<a href="https://kyzylorda-news.kz/">Kyzylorda-news.kz</a> &nbsp;Парасат-пайымның биігінде шәкірттерінің жанына нұр құя білген, тәрбиелік тағылымға толы саналы ғұмырын жарқын болашақ иелеріне арнаған Қазақстан Республикасы білім беру ісінің Құрметті қызметкері, Қазақстан Республикасы білім беру ісінің үздігі, “Абай” атындағы алтын төсбелгісінің иегері, Абайтанушы, жоғары санатты ұстаз Абат Жолдасқызының 80 жылдық мерейлі жасына арналған “Шыңдатып мыңды үйреткен жүрегімен” тақырыбындағы әдеби шығармашылық сазды кеші Қызылорда қаласындағы № 12 І.Қабылов атындағы ІТ – мектеп- лицейінде өткізілді.Салтанатты кешке басқарма басшысы Асқарбек Есжанов, қалалық ардагерлер төрағасының орынбасары Ермағамбетова Күләй Сағындыққызы, Халықаралық қазақ тілі қоғамының Қызылорда облысының филиалы төрағасының орынбасары Жалғасбек Аманұлы, қалалық білім қызметкерлері кәсіподақ ұйымының төрайымы Орынша Алимбетова және қала, мектеп ардагерлері қатысты. Асқарбек Темірбекұлы 45 жылдан аса мектепте ұстаздық етіп, мыңдаған шәкірт түлеткен ұстаз, дара да дана тұлға Абайдың әкесі Құнанбайдың осы кезге дейін ел таныған бейнесіне жаңаша көзқарас тудырып, ғылым жолында ізденіп, филология ғылымдарының кандитаты атанған Абат Жолдасқызының құрметіне “Абайтану” кабинетін салтанатты түрде ашты. Сыр өңіріне белгілі бірегей Ұстаз-Ана, ғалым Абат Жолдасқызы құрметіне ашылған заманауи жабдықталған “Абайтану” кабинетінде алдағы уақытта талай шәкірттердің шырағы жағылып, білім нәрімен сусындатып, ғылым жолына бастау салынбақ деген ізгі лебізін білдірді.Салтанатты шара ұстаздың өнегелі дара жолы, оннан аса зерттеу жұмыстары мен ғылыми еңбектерін, құндылыққа толы дүниелерін таныстырған жетісітіктер галереясына ұласты. Жас ұрпақты оқыту мен тәрбиелеу ісіндегі еңбегі жанған, бүгінде ардагер ұстаз Абат Жолдасқызының құрметіне арналған “Шыңдатып мыңды үйреткен жүрегімен” тақырыбындағы әдеби шығармашылық сазды кешінде сөз алған басқарма басшысы Асқарбек Темірбекұлы мерейлі жас иесіне арнаған жүрекжарды лебізін білдіріп, құттықтау хаты мен сыйлығын табыс етті.Мерей той иесі жайында өздерінің жылы естеліктерімен бөліскен Абат Жолдасқызының замандас әріптестері, ардагер ұстаздар мерей той иесіне ыстық тілектерін арнады. Жүрегі қазақ деп соққан қазақ елінің Абайды тануға, бағалауға, құрметтеуге өз үлесін қосқан ұстазды ұлықтаған мерейлі &nbsp;кештің рухы асқақ, жан-жақты шығармашыл, дарынды тұлға болып өсіп келе жатқан ұрпағымызға берері мол болды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Абат Жолдасқызының 80 жылдық мерейтойына арналған шығармашылық кеш өтті

<a href="https://kyzylorda-news.kz/">Kyzylorda-news.kz</a> 25-26 сәуір күні Астана қаласында ENACTUS KAZAKHSTAN NATIONAL EXPO 2024 мектеп оқушылары мен студенттік кәсіпкерліктің ұлттық кубогы өтеді. Байқауға Қазақстанның барлық өңірінен мектеп оқушылары, колледж және ЖОО студенттері қатысады. Сондай-ақ бизнес және білім беру саласындағы көшбасшылар бас қосады. Жалпы көрмеге 200-ден астам команда қатысады деп жоспарлануда. ENACTUS KAZAKHSTAN NATIONAL EXPO 2024 - Қазақстандағы ENACTUS халықаралық бағдарламасының қатысушыларының жоба бойынша нәтижелерінің жыл сайынғы көрмесі. Іс-шараға демеуші компаниялардың көрмесі, бос орындар жәрмеңкесі, іскерлік кездесулер, питчинг және қатысушыларға арналған арнайы байқаулар кіреді. Басты оқиға студенттік кәсіпкерліктің ұлттық кубогының финалы болып табылады, оның нәтижелері бойынша жеңімпаз команда ENACTUS WORLD CUP 2024 әлем чемпионатында Қазақстанның намысын қорғау құқығын алады. Ауқымды сайыстың ұйымдастырушысы – ENACTUS Kazakhstan қоры. Ресми демеушілер – Olzha Agro, KMF&amp;KMF-Демеу, TURAN табиғи суы, Eurasian Resources Group, Raimbek Group, KT Cloud Lab, White&amp;Case, Caravan Resources, Kazakhstan Mining, TSSP, KazAgroFeed, ABS Строй, Leader Еngineering group, NES Kazakhstan. Ресми серіктестер – "Kazakh Tourism" Ұлттық компаниясы" АҚ, "Атамекен" ҰКП, ҚР Ғылым және жоғары білім министрлігі.

Елордада ENACTUS KAZAKHSTAN NATIONAL EXPO 2024 ұйымдастырылады

<a href="https://kyzylorda-news.kz/">Kyzylorda-news.kz.</a> Қазақ эстрадасының жарық жұлдызы Ерке Есмаханның басы дауға қалды. Су тасқынынан зардап шеккендерге 200 мың теңге аударған өнер иесін оқырмандары сынап тастады. Бұл туралы <a href="https://stan.kz/6-million-tenge-bergenimizdi-aytpay-ak-koyayik-erke-esm-398495/">Stan.kz</a> ақпарат агенттігі хабарлайды.Оның сөзінше, әлеуметтік желіде танымал адамдар қанша көлемде қайырымдылық жасағаны жазылған&nbsp;тізім тарап кеткен. Алайда әнші жұбайымен бірнеше есе көп қайырымдылық жасағанын айтып, ақталды.<blockquote>“Екі-үш күн бұрын ақша берген&nbsp;әншілердің&nbsp;тізімінде қырғын адам тұр. Соның ішінен Ерке Есмахан 200 мың берді дегенді көріп, дәл соны жаңалық етіп, интернетке шығарыпты. "Ұят! 200 мың теңге ғана беріпті" деп шулап жатыр екен. Неге ел&nbsp;үнемі мені ғана&nbsp;сөз етеді осы?&nbsp;Енді сіздер "Ұят!" деп отырған 200 мыңға дейін қаншама көмек кетті бізден. Бұл су тасқынының басталғанына 20 күндей болды ғой. Алдымен өз жеріміз Орал, Ақтөбедегі бірінші туыс, танысқа көмектестік. Қаншама отбасына ақшалай аударым жасалды. Одан бөлек көптеген қорларға ақша жібердік. Сол ақшаның бәрінің есебін шығарып, күйеуіме ренжіп отырмын. Бөліп-бөліп бергеннің өзінде үлкен сома шықты. Одан да сол бөлмей шыққан 6 миллионды бір аудару керек еді. "Дұрыс жасамадық, ауыз толтырып айтатын сома болар еді" деп ренжідім. Ал күйеуім әдеттегідей "Алла білсе болды, адамдар сөйлей береді. Жайбарақат отыра берші" дейді. Әйел адамбыз ғой, қалай жайбарақат отырамыз", – деп жазды әнші.</blockquote>Өнер иесі әншілердің ақша жинауын қолдамайтынын айтып, міндетіне кірмейтінін еске салды.<blockquote>“Бір қызық әңгіме айтайын. Бір отбасыға тұрақты түрде көмек беріп тұратынмын. Көпбалалы отбасы. Азық-түлік, киім-кешек, ет берем. Апта сайын мешітте қой соямыз ғой, 4 бөлікке бөліп, мешітке және керек отбасыларға жібереміз. Дәл солай жаңағы отбасыға тағы ет жібердім. Бір кезде әйелі&nbsp;"Қойдың етін енді жібермеңізші, жей алмаймыз уже. Жылқының еті болса, беріңіз" деп хат жазып жіберіпті. Шок алып, шалқамнан түсіп, боқтап, нервімнің басыма шапқаны есімде. Сондықтан, көмектессің де жақсыатты болуың екіталай", –&nbsp;деп түсіндірді мега жұлдыз.</blockquote>Жел қолданушыларының "200 мың берді" деп шулауына таяуда алған 12 миллион теңге тұратын сөмке сатып алғаны себеп көрінеді.<blockquote>"Мына сөмке бәле болды. Біреуге бірдеңе бермесең, көмектеспей қалсаң немесе аз берсең, осы сөмкені айтып шығады. Су тасқыны біткен соң өшімді осы сөмкеден алам. Езіп-езіп, лақтырып, бауға да, тауға да осыны ұстамасам", –&nbsp;деп әзілдеді әнші.</blockquote>Фото:&nbsp;https://www.instagram.com/erke_esmahan/

Ерке Есмахан: Әншілер ақша беруге міндетті емес

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті кәсіпкерлік орталығының ұйымдастыруымен Pizza Pitch өтті. &nbsp; &nbsp;Pizza Pitch &nbsp;жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды. Сондай-ақ, жобаларды әрі қарай дамыту бойынша кеңес пен практикалық ұсыныстар айтылды.Шараның басты мақсаты &nbsp;− &nbsp;жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады.Дәстүрлі түрде өтетін жиында 16 стартап жоба қорғалды. Нәтижесінде 8 жоба іріктеліп, 19 сәуір күні өтетін Kyzylorda Hub Idea Battle байқауының Demo Day кезеңіне өтті.&nbsp;Kyzylorda Hub Idea Battle – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтауға бағытталған байқау.Айта кетейік, университетте студенттер арасында кәсіпкерлікті дамыту, тың идеяларына қолдау көрсету мақсатында кәсіпкерлік орталығы жұмыс істейді.&nbsp;Кәсіпкерлікті дамыту бойынша осы кезге дейін «Startup Bolashak. Menin armanym» жобасы, «Zhas project» бағдарламасы, «HackDay» және «Smart city Kyzylorda» хакатондары және басқа да ауқымды шаралар ұйымдастырылды. Орталық бес жыл ішінде 7 мыңнан астам жасқа бағыт-бағдар берді. Қазіргі уақытқа дейін инкубатордан 89 резидент-түлек шығып, жалпы 70 миллионға жуық қаржы тартылды.

Қызылордада Pizza Pitch өтті

<a href="https://kyzylorda-news.kz/">Kyzylorda-news.kz</a> Таяуда Шиеліге қарасты Көкшоқы мөлтек ауданындағы «Арман» мәдениет үйінде «Аманат» балалар және жасөспірімдер үйірмесі «Бремен музыканттары» атты&nbsp; музыкалық қойылым қойды. Бәрімізге бала күнімізден таныс туындыда театрдың жас әртістері алғашқы дебют көрсетті. Бұл ертегіні сахналауға жігерлі жастардың басын қосып, білек күшін бір іске жұмылдырған – жас режиссер Әйгерім Әлмахан.&nbsp;Спектакль болады дегенді көптен күткен балалар және аудан тұрғындары мәдениет үйіне топырлап келіп жатты. Зал лық толы. Ал сахнаның сыртында қобалжып тұрған әртістердің аурасы бөлек болды. Шәкірттеріне үміт артып, олармен бір толқында жүрген жас режиссер Әйгерім Әлмаханның еңбегін қалайша айтпасқа?! Жігерлі жастардың басын қосып, білек күшін бір іске жұмылдырған талантты маман.&nbsp;Қойылым барысында көрермен көтеріңкі көңіл-күйде болып, қошемет көрсетіп, қолдарын шапалақтап отырды. Көптен бері мұндай қызықты спектакльді көріп-тамашаламаған келген қонақтар ондағы ақымақ патша, ханшайым, Бремен қаласының музыканттары – ит, мысық, есек, әтеш және әнші жігіт, күзетшілер, қарақшылар және басқа да кейіпкерлерді сәтті сомдаған үйірменің қыз-жігіттеріне тәнті болып, олармен бірге рөлдерге енгендей күй кешті. Әсіресе, ақымақ патшаның рөлін сомдаған Мейіржан Өтегеннің іс-қимылы, дауыс ырғағы залда отырғандарды өзіне баурап алды. Ал ханшайымды ойнаған Аделя Қасымбекованың нәзіктігі, кейіпкерді сезіне алуы тамсандырды. Ханзада рөлінде болған Нұрасыл Ырысбек көрермен көзайымына айналды. Себебі сахнада өзін-өзі ұстауы ерекше көзге түсті.&nbsp; Шұғыла Жанарбектің де өнерін бағалап кетуге болады. Шуд кейіпкерді ойнап, өзін жан-жақты қырынан көрсетті. Актерлік шеберлігі, сүйкімді қылықтары бір бөлек.&nbsp;Қойылымның көрерменнің берер тәрбиесі мол. Мұнда адал достық пен нәзік махаббат, өнерге деген құштарлық жырланады. Басты рөлдегі кернейші жігіт кезбе әртіс, тұрақсыз жан бола тұра, патшаның қызына ғашық болады. Оған жар болудың амалын іздейді. Яғни табансыз адамның өзі баянды махаббат үшін бар күшін сарп ететіндігі айтылады. Ал оның достары шытырман оқиғадан жап шекпей өтуіне көмектеседі.Сатқындық пен адалдықтың аражігі көрсетіледі.Ертегіні көре отырып, әрбір кейіпкерлерді айрықша бағдарлап отырдық. Солардың ішінде қарақшы қыздар рөлінде Нарқыз Ешпанова, Сымбат Жұлдызбаева, Жаннұр Маратқызы және Диляра Жарасқанқызының билерін, образдарын ерекше атап кеткен жөн. Сондай-ақ Аян Құрбан мен Рамазан Әлмаханның, Нұрасыл Нұраханов, Айзере Аяпбергенова, Нұржанат Рысбек және Ғалия Мақсатқызы сынды таланттар өз рөлдерін де шынайы ойнап шықты. Айта кетейік, үйірменің жас өрендері қазірдің өзінде отандық фильмдерге түсіп, шеберліктерін дамытып жүр.&nbsp;

Шиелідегі дарынды жастар дебюті

<a href="https://kyzylorda-news.kz/">Kyzylorda-news.kz</a> &nbsp;"Берекелі Бесарық" деп айдар таққан шалғайдағы ауылдың қарттарына құрмет көрсетілді. &nbsp;Бүгінде қариялар елдің ауызбірлігіне ұйытқы болып отырған. Қай істі бастамас бұрын ауыл жастары үлкендерден бата алу дәстүрге айналды. &nbsp;Қазыналы қарттардың тілегі – &nbsp;ел бірлігі мен татулығы, қаймағы бұзылмаған ауылдың әрбір шаңырағының түтінінің түзу шығуы. Ел азаматтары атқа мінсе, қолдау білдіріп, тілеуін тілейді.Бесарық ауылдық округінің әкімі Дәулет Сәрсенбаев, ауылдық ардагерлер кеңесінің төрағасы Ермек Әлжігітов, қоғамдық кеңес төрағасы Әкбар Әлжіков қалыптасқан дәстүрмен ауылдың үлкендері Жұмабек Әбенов, Ахметжан Асатов және Ұлжан Айтмұратованың отбасында болып, құрмет көрсетті. Ауыл ақсақалдары Ж.Әбенов – 95 жасқа, А.Асатов – 90 жасқа және кейуана Ұ.Айтмұратова – 90 жасқа келіп отыр. Ауыл әкімі мерейтой иелерін құттықтап, адресат тапсырып, дәстүрмен иықтарына шапан жауып, сый-сияпат жасады. Ауыл, аудан, облыстың жеткен жетістіктері мен алдағы уақытта атқарылатын жұмыстар жайында әңгімеледі. Жұмабек Әбенов саналы ғұмырын ауыл шаруа¬шылығына арнап, еңбекте озат болып, В.И.Лениннің туғанына 100 жыл толуына арналған мерекелік медалімен, 1973 жылы «Еңбек Қызыл Ту», 1976 жы¬лы «Ленин» орденімен наградталған. Ахметжан Биханұлы биыл торқалы тоқсан жасын атап өтеді. Жастайынан мал шаруашылығында ысылып, 1955-1996 жылдар аралығында қырық жылдан астам уақыт шопан болды. Еңбектегі жетістіктері үшін «Құрмет» грамотасымен марапатталды. Алматыда өткен колхозшылардың І, ІІ, ІІІ съездеріне қатысып, абырой биігінен көрінді. Қос ардагердің абыройлы еңбек жолын жалғастырып отырған ұрпақтары бар. Ұлжан Айтмұратова 1954-1983 жылдары шопан бол¬ған, 10 баланы дүниеге әкелген «Алтын алқа» иесі.– Ауыл ақсақалдарының өнегелі өмірі мен сіңір¬ген еңбегі ауыл тарихында жазулы тұр. Ерлермен қатар жүріп еңбек еткен аналардың да орны ерекше. Кейінгі ұрпақ қарттардың еңбегін бағалап, әрдайым төрден орын беріп, құрмет көрсетуде жол¬дарынан жаңылған емес. Ардақты қариялармен әрбір істі бастамас бұрын ақылдасып, кеңесіп отырамыз. Өз кезегінде ақсақалдар батасын беріп, ауыл халқының тату-тәтті тірлігіне демеу болып отырады. Бүгінде келбеті көркейген ауылымыз жыл санап дамып келеді. Жұмыссыздықты азайту мақсатында көптеген іс-шаралар қабылданды. Кәсіпкерлікті қолға алғандар саны артуда. Мемлекеттің қолдауы¬мен мал алып, төрт түлік санын көбейтіп отырған отбасылар бар. Ауылымыз енді аз уақытта одан сайын гүлденетін болады. Жастарымыздың да еңбекке деген құлшынысы қуантады. Берекелі Бесарық атанған ауылымыздың көшелері жарқырап тұр. Көктемнің қызу тірлігі басталып, еңбек адамдары таң атқаннан кеш батқанға дейін еңбек даласында. Ауылымыздың үлкендері қарияларды мерейтойымен құттықтап, сый-құрметімізді көрсетудеміз, – дейді ауыл әкімі Дәулет Сәрсенбаев.Қарияларға құрмет көрсету іс-шарасына ауыл¬дық мәдениет үйінің көркемөнерпаздары да қаты¬сып, әннен шашу шашты. Қариялар ақ батасын беріп, ауылдың дамуына тілектестігін білдірді.

Бесарықтың шежірелі қарттары – құрмет төрінде

&nbsp; <a href="https://kyzylorda-news.kz/">Kyzylorda-news.kz</a> Бүгінде Сыр медицинасында саламатты өмір салтын қалыптастыру бойынша жүйелі жұмыстар жолға қойылған. Күнделікті Сырдария аудандық ауруханасының мамандары сырқаты бойынша шағымданған жандарға ақыл-кеңестерін айтуда. Негізінен, жүрек және қан-тамыр, онкология дертіне шалдыққан науқастар ұдайы ем мен күтімді қажет етеді. Өз кезегінде Сырдария аудандық ауруханасына қарасты «Оңалту және паллиативтік көмек» бөлімшесінің мамандары сырқаттарды сауықтыруға барын салуда.&nbsp;Негізінен, осыдан бірнеше жыл бұрын ашылған бөлімшеге тәжірибелі дәрігер Гүлфарида Әбдібекова жетекшілік етеді. 20 орынға лайықтандырылған бөлімшеде осы сәтте жергілікті тұрғындар толықтай ем қабылдауда. Білікті мамандар шоғыры қалыптасқан бөлімшеде науқастарға барлық жағдай жасалған. Мәселен, емделушілерге массаж, емдік дене шынықтыру, психолог, логопед, физиотерапия бойынша қызметтерді ала алады. Сонымен қатар қарқынды терапия палатасы толықтай жабдықталған. Бұл ретте, ауыр жарақат алып, ота жасатқан науқастарға сала мамандары көмекке келеді. Өз-өзіне қызмет жасай алмайтын емделушілердің жанынан ақ халатты абзал табылады.– Ақ халатты абзал жандардың негізгі міндеті – емделушілердің денсаулығын жіті бақылап, барлығын оңалту болып табылады. Осы күні денсаулық жағдайына байланысты шағым айтып келген жандардың диагнозы бойынша ем-шара жасаймыз. Әрине, біздің бөлімшеде сала мамандары науқастардың күтіміне жіті көңіл бөледі. Олардың емінің шипалы болуы, сауықтыру іс-шарасының тиімділігін дәрігер ретінде саралауға мүдделемін. Жылдар бойы төсекке танылған, аурумен күресіп келе жатқан жандар қашанда біздің назарымыздан тыс қалмайды, – деді бөлімше меңгерушісі.

Емделушілерді оңалту – ұдайы дәрігерлер бақылауында

<a href="https://kyzylorda-news.kz/">Kyzylorda-news.kz</a> &nbsp;Көктем келді. Енді егін жұмыстарының да кезегі жақындады. Осы айдың аяғы, ары кетсе, келер айдан бастап, диқандар дән себуді бастайды. Қыстың қамын жазда ойлайтын халқымыз егін-тегіннің жайын ерте ойлап, жердің де, аяқсудың да алдын алуды әдетке айналдырған.Кеше ғана қамбаны астыққа толтырып, «Алтын күз» мерекесін тойлаған еңбекшіл қауым қысқы демалыстан соң дала жұмысына қайта кірісіп кетті. Таң атпай кетпенін асынып, жерден несібесін жинағандар егістік алқабын егінге дайындау үстінде. Өткен жылдан қалған қалдықтар өртеліп, жер өңдеу, оны тегістеуде атыздықтарда техникалар тізіліп жүр. Биыл да мол өнім алуға үмітті диқандар осылайша көктемгі егін егу жұмыстарын жүйелі жүзеге асырудың қамын жасауда.Халық тәмсілінде «Көктемнің әр күні жылға азық» деген бар. Қазір жұмыстың нағыз қызған шағы. Күн жылынып, жер арқасы жібіген шақ шаруа адамының да білек сыбана қарбалас тірлікке кірісетін кезі. Сәл кешіксе болғаны, еңбегі еш кететінін қаперге ұстайтын шаруалар тамшылата тер төгіп, егіс алқаптарында таң сәріден, кеш батқанша еңбек етуде.«Не ексең, соны орарсың» деп тегін айтылмаған. Көктемгі тынымсыз еңбектің өтемін күзде, жиын-терім кезінде көретініміз айдан анық. Осыған орай, Қазалы ауданындағы шаруақожалықтары қызу жұмысқа кірісіп кетті. Бұл ретте, тиісті сала мамандарының мәліметінше, аудан бойынша 17377 гектар жерге ауыл шаруашылығы дақылдарын орналастыру жоспарлануда. Көктемгі дала жұмыстарына 291 дана ауыл шаруашылығы техникасы қатысады.Қазалы ауданы әкімі Мейрамбек Зинабдинұлы көктемде келетін мол суды тиімді пайдаланып, егіске жарату бағытында шаралар қабылдауды тапсырды. Сондай-ақ, тұқым дайындау, жанар-жағармай қорын қалыптастыру, техникалардың әзірлігі мәселелерін алдын ала пысықтады. Солардың қатарында "Агро-Өркен" жауапкершілігі шектеулі серіктестігінің егіс алқабы дала еңбеккерлерінің тынымсыз тірлігімен жандануда. Қазалы қаласынан 20-30 шақырым қашықтықта орналасқан Қожабақы ауылындағы бөлінген егістік алқабына күріш, жоңышқа мен бидай егу жоспарда бар. Мұндағы басты талап – темірдей тәртіп пен жұмысқа деген аса жауапкершілік. Сонда ғана, діттелген жоспарлар жүзеге асып, жақсы өнім алынады. Бұл үшін қаншама жан-тәнімен берілген еңбек пен аянбай төгілген тер жұмсалады. Халықтың алғысын алып отырған серіктестік өзге диқаншылармен қатар биыл егін егуге әзірлікті бастап кетті.«Агро-Өркен» жауапкершілігі шектеулі серіктесігі бойынша есепте барлығы 1800 гектар тегістелген жерге 5 ауыспалы егістік ротациялық кестеге сай егіс орналасқан. Биыл барлығы 1703 гектардан жоғары жерге ауыл шаруашылығы дақылдарын орналастыру межеленген. Оның ішінде, 720 гектар жерге күріш дақылын, 487 гектар жерде көне жоңышқа, 296 гектар жерге жаңа жоңышқа, 200 гектар жерге бидай егу жоспарлануда.Бүгінде 15 шақырым су арналарына арналған арықтар экскаватор арқылы қазылып, тіршілік нәрінің жолдары ашылды. «Мағжан и К» жауапкершілігі шектеулі серіктестігімен келісім шартқа отырып, 160 тонна бірінші репродукциялы «Янтарь» &nbsp;тұқымы мен 3,5 тонна бірінші репродукциялы «Семиреченская местная» жоңышқа &nbsp;тұқымы алынды. «BayDala» жауапкершілігі шектеулі серіктестігімен арадағы келісім шарт арқылы – 67 тонна аммофос пен 345 тонна аммоний сульфаты тыңайтқышқа қол жеткізілді.«EXPLANTA» жауапкершілігі шектеулі серіктестігінің келісім шартымен «Солито, каратэ атты гербицидтер алу жоспарлануда. «Жібек жолы ЛТД иК» жауапкершілігі шектеулі серіктестігімен келісім шартқа отырып, жанар жағар май алынды.Шаруашылықта техникалар базасы көңілді көншітеді. Атап айтқанда, 3 дана – ХТЗ, 3 дана-К700А(701), 3 дана –&nbsp;автомашина, &nbsp;3 дана - Камаз, 3 дана - ЖРК - 5 жаткалары бар. Сонымен қатар 1 дана - МТЗ-80 малютка экскаваторы, 6 дана - МТЗ-80, 2 дана - Трактор AXION &nbsp;ауылшаруашылық техникалары жұмыс жасауда. Ал, күріш жинайтын техникадан &nbsp; &nbsp; &nbsp;Магдон, 4 дана - Енисей-1200, 2 дана - Класс комбайндары қызметке жарап тұр. Бұл комбайндар «Казагрофинанс» жауапкершілігі шектеулі серіктестігі арқылы лизинге алынған.Егіске керекті жанар-жағар май алынып, толықтай қамтамасыз етілген. &nbsp; Шаруашылық 50 адамды жұмыспен қамтып отыр. Егіс егу және жинау кезінде 70 адамдай жұмыспен қамтылады.Былтыр егін жинау барысында 750 гектардан орта есеппен 50 центнер өнім жинап, қамбаға 3750 тонна астық құйылды. Оның ішінде, күріш өсіруші Сәденов Өмірхан өзіне бекітілген 52 гектар жерден 66,9 центнерден өнім жинап, қамбаға 349 тонна астық құйған.&nbsp; &nbsp; &nbsp; &nbsp; &nbsp;Егілген 145 гектар бидайдан әр гектарына 7,2 центнер өнім алып, қамбаға 1044 центнер бидай құйған. Оның ішінде, бидай өсірушісі – Жолдыбаев Орақбай өзіне бекітілген 56 гектар жерге бидай егіп, 10,6 центнерден өнім жинады. Сонымен бірге, қамбаға 59 тонна бидай жинаған. Бекітілген – 257 гектар жерге егілген жаңа жоңышқадан 73000 дана жоңышқа шөп бастырған. «Агро-Өркен» жауапкершілігі шектеулі серіктестігі салық есептіліктерін уақытылы тапсырып отырады, қызметкерлердің еңбек жалақысына қарызы жоқ. Жыл сайын ұйымдастырылатын «Мектепке жол» акциясына қатысып, мектеп балаларына демеушілік көмек жасап отырады. 2021 жылы егін жинау барысында 700 гектардан орта есеппен 60 центнер өнім жинап, қамбаға 4200 тонна астық құйылды. Осы жылдың егін жинау қорытындысы бойынша II-дәрежелі дипломмен марапатталды.Есқожаев Медеу Бердібайұлы Қазақстан Республикасы Президенті Қ.Тоқаевтың «Құрмет Грамотасымен», &nbsp;Қазақстан Республикасының Тәуелсіздігінің 30 жылдығы мерекесіне орай, Қызылорда облысы әкімі Г.Әбдіқалықованың «Алғысымен» марапатталды.&nbsp; &nbsp; &nbsp; &nbsp; «Алтын-дән» мерекесіне орай, «Агро-Өркен» жауапкершілігі шектеулі серіктестігінің директоры Есқожаев Медеу Бердібайұлы мол өнім жинаған екі күріш еккен күріш өсірушіге Шүленбаев Ғибарат Мархабатұлы және Шайықов Амангелді Нұрмашұлына 2 автокөлік және механизатор – Қошқарбаев Жеңіс Нұрмағамбетұлына 500000 теңге ақшалай сыйлық, ақ егіс бригадирі – Жәми Мейрамбек Қазиұлына 500000 теңге ақшалай сыйлық және егіс бригадирі – Шайық Кеңес Нұрмашұлына 1 000 000 теңге ақшалай сыйлық табыстады. 2022 жылы 600 гектар жерге қара күріш сеуіп, әр гектарына 50 центнерден өнім жинап, қамбаға 3000 тонна астық құйған. Осы жылы Есқожаев Медеу Бердібайұлы Қазалы ауданы әкімі Мұхтар Оразбаевтың «Алғысымен», Қазақстан Республикасы оқу ағарту министрі Асхат Аймағамбетовтың «Алғыс хатымен» марапатталды.2022&nbsp;жылы &nbsp;Қызылорда облысы бойынша «Алтын-Дән» қорытындысы бойынша «Агро-Өркен» жауапкершілігі шектеулі серіктестігінің агрономы Шайық Кеңес Нұрмашұлы ауыл шаруашылығы министрлігінің «Ауыл шаруашылығы үздігі» төсбелгісімен марапатталса, жаткист – Умадатов Аралбек Бағланұлы облыс бойынша «Үздік жаткист» номинациясымен марапатталды. Қазалы ауданы бойынша 2022 жыл «Алтын-Дән» қорытындысы бойынша «Агро-Өркен» жауапкершілігі шектеулі серіктестігі&nbsp;1-дәрежелі дипломмен марапатталды. Мол өнім жинаған екі күріш еккен күріш өсірушіге Шүленбаев Ғибарат Мархабатұлы және Жүсіпов Русланға, механизатор Келмағанбетов Арыстан Серікұлына, жоңышқа өсіруші Жолдыбаев Орақбайға бағалы сыйлықтар табысталды. «Агро-Өркен» ЖШС директоры Есқожаев Медеу Бердібайұлы күзгі егін жинау науқанына белсене қатысқан жұмысшы қызметкерлерге Шайық Кеңес Нұрмашұлы, Қошқарбаев Жеңіс Нұрмағамбетұлы, Келмағанбетов Арыстан Серікұлы, Алиев Нұркен Мусаұлына ақшалай сыйақы мен жоңышқа өсіруші Жолдыбаев Орақбайға (мотоцикл) бағалы сыйлықтар тапсырылды.Қызылорда қаласында және Қазалы ауданында болған жәрмеңкелерге күріш пен жем өнімдерін алып барды, халықтың сұранысы өте жоғары болды.Қожабақы ауыл күніне байланысты 500000 теңге қаржылай көмек берген. Мектепке жол акциясы бойынша №25 мектеп және №97 мектепке оқушыларға демеушілік жасады. Қожабақы және Аранды ауылына бақша егетін жеке азаматтарға өз қаражаты есебінен жерін өңдетіп, бақша суғаруға су жеткізіп берді. Қожабақы ауылында орналасқан №25 мектеп және №97 мектептерге жыл сайын «Мектепке акцияға» қайырымдылық көмек жасап, мектеп оқушыларына қажетті оқу құралдарын алуға ақшалай көмек береді. Мектеп оқушыларының жарысқа қатысуына ықпал жасап көмегін созады. Қожабақы ауылында орналасқан мешітке жыл сайын демеушілік жасап, мешіттің ішін сыртын күрделі жөндеу жасалуына және қатты отын алуына көмек жасайды. Әлемді індет өршіген карантин &nbsp;кезінде Қожабақы ауылының тұрғындарына 700000 мың теңге көлемінде азық түлік өнімдері таратылып берілді. Қожабақы ауылдық мәдениет үйіне демеушілік жасап, музыкалық аппарат алып берді. Есқожаев Медеу Бердібайұлы «Жастар жанашыры» номинациясымен марапатталды. &nbsp;2021 жылғы &nbsp;«Алтын-дән» мерекесіне орай «Агро-Өркен» жауапкершілігі шектеулі серіктестігінің директоры Есқожаев Медеу Бердібайұлы &nbsp;мол өнім жинаған екі &nbsp;күріш еккен күріш өсірушіге Шүленбаев Ғибарат Мархабатұлы және Шайықов Амангелді Нұрмашұлына 2 автокөлік және механизатор Қошқарбаев Жеңіс Нұрмағамбетұлына 500000 теңге ақшалай сыйлық, ақ егіс бригадирі Жәми Мейрамбек Қазиұлына 500000 теңге ақшалай сыйлық және егіс бригадирі Шайық Кеңес Нұрмашұлына 1 000 000 теңге ақшалай сыйлық табыстады.Диқандар биыл да жылдағыдай егін маусымын еш алаңсыз бастай алады. Тек, Сырдың суы тобыққа түсіп, тапшылық туындатпаса болды. Дала жұмысы барысында айтылған дүниелерге сенсек, күз мезгілінде жылдағыдай мол өнім алуға мүмкіндік бар. Әрине, шаруаларға бөлінген бюджет пен бос жатқан жер толығымен игерілсе ғана.Басын көтеріп, елден сұрағанша, басын иіп, жерден сұрайтын диқан қауымы осылайша, нәпақасын табу үшін тырбанып, тірлік жасауға кірісіп кеткен. Ала жаздай егіннің бабын жасау үшін, осы кезден барлық құрал-саймандарын сайлап алған.«Диқан жерім дейді, жері үшін ерінбейді» демекші, тілімдей жерден жылдық азық жинауға бел байлап, қызу тірлікке араласқан. Сондықтан, биылғы жылы да, ауданның еңбеккерлері күріштен тау тұрғызып, ел мерейін үстем етеді деген сенім мол.Фото: Нұрболат Нұржаубай

Қазалыда дала жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> Біріккен ұлттар ұйымының бала құқықтары жөніндегі декларациясында «Бала туғанға дейін де, туғаннан кейін де ақыл-есі жетілгенше ата-анасының, қамқоршысының тарапынан қамқорлықта болуы тиіс» деп дөп жазылған. Қазақ халқы мұны «Бала – адамның бауыр еті» деген бір-ақ ауыз сөзбен жеткізген.Бірақ қазіргі ата-аналардың кейбірі ұл-қызының тәрбиесіне, келешегіне жауапкершілікпен қарайды деп айта алмаймыз. Себебі ел аман, жұрт тынышта қаншама бала абайсызда мертігіп, терезеден құлауда. Жол апатында зардап шегіп, көшеде бақылаусыз жүруде. Керек десеңіз, балалардың тамақтануы да проблемаға айналып отыр. Қазір елімізде әрбір төртінші балада семіздік белгілері байқалуда деп дабыл қағуда. Қызылорда да бұл 2-4 процентті көрсетуде. Ең сорақысы, үйінен қашатындардың, ерте жүктіліктің де саны артуда. Қайтпек керек?Күн тәртібіндегі бұл мәселе «Отбасы – тәрбие бесігі» атты кеңестің алғашқы отырысында қаралды. Ол Нартай Бекежанов атындағы қазақ академиялық музыкалық драма театрында өткен болатын. Келелі жиынға облыс әкімі Н.Нәлібаев, мемлекет және қоғам қайраткері Мұрат Бақтиярұлы, қала, ­аудан әкімдері, құқық қорғау органдарының басшылары және селекторлық режимде аудандық қоғамдық кеңес өкілдері, білім саласының қызметкерлері мен ата-аналар қатысты. Ал оған Шиелі ауданының түрлі сала ардагерлері мен қызметкерлері мәжіліс залында «ZOOM» қосымшасы арқылы байланысқа шығып үлгерді. Мақсат – өскелең ұрпақты жан-жақты дамытып, толыққанды тұлғаны қалыптастыру. Кеңес модераторы, облыстық «Аманат» партиясының төрағасы, тарих ғылымдарының кандидаты, доцент Наурызбай Байқадамов жаһандану дәуірінде әр халық, әр ұлт үшін дінін, тілін, мәдениетін, тарихын мейлінше сақтап қалудың зор маңызын атап өтіп, осы ретте отбасылық тәрбие ерекше рөл атқаратынын айтты.Қазақта «Қозысында уызға тоймаған, тоқтысында түртінуді қоймайды» деген тәмсіл бар. Сол секілді сәбиінде уызға жарымаған ұрпақтан ел қамын ойлайтын азамат шықпайтыны әмбеге аян. Расында, көзін ашқалы жоқшылық қамытын киіп, аш құрсақ өскен баланың болашағы да бұлыңғыр. Әр бала балалық дәуренін бақытты өткізуге құқылы. Ең бастысы – олардың тамағын тоқ, киімінің көк болып, сапалы біліммен қамтамасыз етіп, денсаулығын сақтау. Міне, сонда ғана өзінің жасына сай дамиды әрі қалыптасады. Бұл өте ауқымды кешенді жұмыстар мен мекемеаралық интеграциялық байланыстарды талап етеді.&nbsp;Өкінішке қарай, біздегі мемлекеттік мекемелердің мәліметтер базасы интеграцияланбауы себепті тұрмысы төмен отбасылар қараусыз қалып қоюда. Бұған кінәлі бір емес, бірнеше мекеме: денсаулық сақтау ұйымдары, білім беру мекемелері, әлеуметтік құрғау саласы, жергілікті учаскелік полиция мен ювеналды полиция өкілдері және бала құқығын қорғайтын қоғамдық ұйымдар. Сонымен қатар ата-ананың да өз жауапкершілігін дұрыс атқармауы және өз құрсағынан шыққан баланың өміріне салғырттықпен қарауы да себеп.&nbsp;Облыс әкімі Нұрлыбек Нәлібаев кездесуде аймақ басшысы ғана емес, әке ретінде ашық пікірлесу үшін келгенін айтып, өңірде балалар үшін атқарылған жұмыстарға тоқталған-ды.<blockquote>– Мемлекет басшысы 2022 жылды «Балалар жылына» арнап, айрықша маңыз берді. Мерейлі жылы жеткіншектерімізге бұрынғыдан да көбірек көңіл бөлуге, асқақ армандарына басқан қадамдарын демеуге күш салдық. Бүлдіршіндерге тарту ретінде аймақта демеушілердің қолдауымен құны 1,6 млрд теңгеге 80 балалар спорт-ойын алаңын пайдалануға бердік. Тек қаланың ортасында ғана емес, шеткері аймақтарда да ойын алаңдары салынды. 2022 жылы 19 балабақша ашылды. 2022 жылы 6 мектеп тапсырып, 2 апатты білім беру ұйымының мәселесін шештік. Жалағаш ауданында 250 орындық заманауи Оқушылар үйін ел игілігіне табыстадық. Үкімет басшысының Сыр еліне сапары барысында 300 орындық жатақханасы бар 400 орындық «физика-математика» бағытындағы мектеп-интернат, көпсалалы спорт кешенін салу жобасы қолдау тапты. Биыл «ҚазГерМұнай» компаниясы Қызылордада заманауи Оқушылар сарайының құрылысын бастайды. Алдағы жаңа оқу жылының қарсаңында 150 орындық екі мамандандырылған мектеп дарынды балаларды қабылдайды, – деді облыс әкімі.</blockquote>Айта кетейік, алдағы 3 жылда 64 балабақша ашу жоспарлануда. Осылайша, 11 мыңға жуық бүлдіршін мектепке дейінгі тәрбиемен қамтылады.Бұған қоса қоян жылында Жаңақорған, Шиелі, Қазалы, Арал аудандарында 940 орындық 4 жаңа мектеп пайдалануға берілмек. Ел Президентінің бастамасымен «Жайлы мектеп» ұлттық жобасы аясында 15 100 орынға арналған 21 мектеп салынады. Жалпы құны 100 млрд аса теңгені құрайтын бұл білім саласындағы бұрын-соңды болмаған үлкен жоба. Аймақта жеке мектептердің де үлесі артуда. Қазірдің өзінде өңірде 21 жеке мектеп жұмыс істесе, алдағы 3 жылда ­инвесторлар 12 мектеп салуға ниет білдірді. Өркенді өңірдегі жетістіктерді саралаған шаһар басшысы қоғамда белең алған интернетке тәуелділік, құмар ойынға салыну, оқушылар арасындағы әлімжеттік және өзге де мәселелердің кемшін тұстарды жіпке тізгендей айтып, облыс әкімі тиісті басқарма басшылары мен қала, аудан әкімдеріне балалардың бос уақытын тиімді өткізу және оларды толыққанды әлеуметтендіру іс-шаралар кешенін қолға алуды тапсырды.Білім беру ұйымдарындағы құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері туралы облыстық білім басқармасының басшысы Мейрамбек Шермағамбет тарқатып айтты. Балалардың бос уақытын қамту бағытында өңірде жалпы 61 мектептен тыс қосымша білім беру ұйымы, мектеп жанында 2170 спорттық секция және 1942 үйірме жұмыс істейді. Онда 156 764 бала қамтылған. Оқушылар қауіпсіз ортада өмір сүруі мақсатында аймақтағы барлық білім беру ұйымдары бейнебақылау жүйесімен 100% қамтылып, 170 мектепке полиция бөлімшелеріне қосылатын дабыл түймесін орнату үшін 97 млн теңге бөлінді. Барлық білім беру ұйымдарында дабыл түймесінің іске қосылуы осы жылы толықтай шешімін тапты.Қазіргі таңда кәмелетке толмаған жастардың арасында қылмыс, топтық төбелес, қыз бала арасындағы әлімжеттік, кибербуллингтің белең алуы тәрбие жұмыстарының әлсіз тұстарын көрсетуде. Кәмелеттік жасқа толмаған жастардың, студенттердің жасаған қылмыс пен құқықбұзушылықтың саны 36 процентке төмендепті. Дейтұрғанмен, жасөспірімдердің тәрбиесіне бос қарауға болмайды. Топтық төбелес, суицид, ерте жүктілік пен зорлық-зомбылықтың көріністерін барынша жоюға тырысу керек. Айта кетерлік бір жайт, кәмелетке толмағандар жасаған қылмыстың барлығы да сабақтан тыс уақытта орын алыпты. Демек, бұл жерде ата-аналардың қадағалауы мен бақылауы жеткіліксіздігі байқалады. Кәмелетке толмағандардың арасында 2022 жылы 12 айдың қорытындысы ­бойынша 8 аяқталған суицид тіркеліпті. Ол Арал, Жаңақорған, Шиелі, Қызылорда, Сырдария аудандарында орын алған. Және 5 ұмтылыс жағдай Қызылорда қаласы мен Шиелі аудандарында болыпты.&nbsp;Жоғарыда 8 жасөспірімнің өз-өзіне қол жұмсағанын ескерсек, ата-аналарға жауапкершілікті күшейту керек деген ой туады. Өйткені олар бала тәрбиесіндегі салғырттығы үшін әкімшілік жазаны ғана арқалап, айыппұл төлеп, құтылып жүр. Ата-ана жауапкершілігін арттыру үшін жазаны қатаңдатқан дұрыс сияқты. Себебі бала болашағы бәрінен қымбат.Қоса кеткен жөн, облыс халқының 39 проценті балалар. Сонымен қатар 24 315 бала көпбалалы, 30 994 аз қамтылған отбасында тәрбиелену үстінде. 6711 баланың мүмкіндігі шектеулі, 797-і ата-анасының қамқорлығынсыз қалған.&nbsp;<blockquote>– Сыр өңірінде халық саны 832 488 болса, оның 326 373 немесе 39%-і бала. Республикалық статистикаға сүйенсек, жыл сайын облыста 5000-ға жуық отбасы құрылады, 2000-ға жуығы ажырасады. Толық емес отбасында 16 636 бала тәрбиеленеді, – деді балалар құқығы мәселелері бойынша өңірлік уәкіл Жапырақ Ұзақбаева.</blockquote>

Шиелі: Бала болашағына бәрі жауапты

<a href="https://kyzylorda-news.kz/">Kyzylorda-news.kz</a> Өткен жыл – еліміз үшін тарихи жыл болды. Нақ осы датада Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты халыққа арнаған Жолдауын жариялады. Жаңа Жолдауда елімізде ақсап тұрған салалар жан-жақты қамтылды. Атап айтқанда, қоғам талабына сай елдің экономикасын дамыту, азаматтардың әлеуметтік әл-ауқатына басымдық беру, аумақтық даму, адамзатты алаңдатып отырған экология, жастар тәрбиесі секілді өзге де мәселелер тұздық болды.Президент Жолдауын шиеліліктерде ауызбіршілікпен тыңдап, онда көтерілген мәселелерді оң қабылдаған-ды. Жолдауда қойылған мақсат-міндеттерді орындауда жауапкершілік пен қойылған талаптың үдесінен шығу – қазіргі заманның өткір талабы болып отыр. Президент мемлекетіміздің болашағы – жас ұрпақтың болашағы үшін атқарылатын міндеттерге ерекше тоқталған болатын. Сондықтан бүгінгі жаһандану заманында ұрпағымыздың күш-жігері мен қызығушылығын дұрыс арнаға бұру үшін қоғам, ата-ана, мектептің өзара тығыз байланысы ауадай қажет. «Әділетті Қазақстанды құрамыз десек, саяси экономикалық реформаға жасау жеткіліксіз. Ең бастысы қоғамдық сана, азаматтардың ниеті өзгеру керек» деді Мемлекет басшысы.Көпшілікпен бірге Президент Жолдауын тыңдаған ауданның зиялы қауым өкілдері өз пікірлерімен бөлісіпте үлгерген-ді.<blockquote>– Президент қоғамдық сананы көтеру, білімін жетілдіру керектігін айтты. Бұл шындығында біздің халыққа керек дүние. Қазақ халқы үлкенді сыйлаған, кішіге қамқорлық жасаған, жетімін жылатпаған сондай тәрбиелі, ғибратты халық. Осы бағытта біз идеология мәселесіне мән беруіміз қажет, – деді Қазақстан Жазушылар одағының мүшесі, «Шарайна-Сейхун» газетінің бас директоры Нұрмахан Елтай.</blockquote>Ал білім саласының ардагері Нәйла Палымбетова болса, төмендегіше пікірін қосты:<blockquote>– Бұл Жолдауда білім саласына барынша назар аударылды. Өйткені, білімсіз ел ол – тоқырайтын ел. Бүкіл ұстаздарға өз кәсіби шеберліктерін ылғи дамыту керектегіне тоқталды. Мәселен, ол өз сөзінде 2020 жылдан бері мұғалімдердің жалақысы екі есеге көтеріліп, дәрігерлер айлығының айтарлықтай көбейгенін, қазір олардың табысы елдегі орташа жалақыдан әлдеқайда жоғары екенін және жұртқа зейнетақы жинағының бір бөлігін пайдалану мүмкіндігінің берілгенін, миллионға жуық адам осы жобаның игілігін көріп, баспаналы болып жатқанын атады. Сондай-ақ, Президент «Жайлы мектеп» жобасы аясында 400-ге жуық мектеп бой көтеріп, ауылдық жерде қазір 300-ден аса денсаулық сақтау нысаны салынып жатқанын, «Ұлттық қор – балаларға» жобасы қолға алынып, соның арқасында жаңа жылдан бастап балалардың есепшотына қаражат түсе бастайтынын және игерілмей жатқан немесе заңсыз берілген 8 миллион гектар жер мемлекет меншігіне қайтарылғанын тілге тиек етті. Әрине, мұның бәрі ел игілігі үшін жасалып жатқан жақсылықтар.</blockquote>Ауыл шаруашылығын дамытпай, бәсекеге қабілетті экономика құру мүмкін еместігін ауыл шаруашылығының мамандары жақсы түсінеді. Негізінен алғанда нарықтық экономикаға сәйкес жеке шаруашылық миллиондаған ауыл тұрғындарына табыс табуға мүмкіндік береді. Қарапайым ауыл еңбеккерлерінің ауыр жұмысы тым арзан бағаланатындығы аян. Жерді еміп өскен ауылдағылар үшін алдағы уақытта субсидия беру және салықтық жеңілдіктер ұсынатын бағдарламалар аясында тиісті шаралар топтамасын әзірлеу туралы тапсырмалар беріледі. Агроөнеркәсіп саласындағы негізгі міндеттер – әлеуметтік маңызы бар азық-түлік тауарларымен өзімізді толық қамтамасыз ету, ауыл тұрғындарының табысын арттыру, еңбек өнімділігін екі жарым есе көбейту, агроөнеркәсіп кешені өнімінің экспортын арттыру міндеттері де алдағы уақыттың еншісінде. Жолдаудан түйіндейтініміз, замана үздіксіз қозғалысты, мықты күш-жігерді, табанды еңбекті талап етіп отырғаны анық. Сол себепті жаңа жағдайдағы Қазақстанның жарқын келешегі еліміздің әрбір азаматының қажырлы да табанды еңбегіне байланысты болмақ.Мұнымен қатар елімізде суды үнемдейтін озық технологияны тездетіп енгізу қажет. Оның қолдану аумағын жыл сайын 150 мың гектарға дейін кеңейту керек. Президент суды ысырапсыз пайдалану үшін 20 жаңа бөген салып, кемінде 15 қойманы бастан-аяқ жөндеуді тапсырды.Ллпысты алқымдаған Архарбек Әбілдаев та Жолдауға қатысты өзіндік үнін қосты. 15 жылдан бері жерден өз несібесін жинап жүрген жан өз пікірін білдірді. Жаңа саяси құжатта Президенттің ушыққан мәселені дөп басқанына шексіз риза. Себебі биыл диқанның егіс алқабының тең жартысына жуығы ағын судың аздығынан қурап қалуға сәл-ақ қалған. Сондықтан су саласын реттеуге қатысты жаңа министрліктің құрылатыны бір әулетке біріккен диқандарды қуантып отыр.<blockquote>– Оған біз әрине, қуанып отырмыз. Біз сияқты шаруа қожалықтарға су ауадай қажет. Жыл сайын су тапшылығын тартамыз. Жаңа министр тағайындалса, енді су тапшылығы болмайды деген сенімдеміз, – деді Архарбек Әбілдаев.</blockquote>Ауыл шаруашылығын ғылыммен ұштастыру – экономиканы әртараптандырудың негізгі тетігі. Бұл Президент Жолдауын тыңдаған шиелілік жастардың пікірі. Ал ауданның зиялы қауым өкілдері – агросекторды қайта түлетуге теңдессіз мүмкіндік туып тұрғанын жеткізді. Бұл тұрғыда Мемлекет басшысы, заманауи ғылымға сүйенбесе, ауыл шаруашылығы құрдымға кетеді. Агроғылымды дамыту және ең бастысы, оны ауыл шаруашылығында іс жүзінде қолдану үшін шаралар қабылдау қажет деп қадап айтты.<blockquote>– Елімізді былай қойғанда, ауданымыздың өзінде талантты жастар өте көп. Олардың көбі қазақстандық қоғамнан өздерін көрсете алмағандықтан, өзінің ортасын таба алмағандықтан шетелге кетіп қалып жатыр. Осыған мейлінше ден қойып, ауыл шаруашылығын іс жүзінде кәдеге асыруға шаралар керек-ақ, – дейді Шиелі аудандық «Жастар ресурстық» ортылығының директоры Ержан Әбдешов.</blockquote>

Шиелі: Жаңа мүмкіндіктерге жол ашады

<a href="https://kyzylorda-news.kz/">Kyzylorda-news.kz.</a> &nbsp; Мемлекеттік кірістер комитеті "Қазақстан Республикасының өңірлерінде су тасқынынан зардап шеккен адамдар үшін салықтық әкімшілендіруді реттеудің өзге тәртібін белгілеу туралы" бұйрық дайындады, деп хабарлайды <a href="https://kaz.zakon.kz/kogam-tynysy/6041135-su-tasynynan-zardap-shekken-azastandytara-salytar-men-tlemderd-tleu-keynge-aldyrylady.html">Zakon.kz.</a>Құжатта жергілікті атқарушы органдар су тасқынынан зардап шеккендердің тізіміне енгізген салық төлеушілер үшін:Төлеу мерзімі 2024 жылғы 1 наурыздан бастап 30 маусымға дейінгі кезеңде басталатын, барлық салық және бюджетке төленетін басқа да міндетті төлемдер, сондай-ақ әлеуметтік төлемдер бойынша төлеу мерзімін 2024 жылғы 1 шілдеге дейін кейінге қалдыру ұсынылсын; 2024 жылғы 1 наурыздан бастап 30 маусымға дейінгі кезеңде басталатын салық есептілігін тапсыру мерзімдері 2024 жылғы 1 шілдеге ауыстырылсын; Мерзімінде орындалмаған салық міндеттемесінің орындалуын қамтамасыз ету және салық берешегін мәжбүрлеп өндіріп алу шараларын қабылдау 2024 жылғы 1 шілдеге дейін тоқтатыла тұрсын; Орындау мерзімі 2024 жылғы 1 наурыздан бастап 30 маусымға дейінгі кезеңде басталатын, камералдық бақылау нәтижелері бойынша мемлекеттік кірістер органдары анықтаған бұзушылықтарды жою туралы хабарламаны орындау мерзімі 2024 жылғы 1 шілдеге дейін ұзартылсын; Келесі кезекте, аталмыш мерзімге дейін тоқтатылады:- салықтық тексерулерді (кешенді, тақырыптық, қарсы, хронометраждық зерттеп-қарау) тағайындау;- мемлекеттік кірістер органдары жүзеге асыратын салықтық тексерулер жүргізу мерзімінің өтуі.Сурет: ҚР ТЖМ баспасөз қызметі

Су тасқынынан зардап шеккен қазақстандықтарға салықтар мен төлемдерді төлеу кейінге қалдырылады

<a href="https://kyzylorda-news.kz/">Kyzylorda-news.kz.</a> &nbsp;Шайбалы хоккейден Қазақстан әйелдер құрамасы әлем чемпионатының жеңімпазы атанды.&nbsp;Бұл туралы&nbsp;Stan.kz&nbsp;ақпарат агенттігі&nbsp;хабарлайды.Андорраның Канильо қаласында өткен шайбалы хоккейден әлем чемпионатында Қазақстан құрамасы ІІ дивизионда чемпион атанды. А тобында өнер көрсеткен құрамамыз барлық матчта жеңіске жетті. Шешуші ойында Испания құрамасына қарсы өткізген хоккейшілеріміз 5:3 есебімен жеңіске жетті. Осылайша Қазақстан құрамасы 1В дивизонына жолдама алды.Айта кетейік, Қазақстан құрамасының үш ойыншысы әлем чемпионатында үздік деп танылды. Арина Щеколова үздік қақпашы атанса, Александра Шегай үздік шабуылшы атанды.&nbsp;Фото:Icehockey.kz

Қазақстан және Қызылорда облысының жаңалықтары