<a href="https://kyzylorda-news.kz/">Kyzylorda-news.kz.</a>&nbsp; Көптен күткен уақыт – бұл жазғы демалыс. Барлығымыз ұшақтың жайлы креслосына отырып, жаңа әсер алу үшін жылы елдерге баруды асыға күтеміз. Бірақ қарбалас пен эмоциялардың көптігіне байланысты қаржылық алаяқтықтың құрбаны болмау үшін сақтық шараларын ұмытпаған жөн. &nbsp;Қаржылық алаяқтардың шабуылдары шетелде демалуды жоспарлағандардың демалысын бұзбас үшін Fingramota.kz оларға арнап жадынама жасады.&nbsp;Демалысты жоспарлау кезінде біз ресми туристік агенттіктен барлық шығындар кіретін ыңғайлы турды таңдай аламыз: ұшу, тұру, сақтандыру, гид немесе сапарды интернет арқылы өзіміз ұйымдастырамыз. Алайда туристік елдерде шетелдіктер көбінесе алаяқтардың құрбаны болатынын есте ұстаған жөн. Өздігінен саяхаттайтын туристер тап болуы мүмкін алаяқтықтың негізгі түрлерін қарастырайық.Авиабилеттерді сатып алу кезіндегі алаяқтықАлаяқтар фишингтік сайтты жасайды, яғни кез-келген танымал веб-ресурсты толығымен қайталайтын сайт және үлкен жеңілдікпен броньдау туралы хабарландыру орналастырады. Сенімдірек болу үшін бағыттың түбіртегі поштаңызға да келуі мүмкін. Тиімді ұсыныстарға ұмтылу кезінде азаматтар қырағылығын жоғалтады және осындай сайтқа өз деректерін, әсіресе карта деректемелерін енгізеді, оларды кибершабуылдарға береді, содан кейін бірнеше минут ішінде олардың банктік шотын нөлге айналдырады.Аса әккі алаяқтар нағыз билеттің өзін сатады және оны сіз тексергеннен кейін бірден жояды, себебі билеттің түпнұсқалығына екі рет көз жеткізу ешкімнің ойына келмейді ғой. Билеттің жарамды екеніне көз жеткізу үшін авиакомпанияға қоңырау шалу қажет.Қонақ үйді брондау кезіндегі алаяқтықЖиі жағдайда алаяқтар өздерінің сату арналарының бар екені туралы жалған ақпарат таратып, турлар сатып алу, төмен бағада жалдау туралы ұсыныстар жасай отырып, әлеуетті сатып алушыларды әлеуметтік желілердегі жалған аккаунттар арқылы тартады. Бір қарағанда барлығы шынайы сияқты көрінеді және күдік тудырмайды. Төлем жасауға арналған сілтемелер танымал туристік агенттіктердің атынан келеді, алайда төлем жасағаннан кейін картадан ақша есептен шығарылып, ал жауап ретінде техникалық ақау туралы хабарлама келеді.Сондай-ақ, көбінесе саяхатшылар қонақ үйлерді &nbsp;Airbnb немесе Booking.com жалдамалы баспана мен қонақ үйлердің агрегаторлары арқылы өздері брондап жатады. Әрине, әрбір адам жақсы жерді брондағысы келеді, бірақ көп қаражат жұмсағысы келмейді. Алайда өзіңіздің бірдейлендіру жөніндегі деректеріңізді енгізуден бұрын әрдайым мекенжай жолын мұқият тексеріңіз – сіз өзіңіз ойлаған сайттан басқа сайтқы кірген болуыңыз мүмкін. URL-мекенжайдың жазылуына мән беріңіз, ол HTTPS-тан басталуы тиіс және сол жағында жабық құлпының суреті болу керек. Жақсы жазылған пікірлерге сенбеңіз – олар да сенімді саяхатшыларды алдау тәсілі болуы мүмкін. &nbsp; &nbsp; &nbsp;Мына сілтеме бойынша Қазақстан туристік қауымдастығының (ҚТҚ) сайтында туристік фирма лицензиясының нөмірін тексеріп алу да артық етпейді: https://kaztour-association.com/o-nas/nashi-proekty/ob-ert-rk/chleny-ert-rk/.Валюта айырбастау пункттеріндегі алаяқтықСаяхаттың алдында теңгені өзіңіз баратын елдің валютасына айырбастап алыңыз, бұл ретте ұсақ купюралар түрінде айырбастаған жөн. &nbsp;Егер сіз мұны алдын ала жасап үлгермесңіз, онда елге келгеннен кейін онда бағам аса тиімді болмайтын туристік орындар, вокзалдар, әуежайлардан алыс жерлерде орналасқан банктерден немесе ресми пункттерден валюта сатып алыңыз. Айырбастаудың алдында валюталар таблосындағы ағымдағы бағамды және өзіңзідің қанша ақша ала алатыныңызды міндетті түрде тексеріңіз.Саяхатшылар такси жүргізушілеріне сеніп қалып, көбіне бірінші болып ұсынылған айырбастау бекеттеріне баруы мүмкін. Күмән тудыратын айырбастау бекеттеріне бармауға тырысыңыз. Рұқсат құжаттары немесе лицензиясы жоқ алаяқтар бұған дейін операциялық касса жұмыс істеген үй-жайды жалға алып, жалған айырбастау бекеттерін ашып жатады. Операция жүргізетін «қызметкер» валюта айырбастау кезінде ақшаны алғаннан кейін купюроны қайта санау үшін қажет деп түсіндіріп, бір кассаны жауып, үй-жайдан қосалқы есік арқылы шығып кетуі мүмкін.Қоғамдық Wi-Fi және жанаспа төлемді пайдалану кезіндегі алаяқтықИнтернетте ақша операцияларын жүзеге асыру кезінде өз құрылғыңызды пайдаланып, қоғамдық компьютерлерге деректерді енгізбегеніңіз дұрыс. Кибералаяқтар үшін мұндай желі арқылы деректерді «қағып» алу ешқандай қиындық тудырмайды.Бүгінгі күні смартфондар мен планшеттерді, сондай-ақ фитнес-білезіктерді пайдаланушылардың арасында NFC технологиясының танымалдылығы жоғары. NFC технологиясы бар смартфондарға банктік шотты немесе кредиттік картаны байлауға болады, бұл қаскүнемдерді одан сайын қызықтыра түседі. Киберқылмыскерлер пайдаланушылардың ақша қаражатын ұрлау үшін NFC осалдылығын пайдалана отырып, азаматтардың шоттарындағы ақшаны ұрлайды. «Bump and infect» әдісін көбіне сауда орталықтары, супермаркеттер, әуежайлар, кафе және т.б. сияқты орындарда пайдаланып жатады.Шетелге шығатын бөлек – виртуалды немесе цифрлық карта ашыңыз. Оны өз мобильді банкингіңіз арқылы қажеттілігіне қарай басқа шоттан толтырыңыз. Оны мейманханаларға бронь қою үшін пайдаланып, мейрамханалар мен дүкендерде төлеңіз немесе интернетте сауданы тек осы карта арқылы жасаңыз. Өз шотыңыз бойынша операцияларды қадағалау үшін картаңызға SMS немесе push-хабарламаны қостырыңыз. Электрондық поштаңызға туристік оператордан немесе мейманханадан деген атаумен SMS немесе хабар түрінде келіп түсуі мүмкін күмәнді сілтемелер арқылы өтпеңіз.Саяхатыңыз қауіпсіз болсын. Қаржылық сауаттылығыңызды Fingramota.kz сайтымен бірге арттыруды ұмытпаңыз!&nbsp;

Қауіпсіз саяхат: демалыс кезінде алаяқтардың қармағына қалай түспеуге болады 

<a href="https://kyzylorda-news.kz/ru">Kyzylorda-news.kz.</a> Биыл Қазақстан Республикасының Тәуелсіздігіне отыз екі жыл толады. Әрине, тарлан тарих үшін бұл қас-қағым сәт болғанымен, үш ғасырға жуық бодандық езгісінде болған халқымыз үшін егемендік жылдары жаңа кезең, жаңа дәуір саналады. Осы тұста Шиелінің тәуелсіздік жылдарындағы табысты қадамдарына тоқталғанды жөн көрдік. Ауданның тәуелсіздік жылдарындағы жетістіктері жетерлік. Алғашқы қадам өзге өңірлермен бірдей Шиеліде де мемлекеттік құрылымдардың жаңғыруымен басталды.Тәуелсіздік алғаннан сәттен бастап еліміз бұрын-соңды болмаған қарқынмен өзгеріске бет алды. Соның бірі қала, аудан, елді мекен, көше аттарын өзгерту еді. 1992 жылы Шиелінің орталығындағы Пушкин көшесі де «Желтоқсан» болып өзгертілді. Ал 1994 жылы Жөлек ауылындағы мектеп пен №6 кен кентіндегі орталық көшеге Шахмардан Есеновтың есімін беру туралы шешім шығарылды. Артынша шаруашылықтардан келіп түскен талап бойынша «Авангард» – «Ақмая», «Гигант» – «Бидайкөл», «Шиелі» кеңшары – «Алмалы» кеңшары болып өзгертілді. Содан беріде кент пен ауылдардағы көше атаулары түгелдей жаңартылып, қаншама білім ордаларына қазақтың қайраткер тұлғаларының есімдері берілді.Егемендікке қол жеткізген соң ерекше назар аударыла бастаған саланың бірі – білім ордалары мен рухани орындар болатын. Мәселен 1993 жылы Алғабас ауылының ұстаздары мен оқушылары 624 орындық су жаңа мектепте жаңа оқу жылын бастады. 2005 жылы Бала биде &nbsp;900 орындық, 2014 жылы кентте жаңадан соғылған №270 мектепке Ғ.Мұхамеджановтың есімі берілді. 2016 жылы Ә.Тәжібаев ауылында №214 мектептің жаңа ғимараты пайдалануға берілді. Одан өзге де кент пен ауылдардағы мектептер түгелдей дерлік заманауи үлгіде қайта салынып, күрделі жөндеуден өткізілді. 1999 жылы Қызылдиқанда Нұрсейіт мешіті, 2000 жылы Досбол би ауылында Оспан Ата мешіті, 2008 жылы Ш.Қодаманов ауылында, 2015 жылы Қызылқайыңда жаңадан Алланың үйі салынып, халықтың игілігіне табысталды. 2016 жылы кентте «Шиелі ауданының Құрметті азаматтары» аллеясы ашылып, «Ардагер үйі» бой көтерді.Ал өңірдегі кәсіпкерлік саласы тек 2000 жылдардан кейін ғана қарқын ала бастады. Тәуелсіздіктің алғашқы онжылдығында Телікөл кеңшарындағы құрылыс цехының ағаш ұсталары бесік, киім ілгіш жасауды қолға алғандығы жайлы ғана мәлімет бар. 2004 жылы Көкшоқы елді мекенінде полиметалл зауыты іске қосылып, жұмыс істей бастады. Сондай-ақ осы жылы «Казтекинвест» мекемесі Қарамұрын жерінен алтын өндіруді жүзеге асыра бастаған. Дәл осы уақытта Шиеліден «Сыр суы» сусыны шығарыла бастады.Ауданда болған тарихи оқиғаның бірі – 2009 жылы бизнестің әлеуметтік жауапкершілігін арттыру жөнінде өткен ауқымды форум еді. Оған Қазақстан Республикасының Премьер-Министрі арнайы келіп қатысты. Дәл осы жылы «Шиелі Тас Оңтүстік» ЖШС «Қиыршық тас өңдеу» зауыты құрылып, жұмысын бастады. Араға бір жыл салып Еуропаның Монако қаласында өткен ірі кәсіпкерлердің дүниежүзілік форумында Шиелідегі «Арғымақ» ЖШС директоры Оразәлі Байділда жоғары бизнес және басқару институтының алтын медалімен марапатталды.2015 жылы тәуелсіздік жылдарында аудандағы алғашқы жылыжай «Мөлдір және компанияның» бастамасымен іске қосылды. Алғашқыда 1500 түп көшет отырғызылды. Кейін бұл кәсіпорынның ауқымы кеңейіп, өзге де ауыл шаруашылығы өнімдерін шығара бастады. Бүгінде аудан экономикасының дамуына елеулі үлес қосып отырған кәсіпкерлік нысанның біріне айналған.2016 жылы индустриалық аймақтағы жұмыстарды жандандыру мақсатында «Дапакс» корпорациясы» ЖШС жобалық құны 64 млрд теңге болатын цемент зауыты құрылысын бастады. Жылына 1 млн тонна тампонажды цемент өндіретін кәсіпорын араға 2 жыл салып іске қосылды. Тура бір жылдан соң «Шиелі-Жолшы» ЖШС темір-бетон және асфальт-бетон өнімдерін өндіру зауыты өз жұмысын бастады.Сонымен қатар 2019 жылы «Таң ЛТД» ЖШС жобалық құны 397 млн теңгені құрайтын «Күріш және құрама жем өндірісі» жобасына 5 000 га жер телімі егіндік мақсатта табысталып, алғашқыда 1000 га жерге жоңышқа және мақсары дақылдары егілді. Одан бөлек Шиелі кенті орталығынан аумағы 8 гектар болатын өндірістік база мен «КазАгроФинанс» АҚ арқылы 5 дана ауыл шаруашылық техникалары сатып алынып, өндірістік базаны қалпына келтіру жұмыстары жүргізілді. Құрама жем өндірісіне қажетті заманауи жабдықтар сатып алынды. Мұндай ірі өндіріс орындарынан бөлек соңғы бесжылдықта шағын кәсіпкерлік бұрын-соңды болмаған жылдамдықпен дамыды. Әсіресе жұмыссыз жандарға мемлекеттен қайтарымсыз қаржы алып, өз ісін дөңгелетуге жағдай жасалды. Бұл елде қабылданған «Жаппай кәсіпкерлікті дамыту», «Бизнестің жол картасы» секілді нәтижелі жобалар жемісі деп есептеуге болады.Әрине, қай елде, қай жерде болмасын өңірдің ахуалы тұрғындардың әлеуметтік жағдайымен қатар, құрылыс нысандарының бет-бейнесінен аңғарылатыны анық. Бұл ретте де Шиелінің жетістігі жетерлік. Әрине тәуелсіздікке қол жеткізген алғашқы жылдары әлеуметтік нысандарды көптеп салуға мүмкіндік бола қойған жоқ. Әйтсе де әлеуметтік-экономикалық ахуал тұрақтанған соңғы бесжылдықта жаңа жаппай спорттық, дәрігерлік нысандарды салу жұмыстары қарқынды қолға алынды. Мәселен 2017 жылы Қызылқайыңда медициналық пункт, Ортақшылда әкімдік ғимараты жаңадан салынды. Сондай-ақ 2018 жылы мемлекеттік-жекешелік әріптестік аясында салынған Алғабас елді мекеніндегі «БЕТА-К» ЖШС 116 млн 360 мың теңге, Ақмая елді мекенінде жеке кәсіпкер С.Жұмбеков 65 млн 368 мың теңге тұратын дене шынықтыру-сауықтыру кешеніндері ашылған болатын. Мұндай кешен Еңбекшіде де бой көтерді. Дәл осы жылы мемлекеттік-жекешелік әріптестік аясында Төңкеріс елді мекенінде жобалық құны 97 млн 300 мың теңгенің, Бестам елді мекенінде жобалық құны 42 млн теңгенің жабық спорт кешендері де пайдалануға берілді. Бидайкөл елді мекенінде «Бастау» жабық жүзу бассейні іске қосылды.2019 жылы Н.Бекежанов пен Жөлек ауылдарынан дәрігерлік амбулатория мен дене шынықтыру-сауықтыру ғимаратын салу жұмыстары іске асты. Сондай-ақ Шиелі кентінен жобалық құны 135 млн теңге болатын жабық жүзу бассейінін салу жобасының құжаттары әзірленіп, құрылыс жұмыстары жүргізілді. Өткен жылы «Балалар жылы» аясында барлық ауылдар мен кенттің бірнеше жерінде балалар ойын алаңдары пайдалануға берілді.Аудан тұрғындарының негізгі күнкөріс көзі саналатын ауыл шаруашылық саласында да жүйелі өсім байқалады. Мәселен, 1999 жылы аудандағы жалпы егіс көлемі 28 мың гектарды құрап, оның 8 мың гектарына күріш егілсе, биыл 30 074,4 гектар егіс алқабының 10 750 гектары негізгі дақылға тиесілі болып отыр.Жалпы соңғы отыз жылда аудан көлемінде атқарылған ауқымды жобалар да, жүзеге асқан нәтижелі бастамалар да жетерлік. Біз тек Тәуелсіздік күні қарсаңында еске түсіру үшін бір шолып өттік. Алдағы уақытта да ауданның әлеуметтік-экономикалық, рухани қазынасын байытатын жүйелі істердің жалғаса беретініне сенім мол. Бастысы, бейбітшілігіміз баянды, тәуелсіздігіміз мәңгілік болсын!

Тәуелсіздік жылдарындағы Шиелі

<a href="https://kyzylorda-news.kz/ru">Kyzylorda-news.kz.</a> Түркия десе біздің көз алдымызға теңіздің жағасы, махаббатқа толы сериалдары, құлақтан кіріп бойды алатын әндері елестейтіні рас. Сондай-ақ тілі мен түрі бір түріктерді танымал тәттілерінсіз елес¬тету мүмкін емес. Әсіресе, бүкіл әлем халқы олардың баклавасын бүгінде сүйікті асына айналдырған. Иә, сол баклаваны сүйсініп жейтіндердің қатарында сіз бен біз де бармыз. Бірақ дәмі тіл үйіретін, нағыз шырынды түрік тәттісінің дәмін татып, сатып алу бүгінде аудан тұрғындары үшін айтарлықтай оңайға соғып тұрған жоқ. Себебі, Шиеліден шын баклаваны табу қиын. Дегенмен, бүгінгі кейіпкеріміз оның оң шешімін тауып, тұрғындарға нағыз баклаваның дәмін таттырып жүр. Тіпті, ол бүгінде көптеген аруларға баклава пісіріп үйретіп, шеберлік сағаттарын өткізуді қолға алған. Ендеше, нәпақасын тәттілерден тауып отырған қарапайым ауыл тұрғыны Айнұр Сейітжанқызы туралы толығырақ тарқатайық!Иә, жоғарыда айтып кеткеніміздей, қазіргі таңда аудан ішінен бұл дәмді десертті табу қиын. Табылды деген күннің өзінде мұндай тәттілер тек дүкендерде болады. Ал оларды нағыз баклава деп айту қиын. Өйткені, шет елден келетін тәттінің осы түрі дүкендерде самсап тұр. Олардың сырт-әлпеті әдемі көрініп, кәдімгі шынайы түріне ұқсағанымен, дәмсіз әрі құрғақ. Дастарханның сәнін келтіреді демесеңіз, дәмдері кәдімгі прәндік пен дәмді бәліштерге ұқсайды. Сондықтан да болар, тұрғындар қорапшадағы мұндай тәттілерді сатып алуға құлықсыз. Ал күні бүгінге дейін жұрт сулы, майлы, хош иісті баклаваларды тек қалалық жерден тапсырыс беріп, сатып алып жүрді. Жасыратыны жоқ. Осы күнге дейін түрік тәттілеріне сұраныс көбейгенімен, оны өзімізден істеп сататындар болған жоқ. Бірақ жуырда ғана Айнұр Сейітжанқызы нағыз баклава десертін ауданға алып келіп, өз кәсібін бастады.Әуелі он саусағынан бал тамған кейіпкерімізбен таныс болайық. Кондитер қыз 1994 жылы Шиелі шаһарында дүние дидарына келген. Кішкентайынан өнер мен тігінге, тәтті пісіруге қызыққан ол бүгінде өз кәсібінің нәсібін көріп отыр. Қазіргі таңда Айнұр аяулы жар, ардақты ана, үлгілі келін. Өзі отбасы ошақ қасында жүрсе де, бүгінде бірнеше саланы меңгерген майталман маман. Ол үйде отырып-ақ табыс тауып, бүгінде көптеген қыз-келіншектерге үлгі болып отыр. Бизнесстің түр-түрін білетін Айнұр ең бірінші кәсібін тігіннен бастап, жаңа үлгідегі сәнді киімдерді, қыз жасауларын, түрлі тұрмыстық заттарды тігіп нәпақасын тапқан. Үй тірлігі мен тігінді қатар алған оның қолынан шыққан бұйымдары бүгінде ел ауызында. Ауыл халқының алғысына бөлене білген тігінші қыз бүгінде жаңа кәсіп бастап, соның игілігін көріп отырған жайы бар. Он саусағынан өнер тамған ару өз бағытын енді баклавала жасаудан тапты. Алғашында тек хобби үшін үй жағдайында түрлі-тәттілер пісіріп бастаған ол, кейіннен әлеуметтік желілер арқылы баклава пісіріп үйренген. Содан соң, осы істі ары қарай дамытып, Астана қаласындағы мықты кондитерлердің бірінен ақылы сабақ алып, нағыз баклава жасау өнерін меңгеріп, арнайы сертификатқа ие болған. Біліктілігін Елордада арттырып келген жерлесіміз бүгінде ауылға келіп, түрік тәттілерінің түр-түрін пісіріп, табыс тауып жүр. Сондай-ақ өзгелерге өз білгенімен бөлісіп, қыздарға арнайы шеберлік сағатын өткізуді жөн санаған. Қарапайым әрі қолжетімді бағада басқаларға кәсіп бастауды үйретіп жүрген оның бүгінде көптеген шәкірттері бар.<blockquote>– Менің есімім – Айнұр. Мен қарапайым ауыл келінімін. Ең біріншіден отбасылық бақытқа бөленіп отырған жанмын. Содан кейін кәсіпкермін. Кәсібімнің өрге домалауы күйеуімнің, ата-енемнің арқасы деп білемін. Себебі, олар мені қашан да қолдап отырады. Осы баклава істеуге қызыққанымда жолдасым мені Астанаға алып барды. Ол кезде мен айы күнім жақындап қалған аяғы ауыр келіншек едім. Соған қарамастан менде тәтті пісіруге деген құлшыныс мықты болды. Сол үшін Астанаға арнайы барып, 200 мың теңгеге осы баклава пісіріп үйрену курсын Айсұлу Жарылқасын есімді мықты шеберден үйреніп келдім. Менде дәл осы тәттілерді пісіріп, кәсіп бастасам екен деген арман болды. Ақыры сол арманымды жүзеге асырдым. Себебі, Шиеліде нағыз түріктің тәттілерін пісіретіндер мүлде жоқ. Сол үшін тәуекелге бел байлап, ең алғашқылардың бірі болып, осы тәтті баклаваларды ауданға алып келдім. Әрине, кәсіп бастау оңай емес. Дегенмен адамда мықты күш-жігер мен ниет болса, оның алмайтын асуы болмайды екен. Қазіргі таңда мен өз үйімнен әр-түрлі тәттілерді пісіріп сатамын. Оларды дүкендерге, мейрамханаларға, асханаларға өткіземін. Менің тәттілерімнің дәмін білгендер қазіргі таңда тұрақты тұтунушыға айналған. Аллаға шүкір, кәсібімнің нәтижесі жаман емес. Көптеген қыздарға өз білгенімді үйретіп, шеберлік сағаттарын да өткізіп отырамын. Менің мақсатым – үйде отырған жұмыссыз қыз-келіншектерге көмектесіп, табыс табуды үйрету, – деді кәсіпкер.</blockquote>

Шиелілік кәсіпкер тәтті сатып табыс табады

<a href="https://kyzylorda-news.kz/">Kyzylorda-news.kz.</a> Жақында тіл жанашырлары құрамында аудандық мәслихат депутаттары Дастан Буханов, Мырзаш Бекбаев, «Қазақ тілі» қоғамы аудандық филиалының төрағасы Гүлжауһар Раева, аудандық Мәдениет және спорт бөлімі өкілдерінен тұратын арнайы топ көрнекті ақпарат өнімдерінің «Қазақстан Республикасындағы тілдер туралы» Қазақстан Республикасы Заңы талабына сәйкес кезекті рейд жасап, мониторинг жүргізді.Мониторингте &nbsp;аудандағы орталық көшелерде орналасқан шағын және орта бизнес субьектілері қамтылды. Шараның негізгі мақсаты – тұрғындарға мемлекеттік тілдің қолданыс аясын кеңейту, тіл заңнамасы талаптарының сақталуы, сапалы қызмет көрсету және көрнекті ақпарат мәтіндерде қателерді болдырмау. Мониторинг барысында орын алған бұзушылықтарды жою бойынша &nbsp;ұсыным-хаттар табысталып, көрнекті ақпарат пен жарнама өнімдерін тіл заңнамасы талабына сәйкес рәсімдеу бойынша түсіндіру жұмыстары жүргізілді. Кейбір сауда орнының маңдайшадағы жазуы өшіп,түсіп қалған. Бұл бойынша меншік иелеріне хабарланды.&nbsp;Батыр Бауыржан Момышұлының «Тіл тазалығы үшін күрес – ешқашан толастамайтын мәңгілік күрес» деген сөзі қашанда әр қазақтың жадында тұруы тиіс. Тіл тазалығын, заңдылығын сақтау бойынша іс-шаралар алдағы уақытта да жүргізіледі. Тілге құрмет жасау баршамыздың міндетіміз екенін ұмытпайық!

Қармақшыда тіл жанашырлары рейд жүргізді

<a href="https://kyzylorda-news.kz/">Kyzylorda-news.kz.</a> Жақында аудандық Төтенше жағдайлар бөлімінің бастығының міндетін атқарушы, азаматтық қорғау подполковнигі Еркін Назарқұлов бұқаралық ақпарат өкілдеріне брифинг өткізді. Онда аудан бойынша шомылуға тыйым салынған аймақтарда 31 қауіпсіздік белгісі мен 12 билборд орнатылғанын мәлімдеді.Сонымен бірге ол қауіпсіздік ережелерін сақтамайтын адамдардың саны артып, кей жағдайда тіпті қайғылы жағдаймен аяқталып жатқанын айтты. Жыл басынан бері Қармақшы ауданы және Байқоңыр қаласындағы су айдындарында 6 оқиға тіркеліп, 7 адам қаза тапқан. Оның ішінде 2-еуі бала.Шомылу маусымы кезінде аудан халқының қауіпсіздігін қамтамасыз ету мақсатында рейдтер мен патрульдер ұйымдастырылып, ауданның су айдындарында 120 рет рейд жүргізіліп, 778 адамға судағы қауіпсіздік шаралары түсіндіріліп, жадынама парақшалары таратылған. Бүгінгі дейін тыйым салынған жерлерде шомылу ережелерін бұзғаны үшін 7 адамға ескерту жасалды. Брифинг барысында тілшілердің қауіпсіздік сақтау туралы өзге де &nbsp;сұрақтарына жауап берді.Сондай-ақ ол аудан тұрғындарынан балаларды су айдыны жағасында қараусыз қалдырмауды, сонымен бірге су айдындарында қауіпсіздік қағидаларын қатаң сақтауларын ескертеді.

Қармақшыда суға шомылғандағы сақтық шаралар ескертілді

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Райым ауылдық округі, Қызылжар елді мекенінде болып, жаңадан салынып жатқан дәрігерлік амбулаторияның құрылысымен танысты. &nbsp;Ауылдықтардың ұзақ жылдан бері көтеріп келе жатқан өзекті деген мәселесі биыл шешімін тапты. Жалпы сомасы 400 млн. теңгеге жуық қаржы құрайтын бұл жоба осы жылдың қазан айында аяқталады деп жоспарлануда. Жаңа үлгідегі замануаи нысан іске қосылғанда &nbsp;мұнда аптекалық бекет, қабылдау және оқшаулау бөлмесі, лабаратория, физиотерапиялық емдеу мен күндізгі емдеу кабинеттері жұмыс істейтін болады. Амбулатория бір мезгілде 20 адамды қабылдап, 14 тұрғынға &nbsp;стационарлық ем қабылдауына лайықталған.Құрылысты &nbsp;«Астана сервис Ltd» жауапкершілігі шектеулі серіктестігі &nbsp;жасауда. &nbsp;Қазіргі уақытта ғимараттың іргетасын қалау жұмыстары жүргізілуде. Аталған ғимараттың құрылысына бірнеше ауыл тұрғындары жұмысқа тартылған. Алдағы уақытта тағы қосымша 10-ға жуық ауыл азаматтары еңбекпен қамтылмақ.&nbsp;Мұнан соң аудан әкімінің жұмыс сапары Бөген ауылдық округінде жалғасты. Елді мекенде типтік жобадағы дәрігерлік амбулаторияның іргетасы қаланып қауырт жұмыс жүруде. 2 мыңға жуық тұрғыны бар ауылға арналған ғимараттың құрылысы қазан айының соңына дейін аяқтау көзделуде. Мердігер мекеме «Аман-Құрылыс» ЖШС-нің мамандары нысанды белгіленген мерзімде аяқтау үшін қажетті қолдаулар бар екендігін жеткізді. &nbsp;&nbsp;Өз кезегінде аудан әкімі Серік Сағитжанұлы халық игілігі үшін салынып жатқан денсаулық нысанының &nbsp;сапалы әрі уақытылы аяқталуы үшін жергілікті әкімдер мен мердігер мекеме бірлесе жұмыс жасау қажеттігін айтты. Сондай-ақ жауапты бөлімге құрылысты орындау барысын ұдайы бақылауда ұстау керектігін тапсырды.<figure class="image"><img src="https://knadmin.beoblood.kz/uploads/01565a5e_0d59_46ea_a030_47a5456e7e76_9c9bb990e1.jpg" alt="01565a5e-0d59-46ea-a030-47a5456e7e76.jpg"></figure>

Арал ауданында дәрігерлік амбулатория құрылысы басталды

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 14 шілде күні Қазақстанда ауа райы қандай болатынын айтты."Қазгидромет" РМК мәліметінше, республиканың басым бөлігінде ауа райы тұрақсыз болады. Жаңбыр жауады, солтүстік-батыста, солтүстікте найзағай ойнап, қатты жаңбыр жауады. Күндіз бұршақ жаууы мүмкін. Тек республиканың оңтүстігі мен шығысында ауа райы жауын-шашынсыз.Синоптиктердің болжауынша, республикада жел күшейеді, елдің оңтүстігінде, оңтүстік-батысында, батысында шаңды дауыл соғады.Астанада көшпелі бұлт шығады. Кей уақытта жаңбыр жауады, найзағай ойнайды, күндіз бұршақ жауады. Оңтүстік-батыстан соғатын желдің екпіні секундына – 9-14 метр, күндіз екпіні секундына – 15-20 метр болады. Ауа температурасы – түнде +21+23°С, күндіз&nbsp;– +30+32°С ыстық.Алматыда көшпелі бұлт шығады, жауын-шашынсыз. Жел екпіні секундына – 0-5 метр. Ауа температурасы түнде – +23+25°С, күндіз&nbsp;– +36+38°С ыстық.Шымкентте көшпелі бұлт шығады, жауын-шашынсыз. Солтүстік-батыстан соғатын желдің екпіні секундына&nbsp;– 8-13, 15-20 метр. Ауа температурасы түнде – +22+24, күндіз&nbsp;– +35+37°C ыстық.

14 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Сексеуіл &nbsp;кенті – Арал &nbsp;қаласынан &nbsp;кейін көлемі жағынан екінші орында. Арал ауданынан 60 шақырым қашықтықта орналасқан Сексеуіл кентінің халық саны 12 мың 350 адамды құрайды. Кент 1937 жылы құрылған. Қазіргі таңда кентте 2600 отбасы тіршілік түтінін түтетуде. Тоғыз жолдың торабына баланған Сексеуіл тіректі елді мекенге 5 елді мекен қарайды.Халық саны көрсеткіші бойынша Республика, облыс көлеміндегі кейбір аудан &nbsp;орталықтарындағы тұрғындар &nbsp;санымен &nbsp;теңесетіндей ірі елді &nbsp;мекендердің &nbsp;бірі. Ауданымыздың әлеуметтік-экономикалық &nbsp;дамуына кенттегі бюджеттік және теміржол мекемелері және жеке кәсіпкерлер де өз үлестерін қосуда. Сексеуіл кенті тұрғындарының 70 пайызға &nbsp;жуығы ел экономикасының күретамыры болып &nbsp;табылатын теміржол саласында жұмыс істейді.Кентімізде халық саны 12350-ді құраса, экономикалық белсенді халық саны – 6091, оның ішінде 3254 адам жұмыспен қамтылған. 2718-і өзін-өзі жұмыспен &nbsp;қамтамасыз етіп отырса, ал 42-сі мал шаруашылығымен, 533-і сауда саласында, 50-і қоғамдық ақылы жұмыспен қамтылған.Қазіргі таңда кентте базар, сауда қатарлары, шаруа қожалықтары, жанармай құю бекеті, дәріханалар, тігін цехы, &nbsp;шаштараз, тойхана, «АКТИВ» және «Вееline» жүйесі, телекоммуникация &nbsp;мекемесі және де басқа мекемелер халыққа қызмет етуде.Іргелі білім ұяларына қамқорлық та ерекше. Кентте №177, №87, №231, №283 орта мектептер балаларды білім нәрімен сусындатуда. Иә, тәуелсіздіктің 30 жылдығында қол жеткізген жетістік жетіп артылады. Кенттің көкжиегі кеңейіп, Тербенбес тауының баурайында серпінді істер жыл сайын көрініс тапты. Осының бәрі Мемлекет басшысының сарабдал саясаты мен өркен жайған Қазақстанның жемісті жолы екені даусыз.«Нұрлы жол» мемлекеттік бағдарламасы аясында Сексеуілде кентішілік ауыз су құбырлары қайта жаңғыртылды. Бүгінде сексеуілдіктер тәулік бойы сапалы ауыз суды пайдалануда.&nbsp;Мемлекеттік бағдарламалардың да орындалуы көңіл көншітерліктей. Атап айтсақ, мемлекеттік бағдарламалар &nbsp;аясында ауқымды істер тындырылуда. Кентімізде 1 мемлекеттік, 3 жеке балабақшаға 580 бала қамтылған. Сондай-ақ &nbsp;күніне 100 адамды қабылдайтын емхана, 150 орындық мәдениет үйі халыққа мінсіз қызмет етуде. Енді кентте мәдени саясатты жүзеге асыру үшін барлық жағдай жасалып отыр. Жылдағыдай биыл да тірек елді мекенінде шағын және орта кәсіпкерлік жұмысы жандандырылып келеді. Бұл бағытта бүгінгі таңда 612 кәсіпкер нақты жұмыстарын жүргізуде. Атап айтсақ, жеке кәсіпкер Ақтан Жұбатов Говоров көшесінің бойынан "Даму" банкінен 4 млн теңге несие алып, отбасылық дәмханасын ашып, 2 адамды жұмыспен қамтыса, &nbsp;жеке кәсіпкер Эльмира Жұмағазиева 1 млн 225 теңге грант алып, өз қаражатынан 1 млн теңге қаржы жұмсап, Привокзальная көшесінің бойынан сүт өнімдерін өндіру цехын ашып, 3 адамды жұмыспен қамтыды. Ал жеке кәсіпкер Қасым Айменов өз қаражатынан 100 млн теңге жұмсап, "Даму" банкінен ішкі айналымына 30 млн теңге несие алып, наурыз айында Бүкірек батыр көшесінің бойынан "Абылай хан" сауда үйін ашып, 5 адамды жұмысқа қабылдаса, жеке кәсіпкер Нұргүл Алдабергенова Бүкірек батыр көшесінің бойынан наубайхана цехын ашып, 3 млн 500 мың теңге несие алып, 2 адамды жұмыспен қамтып отыр. Сондай-ақ жеке кәсіпкер Сара Рысбаева Бигелдинов көшесінің бойынан 13 сәуірде азық-түлік дүкенін ашып, 2 адамды жұмыспен қамтыды. Кенттен 10 азамат қайтарымсыз грант ұтып алып, кәсіптерін жалғастыруды жоспарлауда.Жыл сайын оң өзгерістер орын алып, қашан да сапалы нәтиже үшін жұмыс жасап келеміз. Тәуелсіздік алған жылдар ішінде еліміз еңсесін тіктеп, кемелдікке бет бұрды. Сол еңселі егемендіктің арқасында жасампаздыққа, жаңашылдыққа ұмтылдық. «Ауылдың дамуы – тұтас мемлекеттің дамуы» деген қағиданы басты нысана етіп, Мемлекет басшысының ел дамуы бағытында берген тапсырмаларының үдесінен шығып келеміз. Бұл сөзімізге кентіміздегі ауқымды істер мен толымды тірліктер айқын дәлел бола алады. Мәселен, қазіргі таңда өзім басқарып отырған кенттің әлеуметтік жағдайы жылдан-жылға дамып келеді. Атап айтар болсақ, 2022-2023 жылдар аралығында кентішілік газ құбыры жүргізіліп, АГТС құрылысы қолға алынып, осы жылдың аяғына дейін іске қосу жоспарланып отыр. Сонымен қатар тұралап қалған 40 төсектік аурухана құрылысы жалғастырылуда. Өткен жылы кенттегі Бүкірек батыр көшесіне 2 км асфальт жабындысы жүргізілсе, биыл 1,4 км асфальт жабындысы төселіп, толығымен аяқталды."Ауыл – ел бесігі" аясында биыл кентішілік 6 көшеге (Б.Майлин, А.Маханов, Б.Айхынов, І.Жансүгіров, К.Байсейітова, Ж.Жабаев) орташа жөндеу, асфальттау жұмыстары жүргізілуде. Темір жолдың арғы бетінде орналасқан №283 орта мектебінен бастап, теміржол өткеліне дейін ұзындығы 3,5 шақырым жарық шамдар орнатылып, халық игілігіне пайдалануға берілді. Айта кетерлік тағы бір жайт, осы жылы орталық алаңда спорт мектебінің маңынан жас жеткіншектерге арнап стадион құрылысы салынуда. Жыл аяғына дейін пайдалануға берілмек.&nbsp;Округ бойынша әр түрлі салада шаруа қожалықтары мен кәсіпкерлер жұмыс істеуде. Осы бағытта еңбек етіп, мемлекеттік бағдарламалардың игілігін көріп отырған тұрғындар баршылық. Олар мемлекет қамқорлығын сезініп, тұрмысын түзеуде.&nbsp;Тірлігінің тұтқасын төрт түліктен тапқан тұрғындар үшін ауыл шаруашылығы да аса маңыздылыққа ие. Иә, бәсекелестік басым уақытта санға емес, сапаға жұмыс жасауды басты мақсат етіп отырған жайымыз бар. Білім беру, емдеу мекемелерінің материалдық базасын нығайту қолға алынды. Бұл үрдіс ұзақ жылдар бойы өз жалғасын тауып келеді.&nbsp;Ел дәулеті мен сәулетіне өз үлестерін қосуды мұрат тұтқан кент тұрғындарының басты мақсаты &nbsp;– кентті уақыт талабына сай дамыту. «Алтау ала болса, ауыздағы кетеді, төртеу түгел болса, төбедегі келеді» деген қанатты қағидаға сүйеніп, ауыл ақсақалдарының ақыл-кеңесіне жүгініп, бірлігімізге сызат түсірмеу жолында ынтымағымыз жарасқан күйі кемел келешекті бетке ала береміз деген сенімдеміз. Алдағы уақытта кент тұрғындарына үй құрылысын жүргізу мақсатында жер телімдерін беру үшін инфрақұрылым тарту, тұрмыстық қатты қалдықтарға арналған полигон, өрт сөндіру бекетін және спорт және балалар алаңын салу сынды және де басқа атқарылатын ауқымды істер күтіп тұр.Иә, Мемлекет басшысының бастамасымен жүзеге асып жатқан реформалар бүгінгі күннің талабы екенін білеміз. Экономикалық реформаларды кешенді жүзеге асыруда бұдан былай да кент тұрғындары сүбелі үлестерін қосып, өз деңгейінде жұмыстарын жандандыра беретін болады.

Сексеуілде серпінді істер көп

<a href="https://kyzylorda-news.kz/">Kyzylorda-news.kz.</a>&nbsp; Қазіргі таңда Қызылорда &nbsp;қаласы бойынша кәсіпкерлік саласын дамыту негізі қалыптасып, жұмыссыздық деңгейін төмендету бағытында тиісті шаралар атқарылуда.&nbsp;Нарықтық экономиканың талаптарына сәйкес, халықтың әлеуметтік тұрмыс-ахуалын жақсарту басты орынға қойылған. Тұрақты қолдаулардың арқасында шаһарда бизнес жобаны мақсатты түрде игеріп, кәсіпкерлікке бетбұрыс жасаушылар қатары көбейіп келеді.Осындай оңды істердің жалғасы ретінде бүгін қала орталығында ашылған «MODERN OFFICE FURNITURE» жауапкершілігі шектеулі серіктестігіне қарасты «MOF» үй және кеңсе жиһаздарын сататын сауда үйін айтуға болады.30 адам тұрақты жұмыспен қамтылған сауда үйінің ашылу салтанатына қатысқан қала әкімінің орынбасары Дінмұхамед Ермеков шаһар тұрғындарын кезекті ауқымды жобаның жүзеге асуымен құттықтап, кәсіп иесіне жылы лебізін білдірді.Айта кетейік, әлеуметтің әлеуетін арттыруға бағытталған шараларға үлес қосып жүрген жеке кәсіпкер «2021-2025 жылдарға арналған кәсіпкерлікті дамыту жөніндегі Ұлттық жоба» аясында субсидиялау бағыты бойынша «Даму» кәсіпкерлікті қолдау қоры арқылы 150 млн. теңге қаржы алып, өз кәсібін дөңгелентіп отыр.<figure class="image"><img src="https://knadmin.beoblood.kz/uploads/359788955_1595147884307577_1204626377717559260_n_48c4ee3eec.jpg" alt="359788955_1595147884307577_1204626377717559260_n.jpg"></figure>

Қызылордалық кәсіпкер «Даму» қоры арқылы қаржы алып, жаңа сауда үйін ашты 

<a href="https://kyzylorda-news.kz/">Kyzylorda-news.kz.</a> Кейінгі жылдары орман өрті өршіп тұр. Абай облысындағы өрт сөндірушілердің қазасына себеп болған қайғылы оқиға да аталған деректі растайды. Оқиға салдарынан бірнеше ауыл тұрғыны эвакуацияланып, мыңдаған шақырым аумақ отқа оранды. Бұл – тәуелсіздік жылдарындағы ең ауқымды апаттың бірі. Ал әлем елдері бұл тақілеттес оқиғадан қандай сабақ алған? Тарихтағы ең ірі орман өрттері немен бітті? Сауалға жауап іздеп көрелік.Әділ сарап болуы үшін өткен ғасырдың соңынан дерек тартайық. Мәселен, 1997 жылы Индонезияда алапат өрт болды. «Тілсіз жау» 2 млн &nbsp;гектардан астам аумақты қамтыған. Индонезия мемлекеті оқиғаны «ұлттық апат» деп танып, әлем елдерінен көмек сұрады. Оған себеп те жоқ емес. Өрттен шыққан түтін Индонезияны ғана емес, Малайзия, Сингапур, Бруней, Тайланд, Филиппин, Вьетнам елдеріне дейін жетті.Деректерге сүйенсек, апат аймағында 70 млн адам болыпты. Өкпе және тыныс алудың бұзылуынан, демікпе мен тұншығудан 240-қа жуық индонезиялық ажал құшты, тағы ондаған мың адам түтін мен ыстан зардап шекті. Қырсық айналдырып, апаттан соң құрғақшылық күшейді. Әлемдегі орман өрті мұнымен шектелмеді. 2009 жылы Австралияның Виктория штатында 450 мың гектарға жуық орман отқа оранды. 173 адамның өмірін қиған табиғи апатқа құрғақшылық пен күн райының қалыптан тыс жылуы әсер еткен екен. Сол тұста термометр бағаны 45 градусқа дейін жеткен. Өрттің бір бөлігі электр желілеріндегі апаттан шықты деген болжам бар. 2009 жылы 7 ақпанда өрт Мэрисвилл қаласын толығымен қиратты. Адам шығыны да жоқ емес, 45 азамат мерт болған. Тек наурыз айында жаңбыр жауған соң ғана жалын сөнген.Аталған құрлықтағы осыдан 3 жыл бұрынғы алапат өртті айтпай кету мүмкін емес. 2020 жылы орын алған апат елдің оңтүстік-шығысында болған. Нәтижесінде 200-ге жуық тұрғын үй өртеніп, мыңдаған адам баспанасын тастап кетуге мәжбүр болды. Мамандардың айтуынша, өрт 20 млн гектардан астам аумақты шарпыған. 18 млн гектар орман өртеніп, жалын құрсауында қалған 2500-ден аса ғимарат күлге айналды.&nbsp;2010 жылы Израильдің Кармел тауы маңында құрғақшылықтан орман өрті орын алды. 250 коттедж жойылып, тау баурайындағы қорық аймағында 5 мың гектар жер өртенген. Сол сәтте экология жанашырлары 5 миллионға жуық ағаш күлге айналғанын жарыса жазған-ды. Көрші Ресей Федерациясын да мұндай апат айналып өтпеді. Есте болса, 2010 жылы Ресейдің бүкіл еуропалық бөлігінде антициклонға байланысты ыстық болды. Бұл – метеобақылаудың 130 жылдан астам тарихында рекордтық көрсеткіш еді. Елде 35 мыңға жуық өрт ошағы тіркеліп, олардың жалпы ауданы шамамен 2 млн гектарға жетті. ТЖМ мәліметтері бойынша, 2500 отбасы баспанасыз қалып, 17 аймақта 60-тан астам адам мерт болған.Енді кәрі құрлыққа келейік. 2007 жылдың маусымында Грекияның бірқатар ауданында термометр 40 градусқа жетті. Салдарынан өрт шығып, 270 мың гектардан астам орман алқабы күлге айналды. Өртті ауыздықтау бақылаудан шығып, жалын Олимп тауы аймағындағы ормандарды жойып жібере жаздады. Табиғи апаттан 84 адам қаза тапты деген дерек бар. Ал осыдан 6 жыл бұрын орман өрті Португалияны да әбігерге салды. Ел астанасы Лиссабонның солтүстік-шығысындағы Педроган-Гранде атты елді мекенінде ауқымды орман өрті болды, 66 адам қаза тауып, 200-ден астамы зардап шекті.Сол жылдың қазан айында Португалияның солтүстігінде және Испанияның солтүстік-батыс бөлігінде 49 адам орман өртінің құрбаны болды. Испания үкіметінің төрағасы Мариано Рахой өрттің себебі қасақана өртеу болғанын айтқан. Өрт жағдайына байланысты Португалияның Ішкі істер министрі Констанца Урбану де Соуза отставкаға кетті. Ел билігі табиғи апат аймақтарына көмек көрсету үшін шамамен 400 миллион еуро бөлгенін білеміз.Мамандардың пікірінше, соңғы 15 жылдан бері температураның әлем бойынша орташа көрсеткіші үнемі жоғарылап келеді. «Тілсіз жаудан» сақтанайық!

«Тілсіз жаудан» сақтанайық!

<a href="https://kyzylorda-news.kz/">Kyzylorda-news.kz.</a> &nbsp; Бүгінгі күнге «Қызылорда» өңірлік инвестициялық орталығы арқылы 2601 кәсіпкерлік жоба қаржыландырылып, нәтижесінде 3000 –ға жуық жұмыс орны құрылды.Жалпы қаржыландырылған жобалардың 47 пайызын агроөнеркәсіптік кешен саласы құрады. Оның ішінде мал, егін, құс, балық, ара шаруашылықтары аса маңызды рөл атқарды.Сонымен қатар, қызмет көрсету саласы төрттен бір бөлігін құрады (26%). Аймақтарда ТЖО, монша, көлік жуу, балабақша тағы басқа да орталықтардың саны артты.Өңірлік инвестициялық орталықтың дерегінше өнеркәсіп/өндіріс саласының үлесі 16 пайызды құрап отыр. Жыл сайын облыстағы өнім өндіру және қайта өңдеу жобаларын қаржыландыруға және осы салада жұмыс істеп жатқан кәсіпорындарды дамытуға айрықша көңіл бөлініп келеді.Сауда саласының үлесі 11 пайыз.&nbsp;Мемлекет өз кәсібін ашамын деген ынталы жандарға жәрдем беріп келеді. Айталық, жыл басынан бері «Қызылорда» өңірлік инвестициялық орталығы арқылы 368 жобаға жеңілдетілген несие берілді. Мәселен Арал ауданына қарасты Жақсықылыш кентінде балабақша қаржыландырылды.Кент кәсіпкері 2022 жылы 28 млн. тг. жеңілдетілген несие алған. Су жаңа балабақша 2022 жылы қыркүйек айында ел игілігіне берілді. Жаңадан бой көтерген нысан 140 бүлдіршінге лайықталған. Кәсіпкерді бұл қадамға итермелеген басты себеп — кенттегі жаңа жабдықтармен қамтамыз етілген балабақшаның тапшылығы болған. Қазірде балабақшада 30 -ға жуық тәрбиеші, тәрбиеші көмекшісі, медбике, аспаздар мен техникалық мамандар жұмыс жасайды. Балабақша жұмсақ жиһаздармен, ойыншықтармен, соңғы үлгідегі мультимедиалық интерактивті тақталармен қамтамасыз етілген.

Аймақта агроөнеркәсіптік кешен саласы көш бастап келеді

<a href="https://kyzylorda-news.kz/">Kyzylorda-news.kz.</a> Ұлттық құрылтайда Мемлекет басшысы Әділетті Қазақстан мен Адал азамат бір-бірімен сабақтас ұғым екенін айтқан болатын. Дәстүрлі және инновациялық құндылықтардың өзара байланысы Мемлекет басшысы ұсынған қағидалар өзектілігін көрсетеді. Бұл туралы саяси ғылымдарының кандидаты, қауымдастырылған профессор Мұрат Насимов пікір білдірді.Қазіргі таңда танымал цифрлық платформалардағы этиканың сақталуы технологиялық мүмкіндіктер мен адамдық қасиеттер арасындағы қарым-қатынасқа жаңа көзқарасты қажет етеді. Өйткені әлеуметтік желілерде берілетін мәліметтердің барлығы қоғам игілігі үшін ұсынылмайды. Кейде әлеуметтік желілерде өз жұмысын жиі көрсететін азаматтар жазбаларын көргенде, олардың қай кезде жұмыс істейтінін түсіну қиынға соғады. Адам бостандығы мен әлеуметтік-экономикалық теңдігін ілгерілететін цифрлық платформалардағы қолданушылар жауаптылығын қалыптастыру үшін мына қағидаларға мән беру қажет: кез келген ақпарат данышпандық пен кемеңгерлікті білдірмейді; кез келген ақпараттың ашықтығы шынайылықты білдірмейді; қоғамда болатын жақындасу, ымыраға келу процесі тұтастықты білдірмейді; ақпараттарды өңдеп ұсыну пайымдау емес ақпараттарды есте сақтау жады емес. Демек, әрбіріміз сандық қосымшаларды басқарудағы әдеттегі ойлау тәсілдерінен арылып, сыни ойлауға көшуіміз керек. Бұл ретте еліміз үшін өз ісіне адал қарайтын азаматтар қажеттілігі байқалып отырғанын айтқымыз келеді.Адал азамат қалыптастырудың бірнеше мәселелері бар деп ойлаймыз. Біріншіден, әлеуметтік күнкөріс мәселесі. Бұл біздің өмірімізде күнделікті кездеседі. Әлеуметтік күнкөрістің дерттілігі мәселені зерттеу және ойлау бағыттарында ғалымдардың көп еңбегін қажет етеді. Біз алдағы уақытта бұл дерттен арыла аламыз деп үміттенеміз. Біздің үкіметке қайшылықта жүрген қоғам мүшелерінің ниетін, қабілетін және қисынсыздығын бағалай алатын білімді азаматтар қажет. Жоғары оқу орындарында біз студенттерге заман құндылықтарын түсінуге көмектесеміз. Болашаққа ұмтылуда үрейден шегінбей, байсалдылық және креативтілікпен алға басуды үйретеміз. Университет аудиториясындағы тәжірибелік сабақтар талқылауында ащы шындықты студенттерден жасырсақ, даму бағытымыз өзгермейді.Екінші мәселе халықаралық құқықты ұйымдастырумен байланысты. Мемлекеттер арасындағы кіші шиеленістерді болдырмайтын және үлкен дауларды алдын алатын саяси және экономикалық институттар әрекеттерінің маңыздылығы басым болмақ. Басты міндет әлемдегі бейбітшілікті тоқтатып, сол арқылы мыңдаған әділетсіздікті мәңгілікке сақтау емес. Қиындықтар мен шиеленістерді қантөгіссіз, әділетсіз шешімдерді жою жолдарын табу міндеті тұр. Құқық шеңберінде адал азамат әлеуметтік қатынастардың әмбебап үлгілерімен тәжірибе жасауға мәжбүр болады. Институционалдық және құқықтық эксперимент адамзат қоғамының барлық деңгейлері мен бөліктерінде дамуы керек.Үшіншіден, рухани кедейлік. Рухани байлық ол материалдық байлық емес, әлеуметтік игілігі аз кедейлік адамның рухани кедейлігін көрсетпеуі мүмкін. Қоғамды жайлаған сыбайлас жемқорлық осы рухани кедейліктің белгісі. Біз бұл кедейліктің тереңдігі мен дәрежесін енді ғана түсіне бастадық. Әлеуметтік білім мен әлеуметтік әрекетті кеңейту серпіні – тек қоғамдық қана емес саяси мәселе. Егер біз қоғам дамуына ортақ қызығушылық танытып, қандай да бір шешім таппасақ, басқа деструктивті топтар өзге шешімдер табады. Рухани кедейлік біз ойлағаннан әлдеқайда күрделі. Бұл құбылысқа экономикалық кедейлік қосылса және байлардың кірістері өскен сайын, өкінішке орай, саяси тұрақсыздықты күтуге болады. Осы себептерге байланысты біз білім беру саласында шұғыл түрде елдегі рухани денсаулық сырқаты және қайыршылықты жеңу үшін жасалған үкімет бағдарламаларына жүгінуіміз керек. Сондықтан көптеген адамдар үшін материалдық және рухани қолайсыздық қатар жүреді деп айтуымызға болады.Төртіншіден, өмір сапасы. Жеке әлеуметтік қорғаныс, мүмкіндіктерді жіберіп алмау және ыңғайлылық үшін халық қалаларға көшуге ұмтылады. Жасыратыны жоқ, қала – өзінің табиғи күрделілігі, шексіз ойын-сауық нұсқаларымен адам туындатқан кереметтің бірі. Дегенмен, Мемлекет басшысының елорданы дамыту мәселелері жөнінде өткізген кеңестен көп ой түюге болады. Бұл мәселелер еліміздің өзге қалаларында бар қиындықтар. Ластанған ауа, қапырық көшелер, азған шағын аудандар, құқық бұзушылық, жат мінезділік пен оны дамытатын ойын-сауықтың көптігі, кескінсіз және метастаздық өсім сапалы өмірдің көрінісі емес. Бұдан бөлек, ауыл тұрғындарының өмір сапасы терең талдауымызды қажет етеді.Бесінші мәселе қоғамда кең таралған материалдық жағынан алалаушылық пен кемсітушілікті жеңу жолдарын іздеумен байланысты. Бұл қоғам мүшелері арасындағы теңсіздікті үдете түсетіндігін ұғынуымыз қажет. «Аш бала тоқ баламен ойнамайды, тоқ бала аш боламын деп ойламайды», – дегеннен құтылып, адам рухының бұл сырқатын жою керек. Өйткені алалаушылық пен кемсітушілік біздің өзімізді құрметтеуді ұмыттырады, адам бостандығы тұжырымдамасының негізінде жатқан тең мүмкіндіктерге қайшы келеді. Халыққа жағу да күрделі мәселе. Халық пен билік арасындағы диалог бағытын ел болып ілгерілетуіміз қажет.Адал азамат қалыптастырудың осы бес мәселесі қоғам мен билік назарын аударуға лайықты деп ойлаймыз. Жеке мақтаныш пен оптимизмды қоя тұрып, адал азаматтарды тәрбиелеуге көшуіміз қажет деп есептейміз. Бұл тұста ғылымда толық зерттеліп болмаған «әлеуметтік даналық» категориясына мән берген дұрыс секілді. Сондықтан атқарылып жатқан жұмыстардың тек есеп үшін жасандылығы, тарихи оқиғаларды теріс пайдалану, істеліп жатқан жұмыстың мазмұны емес, әдісіне алаңдаушылық, құндылықтарды кемсіту секілді әрекеттерді тоқтату қажет. Осы құбылыстар қоғамдық дамудың ішкі және сыртқы мәселелерін күрделендіреді.Жастарға қазіргі өмірдің қиындықтары мен күрделілігіне байланысты тұжырымдарды оптимистікпен жеткізсек, біз қоғам дамуына зиян келтіреміз. Жастарға биліктің үміті пен сенімін дұрыс жеткізе алмасақ, адамның болашақ мүмкіндіктерін дәйектей алмасақ, барлық әрекеттеріміз маңыздылығын жоғалтады. Бұл бағытта жастарды адал азамат болуға ұмтылдыру, қоғамдық істерді басқаруға үйрету күн тәртібінен түспейтіні анық. Біз жастарға алдымызда тұрған ең жоғары міндеттерімізді айқындап беруіміз тиіс. Жасалатын жұмыстың әдісі абсолютті түрде ұқыпты, қисынды, шынайы болуы керектігін, бірақ, жұмыс мақсаты тұтастық, түпкі ой және ниетпен ұштасуын айтуымыз қажет. Сөз соңында Адал азамат ұстанымының мына қағидаларын ұсынамыз: «Біз ел дамуының мұраттарына жалғыз, көппен де ұмтылатын боламыз, қоғамдық борыш сезімін жандандыруға күш саламыз, мемлекет заңдарын құрметтеп, бағынатын боламыз, елімізді бізге тапсырылғаннан кем емес, үлкенірек, жақсырақ және әдемі етіп береміз».&nbsp; &nbsp;

Қазақстан және Қызылорда облысының жаңалықтары