырыстарында депутаттар маңызды мәселелерді назарда ұстап, мәслихат сессияларында кезек күттірмейтін мәселелердің оң шешімін табуына ықпал етуде.&nbsp; Жыл басынан бері сегіз рет тұрақты комиссиялардың бірлескен отырысы өткізіліп, депутаттардың дауысқа салу қорытындысымен 12 қаулы қабылданды. 2023 жылға бекітілген жұмыс жоспарға сәйкес Қазалы аудандық мәслихаттың тұрақты комиссияларында төмендегідей мәселелер қаралды: – Қазалы ауданының 2022 жылғы бюджетінің атқарылуы туралы; – Аудандық маңызы бар қала, кент, ауылдық округтердің 2022 жылғы бюджетінің атқарылуы туралы; – 2022-2023 оқу жылы ішінде мектепке дейінгі білім берудің сапасы және оны жетілдіру жолдары бағытында атқарылған жұмыстар туралы; – Қазалы ауданының әлеуметтік-экономикалық дамуы туралы, – Аумақтарына отбасымен көшіп бармаған округ әкімдері мен учаскелік полиция инспекторларының, мектеп директорларының мәселесі және қылмыспен күрес бағытында атқарылған жұмыстар мен алдағы жоспарлары туралы; – «Қазалы аудандық маңыздағы автомобиль жолдарының құрылысына бөлінген қаржылардың игерілуі және жол құрылыс жұмыстары туралы» Қазалы аудандық мәслихатының 2022 жылғы 12 қазандағы №12 қаулысының орындалуы туралы; – Қазалы ауданы бойынша 2022 жыл көлемінде ветеринариялық қызметті нығайту және дамыту бағытында атқарылған жұмыстар мен 2023 жылға арналған міндеттер туралы; Қазалы аудандық полиция бөлімінің 2023 жылдың жарты жылдығы бойынша атқарған жұмыстары мен алдағы міндеттері туралы; – Қазалы ауданы бойынша 2023 жылғы шағын және орта бизнесті дамыту бойынша атқарылған жұмыстар туралы; – Қазалы ауданы көлеміндегі әлеуметтік нысандардың қысқы маусымға дайындығы туралы; – Қазалы ауданы аумағында азық-түлік тауарларының нарықтағы бағаларын тұрақтандыру және нарықты молайту жөніндегі атқарылған жұмыстар туралы; – Қазалы ауданы бойынша аз қамтылған және көп балалы отбасыларына әлеуметтік қолдау көрсету бағытында атқарылған жұмыстар туралы. Депутаттар уақыт пен заман талабына сай болу үшін өмірде болып жатқан қоғамдық-саяси, әлеуметтік өзгерістердің бел ортасында жүріп, халық пен атқарушы билік арасындағы байланысты нығайтуға, халықтың тұрмыс-тіршілігін жақсартуға өз үлестерін қосып келеді.&nbsp; Халық қалаулылары Қазалы ауданы көлемінде жүргізіліп жатырған жол жөндеу, электр желілерін жаңғырту, газдандыру, абаттандыру, инфрақұрылым тарту, клуб, мектеп, денсаулық сақтау нысандарын, басқа да әлеуметтік нысан құрылыстарының сапасын тексеру мақсатында бақылау жұмыстарын жүргізді. Сондай-ақ, депутаттар халықтың әлсіз топтарына қол ұшын созып, тұрмысы төмен отбасыларына көмектерін көрсетіп, қайырымдылық акциялардан қалыс қалмай, атсалысып отырады.&nbsp; Қазалы аудандық мәслихаттың сайлаушылармен байланысы тұрақты жолға қойылған. Мәслихаттың жұмысын ақпараттандыру мақсатында алдын ала сессия мен тұрақты комиссия өтетіндігі туралы фейсбук парақшасы мен газет беттерінде хабарландыру беріліп отырады. Сондай-ақ, мәслихат тарапынан атқарылған жұмыстар туралы мәслихаттың фейсбук парақшасында 111 пост жарияланды. Мәслихат төрағасының жеке қабылдауына 24 азамат келіп, барлығының мәселелері қанағаттандырылды. Қалған өтініш иелеріне заң талаптары түсіндіріліп, орындалуы бақылауға алынды. Сондай-ақ, мәслихат аппаратына 31 арыз-шағым тіркеліп, арыз иелеріне қолданыстағы заң талаптарына сәйкес түсіндірме жұмыстары жүргізілді. Қазалы аудандық мәслихаттың депутаттары өздерінің сайлау алдындағы бағдарламаларының орындалуын тұрақты назарда ұстап, тиісті атқарушы органдарға ұсыныстарын жолдап, олардың орындалуын бақылауда ұстап отырады. Депутаттардың алдағы жыл ішінде атқарылуға тиіс ұсыныстары жинақталып, тұрақты комиссиялардың бірлескен отырасында жан-жақты талқыланды. Қазалы ауданы бюджетінің мүмкіндігіне қарай депутаттардың ұсыныстары кезең-кезеңімен шешіліп, қаржыландыру кезегіне қойылуда. Алдағы уақытта да халық қалаулыларының сайлау алдындағы бағдарламасында көрсетілген мақсат-міндеттер мен сайлаушылар аманатын &nbsp;орындау үшін атқарушы органдармен бірлесіп жұмыс жасайтын боламыз.&nbsp; Жоғарыда айтып өткендей Қазалы аудандық мәслихаттың 11 депутаты «AMANAT» партиясынан сайланған. «AMANAT» партиясының жұмысына Мемлекет басшысының өзі оң бағасын беруде. &nbsp; Қазақстан Республикасы Президентінің Жолдауынан туындайтын тапсырмаларды орындау барысында халық қалаулылары атқарушы органдармен бірлесіп көптеген іс-шаралар атқаруда. Атқарылған жұмыстардың барлығы да сайлаушылардың талап-тілектері мен өтініштерін орындау аясында жүргізілді. &nbsp;

Қазалыда аудандық мәслихатының сессиясы өтті

&nbsp; <a href="https://kyzylorda-news.kz/">Kyzylorda-news.kz</a> &nbsp; Қыстың ызғары қайта бастағаннан егіс даласына жол тартатын шаруалар биылғы науқанда да егін егу жұмысына дайындықты бастап кетіпті. &nbsp;Қалаға қарасты ауылдарда бұл жұмыс қарқын алған. &nbsp;Қызылорда қалалық ауыл шаруашылығы және жер қатынастары бөлімінің басшысы Пакуатдин Шамұратовтың айтуынша, биылғы жылы 8 677 гектарға ауыл шаруашылығы дақылын егу жоспарлануда. Оның ішінде күріш 3 614, бидай 122, қант құмайы 50, жаздық арпа екі, жүгері бес, жаңа жоңышқа 300, ескі жоңышқа 1 763, картоп 500, көкөніс 1 330 және бақша дақылы &nbsp;990 гектар жерге отырғызылмақ.Биылғы егіске 903,5 тонна күріш тұқымы құйылса, оның 4.4 пайызын отандық, &nbsp; 95,6 пайызын ресейлік сорт &nbsp;құрап отыр. Отандық сорттан жиырма &nbsp;тонна «Сыр сұлуы» және 20 тонна «Маржан», ресейлік сорттан 730 тонна «Лидер», 133,5 тонна «Янтарь» сорты егілмек.Ерте егілетін ескі жоңышқаның 1763 гектары тырмаланып, &nbsp;жаңа жоңышқа –155, қант құмайы – 40, арпа – 2, жаздық бидай – 90 гектарға егілген. Дала төсінде көктемгі егін &nbsp;жұмысы күннен-күнге қарқын алуда.3010,7 тонна тыңайтқыш қажет болса, 2712,2 тоннасын сатып алдық. Сұраныс бойынша биыл арамшөпті жоятын 2863 литр гербицид қажет болса, 183 литрі алынды. Облыс әкімі тарапынан су тапшылығына байланысты егіс көлемін, оның ішінде күріш дақылын азайтуды тапсырды. Осыған сәйкес егіс алқабындағы ішкі арнаға су беру маусымы басталғанға дейін механикалық тазалау мен гидротехникалық құрылымды қалпына келтіру, жөндеу жұмысы жүргізілуде. Инженерлік жүйеге келтірілмеген деңгейі биік жерге күріш дақылын екпеу жөнінде және сорғы дайындығын қамтамасыз жайлы ескерпе хат беріліп, түсіндірме жұмысы жүргізілді. Инженерлік жүйеге келтірілген ауыспалы егіс танабында шаруашылық дақылын кезектестіру кестесіне сәйкес орналастыру тапсырылды. Егін науқанында күріш дақылының көлемін азайтып, суды аз қажет ететін бидай, мақсары, қант құмайы дақылын егу қолға алынды. Осылайшы биылғы егілетін күріш көлемі 522 гектарға азайды, – деді бөлім басшысы.Сала басшысының айтуынша, қыс ызғары басылғаннан қашыртқылар мен арналарды тазалау, гидротехникалық жөндеу жұмысы істеліп,&nbsp;ішкі су жолынан &nbsp;54 300 текшеметр топырақ шығарылып, &nbsp; 4 дана гидробекет, 2 су құрылысы &nbsp;жөндеуден өткізілген.Көктемгі дала жұмыстарын жүргізуге қажетті &nbsp;322&nbsp;тонна дизель отынының 21,5 тоннасы, литрі 248 теңгеден «РК Мұнай» және «Жібек Жолы LTD» ЖШС арқылы сатылып алынған.&nbsp;Сонымен қатар &nbsp;157 дана ауыл шаруашылығы техникасы егіс науқанына сақадай сай тұр.&nbsp;Ауыл шаруашылығы дақылын егудің оңтайлы мерзімі «Ы.Жақаев атындағы Қазақ күріш ғылыми-зерттеу институты» ЖШС арқылы белгіленіп, күрішті &nbsp;сәуір айының 25-нен кейін егу жоспарланып отырғанын жеткізді. &nbsp;Фото: Нұрболат Нұржаубай &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Қазақстан және Қызылорда облысының жаңалықтары