<a href="https://kyzylorda-news.kz/">Kyzylorda-news.kz.</a> Қазалы аудандық полиция бөлімінің қызметкерлері мен аудандық төтенше жағдай қызметкерлері бірлескен шаралар өткізуде.Қазалы ауданы полиция бөлімінің қызметкерлері мен аудандық төтенше жағдай қызметкерлері бірлесіп жазғы суға шомылу маусымы кезеңінде жауапты сала мамандарын тарта отырып, рейдтік және патрульдеу іс-шаралары ұйымдастырылуда.&nbsp;Басты мақсат – аудан аумағынан өтетін Сырдария өзені жағалауы мен аудандағы су айдындарында тұрғындарға, әсіресе жастар мен балалардың қауіпсіздігін қамтамасыз ету.<blockquote>«Рейдтік шаралар кезінде су айдындары араланып судағы қауіпсіздік ережелері бойынша түсіндірме жұмыстары жүргізіліп, үнпарақтар таратылуда. Сонымен бірге, есепті мерзімде белгіленбеген жерде суға шомылғаны үшін 8 азаматқа Қазақстан Республикасы Әкімшілік кодекстің 364-бабына сәйкес шаралар көрілгенін назарларыңызға саламыз.&nbsp; Құрметті аудан тұрғындары! Бұл жұмыстар күнделікті жүргізілетіндігін ескерте отырып, белгіленбеген орындарда суға түспеулеріңізді, балаларыңыздың суға шомылуына жол бермеу бағытында жүріс-тұрысын қадағалауға алуларыңызды сұраймыз. Бұл ретте әр адамның жауапкершілігі аса маңызды», – дейді сала мамандары тұрғындарға.</blockquote>

Қазалыда судағы қауіпсіздік шаралары түсіндірілуде

<a href="https://kyzylorda-news.kz/">Kyzylorda-news.kz.</a>&nbsp;Бүгінде бәріміздің қолымызда бір-бір сымсыз құрылғыдан бар. Иә, бұл күнде сыңарымызға айналып үлгерген смартфонның адамзат баласына тигізіп жатқан зияны жоқ емес. Алайда тимді тұстары да бар. Мәселен, кез келген уақытта қалтафонның көмегімен қалағанымызша сәтті кадрларды түсіре аламыз. Осындай қолда бар дүниенің қадірін арттырып, жансыз дүниеге жан бітіріп, әрбір кадрдан креативті әрі әдемі көрініс істей алу екінің бірінің қолынан келе бермейді. Себебі қазір камераға керемет түсірудің өзі кәдімгі бір мамандыққа айналған. Сұлулықтың бәрін смартфонға сыйдыра алатындарды заманауи тілмен айтқанда – мобилограф дейді. Сонымен, мобилограф мамандық па?Шынымен, қазір жоғары сапалы видео түсіре алатын жастардың саны көбейді. Олардың бірі мейрамханалардағы тағамдарды тәбетіңді ашатындай етіп бейнелесе, енді бірі киім-кешекті сатып алғың келетіндей-ақ түсіреді. Десе де, трендте жүрген мамандықтың болашағы бар ма, жоқ па – осы тұсы белгісіз. Қазір сұраныста болғанымен, «жарқ» еткен дүниенің тез сөніп қалатыны тағы бар. Ал сіздің ойыңызша, мобилографияның ертеңі қандай?Бүгінгі таңда ауданда трендтегі мамандықты игеріп жатқан жастар бар. Солардың бірі – Інжу Қасымханова. Кейіпкеріміз небәрі 1 жылдың ішінде ауданда өзіндік қолтаңбасы бар мобилограф ретінде танылып келеді. Ол қазіргі күні кенттің көрікті келбетін келістіріп, ауданның айшықты жерлерінен әсірлі кадрлар ұсынып, ресми және мерекелік кештерден түрлі видеоларды түсіріп, өз-өзін көрсетуде. Бұл бағыттағы білімін қатарластарымен бөлісіп қана қоймай, аудандағы 40-қа жуық мұғалімді мобилограф курсы бойынша оқытып үлгерді. Жалпы Інжу үшін оқы әрі оқыту таңсық дүние емес. Себебі оның негізгі мамандығы – сандық ақпараттарды өңдеу. Бірақ бүгінде өз мамандығын смартфонға алмастырып, сапалы бейнелер түсіріп, ұсынып жүр.&nbsp;<blockquote>«Мен Кентау қаласындағы «Арнаулы кәсіптік колледжін» тәмәмдаған соң, өз салам бойынша жұмыс істемедім. Туған жеріме келген соң аудандық «Жастар ресурстық орталығына» жұмысқа орналастым. Үнемі әлеуметтік желіде «Мобилографтың атасы» атанған Қыран Талапбектің жұмыстарын көріп жүретінмін. «Темірді қызған кезінде соқ» дедім де, «Adilet Art» курсын бірден сатып алып, оқыдым. Қосымша «yeldos.sun-ның» желідегі видеоларын қарадым. Содан біраз нәрсе үйрендім. Қазіргі таңда мобилографияға сұраныс жоғары және көз ілеспес жылдамдықпен дамып келеді. Бір сөзбен айтқанда бүгінгі күні камерасын серік еткен мықты мамандардың дәурені жүріп тұр», – дейді Інжу.</blockquote>Иә, қазір «тас лақтырсаң» мобилографқа тиетін уақыт болған секілді. Себебі заман мен уақыттың талабына сай аталған мамандықты игерушілердің саны басым. Дей тұрғанмен, өнімді әрі сапалы жұмыс ұсынатындардың қатары санаулы. Інжудің сөзінше, осы салаға бет бұрған жандар тікелей мобилограф мамандарынан сабақ алып, көмегіне жүгінгені абзал. Түрлі «фишкаларды» меңгерген соң әдемі кадрларды қалт жібермеу әр адамның өзіне байланысты болады. Сәйкесінше видеоға сай музыка таңдау да маңызды. Өйткені сіз жасаған роликте әуеннің алар орны ерекше. Осы тұста айта кетейік, Інжудің жасаған видеолары әлеуметтік желіде 20 мыңдай қаралым жинаған.&nbsp;Байқағанымыздай, бұл сала жасқа қарамайды, талғамайды да. Мұны кейіпкеріміз де дәлелдеп отыр. «Еңбектеген баладан, еңкейген қарияға» дейін мобилограф бола алады. Видеоны кімнің түсіргені емес, нені түсіргені маңызды. Тек болдым, толдым демей, үнемі тәжірибе жинап, түрлі байқауларда бақ сынап, курстар оқу қажет.

Інжу Қасымханова: Мобилограф озып тұр

<a href="https://kyzylorda-news.kz/">Kyzylorda-news.kz.</a>&nbsp; Күн сайын дүкен сөрелерінде азық-түлік бағасының өсімін қарапайым тұтынушы анық байқайды. Бұл жөнінде ел Президенті Үкіметке әсіресе, әлеуметтік маңызы бар азық-түлік бағасын қадағалау, негізсіз өсуіне жол бермеу туралы тапсырма берген болатын. Сондықтан аймақ басшысы Сыр өңіріндегі баға үнемі бақылауда болуын қадағалап, бақылауға алған.Осы орайда Сырдария ауданының әкімі Берік Сәрменбаев әлеуметтік тұрақтылықты сақтау мақсатында және азық-түлік бағасының негізсіз қымбаттауын болдырмау үшін ауданда құрылған жұмысшы топқа нақты тапсырма беріп, сауда орындарына үнемі мониторинг жүргізу, бағаны бақылауды ұстау қажеттігін тапсырды.Бүгін аудан әкімі Берік Сәрменбаев аудан орталығындағы сауда дүкендерін аралап, азық-түлік бағасының тұрақтылығына бақылау жасады. Ең алдымен кенттегі ірі сауда орталығы "Серікбол" дүкенінде болып, дүкен иесі Мәдина Омарова әлеуметтік маңызы бар азық-түлік бағалары жайында айтып берді.<blockquote>&nbsp;Азық-түлік бағасының өсуі – тұрғындардың тұрмыс-тіршілігіне әсер ететін негізгі фактор болғандықтан, азық-түлік қауіпсіздігі мен баға тұрақтылығы күн тәртібінен түскен емес. Сондықтан аудан тұрғындары үшін сапалы қызмет көрсетіп отырған ірі сауда орталығы болған соң, дүкендегі азық-түлік бағасы да тұрғындарға тиімді, әрі қолжетімді болуы тиіс, – деді аудан әкімі Берік Сәрменбаев.</blockquote>Аудан көлемінде әлеуметтік маңызы бар азық-түлік бағасын бақылауда ұстау үшін құрылған арнайы жұмысшы топ кәсіпкерлерге тұрақты түрде түсіндірме жұмыстарын жүргізіп келеді. Нәтижесінде дүкендерде азық-түлік бағасының негізсіз өсімі орын алмаған.<blockquote>&nbsp;Тұтынушыларымызға күнделікті тұтынатын азық-түлік өнімдері әсіресе, сүт-май, қант, нан, көкөніс, макарон бағасы тұрақты. Қазір сатып алушыларға барлық қолайлы жағдай жасалған. Азық-түліктің сан алуан түрі біздің дүкеннен табылады. Сұранысқа сай көкөніс пен жеміс жидек күнделікті жеткізіліп тұрады, – дейді "Серікбол" сауда орталығының иесі Мәдина Омарова.</blockquote>Айту керек, жыл басынан бері әлеуметтік маңызы бар азық-түлік бағаларын тұрақтандыру мақсатында аудан орталығында үш мәрте жәрмеңке өткізіліп, ауыл шаруашылығы өнімдері базар бағасынан 10-15 пайыз төмен бағамен сатылды. Сондай-ақ, аудан орталығында орналасқан сауда үйлерінің қоймаларында бүгінгі күнге қолда бар азық-түлік өнімдерінің қоры 123 тоннаны құрайды. &nbsp;

Сырдарияда азық-түлік бағасына мониторинг жүргізілді

<a href="https://kyzylorda-news.kz/">Kyzylorda-news.kz.</a> Мобильді банкинг арқылы қолма-қол ақшаны жылдам аудару әрбір адам үшін үйреншікті жағдайға айналды. Мобильді қосымшада алушының нөмірін терсеңіз жеткілікті, ақша алушының шотына аударылады. Алайда, аударым кезінде сіз ұялы телефон нөмірін немесе карта, шот деректемелерін қате жібердіңіз және сома мүлдем бейтаныс адамға кетті. Егер сіз онымен төлемді қайтару туралы келісе алсаңыз жақсы. Ал егер жоқ болса? Айтпақшы, сіздің шотыңызға қаражат түсіп, бірақ сіз жіберушінің кім екенін білмейтін жағдайлар да кездеседі.Fingramota.kz &nbsp;осы жағдайларда не істеу керек екенін айтып береді.Сіз қателесіп, ақшаны бейтаныс адамға аудардыңызСіз телефон нөмірі бойынша жедел төлем жасадыңыз, бірақ цифрдан қате жібердіңіз. Ақшаны қайтару қиын, бірақ қайтаруға болады. Алушымен хабарласып, қате аударым жасағаныңызды түсіндіріп көріңіз, түскен соманы қайтаруды сұраңыз. Ол адам сізге сенуі және алаяқ ретінде қабылдамауы үшін шотты тексеруді ұсыныңыз. Алушы сіздің жағдайыңызды түсініп, содан кейін ақшаны кері аударыммен қайтаруы мүмкін. Бас тартқан кезде тек сотқа жүгіну және ақшаны өндіріп алу туралы талап-арыз беру ғана қалады, себебі қолданыстағы заңнамада ҚР Азаматтық кодексіне сәйкес бұл әрекет «негізсіз баю» ретінде қаралады. Сондай-ақ, сіз ҚР Ұлттық Банкінің қолданыстағы қайта қаржыландыру мөлшерлемесі бойынша ақшаңызды пайдаланғаны үшін сыйақы өндіріп ала аласыз.Егер сіз карточканың немесе шоттың дұрыс емес нөмірі бойынша ақшаны қате жіберген болсаңыз, банкке хабарласып, бәрін түсіндіріп, менеджерден ақшаны қалай қайтаруға болатындығын білуіңіз керек. Сонымен қатар, бұл жағдайда банк төлемді біржақты түрде кері қайтара алмайды. Әрбір банктің осындай мәселелерді шешудің өз рәсімі бар. Көбінесе, егер аударым дұрыс емес банктік шотқа сәтті жіберілсе, ақшаны алушының келісімімен ғана қайтаруға болады.Егер ақша аудару процесі жүріп жатқан болса, онда операцияны болдырмауға болады. Егер сіз қате жіберіп, жоқ банктік деректерді көрсетсеңіз, төлем жасалмайды және ақша автоматты түрде қайтарылады.Сізге қате аударым түстіЕгер нақтысын айтатын болсақ, әрине сіз аударымды қате жіберген адамды тауып, оған ақшаны қайтару үшін өз уақытыңызды жұмсауға &nbsp;міндетті емессіз. Алайда бұл ақшаны жіберушіге қайта аударған жөн, өйткені ол кез келген уақытта сізді сотқа беруі мүмкін. Бірақ, алдымен ақша расымен де шотыңызда жатқандығына, мұның қаржылық алаяқтардың амалы емес екендігіне көз жеткізіп алу керек.Сондай-ақ, бұл ақша сізге тиесілі және олар сіздің шотыңызға қаражат аударған көздерден түскен болуы мүмкін. Мысалы, сіздің борышкеріңіз ақшаны қайтарды немесе компания қайта есептеуді жасады. Әр түрлі жағдайлар болуы мүмкін. Бұл жалған емес, қате аударым екеніне көз жеткізіңіз.Қаскөйлердің банктердің және басқа да қаржылық ұйымдардың атынан сіздің шотыңызға қандай да бір соманың түскендігі туралы SMS-хабарландыруларды жиі тарататынын, содан кейін қоңырау шалып, қайтаруды сұрайтынын есте сақтаңыз. Сондықтан, кері аударым жасамас бұрын қаражат шынымен түскендігіне көз жеткізіңіз. Мұны мобильді банк қосымшасы арқылы немесе банк операторымен ресми нөмір бойынша байланысу арқылы жасауға болады.Ақшаның кімнен және қашан түскенін түсіну үшін шотыңыздағы үзінді-көшірмені зерделеңіз. Егер сіз ақша аударымының қате екеніне 100% көз жеткізсеңіз, ал жөнелтуші сізбен байланысқа шықпаған болса, банкке хабарласыңыз. Соманы қайтаруға келісім беру туралы жазбаша өтініш жазыңыз. Содан кейін қаржы институты ҚР заңнамасы бойынша төлемдерді қайтару рәсімдеріне сәйкес кері төлемді жүргізеді.Қате аударым жасамау үшін не істеу керек?Ақшаны дұрыс аудармауды болдырмау өте оңай. Транзакцияны бастамас бұрын әрқашан деректемелерді мұқият тексеріңіз. Басқа шотқа ақша аудару нысанын толтырған кезде абай болыңыз, әрқашан карта деректемелері мен телефон нөмірлерін бірнеше рет тексеріңіз.Тағы бір ақылға қонымды кеңес - алдымен алушының деректемелерінің дұрыстығын бірнеше рет тексеру үшін шағын сынақ сомасын жіберіңіз. Алушыдан растауды алғаннан кейін қалған соманы қайта жіберіңіз. Бұл жақсы тәжірибе және сіздің транзакцияңыздың дұрыс алушыға жеткізілуін қамтамасыз етудің ең жақсы тәсілі.Қолма-қол ақша аударған кезде әрдайым мұқият болыңыз. Бірнеше қарапайым тексерулерге жұмсалған бірнеше минут сізді еңбекпен тапқан ақшаңыздың көп бөлігін жоғалтудан сақтайды.Қаржылық сауаттылығыңызды&nbsp;бізбен бірге арттырыңыз және тағыда көп пайдалы материалдарды "Төлемдер және аударымдар" бөлімінен оқыңыздар&nbsp;

Онлайн аударым: Қате жіберілген ақшаны қайтаруға бола ма?

<a href="https://kyzylorda-news.kz/">Kyzylorda-news.kz.</a> Қарт Қаратау бөктеріндегі қасиетті жыр мұраны халық жадында жаңғырта отырып, Сыр сүлейлерінің есімдерін ұрпақ санасына сіңіру.Жыршы-жырау олардың бүгінгі өнердегі үлес салмағын сараптау, жыр әлеміне жаңа есімдер ашу мақсатында балалар жылы аясында облыстық халық шығармашылығын дамыту және мәдени продюсерлік орталығы Жаңақорған аудандық мәдениет және тілдерді дамыту бөлімімен бірлесе отырып, Қожамберді ауылдық клубының ұйымжастырумен, Ызғар елді мекенінде ашық аспан астында даңқты өнер иелері Құлан Алдабергенұлының және Базар Оңдасұлының шығармашылығын насихаттауға арналған «Текті сөздің төресі - терме» атты жыршы-термешілердің облыстық байқауы өтуде. Байқауды Қожамберді ауылдық округ әкімі ашып беріп, қатысушыларға сәттілік тіледі.Қарт Қаратаудың бөктері мен айдынды Арал теңіз арасында даңқты өнер иелерінің ғұмыр кешіп, ұрпаққа мол мұра қалдырып кеткені баршаға аян.Сондай қайталанбас өнер иелері Сыр сүлейі Базар Оңдасұлы мен ақын, жырау Құлан Алдабергенұлы. Тамырлы тарихынан сыр шертіп, өткенінен өнегелі тағлым беретін, төл өнерін төрге оздырып, текті сөзін ұлықтаған жаңақорғандықтар терме байқауын дәстүрге айналдырғанын айту керек. Аймақтық термешілер байқауында жеті дүлділ өнер көрсетіп, көрермендерді әуезді ән, өнеге сөзімен рухтандырды.Сахна төріне көтерілген өнерпаздарға өңірге белгілі термеші, облыстық филармония қызметкері Майра Сәрсенбаева сәттілік тіледі.<blockquote>«Құлан Алдабергенұлы атындағы аймақтық термешілер байқауына биыл Павлодар өңірінен өнерпаздар келіпті. Бұл бүгінгі байқаудың биік беделін көрсетеді. Жылда дәстүрге айналдыруға бет бұрудамыз, ең бастысы төл өнерімізді қайта жаңғыртып, келер ұрпаққа аманат етіп қалдыруды мақсат еттік. Жеті өнерпаз да жүйрік, әр термеші өлеңнің мақам-сазын дұрыс қолдана алатынына куә боламыз, өйткені әр өңірдің өзіне тән мақамы бар. Сондықтан бұл жастардан келешек көп үміт күтетін боламыз», – деді Сыр еліне танымал Сәрсенбай жыраудың немересі.</blockquote>Сөздің маржанын сазбен жеткізетін дала өнерпаздарының басын бір арнаға тоғыстырудағы басты мақсат – ұлттық құндылықтарды дәріптеу, өнерлі жастарды қазақтың төл өнерімен сусындату және ұлттық дәстүрді ел арасында кеңінен насихаттау. Асыл сөздің маржанын теріп, оны әуезді әнімен тыңдаушының құлақ құрышын қандыратын жас термешілердің өнерін біз де тамашалап, көңіліміз бір сергіп қайтты. Ал, Аққорғанда өтуінің бір сырын кеш барысында байқадық, өйткені ауыл ақсақалдары мен жастар әр жырауға шабыт беріп, әуезді әндеріне тербеліп отырғанын байқап, дән разы болдық.Жаңақорғандық Нұрлыбек Қалман, Ислам Нағызхан, Түркістаннан келген Нұрбақ Анашбеков, Қызылорда қаласынан Руслан Өтегенов пен Аяжан Шымберген және успендік Ербақ Құрметжан мен Бөкен Жігер сахна төріне көтеріліп, додаға қосылды. Талапкерлер екі кезең бойынша өнер көрсетті, бірінші кезеңде Құлан Алдабергенұлының шығармашылығынан бір терме немесе арнау жыр орындаса, екінші кезеңде әр термеші еркін тақырыпта бір терме орындады.Құлан Алдабергенұлы күні бүгінге дейін, толық зерттеліп, зерделенбеген тұлғаның бірі. Ол 1861 жылы дүниеге келген. Зерттеулерге қарағанда, туған жері Қосүйеңкі елді мекеніне қарасты Қаратау жеріндегі «Тастүскен» деп көрсетіледі. Тастүскен Құланшы өзеніне құятын шағын өзен. Құлан осы өзеннің бойында кедей отбасында дүниеге келеді. Сонымен «Аузымда өлең деген алмасым бар», «Адам боп дүниеге жаралған соң» атты Құлан ақынның жырлары Түгіскен көгінде қалықтай кетті. Жеті жыраудың өнеріне әділ төрелік еткен Майра Сәрсенбаева мен Мұхтар Дәрібаев және Павлодардан келген қонақ Табиғат өнерлі жастарға лайықты бағасын берді.Термешілерге арнайы ыстық ықыласын арқалай келген ауылдың ақсақалдар кеңесінің төрағасы Молдахмет Ибрагимов:<blockquote>«Бүгін Аққорған ауылының аспанын әнге бөлеп, термемен тербеген жырау-жыршыларға алғыс айтамын. Төл өнерді ел арасында осылай насихаттап, жас буынның бойына қалыптастыруға жұмылып жүрген өнер ұжымына рахметтен басқа айтарымыз жоқ. Келер жылы да барша термешілерді ауыл төрінде күтетін боламыз деп үміттенемін», – деп жылы лебізін білдірді.</blockquote>Асыл сөздің маржаны мен терең ойдың тұнығын әуезді әуенмен жеткізе отырып, тыңдаушыны ұлттық рухқа, адамгершілікке, тазалыққа, қайырым мен мейірім сияқты көптеген адами қасиеттерге тәрбиелеуімен құнды болған терме өнерін дәріптеген жырауларға аққорғандық ағайын мен көрші ауылдардан келген көрермендер ризалығын білдіріп тарқасты.Жақұт жырымен, әуезді мақамымен, дәстүрлі жыр өнерін дәріптей келген жаңақорғандық Нұрлыбек Қалман, Нұрбек Анашбеков үшінші орынға жайғасты. Ал, Ербақ Құрметжан мен Ислам Нағызханға екінші тұғыр бұйырды. Бірінші орынмен Аяжан мен павлодарлық Бөкен Жігер марапатталды. Мұхтар Шахановтың «Отырар» дастанын әдемі орындап, дүйім жұртты тәнті еткен успендік жігітке қазылар ерекше ілтипат білдірді. Ал, бас жүлде байқаудың шымылдығын ашып, сайыстың сәнін келтіріп, өнер сүйген қауымды сүйсіндіре білген қармақшылық Руслан Өтегеновтің тақымында кетті. Қорқыт туған мекеннен келген Руслан:<blockquote>«Мен бұл байқауға алғаш келіп отырмын. Ұйымдастыру өте жоғары деңгейде, мен шыны керек бұлай болады деп ойламадым. Әсіресе, павлодарлық өнерпаздар сахна төріне көтерілгенде, олардың әдемі дауысы мен мақамына қарап ұлттық өнер солтүстікте де жаңғырып келеді екен деп іштей қуандық. Қолдау білдіріп, шараны ұйымдастырған аудан мәдениет саласына ризалығымды білдіремін», – деді ағынан жарыла.</blockquote>Асыл сөздің маржаны мен терең ойдың тұнығын әуезді әуенмен жеткізе отырып, тыңдаушыны ұлттық рухқа, адамгершілікке, тазалыққа, қайырым мен мейірім сияқты көптеген адами қасиеттерге тәрбиелеуімен құнды болған терме өнерін дәріптеген жырауларға аққорғандық ағайын мен көрші ауылдардан келген көрермендер ризалығын білдіріп тарқасты.Олай болса, балалар жылы аясында облыстық халық шығармашылығын дамыту және мәдени продюсерлік орталығы Жаңақорған аудандық мәдениет және тілдерді дамыту бөлімімен бірлесе отырып, даңқты өнер иелері Құлан Алдабергенұлының және Базар Оңдасұлының шығармашылығын насихаттауға арналған «Текті сөздің төресі - терме» атты жыршы-термешілердің облыстық байқауын Қожамберді ауылдық округінің әкімі Сейтқасымов Нұрқасым байқауды ашып беріп, қатысушыларға сәттілік тіледі.

Жаңақорғанда облыстық байқау өтті 

<a href="https://kyzylorda-news.kz/">Kyzylorda-news.kz.</a> Еуропалық стандартқа сай лего-кірпіш Жаңақорғанда жасалады. Заманауи кірпіш құюды қолға алған жаңақорғандық Жомарт Шәуеновтың шағын зауытында тас төсеніштері мен шлакаблок өнімі де қатар шығаруда. Қызылорда облысында тұңғыш болып, лего-кірпіш өндірісін іске қосқан кәсіпкердің өнімі нарықта жоғары сұранысқа ие.Тақырыптан белгілі болғандай, еуропалық стандартқа сай лего-кірпіш ендігі кезекте Жаңақорғанда жасалады. Заманауи кірпіштің өзге құрылыс материалынан қандай өзгешелігі бар екенін білмек мақсатта жаңақорғандық Жомарт Шәуеновтың шағын зауытына бардық. Атшаптырым ауласы болмаса да, алақандай ғана аула да ауыз толтырып айтарлық қарекет жасауда. Бұған дейін тас төсеніштерін шығаруды жолға қойған кәсіпкер кәсібін кеңейтіп, құрылыс өнімін шығаруды өрге домалатуда. Жасыратыны жоқ, соңғы жылдары ауданда тұрғын үй соғу, баспананы жаңғырту, жаңа құрылыс салу қарқын алды. Міне, осы тұста, сұранысқа сай өнім өндіруді өзіне кәсіп еткен Жомарт Шәуенов есімі ерек лего-кірпіштің жасалу технологиясымен таныстырды.<blockquote>«Мемлекет тарапынан шағын және орта кәсіпкерлікпен айналысамын деген ынталы азаматтарға көптеген қолдау көрсетілуде. Негізі бұл бизнес-жобаны аудандық кәсіпкерлер палатасына ұсынғанымда қуана құптады. Шынында, әзірге Қызылорда облысы мен Түркістан аймағында жоқ жоба. Сондықтанда болар, қаржыландыру тетігі де табыла кетті. Яғни, кәсіпкерлер палатасының үйлестіруімен Өңірлік инвестициялық орталығынан 2 млн теңге демеу қаржыға ие болдық. Жеңілдетілген қаржыға Ресейден лего-кірпіш пен шлакоблок құятын аппарат, еуроқұрылғы, миксер секілді заманауи жабдықтарды сатып алдық. Шүкір, бүгінде кірпіш құю технологиясын игеріп алдық. Жақында ғана, аудан әкімі Ғалым Әміреевтің өзі келіп, шағын зауыттың жұмысымен танысты. Шағын және орта кәсіпкерлікке мемлекеттік деңгейде қолдау көрсетуге даяр екенін жеткізді. Әрі заманауи кірпіштің жасалу технологиясына оң бағасын берді», – дейді кент тұрғыны Ж.Шәуенов.</blockquote>Сондай-ақ ол лего-кірпіштің артықшылығына тоқталды. Оның айтуынша, бұл кірпіштің басты ерекшелігі – құрастырмалы әрі төзімді. Оған қоса, баспананың қабырғасын өруге кететін уақыт қысқарады. Өйткені, кірпіш екі үлгіде шығарылады. Біріншісі – ойық, екіншісі дөңбек болады. Осылай ұяшықтары арқылы бір-біріне киіледі. Отандық өнімнің шикізаты да өзіміздің өңірден.– Лего-кірпіш Еуропада жиі қолданылатын құрылыс материалы ретінде танымал. Өте берік және тығыз болады. Он бес тонналық гидравликалық қысыммен нығыздаудан өтеді. Құрамына келсек; Ақүйік тауының ірі құмы, Шалқияның жуылған майда қиыршағы, және цемент пен арнайы қоспа қосылады. Гипер престеуден өткен лего-кірпіш беріктігі жоғары және тұзданбайды. Сәулетті келбетімен де ерекше. Тапсырыс берушінің талғамына сай кез келген түсте шығарамыз – деген кәсіпкер қазіргі таңда Түркістан қаласынан түскен 30 мың дана тапсырысты орындау үстінде екен.Жомарттың айтуынша, бұл кірпіштің басты ерекшелігі – құрастырмалы әрі төзімді. Оған қоса, баспананың қабырғасын өруге кететін уақыт қысқарады. Өйткені, кірпіш екі үлгіде шығарылады. Біріншісі – ойық, екіншісі дөңбек болады. Осылай ұяшықтары арқылы бір-біріне киіледі. Отандық өнімнің шикізаты да өзіміздің өңірден.<blockquote>«Лего-кірпіш Еуропада жиі қолданылатын құрылыс материалы ретінде танымал. Өте берік және тығыз болады. Он бес тонналық гидровикалық қысыммен нығыздаудан өтеді. Құрамына келсек; Ақүйік тауының ірі құмы, Шалқияның жуылған май қиыршағы, және цемент пен арнайы қоспа қосылады. Гипер престеуден өткен лего-кірпіш беріктігі жоғары және тұзданбайды. Сәулетті келбетімен де ерекше. Тапсырыс берушінің талғамына сай кез келген түсте шығарамыз. Түркістан облысынан да тапсырыстар жиі түседі», – Жомарт Шәуенов.</blockquote>Иә, лего-кірпіштің шығарыла бастағанын бір жыл болса да жеткен жетістігі аз емес. Мәселен, өткен жылы облыстық кәсіпкерлер палатасы мен облыс әкімдігі ұйытқы болған «Қазақстанның үздік тауары – 2018» облыстық көрме-байқауының «Өндірістік мақсаттағы үздік тауарлар» аталымы бойынша жеңімпаз атанды. Әрі Нұр-Сұлтан қаласында өткен «Қазақстанның үздік тауары» республикалық көрме-байқауына қайтысып қайтты.Иә, бұрындары тұрғын үй құрылысын бастаған қауым қит етсе, Түркістан қаласына жол тартатын еді. Өйткені, көрші шаһарда таңдау мен талғам бар. Бәсеке мен қолжетімді тауар бар. Міне, енді түркістандықтар Жаңақорған нарқына жүгінуде. Бұлда болса, «қимылдағанның қыр асатынын» көрсетсе керек. Ертелі-кеш еңбек пен инновациялық ізденімпаздық бәсекеге қабілетті өнім шығаруға жол бастады. Ендігі тек отандық өнімге қолдау көрсету ғана қалды. Түйін орнына, тұздық болсын. «Біз өз кәсіпкерлерімізді қолдауда, әрқайсымыз отандық өнімнің тұрақты әрі белсенді тұтынушысы болуымыз керек. Бұл біздің бойымызда патриоттық рухты қалыптастырып, жани түседі. «Қазақстанда жасалған» әрбір бұйымда төрт қасиеттің болуын айрықша атады. Олар: сапалы, ыңғайлы, әдемі және арзан. Бұл Елбасы Жолдауында айтылған. Сондықтанда Сыр еліндегі «Жаппай кәсіпкерлікті қолдау жылы» аясында жергілікті жерде өндірілген отандық өнімдерге дұрыс көзқарас қалыптасса игі.

Жаңақорғанда заманауи кірпіш өндіріледі

<a href="https://kyzylorda-news.kz/">Kyzylorda-news.kz.</a> Шетелдің белді жоғарғы оқу ордаларында біліп алып жүрген қазалылық жастар жетерлік. Олардың бірі азуын айға білеген Американың айтулы университетінде, енді бірі жаңалыққа жаны құмар Жапониянада, келесілері Кореяда. Көршілес Ресей елінде де бірнеше қазалылық жас мамандық меңгеруде. Мәскеуде магистрлік білім алып, қазіргі таңда сонда еңк етіп жүрген Парасат Өмірзақпен сұхбаттасудың сәті түскен еді. Ол СИНЕРГИЯ Мәскеу қаржы-өнеркәсіптік университетінде шет елден келген өзге ұлт өкілдерімен жұмыс жасайтын жетекші маман. Қарапайым тілмен айтқанда Парасат Мәскеуде оқысығы келетін жастарға жол көрсетуші.&nbsp;– Парасат Алмасқызы, сіз қай мектептің түлегісіз? Білуімізше бірнеше елде білім алғансыз…– Мен Қазалы ауданындағы Үрмәш Түктібаев атындағы ауылда дүниеге келдім. Осындағы №88 орта мектептің түлегімін. 2014 жылы Нұр-Сұлтан қаласындағы Евразия ұлттық университетіне ядролық физика мамандығына оқуға түстім. 1-2 курстарда осы оқу орнында оқыдым. Екінші курста жүрген кезімде: «Мен бұл оқу орнынан өзіме қажетті құндылықтарды алдым. Алға тағы бір қадам жасап, шет елде неге білімімді жалғастырмасқа?» деген ой келді. Сөйтіп шет елде білім алуға мүмкіндік беретін бағдарламалармен таныстым. Жолым болып, Томск қаласында оқуға грант жеңіп алдым. Университет толықтай қаржыландырды. Үшінші курсты сондағы мемлекеттік университетте аяқтадым. Томскте жүріп, Беларусь елінде білім алуға бел будым. Құжаттарымды түгендеп, бағымды сынап көрдім. Бұл жолы да сәттілік серігім болып, өзім қалаған оқу орнынан шақырту алдым. Осылайша төртінші курсты Минс қаласында оқыдым. Менің бала кезден Евротур жасасам деген арманым болатын. Сол себепті осы елді таңдадым. Өйткені Беларусь арқылы Европаға шығу арзанға соғады.&nbsp;2017 жылы Қазақстанда ЕХПО да аудармашы болып жұмыс істеп жүрдім де, қыркүйек айында Беларусь еліне аттандым. Бесінші курсты Болгарияда оқығым келді. Маған шет елде оқыған ерекше ұнайды. Больгариядан шақырту келгенімен, виза ала алмай бармай қалдым. Елге оралып, бесінші курсты өзімнің университетімде, яғни Қазақстанда тәмамдап, қызыл диплом алдым. Группамда жалғыз қызыл диплом игері болдым, бұл мен үшін үлкен жетістік әрі мақтаныш.Бесінше курста оқып жүргенде магистратураны Италияда оқысам деген ниетім болды. Евросоюдың оқу грантын жеңіп алдым. Бір айта кетерлігі Италияда 1-2 курсты оқысаң, қалған 3-4 курстарды Европаның кез келген елінде жалғастыра аласың. Алайда ол жақтан маған толық қаржыландыруға тапсырмағн өтінішім мақұлданбады. Тек оқу тегін, қалғаны ақылы болды да бас тартуыма тура келді.&nbsp; Осылайша Қазақстанда оқуға дайындалып жүрдім. Сол кезде Мәскеуден қабылдау комиссиясы келді. Құжаттарымды тапсырдым. Тесттен сәтті өтіп, Мәскеу қаласына оқуға кеттім. Магистратураны Мәскеу ұлттық технолгиялық зерттеу университеттінде тәмамдадым.– Қазақстан мен өзге елдердегі білім беру жүйесіндегі айырмашылықтар қандай?– Ең бірінші айырмашылық студенттерінде. Қазақстанда екі жыл оқыған кезде біз көп телефонға қарайтынмыз. Тіпті лекси, практика кезінде де ұялы телефонымызға үңіліп отыру әдетке айналған. Ал ол жақтарда сабақ үстінде телефонды өте сирек қолданады, тіпті «тығып» қарайды десем болады. Томскте мені таңқалдырғаны осы.&nbsp;Жалпы білім саласындағы айырмашылықтарына келер болсақ, бізде жаңа құрал-жабдықтар өте көп болды. Алайда көп қолданбайтынбыз. Мүмкін 12 курстарда арнайы пәндерді өтпегендіктен болар. Ал шет елде теория өткеннен кейін міндетті түрде практика жүзінде құрал-жабдықтарды пайдаланады.&nbsp;– Ол жақта шетелдік студенттерге деген көзқарас қалай? Қаншалықты жағдай жасалған?– Мен оқыған шет елдердің барлығында шетелдік студенттерге жоғары деңгейде жағдай жасалады. Ең бірінші кезекте жатақханамен қамтамасыз етеді. Міндетті түрде әлеуметтік карта беріледі. Ол арқылы сен транспортқа мініуге, музей, кинотеатрларға баруға жеңілдік иеленесің. Бір сөзбен айтқанда білім алуға барлық жағдай жасалған. Шәкіртақы өз алдына.&nbsp;– Қазақстанға оралып, туған елдің өсіп-өркендеуі жолында еңбек ету жоспарыңызда бар ма?– Міндетті тұрде Қазақстанға ораламын. Мәскеуде бір жыл жұмыс тәжірибемнің болғанын қаладым. Міне, наурыз айында Ресей университетінде жұмыс істегеніме бір жыл толды. Достарымның арасында Қызылорда туған қалам, Мәскеу уақытша мекенім, Нұр-Сұлтан мәңгілік мекенім деп айтамын. Жоспарым Нұр-Сұлтан қаласында жұмысқа орналасып, қызмет жолында өзім көрсету, алған білімімді ел игілігі жолында жұмсау.&nbsp;– Туған жерге жиі келесіз бе?– Қазақстанда болғанда жылына екі рет баратынмын. Шет елде оқығалы жылына бір рет жаз мезігілінде бір айға барамын.&nbsp;– Шет елге немесе қзге ұлт өкіліне тұрмысқа шығып жатқан қазақ қыздарына деген көзқарасыңыз…– Оң көзқарастамын. Ең бастысы, адамдар бір-бірін түсініп, бір толқында ойлай алса болғаны. Ұлтта тұрған ештеңе жоқ деген түсініктемін.&nbsp;– Сіздің ойыңызша баланы шет елде оқытудың тиімді тұстары қандай?– Негізі үш пунктті атар едім. Біріншісі, жоғары білім деңгейі, екінші қолжетімді жұмыс тәжірибесі, үшінші жоғары мансаптық өсу. Және де өмірге қажетті барлық сабақты аласыз, үлкен мүмкіндіктерге жол ашылады.&nbsp;– Нені армандайсыз?– Алла жазса, елге оралу, қызметтік жолды Қазақстанда жалғастыру. Бұл менің арманым әрі жоспарым деуге болады.– Парасат сүхбатыңызға рахмет.

Парасат Өмірзақ: Басты мақсатым – Қазақстаныма қызмет ету

<a href="https://kyzylorda-news.kz/">Kyzylorda-news.kz.</a> Терроризм – татулығы мен бірлігі жарасқан мемлекетті күйретуге ықпал ететін бірден-бір жаһандық мәселе. Қазіргі таңда экстремизм мен терроризмнен адамзатқа төнетін қауіп көп.&nbsp; Қазақстан терроризмді болдырмау және алдын алу мақсатында бірнеше заң қабылдады. Атап айтсақ, 1999 жылы 13 шілдеде «Терроризмге қарсы іс-қимыл туралы» және 2005 жылы 18 ақпанда «Экстремизмге қарсы іс-қимыл туралы» заңдары қабылданды. &nbsp;Бұл заңдарда экстремизм мен терроризмнің алдын алу мен оған қарсы іс-қимылдың құқықтық негіздері белгіленген, негізгі ұғымдық анықтамалар мен осы бағыттағы мемлекеттік органдардың құзыреті, сондай-ақ осы саладағы азаматтардың құқықтары мен бостандықтарын қамтамасыз етудің негізгі қағидаттары айқындалған. &nbsp;&nbsp;Осы орайда кеше Жалағаш аудандық «Руханият» орталығының аумағында «Антитеррор – 2023» &nbsp;оқу-тактикалық жаттығуы өтті. Жаттығудың басты мақсаты – қауіп-қатердің, ұрыс алаңына барлау мен бақылау жүргізу жұмыстарымен қатар оқыс оқиғалар мен төтенше жағдайлардың алдын-алу мақсатында дайындықты пысықтау.Оқу-жаттығу барысында құзырлы органдардың оқиғаның алдын алу және салдарымен күресу кезіндегі өзара іс-әрекеттеріне ерекше мән берілді. Шара барысындағы әрекеттерден тұрғындарға үрей туғызбас үшін арнайы дыбыс күшейткіш құралы арқылы &nbsp;түсіндірме жұмыстары жүргізілді.&nbsp;Сондай-ақ өрт сөндіру мен алғашқы көмек көрсету көлігі де көше қиылысына тоқтап, дабыл күтті. Терроризмге қарсы операция екі сағатқа созылды. Жаттығу қорытындысы бойынша арнайы топтың жедел әрекетінің нәтижесінде кепілге алынған азаматтар босатылып, қауіпсіз аймаққа көшірілді. Күдікті тұлғалар дер кезінде түгел құрықталды.Бұл оқу-жаттығу тұрғындарға терроризмнің қауіп-қатерін түсіндірсе, құқық қорғау органы азаматтарына тәжірибелік сабақ болды. Біз Қазақстан азаматы ретінде осы террористік әрекеттердің алдын алуға өз үлесімізді қосуымыз қажет.

«Антитеррор – 2023» оқу-тактикалық жаттығуы өтті

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбек К.Рүстембеков атындағы аудандық жыраулар үйінде Жосалы кенті тұрғындарымен кездесіп, есеп берді. Жиында ел мүддесіне арналған жобалар мен іргелі істерді таныстырып, баяндады.Биыл өңірімізде 79 жоба іске асырылса, олардың қатарында Байқоңыр қаласында салынып жатқан 5 қабатты 5 тұрғын үй құрылысы бар. Сонымен қатар, қаладағы кәріз сулары желісін жаңарту жолға қойылған. Аудан басшысы Ақай ауылындағы салынып жатқан спорт кешені, тұрғындарды аяқ сумен қамтамасыз ету мақсатында аудан бойынша 11 ұңғыма қазу жұмыстары, үш ауылда салынып жатқан су айдау стансасының жаңалануы, Ақай мен Төретам елді мекендерін көгілдір отынмен қамтамасыз ету басты назарда екенін айтты. Елді мекендер көшелерін жөндеу, «Самара-Шымкент» тас жолы бойынан «Ақжар-Көмекбаев» бағытындағы автожолға жөндеу жүргізу, 3 ауылдық округке дәрігерлік амбулатория салу, «Шипагер» емханасын көгілдір отынға қосу, көптің көкейінде жүрген түйткілді мәселенің бірі – автокөлік жүргізушілерінің кенттің екінші бетіне шығуы үшін теміржол өткелін салу жоспарға қойылған. Аудан әкімі Жандос Еркінбек бүгінде аудандық ауруханаға жөндеу жұмыстары жүргізіліп жатқанын айта келе, жуық арада Ақтөбе ауылындағы құс фабрикасы іске қосылатынын жеткізді.<blockquote>«Аудан экономикасын дамытуда көптеген жобалар іске асырылып, ел игілігіне берілуде. Мәселен, жақында Жосалы кентінде көптен күткен денешынықтыру және сауықтыру кешені ғимараты пайдалануға &nbsp;берілді. Енді осындай кешеннің құрылысы Дүр Оңғар мен ІІІ Интернационал ауылында жүргізілмек. Одан бөлек, аудандық ауруханаға компьютерлік томографиялық құрылғысы сатып алынса, «Аңсаған» мүмкіндігі шектеулі балалар қоғамдық бірлестігіне жөндеуден өткізілген ғимарат берілді. Сондай-ақ кент орталығындағы саябақтар мен Аманкелді көшесіне күрделі жөндеу жұмыстары жүргізілуде», – деді аудан басшысы.</blockquote>Есепті кездесуде аудан әкімі Жосалы кенті бойынша да атқарылған жұмыстарды саралады. Биыл «Ауыл ел бесігі» бағдарламасы бойынша кент орталығындағы 15 көшені асфальттауға қаржы бөлінген. Бүгінде Ы.Алтынсарин, Б.Момышұлы, Достық, Жангелдин, М.Мәметова, Бәйтереков, Әлібай ахун, Ә.Молдағұлова, Ө.Айсауытов, Жамбыл көшелеріне жарияланған ашық конкурс бойынша «Нур-Бестстройсервис» мекемесі жеңімпаз деп танылып, келісім-шарт жасалып отыр. Ал Тырнақбаев, Сәтпаев, Батыс, Сәрке батыр көшелері мен Батыс тұйығын жөндеуге мемлекеттік сатып алу басқармасына жолданған.&nbsp; &nbsp;қатар, Келменбет батыр, Ү.Томанов, Нақыпов, Қабылан батыр, Қаракөзов, Әлиасқаров, Шыңғысов, Береке, Ысқақов көшелерін күрделі жөндеуден өткізуге жоба сметалық құжаты әзірленіп, оны сараптамадан өткізу үшін аудандық бюджеттен қаржы бөлінген. Сырлытам, Есетұлы, Сырдария, Ақмаржан, Меңей батыр, Тоғанас батыр, Кішенов, Әділова, Мүсіркегенов, Көбеев, Сейфуллин, Шегебаев, Тәуелсіздік, Алтынсарин, Ізтілеуов көшелерін де орташа жөндеуден өткізу жоспарланған болса, М.Әуезов, Сейтжан ахун, М.Шоқай, Байзақтегі көшелерінің жаяу жүргінші жолын салуға қаржы бөлініп, жұмыстар атқарылуда.&nbsp; Қазіргі таңда, Жосалы кентіндегі 137 көшенің 62 көшесіне түнгі жарық жүргізілген. Биыл 12 жоба бойынша тағы жарықтандыруға қаржы бөлініп, мемлекеттік сатып алу жұмыстары жүргізілуде. Оның ішінде, Тырнақбаев, Ысқақов, Рүстембеков, Ораз ахун, Нәметша, Мұратбаев, Жанәділов, Құдабаев, Қайырбекұлы, Жаназаров көшелері жаңадан жарықтандырылады.&nbsp;Сонымен қатар, М.Шоқай, Ү.Томанов, Мүсірбаев көшелерінің ескі жарықтандыру тіректерінің орнына металл тіректі 100 Вт жарықдиодты шамдар орнатылмақ. Ал, М.Шоқай, Ү.Томанов, Мүсірбаев көшелерінен шыққан ескі жарық бағаналар бұған дейін жарты бөлігіне түнгі жарық жүргізілген М.Әуезов, Ө.Айсауытов, Б.Момышұлы көшелеріне қойылады.<blockquote>«Кентті абаттандыру мен құрылыс саласында да біршама жұмыстар атқарылды. Кент тұрғындарын аяқ сумен қамтамасыз етуде Шығыс каналын абаттандыруға қаржы бөлініп, жұмысы толығымен аяқталды. Жосалы кенті әкімшілігінің ғимаратына ағымдағы жөндеу жұмыстары жүргізілуде. Сонымен бірге, тұрғындардың сұранысына сәйкес, Қайнарбаев көшесінің электр қуатын күшейту мақсатында қосалқы «КТПН 250» кВа трансформаторын сатып алуға күш салудамыз», – деді аудан әкімі Жандос Еркінбек.</blockquote>Тағы бір айта кетерлік жайт, кент көшелеріндегі және тұрғындар ауласындағы бақшалықтарын аяқ сумен қамтамасыз етуге, нақтысын айтқанда Батыс, Шығыс, Ғ.Мұратбаев, Рысқұлов, Аманкелді көшелері бойынша аяқ су беріліп отыр. Шығыс-Мырзағалиева, Нұртай-Ораз ахун, Сегізов-Ізтілеуов көшелерінің қиылысына және «Қазақ хандығы» аллеясына техникалық су ұңғымасын қазу жұмысы жүргізілуде.&nbsp;«Тазалық – басты байлық» дегендей, қазіргі таңда Жосалы кенті бойынша 33 бейнебақылау камерасы жұмыс істейді. Жыл басынан бері кент көшелеріне, саябақтарға, басқа да қоғамдық орындарға қоқыс тастаған 71 азаматқа Қазақстан Республикасының әкімшілік құқық бұзушылық туралы Кодексінің 434-2 бабымен 1 млн 225 мың теңге, 408-бапқа сәйкес ауыл шаруашылығы жануарларын жаю қағидаларын бұзған 10 азаматқа 61 426,5 мың теңге айыппұл салынған. Ал, 505-бабы бойынша ортақ пайдаланатын орындарда құрылыс материалдарын сақтаған 138 азаматқа ескерту берілді. Жосалы кентінің тазалығына жауапты ақылы қоғамдық жұмысқа қабылданған жұмысшылар күнделікті өздеріне бекітілген аймақтарында тазалық жұмыстарын жүргізуде. Олардың еңбегін бағалау кент тұрғындарының басты парызы десек артық айтқандық емес.Көктемгі көркейту-көгалдандыру, санитарлық тазалық &nbsp;айлығында 8000 метр шарбақ сырланып, 5000 ағаш түбі, 20 шақырым жиек тастар әктелініп отыр. Тазалық айлығында 1000 түп көшет отырғызылса, 32 шақырым аяқ су арығы қоқыстан тазартылған. Сонымен қатар, кентте кәсіпкерлік саласын дамыту бойынша есепті кезеңде аудандық Кірістер басқармасына тіркелген 1855 кәсіпкердің 1719-ы жұмыс істейді. 2023 жылы мемлекеттік «Іскер», «Бизнестің Жол картасы – 2025» бағдарламалары арқылы 32 жоба қаржыландырылып, 19 жобаға қайтарымсыз грант тағайындалған. Кент бойынша 3 шағын цех ашылса, «Ауыл аманаты» жобасы бойынша 32 азамат несие алуға ниет білдіріп отыр.Жиын соңында кент тұрғындары Әлдебай Бөгетов, Бақыткүл Маханова көшеге жөндеу жүргізу, жарықтандыру, көше жанындағы аяқ суға арналған каналға жаяу жүргінші өткелін салу мәселесін көтерсе, аудан әкімі оның алдағы уақытта шешімін табатынын айтты.

Биыл Жосалы кентінде 3 шағын цех ашылған

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда облыстық филиалының төрағасы Наурызбай Байқадамов облыстық Партиялық бақылау комиссиясы және жауапты басқарма өкілдерімен бірге Арал ауданында болып, партияның сайлауалды бағдарламасы аясында Жол картасына енгізілген құрылыс нысандарына мониторинг жұмыстарын жүргізді.Партия филиалының төрағасы жұмысты Жақсықылыш елді мекеніндегі дене шынықтыру және сауықтыру кешенінен бастады.Бұл нысан құрылысын «Системы безопасности-НС» ЖШС мердігер мекемесі бастап жүргізіп, құрылысты аяқтамай тастап кеткен болатын. Қазіргі таңда кешеннің құрылысын жаңа мердігер «Өмірзақ» ЖШС жалғастыруда. Құрылыс-монтаждауды жүргізу мерзімі 15.07.2020 - 15.01.2021ж. 90% пайыз құрылыс жұмыстары аяқталып, осы жылдың маусым айында нысанды іске қосу жоспарланып отыр.Мұнан соң партиялық бақылау жұмыстары Тоқабай елді мекеніндегі 140 орындық №248 орта мектепте жалғасты. Аталған нысан салынып, 2015 жылы пайдалануға берілген. Алайда, 2016 жылы мектептің 1 қабатының спорт залы, бастауыш сыныбы, 2-қабаттың залы, шет тілі, тарих кабинеті, кітапхананың қабырғаларына жарық түскені анықталып, арнайы жұмыс комиссиясы құрылған болатын. Комиссияның шешімімен анықталған ақауларды қайта қалпына келтіру және жою мердігер мекеме «Өмірзақ» ЖШС-ға тапсырылған. Бүгінде «Өмірзақ» ЖШС-і аталған мектептің ғимаратын демонтаждап, қайта қалпына келтіру жұмыстарын жүргізуде. Партиялық бақылау барысында құрылыс материалдарының уақытында келмеуі салдарынан жұмыс күші аз және құрылыс жұмыстарының баяу жүріп жатқандығы анықталды.Партия филиалының төрағасы құрылысты жүргізіп жатқан мердігерлерге құрылыстың сапалы жасалып, уақытылы аяқталуын, өз жұмыстарына жауапкершілікпен қарауды қатаң тапсырды.Аудандағы партиялық бақылау жұмыстары аясында партия филиалының төрағасы Қамыстыбас елді мекенінде орналасқан апаттық жағдайдағы №21 орта мектеп ғимараты және дене шынықтыру мен сауықтыру кешені құрылысы, Аманөткел ауылдық округінде «Ауыл – ел бесігі» бағдарламасы аясында ауылішілік ішкі жолдар құрылысы, Бөген – Ақлақ, Қаратерең - Жаңақұрылыс аудандық маңызы бар автомобиль жолдарының орташа жөндеу жұмыстарымен танысты.Мәселен, Қамыстыбас елді мекенінде орналасқан апаттық жағдайдағы №21 білім ордасының жаңа ғимараты қосымша құрылыс негізінде салынып, 2001 жылы пайдалануға берілген. Алайда мәселені шешуде ешқандай септігі тимей отыр. Тұрғындардың айтуынша мектепте 448-ге жуық оқушы білім алады. Осының барлығына 7 оқу кабинеті ғана қарастырылған. Бір бөлмеде бірнеше сынып отырады. Бастауыш сыныптар кезінде асар әдісімен салынған, оқушылар заман талабына мүлдем сәйкес келмейтін ескі ғимаратта оқуға мәжбүр. Қабырғалары жылу ұстамайтын бөлмелерде балалар қыс мезгілінде тоңып отырады. Сондықтан жаңа мектеп салынса,- дейді олар.Ал спорт кешенін шарт бойынша 2021 жылы тапсыру белгіленген. Алайда, мердігер тарапынан шарт талаптары сақталмаған. Сонымен қатар, ҚМЖ бойынша асфальт төсеу, көгалдандыру жұмыстары орындалмаған. Осыған сәйкес, мердігерді жосықсыз өнім беруші деп тану туралы Қызылорда облысының ауданаралық экономикалық сотына талап арыз беріліп, соттың шешімімен «Диас-Құрылыс РГ» ЖШС-ға жұмыстарды шартқа сәйкес толығымен орындап аяқтау міндеттелген. Қазіргі таңда құрылыс жұмыстары жүргізілуде. Биылғы жаңа оқу жылына дейін пайдалануға беріледі деп күтілуде.Жол сапасын қадағалау барысында мердігерлер партия филиалының басшылығына Бөген – Ақлақ бағытындағы жолды 15 шілдеге, Қаратерең – Жаңақұрылыс автомобиль жолдарының орташа жөндеу жұмыстарын 15 тамызға дейін сапалы және уақытылы аяқтауға уәде берді.Партия филиалының төрағасы Наурызбай Байқадамов құрылыс жұмыстарына бөлінген әрбір тиынның сұрауы бар. Сапалы жұмыс біріншіден жергілікті халық, өзіміз және болашағымыз үшін қажет десек екіншіден, мердігер мекеме үшін абырой және табыс екенін атап өтті.

Әлеуметтік нысандарға партиялық бақылау жасалды

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетовтың ауылдардағы жұмыс сапары жалғасуда. Бүгін аудан басшысы Қосжар елді мекеніндегі жаңа жобалармен танысып, тұрғындармен кездесті.Іс-сапар Қосжар ауылдық округі маңындағы Майшығыр өңірінен бастау алды. Мұнда ауыл тұрғыны Жансерік Сқақов жалпы көлемі 12 гектар жерге егін еккен. Оның 1 гектары картоп болса, 1 гектарына қауын-қарбыз өсіруде.Мұнан соң аудан әкімі Елтай Төрехановтың заманауи тәсілдерді ұштастыра отырып, тамшылатып суару әдісімен өсірген егін алқабымен танысты. Онда жеке кәсіпкер 0,5 га асқабақ, 2 га қияр, 1,5 га қызанақ, 4 га қауын және 10 гектар аумаққа қарбыз еккен. Диханның айтуынша қияр мен қызанақ бір-екі апта көлемінде аудан орталығы мен көршілес ауылдарға сату көзделуде. Мақсат тұрғындарды төмен бағада азық-түлікпен қамту.Өз кезегінде аудан әкімі диханшылықты кәсіп еткен қос шаруаға ризашылығын білдіріп, ауданды жергілікті өніммен қамту саясатын ұстанған азаматтарға алғысын білдірді.Қосжар ауылындағы сапар онан әрі тұрғындар кездесуімен жалғанды. Онда Серік Сағитжанұлы ауданда іске асырылып жатқан тың жобаларды тілге тиек етті.<blockquote>«Бүгінде аудан бюджеті 4,5 млрд. теңгеге өсіп, 18,5 млрд. теңгеге жетті. Тиісінше өңірде іске асырылып жатқан жобаларда жетерлік. Бүгінде бюджеттің 65 пайызы жол-құрылысы саласына бөлінуде. Ондағы мақсат аудандағы жақсы және қанағаттанарлық жағдайдағы жолдардың үлес салмағын арттыру, тұрғындарға қолайлы жағдай жасау. Тағы бір ерекше тоқталатын жәйт, аудан орталығындағы тұрғындардың жер кезегін азайту мақсатында инфрақұрылым жүргізу жұмыстары да қарқынды жүруде. Нәтижесінде 2008 жылдан бастап 2011 жылдар аралығында кезекте тұрған 1191 азаматтың өтінішін қанағаттандыратын боламыз.Облыс әкімінің ауданды ішкі өніммен қамтамасыз ету бойынша берілген тапсырмасы өңірде сәтті жүзеге асуда. Өткен жылы 704,2 гектарға егін ексек биыл бұл көрсеткішті 1500 гектарға дейін ұлғайттық. Соған сәйкес аудандағы азық-түлік бағасын тежеуге мүмкіндік туды.Әлеуметтік салада да оң өзгеріс бар. Биыл Бөген мен Қызылжар ауылдарында дәрігерлік амбулаторияның құрылысы басталады. «Жайлы мектеп» бағдарламасы аясында айдынды өлкеде осы жылы екі оқу ордасы салынатын болса, келер жылы тағы екі білім ұясы бой көтермек. Мұнан бөлек, 2025 жылға дейін өңірімізде 10 жаңа білім ордасы тұрғызылатын болады»,-дейді аудан әкімі.</blockquote>Тұрғындар ауданда жасалынып жатқан жұмыстарға жоғары бағасын беріп, барлық бастамаларға қолдау білдіретіндіктерін жеткізді.Елдімекендегі жұмыс сапары «Қамыстыбас» балық өсіру питомнигінде жалғасты. Бүгінде бұл орталық балық ассортиментін кеңейтуді қолға алған. Қазіргі уақытта теңіз бен көлдерде балық санын арттыру бойынша да жұмыстар жүргізуде. Ерекше жаңалық биылдан бастап питомник қаяз балығын өсірудің тың әрі жаңашыл тұсын ойлап тапқан. Балықтың уылдырығынан дернәсілдер арқылы көбейтуді ғылыми тұрғыда жетілдіру үстінде. Аудан әкімі орталықтың ғылыми тәсілдер арқылы жүзеге асырып жатқан бастамаларына сәттілік тіледі.<figure class="image"><img src="https://knadmin.beoblood.kz/uploads/352481570_794918022141256_529460397190517265_n_e2a3ab7282.jpg" alt="352481570_794918022141256_529460397190517265_n.jpg"></figure>&nbsp;<figure class="image"><img src="https://knadmin.beoblood.kz/uploads/352479401_277161138112580_493187238576927556_n_e1caf17cd7.jpg" alt="352479401_277161138112580_493187238576927556_n.jpg"></figure>

 Аралдық кәсіпкер тамшылатып суару әдісімен 12 гектар жерге егін екті 

<a href="https://kyzylorda-news.kz/">Kyzylorda-news.kz.</a> Аудан әкімінің бүгінгі сапары Жетес би ауылдық округінде жалғасты. Алдымен аудан басшысы демеушілік есебінен салынған кіре-беріс қақпаны көрді. Ауылдың ажарын ашып тұрған нысанды Райымдық Әліби Олжабаев, Қыдырбек Керімов пен Нұрбол Жолмырзаев өз қаражаты есебінен тұрғызған. Нысанның жалпы құны 1 млн. теңгені құрайды. Аудан әкімі ауылдың жанашыр азаматтарына ел үшін жасап жатқан қызметтеріне алғысын білдірді.Мұнан соң жұмыс сапар «Райым» көлінің жиегінде орналасқан егістік алқабында жалғасты. Мұнда ауыл тұрғыны Әлиев Нұрлан өз отбасымен бірге 1 гектар аумаққа түрлі бау-бақша мен егін дақылдарын орналастырған. Жақын арада алғашқы жемісін алмақ.Мұнан соң, Серік Сағитжанұлы «Алижан» ЖШС-нің балық қабылдау және өңдеу цехінің бүгінгі жұмыс барысымен танысты. Аудан басшысы жаңадан ашылған балық цехының жергілікті өніммен қамтамасыз етуде және тұрғындарды жаңа жұмыс орнымен қамтуда маңызы зор екеніне тоқталып, кәсіпкерге сәттілік тіледі.Ауыл халқымен кездесу Жайдарлы Шаниязованың “Қожабай-Темірбай” саябағында өтті. Жеке инвестор өз қаражаты есебінен табиғат аясындағы демалыс орталығын іске қосуда. Жиында ауыл азаматтары толғандырған мәселелерді ортаға салып, талап-тілектерін жеткізді.Тұрғындардың округ орталығы Райым елдімекенінің ішкі жолдарына асфальт төсеу және Ескіұра ауылының электр желілерін жаңарту туралы тілегіне аудан басшысы бүгінде өңірімізде бірінші кезектегі әлеуметтік мәселелерге ден қойылғанын жеткізді.<blockquote>«Қазірде өңірде тозығы жеткен электр желілері 80 пайызға жуықтап отыр. Бұл үшін біз алдымен бірінші кезекте электр бағаналарын ауыстыруды қажет ететін 6 елдімекенді іріктеп, жобасын дайындадық. Келесі жылы қаржыландыру үшін тиісті жұмыстар жасалатын болады. Сіздердің сұраныстарыңызға сәйкес жоба дайындау үшін жауапты сала басшыларына тапсырма беріледі. Өңірлердегі үш ауысымды және аппатты мектептерді жою мақсатында ауданымызда 2025 жылдың соңына дейін 10 мектептің құрылысы жүргізілетін болса, олардың ішінде Сіздердің ауылдарыңыз да жобаға енгізілген» - деп, алдағы жобаларға да тоқталды аудан әкімі.</blockquote>Кездесуден соң, ауыл тұрғындары барша игі істерге қолдау білдіріп, ризашылықтарын жеткізді.

Қазақстан және Қызылорда облысының жаңалықтары