<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында жастар мен жасөспірімдер арасындағы нашақорлықтың алдын алу, салауатты өмір салтын ұстану жолында көмек көрсететін облыстық денсаулық сақтау басқармасының «Облыстық жастар денсаулығы орталығы» коммуналдық мемлекеттік мекемесі жұмыс істейді. Орталықтың мақсаты – жастар мен жасөспірімдердің &nbsp;репродуктивті денсаулығын қорғау және психологиялық көмек көрсету. Бүгінде орталық мамандары аймақтағы&nbsp;294 мектеп, 17 колледж, 2 университетке кураторлық жасап, ақпараттық-насихаттық іс-шаралар өткізіп келеді. Орталықта алғашқы бір жылдықта, яғни 2016 жылы 12&nbsp;171 адам қамтылған болса, өткен жылы&nbsp;53&nbsp;922 адамға жетті.&nbsp;Яғни бұл көрсеткіш облыстағы 167 739 жасөспірімдер мен жастардың 32,1 процентін құрайды. Бұл туралы қоғамдық кеңес алдындағы есеп беру кезінде облыстық денсаулық сақтау басқармасы Ана мен бала денсаулығын қорғау жөніндегі орынбасарының міндетін атқарушы Айгүл Төлегенова баяндады.Облыстық жастар денсаулығы орталығы жастар арасында нашақорлықтың алдын алу бағытында 2024 жылдың 3 айында халық көп шоғырланған орындарда нашақорлықтың алдын алу, салауатты өмір салтын насихаттау мақсатында 2 акция өткізіп, 57 адам қамтыған. Ал өткен жылы барлығы&nbsp;98 іс-шара, 4476 адам қамтылған. Оның ішінде 1854 адам қатысқан 54 семинар-тренинг, 58 адамға 5 дөңгелек үстел, 378 адамды қамтыған 4 ашық есік күні, 193 адаммен 6 таңғы жаттығулар, 98 адамның қатысуымен 5 асфальтқа, плакатқа сурет салу, 156 адам қатысқан 6 спорттық сайыс, 52 адаммен 4 флешмоб, 1671 адам қатысқан 13 акция, 16 адамның қатысуымен 1 отбасылық сайыс&nbsp; өткізілген. Акцияда&nbsp; ақпараттық-танымдық материалдар таратылып, есірткі, темекінің тағы басқа зиянды әдеттердің алдын алу жөнінде түсіндірме&nbsp; жұмыстары&nbsp; жүргізілген.&nbsp;Сонымен қатар, қала көлеміндегі Қызылорда қызмет көрсету және сервис колледжі, аграрлық-техникалық колледжі, музыкалық колледжі, М.Мәметова атындағы жоғары педагогикалық колледжі, Құрылыс және бизнес колледжі, Текей батыр Қарпықұлы атындағы арнаулы білім беру және Қорқыт ата атындағы университеті, Ақмешіт институты жоғары оқу орындарының студенттерінің қатысуымен 9 іс-шара өткізіліп, 234 адам қатыстырылған.&nbsp;Сондай-ақ қаладағы білім ошақтарындағы оқушылардың қатысумен де түрлі танымдық шаралар өткізілген. Оның ішінде қала көлеміндегі №212, №3, №173, №43, №222, №8, №136, №211, №7, №138, №189, №176 орта мектептерінің жоғары сынып оқушылары арасында «Зиянды әдеттерден-алыс жүр!», «Есірткіге жол жоқ!», «Нашақорлықтың зияны», «Есірткісіз әлем!» тақырыптарында 12 семинар-тренингтер ұйымдастырылып, 288 адам қамтылған.Орталықтың басшысының орынбасары 2024 жылдың&nbsp;I тоқсанында барлығы 37 алдын алу&nbsp; іс-шаралары өткізіліп (2023 жылы - 33), 1480 жастар мен жасөспірімдер қамтылғанын айтады. Бұл көрсеткші былтыр 1153 адамды құраған.&nbsp;– Дүниежүзілік денсаулық сақтау ұйымының мәліметтеріне сәйкес, Қазақстан әлемдегі суицид деңгейі ең жоғары елдердің қатарына кіреді. 2023 жылдың көрсеткіші бойынша еліміз 19 орында тұр. Ағымдағы жылдың 3 айында жасөспірімдер мен жастар (10-29 жас аралығы) арасында өз-өзіне қол салуға ұмтылған 20 адам болса, 4 қайғылы жағдай орын алған. Былтыр өз-өзіне қол жұмсамақ болған 17 жасқа дер кезіндегі көмек көрсетілген. Бүгінде Қызылорда облысы суицид жасаудан республика бойынша – 14 орында.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ұмтылыс жасаған барлық жасөспірімдер мен жастарды тұрғылықты мекен-жайы бойынша емхана психологтары тәуекел тобына есепке алып, коррекциялық жұмыс жасалуда, олар бақылауға алынған.&nbsp; Облыстық жастар денсаулығы орталығы «Әлеуметтік-психологиялық кеңес беру бөлімінің психолог мамандары суицидтің алдын алу бағытында ағымдағы жылда 58 іс-шара атқарды. Оның ішінде: №215, №285, №15 мектеп-лицей, №278 мектеп-лицей, №211, №8, №253, №271, №120, №7 мектеп-интернаты, №171, №189, №261, №217 мектеп-лицей, №280, №212, №187, №222, №189, №101, №179, №138, №7, №257, №112, №211&nbsp;қала мектептері және «Болашақ жоғары медициналық колледжі», «Текей батыр атындағы колледж», «М. Мәметова атындағы жоғары педагогикалық колледжі», «Жас жеткіншектерді бейімдеу орталығы&nbsp;арасында «Психикалық саулықты сақтау дағдыларын қалыптастыру», «Зорлық-зомбылықтың алдын алу», «Аутодеструктивті мінез-құлықтың алдын алу», «Буллинг, кибербуллинг», «Белсенді өмір сүреміз», «Мен өмірге құштармын», «Репродуктивті денсаулық» тақырыптарында орталық мамандарымен кездесулер, дәрістер және семинар- тренингтер өткізілді. Жалпы қамтылғандар саны&nbsp; 1910 (2023жылы 1815). №23, №212, №179 орта мектептептерде, №7 мектеп-интернаты, С. Ысқақов атындағы құрылыс және бизнес колледжінде ата-аналармен кездесулер өтілді, қамтылған адам саны&nbsp; 225.&nbsp;Салауатты өмір салтын ұстанудың маңыздылығы мен зиянды әдеттердің зардаптары бойынша тақырыптық ақпараттардың жастар денсаулығын сақтаудағы өзектілігін ескере отырып, жыныстық жолмен жұғатын аурулардан сақтану, репродуктивті денсаулықты сақтау, ерте жыныстық қарым-қатынас, ерте жүктілік, түсік және тағы да басқа тақырыптар бойынша ақпараттық-түсіндіру жұмыстарымен облыс жастарының танымдық деңгейін арттыруға бағытталған жұмыстар жүргізіліп отыр, – деді сала маманы есеп беру жиынында.

«Облыстық жастар денсаулығы орталығы» жастармен жүйелі жұмыс істеуде

Қызылорда қаласында аяқ су мәселесі шешім таппақ

Бірлігі бекем, тірлігі түзу, ынтымағы жарасқан Еңбек ауылында бүгінде 43 «Алтын алқа», 54 «Күміс алқа» иесі бар. Отбасының ұйытқысы, ұрпақ жалғастығы болған батыр аналар түрлі салада қызмет етіп, еңбектен бақытын тапты. Бесік жырымен бала тербеткен аналардың бастамасымен ауылда «Батыр аналар» ансамблі құрылған.&nbsp;Еңбек ауылындағы «Батыр аналар» ан­самблі 1988 жылы құрылған. Сол жылы алғашқы құрамдағы 19&nbsp; батыр ана ауылдық мәдениет үйінде жеке концерт берген. Алтынқұрсақты ана­­лардың шығармашылық кешіне ауыл түгел қатысқан. Алғашқы кон­церттен-ақ көрерменнің сұрауы­мен батыр әжелер көршілес Жаңа­дария, Аққұм, Ақарық, Шаған, Мыр­­забай ахун сынды ауылдарға концерттік іс-сапармен шығып, өз өнерлерін көрсете бастаған.&nbsp;Ан­самбль құрамында Әдеп То­лы­­баева, Айнагүл&nbsp; Бұрышова, На­бира Каукенова, Жанымкүл Есі­мо­­ва, Ақ­зереп Аяпова, Қантай Ите­­­но­ва, Жұмакүл Бексейтова, Абаш­­тар Жұмағұлова қазақ, орыс ха­­лық әндерін әуелете шырқаса, Зәпен Жал­­ғасбаева қазақ биін би­ле­ген. Сонымен қатар ансамбль құ­ра­­­мын­дағы Дәркүл Тоқабаева, Рая Нұрханова, Гүлсім Жаңабаева ха­­лыққа ой салар көріністерді сах­на­лаған. Ауыл тұрғындарының ай­туынша, ансамбль жетекшісі Рахия Жұ­бат­ханова өзбек, сыған, үнді ха­лықтарының ұлттық биін нақы­шына келтіре орындаған деседі.&nbsp;Мәдениет үйінде өнерлі топтың үлгілі жолын дәріптейтін арнайы кабинет те жасақталған. Мұнда ан­самбль тарихымен терең танысуға болады. Аты аңызға айнал­­ған өнер ұжымының жеткен же­тіс­тіктері өте көп. Рес­публикалық және облыстық конкурстарда топ жарған.Еңбек ауылында тәрбиелік бағытта ба­тыр аналардың қатысуымен жиі кез­десулер, түрлі іс-шаралар ұйым­дас­тырылып тұрады. Ақжаулықты аналарымыздың ғұмыры өскелең ұрпаққа үлгі болары сөзсіз.&nbsp;2018 жылы Аққошқар ауылдық мәдениет үйінде «Батыр аналар» ансамблі өзінің 30 жылдық ме­рейтойын облыстық деңгейде атап өткен. Мерейтой қарсаңында ана­ларымыз сахна төрін өзінен кейінгі ізбасарларына, яғни ансамбльдің ізін жалғастыруды ауылдағы 18 жас батыр ана­ға аманаттаған.&nbsp;Өткенге көз жүгіртіп, тарихқа қа­нық болу үшін кеше Еңбек ауы­лы­на атбасын бұрып, ансамбльдің алғашқы жетекшісі Рахия Жұ­бат­ха­нова анамыздың қара шаңы­ра­ғына барып қайттық.&nbsp;<blockquote>– «Батыр аналар» ансамблі 1988 жылы құрылып, мен оған 30 жыл жетекшілік жасадым. Ауыл, ау­дандарды аралап концерт беріп, билет бағасын арзандау қойып, халықтан жиналған қаражатты сол ауылдың әлеуметтік тұрмысы тө­мен отбасыларына азық-түлікке деп табыстап кететінбіз. Қай ауыл­ға барсақ та осы үрдісімізді тас­­таған емеспіз. Одан бөлек ар­­найы об­лыстық шараларға ша­қыр­ту тү­сетін. Әсіресе сәбилер үйі мен қарттар үйіне концерттік бағ­дар­ла­мамен жиі баратынбыз. Құрқол бармайық деп, үйден сүт, айранымызды, балаларға киімдер апа­­рып беретінбіз, – дейді Рахия Жұбатханова.&nbsp;</blockquote>Батыр ана 10 рет құрсақ көтеріп, қызын қияға, ұлын ұяға қондырған. Ол – бүгінде 37 немере, 8 шөберенің ортасындағы бақытты әже.&nbsp;Тағы бір айта кететін дүние бар, ана­ла­рымыздың алтын қолынан шық­қан көрпешенің сан түрі ау­дандық «Иманқұл», ауылдық «Мү­сір­әлі баба» мешіттеріне сыйға тар­тылған. 6 баланың анасы Айнұр Доспанбетова – құрақ құрау ісінің шебері. «Күміс алқа» иегері хоббиін кәсіпке айналдырған. Ол 1 млн теңге қайтарымсыз грант алып, өз жұмысын бастаған.&nbsp;<blockquote>– Жүн түтіп, жіп иіру, жылы киім тоқу, киіз үйге арналған кілем мен әшекей жасауды аналарымыз бен әжелерімізден үйрендік. Қолөнер мен қолданбалы өнер біздің халықтың қанында бар. Бұл білім әрқашан ұрпақтан-ұрпаққа беріліп отырады. Дәстүріміз бен мәдениетімізді сақтау біз үшін де өте маңызды, – дейді алтынқұрсақты ана.&nbsp;</blockquote>Ансамбльдің белді әншісі Дәркүл Тоқабаева бүгінде 80-нен асты. Ол – 10 балаға өмір сыйлаған батыр ана. Бүгінде 70-тен аса немересі мен 50-ден аса шөбересі бар. Тек бала тәрбиесімен ғана емес, жас кезінде шаруашылықта сауыншы әрі сушы болып еңбек етіп, күріш екті. Батыр ана – бүгінде Аққошқар ауылдық мәдениет үйіндегі «Қолөнер» үйір­месінің жетекшісі. Он саусағынан өнер тамған әжеміз ауыл жастарын ұлттық ою-өрнектерімізбен безен­дірілген кілемдер тоқу, ши орау, түскиіз ою, құрақ құрауды жастарға насихаттауда.&nbsp;Бүгінде «Батыр аналар» ансамб­ліндегі 18 ана аудан, облыс сах­наларында өнер көрсетіп, батыр аналар жолын жалғап, қазақ өнеріне қалтқысыз қызмет етіп келеді.&nbsp;Айта кетейік, мақаламызға ар­қау болған Еңбек ауылы «Батыр аналармен» ғана танымал емес. Ауылда соңғы 7 жылда құқық бұ­зу­шылық орын алмаған. Еліне құрмет көрсетіп, көпшілікті рухани бай­лық­қа кенелтіп жүрген батыр анала­ры­мыздың өнер жолы ұрпақ­тан-ұр­паққа мұра болып қала бермек.&nbsp;

Жалағаш ауданындағы батыр аналар ауылы көпшілікті сүйсінтті

<a href="https://kyzylorda-news.kz/">Kyzylorda-news.kz</a> Өнердің түр түрі болса, театр сол өнерлердің ішінде ең киелісі, қадірлісі.&nbsp;Театрдың тарихы тереңде және әр заманда жоғары бағаланады. Қазақ сахнасының да қазаны қайнап, көрермені жыл санап артуда.Өткен жылы Нартай Бекежанов атындағы Қызылорда облыстық Қазақ академиялық музыка театры айрықша қойылымдардың премьерасын халыққа ұсынды. Үсен Рамазанның режиссерлық бастамасымен «Шырмауық » атты Ахмет Ақмоншақтың психодрамалық моноспектаклі көрерменге жол тартты. Театрдың репертуары өзге де қойылымдармен толысып, балаларға арналған жаңа спектаклдерін паш етті. Атап өтсек, Шыңғыс Айтматовтың 95 жылдық мерейтойына орай «Жәмила» драмасы, Оңталап Нұрмахановтың «Көрғұлы» рухнамасы, Ақберген Елгезектің «Болмаған балалық шақ» драмасының премьерасы халық назарына ұсынылды. Алтын қор тек бұл қойылымдармен толығып қоймай, Сыр сахнасында басқа да спектакльдердің тұсауы кесілді. Сәуір айының 4-і Н.Баймаханның «Үйлену оңай…» атты ерекше форматтағы спектаклі халыққа жол тартады. Сондай-ақ театр балаларға арналған Е.Шварцтың «Күлше қыз» атты қойылымын тамашалауға шақырады.<blockquote>– Театр өнері нақты пайда табуға бағытталған сала емес. Тазалықты, шынайылықты талап ететін ерекше дүние. Дүйім жұрттың алдында белгілі бір рөлді сомдап шығу үлкен жауапкершілік. Бізде қазір жастар да бар, оларға бағыт-бағдар беретін орта буын да бар. Барлығы да осы бір өнерге адал болып, ел-халықтың алдында жоғары деңгей көрсетуде. «Бұлақ көрсең көзін аш» дегендей ізімізді басып келе жатқан жастардың әр жетістігіне тілекші болып, қуанып отырамыз, – деді режиссер, Қазақстанның еңбек сіңірген қайраткері Хұсейін Әмір-Темір.</blockquote>Көрерменнің көңілін толқытып, ойға жетелеген қойылымның бірі – «Болмаған балалық шақ».<blockquote>– Өзіме ұнайтын бірнеше рөлдерім болды. Онымен қоса сомдағым келген өзге де образдар аз емес-ті. Ал тосыннан ұсыныс түсіп, актерлық мансабымда маған қатты жақын болған кейіпкер Ақбергеннің рөлінде ойнау бұйырды. Лезде образды барынша ашу үшін кейіпкерімді «оқи» бастадым. Процесс барысында бұл баланың жан дүниесіне үңіліп, оның бастан кешкен тағдырын өз өмірімде өткізе бастағандай сезіндім. Табиғатынан ерекше Ақбергенге жаным ашып, көрген қиыншылығын мейлінше халыққа жеткізгім келді. Шынымды айтсам, «сахна әртістері образдан шыға алмай қалады» деген ұғымды осы кезде бастан кешкендей болдым. Бұл драманың қойылымы бірнеше айлар бұрын өтіп кетсе де, кейіпкерімді әлі күнге дейін сезінемін. Қорғағым келетін інім секілді. Ал спектакльді сахналайтын сәтте сол інімнің артына тұра қалатындаймын, – дейді «Болмаған балалық шақ» драмасының басты кейіпкері, актер Ердәулет Мәму.</blockquote>Облыстық театрдың биылғы жоспары – «Сыр әзілі» әзіл-сықақ бағдарламасының тұсауын кесіп, халыққа ұсыну. Сондай-ақ театр ұжымы Т.Жүргенов атындағы Қазақ Ұлттық Өнер академиясында шығармашылық тәжірибе алмасуды жоспарлап отыр. Театрдың жаңа репертуарымен Алматы, Байқоңыр қалалары және ауылдарға гастрольдік сапарға аттанбақ.Оңталап Нұрмахановтың бастауымен 2016 жылы «Жастар театры» құрылып, үйірме ретінде жұмыс істеп келді. 2024 жылдан бастап кәсіби театр ретінде өз жұмысын бастады. Мұндай театр еліміздің тек бірен-саран аймақтарында ғана бар. Бүгінде театр ұжымы халық арасында тағылымы терең спектальдерді сахналап жүр. Жастар театрының ұжымы республикалық, облыстық, қалалық дәрежеде өнер көрсетіп, беделді марапаттарды иеленді. Ағымдағы жылдың қаңтар айынан бастап жаңа өнер ордасының директоры Нұрмат Мансұров болып тағайындалды.<blockquote>– Жалпы Қазақстанда 5 мыңға тарта ауыл болса, оның 4 мыңға таяуында мәдениет үйі бар. Ал айналасы 70-ке жетер-жетпес театр бар. Бұл театр жұмысының ауырлығын, театрды құрудың қиындығын білдіреді. Осы бір ауыр міндетті қолға алуға бел буған Қызылорда қаласының жастары да үлкен жолға түсті. Енді-енді бастап, жүргелі тұрған жұмыс жетерлік.Бізде шешілмеген мәселе көп. Солардың ең үлкені – актерлық құрам құру. Қазір біз осы аталған актерлар труппасын құру үстіндеміз. Бұрын ұжым мүшесі болған жастар қазір өзге театрларда. Солардың орнын толтыру үшін жаңа жас таланттарды іздестеріп жатырмыз. Бізде аймақ берген штаттық мүмкіндіктер бар. Сондықтан актерлықты оқып жатқан студенттерге агитация жұмыстарын жүргізудеміз.Жас театр екенбіз деп қол қусырып отырған жоқпыз. Ақпан айында «Оң қол» атты Т.Әбдіктің үлкен шығармасын сахналадық. Қағазға сөзін түсіріп, сценарийін жазған Жастар театрының жас драматургі Нұрдәулет Баймахан. Ал режиссерлық шешімдермен толықтырған Берік Ахмет. Қойылымның тақырыбы ауқымды болған соң, «автордың ойынан тайқыды» деген секілді сыннан қашып құтылмадық. Десек те, режиссер мен драматургтің қызметі – туындыны өзіндік идеямен ерекше етіп, көрерменге айрықша етіп ұсыну. Албырт пікірлерге қарамастан, қалың халық «Оң қол» қойылымының тағы да сахналануын асыға күтуде. Бұл шығарма заманның шындығы болған соң көрерменнің құрметіне ие болды.Гастрольдік сапарлар туралы айтар болсақ, іргемізді нықтап, қазығымызды нық қаққан соң, алдағы уақытқа жоспарлап отырмыз. Ол күннің де ауылы алыс емес. Биыл аймаққа қарасты ауылдарды аралап, өнер көрсеткіміз келеді, – дейді Жастар театрының директоры Нұрмат Абдоллаұлы.&nbsp;</blockquote>Университет қабырғасында жүрген жас шәкірттер де өнерден қалыс емес.&nbsp;Қорқыт ата атындағы Қызылорда университетінің студенттері де көрерменнің сүйіктісіне айналып үлгерді.Университет жанынан құралған «Жауқазын» студенттік жастар театры бірнеше спектальді сахналап, көптің қошеметіне ие болып жүр. Студенттік театр бүгінге дейін Мұқағали Мақатевтың «Қош, махаббат» драмалық поэзиясын сахналап, сонымен қатар Әбіш Кекілбаевтың «Махаббат мұнарасы» атты шығармасы, Исраил Сапарбайдың «Сыған серенадасы» музыкалық спектаклі халыққа жол тартты. Көпшіліктің ілтипатына бөленген қойылымдар әрбір студенттің театрға деген қызығушылығын арттырды. 2024 жылдың ақпан айында «Шәмші сүйген Изольда», наурыз айында «Қаракөз» трагедиялық спектакльнің тұсауын кесіп, студенттік театрдың алтын репертуары жаңа қойылымдармен толысуда.<blockquote>– Қазір студенттік театр қарқынды жұмыс істеуде. Жылына 2 рет кастинг өткізіледі, ал ұжымда 30-дан астам адам бар. «Жауқазын» театрының ең алғаш жасақталған командасы әлі күнге дейін шашырамаған. Тек қана университет қабырғасындағы шәкірттермен шектеліп қоймай, колледж, мектептерден үйірмемізге мүшелік ететіндер бар. «Жауқазынға» қызығушылық танытқан барша жанға театр мүшесі болуға мүмкіндік бар.Аға-буын өкілдері облыстық драма театрдың барлық спектакльдерін үзбей көріп, тәжірибе жинақтап, шыңдалуға тырысамыз. Сондай-ақ театрымыздың әрбір мүшесі ізденіс үстінде жүреді. Ән, би, қойылым, концерттік киімдерге дейін ұқыптылықпен қарап, сахна мәдениетін тереңінен ұстануға бейімбіз. Алдағы уақытта арнайы мамандармен біріге жұмыс істеуді жоспарлап отырмыз, – деді «Жауқазын» студенттік жастар театрының төрағасы Ақниет Мәулен.</blockquote>Қазақтың киелі сахнасы ешқашан қадірін жоғалтпайтыны анық.&nbsp;&nbsp;Коллаж: kyzylorda-news.kz

Сыр театрының ұжымы Алматы, Байқоңыр қаласы және ауылдарға гастрольдік сапарға бармақ

<a href="https://kyzylorda-news.kz/">Kyzylorda-news.kz</a> Қазақ күресі – өр рух пен жүректілікті талап ететін ұлттық спорт түрі. Осы спорттан ел мерейін асқақтатып жүрген белді балуан, 2022 жылғы «Қазақстан барысы», «Сыр барысы», «Алтын белбеу» иегері Мақсат Исағабылов – ұлттық құндылықтарымыздың шын жанашыры. Осы орайда спортшының өміріндегі жаңалықтармен танысып, емен-жарқын сұхбат құрған болатынбыз.– Алдымен бала Мақсат туралы айтып берсеңіз. Қазақша күрес емес, әуелде самбо, дзюдомен айналысқан екенсіз…<blockquote>– Кішкентайымнан спортқа бейім болдым. Бала күнімде үлкен ареналарда өнер көрсететін Азия, Әлем, Олимпиада чемпиондарына, әлемнің мықты спортшыларына қызығатынмын. Сол спортқа құмарлығымды байқаған әкем Аманбай Нұржанов, жаттықтырушым Болатбек Кенеевке апарып, болашағыма үлкен сенім білдіріп, күрес үйірмесіне табыстады.</blockquote>– «Қазақстан Барысы» атанған Мақсат қазір немен айналысып жүр?<blockquote>– Қазір бұрынғыша спорт саласындамын. Қазақ еліне әліде көптеген жеңіс сыйласам деймін. Сыр еліне тағы бір мәрте «Қазақстан барысы», «Әлем барысы» белдіктерін тарту етсем деген ниет бар, Алла қаласа. Осы арман, тілектерімді орындағаннан кейін басқа саладағы жоспарларыма ауысуға болады.</blockquote>– Қандай салада кәсіби біліміңіз бар? Болашақта сізді басқа саладан көре аламыз ба?<blockquote>– Қорқыт ата атындағы Қызылорда университетінде алғашқы әскери дайындық пәні мұғалімі біліктілігін иелендім. Одан кейін осы оқу орнында заңгер мамандығында білім алдым. Әзірге қай салаға баратыным белгісіз, барлығы уақыт еншісінде. Үлкен спортты аяқтағаннан кейін Сыр спортының дамуына өзіндік үлесімді қоссам деймін.</blockquote>– Спортта қазіргі басты қарсыласыңыз кім?<blockquote>– Қазіргі спортымыздың төңірегінде жүрген барлық спортшыларды қарымды қарсылас деп айта аламын. Себебі әрқайсысының орны бір төбе, барлығы «сен тұр, мен атайын» дейтін балуандар. Соның ішінде мықты деп бөліп қарастыруға болатын балуандардың басым бөлігі Сыр елінен шыққан. Олар – достарым әрі қарсыластарым. Атап айтсам Еламан Ерғалиев, Нұрым Сәлімгереев, Айбек Серікбаев. Осы жігіттер байрақты бәсекелерде кемінде үштіктен көрінеді деп сенемін.</blockquote>– «Мектеп бағдарламасына қазақша күресті қосу үшін әдістемесі әзірленуде» дейді мамандар. Жалпы облыстағы қазақ күресінің даму деңгейі көңіліңізден шыға ма?<blockquote>– Қазақ күресі Астана қаласында бірнеше мектептің оқу бағдарламасына енгізілді. Бүгінде қазақ күресі ассосациясы мектеп бағдарламасына ұлттық ойындарды енгізу бойынша көптеген жұмыс атқарып жатыр. Алдағы уақытта барлық мектепте қазақ күресін арнайы пән ретінде бағдарламаға енгізу жоспарда бар. Қызылорда облысында да қазақ күресі жақсы дамып келеді. Жаттықтырушылар көптеп тартылып, жасөспірім балуандарды баулу үстінде.</blockquote>– Балуандарға көрсетілетін қолдау туралы не айтасыз?<blockquote>– Спорт басқармасы ұлттық спортымызды дамыту жолында жұмыс жүргізуде. Оқу-жаттығу жиындарына, жарыстарға ерекше көңіл бөлінеді. Бірақ кей сәттерде облыста қазақ күресі балуандары көлеңкеде қалып кетіп жататын жайттар аз емес. Сол олқылықты жою үшін арнайы «қазақ күресі» клубтары ашылса деген тілек бар. Қазақ күресі – ұлттық құндылығымыз. Сол құндылығымызға көрсетілер қолдаудың артықшылығы жоқ.</blockquote>– Сұхбатыңыз үшін рақмет!&nbsp;Фото: © Instagram/qazaqstan_barysy

Мақсат Исағабылов: Сыр еліне тағы бір мәрте «Қазақстан барысы», «Әлем барысы» белдігін тарту етсем деген ниет бар

Өткен аптада Жалағаш аудандық білім бөлімінің ұйымдастырумен З.Жарқынбаев атындағы №202 орта мектепте «Қарым-қатынас пен әлеуметтік өзара әрекеттестіктің бұзылысы бар ерекше білім беруді қажет ететін балалармен жүргізілетін түзету дамыту жұмыстары» атты облыстық семинар өтті. Мақсат – ерекше білім беруді қажет ететін балаларды түзетіп дамытуда жаңартылған бағдарлама бойынша өзара тәжірибе алмасу, әдіс-тәсілдерді қолдану арқылы құнды ақпараттармен бөлісу.&nbsp;Қазіргі таңда барлық әлем жұртшы­лығының назарын аударып отырған мәселе – баланың жеке сұраныстары мен ерекшелігіне қарай ортаның, от­ба­сының қатысуымен білім беру үр­дісіне толық қосуды қарастыратын ин­клюзивті білім беру. Мамандардың ай­туы бойынша инклюзивтік білім беру дегеніміз – барлық балаларды, со­ның ішінде мүмкіндіктері шектеулі бала­лар­ды жалпы білім үрдісіне толық ен­гізу және әлеуметтік бейімдеуге, жы­­ны­сына, шығу тегіне, дініне, жағ­дайы­на қа­рамай кедергілерді жою. Ерек­­ше қа­жеттіліктері бар балалар өз құр­бы-құрдастарымен тең деңгейде бі­лім алуға құқылы. Инклюзивті білім бе­рудің де негізгі мақсаты да осы. Әр балаға, қоғамға пайда келтіруге және оның толыққанды мүшесі болуына мүм­­кіндік беру.Бүгінде аудан бойынша ерек­ше білім беруді қажет ететін 380-ге жуық балаға 32 арнайы маман білім береді.&nbsp;Инклюзивті оқыту – барлық бала­лар­дың мұқтаждықтарын ескере­тін, ерекше қажеттіліктері бар балалардың білім алуын қамтамасыз ететін жалпы білім үрдісінің дамуы.&nbsp;Осы мақсатта Мемлекет басшысы Қасым-Жомарт Тоқаев 2021 жылы ин­клюзивті білім беруді дамыту жө­нін­­дегі заңға қол қойған болатын. Қа­зіргі Оқу-ағарту, бұрынғы Білім жә­не ғылым министрінің 2022 жылғы 12 қаңтардағы «Ерекше білім беру қа­жеттіліктерін бағалау қағидаларын бекіту туралы» №4 бұйрығына сәйкес балалардың ерекше білім беру қажет­тіліктерін бағалау (ЕББҚБ) мектепке дейінгі ұйымдарда, орта білім беру ұйымдарында, психологиялық-ме­ди­ци­­налық-педагогикалық кон­суль­тация­ларда (ПМПК) жүзеге асы­рылады.&nbsp;Қатысушылар семинарда өзара тә­жірибе алмаса отырып, ерекше бі­лім беруді қажет ететін оқушыларға пси­­хологиялық, медициналық, педа­гогикалық қолдау көрсетудің тиімді жолдары туралы тереңірек білді. Сон­дай-ақ арнайы мамандар се­ми­нарда&nbsp;ерекше қажеттілігі бар бала­лар­мен жұмыс жасау барысында жақсы нәтижеге қол жеткізуде&nbsp; қандай әдіс-тәсілді қолдану керектігін ай­тып, тәжірибе алмасты. Оны арнайы ма­мандар өткізген «Мен және менің отбасым», «Нейробаннер» әдісі ар­қы­лы сөйлеу тілінің жалпы дамымауы бар балалардың белсенді сөздік қо­рын дамыту, «Кубик – рубик әдісі» арқылы эмоционалдық интеллекті да­мыту, «Сенсорлы интеграция ар­қы­лы үй жағдайында бала тілін дамы­тудың әдіс тәсілдері», «Эйдлинг әдісі арқылы арнайы педагогтардың жұ­мы­сына оң өзгерістер енгізу» атты са­бақтарынан аңғардық. Сабақ соңында қатысушылар арнайы мамандар өткіз­ген сабаққа оң баға беріп, семинардан алған әсерлерімен бөлісіп, талдау жа­­сап, жүйелі және пайдалы іс-тә­жі­­ри­биеге толы семинар өткізген&nbsp; әріп­тес­те­ріне алғыстарын білдірді.<blockquote>– Ресурстық орталықтармен бір­ле­сіп, жоспар бойынша арнайы ма­ман­дардың қатысуымен тәжірибе алаңында, яғни облыстық семинарда әр ай сайын бас қосып жатырмыз. Бұл жердегі мақсатымыз – концерт көру емес, тәжірибе алмасып, өзімізге қа­жетті білім алу. Ерекше қажеттілігі бар балаларды әрбір ата-ана дамуы қа­лыпты балалар қатарынан көргісі келетіні, рас. Сондықтан, инклюзивті білім беруді жүзеге асырушы – ата-ана болса, арманын жүзеге асырушы – ұстаздар. Ерекше қажеттілігі бар балаларды жалпы білім беретін ортаға біріктіріп, басқа балалармен бірдей білім алуын қамтамасыз ету, білім бе­рудегі кедергілерді жеңу және ин­клю­зивті оқыту үрдісінде өзіндік іс әрекеттерді ұйымдастыру – біздің мін­детіміз. Баланың ерекшелігіне қа­рай, болашағы үшін жұмысты тиімді ат­қаруымыз қажет, – деді Нұржамал Раханова. Ол сөз соңында облыстық семинарды жоғары деңгейде өткізген ауданның арнайы мамандарына облыс­тық және аудандық сертифи­кат­тарды табыс­тады. Семинар соңы оқу­шылардың шы­­ғар­­машылық кеші­мен қорытын­дыланды.&nbsp;</blockquote>Фото: Нұрболат Нұржаубай

Бақытты балалар ел болашағының көрінісі

<a href="https://kyzylorda-news.kz/">Kyzylorda-news.kz</a> Қармақшы аудан әкімінің орынбасары Самат Қыдырбекұлының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Отырысқа комиссия мүшелері, құқық қорғау органдарының басшылары қатысты.Комиссия отырысында «Кәмелетке толмағандарға қарсы жасалған қылмыстар арасындағы зорлық-зомбылықтың алдын алу жұмыстары туралы» аудандық полиция бөлімінің Жергілікті полиция қызметі бөлімшесінің бастығы Қуандық Ермахановтың, «Даму мүмкіндігі шектеулі және мүгедектігі бар балалардың жағдайы туралы» аудандық жұмыспен қамту әлеуметтік бағдарламалар бөлімінің басшысы Ғалымжан Ақжігітовтің хабарламалары тыңдалды.Одан соң, жиын барысында қаралған мәселелерге байланысты комиссия мүшелері өздерінің ұсыныс-пікірлерін жеткізді.Комиссия төрағасы тиісті сала басшыларына құқық бұзушылық профилактикасының алдын алу бағытындағы жүйелі жұмыстарды күшейту жөнінде бірқатар міндеттерді жүктеді. Сондай-ақ, мүгедектігі бар балаларды әлеуметтік оңалту шараларымен толық қамтуды, тиісті көмектердің берілуін қадағалауды және білім беру ұйымдарында ерекше білім алуды қажет ететін балаларды психологиялық-педагогикалық сүйемелдеуді қамтамасыз етуді тапсырды.

Қармақшыда кәмелетке толмағандарға қатысты кезекті комиссия отырысы өтті

<a href="https://kyzylorda-news.kz/">Kyzylorda-news.kz</a> Қызылордалық көрермендердің жанарын жаулаған Қайсарда биыл қандай жаңалық бар? Сыр еліндегі 60 жылға жуық тарихы бар футбол командасына жаңа маусымда кімдер қосылды?Облыс әкімдігі жанындағы сыбайлас жемқорлыққа қарсы іс-қимыл жөніндегі комиссия отырысында аймақтағы спорт саласына жүргізілген сыртқы талдау нәтижелері талқыланып, проблемалық мәселелер мен «Қайсар» футбол клубының қаржылық жағдайы пысықталды. Бұл туралы облыс әкімдігінің баспасөз қызметі хабарлады.Талдау нәтижесімен мамандардың жұмысқа орналасуына, спортшылардың іс-сапар шығындарының мақсатты жұмсалуына, спорт клубтарының жұмысын ұйымдастыруға қатысты бірқатар кемшіліктер анықталды.Биылғы маусымда Сыр спортының жанкүйерлері Қайсардан жақсы жаңалықтар күтеді. Жергілікті футболды дамытуға жан-жақты қолдау көрсетілуде.Былтырдан бері команда жұмысын ұйымдастыруда бірінші кезекте бюджет қаражатын үнемдеу әрі сапаны арттыру міндеті қойылды.Өткен жылы футбол клубына 1,2 млрд теңге қаралып, қайсарлықтар Премьер-лиганың турнирлік кестесінде 6-орынды иеленді. Бұл алдыңғы жылдарда бөлінген қаражатпен салыстырғанда біршама төмен, әйтсе де көрсетілген нәтижені мамандар да, жанкүйерлер де жақсы деп бағалады.Бұған дейін 2018 жылы футбол клубына 3 млрд теңге, 2019 жылы 4,15 млрд теңге бөлінген.Облыс әкімі «Қайсар» футбол командасының құрамында ойнайтын легионер ойыншылардың жалақысы жоғары екенін ескеріп, келесі жылдан бастап команда сапына жергілікті ойыншыларды тартуға және жас футболшылар клубын дамытуға күш жұмсалуы қажет екенін айтты.Келесі жылы «Қайсарға» мүмкіндігінше жергілікті ойыншыларды тарту жолдарын қарастыру, жақсы нәтижелерге жету талабы қойылмақ.Биыл құрама сапына жаңа ойыншылар алынды. Оның ішінде басым көпшілігі жерлестеріміз. Нақтырақ айтсақ, «Ордабасы» командасында ойнаған Думан Нәрзілдаев пен Айбар Жақсылықов «Қайсар» құрамында жасыл алаңға шығады. Сыр жанкүйерлеріне жақсы таныс Тоқтар Жанқылышбай, бірінші лиганың үздік шабуылшысы Марлен Айманов пен екінші лигада 44 гол соққан бомбардирі Ерсұлтан Төреқұл да жаңа маусымдағы ойыншылар тізімінде.Айта кету керек, комиссия отырысында облыстағы спорт саласының дамуы туралы да айтылды. 2023 жылы 23 желтоқсанда облыстық дене шынықтыру, спорт және туризм басқармасы құрылды.Өткен жылы атқарылған жұмыстардың арқасында өңір халқының 39%-ы бұқаралық спортпен айналысуға мүмкіндік алып, олардың саны 328597 (ауылдық жерде 192535) адамға жетті. Бұл көрсеткіш алдыңғы жылмен салыстырғанда 12497 адамға артқан.Өңірде спорттық инфрақұрылыммен қамтамасыз ету 44%-ға өсті. Инфрақұрылымды одан әрі дамыту, халықтың дене шынықтыру және спортпен айналысуын ынталандыру үшін аймақта заманауи спорт нысандарының саны артып келеді.Өткен жылы республикалық және облыстық бюджеттен 5458,1 млн теңгеге 13 спорт кешенінің құрылысы жүргізіліп, 9 кешен қолданысқа берілді. Сол жағалаудан халықаралық талапқа сай келетін, жүзу бассейні бар дене шынықтыру-сауықтыру кешенінің, осы жылы үстел теннисі орталығының құрылысы басталды.Сондай-ақ еуропалық стандарттарға сәйкес келетін, 10000 адамға арналған заманауи Орталық стадионның құрылысы жүргізілуде. Спортшыларымыздың нәтижесі көңіл қуантарлық. Қазақстан Республикасының Ұлттық құрама командасына облыстан 552 спортшы енген.&nbsp;Фото: «Қайсар» ФК

«Қайсар» командасында жағымды жаңалық бар

<a href="https://kyzylorda-news.kz/">Kyzylorda-news.kz</a> &nbsp;Биылғы көктемде табиғаттың тосын мінезімен бетпе-бет келіп жатырмыз. Еліміздің біренше өңірін су басып қалды. Қауіп өңірімізге төнбесе де, елдің өзге аймағындағы ахуал бәрібір бізді алаңдатпай қоймады.Бүгінде Сырдария өзеніндегі судың деңгейі тұрақты. Су тасқынынан қауіп жоқ. Өзен тиісті арнасымен ағуда. Десе де, сала мамандары өз істеріне салғырттық танытпай, жағдайдың жіті бақылауда ұстау қажет. Биыл Сырдария өзенінде су деңгейі төмен болуына байланысты Сарыөзек көлінің сумен толтырылмау қауіпі орын алып отыр. Бұл жағдайда көл аумағындағы жайылым-шабындықтар суландырылмайды және ауданның экологиялық ахуалының нашарлауына әсер етеді.Осыған орай, аудан әкімі Жандос Еркінбекұлы сала мамандарына зерделеу жұмыстарын жүргізіп, Сарыөзек көліне су жіберу үшін «Сарыөзек құярлығы» (ескі сброс) учаскесіне СНП 500 насос қондырғысын орнатуды тапсырған болатын.Қазіргі таңда, осы тапсырмаға сәйкес сала мамандары тарапынан насос қондырғысын орнату жұмыстары атқарылуда.Аудан әкімі жұмыс барысын бақылау мақсатында нысан басына арнайы барып, Сарыөзек көлін сумен толтырудың, жайылымдық-шабындық жерлерді суландырудың маңыздылығын атап өтіп, насос қондырғысының тоқтаусыз жұмыс жасауын тұрақты бақылауда ұстауды тапсырды. &nbsp;

Қармақшы ауданындағы Сарыөзек көлі бақылауда

Ветеринария – ауыл шаруашылығының маңызды саласы

<a href="https://kyzylorda-news.kz/">Kyzylorda-news.kz</a> Қоян жылын артқа тастап, ұлу жылына қадам басқанымызға 4 ай толды.&nbsp;«Бүгінгі күн – ертеңгі тарих» демекші, кезекті жыл тарих қойнауына кетіп, өлкенің өндіріс алыбының жылнамасы тағы бір томмен толықты. Ендеше артымызға бір қайырылып қаралық, 2023 жыл шиеліліктер үшін несімен есте қалды? Нендей істер тындырылып, қандай жетістіктер қанжығамызды майлады?ӨНІМ КӨЛЕМІ ҚУАНТТЫАуыл шаруашылығы саласы бойынша Шиелі ауданында 42 миллард 54 миллион теңгенің өнімі өндіріліп, 2022 жылдың тиісті кезеңімен салыстырғанда 103,4 пайызға орындалған.&nbsp;Сондай-ақ Шиелі ауданы бойынша 31 702 гектарға егін орналастырылған. Ал негізгі дақыл күріштің үлесі – 13 189 гектар. Күріштің әр гектарынан 56 центнерден өнім алынып, 73 786 тонна Сыр салысы өндірілді. Қоян жылында Шиелі ауданы ауыл шаруашылығы саласы бойынша биіктен көрініп, облыста «Үздік аудан» атанды. Бұл үлкен еңбектің арқасында жеткен жетістік.ҚҰРЫЛЫС ҚАРҚЫН АЛДЫ2022 жылы құрылыс саласының жалпы көлемі 7 млрд 691 млн теңге болса, ал өткен жылы 53 млрд 187 млн теңге болған. Яғни бұл көрсеткіш 2022 жылмен салыстырғанда 6,9 есе өскен.&nbsp;Қоян жылында аудан көлемінде 27 нысанға 2 млрд 808 млн 576 мың теңге қаржы бөлініп, игерілуде. Бұл қаржының 2 млрд 357 млн 914 мың теңгесі республикалық, 450 млн 662 мың теңгесі жергілікті және облыстық бюджеттен бөлінген. Осы мерзімге дейін бірқатар нысандар пайдалануға да берілді. Нақты айтқанда, Шиелі кентіндегі 18 пәтерлік 4 тұрғын үй құрылысы 2020 жылдың мамыр айында басталып, биыл тамыз айында құрылысы толықтай аяқталған. Сонымен бірге облыс әкімі Нұрлыбек Нәлібаевтың тапсырмасына сәйкес Досбол би, Бала би, Бұланбай бауы ауылдарында жобалық құны 1 млрд 178,4 млн теңгені құрайтын 25 орындық 3 дәрігерлік амбулатория пайдалануға берілді. Байсын елді мекеніндегі 250 орындық мектеп ғимаратының құрылысы толықтай аяқталып, нысан ел игілігіне берілгені тағы бар.ҚЫЗАНАҚ ПАСТАСЫ ӨЗІМІЗДЕШиеліліктер өз нарығын тағы бір өніммен толықтырды. «Ауыл аманаты» жобасының игілігін көрген ауыл азаматы Қанат Мұсаев тәулігіне 2 тонна қызанақ пастасын шығаратын цех ашты. Ол жоба аясында 27 млн теңге несие алып, «Barly Bai &amp; K» өндірістік кооперативін құрып, кәсібін кеңейткен. Бағдарлама арқылы алынған қаражатқа көршілес Ресей мемлекетінен құрал-жабдықтар сатып алып, іске қосып өнім түрлерін алуда. Қазір цехта 6 адам жұмыс істейді. Жаз айларында 15 адамға дейін жұмыспен қамтып, өндірісті әлі де кеңейтуді жоспарда бар. Бұл жобаның жалпы құны –48 млн теңгені құрайды.ТЕХНИКА ДА ТОЛЫҚТЫБүгінде ауыл шаруашылық құрылымдары жаңа үлгідегі «Мак-Дон», «Джон Дир», «Класс», «Енисей», «Есіл» маркалы соңғы үлгідегі ауыл шаруашылық технологияларымен толыққан. Сонымен бірге ауыл шаруашылығы тауарын өндірушілердің қолында күзгі дала жұмыстарына 331 дана трактор, 117 дана комбайн, 63 дана жатка, 52 дана автомашина және 164 дана трактор тіркемесі қатысқан. Жалпы аудан бойынша кейінгі 4 жыл көлемінде отандық және шетелдік техникалармен 63 пайызға ауданның техника паркі жаңарды. Биылғы жылдың ІІІ тоқсанында ауданға ауыл шаруашылығы құрылымдары жаңадан 4 комбайн, 2 жүк тиегіш және 10 трактор алынды. Қазіргі уақытта ауданға 1 млрд 177 млн теңге инвестиция тартылып, өткен жылға қарағанда 2,7 есе артып отыр.ЕКІ АУЫЛҒА ГАЗ КЕЛДІЖаңа жыл қарсаңында қос ауылда газ алауы тұтанып, тұрғындар қуанышында шек болмады.&nbsp;Бұл көптен күткен қуаныш Еңбекші мен Жиделіарық ауылдарында орын алды. Бас мердігер&nbsp;«Гүлнұр МК» жауапкершілігі шектеулі серіктестігі межелі уақыт бойынша өз жұмыстарын аяқтаған. Жоба құны&nbsp;– 270,3 млн теңге.&nbsp;Қазіргі уақытта кент және Ы.Жақаев, Бидайкөл, Байсын, Н.Бекежанов, Ақмая, Алғабас және Ш.Қодаманов сынды ауыл тұрғындары көмір тасып, пеш жағып, күл шығару секілді күйбең тұрмыстың күнделікті бейнетінен арылды. Сонымен қатар Тартоғай елді мекенінің тұсынан Мұстафа Шоқай автоматтандырылған газ бөлу стансасы құрылысын жүргізуге республикалық бюджеттен 2,1 млрд теңге бөлініп, құрылыс жұмыстары жүріп жатыр. Иә, заман талабына сай халыққа қажеттісі көгілдір отын екені даусыз. Газдандыру жұмысы осы қарқынынан таймаса, алдағы 5 жылда Шиелі ауданы толық газбен қамтылады деген үміттеміз.ЖОЛ ДА ЖӨНДЕЛДІШиелі ауданында жалпы ұзындығы 323,4 км құрайтын автомобиль жолдары бар. Оның 80 км республикалық, 98 км облыстық, 145,4 км аудандық маңыздағы жолдар. Шиелі кенті және елді мекендерді қоса есептегенде ұзындығы 395,38 км құрайтын 401 көше бар. Бұл көшелердің 198,69 км асфальт төселсе, 145,69 км қиыршықтас төселген. Ал 51 км топырақ. Соңғы 5 жыл көлемінде ауданда жол жөндеу жұмыстары бәсеңдеп қалғанын халық жиі айтушы еді. Ал қоян жылында аудан әкімі Н.Ахатов «Ауыл – ел бесігі» бағдарламасы аясында 36 көшеге орташа жөндеу жұмыстарын жүргізуді қолға алды. Ол үшін 565 млн теңге қаржы қаралған. Одан бөлек республикалық бюджеттен «Самара – Шымкент – Сұлутөбе» кіре беріс 3 км автомобиль жолын күрделі жөндеуден өткізу үшін 564 млн теңге бөлінген. Бәрінен бұрын кент ішіндегі 49 көшені орташа жөндеуден өткізетінін естіген кент тұрғындарының қуанышында шек жоқ.Салыстырмалы түрде қарасақ 2022 жылы Шиелі кентінде жол жөндеу жұмыстарына 208 млн 860 мың теңге бөлініп 14,6 км асфальт төселсе, 2023 жылы 59 көшеге жалпы құны 639 млн теңге болатын, ұзындығы 22,9 км-ге асфальт төсеу жұмыстары жүргізілуде. Оған қоса 9 көп қабатты тұрғын үйдің сыртын сырлау үшін 24 млн 500 мың теңге бөлінсе, жеке кәсіпкер Б.Қожасовтың демеушілігімен Тәуелсіздік көшесінің бойына 10 млн теңгеге сквер орнатылды. Шиелі кентіндегі индустриалды аймаққа «Гежуба Шиелі Цемент» зауыты тарапынан 50 млн теңгеге 3,5 мың көшет егу жұмыстары жүргізілді.КӨШЕЛЕР ДЕ ЖАП-ЖАРЫҚКент ішінде 210 көше болса, қазіргі таңда 117 шақырымды құрайтын 165 көше толығымен жарықтандырылып, 3500 дана жарық бағаналары орнатылған. 2022 жылы 24 көшеге 24 млн 950 мың теңгеге түнгі жарық бағаналары орнатылса, қоян жылында 1586 дана жарық бағанасын сырлауға 8 млн 756 мың теңге қаржы қаралған. Ортақ пайдаланудағы аллеялар мен скверлер толық жарық шамдарымен қамтамасыз етілген. Кент басшысы Амангелді Өмірәлі түнгі жарық шамдары үздіксіз қалыпты жану мақсатында күтіп ұстау жұмыстары жыл көлемінде жүргізіліп жатқандығын да тілге тиек етті.

Шиелі: Қоян жылы құт әкелген жыл болды

<a href="https://kyzylorda-news.kz/">Kyzylorda-news.kz</a> Бұл орталықтың құрылғанына көп уақыт болмаса да бұрын да «Жұмыспен қамту орталығы» деген аты бар-ды. Кейін оған «Мансап» деген жаңа ат берілді. Мұндағы мамандар әлеуметтің әлеуетін көтеруге саналы ғұмырын сарп етуде. Ғалымжан Телібаев басшылық ететін ұжымда ерлермен етене жүріп, әлеуметтік саланы көтеруге нәзікжандылар да қажырлы еңбек етуде. Орталықтың тыныс-тіршілігімен танысуға барғанымызда қарбалас жұмыстың куәсі болдық.&nbsp;Иә, есіктен енген қарашаның мұнда қай мақсатта келіп жатқаны айтпаса да түсінікті. Бірі жұмыс сұрап келсе, енді бірі басқа да әлеуметтік көмектерге құжат дайындаудың қамымен жүр. Ал мамандар қарапайым халыққа қалт­қысыз қызмет етуде. Орталық құзіре­тіндегі функцияларды уақытында орын­дайды. Басқа да жұмыстармен келген жұртқа бағыт сілтеп, кеңес беруден шаршамайды.&nbsp;Сыртынан қарап баға беру орын­сыз, әрине. Сондықтан келім-кетім адам­дардың саябырсығанын күту­ге ту­ра келді. Мақсат – орталық жұ­мы­сының негізгі бағыты жайында мұн­дағы маман­дармен диалог құру. Бір жағынан қазір мұнда ел қандай қыз­метке жүгініп келуде, жұмыс бары­сында түсініспеушіліктер бола ма, қа­ра­пайым халықтың тұрмыс сапасын жақ­сартуда нендей жобалар қолға алы­нуда? Осындай бірқатар сауалдың түйі­нін тарқату еді.&nbsp;Түске дейін келушілердің қатары көп болды, үзілісте үйіне жинала бастаған ма­мандардың екі сағат уақытын біз алдық. Бір қызығы, 15.00-де қайта келген халыққа қажырлы мамандар қабақ шыт­пай қызмет етуді қайта жалғастырды. «Ма­ман­­дыққа адалдық» деген осы шығар, сірә.Орталық маманы Мәншүк Кенже­бекова қазір әлеуметтің әлеуетін көтеру мақсатында әзірленген түрлі мемлекеттік бағдарламалар барын айтады. Салада 10 жылдан астам тәжірибесі бар білікті маман бұл бір жағынан жұмыссыздық мәселесін ауыздықтауға үлкен сеп болып жатқанын айтады. Оның үстіне биыл еңбек нарығын дамытудың 2024-2029 жылдарға арналған тұжырым­да­масы аясында әлеуметтік қолдау ша­­ралары қолға алынып жатыр екен. Жұ­мыс іздеп жүрген адамдар оның игі­лігін көру үшін осындағы тәжірибелі жұ­мысшылардың көмегіне жүгінеді.<blockquote>– Жұмыс іздеп жүрген адамның жұ­мыссыз ретінде тіркелуі үшін «Мансап» орталығына келіп немесе enbek.kz сайты арқылы тіркелуге мүмкіндігі бар. Бұл оларға лайықты жұмыс та­буға кө­мектеседі және 3 жұмыс күн ішінде лайықты жұмыс болмаған жағ­дайда жұмыссыз мәртебесі беріледі. Жұ­мыссыз мәртебесі бар адамдар суб­сидияланатын жұмыс орындарына қа­­тыса алады. Атап айтқанда, әлеу­мет­тік жұмыс орындарына, жастар прак­тикасына, алғашқы жұмыс орнына және Ұрпақтар келісім-шартына жолда­ма алады, – дейді ол.&nbsp;</blockquote>Әлеуметтік жұмыс орындары – «Ман­­­сап» орталығымен шарт негі­зінде жұ­­мыссыздарды жұмысқа орна­лас­тыру үшін оларды жалақысын субси­диялау арқылы құратын жұмыс орны. Субсидияның бір айдағы мөлшері эко­логиялық үстемақылар бойынша тө­лем­дерді есепке алмағанда, салық­тарды, мін­детті әлеуметтік аударым­дарды, пай­­даланылмаған еңбек дема­лысы үшін өтемақыны ескергенде жұмыс­сыз­­дар үшін жалақының белгіленген мөл­­шерінің 35 пайызын құрайды. Бірақ 24 АЕК-ден аспайды. Оған 16 жас­­тан зейнеткерлік жасқа толғанға де­йінгі жұмыссыз ретінде тіркелген, бір кә­сіпті игергенін растайтын құжаты бар адамдар қатыса алады. Ал Жас­тар практикасы – техникалық және кә­сіп­тік, орта білімнен кейінгі, жоғары және жоғары оқу орнының жұмыссыз түлектері меңгерген кәсібі бойынша бастапқы жұмыс тәжірибесін жинақтау мақсатында жүзеге асырылатын еңбек қызметінің түрі. Қатысу уақыты – 12 ай. Оған жасы 35-тен аспаған, 5 жыл ішінде техникалық және кәсіптік, орта білімнен кейінгі, жоғары және жоғары оқу орнынан кейінгі бағдарламалар бо­йынша оқу бітірген, меңгерген кәсіп бойынша жұмыс тәжірибесі жоқ, жұ­мыссыз ретінде тіркелген адамдар қа­ты­са алады.Алғашқы жұмыс орнына келсек, аты айтып тұрғандай, бұл – алғаш жұмыс іздеп жүрген жұмыссыздарға жұмыс орнын және қажетті еңбек дағдыларын беруге бағытталған жоба. Қа­тысу ұзақ­тығы – 18 ай. Оған 35 жастан ас­паған, жұмыс тәжі­ри­бесі жоқ, бір кәсіпті игергенін рас­тайтын құжаты бар адамдар қатыса алады. Ал Ұрпақтар келісім-шарты – оқу орындарының жұ­мыс­сыз түлек­терін өздері алған кәсібі бойынша не­месе ұқсас кәсіп бо­йын­ша жұмысқа орна­ластырып, ке­йін бағытталған зей­нет­керлік жасқа тол­ған, жұмыс жасап жүрген жұмыскерді ал­мас­тыруға ар­налған жоба. Қатысу ұзақ­ты­ғы – 6 ай. Оған 35-тен аспаған, 3 жыл ішін­де техникалық және кәсіп­тік, орта бі­лімнен кейінгі, жоғары жә­не жоғары оқу орнынан кейінгі бағ­дар­ламалар бо­йынша оқу бітірген, бір кәсіпті игергенін рас­тайтын құжаты бар, жұмыссыз ретін­де тіркелген адам­дар қатыса алады.Мұнан өзге де әлеуметтік жұмыс орын­дары бар. Олардың жұмыссыз азаматтар көмегін көруі үшін орталық мамандары қалтқысыз қызмет етуде.&nbsp;Салада 8 жылдан астам тәжірибесі бар Индира Құдабаева басқа да қо­ғамдық жұмыстарға ауданда екі қолға бір күрек таппай жүрген азаматтар жолданып жатқанын айтады. Сондай-ақ олардың осындай көмектерді тиімді пайдаланып жатқанына бақылауда да болады екен. Себебі бұған дейін ауданда түрлі мекемелерге, кәсіпорындар мен шаруашылықтарға жолданған адам­дар­­дың жұмыс жасамайтыны анық­тал­­ған. Оның өзі осындай бақылаудың арқа­­сында белгілі болған.&nbsp;Орталық маманы Айгерім Марат биыл да осындай адамдардың анық­талғанын айтады. Сондай-ақ ол мүмкін­дік берілді екен деп үйде жатып қолдауға ие болу орынсыз деп есептейді.&nbsp;<blockquote>– Кез келген салада бақылау болуы керек. Біз тек адамдарды мекемелерге жолдаумен шектелмейміз, расында біз жолдаған адамдар уақытында жұ­мыс­қа барып жүр ме, осы жағын да ба­қылаймыз. Егер заңсыздықтар орын ал­ған жағдайда біз келісім-шартты тоқ­татамыз. Себебі мемлекеттің әлеу­мет­тік салаға бөлген 1 тиынына дейін мақ­­сатты жұмсалуы керек. Бізге кө­біне адамдар қоғамдық жұмыстарға жіберсеңіз деп келеді. Барынша біз олар­дың өтінішін қабылдаймыз. Кейбір ме­кемелерге техникалық жұмыстарды жасауға жолдама беріңіз деп келетіндер де бар. Ол мекемелерде онсыз да ол жұмыстарды үйлестіруге арнайы штат қарастырылған. Сондай-ақ оны жүзеге асыратын адамдар тағы бар. Сондықтан ол жұмысты жүзеге асыруға біз қалай жолдамамен тағы адам жібереміз? Осы жағын да ойлаған дұрыс сияқты. Тағы да қайталап айтамын, мемлекеттен әлеу­­меттік саланы қолдауға бағыттал­ған әрбір қаражат мақсатты және тиім­ді жұмсалуы керек. Осындай жауап­кер­­шілікті негізгі міндет санағасын біз олқылыққа жол бере алмаймыз, – дейді ол.&nbsp;</blockquote>Айекеңнің бұл сөзін әріптестері Гүл­сара Жәнібекова, Гүлнұр Мақсұтова, Гүл­забида Ержанова, Гүлнұр Қалмано­ва мен Мая Алшоразова да құптады. Бі­рақ бұған қатысты басын­да түсініс­пеу­­шіліктер болғанын жасыр­майды. Мей­­лін­ше елге түсіндірме жұмыстарын жүр­гізіп, заңдылықтарын айқындап бе­руі­нің ар­қа­сын­да қазір бұған қатысты мә­селе шеші­мін табуда.&nbsp;Иә, олар халыққа қалтқысыз қызмет ете­ді, мейлінше әлеуетінің артуына, тұр­­­мыс сапасының жақсаруына сана­лы ғұмырын сарп етеді. Әлгіндей мә­се­­­лелердің халықпен ашық байла­ны­суы­ның арқасында шешімін табады. Бү­гінде осындай мәселелермен келуші­лер болды. Бірақ мамандар 10-15 минут тү­сіндірме жұмыстарын жүргізіп, ақыл-кеңес беруінің арқасында олар да сөзге тоқтады.Негізінен кез келген салада мәселе болады. Ал оның алдын алуда, ше­ші­міне жұмыс жасауда тәжірибелі ма­ман­­дар маңызды рөл атқарады. Бүгінгі орталық жұмысымен танысуда осыған көзіміз жетті.&nbsp;

Қазақстан және Қызылорда облысының жаңалықтары